<a href="https://kyzylorda-news.kz/">Kyzylorda-news.kz.</a> Бүгін қазақстандықтар астанамыз – Нұр-Сұлтан қаласының мерекесін атап өтеді, деп хабарлайды ҚазАқпарат.
1994 жылы Қазақстан Республикасы Жоғарғы Кеңесінде Қазақстан Республикасының Президенті Нұрсұлтан Назарбаев Қазақстанның астанасын Алматыдан Ақмолаға көшіру туралы ұсыныс жасады. 1997 жылы қазанның 20-сында астананы ауыстыру туралы Жарлыққа қол қойды.
1998 жылы 6 мамырда Ақмола қаласының атауы Астана болып өзгерді. 1998 жылы маусымның 10-ында жаңа елорданың халықаралық тұсаукесер рәсімі өтті.
2019 жылы 20 наурызда Қазақстан Республикасының Президенті Қасым-Жомарт Тоқаев Парламент палаталарының бірлескен отырысында сөз сөйлеп, Елбасының атын мәңгі сақтау үшін Астана қаласының атауын Нұр-Сұлтан деп өзгерту жөнінде ұсыныс жасады.
«Біз, қазіргі және келешек ұрпақ өкілдері, Елбасының саяси мұрасын жадымыздан шығармай, қадір тұтып, Нұрсұлтан Әбішұлы Назарбаевтың тарихи еңбегіне лайықты құрмет көрсетуіміз қажет. Елбасының халқымызға және әлем қауымдастығына сіңірген ерен еңбегі мен ұлы есімін мәңгі есте сақтауымыз керек. Бұл халқымызды, әсіресе, жастарды тарихқа құрметпен қарауға тәрбиелеп, Елбасының даңқты қызметін әділ бағалау үшін маңызды. Ұлы замандасымыздың, Қазақстан Республикасының Тұңғыш Президенті Нұрсұлтан Әбішұлы Назарбаевтың атын келесідей түрде есте қалдыру қажет деп санайын. Елордамыз оның атын иемденіп, Нұр-Сұлтан деп аталуы тиіс. Мұндай ұсыныс бұған дейін 2016 жылдың 23 қарашасында Қазақстан Республикасы Тәуелсіздігінің 25 жылдығына орай парламентарийлер қабылданған декларацияда айтылған еді», – деген болатын Мемлекет басшысы Қасым-Жомарт Тоқаев.
Сол күні ҚР Парламенті палаталарының бірлескен отырысында дептуттар Астананың атауын Нұр-Сұлтан қаласы өзгерту туралы Заң қабылдады. Ал 2019 жылғы 23 наурызда ҚР Президенті Қасым-Жомарт Тоқаев Қазақстан Республикасының астанасы – Астана қаласын Қазақстан Республикасының астанасы – Нұр-Сұлтан қаласы деп қайта атау туралы Жарлыққа қол қойды.
Жыл сайын елорда күні кең көлемде тойланып келді. Алайда, өкінішке қарай биыл елімізді жайлаған коронавирус індетіне байланысты барлық бұқаралық шараларға тыйым салынып отыр. Эпидемиологиялық ахуалға байланысты бұған дейін елорда күніне жоспарланған барлық іс-шаралар тоқтатылды. Шаралар тек онлайн режимде өтеді.
Іс-шаралардың көпшілігі әлеуметтік сипатта болады – ерекше қажеттілігі бар балаларға арналған реабилитациялық орталық, жұмыссыз әйелдерге ШОБ негіздерін үйрететін «Кәсіпкер ана» әлеуметтік орталығы, Жағалау ауданында жедел жәрдем стансасы мен «Доктор у дома» медицина орталығы және басқа да әлеуметтік нысандар ашылады.
Шараларға қатысатын адам саны шектелген. Сонымен қатар үй кезегіндегілер мен үлескерлерге пәтер кілттері тапсырылады – қатысушылар саны шектеулі және санитарлық нормалар қатаң сақталады: маска тағып, әлеуметтік қашықтықты сақтау керек.

Бүгін &#8211; астана күні

<a href="https://kyzylorda-news.kz/">Kyzylorda-news.kz.</a> Бүгін елімізде Ұлттық домбыра күні. Жыл сайын шілденің алғашқы жексенбісіне дөп келетін, ұлттық аспабымызды ұлықтауға арналған бұл мереке ҚР Тұңғыш Президенті – Елбасы Нұрсұлтан Назарбаевтың жарлығымен 2018 жылдан бері елімізде кеңінен аталып өтеді, деп хабарлайды <a href="https://www.inform.kz/kz/bugin-ulttyk-dombyra-kuni_a3669244">ҚазАқпарат</a>.
Есте болса, 2018 жылдың 13 маусымында қоғамды ұлттық мәдениет пен бірегейлікті сақтау мен қайта жаңғырту идеясының төңірегінде одан әрі топтастыру мақсатында шілденің бірінші жексенбісін Ұлттық домбыра күні ретінде белгілеу туралы Нұрсұлтан Назарбаевтың Жарлығы жарық көрді. Сол жылы шілдедегі алғашқы жексенбі 1-і күніне дөп келіп, сол күні елорданың «Қазақ Елі» монументі алдындағы алаңға жиналған 2 мыңнан астам музыканттан құралған домбырашылар оркестрі «Көңіл ашар», «Адай», «Балбырауын», «Ерке сылқым», «Сарыарқа» күйлерін орындаған еді.
Бұл көріністі Елбасы Нұрсұлтан Назарбаев та арнайы келіп тамашалап, барша қазақстандықтарды мерекемен құттықтаған еді.
<blockquote>
 «Халқымыз домбыраға үкі тағып, төріне ілген. Күйшілерді төредей күтіп, төбесіне көтерген. Осы игі үрдіс қазір де жалғасып келеді. Бүгін «Қазақ Елі» алаңына жиналған мыңдаған күйші осының айқын көрінісі. Рухани жаңғыруға бет бұрған халқымыз қасиетті домбыра мен құдіретті күйді қазақ қаншалықты қадірлейтінін бүкіл елімізге, барша әлемге паш етіп отырмыз. Осы жерде күмбірлеген күйлер біздің бірегейлігіміз бен рухани тұтастығымызды білдіреді. Ылайым әр уақытта елімізге Жаратқан бірлік берсін. Бүгінгі шара өскелең ұрпақтың қасиетті домбыраға, ұлттық өнерге деген құлшынысын арттыра түседі деп білемін. Ұлттық домбыра күні баршамызға құтты болсын!», – деді Нұрсұлтан Назарбаев.
</blockquote>
Сондай-ақ Қазақстанның Тұңғыш Президенті шара барысында ең жас қатысушыға өз қолымен домбыра тарту еткені есте.
Ал өткен жылы шілденің алғашқы жексенбісі 7-сі күніне тұспа келді. Бұл күні де елордадағы Қазақ елі монументінің алдындағы алаң үлкен сахнаға айналып, домбырашылар бір мезетте домбыра шанағанын «Сарыарқа», «Адай», «Әлқисса», «Көңіл толқыны», «Балбырауын» және «Көреғұлы» күйлерін төгілтті.
Мерекелік концертті тамашалаған Мемлекет басшысы Қасым-Жомарт Тоқаев қазақстандықтары құттықтай келе:
<blockquote>
 «Домбыра – бүкіл Қазақстан халқын біріктіретін теңдесі жоқ мәдени мұра. Ұлттық руханиятымызды дәріптейтін мереке домбыраның мәртебесін биікке көтере берсін! Баршаңызға рахмет, аман болыңыздар, құрметті ағайын!», – деген болатын.
</blockquote>
Биыл да Ұлттық домбыра күні елімізде кеңінен аталып өтуі тиіс болатын. Алайда әлемде, оның ішінде елімізде де жайлаған коронавирус індеті барлық жоспарланған іс-шараларды өткізуге мүмкіндік бермеді.
Дегенмен, соған қарамастан ұлттық аспабымызға деген құрмет төмендемек емес.

Бүгін &#8211; Ұлттық домбыра күні

<a href="https://kyzylorda-news.kz/">Kyzylorda-news.kz.</a> Сыр мәдениеті мен өнері ауыр қазаға ұшырады. 
Қазақстанның еңбек сіңірген әртісі, «Құрмет» орденінің, «Шапағат» медалінің иегері, мәдениет майталманы, әнші-ұстаз Қаракөз Ақжігітқызы Ақдәулетова өмірден озды.
Қ. Ақдәулетова 1956 жылы 3 наурызда Сырдария ауданының Иіркөл аулында дүниеге келген. Қызылорда педагогикалық институтын, Алматы мемлекеттік консерваториясын бітірген. Бұлбұл әнші Бибігүл Төлегенованың төл шәкірті.
Өмірінің соңына дейін Облыстық халық шығармашылығын дамыту және мәдени-продюсерлік орталығы Балалар студиясының жетекшісі, Облыстық филармонияның вокал жөніндегі репетиторы болып еңбек етті. Қазанғап атындағы Қызылорда музыкалық колледжінде жұмыс жасады. Ұлағатты ұстаздың ұстаханасынан шыңдалған шәкірттер әлемнің көптеген мемлекеттерінде өткен өнер сайыстарында жүлделі орындар иеленді.
Туабітті дара дарын иесі болған Қаракөз Ақжігітқызы қазақ және шетел композиторларының классикалық әндері мен романстарын ешкімге ұқсамайтын мәнермен орындауымен ерекшеленді. Оның қайталанбас дауысы қазақ руханиятының қазынасына қымбат байлық болып қосылды.
Сыр мәдениетін ерен биікке көтеріп, еліміздің рухани жаңғыруына мол үлес қосқан қадірлі есім қызылордалықтардың әрқашан есінде болады. Киелі мекеннен шыққан мөлдір бұлақтардың көзін ашып, өнер деген айдында жүздірген аяулы ұстаздың еңбегі ешқашан ұмытылмайды.
Бақұл бол, ардақты Қаракөз Ақжігітқызы, мәңгілік мекенің жұмақтың төрінен болсын.

Қазақтың Қаракөзінің есімі сырбойылықтардың есінде мәңгі сақталады

<a href="https://kyzylorda-news.kz/">Kyzylorda-news.kz.</a> Бүгін «Abai TV» мәдени-ағарту телеарнасы ресми түрде таныстырылды, деп хабарлайды <a href="https://24.kz/kz/zha-aly-tar/m-denie/item/406088-abai-tv-telearnasy-resmi-t-rde-tanystyryldy">“Хабар 24”</a>. 
Жаңа арна Мемлекет басшысының тапсырмасымен хәкім Абайдың 175 жылдығына орай іске қосылды. Эфирде ұлттық және әлемдік өнер мен мәдениет, түрлі ұлттардың әдеби және тарихи мұрасын насихаттайтын танымдық бағдарламалар көрсетіледі. Мәселен, «Абай жолын бірге оқиық», «Сарасөз», «Үркер», «Жыр майданы», «Музыка Великой степи» сынды жобалар көрерменге жол тартпақ. Сондай-ақ спектакльдер мен балет қойылымдарына арналған «Премьеры» бағдарламасын тамашалауға болады. Телеарна қазақ және орыс тілдерінде тәулігіне 17 сағат бойы хабар таратады. Ол эфирге «Otau TV» ұлттық спутниктік операторы, «Alma TV», «ID TV» кабельдік желілері арқылы шығады. Ал телеарнаның онлайн нұсқасын аbaitv.kz ресми сайтында көруге мүмкіндік бар. 
<blockquote>
 “Мәдениет телеарнасы болғандықтан, мына өркениетте жүрген, мәдениетте жүрген қоғам азаматтарын, жалпы музыканттарды әдебиетшілерді, әдебиеттанушыларды, сурет өнерінде жүрген азаматтарды, бүкіл өнерде жүрген азаматтарды осы «Abai TV» телеарнасына қатысып, өздерінің өнімдерін, өнерлерін «Abai TV» арнасында көрсетіп, бүкіл халқымызға паш етсін деп тілеймін”,- деді ҚР Мәдениет және спорт министрі Ақтоты Райымқұлова.
</blockquote>

«Abai TV» телеарнасы ресми түрде таныстырылды

<a href="https://kyzylorda-news.kz/">Kyzylorda-news.kz.</a> Шілденің бірінші жексенбісі Ұлттық домбыра күні қарсаңында Жалағаш аудандық мәдениет және тілдерді дамыту бөлімінің ұйымдастыруымен онлайн форматта облыстық “Күй күмбірі” жас күйшілер байқауы өтті.
Онлайн байқауда бақ сынасқан күйшілердің өнері көпшілікті сүйсіндірді. 
Байқау қорытындысымен І орынды Жалағаш ауданының күйшісі Кенжебек Пірмахан иеленді. Қазалылық Рүстем Шөмекей ІІ орынға жайғасты. Ал ІІІ орынды Жаңақорғаннан келген Сері Әлмахан мен Назерке Жәнібек және Сырдарияның тумасы Ерсұлтан Қайбулла қанжығаларына байлады. 
Сондай-ақ, Қызылорда қаласының намысын қорғаған Ахмет Берікбай мен сырдариялық Шәкәрім Камалиев ынталандыру сыйлықтарымен марапатталды.

Жалағашта &#8220;Kүй күмбірі&#8221; облыстық жас  күйшілер байқауы өтті

<a href="https://kyzylorda-news.kz/">Kyzylorda-news.kz.</a> Қазақстанда Абай күнін атап өту ұсынылды. Мәдениет және спорт министрлігі қаулы жобасын&nbsp;<a href="https://legalacts.egov.kz/npa/view?id=4233345">“Ашық НҚА”</a>&nbsp;порталында жариялаған.
Мерекені 10 тамыз – қазақ жазба әдебиетінің негізін қалаушы Абай Құнанбаевтың туған күнімен қатар тойлауды ұсынып отыр.
<blockquote>
 “Қазақстан Республикасының 2001 жылғы 13 желтоқсандағы “ҚР – дағы мерекелер туралы” заңының 4-бабына сәйкес үкімет 2017 жылғы 31 қазандағы № 689 “мерекелік күндер тізбесін бекіту туралы” қаулыға өзгерістер енгізіп, Абай күнін 10 шілде тойлауды қаулы етеді”, – дейді “Ашық НҚА” порталында жарияланған қаулыда.
</blockquote>

Қазақстанда Абай күнін арнайы мереке ретінде атап өту ұсынылды

<a href="http://kyzylorda-news.kz/">Kyzylorda-news.kz.</a> Қазақстандық «Томирис» тарихи драмасының АҚШ аумағындағы дистрибуция құқығын Well Go USA компаниясы сатып алды, деп хабарлайды <a href="https://www.inform.kz/kz/tomiris-fil-mi-aksh-tagy-kinoteatrlarda-korsetiledi_a3661471">ҚазАқпарат</a>.
<blockquote>
 «Америка Құрама Штатының аумағында «Томирис» фильмінің дистрибуция құқығы сатып алынғаны туралы Variety, Hollywood Reporter және Screen Daily басылымдары жариялады. Осы мәміленің нәтижесінде Arclight Films компаниясы қазақстандық драманың АҚШ аумағында тарату құқығын Well Go USA компаниясына сатты», делінген хабарламада.
 «Мықты әйелдердің ерлігін паш етіп, шынайы оқиғаларына қызығушылық танытатын әлемде өмір сүріп жатқанымызға қуаныштымыз», – деді Arclight Films басшысы Гэри Хэмилтон.
</blockquote>
Еске салсақ, кинотуынды біздің заманымызға дейінгі VI ғасырда болған оқиғаны суреттейді. Фильмде кішкентай қыздан айбынды жауынгерге айналған, жақындарынан айрылып, сатқындардан өшін алған және сақ тайпаларын біріктірген ұлы даланың аты аңызға айналған Томирис патшайымының тағдыры баяндалады.
Фильм ҚР Мәдениет және спорт министрлігінің тапсырысымен «Қазақфильм» киностудиясында Sataifilm компаниясының қатысуымен түсірілген.
<blockquote>
 «Бұл эпикалық фильм таңғажайып пейзаждармен көркемделіп, жоғарғы сапада түсірілгендіктен көрермендерді бірден баурап алатыны сөзсіз», – деп жазды Variety басылымы.
 «Таңғажайып оқиғаларды біз ерекше ұнатамыз. Сондықтан да алғашқы тарихи «Амазон патшайымының» құпияға толы оқиғасы басқаларға қарағанда сенімдірек», – деді Well Go USA Entertainment президенті және атқарушы директоры Дорис Пфардрешер Hollywood Reporter тілшісіне.
</blockquote>

«Томирис» фильмі АҚШ-тағы кинотеатрларда көрсетіледі

<a href="https://kyzylorda-news.kz/">Kyzylorda-news.kz.</a> Қызылорда облыстық тарихи және мәдени ескерткіштерді қорғау мекемесінің қызметкерлері Сырдария ауданы Қоғалыкөл ауылындағы Қышқала қалашығында жүргізіліп жатқан қазба жұмыстарының барысымен танысты.&nbsp;
Қалашықтағы қазба жұмыстары Алтын Орданың 750 жылдығы аясында облыстық бюджет есебінен жүргізілуде.
Биылғы жылы республикаға белігілі археолог Мадияр Елеуов жетекшілік жасайтын археологиялық экспедиция кең көлемді археологиялық зерттеулермен қатар, консервациялық шараларды атқарады деп жоспарланып отыр.
Қазіргі уақытта қалашықтың шетінде орналасқан кесенінің орны толық ашылды. Қазбаның нәтижесімен кесененің көлемі үлкен екендігі және толық қыштан тұрғызылғаны анықталды. Сонымен қатар, биылғы маусымда өткен жылғы қазба жұмыстары кезінде анықталған құрылыс нысандарына және қыш күйдіретін пеш орындарына зерттеу жүргізіледі. Бұл экспедицияға археологтар, жас ғалымдар және жергілікті ауыл тұрғындары тартылған.
Айта кететін жайт, Қышқаладағы археологиялық зерттеулер 2018 жылдан бері тұрақты түрде жүргізіліп келеді.
<img src="https://kyzylorda-news.kz/wp-content/uploads/2020/06/kyshkala-1.jpg" alt="" />
<img src="https://kyzylorda-news.kz/wp-content/uploads/2020/06/kyshkala1-1.jpg" alt="" />
<img src="https://kyzylorda-news.kz/wp-content/uploads/2020/06/kyshkala2-1.jpg" alt="" />
<img src="https://kyzylorda-news.kz/wp-content/uploads/2020/06/kyshkala3-1.jpg" alt="" />
<img src="https://kyzylorda-news.kz/wp-content/uploads/2020/06/kyshkala4-1.jpg" alt="" />

Сырдария ауданындағы Қышқала қалашығында қазба жұмыстары жалғасуда

<a href="https://kyzylorda-news.kz/">Kyzylorda-news.kz.</a> Елорданың сол жағалауындағы Нұржол желекжолында орналасқан субұрқақта Батырхан Шүкенов пен Димаш Құдайберген әндерінің әуені ойналады, деп хабарлайды Есіл ауданының әкімі Берік Жәкенов «Facebook» парақшасында.
<blockquote>
 «Таяу уақытта бәріміздің сүйікті субұрқағымызда жаңаша әуен ойнайтын болады. 15 маусымға дейін Нұржол желекжолындағы музыкалық субұрқақ жұмыс істемейді. Су астындағы прожекторлардың шамамен 300 шамын ауыстыру жұмыстарын жүргіземіз. Ескі үлгідегі шамдарды жаңа жарықдиодты шамдарға ауыстырамыз», – деп жазады аудан әкімі.
</blockquote>
Берік Жәкенов субұрқақта Батырхан Шүкенов пен Димаш Құдайбергеннің әндерінің әуені ойналатынын айтты. &nbsp;
<blockquote>
 «Уәде бергенімдей, аталған субұрқақтың музыкалық репертуарын сіздердің ұсыныстарыңыз бойынша өзгертеміз. Бұл істің өзіндік ерекшеліктері бар. Процесс барынша күрделі, мамандар барлығы біркелкі жұмыс істеуі үшін хореографияны қолмен бағдарламалап шығады. Жақында «Көзімнің қарасы«, «Дудар-ай« және Батырхан Шүкенов пен Димаш Құдайбергеннің әндері мен классикалық композицияларын естиміз», – деді Берік Жәкенов.
</blockquote>

Нұр-Сұлтандағы субұрқақта Батырхан Шөкеновтың әндері ойнайды

<a href="https://kyzylorda-news.kz/">Kyzylorda-news.kz.</a> Қазақстан Республикасы мәдениет және спорт министрлігінің келісімімен, Ақмола облысы мәдениет, архивтер мен құжаттамалар басқармасы, облыстық халық шығармашылық және мәдени демалыс орталығы&nbsp;Абай Құнанбайұлының 175 жылдық&nbsp;мерейтойын мерекелеу аясында “Дара – Абай, дана – Абай” жазба ақындардың республикалық онлайн-айтысын өткізетінін жариялайды.
Жазба онлайн-айтысты ұйымдастырушылар:
Ақмола облысының мәдениет, архивтер мен құжаттамалар 
басқармасы ; 
Облыстық халық шығармашылық және мәдени демалыс орталығы; 
Қазақстан Жазушылар одағы Ақмола облыстық филиалы .
Жазба айтысты өткізу тәртібі мен шарттары
Айтысқа Қазақстанның барлық өңірлерінен жазба ақындар және айтыскерлер қатыса алады. Жасқа шектеу қойылмайды. Сөз сайысы үш кезеңнен тұрады: іріктеу кезеңі – мамыр-маусым айлары, жартылай кезең – шілде айы, ақтық мәре – тамыз айында.
Ақындар әлеуметтік желі парақшасында өзара онлайн айтысып, бір-біріне бір тәулік ішінде жауап беруі шарт. Егер әлдебіреуі уақытынан кешігіп, жауапсыз қалған жағдайда жеңілген болып есептеледі. Бұл айтыстар халық шығармашылығы орталығының сайтында және Facebook, Instagram парақшаларында жарияланып тұрады, ұнатқан ақынына оқырмандар өз дауысын беріп, пікір білдіре алады. Әр жұптың айтысы 4 кезектен аспауы керек. Сапасыз немесе әдепке қайшы жазылған сөздерге жол берілмейді.
Қатысушыларға қойылатын талаптар:&nbsp;
сөз өткірлігі, тапқырлығы; айтар ойының көркемдік деңгейі; ақынның берілген уақытты тиімді пайдалануы, тақырыпты аша білуі; қарсыласына ұтымды жауап қайтару шеберлігі. 
Облыстық халық шығармашылық және мәдени демалыс орталығы мен Қазақстан Жазушылар одағы Ақмола облыстық филиалы бірлесе отырып ұйымдастыру жұмыстарын қамтамасыз етеді. Қазылар алқасының құрамына есімі елге белгілі ақын-жазушылар, сыншылар кіреді.
Жазба ақындар мен айтыскерлердің қатысуымен қорытынды кеш тамыз айында өткізіледі. Кешке абайтанушы ғалымдар, ақындар мен өнер қайраткерлері қатысады.
&nbsp;Қатысушының ұсынатын құжаттары:
<ol>
<li>Өтінім;</li>
<li>Жеке куәлік көшірмесі;</li>
<li>Сапалы сандық сурет;</li>
<li>Қысқаша шығармашылық мінездемесі; 
Өтінім (үлгіге сәйкес) 2020 жылғы мамырдың 31-не дейін “Дара – Абай, дана – Абай” деген атпен ocnt.kokshetau@mail.kz және almas.1979@mail.ru электрондық мекен-жайы бойынша қабылданады.&nbsp;Байланыс телефондары: 8(716-2) 25-33-96; 8-707-044-44-40, 8-701-266-06-49. 
&nbsp;Ұйымдастыру алқасының атынан сөз сайысының жеңімпаздарына қомақты қаржы тағайындалып отыр. 
Бас жүлде – біреу; 
І орын – біреу; 
ІІ орын – екеу; 
ІІІ орын – үшеу; 
3 арнайы жүлде: Зілғара шешен Байтоқаұлы атындағы, Орынбай Бертағыұлы атындағы және әлеуметтік желіде ең көп дауыс жинаған “Үздік ақын” жүлдесі. Айтыс жеңімпаздары мен қатысушылары диплом және бағалы сыйлықтармен марапатталады. 
Жүлдегер арнайы шақырылып, Бурабай баурайында өтетін қорытынды кеште марапатталады. 
Үздік өлеңдер “Жазба ақындар айтысы” жыр-жинағында жарық көреді.</li>
</ol>

&#8220;Дара – Абай, дана – Абай&#8221; атты жазба ақындардың республикалық онлайн-айтысы өтеді

Kyzylorda-news.kz. Қармақшы ауданы әкімдігінің қолдауымен, аудандық ішкі саясат бөлімі, “Қармақшы жастары” жастар қоғамдық бірлестігі ұйымдастыруымен Ұлы жеңістің 75 жылдығына арналған “Ұрпаққа ұран болған-Ұлы жеңіс” атты облыстың онлайн жазба ақындар айтысы өз мәресіне жетті.
Айтулы шараға Қазалы, Шиелі, Сырдария, Қармақшы аудандарынан және Қызылорда қаласынан жыр жүйректері қатысты.
4 күн бойы фейсбук әлеуметтік желісінде халықтың көкейіндегі ойды дөп басып, қазіргі кезде елемізде болып жатқан жағдайларды жалынды жырларымен жүрекке жеткізді.
Бірінен-бірі асатын жас ақындардың бағындырар белестері мен алар асулары көп екіні, тартысты айтыстарынан аңғардық. Бәйге болғасын бірі озып, бірі қалып жатады. Елге белгілі Серік Ыдырысов, Берік Саймағанбетов, Арнұр Көшеней секілді ағаларымыз ақындарға қазылық етіп, таланттарға өз бағаларын берді.
Қазылар алқасының шешімімен: 
Бас жүлдені 
Қармақшылық Сырым Әділбеков қанжығасына байлады.
І орынды Сырдариялық Төрехан Совет, ІІ орын – Мөлдір Айтбай Кызылорда қаласы. ІІІ орын – Тұрар Бекмұрзаев Қармақшы ауданы.
Жауынгер, ақын Ә.Егізбаев атындағы арнайы жүлдемен Қазалылық Ғабит Кәдірбай, Кеңес Одағының батыры Т.Көмекбаев атындағы арнайы жүлдемен Бекжан Ержігіт /Шиелі ауданы/ марапатталды.
Ақындарға Қармақшы ауданы әкімдігінің атынан арнайы дипломдармен ақшалай сыйлық табысталды.

Қармақшыда облыстық жазба ақындар айтысы мәресіне жетті

<a href="https://kyzylorda-news.kz/">Kyzylorda-news.kz.</a> Назарбаев Зияткерлік мектептерінің білім алушылары арасында алғаш рет өткізілген «Біз біргеміз» қашықтан би фестивалінде қызылордалық зияткерлер 2 жүлделі орындарды иеленді.
60-қа жуық талантты жастардың басын қосқан байқау халық билері, қазіргі заман хореографиясы, спорттық балдық би, хип-хоп және k-pop бағыттары бойынша өткізілді. Алғашқы жанрда Қызылордадағы мектептің 11-сынып оқушысы Елжан Жарылқасын және 12-сынып оқушылары Гүлмарал Кеңесбек пен Жансая Серікбай өз өнерлерін көрсетсе, қазіргі заман билері бағытында 11-сынып оқушылары Мерей Исатай мен Назым Қуандық және 10-сынып оқушысы Баян Сарибаева бақтарын сынады.
Жансая мен Баян байқаудың ақтық кезеңіне жолдама алып, қорытындысы бойынша бірінші ару І орынды, ал екінші оқушы жүлделі ІІІ орынды иеленді. Сондай-ақ, фестиваль барысында би қойылымының креативті мазмұнымен ерекшеленген Мерей Исатай «Үздік қойылым» номинациясымен марапатталды.
Айта кету керек, І онлайн би фестивалін Шымкент қаласындағы физика-математика бағытындағы Назарбаев Зияткерлік мектебі ұйымдастырып, алдағы уақытта дәстүрлі түрде өткізуді жоспарлап отыр.
<img src="https://kyzylorda-news.kz/wp-content/uploads/2020/05/02-13.jpg" alt="" />
<img src="https://kyzylorda-news.kz/wp-content/uploads/2020/05/03-9.jpg" alt="" />
<img src="https://kyzylorda-news.kz/wp-content/uploads/2020/05/kashyktan-bi-konkwrsy-1.png" alt="" />

Қазақстан және Қызылорда облысының жаңалықтары: Мәдениет

Бүгін – астана күні

Бүгін – Ұлттық домбыра күні

Қазақтың Қаракөзінің есімі сырбойылықтардың есінде мәңгі сақталады

«Abai TV» телеарнасы ресми түрде таныстырылды

Жалағашта “Kүй күмбірі” облыстық жас күйшілер байқауы өтті

Қазақстанда Абай күнін арнайы мереке ретінде атап өту ұсынылды

«Томирис» фильмі АҚШ-тағы кинотеатрларда көрсетіледі

Сырдария ауданындағы Қышқала қалашығында қазба жұмыстары жалғасуда

Нұр-Сұлтандағы субұрқақта Батырхан Шөкеновтың әндері ойнайды

“Дара – Абай, дана – Абай” атты жазба ақындардың республикалық онлайн-айтысы өтеді

Қармақшыда облыстық жазба ақындар айтысы мәресіне жетті

Қызылордалық оқушылар қашықтан би фестивалінде жеңімпаз атанды

Қазақстан және Қызылорда облысының жаңалықтары: Мәдениет

Бүгін &#8211; астана күні

Бүгін &#8211; Ұлттық домбыра күні

Қазақтың Қаракөзінің есімі сырбойылықтардың есінде мәңгі сақталады

«Abai TV» телеарнасы ресми түрде таныстырылды

Жалағашта &#8220;Kүй күмбірі&#8221; облыстық жас күйшілер байқауы өтті

Қазақстанда Абай күнін арнайы мереке ретінде атап өту ұсынылды

«Томирис» фильмі АҚШ-тағы кинотеатрларда көрсетіледі

Сырдария ауданындағы Қышқала қалашығында қазба жұмыстары жалғасуда

Нұр-Сұлтандағы субұрқақта Батырхан Шөкеновтың әндері ойнайды

&#8220;Дара – Абай, дана – Абай&#8221; атты жазба ақындардың республикалық онлайн-айтысы өтеді

Қармақшыда облыстық жазба ақындар айтысы мәресіне жетті

Қызылордалық оқушылар қашықтан би фестивалінде жеңімпаз атанды

Бүгін – астана күні

Бүгін – Ұлттық домбыра күні

Жалағашта “Kүй күмбірі” облыстық жас күйшілер байқауы өтті

“Дара – Абай, дана – Абай” атты жазба ақындардың республикалық онлайн-айтысы өтеді