Kyzylorda-news.kz. Қызылорда облысының әкімі Гүлшара Әбдіқалықова сырбойылықтарды Қазақстан Республикасының Конституциясы күнімен құттықтады.
Қадірлі сырбойылықтар! Баршаңызды еліміздің ұлық мерекесі – Қазақстан Республикасының Конституциясы күнімен шын жүректен құттықтаймын!
Қазақстан Республикасының Конституциясы – мемлекетіміздің басты құжаты. Елбасымыз Нұрсұлтан Әбішұлы Назарбаев атап өткендей, «Ата Заңмен өмір сүру – білімі мен тәжірибесін өмір бойы үйренетін демократияның жоғары мектебі».
Әлемде алуан рет Конституция қабылдап, басқару жүйесін соған негіздеген мемлекеттер өркениетті қоғам құрудың алғы шарттарын жасағаны белгілі.
Осы тұрғыда Қазақстандағы мемлекеттік құрылым, Конституциялық құрылыс идеясы мен тарихын зерделесек, оның ғасырлар қойнауының тереңінде жатқанын көреміз.
Ұлы Даланың өсиетіндей «Қасым ханның қасқа жолы», «Есім ханның ескі жолы» жәнеӘз Тәукенің «Жеті Жарғысы» сол кездің өзінде-ақ аса маңызды роль атқарды.
Ал, 1995 жылы 30 тамызда жалпыхалықтық референдум арқылы қабылданған Конституциямыз заман талабына сай мемлекет пен қоғамның демократиялық тұрғыда жаңаша дамуына, қоғамның саяси, әлеуметтік-экономикалық салаларының түпкілікті жаңғыруына негіз қалады.
Азаматтардың құқықтары мен бостандықтарының мемлекет мүддесінен жоғары қойылуы Ата Заңның басты ұстанымы болып табылды. Сондықтан да оны еркіндік пен бостандықты армандап өткен ата-бабаларымыздың мақсат-мұраттарының орындалғаны, дала демократиясының заңды жалғасы деп айта аламыз.
Міне, енді биыл Тәуелсіздігіміздің 30 жылында Қазақстанның Ата заңы уақыт сынынан сүрінбей өтіп, өзінің заман талабына лайықтығын жан-жақты дәлелдеп отыр.
Ел Президенті Қасым-Жомарт Кемелұлы Тоқаевтың сөзімен айтсақ, «Біз мемлекеттің берік конституциялық негізіне сүйене отырып, елдегі келісім мен саяси тұрақтылықты сақтаймыз және азаматтық қоғаммен сындарлы байланысты жалғастыра береміз. Қазіргі қиындықтарды бірге еңсеріп, көздеген мақсатымызға жететінімізге сенімім мол».
Қымбатты жерлестер! Сіздерді еліміздің басты мерекесі – Конституция күнімен құттықтай отырып, әрбір отбасына амандық-саулық, береке-бірлік, мықты денсаулық тілеймін! Тәуелсіз еліміздің тұғыры берік, ғұмыры мәңгі болғай!

Гүлшара Әбдіқалықова қызылордалықтарды құттықтады

Kyzylorda-news.kz. Мемлекет басшысы Қасым-Жомарт Тоқаев қазақстандықтарды Конституция күнімен құттықтады, деп хабарлайды Ақорданың баспасөз қызметі.
<blockquote>
 “Ата заңымыз – қастерлі Тәуелсіздігіміздің сенімді тірегі. Конституция мемлекетіміздің заң жүзінде және саяси тұрғыдан демократия қағидаттары мен заң үстемдігін ұстанатынын айғақтайды. Сондай-ақ ұзақ мерзімді даму бағдарымызды айқындайды”, – делінген құттықтауда.
</blockquote>
Тоқаев ҚР Тұңғыш Президенті – Елбасы Нұрсұлтан Назарбаевтың бастамасымен және тікелей атсалысуымен әзірленген еліміздің бас құжаты әлеуметтік-экономикалық жетістіктеріміздің және қоғамдық өмірдің барлық саласындағы ауқымды реформаларымыздың берік тұғыры болып саналатынын атап өтті.
Конституциямыздың ұлағатты ұстанымдары экономикалық дағдарыстарды батыл еңсеріп, болашаққа сеніммен қадам басуымызға жол ашады. Біз азаматтардың құқықтары мен бостандықтарына кепілдік беретін мызғымас құндылықтарға сүйене отырып, әділ мемлекет құрамыз. Басты мақсатымыз – халықтың тұрмыс сапасы мен әл-ауқатын арттыру, деді президент.
Сонымен қатар ол Ата заң ел бірлігін және адамның ар-ұжданы мен абыройына қол сұғуға болмайтынын негіздеп, кемсітудің кез-келген түріне тыйым салу арқылы ұлтымызды ұйыстыратынын, осы басты ұстанымдар баға жетпес байлығымыз – ішкі саяси тұрақтылықты қамтамасыз ететінін айтты.
Президент барша қазақстандыққа зор денсаулық, бақ-береке және мол игілік тіледі.
Бүгін, 30 тамыз – Қазақстанда Конституция күні. Биыл Ата заңға 26 жыл толып отыр.

Қасым-Жомарт Тоқаев: Ата заңымыз – қастерлі Тәуелсіздігіміздің сенімді тірегі

Kyzylorda-news.kz. Қызылордада Семей ядролық полигоны жабылуының 30 жылдығына орай облыстық ғылыми-танымдық конференция өтті.
«Семей полигонының жабылуы – тәуелсіздіктің теңдессіз жеңісі» тақырыбымен ұйымдастырылған конференцияда, сынақ алаңының жабылуына қатысты тарихи деректер кеңінен талқыланып, полигонда әскери борышын өтеген ардагерлер көзбен көрген оқиғаларымен бөлісті. Ел Тәуелсіздігінің 30 жылдық мерейлі мерекесімен қатар келген айтулы датаның біздің еліміз үшін ғана емес, әлем елдері үшін маңызы туралы айтылды.
Жиынға ҚР Парламенті Сенатының депутаты Ақмарал Әлназарова, облыс әкімінің орынбасары Серік Ахмет, облыстық «Қызылорда-Невада-Семей» қоғамдық бірлестігінің төрағасы Сәбит Әбіш пен бірлестік мүшелері, облыстық ардагерлер кеңесінің төрағасы Серік Әбіш және мәслихат депутаттары, жоғары оқу орындарының ғалымдары, үкіметтік емес ұйым өкілдері, облыстық этномәдени бірлестіктер мен жастар ұйымының жетекшілері мен белсенділері және қала және аудандардағы зиялы қауым өкілдері бейнебайланыс арқылы қатысты.
ҚР Парламенті Сенатының депутаты Ақмарал Шәріпбайқызы Семей ядролық полигонының жабылуы бүкіл әлемдегі ядролық сынақтарға мораторий қою жөніндегі халықаралық іс-қимылға және Орталық Азиядағы ядролық қарудан азат аймақты құруға негіз болғандығын баса айтты.
Сонымен қатар, жалпы қазақстандықтарға ғана емес, бүкіл адамзат үшін маңызды оқиғаға айналған Семей полигонын жабу еліміз Тәуелсіздік алар тұста қабылданған ең маңызды шешім болды деп атап өтті.
Басқосуда облыс әкімінің орынбасары «Қазақстан – әлемде бірінші болып, ядролық қарудан бас тартқан ел. 2009 жылы Елбасымыз 29 тамызды Ядролық қарудан бас тартудың бүкіләлемдік күні деп жариялау жөнінде бастама көтеріп, Біріккен Ұлттар Ұйымы тарапынан қолдау тапты. Нәтижесінде, 40 жыл бойы ажал отын шашқан қасиетті Семей өңіріндегі полигонның жабылуы, Қазақ елі үшін үлкен бақыт, әлем халқы үшін үлкен жетістік әкелді. Семей полигонын жабу және Қазақстанның ядролық қарудан өз еркімен бас тарту жөніндегі тарихи шешімі қабылданған бұл күнді ұлықтау бізге парыз», – деп, бұл күннің ел тарихындағы және адамзат тарихындағы маңызына тоқталды.
Конференция барысында баяндама жасаған «Қорқыт Ата» атындағы Қызылорда университетінің тарих ғылымдарының докторы Тастанбек Сәтпай: «Елбасы 1991 жылдың 29 тамызында Семей полигонын жабу туралы Жарлыққа қол қойып, бұл апат ресми түрде жабылғаны тарихтан белгілі. Бұл сәтте халықтық дипломатияның да жарқын үлгісі көрініс тауып, сынақ алаңының жабылуына жұрт болып жұмыла атсалысты. Бұл ретте «Семей – Невада» антиядролық қозғалысының ықпалын ерекше атап өткен жөн», – деді.
Конференция қорытындысымен Серік Әбжәліұлы облыстық «Қызылорда-Невада-Семей» қоғамдық бірлестігінің төрағасы Сәбит Әбішті 30 жылдық мерекемен құттықтап, облыс әкімі Гүлшара Наушақызының «Алғыс хатын» табыстады.
Айта кету керек, аталмыш мерейлі мерекенің жалғасы 29 тамыз күні облыс әкімінің қатысуымен «Тағзым алаңында» гүл қою шарасымен жалғасады деп күтілуде.
<img src="https://kyzylorda-news.kz/wp-content/uploads/2021/08/img-20210827-wa0063.jpg" alt="" />
<img src="https://kyzylorda-news.kz/wp-content/uploads/2021/08/img-20210827-wa0064.jpg" alt="" />
<img src="https://kyzylorda-news.kz/wp-content/uploads/2021/08/img-20210827-wa0061.jpg" alt="" />

Қызылордада «Семей полигонының жабылуы – Тәуелсіздіктің теңдессіз жеңісі » атты конференция өтті

<a href="https://kyzylorda-news.kz/">Kyzylorda-news.kz</a>.&nbsp;Бүгін Қорқыт Ата атындағы Қызылорда университетінің бас оқу ғимаратының мәжіліс залында онлайн форматта ZOOM&nbsp; платформасында&nbsp; “Қазақстан Республикасының Конституциясы: бірлік, тұрақтылық, өркендеу”&nbsp; атты ғылыми-тәжірибелік конференциясы өтті.
Шараны Қорқыт Ата атындағы Қызылорда университетінің Ғылым департаментінің директоры, география ғылымдарының кандидаты, профессор Қали&nbsp; Омаров ашты.
Жиынға ZOOM-мен оқытушы-профессорлар, білім алушылар қатысып, еліміздің Ата заңына байланысты баяндамалар оқылды.
Философия ғылымдарының докторы Баймырза Қожамберліұлы баяндамасында біздің Қазақстан Республикасының Конституциясының ұстанымдары жайлы сөз қозғады. Конституция 4 ұстанымға негізделген. Бірінші ұстаным – қоғамдағы саяси тұрақтылық. Екіншісі – экономикалық даму. Үшінші ұстаным – Қазақстандық патриотизм, соңғысы – барлық мәселені референдуммен шешу екенін түсіндіріп, әр ұстанымға тоқталды.&nbsp;
<blockquote>
 «Адамның ар-намысына , қадір-қасиетіне ешкім қол сұға алмайды. Осыған орай, жастарға Конституцияны жаттап, өз құқығын білуге, заңға сауатты болуға шақырамын»,&nbsp; – деді Баймырза Қожамберліұлы.
</blockquote>
Сонымен қатар, ҚР Президент жанындағы мемлекеттік басқару академиясының Қызылорда облысы бойынша филиалының профессоры, заң ғылымдарының кандидаты Ақзада Айдарқызы Конституцияның ережелерімен, құрылысы және құрылымымен таныстырды. Бұдан бөлек, PhD, Қорқыт Ата атындағы Қызылорда университеті құқықтану кафедрасының аға оқытушысы Айнұр Жеңісқызы кәмелеттік жасқа толған барлық жастардың Конституция заңдарын қатаң сақтауға міндетті екенін ескертті.
Конференцияның соңында Қали Омаров барлық конференцияға қатысушыларды 30 – тамыз Конституция күнімен құттықтап, конференцияны қорытындылады.

Университетте Конституция күніне арналған ғылыми-тәжірибелік конференциясы өтті

<a href="https://kyzylorda-news.kz/">Kyzylorda-news.kz</a>. Қызылорда облысының әкімі Гүлшара Әбдіқалықова жұмыс сапарымен Қармақшы ауданына барды.
Аймақ басшысы алдымен Жаңажол ауылдық округіндегі орталық алаңның салтанатты ашылу рәсіміне қатысты. Орталық алаңның құрылысын «Жаңажол» ЖШС жеке қаражат есебінен жүргізген. Жоба құны 250 млн.теңгені құрайды. Бұл жерде арка, стела, су бұрғақ, балалар ойын және спорт алаңы, сауда дүңгіршегі орналасқан.Мұнан соң облыс әкімі аудан орталығында орналасқан ҚР Мемлекеттік рәміздер алаңының ашылу рәсіміне қатысып, тұрғындарға құттықтау лебізін жеткізді.
<blockquote>
 «Биыл Тәуелсіздігіміздің 30 жылдық мерейтойын атап өтудеміз. «Біз тәуелсіздікке аңсап, зарығып жеттік. Енді сол тәуелсіздіктің қасиетті белгілерін де ерекше қадірлеуіміз, қастерлеуіміз керек» – деп Тұңғыш-Президент Елбасы Нұрсұлтан Әбішұлы Назарбаев баса айтқан болатын. Сондықтан, бүгін киелі Қармақшы жерінде көк байрағымызды биікке көтеріп, «Мемлекеттік Рәміздер алаңы» ашылып отыр. Тәуелсіздігіміз баянды, бірлігіміз бекем болсын! Көк туымыз көкте мәңгі желбірей берсін», – деді Гүлшара Әбдіқалықова.
</blockquote>
Аймақ басшысы салтанатты шарада өнер көрсеткен, халықаралық және республикалық жыршылар байқауларының жүлдегері, Елбасы қолынан домбыра алған жас өнерпаз Арай Оңғарқызына сый сияпат жасады.Айта кетейік, Рәміздер алаңының құрылысын жүргізген бас мердігер мекеме «SILK ROAD CONSTRUCTION» ЖШС. Құрылыс жұмыстары ағымдағы жылдың мамыр айында басталып, тамыз айында пайдалануға берілді.
<img src="https://kyzylorda-news.kz/wp-content/uploads/2021/08/karmakshyyyyy.jpg" alt="" />
<img src="https://kyzylorda-news.kz/wp-content/uploads/2021/08/karmakshyy.jpg" alt="" />
<img src="https://kyzylorda-news.kz/wp-content/uploads/2021/08/karmakshyyyy.jpg" alt="" />

Қармақшыда жаңа Рәміздер мен орталық алаңы ашылды

<a href="https://kyzylorda-news.kz/">Kyzylorda-news.kz</a>. Қызылорда облысының әкімі Гүлшара Әбдіқалықова «Транстелеком» АҚ «Қызылордатранстелеком» филиалының ақпаратты жинау және сақтау бойынша орталығының (Data center) ашылу рәсіміне қатысып, жұмысымен танысты.
Аймақ басшысы шараға қатысушыларды келе жатқан Конституция күнімен құттықтап, ҚР Тәуелсіздігі 30 жылдығы қарсаңында заманауи ақпараттық орталығы пайдалануға берілуінің маңызы зор екенін атап өтті.
<blockquote>
 «Ақпараттық технологиялар қарқынды дамыған шақта кез келген мемлекеттің тұрақтылығы экономикасына және цифрлық дамуына байланысты. Мемлекет басшысы Қасым-Жомарт Кемелұлы Тоқаев «Жаңа жағдайдағы Қазақстан: іс-қимыл кезеңі» атты Жолдауында «Цифрландыру – ұлттың бәсекеге қабілеттілігін арттырудың негізгі құралы. Қазір адамдар емес, мәліметтер «зыр жүгіруге» тиіс. Деректермен жұмыс істеуді жаңа деңгейге көтеру керек. Мәліметтер базасының бірыңғай жүйесімен қамтамасыз ету және оны әрі қарай дамыту – Үкіметтің басты міндетінің бірі» деп осы саладағы нақты бағытты айқындап берген болатын», – деді аймақ басшысы.
</blockquote>
Сондай-ақ, облыс әкімі мемлекеттік әріптестік аясында бұл орталық әкімшілік нысандары деректерінің үздіксіз жұмыс жасауына зор ықпалын тигізетінін, бизнес өкілдері үшін де жаңа мүмкіндіктер ашылатынын жеткізді.
Өз кезегінде «Транстелеком» АҚ басқарма төрағасы Елнар Адайбеков аймақ басшысына қолдау көрсеткені үшін алғысын білдіріп, орталықтың мүмкіндіктері мен инфрақұрылымын таныстырды. Орталықты пайдалануға беру арқылы аймақта икемді ІТ–инфрақұрылымдарды құру бойынша инновациялық шешімдерді ұйымдастырудың жаңа деңгейіне көшуге болады. DATA орталық «Цифрлы Қазақстан» мемлекеттік бағдарламасы аясында «Транстелеком» акционерлік қоғамы арқылы жүзеге асты. Жоба құны – 6 млрд. теңге. Орталықтың жалпы аумағы 1.4 гектар, құрылысы 2020 жылы басталып, барлық жабдықты пайдалануға беруді қоса алғанда 10 айда іске асырылып отыр. Нысанда 45 жаңа жұмыс орны ашылған.Орталықтың негізгі қызмет түрі – тапсырыс беруші серверінің жұмысына байланыс арналарын көп деңгейлі резервтеу, үздіксіз қуаттауды қамтамасыз ету және қажетті климаттық параметрлерді ұйымдастыру арқылы қолдау көрсету мақсатында клиенттік серверлерді «Транстелеком» АҚ арнайы алаңдарына орналастыру.
Айта кетейік, Деректерді өңдеу орталығының Қызылорда облысынан бөлек, көршілес Түркістан, Жамбыл облыстары мен Шымкент қаласына да техникалық қызмет көрсету мүмкіндігі бар.
<img src="https://kyzylorda-news.kz/wp-content/uploads/2021/08/240587771_3651241248312251_7588031048071853703_n.jpg" alt="" />
<img src="https://kyzylorda-news.kz/wp-content/uploads/2021/08/239494943_3651241288312247_3458090049156113751_n.jpg" alt="" />

Қызылорда облысының әкімі ақпаратты өңдеу орталығының ашылу рәсіміне қатысты

<a href="https://kyzylorda-news.kz/">Kyzylorda-news.kz</a>. Қызылордада Қазақстан Республикасы Тәуелсіздігінің 30 жылдығы мен Конституция күні аясында «Тәуелсіз Қазақстан: Жасампаздыққа толы жылдар. Қызылорда облысының басты жетістіктері» тақырыбында дөңгелек үстел өтті.
Дөңгелек үстелге аймақтың зиялы қауым өкілдері, облыстық және қалалық мәслихат депутаттары, жоғары оқу орындарының ғалымдары, үкіметтік емес ұйым өкілдері, облыстық этномәдени бірлестіктер мен жастар ұйымының жетекшілері мен белсенділері қатысты.
Қатысушылар жиын барысында Тәуелсіздігіміздің қатпарлы тарихынан сыр шертіп, отыз жылда еліміз бен Қызылорда облысының қол жеткізген табыстары мен жасампаз істер туралы ой бөлісті. Басқосуда сондай-ақ еліміздің сенімді дамуына негіз болған, әлeмдік қaуымдaстықтa кeңінeн тaнылған, Елбасының сарабдал саясатымен жүзеге асқан «Қaзaқстaндық дaму модeлі» жайлы да пікір білдірді. Eлбaсының сындaрлы сaясaты мeн оның көшбaсшылық қaсиeті ел экономикaсын әлeм бойыншa eң қарқынды дaмығaн мемлекеттердің дәрeжeсінe жeткізді. Бүгіндe Қaзaқстaнның әлeм eлдeрімeн тeрeзeсі тeң сaясaтты орнaтуы,&nbsp; көп этносты eліміздe бeйбітшілікті сaқтaуы, EҚЫҰ-дa төрaғaлық eтуі, Елорданың сaлынуы, EXPO-2017 хaлықaрaлық көрмeсінің өткізілуі, Солтүстік Aрaл тeңізін сaқтaп қaлу жобасының іске асырылуы – мұның бәрі Тұңғыш Прeзидeнтіміз – Елбасының бaсшылығымен жүзeгe aсырылды.
Aлaштың aнaсынa бaлaнғaн қaсиeтті Сыр өңірі әрдaйым Eлбaсының eрeкшe нaзaрындa. Облысымыздың болашаққа деген ұмтылысына, іргелі істерді жүзеге асырудағы әрбір бастамасына Елбасының үздіксіз қолдауы сезіліп, өңір тұрғындарының табысын арттырды, тұрмысын жақсартты, &nbsp;ең бастысы, ертеңге деген сенімін күшейтті.
Дөңгелек үстел жұмысы барысында &nbsp;– Тәуелсіздігіміздің 30 жылында еліміздің, оның ішінде Қызылорда облысының қол жеткізген жетістіктері мен жасампаз істеріне, тәжірибелері мен бастамаларына тарихи шолу жасау арқылы Елбасының рөлі айшықталып, Тәуeлсіз Қaзaқстaнның ұлттық құндылықтары дәріптелді.&nbsp;
<img src="https://kyzylorda-news.kz/wp-content/uploads/2021/08/5-6.jpg" alt="" />
<img src="https://kyzylorda-news.kz/wp-content/uploads/2021/08/2-14.jpg" alt="" />

Тәуелсіз Қазақстан: Қызылорданың басты жетістіктері

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықованың төрағалығымен «Білімді Ұлт – тұрақты даму кепілі» тақырыбындағы білім беру қызметкерлерінің педагогикалық тамыз кеңесі өтті. Аймақ педагогтарының басқосуына Қазақстан Республикасы Парламент Сенатының депутаттары Мұрат Бақтиярұлы, Ақмарал Әлназарова, Қазақстан Республикасы Парламент мәжілісінің депутаты, Парламент Мәжілісі төрағасының орынбасары Балайым Кесебаева, «Talap» КЕ АҚ вице-президенті Санжар Тәтібеков, ZOOM платформасы арқылы Ы.Алтынсарин атындағы Ұлттық білім академиясының президенті Ғани Бейсембаев қатысты. Сондай-ақ, пандемия жағдайын ескере отырып, кеңес жұмысына Қызылорда қаласы және аудан әкімдері, аймақтағы білім беру ұйымдарынан 400-ге жуық өкілдері ZOOM платформасы арқылы қосылды.
<img src="https://kyzylorda-news.kz/wp-content/uploads/2021/08/tamyzz.jpg" alt="" />
<blockquote>
 «Ел Тәуелсіздігінің 30 жылдығы қарсаңында өздеріңізбен дәстүрлі тамыз кеңесінде кездесіп отырмыз. Тамыз конференциясы тек алқалы жиын ғана емес, білім саласының кешенді даму жоспарын айқындап, алдағы міндеттерді саралап, тың ой мен ерекше идеяларды ортаға салатын боламыз. Өздеріңізге белгілі, биыл Үкіметпен дәстүрлі форматта оқыту туралы шешім қабылданды. Өткен аптада және күні кеше қала, ауылдарды аралап, бірнеше мектептің жаңа оқу жылына дайындық барысын өзім көріп шықтым. Облыс бойынша білім беру ұйымдары 1-қыркүйекте оқушыларды қабылдауға дайын! Індеттің жаңа штамдары пайда болған қазіргідей қиын кезеңде біз үшін әрбір баланың денсаулығы маңызды! Сондықтан, облыстық білім басқармасына барлық білім ұйымдарында санитарлық талаптарды қатаң сақтауды, балалар өмірінің қауіпсіздігін қамтамасыз ету мәселесін ерекше бақылауда ұстауды тапсырамын. Бұл – күн тәртібіндегі біздің жұмысымыздың ең маңызды бағыты! Мемлекет басшысы Қасым-Жомарт Кемелұлы Тоқаевтың мәртебелі мамандық иелеріне деген ықыласы ерекше екенін жақсы білесіздер. Президенттің бастамасымен соңғы жылдары бұл салада реформалар сәтті жүзеге асырылды: педагогтардың мәртебесін көтеру, ауыл мектептерінің жағдайын жақсарту бойынша нақты қадамдар жасалды», – деді облыс әкімі Гүлшара Әбдіқалықова.
</blockquote>
Педагог және оларға теңестірілген қызметкерлердің еңбекақысы биылдың өзінде 50%-ға көтерілді. Алдағы екі жылда еңбекақы екі есеге дейін өсетін болады. Осы жылы республикалық бюджеттен бұл мақсатқа 32,2 млрд тенге қаржы бөлінді. Үстіміздегі жылы білім саласының бюджеті 185 млрд. теңгені құрады, бұл өткен жылмен салыстырғанда 14 пайызға артты. Сәйкесінше, жаңа реформаға сәйкес мұғалімдерге қойылатын талап та күшейді.
Жиында Қазақстан Республикасы Парламент Сенатының депутаты Мұрат Бақтиярұлы мен ҚР Парламент мәжілісінің депутаты, Парламент Мәжілісі төрағасының орынбасары Балайым Кесебаева сөз сөйлеп, білім саласындағы маңызыды мәселелерді көтерді. Атап айтсақ, білім беру ұйымдарындағы білім сапасының айырмашылығы, инклюзивті білім беру үшін арнайы мектеп ашу, мұғалімдердің медициналық анықтамасын әзірлеуде жеңілдіктер қарастыру секілді ұсыныстарын жеткізді.
Сонымен қатар аймақ педагогтарының басқосуында Ы.Алтынсарин атындағы Ұлттық білім академиясының президенті Ғани Бейсембаев «Білім алушылардың білімін толықтыру жаңа оқу жылының басты міндеті», «Talap» Коммерциялық емес акционерлік қоғамының вице-президенті Санжар Тәтібеков «Техникалық және кәсіптік білім беруді трансформациялаудың өзекті бағыттары» тақырыптарында баяндама жасады.Облыстық білім басқармасының басшысы Ақзира Қасымова атқарылған жұмыстар мен алдағы міндеттер туралы баяндады.
<img src="https://kyzylorda-news.kz/wp-content/uploads/2021/08/tamyzzzz.jpg" alt="" />
<blockquote>
 «Былтырға онлайн оқыту мектептердің компьютерлік паркін жаңартуға да септігін тигізді. Осылайша компьютерлер паркін 100% жаңарту нәтижесінде бір оқушы санына шаққандағы компьютерлер көрсеткіші 14-тен 5-ке дейін төмендеді. Білім саласының бастапқы сатысы – мектепке дейінгі тәрбие бағытында да нәтижелі қадамдар бар. Облыста 670 мектепке дейінгі ұйымдарда 58 мыңнан астам бала тәрбиеленуде. «Нұр Отан» партиясының сайлауалды бағдарламасында көзделген 1 мен 6 жас аралығындағы балаларды балабақшалармен қамту бастамасын кезең-кезеңімен жандандыруға тиіспіз. Балаларды ерте дамыту институтын құру бойынша жұмыстар жүргізілуде. Алғашқы тәжірибені бастап та кеттік. «Алтын ұя» бөбекжай балабақшасы цифрлық білім беру ісіне көшті. Биылғы жылғы мақсат – тірек білім беру ұйымдары арқылы тәжірибені әр ауданнан ІТ балабақша желісін ашатын боламыз», – деді Ақзира Қасымова.
</blockquote>
Биылғы оқу жылындағы басты әрі қуанышты жаңалық – мектеп табалдырығын алғаш аттаған бүлдіршіндеріміз «Әліппе» мен «Ана тілін» оқиды. Жаңа оқу жылында 294 мемлекеттік және 10 жеке мектепте 177 мың оқушы білім алады. Оның ішінде 1-сыныпқа 18 мыңнан аса бала қабылданады.
Дәстүрлі форматта оқуды бастайтын мектеп оқушылары мен мұғалімдердің қауіпсіздігі үшін барлық білім беру ұйымдары «ASHYQ» қосымшасына қосылды. Педагогтардың 97% вакцинацияланды. Оқу жылының басталуына дейін бұл көрсеткіш 100% жетеді деп жоспарлануда. Аймақ мектептері бейнебақылау жүйесімен 100% қамтылды. Өткен жылы 70 мектеп жедел басқару орталығына қосылса, биыл 35 мектеп ұлттық бейнемониторинг жүйесінің тікелей бақылауына енген.
<blockquote>
 «2019 жылдан бастап ауыл мектептерінде білім алатын оқушыларға арналған «Мың бала» олимпиадасына 27502 оқушы қатысып, 174 оқушы жеңімпаз атанды. 2 жыл ішінде 50 оқушы мамандандырылған мектептерге қабылдануға жолдама алды. 2021 жылғы зияткерлік олимпиада қорытындысымен Қызылорда облысы үздік үштіктен көрінді. Басқарма басшысы алдағы 5 жылда «Nur Otan» партиясының жол картасы аясында 28 мектептің құрылысын басталып, биыл 6 жаңа мектепті пайдалануға берілетінін айтты. «Жаңа оқу жылында Президент тапсырмасымен іске асқан Арал ауданы, Сексеуіл кентіндегі 300 орындық мектеп пен инвесторлар есебінен жүргізілген 2 жеке мектеп құрылысы пайдалануға беріледі деп жоспарлап отырмыз. Қалған 3 мектепті жыл соңына дейін табыстаймыз», – деді Ақзира Қасымова.
</blockquote>
Келесі оқу жылынан бастап «Алтын белгіге» үміткерлер үшін талаптар күшейтіледі. Енді үміткерлердің жылдық қорытынды бойынша «5»-тік бағасымен қатар оқушылардың 5-11 (12) сыныптардағы барлық тоқсандық бағалары да «5» болуы керек және ерекшелік белгісіне ұсынылғанға емтиханды тәуелсіз ұйым өткізетін болады.
Облыста инклюзивті білім беруді дамыту мақсатында 2020-2022 жылдарға арналған арнайы Жол картасы жасалып, оған 4 млрд. теңге қаржы қаралды. Биыл 47 мектепке дейінгі мекемеде логопункт ашылып, олар логопед маманымен қамтылады деп жоспарлануда.
Салтанатты шарада білім беру ісіне елеулі үлес қосып, отандық білім мен ғылым саласына ерекше еңбек сіңірген үздіктер марапатталды. Облыс әкімі Гүлшара Әбдіқалықова ҚР Білім және ғылым министрлігінің «Ы.Алтынсарин» төс белгісін Текей батыр Қарпықұлы атындағы жоғары колледжінің құрылтайшысы Мирамбек Исаев, Қазалы ауданы, №276 орта мектебінің директордың оқу ісі жөніндегі орынбасары Бағдат Орымбас, Қызылорда қаласы, №23 мектеп-лицейінің алғашқы әскери дайындық пәнінің мұғалімі Роман Огай және Қызылорда облысының білім басқармасының тәрбие және өзін-өзі тану жұмыстары бөлімінің бас маманы Шолпан Байғазиеваға табыстады. Сонымен қатар Сырдария ауданы, Шіркейлі ауылы Әбірәш Жәмішов атындағы №129 мектеп-лицейінің ағылшын тілі пәнінің мұғалімі Раушан Абдраманова, Исатай Әбдікәрімов атындағы Қызылорда аграрлық техникалық жоғары колледжінің оқытушысы Рахия Абуова, Жалағаш ауданы, «Арай» бөбекжай-бақшасының тәрбиешісі Гүлбану Жалғасова мен Қармақшы ауданы, Шоқан Уәлиханов атындағы №26 орта мектебінің директоры Мәуегүл Ерғалиева «Қазақстан Республикасының Білім беру ісінің құрметті қызметкері» төсбелгісімен марапатталады. Ал, облыс әкімінің «Алғыс хаты» Арал ауданы, №19 орта мектебінің математика пәнінің мұғалімі Гүлжан Сембайқызына, облыстық №7 арнайы түзету мектеп-интернатының еңбек пәнінің мұғалімі Жарқынбек Кәрімбердіұлына, Жаңақорған ауданы, №162 орта мектептің бастауыш сынып мұғалімі Мереке Әбдімәжитқызына табысталды.
Облыс әкімінің «Үздік орта білім ұйымы» грантымен облыстық конкурс жеңімпазы – Қызылорда қаласы, Тәкей Есетов атындағы №264 мектеп-лицейі марапатталады. Сыйақы мөлшері – 34 млн. тенге.
<img src="https://kyzylorda-news.kz/wp-content/uploads/2021/08/tamyzzz.jpg" alt="" />

Тамыз кеңесі: Қызылордада ең үздік білім беру ұйымына 34 млн. теңге табысталды

<a href="https://kyzylorda-news.kz/">Kyzylorda-news.kz</a>. Сексен мыңнан астам халқы бар Аралдың бүгінгі берекелі тіршілігі – Тәуелсіздіктің жемісі.
Арал өңірі үшін Тәуелсіздіктің 30 жылы – өркендеу, даму кезеңіне айналды. Елбасының бастамасымен қолға алынған, ғасыр жобасы -«САРАТС» арқылы қайтқан теңіз суы кемеріне келіп, ата кәсіп қайта жанданды.
Қазір теңіз айдынынан 22 түрлі балық ауланып, 9 балық зауытында жылына 3000 т. жуық өнім өңделуде.
Тәуелсіздіктің тағы бір үлкен сыйы – аралдықтар таза ауыз суға қол жеткізіп, көгілдір отынның игілігін көре бастады.
Ауылшаруашылығы саласында Кеңес дәуірінде ең жоғарғы көрсеткіш берген 1990 ж. салыстырғанда мүйізді ірі-қара 49&nbsp;373 басқа (2,7 есе), жылқы малы 34&nbsp;556 басқа (3,3 есе), түйе малы 27&nbsp;750 басқа (3,1 есе) артып отыр.
Халыққа сапалы қызмет көрсететін 150 орындық аудандық аурухана салынды. Шалғай елді мекендерде 6 дәрігерлік-амбулатория, 1 фельдшерлік-акушерлік пункт, 7 медициналық бекет бой көтерді.
Тәуелсіздік жылдарында 36 білім ошағы салынып, апаттық жағдайдағы мектептер 98% жойылды. Биыл Мемлекет басшысының тапсырмасымен Сексеуіл кентінде салынған 300 орындық мектеп жаңа оқу жылында ашылады.
Тәуелсіздіктің алғашқы жылдары ауданда 356 кәсіпкерлік субъекті болса, қазір бұл көрсеткіш 4299 жетті.
Биылғы жауынның аз мөлшерде түсуі мен ауа температурасының өте жоғары болуынан орын алған қуаңшылық мәселесі өзекті болып отыр. Бүгінгі күнге дейін 590 мал басының өлімі тіркелді. Ағымдағы жылдың 12 шілдесінен бастап Арал ауданының аумағына төтенше жағдай режимі енгізілді.
Шаруаларды қолдау мақсатында Үкімет резервінен 1,7 миллиард теңге, облыс бюджетінен 250 млн.теңге бөлінді. Мұнан бөлек, Қазақстан теннис федерациясының президенті Б.Өтемұратовтың қорынан 263 млн. теңге көмек көрсетілді. Оған аудандағы аз қамтылған отбасыларға 98 млн. теңгеге 898,4 тн. бидай кебегі алынды. Аманөткел елдімекеніндегі «Асапай» су ағытқысы іске қосылады. Мал азығын дайындайтын сервистік орталықтар құруға 2 селолық тұтыну кооперативіне екі бірлік арнайы техника алынды.
Индустрияландыру бағдарламасы шеңберінде 7 жоба жүзеге асырылып, 285 жұмыс орыны құрылады. Мемлекеттік бағдарламалар аясында қаржы институттарымен 95 жобасы қолдау тауып, 445 тұрақты жұмыс орыны ашылды.
Құрылыс саласында 3,1 млрд. теңгенің жобалары іске асырылуда.
«Дағдарыс-мүмкіндік» формуласы негізінде Қазақстан қиын сәттерде жұдырықтай жұмылып, сынақтардан шынығып, жаңа жоспарлармен алға қадам басып келеді. Тәуелсіз Қазақстанмен бірге Аралдың да келешекке сенімі мол. Ең бастысы елдің ауызбіршілігінің және атқарылған осы сан-алуан жұмыстың нәтижесінде барлық мәселелер кезең-кезеңімен өз шешімін тауып келеді.
<img src="https://kyzylorda-news.kz/wp-content/uploads/2021/08/dsc_1864-scaled.jpg" alt="" />
<img src="https://kyzylorda-news.kz/wp-content/uploads/2021/08/1-19-scaled.jpg" alt="" />
<img src="https://kyzylorda-news.kz/wp-content/uploads/2021/08/dji_0012-scaled.jpg" alt="" />
DCIM\101MEDIA\DJI_0012.JPG
<img src="https://kyzylorda-news.kz/wp-content/uploads/2021/08/7y1a0680-scaled.jpg" alt="" />

Тәуелсіздік және Арал

<a href="https://kyzylorda-news.kz/">Kyzylorda-news.kz</a>. 18 тамыз – Шекарашылар күні. Атаулы мерекеге орай Қызылорда облысының әкімі Гүлшара Әбдіқалықова сырбойылықтар мен шекарашыларды мерекемен құттықтады.
Қымбатты сырбойылықтар! Қадірлі шекарашы сардарлар мен сарбаздар!
Сіздерді кәсіби мерекелеріңіз – Шекарашылар күнімен шын жүректен құттықтаймын!
Қай елдің болмасын, мемлекеттілігін айқындайтын оның шекарасы екені белгілі.Елбасы Нұрсұлтан Әбішұлы Назарбаев айтқандай, біздің бабаларымыз ғасырлар бойы ұшқан құстың қанаты талып, жүгірген аңның тұяғы тозатын ұланғайыр аумақты ғана қорғаған жоқ. Олар ұлттың болашағын, келер ұрпағын, бізді қорғады. Сан тараптан сұқтанған жат жұртқа Атамекеннің қарыс қадамын да бермей, ұрпағына мирас етті. Тәуелсіздігімізді алған 30 жылдың ішінде еліміз мемлекеттік шекарамызды заңдық тұрғыдан халықаралық қауымдастық алдында мойындатты. Қол жеткен азаттықты елдің мықты әскері ғана қорғай алады десек, халық тыныштығын қамтамасыз ету – әрбір азаматтың абыройлы міндеті, перзенттік парызы. Осы тұрғыда кірпік қақпай ел тыныштығын күзетіп тұрған шекарашыларымызда үлкен жауапкершілік жүгі бар.
Жер көлемі жағынан тоғызыншы орынды иеленетін еліміздің шекарасын күзету де оңай емес. Алайда, елдің тыныштығы мен қауіпсіздігіне аса сақтықпен қарайтын жауынгерлеріміз өздеріне артылған жүкті абыроймен көтеріп келеді.
Қазіргі кезде алыс-жақын шетелдерде болып жатқан түрлі жағдайлар шекарашыларымызға бір сәт те босаңсуға болмайтынын көрсетеді.
Ел Президенті Қасым-Жомарт Кемелұлы Тоқаев өзінің «Тәуелсіздік бәрінен қымбат» атты мақаласында: «Аумақтық тұтастығымызға күмән келтіріп, тату көршілік қатынастарға сына қаққысы келетін кейбір шетел азаматтарының арандатушылық іс-әрекеттеріне ресми және қоғамдық деңгейде тойтарыс бере отырып, ағартушылық жұмыстарын ұстамдылықпен жүргізген жөн. Біз ұлттық мүддені аспен де, таспен де қорғауға дайын болуымыз қажеттігін тағы да баса айтқым келеді», – деген еді.
Құрметті шекарашылар! Еліміздің ұлттық қауіпсіздігі мен тыныштығын қамтамасыз етіп, ұлан-ғайыр мемлекеттік шекарамызды қорғауда еңбектеріңіз зор.
Сіздердің қиын да абыройлы, жауапкершілігі мол істеріңізге табыс, мықты денсаулық, шаңырақтарыңызға амандық тілеймін. Еліміз тыныш, шекарамыз берік болсын!

Гүлшара Әбдіқалықова шекарашыларды құттықтады

<a href="https://kyzylorda-news.kz/">Kyzylorda-news.kz</a>.&nbsp;Қорқыт ата атындағы Қызылорда университетінің студенттері Нұр-Сұлтан қаласында ҚР Білім және ғылым вице-министрі Қуаныш Ерғалиевтың қабылдауында болды.
Кездесу барысында вице-министр Қуаныш Асылханұлы министрліктің атқарып жатқан жұмыстарымен таныстырып, жаңа оқу жылына сәттілік тіледі. Қабылдауға келген студенттер ҚР Білім және ғылым министрі А.Аймағамбетовтің бастамасымен көтерілген «Оқуға құштар ұлт» жобасы аясында әңгіме өрбітіп, өздерінің қолға алған жобаларын таныстырды.
<blockquote>
 «Қорқыт Ата атындағы Қызылорда университетінің студенттерімен кездестім. Вакцина алған студенттер арасында өткен акция шеңберінде аталған жоғарғы оқу орнының білім алушылары Нұр-Сұлтан қаласына экскурсияға келді. Вакцина алған студенттер мен оқытушылар арасында акция өткізетін жоғары оқу орындарының саны күн санап артып келе жатқаны қуантады», – деді Қуаныш Ералиев.
</blockquote>
Сондай-ақ, университеттің дебат орталығының жаңа бастамалары, студенттік өзін-өзі басқарудағы тың идеялар төңірегінде ой бөлісті.
Еске сала кетейік, Қорқыт ата атындағы Қызылорда университетінде студенттер мен оқытушылардың арасында вакцина алуды жеделдету мақсатында арнайы ұтыс ойындары ұйымдастырылған болатын. Нәтижесінде 30 студент жеңімпаз атанды. Қазіргі таңда олар Нұр-Сұлтан қаласында саяхаттап жүр. Ел Тәуелсіздігінің 30 жылдығына орай ұйымдастырылған экскурсия «Бәйтерек» монументінен бастау алды. Одан кейін студенттер «Экспо 2017» көрмесін, «АЛЖИР» мемориалды-мұражай кешенін, «Тәуелсіздік» монументі мен басқа да мәдени нысандарды аралады.

«Тәуелсіздікке 30 жыл»: Қызылордалық студенттер вице-министрмен кездесті

*<a href="https://kyzylorda-news.kz/">Kyzylorda-news.kz</a>.&nbsp; Бүгін аймақ басшысы Гүлшара Әбдіқалықова генерал Хон Бом Доның сүйегін Корей тарапына табыстау рәсімінен кейін облыстық мекемелер үйінде Корея Республикасы делегациясы өкілдерімен кездесті.*
Кездесуде қос тарап өзара байланысты дамытуға бағытталған маңызды мәселелерді талқыға салды. Облыс әкімі Корея делегациясының сапары екі ел арасындағы достық қарым-қатынастардың айқын көрсеткіші екенін айтып, табысты және жемісті жобалар жүзеге асырылатынына сенім білдірді.
<blockquote>
 “Қасиетті Сыр еліне қош келдіңіздер! Бүгінгі кездесу – Мемлекет басшысы Қасым-Жомарт Кемелұлының 2021 жылғы 17 тамыздағы Корея Республикасына мемлекеттік сапарымен тікелей байланысты. Президенттің мемлекеттік сапары аясында генерал Хон Бом Доның сүйегін табыстау рәсімін өтетін болады. Бұл сапар екі ел арасындағы экономикалық, мәдени-гуманитарлық, туристік байланыстарды одан әрі нығайтуға оң ықпал жасайды деп сенеміз. Сондай-ақ, Қазақстан Республикасы Тәуелсіздігінің 30 жылдығын мерекелеу қарсаңында тарихи сипатқа ие болады”, – деді Гүлшара Әбдіқалықова.
</blockquote>
Қазақстан мен Корея Республикасы 1992 жылдан бастап дипломатиялық қарым-қатынаста. Жүргізілген талдау нәтижелері Корей елінен негізінен автокөліктер, медициналық құрал-жабдықтар, косметикалық тауарлар импортталатынын байқатты.
Президент Қасым-Жомарт Кемелұлы Тоқаевтың мемлекеттік сапары аясында ынтымақтастық бағытында бірқатар бірлескен жобалар жүзеге асырылу жоспарлануда. Оның ішінде Қызылорда облысының әкімдігі тарапынан Сыр елінің бренді саналатын күріш дақылын суды үнемдеп өсіру үшін ақылды технологиялар, тамшылатып суару технологияларын қолдану, білім, денсаулық сақтау салаларындағы өзара іс-қимылды кеңейту, туризм саласын дамыту және инвестициялық жобаларды жүзеге асыру бағытында ұсыныстар айтылды.
Аймақ басшысы Қызылорда облысының әкімдігі инвесторларға мемлекеттік қолдау шараларын көрсетуге дайын екенін жеткізіп, алдағы уақытта екі жақты тиімді байланыс орнатуға мүдделі екенін тілге тиек етті.
Корея Республикасының патриоттар және ардагерлер жөніндегі министрі Хван Ги Чхоль екіжақты ынтымақтастықты орнатуда Корея мемлекеті тарапынан қолдау көрсетілетінін айтып, кездесу үшін алғысын білдірді.
<img src="https://kyzylorda-news.kz/wp-content/uploads/2021/08/fb_img_1628950246979.jpg" alt="" />

Қазақстан және Қызылорда облысының жаңалықтары: Қазақстан Тәуелсіздігіне – 30 жыл