<a href="https://kyzylorda-news.kz/">Kyzylorda-news.kz</a>&nbsp; Қызылорда қаласындағы Назарбаев Зияткерлік мектебі аймақтағы медиақауымдастық өкілдері арасында үстел теннисінен турнир өткізді.Спорттық іс-шараға республикалық, облыстық және қалалық бұқаралық ақпарат құралдарының журналистері, баспасөз хатшылары, видеооператорлар мен дизайнерлерден құралған 6 команда қатысты. Турнир Қазақстан Республикасының Тәуелсіздік күніне орай ұйымдастырылып, салауатты өмір салтын насихаттауға бағытталды.<img src="https://knadmin.beoblood.kz/uploads/9664cb5b_ecfe_4342_be7e_ba287491befb_05b29a358b.jpg" alt="ниш">Жарыс қорытындысы бойынша ІІІ орынды «Qyzylorda» облыстық телеарнасының командасы, ІІ орынды NIS командасы иеленді. Ал «Сыр медиа» командасы турнирдің жеңімпазы атанды.Сонымен қатар «Үздік ракетка» номинациясы облыстық «Ақмешіт жастары» газетінің тілшісі Аружан Оралбайға және ұлдар арасында қалалық Qogam TV телеарнасының видеоинженері Дәулет Садықовқа бұйырды.<img src="https://knadmin.beoblood.kz/uploads/nish_tennis_69ea318795.jpg" alt="ниш теннис "><img src="https://knadmin.beoblood.kz/uploads/e49f3fc3_a95e_496f_8e7c_84fd1cd719a6_974b1bf936.jpg" alt="теннис ">

Медиа және теннис: Аймақ журналистері үстел тениисінен бақ сынады

<a href="https://kyzylorda-news.kz/">Kyzylorda-news.kz</a> &nbsp;Үкімет жұмысының 2025 жылғы қорытындысы бойынша баспасөз конференциясы барысында энергетика министрі Ерлан Ақкенженов Мемлекет басшысының елдің ресурстық базасын нығайту және газ инфрақұрылымын дамыту жөніндегі тапсырмаларының орындалу барысы туралы хабардар етті.Ведомство басшысы энергетикалық қауіпсіздікті қамтамасыз ету міндеті Президент белгілеп берген стратегиялық приоритет болып қала беретінін атап өтті. Есепті кезеңде Қайыргелді, Тұзкөл және Тасболат жаңа үш газ кен орыны пайдалануға берілген. Тасболат кен орнын іске қосу Маңғыстаудағы Қазақ газ өңдеу зауытының қуатын толықтыруға мүмкіндік берді.

Президент тапсырмаларын жүзеге асыру: Қазақстанда 2025 жылы үш жаңа газ кен орны пайдалануға берілді

<a href="https://kyzylorda-news.kz/">Kyzylorda-news.kz</a> Үкімет Мемлекет басшысының тапсырмаларын орындау аясында «жасыл технологиялар» жобаларын жүйелі түрде жүзеге асырып келеді. Жаңартылатын энергия көздері саласында Қазақстан әлемдік инвесторлар үшін тартымды алаңға айналып отыр.ІІІ тоқсанның қорытындысы бойынша таза энергия генерациясының үлесі жалпы өндіріс көлемінің 7%-нан асты, ал стансалар саны 159-ға жетті.<blockquote>«Биыл 266 МВт жиынтық қуатқа ие бірқатар маңызды жобаны жүзеге асырдық. Қарағанды және Ұлытау облыстарында жаңа жел электр стансалары, Қызылорда және Маңғыстау өңірлерінде күн парктері пайдалануға беріліп, еліміздің энергетикалық жүйесіне нақты үлес қосуда», – деді Ерлан Ақкенженов.</blockquote>Сала дамуының ең бір маңызды кезеңі бірінші рет гигаваттық класты жел электр стансасын және энергия жинау жүйелерін салу бойынша ірі аукционның өткізілгені болды. Бұл қадам елімізде икемді әрі тұрақты энергетикалық жүйе құруға жаңа мүмкіндіктер ашты. Аталмыш тәжірибе нарықтың ірі жобаларды қабылдауға және заманауи технологиялық шешімдерге дайын екенін көрсетті.

Үкімет энергетика саласын дамыту туралы: 160-қа жуық ЖЭК стансасы электр қуатын өндірудің 7%-дан астамын құрады

<a href="https://kyzylorda-news.kz/">Kyzylorda-news.kz</a> Қазақстан Республикасының энергетика министрі Ерлан Ақкенженовтің БАҚ өкілдерімен кездесуі аясында Үкіметтің 2025 жылғы терең өңдеу және мұнай-газ химиясы секторындағы жұмысының қорытындысы шығарылды.Мұнай-газ химиясы саласында экономиканың шикізатқа тәуелділігін әртараптандыруға және төмендетуге арналған дәйекті бағыт жүзеге асырылуда. Отандық мұнай-газ химиясы тұрақты екі таңбалы өсім қарқынын көрсетіп отыр және шикізат емес экспорттың негізгі драйверлерінің бірі ретінде қалыптасуда.<blockquote>«Мұнай-газ химиясындағы өнім өндірісінің көлемі 12%-ға өсті. Қазақстан терең өңделген полипропилен, бензол және параксилол сынды өнімдерді сыртқы нарықтарға жүйелі түрде жеткізуді бастады», – деп атап өтті Ерлан Ақкенженов.</blockquote>Саланың стратегиялық дамуы ауқымды құрылыс кезеңімен тығыз байланысты. Елімізде әлемдік деңгейдегі ерекше мұнай-химиялық кешендер салынып жатыр. Атырау облысында полиэтилен зауытының болашақ пиролиз қондырғысының құрылысы 30%-дан астамына орындалды. Павлодарда алкилат шығаратын кәсіпорынның құрылысы басталды.

Үкімет Мемлекет басшысының тапсырмаларын орындау бойынша жыл қорытындысын шығаруда: Қазақстанда мұнай-газ химиясы өнімдерін өндіру көлемі 12%-ға ұлғайды

<a href="https://kyzylorda-news.kz/">Kyzylorda-news.kz</a> 2025 жылғы Үкімет қызметін қорытындылау аясында энергетика министрі Ерлан Ақкенженов Astana Hub алаңында бұқаралық ақпарат құралдары өкілдерімен кездесіп, энергетика саласын дамыту мәселелерін талқылауда.Есепті кезеңде Үкімет Мемлекет басшысының бастамасымен мұнай-газ секторын, жанар-жағармай материалдары нарығын және мұнай өңдеуді қамтитын ауқымды реформаларды жүзеге асыру ісін жалғастырды.Мұнай-газ саласындағы жылдың басты оқиғасы Теңіз кен орнындағы болашақ кеңейту жобасының толық аяқталуы болды. Зауыттың үшінші буынын пайдалануға беру мұнай өндірудің жылына 12 млн тоннаға өсуін қамтамасыз етті, бұл экспорттық кірістің тұрақты көзін қалыптастырады және ұлттық экономиканың әлеуетін арттырады.ЖЖМ ішкі нарығын реттеу саласында бағаны қолдан басқарудан нарықтық тетіктерге көшу жүзеге асырылды. Қабылданған шаралар нарықты тұрақтандыруға, оны отынмен қанықтыруға және тапшылық қаупін азайтуға мүмкіндік берді.«2025 жылы қуаттылықты арттыру, өнім сапасын арттыру және ғылыми-технологиялық шешімдерді енгізу қағидаттарына негізделген мұнай өңдеу саласын дамытудың 2040 жылға дейінгі ұзақмерзімді өндірістік бағдарлары бекітілді.Нысаналы көрсеткіш жұмыс істеп тұрған мұнай өңдеу зауыттарын кеңейту және қуаты жылына 10 млн тоннаға дейін жететін жаңа МӨЗ жобасын жүзеге асыру есебінен мұнай өңдеу көлемін жылына 18 млн-нан 39 млн тоннаға дейін арттыруды көздейді», — деп атап өтті Ерлан Ақкенженов.Биыл CaspiBitum зауытын жаңғырту аяқталды, нәтижесінде кәсіпорынның қуаты жылына 1,5 млн тоннаға дейін, ал битум өндірісі жылына 750 мың тоннаға дейін артты.Шымкент, Атырау және Павлодар мұнай өңдеу зауыттарын кеңейту, сондай-ақ жаңа МӨЗ салу үшін әлеуетті инвесторлар тарту жұмыстары жалғасуда.Саланың экологиялық күн тәртібіне және технологиялық дамуына ерекше назар аударылады. Көміртекті бейтараптық стратегиясы шеңберінде К5 + мұнай өнімдерінің экологиялық стандарттарына көшу бекітіледі. МӨЗ-ді техникалық жаңғырту мұнайды өңдеу тереңдігін 94%-ға дейін арттыруға және қосылған құны жоғары өнім шығару үшін мұнай өңдеуді мұнай химиясымен біріктіруге мүмкіндік береді.

Президент тапсырмаларын жүзеге асыру: ҚР Үкіметінің қорытынды баспасөз конференцияларының сериясы басталды

<a href="https://kyzylorda-news.kz/">Kyzylorda-news.kz</a> Қазалы&nbsp;ауданының әкімі Алмасбек Есмахановтың төрағалығымен аудан әкімі жанындағы Әйелдер істері және отбасылық – демографиялық саясат жөніндегі комиссияның «ҚОҒАМ. ОТБАСЫ. ӘЙЕЛ» атты жылды қорытындылау шарасы өтті.Руханият орталығында өткен нәзік жандылардың қорытынды шарасына ауданға арнайы жұмыс сапарымен келген облыстық әйелдер кеңесінің төрайымы Райкүл Байназарова мен еңбек ардагерлері, мәслихат депутаттары, әйелдер кеңесінің төрайымдары, және аудандағы әрбір салада жемісті еңбек етіп жүрген әйел азаматтар қатысты.Шара басталмас бұрын қонақтар алдымен орталықтың фоесінде ұйымдастырылған кәсіпкер әйелдердің қолдан жасаған бұйымдарының, кондитерлік және тамақ өнімдерінің көрмесін тамашалады.«Жұмысшы мамандықтар жылы» аясында өткізіліп отырған қорытынды шарада аудан әкімі Алмасбек Әбілқасымұлы алдымен жиынға қатысушыларды алда келе жатқан Тәуелсіздік күнімен құттықтап, аудан көлемінде нәзік жандылардың қатысуымен жүзеге асып жатқан игі жұмыстарды, әйел адамдардың қоғамдағы рөлі жайында сөз қозғады.Аудан басшысынан кейін сөз алған облыстық әйелдер кеңесінің төрайымы Райкүл Байназарова отбасы құндылықтарын насихаттауда және ұлттық, отбасылық әдет-ғұрыптар мен салт-дәстүрлерді дәріптеу бағытында өңірде атқарылып жатқан жұмыстар жайында айтып өтті. Сондай-ақ Райкүл Мансұрқызы қазалылық әйел-аналардың, қыз-келіншектердің қайсыбір салада болмасын үлкен жетістіктерге қол жеткізіп жүргенін тілге тиек етті.Мұнан соң аудандық Әйелдер кеңесінің төрайымы Роза Шорақызы мен Аналар кеңесінің төрайымы, аудандық маслихат депутаты Шәкизада Келімбетқызы кеңестердің жыл бойы атқарған жұмыстары туралы сөз қозғап, алдағы жоспарларымен бөлісті.Кезек ұсыныс-пікірлерге келген Қазалы ауданының Құрметті азаматтары Ажаркүл Сейділдақызы, Бибісара Әбиқызы және Құралай Бекжанқызы, ардагер ұстаз Ғалия Орынбасарова және басқа да әйел-азаматтар еліміздің және өңірдің дамуы мен өркендеуі жолында табысты еңбек етіп жүрген азаматтардың амандығын тілеп, ізгі лебіздерін білдірді.Шарада ауданның қоғамдық-саяси өміріне белсенді араласып жүрген бірқатар әйел – аналарға облыс әкімі Нұрлыбек Машбекұлының, облыс әкімі орынбасарының және аудан әкімнінің «Алғыс хаттары» табысталды. Ал, саналы ғұмырында құрылыс саласында еңбек еткен нағыз еңбек адамы Рыскүл Бекжанова мен медицина саласының ардагері Әсия Ізтілеуге ауданның ең жоғары марапаты – Қазалы ауданының «Құрмет» грамотасы табысталып, халқымыздың игі дәстүріне сай камзол мен жаулық жабылды. Шара соңында Әйел-Аналардың құрметіне аудандық мәдениет өнерпаздары әуелете ән шырқады.Айта кетейік, бүгінде ауданда 80 мыңға жуық халық болса, оның 41 581-ін нәзік жандылар құрайды. Әйтеке би кентінде 25712, Қазалы қаласында 3760 және ауылдық округтерде 12109 әйел. Оның ішінде алтын алқа – 694, күміс алқа – 1152, көп балалы аналар саны – 3546.Статистикалық мәліметтерге сүйенсек, ауданда түрлі саладағы қызметкерлер саны 12 мыңнан асса, оның жартысына жуығын әйел адамдар құрайды. Басшылық қызметте еңбек етіп жүрген әйелдер саны 30-дан астам. Аудандық мәслихат депутаттарының 2-еуі әйел адамдар.

Жыл қорытындысы: Әйел-аналар – татулық пен тұрақтылықтың тірегі

<a href="https://kyzylorda-news.kz/">Kyzylorda-news.kz</a> Мұражай экспозициясында Қызылорда ХҚКО-ларының қалыптасу жолын көрсететін бірегей фотосуреттер мен материалдар ұсынылған. Алғашқы күндерден бастап заманауи жетістіктер мен жаңартылған қызмет стандарттарына дейін.&nbsp;Ашылу салтанатына қоғам және саяси қайраткер Зағипа Балиева қатысты, ол сол кезде Әділет министрі қызметін атқарып, орталықтарды "бір терезе" қағидаты бойынша жұмыс жасау идеясын алға тартты.<img src="https://knadmin.beoblood.kz/uploads/V_Kyzylorde_otkrylsya_muzej_k_20_letiyu_Cz_O_Nov_1_f88ca93401.jpg" alt="В Кызылорде открылся музей к 20-летию ЦОНов 1.jpg">Сондай-ақ, бұл күні облыста ХҚКО-лардың қалыптасуына елеулі үлес қосқан Бердіхан Исматуллаевты еске алды. 2014 жылы ол мамандандырылған орталықтың бірінші басшысы болды және қызмет көрсетудің тиімді моделін қалыптастыруда маңызды рөл атқарды.Ашылу салтанаты екі онжылдықта атқарылған үлкен жұмыстар мен Халыққа қызмет көрсету орталықтарының құрылуының бастауында тұрған адамдар туралы еске салды.

Қызылордада ХҚКО 20 жылдық мұражайы ашылды

<a href="https://kyzylorda-news.kz/">Kyzylorda-news.kz</a> Сырдария&nbsp;ауданвның әкімі Берік Сәрменбаевтың қатысуымен Тәуелсіздік мерекесі қарсаңында өзге ұлт өкілдерімен аудандық форум өткізілді. Форумға облыстық «Қоғамдық келісім» мекемесінің басшысы Бақытжан Камалов, облыстық мәслихат депутаты Жұмабек Ембергенов, аудандық ардагерлер кеңесінің төрағасы Мұса Келдібаев, зиялы қауым өкілдері мен этнос өкілдері қатысты.Салтанатты іс-шарада аудан басшысы елдегі достық пейіл мен бауырмалдық – бейбіт күннің, татулықтың темірқазығындай ең басты құндылық екенін атап өтті.<blockquote>– Биыл еліміз Қазақстан халқы Ассамблеясының құрылғанына 30 жыл толуын атап өтуде. Бұл дата – ел бірлігі мен татулығын басты құндылық ретінде ұстанған мемлекетіміздің тарихындағы маңызды белес. Мемлекет басшысы Қасым-Жомарт Кемелұлы Тоқаев Қазақстан халқы Ассамблеясының «Бірлік. Жасампаздық. Өрлеу» атты 33 сессиясында барша халқымыздың стратегиялық бағдарының түпкі мәнін осы үш ұғым дәл әрі нақты білдіретінін, бірлік пен ынтымақ басты құндылығымыз және мемлекеттік саясаттың бұлжымас бағдары болып қала беретінін атап өтті. Елімізде ұлттардың тұтастығы мен халықтар достығының арқасында бүгінде экономикамыз өркендеп, ілгері басып келетінін жеткізді. «Дамудың сыры – бірлікте, табыстың сыры – тірлікте» дегендей, ауданда бүгінде этнос өкілдері тату-тәтті өмір сүріп, егемендікті баянды, Тәуелсіздікті тұғырлы ету жолында еңбек етуде. Этнос өкілдері аудан экономикасының өркендеуі мен әлеуметтік ахуалының жақсаруына атсалысып келеді. Ауданда этносаралық қатынастарды үйлестіріп, ұлттардың тілі мен дәстүрін ұлықтауды мақсат еткен арнайы бірлестіктер жұмысы жолға қойылған. Сіздердің ауданда өткізіліп жатқан барлық іс-шараларда белсенді екендеріңізді көріп жүрміз. Облыстық іс-шараларда да аудан намысын қорғап, жақсы жетістіктерге жетіп келесіздер. Жақында ғана облыстық «Достық» үйінде өткен облыстық «Ассамблея аруы – 2025» сұлулық байқауында бас жүлдені жерлесіміз, славяне этносының белсендісі Лидия Мясцова жеңіп алды. Бұл баршамыз үшін қуаныш, – деді Берік Әбдіғаппарұлы.</blockquote>Мұнан соң облыстық «Қоғамдық келісім» мекемесінің басшысы Б.Камалов, облыстық мәслихат депутаты Ж.Ембергенов, аудандық ардагерлер кеңесінің төрағасы М.Келдібаев сөз сөйлеп, елдегі бейбітшілік пен татулық егемендіктің мызғымас кепілі екенін айтты.Форумда аудан басшысы татулық пен достықтың сақталуына үлес қосып жүрген өзге ұлт өкілдерін «Алғыс хатпен» марапаттап, сый-құрмет көрсетті. Өз кезегінде этнос өкілдері қиын-қыстау кезеңде дархан пейіл танытып, қамқорлық көрсеткен қазақ халқына алғыстары зор екенін жеткізді.Айта кетейік, форум барысында этнос өкілдері ұлттық дәстүрлері мен ұлттық тағамдарынан көрме көрсетті.Фото: Сырдария ауданы әкімінің баспасөз қызметі

Сырдария – татулық пен достықтың мекені

«AMANAT» партиясы Сырдария аудандық филиалы жанындағы Партиялық бақылау комиссиясының отырысы өтті. Облыстық мәслихат депутаты Жұмабек Ембергенов төрағалық ететін Партиялық бақылау комиссиясын күн тәртібінде негізгі төрт мәселе қаралды.Бірінші мәселе «AMANAT» партиясы сайлауалды бағдарламасының Сырдария ауданы бойынша 2025 жылға арналған индикаторларының орындалу барысы мен алдағы жоспарлар туралы аудан әкімі Б.Сәрменбаев баяндама жасап, сайлауалды бағдарламаның орындалуы бойынша ақпарат берді.– «AMANAT» партиясының сайлауалды бағдарламасының ауданда орындалуы қатаң бақылауда. 2023-2027 жылдарға арналған сайлауалды бағдарламаны іске асырудың Жол картасының Сырдария ауданына жүктелген міндеттеріне 2025 жылға барлығы 48 шара белгіленген. 2025 жылдың 11 айында белгіленген 48 шараның 37 орындалды, 11-і орындалу үстінде. Оның ішінде, орындалмау қаупі бар шаралар саны – 6. Есепті кезеңде аудандағы өңдеу өнеркәсібінің көлемі 11,9 млрд. теңге болып, 19,4 пайызға өсті. Ауыл шаруашылығында жалпы өнім көлемі&nbsp; 24,8 млрд. теңгені құрап, өткен жылмен салыстырғанда 100,5 пайызды құрады. Жыл басынан бері аудан кәсіпкерлеріне мемлекеттік бағдарламалар аясында 129 жоба бойынша 202,8 млн. теңге грант қаражаты берілді. Жол картасы аясында ағымдағы жылы Н.Ілиясов ауылын газдандыру жобасына облыстық бюджеттен 661,4 млн. теңге бөлініп, елді мекен табиғи газден қамтамасыз етілді. Ауданда электр желілерін тозу деңгейін 68 пайызға дейін түсіру межеленген. Бұл бағытта 2024 жылы Шаған ауылын электр желілерімен жабдықтау жұмыстары толық аяқталса, «Ауыл – ел бесігі» бағдарламасы аясында жоба құны&nbsp; 490,5 млн. теңгені құрайтын Қалжан ахун елді мекенін электрмен жабдықтау жүзеге асуда. Жол картасы аясында 2025 жылы&nbsp; 9,5 шақырым жергілікті маңызы бар жолдарды жөндеу және 15 шақырым елді мекендер көшелерін жөндеу жоспарланған. Есепті кезеңде аудан бойынша жол саласына қатысты 5 жобаға 982,3 млн. теңге қаржы бөлініп, аудандық маңызы бар «Қызылорда-Аэрапорт-Қоғалыкөл-Шіркейлі» автожолының қалған 10,2 шақырымы және Шіркейлі, Шаған, С.Сейфуллин елді мекендерінде 13 көше жөндеуден өтті. «AMANAT» партиясының 2023-2027 жылдарға арналған сайлауалды бағдарламасын ауданда толық жүзеге асыруға жұмыстарды жалғастыра береміз. Бұл бағытта нақты шаралар қабылдануда, – деді аудан әкімі.Екінші мәселе бойынша Қоғалыкөл, Шіркейлі ауылдық округінің әкімдері халыққа берген уәделері бойынша есеп берді. Сонымен қатар аудандық қоғамдық даму бөлімінің басшысы Б.Смайлов «AMANAT» партиясы сайлауалды бағдарламасындағы 2025 жылға арналған индикаторларының орындалу барысы туралы баяндама жасады. «AMANAT» партиясы Сырдария аудандық филиалы жанындағы Партиялық бақылау комиссиясының 2025 жылғы жұмыс қорытындысы және 2026 жылға арналған жұмыс жоспары бойынша «AMANAT» партиясы Сырдария аудандық филиалының Атқарушы хатшысы, Фракция жетекшісі А.Ибрагимұлы баяндама жасады.Күн тәртібіндегі мәселелер жан-жақты қаралып болған соң Партиялық бақылау комиссиясының төрағасы Жұмабек Ембергенов партияның сайлауалды бағдарламасы аясында және бюджеттен қаржы бөлініп салынып жатқан нысандарды, оның ішінде әлеуметтік нысандар мен жол құрылысы, тұрғындардың тегін дәрі-дәрмекпен қамтамасыз етілуі бойынша партиялық бақылау жұмыстарын жүргізудің маңыздылығын айтты.– «AMANAT» партиясының сайлауалды бағдарламасын орындау, құрылысы жүріп жатқан нысандарға партиялық бақылау жасау, партиялық жобаларды жүзеге асыру – бәріміздің ортақ міндетіміз. Сондықтан Партиялық бақылау комиссиясы өз жұмысын алдағы уақытта да жалғастыратын болады. Жұмыстардың сапалық мазмұнын арттыру керек. Бірде бір нысан партиялық бақылау жұмыстарынан тыс қалмауы қажет, – деп қорытындылады Партиялық бақылау комиссиясының төрағасы Жұмабек Ембергенов.

Партиялық бақылау комиссиясында бірқатар мәселелер қаралды 

Арал ауданының әкімі Аманжол Оңғарбаев кезекті жеке қабылдау өткізіп, тұрғындардың өтініш-тілектерін тыңдады.Қабылдауға келген азаматтардың басым бөлігі тұрақты жұмысқа орналасу туралы қозғаса, кейбірі тұрғын үй және жер мәселелері бойынша жүгінді.Аудан әкімі Аманжол Сақыпұлы келушілердің мәселелеріне жеке тоқталып, тұрақты жұмыс сұрап келген азаматтарға кәсіпкерлік нысандар мен мекемелерден түскен сұраныс бойынша бос жұмыс орындарын ұсынды.Ал тұрғын үй қажеттілігі және жер алу мәселесімен келген адамдарға баспанамен қамту бойынша жауапты мамандар тарапынан түсініктеме беріліп, заңдылыққа сәйкес нұсқаулықтар айтылды.Еске салайық, тұрғындар аудан әкімінің қабылдауына «е-otinish» бірыңғай базасы немесе әкімдікке келіп жазбаша өтініш тастау арқылы жазыла алады.Аудан әкімдігінің баспасөз қызметі

Аралдық тұрғындар ұсыныс-тілектерін айтты

Тәуелсіздік күні – халқымыздың ең қастерлі құндылығы, мемлекетіміздің жаңа дәуірге қадам басқанын айғақтайтын тарихи белес. Бұл мереке азаттықты аңсаған ұрпақтың рухын, бүгінгі буынның жауапкершілігін, келер ұрпақтың үмітін біріктіретін ерекше күн.Осы орайда «AMANAT» партиясының Қызылорда қалалық филиалында 16 желтоқсан - Тәуелсіздік күніне арналған салтанатты шара өтті. Іс-шараға партияның облыстық филиалының төрағасы Жандос Базартай қатысып, партияластарды ұлтты ұйыстырған, бірлікті бекемдеген атаулы мерекемен құттықтады.Жиын барысында партия қатарына жаңадан қабылданған азаматтарға партиялық билеттер салтанатты түрде табысталды. Сонымен қатар қалалық филиалдың бастауыш партия ұйымдарында белсенді еңбек етіп жүрген және қоғамдық-саяси жұмыстарға елеулі үлес қосқан партия мүшелері марапатталды.Өз сөзінде Жандос Нұртайұлы тәуелсіздіктің тарихи кезеңдеріне тоқталып, елдің даму жолындағы саяси тұрақтылық пен қоғамдық келісімнің маңызын атап өтті. Ол партияның ел мүддесін қорғаудағы, әлеуметтік бастамаларды іске асырудағы және қоғамның сұранысына жауап беретін партиялық жобалардың рөлін ерекше атап өтті.Шарада белсенді партия мүшесі Жанат Қараманова сөз алып, тәуелсіздік жылдарында қалыптасқан жаңа мүмкіндіктер, қоғамның дамуындағы өзгерістер және жауапкершілігі жоғары азаматтық ұстанымның маңызын атап өтті. Ол партия қатарындағы бірлік пен ортақ мақсатқа адалдық ел игілігіне қызмет етудің басты шарттарының бірі екенін жеткізді.<img src="https://knadmin.beoblood.kz/uploads/FB_IMG_1765679326479_d508e468f6.jpg" alt="FB_IMG_1765679326479.jpg">

Тәуелсіздік — бірлік пен келісімінің кепілі 

<a href="https://kyzylorda-news.kz/">Kyzylorda-news.kz</a> Қызылорда қаласындағы Достық үйінде мемлекеттік әлеуметтік маңызы бар жобалар мен бағдарламаларды түсіндіруге арналған семинар ұйымдастырылды.Жиынға «Қоғамдық келісім» КММ қызметкерлері, ақпараттық түсіндіру тобы және ЭМБ өкілдері қатысты.Семинарды «Қоғамдық келісім» КММ директоры Бақытжан Камалов ашып, әлеуметтік қолдау шараларының қоғамдағы маңызына тоқталды.Облыстық кәсіпкерлік және өнеркәсіп басқармасының «Бизнеске арналған үкімет» КММ-нің «Қызмет көрсету» бөлімінің басшысы Шайнурова Гюзель Сериковна сөз сөйледі.Ол қатысушыларға қайтарымсыз мемлекеттік гранттар, өнеркәсіп салаларын, жұмыссыздықты азайтуға бағытталған басқа да қолдау тетіктерін жан-жақты түсіндірді. Сонымен қатар, мемлекеттік қолдау бағдарламаларының тиімділігі, халықтың ақпараттық сауаттылығын арттыру және жастарды әлеуметтік қолдау жұмыстарының өзектілігі жөнінде ой қозғады.Жиын соңында қатысушылар ұсыныстарын ортаға салып, алдағы атқарылатын іс-шаралар бойынша пікір білдірді.

Қазақстан және Қызылорда облысының жаңалықтары: Қоғам