<a href="https://kyzylorda-news.kz/">Kyzylorda-news.kz</a> Қызылорда облысы Полиция департаменті жол қауіпсіздігін қамтамасыз ету бағытында ауқымды жұмыстар атқаруда. Биылғы жылдың жетістігі деп жол-көлік оқиғаларын болдырмау мақсатында құқық бұзушылықтарды автоматты түрде анықтайтын 124 дана құрылғылар штаттық режимде жұмыс жасауын айтуға болады. “Үнсіз күзетші” бүгінге дейін 7 мыңға жуық құқық бұзушылықтарды анықтаған. Бұл туралы Қызылорда облысы Полиция департаментінің Әкімшілік полиция басқармасы бастығының орынбасары Нүркен Бақтияров мәлімдеді.<img src="https://knadmin.beoblood.kz/uploads/nsiz_k_zetshi_zholda_y_t_rtip_k_shejdi_30f23fafcb.jpg" alt="“Үнсіз күзетші” жолдағы тәртіп күшейді.jpg"><blockquote>- Қызылорда қаласынан - Ақтөбе облысының шекарасына дейінгі аралықта орналасқан 6 дана стационарлық бақылау аркаларға орташа жылдамдықты өлшеу құрылғылары іске қосылды. Сонымен қатар, республикалық маңызы бар автомобиль жолдарында бақылауды күшейту мақсатында жақын орналасқан 32 елді мекеннің учаскелік полиция инспекторлары қызметтік автокөліктерімен күн сайын сағат 12:00–13:00 және 19:00–22:00 аралығында қосымша күш ретінде кезекшілікке бекітілді. Республикалық маңызы бар автожолдардың бойында үй жануарларының қатысуымен орын алатын жол-көлік оқиғаларының алдын алу мақсатында жергілікті атқарушы органдарымен бірлесіп, бақташылардың санын және үй жануарларын уақытша қамауға арналған орындарды көбейтіп, одан бөлек үй жануарларына жарық қайтарғыш алқаларын тағу мақсатында иелерімен жиналыстар жүргізілуде. Сондай-ақ, республикалық маңызы бар автомобиль жолдарының бойында жүргізушілерді ескерту мақсатында қауіпті аймақтар мен үй жануарлары шығуы мүмкін 51 аумақ бойынша мәліметтерді «Яндекс» навигациялық қосымшасына енгізу жөнінде ұсыныс берілді.Автожолдың бойында өрескел құқық бұзушылықтарды анықтау яғни, жолдың қарсы бағытына шығудың, маневр ережелерін бұзудың және басқа да құқық бұзушылықтарды анықтау мақсатында департамент теңгеріміндегі 4 дана және одан бөлек қосымша «Қазақтелеком» мекемесінің қолдауымен 2 дана ұшқышсыз ұшу аппараттарын қолданысқа беріліп, жұмыстар жүргізілуде,- деді Нүркен Пралиұлы.</blockquote>Мерей ЖалғасбекҚорқыт ата атындағы Қызылорда университетінің 4 курс студенті&nbsp;Фото: Polisia.kz

“Үнсіз күзетші”: жолдағы тәртіп күшейді

<a href="https://kyzylorda-news.kz/">Kyzylorda-news.kz</a> &nbsp;Облыс әкімінің тапсырмасына сәйкес, қала көлемінде кәмелетке толмағандар арасындағы құқықбұзушылықтың алдын алу, қоғамдық тәртіпті сақтау бағытында түнгі рейдтік іс-шаралар жүйелі түрде ұйымдастырылып келеді.Аралау барысында саябақтар, компьютерлік клубтар, ойын-сауық, қоғамдық тамақтану нысандары мен көпшілік жиналатын орындар қамтылды. Кәсіпкерлік нысан иелеріне алкогольдік өнімдерді сатудың заңдылықтары, тұрғындарға санитарлық тазалықты сақтау мәселесі және кәмелетке толмағандарға арналған шектеулер кеңінен түсіндірілуде.<img src="https://knadmin.beoblood.kz/uploads/V_Kyzylorde_provodyat_profilakticheskie_nochnye_rejdy_3a02a5898d.jpg" alt="В Кызылорде проводят профилактические ночные рейды.jpg">Айта кету керек, аталған рейдке қала әкімінің орынбасары Ділмұхамед Абызов, прокуратураның, қалалық полиция басқармасының, білім бөлімінің қызметкерлері, қалалық мәслихаттың депутаттары, жастар, бұқаралық ақпарат құралдары өкілдері мен белсенді ата-аналар жұмылдырылған.

Қызылордада түнгі профилактикалық рейдтер жүргізілуде

<a href="https://kyzylorda-news.kz/">Kyzylorda-news.kz</a> Шиелі ауданы әкімдігінің мәжіліс залында «Конституцияның жаңа жобасын ақпараттандыру және сүйемелдеу бойынша атқарылып жатқан жұмыстар туралы» тақырыпта жиын өтті.Жиынға&nbsp;Шиелі&nbsp;ауданының әкімі Айтбай Жандарбеков төрағалық етті.Жиын барысында аудан әкімі Мемлекет басшысы Қасым-Жомарт Тоқаевтың бастамасымен жүзеге асырылып жатқан Конституциялық реформаның маңызына тоқталып, жаңа Ата Заң жобасын халық арасында кеңінен түсіндіру, азаматтардың ұсыныс-пікірлерін жинақтау және қоғамда құқықтық мәдениетті арттыру бағытында атқарылып жатқан жұмыстарды атап өтті.Өз сөзінде аудан әкімі Конституция – елдің құқықтық негізі, мемлекеттің басты тірегі екенін, ал жаңа жоба адам құқықтарын қорғауды күшейтуге, әділетті қоғам қалыптастыруға және заң үстемдігін нығайтуға бағытталғанын жеткізді. Сонымен қатар тұрғындармен кері байланысты күшейтіп, жаңа Конституция жобасын талқылау жұмыстарына барлық мекемелер мен қоғамдық ұйымдарды белсенді қатысуға шақырды.Алқалы жиында, аудандық мәслихат төрағасы Мұрат Тұрабаев Конституцияның жаңа жобасы бойынша жүргізіліп жатқан ақпараттық-түсіндіру жұмыстары туралы баяндама жасап, алдағы кезеңге арналған жоспарларымен бөлісті.Сондай-ақ аудандық ардагерлер кеңесінің төрағасы Өркен Исмайл сөз сөйлеп, Конституциялық реформаның тарихи маңызын атап өтіп, қоғамның барлық буыны, әсіресе ардагерлер мен зиялы қауым өкілдері халық арасында түсіндіру жұмыстарын күшейтуге дайын екенін жеткізді.Жиын қорытындысында қатысушылар жаңа Конституция жобасын түсіндіру бағытындағы жұмыстарды жүйелі түрде жалғастыру, тұрғындармен ашық диалог орнату және халықтың ұсыныстарын тиісті органдарға жолдау жөнінде ортақ пікірге келді.

Конституциялық реформаны ақпараттандыру мәселелері қаралды

<a href="https://kyzylorda-news.kz/">Kyzylorda-news.kz</a> Есірткіге қарсы профилактикалық іс-шаралар аясында «Есірткіге жол жоқ!» тақырыбында көрме әзірлеу байқауы өтті. Байқаудың негізгі мақсаты – жасөспірімдер арасында саламатты өмір салтын насихаттау, есірткінің зияны туралы түсінік қалыптастыру және шығармашылық арқылы қоғам назарын өзекті мәселеге аудару.&nbsp;Байқау шарттарына сәйкес қатысушылар «Есірткіге жол жоқ!» ұранымен тақырыптық көрме әзірлеп, оны таныстырып, қысқа бейнеролик пен фотоматериалдар түсірді, сондай-ақ түсірілген видео мен фотоларды Instagram және Facebook әлеуметтік желілеріндегі оқу орындарының ресми парақшаларында жариялады.&nbsp;<img src="https://knadmin.beoblood.kz/uploads/Konkurs_antinarkoticheskih_vystavok_2_5204dd7c5d.jpeg" alt="Конкурс антинаркотических выставок (2).jpeg">Ұсынылған жұмыстарды білім бөлімдері іріктеуден өткізіп, үздік деп танылған 33 жұмысты Қызылорда облысы Полиция департаментінің Есірткі қылмысына қарсы іс-қимыл басқармасына жолдап, облыстық кезеңге қатысуға мүмкіндік берді.&nbsp;Байқау қорытындысы бойынша: І орынға - &nbsp;Қармақшы ауданы №183 орта мектебі, Қызылорда қаласы №176 орта мектебі және Қызылорда қаласы №12 орта мектебі ие болды. ІІ орынды - Қармақшы ауданы №30 орта мектебі мен Шиелі ауданы №152 орта мектебі жеңіп алды. ІІІ орын - Арал ауданы №292 орта мектебіне, Қазалы ауданы №226 мектеп-гимназиясына, Шиелі ауданы №48 мектеп-лицейіне, Қазалы ауданы №266 мектеп-лицейіне және Жаңақорған ауданы №289 орта мектебіне берілді.&nbsp;Аталған байқау жас ұрпақтың есірткіге қарсы көзқарасын қалыптастыруға, олардың белсенділігін арттыруға және қоғамда саламатты өмір салтын кеңінен насихаттауға бағытталды.

«Есірткіге жол жоқ!» тақырыбында байқау өтті

<a href="https://kyzylorda-news.kz/">Kyzylorda-news.kz</a> Конституциялық реформа жөніндегі комиссияның кезекті отырысында Қазақстан Республикасындағы Бала құқықтары жөніндегі уәкіл Динара Зәкиева тұрғын үй құқығы мен балалардың мүддесін қорғау бөлігінде конституциялық кепілдіктерді күшейтуге бағытталған бастама көтерді.<blockquote>«Бүгін таңертең Үкіметтің кеңейтілген отырысында Қазақстан Республикасының Президенті Қасым-Жомарт Кемелұлы Тоқаев азаматтарды негізсіз тұрғын үйден шығарудан және баспанасынан айырылудан қорғау кепілдіктерін күшейту қажеттігіне ерекше назар аударды. Тұрғын үйге құқық – бұл әлеуметтік кепілдік қана емес, әсіресе балалар туралы сөз болғанда, адамның қауіпсіздігінің негізгі шарты», – деді спикер.</blockquote>Өз сөзінде Динара Зәкиева халықаралық стандарттарға сәйкес, балалар өмір сүру, даму және өз құқықтарын қорғау үшін ең қолайлы жағдайларға құқылы екенін жеткізді.<blockquote>«БҰҰ Бала құқықтары туралы Конвенциясында әрбір баланың физикалық, зияткерлік, рухани, адамгершілік және әлеуметтік дамуына жеткілікті өмір сүру деңгейіне құқығы бекітілген. Бұл – қауіпсіз әрі тұрақты баспананың болуын көздейді. Бала үшін тұрғын үй – оның әл-ауқаты мен мүдделерін қорғаудың негізгі факторларының бірі», – деді ол.</blockquote>Сонымен қатар тұрғын үй қатынастары саласында азаматтардың құқықтары бұзылу қаупі ерекше айқын көрініп отырғаныда айтылды. Спикердің мәлімдеуінше, құқық қолдану тәжірибесі бұған дәлел екен. Өйткені азаматтардың құқықтарын шектеуге байланысты әлеуметтік тәуекелдер дәл осы тұрғын үй қатынастарының үйден шығару мәселелері туындаған кезде айқын байқалады.Динара Зәкиева өз қызметі барысында түрлі қайғылытұрмыстық ахуалдар салдарынан балалардың жалғыз баспанасынан айырылу қаупіне тап болатын жағдайларға бірнеше рет кезіккенін айтты.<blockquote>«Балалардыңөзінің жалғыз асыраушысы – анасынан айырылатын жағдайды мысалға келтірейін. Анасы көзі тірісінде баспанаға алынған ипотекалық несиенің едәуір бөлігін өтеген болатын. Соған қарамастан, бұрын төленіп қойған қаражат қайтарылмайтын жағдайда балалардың жалғыз баспанасынан айырылу қаупі туындады. Біздің өтінішіміздің нәтижесінде банк қалған қарызды кешіру туралы шешім қабылдады. Алайда, мұндай оқиғаларөкінішке қарай, сирек емес», – деді Бала құқықтары жөніндегі уәкіл.</blockquote>Осыған байланысты адам өміріндегі маңызды және баланың ең қажетті мүдделерін сот тарапынан ескерусіз қалдырып, тұрғын үйден айыратын жағдайларға жол бермейтін кепілдіктерді бекіту қажет.Бұл тұрғыда ол нақты конституциялық норма ұсынылып отырғанын атап өтті.<blockquote>«Осыған орай, азаматтарды тұрғын үймен қамтамасыз ету үшін жағдай жасау жөніндегі мемлекеттің міндетімен қатар, Қазақстан Республикасының Конституциясында тұрғын үйден сот шешімінсіз шығаруға жол берілмейтіні туралы норманы бекітуді ұсынамыз», – деді спикер.</blockquote>Сөз соңында ол ұсынылып отырған норма әлеуметтік мемлекеттің құндылық бағдарларын айқындайтынына назар аударды. «Тұрғын үйден сот шешімінсіз шығаруға жол берілмейтіні туралы норманың Конституцияда көрініс табуы – әлеуметтік мемлекеттің кемелдігін және адамның қадір-қасиетіне деген құрметті көрсетеді», – деп түйіндеді Динара Зәкиева.

«Тек сот шешімімен ғана» – Қазақстанда тұрғын үй құқығына кепілдікті конституциялық деңгейде күшейту ұсынылды

<a href="https://kyzylorda-news.kz/">Kyzylorda-news.kz</a> Адам құқықтары жөніндегі уәкіл Артур Ластаев адамның тұрғын үйге деген іргелі құқығын конституция деңгейінде қорғау қажеттігі туралы пікір білдірді. Осы тұрғыда ол Ата Заңдасот шешімінсіз тұрғын үй құқығынан айыруға ғана емес, сондай-ақ баспанадан сот шешімінсіз шығаруға да жол берілмейтіні туралы норманы бекітуді ұсынды.Ластаевтың айтуынша, тұрғын үй базалық құндылық ретінде Адам құқықтарының жалпыға бірдей декларациясында және Экономикалық, әлеуметтік және мәдени құқықтар туралы пактіде бекітілген. Алайда оны тек мүліктік санат ретінде қарастыру – үлкен қателік.<blockquote>«Адам үшін ең маңыздысы не? Ол ешбір себепсіз баспанасынан қуылып кетпейтініне сенімді болғысы келеді. Конституцияда тұрғын үй құқығын қорғау кепілдіктерін бекіту еліміздің әлеуметтік әрі құқыққорғау сипатын, азаматтардың құқықтары мен бостандықтарының бұлжытпай сақталатынын айғақтайды. Бұл біз үшін аса маңызды. Өйткені мемлекет рәміздер үшін емес, оның құрамындағы әрбір адам үшін өмір сүреді. Адамға бағдарлану биліктің әрбір шешімі мен іс-әрекетінен көрініс табуы тиіс», – деді Адам құқықтары жөніндегі уәкіл.</blockquote>Ол сондай-ақ жаңа Конституция жобасы қоғамның нақты сұраныстарын ескере отырып, азаматтардың құқықтары мен мүдделерін қорғаудың анағұрлым орнықты әрі ашық жүйесін қалыптастыратынын атап өтті. Бұл құжатты жалпыұлттық талқылауға және референдумға шығаруға мүмкіндік береді.<blockquote>«Жаңа Конституция жобасы азаматтар күнделікті өмірде бетпе-бет келетін жағдайларды ескереді және адамның негізгі құқықтарына нұқсан келтіруі мүмкін шешімдердің алдын алуға бағытталған. Осы тұрғыдан алғанда, ол әділеттілікке, қауіпсіздікке және адамның қадір-қасиетін құрметтеуге қатысты қоғамдық сұранысқа жауап береді. Жүргізілген жұмыстың нәтижелері мен талқылаудың ауқымын ескере отырып, ұсынылған жоба азаматтардың мүдделерін көрсететін әрі олардың күтулеріне сай келетін құжат ретінде жалпыұлттық референдумға шығарылып, қолдау таба алады», – деп атап өтті Артур Ластаев Комиссияның кезекті отырысында.</blockquote>Жаңа Конституцияда адамдардың өмірі мен денсаулығын қорғау үшін көшіру қажет болатын жағдайлар да қарастырылған. Сонымен қатар, заңды негіздер болған күннің өзінде барлық рәсімдердің қатаң сақталуына, соның ішінде сот арқылы қорғану мүмкіндігіне толық кепілдік беріледі.<blockquote>«Баспанада тұруға және одан шығаруға қатысты дауларды тек сот шешуі тиіс. Сондықтан Конституцияда келесідей норманы бекіту ұсынылады: сот шешімінсіз тұрғын үйден айыруға да, баспанадан шығаруға да жол берілмейді. Біреулер бұл қолданыстағы заңдарда онсыз да бар деп айтуы мүмкін. Бірақ бұл қағиданы негізгі құқықтық құжатта бекіту оның заңды тұрақтылығын қамтамасыз етеді», – деп түйіндеді Ластаев.</blockquote>

Сот шешімінсіз тұрғын үйден айыруға да, баспанадан шығаруға да жол берілмейді – Артур Ластаев

<a href="https://kyzylorda-news.kz/">Kyzylorda-news.kz</a> &nbsp;Мәжіліс депутаты Снежанна Имашева Конституциялық реформа жөніндегі комиссияның 11-ші отырысында елдегі саяси үрдістің үздіксіздігін қамтамасыз ету үшін Қазақстанның жаңа Конституциясы жобасында барлық өтпелі ережелерді нақтылапжазу қажетдеген пікір білдірді.Мәжіліс депутаты ең алдымен жаңа Конституцияның тәртібі мен күшіне ену мерзімдерін біржақты етіп анықтау қажет екенін атап өтті.<blockquote>«Жобада оның ережелері нақтықай сәттен бастап күшіне енетінін бекіту керек. Республикалық референдумның нәтижелері ресми жарияланған күннен бастап па әлденақты белгіленген өзге күннен бастап па?», – деді ол.</blockquote>Оның айтуынша, сондай-ақ өтпелі кезеңдегі қазіргі мемлекеттік билік органдарының мәртебесі туралы мәселені реттеу керек.Атап айтқанда, қазіргі Парламент өз өкілеттігін қай сәтке дейін жүзеге асыратынын анықтау қажет, Құрылтай сайлауы қандай мерзімде және қандай тәртіппен өткізіледі?<blockquote>«Менің ойымша, бұл мәселелерді заңнамалық функцияны жүзеге асырудың үздіксіздігін қамтамасыз етіп, оның ішінде Конституцияның институционалдық жаңашылдықтарын іске асыру қажеттілігін ескере отырып қарастыру керек», – деп атап өтті депутат.</blockquote>Снежанна Имашева өтпелі ережелерде Конституциялық сот, Орталық сайлау комиссиясы және Жоғары аудиторлық палатаның жаңа құрамын қалыптастыру тетіктерін қарастыру маңыздыекенінайтты.Бұған қоса, негізгі мемлекеттік органдардың лауазымды тұлғаларын тағайындау тәртібі де регламенттеуді талап етеді.<blockquote>«Осы рәсімдерді нақты бекіту құқықтық айқындылықты қамтамасыз етеді және институционалдық ауысу кезеңінде конституциялық органдардың жоқтығы жағдайын болдырмауға мүмкіндік береді», – деді ол.</blockquote>Депутаттың айтуынша, қазіргі заңнаманықолдану мәселесі ерекше назар аударуды талап етеді. Осыған байланысты жаңа Конституцияның жобасында Конституция күшіне енген күні қолданылып жүрген заңдар мен өзге де нормативтік құқықтық актілер күшін сақтайды ма және олар қандай мерзімде ережелерге сәйкестендірілуі тиіс екенін нақты белгілеу қажет дедіол.<blockquote>«Аталған ережелерді бекіту құқықтық айқындылықты, мемлекеттік институттардың жұмыс істеуін болжауды және өтпелі кезеңдегі әрбір органның өкілеттіктерінің шегін нақты белгіленуін қамтамасыз етеді», – деп қорытындылады Снежанна Имашева.</blockquote>

Жаңа Конституцияда барлық өтпелі рәсімдер, мерзімдер мен регламенттер нақты жазылады – Снежанна Имашева

<a href="https://kyzylorda-news.kz/">Kyzylorda-news.kz</a>&nbsp; Жалағаш ауданы Төтенше жағдайлар бөлімінің ұйымдастыруымен Сырдария өзеніндегі су тасқыны қаупінің алдын алу мақсатында мониторингтік зерделеу жұмыстары жүргізілді.Аталған шараға «AMANAT» партиясы Жалағаш аудандық филиалы жанынан құрылған жұмысшы топ мүшелері мен тиісті сала мамандары қатысты. Атап айтқанда, Жалағаш ауданы ТЖБ,«AMANAT» партиясы Жалағаш аудандық филиалы,«Жалағашсушар» өндірістік учаскесі, аудан әкімі аппаратының жұмылдыру дайындығы және аумақтық қорғаныс бөлімінің қызметкерлері қатысып Сырдария өзенінің Жалағаш ауданы аумағындағы жағалау бөлігінің қазіргі жай-күйімен танысты.Зерделеу барысында көктемгі мұз жүру кезеңінде су тасқынының алдын алу бойынша атқарылатын іс-шаралар пысықталып, жауапты сала мамандарына өзен жағалауындағы жағдайды тұрақты бақылауда ұстау тапсырылды.Адам өмірі мен қауіпсіздігі басты басымдық екені атап өтіліп, төтенше жағдайлардың алдын алу бағытындағы жұмыстарды күшейту қажеттігі айтылды.<img src="https://knadmin.beoblood.kz/uploads/Proveden_monitoring_protiv_pavodkov_na_Syrdare_1_80af987e1e.jpg" alt="Проведен мониторинг против паводков на Сырдарье 1.jpg">

Су тасқынының алдын алу мақсатында мониторинг жұмыстары жүргізілді

<a href="https://kyzylorda-news.kz/">Kyzylorda-news.kz</a>&nbsp; Қазақстанның жаңа Конституциясының жобасына жасанды әрекетсіздіктен, ұзаққа созылған институционалдық дағдарыс сценарийлерінен қорғаудың пәрменді құқықтық тетіктері енгізілген. Бұл туралы Мәжіліс депутаты Мұрат Әбенов Конституциялық реформа жөніндегі комиссияның оныншы отырысында сөйлеген сөзінде мәлімдеді.Атап айтқанда, 46-шы және 62-баптардың бастапқы редакциясы негізгі тағайындауларды қайта келісуден бас тартқан кезде Құрылтайдың таратылуын көздеді, бұл «Күшті Президент – ықпалды Парламент – есеп беретін Үкімет» формуласына сәйкес келмейді.<blockquote>«Қоғамда, әсіресе, әлеуметтік желілерде және сарапшылар ортасында Құрылтайды таратудың негіздері қызу талқыланды. Сондықтан «AMANAT» партиясының фракциясы 46-шы және 62-баптың «Президент таратады» деген тұжырымдамасын «Президент таратуға құқылы» деп өзгертуді ұсынады. Осының нәтижесінде Құрылтайды жасанды түрде тарату және саяси дағдарыс мүмкіндігі жойылады. Ұсынылған нақтылау – бұл жүйені іштен шайқалтудан, оны жасанды түрде жасалған келіспеушілік арқылы істен шығарудан және елді ұзаққа созылған институционалдық дағдарысқа тартуға тырысудан сақтандырудың бір түрі. Бұл өзгерістер реформалар логикасына және Әділетті Қазақстан моделіне сәйкес келеді. Сондай-ақ Комиссия мүшелеріне 62-баптың екінші тармағына «Президент ұсынған кандидатураны тағайындаудың» орнына «Президент ұсынған әрбір кандидатураны тағайындау» деген нақтылау енгізуді ұсынғым келеді. Бұл осы баптағы әркелкіліктерді болдырмауға мүмкіндік береді», – деп атап өтті комиссия мүшесі.</blockquote>Мұрат Әбенов өз сөзінде Вице-Президент институтын енгізу логикасына түсініктеме берді.<blockquote>«Біз әлемдік қоғамдастыққа жақсы таныс Vice-President түсінікті және мойындалған халықаралық моделін саналы түрде таңдаймыз. Бұл Қазақстанның танымалдығы мен саяси салмағын арттырады және біздің билік жүйемізді сыртқы серіктестер үшін барынша түсінікті етеді», – деп түсіндірді ол конституциялық новелланы.</blockquote>Сонымен қатар, Мәжіліс депутатының айтуынша, Ата заң жобасының новеллаларын дұрыс түсінбеу реформаларды мәнін бұрмалауға әкеп соғады. Сондықтан бүгін бәрін шешіп алуымыз қажет.<blockquote>«Бүгінде қоғамда cancel culture, яғни, «жою мәдениеті» құбылысы күшейіп жатыр. Біз әртүрлі елдерде қоғамдық пікірталастың шектен шығып кететінін байқаймыз: адамды сөзбен сендірмей, «жою қажет» деп таңбалайды. Конституция жобасында бұған қатысты нақты құндылық жүйесі белгіленген: адамның ар-намысы мен қадір-қасиетіне қол сұғылмайды және заңмен қорғалады. Бұл сынға тыйым салу туралы емес. Біздің жолымыз – айқын пікірталас және жауапкершілік», – деп атап көрсетті ол.</blockquote>Сонымен қатар депутат қоғамда да көптеген мәселелер туғызған Ата заң жобасының 5-бабының 6-тармағына назар аударды.<blockquote>«Желіде бұл норма «мемлекет ішіндегі мемлекет» құрып отыр екен деген тезис белсенді түрде таралуда. Бұл шындыққа жанаспайды. Қазақстан бірыңғай құқықтық кеңістігі бар біртұтас мемлекет болып қала береді. Алатау – бұл автономия да, ерекше аумақ та емес. Бұл біздің қазақстандық қала. Онда жаңа жұмыс орындарын құру, инвестициялар тарту үшін бизнеске жеделдетілген рәсімдер қарастырылған белгілі бір қаржылық дербестік қарастырылуда», – деп түйіндеді Әбенов.</blockquote>Фото: Мәжіліс

Мұрат Әбенов жаңа Конституция жобасы төңірегіндегі бірқатар қауесетті жоққа шығарды

<a href="https://kyzylorda-news.kz/">Kyzylorda-news.kz</a> Ата Заңның жаңа мәтініндегі жаңа ұстанымдар мен нормалар басқа елдерге үлгі де бағдар да болатын жаңашылдықтар. Бұл туралы Конституциялық реформа жөніндегі комиссияның тоғызыншы отырысында Мемлекеттік&nbsp;кеңесшіЕрлан Қарин мәлімдеді.Оның айтуынша, кейбір азаматтар әлеуметтік желі арқылы «Әуреге түскенше, өзге елдің Конституциясын көшіріп ала салу керек қой» деген де пікірлерін жолдап жатыр.<blockquote>«Соңғы уақытта цифрландыру, цифрлық технология секілді мүлде жаңа бағыттардың дамып, өркендеуіне байланысты көптеген мемлекеттер тиісті нормаларды конституциялық-құқықтық жүйеге енгізуді ойластыруда. Біздің ел алғашқылардың бірі болып цифрлық деректерді қорғау нормасын&nbsp;Конституцияға енгізіп отыр. Яғни, жаңа мәтіндегі жаңа ұстанымдар мен нормалар басқа елдерге үлгі де бағдар да бола алады», – деп атап өтті Ерлан Қарин.</blockquote>Мемлекеттік&nbsp;кеңесші Конституцияның 21-бабының 1 және 2 тармақтарында&nbsp;жеке өмірге қол сұқпау құқығына, жеке және отбасы құпиясының болу құқығына,&nbsp;дербес деректерді заңсыз жинаудан, өңдеуден және пайдаланудан қорғау құқығына заңмен кепілдік берілетінін айтты.<blockquote>«Яғни, цифрлық кеңістікте жеке деректерді қорғауды&nbsp;адам құқықтарын қорғаудың жаңа өлшемі ретінде&nbsp;тұңғыш рет Конституцияда белгілеп отырған елдердің біріміз. Бұл&nbsp;– жаңа&nbsp;Конституцияның&nbsp;болашаққа бағытталғандығының&nbsp;тағы бір&nbsp;дәлелі», – деп нақтылап өтті ол.</blockquote>Ерлан Қариннің&nbsp;айтуынша,&nbsp;аймақтың құқықтық жүйесіндегі үлкен жаңашылдық –&nbsp;әйгілі&nbsp;Миранда ережесінің конституциялық деңгейде бекітілуі. Бұл өзгеріс азаматтардың құқықтық тұрғыдан қорғалуын арттырып, құқық қорғау органдарының қызметіне жаңа талаптар қояды.Сонымен қатар, жаңа саяси институттардың енгізілуі – Орталық Азия аймағы үшін ғана емес, жалпы айналамыздағы үлкен кеңістік үшін де саяси жаңашылдық болып саналады. Ерлан Қарин бұл тұрғыда бір палаталы парламент, вице-президент институты, «Халық кеңесі» жоғары консультативтік органы, Конституциялық соттың енгізілуі – көптеген елдердің саяси жүйесімен салыстырғанда, үлкен саяси инновациялық қадам екенін атап өтті.<blockquote>«Президент ұсынған конституциялық өзгерістерді тек қана жалпыхалықтық референдум арқылы жүзеге асыру бастамасы да – біздің аймақ үшін маңызды шешімдердің бірі. Көптеген лауазымды тұлғалардың қызметіне қатысты бір реттік мерзім белгілеу де – Ата Заң жобасындағы маңызды жаңашылдықтың бірі»,&nbsp;– деп&nbsp;түсіндірдіМемлекеттік Кеңесші.</blockquote>Сондай-ақ,&nbsp;Мемлекеттік Кеңесші атап өткендей, әйелдер&nbsp;мен&nbsp;балалардың құқығын қорғау, қоршаған ортаны – табиғатты аялау, волонтерлік, ата-аналарға жауапкершілік секілді қоғамдық дамуда пайда болып отырған жаңа талаптар, құндылықтар жаңа Ата Заңда қамтылды. Бұл да жаңа Конституцияның қоғамның қазіргі жағдайына, даму деңгейіне сәйкес екенін көрсетеді.<blockquote>«Жаңа&nbsp;Ата Заңдағы&nbsp;бірқатар&nbsp;саяси және институционалдық жаңашылдықтар&nbsp;аймақтағы және&nbsp;әлемдік конституциялық тәжірибеде сирек кездеседі.&nbsp;Түйіндеп айтқанда, басқа елдердің Конституциясын көшіру, қайталау – біздің жолымыз емес. Керісінше, келешекте Қазақстан жаңа Конституция арқылы өзге елдерге&nbsp;өзіндік үлгі, бағдар&nbsp;болмақ» – деп қорытындылады сөзін Ерлан Қарин.</blockquote>

Еліміз алғашқылардың бірі болып цифрлық деректерді қорғау нормасын Ата Заңға енгізіп отыр – Ерлан Қарин

<a href="https://kyzylorda-news.kz/">Kyzylorda-news.kz</a> &nbsp;Qazaqstan ұлттық арнасының тележүргізушісі, Конституциялық комиссия мүшесі&nbsp;Ерқанат Көпжасарұлы&nbsp;жаңа Конституция жобасындағы сөз еркіндігі туралы баптардың маңызы&nbsp;жөнінде пікір білдірді.Комиссия мүшесі&nbsp;Ата&nbsp;заң жобасындағы&nbsp;сөз бостандығы мен ғылыми-техникалық, көркем шығармашылық еркіндігіне қатысты баптарға тоқталды.<blockquote>«Еркін ойсыз ел көсегесі көгермейді, ашық пікір алмасусыз алға баспайды.&nbsp;Жаңа жобада сөз бостандығын шектеуге қатысты норма жоқ. Басты мақсат – жауапкершілік жүгін күшейту, арандатушылық әрекеттердің алдын алу.&nbsp;Сондай-ақ, жобада ақпаратты еркін алу мен тарату құқығының айқын бекітілуі – өркениетке ұмтылған жұртқа лайық батыл қадам»,&nbsp;–&nbsp;деді журналист&nbsp;Конституциялық комиссияның тоғызыншы отырысында.</blockquote>Оның айтуынша, ақпаратқа қол жеткізу&nbsp;құқығының&nbsp;нақты тетіктермен бекітілуі баспасөздің демін ашып, мемлекеттік органдардың жауапкершілігін арттырады.<blockquote>«Ең маңыздысы,&nbsp;еркіндік пен жауапкершіліктің бір арнаға тоғысуы. Адамның ар-намысы мен абыройын биік қою, ұлттық құндылықтарды қадірлеу – еркіндікті желбуаздыққа айналдырмаудың, оны ел мүддесіне қызмет еткізудің парасатты қадамы.&nbsp;Мұндағы еркіндік&nbsp;–&nbsp;жүгенсіздік емес, мемлекеттік санаға негізделген жауапкершілік.&nbsp;Осы заңнамалық ұстаным пікір алуандығының&nbsp;тынысынашып, салауатты сынның өрісін кеңейтеді.&nbsp;Ел бірлігіне сызат түсіретін жөнсіздікке тосқауыл қояды»,&nbsp;– деп толықтырды Ерқанат&nbsp;Көпжасарұлы.</blockquote>Сөз соңында&nbsp;ол&nbsp;ұсынылып отырған конституциялық өзгерістер журналистиканың басты миссиясын&nbsp;–&nbsp;қоғам мен билік арасындағы алтын көпір болуды, ақиқатты айна-қатесіз жеткізуді, сындарлы сұхбат мәдениетін қалыптастыруды жүзеге асыруға мүмкіндік беретінін атап өтті.Фото: egemen.kz

Жаңа Конституцияда еркіндік пен жауапкершілік бір арнаға тоғысады – белгілі журналист

<a href="https://kyzylorda-news.kz/">Kyzylorda-news.kz</a> Қызылорда қаласындағы түнгі клубтардың бірінде азот оксиді құйылған шарлардың ашық түрде сатылып жатқаны туралы хабарлама түсті. Бұл туралы департаменттің <a href="https://kaz.inform.kz/news/kameletke-tolmagan-kizilordalik-tung-klubta-azot-oksid-kuyilgan-shar-satkan-2f8256/">баспасөз қызметі</a> жеткізді.Облыстық полиция департаменті есірткі қылмысына қарсы іс-қимыл басқармасының қызметкерлері прокуратура органдарының үйлестіруімен хабарлама негізінде рейдтік іс-шара жүргізді.<blockquote>– Рейд барысында түнгі клубтан 10 литрлік 4 газ баллоны және полиэтилен пакетке салынған 6 шар анықталып, заттай дәлелдеме ретінде алынды.&nbsp;Қылмыстық кодекстің 301-бабына сәйкес (улы заттардың, сондай-ақ есiрткi, психотроптық заттарды, сол тектестерді немесе улы заттарды дайындау немесе қайта өңдеу үшін пайдаланылатын заттардың, құрал-саймандардың немесе жабдықтардың заңсыз айналымы) қылмыстық іс қозғалып, тергеу басталды.Клуб қызметкері кәмелет жасына толмаған екен, сондықтан оның заңды өкілдеріне қатысты тиісті әкімшілік хаттамалар рәсімделді, – делінген хабарламада.</blockquote>Тәртіп сақшылары демалыс күндері күшейтілген режимде жұмыс істеп, барлық ойын-сауық орнында профилактикалық тексеру жүргізіп келеді.<img src="https://knadmin.beoblood.kz/uploads/V_Kyzylorde_presechyon_nezakonnyj_oborot_sharov_s_oksidom_azota1_69e1262416.jpeg" alt="В Кызылорде пресечён незаконный оборот шаров с оксидом азота1.jpeg">Жуырда біз Астананың бірқатар көңіл-көтеру мекемесінде 20-дан астам азот тотығы баллоны анықталып, тәркіленгенін&nbsp;жазғанбыз.Фото: Қызылорда ПД

Қазақстан және Қызылорда облысының жаңалықтары: Құқық