<a href="https://kyzylorda-news.kz/">Kyzylorda-news.kz</a> Әнші өзінің алған көлігін көрсетті.Танымал әнші Мөлдір Әуелбекова жаңа көлік сатып алды. Ол бұл жаңалығын бірден Instagram парақшасындағы оқырмандарына хабарлап, таңдауы қандай темір тұлпарға түскенін көрсетті. Бұл туралы <a href="https://aikyn.kz/270528/moldir--uelbekova-20-million-ten-genin--koligin-satyp-aldy">aikyn.kz</a> хабарлады.Эстрада жұлдызы жаңа көлігімен түскен видеосын жариялап, құттықтап жатқан көпшілікке алғысын білдірді."Құттықтағандарға жұғысты болсын", – деп жазды өнер иесі.Белгілі болғандай, әншінің таңдауы Zeekr 001 автокөлігіне түскен. Бұл көлік Қазақстан нарығындағы орташа бағасы – 20 миллион теңге. Желі қолданушылары шоу-бизнес жұлдызын жарыса құттықтап, оған ақ тілегін жолдады.

Мөлдір Әуелбекова 20 миллион теңгенің көлігін сатып алды

<a href="https://kyzylorda-news.kz/">Kyzylorda-news.kz</a> Бұл туралы ҚР Халық әртісі, Қазақстанның Еңбек Ері Роза Қуанышқызы Рымбаева “Ұждан” әкелер алаңына <a href="https://www.instagram.com/reel/C97Q5sBoKOM/?igsh=MzRlODBiNWFlZA%3D%3D">берген </a>сұқбатында айтты.&nbsp;<blockquote>«Абзал әкем, асқар тауым әрдайым менің бастаған ісіме қолдау танытып, талабымды ешқашан шектемейтін. Бала кезімде өз еркіммен көркемөнерпаздар үйірмесіне және музыка мектебіне барғаныма да қарсылық танытқан емес», – деді әнші.&nbsp;</blockquote>Рымбаевның айтуынша, әкесі Қуаныш қарапайым еңбек адамы болған.&nbsp;<blockquote>«Отбасында сегіз баламыз. Сол сегіз баланы асырап, оларды жетілдірді. Артындағы ұрпағының қызығын көрді, еңбегі ақталды. Бала кезімде таң сәріде кеткеннен кеш ауа үйге шаршап келетін әкемнің алдына анам дәмді тамағын дайындап, “әкелерің келе жатыр” деп бізді тәртіпке шақыратын. Сол сөзді санамызға сіңіріп, бала болсақ та жауапкершілікпен қарайтынбыз. Әкені қадірлеу, қастерлеу отбасынан һәм анамыздан басталады. Анамыз әкемізді құрметтесе, балаларды да соған үйретті. Көзімізді ашқаннан әкемнің еңбек адамы екенін ұғындырды. Барлық тапқанын отбасына әкелу, балаларын асырау, өсіру және оқыту еді. Бұл – кез келген отбасыдағы әкенің мақсаты», – деді Роза Қуанышқызы.</blockquote>Әншінің айтуынша, әкесі мен анасы өзінің концерттерін көзіне жас алып тамашалайтын болған.&nbsp;<blockquote>«Әкем менің жетістігімді, жоғарғы атақ алғанымды көрді. Анам екеуі менің концерттерімді көзіне жас алып, үндемей қарайтын. Ешқашан Роза Рымбаеваның әкесімін деп кеудесін керген емес. Қазіргі ата-аналар секілді теледидар да, инстаграмда өзіне жарнама жасаған жоқ. Ол баламның өзінің қызметі, өзінің еңбегі деп сыртымыздан қуанып отыратын. Үйдегі барлық балаларының жетістігіне іштей қуанып, сыртқа жариялап, тойлатқан емес. Розаның ата-анасы деп сыйлап жатса, сол адамдармен ел қатарлы араласатын. Өте қарапайым адамдар болған. Өзінің таза еңбегімен өмір сүрді. Балаларында таза жолмен өсірді. Бізде енді балаларымызға сол жандардың берген тәлім-тәрбиесін бойларына сіңіруіміз керек. Халқымыз, мемлекетіміз осы отбасынан басталады. Отбасындағы бақыт, жарасымдылық айналаға әсер етеді. Біз оны ауылдағы отбасылардан көріп,өстік. Олардан ажырасу, бір-бірін ренжіту дегенді естіген емеспін. Ауызбіршілігі мықты ауыл болды. Менің әкем ауылдың ақсақалы, үлкені болды», – деп еске алды әнші.</blockquote>Фото: 365info.kz

Роза Рымбаева: «Менің әкем Роза Рымбаеваның әкесі екенмін деп кеудесін керген емес»  

<a href="https://kyzylorda-news.kz/">Kyzylorda-news.kz</a>&nbsp;&nbsp; Барлығы үш бас жүлде – При Версаль, Интерьер және Экстерьер бағыттары бойынша сынға түседі.Шілде айында ЮНЕСКО-ның сәулет саласындағы дәстүрлі Prix Versailles сайысы аясында әлемдегі ең әдемі 16 мейрамхананың тізімі жарияланды, деп хабарлайды <a href="http://sn.kz/">Skifnews.kz</a> ақпарат порталы.Тізімге Франциядан Қазақстанға дейінгі әлемнің түкпір-түкпірінен жаңа мейрамханалар, соның ішінде Бразилия, Корей, Италия, Қытай және Коста-Риканың гастрономиялық жобалары енді.Сайысқа ұсынылғандар арасында Dubai Atlantis The Royal қонақүйінде орналасқан Ariana's Persian Kitchen мейрамханасы да бар.Forbes.kz басылымының жазуынша, олардың барлығы При Версаль, Интерьер және Экстерьер бағыттары бойынша&nbsp;үш бас жүлде үшін сынға түседі. Жеңімпаздар қараша айында ЮНЕСКО-ның штаб-пәтерінде жарияланады.Марапат авторлары сайысқа қазақы үлгіде безендірілген &nbsp;«Ауыл» мейрамханасын ұсына отырып, оның орналасқан тарихи ғимаратына да баса назар аударды.<blockquote>"Ауыл" кеңестік модернизм сәулет ескерткішінің ішінде орналасуына байланысты Қазақстанның жаңа тарихы мен ежелгі мәдениетінің тамаша үйлесімін білдіреді, - делінген Prix Versailles&nbsp;сайысының ресми сайтында.</blockquote>Мейрамхана Қазақстан Республикасын Кеңестік үкімет кезеңінде біраз жыл басқарған Дінмұхамед Қонаевтың шетелдік қонақтарды қабылдаған резиденциясында орналасқан.<blockquote>Бас аспаз Руслан Закиров пен дизайнерлер NAAW және Dunie Design ашық асүйдің айналасында керемет кеңістіктер жасады, деп толықтырды сипаттама авторлары.</blockquote>«Ауыл» мейрамханасы&nbsp;Орталық Азия тағамдарының заманауи интерпретациясын ұсынады. Оның интерьерінен көшпелі және тәңіршілік дәстүрлерінен шабыт алғанын байқауға болады.Prix ​​​​Versailles - әлемдегі ең жақсы заманауи жобаларды көрсететін сәулет байқауы. Мұнда қазылар алқасы әуежайлар, кампустар, жолаушы станциялары, спорт ғимараттары, мұражайлар, сауда орталықтары, қонақ үйлер мен мейрамханалар сияқты әр түрлі бағыттағы сәулет өнерін бағалап, 24 бағыт бойынша жеңімпазды анықтап, марапаттайды.Фото: Auyl мейрамханасының интерьері

Әлемдегі ең әдемі: Қазақ мейрамханасы үздіктер тізіміне енді

Мемлекетіміздің мүддесі үшін, еліміз бен жеріміз – ата-бабамыздың бізге қалдырған аманатын халық игілігі үшін сақтап қалу, келер ұрпақтарға жеткізу – ел тұтқасын ұстаған «AMANAT» партиясы үшін ең үлкен жауапкершілік.<a href="https://kyzylorda-news.kz/">Kyzylorda-news.kz</a> &nbsp;Тамыры терең тарихымыз, мәдениетіміз бен әдебиетіміз, тіліміз бен салт-дәстүріміз яғни, Тәуелсіз Қазақстанның құндылығын сақтап, оның дамуына жағдай жасау – партияның алға қойған міндеттерінің бірі.Соған орай Партиялық жобалар аясында &nbsp;«Белкөл» бастауыш партия ұйымының ұйымдастыруымен партия мүшелері арасында волейбол, шахмат спорт түрлерінен сайыстар өткізілді. Оған № 189 орта мектеп ұжым мүшелерімен қоса ата – аналарда белсенділік танытты.«AMANAT» партиясының жобалары аясындағы &nbsp;«Ардагерлерді аялайық» атты шарасында 9 Мамыр Жеңіс күніне орай тыл ардагерлеріне арнап «Белкөл» бастауыш партия ұйымымен және №189 орта мектеп ұжымымен және мектеп оқушыларынан құралған топ мерекелік шара ұйымдастырды. Осы орайда кентіміздегі 90 жастан асқан Ұлы Отан соғысының тыл ардагерлері Жақсылық Байтұрсын Әбдраманұлымен Беконова Тәжігүл анамызды құттықтадық. Ізгі ниетпен адамзат баласы мерекелейтін осы күннің тууына айтулы үлес қосқан батыр әкелеріміз пен аналарымыз ұлықтау – саналы ұрпақ міндеті болып қалмақ!«AMANAT» мемлекеттік мүддеге адал, қоғам игілігіне жұмыс істейтін партия. Халық ұғымында «аманатқа қиянат жасалмайды» деген нақыл сөз бар. ҚР Перезиденті Қ.К.Тоқаевтың халыққа жолдауындағы айтылған тапсырмалар, оларды жүйелі түрде іске асыру мақсатында халықтың үнін тыңдай отыра, аумақтағы халықпен кері байланыс үнемі жүргізіліп келеді. Мектеп оқушыларының &nbsp;ата-анасының тілектерін тыңдай отыра, оқушылардың жазғы демалыс күндерін тиімді өткізу үшін біршама жұмыстар атқарылды. Мектеп жанындағы &nbsp;«Балдәурен» күндізгі тынығу лагерінен ашылған ұлттық құндылығымызды насихаттау мақсатында ашылған қазақи нақыштағы жабдықталған шаңырақ астындағы лагерь болды. &nbsp;Ол біріншіден, оқушылардың жазғы демалыс күндерін тиімді өткізсе, екіншіден, балалар бойындағы ұлттық құндылығымыз саналатын барлық асыл қасиетте бойына сіңіру арқылы халқына адал қызмет ететін ұрпақ тәрбиелеу болатын.«Белкөл» бастауыш партиясы мүшелері «Таза бейсенбі» акциясы аясында үздіксіз сенбіліктер ұйымдастыруда. Мақсат – &nbsp;өзіміздің туған қаламыздың таза болуымен қатар, артымыздағы &nbsp;ұрпақтарымызға мұра болып саналатын туған жерімізді таза қалпында аманаттау.Еліміздің&nbsp;тұтастығы мен мызғымастығын сақтау, халықтың әл-ауқатын жақсарту, ұлтымыздың рухани болмысын жаңғыртып, қазақ тілінің мемлекеттік мәртебесін көтеру, &nbsp;ашық азаматтық қоғам қалыптастыру мақсатында жұмыс жасайтын «AMANAT» партиясы әрқашан халықтың жанашыры деп білемін.Кадиша Қорғанова,«Белкөл» бастауыш партия ұйымының төрағасы&nbsp;

Қоғамның еркіндігі  – ұлы құндылық

&nbsp;Фото: el.kz (Көрнекілік үшін)<a href="https://kyzylorda-news.kz/">Kyzylorda-news.kz</a> &nbsp;Қазақстан Республикасы Президентінің жанындағы Мемлекеттік басқару академиясының Қызылорда облысы бойынша филиалында жүргізіліп отырған жұмыстар жаңа реформалардың серпіні, сондай-ақ елдің әлеуметтік-экономикалық өмірін жаңғыртуға, азаматтардың әл-ауқатын жақсартуға бағытталған түбегейлі қайтақұруына белсенді қызмет атқаруда.Мұнда, Академия филиалының мәдени дәстүрі мен тарихи мұрасын сақтаушы және рухани – идеологиялық тәрбиеге бағытталған музей орналасқан. Бұл музейде ұлттық мәдени-тарихи нұсқаларды жинақтап, сақтап, насихаттап қана қоймай, жалпы адамзатқа тән үздік ұлттық құндылықтар мен дәстүрде тәрибеленген, отанын сүйетін, өз болашағын мемлекет болашығымен байланыстыратын, ел келешегін жалғастырушы, бәсекеге қабілетті жас мемлекеттік қызметшілерді тәрбиелеу міндетін де атқарады.Сонау 2000 жылдан бастау алған Академия филиалы Қызылорда облысы әкімінің шешімімен «Қызылорда облысы әкімінің кадрлар біліктілігін арттыру және қайта даярлау институты»Мемлекеттік қазынашылық кәсіпорны&nbsp;болып құрылды.Қазіргі таңда музей қорында осы аталған кезеңнен басталған хронологиялық ақпараттар толық қамтылған.Атап айтқанда,&nbsp;2000 ж. –&nbsp;Қызылорда облысы әкімінің 2000 жылғы&nbsp; 11 шілдедегі №260 шешімімен «Қызылорда облысы әкімінің кадрлар біліктілігін арттыру және қайта даярлау институты» Мемлекеттік қазынашылық кәсіпорны болып құрылды.2002 ж. –&nbsp;Қызылорда облысы әкімдігінің 2002 жылғы 28 мамырдағы&nbsp; №249 қаулысымен «Облыстық кадрлар біліктілігін арттыру және ақпараттық технологиялар институты» Мемлекеттік қазынашылық кәсіпорны болып өзгертілді.2005 ж. – Қызылорда облысы әкімдігінің 2005 жылғы 3 маусымдағы&nbsp; №447 қаулысымен Қызылорда облысы білім беру департаментінің «Мемлекеттік қызметшілерді және бюджеттік сала қызметкерлерін қайта даярлау және олардың біліктілігін арттыру өңірлік орталығы» шаруашылық жүргізу құқығындағы мемлекеттік кәсіпорны болып қайта құрылды.2007 ж. -&nbsp;Қазақстан Республикасы Үкіметінің 2005 жылғы 18 ақпандағы қаулысына сәйкес, Қызылорда облысы әкімдігінің 2007 жылғы 24 қаңтардағы&nbsp; №1 қаулысымен Қызылорда облысы әкімі аппаратының «Мемлекеттік қызметшілерді және бюджеттік сала қызметкерлерін қайта даярлау және олардың біліктілігін арттыру орталығы» шаруашылық жүргізу құқығындағы мемлекеттік коммуналдық кәсіпорын ретінде құрылды.2009 ж. - «Мемлекеттік қызметшілердің және бюджеттік сала қызметкерлерін қайта даярлау және олардың біліктілігін арттыру орталығының» жаңа ғимараты пайдалануға берілді.2012 ж. – Қызылорда облысы әкімдігінің 2011 жылғы 12 шілдедегі&nbsp; №74 қаулысымен Қызылорда облысы әкімі аппаратының «Мемлекеттік қызметшілердің және бюджеттік сала қызметкерлерін қайта даярлау және олардың біліктілігін арттыру орталығы» мемлекеттік коммуналдық қазынашылық кәсіпорны болып қайта құрылды.2017 ж. – Қазақстан Республикасы Үкіметінің 2017 жылғы 14 қыркүйектегі №559 қаулысына сәйкес «Қазақстан Республикасы Президентінің жанындағы Мемлекеттік басқару академиясы» Республикалық мемлекеттік қазынашылық кәсіпорны болып қайта ұйымдастырылды.Аймақтағы мемлекеттік қызметшілердің біліктілігін арттыру мекемесін түрлі жылдары т.ғ.д, профессор Арынов Қажымұқан Тоқтиярұлы (2000-2001), э.ғ.д Ким Ирина Леонидовна (2001-2004), э.ғ.д. Мұхамеджанова Әлия Ғафурқызы&nbsp; (2004-2007), Қазақстанның еңбек сіңірген қайраткері Әжібеков Қалқазбек&nbsp; (2007-2016), бюджеттік саладағы тәжірибелі қызметкер Искакова Райхан Хусаиновна (2016-2019), PhD Айтимов Мұрат Жолдасбекұлы (2019-2024) басқарғандығы туралы ақпараттар қамтылған.2017 жылдың 26 желтоқсанынан бері ҚР Президентінің жанындағы Мемлекеттік басқару академиясының Қызылорда облысындағы филиалы ретінде жұмыс жасап келе жатқан мекемеде 14 қызметкер қызмет атқарады. Оның ішінде профессор-оқытушылық құрам – 3 адам. Филиал базасында мемлекеттік қызметшілерді қайта даярлау және біліктілігін арттыру мақсатында 7 дәрісхана,&nbsp; 1 компьютерлік сынып жұмыс істейді.Осы ретте, филиалда жүзеге асып жатқан жобалар туралы ақпарат ұсынып өтейік.Онда, мемлекеттік қызметшілердің өзін-өзі дамыту, эмоциялық шаршау қалпының алдын алу және стресске төзімділігін арттыру мақсатында&nbsp; «Self- менеджмент» орталығы жұмыс істейді.Сонымен бірге, дарынды жастарды мемлекеттік қызметке тарту мақсатында ҚР Мемлекеттік қызмет істері агенттігінің Қызылорда облысы бойынша департаментімен бірлесіп «Абырой» жас мемлекеттік қызметшілер мектебі тыңдаушыларын оқытатын, арнайы аудитория дайындалды. ISO 37001 – халықаралық стандартына сәйкес сыбайлас жемқорлыққа қарсы менеджмент жүйесін әзірлеу және енгізу бойынша жетекші сарапшылар Академия филиалында жұмыс жасайды, олар аталған стандартқа сәйкес ұйымдарға консультациялық қызмет көрсетіп келеді.Жобалық менеджмент – Академияның Қызылорда облысы филиалында сертификатталған тренерлер облыстың жобалық кеңсе қызметкерлеріне әдістемелік қызмет көрсетіп, аймақтың мемлекеттік органдары қызметіне жобалық тәсілді енгізуді жүзеге асыруда. Сонымен бірге, Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қызылорда облысы бойынша департаментімен бірлесе мемлекеттік қызметшілер арасында сыбайлас жемқорлықтың алдын алу және сыбайлас жемқорлыққа қарсы мәдениетті қалыптастыру бойынша ақпараттық-ағартушылық білім берілуде.Осы ақпараттардың барлығы музейдің танымдық базасында қалыптасқан.Мемлекеттік қызметшілер, жалпы жастармен ұрпақ сабақтастығын қалыптастыруда Акдемия филиалы музейінің орыны ерекше.&nbsp;Ж.Қ.Шынтасов,ҚР Мемлекеттік қызмет істері агенттігінің&nbsp;Қызылорда облысы бойынша департаментінің&nbsp;Мемлекеттік қызмет басқармасының басшысы&nbsp;&nbsp;

Академия филиалында «Self- менеджмент» орталығы жұмысын бастады

&nbsp;<a href="https://kyzylorda-news.kz/">Kyzylorda-news.kz</a> &nbsp;Облыстық «Сыр бойы» газеті басылымның 95 жылдығы аясында байырғы редактор Қалқабай Әбенов атындағы дәстүрлі баспа БАҚ өкілдері, сондай-ақ тәуелсіз қаламгерлер арасында «Туған жер – тұғырым» атты байқау жариялайды.Жалпы ережеБайқау облыстық деңгейде ұйымдастырылады.Байқаудың үйлестірушісі: «Сыр медиа» ЖШС және Қазақстан Журналистер одағының облыстық филиалы, Қ.Әбенов атындағы «Сыр журналистикасы» қоғамдық қоры.Байқауды ұйымдастыру және оған қатысушыларға қойылатын талаптар:Байқауды ұйымдастырып, өткізу мақсатында Ұйымдастыру комиссиясы құрылады.Байқауға туған жер құндылығы, рухани-мәдени даму, салт-дәстүр, жастар саясаты, ұлтаралық татулық, жалпы ондағы қоғамның бет-бейнесі туралы түрлі жанрдағы (мақала, сұхбат, әңгіме, очерк, жолжазба, өлең, арнайы репортаж, т.б) еңбектер жіберіледі.Байқау материалдары қазақ және орыс тілдерінде қабылданады.Байқауға бұрын баспа бетінде жарияланбаған, тек байқау кезеңінде өткен материалдар жіберіледі.Байқауға қатысушыларға жас шектеуі қойылмайды.Байқау материалдары тиісті баспа және телеарна жетекшілері, тәуелсіз қаламгерлердің ұсынысы бойынша қабылданады.Байқауға әрбір қатысушы баспа бойынша материалын 6 парақтан аспайтын көлемде ұсына алады. А-4 форматында, Times New Rоman қарпімен, 14 мөлшерде, 1,0 аралықта терілуі керек. Байқау материалдарын сараптау барысында тақырыптың өзектілігі, мазмұнның ашылуы, шынайылығы, жанрлық шарттарға сәйкестігі, жаңа әдістерді қолданысқа енгізе білуі, тілі және стилінің ұғынықтылығы, зерттеу әдістерін енгізе білу ерекшелігі есепке алынады.Байқауға қатысушылар Ұйымдастыру комиссиясына (Қызылорда қаласы, Бейбарыс сұлтан көшесі, 4 А, мекен-жайына (байланыс телефоны: 8 (7242) 40-02-17, эл.пошта syrboyi@yandex.kz) мынадай құжаттарды қоса жібереді.1) Төмендегі деректер көрсетілген өтініш: автор туралы мағлұматтар/туған жері, күні, айы, жылы;– жұмыс немесе оқу орны, қызметі, тұрғылықты мекен-жайы, байланыс құралдары және 3х4 суреті.2) байқау материалының қағаз нұсқасы.Байқауға жіберілген материалдар авторларға қайтарылмайды.Байқауға ұсынылған материалдарды қазылар алқасы бағалайды.Байқау үш кезеңнен тұрады.1) 2024 жылғы 18 наурыз бен 18 қазан аралығында байқауға қатысушылардан материалдарды қабылдау;2) 2024 жылғы 18-20 қазан аралығында материалдарды сараптау және жеңімпаздарды анықтау;3) 2024 жылғы 29 қазанда байқау жеңімпаздарын салтанатты марапаттау рәсімі.Байқау жеңімпаздары Қалқабай Әбеновтің ұрпақтары атынан арнайы сыйлықтармен марапатталады.Ұйымдастыру комиссиясы

Қалқабай Әбенов атындағы байқау жарияланды

<a href="https://kyzylorda-news.kz/">Kyzylorda-news.kz</a> &nbsp;«Халықтың әні кетсе, сәні кетеді, сәні кетсе, жаны кетеді» деп Сұлтанмахмұт Торайғыров айтқандай, қазақ қоғамында домбырасыз ән де, сән де жоқ. Туғанда дүние есігін өлеңмен ашқанда қазақ домбырамен думандатқан. Одан соң бала шақтан қолына қос ішекті аспапты ұстатып, барлық құндылық осында екенін түсіндірген.Қос құлағын бұрап тұрып, әуелетіп ән айтып, күмбірлетіп күй төккенде делебесі қозбайтын жан болмасы анық. Ер жетіп, есейгенде ер жігіттің бес қаруымен домбырасы да қатар жүрген. Өйткені, бұл қандай сәтте болмасын адамға жігер береді, қайратты, өр рухты болуға үндейді. Жігіттің жан серігі болып, оның ақылды, батыл екенін ғана емес, өнерлі екенін де ұғындырады. Қазақ қызы өз теңіне қосылғанда беташары да осы домбырамен жүзеге асады. Осыдан-ақ, ұлттық аспаптың қадір-қасиетін біле берген жөн.Соның негізінде «AMANAT» партиясы Қызылорда қалалық филиалыны мен «Жастар Рухы» жастар қанаты бірлесіп «Ұлттық мұра» жобасы аясында «Ұлттық домбыра күніне» орай орталық алаңда өнер кешін өткізді.Өз өнерлерін қалың көрерменге паш ету үшін «Қазанғап атындағы Жоғарғы музыкалық колледжінің» өнерпаздары да қолдау білдіріп,&nbsp;атсалысты.Кеш аясы қыза түскен шақта қала тұрғындары да&nbsp;домбырада ойнауға ынта білдіріп, өзара сайысты. Боз бала мен бойжеткендер, үлкендер де домбыраның құлағында ойнап, қазақтың күйлерінен тарту етіп, партия атынан кәдесыйларға ие болды.Шараның мақсаты - халық көп шоғырланатын аумақтарды мәдени орынға айналдыра отыра қала тұрғындары мен &nbsp;қонақтарына ұлттық өнерімізді дәріптеу.Кеш көрермендері ұлттық рухқа қанық өнер шарасын биік бағалап, ұйымдастырушыларға алғыс білдірді.<img src="https://knadmin.beoblood.kz/uploads/2_2f20d551cc.jpg" alt="2.jpg"><img src="https://knadmin.beoblood.kz/uploads/3_8b55b2ab2c.jpg" alt="3.jpg"><img src="https://knadmin.beoblood.kz/uploads/4_c14263c5b9.jpg" alt="4.jpg">

Домбыра – халықтың қазынасы

<a href="https://kyzylorda-news.kz/">Kyzylorda-news.kz</a> «Витебсктегі славян базары» жарысы аясында өткен халықаралық Dream Dance Fest байқауында қазақстандық «Жас өркен» би ансамблі 1-орынға ие болды.Халықаралық би жарысы Беларусь елінің Витебск қаласында өткен. «Жас өркен» жетекшісі Аида Келгенбаеваның айтуынша, қазақстандық биші қыздар 20 шақты команданы артта қалдырып, 1-орынды жеңіп алған. Ал Гран-При жүлдесі Беларус елінің ұжымына берілген.<blockquote>– «Славян базары» аясында Dream Dance Fest хореграфиялық байқауы өте жоғары деңгейде өтті. Әртүрлі мемлекеттерден келген 20-дан аса би ансамбльдері қатысты. Солардың ішінде топ жарып, 1-орынға ие болғанымызға өте қуаныштымыз. Бұл біз үшін бірінші халықаралық жарыс емес. Былтыр Грузияға барып, онда да бірінші орын алғанбыз. Оған дейін Түркия еліндегі жарысқа қатысқанымыз бар. Бірақ солардың ішінде осы «Славян базарындағы» ірі жарыста жеңіске жеткенімізге қуанамыз, – деді Аида Келгенбаева.</blockquote>Сондай-ақ ол «Жас өркен» би ансамблі 2007 жылы құрылғанын атап өтті. Топ жетекшісінің айтуынша, қазір ансамбльде 150-дей бала бар. Негізгі бағыты – ұлттық билер. Дегенмен, эстардалық және заманауи билер де үйретіледі.<blockquote>– Біз Беларусь елінде аққу биін биледік. «Сармад» этно-фольклорлық ансамблінің «Көркем саз» деген әуеніне би қойдық. Осы би арқылы қазақ қыздарының нәзіктігін, қарапайымдылығын, сыпайлығын көрсеткіміз келді. Сол мақсатымызға жеттік деп ойлаймын. Өте әсерлі қойылым болды. Сол жақтың әділқазылары, көрермендері қазақтың киімдеріне, биіне тәнті болды, – деп атап өтті ол.</blockquote>Аида Келгенбаева Витебск қаласында өткен жарыста әділқазылардың дауыс беруі жабық өткенін және ашық талқылау болмағанын айтты.<blockquote>– Біз бірінші орын алғандықтан, әділқазылар жоғары бағалады деп ойлаймын. Бірақ жабық дауыс беру болды. Әр ансамбль өнер көрсеткен соң, бірден бағалау парақтарына ұпай жазылып, оны кураторлар жинап алып кетеді екен. Бізде секілді талқылау болмайды. Сол ұпайларды соңында санап, жеңімпазды анықтады, – деді ансамбль жетекшісі.</blockquote>Қазақ биін Еуропада паш етіп, жоғары нәтижеге жеткен биші қыздар қазіргі уақытта елге оралған. Аида Келгенбаева бұл жарыс ансамбль үшін үлкен тәжірибе болғанын атап өтті.<blockquote>– Көңіл-күйіміз өте жақсы. Себебі осындай халықаралық жарыста абыроймен қайтқанымызға қуаныштымыз. Мұнда қаншама талантты балаларды, ұстаздарды көрдік. Олардан сабақ алдық. Білімімізді толықтырып келдік деп айта аламын, үлкен тәжірибе болды, – деді ол.</blockquote>Еске салайық, бұған дейін Сағын Өмірбайұлы «Славян базарының» балалар байқауында екінші орын <a href="https://kaz.inform.kz/news/sagin-omrbayuli-slavyan-bazarinin-balalar-baykauinda-eknsh-orin-aldi-e1eb96/">алған еді.</a> Фото: Аида Келгенбаева/ “Жас өркен” би ансамблі

Қазақстандық бишілер «Славян базары» байқауында жеңіске же

<a href="https://kyzylorda-news.kz/">Kyzylorda-news.kz</a> Қала әкімі Серік Салауатұлы Б.Шөкенов атындағы саябақтың көріктендіру жұмыстарын көрді. Қала тұрғындары үшін табиғат аясында тынығуға мол мүмкіндік сыйлаған саябақтың эстетикалық күйі де қалыпқа келтірілуде.«Саябақтағы санитарлық тазалық шаралары жыл бойы жүргізілуі тиіс. Бұл жұмыстарды босаңсытуға болмайды,» – деді Серік Салауатұлы сала басшыларына. Мұндағы жасыл-желекті күтіп, балақтау, уақытылы аяқ су беру күнделікті атқарылуы қажет. Ашығын айту керек, аталған парктегі жерасты су ұңғымасында уақытша орын алған ақауға байланысты аяқ су кеш берілді, салдарынан талдарға күтім жасалмады. Мәселеге орай, «Жасыл Қызылорда» мекемесіне «Сарқырама» каналы арқылы судың бағытын бұрып, биік жерлерге мотопомпаларды пайдалану тапсырылды.«Қорқыт ата» мемориалды аллеясы қаладағы демалыс орындарының бірі болса да, мақсатты пайдаланылмай келеді. Яғни, көпшілік кең көлемде тыныға бермейді. Себеп – саябақтың бүгінгі күйі халықты баурайтындай жағдайда болмай тұр. Осыған орай, сәулетшілердің ұсынған заманауи дизайнымен жаңғырту жұмыстары жүргізіледі. Бұл игі бастаманы жақын күндері бастау жоспарға енгізілген.<blockquote>«Аймақ басшысының тегеурінді талабымен, кәсіпкердің демеушілігімен жақында Орталық алаң қайта жаңғырып, ел игілігіне берілді. Қандай керемет, халықтың өмір сүру сапасын арттыру жолындағы маңызды қадам деп атасақ жарасымды. Бұл жердегі бір әттеген-айы, демалыс орындарын тиімді, сапалы, мәдениетті пайдалана алмауымыздан болып тұр. Қарасаңыз, бас-аяғы базар-ошар секілді бей-берекет дүние қаптап кетті. Біз мұндай берекесіздікке жол бермейміз. Демалыс аймағында халық еркін демалуы керек. Өз кезегінде «Қорқыт ата» мемориалы аллеясын да орталық алаң секілді қала халқының сүйікті орнына айналдыратын боламыз,» – деді Серік Салауатұлы.</blockquote>Фото: Нұрболат Нұржаубай

«Қорқыт ата» мемориалды аллеясы жаңғыртылады

<a href="https://kyzylorda-news.kz/">Kyzylorda-news.kz</a> Қала әкімі Серік Салауатұлы Б.Шөкенов атындағы саябақтың көріктендіру жұмыстарын көрді. Қала тұрғындары үшін табиғат аясында тынығуға мол мүмкіндік сыйлаған саябақтың эстетикалық күйі де қалыпқа келтірілуде.<blockquote>«Саябақтағы санитарлық тазалық шаралары жыл бойы жүргізілуі тиіс. Бұл жұмыстарды босаңсытуға болмайды,» – деді Серік Салауатұлы сала басшыларына. Мұндағы жасыл-желекті күтіп, балақтау, уақытылы аяқ су беру күнделікті атқарылуы қажет. Ашығын айту керек, аталған парктегі жерасты су ұңғымасында уақытша орын алған ақауға байланысты аяқ су кеш берілді, салдарынан талдарға күтім жасалмады. Мәселеге орай, «Жасыл Қызылорда» мекемесіне «Сарқырама» каналы арқылы судың бағытын бұрып, биік жерлерге мотопомпаларды пайдалану тапсырылды.</blockquote>«Қорқыт ата» мемориалды аллеясы қаладағы демалыс орындарының бірі болса да, мақсатты пайдаланылмай келеді. Яғни, көпшілік кең көлемде тыныға бермейді. Себеп – саябақтың бүгінгі күйі халықты баурайтындай жағдайда болмай тұр. Осыған орай, сәулетшілердің ұсынған заманауи дизайнымен жаңғырту жұмыстары жүргізіледі. Бұл игі бастаманы жақын күндері бастау жоспарға енгізілген.<blockquote>«Аймақ басшысының тегеурінді талабымен, кәсіпкердің демеушілігімен жақында Орталық алаң қайта жаңғырып, ел игілігіне берілді. Қандай керемет, халықтың өмір сүру сапасын арттыру жолындағы маңызды қадам деп атасақ жарасымды. Бұл жердегі бір әттеген-айы, демалыс орындарын тиімді, сапалы, мәдениетті пайдалана алмауымыздан болып тұр. Қарасаңыз, бас-аяғы базар-ошар секілді бей-берекет дүние қаптап кетті. Біз мұндай берекесіздікке жол бермейміз. Демалыс аймағында халық еркін демалуы керек. Өз кезегінде «Қорқыт ата» мемориалы аллеясын да орталық алаң секілді қала халқының сүйікті орнына айналдыратын боламыз,» – деді Серік Салауатұлы.</blockquote>Фото: Нұрболат Нұржаубай

<a href="https://kyzylorda-news.kz/">Kyzylorda-news.kz</a> ҚР Тұңғыш Президент саябағы қазір халықтың қарасы үзілмейтін, отбасылық демалыс орны. Жасыл желекке оранған саябақта тынығушылар саны күн санап артып келеді. Шағын мерейтойларды атап өтудің де мүмкіндігі мол. Бір өкініштісі, қоршаған ортаға саналы көзқарасты қалыптастыруда және туған жердің тазалығын сақтау, табиғатын қорғауда әлі де бейқамдық бар. Осы жайларды ескерген қала әкімі саябақ көлемін кеңейту, ішкі тәртіп пен тазалықты сақтау мәселелерін жолға қоюды алға тартты.<blockquote>«Елге деп салынған әрбір нысан өз мақсатында жұмыс істеуі керек. Саябақты заманауи саябақ келбетінде көргенге не жетсін!? Сол үшін ешқандай қажеттілік пен мұқтаждық туындауы тиіс емес. Әрлеу керек пе, әрлейміз, абаттандыру десеңіз, оны да жасаймыз. Сонда ғана халық сұранысындағы демалыс мүмкіндігін сыйлай аламыз. Бұл жұмыстардың атқарылуына аймақ басшысы жан-жақты қолдау жасап отыр,»– деді шаһар басшысы Серік Салауатұлы.</blockquote>Президент паркінен денсаулық саябағына дейінгі аралық толық қамтылған, жан-жағында автокөліктер тұрағы бар, гүлзарлармен көмкерілген көркем келбет қалыптастырамыз. Оған мүмкіндік жеткілікті. Алдағы уақытта әрбір нысан зерттеле отырып, халықтың сұранасына сай тиісті үдеден шығуға жұмыс жасалады.Фото: Нұрболат Нұржаубай

Президент паркінен денсаулық саябағына дейінгі аралық жаңғыртылады

<a href="https://kyzylorda-news.kz/">Kyzylorda-news.kz</a> Нұрлан Қоянбаев Түркістан облысы әкімінің штаттан тыс кеңесшісі болып тағайындалды. Бұл туралы Stan.kz ақпарат агенттігі хабарлайды.Түркістан облысы&nbsp;әкімдігінің мәліметінше,&nbsp;облыс әкімі Дархан Сатыбалдының өкімімен Нұрлан Қоянбаев Түркістан облысы әкімінің шығармашылық индустрияны дамыту мәселелері жөніндегі штаттан тыс кеңесшісі болып тағайындалған.Нұрлан Қоянбаев 1979 жылы 19 шілдеде Қызылорда облысында дүниеге келген. 1996-2000 жылдары әл-Фараби атындағы Қазақ ұлттық университетінің тарих факультетінде білім алған. 2009-2011 жылдары экономика және құқық академиясының қаржы және несие факультетінде,&nbsp;2012-2015 жылдары ҚазҰУ-де халықаралық қатынастар мамандығы бойынша магистратурада&nbsp;білім алған.Қоянбаев бұған дейін президент&nbsp;телерадиокешенінің шығармашылық директоры, "Қазақстан" ұлттық телеарнасының бас продюсері қызметтерін атқарған. 2021 жылы президент жарлығымен "Шапағат" медалімен марапатталды.Фото: qazaqstan.tv

Қазақстан және Қызылорда облысының жаңалықтары: Мәдениет

Мөлдір Әуелбекова 20 миллион теңгенің көлігін сатып алды

Роза Рымбаева: «Менің әкем Роза Рымбаеваның әкесі екенмін деп кеудесін керген емес»

Әлемдегі ең әдемі: Қазақ мейрамханасы үздіктер тізіміне енді

Қоғамның еркіндігі – ұлы құндылық

Академия филиалында «Self- менеджмент» орталығы жұмысын бастады

Қалқабай Әбенов атындағы байқау жарияланды

Домбыра – халықтың қазынасы

Қазақстандық бишілер «Славян базары» байқауында жеңіске же

«Қорқыт ата» мемориалды аллеясы жаңғыртылады

«Қорқыт ата» мемориалды аллеясы жаңғыртылады

Президент паркінен денсаулық саябағына дейінгі аралық жаңғыртылады

Нұрлан Қоянбаев Түркістан облысы әкімінің кеңесшісі болып тағайындалды