<a href="https://kyzylorda-news.kz/">Kyzylorda-news.kz</a>.&nbsp;Ақорданың ресми сайты Мемлекет басшысының Қазақстан Республикасының мемлекеттік наградаларымен наградтау туралы Жарлығын жариялады.
Мемлекет басшысының Қазақстан Республикасының мемлекеттік наградаларымен наградтау туралы Қаулысында Токио-2020 ХХХII Жазғы Олимпиада ойындарындағы жоғары спорттық жетістіктері үшін 8 спортшы наградталды.
ІІІ дәрежелі «Барыс» орденімен – «Қазақстан Республикасының Ұлттық Олимпиадалық комитеті» ҚБ нұсқаушы-спортшыcы Сметов Елдос Бақтыбайұлы наградталды.
ІІ дәрежелі «Достық» орденімен – «Қазақстан Республикасының Ұлттық Олимпиадалық комитеті» ҚБ нұсқаушы-спортшыcы Чиншанло Зульфия Салахаровна наградталды.
«Құрмет» орденімен – «Қазақстан Республикасының Ұлттық Олимпиадалық комитеті» ҚБ нұсқаушы-спортшыcы Асәділов Дархан Абсадықұлы, «Қазақстан Республикасының Ұлттық Олимпиадалық комитеті» ҚБ нұсқаушы-спортшыcы Берульцева Софья Полихроновна, «Қазақстан Республикасының Ұлттық Олимпиадалық комитеті» ҚБ нұсқаушы-спортшыcы Бибосынов Сәкен Исмадияр угли, «Қазақстан Республикасының Ұлттық Олимпиадалық комитеті» ҚБ нұсқаушы-спортшыcы Қоңқабаев Қамшыбек Бисенбайұлы, «Қазақстан Республикасының Ұлттық Олимпиадалық комитеті» ҚБ нұсқаушы-спортшыcы Санаев Нурислам Валентинович, «Қазақстан Республикасының Ұлттық Олимпиадалық комитеті» ҚБ нұсқаушы-спортшыcы Сон Игорь Сергеевич наградталды.
Жарлық қол қойылған күнінен бастап қолданысқа енгізіледі.

Қамшыбек Қоңқабаев «Құрмет» орденімен марапатталды

<a href="https://kyzylorda-news.kz/">Kyzylorda-news.kz</a>. Тәуелсіздіктің 30 жылдығына орай Қызылорда облыстық Қазақстан халқы Ассамблеясы жанындағы Аналар кеңесінің ұйымдастырумен «Тәуелсіздіктің нәзік келбеті» атты ақпараттық-насихаттық жобасы шілде айында бастау алды.
Жоба облыс әкімі жанындағы әйелдер істері және отбасылық-демографиялық саясат жөніндегі комиссияның қолдауымен өткізілуде. Жобаның серіктестігі болып облыстық іскер әйелдер қауымдастығы белгіленген.
«Тәуелсіздіктің нәзік келбеті» атты фотожобаға қоғамдық қызметке белсенді, отбасында табысты, мансаптық өсу биіктеріне жеткен 30 әйел қатыстырылуда.
Аналар кеңесінің төрайымы, жобаның авторы, ұйымдастырушысы Рахима Ахметованың айтуынша, бұл жобаның ерекшелігі – Сыр өңірінің әйелдерінің тәуелсіздіктің қалыптасуына, облыстың әлеуметтік-экономикалық дамуына қосқан үлесі мен рөлін нақты мысалдар арқылы көрсету.
Жоба барысында әрбір қатысушы әйелдің заманауи технологиялармен жасалған фотопортреті дайындалуда. Республикаға танымал, талантты фотограф Рамиль Магдеев қатысушылардың фотосессиясы және фотопортреттерін жасау жұмыстарымен айналысуда.
Айта кетсек, жоба – коммерциялық, бюджеттік немесе демеушілік қаражатты пайдаланбайды. Дегенмен, осы жобаға қатысқысы келетіндер жеткілікті.
Жобаның ерекшеліктері: облыста тұратын этнос өкілдеріне, сондай-ақ ауыл әйелдерінің қатысуына басымдылық берілген.
Бүгінгі таңда фотожобаның 5 түсірілімі өтті. Әр түсірілімде жас ұрпаққа қол ұшын беріп, биік ұстаным танытып, рухани жаңғыру жолында&nbsp; еңбек еткен нәзік жандар, Тәуелсіздік жылдарында Сыр өңірінің өсіп-өркендеуіне және жалпыұлттық бірлік пен келісімді сақтауға сүбелі үлесін қосқан этнос өкілдері, өңірлік аналар кеңесінің мүшелері қатысуда. Олардың әрқайсысы өз саласының шеберлері, бірі ұлағатты ұстаз, бірі қайырымдылыққа толы ізгі жұмыстарды жасырын жасап жүрген кәсіпкер, бірі мемлекеттік салада мәртебелі қызметте жүрген жандар. Ал ең бастысы олар аяулы жар, асыл ана, ардақты әже.
Жобаның қорытындысы ретінде жоба қатысушыларының фотопортреттерінің көрмесі өткізіледі, сонымен қатар «Тәуелсіздіктің нәзік келбеті» атты форум ұйымдастырылады.

«Тәуелсіздіктің нәзік келбеті» фотожобасы ұйымдастырылуда

<a href="https://kyzylorda-news.kz/">Kyzylorda-news.kz</a>.&nbsp;Бүгін Қызылорда облысының әкімі Гүлшара Әбдіқалықова «Мерейлі отбасы – 2021» ұлттық конкурсы жеңімпаздарымен кездесіп, марапаттады.
Аймақ басшысы отбасы құндылықтарын берік ұстанған әулеттерге ризашылығын білдіріп, құрметін жеткізді.
<blockquote>
 «Халқымыз үшін отбасы ұғымы қашан да қасиетті де қастерлі екені белгілі. «Отан отбасынан басталады» деген қағидат ешқашан өз мәнін жойған емес. Расында, кез келген мемлекеттің негізгі әлеуеті оның халқы және адами капиталы. Биыл еліміз үшін Ұлы құндылық – ел Тәуелсіздігінің 30 жылдығы. Тұңғыш Президентіміз «Болашаққа бағдар: рухани жаңғыру» мақаласында «Егер жаңғыру елдің ұлттық-рухани тамырынан нәр ала алмаса, ол адасуға бастайды» деген болатын. Мемлекет басшысы Қасым-Жомарт Кемелұлы Тоқаевтың қолдауымен мемлекет тарапынан отбасына жасалып отырған ерекше қамқорлық пен жүйелі қолдаулар әрбір қазақстандықтың өз болашағына деген сенімін күн өткен сайын нығайта түсуде. Бүгінгі «Мерейлі отбасы» ұлттық байқауының облыстық кезеңінде белсенділік танытып, қатысқан әр отбасыға шынайы алғысымды айтамын. Баршаңызды бүгінгі жеңістеріңізбен құттықтай отырып, әр шаңыраққа шаттық, бақ-береке тілеймін», – деді Гүлшара Әбдіқалықова.
</blockquote>
«Мерейлі отбасы» ұлттық байқауының тұсауы 2014 жылы кесілді. Ана мен баланы қорғауға арналған мемлекеттік бағдарламалар, көпбалалы отбасыларға берілетін жәрдемақылар көлемі жыл сайын өсуде.
Атап айтар болсақ, біздің облысымызда 2020 жылы әлеуметтік көмекке бюджеттен 5,2 млрд.теңге қаралcа, 2021 жылы бұл қаржы 1,67 пайзға өсім алып 8,7 млрд.теңгені құрап отыр. Осындай қолдаулар мен халықтың жайлы тұрмыс кешуіне бағытталған игілікті шаралардың нәтижәсінде аймағымызда демографиялық көрсеткіш және жас отбасылар қатары қарқынды өсуде.
Бүгінде облыс халықының жалпы саны 821 932 болса, оның ішінде 141 мыңнан аса отбасы бар. Оның ішінде, ерекше мақтанышпен айтуға тұрарлық көрсеткіш – 47 мыңнан астам көпбалалы аналардың 2109 – батыр аналар. Аймақта 5 мыңға жуық «Алтын алқа», 10 мыңнан аса «Күміс алқа» иегері бар.
Аймағымызда жетінші рет өткізіліп отырған мерейлі шараға қатысуға ниет білдірушілер жылдан-жылға артып келеді. Жеті жылдың ішінде байқауға қатысуға 1500-ден аса отбасы өтінім білдірді. Биыл байқауға облысымыздың барлық өңірінен 182 отбасы қатысты.
Салтанатты шарада аймақ басшысы Гүлшара Әбдіқалықова «Мерейлі отбасы» ұлттық конкурсының екінші кезеңінің жеңімпаздарын марапаттады.
«Мерейлі отбасы» ұлттық конкурсының «Өнегелі отбасы» номинациясымен Қызылорда қаласынан Рсалиевтер әулеті марапатталса, қазалылық Мырзағұловтар отбасына «Рухты отбасы» номинациясы табысталды. Сырдария ауданынан келген Мақпалбаевтар әулеті «Ұлағатты отбасы» номинациясын иеленіп, аралдық Рысмағамбетовтер әулетіне «Ынтымақты отбасы» номинациясы бұйырды. «Мерейлі отбасы» ұлттық конкурсының ІІІ орынына Жалағаш ауданының Шуақбаевтар отбасы лайық деп танылып, ІІ орынмен қармақшылық Қартабаевтар отбасы марапатталды. Конкурстың І орнын Жаңақорған ауданынан Түкібаевтар отбасы жеңіп алды. Ал, бас жүлде Шиелі ауданының Әбілдашовтар отбасына табысталды.
Айта кету керек, бас жүлде иелері агрономдар әулеті.
Шарада «Мерейлі отбасы» ұлттық конкурсына қатысып жүлделі орын алған, өнегелі өмір жолымен ерекшеленген Шырын Әбілдашева бата беріп, көрсетілген құрметке алғысын жеткізді.
<img src="https://kyzylorda-news.kz/wp-content/uploads/2021/08/234762877_3609565202479856_1118255631685535865_n.jpg" alt="" />
<img src="https://kyzylorda-news.kz/wp-content/uploads/2021/08/235690965_3609565212479855_1692628159056584408_n.jpg" alt="" />
<img src="https://kyzylorda-news.kz/wp-content/uploads/2021/08/235646189_3609565239146519_6183706370889637028_n.jpg" alt="" />
<img src="https://kyzylorda-news.kz/wp-content/uploads/2021/08/235344693_3609565415813168_8396393674464896825_n.jpg" alt="" />
<img src="https://kyzylorda-news.kz/wp-content/uploads/2021/08/235284501_3609565382479838_7895008134158801699_n.jpg" alt="" />
<img src="https://kyzylorda-news.kz/wp-content/uploads/2021/08/236276082_3609565955813114_2903904130916231932_n.jpg" alt="" />
<img src="https://kyzylorda-news.kz/wp-content/uploads/2021/08/236444059_3609566025813107_5489505921494269702_n.jpg" alt="" />
<img src="https://kyzylorda-news.kz/wp-content/uploads/2021/08/235714524_3609566049146438_7515146514065171765_n.jpg" alt="" />

«Мерейлі отбасы &#8211; 2021»: Гүлшара Әбдіқалықова байқау жеңімпаздарын марапаттады

<a href="https://kyzylorda-news.kz/">Kyzylorda-news.kz</a>. Өткен жылдан бастап елімізде 10 тамыз “Абай күні” болып бекітілген болатын. Ұлт руханияты үшін айтулы мерекеге айналған күнді дәріптеу биыл да жоғары деңгейде жалғаспақ. Мәселен, облысымыздың мәдениет ұйымдарында апта көлемінде онлайн форматта түрлі мерекелік шаралар өткізілуде. Бұл туралы өңірлік коммуникациялар қызметінде өткен брифингте облыстық мәдениет, архивтер және құжаттама басқармасының міндетін атқарушы Нұршат Наурызбаева баяндады.
Ұлы ақынның мұрасын насихаттау мақсатында «Абай әлемі» атты ардагерлердің облыстық өнер фестивалі және «Көзімнің қарасы» тақырыбында Абай шығармашылығына арналған облыстық өнер байқауы өткізіледі.
Сондай-ақ, облыстық филормонияның «Қорқыт сазы» қобызшылар ансамблі мен дәстүрлі орындаушылардың «Абай аманаты» тақырыбында ұлы ақынның әндерін көпшілік назарына ұсынса, облыстық халық шығармашылығын дамыту мәдени-продюсерлік орталығының ұйымдастыруымен «Абай жырлары – Сыр мақамдары» атты дәстүрлі түрде өткізілетін кеш қалың көрерменге ұсынылмақ.
<blockquote>
 «Әбілдә Тәжібаев атындағы кітапхана қызметкерлері мен облысымыздың барлық кітапханашылары Абай шығармаларын жас ұрпаққа дәріптеу мақсатында тамыз айының 3-ші жұлдызынан бастап «Абайды оқы жалықпа» тақырыбында челлендждер өткізіліп жатыр. Абай күніне арналған мерекелік шаралар тек бір күндік емес. Ол біздің күнделікті өмірімізге рухани мұра болып қалатын дүние» -деді Нұршат Бегежанқызы.
</blockquote>
Брифингте “Абай қазынасына саяхат” клубының жетекшісі Елена Пак клубтың Абай мұрасын кеңінен ұлықтауда атқарып жатқан шараларына тоқталды.
<blockquote>
 “Клуб өз жұмысын бастағалы бері 15-тен астам ауқымды шараларды өткізген. Қазіргі таңда клубқа 35-тан астам Абай шығармаларын сүйіп оқитындар мүшелік етеді. Олардың 70 пайызы этнос өкілдері болып табылады. Алдағы уақытта да олар Абай тынысымен тыныстап, клубтың жұмысын жандандыра түспек”, – деді клуб жетекшісі.
</blockquote>

Абай күні: Қызылордада онлайн форматта мерекелік шаралар өтеді

<a href="https://kyzylorda-news.kz/">Kyzylorda-news.kz</a>. Бүгін қазақ руханияты үшін айтулы күн – Абай күні. Осы орайда, Қызылорда облысының әкімі Гүлшара Әбдіқалықова Қызылорда қаласындағы «Абай атындағы үш тілде оқытатын дарынды балаларға арналған мамандандырылған сыныптары бар» мекетпке барып, Абай ескерткішіне арнайы гүл шоқтарын қойып, тағзым етті.
Шараға облыстық ардагерлер кеңесінің төрағасы Серік Дүйсенбаев, Қызылорда қаласы әкімі Ғанибек Қазантаев қатысты.
Былтыр Мемлекет басшысының Жарлығымен ұлы Абайдың 175 жылдық мерейтой жылы бекітіліп, республика көлемінде аталып өтті. Ұлы Абайды ұлықтау арқылы халқымыздың ұлттық қадір-қасиетін, рухани-адамгершілік құндылықтарын, әдебиетіміз бен мәдениетімізді әлемге тағы бір қырынан танытудамыз. Жас ұрпақ Абай мұрасын оқу арқылы тәлім мен тәрбие, ізгілік пен адалдық қасиеттерін бойына сіңіруде.
Айтулы мерекеге орай ақынның есімін мәңгі ұлықтау мақсатында облыс мәдениет ұйымдарында онлайн форматта түрлі мәдени танымдық шаралар өткізілуде.
Атап айтсақ, облыстағы мәдениет үйлері мен клубтарда «Абай әлемі» атты ардагерлердің облыстық өнер фестивалі, «Көзімнің қарасы» атты Абай шығармашылығына арналған облыстық өнер байқауы, «Ұлы халықтың – ұлы Абайы», «Абай дана, Абай дара», атты әдеби музыкалық кеш, «Абай әлемі» атты Абай әндерінен концерт, «Кемеңгерліктің биік шыңы Абай» атты көркемсөз оқушылардың аудандық байқауы, «Абай – дана, Абай – дара қазақта!» атты поэзия сағаттары, облыс кітапханаларында «Ұлы даланың ұлы ойшылы», «Шын Хәкім, сөздің асыл – баға жетпес», «Ұлы Абай-ұлттық болмысымыздың айнасы, «Абай жаққан шамшырақ» тақырыптарында кітап көрмелері, әдеби жыр кештері өткізілуде.Сонымен қатар, облыстық филармонияның «Қорқыт сазы» қобызшылар ансамблі мен дәстүрлі орындаушылардың «Абай аманаты», облыстық халық шығармашылығын дамыту және мәдени-продюсерлік орталығының ұйымдастыруымен Сыр еліндегі жыр мектептерінің шәкірттері мен ұстаздарының қатысуымен «Абай жырлары – Сыр мақамдарында» атты концерттері ұйымдастырылуда.
Ә.Тәжібаев атындағы облыстық әмбебап ғылыми кітапхана қызметкерлері мен барлық облыс кітапханашылары Абай шығармаларын жас ұрпаққа дәріптеу мақсатында тамыз айының 3-нен бастап «Абайды оқы, жалықпа» тақырыбында оқу челленджін өткізді.Абай күніне арналған шаралар барлық мәдениет ұйымдары мен басқарманың әлеуметтік желідегі парақшалары мен «Сыр шаңырағы» Youtube каналына жариялануда.
Атап өту қажет, өңірдегі 4 білім беру ошағына, 86 көшеге Абай есімі берілген. Қызылорда қаласындағы Назарбаев даңғылының бойында орналасқан аллеяға Абай есімі беріліп, оның қара сөздері тасқа қашалып жазылған. Ал, Абай ауылындағы мектеп ауласына бюсті, «Абай атындағы үш тілде оқытатын дарынды балаларға арналған мамандандырылған сыныптары бар» мектебінің ауласына ескерткіші орнатылған.
<img src="https://kyzylorda-news.kz/wp-content/uploads/2021/08/234387300_3603634726406237_6963374293283946550_n.jpg" alt="" />

Аймақ басшысы Абай ескерткішіне гүл шоқтарын қойып, тағзым етті

<a href="https://kyzylorda-news.kz/">Kyzylorda-news.kz</a>.&nbsp;Қызылорда облысының әкімі Гүлшара Әбдіқалықова Сыр халқын 10 тамыз – Абай күні мерекесімен құттықтады.
Қадірлі жерлестер! Сіздерді Абай күні мерекесімен шын жүректен құттықтаймын!
Бүгін 10 тамыз əлемдік деңгейдегі ғұлама ойшыл, ұлы ақын, ағартушы, ұлт руханиятының темірқазығы – Абай Құнанбайұлының туған күні!
Өткен жылы хакім Абайдың175 жылдық мерейтойына орай Қазақстан Республикасы Үкіметінің қаулысымен 10 тамыз – Абай күні болып жарияланып, мемлекеттік мерекелер күнтізбесіне енгізілді.
Елбасымыз Нұрсұлтан Әбішұлы Назарбаев айтқандай, Абай әлемі бізді жеті түнде адастырмайтын темірқазық іспетті.Санасын жаңғыртып, сапасын арттырғысы келген адам Абайды оқып, оның өлеңдері мен қара сөздерінен мол ғибрат алып, рухани кемелдене түседі. Сонау ХІХ ғасырда айтып кеткен сөздері күні бүгінге дейін құнын жоғалтпай, бізге бағыт-бағдарымызды көрсетіп, өзектілігін сақтап отыр.
Президентіміз Қасым-Жомарт Кемелұлы Тоқаев өзінің «Абай және ХХІ ғасырдағы Қазақстан» атты концептуалды мақаласында: «Ғұлама Абай – қазақ топырағынан шыққан әлемдік деңгейдегі кемеңгер. Ол күллі адамзат баласына ақыл-ойдың жемісін сыйлады»,- деп ұлы тұлғаның алар орнын айқындап көрсеткен еді.
Адам әркез ақыл-ойын, таным-түсінігін, рухани жан-дүниесін табанды еңбегі арқылы жетілдіріп, ұштап отыруы қажет. Дана Абай халқын ілім-білімге, өнер-ғылымға құштар болуға, жақсыдан үйренуге, жаманнан жиренуге шақырды. Ұрпағы кемеліне келген, толық адам болуы үшін алдына арнайы мұрат-мақсат қойып, дұрыс жолмен жүруін асыл сөзімен айшықтап берді.
Бүгінде кез келген ұлттың бәсекеге қабілеттілігі мен даму деңгейі оның әлем мәдениеті мен өркениетіне қосқан үлесі және адамзатқа сыйлаған ардақты тұлғаларымен өлшенеді. Міне, осы тұрғыдан алғанда адамзат ақыл-ойының асқар шыңына айналған Абай – ұлттық мақтанышымыз.
Ғасырдан астам уақыт бұрын қоғам дамуының қозғаушы әлеуметтік-экономикалық күштері – еңбек, бірлік, кәсіп, сауда, өнер-білім туралы айтқан ой-тұжырымдары тәуелсіздігіне 30 жыл болған Қазақстанның жаңғырып, жаңару жолындағы аса маңызды факторлары екені даусыз.
Біз Абайды қалай танып жүрміз?! Оның өз заманында айтқан сөздерінің әлі де өзекті екенін ескеріп жүрміз бе?! Бұл біздің әлі де ұлы Абайды өзіміздің тани түсуіміз, өзгеге таныта беруіміз үшін алдымызға қойып отыратын міндетіміз болмақ.Бір халықтың емес, бүкіл адамзаттың ақынына айналған кемеңгер Абайдың асыл мұрасы – баршамыздың рухани азығымыз, жол көрсетер құбылнамамыз! ​АБАЙ КҮНІ ҚҰТТЫ БОЛСЫН!

Гүлшара Әбдіқалықова қызылордалықтарды Абай күнімен құттықтады

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 6797 адамнан ПТР арқылы коронавирус анықталды, деп хабарлайды <a href="https://www.coronavirus2020.kz/kz/kazakstandagy-koronavirus-boyynsha-26-shilde-23-59-dagy-epidemiologiyalyk-zhagday_a3816667">coronavirus2020.kz</a>.
Аймақтар бойынша:
Нұр-Сұлтан қаласы – 1537,
Алматы қаласы – 1207,
Шымкент қаласы – 382,
Ақмола облысы – 195,
Ақтөбе облысы – 175,
Алматы облысы – 260,
Атырау облысы – 480,
Шығыс Қазақстан облысы – 333,
Жамбыл облысы – 141,
Батыс Қазақстан облысы – 136,
Қарағанды облысы – 796,
Қостанай облысы – 209,
Қызылорда облысы – 163,
Маңғыстау облысы – 254,
Павлодар облысы – 207,
Солтүстік Қазақстан облысы – 142,
Түркістан облысы – 180.
Жалпы ел бойынша ауырғандар саны 542703.

Қызылордада 163 адамнан коронавирус анықталды

<a href="https://kyzylorda-news.kz/">Kyzylorda-news.kz</a>. Бүгін облыс әкімі, облыстық Қазақстан халқы Ассамблеясының төрағасы Гүлшара Әбдіқалықованың төрағалығымен «Бірлік пен бейбітшіліктің 30 жылы» тақырыбында Қызылорда облысының Қазақстан халқы Ассамблеясының ХХIІІ сессиясы өтті.
Күн тәртібінде екі мәселе қаралды. Атап айтсақ, Қазақстан халқы Ассамблеясының ХХІХ сессиясының қорытындысы бойынша Қызылорда облыстық Қазақстан халқы Ассамблеясының міндеттерін талқылау, облыстық Қазақстан халқы Ассамблеясы төрағасының жаңа орынбасарын қоғамдық негізде тағайындау.
Сессияға Қызылорда облысының Қазақстан халқы Ассамблеясының мүшелері, облыстық мәслихат депутаттары, Қызылорда қаласы әкімі және онлайн байланыс арқылы аудан әкімдері, этномәдени бірлестік жетекшілері, үкіметтік емес ұйымдар, облыстық Ассамблеяның құрылымдарының жетекшілері қатысты. 
Аймақ басшысы Қазақстан халқы Ассамблеясының ел дамуында аса маңызды рөл атқаратынын назарға салып, алдағы уақытқа бірқатар міндеттерді жүктеді.
<blockquote>
 «Биыл бірлігі бекем, татулығы жарасқан Қазақстан халқы Тәуелсіздіктің 30 жылдығын атап өтуде. Тәуелсіздік – бұл ең алдымен біздің ортақ тарихымызға тағзым, кемел келешегімізге нық сенім. Елбасы Нұрсұлтан Әбішұлы Назарбаевтың сарабдал саясатының арқасында саяси жүйесі тұрақты, экономикалық әлеуеті мықты, халықаралық беделге ие қуатты мемлекетті қалыптастырдық. 
 2020 жылы әлемді құрсауына алған пандемия жағдайында халқымыз індетті еңсеру жолында бір жағадан бас, бір жеңнен қол шығара алды. Облыстық ассамблея мүшелері осы істің бел ортасында болып, үлкен қолдау көрсетті. Осы орайда, Мемлекет басшысы Қасым-Жомарт Кемелұлы Тоқаевтың «Тәуелсіздік үшін нағыз күрес күнделікті еңбекпен, үздіксіз әрі дәйекті елдік саясатпен мәңгі жалғасады» – деген сөзінің мазмұны терең. 
 Іргелі мемлекет атануымызда, бірлік, келісім және өзара қолдау қағидаттарына негізделген Қазақстан халқы Ассамблеясының рөлі ерекше. Бүгінде Алаштың анасына баланған Сыр өңірінде 35 этнос өкілі тату-тәтті өмір сүруде. Осы ретте, қазақстандық патриотизм, азаматтық теңқұқықтық қағидаттарын, мемлекеттік тілдің біріктіруші рөлін, алуан түрліліктегі бірлікті ілгерілету, ұлтты тұрақты жаңғырту жөнінде шаралар қабылдану қажет. Этномәдени бірлестіктердің мүшелерін Саяси қуғын-сүргін құрбандарын толық ақтау жөніндегі өңірлік комиссияның жұмысына тартып, этноәлеуметтік процесстерге мониторинг жүргізіп, қоғамдық келісімді бұзу ықтималдығы жоғары көріністерге талдау жасау арқылы оларды шешу бойынша ұсыныстар әзірленуі керек. Қайырымдылықпен айналысып жүрген кәсіпкерлер мен меценаттарды ынталандырудың және қайырымдылықты дамытудың жаңа форматты шараларын ұйымдастыру маңызды», – деді Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2021/07/215256806_3512111085558602_4032131494006543247_n.jpg" alt="" />
Мұнымен қоса, облыс әкімі «Жаңғыру жолы» жастар қозғалысының жұмысын жандандыру мақсатында аймақтық жастар ұйымдарымен бірлескен іс-шаралар кешенін жүзеге асырып, облыстық ассамблеяның Аналар және Қоғамдық келісім кеңестерін этносаралық байланыс алаңы ретінде пайдалануды тапсырды. Және этносаралық қарым-қатынас, қайырымдылық, волонтерлік және мемлекеттік тілді үйрену орталықтары ретінде достық үйлерінің жұмысын күшейту қажет екенін атап өтті.
Отырыста модератор ретінде сөз бастаған Қызылорда облысы әкімінің орынбасары, облыстық Қазақстан халқы Ассамблеясының төрағасының орынбасары Серік Ахмет Қазақстан халқы Ассамблеясының мүшесі, облыстық мәслихат хатшысы Наурызбай Байқадамов, облыстық Қазақстан халқы Ассамблеясы төрағасының орынбасары, неміс этномәдени бірлестігінің жетекшісі Ирина Шек, Қазақстан халқы ассамблеясы жанындағы Волонтерлер орталығының жетекшісі Ильдар Гафуров, облыстық перинаталдық орталықтың бас дәрігері Олег Ким және облыстық Қазақстан халқы ассамблеясының мүшесі, облыстық мәслихат депутаты Дильфура Байрахтароваға сөз берді. Спикерлер бейбітшілік пен келісім, ұлттық құндылықтар, әлеуметтік, қоғамдық даму мәселелері бойынша пікірлерін ортаға салды.
Сессияда облыстық Ассамблея Кеңесін осы лауазымға ауыстыру қағидатына сәйкес ұсынымдар бойынша аймақ басшысы Гүлшара Әбдіқалықова облыстық Қазақстан халқы Ассамблеясының Төрағасы ретінде Ирина Шекті қоғамдық негізде төрағаның орынбасары қызметіне тағайындап, алдағы жұмысына сәттілік тіледі. Сондай-ақ, осы қызметте болған Ильдар Гафуровке жақсы жұмысы үшін алғысы білдірді.
Облыстық ассамблеяның XХІІІ сессиясын қорытындылаған аймақ басшысы, облыстық Қазақстан халқы Ассамблеясының төрағасы Гүлшара Әбдіқалықова алдымызда кемел келешекке, жарқын болашаққа жету жолында ұлт үшін атқарылуы тиіс ұлы істер бар екенін атап өтті. Сонымен қатар, ел тұрақтылығын сақтауда, індеттің күшейуіне байланысты вакцинация жұмыстарын насихаттауға атсалысуда, қуаңшылық кезеңінде елді бірлікке шақыруда облыстық Ассамблеяның орны ерекше екенін назарға салды.
<img src="https://kyzylorda-news.kz/wp-content/uploads/2021/07/211348986_3512138875555823_4303379846913521388_n.jpg" alt="" />

«Бірлік пен бейбітшіліктің 30 жылы»: Облыстық Қазақстан халқы Ассамблеясының ХХIІІ сессиясы өтті

<a href="https://kyzylorda-news.kz/">Kyzylorda-news.kz</a>. Тәуелсіздіктің 30 жылдығы қарсаңында елорда күніне орай Павлодар және Қызылорда облыстарының арасындағы «Ынтымақ» өңіраралық рухани байланыс телекөпірі өтті.
Оған екі облыстың шежіре тарихшылары, саясаткерлер, мәдениет саласының қызметкерлері, «Серпін» бағдарламасына қатысушылар, жыршы-термешілер қатысты.
Облыстық ішкі саясат басқармасы ұйымдастырып жатқан шара &nbsp;Қазақстанның Солтүстік және Оңтүстік өңірлері арасында өзара шығармашылық байланыс арттыруды көздейді.
Телекөпір барысында тарихшылар екі елдің тарихи байланысын кеңінен қозғайтын болады. Саясаткерлер жұмыс күші көп өңірлерден жұмыс күші тапшы өңірлерге қоныс аударуда мемлекет жүргізіп отырған ұтымды мемлекеттік бағдарламалар мен солтүстік өңірлерге ерікті түрде қоныс аударатын адамдарға көрсетілетін мемлекеттік қолдаулар мәселесіне тоқталады. Мәдениет саласының қызметкерлері өңіраралық рухани байланысты нығайту бағытында бірлескен жоспарларға тоқталса, жастар елдегі ең танымал әлеуметтік бастамалардың бірі -«Серпін» бағдарламасы бойынша сапалы білім алып, тұрақты жұмыс орнын табуға зор мүмкіндік екеніне тоқталды.
Қызылорда облысынан облыстық мәслихат хатшысы Н. Байқадамов, Қызылорда облысының мәдениет, архивтер және құжаттама басқармасы басшысының орынбасары Н. Наурызбаева, Қорқыт Ата атындағы Қызылорда университетінің аға оқытушысы, педагогика ғылымдарының магистрі, ҚР Тарих және қоғамдық ғылымдар академиясының академигі Б. Ахметбек, дәстүрлі жыршы-термеші М. Сүгірбай, Қызылорда қаласының Абай атындағы үш тілде оқытатын дарынды балаларға арналған мамандандырылған сыныптары бар мектептің 11-сынып оқушысы С. Піржан қатысты.
Павлодар облысынан Павлодар облыстық мәдениет, тілдерді дамыту және архив ісі басқармасы басшысының орынбасары С. Османова, тарихшы, жазушы,Бұхар жырау атындағы әдебиет және өнер музейінің бөлім меңгерушісі Е. Қайыров, облыстық мәслихат депутаты, Қазақстан Жазушылар Одағының облыстық филиалының директоры Ж.&nbsp;Амантай,Облыстық көп салалы дарынды балаларға арналған лицей-интернатының қазақ тілі мен әдебиеті пәнінің мұғалімі Н. Қуатбек қатысып, ойын ортаға салды.

«Ынтымақ» өңіраралық рухани байланыс телекөпірі өтті

<a href="https://kyzylorda-news.kz/">Kyzylorda-news.kz</a>. Облыс әкімі Гүлшара Әбдіқалықова ел Тәуелсіздігінің 30 жылдығы аясында халықаралық, республикалық олимпиадалар мен ғылыми жоба конкурс жүлдегерлерімен кездесті.
Аймақ басшысы Елбасы бастамалары мен Президенттің білімпаз жастарды ұдайы қолдауының нәтижесінде жастарға арналған түрлі бағдарламалардың қабылданып, зияткер ұрпақтың білім кеңістігіне жол ашуына ерекше мүмкіндік жасалғанын атап өтті. Сондай-ақ, әлемдік деңгейдегі білім мен ғылым додаларында бақ сынап, ел абыройын асқақ етіп жүрген өрелі өрендердің әрбірін жеңісімен құттықтап, ақжолтай тілегін арнады.
<blockquote>
 «Ата-бабамыз «Өсер елді білімді ұрпағынан танисың» деп бекер айтпаған. Сендер болашақта еліміздің өсіп-өркендеуіне қызмет ететін, ата-аналарыңның үкілі үмітін ақтап, туған еліміздің асқақ рухын сақтайтын азаматсыңдар! 
 Біздің туған өлкеміз – Сыр бойы қай кезде де ұлы тұлғаларға кенде болмаған. Атақты жерлесіміз, академик Шахмардан Есенов 34 жасында Геология министрі болса, Асқар Жұмаділдаев 32 жасында физика-математика ғылымдарының докторы атанған. Ел мүддесі жолында адал еңбек еткен қазақ азаматтарының тізімін осылай жалғастыра беруге болады. 
 Біздің жас ұрпақтың бойында білімге, ғылымға деген зор қызығушылық бар. Алдағы уақытта біздің елімізден де талай талантты азаматтардың шығатынына сенім мол. Олардың қатарында өздерің де барсыңдар. Болашақтарың баянды, өмірлерің жарқын болсын»,-деді Гүлшара Әбдіқалықова.
</blockquote>
Биыл облыста 8 оқушы халықаралық олимпиаданың жүлдегері атанып, 38 бала республикалық олимпиада мен ғылыми жарыстарда үздіктер қатарынан көрінді. Ал, «Бастау» республикалық олимпиадасында облыс командасы ІІІ орынды иеленді. Мұнан бөлек, ауыл балаларына арналған «Мың бала» Ұлттық Зияткерлік олимпиадасында 99 оқушы жеңімпаз атанып, мамандандырылған мектептерге қабылдануда. Сондай-ақ, IQanat Олимпиадасында үздік нәтиже көрсеткен 26 оқушы Қапшағайдағы демалыс орталығында тынығып қайтты. 4 оқушы қазіргі кезде Бурабайда орналасқан «Iqanat High shool of Burabai» мектебінде білім алуда.
Өңірде «Елбасы медалі» жобасына облыстан 351 оқушы қатысып, 247 бала қола медаль иегері атанды. Ал, 54 оқушы күміс медальге, 49 оқушы алтын медальді иелену үшін бақ сынамақ.
Салтанатты жиында дарынды оқушылар облыс әкімімен еркін форматта пікірлесіп, көкейде жүрген сауалдарын ортаға салды. Озат оқушылардың ойларын тыңдаған аймақ басшысы дарынды оқушыларға арнайы «Сыр Дарыны» медалін табыстады. Сонымен бірге оқушылар мен студенттер арасында өткен дебаттық турнир жеңімпазы №3 ІТ мектеп-лицейдің бітіруші түлегі, Алтын белгі иегері Арайлым Жақсылыққа Қорқыт ата атындағы Қызылорда университетінің гранты бұйырды.
Жиында республикалық олимпиада қорытындысымен «Үздік 100 мектеп» жобасының жеңімпаздары да марапатталды.
Кездесу соңында Сыр дарындылары атынан мектеп оқушылары Нұрайым Пакуаддинова мен Бағдаулет Жарылқасын сөз алып, жүрекжарды тілегін арнады. Мұнан кейін білімпаз жастар мотивацияға толы «Бір үйдің баласындай» әнін шырқады.
Басқосу соңында Гүлшара Әбдіқалықова Сыр өрендерінің халықаралық, республикалық білім додадарындағы жеңісі Тәуелсіздіктің 30 жылдығына арнайы тарту болғанын атап өтіп, дарындыларға сенім білдірді.
<img src="https://kyzylorda-news.kz/wp-content/uploads/2021/07/203582231_3491471917622519_719080614948238654_n.jpg" alt="" />
<img src="https://kyzylorda-news.kz/wp-content/uploads/2021/07/206467378_3491471717622539_1188005476433061654_n.jpg" alt="" />
<img src="https://kyzylorda-news.kz/wp-content/uploads/2021/07/208049388_3491470830955961_5831281876264693318_n.jpg" alt="" />

Гүлшара Әбдіқалықова: Сыр бойы қай кезде де ұлы тұлғаларға кенде болмаған

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова Қорқыт ата атындағы Қызылорда университетінде өткен Қазақстан Республикасы Тәуелсіздігінің 30 жылдығы мен Астана күні аясында ұйымдастырылған «Қазіргі сын-қатерлер, дәстүрлер мен инновациялар: «Әлеумет. Тұлға. Құндылықтар» атты І Халықаралық форумға қатысты.
Ауқымды шарада шетелдік және отандық жетекші ғалымдар, саясаткерлер, қоғам қайраткерлері пікір алмасты. Бірқатар шетелдік ғалымдар жиынға онлайн байланыс арқылы қосылды. Форумның мақсаты – әлеуметтік-экономикалық факторлар мен рухани-өнегелік ерекшеліктерді ескере отырып, қазіргі қоғамның құндылықтарын талдау және аймақты одан әрі дамытуға ұсынымдар әзірлеу.
Аймақ басшысы жиында қазіргі қоғамның құндылықтары мен облыстың әлеуметтік-экономикалық факторлары талданып, тың ғылыми тұжырымдар жасалатындығына сенім білдірді.
<blockquote>
 «Елбасы Нұрсұлтан Әбішұлы Назарбаев Алаштың анасына балаған Сыр өңіріне қош келдіңіздер! Сыр өңірі – белгілі бір дәстүрдің ғана жеке дамыған жері емес, сан түрлі тарихи оқиға мен көзқарастар бір мүддеге тоғысқан өлке. Мемлекет басшысы Қасым-Жомарт Кемелұлы Тоқаев «Барымыз да, бағымыз да – Тәуелсіздік», – деп айқындай түсті. Әлемде белең алған пандемияның жаһандық экономикаға, сондай-ақ еліміздің экономикасына кері әсерін тигізгені белгілі. Сондықтан тез өзгерістерге бейімделетін қазіргі жаһандану заманында коронавирус пандемиясы жаһандық қоғам үшін бұрын-соңды болмаған сын-тегеурінге айналды. 
 Бүкіл әлемнің даму үрдісі ретінде жаһан жылдамдығы одан әрі күшейтіп, аса күрделі құралдар мен жабдықтар дамып келеді, әлеуметтік-саяси жүйе өзгеруде. Осы құндылықтар өзгерістері мен жаңалықтардың барлығы еңбек нарығына әсер етіп, оған жағдай жасайды. Демек мұндай өзгерістерден кейін жұмысқа қойылатын және тұлға факторына қатысты талаптар да өзгереді. Сыр өңірінде отбасы институтындағы дәстүрлі мәдени құндылықтарға негізделген қарым-қатынастар қазіргі қоғам аясындағы жаңа әлеуметтік-экономикалық жағдайлармен үйлесе отырып, дұрыс бағытта дамып келе жатыр», – деді Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2021/06/9d844e2a40c492cbc00abe8cd435c359_1280x720.jpg" alt="" />
Форумның модераторы, Қорқыт ата атындағы Қызылорда университетінің ректоры Бейбіткүл Кәрімова оқу орнында еңбек нарығында бәсекеге қабілетті мамандықтарды дайындау мақсатында университеттің профессор-оқытушылар құрамы үшін жаңа дағдыларды игеру, цифрлық біліктіліктерін арттыру жұмыстары жүйелі түрде жүргізіліп жатқандығын айтты.
Мұнан бөлек форумда ЮНИСЕФ-тің Қазақстандағы басшысы Артур ван Дизен «Халықаралық стандарттарды ескере отырып, балалықты қорғау мәселелері» тақырыбында, шетелдік ғалымдар, Гази Түрік университетінің профессоры Ченгел Хулия «Тәуелсіздіктің 30-жылында Түркия мен Қазақстанның мәдени байланыстары» тақырыбында, П.А. Столыпин атындағы Поволжье басқару институтының профессоры Александр Неверов «Қоғамды цифрландыру жағдайында құндылықтарды қалыптастыру және тұлғаны дамыту ерекшеліктері» тақырыбында және Борнмут Университетінің Phd докторы Вячеслав Филимонов «Туризмдегі әйелдер кәсіпкерлігі өңірлік даму мен кедейшілікпен күрес құралы ретінде: Өзбекстандағы Арал теңізі аймағының мысалында» тақырыбында баяндама жасады. Ал, еліміздің жетекші ғалымдары мен саясаткерлері экономикалық және әлеуметтік қызметке ғалымдарды тарту саласында жобалар мен бастамаларды іске асыруға бағытталған әрекеттерді және Қызылорда облысының әлеуметтік-экономикалық дамуына қатысты ғаламдық және аймақтық интеграциялық бірлестіктердің бастамаларын жүзеге асырудағы қауымдастықтардың белсенді рөлі жайлы өз пікірлерін ортаға салды.
<img src="https://kyzylorda-news.kz/wp-content/uploads/2021/06/788b0e4092b25054e3e6c25d298dc609_1280x720.jpg" alt="" />
<img src="https://kyzylorda-news.kz/wp-content/uploads/2021/06/aef47099003323c6235383a29fa82206_1280x720.jpg" alt="" />
<img src="https://kyzylorda-news.kz/wp-content/uploads/2021/06/efab1839fc896a0d993e6ab42ec7dcb4_1280x720.jpg" alt="" />

Қызылордада «Әлеумет. Тұлға. Құндылықтар» атты І Халықаралық форум өтті

<a href="https://kyzylorda-news.kz/">Kyzylorda-news.kz</a>. Ертең Қорқыт ата атындағы Қызылорда университетінде ҚР Тәуелсіздігінің 30 жылдығы аясында халықаралық форум өтеді.
Ғылыми шараға 500-ге жуық оқытушы-профессор, шетелдік және отандық ғалым қатысады деп күтілуде. Пандемияға байланысты форумды офлайн және онлайн форматта өткізу жоспарлануда. Бұл туралы Өңірлік коммуникациялар қызметінің ақпараттық алаңында өткен брифингте Қорқыт ата атындағы Қызылорда университетінің проректоры Абайбек Жүнісов мәлімдеді.
<blockquote>
 «Өздеріңізге белгілі, Президентіміз Қасым-Жомарт Кемелұлы үкімет отырысында Тәуелсіздіктің 30 жылдығын атап өтудегі ерекшеліктерді атап өткен болатын. Мемлекет басшысы ел тарихындағы елеулі мереке кезінде құр даңғаза мен ысырапшылдыққа жол беруге болмайтынын, әрбір шараны елге пайдасы тиетін нақты істерге ұластыру қажет екенін баса айтты. Осыған орай, форумда қатысушылар «Қазіргі сын-қатерлер, дәстүрлер мен инновациялар: «Әлеумет. Тұлға. Құндылықтар» атты тақырыбында құнды ойларын айтып, пікір алмасады. Яғни Тәуелсіздік жылдарындағы жетістіктер, елдің экономикалық дамуы, рухани жаңғыру мен жастар мәселелері қозғалады. Айта кетейік, ғылыми шара барлық карантин талаптарына сай жүргізіледі», – деді Абайбек Талғатұлы.
</blockquote>
<img src="https://kyzylorda-news.kz/wp-content/uploads/2021/06/img-20210630-wa0030.jpg" alt="" />

Қазақстан және Қызылорда облысының жаңалықтары: Қазақстан Тәуелсіздігіне – 30 жыл

Қамшыбек Қоңқабаев «Құрмет» орденімен марапатталды

«Тәуелсіздіктің нәзік келбеті» фотожобасы ұйымдастырылуда

«Мерейлі отбасы – 2021»: Гүлшара Әбдіқалықова байқау жеңімпаздарын марапаттады

Абай күні: Қызылордада онлайн форматта мерекелік шаралар өтеді

Аймақ басшысы Абай ескерткішіне гүл шоқтарын қойып, тағзым етті

Гүлшара Әбдіқалықова қызылордалықтарды Абай күнімен құттықтады

Қызылордада 163 адамнан коронавирус анықталды

«Бірлік пен бейбітшіліктің 30 жылы»: Облыстық Қазақстан халқы Ассамблеясының ХХIІІ сессиясы өтті

«Ынтымақ» өңіраралық рухани байланыс телекөпірі өтті

Гүлшара Әбдіқалықова: Сыр бойы қай кезде де ұлы тұлғаларға кенде болмаған

Қызылордада «Әлеумет. Тұлға. Құндылықтар» атты І Халықаралық форум өтті

Тәуелсіздіктің 30 жылдығы: Қызылордада халықаралық форум өтеді

Қазақстан және Қызылорда облысының жаңалықтары: Қазақстан Тәуелсіздігіне – 30 жыл

Қамшыбек Қоңқабаев «Құрмет» орденімен марапатталды

«Тәуелсіздіктің нәзік келбеті» фотожобасы ұйымдастырылуда

«Мерейлі отбасы &#8211; 2021»: Гүлшара Әбдіқалықова байқау жеңімпаздарын марапаттады

Абай күні: Қызылордада онлайн форматта мерекелік шаралар өтеді

Аймақ басшысы Абай ескерткішіне гүл шоқтарын қойып, тағзым етті

Гүлшара Әбдіқалықова қызылордалықтарды Абай күнімен құттықтады

Қызылордада 163 адамнан коронавирус анықталды

«Бірлік пен бейбітшіліктің 30 жылы»: Облыстық Қазақстан халқы Ассамблеясының ХХIІІ сессиясы өтті

«Ынтымақ» өңіраралық рухани байланыс телекөпірі өтті

Гүлшара Әбдіқалықова: Сыр бойы қай кезде де ұлы тұлғаларға кенде болмаған

Қызылордада «Әлеумет. Тұлға. Құндылықтар» атты І Халықаралық форум өтті

Тәуелсіздіктің 30 жылдығы: Қызылордада халықаралық форум өтеді

«Мерейлі отбасы – 2021»: Гүлшара Әбдіқалықова байқау жеңімпаздарын марапаттады