Өздеріңізге белгілі 16 ақпаннан бастап «Әділетті және Прогрессивті Қазақстанның Халықтық Конституциясы үшін!» Жалпыұлттық коалициясының бастамасы аясында &nbsp;өңірлік коалиция өз жұмысын бастады.&nbsp;Қызылорда облысында коалиция бастамасы аясында 349 азаматты біріктірген 1 аймақтық және 8 аумақтық коалиция құрылды. Коалиция құрамына қоғамға танымал білім, ғылым, мәдениет, азаматтық сектор, бұқаралық ақпарат құралдары мен бизнес өкілдері, мәслихат депутаттары, белсенді жастар және «АМАNАТ», «Ақжол» Қазақстан демократиялық, «Қазақстан Халық», Ауыл, Respublika партия өкілдері енді. Олардың жанында үгіт-насихат жұмыстарын ұйымдастыруға 200-ден астам ерікті белсенді түрде қызмет атқарды.Бір айға жуық уақыт ішінде өңір көлемінде коалиция мүшелерімен 881 іс-шара ұйымдастырылып, 189 мыңнан астам сайлаушы қамтылды.&nbsp;Өңірімізге Жалпыұлттық коалиция өкілдерінің қатысуымен түрлі сала өкілдерімен кездесулер және 20 мыңға жуық қала тұрғыны мен қонақтарын біріктірген «Open air» шарасы ұйымдастырылды. &nbsp;Бұл мерекелік шара қоғамдық пікір мен азаматтық жауапкершіліктің символына айналды десек болады.&nbsp;Бүгін дауыс беру процесінің заңдылығы мен ашықтығын қамтамасыз ету мақсатында 699 байқаушы мен 368 мобильді капитаннан тұратын бақылау тобы жұмыс істеді.Бүгінгі референдум облыс көлемінде заң талаптарына толық сәйкес, ашық әрі әділ өтті деп сеніммен айта аламын. Сыр өңірінің тұрғындары жоғары азаматтық белсенділік танытып, ел болашағына бейжай қарамайтынын тағы бір мәрте көрсетті. Осы ретте, маңызды саяси науқанға белсенді қатысқан Сыр жұртшылығына, коалиция мүшелеріне және еріктілерге шынайы ризашылығымды білдіремін!Наурызбай Байқадамов, «Әділетті және Прогрессивті Қазақстанның Халықтық Конституциясы үшін!» өңірлік коалиция жетекшісі

Наурызбай Байқадамов: СЫР ЖҰРТШЫЛЫҒЫ РЕФЕРЕНДУМДА ЖОҒАРЫ БЕЛСЕНДІЛІК ТАНЫТТЫ

Республикалық референдумда дауыс беру аяқталды. Қызылорда облысында маңызды науқанда дауыс беруге келген азаматтардың белсенділігі жоғары болды. Сағат 20.00-ден кейін комиссия дауыстарды санау процесімен айналысуда. Заңға сәйкес олар дауыстарды 12 сағат ішінде санауға құқылы. Облыс бойынша 492 524 азамат дауыс беру құқығына ие азаматтардың тізіміне енді. Олардың ішінде 2637 азамат алғаш рет дауыс беру мүмкіндігін алды. Сонымен бірге сағат 20.00-ге дейін 225 азамат есептен шығару &nbsp;куәлігі бойынша дауыс берген. Дауыстарды санау процесін аккредиттеуден өткен байқаушылар бақылап отыр. Дауыстарды санау аяқталғаннан кейін хаттама толтырылады.

КОМИССИЯ МҮШЕЛЕРІ ДАУЫСТАРДЫ САНАУДЫ ЖҮРГІЗУДЕ

<a href="https://kyzylorda-news.kz/">Kyzylorda-news.kz</a> Қызылорда өңіріндегі барлық 378 референдум учаскесінде дауыс беру аяқталды. Енді учаскелік референдум комиссияларының мүшелері дауыстарды санау процесіне көшеді.Айта кетейік, заңға сәйкес дауыстарды санау 12 сағат ішінде жүргізіледі.&nbsp;Еске салайық, Қызылорда өңірінде 378 референдум комиссиясы құрылды. Мұнда 2642 комиссия мүшесі қызмет атқарды.

Учаскелерде дауыс беру аяқталды

<a href="https://kyzylorda-news.kz/">Kyzylorda-news.kz</a> Қызылорда өңірінде референдум процесі заң талаптарына сай өткізілуде.Процесстің барлығын аккредиттеуден өткен байқаушылар, БАҚ өкілдері бақылап қарауда. Қазіргі таңда облыс бойынша қандай да бір өрескел заң бұзушылықтар анықталмады.Қызылорда облысы бойынша дауыс беру басталған сәттен бері республикадан аккредиттелген 6 ұйымнан 1016 азамат, облыстан аккредиттелген 19 ұйымнан 1617 азамат референдумға байқаушы ретінде қатысып отыр. Барлығы 2633 байқаушы қатысып отыр.Сонымен қатар, учаскелерде науқанның өту барысын бұқаралық ақпарат құралдарының өкілдері де ақпараттандыруда.Айта кетейік, дауыс беру 20.00-ге дейін жүзеге асады.

Референдум процесін 2 633 байқаушы бақылап отыр

<a href="https://kyzylorda-news.kz/">Kyzylorda-news.kz</a> Дауыс беру уақыты аяқталуға жақындағанына қарамастан, белсенді тұрғындар референдум учаскелеріне келіп, өз таңдауларын жасап жатыр. Бұл ретте Қазалылық жастар да азаматтардың дауыс беруге қатысуына қолайлы жағдай жасап, белсенділік &nbsp;көрсетуде.Атап айтқанда, Әйтеке би кенті мен Қазалы қаласы бойынша арнайы автоволонтерлер ұйымдастырылып, тұрғындарға көмек көрсетілуде. Автоволонтерлер өз көліктерімен тұрғындарды дауыс беру учаскелеріне тегін тасымалдап, олардың азаматтық борыштарын орындауына мүмкіндік жасап отыр. Бұл бастама әсіресе қарт адамдар мен көлігі жоқ тұрғындар үшін үлкен көмек болып, көпшіліктің алғысына бөленуде.Әрбір сайлау науқанында игі дәстүрге айналған бұл бастама биылғы маңызды саяси шара барысында да жалғасын тауып, жастардың қоғам өміріне бейжай қарамайтынын тағы бір мәрте көрсетті.&nbsp;<blockquote>– «Қоғамға пайдамыз тисе – біз үшін үлкен мәртебе. Осындай игі бастамаларды әр сайлау сайын жалғастырып, халыққа қолдау көрсетуді өзіміздің азаматтық міндетіміз деп білеміз», – дейді волонтер жастар. Жастардың бұл бастамасы аудан тұрғындарының белсенділігін арттырып қана қоймай, қоғамдағы ынтымақ пен жауапкершіліктің нығаюына да өз үлесін қосуда.</blockquote>

Қазалылық жастар азаматтардың  дауыс беруге қатысуын қолдайды

<a href="https://kyzylorda-news.kz/">Kyzylorda-news.kz</a> Қармақшы ауданы III Интернационал ауылындағы мәдениет үйінде орналасқан №106 референдум учаскесі тұрғындарға ұлттық тағамдармен таныстыру және дәстүрлі мәдениетті дәріптеу мақсатында мерекелік жәрмеңке өткізді.Шара барысында ауыл тұрғындары мен қонақтары түркі халықтарының дәстүрлі тағамдарын дәмін татып, ұлттық мәдениетке деген қызығушылығын арттырды.Айта кетсек, бұл елді мекен – көп ұлтты және бірлікте өмір сүретін тұрғындары бар ауданның маңызды орталығы ретінде есептеліп келеді.

Ұлттық тағамдар жәрмеңкесі: III Интернационал ауылында

<a href="https://kyzylorda-news.kz/">Kyzylorda-news.kz</a> Қызылорда қаласында референдумға мүгедектігі бар азаматтар да белсенді түрде қатысуда. Олардың дауыс беру процесіне қолайлы қатысуы үшін арнайы жағдайлар жасалып, инватакси қызметі ұйымдастырылған. Осы қызметтің көмегімен азаматтар №366 референдум учаскесіне келіп, өз таңдауларын білдіруде.Инватакси мүгедектігі бар азаматтардың учаскеге кедергісіз жетуіне мүмкіндік беріп отыр. Учаскеге келген азаматтарды арнайы қызметкерлер қарсы алып, қажетті көмек көрсетуде. Сонымен қатар, ғимарат ішінде пандустар орнатылып, дауыс беруге арналған арнайы кабиналар қарастырылған. Бұл шаралар олардың дауыс беруіне барынша қолайлы жағдай жасауға бағытталған.Мүгедектігі бар азаматтар үшін референдумға қатысу – өз құқықтарын жүзеге асырудың маңызды көрінісі. Олар өз дауыстары арқылы елдегі маңызды қоғамдық шешімдерге қатысып, мемлекет өміріне белсенді араласуда.№366 учаскеге келген азаматтар да референдумға қатысу әрбір қазақстандықтың міндеті екенін айтып, қоғамда тең мүмкіндіктердің болуы өте маңызды екенін атап өтуде. Осындай қолдау мен жағдайлардың арқасында мүгедектігі бар азаматтар да ел болашағына қатысты маңызды шешімдерге өз үлестерін қосуда.

Ерекше қажеттілігі бар азаматтар өз таңдауын жасады

<a href="https://kyzylorda-news.kz/">Kyzylorda-news.kz</a> Референдум күні тұрғындардың белсенділігін арттыру мақсатында референдум учаскелері орналасқан ғимараттардың алдында халықтық викториналар өткізілді. Шара барысында қатысушылар еліміздің тарихы, мемлекеттік рәміздер, ұлттық дәстүрлер мен қоғамдағы маңызды оқиғалар жөнінде білімдерін сынап, белсенділік танытты. Қатысушылар арасында студенттер, жастар және қала тұрғындары ерекше қызығушылықпен қатысып, өзара пікір алмасып, білімдерін ортаға салды. Іс-шараның қорытындысында жеңімпаздар арнайы марапаттарға ие болды. Ұйымдастырушылар тарапынан белсенді қатысқан тұрғындарға алғыс айтылып, жеңімпаздарға сыйлықтар табысталды. Бұл бастама референдум күні мерекелік көңіл-күй қалыптастырып, тұрғындардың қоғамдық шараларға белсенді қатысуына мүмкіндік берді.

Референдум учаскесінде халықтық викториналар ұйымдастырылды

<a href="https://kyzylorda-news.kz/">Kyzylorda-news.kz</a> Қармақшы ауданы Жосалы кентіндегі #27 орта мектебінде орналасқан №95 референдум учаскесі алдында жергілікті өнерпаздар мен шығармашылық ұжымдардың концерті ұйымдастырылды. Сонымен қатар радиоконцерт арқылы тұрғындарға көтеріңкі көңіл-күй сыйлануда.Шара барысында қатысушылар ұлттық әндер мен күй тыңдап, жергілікті өнерпаздардың шығармашылық өнерін жақсы әсермен тамашалады.<img src="https://knadmin.beoblood.kz/uploads/Referendum_2026_V_Karmakshinskom_rajone_naczionalnyj_hudozhestvennyj_konczert1_59a6c87c31.jpg" alt="Референдум-2026 В Кармакшинском районе – национальный художественный концерт1.jpg">

Референдум-2026: Қармақшыда ұлттық өнер керуені өтті

<a href="https://kyzylorda-news.kz/">Kyzylorda-news.kz</a> Бүгін республикалық референдум күні Шиелі аудандық көпбейінді ауруханасының перзентхана бөлімінде төрт сәби өмір есігін ашты. Олардың екеуі ұл, екеуі қыз бала.Дәрігерлердің айтуынша, қазіргі уақытта аналар мен нәрестелердің жағдайы бірқалыпты. Барлығы медициналық бақылауда болып, тиісті ем-домдарын алуда.Сонымен қатар, аурухана аумағында ұйымдастырылған жабық референдум учаскесінде ем қабылдап жатқан 115 тұрғын дауыс беріп, өздерінің азаматтық таңдауын жасады. Референдум комиссиясы барлық қажетті шараларды қабылдап, ем алушылардың конституциялық құқықтарын жүзеге асыруына толық жағдай жасады.Айта кету керек, республикалық референдум – ел өміріндегі маңызды саяси оқиғалардың бірі. Ол азаматтарға мемлекет болашағына қатысты маңызды шешімдерге тікелей қатысуға мүмкіндік беріп, қоғамдағы азаматтық белсенділікті арттыруға ықпал етеді.

Шиеліде референдум күні 4 сәби дүниеге келді

<a href="https://kyzylorda-news.kz/">Kyzylorda-news.kz</a> Жалағаш кентіндегі №131 референдум учаскесінде 95 жастағы қария Мыңбай Байтынов республикалық референдумда өз таңдауын жасап, елдік іске белсенділік танытты.Ғасыр ғұмырдың белесіне таяған ақсақал маңызды саяси науқаннан шет қалмай, азаматтық жауапкершіліктің жарқын үлгісін көрсетті. Ел ағасы ел болашағына қатысты мұндай маңызды қадамдардың әрбір азамат үшін айрықша мәні бар екенін атап өтті. Сондай-ақ мемлекет игілігі үшін жүзеге асып жатқан бастамаларға сәттілік тілеп, елдің амандығы мен берекесі үшін ақ батасын берді.Сайлау учаскесінде ақсақалға ерекше құрмет көрсетіліп, иығына шапан жабылды. Бұл – үлкенге деген құрмет пен ел ағаларына деген ілтипаттың белгісі.Қазыналы қарияның бұл ісі кейінгі ұрпаққа өнеге болып, елдік мәселелерге бейжай қарамай, қоғамдық маңызды шараларға белсене қатысудың маңызын айқын көрсетеді.

95 жастағы қария референдумда өз таңдауын жасады

<a href="https://kyzylorda-news.kz/">Kyzylorda-news.kz</a>&nbsp; Арал ауданында өтіп жатқан референдум аясында аудан тұрғындары белсенділік танытып, өздерінің азаматтық ұстанымдарын білдіруде. Солардың бірі – дәрігерлер әулеті саналатын Кемаловтар отбасы. Төрт адамнан тұратын отбасы мүшелері сайлау учаскесіне бірге келіп, ел болашағына қатысты маңызды саяси науқанда өз таңдауларын жасады.Кемаловтар отбасы медицина саласында ұзақ жылдар қызмет етіп, аудан тұрғындарының денсаулығын қорғауға үлес қосып келеді. Отбасы мүшелері референдумға қатысу – әр азаматтың маңызды міндеті екенін атап өтті. Олар мұндай тарихи шешімдерге бейжай қарамай, елдің дамуына өз үлесін қосу қажет екенін жеткізді.Аудан тұрғындарының белсенді қатысуы референдумның маңыздылығын айқындай түсуде.

Қазақстан және Қызылорда облысының жаңалықтары: Референдум