<a href="https://kyzylorda-news.kz/">Kyzylorda-news.kz</a> Әділет министрлігі аппарат басшысының бұйрығына сәйкес Баукен Әлмеш Қызылорда облыстық әділет департаментінің басшысы лауазымына <a href="https://kaz.inform.kz/news/kizilorda-oblistik-adlet-departamentnn-basshisi-tagayindaldi-de862b/">тағайындалды</a>.&nbsp;Баукен Серікұлы 1991 жылы Оңтүстік Қазақстан облысында дүниеге келген. 2009 жылы Оңтүстік Қазақстан құқық және салалық технологиялар колледжін, 2012 жылы Қарағанды экономикалық университетін құқықтану мамандығы бойынша бітірген.&nbsp;Еңбек жолын 2009 жылы Оңтүстік Қазақстан облыстық әділет департаментінде іс жүргізуші қызметінен бастаған. Әр жылдары Оңтүстік Қазақстан облыстық әділет департаментінде, Шымкент қалалық және аудандық әділет басқармаларында түрлі лауазымдарда жұмыс істеген.Тіркеу, зияткерлік меншік құқығы, құқықтық түсіндіру және заң көмегін көрсету салаларында тәжірибе жинаған. 2017-2019 жылдары Алматы облыстық әділет департаментіне қарасты Ескелді аудандық әділет басқармасын басқарды. 2019-2023 жылдары Қызылорда облыстық әділет департаменті басшысының орынбасары болды.&nbsp;<img src="https://knadmin.beoblood.kz/uploads/yzylorda_oblysty_dilet_departamentini_basshysy_ta_ajyndaldy_5b559d660b.webp" alt="Қызылорда облыстық әділет департаментінің басшысы тағайындалды.webp">2023 жылдан бастап бүгінге дейін Ақмола облыстық әділет департаментінің басшысы лауазымын атқарды.&nbsp;Отбасылы, 3 бала тәрбиелеп отыр.Бұған дейін Қызылорда облысының әкімі Нұрлыбек Нәлібаев облыс активіне жаңадан құрылған облыстық цифрлық технологиялар басқармасының басшысы Сабит Ибадулланы таныстырды.Фото: Нұрболат Нұржаубай

Қызылорда облыстық әділет департаментінің басшысы тағайындалды

<a href="https://kyzylorda-news.kz/">Kyzylorda-news.kz</a> Театр адам жанының айнасы, руханияттың алтын діңгегі саналатын киелі өнер ордасы. Ғасырлар қойнауынан бастау алатын бұл мәдениет ошағы бүгінгі күні ұлттық құндылықтарды сақтап, оны ұрпақ санасына сіңіруде айрықша маңызға ие. Театр тек сахна мен көрермен арасындағы байланыс қана емес, ол қоғамның тыныс-тіршілігін, адамның ішкі әлемін, замана болмысын тереңнен толғайтын көркем кеңістік.27 наурыз - Халықаралық театр күніне орай Өңірлік коммуникациялар қызметінің ақпарат алаңында баспасөз конференциясы өтті. Онда Н.Бекежанов атындағы Қызылорда облыстық қазақ академиялық музыкалық драма театры директорының орынбасары Серік Жақсығұлов пен қалалық Жастар театрының директоры Нұрмат Мансұров мерекенің мән-маңызына тоқталып, театр саласының бүгінгі тынысын кеңінен баяндады.Серік Орынбекұлының айтуынша, бұл күн &nbsp;театр ұжымы үшін ерекше маңызға ие, дәстүрлі түрде атап өтілетін мереке.<blockquote>«Театр - шығармашылықтың шоғырланған ордасы. Бұл мереке ұжымның бірлігін бекемдеп, жаңа идеяларға жол ашып, болашаққа нық қадам басуға серпін береді. Осы атаулы күн қарсаңында театр ұжымы көрерменге мазмұнды әрі тағылымы мол бағдарлама ұсынды. 16-20 наурыз аралығында «Nartai Theatre Fest - 2026» театрішілік фестивалі өтті. Бес күнге созылған өнер мерекесінде мистикалық триллерден бастап трагедия, буффонада ертегі, психологиялық және деректі драмалар, моноспектакль, қуыршақ және музыкалық қойылымдар сахналанды. Бұл фестиваль театр өнерінің жанрлық байлығын айшықтап, көрерменге ерекше әсер сыйлады. Сонымен қатар, халықаралық театр күні аясында арнайы шығармашылық кеш ұйымдастырылып, өнерсүйер қауымға рухани тарту жасалды», – деді Серік Жақсығұлов.</blockquote>Атаулы күнге орай Нартай Бекежанов атындағы қазақ академиялық музыкалық драма театры көрермендеріне мазмұнды әрі тағылымы мол мерекелік бағдарлама ұсынды.Ал қалалық Жастар театрының директоры Нұрмат Абдоллаұлы өз сөзінде театрдың бүгінгі жетістіктері мен жоспарларына тоқталды.<blockquote>«Қазіргі таңда театр репертуарында әртүрлі жанрдағы 15 қойылым бар. Оның ішінде балаларға арналған үш спектакль болса, қалғаны жастар мен ересек көрерменге бағытталған. Жыл бойы қойылымдар 65 мәрте сахналанып, 10 мыңнан астам көрерменді қамтыды. Бұдан бөлек, театр ұжымы түрлі деңгейдегі мәдени-көпшілік іс-шараларға белсене қатысып, жыл сайын 40-қа жуық театрландырылған пролог ұсынады. Жыл басынан бері көрермен назарына 6 премьера ұсынылды. Алдағы уақытта да сапалы қойылымдармен қуантуды жалғастырамыз», – деді ол.</blockquote>

27 наурыз – Халықаралық театр күні

<a href="https://kyzylorda-news.kz/">Kyzylorda-news.kz</a>&nbsp; Бас прокуратураның Құқықтық статистика және арнайы есепке алу комитетінің Қылмыстық қауіп-қатерлер мен қоғамдық қауіпсіздік тәуекелдерін болжау орталығы жаңа алаяқтық толқын туралы ескертеді.Шетелдік &nbsp;дереккөздердің &nbsp;ақпараты &nbsp;бойынша (https://www.<a href="https://www.theguardian.com/money/2026/mar/01/cleaning-superstore-the-missed-delivery-">theguardian.com/money/2026/mar/01/cleaning-superstore-the-missed-delivery-</a>text-scam-whatsapp, https://dzen.ru/a/aa5EsIuKNzrADYS3) зиянкестер жаппай мессенджерлер мен SMS арқылы «жіберіп алған жеткізілім» туралы жалған хабарламалар жібереді.Бір қарағанда мұндай хабарламалар зиянсыз көрінеді және курьерлік қызметтердің стандартты хабарламаларын еске салады. Мәтінде курьердің сәлемдемені тапсыра алмағаны және жеткізілімді қайта ресімдеу үшін арнайы параққа көшуді ұсынатыны көрсетіледі.Алайда, көрсетілген мекенжай логистикалық компаниялардың ресми ресурстарын толығымен еліктейтін жалған сайтқа апарады.Пайдаланушыға жеке мәліметтерін – Т.А.Ә., ЖСН, тұрғылықты мекенжайын көрсету, сондай-ақ жеткізілімді қайта жеткізу үшін аз соманы төлеу ұсынылады.Тиісті ақпаратты енгізгеннен және төлем төлегеннен кейін қылмыскерлер құпия деректер мен банк деректемелеріне қол жеткізеді, бұл қаржылық шығындарға ғана емес, сондай-ақ Сіздің дербес деректеріңізді қылмыстық схемаларда әрі қарай пайдалануға да әкелуі мүмкін.Алаяқтардың құрбаны болмау үшін қарапайым, бірақ маңызды сақтық шараларын сақтау қажет:егер Сіз жеткізілімді күтпейтін болсаңыз, мессенджер және SMSхабарлардан сілтемелер арқылы өтпеу;сайт мекенжайын мұқият тексеру – алаяқтық ресурстар көбінесе бір немесе екі әріппен, белгілермен ерекшеленеді; күдікті ресурстарға құпия және банктік ақпаратты енгізбеу; жеткізілімнің мәртебесін курьерлік қызметтердің, логистикалық компаниялардың ресми сайттары мен қосымшалары арқылы ғана тексеру; күдікті хабарламаларды алған кезде оларды елемеу және бұғаттау.Аферистер азаматтардың сенімділігін және жеткізілім туралы хабарламаларға жылдам жауап беру әдетін белсенді пайдаланады. Сондықтан да мұндай схемалар шапшаң таралып, әркімге әсер етуі мүмкін.Цифрлық ортадағы сақтық – қаржылық ысыраптардан және дербес деректердің жария болуынан ең жақсы қорғау.Фото: ашық дереккөзден

Миллиондық жеткізілім

<a href="https://kyzylorda-news.kz/">Kyzylorda-news.kz</a>&nbsp; Наурыз мерекесі күндері Қызылорда облысында қоғамдық қауіпсіздікті қамтамасыз ету мақсатында бірқатар мекемелер күшейтілген қызмет режимінде жұмыс істеді. Бұл туралы Өңірлік коммуникациялар қызметінің ақпарат алаңында өткен баспасөз конференциясында хабарланды.Облыс көлемінде полиция қызметкерлері қоғамдық тәртіп пен жол қауіпсіздігін қамтамасыз етсе, жедел жәрдем қызметі 103 желісі арқылы 6 551 шақыртуға қызмет көрсетті. Ал «109 - Бірыңғай байланыс орталығына» 2 527 өтінім түсіп, барлығына дер кезінде жауап берілді.Қызылорда облыстық денсаулық сақтау басқармасы басшысының орынбасары Жаныл Исақызының айтуынша, мереке күндері жедел жәрдем қызметі толық күшейтілген режимде жұмыс істеген.<blockquote>– Облыс бойынша 70 жедел жәрдем бригадасы жұмылдырылды. Оның ішінде 10 дәрігерлік, 60 фельдшерлік топ, сондай-ақ алғашқы медициналық-санитарлық көмек ұйымдары жанында 29 мобильдік топ қызмет атқарды. Бес күн ішінде 103 желісіне 6 551 шақырту түсті. Оның 1 769-ы балаларға қатысты. Шақырулардың 62,7 пайызы шұғыл және аса қауіпті жағдайларға жатса, 37,3 пайызы 4-санатты шақыртулар болды. Сонымен қатар, травмпунктке 255 адам жеткізілді. Жол-көлік оқиғалары бойынша 19 шақырту тіркеліп, 25 адам зардап шекті, оның 8-і ауруханаға жатқызылды. Бұдан бөлек, 76 әйел перзентханаға жеткізіліп, үй жағдайында босану дерегі тіркелмеді. Жедел жәрдем қызметінің шақыртуларға дер кезінде жету көрсеткіші 98,4 пайызды құрады, - деді Жаныл Исақызы.</blockquote><img src="https://knadmin.beoblood.kz/uploads/yzylordada_mereke_k_nderi_auipsizdik_a_idalary_sa_taldy_529942f6e7.jpg" alt="Қызылордада мереке күндері қауіпсіздік қағидалары сақталды.jpg">Ал Қызылорда облысы полиция департаменті Әкімшілік полиция басқармасы бастығының орынбасары Нұркен Пралиұлы мереке күндері қоғамдық тәртіптің толық бақылауда болғанын атап өтті.<blockquote>– 20-22 наурыз аралығында полицияның жеке құрамы күшейтілген қызмет режиміне көшірілді. Нәтижесінде өңірде төтенше жағдайларға жол берілмей, ахуал тұрақты болды. 21 наурыз күні «Қайсар Аренада» өткен мерекелік іс-шарада 400-ге жуық қызметкер, ал Президенттік саябақтың ашылуында 75 қызметкер қоғамдық тәртіпті қамтамасыз етті. Сонымен қатар, кешкі және түнгі уақытта құқық бұзушылықтардың алдын алу мақсатында ойын-сауық орындарында бақылау күшейтілді. Жалпы, жол қозғалысы ережелерін бұзудың 2100 дерегі анықталып, 108 автокөлік айып тұрағына қойылды. Тұрғындарды қоғамдық тәртіпті сақтауға және заң талаптарын орындауға шақырамыз. Қауіпсіздік - баршамызға ортақ жауапкершілік, - деді ол.</blockquote>Сонымен қатар, Жедел әрекет ету орталығы директорының орынбасары Мұхтар Кенжебекұлының мәліметінше, мереке күндері 109 және 112 байланыс желілері тәулік бойы үздіксіз жұмыс істеген.<blockquote>– «112» желісіне 3 298 хабарлама келіп түсті. Оның ішінде 55 өрт оқиғасы, 21 төтенше жағдай, 21 жедел жәрдем шақыртуы, 783 құқық қорғау сипатындағы хабарлама тіркелді. Қалған 2 418-і анықтамалық сипатта болды. Ал «109» желісіне 2 527 өтінім түсіп, оның 2 478-і орындалды, 49-ы қаралуда. Өтініштердің басым бөлігі электрмен жабдықтау, газ, су, жылу, көше жарығы және қала тазалығы мәселелеріне қатысты болды. Барлық өтініштер жедел түрде тиісті мекемелерге бағытталып, уақытылы шешімін тапты, -деді Мұхтар Кенжебекұлы.</blockquote>21-26 наурыз аралығында барлық қызметтер күшейтілген режимде жұмыс істеді.<blockquote>– Тәулігіне орта есеппен 164 қызметкер, 45 техника, 1 кинологиялық топ, 8 ұшқышсыз ұшу аппараты және 2 тікұшақ кезекшілікке тартылды. Нәтижесінде өңірдегі жағдай тұрақты сақталды. Сонымен қатар, Сырдария өзені мұздан толық тазарып, су басу қаупі жойылды. Байқоңыр ғарыш айлағынан жүк кемесінің сәтті ұшырылуы да мерекелік күндердің маңызды оқиғаларының бірі болды. Мамандар тұрғындарды өрт және судағы қауіпсіздік ережелерін қатаң сақтауға шақырады, - деді ТЖД Жоспарлау және жедел басқару орталығының басшысы Данияр Асқарұлы.</blockquote>Фото: Нұрболат Нұржаубай

Қызылордада мереке күндері қауіпсіздік қағидалары сақталды

<a href="https://kyzylorda-news.kz/">Kyzylorda-news.kz</a>&nbsp; Арал ауданы әкімі Аманжол Оңғарбаев кезектілік тәртібімен жазылған азаматтарды «Amanat» партиясының аудандық филиалы ғимаратында жеке мәселелері бойынша қабылдады.Қабылдауға жазылған азаматтар тұрғын үй кезегіне және жер алу мәселесіне қатысты уәждерін айтса, бірі тұрақты жұмысқа орналыстыру жөнінде өтініштерін жеткізді.Аралқұм ауылының тұрғындары қабылдауда елге көгілдір отын көзін тарту мәселесін көтеріп, аудан әкімінен бұл бағыттағы жұмыстарды қолға алуды сұрады. Бұл мәселе бойынша жауапты мамандар заңдылығына сай ұсыныстар негізінде жұмыстар жасалатынын жеткізіп, ауыл тұрғындарының өтініші назарға алынатытын жеткізді. Аудан әкімі аудан бойынша газ желісі тартылуы тиіс ауылдардың барлығы назардан тыс қалмайтынын жеткізіп, жауапты тұлғаларға кезектілігімен жұмыс жасау жөнінде бірқатар тапсырма берді.Ал Сапақ ауылының тұрғыны елдегі ескі мектептің жайын көтерді. Бұл мәселемен толыққанды таныс екенін айтқан аудан әкімі Аманжол Сақыпұлы салалық министрліктермен әлі де жұмыстар жүргізіліп жатқанын айтып, қаржылық мәселе шешімін табар болса Сапаққа жаңа мектеп салу жұмыстары бірден қолға алынатынын жеткізді.Тұрғындар тарапынан көтерілген өзге де мәселелерге мамандар тарапынан құқықтық түсіндірме жұмыстары жүргізілсе, жұмыссыздық бойынша аудан әкіміне жүгінген тұрғындарға барлық мәселе жергілікті қоғамдық кеңестің шешімі арқылы ретелетіндігі түсіндірілді. Мұнан өзге де әлеуметтік мәселелер жеке қабылдауда айтылып, аудан басшысы барлық сауал сала мамандарымен бірге мұқият зерделеніп, заңдылығына қарай шешім қабылданатынын жеткізді.Аудан әкімі қабылдауда айтылған өтініштердің оңтайлы шешілуін қадағалау үшін жауапты бөлім басшыларына нақты міндеттер жүктеді.Айта кетейік, тұрғындар аудан әкімінің қабылдауына «е-otinish» бірыңғай базасы немесе әкімдікке келіп жазбаша өтініш тастау арқылы жазыла алады.Фото: Аудан әкімдігінің баспасөз қызметі

Аудан әкімі тұрғындардың талап-тілегін тыңдады

<a href="https://kyzylorda-news.kz/">Kyzylorda-news.kz</a>&nbsp; Ломбардтан ресімделген қарыз кредит немесе ипотека алуға кедергi болмайды, алайда ол&nbsp;қаржы ұйымының шешіміне әсер етуі мүмкін, деп хабарлайды Қаржы нарығын реттеу және дамыту агенттігінің баспасөз қызметі, – деп хабарлайды <a href="https://kaz.inform.kz/news/lombardtagi-kariz-ipoteka-aluga-kederg-keltre-me-ce00cb/">KAZINFORM</a>Өтінімді қарау кезінде банктер мен микроқаржы ұйымдары қарыз алушының қаржылық жағдайын және оның қарыздарын өтеу қабілетін бағалайды. Кредиттік тарих мен борыш жүктемесінің деңгейі маңызды рөл атқарады.<blockquote>–&nbsp;Егер қарыз алушының ломбард алдында мерзімі өткен берешегі болса, бұл мақұлдау мүмкіндігін азайтады. Мұндай міндеттемелер борыш жүктемесін есептеу кезінде басқа кредиттермен және микрокредиттермен тең ескеріледі. Ломбардтар қарыздар туралы ақпаратты кредиттік бюроларға беруге міндетті, себебі мұндай қарыздар басқа қарыздарға ұқсас, ақылылық, мерзімділік және қайтарымдылық шарттарында беріледі. Егер қарыз алушы микрокредитті уақытында өтемесе, ломбард кепілге қойылған мүлікті кемінде 30 күн сақтауға міндетті. Осы кезеңде қарыз алушы қарызды төлеп, өз затын қайтара алады,&nbsp;— дейді агенттік мамандары.</blockquote>Осы мерзім өткеннен кейін ломбард кепілді сатуға не&nbsp;оны өз меншігіне ресімдеуге құқылы. Нәтижесінде ломбардтағы заттарды кепілге қою туралы шарт және микрокредит беру туралы шарт өз қолданысын тоқтатады.Қарыздың тоқтатылу фактісін кепілді сату актісі немесе оны ломбардтың меншігіне айналдыру туралы шешім және қарызды өтеу туралы анықтама сияқты құжаттар растайды.Кредит беру туралы шешімді банк немесе микроқаржы ұйымы заңнамалық талаптарды ескере отырып, сондай-ақ өзінің ішкі кредиттік саясатына, қарыз алушының төлем қабілеттілігін бағалауға және қабылданатын тәуекелдер деңгейіне сәйкес дербес қабылдайтынын назарға алу қажет.Фото: Gov.kz

Ломбардтағы қарыз ипотека алуға кедергі келтіре ме?

<a href="https://kyzylorda-news.kz/">Kyzylorda-news.kz</a> Қазақстанда көмір генерациясын дамыту жөніндегі ұлттық жоба бекітілді. Оның аясында жеңілдетілген жаңа ипотека бағдарламасын іске қосу жоспарланып отыр, деп хабарлайды үкіметке сілтеме жасаған <a href="https://kaz.nur.kz/nurfin/banks/2357621-qazaqstanda-tagy-bir-zhengildetilgen-ipoteka-iske-qosylmaq-ol-kimge-arnalgan/">KAZ.NUR.KZ.</a>Үкіметтің баспасөз қызметінің мәліметінше, премьер-министр Олжас Бектенов қол қойған құжат Қазақстанның 2030 жылға дейінгі энергетикалық қауіпсіздігінің стратегиясын айқындайды, сондай-ақ индустрияландыру және цифрлық экономиканы дамыту барысында қажеттілігі бірнеше есе арта түсетін базалық қуаттардың тапшылығын жоюға бағытталған."Ұлттық жобада 7,8 ГВт қуат көзін енгізу және жаңарту қарастырылған. Сегіз жаңа энергия өндіру көзін салу жоспарланған, оның ішінде Екібастұз (2 640 МВт), Курчатов (700 МВт) және Жезқазғандағы (500 МВт) ірі нысандар, сондай-ақ Көкшетау, Семей және Өскемендегі заманауи ЖЭО-лар бар.Сонымен қатар Ақсу ГРЭС, Екібастұз ГРЭС-2 және Қарағанды энергия торабын қоса алғанда, жұмыс істеп тұрған 11 стансаны терең жаңғырту басталады. Бұл жұмыстар саладағы негізгі жабдықтардың тозу деңгейін 2030 жылға дейін 12,6 пайызға төмендетуге мүмкіндік береді", - делінген хабарламада.Жобаларды жүзеге асыру бюджеттен тыс қаражатқа, яғни инвестициялар тарту жолымен орындалады. Инвестициялардың жалпы көлемі – 7,5 трлн теңгеден астам.Ұлттық жобада экологияға және "таза көмір" технологияларын енгізуге ерекше назар аударылып отыр. Енді жаңадан салынатын құрылыстар тек қана заманауи технологиялық шешімдерді қолдана отырып жүргізіледі.Сонымен қатар жобаның әлеуметтік блогы кадрлық өткір проблемаларды шешуге бағытталған.<blockquote>"Жаңа жұмыс орындарын құру, оның ішінде 4,5 мыңға жуық тұрақты жұмыс орындарын ашу қарастырылған және ауқымды әлеуметтік қолдауды іске қосу көзделіп отыр. "Отбасы банкімен" бірлесіп көмір электрстансаларының қызметкерлері үшін жеңілдікті ипотека енгізіледі. Одан бөлек салалық жоғары оқу орындарының базасында мамандардың біліктілігін жүйелі түрде арттыру жоспарланған", - делінген хабарламада.</blockquote>Бұдан бөлек, жоба жаңарған энергия жүйесінің тұрақты жұмысын жолға қою мақсатында өндіруші және көлік салаларымен үйлестірілген. 2030 жылға қарай энергетикалық мақсаттағы көмірге қосымша сұраныс жылына шамамен 20 млн тонна болмақ. Ол үшін ұлттық жоба ашық вагондар паркін кеңейтуді (тәулігіне қосымша 600 бірлік), теміржол инфрақұрылымын жаңғыртуды және ішкі қажеттіліктер үшін отын тасымалдаудың болжамды тарифтік дәліздерін енгізуді көздейді.Фото: Fingramota.kz &nbsp;

Қазақстанда тағы бір жеңілдетілген ипотека іске қосылмақ

<a href="https://kyzylorda-news.kz/">Kyzylorda-news.kz</a> «Өндірістік аймақ» жобасы аясында аудан орталығы Әйтеке би кентінде «АгроОптСервис» ЖШС директоры Бекболат Бибалаев жүзеге асырған «Көкөніс өнімдерін сақтайтын қойма салу» жобасы қайта жанданбақ. Қазалы ауданының әкімі Алмасбек Есмаханов шағын индустриалды аумақтағы көкөніс сақтау қоймасының жұмысын көрді.&nbsp;Аталған жоба бұған дейін 2020 жылы іске қосылып, 2022 жылға дейін жұмыс жасаған. Кәсіпкер «Бизнестің жол картасы – 2020» бағдарламасы аясында 21,0 млн теңге несие алып, қажетті құрал-жабдықтармен қамтамасыз еткен.Биылғы жылдың тамыз айында қойманың жұмысын қайта іске қосу жоспарлануда. Қуаттылығы 500 тоннаға дейін көкөніс өнімдерін сақтауға мүмкіндік беретін нысан толық іске қосылғанда 10 адам тұрақты жұмыспен қамтылады. Қазіргі таңда мұнда 4 адам еңбек етуде.Аудан басшысы жобаның қайта жандануы ауданның азық-түлік қауіпсіздігін қамтамасыз етіп қана қоймай, жергілікті тұрғындарды жұмыспен қамтуға да оң ықпалын тигізетінін айтты.&nbsp;Осыған сәйкес, салалық орынбасарына кәсіпкерлік нысанды қажетті инфрақұрылыммен қамтамасыз ету мәселесін нақты бақылауға алып, тиісті жұмыстарды жедел ұйымдастыруды тапсырды.

Көкөніс сақтау қоймасының жұмысымен танысты

<a href="https://kyzylorda-news.kz/">Kyzylorda-news.kz</a> 2026 жылы Қазақстанда «Жастар практикасы» жобасы аясында 25 мыңға жуық жасты жұмыспен қамту жоспарланып отыр. Бұл туралы Еңбек және халықты әлеуметтік қорғау министрлігі мәлімдеді, деп хабарлайды <a href="https://baq.kz/zhastar-praktikasy-qay-mamandyqtarga-suranys-zhogary-320019958/">BAQ.KZ</a> тілшісі.Бағдарлама еңбек нарығына енді қадам басқан түлектер үшін алғашқы жұмыс тәжірибесін жинақтауға бағытталған. Жобаға жасы 35-тен аспаған, оқу орнын тәмамдаған жұмыссыз азаматтар қатыса алады. Ол үшін Мансап орталығына өтініш беру қажет.Практика барысында қатысушылар тек жұмыс істеп қана қоймай, кәсіби ортаға бейімделу мүмкіндігіне ие. Әрбір жас маманға жұмыс беруші тарапынан тәлімгер бекітіліп, оның кәсіби дағдыларды меңгеруіне қолдау көрсетіледі.Жалақы төлемдері мемлекет есебінен жүргізіледі. Қаржыландыру «Азаматтарға арналған үкімет» мемлекеттік корпорациясы арқылы жүзеге асырылады. Қаражат жұмыс беруші ұсынған деректер негізінде қатысушылардың банк шоттарына ай сайын аударылады, - дейді министрлік.2026 жылғы ақпан-наурыз айларының қорытындысы бойынша жоба аясында 423 адам жұмыспен қамтылған.Ең сұранысқа ие мамандықтар қатарында:<ul><li style="text-align:justify;">мейіргер – 124 адам;</li><li style="text-align:justify;">заңгер – 66 адам;</li><li style="text-align:justify;">шет тілі мұғалімі – 57 адам;</li><li style="text-align:justify;">тәрбиеші – 47 адам;</li><li style="text-align:justify;">бастауыш сынып мұғалімі – 43 адам.</li></ul>Бұл көрсеткіштер білім беру мен әлеуметтік саладағы кадрларға қажеттілік жоғары екенін көрсетеді.Республика бойынша орташа жалақы мөлшері 129,7 мың теңгені құрады.Министрлік мәліметінше, «Жастар практикасы» жобасы жастар арасындағы жұмыссыздық деңгейін төмендетіп қана қоймай, білікті мамандарды қалыптастыруға ықпал етеді.

Жастар практикасы: Қай мамандықтарға сұраныс жоғары?

<a href="https://kyzylorda-news.kz/">Kyzylorda-news.kz</a> 2026 жылғы 16 наурыздағы жағдай бойынша Қазақстанда АИ-95 бензинінің бағасы шамамен литріне 0,51 доллар.&nbsp;Бұл әлемдік орташа көрсеткіштен&nbsp;шамамен үш есе төмен. &nbsp;Бұл туралы&nbsp;<a href="https://stan.kz/kazakstan-alemdegi-zhanarmay-bagasi-en-arzan-elderdin-k-432068/">Stan.kz&nbsp;</a>ақпарат агенттігі&nbsp;GlobalPetrolPrices сайтына сілтеме жасап хабарлайды.Әлемдік рейтингте Қазақстан тоғызыншы орында&nbsp;және жанармай бағасы қолжетімді елдер қатарында тұр. Бұл топқа рес­урсқа байлығы немесе субсидиялар арқылы жанармай бағасын төмен ұстайтын мемлекеттер кіреді: Ливия, Иран, Венесуэла, сондай-ақ Кувейт, Алжир, Түркменстан, Мысыр, Қатар, Сауд Арабиясы, Бахрейн және Оман.Бұл елдердің кейбірі жанармай бағасын минималды деңгейде ұстайды, бұл әлеуметтік саясаттың бір бөлігі ретінде қарастырылады. Сонымен қатар&nbsp;кей елдерде жанармай бағасын төмен ұстау үшін олардың экономикасы негізінен мұнай мен газ сияқты шикізатқа тәуелді болады. Егер шикізат бағасы құлдыраса, сол елдерде&nbsp;қиындық туады. Қазақстан бұл елдермен салыстырғанда тұрақтырақ көрінеді, бірақ бізде де бензин бағасын қалыптастыруда мемлекеттің шешімдері маңызды рөл атқарады. Яғни, бағаны нарық өзі емес, үкіметтің реттеуі де айтарлықтай әсер етеді.Экономисттердің айтуынша, ресурстардың бағасын ұзақ уақыт бойы төмен ұстау кейде “тәуелділік”&nbsp;тәрізді мінез-құлық&nbsp;қалыптастырады. Төмен бензин бағасы бірқатар жүйелік әсерге әкеліп соғады, олар&nbsp;бірден байқалмайды:<ul><li style="text-align:justify;">Біріншіден, бұл бюджетке және мұнай өңдеу секторына қысым жасайды. Төмен маржа модернизация мен инвестиция мүмкіндіктерін шектейді;</li><li style="text-align:justify;">Екіншіден, отын ішкі тұтыну көлемін арттырады. Бұл жолдардың жүктемесін, шығарындыларды көбейтеді және инфрақұрылымның тез тозуына себеп болады;</li><li style="text-align:justify;">Үшіншіден, көрші елдермен баға айырмашылығы пайда болады, бұл отынның заңды және заңсыз түрде елден шығарылуына итермелейді.</li></ul>Ұзақ мерзімді перспективада мұндай факторлар экономиканың жалпы тиімділігін төмендетуі мүмкін және жанармай бағасында тікелей көрінбейтін қосымша шығынңа әкеп соғады.Дамыған елдерде жағдай керісінше. Еуропа, Жапония және Оңтүстік Кореяда бензин бағасы айтарлықтай жоғары,&nbsp;көбіне&nbsp;литрі 3 доллардан асады.Бұл мемлекеттердің саясатына байланысты: жоғары баға салықтар арқылы қалыптасады, ал сол салықтар инфрақұрылымды дамытуға, экологиялық жобаларға және қоғамдық көлікті жетілдіруге жұмсалады. Сондықтан рейтингті зерттеген талдаушылардың айтуынша,&nbsp;дамыған елдедің экономикасында жанармайдың&nbsp;қымбат болуы айтарлықтай мәселе емес, керісінше реттеу мен тұрақты даму құралы ретінде қарастырылады.Қазақстан үшін жанармай&nbsp;бағасының төмен болуы әлі де маңызды әлеуметтік фактор. Осылайша логистика мен ауыл шаруашылығында бизнестің&nbsp;шығындары&nbsp;азаяды.&nbsp;Дегенмен, ел алдында саланың тиімділігін біртіндеп арттыру міндеті тұр. Бұл жанармайдың қолжетімділігі мен нарықтық механизмдер арасындағы тепе-теңдікті табуды қажет етеді.<blockquote>“Қазіргі&nbsp;модельді қысқа мерзімде сақтау мүмкін, бірақ ұзақ мерзімде баға қалыптастыруда икемдірек тәсіл қажет. Қазір Қазақстан ең қолжетімді бензині бар елдер қатарында, бұл айтарлықтай экономикалық артықшылық. Мұның бәрі күрделі реттеу жүйесінің нәтижесі&nbsp;және негізгі міндет –&nbsp;бұл артықшылықты экономикалық тиімділіктің төмендеуіне әкелмейтіндей ету”, –&nbsp;дейді сарапшылар.</blockquote>Фото: Нұрболат Нұржаубай

Қазақстан әлемдегі жанармай бағасы ең арзан елдердің қатарына енді

<a href="https://kyzylorda-news.kz/">Kyzylorda-news.kz</a> “Евразия” спорт кешенінде велоспорттан Қазақстан Республикасы Кубогінің салтанатты ашылу рәсімі өтті. Жарыс бағдарламасына ерлер арасында көпкүндік дода, әйелдер арасында жекелей жарыс, сондай-ақ юниор ұлдар арасында «Критериум» бағдарламасы енгізілген.Салтанатты шараға облыстық дене шынықтыру, спорт және туризм басқармасының бөлім басшысы Сағидат Бертай, Қызылорда облысының велоспорт федерациясының президенті Рахат Ілияс, жарыстың бас төрешісі Алла Василенкова және спорт саласының ардагерлері қатысып, жарыс қатысушыларына сәттілік тіледі. Сондай-ақ, ашылу салтанатында велоспорттан ҚР спорт шебері атағын алған жас спортшылар марапатталды.&nbsp;Аталған жарысқа алғаш рет Әзірбайжан мемлекеті, сондай-ақ Астана, Алматы, Шымкент қалалары мен еліміздің өзге де өңірлерінен келген жалпы саны 12 команда қатысады. Спортшылар бірнеше күн бойы тас жолда өзара бақ сынап, өз шеберліктерін көрсетпек.Бұл жарыс аймақта велоспортты дамытуға және жас спортшылардың өзара тәжірибе алмасуына үлкен мүмкіндік болмақ.<img src="https://knadmin.beoblood.kz/uploads/Velosport_turnir_2_2672b239bd.jpg" alt="Велоспорт турнир 2.jpg">

Велоспорттан Қазақстан Республикасының кубогі басталды

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмахановтың төрағалығымен Сырдария өзеніндегі көктемгі су көтерілу кезеңіндегі қауіпсіздікті қамтамасыз ету және аудан аумағындағы санитарлық тазалық мәселелері бойынша кеңейтілген мәжіліс өтті.Жиында Сырдария өзеніндегі су деңгейінің көтерілуіне байланысты атқарылатын жұмыстар жан-жақты талқыланды. Алдын ала мәліметтерге сәйкес, Көктөбе су бекеті арқылы облыс шекарасына секундына 850 текше метр су келуі күтілуде. Осыған орай, аудан басшысы тиісті сала басшыларына су басу қаупі бар аймақтардың қауіпсіздігін қамтамасыз ету, көлдер жүйесі мен жайылымдық жерлерге суды тиімді бағыттау, қорғаныс бөгеттерін нығайту және инженерлік инфрақұрылымды ретке келтіру бойынша нақты тапсырмалар берді.Сонымен қатар жағалауларды бекіту, бөгеттерді жөндеу, каналдар мен арықтарды тазалау, су өткізгіш құрылғыларды жаңарту жұмыстарын белгіленген жоспарға сәйкес сапалы әрі уақытылы жүргізуді қатаң тапсырды. Төтенше жағдайлардың алдын алу мақсатында эвакуациялық пункттердің дайындығы пысықтап, түсіндірме және оқу-жаттығу шараларын тұрақты өткізу қажеттігін атап өтті.Мәжілістің күн тәртібінде Мемлекет басшысы Қасым-Жомарт Тоқаевтың бастамасымен жүзеге асырылып жатқан «Таза Қазақстан» республикалық экологиялық акциясы аясындағы жұмыстар да қаралды. Осы ретте аудан әкімі Әйтеке би кенті мен ауылдық округтердің санитарлық тазалығын сынға алып, бірқатар кемшіліктерді атап өтті.Тазалық жұмыстарын жүйелеу, елді мекендердегі қоқыс мәселесін шешу, абаттандыру мен көгалдандыруды күшейту, заң талаптарын сақтамай, белгіленбеген орындарға қоқыс тастаған тұрғындарға қатысты әкімшілік шараларды күшейту қажеттігін ескертті.Жол бойындағы санитарлық тазалық, әсіресе «Батыс Еуропа – Батыс Қытай» халықаралық автодәлізі бойындағы тазалық мәселесін қамтамасыз ету бойынша тиісті мекемелерге нақты тапсырмалар берілді.Жиын қорытындысы бойынша аудан әкімі барлық жауапты тұлғаларға берілген тапсырмалардың сапалы әрі мерзімінде орындалуы қатаң бақылауда болатынын ескертті.<img src="https://knadmin.beoblood.kz/uploads/azaly_tazaly_m_selesi_2_6aabda971b.jpg" alt="Қазалы тазалық мәселесі 2.jpg">

Қазақстан және Қызылорда облысының жаңалықтары: Қоғам