<a href="https://kyzylorda-news.kz/">Kyzylorda-news.kz</a>.&nbsp; «AMANAT» партиясы облыстық филиалының Саяси кеңесі мен Саяси кеңес Бюросы мүшелері, партияның аумақтық филиалдарының Төрағалары мен Атқарушы хатшылары, бастауыш партия ұйымдарының жетекшілері мен белсенділері, мәслихаттардағы Фракциялар жетекшілері мен мүшелері және «Жастар Рухы» Жастар қанаты мен бұқаралық ақпарат құралдарының өкілдерінің қатысуымен партияның облыстық филиалының кезектен тыс XXXIIІ конференциясы өтті.&nbsp;Алқалы жиында Қызылорда облыстық мәслихатының №15 бірмандаттық сайлау округі бойынша депутаттыққа кандидат ұсыну және партияның облыстық филиалының Саяси кеңесі құрамына өзгерістер енгізу мәселелері қаралды.&nbsp;Ағымдағы жылдың 30 қаңтар күнгі облыстық мәслихаттың №76 шешіміне сәйкес облыстық мәслихат депутаты Аманжол Сақыпұлы Оңғарбаев Арал ауданы әкімінің лауазымына тағайындалуына байланысты оның депутаттық өкілеттігі мерзімінен бұрын тоқтатылған болатын. Осыған байланысты, «Қазақстан Республикасындағы сайлау туралы» Қазақстан Республикасы Конституциялық заңының 101-ші, 103-ші баптарына сәйкес, «AMANAT» партиясы» қоғамдық бірлестігінен Қызылорда облыстық мәслихатының №15 бірмандаттық сайлау округі бойынша депутаттық бос орынға кандидат ұсынылуы керек. Конференция барысында Партияның Қызылорда облыстық филиалы Саяси кеңесі Бюросының келісімімен, «AMANAT» партиясы» қоғамдық бірлестігінен Қызылорда облыстық мәслихатының №15 бірмандаттық сайлау округі бойынша депутаттыққа Мұсаева Гүлшат Исақызының кандидатурасы ұсынылып, делегаттар тарапынан бір ауыздан қолдау тапты.&nbsp;Қызылорда қалалық мәслихатының VII-ші шақырылымының депутаты болған, ал 2023 жылдың наурыз айында ҚР Парламенті Мәжілісі мен барлық деңгейдегі мәслихат депутаттарының сайлауына белсене қатысып, облыстық мәслихаттың партиялық резерв тізіміне енгізілген болатын.&nbsp;Мұнан соң «AMANAT» партиясы Қызылорда облыстық филиалының Саяси кеңес құрамына өзгерістер енгізіліп, Саяси кеңесінің құрамына «Қызылорда сушар» өндірістік учаскесінің бастығы, облыстық мәслихаттағы депутаттық фракцияның жетекшісі, облыстық партия филиалы жанындағы Экология жөніндегі кеңестің төрағасы Жорабек Ибрагимұлы Нұрымбетов сайланды.&nbsp;Жиын барысында партияның облыстық филиалының төрағасы Наурызбай Байқадамов сөз алып, Саяси кеңес құрамына сайланған партия белсендісін конференция делегаттарының атынан құттықтап, &nbsp;бүгінгі күнге дейін облыстық филиалдың Саяси кеңесі құрамында аймағымыздың дамуы жолында қызмет атқарып келген Аманжол Сақыпұлы Оңғарбаевқа партия филиалы мен конференция делегаттары атынан алғыс білдірді.Конференцияға өкілеттілік нормасына сәйкес 152 делегат сайланған болатын. Өңірде инфекциялық аурулардың таралуының алдын алу мақсатында конференция шақыру жөніндегі Саяси кеңесі Бюросы шешіміне сәйкес аудандардан 92 делегат конференцияға онлайн форматта қатысты.<img src="https://knadmin.beoblood.kz/uploads/786c7218_db9a_406d_8f5b_9884ae90d415_5d3e886232.jpg" alt="786c7218-db9a-406d-8f5b-9884ae90d415.jpg">

«AMANAT»: Кезектен тыс  XXXIIІ конференция  өтті

Мемлекет басқару ісіне ойы ұшқыр, білімі озық, сана-сезімі терең, нағыз отаншыл азаматтар көптеп келуі керек. Бұл туралы Мемлекет басшысы Қасым-Жомарт Тоқаев Президенттік жастар кадр резервінің форумында айтты.<blockquote>&nbsp;Президенттік жастар кадр резерві дәл осындай талапты жастарға бірегей мүмкіндік береді. Бүгінде резервте 400 маман бар. Соның 280-і, яғни 70 пайызы орталық және жергілікті атқарушы органдарда жауапты лауазымдарға тағайындалды. Бірқатары квазимемлекеттік секторда және бизнес саласында еңбек етіп жүр. Осы орайда мен Мемлекеттік қызмет істері агенттігінің бұрынғы төрайымы Анар Жайылғанова кезінде осы бастаманы жүзеге асыруға мол үлес қосқанын атап өткім келеді. Қазіргі таңда елімізде ауқымды реформалар жүзеге асырылып жатыр. Мемлекетімізді өркендету үшін жаңа, батыл қадамдар жасалуда. Сондықтан өздеріңіз сияқты еліміздің жалынды жастары осы өзгерістердің қозғаушы күшіне, мықты тірегіне айналуы керек деп санаймын, – деді Қасым-Жомарт Тоқаев.</blockquote>Мемлекет басшысы жуырда аймақтық жастар кадр резервіне іріктеу басталатынын мәлімдеді. Әкімдер оның ашық әрі әділ өтуін қамтамасыз етуге тиіс. Сонымен қатар кадрлық резервті жасақтау барысында әр облыстың әлеуметтік-экономикалық ерекшелігін ескеру маңызды.Президент мемлекеттік қызметшілерге тән жаңа мәдениет қалыптастыру, құндылықтарды өзгерту мәселесіне айрықша тоқталды.Оның айтуынша, барлық салада, әсіресе мемлекеттік органдарда заң мен тәртіп үстемдігі болуға тиіс.<blockquote>Заң мен тәртіп орнамаса, қазіргідей күрделі геосаяси жағдайда елімізді сақтап қалу қиын болады. Мұны бәрі түсінгені жөн. Тек мемлекеттік қызметшілер ғана емес, жалпы қоғам заңға бағынуға тиіс. Бұл демократия шектеледі деген сөз емес, керісінше, еліміздің егемендігін нығайтып, демократияны дамыта түседі, – деді Мемлекет басшысы.</blockquote>Қасым-Жомарт Тоқаевтың пікірінше, билік өкілдері әрдайым халықпен бірге, яғни азаматтармен тығыз байланыста жұмыс істеуі қажет. Кез келген мәселені уақытылы шешіп отыру – негізгі міндет. «Халық үніне құлақ асатын мемлекетте» дәл осындай құндылықтар орнығуы керек.

Әкімдер аймақтық жастар кадр резервіне іріктеудің ашық әрі әділ өтуін қамтамасыз етуі керек – ҚР Президенті

<a href="https://kyzylorda-news.kz/">Kyzylorda-news.kz</a>. Үкімет басшысы Олжас Бектенов «Жайлы мектеп» жобасын іске асыруда белгілі бір шикіліктер бар екенін айтты, деп хабарлайды El.kz&nbsp;&nbsp;ақпарат агенттігі.<blockquote>Үкіметтің кеңейтілген отырысында мемлекет басшысы ұлттық жобаны іске асыру барысын, әсіресе жер учаскелерін бөлу және жобалық құжаттаманы кешіктіру мәселелерін әділ сынға алды. Үкіметке барлық проблеманы тез арада жоюды тапсырды. «Самұрық-Қазына» қорының тарапынан мердігер ұйымдардың жұмысына тиісті бақылау жасалмай отыр. Сонымен қатар жекелеген өңірлерде әлі күнге дейін жер учаскелерін рәсімдеу және инженерлік-коммуникациялық инфрақұрылыммен қамтамасыз ету мәселелері шешілмей келеді, - деді Үкімет басшысы.</blockquote>Бектенов өңір әкімдері тарапынан болған формализм мен мәселені орталыққа ысыра салу әрекеті жобалау және құрылыс жұмыстарының кешігуіне әкеп соқтырғанын алға тартты. Салдарынан объектілер уақытында тапсырылмай қала ма деген қауіп те жоқ емес.<blockquote>Құрылыс материалдарын, жабдықтар мен жиһаздарды сатып алу ісіне барынша отандық өндірушілерді тарту қажет. Әрбір басшының тікелей есіне саламын – жайлы мектептердің құрылысы Үкіметтің қатаң бақылауында болады. Мемлекет басшысының жаңа форматтағы мектептер салу туралы тапсырмасын орындау үшін біз бар күшімізді жұмылдырып, тез қимылдауымыз керек. Осыған байланысты аталған жұмысқа тартылған барлық мемлекеттік органнан нақты іс-қимылдарды талап етемін. «Бірінші, «Самұрық-Қазына» қорына 1 қыркүйекке дейін 98 мектептің, ал осы жылдың соңына дейін қалған 119 мектептің пайдалануға берілуін қамтамасыз етуді тапсырамын, - деді ол.</blockquote>Премьер-министр бұл ретте жұмыс сапасы да ақсамауы керегін назарға алды.<blockquote>15 мамырға дейін барлық жобалау-сметалық құжаттаманы әзірлеуді және мемлекеттік сараптамадан өткізуді аяқтау қажет. Өңір әкімдері 15 наурызға дейін мектеп құрылысына арналған жер учаскелерін рәсімдеуге қатысты барлық проблеманы шешуі тиіс. Биыл пайдалануға берілетін мектептерге баратын жолдар мен инженерлік-коммуникациялық инфрақұрылымның құрылысын осы жылғы 1 тамызға дейін аяқтау қажет, - деді Олжас Бектенов.</blockquote>

Үкімет басшысы «Жайлы мектеп» жұмысын сынға алды

<a href="https://kyzylorda-news.kz/">Kyzylorda-news.kz</a>. Елімізде ауыл мұғалімдерінің жалақысы мен тарифтік ставкалары қалалық мұғалімдердің ставкаларымен салыстырғанда жиырма бес пайызға көтерілді. Депутат Қарақат Әбденнің айтуынша, бұл заң жобасынан тыс қалған мәселе бар, деп хабарлайды El.kz&nbsp;ақпарат агенттігі.Мәжіліс депутаты өз сауалында мәртебесі «қала» немесе «кент» мәртебесіне ие болған елді мекен мұғалімдерінің жағдайына тоқталды.<blockquote>Тұрғылықты халық саны орташа ауылдан аз болса да, мәртебесі «қала» немесе «кент» статусына ие болған елді мекен мұғалімдерінің жағдайы заңнамадан тыс қалған. Барлық критерий жағынан ауылдық елді мекендерге жататын кенттер мен шағын қалалардағы мұғалімдер заңда белгіленген 25 пайыздық қосымша төлем – «ауылдық коэфициентке» қол жеткізе алмай отыр. Яғни олар тұратын елді мекеннің әкімшілік мәртебесі қағаз жүзінде «қала» немесе «кент» болғанымен, іс жүзінде ол қала да, кент те емес, кәдімгі ауыл, - деді депутат.</blockquote>Сөзіне тұздық ретінде Ұлытау облысындағы бірнеше қаладағы мектеп мұғалімдерін келтірген. Себебі жалақысын арттыру үшін ұстаздар көрші ауылдардағы мектепке барып сабақ беретін көрінеді.<blockquote>Ұлытау облысы Қаражал қаласы тұрғындарының саны 8 мың адам, ал Жәйрем кентінде 9 мың халық тұрады. Осы елді мекендерден 20 шақырым жердегі «Жеңіс» ауылының мұғалімдері «ауылдық коэффициентті» алады. Ал облыс орталығы Жезқазғаннан 220 шақырым, Қарағандыдан 500 шақырым қашықта орналасқан Қаражал мен Жайрем кенттерінің мұғалімдері аталған үстемақылардан, тиісті әлеуметтік көмектен, қалалық емханаларға қаралу секілді тағы да басқа мүмкіндіктерден айырылған. Сол себепті де, мәселен, Жәйрем кентінің мұғалімдері көршілес ауылдарға жұмыс ауыстырады екен, - деді Әбден.</blockquote>Мәжілісменнің сөзіне қарағанда, «Ауыл» партиясы еліміздегі 10 мыңға адамға жетпейтін кенттер мен аудандық маңызы бар шағын қалалар бойынша мәселені мұқият зерттеген.<blockquote>Ұлттық статистика бюросының мәліметтері бойынша, елімізде халық саны 10 000 адамға жетпейтін 36 елді мекен – кенттер мен шағын қалалар есепке алынған. Ол жерде 70-тен астам жалпы білім беретін мемлекеттік мектеп бар. Өңірлердегі осындай кенттер мен қалалардың мұғалімдерін қолдау қажет деп есептейміз. Яғни шалғайдағы мектептердің барлық белгілері бар, концепцияға толықтай сәйкес келетін елді мекен мұғалімдеріне ауылдық коэффициент қолжетімді болу тиіс, - деген ұсынысын жеткізді.</blockquote>Қарақат Әбден, егер бұл ұсыныс оң шешімін тапса, кішкентай «кент», «қала» мәртебесі бар елді мекендердің әлеуметтік-экономикалық дамуына оң әсер етеді деп отыр.Сөз соңында премьер-министрдің орынбасары Тамара Дүйсеновадан әкімшілік мәртебесі «қала» не «кент» болғанына қарамастан, кәдімгі ауыл тірлігін кешіп отырған шалғайдағы елді мекен мұғалімдері үшін «ауылдық коэффициентті» енгізуді сұрады.

Қарақат Әбден «ауылдық коэфициенттен» қалыс қалған мұғалімдер мәселесін көтерді

<a href="https://kyzylorda-news.kz/">Kyzylorda-news.kz</a>. Қызылорда облысында мал шаруашылығын дамытуға қаржы көп бөлінгенімен мал саны көбеймеген деп хабарлайды Kyzylorda news ақпарат агенттігі.&nbsp; &nbsp;- «Ауыл аманаты» жобасы аясында 647 жобаның құжаттары тапсырылып, несие комитетімен 3 млрд теңгеге 406 жоба қаржыландырылды, оның ішінде несиелер 33 кооператив және 373 жеке кәсіпкерге берілді. Жеңіп алғандардың 28-30 пайызы мал шаруашылығын қолға алғысы келгендер. Соңғы жылдарға сараптама жасасақ, облысымызда малдың санын көбейтуге қаржы бөлінгенімен нәтижесі аз болып тұр. Яғни көршісінен сатып алу фактілері анықталды. Кәсіпкер шартты түрде сатып алуы мүмкін. Бір қорадан бір қораға көшкен сияқты ғой. Сол себепті биылғы жобаларға талап қойдық. Асыл тұқымды малдарды басқа облыстардан алу керек. Алдын ала келісім-шарттарын көрсетіп, содан кейін ақша аударылады. Бұл мал санының көбеюіне, азық-түлік бағасының тұрақтандыруына және мал басын асылдандыруға өз нәтижесін береді деп сенеміз, - деді «AMANAT» партиясы Қызылорда облыстық филиалының төрағасы Наурызбай Байқадамов.

Н.Байқадамов: Шаруашылықты дамытуға есіл қаржы бөлінгенмен, мал санында өзгеріс жоқ

<a href="https://kyzylorda-news.kz/">Kyzylorda-news.kz</a>. Германияның беделді ғылыми-сараптамалық орталығы – "Ғылым және саясат қоры" "Орта державалар – халықаралық саясаттағы маңызды факторлар" атты көлемді мақалалар жинағын шығарды.Онда Қазақстан алғаш рет орта державалар қатарына еніп отыр.Әдетте "орта державалар" ұғымы әлемдік саяси және экономикалық аренада маңызды рөл атқаратын мемлекеттерді білдіреді. Түркия, Израиль және Үндістан елдері кіретін "Ғылым және саясат қорының" орта державалар тізіміне Қазақстан алғаш рет енді.Бұл ұйымның Германия үкіметімен және парламентімен әріптестігін ескере отырып, Еуропалық одақ Орталық Азия елдеріне, атап айтқанда Қазақстанға көбірек назар аударуда деп болжауға болады.Қор мамандарының пікірінше, Қазақстан Орталық Азия мемлекеттері арасында өзінің сыртқы саясатымен ерекшеленеді. Бұл оны аймақтағы негізгі ойыншыға айналдырады.Сарапшылар Қазақстан өз амбициясын ерте кезеңде халықаралық саясатта жүзеге асыра алғанын мойындады. Мысалы, Қазақстан Еуропадағы Қауіпсіздік және Ынтымақтастық Ұйымына, БҰҰ Қауіпсіздік Кеңесіне төрағалық етті және Сирия қақтығысында келіссөздер алаңын ұсынды ("Астана процесі"). Мұнда Еуразияның бірқатар басқа ықпалды ұйымдарына мүшелік туралы да айтылады.Орталық Азиядағы көршілес нарықтарға қарағанда, Қазақстан 1990 жылдары бірінші кезекте мұнайдың бай қорларын барлау үшін Батыс инвесторларына ашылды. Нәтижесінде Еуропалық одақ Қазақстандағы ең ірі шетелдік инвестор және сыртқы сауданың 40% үлесімен елдің ең маңызды экономикалық серіктесі болып отыр.<blockquote>"Ғылым және саясат қорының" мақаласы еуропалықтарға өзгеріс туралы сигнал береді.&nbsp;Енді олар бұрын стратегиялық қашықта болған елдермен де санасуға мәжбүр болады, әйтсе де олармен серіктестік сол кезде де, қазір де экономикалық және саяси жағынан тиімді. Еуропалық Одақ елдерінің ақпараттық күн тәртібінде Қазақстан жаңа экономикалық және саяси әріптес ретінде ғана емес, инвестициялар үшін алаң ретінде де жиі байқалады деп күтуге болады. Оның кіріспесі Президент Қасым-Жомарт Тоқаевтың шетелдік сапарлары аясында басталып та кетті.&nbsp;Осылайша, 2023 жылғы жұмыс сапарлары кейбір еуропалықтардың санасында Қазақстанның идеологиялық көзқарастардан тыс өз мүдделерін сенімді қорғайтын және дипломатия өнері қажет болған жерде жауапкершілікті өз мойнына алуға дайын егемен ел ретіндегі бейнесін бекітіп үлгерді", - деп жазды sayasat.kz сайты.</blockquote>Зерттеушілер Украина шиеленісі Қазақстанға әртараптандыру тұрғысынан жаңа серпін берді деп есептейді. Бұған салынып жатқан жаңа көлік бағыттары, жаңартылатын энергия көздері мен қайта өңдеу өнеркәсібі секторына инвестициялар тарту жөніндегі ақпараттық науқан дәлел бола алады.Сарапшылар Қазақстанның әртараптандыруға ұмтылысында Қытайдың "Жібек жолына" ғана емес, ЕО-ның "Жаһандық қақпа" стратегиясына да сүйенетінінде қызығушылық танытуда.Осыған байланысты Қазақстан "Шығыс пен Батыс арасындағы көпір" ретінде өзінің географиялық және тарихи рөлін бекітеді.

Қазақстан алғаш рет әлемде "орта державалар" тізіміне енді

<a href="https://kyzylorda-news.kz/">Kyzylorda-news.kz</a>. Мәжіліс депутаты Нартай Аралбайұлы орман шаруашылығында қызметкерлердің жалақысы небәрі 9 мың теңгеге өскенін айтты, деп хабарлайды EL.kz ақпарат агенттігі.<blockquote>Семей орманындағы апаттан кейін 1 шілдеден бастап орманшылардың жалақысы көтеріледі делінді. Бірақ айналып келгенде Үкімет мүшелерінің сол кезде орманшыларға айтқан уәдесі өтірік болды. Ол артынша әшкере болды. Жазда орманшылармен кездескеннен кейін депутаттық сауал жолдадым. Сонда орман шаруашылығында жалақысы көтерілгендер тек басшылар, директорлар, орынбасарлары, инспекторлар мен инженерлер екенін белгілі болды, - деді мәжілісмен.</blockquote>Депутаттың сөзінше, Семей орманындағы апаттaн қаза тапқан орман шаруашылығындағы өрт сөндірушілерге, көлік жүргізушілері, трактор жүргізушілерінің жалақысына бір тиын да қосылмағаны анықталды.<blockquote>Сол кездегі депутаттық сауалыма Үкіметтен жауап келгенінде «олар штаттан тыс қызметкерлер, сондықтанда&nbsp; 2023 жылдың 1 шілдесінен бастап 1,7 салалық коэффициентпен өседі. 2025 жылы 2-ге өседі» деген. Бұл коэффициент есебінде жақсы шығар бірақ, санға салсақ өте ұят. Былтыр орман шаруашылығындағы өрт сөндірушілер 64 349 теңге алып жүрген. Орман шаруашылығының азаматтарынан сұрасам, 1 қаңтардан бастап 9 мың теңге қосылғанын айтты. 80 мың теңгеге жетпейтін ақша аламыз деп отыр. 2025 жылы қосса 164 808 теңге болады екен, оның пайызын алып тастасақ, 135 мың теңге алады. Бұл орманшылардың жұмысын бағаламаудың, неқұрайлы қарау деп білемін. Бұл бір отбасын асырауға жеткілікті ме? - деді Нартай Аралбайұлы.</blockquote>Депутаттың бұл сауалына Экология және табиғи ресурстар министрі Ерлан Нысанбев көктемде штаттан тыс қызметкерлердің де жалақысын көтеретінін және ол бойынша есеп дайындап жатқанын жеткізді.

Нартай Аралбайұлы: Семей орманындағы өрттен кейін тек басшылардың жалақысы жоғарылаған

<a href="https://kyzylorda-news.kz/">Kyzylorda-news.kz</a>. Қ.Тоқаев дәрігерлер, полицейлер, құтқарушылар және коммуналдық қызметтерге алғысын білдірді, - деп хабарлайды <a href="https://kaz.tengrinews.kz/">Tengrinews.kz</a> тілшісі Ақордаға сілтеме жасап.<blockquote>"Жуырда еліміздің бірқатар өңірінде табиғат тосын мінез танытып, жағдай қиындаған кезде жергілікті атқарушы биліктің, Төтенше жағдайлар министрлігінің және құқық қорғау органдарының қызметкерлері, медицина мамандары, коммуналдық қызмет пен автомобиль жолдарының жұмысын қамтамасыз ету саласының өкілдері, сондай-ақ басқа да азаматтар халықтың қамы үшін жанқиярлықпен еңбек етті", - делінген хабарламада.</blockquote>Президент Қасым-Жомарт Тоқаев олардың бәріне шын жүректен алғыс айтып, жылы лебізін білдірді. Еңбегі ерен бір топ азамат мемлекеттік наградаға ұсынылды.Фото: Ақорда

Қ.Тоқаев дәрігерлер, полицейлер, құтқарушылар және коммуналдық қызметтерге алғыс білдірді

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz.</a> Қазақстанда 2023 жылдың төртінші тоқсанында орташа атаулы жалақы 400 мың теңгеге жуықтады. Ең жоғары жалақы Атырау облысының тұрғындарына тиесілі: орташа табыс 600 мың теңгеге жуықтаған, - деп хабарлайды <a href="https://kaz.tengrinews.kz/">Tengrinews.kz</a> тілшісі Ұлттық статистика бюросына сілтеме жасап.</h4>Қазақстан Республикасы бойынша атаулы жалақының орташа мәні 2023 жылғы IV тоқсанда 393 605 теңге болған.<blockquote>"2022 жылдың тиісті тоқсанына қарағанда өсім 16,2 пайызға, нақты мәнде – 5,3 пайызға өсті. Жалақының медианалық мәні (жалақы қатарының орталық деңгейі) 2023 жылғы IV тоқсанда бағалау бойынша 259 463 теңге болды. 4-тоқсанда орташа жалақы мөлшерінің өсуі жыл қорытындысы бойынша қосымша төлемдер мен мерекелік сыйақылар есебінен еңбекақы қорының ұлғаюымен байланысты", - делінген хабарламада.</blockquote>2022 жылғы тиісті тоқсанмен салыстырғанда орташа айлық жалақының ең жоғарғы өсімі қаржы және сақтандыру қызметі – 29,7 пайыз, ақпарат және байланыс – 23,2 пайыз, өнер, ойын-сауық және демалыс – 20,8 пайыз, салаларында байқалды. Білім беруде орташа айлық жалақының өсуі 18,6 пайыз, денсаулық сақтау және халыққа әлеуметтік қызмет көрсетуде – 18,2 пайыз.<blockquote>"Өңірлік бөліністе 2022 жылғы тиісті тоқсанмен салыстырғанда орташа айлық атаулы жалақының ең жоғары өсімі Ұлытау облысында тіркелді – 23,5 пайыз. Ең төменгі өсімі Атырау облысында байқалды – 6,4 пайыз.Өңірлер арасындағы орташа айлық номиналды жалақының ең жоғары және ең төменгі мәндері арасындағы арақатынас 2023 жылғы IV тоқсанда 2,1 есе болды", - делінген хабарламада.</blockquote>Фото: Нұрболат Нұржаубай

Орташа жалақы 600 мың теңге: ең бай қазақстандықтар қайда тұрады?

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz.</a> Техникалық реттеу және метрология комитетінің Қызылорда облысы бойынша департаментінің 2023 жылғы қорытындысы бойынша бақылау және қадағалау функциясына сай 231 мемлекеттік бақылау жүргізілген. Осының нәтижесінде 211 заң бұзушылық анықталып, оны жою туралы нұсқама берілді. Бұл туралы Өңірлік коммуникациялар қызметінде өткен брифингте техникалық реттеу және метрология комитетінің Қызылорда облысы бойынша департаментінің басшысы Бауыржан Қарсақбаев мәлімдеді.</h4><blockquote>- Тексеріс жұмыстарын талдау барысында 24 заң бұзушылық метрология саласына қатысты екені белгілі болды. Одан бөлек жоспардан тыс - 6, қашықтықтан жүргізілген профилактикалық бақылау бойынша - 201, зергерлік бұйымдар саласында - 64, техникалық реттеу саласында - 23 бақылау жүргізілді. Тиісінше, тексеріс қорытындысында анықталған заң бұзушылықтарды жою туралы қажетті нұсқамалар берілді. Алдағы уақытта аталмыш заң бұзушылыққа жол берген кәсіпкерлік субъектілеріне ұдайы профилактикалық тексеріс жүргізіледі. Тағы бір айта кететін жайт, облыс тұрғындары автокөлік бекеттерінде жанар-жағармай мен сұйытылған газдың мөлшерден кем құю әрекеттеріне жол берілгендігі туралы біздің департаментке хабарласса дереу тексеріс жүргізетін боламыз. Сондай-ақ, азық-түлік тауарларынан басқа өнімдердің сапасына күмән туындаса немесе қазақ және орыс тілдерінде ақпараттардың қате деректері орын алған жағдайда біздің департаменттің көмегіне жүгінуге болатынын еске саламын, - деді Бауыржан Бақытбекұлы.</blockquote>

Тауар сапасына бақылау жүргізілді

<a href="https://kyzylorda-news.kz/">Kyzylorda-news.kz.</a> Ұлттық қауіпсіздік комитеті Кәрім Мәсімов пен оның бұрынғы орынбасарлары қайда екенін айтты, - деп хабарлайды <a href="https://kaz.tengrinews.kz/">Tengrinews.kz</a> тілшісі.Редакцияның ресми сауалына берген жауабында Ұлттық қауіпсіздік комитеті Сыбайлас жемқорлыққа қарсы қызметтің қаулысы негізінде прокуратураның санкциясымен Кәрім Мәсімов пен Дәулет Ерғожин қылмыстық іс бойынша Астанадағы ҰҚК тергеу изоляторында қамауда отырғанын хабарлады. Іс тергеліп жатыр.Өз кезегінде Әнуар Садықұлов пен Марат Осиповты ұстау орындары туралы ақпарат Ішкі істер министрлігінің құзырында, деп хабарлады Ұлттық қауіпсіздік комитеті.Еске салайық, 2023 жылы 24 сәуірде Астананың қылмыстық істер жөніндегі мамандандырылған ауданаралық соты ҚР Ұлттық қауіпсіздік комитетінің экс-төрағасы Кәрім Мәсімовке, Ұлттық қауіпсіздік комитеті төрағасының экс-орынбасарлары Әнуар Садықұлов, Дәулет Ерғожин, Марат Осиповке қатысты қылмыстық іс бойынша үкім шығарған болатын.Сот істі "Аса құпия" деген белгімен қарады. Кәрім Мәсімов ҚР Қылмыстық кодексінің 175-бабының 1-бөлігі, 179-бабының 3-бөлігі, 362-бабының 4-бөлігінің 3-тармағы бойынша кінәлі деп танылып, 18 жыл бас бостандығынан айырылды. Сонымен бірге мемлекеттік қызметте өмір бойы қызмет ете алмайды және мүлкі тәркіленеді.Кәрім Мәсімов бұған қоса, генерал шені мен мемлекеттік наградаларынан айырылды.

Кәрім Мәсімов пен оның орынбасарлары қайда?

Шиелі ауданының әкімі Нұржан Ахатов “Етене” бағдарламасында журналистің сауалына “өтірік айтпаймын” деп жауап беріпті.&nbsp;“Қандай кездер де өтірік айтасыз?” деген сұраққа әкімнің жауабы мынадай:<blockquote><ul><li>Өтірік айтпаймын. Ата-анамыздан алған тәрбиенің арқасында жалған сөздің соңы жақсылыққа апармайтынын біліп өстім. Барынша шындығымды айтамын. Болған нәрсені болды деген дұрыс. Ер адам болғаннан кейін қателікті мойындай білгенді жөн санаймын, - деді Шиелі ауданының әкімі Н.Ахатов.</li></ul></blockquote>

Қазақстан және Қызылорда облысының жаңалықтары: Саясат

«AMANAT»: Кезектен тыс XXXIIІ конференция өтті