<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Алматыдағы Жамбыл атындағы қалалық жасөспірімдер кітапханасында ақын Шөмішбай Сариевтің туғанына 75 жыл толуына арналған флэшбук басталды, деп хабарлайды <a href="https://lenta.inform.kz/kz/almatyda-akyn-shomishbay-sarievtin-75-zhyldygyna-arnalgan-fleshbuk-bastaldy_a3776699">ҚазАқпарат</a>.
Ақынның өмiрi мен шығармашылығына арналған «Сезім ақыны» атты&nbsp;<a href="https://m.facebook.com/story.php?story_fbid=764969077718645&id=100026166788229&sfnsn=mo">флэшбукті</a>&nbsp;онлайн тамашалауға болады.
Шөмішбай Сариев 1946 жылы 15 сәуірде Қызылорда облысы, Арал ауданы, Шөміш стансасында дүниеге келген.
Еңбек жолын Қазалы аудандық «Ленин туы», Арал аудандық «Толқын» газеттерінен бастаған. Кейіннен «Қазақстан» баспасының редакторы, «Жұлдыз» журналы бөлімінің меңгерушісі, Қазақстан Республикасы Ұлттық ғылым академиясы Мұхтар Әуезов атындағы Әдебиет және өнер институтының ғылыми, аға ғылыми қызметкері болған.
1971 жылы ҚазМУ-дің журналистика факультетін бітірген.
Алғашқы жыр жинағы 1974 жылы «Балдәурен» деген атпен жарық көрген. Содан бергі аралықта қазақ, орыс тілдерінде он бес шақты кітабы шықты.
«Тарлан» сыйлығының иегері. Қазақстанның еңбек сіңірген қайраткері Шөмішбай Сариев биыл 15 ақпан күні 75 жасқа қараған шағында&nbsp;<a href="https://www.inform.kz/kz/akyn-shomishbay-sariev-dunieden-ozdy_a3753350">қайтыс болды</a>.

Ақын Шөмішбай Сариевтің 75 жылдығына арналған флэшбук басталды

<a href="https://kyzylorda-news.kz/">Kyzylorda-news.kz.</a> 15 сәуір – Қозы Көрпеш – Баян сұлу ғашықтар күні ретінде мереке болып аталып келеді.
Бұл күнді атап өту туралы бастама 1999 жылы көтерілген. Аталған мереке ХIV-XV ғасырлардағы Қозы Көрпеш –Баян сұлу махаббатының символы ретінде аталып өтіледі.&nbsp;Айтулы күнге орай Қызылорда облыстық Н.Бекежанов атындағы қазақ музыкалық драма театрының көркемдік жетекшісі Әмір-Темір Хұсейн Жүсіпұлының пікірін оқырман назарына ұсынамыз.
<blockquote>
 «Махаббат – адам бойындағы нәзік қылдарды шертетін, жанын тербететін сезімдердің бірі. Қозы мен Баянның махаббатын айтып жеткізу мүмкін емес. Бүгінде өмірде болған оқиғаны халыққа қойылым арқылы көрсетудеміз. Ең алғаш 1968 жылы «Қозы Көрпеш-Баян Сұлу» спектаклін көрерменге ұсындық. Содан кейін 2018 жылы өмірде қосылмаған екі ғашықты қойылымда қосып, оқиғаны 55 минутқа шақтап, спектакльді «Ақбаян» деп атадық. Сондай-ақ, сол жылы Шотландияның Эдинбург қаласында өтіп жатқан «ФРИНДЖ» өнер фестивалінде сахналанды. Осындай үлкен шығарма арқылы өскелең ұрпақты тәрбиелеуіміз керек. Қазіргі таңда, махаббаттың символына айналған ғашықтардың хикаясын, ұлттық мәдениетімізді әлемге танытудамыз», – деді Әмір-Темір Хұсейн Жүсіпұлы.
</blockquote>

Әмір-Темір Хұсейн Жүсіпұлы: Үлкен шығарма арқылы жастарды тәрбиелеу керек

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қазақ эстрадасының жарық жұлдызы Мадина Сәдуақасова пандемия уақытында өзіне қандай ұсыныстар түскенін айтты. Көптеген адамдар өнер иесін басқа салада жұмыс істеп көруге шақырған.
Мадина Сәдуақасова карантин уақытында өзіне жұмысқа қатысты түрлі ұсыныстар түсе бастағанын айтты. Бірақ, әртіс өзін өнер саласынан басқа жерде көре алмайтынын түсініп, олардан бас тартқан.
<blockquote>
 «Осы пандемияда көп адам мені бизнеске, басқа жұмысқа, басқа салаға шақырып жатты. Ес білгелі осы әншілікпен айналысқан, осы мамандыққа оқып, өмірін сахнамен байланыстырған адамға қалай ұсынады мұндайды“ деп кәдімгідей біртүрлі болып қалатынмын. Сабырмен , көрерменмен қауышатын күнді күтемін! Жаңа әндер іздеп, композитор ақындармен жұмыс жасап, студияда альбом жазамын, фотосессия, бейнебаян түсіремін, дизайнерлермен жаңа образ, көйлектер тіккіземін, түсірілімдерге, жобаларға қалмай қатысамын, халықпен әлеуметтік желі болсын, телевизия арқылы байланысты үзбей, өз сағынышымды басып аламын“ дедім! Солай! Басқа ешнәрсеге икемім де, қалауым да жоқ», – деп жазды әнші <a href="https://www.instagram.com/p/CJ-lp0kM14u/?utm_source=ig_embed">Instagram</a> парақшасында.
</blockquote>

Мәдина Сәдуақасова пандемияда өзіне жұмыс ұсынғандарға шүйлікті

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Бүгін А.Тоқмағамбетов атындағы қалалық мәдениет үйінде сұлу Сырдың ақын қызы, халықаралық «Алаш» әдеби сыйлығының иегері Қатира Жәленованың «Өмірімнің өрнегі өлеңімде» атты шығармашылық кеші өтті.
Қызылордалықтар тағылымды шараны Қатира Сыздыққызының 70 жылдық мерейтойына орай ұйымдастырған. Әдеби мазмұны бай, әсерлі кешке қала әкімінің орынбасары Асқарбек Есжанов және аймағымыздың белгілі қаламгерлері, ақынның достары мен шәкірттері де қатысты.
<blockquote>
 Өлең сүйер қауым жиылған кешті қала әкімінің орынбасары Асқарбек Есжанов ашып, мерейтой иесіне «Сіздің жырларыңыз сан алуан тақырыпты қамтиды. Өмірін өлеңмен өрнектеп, жүректегі қуаныш, мұңын, нәзік сезімін өлең жолдарына сыйғыза білген талантты ақын ретінде жыр сүйер қауым үшін орныңыз ерекше» – деп, ыстық ықыласын білдіріп, ақын шығармашылығына зор табыс тілеп, сый-құрмет көрсетті.
</blockquote>
Сондай-ақ, қалалық ардагерлер кеңесінің төрағасы, ақынның замандасы Сайлаубай Әбішев ақын шығармаларындағы адами асқақ сезім, өрелі ой, өмірлік рухани құндылықтар туралы пікірін ортаға салып, Қатира Жәленоваға құттықтау лебізін білдірді.
Ал ҚР Мәдениет саласының үздігі, белгілі айтыскер ақын Серік Ыдырысов «Қатираның қаламы» атты арнауын оқып, ақын қаламынан туған қуатты жырлардың өнегелі де өміршеңдігін өлеңге арқау етті.
Рухани шарада жас өрендер ақынның өлеңдерін оқып, қаламгер сөзіне жазылған әндер орындалды. Бұл кеште жас күйшілер де өз өнерлерін ортаға салып, «Жастар театрының» актерлары көрерменге сахналық қойылымдарын ұсынды.
Шара соңында ақын Қатира Жәленова шығармашылық кешін ұйымдастырушыларға және қатысушыларға алғысын білдіріп, ризашылығын жеткізді.
<img src="https://kyzylorda-news.kz/wp-content/uploads/2021/04/169795300_2809028676030539_428897301687455867_n.jpg" alt="" />

«Алаш» әдеби сыйлығының иегері Қатира Жәленова 70 жасқа толды

<a href="https://kyzylorda-news.kz/">Kyzylorda-news.kz.</a> Облыстық партия филиалының төрағасы, облыс әкімі Гүлшара Наушақызы Әбдіқалықованың қабылдауына келген қала тұрғыны Қызылорда қаласында өнер және мәдениет саласы өкілдеріне арналған арнайы тұрғын үй салынса деген ұсынысын жеткізді. Бұл өңірдегі өнер адамдарының статусын көтеруге, олардың абыройын әлемдік деңгейге жеткізуге, жағдайларын жақсартуға сондай-ақ, сыртта жүрген өнер тарландарын елге тартуға зор мүмкіндік.
«Қазақстан авторлар қоғамы» РМ Қызылорда облысы бойынша филиалының директоры Талғат Байкенов, өзінің өнерге деген жанашырлығын осылай білдірді. Ол мұнан бөлек, облыс көлемінде өткізілетін конценрттік шараларда Сыр елінде қалыптасқан Шиелі, Қармақшы, Арал жыр мектептерінің өнерін бөліп жармай, бірге өнер көрсетілсе сонымен қатар, күй өнерін дамыту үшін күйшілерді де концерттерге үнемі тартуды ұсынды.
Партия филиалының төрағасы, облыс әкімі өнер саласын қашанда қолдайтынын тілге тиек етіп, өнер және мәдениет саласы өкілдеріне арналған арнайы тұрғын үй салу мәселесін қабылданып жатқанын жаңа заң талаптарын зерделеу немесе кәсіпкерлердің қаржылай демеушілігімен шешу мүмкіндіктерін қарастырып көруді, жыр, күй өнерінің өкілдерін концерттік бағдарламаларға жиі қатыстыруды тиісті сала басшыларына тапсырды.
Жалпы өңір басшысының қабылдауына жазылған азаматтар тұрақты жұмыспен қамту, тұрғын үй, мүгедектікке шығару мәселелерін алға тартты. Мәселен, К.Бархатов есімді қала тұрғыны өзінің 20 жылдан бері «Созылмалы өкпе» диагнозымен ауыратындығын, бір өкпесінің жоқтығынан өзінің жұмысқа жарамсыз екенін алға тартып, 2020 жылы МСЭҚ-тың шешімі бойынша алынып тасталған 3-топтағы мүгедектігін қайта рәсімдеуге көмек сұрады.
Мәселені өзінің тікелей бақылауына алған аймақ басшысы нақты зерттеп, мүмкіндігінше заң тұрғысынан қарастыруды, облыс бойынша еңбек, әлеуметтік қорғау және көші-қон департаментінің басшысы Е.Ш.Жалғасбаевқа және азаматтың тұрақты емделуіне қолдау көрсетуді облыстық денсаулық сақтау басқармасының басшысы С.Б.Пазыловқа тапсырды.
Жалпы қабылдау барысында азаматтардың барлығының өтінішін облыстық партия филиалының төрағасы, облыс әкімі Гүлшара Наушақызы тікелей өзінің бақылауына алып, қолдау көрсетілетіндігін айтты. Аймақ басышысына тікелей өтініштерін білдірген азаматтар да көтерген мәселелерінің нақты шешімін табатындығын естіп, жақсы көңілмен тарқасты.

Қызылордада мәдениет майталмандарына арнайы үй салына ма &#8211; әкім жауап берді

<a href="https://kyzylorda-news.kz/">Kyzylorda-news.kz.</a>&nbsp;Қазақ КСР-інің еңбек сіңірген сәулетшісі, Елтаңба авторы Шота (Шот-Аман) Уәлиханов 89 жасқа қараған шағында дүниеден өтті. Бұл суыт хабарды ҚР Мәдениет және спорт министрі Ақтоты Райымқұлова Instagram парақшасында хабарлады. Министр марқұмның туыстарына көңіл айтты.
<blockquote>
 «Қазақстан Республикасы Мəдениет жəне спорт министрлігінің атынан көрнекті сәулетші, профессор, Қазақстанның еңбек сіңірген қайраткері, «Құрмет», «Парасат», «Отан», «Даңқ» орденінің иегері, Қазақстан Республикасы мемлекеттік Елтаңбасының авторы, Тəуелсіз «Тарлан» сыйлығының лауреаты, ҚР сəулетшілер, дизайнерлер, жазушылар суретшілер одағының мүшесі, бүкіләлемдік Шыңғыс хан академиясының, Шығыс елдері Халықаралық сәулет академиясының, халықаралық сəулет академиясының академигі (Ресей Федерациясы) Шот-Аман Ыдырысұлы Уәлихановтың қайтыс болуына байланысты отбасы мен жақындарының қайғысына ортақтасып, көңіл айтамын. Шот-Аман Ыдырысұлы саналы ғұмырын сүйікті ісіне арнап, мағыналы өмір сүрген өз ортасына сыйлы, болмысы бөлек жан еді. Ол халқымыздың тарихындағы ардақты тұлғалардың ескерткішін жасап, ер есімін ел арасында ұлықтауға, сәулеті көз тартар ғимараттардың бой көтеруіне сүбелі үлес қосты. Бұл қатарда Елорда төріндегі Кенесары Қасымұлы, Қостанай қаласындағы Ахмет Байтұрсынұлы, Ерейментаудағы Бөгенбай батырдың, ШҚО-дағы хакім Абай мен Шәкәрімнің, Алматыдағы Шоқан Уәлиханов, Дина Нұрпейісова, Əліби Жангелдин, Тоқаш Бокин, Ғани Мұратбаев, Нұрмолда Алдабергенов, Талғат Бигелдинов, Жұмағали Саин, Тайыр Жароков, Тахауи Ахтанов, Əбу Сəрсенбаев, Дінмұхамед Қонаев, Тілес Қажығалиев, Құрманай Омарова, Нұрғали Тасмағамбетов, Шафик Чокинге арналған туындыны халық жақсы біледі. Сол сияқты Алматыдағы «Динамо» стадионы, Алматы қаласы əкімдігінің, қазақ-неміс университеті ғимаратының, Қарағандыдағы Космонавтика монументі сынды еңселі нысанның жобасын жасады. Сегіз қырлы, бір сырлы ағамыз еліміздің сәулет және бейнелеу өнерінің өзекті мәселелерін көтерген көптеген ғылыми мақаламен қатар бірқатар драмалық шығарма жазды. Олардың қатарында «Тағдыр», «Шоқанның анты», «Ақнұр», «Шоқанның ақ түндері», «Террор» атты пьесасы бар. Ғибратты азаматтың асыл бейнесі, ерен еңбегі туған-туыс пен қалың қазақтың көңіл төрі мен жүрек түкпірінде мəңгі сақталады. Марқұмның көзі тірісінде жасаған игі-жақсы амалдары алдынан жарылқасын. Жатқан жері жайлы, топырағы торқа, алды пейіш, арты кеніш болсын», – деп жазды Ақтоты Райымқұлова.
</blockquote>

Елтаңба авторы Шот-Аман Уәлиханов дүниеден өтті

<a href="https://kyzylorda-news.kz/">Kyzylorda-news.kz.</a> Винсент Ван Гогтың ешқашан көрмеге қойылмаған суреті Париждегі Sotheby’s үйінде 13 миллионнан астам еуроға (6 миллиард теңгеден астам) сатылды, деп хабарлайды <a href="https://www.inform.kz/kz/van-gogtyn-sureti-rekordty-somaga-satyldy_a3768377">ҚазАқпарат</a>.
Картинаның сатылымы Модильяни, Родин, Камилла Клодель, Дега, Кли және Магритт сияқты суретшілердің 33 туындысы қойылған аукционды аяқтады.
<blockquote>
 «Винсент Ван Гогтың ғасырлар бойы жеке коллекцияда болған және осы аптада алғаш рет көпшілік назарына ұсынылған «Монмартрдағы көше көрінісі» картинасы Парижде 13 091250 еуроға сатылды», – деп хабарланды аукцион үйінің Twitter парақшасында.
</blockquote>
«Монмартрдағы көше көрінісін» Ван Гог 1887 жылы Парижде ағасы Теомен бірге тұрған кезде салған. Картинада Монмартрдың нышандарының бірі – Мулен де ла Галеттегі жел диірмені бейнеленген. Бұл жұмыс 1920 жылдан бастап жеке коллекцияда сақталып келген.
<blockquote>
 «Монмартр кезеңіндегі Ван Гогтың суреттері әлемдегі беделді мұражай коллекцияларында емес, жеке коллекцияларда сақталады. Осындай аңызға айналған туындының нарыққа шығуы өте маңызды оқиға», – деп мәлімдеді Sotheby’s өкілдері.
</blockquote>
Айта кету керек, суреттің алдын ала бағасы 5-8 миллион еуроны құраған.

Ван Гогтың суреті рекордты сомаға сатылды

<a href="https://kyzylorda-news.kz/">Kyzylorda-news.kz.</a>&nbsp;Түркістан қаласының мәдени-рухани орталығында орналасқан «Керуен сарай» туристік кешенінде әлемде теңдесі жоқ ұшатын театр ашылады.
Қаладағы құрылыс алаңдарын аралаған облыс әкімі Өмірзақ Шөкеев демалыс орталығының ашылуға дайындық барысымен танысты, деп хабарлады Түркістан облысы әкімінің баспасөз қызметі.
«Жоба авторларының айтуынша, қиял-ғажайып орталық Самұрық құстың жұмыртқасы халық аңызына негізделген. Бәйтеректің бұтағындағы ұясына келіп, киелі Самұрық құс күн бейнелі алтын жұмыртқа салады. Дәл осы алтын түсті алып жұмыртқа келбетіндегі ерекше театрда бәйтерегіміз сияқты сиқырлы ертегілер еліне, қазақ халқының тарихына жаңа технологиялардың көмегімен, 8 D форматта әсерлі саяхат жасауға болады. Еліміздің өткені, бүгінгісі мен келешегінің көрінісі осы театр-музейде көрсетіледі. Шығыс үлгісінде салынған кешен киелі шаһарға келетін меймандардың сүйікті демалыс орнына айналары сөзсіз», – делінген хабарламада.
Түркістан қаласының әкімшілік іскерлік орталығы (АДЦ) аумағында әкімшілік ғимараттар мен көпқабатты 24 үйдің қасбеттерін бір үлгіде жарықтандыру жұмыстары жүргізілуде. Қаладағы ғимараттардың айналасы көгалдандырылып, жарықтандырылуда. Қаланың басты көшелерінде түнгі жарықтандыру жұмыстары жүргізілді. Сондай-ақ Ясауи кесенесінің алдында ерекше жарықшамдар орнатылды. Минскіден арнайы алдырылған ағаш кейпіндегі бақша жарықшамдары түнде айналаны сан алуан түске бөлесе, күндіз салқын су шашып, аптап ыстықтан қорғайтын болады.
Облыс әкімі Өмірзақ Шөкеев осы қарқынды жұмыстардың барысын бақылап, жауапты тұлғаларға нақты тапсырмалар жүктеді. «Дендросаябақ» пен «Аттракциондар паркі» арасында жаңа көпір салу жоспарлануда. Сонымен қатар «Жібек жолы» саябағы, Б.Саттарханов бойындағы «Желілік саябағы» әсемделіп, қонақ үйлер жарықтандырылады. Облыс басшысы Б.Саттарханов даңғылындағы тұрғын үйлердің, кәсіпкерлік нысандардың сыртқы келбеттерін және «Рәміздер алаңы» мен «Түркі бағын» ретке келтіру жұмыстарымен танысты. Бұл жұмыстар кәсіпкерлер мен тұрғындардың күштерімен жүргізіліп жатыр.&nbsp;
<a href="https://24.kz/kz/zha-aly-tar/m-denie/item/463514-t-rkistanda-shatyn-teatr-ashylady">Хабар 24</a>

Түркістанда ұшатын театр ашылады

Kyzylorda-news.kz. БҰҰ-ның Бас Хатшысы Антониу Гутерриш пен өзге де елдер дипломаттарының қатысуымен Халықаралық Наурыз күні атап өтілді.
Кездесу барысында 2010 жылы Бас Ассамблеяның шешімімен 21 наурызды халықаралық мереке ретінде атап өту туралы шешімнің қабылдағандығы айтылды. Байырғы заманнан келе жатқан көктемгі жаңару мерекесін бүгінде әлемнің 12 мемлекеті тойлап келеді. Ұйымның бас хатшысы Гутерриш мырза халқымыздың төл мерекесі әлем елдеріне жаңа үміт сыйлайтынын мәлімдеді. Қазақстанның БҰҰ жанындағы Тұрақты өкілі Мағжан Ілиясов болса, наурыз мейрамы қазақ халқы үшін қашан да қастерлі болғандығын тілге тиек етті.
<blockquote>
 “Аса құрметті әріптестер! Баршаңызды бүгінгі халықаралық Наурыз күнімен құттықтағым келеді. Наурыз жыл басы. Ынтымақ мерекесі. Көптеген ұлт пен ұлысты біріктірді, достығымызды нығайтады. Былтырғы наурыз мерекесі пандемияның басталуымен тұспа-тұс келген еді. Алайда көктемнің келуі, наурыздың келуі бүкіл адамзатқа жаңа үміт сыйлайды. Наурыз бейбітшілік пен келісімнің символы іспетті”,- дейді БҰҰ Бас хатшысы Антониу Гутерриш.
 “Қазақ халқының әрбір шаңырағы наурыз мерекесін әрқашанда асыға күткен. Өйткені наурыз қарсаңында табиғат жаңарып, адамдар бір-бірімен көріседі. Бүгінде наурыздың құндылығы тек 12 мемлекет үшін ғана емес, сонымен қатар өзге де елдер үшін маңызды болуы тиіс. Өйткені Наурыз адамдардың бір-біріне мейірімді болуын үндейді. Жақсылық жасап, достықты нығайтуға үгіттейді”,- дейді Қазақстанның БҰҰ жанындағы тұрақты өкілі Мағжан Ілиясов.
</blockquote>
<a href="https://24.kz/kz/zha-aly-tar/lemde/item/462952-b-da-nauryz-mejramy-atap-tildi">24 kz</a>

БҰҰ-да Наурыз мейрамы атап өтілді

<a href="https://kyzylorda-news.kz/">Kyzylorda-news.kz</a>. Қызылорда қаласында «Наурыз» мерекесі аясында 75 мерекелік іс-шара офлайн және онлайн форматта өткізіледі. Алайда биыл пандемияға байланысты Наурыз мерекесі орталық алаңда тойланбайды. Бұл туралы Өңірлік коммуникациялар қызметінің ақпарат алаңында өткен брифингте Қызылорда қала әкімінің орынбасары Асқарбек Есжанов мәлімдеді.
<blockquote>
 «Әлемді шарпыған індет қауіпі әлі сейілген жоқ. Сол себепті Наурыз мейрамын атап өтуде санитариялық-эпидемиологиялық талаптарды сақтай отырып өткізу бәрімізге міндет», – деді қала әкімінің Асқарбек Есжанов.
</blockquote>
Ұлыстың ұлы күні әз-Наурыз мерекесі кезінде түрлі тақырыпта концерттік бағдарламалар ұйымдастырылады.
<blockquote>
 «Жоспарға сәйкес облыс көлемінде Наурыз мейрамының құндылықтарын дәріптеуге, насихаттауға арналған «Наурызым – нұрлы ырысым», «Ар ма, әз Наурыз», «Наурыз – көктем, «Наурыз-думан», «Нұр себеле, Ұлыстың Ұлы күні» атты өнер ұжымдарының, «Жырла жырау, алғыс жырын Наурыздың» тақырыбында дәстүрлі әншілердің онлайн және офлайн форматтағы концерттері, облыс музейлерінде «Салт дәстүрім – сарқылмайтын байлығым», «Шебер қолдар», «Жаса, Наурыз дәстүрі» тақырыптық көрмелер, сонымен қатар, ұлттық салт-дәстүрлерімізді айшықтайтын «Шаңырақтағы салт-дәстүр» облыстық онлайн өнер фестивалі өтеді. Қазіргі таңда білім ұйымдарында оқушылар мен жасөспірімдерге ұлттық салт-дәстүрлерімізді ұғындыру, тарихымыз бен мәдениетімізді дәріптеу мақсатында батырлық, эпостық жырлардан мәнерлеп оқу сайыстары, «Наурыз поштасы» тақырыбымен қарттарды, ардагерлерді құттықтау шаралары ұйымдастырылуда», – деді облыстық мәдениет, архивтер және құжаттама басқармасының басшысы Мира Әбуова.
</blockquote>
Барлық мерекелік шаралар карантин талаптарына сәйкес әлеуметтік қашықтықты және маскалық режимді сақтай отырып өткізіледі. Бұған қоса, мерекеге арналған концерттерді мәдениет және өнер мекемелерінің әлеуметтік парақшалары мен «Сыр шаңырағы» YOUTUBE каналынан көрсетеді.
<blockquote>
 «20 наурыз күні А. Тоқмағамбетов атындағы мәдениет үйінде «Әз Наурыз-берекенің ақ бесігі» атты мәдени көпшілік салтанатты шара өткізу жоспарлануда. Аталған мәдени шарада театрландырылған қойылым, тақырыпқа сай көрме, жергілікті өнерпаздар мен «Ақмешіт» фольклорлық ансамбльдер келген тұрғындарға мерекелік көңіл күй сыйлайтын болады. Сондай-ақ, «Наурыз» мерекесі қарсаңында 300-ге жуық отбасыға қайырымдылық акциясын өткізу жоспарлануда. Айта кететін жайт, мереке қарсаңында шаһар көшелері безендірілетін болады», – деді қала әкімінің Асқарбек Есжанов.
</blockquote>
Айта кетейік, мереке күндері мәдениет үйлері, облыстық театр және музей, кітапхана жұмыс істейді. Өнер ұжымдары қала тұрғындарына мерекелік көңіл-күй сыйлайтын болады.

Қызылордада «Наурыз» мерекесі онлайн және офлайн форматта да өтеді

<a href="https://kyzylorda-news.kz/">Kyzylorda-news.kz</a>. Қызылорда қаласында 22 наурыз – Ұлыстың ұлы күні мерекесі қарсаңында “Көше FEST” байқауы ұйымдастырылды.
Екі кезеңнен өткен байқауда үміткерлер алдымен өз көшелерінің тарихын бейнеролик арқылы таныстырса, екінші кезеңде өнер жарыстырып, наурыз тойы негіз болған театрландырылған қойылымдарын көрсетті.
Байқауда қалалық ардагерлер кеңесінің төрағасы Сайлаубай Әбішев бастаған қазылар алқасының шешімімен бас жүлдеге Титов қыстағынан келген Ш.Құдайбердіұлы атындағы көшенің өнерлі тұрғындары лайық деп танылды. Ал І орынды Қызылжарма ауылының Қ.Сексенбаев көшесінің тұрғындары жеңіп алды. Жүлделі ІІ орын Қараөзек ауылының Ж.Маханбетов атындағы көше тұрғындарына бұйырса, Талсуат ауылының А.Құнанбаев атындағы көше тұрғындары ІІІ орынды қанағат тұтты.
Байқау жеңімпаздары мен қатысушыларына қаржылай сыйлықтар табыс етілді.
<img src="https://kyzylorda-news.kz/wp-content/uploads/2021/03/161376113_958726244957874_3428536934410383435_o.jpg" alt="" />
<img src="https://kyzylorda-news.kz/wp-content/uploads/2021/03/161037991_958726354957863_8823015314098598784_o.jpg" alt="" />
<img src="https://kyzylorda-news.kz/wp-content/uploads/2021/03/161507257_958726304957868_1224368751373161299_o.jpg" alt="" />
<img src="https://kyzylorda-news.kz/wp-content/uploads/2021/03/161356926_958726334957865_2678330847341877657_o.jpg" alt="" />

Қызылордада &#8220;Көше FEST&#8221; байқауының жеңімпаздары анықталды

<a href="https://kyzylorda-news.kz/">Kyzylorda-news.kz</a>. Қызылордада «Дарын» мемлекеттік жастар сыйлығының иегері Күнсұлу Түрікпеннің <a href="https://matinder.kz/song/kunsulu-turikpen/men-suysem-suyemin">«Мен сүйсем сүйемін»</a> атты әніне түсірілген бейнебаянның тұсаукесер-таныстырылымы өтті.
Аталған шара Жастар ресурстық орталығының бастамасымен, облыстық мәслихат депутаты, «Сыр үміті» жастар қауымдастығының төрағасы Мағжан Ералиев пен кәсіпкер Гүлсара Шәкетованың қолдауымен ұйымдастырылды.
Бейнебаянның тұсаукесеріне дейін баспасөз мәслихаты өткізіліп, оған «Жастар ресурстық орталығының» директоры Азамат Мүкеев, жырау Күнсұлу Түрікпен және кәсіби клипмейкер режиссер Нұрмұхамед Думанғазин қатысты.
<blockquote>
 «Өнерлі жастардың шығармашылығын қолдауға септігін тигізіп кел жатқан Қызылорда облыстық Жастар ресурстық орталығы мен облыстық мәлихат депутаты Мағжан Ералиевке өз атымнан айтар алғысым шексіз. Мен бұған дейін де үнемі айтып келемін, менің негізгі бағытым – дәстүрлі ән өнері. Осы бағытты халыққа насихаттап, оны жеткізіп келемін. Шығармашылықтың адамы ретінде жан-жақты болуды қалаймын. Эстрада бұл қосымша алып жүретін өнерім», – деді Күнсұлу Түрікпен.
</blockquote>
Тұсаукесер-таныстырылым кезінде тың туындыны Күнсұлу Түрікпен халық алдында жанды дауыста шырқады.
<img src="https://kyzylorda-news.kz/wp-content/uploads/2021/03/b782ca3a-003e-4c0c-8d85-e5107db09f1f-1.jpg" alt="" />

Қазақстан және Қызылорда облысының жаңалықтары: Мәдениет

Ақын Шөмішбай Сариевтің 75 жылдығына арналған флэшбук басталды

Әмір-Темір Хұсейн Жүсіпұлы: Үлкен шығарма арқылы жастарды тәрбиелеу керек

Мәдина Сәдуақасова пандемияда өзіне жұмыс ұсынғандарға шүйлікті

«Алаш» әдеби сыйлығының иегері Қатира Жәленова 70 жасқа толды

Қызылордада мәдениет майталмандарына арнайы үй салына ма – әкім жауап берді

Елтаңба авторы Шот-Аман Уәлиханов дүниеден өтті

Ван Гогтың суреті рекордты сомаға сатылды

Түркістанда ұшатын театр ашылады

БҰҰ-да Наурыз мейрамы атап өтілді

Қызылордада «Наурыз» мерекесі онлайн және офлайн форматта да өтеді

Қызылордада “Көше FEST” байқауының жеңімпаздары анықталды

Тұсаукесер: Күнсұлу Түрікпен «Мен сүйсем сүйемін» әніне бейнебаян түсірді

Қазақстан және Қызылорда облысының жаңалықтары: Мәдениет

Ақын Шөмішбай Сариевтің 75 жылдығына арналған флэшбук басталды

Әмір-Темір Хұсейн Жүсіпұлы: Үлкен шығарма арқылы жастарды тәрбиелеу керек

Мәдина Сәдуақасова пандемияда өзіне жұмыс ұсынғандарға шүйлікті

«Алаш» әдеби сыйлығының иегері Қатира Жәленова 70 жасқа толды

Қызылордада мәдениет майталмандарына арнайы үй салына ма &#8211; әкім жауап берді

Елтаңба авторы Шот-Аман Уәлиханов дүниеден өтті

Ван Гогтың суреті рекордты сомаға сатылды

Түркістанда ұшатын театр ашылады

БҰҰ-да Наурыз мейрамы атап өтілді

Қызылордада «Наурыз» мерекесі онлайн және офлайн форматта да өтеді

Қызылордада &#8220;Көше FEST&#8221; байқауының жеңімпаздары анықталды

Тұсаукесер: Күнсұлу Түрікпен «Мен сүйсем сүйемін» әніне бейнебаян түсірді

Қызылордада мәдениет майталмандарына арнайы үй салына ма – әкім жауап берді

Қызылордада “Көше FEST” байқауының жеңімпаздары анықталды