<a href="https://kyzylorda-news.kz">Kyzylorda-news.kz</a>. Бірнеше ай бұрын қазақстандық музыкант Иманбек Зейкеновтің (Imanbek) Saint JHN орындайтын “Roses” әніне жасаған ремиксі “Грэмми” сыйлығына үміткер атанған болатын. “Roses (Imanbek Remix)” трегі “Best Remixed Recording” номинациясы бойынша музыкант “Грэмми” премиясын <a href="https://www.instagram.com/p/CMaXQyRIeJp/?igshid=gz5s44jgkxnm">жеңіп алды.</a> Иманбек – “Грэмми” алған алғашқы қазақстандық.
Иманбектің номинациясында сынға түсіп жатқандар тізімі мынадай болған еді: 
Best Remixed Recording 
“Do You Ever (RAC Mix),” RAC (Phil Good) 
“Imaginary Friends (Morgan Page Remix),” Deadmau5 (Morgan Page) 
“Praying for You (Louie Vega Main Remix),” Jasper Street Co. (Louie Vega) 
“Roses (Imanbek Remix),” Saint JHN (Imanbek Zeikenov) 
“Young &amp; Alive (Bazzi vs. Haywire Remix),” Bazzi (Haywyre).
Өзге номинацияларда Beyonce, The Weeknd, Coldplay, Lady Gaga, Dua Lipa, Billie Eilish және тағы басқалары бар.
Иманбек Зейкенов – Павлодар облысындағы Ақсу қаласында тұратын 20 жастағы музыкант. Осыған дейін теміржол саласында жұмыс істеген. Ремикс жасауды, музыканы YouTube-тегі видеолардан үйренген.&nbsp;
Иманбек шара барысында қолдау білдірген барша жандарға, соның ішінде ата-анасына шексіз алғысын білдірді.
2019 жылы Иманбек рэпер Saint Jhn -ның Roses деген әнін байқап, оны билеуге ықшамдап ремикс жасаған. Ремикс өте жылдам қарқынмен танымал бола бастады. Дүниежүзіндегі біршама чарттарда болды. Ремикс YouTube-те 145 миллионнан аса қаралым жинаған.

Иманбектің ремиксі &#8220;Грэмми&#8221; премиясын жеңіп алды

Kyzylorda-news.kz. Қармақшы ауданында жырау Алмас Нұрмаханұлының 65 жасқа толу мерейтойына орай «Жауһарлы жырдың тұлғалы перзенті» атты кездесу өтті.
Кездесуде Қармақшы ауданының әкімі Мұса Қалдарбеков талантты өнер қайраткерін арнайы құттықтап, сый-құрмет жасады.
<blockquote>
 «Сыр елі- жыр елі» деп танылған жердің дәстүрлі жыраулық өнерін дамытып, кейінге жеткізу жолындағы еңбегіңізді халқыңыз жоғары бағалайды. Өлкеміздегі ұлттық өнерді асқақтату жолында зор үлес қосып, ізіңізден ерген талантты шәкірттер тәрбиеледіңіз. Ел үшін еткен еңбегіңіз – ұрпаққа ұлағат, болашаққа сарқылмас байлық болып, әрқашанда мәртебеңіз биік, мерейіңіз үстем болсын», – деді аудан әкімі.
</blockquote>
Сонымен қатар мерейтой иесін Қызылорда облыстық мәслихат хатшысы Байқадамов Наурызбай Сейітқалиұлы мен экономика ғылымдарының кандидаты, профессор Қазыбай Құдайбергенов арнайы құттықтап, жылы лебіздерін білдірді.
Алтын дауысты жырау, профессор Қазақстан Республикасының Мәдениет қайраткері, Қазақстанның еңбек сіңірген қайраткері, «Парасат» орденінің иегері Алмас Алматовтың дәстүрлі жыр көшін жалғастырып жүрген шет елдерге, республикаға танымал шәкірттері «Құрмет» орденінің иегері, жырау-әнші Шолпан Бимбетова, «Ерен еңбегі үшін» медалінің иегері жырау Руслан Ахметов, «Мәдениет саласының үздігі» төсбелгісінің иегері, жырау Майра Сәрсенбаева, Халықаралық байқаулардың жеңімпазы, жырау Серік Жақсығұлов, Мемлекеттік «Дарын» жастар сыйлығының иегері, жырау Күнсұлу Түрікпен, әнші Мұхамедәлі Бекпейісовтер жыршы термешілер терме-толғауларын орындады.
Тағылымы мол өткен кездесуде арнайы сахна төріне шыққан жырау ұстаз Алмас Нұрмаханұлы жыр кешін қорытындылап, жырдан шашу шашты.
<img src="https://kyzylorda-news.kz/wp-content/uploads/2021/03/fb_img_1615628367747.jpg" alt="" />
<img src="https://kyzylorda-news.kz/wp-content/uploads/2021/03/fb_img_1615628372134.jpg" alt="" />
<img src="https://kyzylorda-news.kz/wp-content/uploads/2021/03/fb_img_1615628374612.jpg" alt="" />
<img src="https://kyzylorda-news.kz/wp-content/uploads/2021/03/fb_img_1615628377524.jpg" alt="" />

Жырау Алмас Алматов &#8211; 65 жаста

Көрісу күні қалай пайда болған?

<a href="https://kyzylorda-news.kz/">Kyzylorda-news.kz.</a> Тарихтағы ірі тұлғалардың бірі – бұл сақ патшайымы Томирис немесе Тұмар патша. Көшпенділер өмірінде ғана емес, дүниежүзіндегі ең танымал әйел патшалардың бірі. Ендеше даңқты патшайым туралы қызықты деректер ұсынайық.&nbsp;
<ol>
<li>Тұмар патшайымы біздің эрамызға дейінгі 6 ғасырда дүниеге келген. Массагет тайпасының көсемі болды. Оның әкесі — Спаргапис. Анасы аби руынан шыққан.</li>
<li>Ол анасынан ерте айырылды. Анасы босану кезінде қайтыс болды. Алайда, кейбір тарихшылардың айтуынша, Тұмардың анасы ол нәресте кезінде қайтыс болған дейді.</li>
<li>Тұмар патшайымы сақтардың көсемі болған. Ол Ишпакай — атақты сақ адамының ұрпағы. Тұмардың әкесі тамаша қолбасшы болған, соғыс қимылдарының барлық ерекшеліктерін, тактикалары мен стратегияларын жақсы білген. Ол ең күрделі міндеттер мен жанжалдарды шеше алған.</li>
<li>Тұмар 5 жастан бастап ер-тоқымға отырған. Ол садақтан атуды ерте үйренген.</li>
<li>13 жасында Тұмар қылышпен соғысуды шебер игерген. Ұрыста оны жеңу қиын болатын. Ол садақтан керемет ататын. Тұмардың жылқысы ең мықты және жүйрік болатын.</li>
<li>Әкесі ұйымдастырған шаралардың бірінде Тұмар болашақ күйеуі Рустаммен кездеседі. Рустам Кавода тиграхаудтарының жетекшісінің ұлы болды. Рустам ешқашан ұрыста жеңілген емес. Ол ең мықты жауынгер болатын. Рустамның күші мен ақыл-ойына таң қалған Томирис оны өзімен тең санады. Алайда кейінірек Тұмардың Рустамнан көңілі қалды. Ол өзінің жауапсыз мінезімен танымал болды. Ол түрлі жиындар мен мерекелерді жақсы көретін. Еңбекқор Тұмарға бұл жағдай ұнамайтын.</li>
<li>Көпшілік Тұмар патшайымды тақтан түсіргілері келді. Онымен келісе алмағандар Рустамға жүгінетін. Тұмардың мінезі ауыр болды. Ал Рустамның мінезі жеңіл болғандықтан онымен келіссөздер жүргізу оңайырақ болатын.</li>
<li>Тұмар патшайымы – әйел күшінің бейнесі. Ол алғашқы мыңдаған әйелдер армиясын ұйымдастырды. Әйелдер шайқаста ер адамдардан еш кем болмады. Олар жаулармен барып шайқасты.</li>
<li>Геродот Тұмарды ең қатал және ұлы деп атаған. Тұмар тіпті ежелгі парсы патшасы Кирдің өзін шайқаста жеңді. Шайқастардың бірінде Кирдің жауынгерлері Рустамды өлтіріп және Тұмардың ұлын ұрлап әкеткен. Тұмардың баласы жаулардың тұтқынында өледі. Алайда, Тұмар Кирден кегін алады.</li>
<li>Томирис қайтыс болғанда, оған арнайы қабір дайындалды, қабірге бірден 3 адамды жерлеуге болатын еді.</li>
</ol>
Керімсал Жұбатқанов, тарих ғылымдарының кандидаты
<a href="https://bilim-all.kz/article/9894-Tumar-nemese-Tomiris-patshaiymnyn-omiri-turaly-10-fakt">Bilim-all.kz</a>

Тұмар патшайымның өмірі туралы 10 дерек

<a href="https://kyzylorda-news.kz/">Kyzylorda-news.kz.</a>&nbsp;Алматыда КСРО халық әртісі, атақты опера әншісі Роза Бағлановаға ескерткіш орнатылады.
Ескерткіш Қабанбай батыр көшесінің оңтүстігі, Күләш Байсейітова көшесінің шығыс маңына қойылады.
Қаланың мәдениет басқармасы өкілі Роза Бағлановаға арналған ескерткіштің үздік жобасын жасауға 2021 жылдың 12 наурызына дейін ашық конкурс жарияланғанын атап өтті.
12 наурызға дейін Роза Тәжібайқызы Бағлановаға арналған ең жақсы ескерткіштің жобасын жасауға ашық конкурс жарияланды. Қазіргі уақытта монументалды өнердің құру процесі жүріп жатқан соң, бюджет 2021 жылдың екінші жартысында қаралатын болады. Әзірге ескерткіш салуға қанша қаражат жұмсалары белгісіз, – деді басқармадан.
Айта кетейік, халық әртісінің ескерткіші өзі дүниеге келген Қызылорда облысының Әйтеке би ауылында 2015 жылы орнатылған.
Роза Бағланова Қызылорда педагогикалық институтында білім алған. 1941 жылы оған Мәскеу консерваториясына жолдама берілді, бірақ соғыс басталып, ол Өзбек КСР-нің мемлекеттік әйелдер ән-би ансамблімен бірге майданға аттанды. Ұлы Отан соғысы жылдарында әншінің шығармашылық жолы басталды.
Әртістер бригадасының құрамында жүрген ол Кеңес әскері жауынгерлерінің алдында майданда өнер көрсетті. Әнші Лидия Русланованың репертуарынан әндер мен частушкалар, соның ішінде әйгілі “Ах, Самара-городокты” шырқап танылды.
Роза Бағланова – кеңестік, қазақстандық опера және эстрада әншісі. КСРО халық әртісі. Қазақстанның халық қаһарманы.
<a href="https://massaget.kz/mangilik_el/janalyiktar/64602/">massaget.kz</a>

КСРО халық әртісі Роза Бағлановаға ескерткіш қойылады

<a href="https://kyzylorda-news.kz/">Kyzylorda-news.kz.</a>&nbsp; Аймақта ел Тәуелсіздігінің 30 жылдығын атап өту жөніндегі облыстық кешенді іс-шаралар жоспары әзірленген болатын. Онда «Наурыз–Қазақстанның ұлттық дәстүрлері мен мәдениеті» айы болып бекітілген. Айлық аясында 200-ге жуық ұлттық, мәдени-танымдық шара өтеді.
Аталған шаралар санитарлық талаптарды сақтай отыра офлайн және онлайн форматта болады. Наурыз мейрамын мерекелеудің тұжырымдамалық тәсілдері әзірленіп, маңызды шаралар 21-23 наурыз аралығында өткізу жоспарланған.
<blockquote>
 «Жоспарға сәйкес мерекелік іс-шаралар 1 наурыз күні Алғыс айту күні аясында бірлік, татулық, алғыс айту сияқты рухани құндылықтарды қамтитын «Сыр елім, саған мың алғыс!», «Тағдыр табыстырған, тарих тоғыстырған» тақырыбында өзге ұлт өкілдерімен кездесу, облыс музейлерінде Ашық есік күндері, «Алғыс айту – парызым» атты мерекелік шаралармен басталды. Сондай-ақ, Наурыз мейрамының мазмұнын байыта түсетін, ұлттық салт-дәстүрлерімізді айшықтайтын «Шаңырақтағы салт-дәстүр» облыстық онлайн өнер фестивалі, «Наурыз нақыштары, «Наурыз шуағы, «Көктем лебі», «Саз керуен» атты өнер ұжымдарының және «Жырла жырау, алғыс жырын Наурыздың» тақырыбында жергілікті жыршы-жыраулардың концерттері, «Салт–дәстүрім – сарқылмайтын байлығым» қолөнер шеберлерінің көрмелері өткізіледі. Қазақ күресі, қолкүресі, гір көтеру, асық ату секілді Ұлттық спорт түрлерінен жарыстар ұйымдастырылады. Айта кететін жайт, биыл эпидемиологиялық жағдайға байланысты салтанатты шара 22 наурыз күні орталық алаңда болмайды. Алайда, Ұлыс күніне арналған концерттер мәдениет және өнер мекемелерінің әлеуметтік парақшалары мен «Сыр шаңырағы» YOUTUBE каналынан тамашалай аласыздар», – деді облыстық мәдениет, архивтер және құжаттама басқармасының басшысы Мира Абуова.
</blockquote>
Сонымен қатар, Н.Бекежанов атындағы қазақ академиялық музыкалық драма театрында Ғ.Мүсіреповтің «Ақбаян», Х.Жүсіпұлының «Ешкімге керегі жоқ ауыл» спектакльдері көрерменге ұсынылады.

Қызылорда: Наурызда 200-ге жуық шара өтеді

Kyzylorda-news.kz. Бүгін&nbsp;жыр алыбы&nbsp;Жамбыл Жабаевтың 175 жылдық мерейтойын&nbsp;республика көлемінде&nbsp;ресми&nbsp;түрде&nbsp;<a href="https://turkystan.kz/article/140136-zhambyl-zhabaevty-175-zhyldy-mereytoyy-bastaldy/">мерекелеу басталды.</a>&nbsp;ҚР&nbsp;Мемлекеттік хатшысы&nbsp;Қырымбек Көшербаев елордадағы Жамбыл ескерткішіне гүл&nbsp;шоқтарын қойып, Қ.Қуанышбаев атындағы Мемлекеттік академиялық қазақ музыкалық драма театрының жаңа ғимаратында өткен мерейтойлық жылдың салтанатты ашылуына&nbsp;ресми тұлғалармен, мәдениет және ғылым қайраткерлерімен, Алматы және Жамбыл облыстарынан келген делегация өкілдерімен бірге қатысты.
<img src="https://turkystan.kz/wp-content/uploads/2021/02/foto-28.jpg" alt="foto 28" title="Жамбыл Жабаевтың 175 жылдық мерейтойы басталды 2" />
Мерекелік кештің қонақтары жаңа театр фойесінде ұйымдастырылған Жамбыл Жабаев мұражайының экспозициясымен танысты. Салтанатты іс-шара Жамбылдың 175 жылдығына арналған мерекелік концертпен жалғасты. Жамбылдың өмірі мен өнері туралы баяндама жасаған ҚР Мәдениет және спорт министрі Ақтоты Райымқұлова жиынды ашты. Қ.Қуанышбаев атындағы Мемлекеттік академиялық қазақ музыкалық драма театры мен «Астана Опера» мемлекеттік опера және балет театры симфониялық оркестрінің әртістері көрермен назарына «Жыр алыбы – Жамбыл» атты театрландырылған қойылым ұсынды. Ұлы ақынның баға жетпес мұрасын, өзіндік ерекшелігі мен дарынын ашып көрсететін әдеби-музыкалық композицияда оның айтыстары мен әйгілі «Кең байтақ Қазақстаным», «Ақындарға арнау», «Күләшқа», «Ленинградтық өренім!» және т.б. шығармалары орындалды. Сонымен қатар, мерекелік бағдарламада Құрманғазы атындағы Қазақ ұлттық халық аспаптары оркестрі, Н.Тілендиев атындағы «Отырар сазы» академиялық фольклорлық-этнографиялық оркестрі, «Жастар» театры және «Астана Балет» театрының әртістері, сондай-ақ, «Қорқыт» этно-ансамблі, «Құлансаз» фольклорлық-этнографиялық ансамблі, К.Әзірбаев атындағы Жамбыл облыстық филармониясы және «Акак» комузшылар ансамблінің (Қырғызстан) жеке орындаушылары өнер көрсетті.
<img src="https://turkystan.kz/wp-content/uploads/2021/02/foto-34.jpg" alt="foto 34" title="Жамбыл Жабаевтың 175 жылдық мерейтойы басталды 3" />
Ақтоты Райымқұлова, ҚР Мәдениет және спорт министрі:
<img src="https://turkystan.kz/wp-content/uploads/2021/02/foto-13-300x200.jpg" alt="foto 13" title="Жамбыл Жабаевтың 175 жылдық мерейтойы басталды 4" />
– Әуреге салған пандемия жағдайында Абайдың 175 жылдығын лайықты түрде атап өттік. Міне, тағы бір ұлы тойдың кезегі келіп тұр. Биыл ұлтымыздың ұлы жыршысы Жамбылдың 175 жылдығын атап өткелі отырмыз. Қазақтың рухани қос алыбы Абай мен Жамбылдың әрбір мерейтойы мемлекетіміздің мәртебелі белестерінің межесіндей. Біз уақыт аламанының әр айналымында өрісті істерімізді ақыл таразасына салып келеміз. Қос тұлғаның торқалы тойында ұлтымыздың жоғары жетістіктеріне баға беріп, рухани өрлеудегі түбірлі істерімізді түгендеу дәстүрге айналды. Тәуелсіздікті жаңа алып, ел еңсесін енді көтеріп жатқанда Тұңғыш Президент-Елбасы Нұрсұлтан Назарбаев ұлы даланың ұлы тұлғаларының мерейтойларын ел болып атап өту жөнінде шешім қабылдады. Мұны жұртшылық әруақты сыйлап, құндылықтарды құрметтеп, өткенін көреген деп білетін ұлы халықтың ұлағатты ұйғарымы ретінде қабылдады. Араға ширек ғасыр салып, XIX ғасырдың ортасында өмірге келген екі ұлы ақыннынң 175 жылдықтары рет-ретімен жоғары деңгейде&nbsp; мерекеленуде. Ұлтымыздың осындай ұлы тұлғаларынсыз ғасыр сырын, ғасыр мұңын түсіну бізге әлдеқайда қиын соғар еді. Жамбылдың 175 жылдығына орай, биыл республика бойынша 500-ге жуық әлеуметтік, имидждік, ғылыми, танымдық іс-шаралар жоспарланған. Бұдан бөлек, ақын туралы фильмдер түсріліп, өлеңдерінің жаңа жинақтары шығарылады және кітап көрмелерін ұйымдастыру, мерейтойлық монета, пошта маркасын әзірлеу және тағы басқа іс-шараларды өткізу көзделіп отыр.
Салтанат Жамбылова, Жамбыл Жабаев әдеби-мемориалды музейінің меңгерушісі, ақынның немересі:
<img src="https://turkystan.kz/wp-content/uploads/2021/02/foto-1-300x210.jpg" alt="foto 1" title="Жамбыл Жабаевтың 175 жылдық мерейтойы басталды 5" />
– Жамбыл атамыздың 175 жылдығына арналған іс-шараны облыс көлемінде тойлауды қаңтар айынан бастап кеттік. Ал республика көлеміндегі алғашқы іс-шара бүгін ұйымдастырылып отыр. Біле білсеңіз, атаның өзі тұрған үйі бір жылдан кейін музейге айналды. Атамыздың туғанына биыл 175 жыл толса, музейіміздің ашылғанына биыл 75 жыл болды. Бүгінгі іс-шараға атаның киген киімдерін, қолданған заттарын, алған сыйлықтарын жұртшылық білсін, көрсін деген мақсатпен осында алып келдік. Жалпы, біздің музейдегі бағалы заттардан көрме ұйымдастыру ісі тек бас қаламен шектелмейді. Бізді Көкшетау, Атырау, Қызылорда облыстарындағы музей меңгерушілері шақырып жатыр. Сонымен қатар, республика бойынша Жамбыл атындағы мектептерде онлайн режимде байланыс орнатудамыз.
Мырзатай Жолдасбеков, мемлекет және қоғам қайраткері, филология ғылымдарының докторы, профессор:
<img src="https://turkystan.kz/wp-content/uploads/2021/02/foto-12-300x200.jpg" alt="foto 12" title="Жамбыл Жабаевтың 175 жылдық мерейтойы басталды 6" />
–Былтыр бір жыл бойы Абай атамыздың 175 жылдығын тойладық. Осылайша, ұлы ақынды білетін әлем жұртшылығы оны бұрынғыдан бетер тани түсті. Ал енді биыл Жамбыл атамыздың 175 жылдығын тойлатқалы отырмыз. Ғабит Мүсірепов ағамыз Жамбылдың 125 жылдығына арнап «Феномен Феникс» атты мақала жазған. Сол мақалада ол «Жамбыл дүниеге екі рет келген адам, бір рет тоғыз ай, тоғыз күн толғатып, ана құрсағынан туды, сосын жасы жетпістен асқанда заман құрсағынан тағы бір туды» деп тауып айтқаны бар. Жалпы, кезінде Жамбылдың революцияға дейінгі өмірі туралы материал аз болды. Мен Жамбылдың өмірі туралы докторлық диссертация қорғадым. Негізі, ол кісі төңкеріс алдындағы өмірді ашық сипаттаған.
Ұзынағаш, Қаратас,
Қалқабайдай қайран жас.
Бекеттен нан қоймайды,
Жалаң аяқ, жалаң бас.
Қайтіп жаның ашымас,
Неткен заман қатыбас.
Еткен еңбек, төккен тер
Қалай түкке татымас?!, – деп өз заманының сипатын керемет жеткізген. «Жамбылдың балалық шағы» деген көркем фильмге сценарий жаздым. Ол кісі туралы бірнеше кітап жазып шығардым. Көпшілік биылғы мерейтой аясында Жамбыл туралы көп мәліметке қанық болады деп ойлаймын.
&nbsp;Сауытбек Әбдірахман, ҚР Парламент Мәжілісінің депутаты:
<img src="https://turkystan.kz/wp-content/uploads/2021/02/foto-2-300x200.jpg" alt="foto 2" title="Жамбыл Жабаевтың 175 жылдық мерейтойы басталды 7" />
–Бүгінгі мерейтой– елдегі бір жақсылықтың белгісі. Себебі былтыр Абайдың 175 жылдығын тойлау кезінде мұндай кеш өткізуге, көп адам жинауға мүмкіндік болмады. Ал қазір елдің барлық өңірі қауіпті қызыл аймақтан шығып, көктемнің самалы ескелі тұрған жақсы шақта ұлы Жамбылдың тойы басталғалы жатыр. «Ұлы Жамбыл» деген сөз баяғы штамптардың, стандарттардың қайталануы емес. Жамбыл заман ауысқан кезде уақыт сынына қайтадан түсті. Тәуелсіздік алған алғашқы жылдарда Жамбыл мұрасына сыни көзқарас күшейді, өзі сүрген заманды көтере мақтап, саясаттың сойылын соққан ақын деген пікірлер көп айтылды. Бірақ уақыт өте келе, көпшіліктің Жамбылдың шын мәнінде эпик-ақын, бүкіл бір заманның сөзін жеткізген, сол дәуірдің шындығын ашқан сөз зергері екеніне көзі жетті. Жамбылдың өз заманының көсемдеріне арнаған жырларының көркемдігі қайран қалдырады. Оның сыртында ақынның айтыстары, қисса-дастандары да ерекше. 1996 жылы Мәдениет министрінің бірінші орынбасары қызметін атқарып жүргенімде Санкт-Петербургте ұйымдастырылған Жамбыл туралы кешке қатыстым. Сол кештің соңында Ресей Мемлекеттік Думасының бір депутаты «Бала күнімда анам мені Жамбылдың «Колыбельная» әнімен ұйықтататын» деді. Қазақ ақынының өлеңі өзге елдің бесік жырына айналуы деген ғажап нәрсе! Осылайша, Жамбылды қай жағынан қарасақ та, керемет тұлға екенін байқаймыз. Ең қиын жылдарда халықтың сөзін сөйлеп, қазақтың даңқын асқақтатқан ұлы бабамызды қалай құрметтесек те жарасады.
Дәулеткерей Кәпұлы, Қазақстан Жазушылар одағы Нұр-Сұлтан қалалық филиалының төрағасы:
<img src="https://turkystan.kz/wp-content/uploads/2021/02/foto-6-300x226.jpg" alt="foto 6" title="Жамбыл Жабаевтың 175 жылдық мерейтойы басталды 8" />
–«Ұлы даланың Гомері» атанған Жамбыл Жабаевтың шығармашылығын қай ғасырға насихаттасаң да, өлмейді, сөнбейді деп білемін. Өйткені Жамбыл – екі ғасырдың арасындағы алтын көпір. Жамбыл Кеңес дәуірінің біраз жақсылығын көрді. Көп адам оның Сталинді жырлауын, саясатқа араласуын алға тартып, шығармашылығын мансұқтағысы келеді. Бірақ, олар қателеседі. Жамбылдың эпикалық шығармаларын алып қарасаңыз, оның таңды таңға ұрып жырлайтын жырлары қазақ даласындағы синкреттік өнер – жыраулық дәстүрдің ең үлкен ірі тұлғасы екенін байқайсыз. Жамбыл сондай тұлға ретінде қаралуы керек және осы тұрғыда насихатталуы қажет. Жамбылдың ізбасары Кенен Әзірбаев «Жамбыл жыры» дастанында ақынның тұлғасын толық ашып берген. Мысалы, Романовтар әулетінің 300 жылдық тойына шақырылмаған Жамбыл қазақ-қырғыз ақындарының думандатып отырған жеріне кіріп келіп, былай деп айтқаны бар:
Атам батыр Қарасай,
Ағам ақын Сүйінбай,
Петроград, Алматы,
Бір жылдық жол арасы-ай.
Патшаның қуын қарашы-ай!
Өзі келмей істеткен
Айдалаға тамаша-ай.
Қазақ пенен қырғыздың
Табақ-табақ еті мен
Тойғызып жатыр сабасы-ай.
Өңшең ұлық өгіздей,
Біз бұзау мен танасы-ай.
Сол кезде ұлықтарға жақын болған ақын-жыршыларды осылайша сынап, «Жұртқа керек өлеңді, ауылға барып айталық» деп ақындардың барлығын тұрғызып алып кеткен. Түсініп тұрғаныңыздай, Жамбылдың өз заманында ақындық миссиясы болған. Сол себепті Жамбылды ағаш атқа мінгізгенді қойып, бұрын қалай керемет ұлықталса, қазір де солай құрметтеу керек.

Жамбыл Жабаевтың 175 жылдық мерейтойы басталды

<a href="https://kyzylorda-news.kz/">Kyzylorda-news.kz</a>. Мемлекеттік хатшы Қырымбек Көшербаевтың төрағалығымен Қазақстан Республикасы Президентінің жанындағы Қоғамдық сананы жаңғырту бағдарламасын іске асыру жөніндегі Ұлттық комиссияның отырысы өтті.
Бейнебайланыс форматында өткен отырыста бағдарламаны іске асырудың ағымдағы қорытындылары талқыланып, одан әрі атқарылатын жұмыстың басым бағыттары айқындалды.
Қырымбек Көшербаев отырысты аша келе, Мемлекет басшысы Қасым-Жомарт Тоқаев «Тәуелсіздік бәрінен қымбат» бағдарламалық мақаласында Тұңғыш Президент – Елбасы Нұрсұлтан Назарбаев бастамашы болған «Рухани жаңғыру» бағдарламасын одан әрі дамытудың құнды бағдарларын айқындағанын атап өтті. Біріншіден, Тәуелсіздігіміздің қастерлі құндылықтарын қорғау мен қастерлеу, екіншіден, қоғамдық дамудың өзекті мәселелері бойынша нақты мемлекеттік ұстаным екенін айтты.
Мемлекеттік хатшы жаһанданудың заманауи сын-қатерлері мен тегеуріндері жағдайында «Рухани жаңғыру» бағдарламасы адам капиталын дамытудың басты бағдары әрі қоғам үшін жаңа идеологиялық күн тәртібін қалыптастырудың тетігі екенін жеткізді.
Премьер-Министрдің орынбасары Ералы Тоғжановтың айтуынша, 2020 жылы «Рухани жаңғыру» бағдарламасының іс-шаралар жоспарын жүзеге асыру аясында 8 миллионнан астам адам қамтылған 30 000 іс-шара өткізілген. Бағдарламаны іске асырудың жаңа құнды тәсілдері мен тетіктері шаралардың аясын үш негізгі бағыт бойынша кеңейтуге мүмкіндік берді. Атап айтқанда: «Тұлғалық даму», «Ұлттық бірегейлік және халықаралық мәртебені арттыру», «Мемлекеттің, азаматтық қоғамның және жергілікті қоғамдастықтардың дамуы». Сонымен қатар арнайы 4 жаңа жоба енгізілді. Олар: «Үнем – қоғам қуаты», «Дәстүр мен ғұрып», «Құқықтық мәдениет» және «Еңбек – елдің мұраты».
«Туған жер» арнайы жобасының аясында өткен жылы отандық меценаттар негізгі аймақтық инфрақұрылымдық объектілерді дамытуға 10 млрд теңге көлемінде қаржы бөліп, әлеуметтік маңызы бар 537 нысан салып, 445 нысанға жөндеу жұмыстарын жүргізді.
Отырысқа қатысушыларға Қоғамдық сананы жаңғырту бағдарламасын іске асырудың арнайы Жол картасы ұсынылды.
Жиында талқыланған мәселелер бойынша белгілі ғалым, тарих ғылымдарының докторы, профессор Талас Омарбеков, «Ұлттық киноны қолдау мемлекеттік орталығы» КЕАҚ Басқарма төрағасы Есетжан Қосубаев, Шығыс Қазақстан облысы Бородулиха ауданының меценаты Константин Поп, ҚР Президентінің «Болашақ» халықаралық стипендиясы стипендиаттары қауымдастығының атқарушы директоры Лаура Демесинова сөз сөйледі.
Отырыс қорытындысы бойынша Үкіметке «Рухани жаңғыру» бағдарламасының 2021 жылға арналған Жол картасын сапалы әрі тиімді іске асыруды қамтамасыз ету бойынша бірқатар тапсырма берілді.
Мемлекеттік хатшы Ұлттық комиссияның ұсыныстары мен ұсынымдарын қарастыруды тапсырды. Атап айтқанда, Қазақстанның толық академиялық тарихын жазу үшін «Халық тарихы» атты жобалық кеңсені ашу, «Кинодағы және теледидардағы тарих» атты арнайы жобаның тақырыптарын күшейту, «Киелі Қазақстан» арнайы жобасы аясында туризмді дамыту, отандық Сайлаушылар банкін қалыптастыру. Әсіресе балалар мен жасөспірімдер үшін сапалы мәдени-ағартушылық және білім беру контентін қалыптастыру қажеттілігіне назар аударылды.

Қоғамдық сананы жаңғырту бағдарламасын іске асыру жөніндегі Ұлттық комиссияның отырысы өтті

Kyzylorda-news.kz. Бүгін «Қазақстанның еңбек сіңірген өнер қайраткері», «Парасат», «Құрмет» ордендерінің иегері, танымал композитор Кеңес Дүйсекеевтің туған күні.
Ән әлеміне қайталанбас қолтаңба қалдырған көрнекті сазгер тірі болғанда 75 жасқа толар еді. Сыр перзенті саналы ғұмырында «Толғау» симфониясының, «Жалаңтөс батыр» симфония поэма-картинасының, «О, дүние» кантатасының, «Жыл мезгілдері» романстар циклінің, «Мәди», «Аққу Жібек» мюзиклінің, «Алдар көсе» опереттасының, симфония-концерттер, аспаптарға арналған концерттер, камералық оркестрге шығармалар, соната, рапсодия, вариациялар және 200-ден астам әндердің авторы атанған.
Қазіргі таңда қазақ сахнасындағы көптеген өнерпаз Кеңес Дүйсекеевтің әндерін өз қоржындарына қосып, композиторды тәлімгер тұтады. Сазгер ұстаздық жолында да еселі еңбек етті. Білікті ұстаздың алдын көрген танымал тұлғалар қатарында әнші Димаш Құдайберген де бар.
Айта кетейік, Кеңес Дүйсекеев 2020 жылдың шілде айында коронавирус індетінен көз жұмған болатын.

Бүгін композитор Кеңес Дүйсекеевтің 75 жылдығы

<a href="http://kyzylorda-news.kz./">Kyzylorda-news.kz.</a> Қазақ эстрада жұлдызы Мейрамбек Беспаевтың дерттен тез айығуын тілеген Ақсуат ауылдық округінің тұрғыны, әжей Сәбира Әбілдаева бір күннің ішінде әлеуметтік желінің жұлдызына айналған болатын.
Желіде желдей ескен бейнежазбада әжей «Мейрамбек, тәуір болып кет, жаным. Қазақтың атын шығара бер. Жақсы болып шық, айналайын» деп ақ тілегін жеткізді.
Бұл бейнежазба әп-сәтте әншінің өзіне де жетіп, Мейрамбек Беспаев қызылордалық әжейге іздеу салған болатын. Бір күннен соң әнші мен әжей тікелей бейнебаланысқа шығып, сөйлесті.
<blockquote>
 «Мейрамбек баламды «Бозторғай» әнін шырқағаннан бастап жақсы көремін. Ауырып қалды деп естіген соң, қазақтың біртуар азаматы еді, неге сырқаттанып қалды екен деп уайымдадым. Сол уақыттан бастап дастархан басында немерелерімнен Мейрамбек сауықты ма? Хабар бар ма? Ауруханадан шығып па? деп сұрай бастадым», – дейді Сәбира Әбілдаева.
</blockquote>
Әнші сырбойылық әжейге арнайы сый да жіберген. Алматыдан жеткен сыйды ауыл әкімі Мәмбетәлі Ақмырзаев арнайы табыстады.
Әжейдің желіде жұлдыз болуына оның немересі себеп болған.
<blockquote>
 «Видеоны әнші ауырып қалды деген кезде түсірген болатынбыз. Бейнежазбаны желіге салу туралы ойланып жүріп, ең алдымен әжемнен сұрадым, ол егер Мейрамбек Беспаев көретін болса сал ғой деді. Әйтпесе, мен де видеоны желіге жүктеуге ұялдым. Өзгелерде қарт әжесімен ойнап отыр ма деген ой бола ма деген ой болды. Сонан соң достарыма репост жасатып едім, бір күннің ішінде әнші өз парақшасына салып қойыпты», – дейді әжейдің немересі Алмас Иманғали.
</blockquote>
Желіде жұлдыз болған қызылордалық әжей қазіргі таңда қыз бен ұлдан тараған 8 немере сүйіп отыр.

Мейрамбек Беспаевтың денсаулығына алаңдаған қызылордалық әжей желі жұлдызына айналды (ВИДЕО)

Kyzylorda-news.kz. Қызылорда қаласында республикалық ақындар айтысы өтті.
Қала әкімдігінің ұйымдастыруымен кіл жүйріктер жиналған Сырдағы айтыс аламанында республикаға танымал ақындармен қатар қызылордалық жас ақындар да сынға түсті.
Жыр додасының ашылу салтанатында арқалы ақындарға қала әкімі сәттілік тіледі.
<blockquote>
 «Қызылордада дәл қазір ұлттық өнердің, айтыстың, Тәуелсіздіктің дүбірлі тойы басталмақшы. Бұл айтыс Тәуелсіздігіміздің 30 жылдығына арналған ауқымды шаралардың бастамасы болмақ. Ұлттық өнерге сусап қалған ағайынды рухани серпілтіп, жыр көрігін қыздырыңыздар», – деді қала әкімі Нұрлыбек Нәлібаев.
</blockquote>
Текті өнерді төрге оздырып, ұлт мұрасы ұлықталған жыр додасында құрдастар әзілі, жастық жалын, іні мен аға сыйластығы көрініс тапты.
Дүлдүлдер дүбірінің әділ бағасын жазушы, Халықаралық «Алаш» әдеби сыйлығының лауреаты, Қазақстанның еңбек сіңірген қайраткері, драматург Роза Мұқанова, Қазақстан Жазушылар Одағының мүшесі, Қадыр Мырза Әли атындағы мәдениет және өнер орталығының директоры, белгілі айтыскер ақын Бауыржан Халиолла және ҚР мәдениет қайраткері, ақын, режиссер-сценарист Оңталап Нұрмаханов берді.
Тәуелсіздік тағылымын жастардың санасына сіңіру, азат елдің жарқын жетістіктерін кеңінен дәріптеу, рухани бай мұраны, қасиетті Отанды жырға қосуды мұрат еткен айтыс қорытындысында ІІІ орынды павлодарлық Рауан Қайдаров пен қызылордалық Ержеңіс Әбдиев қанжығаларына байлады. Сөз бәйгесінің ІІ-орыны өскемендік Серік Қуанғанға бұйырды. Арқалықтан келген Алаштың аяулы ақыны Айбек Қалиев пен атыраулық ақын Шалқарбай Ізбасаров І орынды өзара бөлісті. Ақмешіттегі айтыс аламанында бас жүлдені Ақтаудан ат басын бұрып, Сыр жұртының алдында сәтті өнер көрсеткен Нұрлан Мұсаев иеленді.
<img src="https://kyzylorda-news.kz/wp-content/uploads/2021/02/fb_img_1612583395601.jpg" alt="" />
<img src="https://kyzylorda-news.kz/wp-content/uploads/2021/02/fb_img_1612583400864.jpg" alt="" />
<img src="https://kyzylorda-news.kz/wp-content/uploads/2021/02/fb_img_1612583435004.jpg" alt="" />
<img src="https://kyzylorda-news.kz/wp-content/uploads/2021/02/fb_img_1612583382972.jpg" alt="" />
<img src="https://kyzylorda-news.kz/wp-content/uploads/2021/02/fb_img_1612583407123.jpg" alt="" />
<img src="https://kyzylorda-news.kz/wp-content/uploads/2021/02/fb_img_1612583418673.jpg" alt="" />
<img src="https://kyzylorda-news.kz/wp-content/uploads/2021/02/fb_img_1612583415441.jpg" alt="" />
<img src="https://kyzylorda-news.kz/wp-content/uploads/2021/02/fb_img_1612583431708.jpg" alt="" />

Қызылордада республикалық ақындар айтыс өтті

Kyzylorda-news.kz. Қызылорда облысының мәдениет, архивтер және құжаттама басқармасының басшысы Мира Абуова облыстық Н.Бекежанов атындағы қазақ академиялық музыкалық драма театрының жаңа басшысын таныстырды.
Театр басшысының міндетін атқарушы болып мәдениет саласында 10 жылдан астам тәжірибесі бар Баймырзаев Ғалым Қонақбайұлы келді.
Ғалым Баймұрзаев Қызылорда облыстық мәдениет басқармасының жетекші маманы қызметінен бастап, бас маманы, бөлім басшысы, Қызылорда қалалық мәдениет және тілдерді дамыту бөлімінің басшысы, қалалық мәдени-демалыс паркінің директоры, Ә.Тәжібаев атындағы облыстық әмбебап ғылыми кітапханасының басшысы қызметтерін атқарған.
Мәдениет саласында ұзақ жылдар еңбек еткен театр директоры, “Қазақстанның еңбек сіңірген қайраткері» құрметті атағының иегері Әбдікәрімов Мұхит Сұлтанұлы құрметті демалысқа шықты.
Басқарма басшысы Мира Абуова театрдың жаңа басшысы Ғалым Баймұрзаевқа үлкен сенім мен жауапкершілік жүктелгенін атап өтіп, ел Тәуелсіздігінің 30 жылдығына орай театрда рухани мәні зор тарихи қойылымдарды көрерменге ұсыну, театр ұжымының жұмысын жандандыру, шығармашылық құрамның жоғары көркемдік деңгейде жұмыс жасауын ұйымдастыруға бағытталған нақты міндеттер қойды.
<img src="https://kyzylorda-news.kz/wp-content/uploads/2021/02/fb_img_1612582564158.jpg" alt="" />

Қазақстан және Қызылорда облысының жаңалықтары: Мәдениет

Иманбектің ремиксі “Грэмми” премиясын жеңіп алды

Жырау Алмас Алматов – 65 жаста

Көрісу күні қалай пайда болған?

Тұмар патшайымның өмірі туралы 10 дерек

КСРО халық әртісі Роза Бағлановаға ескерткіш қойылады

Қызылорда: Наурызда 200-ге жуық шара өтеді

Жамбыл Жабаевтың 175 жылдық мерейтойы басталды

Қоғамдық сананы жаңғырту бағдарламасын іске асыру жөніндегі Ұлттық комиссияның отырысы өтті

Бүгін композитор Кеңес Дүйсекеевтің 75 жылдығы

Мейрамбек Беспаевтың денсаулығына алаңдаған қызылордалық әжей желі жұлдызына айналды (ВИДЕО)

Қызылордада республикалық ақындар айтыс өтті

Нартай Бекежанов атындағы театрға жаңа басшы келді

Қазақстан және Қызылорда облысының жаңалықтары: Мәдениет

Иманбектің ремиксі &#8220;Грэмми&#8221; премиясын жеңіп алды

Жырау Алмас Алматов &#8211; 65 жаста

Көрісу күні қалай пайда болған?

Тұмар патшайымның өмірі туралы 10 дерек

КСРО халық әртісі Роза Бағлановаға ескерткіш қойылады

Қызылорда: Наурызда 200-ге жуық шара өтеді

Жамбыл Жабаевтың 175 жылдық мерейтойы басталды

Қоғамдық сананы жаңғырту бағдарламасын іске асыру жөніндегі Ұлттық комиссияның отырысы өтті

Бүгін композитор Кеңес Дүйсекеевтің 75 жылдығы

Мейрамбек Беспаевтың денсаулығына алаңдаған қызылордалық әжей желі жұлдызына айналды (ВИДЕО)

Қызылордада республикалық ақындар айтыс өтті

Нартай Бекежанов атындағы театрға жаңа басшы келді

Иманбектің ремиксі “Грэмми” премиясын жеңіп алды

Жырау Алмас Алматов – 65 жаста