<a href="https://kyzylorda-news.kz/">Kyzylorda-news.kz.</a> Республиканың басым бөлігінде атмосфералық фронттардың өтуімен ауа райының құбылмалы сипаты сақталып, жауын-шашын (жаңбыр, қар), көктайғақ күтіледі, деп хабарлайды Қазгидромет.Тек елдің орталығында антициклонның әсерінен күн райы жауын-шашынсыз болады.Қазақстанның барлық аумағында тұман, желдің күшеюі болжанады.

24 қазанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Жаз бойы атыз жағалаған Сыр диқандары биыл негізгі дақыл күріштен 503 мың тонна өнімді қамбаға құйып, әр гектарынан 56,5 центнер өнім жинады. Ал дәнді дақылдан - 13,7 мың тонна, майлы дақылдан - 4,8 мың тонна, мал азықтық дақылдан - 290 мың тонна, көкөніс және бақша өнімдерінен - 493,1 мың тонна өнім алынды. Сондай-ақ, Қызылорда облысының 85 жылдық мерейтойы аясында облыс орталығында жеті ауданның ауыл шаруашылығы өнімдерінің жәрмеңкесі өтіп, мың тоннаға жуық өнім қала тұрғындарына тиімді бағада ұсынылды. Бұл жөнінде Өңірлік коммуникациялар қызметінде өткен брифингте облыстық ауыл шаруашылығы және жер қатынастары басқармасы басшысының орынбасары Қайратбек Сәрсенбаев хабарлады.<blockquote>«Биыл Сыр диқандары тағы да бір жауапты маусымды ойдағыдай аяқтады. Көктемгі егін егу маусымында 193,4 мың гектар жерге дән себілді. Ал 89,0 мың гектарға Сыр маржаны орналастырылды. Жалпы биыл егілген егін көлемі өткен жылмен салыстырғанда 4,5 мың гектарға артық. Қызылорда облысының негізгі экономикалық әлеуеті ауыл шаруашылығына тікелей қатысты болғандықтан &nbsp;саланы дамыту аса маңызды. Өңірде жалпы ішкі өнімдегі ауыл шаруашылығы саласының үлесі 6 пайызды құрады. Сондай-ақ, 9 айдың қорытындысымен ауыл шаруашылығы саласында &nbsp;157 млрд теңгенің өнімі өндіріліп, өсім көрсеткіші 1,6 пайызға артса, негізгі қорға 9,3 млрд теңге инвестиция құйылды. Бұдан бөлек, жалпы құны 7,9 млрд теңгені құрайтын 11 инвестициялық жобаны жүзеге асыру жоспарланған болса, бүгінде 4 жоба іске қосылды. Ендігі кезекте қалған жобалар кезең-кезеңімен жүргізілетін болады. Жақында облыс әкімінің қатысуымен «Алтын дән - 2023» мерекелік шарасы өтті. Шарада &nbsp;аймақ басшысы ауыл шаруашылығын дамытуға ерекше үлес қосқан үздіктерді ҚР Премьер-Министрінің «Алғыс хатымен», ҚР Ауыл шаруашылығы министрлігінің «Еңбек Ардагері» және «Ауыл шаруашылығы саласының үздігі» төсбелгісімен &nbsp;марапаттады. Сондай-ақ, «Абзал и К», «Ер Әлі» ШҚ, «Таң ЛТД» ЖШС, «Жаңажол» ЖШС демеушілігімен шаруа қожалықтарындағы озат еңбеккерлерге 17 автокөлік табысталды», - деді басқарма басшысының орынбасары Қайратбек Әубәкірұлы.</blockquote>Айта кетейік, Қызылорда облысының 85 жылдық мерейтойы аясында «Алтын дән» мерекелік шарасы барлық аудандар мен Қызылорда қаласында жалғасын тауып, ауыл шаруашылығы саласының үздіктері марапатталатын болады.&nbsp;

Ауыл шаруашылығы саласында 157 млрд теңгенің өнімі өндірілді

<a href="https://kyzylorda-news.kz/">Kyzylorda-news.kz.</a> 2023 жылы «Ауыл - Ел бесігі» бағдарламасы аясында Қалжан ахун елді мекеніне жеткізуші газ құбырын және орамішілік газ тарату желілерін салу жобасына мемлекеттік сатып алу жұмыстары нәтижесінде, мердігер мекеме «Ремстрой» ЖШС анықталды.Аталған мердігер мекемемен келісім шарт жасалып, елді мекен бойынша жалпы ұзындығы 19,7 км құрайтын газ құбырлары жүргізілді. Тұрғын үйлерге арналған 149 дана газ құбыры түтігі орналастырылып, бүгінгі таңда, 5 дана газ реттегіш шкаф пункттері орнатылды. Бүгінгі таңда, газ құбырының тиісті құрылғыларын орнату жұмыстары атқарылуда.Сонымен қатар, С.Сейфуллин А.Тоқмағанбетов елді мекенін газбен қамтамасыз ету жобасының басталуына облыстық бюджеттен - 20,0 млн. теңге қаржы бөлінді. Ағымдағы жылы мемлекеттік сатып алу нәтижесінде «АЭS and Limited» ЖШС мердігер мекеме ретінде анықталды. Елді мекендер бойынша жалпы ұзындығы 48,6 км құрайтын газ құбырлары жүргізіліп, 882 тұрғын үй табиғи газбен қамтылатын болады.&nbsp;Бүгінгі таңда, мердігер мекеме елді мекендерде 6,6 км құрайтын жоғары қысымдағы газ құбырын тарту жұмыстарын атқаруда. Құрылыс жұмыстары 2024 жылға өтпелі.

Сырдарияда табиғи газды пайдаланатын тұрғандар саны артады

<a href="https://kyzylorda-news.kz/">Kyzylorda-news.kz.</a> 24-26 қазан күндері еліміздің көп аймақтарында тұрақсыз ауа райы сақталады, деп хабарлайды Қазгидромте.Синоптиктер атмосфералық фронттардың бірнеше жүйесі бар солтүстік циклон Қазақстан тұрғындарына қыстың жақындап келе жатқанын сездіретінін болжады.Атап айтқанда, ауа-райы тұрақсызданып, қатты жел, көктайғақ құбылыстары мен қар аралас жаңбыр күтіледі. Барикалық құбылыстар бүкіл республика бойынша температураның жоғарылауына әкеледі. Бірақ кезеңнің соңында Скандинавия түбегінің аймақтарынан суық арктикалық ауа массаларының енуі еліміздің батыс, солтүстік-батыс және солтүстік аймақтарында салқындауға әкеліп соғады.Мәселен, республиканың батысында түнгі сағаттарда температура -6 градус аяздан 3 градусқа &nbsp;дейін, солтүстік-батыста 0-7 градус аязға дейін төмендейді. Елімідің солтүстігінде -5 градус аяздан 5 жылыға дейін күтіледі.

Синоптиктер алдағы үш күнге арналған ауа райы болжамын жасады

<a href="https://okg.kz/">ФОТО</a><a href="https://kyzylorda-news.kz/">Kyzylorda-news.kz.</a>&nbsp; Қызылордада кәмелетке толмағанға пышақ жарақатын салған &nbsp;колледж студенті ұсталды. 20 қазан сағат 13:30 шамасында Титов қыстағы “Өркениет” оқу орталығының маңайында колледж студенттерінің арасында жанжал болып, нәтижесінде кәмелетке толмаған жәбірленуші пышақталған дене жарақатымен облыстық ауруханаға жеткізілген.&nbsp;Жедел-іздестіру шараларын жүргізу кезінде 17 жастағы күдікті ұсталып, уақытша ұстау изоляторына қамаққа алынды.​Аталған дерек бойынша Қазақстан Республикасы Қылмыстық кодексінің 293-бабы 3-бөлігімен (Бұзақылық) сотқа дейінгі тергеп-тексеру амалдары жүргізіліп жатыр. Аталған баптың санкциясымен күдіктіге қатысты 3 жылдан 7 жылға дейінгі бас бостандығынан айыру жазасы тағайындалуы мүмкін.&nbsp;<blockquote>– Құрметті ата-аналар! Өз балаларыңыздың өмірі мен тағдыры үшін жауапты екендеріңізді ұмытпаңыздар! Сол себепті оларды өз беттерінше қалдырып, оқудан тыс бос уақыттарын қадағалауды сұраймыз! Бірлесіп атқарған жұмыстар жасөспірімдер арасында құқық бұзушылық пен қылмыстың төмендеуіне септігін тигізетініне сенеміз, – дейді полиция қызметкерлері.</blockquote>&nbsp;

Қызылордада бұзақылық жасаған колледж студенті ұсталды  

<a href="https://kyzylorda-news.kz/">Kyzylorda-news.kz.</a>&nbsp; 25 қазан - Республика күні мерекесі еліміздің барлық өңірінде қоғамдық тәртіпті бақылау күшейтіледі, деп хабарлайды Kazinform.<blockquote>«Республика күні қоғамдық тәртіпті қамтамасыз ету үшін барлық қажетті шара қабылдануда. 24-26 қазан аралығында жеке құрамның қызметі күшейтілген режимге ауысады. Әкімдіктермен бірлесіп мәдени іс-шаралар өтетін орындар белгіленді», - деді Ішкі істер министрлігі әкімшілік полиция комитеті ерекше тапсырмалар жөніндегі аға инспекторы Айдын Оразбаев министрлікте өткен баспасөз мәслихатында.</blockquote>Оның айтуынша, қоғамдық тәртіпті бақылау күштері мен құралдар дайындалды.<blockquote>«Мереке күні қоғамдық тәртіпті сақтауға тартылған полиция қызметкерлері мен Ұлттық ұлан қызметшілерінің санын 20 мыңға дейін көбейту көзделген. Адамдар көп жиналатын және демалатын орындарда полиция жасақтары болады. Сонымен қатар адамдар жиі шоғырланатын орындар жедел басқару орталықтарының бейнебақылау камералары мен визуалды бақылауға алынады. Ахуалды мониторинг үшін жедел штаб жұмыс атқарады. Штабтар барлық өңірде ашылады», - дейді ол.</blockquote>

Республика күні барлық өңірде жедел штаб жұмыс істейді 

<a href="https://kyzylorda-news.kz/">Kyzylorda-news.kz.</a>&nbsp; Тамыры терең, тарихы кенен Қызылорда облысының 85 жылдығы Шиелі ауданының 95 жылдық мерейтойымен де қатар келді. Осыған орай аудан орталығында ауқымды гала-концерт ұйымдастырылды.Облыс әкімі Нұрлыбек Нәлібаев аудан тұрғындарын қос мерекемен құттықтады.<blockquote>«Биыл қасиетті Сыр өңіріндегі Қызылорда облысының құрылғанына 85 жыл толды. Мерейлі мереке қарсаңында халықтың тұрмыс-тіршілігіне оң әсер ететін көптеген игі істер, оң бастамалар жүзеге асты. Жақында Үкімет 9 айдың қорытындысын жариялап, аймағымыздың даму көрсеткіштері республикадағы үздік үштікте екені атап өтілді. Шиелі ауданында сауда, туризм саласы бойынша құны 2 млрд теңгені құрайтын 10 жоба, 28 млрд теңгені құрайтын 15 жеке инвестициялық жоба жүзеге асырылуда. Жобалар іске қосылғанда 860 жаңа жұмыс орны ашылады. Шиелі - 41 Еңбек ері шыққан, Жер-анадан несібесін теріп, маңдай терін төккен еңбек адамдарының мекені. Қасым-Жомарт Кемелұлы Нағи Ілиясов ауылында өткен еңбек адамдарымен кездесуде: «Шын мәнінде, еңбек адамдары - халқымыз үшін ең қажет азаматтар. Ең алдымен, біз еңбек адамдарына құрмет көрсетуіміз керек», – деген болатын. Ауданның жетістіктері - баршаңыздың бір жағадан бас, бір жеңнен қол шығарып, ынтымақ, бірлік, келісіммен жасаған тірліктеріңіздің нәтижесі», - деді аймақ басшысы.</blockquote>Нұрлыбек Машбекұлы тәуелсіздік жылдарынан бері ауданды басқарған ел ағаларын құттықтап, халықтың ынтымағын сақтап, ырысын тасыту жолындағы атқарған жұмыстарына алғыс білдірді. Іс-шарада бірқатар азамат облыс әкімінің Алғыс хатымен марапатталды.Мерекелік кеш өнерпаздардың ән шашуы мен халық көңілін көтерген концерттік бағдарламаға ұласты.<figure class="image"><img src="https://knadmin.beoblood.kz/uploads/392917016_630420922612489_3397088893480321624_n_358ddbc00d.jpg" alt="392917016_630420922612489_3397088893480321624_n.jpg"></figure>&nbsp;<figure class="image"><img src="https://knadmin.beoblood.kz/uploads/392921160_630421059279142_6270573929797926839_n_39cccefc67.jpg" alt="392921160_630421059279142_6270573929797926839_n.jpg"></figure>&nbsp;<figure class="image"><img src="https://knadmin.beoblood.kz/uploads/395412463_630421005945814_2885055634177359475_n_d06ccf8034.jpg" alt="395412463_630421005945814_2885055634177359475_n.jpg"></figure>

Облыс әкімі Шиеліліктерді аудан мерейтойымен құттықтады

<a href="https://kyzylorda-news.kz/">Kyzylorda-news.kz.</a> 23 қазанда күн райының бұзылуына байланысты бірқатар өңірде ескерту жарияланды, деп хабарлайды Қазгидромет.Атап айтқанда, Астана қаласында түнде және таңертең жауын-шашын (жаңбыр соңы қарға ұласады), көктайғақ күтіледі. Солтүстік-батыстан соғатын жел оңтүстік-батысқа ауысып, түнде екпіні 15-20 м/с құрайды.Түнде және таңертең Батыс Қазақстан облысының солтүстігі мен шығысында тұман болжанады.Күндіз Жетісу облысының таулы аудандарында қатты жаңбыр жауып, таулы аудандарда тұман күтіледі. Оңтүстік-батыстан соғатын желдің екпіні облыстың орталығында, батысы мен шығысында 15-20 м/с құрайды.Күндіз Алматы облысының оңтүстігінде кей уақытта қатты жаңбыр жауып, таулы аудандарда жаңбыр мен қар жауын-шашын болады. Түнде және таңертең облыстың таулы аудандарда кей уақытта тұман күтіледі. Батыстан жел соғады, облыстың оңтүстігі мен таулы аудандарында екпіні 17-22 м/с жетеді.Түнде және таңертең Атырау облысының батысы мен оңтүстігінде тұман болжанады.Түнде және таңертең Ақмола облысының оңтүстігінде, солтүстігі мен шығысында жауын-шашын (жаңбырдың соңы қарға ұласады) күтіледі. Өңірдің оңтүстігінде, солтүстігі мен шығысында тұман, көктайғақ болжанады. Солтүстік-батыстан соғатын жел оңтүстік-батысқа ауысып, түнде екпіні 15-20 м/с, облыстың солтүстігі мен шығысында кей уақытта 23 м/с күшейеді.Манғыстау облысының солтүстігі мен шығысын тұман басады.Қарағанды облысының солтүстігі мен шығысында тұман, көктайғақ күтіледі. Батыстан, солтүстік-батыстан жел соғып, түнде күші 15-20, кей уақытта 25 м/с құрайды.Түнде Ұлытау облысында тұман, көктайғақ күтіледі. Солтүстік-батыстан жел соғады, түнде күші 15-20 м/с құрайды.Түнде және таңертең Ақтөбе облысының батысы мен солтүстігінде тұман болжанады.Абай облысында оңтүстік-батыстан соғатын жел солтүстік-батысқа ауысып, күші 15-20 м/с, облыстың солтүстігінде, батысы мен орталығында екпіні 23-28 м/с артады.Түнде Павлодар облысында жауын-шашын жауады. Күндіз өңірдің солтүстік жартысында аздаған жауын-шашын (жаңбыр, қар) байқалады. Облыстың басым бөлгінде көктайғақ күтіледі. Оңтүстік-батыстан, батыстан жел соғып, екпіні 23-28 м/с жетеді.Қостанай облысының батысы мен солтүстігінде тұман күтіледі. Солтүстік-батыстан соғатын жел оңтүстік-батысқа ауысып, күші 9-14, облыстың солтүстігінде, шығысында 15-20 м/с құрайды.Шығыс Қазақстан облысының шығысында қатты жауын-шашын (жаңбыр, қар), көктайғақ күтіледі. Оңтүстік-батыстан соғатын жел солтүстік-батысқа ауысып, екпіні 23-28 м/с жетеді.Түнде Солтүстік Қазақстан облысының солтүстігі мен шығысында жауын-шашын (жаңбырдың соңы қарға ұласады) жауады. Өңірдің солтүстігі мен шығысында көктайғақ күтіледі. Солтүстік-батыстан соғатын жел оңтүстік-батысқа ауысып, екпіні 23-28 м/с артуы ықтимал.Түнде және таңертең Түркістан облысының таулы аудандарында қатты жаңбыр күтіледі. Солтүстік-батыстан жел соғады, облыстың оңтүстігінде, батысында, таулы және тау бөктерлі аудандарында күші 23 м/с жетуі мүмкін.Шымкент қаласында солтүстік-батыстан жел соғады, екпіні кей уақытта 23 м/с күшейеді.

Ауа райы: Бүгін бірнеше өңірде ескерту жарияланды

<a href="https://kyzylorda-news.kz/">Kyzylorda-news.kz.</a>&nbsp;Нашақорлыққа және есірткі бизнесіне қарсы күрестің 2023-2025 жылдарға арналған Кешенді жоспарын іске асыру мақсатында, Қызылорда облысының Есірткі қылмысына қарсы іс-қимыл басқармасы, Қызылорда облысының білім басқармасымен бірлесе отырып есірткіге қарсы бейнероликтер байқауын ұйымдастырды.&nbsp;Іс-шараның мақсаты - халықтың назарын салауатты өмір салтын ұстану қажеттілігіне аудару, бос уақытты тиымды пайдалану және жастардың шығармашылық әлеуетін дамыту.Байқауға жалпы орта білім беретін мектептердің жоғары сынып оқушылары мен оқу орындарының студенттері қатысты.Байқаудың бірінші кезеңін білім бөлімдері өткізді, үздіктері екінші турға жіберілді. Байқау финалына қатысу үшін 36 жұмыс келіп түсті. Құрамына полиция қызметкерлері, «Қызылорда еріктілері» қорының, «Жастар спорттық туризмі және туристік көпсайыс» жастар қоғамдық бірлестігінің өкілдері кірген сайыстық комиссия 12 жұмысты атап өтіп, оның 6-ы үздік деп таныды, олар: Абжапбарқызы Ақбота, &nbsp;Нұрлыбай Айбол &nbsp;(Шиелі ауданы N48 мектеп-лицей мен №49 орта мектеп), &nbsp;Сансызбай Баян &nbsp;(Арал ауданы N262 мектеп-гимназия), &nbsp;Расимова Сабина (Қармақшы ауданы N108 орта мектеп), &nbsp;Дастанова Зере (Сырдария ауданы N36 мектеп-лицей), Арыстанбаев Темірлан (Қызылорда қаласы N23 мектеп-лицей).&nbsp;Сайыста жеңіске жеткен жұмыстар бұқаралық ақпарат құралдарында орналастырылады және есірткіге қарсы іс-шараларды өткізу кезінде үгіт материалы ретінде пайдаланылады.

Мақсат - халықты салауатты өмір салтын ұстануға бағыттау

<a href="https://kyzylorda-news.kz/">Kyzylorda-news.kz.</a>&nbsp;Нашақорлыққа және есірткі бизнесіне қарсы күрестің 2023-2025 жылдарға арналған Кешенді жоспарын іске асыру мақсатында, Қызылорда облысының Есірткі қылмысына қарсы іс-қимыл басқармасының қызметкерлері жалпы білім беретін оқу орындары арасында дабыл қағушылар отрядтарының арасында байқау ұйымдастырды.Есірткімен күрес полицейлерінің мақсаты - балаларды бос уақыттарын тиымды пайдалануға тарту, салауатты өмір салтын ұстану және балалардың жасырын таланттары мен қабілеттерін анықтау.Іріктеу турын облыс аудандарындағы білім бөлімдері өткізді. Екінші турға үздік 23 команда қатысты. Байқауға қатысушылар өздерінің марш ансамбльдерінің көрсетілімдерінде саптық элементтер бағдарламасын және барабанда ойнаған әуенднрін сапалы орындауға тырысты.Әрине, балалардың қойылымдары шеру деңгейінде болмады, бірақ жеңіске деген ынта оларды алға жылжытты. Әр команданың өзіндік ерекше стилі болды, сондықтан бірде-бір қатысушы назардан тыс қалмады.Барабаншылардың үздік ансамбльдері Шиелі ауданы N48 мектеп-лицейі, &nbsp;Арал ауданы N220 орта мектебі, Қазалы ауданы №94, 102 орта мектептері, Қармақшы ауданы N277 орта мектебі мен N279 мектеп-лицейі танылды.Байқауға қатысушыларға марш барабандары мен дипломдар табыс етіледі.

Дабыл қағушылар отрядтарының арасында байқау ұйымдастырылды

<a href="https://kyzylorda-news.kz/">Kyzylorda-news.kz.</a> 2024 жылғы 1 қаңтардан бастап еңбекке қабілеттіліктен айырылу және асыраушысынан айырылу жағдайлары бойынша әлеуметтік төлемдер артады.Тиісті қаулыға премьер-министр Әлихан Смайылов қол қойды. Құжатта 2024 жылғы 1 қаңтардан бастап Мемлекеттік әлеуметтік сақтандыру қорынан еңбекке қабілеттіліктен және асыраушысынан айырылу бойынша тағайындалған әлеуметтік төлемдерді 7 пайызға арттыру көзделген.Бұл қаражат еңбекке қабілетін жоғалтқан 87 мыңға жуық адамды және асыраушысынан айырылған 59 мың отбасын қамтиды. Бұл мақсаттарға қосымша 5 миллиард теңгеден аса қаражат жұмсалады.&nbsp;Айта кетейік, Әлеуметтік кодекске сәйкес Үкімет еңбекке қабілеттіліктен және асыраушысынан айрылу жағдайы бойынша төлемдердің мөлшерін жыл сайын арттырып отырады.<a href="https://massaget.kz/basty-zhaalytar-438/92898/">massaget.kz</a>

1 қаңтардан бастап кейбір әлеуметтік төлемдер артады

<a href="https://kyzylorda-news.kz/">Kyzylorda-news.kz.</a> Премьер-министрдің орынбасары, қаржы министрі Ерұлан Жамаубаевтан «7-20-25» ипотекалық бағдарламасын қаржыландыруға қатысты пікір білдірді.Мәжіліс аясында журналистер Ұлттық банк «7-20-25» ипотекалық бағдарламасын қаржыландыруды жалғаса ма деп сұрады.<blockquote>«Ұлттық банк қазір қаржыландыруды жалғастыру туралы сұрақты ойластыруда. Егер жалғасса, бұл ипотекалық несиелеуді қосымша ынталандырады», – деді Жамаубаев.</blockquote>Қаржы министрлігінің басшысы тұрғын үй нарығында бағаның өсуіне жол бермеу үшін бұл мәселеге "өте мұқият" қарайтынын айтты. БАҚ өкілдері тұрғын үй бағдарламасыа 100 миллиард теңге аз екенін айтты.<blockquote>«Қарастырайық. Бұл – даулы мәселе. Ең бастысы, ипотекалық несиелеудің қалыпты нарықтық тетіктері жұмыс істеуі керек. Барлығын жеңілдікті бағдарламамен қанағаттандыру мүмкін емес», – деді вице-премьер министр.</blockquote>Еске сала кетейік, биыл «7-20-25» ипотека бойынша белгіленген лимиттер жеңілдікті бағдарлама арқылы тұрғын үй сатып алғысы келетіндердің наразылығын тудырды.&nbsp;<a href="https://stan.kz/7-20-25-ipotekalik-bagdarlamasi-ari-karay-karzhilandiri-389991/">Stan.kz</a>

Қазақстан және Қызылорда облысының жаңалықтары: Қоғам