<a href="https://kyzylorda-news.kz/">Kyzylorda-news.kz</a>. Қазалы ауданының орталығынан 600 орындық мәдениет үйі мен 250 келушіге арналған емхана ғимаратының құрылысы жүргізілуде.Бұл туралы Өңірлік коммуникациялар қызметінің ақпараттық алаңында өткен брифингте Қазалы ауданының әкімі Мұхтар Оразбаев мәлімдеді.
<blockquote>
 «Ауданда құрылыс жұмыстарының көлемі 2,2 млрд. теңгені құрады. Көрсеткіш 2,2 есеге көбейді. Қазіргі таңда, 12 нысанның құрылысы жүргізілуде. 5 ғимарат пайдалануға берілді. Биыл «Ауыл – ел бесігі» арнайы жобасы аясында №226 мектеп-гимназиясына қосымша спорт залы және Қ.Пірімов ауылынан спорт кешені салынады»,-деді аудан әкімі Мұхтар Әуесұлы.
</blockquote>
Сонымен қатар, «Жұмыспен қамтудың Жол картасы» шеңберінде жыл соңына дейін бұрынғы №170 мектептің орнына 250 орындық мектептің құрылысы басталады

Қазалы ауданында 600 орындық мәдениет үй салынады

<a href="https://kyzylorda-news.kz/">Kyzylorda-news.kz</a>. Осы жылдың 17-18 шілдесінде Белоруссияның Витебск қаласында 30 жылдық мерейтойы аясында «Славян базары» халықаралық фестивалі өткізілді. Музыкалық конкурсқа Сыр елінің перзенті, «Бриллиант» дауысты әнші жерлесіміз Дінмұхаммед Төлеубай қонақ ретінде шақырылды. Аймақ басшысының қолдауымен «Славян базарына» барып, өнер көрсетті.
Дінмұхаммед Төлеубай Қазақстанның еңбек сіңірген әртісі, «Құрмет» орденінің иегері болған Қаракөз Ақдәулетованың шәкірті.
Сыр топырағынан шыққан Димаштай жас өнер иесіне шығармашылық табыс тілейміз. Халықаралық ән байқауларында бағың жанып, өнерің өрге жүзсін! Талай ән додаларында оза шап! Қазақтың атын танытар, әлемді мойындатар талант иесі болуыңа тілектестігімізді білдіреміз.

Сыр елінің әншісі «Славян базары» халықаралық өнер фестивалінде ән шырқады

<a href="https://kyzylorda-news.kz/">Kyzylorda-news.kz</a>. Рухия Байдүкенова&nbsp;“Славян базары” байқауының бас жүлдесін ұтып алды. ХХХ халықаралық өнер фестивалінің жабылу салтанатында награданы қазылар алқасының төрағасы Анатолий Ярмоленко табыстады, деп жазады&nbsp;Sputnik Қазақстан.
Бірінші орын сербиялық әншіде, екінші орынға украиналық орындаушылар ие болды. Ал үшінші орынды Словакия мен Әзірбайжан бөлісті.
Байқауға отыздан астам елдің әншілері қатысты. 22 жастағы талдықорғандық Рухия Байдүкенова Қазақстан атынан өнер көрсетті. Оның диапазоны – бес октава. “Славянский базар” әнсүйер қауымды Адам, Айри, Әділхан Макин, Әмре сынды қазақстандық әртістердің шығармашылығымен таныстырды. 2015 жылы Димаш Құдайбергеннің жеңісін бөлек атап өткен жөн. Ол биыл қазылар алқасының құрамында болды. Көрерменді сахнаға шығып та қуантты.&nbsp;
Қазылар алқасы жеңімпаздарды анықтап жатқан сәтте көрермен концерт тамашалаған болатын. Беларусь, Қазақстан, Украина, Ресей және Грузиядан келген әртістер өнер көрсетті. Сахнаға Димаш Құдайберген шыққанда “Славян базары” көрермендері әртісті ерекше ықыласпен қарсы алды.
“Димаш Құдайбергенді зал қошеметпен қарсы алды, тіпті, жанкүйерлерінің даусы қарлықты. Қазылар алқасы мен жанкүйерлердің қолдауы керемет болды”, – деп жазды басылым.

Рухия Байдүкенова &#8220;Славян базары&#8221; байқауында гран-при ұтып алды

<a href="https://kyzylorda-news.kz/">Kyzylorda-news.kz</a>. Қазақстанның еңбек сіңірген қайраткері, режиссер Сатыбалды Нарымбетов 75 жасында өмірден өтті.
«Бүгін қазақ кинематографиясы орны толмас қазаға ұшырады. Кино мен əдебиетте өзіндік суреткерлік əлемін қалыптастырған, қазақ киносына тамаша туындылар тарту еткен Сатыбалды ағамыз келместің кемесіне мініп арамыздан кете барды.
Қазақстан Республикасы Мəдениет жəне спорт министрлігінің атынан кинорежиссёр, жазушы, «Құрмет» орденінің, «Платиналы Тарлан» сыйлығының иегері, Франция кино академиясының Жорж Садуль атындағы тəуелсіз сыйлығының лауреаты, Қазақстанның еңбек сіңірген қайраткері Сатыбалды Жәлелұлы Нарымбетовтің қайтыс болуына байланысты отбасы мен жақындарының қайғысына ортақтасып, көңіл айтамын.
Əр фильмі мен шығармасы арқылы сол заманның тыныс-тіршілігін, ауанын жеткізуге тырысатын мэтрдің асыл бейнесі қалың қазақтың көңіл төрі мен жүрек түкпірінде мəңгі сақталады.
Марқұмның көзі тірісінде жасаған игі-жақсы амалдары алдынан жарылқасын. Жатқан жері жайлы, топырағы торқа болсын»,- деп жазды Ақтоты Райымқұлова&nbsp;<a href="https://www.facebook.com/Aktoty.raiymkulova">Facebook</a>&nbsp;-тегі парақшасында.
Сатыбалды Нарымбетов 1946 жылы 7 наурызда Түркістан облысы, Түркістан ауданы, Ащысай ауылында туған. Мәскеу қаласындағы мемлекеттік кинематография институтын бітірген. 1
984 жылы жоғары режиссерлік курсты (Г.Н. Данелияның шеберханасы бойынша) бітірген.
1969 жылдан «Қазақфильм» студиясында сценарист әрі кинорежиссер ретінде қызмет етті.
1970 жылдан – «Қазақфильм» киностудиясының кинорежиссері болды.
Ал 2005 жылдан бері Шәкен Айманов атындағы «Қазақфильм» АҚ «Дебют» бірлестігінің жетекшісі болып еңбек еткен еді.
Ол «Құрманғазы» атты деректі фильмге (1972 жылы), «Зауал» (1981 жылы), «Күзгі бұралаң жол» (1984 жылы) қысқа метражды фильмдерге, «Ұрын келген күйеу» (1987 жылы), «Созақтан шыққан Гамлет» (1990 жылы), «Көзімнің қарасы», «Жас аккордеоншының өмірбаяны» (1994 жылы), «Омпа» (1998 жылы) және тағы басқа көркем фильмдерге режиссерлік еткен.
Бұған дейін, жазушы Смағұл Елубай Сатыбалды Нарымбетовтің ауыр халде, бір аптадан бері комада жатқаны туралы жазған болатын. Оның айтуынша, асқазанындағы ескі жара ашылып қан құсып ауруханаға түскен.
<a href="https://lenta.inform.kz/kz/tanymal-rezhisser-satybaldy-narymbetov-omirden-ozdy_a3809725">ҚазАқпарат</a>

Танымал режиссер Сатыбалды Нарымбетов өмірден озды

Күй-құдірет

<a href="https://kyzylorda-news.kz/">Kyzylorda-news.kz</a>.&nbsp; Елбасы Нұрсұлтан Назарбаевтың шешімімен шілденің бірінші жексенбісі Ұлттық домбыра күні болып <a href="https://egemen.kz/article/171154-bugin-ulttyq-dombyra-kuni">жарияланды</a>. Жыл сайын атап өтілетін бұл мерекелік күннің ұлттық руханиятымызға қосар үлесі салмақты болмақ.&nbsp;
Домбыра – қазақтың киесі, қа­сиеті, қазынасы. Қазақ пен дом­быра егіз ұғым ғой! Күні кешеге дей­ін әр үйдің төрінде ілулі тұра­тын ұлттық аспабымыздың күм­бірлеген үні бүгінде алыстап бара жат­қандай еді. Телеарналардан домбыраның дауысын есту мұңға айналғаны былай тұрсын (оның орнын салмақсыз бағдар­ла­малардың жаулап алғаны шын­дық), шілдехана, бесік тойы, тұ­сау­­кесер, тілашар, беташарла­ры­мыз даңғырлаған эстарада әуеніне байланбады ма? Домбырамен әуелете шырқалып, тиесілі сыйлық иесін табатын «Той­бастар» дәстүрінің түр-си­па­ты мүлде өзгергеніне бәріміз куә­міз. Құрметті қонақ келгенде «ауыл­дың алты ауызы» айтылып, «қонақ­кәдемен» жалғаса әнмен өрілетін отырыстар көзден бұл-бұл ұшқалы қашан?! Арасында үл­кендердің әдемі әңгімелері тың­далатын. Қазір ше? Ішіп-жеп болған соң, бас салып би билеу- 
ге көшеді. Жас та, жасамыс та секеңдеп, ию-қию музыка, қызық деген осы деп түсінетін бол­дық. Ілгерідегі құдаларды әудем жерден арнау айтып қарсы алып, күмбір-күмбір күй тартып, шығарып салар кез қайда, шір­­кін?! Домбырада айтылатын әр әннің сөзі қандай, сазы қан­дай?! Тыңдап отырғаныңда бір күрсінтіп, бір мұңайтып, мың түр­­лі әсерге бөлейтіні бар. Оның құ­­діретті үнін естігеніңе шү­кір­лік ете­сің. Домбыраның иесі қазақ бо­лып туылғаныңа тәу­бе дейсің, бас­қа емес.
Домбыра күнінің белгіленуі жай­дан-жай емес. Бұл рухани жаңғыру бағытындағы ең сүбелі тірліктің бірі болмақ. Осы күннің аясында ұлттық аспабымызды ұлықтау мақсатында тың бас­та­ма­­лар бой көтеріп, көптен бері қол­­дау таппай жүрген игі дү­ние­лер қайта жаңғыруы ғажап емес. Көп нәрседен үміттіміз. Көк сандықтан домбыра үнімен астас­тырылған салмақты дүние­лер­дің көптеп жарық көруін жанымыз қалайды. Ең дұрысы, науқаншылықтан ада, әсіреқызыл тез оңарлық тірлік емес, өзінің қоңыр үні мен қоңыр болмысына сай, ұлтымыздың жадын қайта бір жаңғыртатындай күн болса екен дейміз.&nbsp;
«Жаздыкүн шілде болғанда…» деп Абай атамыз айтқандай, «көкорай шалғын, бәйшешек, ұзарып, өсіп, толғанда» бүкіл қазақ даласы күмбір-күмбір күй төккей, көктегі күн нұр төккей, домбырасын қолға алғай, әуелете ән салғай­… «Дариға, домбырамды бер­­ші маған, Жаныма келші жарым, келші балам…» деп Мұқа­ғали­­ша толғайық, «Нағыз қазақ қа­зақ емес, нағыз қазақ – домбыра!» деп Қадырша қайырайық! Ұлы ұлттың баласы, ұлықта Домбыраңды!

Бүгін &#8211; Ұлттық домбыра күні

<a href="https://kyzylorda-news.kz/">Kyzylorda-news.kz</a>. Бүгін Қызылордада «Күй керуені» атты облыстық жас домбырашылар байқауы өтеді. Бұл туралы Өңірлік коммуникациялар қызметінде өткен баспасөз конференциясында облыстық мәдениет, архивтер және құжаттама басқармасы басшысының орынбасары Нұршат Наурызбаева мәлімдеді.
Сондай-ақ, аталған мерекеге орай белгілі күйші-композитор Тасболат Ысқақов атындағы домбыра үйірмесі ашылады. Ал, Нұр-Сұлтан қаласында ұлттық домбыра күніне орай өтетін салтанатты концертте еліміздің барлық өңірлеріндегі халық аспаптар оркестрлері Құрманғазының «Сарыарқа» күйін бір мезетте орындайды. Оған облыстық филармонияның Тұрмағанбет атындағы халық аспаптар оркестрі онлайн өнер көрсетпек.
<blockquote>
 «Алты мың жылдық тарихы бар домбырамен бірге қазақтың да тарихы біте қайнасып келеді. Қазақ пен домбыра егіз ұғым. 2019 жылы «Жыр мұра» жобасымен жұмыс жасап жатырмыз. 23 жыр-терме, 16 қобыз, және домбырашылар үйірмесі бар. Сондай-ақ, былтыр М.Әуезов атындағы әдебиет және өнер институтының әр өңірдің күйшілік дәстүрі жайлы шығарылған антологиясына біздің Сыр өңіріндегі күйшілердің аты аталып, мұрасы енгізілді», – деді облыстық халық шығармашылығын дамыту және мәдени-продюсерлік орталығының маманы, жыршы Берік Саймағанбетов.
</blockquote>
Айта кетейік, бүгіннен бастап күйші Әлімжан Әбсадықовтың бастамасымен «Нағыз қазақ қазақ емес, нағыз қазақ домбыра» атты онлайн-челленджі күйшілер мен домбыра шертер әрбір қазаққа жолданды.

Қызылордада күйші-композитор Тасболат Ысқақов атындағы домбыра үйірмесі ашылады

<a href="https://kyzylorda-news.kz/">Kyzylorda-news.kz</a>. Сыр елінде «Тұғыры биік Тәуелсіздік» атты республикалық ақындар айтысы өтеді.
Аламан дода Тәуелсіздіктің 30 жылдығы аясында ұйымдастырылып отыр. 25 маусым күні сағат 10.00-де Н.Бекежанов атындағы қазақ академиялық музыкалық драма театрында болады. Жыр бәйгесіне еліміздің түкпір-түкпірінен жиналған 12 ақын қатысады.
Атап айтқанда, Шойбеков Бекарыс (Түркістан қаласы), Қалиев Айбек (Арқалық қаласы), Ережеқызы Әсем (Нұр-Сұлтан қаласы), Шұғатаев Аспанбек (Павлодар қаласы), Ширмединұлы Бауыржан (Орал қаласы), Қуанған Серік (Өскемен қаласы), Тілеутай Айшолпан (Семей қаласы), Рахметов Айдос (Қызылорда қаласы), Ниязов Мұхтар (Қызылорда қаласы), Мансұров Нұрмат (Сырдария ауданы), Қару Нұрзат (Қазалы ауданы) Бақытәліұлы Жамбыл (Қызылорда қаласы).
<blockquote>
 «Айтысты ақын, М.Мақатаев атындағы сыйлықтың екі мәрте иегері, «Құрмет», «Парасат» орденінің иегері, Қазақстанның еңбек сіңірген қайраткері, ұлт өнерінің жанашыры Жүрсін Ерман жүргізеді. Қазылар алқасының құрамы да жасақталды. Бәйгеге қатысушы барлық ақындарға сәттілік тілеймін», – деді облыстық мәдениет, архивтер және құжаттама басқармасының басшысы Мира Әбуова.
</blockquote>
Айтысқа қатысатын 12 ақын Тәуелсіздік жылдарындағы жетістері мен елдік мәселелерді көтеруі шарт. Өнер додасы екі айналымнан тұрады.
<blockquote>
 «Биыл еліміздің әр өңірінде Тәуелсіздіктің 30 жылдығы аясында ақындар айтысы ұйымдастырылуда. Соның бірі Сыр елінде өткелі отыр. Ертеңгі айтыста ақындар Тәуілсіздікті жырлайтын болады. Одан кейін 30 маусымда Нұр-Сұлтан қаласында «Тәуелсіздік тұмарым» атты аламан бәйге болады. Сондай-ақ, биылғы жылдың ең үлкен жобасы – «Асыл домбыра» атты аламан дода ұйымдастырылады. Бес айтыстан тұрады, 48 ақын қатысуда», – деді ақын, айтыс өнерінің ұйымдастырушысы Жүрсін Ерманов.
</blockquote>
<img src="https://kyzylorda-news.kz/wp-content/uploads/2021/06/203937916_1316507308744778_221881279080781734_n.jpg" alt="" />

Қызылордада республикалық ақындар айтысы өтеді

<a href="https://kyzylorda-news.kz/">Kyzylorda-news.kz</a>. Арал ауданының әкімі Серік Сермағамбетов Арал қаласындағы бірқатар әлеуметтік мекемелердің және кәсіпкерлік нысандардың жұмысымен танысты.
Ең алдымен №19 Арал ауданының олимпиадалық резервтің мамандандырылған балалар-жасөспірімдер мектебіне барған аудан басшысы мектеп директорымен тілдесіп, мектеп ғимараты мен спорт зал, стадионды толықтай аралап өтті. Саланың жұмыс барысымен толыққанды танысқан аудан басшысы спорт мектебіндегі ағымдағы жөндеу жұмыстарына да куә болды.
Бүгінде спорттың 14 түрінен машықтануға мүмкіндік жасап отырған мектепте 1196 бала спортпен шұғылданады. Атап өткен жөн, осы кезге дейін үш бірдей әлем чемпиондарын түлеткен мектептің бұқаралық спортты дамытудағы маңызы зор.
Аудан басшысы бас сұққан келесі нысан – «ARZAN MARKET» сауда орталығы болды. Аудан орталығындағы ең ірі сауда орталығын аралап өткен аудан басшысы бірінші кезекте күнделікті тұтынатын азық-түлік өнімдерінің бағасын талдап, жауапты сала басшыларына баға тұрақтылығын сақтау бағытында жұмыстарды үйлестіруді тапсырды.
Одан әрі апатты жағдайдағы № 1 қалалық кітапханаға арнайы ат басын бұрып, нысанның қазіргі жағдайымен танысты. Өткен ғасырдың 1937 жылы салынған ғимарат 2014 жылғы сараптама қорытындысына сәйкес апатты жағдайда деп танылған. 2500-ге жуық оқырманы бар кітапханада 43 000 кітіп қоры бар.
Сапар барысында кітапхана жанында орналасқан құрастырмалы – жиналмалы модульді бассейн кешені мен балықшылар мұражайы да назардан тыс қалмады. Жалпы сыйымдылығы 30 адамды құрайтын бассейн кешенінің жұмысымен танысқан аудан әкімі бүгінгі мемлекеттік қызметшілер күні аясында өтіп жатқан спорттық сайысқа куә болды.
Мұнан соң облыстық бюджет есебінен реэкспозициялық жұмыстар жүргізіліп жатқан балықшылар мұражайымен танысып, құрылыс жұмыстарының жай-күйіне қанықты. 2012 жылы пайдалануға берілген мұражайда қазіргі таңда 2000-нан аса құнды жәдігерлер жинақталған. Мұражай залдарында балық шаруашылығына еңбек сіңірген қайраткерлер мен атақты балықшылардың портреттері, фотосуреттері, «Лев Берг» кемесінде балықшылардың киімдері мен теңіз кемесінің техникалық құрал-жабдықтары орналасқан.
Аудан әкімі Серік Сағитжанұлы қаладағы ең ірі «ARAL HOTEL» қонақ үйінің және өткен жылы пайдалануға берілген аудандық оқушылар үйінің де жұмыс барысымен танысып өтті. «Бизнестің жол картасы – 2020» бағдарламасы аясында қайта жаңғырған қонақ үй қызметі алдағы уақытта бассейн және сауна қызметтерін іске қосуды жоспарлап жатқандығын жеткізді.
Одан әрі 250 орынды жаңа оқушылар үйін аралап көрген аудан басшысы үйірме жұмыстарымен жекелей танысып, оқушылардың қолынан шыққан туындыларды тамашалады.
Аудан әкімі сапар соңында аудандық тарихи-өлкетану музейі мен Арал аудандық мәдениет орталығында болып, мекемелердің жұмысын бағамдап өтті. 1954 жылы қыш кірпіштен салынған тарихи-өлкетану музейінің қазіргі жағдайы сын көтермейді. Қазіргі таңда 10 000-нан аса экспонат сақтаулы музейді жаңадан салу бағытындағы жұмыстар қолға алынған. Ал, аудандық мәдениет орталығының жағдайына келер болсақ аталған нысанға да күрделі жөндеу жұмыстарын жүргізу қажеттілігі туындап отыр.
Осылайша спорт, мәдениет, білім және кәсіпкерлік саласының жұмыстарын саралап өткен аудан басшысы әр сала бойынша атқарылуы қажет деген мәселелерге мән беріп, бұл бағыттағы жұмыстарды жүйелі жалғастыру жөнінде сала басшыларына тапсырма жүктеді.
<img src="https://kyzylorda-news.kz/wp-content/uploads/2021/06/203204855_3009499466045086_4530031655756172043_n.jpg" alt="" />
<img src="https://kyzylorda-news.kz/wp-content/uploads/2021/06/203291658_3009500076045025_4232356665404204702_n.jpg" alt="" />
<img src="https://kyzylorda-news.kz/wp-content/uploads/2021/06/204288934_3009499412711758_5879385116112124549_n.jpg" alt="" />
<img src="https://kyzylorda-news.kz/wp-content/uploads/2021/06/203567771_3009500099378356_8373101456172743801_n.jpg" alt="" />

Аралдағы тарихи-өлкетану музейінің жағдайы сын көтермейді

<a href="https://kyzylorda-news.kz/">Kyzylorda-news.kz</a>.&nbsp;Қызылорда облысында 357 мемлекеттік органда 3&nbsp;471 мемлекеттік қызметші аймақ дамуына қызмет етуде. Олардың 94% жоғары білімді, 496-сы, яғни 14,2% жастар, 1&nbsp;588-і әйелдер. Басшы лауазымдағы әйелдер саны – 365. Бұл туралы Өңірлік коммуникациялар қызметінің баспасөз алаңында өткен брифингте ҚР Мемлекеттік қызмет істері агенттігінің Қызылорда облысы бойынша департаментінің басқарма басшысы Жасұлан Шынтасов мәлімдеді.
Аймақта меритократия қағидатына сәйкес ішкі конкурстардың нәтижесімен жоғары лауазымдарға орналасқандардың үлесі 76,3 пайыздан асып отыр.
<blockquote>
 «Бүгінгі таңда тәуелсіздік жылдарында жүзеге асқан жемісті жоба «Болашақ» бағдарламасының 4 түлегі аймағымыздағы мемлекеттік органдарда қызмет етуде. Айта кеткен жөн, мемлекеттік қызметшілерді даярлауда ерекше мәртебеге ие ҚР Президенті жанындағы Мемлекеттік басқару академиясының 22 түлегі аймақ мерейін асқақтатуға жұмыс жасауда. Қазақстан Республикасының Тәуелсіздігінің 30 жылдығы аясында 23 маусым – Мемлекеттік қызметші күніне орай облыс әкімімен іс-шаралар жоспары бекітіліп, жоспарға сәйкес бірқатар іс-шаралар жүзеге асырылуда», – дейді Жасұлан Шынтасов.
</blockquote>
Мереке қарсаңында облыс әкімінің жүлдесіне арналған XXVI дәстүрлі мемлекеттік және ведомство қызметкерлері арасында спартакиада басталды. Спорт додасында 1000-нан астам мемлекеттік қызметкер пневматикалық мылтықпен ату, шағын футбол, үстел теннисі, шахмат, тоғызқұмалақ, бильярд, волейбол, арқан тарту, жүзу секілді 9 спорт түрі бойынша бағын сынауда. Спартакиаданың жеңімпаздарын марапаттау рәсімі 23 маусымда сағат 12:30-да «Мұз айдынында» өтеді.
«Биыл, білікті кадрлар дайындау мақсатында құрылған «Абырой» мемлекеттік қызмет мектебінің алғашқы 25 түлегі қанат қақты. Департамент, Қорқыт ата атындағы Қызылорда университеті және Мемлекеттік басқару академиясының облыстық филиалы бірлесіп аталмыш мектепті табысты аяқтаған тыңдаушыларға арнайы сертификат табыстады», – дейді басқарма басшысы.
Айта кетейік, өңірдегі өнерлі мемлекеттік қызметшілерді қолдау әрі ынталандыру мақсатында 7 маусымнан «Өнерлі мемлекеттік қызметші» шығармашылық конкурсы басталды. Бүгінгі күні 40-қа жуық қызметшінің жұмыстары конкурсқа қатысуда. Конкурстың қорытындысы 25 маусымда белгілі болады.

Қызылордада 365 әйел басшылық қызмет атқарады

<a href="https://kyzylorda-news.kz/">Kyzylorda-news.kz</a>. Биыл Қызылорда облысында 23 маусым – Мемлекеттік қызметшілер күні кәсіби мерекесі қарсаңында алғаш рет «Мемлекеттік қызметтің дамуына қосқан үлесі үшін» төсбелгісінің ережесі мен үлгісі бекітіліп, мерекемен құттықтау шарасында табыс етіледі. Бұл туралы Өңірлік коммуникациялар қызметінің баспасөз алаңында өткен брифингте ҚР Мемлекеттік қызмет істері агенттігінің Қызылорда облысы бойынша департаментінің басқарма басшысы Жасұлан Шынтасов айтты.
<blockquote>
 «Аталған төсбелгімен марапаттау «Қызмет» мемлекеттік, банк мекемелері және қоғамдық қызмет көрсету қызметкерлері салалық кәсіподағының облыстық филиалы мен Мемлекеттік қызмет істері агенттігінің облыстық департаментінің бастамасымен қолға алынған. Төсбелгі қызметтік міндеттерін үлгілі және мінсіз орындағаны, мемлекеттік қызметтегі жоғары көрсеткіштері үшін Қызылорда облысының мемлекеттік қызметшілерін материалдық емес көтермелеу және ынталандыру мақсатында тағайындалып отыр. Төсбелгі мемлекеттік қызметте 10 жыл еңбек өтілі бар және салалық кәсіподақ мүшелігінде кемінде 3 жыл болған, еліміздің даму жолына ерекше еңбек сіңірген мемлекеттік қызметшілеріне беріледі», – дейді Жасұлан Шынтасов.
</blockquote>
Сонымен қатар ҚР Президенті Қасым-Жомарт Тоқаевтың «Халық үніне құлақ асатын мемлекет» тұжырымдамасын іске асыру мақсатында Қызылорда облысында жыл басынан бері «Басшылар байланыста» жобасы жүзеге асырылуда.
<blockquote>
 «Мемлекеттік қызметші күніне орай «Aray City Mall» сауда ойын-сауық орталығында «Басшылар байланыста» жобасының кезекті шарасы өтті. Шара барысында әлеуметтік қамсыздандыру, тұрғын үй, коммуналдық, жер, сәулет, құрылыс, кәсіпкерлік, білім, денсаулық, кірістер, көлік құралдарын тіркеу және көші-қон мәселелері бойынша мекеме басшылары азаматтарды қабылдап, 100-ге жуық тұрғынға мемлекеттік орган басшыларымен консультациялық көмек көрсетілді», – дейді басқарма басшысы.
</blockquote>
Сондай-ақ карантин талаптарына байланысты департамент пен облыстық мәдениет, архивтер және құжаттама басқармасы бірлесіп мемлекеттік қызметкерлерге тарихи орындарға онлайн саяхаттар ұйымдастырып келеді. Мәселен, бүгінгі күнге дейін орталық өлкетану музейі, қала музейі, Оқшы ата кесенесі және Қорқыт ата мемориалдық кешендеріне онлайн саяхаттар жасалды.

Қызылордада алғаш рет «Мемлекеттік қызметтің дамуына қосқан үлесі үшін» төсбелгісі табысталады

<a href="https://kyzylorda-news.kz/">Kyzylorda-news.kz</a>.&nbsp;&nbsp;Тарихы терең, Түркістан қаласында Тәуелсіздігіміздің 30 жылдығы және Түркістан облысының құрылғанына 3 жыл толуына орай алғаш рет өткізілген екі күнге созылған аламан айтыс өз мәресіне жетті.
Финалдық кезеңге шыққан 10 ақын бес жұп болып сөз сайысының көркін қыздырды. Алғашқы болып сахнаға шыққан Ш.Сезімхан мен А.Қалиев сөз сайыстырды. А.Шұғатаев пен С.Әуезхан түрленген Түркістанды жырға арқау етіп, көпшілікке керемет көңіл сыйлады. Үшінші жұпта А.Жаппарқұлова мен М.Сұлтанхан өзара мықтыны анықтады. Ал Ж.Мусина мен Т.Жаманов айтыстағы аға мен қарындас сыйластығының үлгісін көрсетті. Айтыс көркін бесінші жұп болып шыққан түркістандық Д.Ақсақалов пен сыр сүлейі М.Ниязов бүгінгі айтыстың бас жүлдесіне лайықты өнер көрсетті.
Айтыс қорытындысына сай, А.Алматов пен Ә.Қалыбекова бастаған қазылар тобы 15 минуттық үзіліс алып, жүлдегерлерді анықтады. Нәтижесінде «Түрленген, гүлденген Түркістан» атты республикалық айтысына қатысқаны үшін Түркістан облысы әкімдігі мен «Nur Otan» партиясының арнайы жүлдесі А.Жаппарқұлова мен С.Әуезханға бұйырды. Оны «Nur Otan» партиясы Түркістан облыстық филиалы төрағасының бірінші орынбасары Б.Тәжібаев табыстады. Сондай-ақ, қызылжарлық Ж.Жұпарханға Көпбай Омаров атындағы жүлде, Орынбай Тайманов атындағы жүлде маңғыстаулық А.Жолмағамбетовке, Тәушен Әбуова атындағы жүлде тараздық Қ.Мырзаханға, Қаныбек Сарыбаев атындағы жүлде атыраулық Ш.Ізбасаровқа, Құлыншақ Кемелұлы атындағы жүлде түркістандық Т.Тілеулиев, Нысанбек Айнабеков атындағы жүлде шымкенттік Б.Байтуовқа бұйырды.
Үшінші орын төрт бірдей ақынға бұйырды. Олар: Айбек Қалиев, Төлеген Жаманов, Мейірбек Сұлтанхан, Шұғайып Сезімхан. Орамды ой мен өткір әзіл айтып, түркістандық көрермендерді тәнті қылған оралдық Жансая Мусина мен баянауылдық Аспанбек Шұғатаев жүлделі екінші орыннан көрінді. Ал финалдық кезеңде тартысты айтыс өнерін көрсеткен сыр сүлейі атанған Мұқтар Ниязов жүлделі 1-орынды қанжығасына байлады. Бүгінгі айтыстың көркін қыздырып, облыс намысын қорғаған жас ақын Дәурен Ақсақалов республикалық айтыстың бас жүлдесіне лайықты деп танылды. Бас жүлде иегеріне облыс әкімі Өмірзақ Шөкеев темір тұлпардың кілтін табыс етіп, айтыскерлерге шынайы алғысын білдірді,
<blockquote>
 «Қазақ руханиятында айтыстың орны ерекше. Бүгінгі аламан айтыста бағы жанған ақындарды құттықтаймын. Бұл Түркістанда өтіп жатқан айтыстың соңғысы емес. Алдағы уақытта айтысты дәстүрлі түрде өткізуге бар жағдайды жасайтын боламыз. Тәуелсіздігіміз мәңгілік болып, айтыс өнеріміз асқақтай берсін», – деді Өмірзақ Естайұлы.
</blockquote>
Сондай-ақ, өңір басшысы биыл мерейлі 70 жасқа толып жатқан халық ақыны, «Парасат» орденінің иегері Әселхан Қалыбекованы арнайы құтттықтап, сый-сыяпат жасады.
<img src="https://kyzylorda-news.kz/wp-content/uploads/2021/06/131623431_3953499271433049_8520450389944352408_n.jpg" alt="" />
<img src="https://kyzylorda-news.kz/wp-content/uploads/2021/06/131535145_3953498544766455_2056882781723951740_n.jpg" alt="" />
<img src="https://kyzylorda-news.kz/wp-content/uploads/2021/06/201938585_3953499168099726_7680133594446722251_n.jpg" alt="" />
<img src="https://kyzylorda-news.kz/wp-content/uploads/2021/06/201417392_3953498864766423_1186076811400494202_n.jpg" alt="" />
<img src="https://kyzylorda-news.kz/wp-content/uploads/2021/06/201593152_3953498938099749_7770553819604141040_n.jpg" alt="" />
<img src="https://kyzylorda-news.kz/wp-content/uploads/2021/06/202125441_3953499721433004_1578964180570916165_n.jpg" alt="" />

Қазақстан және Қызылорда облысының жаңалықтары: Мәдениет

Қазалы ауданында 600 орындық мәдениет үй салынады

Сыр елінің әншісі «Славян базары» халықаралық өнер фестивалінде ән шырқады

Рухия Байдүкенова “Славян базары” байқауында гран-при ұтып алды

Танымал режиссер Сатыбалды Нарымбетов өмірден озды

Күй-құдірет

Бүгін – Ұлттық домбыра күні

Қызылордада күйші-композитор Тасболат Ысқақов атындағы домбыра үйірмесі ашылады

Қызылордада республикалық ақындар айтысы өтеді

Аралдағы тарихи-өлкетану музейінің жағдайы сын көтермейді

Қызылордада 365 әйел басшылық қызмет атқарады

Қызылордада алғаш рет «Мемлекеттік қызметтің дамуына қосқан үлесі үшін» төсбелгісі табысталады

Мұхтар Ниязов Түркістанда өткен аламан айтыстан бірінші орын алды

Қазақстан және Қызылорда облысының жаңалықтары: Мәдениет

Қазалы ауданында 600 орындық мәдениет үй салынады

Сыр елінің әншісі «Славян базары» халықаралық өнер фестивалінде ән шырқады

Рухия Байдүкенова &#8220;Славян базары&#8221; байқауында гран-при ұтып алды

Танымал режиссер Сатыбалды Нарымбетов өмірден озды

Күй-құдірет

Бүгін &#8211; Ұлттық домбыра күні

Қызылордада күйші-композитор Тасболат Ысқақов атындағы домбыра үйірмесі ашылады

Қызылордада республикалық ақындар айтысы өтеді

Аралдағы тарихи-өлкетану музейінің жағдайы сын көтермейді

Қызылордада 365 әйел басшылық қызмет атқарады

Қызылордада алғаш рет «Мемлекеттік қызметтің дамуына қосқан үлесі үшін» төсбелгісі табысталады

Мұхтар Ниязов Түркістанда өткен аламан айтыстан бірінші орын алды

Рухия Байдүкенова “Славян базары” байқауында гран-при ұтып алды

Бүгін – Ұлттық домбыра күні