<a href="https://batys.info/2020/10/22/zhas-spirimder-ylmysy-azajdy-2/">ФОТО</a><a href="https://kyzylorda-news.kz/">Kyzylorda-news.kz.</a> Биыл 7 айдың ішінде жасөспірімдер жасаған қылмыстардың саны 11 пайызға өскен. Бұл туралы Ішкі істер министрлігінде өткен брифингіде Әкімшілік полиция комитетінің ерекше тапсырмалар жөніндегі аға инспекторы Лейла Әліпбаева айтты.<blockquote>«Соңғы бес жылда жасөспрімдермен жасалған қылмыстардың саны жартылай төмендеген. Дегенмен биылғы 7 айдың қорытындысы бойынша олардың саны 11 пайызға өскен. Көбіне жасөспірімдер ұрлық, қарашылық, тонау қылмыстарын жасайды. Мұндай әрекетке баруға негізгі себеп – ата-аналар тарапынан балаларының мінез-құлқына қатысты тиісті бақылаудың болмауы», - деп деректер келтірді Лейла Әліпбаева ведомствоның баспасөз алаңында өткен брифингіде.</blockquote>Спикердің айтуынша, түнгі уақытта ата-аналардың бақылауынсыз көңіл көтеру орындарында жүретін жасөспірімдер жиі анықталады.

Биыл жасөспірімдер жасаған қылмыс саны 11 пайызға өскен

<a href="https://kyzylorda-news.kz/">Kyzylorda-news.kz.</a> «Ақ босаға» әйелдер қоғамдық бірлестігінің &nbsp;«Көп балалы аналар мен жастардың шешім қабылдауға қатысуын қолдау» жобасы Орталық Азияның Еуразия Қорының Еуропалық Одақ қаржыландыратын «Сіздің дауысыңыз маңызды. Технологиялар арқылы шешім қабылдауға азаматтық қатысу» жобасының демеушілік қолдауымен жүзеге асырылуда. Бұл жобаның мақсаты - Қызылорда өңірінің көп балалы аналары мен жастарын жұмылдырып, азаматтық технологияларды пайдалану арқылы шешім қабылдауға қатысуын &nbsp;күшейту болып табылады.Жобаға қатысушы көп балалы аналар мен жастардың арасында 50 белсенді қатысушылары өз дауыстары арқылы еліміздің шешімдерінің қабылдануына қатыса алады. Олар цифрлық сауаттылығы арқылы өз қауымдастықтарының әлеуметтік мәселелері мен қажеттіліктерін анықтап, үкімет пен билікке жеткізу тетіктерін қолданады. Өздеріне керекті ақпараттарды үйден шықпай-ақ алып отырады. Жұмыссыз жастар алған білімдері арқылы онлайн технология арқылы жұмыспен қамтылуы мүмкіндігі артады. Бүгінгі күні жоба аясында мемлекеттік органдармен, бизнес өкілдерімен, үкіметтік емес ұйымдармен &nbsp;ынтымақтастық орнатылып біріккен іс -шаралар ұйымдастыру тәжірибесі қалыптасты. Көп балалы аналар мен жастар қоғамның белсенді мүшелері ретінде цифрлық технологиялар арқылы өз пікірін жеткізуге мүмкіндік алып отыр.&nbsp;Көп балалы аналар мен жастар қауымдастық мүшелері ашылған телеграмм-бот арқылы «Ашық Үкімет» платформасымен жұмыс жасау әдістерін меңгеріп, заңнамалық актілерді, бюджетті талдауға қатысты мәлімет пен &nbsp;мемлекеттік жеңілдіктер туралы ақпараттарды &nbsp;дер кезінде алып отырады. Е-Өтініш, Е-Салық, Е-Лицензия сияқты платформаларда жұмыс жасауды үйренеді. Жастар мен әйелдер арасында азаматтық технологияларға деген қызығушылық жоғары. Қазақстан үкіметі халықпен диалог жүргізуге жағдай жасады, бірақ мұндай ақпараттық науқандар тұрғындарды ақпараттық сауаттандыру үшін өте қажет. Қолданыстағы азаматтық технологияларды ілгерілетуде ҮЕҰ-ға бүгінде ерекше рөл жүктеліп отыр.&nbsp;«Ақ босаға» қоғамдық бірлестігі 2006 жылдан бастап аймағымыздағы отбасы - демографиялық саясат, әйелдер істері, білім беру саласын дамыту, әлеуметтік саладағы мемлекеттік саясатты жүргізуде көптеген жобалардың бастамашысы және орындаушысы болып табылады.&nbsp; &nbsp;

Қызылордада «Көпбалалы аналар мен жастардың шешім қабылдауға қатысуын қолдау» жобасы жүзеге асырылуда

<a href="https://kyzylorda-news.kz/">Kyzylorda-news.kz.</a> 22-24 тамыз күндері Қазақстанның басым бөлігінде атмосферада жақсы жылынған және тұрақсыз ауа массалары сақталып, жаңбыр жаууына себеп болады, деп хабарлайды «Қазгидромет» РМК.Синоптиктер болжамынша, елдің батысында, солтүстік-батысында және солтүстігінде найзағай жарқылдап, қатты жел соғып, бұршақ және жаңбыр жауады.Республиканың солтүстігінде күндіз ауа температурасы +18...24 градусқа дейін төмендейді. Елдің қалған аумағында температуралық фонда айтарлықтай өзгерістер болмайды.

Қазақстанда алдағы үш күнде жаңбыр жауып, күн суытады

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаевтың Вьетнамға ресми сапары аясында мынадай құжаттарға қол қойылды, деп хабарлайды Ақорданың <a href="https://t.me/aqorda_resmi">баспасөз</a> қызметі.1. Қазақстан Республикасының Үкіметі мен Вьетнам Социалистік Республикасының Үкіметі арасындағы сауда-экономикалық ынтымақтастықты жедел дамыту жөніндегі 2023-2025 жылдарға арналған бірлескен іс-қимылдар жоспары;2. Қазақстан Республикасының Үкіметі мен Вьетнам Социалистік Республикасының Үкіметі арасындағы ұлттық паспорттардың иелерін визалық талаптардан босату туралы келісім;3. Қазақстан Республикасының Мәдениет және спорт министрлігі мен Вьетнам Социалистік Республикасының Мәдениет, спорт және туризм министрлігі арасындағы туризм саласындағы ынтымақтастық туралы меморандум;4. «Сауда саясатын дамыту орталығы» АҚ (QazTrade) мен Вьетнамның сауданы дамытуға жәрдемдесу агенттігі (VietTrade) арасындағы саудаға жәрдемдесу саласындағы ынтымақтастық туралы меморандум;5. Қазақстан Республикасы Сыртқы істер министрлігінің Инвестиция комитеті мен Вьетнам Социалистік Республикасы Сыртқы инвестиция агенттігі арасындағы ынтымақтастық туралы меморандум;6. «Қазпошта» АҚ мен Viet Post корпорация арасындағы электрондық коммерцияны дамыту саласындағы өзара түсіністік туралы меморандум;7.Қазақстан Республикасы Индустрия және инфрақұрылымдық даму министрлігі мен VietJet Aviation арасындағы өзара түсіністік туралы меморандум;8. «ҚазМұнайГаз» ҰK» АҚ мен Sovico Group арасындағы мұнай-газ жобаларына инвестициялар саласындағы ынтымақтастық бойынша өзара түсіністік туралы меморандум;9. «Қазақстан Темір Жолы» ҰК» АҚ мен Sovico Group компаниясы арасындағы транспортық-логистикалық инфрақұрылымды дамыту саласындағы ынтымақтастық жөніндегі өзара түсіністік туралы меморандум;10. Қазақстан Республикасы Сыртқы істер министрлігінің Инвестиция комитеті мен Crystal Bay Tourism Group JSC арасындағы өзара түсіністік туралы меморандум;11 Microtech DFS Vietnam Company Limited пен Vela Corporation арасындағы ынтымақтастық туралы келісім;12. «Хабар» Агенттігі» АҚ мен Vietnam Televesion арасындағы өзара түсіністік туралы меморандум. &nbsp;

Қасым-Жомарт Тоқаевтың Вьетнамға ресми сапары аясында 12 құжатқа қол қойылды

<a href="https://kyzylorda-news.kz/">Kyzylorda-news.kz.</a> Қаржы миниистрлігі келесі жылдың бюджетін жариялады. Құжаттың жобасы алдағы парламент сессиясы ашылғаннан кейін талқыға салынады, деп хабарлайды Sputnik Қазақстан.Бюджетте айыппұлдар, жәрдемақы және тағы басқа әлеуметтік төлемдерді есептеуге арналған базалық көрсеткіштер де бар. Келесі көбісі өзгереді. Ал ең төменгі жалақы биылғы деңгейде қалады.2024 жылға арналған негізгі көрсеткіштер:1. Жалақының ең төмен мөлшерi – 70 000 теңге; 2. Мемлекеттік базалық зейнетақы төлемінің ең төмен мөлшері – 28 215 теңге; 3. Зейнетақының ең төмен мөлшерi – 57 853 теңге; 4. Айлық есептiк көрсеткiш – 3 692 теңге; 5. Базалық әлеуметтiк төлемдердiң мөлшерлерiн есептеу үшiн ең төмен күнкөрiс деңгейiнiң шамасы – 43 407 теңге;Бұдан бөлек, келесі жылдан бастап міндетті әлеуметтік медициналық сақтандыру бойынша мемлекеттік жарналардың көлемі 1,9 процент болады.Бюджет жобасы 2023 жылдың 4 қыркүйегіне дейін қоғамдық талқылауға шығарылып отыр.

2024 жылда ең төменгі жалақы өзгермейді

<a href="https://kyzylorda-news.kz/">Kyzylorda-news.kz.</a> Қазіргі уақытта өмірімізді электрондық цифрлық қолтаңбасыз (ЭЦҚ) елестету қиын, оның көмегімен біз тәуліктің кез келген уақытында және аптаның кез келген күнінде &nbsp;м емлекеттік &nbsp;көрсетілетін &nbsp;қызметтер аламыз, &nbsp;оның көмегімен &nbsp;онлайн-қабылдау бөлмелеріне жүгінеміз, тұрғын үй кезегін қадағалаймыз, мәмілелер және тағы басқалар жасасамыз. Алайда, мұның &nbsp;кері жағы да &nbsp;бар: егер сіз қырағылық танытпай, &nbsp;электрондық цифрлық қолтаңба ңызға сақ болмасаңыз, алаяқтардың құрбаны бол уыңыз әбден ықтимал.&nbsp;Алаяқтар ЭЦҚ-ны қалай пайдалан уы мұмкін &nbsp;және оны қалай қорғауға бола тыны жөнінде &nbsp;Fingramota.kz -пен б ірге қарастыр алық.&nbsp;Электрондық цифрлық қолтаңба (ЭЦҚ) – бұл сіздің қолжазба қолтаңбаңыздың цифрлық баламасы. Белгілі бір цифрлық құжаттарға жеке ЭЦҚ-мен қол қою арқылы сіз іс-әрекеттеріңіздің заңдылығын растайсыз.ЭЦҚ-ны Қазақстанда жеке, сондай-ақ заңды тұлғалар ресімдейді. Жеке тұлғалар ЭЦҚ-ны мемлекеттік көрсетілетін қызметтер алу, өздерінің зейнетақы аударымдарын немесе медициналық сақтандыруды қадағалау және т.б. үшін пайдаланады. Заңды тұлғалар үшін ЭЦҚ-ны басшы, сонымен қатар қажет болған жағдайда белгілі бір міндеттерді шешу үшін уәкілетті қызметкерлер де алады.Алаяқтар ЭЦҚ-ны өз мақсаттары үшін қалай пайдалана аладыЕгер сіз ЭЦҚ-ны жоғалтып алсаңыз немесе оны бөтен адамдарға қандай да бір «көмек» үшін берсеңіз, онда олардың қолында сіздің барлық жеке деректеріңіз бар есептей беріңіз. Қаскүнемдер ЭЦҚ-ны күмәнді мәмілелер жасау, пәтерде бөгде адамдарды тіркеу немесе сіздің көлігіңізді қайта ресімдеу үшін пайдалана алады.Түсінікті болу үшін ЭЦҚ-мен алаяқтықтың бірнеше мысалын қарастырайық.1-мысал: ұйымның қаржысын пайдалану мақсатында жүргізілген алаяқтықтар&nbsp;ЭЦҚ- мен алаяқтықтың ең көп таралған түрі – басшының өз ЭЦҚ-ын фирманың атынан қаржылық операциялар жүргізуге құқылы қызметкерге беруі.Жосықсыз қызметкер ұйымның ақшасын жалған мәмілелер мен жалған төлем шоттары арқылы иемденуі мүмкін. Алайда, ЭЦҚ басшының атына тіркелгендіктен, құқық қорғау органдары басшының өзін жауапқа тартады. Бұл ретте қолтаңба иесіне алаяқтыққа қатысының жоқтығын дәлелдеу өте қиынға соғады.2-мысал: «жоқ адамдарды» жұмысқа орналастыру&nbsp;Алаяқтар арасында «жоқ адамдарды» &nbsp; &nbsp;жұмысқа орналастыру кеңінен таралған, бұл да басшының ЭЦҚ-сы арқылы жасалады. Жұмысшылар қағаз жүзінде болады, ал олардың жалақысы алаяқтардың қалтасына түседі. Бұл жағдайда да тергеу жұмыстары күрделене түседі, себебі жоқ қызметкерлерді жұмысқа қабылдауға басшының қолы қойылған, ал ол ЭЦҚ-ны қызметкеріне өз еркімен тапсырса да бұл жөнінде бейхабар болады.3-мысал: пәтерде шектен тыс адамның тіркелуіКөбінесе ЭЦҚ сыйақы үшін пәтерге тіркеу үшін қолданады, осыдан кейін жүздеген адамды бір пәтерге тіркеуге болады. Бұл жағдай ЭЦҚ жоғалтқан немесе оны басқа адамға сеніп тапсырған баспана иесіне қатысты орын алуы мүмкін.4-мысал: қылмыскерді ұстау үшін арнайы операция түрінде ЭЦҚ-ны алып қоюАзаматтар алаяқтардың полиция мен мемлекеттік органдар қызметкерлеріміз дегендеріне сеніп, алаяқтардың құрбаны болып жатады. Схема мынадай: адамға, мысалы, құқық қорғау органдарының жалған қызметкері қоңырау шалып, қауіпті қылмыскердің ұсталғанын айтады, осылайша жеке тұлғаның ЭЦҚ және паролінің қажет екені айтылады. Егер адам бас тартса, олар келіскенше қысым жасайды және қорқытады. Алаяқтар ЭЦҚ-ны өз иелігіне алып, банктерге және микроқаржы ұйымдарына кредиттерге өтінімдер жібереді. Содан кейін коллекторлар ЭЦҚ иесіне шығады, оның шоттарына тыйым салады, бұл жерде басқа адамның өтінім бергенін дәлелдеу мүмкін емес.

Электрондық цифрлық қолтаңбаңызға сақ болыңыз: алаяқтар оны қалайша пайдаланулары мүмкін

<a href="https://kyzylorda-news.kz/">Kyzylorda-news.kz.</a> Бүгінгі күні ауылдан облыс орталықтарына немесе ірі қалаларға көшуге армандайтын да, тырысатын да адамдардың саны аз емес. Ал қаладанауылға ше? Мысалы, Қызылорда облысына қарасты Жалағаш ауданындағы Ақарық ауылына соңғы кездері қаладан көшіп келіп жатқан жандардың қатары артқан. Бірі жұмыс бабымен, бірі отбасындағы жағдайға байланысты. Облыс орталығындағы тірлікті ауылдың мамыражай тұрмысына айырбастаған азаматтар кімдер? Олармен <a href="https://stan.kz/">Stan.kz</a> тілшісі танысып, сұхбаттасып қайтқан болатын.Ақарық ауданнан алыс жатқан алақандай ауыл. Қазір мұнда екі мыңнан астам адам тұрады, жалпы 345 үй түтінін түтетіп отыр. Негізінен жергілікті халық егін шаруашылығымен күн көреді. Ата кәсіп төрт түлікті баптап отырған жанұялар да бар. Соңғы жылдары мұндағы халықтың саны біршама көбейген, облыс орталығынан көшіп келіп жатқан азаматтардың саны артқан көрінеді.<figure class="image"><img src="https://knadmin.beoblood.kz/uploads/full_16893273201c8b9836d9098d35c0eb30c5d17e4f98_webp_5b1e18e4c4.webp" alt="full_16893273201c8b9836d9098d35c0eb30c5d17e4f98_webp.webp"><figcaption>Қызылорда облысы Жалағаш ауданындағы Ақарық ауылы</figcaption></figure>Солардың бірі – жас кәсіпкер Қайыржан Сүлейменов. Ол мектеп бітіргеннен кейін арман қуып, алып шаһарға кеткендердің бірі. Облыс орталығында өзінің кәсібін бастап, жан-жақты білім алды. Тәжірибе жинақтап, отбасын құрды. Қаланың өміріне әбден сіңіскен азамат ауылға көшу туралы шешім қабылдау оңай болмағанын жасырмайды. Тіпті қарапайым ғаламтор мәселесі алаңдатқанын мойындайды. Өйткені жұмысы интернетпен тікелей байланысты. Дегенмен, қазір дұрыс шешім қабылдағанына сенімді.&nbsp;<figure class="image"><img src="https://knadmin.beoblood.kz/uploads/full_16893267666f717b68dd8d67d3c0e1d32ac6c15932_webp_bc9827388d.webp" alt="full_16893267666f717b68dd8d67d3c0e1d32ac6c15932_webp.webp"><figcaption>Қайыржан Сүлейменов, ауыл тұрғыны, жас кәсіпкер</figcaption></figure><blockquote>«Үйдің кенжесімін, ата-анама қарау – перзенттік парызым. Ауылға көшіп келгенімізге көп уақыт бола қойған жоқ. Әрине, қалаға әбден үйреніп қалыппыз. Малды сату, әлеуметтік желі арқылы клиент табу, шетелдік мамандармен байланысу - барлығы интернетке тікелей байланысты. Басында қорқыныш болғаны рас. Бірақ қазір ауылда да өркениет игілігінен құр қалып жатқан жоқпыз», – дейді азамат.</blockquote><img src="https://knadmin.beoblood.kz/uploads/full_1689326829739b0d2dac9d3f5ae310d250d537bd70_webp_8f80a90cfc.webp" alt="full_1689326829739b0d2dac9d3f5ae310d250d537bd70_webp.webp">Қазір Қайыржан ауылда мал шаруашылығымен айналысады. Бордақы малды арнайы ұялы қосымшалар арқылы сатылымға шығарып, пайда табады. Бұдан бөлек Ақарықта су бақылаушысы болып жұмыс жасайды. Абоненттер ауыз су ақысын электрондытүрде төлеуге машықтанып алған. Үлкен кісілердің өздері интернеттің осы бір мүмкіндігін ұтымды пайдалануды үйренген екен.Жас педагог Ұлболсын Таңжарыққызы да ауылға жақында қоныс тепкендердің бірі. Ол Ақтөбе мемлекеттік педагогикалық университетінің түлегі, қазір ауыл мектебінде «Қазақ тілі мен әдебиеті» пәнінің мұғалімі болып жұмыс жасайды. «Дипломмен ауылға» мемлекеттік бағдарламасының қатысушысы. Ұстаз ауыл балаларының болашағына үлкен сеніммен қарайды. Сол себепті шәкірттеріне сапалы білім мен саналы тәрбие беруге тырысатынын айтады. Университет бітіргеннен кейін қалада қалып, жұмыс жасауға мүмкіндігі де болған. Бірақ өз өмірін ауылмен байланыстыруды жөн санаған.&nbsp;<figure class="image"><img src="https://knadmin.beoblood.kz/uploads/full_16893272769877d9724e0cb2ac7f2e89123d3776ec_webp_039c5e9254.webp" alt="full_16893272769877d9724e0cb2ac7f2e89123d3776ec_webp.webp"><figcaption>Ұлболсын Таңжарыққызы, ауыл тұрғыны, мектеп мұғалімі</figcaption></figure><blockquote>«Әрине, бастапқыда жүрексіну болды. Қалай болғанда да қаланың қым-қуыт тірлігіне үйренген жаспыз. Ауыл мектебінің материалдық-техникалық жағдайы қалай болар екен деп те уайымдадым. Балаларға заманауи талапқа сай білім бергім келді. Ол үшін ауылда сапалы интернет болу қажет. Қуанышыма орай, қазір бұл тұрғыдан ешқандай проблема жоқ. Шәкірттерім қаладағы оқушылармен теңдей білім алуда. Өзге облыстағы ұстаздармен де тығыз байланыстамыз, ешқандай жаңалықтан қалыс қалып жатқан жоқпыз. Пандемия кезінде онлайн сабақ беруден қорыққаным есімде. Бірақ интернеттің сапасы көңілімнен шықты, сондықтан бұл кезеңнен де аман-есен өттік», – дейді Ұлболсын.</blockquote>Ақарық ауылы жоғары жылдамдықты LTE желісімен қамтылған.Осыдан біраз жыл бұрын Beeline мобильді операторы өз базалық станциясын орнатқан. Сондықтан тұрғындар жұмыста да, үйлерінде де ғаламтордың бар мүмкіндіктерін емін-еркін пайдалануда. Мәселен, Жазира Өмірбаева. Ол – білікті фельдшер. Дәрігерлер династиясын жалғап келе жатқан маман. Ақ халатты абзал жан көп жыл қалада білім алып, үздік емдеу мекемелерінде біліктілігін шыңдады. Жазираның туған ауылына оралып, жерлестеріне медициналық көмек көрсетіп келе жатқанына біршама уақыт болды.&nbsp;<figure class="image"><img src="https://knadmin.beoblood.kz/uploads/full_1689327468398316f0614353fe4fb3769fb9f4c605_webp_58dfeb791b.webp" alt="full_1689327468398316f0614353fe4fb3769fb9f4c605_webp.webp"></figure><blockquote>«Қазір ауылда өмір сүру айтарлықтай қиын емес. Мұнда да тұрғындар үшін барлық мүмкіндіктер жасалынған. Интернет келгелі амбулаторияның жұмысы біраз жүйеге келді. Бұрынғыдай науқастар медициналық карталарын арқалап жүрмейді, барлық ақпарат ортақ базада бар. Науқастарды ауруханаға жатқызу, талдамаларға жолдама беру барлығы онлайн жүзеге асырылады. Халық та бұған әбден үйренген», - дейді маман.</blockquote><figure class="image"><img src="https://knadmin.beoblood.kz/uploads/full_16893272986e5134605b9a5cdc856974efa89886c0_webp_a9de5f06c7.webp" alt="full_16893272986e5134605b9a5cdc856974efa89886c0_webp.webp"><figcaption>Жазира Өмірбаева, ауыл тұрғыны,&nbsp;фельдшер</figcaption></figure>Осылайша, басында қаладан ауылға көшуге қорыққан кейіпкерлеріміз қазір бұл қадамға барғандарына еш өкінбейтіндерін айтуда. Әркім өз жұмысын жасап, күн көруде. Ал ауылдағы сапалы байланыс пен жылдаминтернеттің арқасында олар жан-жақтан хабар алып, заман ағымынан қалыс қалмауда. Айта кететін жайт, бүгінгі күні Beeline байланысы мен интернеті 1500 астам ауылда қол жетімді. Бұл 2020 жылы басталған «250+» жобасы мен компанияның өз жоспарының шеңберіне атқарып жатқан жұмыстың нәтижесі. Тек Қызылорда облысының өзінде «250+» жобасы бойынша 50-ге жуық ауылда Beeline байланысы мен интернетіқолжетімді болды. Сондай-ақ, биыл компания өзі Арал, Сырдария, Жалағаш аудандарындағы ауылдарда LTE желісін жақсартып, Қазалы ауданындағы Бірлік ауылына интернет өткізген.

«Қаладағы қауырт тірлікті ауылдың мамыражай тұрмысына айырбастадық»: Қызылордадағы өркениет игілігіне қол жеткізген ауыл тұрғындары туралы не білеміз?

<a href="https://kyzylorda-news.kz/">Kyzylorda-news.kz.</a> Бір аптада Қазақстанда 2 879 қылмыс тіркелген.<blockquote>«Бір апта ішінде 2879 қылмыс жасалды, оның 1 779-ы тәулік ішінде ашылды. Полиция қызметкерлері ізін суытпай 5 кісі өлтіруді, 5 өлімге әкеп соққан денсаулыққа қасақана ауыр зиян келтіруді, 29 тонау, 1 қарақшылық шабуылды және 398 бөтен мүлікті ұрлау қылмыстарын ашты», - деп мәлім етті Ішкі істер министрлігі баспасөз қызметінің өкілі Шұғыла Тұрлыбек ведомствоның баспасөз алаңында өткен брифингіде.</blockquote>Еске салайық, осыдан бір апта бұрын да ел аумағында 2800-ден астам қылмыс жасалған еді. Ол жолы құқық қорғау органдары 10 кісі өлтіру қылмысын <a href="https://www.inform.kz/kz/bir-aptada-10-kisi-oltiru-kylmysy-izi-suymay-ashyldy-iim_a4098260">ізін суытпай ашты.</a>

Өткен аптада Қазақстанда 2 800-ден астам қылмыс тіркелді

<a href="https://kyzylorda-news.kz/">Kyzylorda-news.kz.</a> Қызылордалық полицейлер Қарағанды қаласында өткен қоян-қолтық жекпе жектен алтын иеленді.Қарағанды қаласында 17-19 тамыз күндері қоян-қолтық жекпе-жектен ҚР ІІМ-нің чемпионаты өткен. Бұл сайысқа бүкіл өнірден келген 300 - ден астам спортшылар, 33 команда қатысты.Жарыс тартысқа толы болды. Өйткені ойынға кіл мықтылар іріктеліп алынып, жоғары деңгейде өнерлерін ортаға салды. Спорттық додада Қызылорда облысы Полиция департаменті Жылдам қимылдайтын арнайы жасағының взвод командирі Асқар Қонқабаев жетекші боп барған командасы 80 келі салмақ дәрежесінде Қызылорда облысы ПД Жылдам қимылдайтын арнайы жасағының аға инспекторы Нұршат Аманқосов сынға түсті.&nbsp;Жарыс барысында 5 кездесу өткізіліп, барлығын айқын жеңіспен аяқтап, алтыннан алқа алып үздік спортшы атанды.Одан бөлек 88 келі салмақта өнер көрсеткен Қызылорда облысы ПД Жылдам қимылдайтын арнайы жасағының инспекторы Нұрбол Сқақов әріптесінің жетістігін қайталап, Қазақстан кубогын жеңіп алды.

Қызылордалық полицейлер қоян-қолтық жекпе-жектен алтын иеленді

<a href="https://kyzylorda-news.kz/">Kyzylorda-news.kz.</a> 20 тамызда атмосфералық фронталды бөліктердің өтуімен еліміздің басым бөлігінде құбылмалы күн райы сақталады, онымен найзағай, жаңбыр, бұршақ күтіледі, деп хабарлайды Қазгидромет.&nbsp;Еліміздің орталығы мен оңтүстік-шығысында жауын-шашынсыз болады. Республиканың солтүстігі мен солтүстік-батысында түнгі және таңертеңгі сағаттарда тұман болжанады. Барлық өңірде екпінді жел тұрады,Күндіз Атырау, Алматы, Жетісу, Ұлытау, Батыс Қазақстан облыстарында, Ақтөбе, Қостанай облыстарының оңтүстігінде, Маңғыстау облысының солтүстік-шығысында 35-39 градус қатты ыстық күтіледі.Атырау, Маңғыстау, Жамбыл, Қызылорда, Ақтобе облыстарында, Қостанай облысының оңтүстігінде, Алматы облысының солтүстігінде, Түркістан облысының солтүстігінде, батысында, оңтүстігінде, шөлді аудандарында, Батыс Қазақстан облысының шығысында, батысында, орталығында өрт тұтану қаупі аса жоғары.Қарағанды облысында, Солтүстік Қазақстан, Ұлытау облысының солтүстігінде, шығысында, оңтүстігінде, Алматы облысының оңтүстігінде, Ақмола облысының батысында, солтүстігінде, оңтүстігінде, Батыс Қазақстан облысының солтүстігінде, оңтүстігінде, Жетісу облысының батысында өрт шығу қаупі жоғары.

Дүйсенбі күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Президент Қасым-Жомарт Тоқаев Вьетнам Социалистік Республикасына ресми сапармен барды, деп хабарлайды Ақордаға.Мемлекет басшысын Ханойдың «Ной Бай» әуежайында Вьетнам Президенті кеңсесінің жетекшісі Ле Кхань Хай және басқа да жоғары лауазымды тұлғалар қарсы алды.Сапар аясында жоғары деңгейде келіссөздер жүргізіледі және Вьетнамның іскер топтары өкілдерімен бірқатар кездесу өткізіледі деп жоспарланып отыр.

Қасым-Жомарт Тоқаев ресми сапармен Вьетнамға барды

<a href="https://kyzylorda-news.kz/">Kyzylorda-news.kz.</a> Қармақшы ауданының әкімі Жандос Еркінбекұлы қабылдауға жазылған азаматтарды кезектілік тәртібімен қабылдап, тұрғындардың көкейіндегі мәселелерді, ұсыныс-пікірлерін тыңдады. Жеке қабылдауға 16 адам келді.Қабылдауға келген аудан тұрғындарының &nbsp;басым бөлігі тұрғын үй алу мен тұрғын үй кезегіне тұру, жұмысқа орналасу және инфрақұрылым тарту мәселелерін көтерді. &nbsp;Аудан әкімі азаматтардың мәселелері жіті зерттелетінін, шешімі заң талаптарына сәйкес қарастырылатынын жеткізді. Кейбір сұрақтар бойынша жауапты тұлғалар заң аясында түсіндірме беріп, шешу жолдарын ұсынды.Аудан басшысы қабылдауда болған мүгедектігі бар &nbsp;тұрғынның жеке тұрғын үйін жөндеуге байланысты көмек сұраған азаматтың мәселесін қарастырып, &nbsp;жан-жақты шешу жұмыстарына 10 күн ішінде ұсыныс әзірлеуді құрылыс, сәулет және қала құрылысы бөлімінің басшысы Ербол Исаевқа тапсырды.Ал көшесіне газ тартылмаған "Мөлтек" ықшам ауданы тұрғынының өтініші бойынша Жосалы кентін газдандыру жұмыстары 2019-2021 жылдар аралығында атқарылғандығын, дегенмен &nbsp;газдандыру барысында 200-ге жуық тұрғын үй жобадан тыс қалып, қазіргі таңда жаңа жоба әзірлеу және аудандық бюджеттен тиісті қаржы бөлдіру бағытындағы жұмыстар атқарылуда екендігін айтты.Аудан тұрғындары әкімнің қабылдауына egov.порталы, е-otinish бірыңғай базасы арқылы немесе әкімдікке келіп жазбаша өтініш жазып, қабылдауға кіре алатындығын хабарлаймыз.©️Қармақшы ауданы әкімінің баспасөз қызметі

Қазақстан және Қызылорда облысының жаңалықтары: Қоғам