Kyzylorda-news.kz. Қызылорда облысында құсбегілердің «Саятшылық» республикалық чемпионаты өтті, деп хабарлайды <a href="https://www.inform.kz/kz/respublikalyk-chempionatta-eldin-en-uzdik-kusbegileri-anyktaldy_a3901662">ҚазАқпарат</a>.
<img src="https://kyzylorda-news.kz/wp-content/uploads/2022/02/2202200005444122f.jpg" alt="" />
Чемпионат Жаңақорған ауданында 16-20 ақпан аралығында өтті. Жарысқа еліміздің он облысынан 90 саятшы 70 құспен қатысты.
Жарыс қорытындысы бойынша анықталған жеңімпаздар:
Қаршыға түрінен:
І орын – Паң Сейдулла, Түркістан облысы
ІІ орын – Сандыбай Ерлан, Түркістан облысы
ІІІ орын – Күнтуған Серікбек, Нұр-Сұлтан қаласы
ІІІ орын – Сейтжан Аян, Алматы облысы
Ителгі түрінен:
І орын – Тайманов Айшуақ, Маңғыстау облысы
ІІ орын – Оспанқұлов Таңат, Қарағанды облысы
ІІІ орын – Көдеков Мұрат, Алматы облысы
ІІІ орын – Базарбаев Ибрагим, Түркістан облысы
Бүркіт түрінен:
І орын – Құрманалиев Ақберен, Атырау облысы
ІІ орын – Әкімбеков Жалғас, Жамбыл облысы
ІІІ орын – Жаркен Нұрлыхан, Қарағанды облысы
ІІІ орын – Баетбай Ермұхан, Алматы облысы
<img src="https://kyzylorda-news.kz/wp-content/uploads/2022/02/2202200005444121f.jpg" alt="" />
Барша жеңімпаздар мен жүлдегерлер ҚР Мәдениет және спорт министрлігі Спорт және дене шынықтыру істері комитетінің «Спортты дамыту дирекциясы» әзірлеген диплом, медальдармен марапатталып, демеушілердің қаржылай сыйлықтары табысталды.
<blockquote>
 «Қазақ халқының саятшылық өнері – қызықты әрі қасиетті өнер. Жеті қазынаның бірі – ит пен құстың мінез-құлқы мен қасиетін жетік білетін нағыз саятшылар мен құсбегілердің жарысы тартысқа толы болмақ. Ұлттық спорттың дамуына атсалысып жүрген ардагер саятшы Әбдікәрім Түсей мен Алматы облысының ардагер саятшысы, ұлттық спорттың жанашыры Шаймардан Әден жарыстың қонақтары болды», – деді облыстық Дене шынықтыру және спорт басқармасының басшысы Асылжан Жаманқұлов.
</blockquote>
<img src="https://kyzylorda-news.kz/wp-content/uploads/2022/02/2202200005444120f.jpg" alt="" />
Бүгінде ұлттық спорт мектебі еліміздің барлық дерлік аймағында бар. Сол мектептерде құсбегілік өнері үйретіледі.
«Сексенінші жылдары республика бойынша 15-16 ғана құсбегі болған екен. Олардың ішінде ең үлкені 85 жаста болса, ең жасы 60-тан асқан. Қазір табиғатпен тілдесуге жол ашатын ерекше өнерге ықылас білдірген азаматтар саны 200-ге жуық. Қазір ұлттық спорт мектептеріне қызығушы жастар көбейді. Әсіресе, Алматы, Жамбыл, Түркістан облыстарында мектеп жанынан құсбегілік бөлімінің жұмыс істеуі өте жақсы. Жуырда ғана Павлодарда өткен сайысқа қатысушы құсбегі-саятшылардың қатарында жас жігіттер көп болды. Бұрын саятшылыққа тек бүркіт құсы қатысатын. Қазіргі таңда қыран құстың қатарына ителгі, қаршыға, лашын қосылды. Қазақтың көп шоғырланған жері – Сыр өңірінде бұл чемпионат алғаш рет өтіп отыр. Бұған қуаныштымыз. Саятшылықтың қасиетін жас буынға насихаттау үшін осындай ауқымды шаралар ұйымдастыруымыз керек», – деді ҚР құрметті спорт қайраткері Бағдатхан Мүптекеқызы.
Оның айтуынша, ат бәйгесі, жамбы ату, көкпар сияқты ұлттық спорт түрлері жақсы дамыған. Саятшылық, оның ішінде құсбегілік өнердің де қасиетін жас буынға насихаттау үшін осындай ауқымды шараларды жиі ұйымдастыру қажет.

Қызылорда: Республикалық чемпионатта елдің ең үздік құсбегілері анықталды

<a href="https://kyzylorda-news.kz/">Kyzylorda-news.kz.</a> 16-20 ақпан аралығында Жаңақорған ауданында «Саятшылық» құсбегілердің республикалық чемпионаты өтіп жатыр. Жарысқа он облыстан 70 құс пен 90 саятшы қатысады. Бұл туралы Өңірлік коммуникациялар қызметінде өткен брифингте облыстық дене шынықтыру және спорт басқармасының басшысы Асылжан Жаманқұлов мәлімдеді.
<blockquote>
 «Қазақ халқының саятшылық өнері – қызықты әрі қасиетті өнер. Жеті қазынаның бірі – ит пен құстың мінез-құлқы мен қасиетін жетік білетін нағыз саятшылар мен құсбегілердің жарысы тартысқа толы болмақ. Ұлттық спорттың дамуына ат салысып жүрген ардагер саятшы Әбдікәрім Түсей мен Алматы облысының ардагер саятшысы, ұлттық спорттың жанашыры Шаймардан Әден жарыстың қонақтары болады», – деді басқарма басшысы Асылжан Жаманқұлов.
</blockquote>
Баспасөз конференциясында ҚР Мәдениет және спорт министрлігінің аға жаттықтырушысы Базарбек Күнтуғанұлы мен ҚР Қыран Федерациясының президенті, ҚР құрметті спорт қайраткері Бағдатхан Мүптекеқызы саятшылық өнер туралы баяндап, жарысқа қатысушыларға сәттілік тіледі.
<blockquote>
 «Ұлттық спорт мектептері барлық дерлік аймақта бар. Сол мектептерде құсбегілік өнері үйретіледі. 80 жылдары республика бойынша 15-16 ғана құсбегі болса, бүгінде 200-ге жуығы саятшылықтың қыр-сырын меңгерген. Бұрындары саятшылыққа тек бүркіт құсы қатысатын. Қазіргі таңда қыран құстың қатарына ителгі, қаршыға, лашын қосылды. Саятшылықтың қасиетін жас буынға насихаттау үшін осындай ауқымды шаралар ұйымдастыруымыз керек», – деді Бағдатхан Мүтепқызы.
</blockquote>
Қазақ халқы саятшылықпен ежелден айналысып, киелі құс пен аңның бойындағы барлық қасиетін толық меңгерген. Жаңақорған ауданында болатын чемпионат жоғары дәрежеде өтетініне сенімдімін. Жарысқа қатысушыларға тек сәттілік. Киелі өнеріміз жандана берсін, – деді Базарбек Күнтуғанұлы.

Жаңақорғанда құсбегілердің республикалық чемпионаты өтіп жатыр

<a href="https://kyzylorda-news.kz/">Kyzylorda-news.kz.</a> Аймағымыздағы жас өрендерді кәсіби музыкалық өнерге толыққанды даярлау мақсатында Қазанғап атындағы Қызылорда музыкалық жоғары колледжі мен облысымыздағы 13 өнер мектебі меморандумға қол қойды.
Қызылорда облыстық білім басқармасының бастамасымен жүзеге асырылған ынтымақтастық аясында бүгінде өнер мектептерінде білім алып жатқан талантты оқушылар білімінің келесі сатысын кәсіби музыкалық колледжде жалғастыратын болады.
Бойында қалыптасқан киелі өнердің ұшқынын әрі қарай дамытып, музыканың әліппесін, аспаптарда орындау әдістерін игеру үшін, оқушы білім алуының үздіксіздігін қалыптастыруды мақсат тұтқан меморандумға сәйкес мұғалімдердің ғылыми–әдістемелік жұмыстарын, оқулықтар мен электрондық кітапханалық ресурстарды, материалдық-техникалық базаны дамыту жұмыстары үйлестіріледі.
Сондай-ақ, алдағы уақытта өнер мектептерінің кәсіби біліктілігін көтеру үшін біліктілік арттыру курстары, семинар, шеберлік сыныптары, лекция, концерттер, пәндік олимпиадалар ұйымдастырылады.
<img src="https://kyzylorda-news.kz/wp-content/uploads/2022/02/274249182_1298489750654227_9207300780049050722_n.jpg" alt="" />

Қызылордада өнер мектептері  мен музыкалық жоғары колледжі меморандумға отырды

<a href="https://kyzylorda-news.kz/">Kyzylorda-news.kz.</a> Қызылордада балалар музыка мектептерінің және өнер мектептерінің білім алушылары – жас музыканттардың республикалық фестиваль-байқауының облыстық кезеңі өтті.
Қазанғап атындағы Қызылорда музыкалық колледжінде өткен фестиваль-байқауға аймақтағы музыкалық және өнер мектептерінен 135 оқушы қатысты.
Музыкалық дарынды білім алушылар ұжымдарын қолдау, олардың шығармашылық белсенділігін, кәсіби бағдарлануын ынталандыруды мақсат тұтқан фестиваль-байқауда оқушылар 7 номинация бойынша бақ сынасты.
Фестиваль-байқаудың қорытындысы бойынша І орынды 20 оқушы, ІІ орынды 20 оқушы, ІІІ орынды 18 оқушы иеленіп, 19 оқушы «Сахналық шеберлігі үшін», «Жарық жұлдыз», «Өнерді сүйгені үшін», «Әртістігі үшін» секілді арнайы номинацияларымен марапатталып, құлаққап, бумбокс, смарт сағаттар табысталды. Сондай-ақ, әр номинация бойынша жеңімпаз атанған 22 оқушыға республикалық кезеңге жолдама берілді.
<img src="https://kyzylorda-news.kz/wp-content/uploads/2022/02/274039313_1298425787327290_6549173592998296403_n.jpg" alt="" />

Қызылордада республикалық жас музыканттар фестивалі өтті

<a href="https://kyzylorda-news.kz/">Kyzylorda-news.kz.</a>&nbsp; Биыл облыстық филармонияға ширек ғасыр толды. Мерейтойға орай еліміздің бірқатар аймақтарында Сыр өнері дәріптеліп, кең көлемде мәдени шаралар ұйымдастырылады. Сондай-ақ, «Балалар жылы» қарсаныңда «Әдемі» балалар музыкалық театр-студиясының бес жылдығына орай жаңа қойылымдар сахналаналанып, балаларды музыкалық аспаптарға қызығушылығын арттыру мақсатында «Мәңгілік музыка» атты концерт өткізіледі. Биыл аймақта 149 мәдени іс шара өткізу жоспарлануда.
Бұл жөнінде Өңірлік коммуникациялар қызметінің ақпарат алаңында өткен брифингте облыстық мәдениет, архивтер және құжаттама басқармасы басшысының орынбасары Жанат Құрамысова мәлімдеді.
<blockquote>
 «Тәуелсіздік алған жылдары облыстық филармонияның құрылымы кеңейіп, 2007 жылы Тұрмағамбет атындағы халық аспаптар оркестрі, «Ақмешіт» фольклорлық, «Сыр самалы» вокалды аспапты және «Томирис» би ансамбльдері құрылды. Филармонияның алғашқы құрылған жылдарында белгілі композитор Тәңірберген Қалауов басшылық жасап, жыршы-термеші Ақмырза Тұяқбаев,Фатима Төлегенова, Шымберген Тілеулесов, Тәжігүл Аманжолова, Гүлжан Нұржанова, Күлән Қалымбетовалардың ізін бүгінде жас әншілер, өнер ұжымдары жалғастырып келеді. Аталмыш өнер ұжымдары алыс-жақын шетелдерге Сыр өнерін насихаттау мақсатында АҚШ-тың Нью-Йорк, Вашингтон, Біріккен Араб Әмірлігінің Әбу-Даби қалалары мен Түркия, Өзбекстан, Ресей,Татарстан, Босния-Герцеговина елдерінің сахнасында өнер көрсетуде», – деді басқарма басшысының орынбасары Жанат Құрамысова.
</blockquote>
Соңғы 10 жылда облыстық филормония ұжымы әлемнің 10-нан аса елінде концерт өткізді. Бүгінде филормонияның жұмысы кеңейіп, өнер сүйер қауымды ән әлемімен сусындатып келеді.
<blockquote>
 «Биыл мерейтой аясында бірнеше қалаларда Сыр өнерін паш етуді жоспарлаудамыз. Сонымен қатар, ұлағатты ұстаз, профессор Инаят Жарылқановтың 75 жылдығына арналған «Мәртебелі маэстро» атты және ҚР Еңбек сіңірген әртісі Күлән Қалымбетовтың 65 жылдығына орай «Ән ғұмыр» атты шығармашылық кеш өткізіледі. Жалпы концерттік ұйымдардың міндетіне өнер иелерінің шығармашылық кештерін өткізуде жоспарлануда», – деді облыстық филормонияның директоры Талғат Мақашов.
</blockquote>
<img src="https://kyzylorda-news.kz/wp-content/uploads/2022/02/273864563_1470165443378963_1656147372085378137_n.jpg" alt="" />

Биыл Қызылорда облыстық филормониясына 50 жыл

<a href="https://kyzylorda-news.kz/">Kyzylorda-news.kz.</a> Әр дәуірде өзінің талантымен, соңында қалдырған мол мұрасымен халықтың құрмет-қошеметіне ие болатын тұлғалар болады. Осындай таутұлғаның бірі қазақ халқының маңдайына біткен талантты ақын – Мұқағали Мақатаев десек артық айтқандық емес.
Көзі тірісінде-ақ лирикалық жырларымен халықтың ыстық ықыласына ие болған және өлеңдерін көпшілік әлі күнге жатқа айтатын Мұқағали Мақатаевтың бүгін туған күні.
Ол 1931 жылы 9 ақпанда&nbsp;Алматы облысы, қазіргі Райымбек (бұрынғы Нарынқол) ауданының&nbsp;Қарасаз&nbsp;ауылында дүниеге келген. Азан шақырып қойылған аты – Мұхаммедқали. Әкесі қарапайым шаруашы:колхозда сушы, шалғышы болып істеген. Мұқағали үйдің тұңғышы болған, оның артынан бір қыз және үш ұл туған. Ақынның қарындасы мен алғашқы інісі ерте көз жұмған. Соңғыларының есімдері – Тоқтарбай мен Көрпеш. Қазақ дәстүрі бойынша үйдің алғашқы баласы ата-әжесінен тәрбие алуы тиіс, сондықтан Мұқағали әжесі Тиынның қолында өсіп, анасын жеңгесіндей қабылдайды. Балалық шағы соғыспен қатар өткендіктен, ақын тағдырдың ащы дәмін ерте татады(“Неңді сенің аңсаймын,бала шағым?”). Мұқағалидің әкесі 1941ж Калиниград майданында қаза табады.
<ul>
<li>1948 – 49&nbsp;ҚазМУ-дың филология факултетінің студенті;</li>
<li>1948 – оқуын тастап, Шибұт ауылында ауылдық кеңестің хатшысы;</li>
<li>1949 – көктемде жары Лашынмен отау құрады;</li>
<li>1949 – “Советтік шекара” газеті ақынның “Қырман басында”, “Қойшы бала – Әкітай” деген өлеңдірін жариялады;</li>
<li>1950 – Алматыдағы Шет тілдер институтының неміс тілі факультетіне оқуға түсіп, көп ұзамай тұрмыстық жағдайына байланысты оқуын тастайды;</li>
<li>1954 – Қарасаздың бастауыш мектебінде орыс тілі мұғалімі болып тағайындалады, осы жылы ақынның үш өлеңі “Әдебиет және искусство” журналында жарияланды;</li>
<li>1957 – Республикалық радионың диктор қызметін атқарады;</li>
<li>1960-62 – “Советтік шекара” газетінің бөлім меңгерушісі;</li>
<li>1963-1965 – “Мәдениет және тұрмыс” журналында жұмыс істейді;</li>
</ul>
Ол 1962 жылы&nbsp;Алматыға&nbsp;қоныс аударып, әдеби ортаға етене араласа бастайды. Алматы Шет тілдері институтының неміс тілі, Қазақ мемлекеттік университетінің филология факультеттерінде оқып және Мәскеудегі М. Горький атындағы әлем әдебиеті институтында білім алады.
Мұнан соң «Социалистік Қазақстан» (қазіргі «Егемен Қазақстан») газетінің (1962-1963 жж.), «Мәдениет және тұрмыс» (қазіргі «Парасат») (1963-1965 жж.), «Жұлдыз»&nbsp;(1965-1972 жж.) журналдарының редакциясында,&nbsp;Қазақстан Жазушылар одағында&nbsp;(1972-1973 жж.) қызмет атқарады. Мұқағали Алматыдағы қазақ әдебиеті мен өнерінің қаймақтары шоғырланған ортада өткерген аз ғана жылдар ішінде өзіндік дара үнін, суреткерлік қайталанбас дарынын танытып, өнімді еңбектене білді. «Ильич» (1964), «Армысыңдар достар» (1966), «Қарлығашым келдің бе?», «Мавр» (1970), «Аққулар ұйықтағанда» (1973), «Шуағым менің» (1975) атты жыр жинақтарын көзінің тірісінде жариялап үлгерді.
Мұқағали поэзиясының қайнар көзі, шабыт тұғыры туған елі, өскен жері, Отан тағдыры, замана тынысы, замандастарының арман аңсары. Осының бәрін Мұқағали жас дарынға тән қайталанбас шеберлікпен, тәңірдің таңдайынан төгілгендей поэтикалық мінсіз үйлесіммен, әр жүрекпен тіл табысар сыршыл да шыншыл сезіммен, нағыз&nbsp;поэзияға&nbsp;ғана тән бейнелі образдармен бедерлеп, өлмес өнер деңгейінде туындатып отырған.
<h2 id="">Поэзиядағы алғашқы қадамдары</h2>
Ақынның тұңғыш өлеңдері “Қырман басында”, “Қойшы бала — Әкітай” ауданындағы “Советтік шекара” газетінде жарияланды (1949). “Інімнің ойы”, “Шебер”&nbsp;өлеңдері&nbsp;“Жастық жыры” атты жинаққа енді (1951). Алғаш Мұқағали талантын бағалаған Ә.Тәжібаев: “Өзіңнен де жігерлілеу, оттылау жас жеткіншек жеткенде, мақтанбасқа бола ма?!” деген еді (“Қазақ әдебиеті”, 18.3.1960).
<h2 id="-1">Шығармалары мен аудармалары</h2>
Мұқағалидің “Қарлығашым, келдің бе?”, “Дариға жүрек” (1972 ж.), “Аққулар ұйықтағанда”, “Шуағым менің” (1975 ж.), “Соғады жүрек”, “Шолпан”, “Жырлайды жүрек”, “Өмір-өзен”, ”Өмір-дастан” және т.б. жыр жинақтары, сондай-ақ, “Қош, махаббат!” (1988 ж.) атты&nbsp;прозалық&nbsp;кітабы да бар. Біршама өлеңдеріне&nbsp;ән&nbsp;жазылды. Өзін аудармашылық қырынан да сынап көрген Мұқағали&nbsp;Дантенің&nbsp;“Құдіретті комедиясының” “Тамұқ” деген бөлімін (1971 ж.),&nbsp;Шекспирдің&nbsp;“Сонеттерін” (1970 ж.),&nbsp;Уолт Уитменнің&nbsp;өлеңдерін (1969 ж.) қазақ тіліне аударды.
Ақынның көзі тірісінде 3 аударма кітабы [У.Уитмен, “Шөп жапырақтары” (1969); У.Шекспир, “Сонеттер” (1970); Д.Алигерьи, “Құдіретті комедиясының” “Тамұқ” бөлімі (1971)], 8 жыр жинағы [“Ильич” (1964), “Армысыңдар, достар” (1966), “Қарлығашым, келдің бе?” (1968), “Мавр” (1970), “Дариға-жүрек” (1972), “Аққулар ұйықтағанда” (1974), “Шуағым менің” (1975), “Өмірдастан” (1976)] жарық көрді. У.Уитмен, У.Шекспир, Н.Тихонов, Р.Бернс, Ф.Ансари, А.Акопян, А.Исаакян, Е.Евтушенко, Ф.Моргуннің бірнеше өлеңдерін аударды. Ю.А. Александров, М.М. Курганцев тәржімалаған ақын өлеңдері “Зов души” деген атпен&nbsp;орыс&nbsp;тілінде басылып шықты

Бүгін &#8211; ақиық ақын Мұқағали Мақатаевтың туған күні

<a href="https://kyzylorda-news.kz/">Kyzylorda-news.kz.</a> Қазақстанның мерекелік күндер тізбесі Кітапханашы күнімен толығады. Мәдениет және спорт министрлігі үкімет қаулысының жобасын әзірледі.
Мәдениет министрлігі 22 қазанда Кітапханашы күнін атап өтуді ұсынып отыр.
Жоба мақсаты – кітапханашы мамандығының имиджін көтеру және оны кәсіби аренада ынталандыру.
Құжат&nbsp;<a href="https://legalacts.egov.kz/npa/view?id=13992076">“Ашық НҚА”</a>&nbsp;порталында 18 ақпанға дейін қоғамдық талқылау үшін жарияланған.

Қазақстанда жаңа мереке пайда болады

<a href="https://kyzylorda-news.kz/">Kyzylorda-news.kz.</a> Қызылорда қаласының әкімі Ғанибек Қазантаев Қызылөзек және Талсуат ауылдық округтеріне барып, тыныс-тіршілікпен танысты.
Қала әкімі ауыл ақсақалдарымен кездесіп, ұсыныс-тілектерін тыңдады.
Шаһар басшысының жұмыс жоспарындағы алғашқы нысан – Қызылөзек ауылдық округіне қарасты үш бірдей ауылға аяқ су өткізетін Сауранбай каналы. Бұл арна арқылы елді мекен территориясындағы көлдер жүйесі толығып, тұрғындар егінге қажетті су алып келеді. Бірақ өткен жылдан бастап орын алған тіршілік нәрінің тапшылығы талайды титықтатып, биылға ертерек қам жасау қажеттілігін тудырды. Осыған орай Ғанибек Қонысбекұлы «Қазсушар» МКК директоры Жорабек Нұрымбетовпен қиыншылықтан шығар жолдарды қарастырып, қандай әрекетке көшу керектігін ақылдасты. Ауыл ақсақалдары ұсыныстарында елді мекенді, егінді толыққанды аяқ сумен қамту үшін үш су тартқыш насос керек екендігін айтты. Ұсыныс қабылданып, көктем шыға сұралған техника берілетін болды.
Келесі кезекте қала әкімі Талсуат ауылдық округіндегі жаңадан салынатын клубтың жоспарлы жұмыстарымен танысты. Бұған дейін тұрғындар елді мекендегі клуб үйінің тозығы жетіп, бұзылуға жатқызылғандықтан мәдени-көпшілік шараларды мектептің акт залында өткізіп келген. Ұсыныс-тілек ескеріліп, Талсуаттың орталығынан жаңа ғимарат пайдалануға берілетін болды.
Бұл клуб үйінің салынуына 296 млн. теңге қаралып отыр. Қазірде бой көтеретін 150 орындық клубтың құрылысына қатысты конкурс өтуде. Жеңімпаз мекеме анықталысымен қызу жұмыс басталады. Ауыл ақсақалдары көптен күткен жағымды жаңалықпен бөлісуге келген қала әкімі Ғанибек Қонысбекұлына алғыстарын білдіріп, бастамаға сәттілік тіледі.
<img src="https://kyzylorda-news.kz/wp-content/uploads/2022/02/fb_img_1643795539045.jpg" alt="" />
<img src="https://kyzylorda-news.kz/wp-content/uploads/2022/02/fb_img_1643795533599.jpg" alt="" />
<img src="https://kyzylorda-news.kz/wp-content/uploads/2022/02/fb_img_1643795541972.jpg" alt="" />
<img src="https://kyzylorda-news.kz/wp-content/uploads/2022/02/fb_img_1643795548380.jpg" alt="" />

Қызылорда: Талсуатта жаңа ауылдық клуб салынады

<a href="https://kyzylorda-news.kz/">Kyzylorda-news.kz.</a> Биыл Қазақстан және КСРО Халық әртісі, Халық қаһарманы, Сыр елінің тумасы Роза Бағланованың 100 жылдық мерейтойы республика көлемінде аталып өтпек. Осыған орай шаһарда Роза Бағланованың ескерткішінің ашылу салтанаты мен жыл көлемінде әншінің шығармашылығына арналған ауқымды шара өткізілмек. Сондай-ақ, облыста жыл бойына өткізілетін мәдени шаралар легі көбейеді.
Жыл көлемінде қазақ өнерінің біртуар азаматтарына арналған ауқымды іс-шаралар басталмақ. Соның бірі – ақпан айында ғазиз ғұмыр иесінің 100 жылдығына орай «Дала қызғалдағы» атты Роза Тәжібайқызына арналған концерт өткізіледі. Ал сәуір айында «Ақмаңдайлым» атты республикалық байқауы мен қазан айында туған жері Қазалыда «Іңкәрім-ай» атты аймақтық әншілер конкурсы ұйымдастырылады.
<blockquote>
 “Сыр сүлейі, жырау Базар Оңдасынұлының 180 жылдығына арналған «Құмарын тарқат алқаның» атты республикалық жыршы-жыраулар байқауы мен «Базар жырау шығармашылығы рухани құндылықтар» атты ғылыми-танымдық конференциялар өткізу жоспарлануда. Күйші Әлшекей Бектібайұлының 175 жылдығына арналған «Дәуірлер бейнесі домбыра үнінде» атты республикалық күйшілер байқауы, Жаңақорған ауданында Әлшекей атындағы ұлт аспаптар оркестрінің концерті және «Күй абызы – Әлшекей» атты облыстық ұлт-аспаптар оркестрінің байқауы жыл бойына өтетін болады. Әнші, композитор, ҚР Еңбек сіңірген қайраткері Батырхан Шөкеновтің 60 жылдығына орай әншінің шығармашылығын кеңінен насихаттау мақсатында «Отан Ана» атты республикалық жас орындаушылар байқауы мен гала-концерт дәстүрлі түрде ұйымдастырылады. Биыл облысымыздағы кәсіби өнер ұжымы облыстық филармонияға 50 жыл. Осыған байланысты қазақ эстрада жұлдыздарының қатысуымен гала-концерт және филармонияның өнер ұжымдары мен жеке орындаушылардың концерттері жоспарға енгізілді, – деді облыстық мәдениет, архивтер және құжаттама басқармасының басшысы Асқарбек Есжанов.
</blockquote>
Айта кетейік, Мемлекет басшысы биылғы жылды «Балалар жылы» деп жариялаған болатын. Сол себепті балалардың бос уақытын тиімді өткізу мақсатында облыс кітапханалары оның ішінде балалар кітапханалары балаларға арналған жаңа әдебиеттермен толықтырылады.

Роза Бағланованың 100 жылдық мерейтойы республика көлемінде аталып өтеді

<a href="https://kyzylorda-news.kz/">Kyzylorda-news.kz.</a> «Өнер – өнегелі, ақылды, адамды тәрбиелейтін құрал». Өнерді игеремін деген адамға ешбір тұсау қоюға болмас. Ұлы ақын Абай Құнанбайұлы айтпақшы, «Мал жұтағанмен, өнер жұтамайды. Ғасырлар тоғысында жаңа заман адамдарымен қайта түлеп, жанданып, жасарып отырады. Міне, біз ата-баба мұра еткен ұлық өнерімізді жаңғырта білсек, өскелең ұрпақтың саналы адам ретінде қалыптасуына жол ашқандығымыз.
ҚР Президенті Қасым-Жомарт Тоқаевтың «Жаңа жағдайдағы Қазақстан: Іс-қимыл кезеңі» тақырыбындағы Қазақстан Жолдауында «Бұқаралық спортқа, дене тәрбиесіне және балаларға басымдық беру керек. Әр облыста, ірі аудан орталықтарында спорт үйірмелерін ашу қажет. «Балалар үйірмесі» қызметін қайта қалпына келтірген жөн. Онда жастарымыз қолөнердің және шығармашылықтың бастапқы негіздерімен танысар еді» деген болатын. Мемлекет басшысының Жолдауы негізінде ҚР Мәдениет және спорт министрлігінің арнайы бұйрықтары аясында «Сұлу-ай» өнер орталығы Сырдария ауданында ашылған болатын. Жас талантарды тәрбиелейтін «Сұлу-ай» өнер орталығы аудан әкімі Мұрат Ергешбаевтың қолдауымен, аудандық мәдениет және тілдерді дамыту бөлімінің ұйытқы болуымен өз жұмысын бастады.
Қазіргі таңда «Сұлу-ай» өнер орталығында 27 үйірме жұмыс жасайды. Атап айтар болсақ, Айдарлы ауылында «Эстрадалық вокал», «Шешендік өнер», «Прима», «Бисермен өру», «Домбырамен ән салу» «Көркем оқу» «Ұлттық би» «Кескіндеме сурет салу» үйірмесі шәкірттерін қабылдауға дайын. Сонымен бірге, Жетікөл ауылындағы «Ұлттық би», «Эстрадалық вокал» үйірмесі арқылы жас таланттардың жұлдызын жағатын боламыз. Ал, Бесарық ауылы «Ұлттық би» үйірмесімен, Шіркейлі ауылы «Домбырамен ән салу», үйірмесімен, Ақжарма ауылы «Ұлттық би», «Эстрадалық вокал» үйірмесімен, Нағи Ілиясов ауылы «Домбыра», «Ұлттық би», «Хормен ән салу», «Эстрадалық вокал» үйірмесімен, Асқар Тоқмағамбетов ауылы «Ұлттық би», «Эстрадалық вокал», «Домбыра» үйірмесімен, «Іңкәрдария ауылы «Домбыра», «Көркем оқу», «Пернелі аспаптар», «Оркестр ансамбл» үйірмесімен қамтылған.
«Білікті маманның орны төр» демекші, үйірме оқушыларын кәсіби мамандар дайындайтын болады. Бұл ретте, балалармен жұмыс жасау барысында Ләззат Бекарыстанова, Алмат Өтеуов, Әсел Ибраева, Айгерім Жұмабекова, Мағжан Аманжол, Нұрила Кеңесары, Бекжан Жұмабаев, Ақмарал Бегалы, Мейірімжан Маханбетжанов, Ақтөре Оразалы, Бақытжан Әлтаев, Айым Арғынбекқызы, Ақбота Сәкенова, Зульфия Баймурзаева, Ақжан Сәкенова Ақбота Талғатова, Әлия Бақытбекова, Аружан Әшірова, Ботагөз Қалиасқарова, Динара Жәкешова, Әнел Сансызбаева, Гүлназ Сералиева, Нұрсұлтан Сайлаубеков, Әділбек Әзімжан, Загира Ахметова секілді кәсіби мамандарымыз барын салады.
«Сұлу-ай» өнер орталығы арқылы Сіздің балаңызда өнер биігінен көрінуге толық құқылы. Болашақта таланттар шеберханасына айналатын өнер орталығы өз шәкірттерін күтеді. Әрқашан құрметті ата-ана бізбен бірге болыңыз! Сонда біз зор жетістікке жете аламыз.
Анар ҚАЛДЫБАЕВА, 
«Сұлу-ай» өнер орталығының жетекшісі, 
аудандық мәслихат депутаты

Анар Қалдыбаева: Сырдарияда балалар үйірмесі жанданды

Kyzylorda-news.kz. Қазақстанның халық әртісі Роза Рымбаева қазақтың бұлбұл әншісі Роза Бағланованың 100 жылдығына арналған жаңа челленджді бастады.
<blockquote>
 “Қадірменді қауым, 1 қаңтар – ұлы әншіміз Роза Бағланованың 100 жылдық мерейтойы. Шын жүректен осы мерекемен құттықтай отырып, музыкалық эстафетаны апамыздың образын сомдаған актриса Зарина Жәкеноваға жолдаймын. Жаңа жылдарыңыз құтты болсын!”, – деді Рымбаева.
</blockquote>
“Астана мюзикл” театрының әртісі Зарина Жәкенова өз кезегінде челленджді басқа әртістерге жолдады.
<blockquote>
 “Мен жаңа челленджді Роза апамыздан қабыл алып, Мақпал Жүнісова, Жеңіс Ысқақова, Жанна Орынбасарова, Жазира Байырбекова, Бибігүл Қилымхан, Сая Махамбет, Рухия Байдүкенова, Гүлнәр Тәшенова, Салтанат Мендіғалиева, сондай-ақ, Қазақконцерттің барлық әншісі мен барша қазақстандыққа жолдаймын! Мерейтой құтты болсын”, – деді Жәкенова.
</blockquote>
<h1 id="100">РозаБағланова100жыл эстафетасы кезінде әнші айтқан танымал әндерді орындау керек.</h1>
Айта кетері, КСРО және Қазақстанның халық әртісі Роза Бағланова 1922 жылы 1 қаңтарда дүниеге келген. Ол жарты ғасыр бойы Қазақконцертте еңбек етіп, музыка өнеріне үлкен үлес қосты.
Мемлекет басшысы Қасым-Жомарт Тоқаев танымал әншінің атын тарихта қалдыру мақсатында тиісті шараларды қолға алуды тапсырған. Осыдан кейін Қазақконцертке Роза Бағланованың есімі берілді. Әншінің атымен ірі қалаларда бірнеше көше ашылды.
<a href="https://m.sputnik.kz/culture/20220101/19035600/Roza-Baglanova-chellendzh-video.html">Sputnik Қазақстан</a>

Роза Бағланованың 100 жылдығына арналған жаңа челлендж басталды

<a href="https://kyzylorda-news.kz/">Kyzylorda-news.kz.</a> Қазалыда Роза Бағланова атындағы аудандық мәдениет орталығында «Тәуелсіздігімді жырлаймын» атты аймақтық ақындар айтысы өтті. Сөз сайысы ел тәуелсіздігінің 30 жылдығына орай ұйымдастырылды.
Дүбірлі додада Қызылорда облысы мен Ақтөбе және Тараз қалаларынан келген 10 ақын сынға түсті. Олар ел бірлігі мен тарихты жырларына арқау етті.
Аймақтық ақындар айтысын аудан әкімі Мұхтар Оразбаев құттықтау сөзімен ашып, айтыскерлерге сәттілік тіледі.
<blockquote>
 «Ұлт құндылықтарының арасында сан ғасырлық тарихы бар ақындардың ауызша жыр сайысы – айтыстың алар орны ерекше. Бүгінгі жыр сайысына түсу үшін еліміздің әр түкпірінен айтысқа қатысушы ақындар ортамызға келіп отыр!
 Қазалы топырағында ұрпақтар сабақтастығы деген ұғымды қалыптастыра отырып, саф алтындай сақталып келе жатқан киелі қазақ тілі, салт-дәстүр, қазақы қалып бар. Тамыры терең, тарихы кенен – Қазалы өңірі – кешегі қиын қыстау заманда өзінің жанкешті еңбегімен елінің де, өзінің де даңқын шығарған тау тұлғаларды дүниеге әкелген қасиетті топырақ. Сөз құдіретінің қайнар бұлағы – бүгінгі сөз додасы ел Тәуелсіздігінің 30 жылдық мерейтойына арналып отыр. Бүгін ақындар Тәуелсіздікті, дархан даланы, ұлы елдің рухани қазынасын, кемел келешегі мен қасиетті Қазалының даңқын жырлайды», – деді Мұхтар Әуесұлы.
</blockquote>
Дүбірлі доданы «Алтын домбыраның» үш дүркін иегері, айтыстың ақтаңгері Мұхтар Ниязов тізгіндеп, ақындарды ортаға шақырды.
Алғаш болып сахна төріне Қармақшы ауданынан келген Тұрар Бекмұрзаев пен жалағаштық Қартбай Мейіржан көтеріліп, өз өнерлерін көрсетті.
Ел тәуелсіздігінің 30 жылдығына орай ұйымдастырылған айтыста аралдық жас ақын Бексұлтан Орынбасар жеңіске жетті. Дүбірлі додада кестелі сөз айтқан ақынға 500 мың теңгенің сертификатын аудан әкімі Мұхтар Оразбаев өзі табыстап, жеңісімен құттықтады.
Ал, екінші орынға жерлесіміз, Жанкент ауылының тумасы Нұрзат Қару қол жеткізіп, 300 мың теңге қаржылай сыйлыққа ие болды.
Үшінші орындарға ақтөбелік Аруна Керімбек пен жалағаштық Мейіржан Қартбай табан тіреді. Оларға 100 мың теңгенің сертификаттары табысталды.
Сондай-ақ, барлық ақындарға Жалаңтөс баһадүр, Жанқожа батыр, Ақтан батыр, Шағырай батыр, Дабыл батыр, Толыбай батыр, Айдарбек батыр, Сартай батыр атындағы және «Жеті Ишан», ел Тәуелсіздігінің 30 жылдығына орай «Тәуелсіздік – бабалар аманаты» атты арнайы номинациялар табыс етіліп, әрқайсысына 100 мың теңгелік қаржылай сыйлыққа ие болды.
<img src="https://kyzylorda-news.kz/wp-content/uploads/2021/12/3c68708b-65af-49ea-b160-608003346050.jpg" alt="" />
<img src="https://kyzylorda-news.kz/wp-content/uploads/2021/12/8df87591-d4ac-4519-9b48-b24cdc92d28b.jpg" alt="" />
<img src="https://kyzylorda-news.kz/wp-content/uploads/2021/12/39d8ddad-5752-4c12-bcf3-c6997c3b1609.jpg" alt="" />
<img src="https://kyzylorda-news.kz/wp-content/uploads/2021/12/269923959_3237387263148865_6908726438983416705_n.jpg" alt="" />
<img src="https://kyzylorda-news.kz/wp-content/uploads/2021/12/269918090_3237386126482312_4647540385796023566_n.jpg" alt="" />
<img src="https://kyzylorda-news.kz/wp-content/uploads/2021/12/269946313_3237387379815520_1493540890213850152_n.jpg" alt="" />
<img src="https://kyzylorda-news.kz/wp-content/uploads/2021/12/269922255_3237386083148983_3330776269912364819_n.jpg" alt="" />

Қазақстан және Қызылорда облысының жаңалықтары: Мәдениет

Қызылорда: Республикалық чемпионатта елдің ең үздік құсбегілері анықталды

Жаңақорғанда құсбегілердің республикалық чемпионаты өтіп жатыр

Қызылордада өнер мектептері мен музыкалық жоғары колледжі меморандумға отырды

Қызылордада республикалық жас музыканттар фестивалі өтті

Биыл Қызылорда облыстық филормониясына 50 жыл

Бүгін – ақиық ақын Мұқағали Мақатаевтың туған күні

Қазақстанда жаңа мереке пайда болады

Қызылорда: Талсуатта жаңа ауылдық клуб салынады

Роза Бағланованың 100 жылдық мерейтойы республика көлемінде аталып өтеді

Анар Қалдыбаева: Сырдарияда балалар үйірмесі жанданды

Роза Бағланованың 100 жылдығына арналған жаңа челлендж басталды

Қазалыда аймақтық ақындар айтысы өтті

Қазақстан және Қызылорда облысының жаңалықтары: Мәдениет

Қызылорда: Республикалық чемпионатта елдің ең үздік құсбегілері анықталды

Жаңақорғанда құсбегілердің республикалық чемпионаты өтіп жатыр

Қызылордада өнер мектептері мен музыкалық жоғары колледжі меморандумға отырды

Қызылордада республикалық жас музыканттар фестивалі өтті

Биыл Қызылорда облыстық филормониясына 50 жыл

Бүгін &#8211; ақиық ақын Мұқағали Мақатаевтың туған күні

Қазақстанда жаңа мереке пайда болады

Қызылорда: Талсуатта жаңа ауылдық клуб салынады

Роза Бағланованың 100 жылдық мерейтойы республика көлемінде аталып өтеді

Анар Қалдыбаева: Сырдарияда балалар үйірмесі жанданды

Роза Бағланованың 100 жылдығына арналған жаңа челлендж басталды

Қазалыда аймақтық ақындар айтысы өтті

Бүгін – ақиық ақын Мұқағали Мақатаевтың туған күні