<a href="https://kyzylorda-news.kz/">Kyzylorda-news.kz</a> «Руханият» орталығында ғұлама, ақын Абай Құнанбайұлының 180 жылдық мерейтойына орай «Абайға оралу – болашаққа жол» атты әдеби кеші өткізілді.Тағылымды кеш ұлы ойшылдың шығармашылығын қайта танып, заманауи қоғаммен сабақтастыруға бағытталды.Әсерлі прологтан бастау алған кеште Ұлы ақынның 17-ші қара сөзі сахналық шеберлікпен сомдалды.Әдеби кеш Абайдың қара сөздері мен өлеңдеріне әдеби шолу, TEDx форматындағы жастардың «Абай – бүгінгі өмір айнасы» ой толғауы, ақынның шығармаларын мәнерлеп оқу, әндерін орындау , Абай нақылдарына құрылған пікір алмасу алаңы, көрерменмен өзара сұхбат арқылы рухани байланыс орнату бағытында өткізілді.Абайдың күйге деген талғамы – оның рухани тереңдігін көрсететін тағы бір қыры дей отырып, Арал ауданының Құрметті азаматы, Қазақстанның Құрметті журналисі Жақып Жұмабай ұлы ақынға арнаған «Қараңғы түнде тау қалғып » күйін орындады.Жергілікті ақын, журналист әрі мәдениет қайраткері Базаралиев Оңталап Ералыұлы, аудандық «Толқын» газетінің бас редакторы Сайлауов Айдар Абайдың 180 жылдығына орай өз жүрек жарды жыр шумағын ақтарса, оқырмандар Абайдың өлеңдерін жүрек тебіренте орындады.Кеш соңында шараға қатысушылар Абайдың даналық мұрасын жүрекпен сезініп, оның ой-тұжырымдарын қазіргі өмірмен байланыстыра келе, өз ойларын ортаға салды.

“Кітап AMANAT”: Абайға оралу – болашаққа жол

<a href="https://kyzylorda-news.kz/">Kyzylorda-news.kz</a> “AMANAT” партиясының “Кітап – AMANAT” жобасы аясында Шиелі аудандық партия филиалына қарасты «Көкшоқы» бастауыш партия ұйымында “Бір айда-бір кітап” акциясы ұйымдастырылды.Қазақ еліне белгілі журналист-сатирик, публицист, «Шарайна‑Сейхун» газетінің редакторы, “Шиелі ауданының Құрметті азаматы”, аймақтық бұқаралық ақпарат құралдарының дамуына және оқырман санын арттыруға елеулі үлес қосып жүрген облыстық деңгейдегі қаламгер Нұрмахан Елтай жазушы Талғат Айтбайұлының «Мың бір күн, мың бір түн» атты кітабын кітапханаға табыстады.Автордың бұл шығармасы – социализм сүргінін бастан кешірген, жетімдік көріп өскен, Ұлы Отан соғысында ерен ерлік көрсеткен, адал да абыройлы ғұмыр кешкен, КСРО банк жүйесінің үздігі, жүгіруден Қазақстан спорт шебері, республика чемпионы Әлжапар Мұстафаұлы Мұсаев туралы деректі роман.Романдағы барлық оқиғалар мен әңгімелер, деректер — кейіпкердің өз басынан өткерген өмір шырғалаңы, қуанышы мен қиындығы екенін еске саламыз.

“Кітап - Amanat”: бір айда - бір кітап акциясы өтті

<a href="https://kyzylorda-news.kz/">Kyzylorda-news.kz</a>&nbsp; Бүгінде 103 жастағы Ұлы Отан соғысының ардагері Яхия Тасыров күнделікті Тереңөзек кентінің көшелерінде жаяу жүруді әдетке айналдырған. Күніне 2 шақырым қашықтыққа жаяу жүретін майдангер саламатты өмір салтын берік ұстанады.Ұлы Жеңістің 80 жылдығы аясында Сырдария аудандық ауруханасының бас дәрігері Жалғасбек Үсенов бастаған медицина мамандары қарт майдангердің үйіне арнайы барып, денсаулық жағдайын тексерді. Сала мамандарының қатарында дәрігер Айжан Ибраева, емхананың «Жалпы тәжірибелік» бөлімінің аға мейірбикесі Гүлзада Мырзабекова, ем-шара кабинетінің мейірбикесі Ақмоншақ Садақбаева бар. Сонымен қатар ізгілігі мол іске аудандық қоғамдық даму бөлімінің бас маманы Сәуле Сыздықова мен БАҚ өкілдері куә болды.<img src="https://knadmin.beoblood.kz/uploads/1_Majdangerge_mediczinaly_k_mek_k_rsetildi_e043109da5.jpg" alt="1 Майдангерге медициналық көмек көрсетілді.jpg">Ең алдымен, дәрігер Айжан Ибраева майдангердің қан қысымын өлшеп, денсаулық жағдайын жіті тексерді. Ал мейірбикелер қазыналы қарттан қан алып, саламатты өмір салтын ұстануға қатысты кеңес берді.<blockquote>– Майдан даласында зұлмат соғыстың бел ортасынан табылып, жаудың бетін қайтара білдік. Соғыс жылдары небір тауқыметті күндерді бастан өткеріп, елді, жерді қорғауға күш салдық. Кеудемізді оққа тосқанда тек жауға қарсы тұруды ойладық. Сырдария аудандық ауруханасының ұжымына дән ризамын. Бүгін шаңырағыма келіп, денсаулығымды тексеріп, жағдайымды жан-жақты бағдарлауда. Ақ халатты абзал жандарға ақ батамды беремін, – деді майдангер.</blockquote>Ұлы Отан соғысының ардагері Яхия Тасыров 1922 жылы Тереңөзек ауданының бұрынғы Ақтүйе (қазіргі Қараөзек) елді мекенінде дүниеге келген. Майданнан 1945 жылы аман-сау елге оралып, еңбекке араласқан. Ардагер ерен ерлігі үшін «Қызыл жұлдыз» орденімен, «Ұлы Отан соғысы» І-ІІ дәрежелі орденімен, «Ерлігі үшін», «Германияны жеңгені үшін» медальдарымен марапатталған.<blockquote>– Майдангер, жеңісті күндерді жақындатқан Яхия Тасыров атамыз аудандық емханаға қарасты №20 аймақтың емделушісі саналады. Қазіргі уақытта дәрігерлер тарапынан қазыналы қарттың денсаулығын жақсартуға байланысты ем-шара жүргізіліп тұрады. Дәрігерлер ұдайы үйіне келіп, майдангерге медициналық қызметтің бірнеше түрін көрсететін болады, – деді бас дәрігер.</blockquote>

Майдангерге медициналық көмек көрсетілді

<a href="https://kyzylorda-news.kz/">Kyzylorda-news.kz</a> &nbsp;Дамыған дәуірде қарышты қоғамға ілесе алатын ұрпақ тәрбиелеу – бүгінгі күннің басты талабы. Өйткені ұлттық тәрбиеден нәр алып, жан-жақты жетілген бала биік дәрежені бағындыруға талпынады. Осы мақсатты межелеуге мол мүмкіндік сыйлайтын «Сыр жұлдыздары» балалар мен жасөспірімдерге арналған шығармашылық-инновациялық академиясының балаларды дамытуға қосар үлесі зор.Нысанда бассейн, топтық жаттығу бөлмесі, көркем гимнастика және фитнес залы бар. Сондай-ақ үстел ойындарына арналған кабинет, жекпе-жек, үстел теннисі залдары, киім ауыстыру бөлмелері қарастырылған. Көркемдік-эстетикалық бағытта кескіндеме, сурет салу, резин арт бөлмесі, балалар шығармашылығы шеберханасы, сәндік-қолданбалы өнер, FabLab, дыбыс жазу студиясы, робототехника және жасанды интеллект, биотехнология, 3D модельдеу, КИП және автоматтандыру, киберспорт және математика кабинеттері жұмыс істейді.Заманауи академия күніне 3000 оқушыға қызмет көрсетеді. Мұнда жәй ғана қызмет көрсету емес, өскелең ұрпақты жан-жақты дамыту және тәрбиелеудің маңызы мен рөлі тереңірек қарастырылады. Атап айтқанда, интеллектуалдық дағдыны қалыптастыру бағытында оқушылардың логикалық ойлауын дамыту, спорт пен өнерге баулу, шығармашылық қабілетін шыңдау арқылы баланың өресін кеңейтуге күш салса, жекелеген жаттығулар мен үйірмелер рухани бай болуға үндейді. Яғни, жаңа академияны ауқымды жұмысы арқылы жеткіншек жақсы жетістіктерге жол аша алады.

Жаңа академияның жұмысы ауқымды

<a href="https://kyzylorda-news.kz/">Kyzylorda-news.kz</a> Қалам мен қағазды серік етіп, журналистік жолда шыңдалған Балтабайдың ақындығы барын көпшілік біледі, жазушылық қыры мен қабілетінен де оқырман хабардар. Көркем әдебиет жанрын жанына серік етіп, өмірде көрген, білген, естіген әңгімесіне қиял қосып қуаттап, сюжетін келтіріп жазу қалам ұстағанның бәрінің қолынан келе бермейді. Әріптесіміз, Қазақстан Журналистер одағының мүшесі Балтабай Аябекұлы өзінің тырнақалды туындысын жарыққа шығарды. «Руханият орталығында» «Әке – қорғаным» атты кітаптың тұсаукесер салтанаты өтті.Өзі жақсы адамның жанына ізгі жақсы жолдас болмақ. Өзі көпшіл Балтабайдың сыйласатын ортасы да көп екенін кешегі кеш дәлелдеп бергендей. Руханият ордасына айналған орталықтың залына лық толған оқырман жаңа кітапты қолға алып, парақтауға асыққаны аян.Салтанатты іс-шараға аудандық арда­герлер кеңесінің төрағасы Мұса Келдібаев, облыстық мәслихат депутаты Жұмабек Ембергенов, «Сыр медиа» ЖШС бас директоры Марат Аралбаев, республикалық «Халық» газетінің бас редакторы Нұржан Әбжанұлы, аудандық редакция ұжымы мен ардагерлері, зиялы қауым өкілдері мен әріптесіміздің жақын-жуық, туған-туысы, анасы арнайы қатысты.<img src="https://knadmin.beoblood.kz/uploads/5_2e4f67f2b7.jpeg" alt="5.jpeg">Жаңа кітаптың тұсаукесері әке мен бала арасындағы салмақты, мазмұнды әңгімеге, өсиетке негізделген прологпен бастау алды. Туындының тұсаукесерін Қазақстан Жазушылар және Журналистер одағының мүшесі Ақтөре Ибрагимұлы жүргізіп отырды.<blockquote>– Ата-бабаларымыз «Жақсылықты бөліссең көбейеді, қайғыны бөліссең азая­ды» деп бекер айтпаған. Біз бірліктің ақ туын биік ұстап, ынтымақтың ырысты жолымен қай кезде де жақсылыққа болысып, игі істерге ұмтылған, жұдырықтай жұмылған, ал сынақ келсе бірге еңсеріп, қайғы келсе қатар көтерген текті ұлттың ұрпағымыз. Осы ретте жастайынан жақ­сыларға жанасып, жаратылысынан жанашырлықты жанына серік еткен, әкенің тәлімімен, ананың тәрбиесімен ізгі азамат болып қалыптасып, бүгінде еңбекке араласып, елге жақсы қырынан танылып жүрген қаламдас бауырымыз, Қазақстан Журналистер одағының мүшесі, Сырдария аудандық «Тіршілік тынысы» газеті бас редакторының орынбасары, «Өрлеу» жастар сыйлығының иегері Балтабай ініміздің орны бөлек. Ізетті ініміздің бағындырған әр биігіне қуанамыз, талабы мен талантын ұштап, сәттілік тілейміз. Ал былтыр ардақты әкесі Аябек ағамыз келместің кемесіне мініп кете барғанда қатар тұрып егіліп, бір отбасына ғана емес бүтін бір әулетке, қаумалаған ағайынға ортақ қайғыны жүрекпен қабылдағанбыз. Бәріне уақыт емші екен... Міне, бір жылға жуық уақыт өткенде әке өсиетінен, ана өнегесінен нәр алған бауырымыз «Әке – қорғаным» атты кітабын шығарып, жаңа туынды оқырман қауымға жол тартқалы тұр, – деді Ақтөре Ибрагимұлы.</blockquote>Одан кейін кезек «Әке – қорғаным» атты кітаптың тұсауын кесу, лентасын қию рәсіміне берілді. Ақ ниетті, ақ тілеулес жандар жаңа кітаптың тұсауын кесіп, оқырманның олжасына айна­луын тілек етті. Ақ тілегін арнау үшін сөз кезегі аудандық ардагерлер кеңесінің төрағасы Мұса Алпысбайұлына берілді.<blockquote>– Бүгін мәні мен мағынасы жарасқан, тағылымы мол іс-шараға куә болып отырмыз. Жаңа өздеріңіз көрініске куә болдыңыздар. Әкеге махаббат деген осындай болса керек. Мен Балтабайдың әкесін, оның ар жағында аталарын, арғы тарихты білемін. Аталары атақты адамдар болған. Сонау заманнан Қазақ көшесінде тұрды. Бүгін сол қарашаңырақтың түтінін Балтабай ұлымыз түтетіп отыр. Әкелері, аталары қандай жақсы адамдар еді! Балтабай да сол ізгілердің тұяғы. Әрдайым жолың ашық болсын. Тағылымды туынды көпшіліктің сүйікті кітабына айналсын. Әсіресе әкеге деген махаббатың, сый-құрметің кейінгі буынға үлгі болмақ. Құтты, оң болсын!, – деді Мұса Келдібаев.</blockquote>Одан кейін ақ тілектер мен ізгі лебіздерді «Сыр медиа» ЖШС бас директоры Марат Жайылханұлы, об­лыстық мәслихат депутаты Жұмабек Әшімұлы, мәдениет саласының үздігі Жантемір Айсин, ардагер-журналист Шаһарбек Нұрсейіт, қоғамдық кеңес төрағасы Марат Еспенбетов, Қорқыт ата атындағы университеттің аға оқытушысы Аякөз Әбдіразақова, «Халық» газетінің бас редакторы Нұржан Әбжанұлы, меценат Мақсұт Әбдіғаппарұлы, ардагер-ұстаз Ұлмекен Жанәлиева жалғастырды. Одан кейін ағайын-туыстары мен әкесінің көзін көрген жандар тілектер легін жалғады.Жаңа туынды «Әке – қорғаным» деп аталып, оған әңгімелер, мақа­лалар мен мөлтек сырлар, қысқа әңгімелер енгізілген. Жас қаламгердің тырнақалды әңгімелері көбіне өмірден алынған. Кітап материалдары «Тіршілік тынысы» газетінің редакциясында теріліп, беттеліп, «ЖК Сыр медиа» бас­па­ханасынан басылып шыққан. Төл туындының алғысөзін Қазақстан Журналистер одағының мүшесі, ардагер-журналист Сәуле Ерімбет, Қазақстан Журналистер одағының мүшесі, халықаралық «Қазақ тілі қоғамы» Сырдария аудандық филиалының төрағасы Шаһарбек Нұрсейіт, Қорқыт ата атындағы Қызылорда университетінің аға оқытушысы, автордың ұстазы Аягөз Әбдіразақова және Қазақстан Жазушылар және Журналистер одағының мүшесі Ақтөре Ибрагимұлы жазып, жас жазушыға сәт-сапар тілеген. Кітап 5 бөлімнен тұрады. «Дала дүбірі», «Сезім сиқыры», «Перзенттік парыз», «Ең қысқа әңгімелер», «Өмір иірімдері» секілді тың тақырыптарды арқау еткен бөлімдерге автор өмірден алынған әңгімелерін топтастырады. Кітаптың техникалық редакторы – Ердос Сәрсенбекұлы.&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;<img src="https://knadmin.beoblood.kz/uploads/6_63edc0a364.jpeg" alt="6.jpeg"> &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;<a href="https://tirshilik-tynysy.kz/uploads/posts/2025-07/1752903700_63bdfd55-3f1b-4934-88a7-1c3ccf389373.jpeg"><img src="https://tirshilik-tynysy.kz/uploads/posts/2025-07/medium/1752903700_63bdfd55-3f1b-4934-88a7-1c3ccf389373.jpeg" alt=""></a>&nbsp; &nbsp;<blockquote>– Кітапқа тақырып таңдарда ұзақ ойландым. Осыған дейінгі уақытта талай ұстаздың алдынан өтсем де, нағыз өмірдегі ұстазым әкем екен. Барлық өмірдің парқын түсіндіріп кеткен әкенің орнын ешкім баса алмасы анық. Кез келген бастамаға қолдау көрсетіп отыратын жанашыр жанның алыстап кете барғаны өкінішті. Бұл – кітап жалпы оқырман үшін арналған. Өмірден теперіш көрген жандардың ғұмыры суреттеледі. Лирикалық әңгімелерді оқып, өзгеше хикаяларға қанығасыз. Сонымен қатар жазық даладағы небір тосын оқиға оқырманға жол тартады. «Ең қысқа әңгіме» бөлімінде айтатын ойымызды қысқа ғана қайырамыз. Ата-ана алдындағы перзенттік парызымызды арнайы бөлім арқылы жеткіземіз. Сонымен қатар «Бітер істің басына, жақсы келер қасына» демекші, кітаптың шығуына демеушілік көрсеткен меценат, белгілі кәсіпкер Әбілдаев Мақсұт Әбдіғаппарұлына шынайы алғысымды білдіремін, – дейді кітап авторы Балтабай Аябекұлы.</blockquote>Салтанатты іс-шара барысында аудан өнерпаздары әншашуын ұсынды. Жаңа кітапты оқуға асығып келген ойлы оқырманға сиясы кеппеген кітап үлестірілді. Кітаптың шығуына атсалысқан азаматтарға Аябеков­тер әулетінің атынан сый-құрмет көр­сетілді. Бала үшін әкеден асқан ұлы тұлға жоқ. Тұсаукесер рәсімімен бірге Аябек Ордабекұлының рухына Құран бағышталды. <img src="https://knadmin.beoblood.kz/uploads/7_373b3acb89.jpeg" alt="7.jpeg">Аружан МҰХАНБЕТҚАЛИ

Ойлы оқырман олжасына жаңа кітап жарыққа шықты

<a href="https://kyzylorda-news.kz/">Kyzylorda-news.kz</a> «Мерейлі отбасы – 2025» ұлттық байқауының аудандық кезеңінің жеңімпаздарын марапаттау рәсімі өтті.Жалағаш ауданы әкімінің орынбасары Ғани Сүлейменов ұлттық құндылықтарды дәріптеген байқауға белсене қатысқан барлық отбасыларға шынайы алғысын білдіріп, байқау жеңімпаздарын марапаттады.&nbsp;«Біз – отбасын мемлекеттің тірегі деп білетін халықпыз. Бұл байқау ұлттық тәрбие мен рухани құндылықтарды дәріптейтін маңызды шара. Қатысушыларға алғысымды білдіре отырып, әр шаңыраққа амандық, береке тілеймін», – деді Ғани Сүлейменов.отбасылар арнайы номинациялармен марапатталды:&nbsp;Байқау қорытындысы бойынша «Парасатты отбасы» номинациясымен Бұқарбай батыр ауылының Кеңесбаевтар отбасы, «Ұлағатты отбасы» номинациясымен Аламесек ауылынан Оспановтар отбасы, «Өнегелі отбасы»номинациясымен &nbsp;Мәдениет ауылынан Дәулетбаевтар отбасы, «Үлгілі жас отбасы» номинациясымен &nbsp;Мырзабай ахун ауылынан Баймахановтар отбасы марапатталды.&nbsp;Жүлделі III орынға – Ақсу ауылынан Барпаяқовтар отбасы, II орынға – Таң ауылынан Жанібековтер отбасы, I орынға – Жаңадария ауылынан Еркінбаевтар отбасы ие болса, Бас жүлдеге Аққұм ауылынан Көшекбаевтар отбасы лайық деп танылдыАйта кетейік, биыл ауданда осымен он бірінші рет ұйымдастырылған байқауға 31 отбасы ниет білдіріп, конкурс талаптарына сай 8 әулет қатысуға жолдама алды.&nbsp;Комиссия шешімімен үздік деп танылған 2 отбасының құжаттары облыстық кезеңге ұсынылды.&nbsp;Өткен жылғы байқауда облыстық кезеңнің жеңімпазы – Мақпалкөл ауылдық округінен Бектаевтар әулеті республикалық кезеңде де топ жарып, лауреат атанған болатын.Фото: Жалағаш ауданы әкімінің баспасөз қызметі

Жалағаш: Мерейлі отбасы сайысының аудандық кезеңі қорытындыланды

<a href="https://kyzylorda-news.kz/">Kyzylorda-news.kz</a> Қызылорда қаласының астана болғанына 100 жыл толуына орай ұйымдастырылған «Тарихтың таңбасы, рухтың ордасы – Қызылордам» атты облыстық өнер байқауында Қармақшы ауданы жүлделі І орынды иеленген болатын.Осыған орай, Қармақшы ауданы әкімдігінде аудан әкімі Жандос Еркінбектің қатысуымен байқауға қатысқан мәдениет және өнер саласының қызметкерлерін арнайы қабылдау рәсімі өтті.<blockquote>«Қызылорда қаласының астана болғанына 100 жыл толуына орай жоғары деңгейде ұйымдастырылған «Тарихтың таңбасы, рухтың ордасы – Қызылордам» атты облыстық өнер байқауы өткен болатын. Осы мерекелік кеште аудандар арасында топ жарып, киелі Қармақшы ауданының өнер ұжымдары жоғары дайындық пен кәсіби шеберліктің нәтижесінде жүлделі І орынды иеленіп, аудан мерейін асқақтаттыңыздар! Бұл жетістік – Қармақшы ауданының өнер мен мәдениет саласындағы, яғни, өздеріңіздің бірлесе жасаған жүйелі жұмыстың жемісі! Сонымен қатар, мерекелік бағдарламада ауданымыздың мерейін асқақтатып, ел алғысын алып жүрген ақтангер айтыскер Серік Ыдырысов, Нұржан Шөмекей секілді тұлғаларымыздың атсалысуы да рухани кештің жоғары деңгейде өтуіне серпін болды. Алдағы уақытта да Қармақшы ауданы алдыңғы қатардан көріне беруіне тілектеспін», – деді аудан әкімі.</blockquote>Шара барысында аудан басшысы өнер майталмандарына аудан абыройын асқақтатқан еңбектері үшін ризашылығын білдіріп, аудан әкімінің атынан алғыс хаттар табысталды.Сонымен қатар, аудандық «Әжелер ансамблі» ұлттық әндер шырқап, салтанатты қабылдауға ерекше рухани кеш сыйлады.Кездесуде аудандық ардагерлер кеңесінің төрағасы Асқар Мереков, қоғамдық кеңес төрағасы Әбдірахман Құлдүйсенов және алғыс хат иелері сөз сөйлеп, байқаудың жоғары деңгейде өтуіне атсалысқан мамандарға алғыстарын білдірді.Аудан әкімі шығармашылық ұжымның еңбегі жастарға үлгі екенін атап өтіп, мәдениет саласын дамыту бағытындағы қолдау жалғаса беретінін жеткізді.Фото: Қармақшы ауданы

Мәдениет және өнер саласының қызметкерлеріне құрмет көрсетілді

<a href="https://kyzylorda-news.kz/">Kyzylorda-news.kz</a>&nbsp; 9-13 шілде аралығында Қазақстан астанасы Орталық Азиядағы ең ірі поп-мәдениет орталығы екенін тағы бір мәрте дәлелдеді. Comic Con Astana-2025 фестивалі рекордтық көрсеткіштерге қол жеткізіп, Қазақстанның жаһандық креативті индустрияға табысты түрде қадам басып жатқанын көрсетті.Фестиваль Астана қаласы әкімдігінің&nbsp;және «Astana Tourism» туризмді дамыту орталығының&nbsp;қолдауымен өтті. Биылғы фестивальдің ерекшелігі – конвент алғаш рет бірден екі ауқымды алаңда: «Астана Арена» мен «Барыс Аренада» қатар ұйымдастырылды. Бұл шешім шара ауқымын айтарлықтай кеңейтіп, келушілерге ерекше әсер мен жайлы жағдай ұсынуға мүмкіндік берді.Жаңартылған мәліметтерге сәйкес, Comic Con Astana фестиваліне 75 000-нан астам бірегей келуші тіркеліп, жалпы қатысулар саны 120 000-нан асты. Бес күнге созылған шара барысында көрермендер саны күн сайын артып отырды: бірінші күні – 13,5 мың, екінші күні – 15,5 мың, үшінші күні – 14,5 мың, төртінші күні – 19,5 мың және соңғы күні – 12,2 мың адам келді.Фестивальге 10 000-нан астам шетелдік қонақ қатысып, олардың келу географиясы 36 елді қамтыды. Олардың қатарында АҚШ, Канада, Франция, Германия, Қытай, Оңтүстік Корея, Түркия, Тайланд, Ресей, Беларусь, Өзбекстан, Қырғызстан, Әзербайжан, Грузия, Молдова, Оман және тағы басқа елдер бар.2019 жылы негізі қаланған Comic Con Astana аз уақыт ішінде Орталық Азиядағы ең ірі гик және поп-мәдениет фестиваліне айналып, әлемнің түкпір-түкпірінен келген жанкүйерлер мен креаторларды бір алаңда тоғыстырды.Comic Con Astana жыл сайын қонақтар саны, халықаралық жұлдыздар және экономикалық әсері бойынша өсіп келеді. Туристің қалада бір күндік орташа шығыны 118 мың теңгені құрайды, ал олардың орташа сапар ұзақтығы – 3 күн. Осылайша, шетелдік қонақтардың келуі есебінен елорда мен жалпы ел экономикасына күтілетін мультипликативтік әсері 3,5 миллиард теңгеден асады. Бұл мұндай ауқымды шаралардың Қазақстанның мәдени және экономикалық дамуына үлкен үлес қосатынын көрсетеді.Comic Con Astana-2025 фестивалінің басты хедлайнерлері қатарында Энди Серкис («Сақиналар әміршісі», «Маймылдар планетасы», «Бэтмен»), Эсай Моралес («Озарк», «Миссия невыполнима»), Скотт Эдкинс («Неоспоримый» фильмдерінің жалғасы, «Доктор Стрэндж») бар.Арнайы шақырылған қонақтар қатарында «Бумажный дом» сериалын түсірген режиссёр Мигель Анхель Вивас, «Гойя» марапатының бес бірдей салтанатты рәсімін ұйымдастырған продюсер Эмилио А. Пина, танымал видеоблогерлер Marmok, Qewbite, Настя Джексон, Антон Милс және әлемге әйгілі косплей шеберлері Яя Хан мен Cinderys және басқа да көптеген жұлдыздар бар.Фестиваль аясында Қазақстан мен Испанияның алғашқы бірлескен халықаралық жобасы – «Бітім» (La Tregua) фильмінің таныстырылымы өтті. Бұл жоба Netflix секілді жаһандық стриминг платформасына және халықаралық прокатқа арналған.Авторлар аллеясында және жәрмеңке аймағында 150-ден астам қазақстандық суретші мен қолөнерші өз жұмыстарын ұсынды. Олар – түрлі жанрларда еңбек ететін жас таланттар. ComicCon Astana жас суретшілер, комикс авторлары, аниматорлар, дизайнерлер мен ойын әзірлеушілер үшін үлкен мүмкіндіктерге жол ашатын платформа ретінде өзін дәлелдеді, себебі олар осы жерде өз аудиториясын, серіктестерін және инвесторларын таба алады.<img src="https://knadmin.beoblood.kz/uploads/Comic_Con_Astana_2025_festivaline_kelgen_ona_tar_sany_rekord_ornatty_1_54a685dbe1.jpg" alt="ComicCon Astana-2025 фестиваліне келген қонақтар саны рекорд орнатты 1.jpg">Фестиваль бағдарламасы да мазмұнды болды. Қонақтар жұлдыздармен автограф-сессияларғажәне Q&amp;A кездесулеріне, гик-жәрмеңкелер мен мерч-зоналарға, шеберлік сағаттарына, азиялық поп-мәдениет аймағына, гейм-аймаққа, сондай-ақ жүздеген фан-активті шараларға қатыса алды. Басты сахнада шамамен 200 дарынды косплеер қатысқан халықаралық байқау өтті. Жүлде қоры – 15 миллион теңге. Бұл ComicCon Astana фестивалінің ТМД кеңістігіндегі ең ірі косплей алаңдарының бірі екенін тағы да дәлелдеді.Жалпы, астаналық ComicCon аймақтық деңгейде эталонға айналып, Орталық Азия мен ТМД аумағындағы халықаралық студиялар үшін басты жобаларын таныстыру алаңы ретінде танылды.Фестиваль продюсерлері – Бексұлтан Абдрахманов пен Наталья Абрашкина&nbsp;осылайша, Астана әлемдік деңгейдегі іс-шараларды қабылдап, жоғары деңгейде ұйымдастыра алатын заманауи әрі серпінді мегаполис ретінде өз орнын нығайта түскенін айтады. Бұл қаланың халықаралық мәдени және іскерлік ареналардағы мәртебесін едәуір арттырып отыр.Comic Con Astana – бұл тек аймақтағы ең ірі гик-фестиваль ғана емес, сонымен қатар туризм мен қалалық бизнесті дамыту құралы,қазіргі жастар мәдениетін кең аудиторияға танытудың тәсілі, әрі әртүрлі ұрпақтарды біріктіретін көпір.Фестивальдің бас продюсері Наталья Абрашкина тарқатқандай,&nbsp;Comic Con-ға көбінесе отбасымен келеді.&nbsp;Бұл – ата-аналарға балаларының қызығушылықтарын түсініп, сол мәдениетті бірге сезінуге мүмкіндік береді.<blockquote>«Біздің фестиваль – &nbsp;жастар мәдениетін көпшілікке таныстырудың жолы. Сонымен қатар, жас авторлар мен креаторларға өзін көрсетуге мүмкіндік алаңы. Ата-аналар үшін бұл – балалардың нені ұнататынын көрудің, олардың қызығушылықтарымен ортақтасудың жолы», &nbsp;– деді ол.</blockquote>Алдын ала бағалау бойынша, Comic Con Astana-2025 фестивалінің жалпы медиалық қамтуы 200 миллион адамнан асты. Бұл Астананың Еуразиядағы креативті астана ретіндегі беделін тағы бір мәрте дәлелдеді. Қала поп-мәдениет жанкүйерлері үшін әлемдік тартылыс орталығына айналып келеді.

Comic Con Astana-2025 фестиваліне келген қонақтар саны рекорд орнатты

<a href="https://kyzylorda-news.kz/">Kyzylorda-news.kz</a> XXXIV Халықаралық «Витебск-2025» эстрадалық ән орындаушылары байқауында Гран-при жүлдесі қазақстандық Алмагүл Батталиеваға бұйырды, деп хабарлайды <a href="https://kaz.inform.kz/news/kazakstandik-ansh-slavyan-bazari-baykauinda-gran-pri-ielend-ce2306/">Қазақпарат</a> <a href="https://belta.by/culture/view/gran-pri-konkursa-ispolnitelej-slavjanskogo-bazara-zavoevala-pevitsa-iz-kazahstana-almagul-battalieva-726204-2025/">БЕЛТА</a> сайтына сілтеме жасап.Витебск қаласында өткен «Славян базары» халықаралық фестивалінің жас орындаушыларға арналған беделді байқауында қазақстандық әнші Алмагүл Батталиева жеңіске жетіп, Гран-при иегері атанды. Екі күнге созылған байқау қорытындысы бойынша ол 137 ұпай жинады. Финалда әнші жүрек тебірентерлік «Вечность» әнін орындап, көрермендердің қошеметіне және қазылар алқасының жоғары бағасына ие болды.Бірінші орын беларусиялық Валерия Бернатовичке бұйырса, екінші орынды Армениядан Давид Киракосян мен Италиядан Доменико Барбера бөлісті. Ал үшінші орынды ресейлік Эрик Ахметов пен қырғызстандық Рыскелді Сарбеков иеленді.<img class="image_resized" style="width:100%;" src="https://knadmin.beoblood.kz/uploads/aza_standy_nshi_2_ec19c77e2d.jpg" alt="Қазақстандық әнші 2.jpg">Фото: БЕЛТА

Қазақстандық әнші «Славян базары» байқауында Гран-при иеленді

<a href="https://kyzylorda-news.kz/">Kyzylorda-news.kz</a> Гик-мәдениет фестивалі аясында «Аниме дубляжы: қазақша даббинг» атты шеберлік сабағы өтті. Іс-шараны Anidybys дубляж студиясы блогер DickThor-пен бірлесіп ұйымдастырды.Іс-шара қазақ тілінде өтті және дубляжға, аниме локализациясына қызығатын жастарды, шығармашылық мамандықтар бойынша білім алып жатқан студенттерді, сондай-ақ болашақ дубляж актерлерін жинады.Ұйымдастырушылардың айтуынша, шеберлік сағатына жоғары қызығушылық қазақтілді дубляжға деген сұраныстың артқанын және бұл бағыттың жастар арасында өзекті екенін көрсетті. Қатысушылар кәсіби кеңестер тыңдап қана қоймай, дубляж актері рөлін өздері сынап көру мүмкіндігіне ие болды.Шеберлік сабағы аясында сөз сөйлеген Anidybys студиясының негізін қалаушы, киноның дыбыс режиссері, дубляж режиссері және актері Диас Балаби дубляж жасау үдерісі, кадр сыртындағы және синхронды дыбыстау айырмашылықтары, сондай-ақ анимені қазақ тіліне бейімдеу ерекшеліктері туралы жан-жақты айтып берді. Сонымен қатар, қатысушыларға тәжірибелік сабақ өткізді.«Біз анимені жай ғана дубляждамаймыз, біз қазақ тілді медиамазмұнды жасаймыз. Қазақ тілі заманауи, жастарға жақын контексте естілуі тиіс. Аниме – осы бағыттағы тамаша мүмкіндік. Мұнда ынталы, талантты жастардың көп болғанына қуаныштымын», – деді Диас Балаби.Comic Con Astana–2025 13 шілдеге дейін Қазақстан астанасында жалғасады.Бағдарламадағы дәстүрлі элементтердің бірі – &nbsp;жалпы жүлде қоры 15 миллион теңгені құрайтын халықаралық косплей байқауы. Қазылар алқасының құрамында: Яя Хан (АҚШ), Cinderys (Франция), RanHime (Қырғызстан), FrauHaku (Ресей), Ainaven Elf! (Қазақстан), Danik (Қазақстан), MiddayofSiberia (Ресей) және басқалар бар.Фестивальдің басты хедлайнерлері - голливудтық актерлер Энди Серкис, Эсай Моралес және Скотт Эдкинс. Арнайы шақырылған қонақтардың қатарында&nbsp;Marmok, Qewbite, Антон Милс, Johan, EugeneSagaz, Настя Джексон және Metal Family бар.

Comic Con Astana-2025 фестивалінде анимені қазақ тіліне дубляждау мәселесі талқыланды

<a href="https://kyzylorda-news.kz/">Kyzylorda-news.kz</a>&nbsp; Орталық Азияның ең ірі поп-мәдениет шарасына әлемнің түрлі елдерінен келген мыңдаған жан күйер бас қосады.Бүгін Қазақстан астанасында Comic Con Astana-2025 — ТМД мен Орталық Азиядағы ең ірі поп-мәдениет фестивалі басталды. Биылғы іс-шара 9-13 шілде аралығындаөтедіжәне 75 000-нан астамкелуші, оның ішінде кем дегенде 10 000 шетелдік турист келеді деп күтілуде.Comic Con Astana комикс, кино, ойын және поп-мәдениетті сүйетіндер үшін креативті индустрияның маңызды оқиғасы және Орталық Азиядағы ең ірі және ең танымал гик-фестиваль ретінде танылды.Фестивальгеөз елімізбен қатар, шет мемлекеттерден де үлкен аудитория келеді. Бұл шара туристік дестинацияны дамытып,Нью-Йорк, Сан-Диего және Дубайдағы Comic Con фестивальдері сияқты ауқымды іс-шаралардың орталығы ретінде Астананың имиджін нығайтады.Comic Con Astana-2025 Астана әкімдігі мен «Astana Tourism» туризмді дамыту орталығының қолдауымен бірден екі ауқымды алаңда өтеді:&nbsp;«Барыс Арена»&nbsp;—шоубағдарламаның орталығы, мұнда халықаралық косплей байқауы өтеді, қолтаңба-сессиялары, Q&amp;A және хэдлайнерлермен кездесулерөтетін басты сахна орналасқан.&nbsp;«Астана Арена»—тақырыптық стендтер, брендтелген инсталляциялар, шағын сахна, ойын аймағы және Pop Asia бар үлкен көрме аймағы.Биылғы фестивальге бірден үш Голливуд жұлдызы қатысады.Энди Серкис —&nbsp;британдық актер және режиссер, motion capture новаторы («Сақиналар әміршісі»,«Маймылдар планетасы», «Жұлдызды соғыстар»,Эсай Моралес–40 жыл бойы киноға түсіп жүрген Голливуд жұлдызы («Озарк», «Титандар», «Орындалмайтын миссия», «Ла Бамба»).Скотт Эдкинс– актер және жекпе-жек шебері («Неоспоримый» фильмдер сериясы, «Джон Уик 4», «Доктор Стрэндж», «Ип Ман 4»).Барлық хэдлайнерлер қолтаңба сессияларын, Q&amp;A сессияларын өткізеді және баспасөз конференцияларына қатысады.Фестивальде әлемдік прокат және Netflix жаһандық стримингтік сервисі үшін түсірілген Қазақстан мен Испанияның алғашқы бірлескен туындысы «Перемирие» ((La Tregua)&nbsp;фильмінің тұсаукесері өтеді. Фильм Карлагтың қайғылы оқиғалары туралы баяндайды. Comic Con Astana-ға фильмнің режиссері Мигель Анхель Вивас(«Қағаз үй») және продюсері Эмилио А.Пина (Premios Goya) келеді.Бағдарламаның дәстүрлі элементі жүлде қоры 15 миллион теңгені құрайтын халықаралық косплей байқауы болады. Қазылар алқасының құрамындаЯя Хан (АҚШ), Cinderys (Франция), Ran Hime (Қырғызстан), Frau Haku (Ресей), Ainaven Elf! (Қазақстан), Danik (Қазақстан), Midday of Siberia (Ресей) және т.б. бар.Фестивальдің арнайы қонақтары —Marmok, Qewbite, Антон Милс, Johan, Eugene Sagaz, Настя Джексон, Big Gleb, Metal Familyавторлары және басқа да жұлдыздар.Сондай-ақ, іс-шара барысында «файтинг»жанрындағы Tekken 8 компьютерлік ойынынан TEKKEN World Tour 2025&nbsp;халықаралық турнирінің ресми кезеңі өтеді. 90-нан астам ойыншы рейтингтік ұпайлар мен 400 000 теңге жүлде қоры үшін жарысады.<blockquote>«Comic Con Astana–бұл адамдар, жаңа кездесулер және шығармашылық энергиясы. Жыл сайын фестиваль дамып, бүкіл әлем үшін ашылып жатыр: жаңа аймақтар мен форматтар пайда болуда, әлемдік деңгейдегі жұлдыздар келеді, әртүрлі елдерден қонақтар Астанаға келіп, қауымдастықтың бір бөлігіне айналуда. Біз үшін барлық қонақтардың осы жерден шабыт алып, пікірлес адамдарды тапқаны өте маңызды.Сонымен қатар, фестиваль — кең аудиторияға заманауи жастар мәдениеті туралы айтудың және ата-аналарды балалардың қызығушылықтарымен таныстырудың тәсілі. Бізге бүкіл отбасы болып,үлкендер жастарды қолдап келгенде, олардың бәрі осы үлкен шоудың бір бөлігіне айналғанда біз ерекше қуаныштымыз», — деп атап өтті фестивальдің бас продюсері Наталья Абрашкина.</blockquote>Фестивальде көптеген тақырыптық аймақтар мен жарқын серіктестік интеграциялар болады, олардың әрқайсысы қонақтарға ерекше тәжірибе береді.Visa — креатив пен өзін ерекше көрсеткісі келетіндерді қолдайтын ComicCon 2025 ресми серіктесі. «Біз билет сатып алудан бастап, косплейге қатысуға дейінгі кішкентай қадамдар үлкен мүмкіндіктер мен шабыттандыратын оқиғаларға жол ашатынына сенімдіміз», — деп атап өтті компания өкілдері.Фестиваль аясында Freedom Bank және Visa төлемжүйесіқонақтарғатақырыптықфотоаймақтар, эксклюзивтікарталар, брендтелген мерч жәнекөптегенжағымдытосынсыйлардайындады. Соныменқатар, халықаралық косплей байқауыаясында Freedom Bank және Visa-данарнайы номинация беріледі.ФестивальгеI'm жылдам қызмет көрсететін мейрамханалар желісі оралады. Биыл фестиваль алаңында алғаш рет дәмін татып көруге болатын френч-дог нағыз гастрономиялық жаңалық болмақ. Сондай-ақ, қонақтарды жарқын кадрлар үшін стильді фото аймақ және жағымды тосын сыйлары бар ұтыс ойыны күтеді.Perfetti Van Melle аты аңызға айналған Chupa Chups брендін ұсынады. Бренд аймағының қонақтарын жарқын фотосуреттерге арналған Chupa Chupsфирмалық стиліндегі керемет инсталляциялар, сонымен қатар барлығына бақыт пен балалық шақтың дәмін еске салатын тосынсыйлар мен сыйлықтар күтеді.

Қазақстан астанасында ComicCon Astana-2025 фестивалі басталды

<a href="https://kyzylorda-news.kz/">Kyzylorda-news.kz</a> Бүгін «Өнер орталығында» «Қазақстан Ұлттық Урбан Форумы 2025 – Қызылорда» халықаралық форумының ашылу рәсімі өтті.Халықаралық форумға ҚР Экология және табиғи ресурстар министрі Ерлан Нысанбаев, ҚР Сыртқы істер министрінің бірінші орынбасары Ақан Рахметуллин, ҚР Өнеркәсіп және құрылыс министрлігі өкілдері, ҚР Парламенті Сенаты мен Мәжілісінің депутаттары, Қазақстандағы Біріккен Ұлттар Ұйымының тұрақты үйлестірушісі Саранго Раднарагча, Біріккен Ұлттар Ұйымының UN-Habitat Ұйымы, Біріккен Ұлттар Ұйымының Қазақстандағы өкілдері, еліміздің барлық өңірінен келген облыс әкімінің орынбасарлары, басқарма басшылары қатысты.<img src="https://knadmin.beoblood.kz/uploads/1_aza_stan_ltty_Urban_forumy_2025_yzylorda_haly_araly_forumyny_ashylu_r_simi_tti_6ca89a8a57.jpg" alt="1 «Қазақстан Ұлттық Урбан форумы 2025 – Қызылорда» халықаралық форумының ашылу рәсімі өтті.jpg">Аймақ басшысы Нұрлыбек Нәлібаев форумға қатысушыларға сәттілік тілеп, аймақта атқарылған ауқымды жұмыстарды атап өтті.«Президентіміз Қасым-Жомарт Кемелұлы «Қазақстан орнықты урбанизация үрдісімен келе жатыр. Тұрғын саны миллионнан асатын қалалар еліміздің жаһандық бәсекелестік қабілетінің тірегі, ал облыс орталықтары өз өңірлері өсімінің өзегі болуға тиіс», – деген болатын.<blockquote>Бүгінгі урбанизация дәуірінде қалаларды тұрақты дамытуда экологиялық тепе-теңдікті сақтау, тұрғындардың өмір сүру сапасын арттыру – басты міндеттердің бірі. Қызылорда – дәстүрлі аграрлы аймақ! Қызылорда – мегаполис болмағанымен, қарқынды урбанизация жолына түскен, өз деңгейінде қалалық инфрақұрылым мен өмір сүру сапасын арттыру, экономиканы әртараптандыру бағытында нақты қадам жасаған қала. Қала халқының үлесі өсіп, өңір тұрғындарының шамамен 50%-ға жуығы облыс орталығында тұрады.Қызылорда облысы Президентіміздің, Үкіметтің ерекше қолдауымен тұрақты даму мақсаттарына сәйкес келетін, нақты стратегияларға, аймағымыздың заманауи келбетін қалыптастыруға бағытталған жүйелі жұмыс жүргізіп келеді. Қазіргі таңда облыс бюджеті 750 млрд. теңгеден асты. Бұл қаражат аймақтағы ең өзекті деген мәселелерді шешуге, тұрғындардың өмір сүру сапасын жақсартуға, ауқымды инфрақұрылымдық жобаларды іске асыруға бағытталуда.Мемлекет басшысының қолдауымен Қызылорда қаласында 215 млрд. теңгеге қуаттылығы 240 МВт жаңа жылу-электр орталығы салынуда. Инвестор «Акса Энерджи» түрік компаниясы 135 млрд. теңгеден астам инвестиция құйып, құрылыстың 80%-ы аяқталды. Орталық қыркүйек айында пайдалануға беріледі. Сонымен қатар, Катармен үкіметаралық келісім негізінде оңтүстік өңірлерде электр энергиясының тапшылығын болдырмау мақсатында қуаттылығы 1100 МВт, құны 892 млрд. теңге болатын бу-газ қондырғысы салынады. Бұл мегажоба 2028 жылы толығымен іске қосылады.Бүгінгі форум – қалаларды тұрғындарға қолайлы, климатқа төзімді, инклюзивті орталықтарға айналдыру жолындағы бірлескен бастамаларымызды нығайтатын алаң. Біз үшін форум – тек талқылау емес, нақты әріптестікке бастайтын жол. Осы жұмыстарды одан әрі жетілдіруге серпін беріп, қалалардың болашағын қалыптастыру жолындағы ортақ мақсаттарға жетуде маңызды қадамдар жасауға ықпал етеді деп сенеміз»,– деді Н.Нәлібаев.</blockquote><img src="https://knadmin.beoblood.kz/uploads/2_aza_stan_ltty_Urban_forumy_2025_yzylorda_haly_araly_forumyny_ashylu_r_simi_tti_4dfaf90986.jpg" alt="2 «Қазақстан Ұлттық Урбан форумы 2025 – Қызылорда» халықаралық форумының ашылу рәсімі өтті.jpg">Сонымен қатар, UN-Habitat атқарушы директоры Анаклаудия Россбахтың бейнехабарламасы көрсетілді.Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары: Мәдениет