<a href="https://kyzylorda-news.kz/ru">Kyzylorda-news.kz.</a>&nbsp;2023 жылы енгізілген өзгерістерге байланысты «Тәуелсіздік ұрпақтары» грантына 14 жастан бастап 35 жасқа дейінгі азаматтар үміткер бола алады. Грантқа құжат қабылдау «Ғылым», «Мәдениет», «Ақпараттық технологиялар», «Бизнес», «Медиа» бағыттары бойынша іріктеледі. Бұл туралы Өңірлік коммуникациялар қызметінің ақпарат алаңында облыстық «Жастар ресурстық орталығы» КММ-нің директоры Талғат Тілес хабарлады.<blockquote>&nbsp;«Тәуелсіздік ұрпақтары» гранты - белсенді шығармашыл жастар қауымдастығын қалыптастыруға бағытталған. Осы арқылы грант жеңімпаздарының жаңа бастамаларына мемлекет қолдау танытады.Грант беру қағидаларына сәйкес конкурс екі кезең арқылы жүргізіледі. Атап айтқанда, бірінші кезең – конкурстық өтінімдерді қабылдау және қарау, ал екінші кезең – конкурстық өтінімдерді бағалау және жеңімпаздарды анықтау. Грантқа өтінімдерді қабылдау 26 қыркүйектен 26 қарашаға дейін жүзеге асырылады. Конкурстың қорытындысы бойынша жыл соңына дейін 30 азаматқа 3 млн теңге көлемінде грант беріледі, - деді Талғат Оспанұлы.</blockquote>Брифинг барысында «Дарын» мемлекеттік жастар сыйлығына өтінім қабылдау барысы туралы айтылды. Аталмыш байқау «Әдебиет», «Ғылым», «Дизайн және бейнелеу өнері», «Журналистика», «Классикалық музыка», «Креативті бастамалар», «Спорт», «Театр және кино», «Эстрада», «Халық шығармашылығы» номинациялары бойынша өтеді. «Дарын» жастар сыйлығын алуға 35 жасқа дейінгі азаматтар қатыса алады. Конкурсқа қатысуға құжаттар 20 қарашаға дейін жалғасады.

«Тәуелсіздік ұрпақтары» грантына құжат қабылдануда

<a href="https://kyzylorda-news.kz/ru">Kyzylorda-news.kz.</a> Арманға ақша жинау, мысалы, өз көлігіңізді сатып алу, л о фт стилінде жөндеу жұмыстарын жүргізу немесе еуротурға бару&nbsp;–&nbsp;бұл өте нақты және қолжетімді, бұл үшін керемет ақша табудың қажеті жоқ. Арманды жүзеге асыру жолындағы ең басты &nbsp;нәрсе &nbsp;–&nbsp;нақты тұжырымдалған мақсат және оны &nbsp;іске &nbsp;асыру кезеңдері.Өзіңіздің қаржылық сауаттылығыңызды &nbsp;арттырып , армандарыңызды жүзеге асыры п, &nbsp;қаржылық қауіпсіздік жастықшасын &nbsp;қалай жасауға болады&nbsp;– &nbsp;біз оны Fingramota.kz -пен бірге талдаймыз .Армандар ішкі сезімдерге тікелей байланысты, ал адамның нақты мүмкіндіктері мен қабілеттеріне әрдайым байланысты бола бермейді. Алайда, арманның негізгі функциясы – адамды шабыттандыру. Арманды шындыққа айналдыру үшін нақты қаржылық мақсат қалыптастыру керек. Мысалы, өзіңізге мақсат қою – «тамызға &nbsp;демалыс үшін &nbsp;500 мың теңге жинау », әрі қарай осы бағытта жұмыс істеу керек. Бұдан әрі ай сайын қанша ақша жинау керек, одан кейін отбасылық бюджетті талдау қажет. Мысалы, сіздің күнделікті таңертеңгі кофеңіздің құны 1 000 теңге, алайда сіз үйден кофе дайындауды шештіңіз, бұл 1 000 теңгені сіздің жинақ қобдишасына салу керек. Арифметикалық және геометриялық прогрессия қағидаттары бойынша жинақтау әдістерін қарастырайық.Арифметикалық прогрессия қағидатыҚаржы саласында арифметикалық прогрессия өте жақсы жұмыс істейді –біртіндеп қоса отырып елеулі соманы жинауға болады. Бұл алгебра мен математикалық талдаудың негізгі ұғымдарының бірі. Кішкентай сандар көбеюге бейім, бұл тек уақытқа байланысты. Кез келген адам қауіпсіздік жастықшасын жасап, төтенше жағдайларға аздап ақша жинақтай алады.45 күнде жина у . Әдіс арифметикалық прогрессияға негізделген: сіз 1000 теңгеден бастайсыз және&nbsp;күн сайын&nbsp;алдыңғыға қарағанда 100 теңгеге артық жинайсыз. Бірінші жарна – 1 000 теңге, екіншісі – 1 100, содан кейін 1 200 және т.б. Соңғы, қырық бесінші күні жинақ қобдишасына 5 400 теңге салыңыз. Негізгі ереже – күндерді өткізіп алмау. Сонда бар болғаны 45 күнде сіз&nbsp;144 000&nbsp;теңге&nbsp;жинайсыз. Осы қағида бойынша 1000 мың теңгенің орнына үлкен сомадан бастауға болады, бәрі сіздің бюджетіңізге байланысты. 365 күнге арналған &nbsp;жинақтау кобдишасы . Бұл жинақтаудың дәл сондай нұсқасы, бірақ бір жылға ұзартылды. Сіз сондай-ақ 1 000 теңгеден бастайсыз және&nbsp;аптасына бір рет&nbsp;1000 теңгеге көбірек үнемдейсіз(1 000, 2 000, 3 000...). Соңғы, ең жоғары жарна – 52 000 теңге. Егер жіберіп алмасаңыз, жылына&nbsp;1 378 000 теңге&nbsp;жиналады. Ең бастысы, жыл соңында кестедегі барлық күндер сызылуы керек. Бұдан көбірек те салуға болады, бірақ кем емес. Сіз ақшаны онлайн-банкинг арқылы да жинай аласыз. Сондай-ақ, сіз депозит ашып, оған мақсатыңыздың атын бере аласыз, көптеген онлайн-банкинг бұл функцияны қолдайды. Заманауи қобдишалар . Қазір сіз кестемен бірге 100 күнге арналған дайын жинақ қобдишаларын сатып ала аласыз. Кестенің арқасында сіз жүйелі түрде ақша жинайсыз, күн сайын ұяшықтарды бояйсыз және капиталыңыздың өсуін бақылайсыз. Бұл әдіс әсіресе балалар үшін қызықты болады. Күн сайын капиталдың қалай өсетініне қарап, бала сандардың арифметикалық прогрессиясын сезінеді, шыдамдылыққа үйренеді және қаржылық тұрғыдан сауатты болады.Геометриялық &nbsp;прогрессия &nbsp;қағидаты&nbsp;Ең алдымен геометриялық прогрессияның негізгі мағынасын еске түсірейік – бұл ең алдымен сандар тізбегі, онда осы тізбектің әр элементі екіншісінен бастап бірдей көбейткішке көбейтілген алдыңғы санға тең болады. Егер сіз арифметикалық прогрессияда соманы қоссаңыз, геометриялық прогрессияда көбейтуіңіз керек.Мысалы, &nbsp;алты апталық &nbsp;жинақтардың мысалын алайық. Сома екі еселенгендіктен, осы қағидат бойынша аптасына бір рет жинақ жасауға кеңес береміз. Сіз 1 000 теңгеден бастайсыз және&nbsp;әр апта сайын&nbsp;алдыңғыға қарағанда екі есе көп сомаға үнемдейсіз. Бірінші жарна – 1 000 теңге, екіншісі – 2 000, содан кейін 4 000 және т.б. Соңғы, алтыншы аптада қобдишаға 32 000 теңге саласыз. Негізгі ереже – күндерді өткізіп алмау. Сонда 6 апта ішінде сіз&nbsp;63 000 теңге&nbsp;жинайсыз. Бастау үшін Сіз кез келген соманы таңдай аласыз, бірақ аптасына бір рет қатаң түрде салып отыруыңыз керек.Толығырақ "<a href="https://fingramota.kz/kk/post/zhinatau-tehnologiyasy-armandy-shyndy-alaj-ajnaldyru-bolady">Бюджетті жоспарлау</a>" бөлімінен оқыңыздар.&nbsp;

Жинақтау технологиясы: арманды шындыққа қалай айналдыруға болады  

<a href="https://kyzylorda-news.kz/ru">Kyzylorda-news.kz.</a> «AMANAT» партиясы облыстық филиалының Атқарушы хатшысы Ләйлә Төрешова бүгін Қармақшы ауданында болып, бастауыш ұйым төрағаларымен кездесті.Жиында бастауыш партия ұйымдарының қызметiн одан әрi жандандыру мәселелері сөз болып, партияның алдағы мақсат міндеттері талқыланды.<blockquote>«Өздерiңiзге белгiлi, «AMANAT» партиясы үнемі тың бастамалар көтерiп, жауапты шешiмдер қабылдауға ұйытқы болып ғана қоймай келедi. Мемлекет басшысының қоғамдық тірегі ретінде оның барлық бастамалары мен саяси реформаларын толық қолдап келеді. Атап айтсақ, елімізде Конституцияға өзгерістер мен толықтырулар енгізіліп, Президент пен Парламент Мәжілісі мен мәслихаттар сайлауының жаңа форматы секілді ауқымды саяси өзгерістер орын алды. Бұл жұмыстардың барлығына өздеріңіз белсенді қатысып, куә болып келесіздер»,- деді Ләйлә Төрешова.</blockquote>«AMANAT»- елмен етене араласып, халықтың мүддесiн қорғап жүрген бiрден-бiр қоғамдық ұйым болып табылады. Бүгiнде облыста 206 бастауыш ұйымдарға топтастырылған партияның 45 мыңнан астам мүшесi болса, Қармақшы ауданында 18 бастауыш ұйым, 3855 партия мүшесі жұмыс жасайды. Бүгінгі күні партияның Орталық аппараты тарапынан бастауыш ұйымдарды материалдық қолдау шаралары да жүргiзiліп келеді. Осылайша, жергiлiктi жердегi бастауыш партия ұйымдарын қолдау арқылы қарапайым тұрғындардың әлеуметтiк мәселелерiн анықтауға және оны бiрлесе шешуге мүмкiндiктер жасалынып отыр.Бастауыш партия ұйымдары елiмiздегi аса маңызды бағдарламалар мен тапсырмаларды жергiлiктi жерде жүзеге асыратын үлкен күш болып есептеледi. «AMANAT» партиясының қоғамдағы ең басты саяси күшке айналып, халықтың қолдауына ие болуына осы бастауыш партия ұйымдарының қосар үлесi мол. Осы орайда партияның облыстық филиалының Атқарушы хатшысы Ләйлә Төрешова партияның алдында тұрған мақсаттар мен міндеттер айқындығын атап өтіп, ең бірінші кезекте партияның саяси Тұғырнамасы мен Сайлауалды бағдарламасында айқындалған еліміз бен аймағымыздың табысты дамуына бағытталған міндеттерді бірлесе де белсенді атқару қажет екендігін жеткізді.Ашық пiкiр алмасу ортақ iс үшiн әрқашан пайдалы болмақ. Осы орайда партияның облыстық филиалының Атқарушы хатшысы бастауыш ұйым төрағаларының ұсыныс - пікірлерін тыңдап, бірқатар міндеттер жүктеді. Соның бірі бастауыш ұйымдар жұмысын ашық ақпараттандыру.<blockquote>«Жалпы ақпараттандыру жұмысын айтқанда партияның барлық бағыттағы қызметі азаматтар үшін ашық және кең көлемде жариялануы тиіс. Біз партия жұмысын халыққа ашық көрсетуіміз қажет.Сондықтан партия қызметін ақпараттандыруға бастауыш ұйым төрағаларынан бастап, барлық белсенділері толық қатысулары керек», -деді Ләйлә Төрешова.</blockquote>Жиын соңында «AMANAT» партиясы Қармақшы аудандық филиалының төрағасы Әділ Қошалақов Атқарушы хатшы тарапынан бастауыш ұйымдар жұмысын жетілдіруге қатысты айтылған барлық ұсыныстарды алдағы жұмыстарда жүзеге асыруға жұмылатындықтарын жеткізді.

Атқарушы хатшы бастауыш ұйым төрағаларымен кездесті

<a href="https://kyzylorda-news.kz/ru">Kyzylorda-news.kz.</a>&nbsp; Осы жексенбі яғни 5 қараша күні алғаш рет Сырдария және Шиелі ауданы әкімінің сайлауы өтеді.Пилоттық сайлауға 2 ауданнан кандидат ретінде 6 азамат тіркелді. Олардың 2-і саяси партия атынан, 4-і өзін-өзі ұсынды. Қызылорда облыстық сайлау комиссиясының ақпаратына сүйенсек, 2 ауданда 70 мыңнан аса сайлаушы дауыс беруге қатысады.&nbsp; Сайлау күні Сырдарияда - 18, Шиеліде - 40 учаске, барлығы 388 комиссия мүшесі қызмет атқарады.&nbsp;Барлық дауыс беру учаскелеріндегі кабиналар талапқа сай жабдықталды.&nbsp;Мүгедектігі бар азаматтар үшін трафареттер және аудио нұсқадағы бюллетень толтыру ережесі көрсетілген аудиоматериалдар таратылды. Барлық сайлаушылар үшін қағаз түріндегі шақыру қағаздары және байланыс операторларымен жүргізілген келісім-шартқа сәйкес барлық сайлаушылар үшін арнайы «смс хабарлама» жөнелтілуде.&nbsp;Дауыс беру күні 2 аудандағы 16 учаскеде онлайн сервис қолжетімді болады. Сайлау күні заң бұзушылықтарды болдырмау және қоғамдық тәртіпті сақтау үшін құқық қорғау органдары өкілдерінен арнайы кезекшілер бекітілді.&nbsp;Жексенбі күні өтетін пилоттық сайлауға Сырдария және Шиелі ауданы дайын.&nbsp; &nbsp;

Сырдария мен Шиелідегі барлық дауыс беру учаскелері сайлау өткізуге дайын

<a href="https://kyzylorda-news.kz/ru">Kyzylorda-news.kz.</a>&nbsp;Әлеуметтік салаға бағытталған «Zhas project» шағын грант байқауы өз мәресіне жетті. Жобаға өтінім қабылдау барысында NEET санатындағы 18-35 жас аралығындағы 274 жас қатысуға ниет білдірген. Техникалық іріктеуден 98 өтініш өтіп, оның 42-сі байқау талабына сай комиссияның қарауына ұсынылды. Бұл туралы Өңірлік коммуникациялар қызметінің ақпарат алаңында «Zhas project» жобасының Қызылорда облысы бойынша тәлімгері Әкімбек Әлібек хабарлады.<blockquote>-«Zhas project» жобасы - NEET санатындағы жастарды нәтижелі жұмыспен қамтуға бағытталады. Байқауда халықтың осал топтары мен шалғай ауылдық елді мекендердің жастарына ерекше басымдық берілді. Сонымен қатар, жобаның бірінші кезеңінде 400-ден астам қатысушы кеңес алып, шалғай аймақтарда тұратын жастармен кездесу ұйымдастырылды. Екінші кезеңде іскерлік дағдыларды үйрету, дамыту және жүзеге асыру бойынша тренингтер өткізілді. Ал үшінші кезеңде «Zhas Project» байқауының жеңімпаздары өз әлеуметтік жобаларын облыс жұртшылығына, БАҚ өкілдеріне және меценаттарға ұсынды, - деді Әкімбек Әлібек.</blockquote>«Zhas project» жобасының қорытындысымен 14 бизнес-идея үздік деп танылып, оны жүзеге асыруға 1 млн теңге көлемінде қаржы берілді. Соның бірі – жаңақорғандық Бөкейхан Пірмат ұсынған вулканизация жобасы. Бұл жобаның ерекшелігі – әлеуметтік қолдауды қажет ететін азаматтар, оның ішінде көлік жүргізушілерінің автобөлшегін тегін жөндеу бойынша көмек көрсетіледі.

«Zhas project» жобасының жеңімпаздары анықталды

<a href="https://kyzylorda-news.kz/ru">Kyzylorda-news.kz.</a>&nbsp;3 қарашада Астанада және еліміздің 10 облысында дауылды ескерту жарияланды, деп хабарлайды "Қазгидромет" РМК.Астанада түнде және таңертең тұман болады.Ақмола облысының солтүстігінде, оңтүстігінде, шығысында түнде және таңертең тұман, көктайғақ болады. Жел оңтүстік-шығыстан, оңтүстік-батыстан, облыстың солтүстігінен соғады, екпіні 15-20 м/с. Көкшетауда оңтүстік-шығыстан, оңтүстіктен жел соғады, күндіз екпіні 15-20 м/с.Атырау облысының батысында, оңтүстігінде, шығысында түнде және таңертең тұман болады.Батыс Қазақстан облысының батысында түнде және таңертең тұман болады. Оңтүстік-шығыстан соғатын жел, түнде облыстың шығысында оңтүстіктен екпіні 15-20 м/с.Ұлытау облысының солтүстігінде түнде және таңертең тұман болады.Қарағанды ​​облысының солтүстігі мен шығысында түнде тұман, көктайғақ болады. Қарағандыда түнде тұман, көктайғақ болады.Павлодар облысының оңтүстігінде түнде солтүстік-батыстан соғатын желдің екпіні 15-20 м/с болады.Қостанай облысының солтүстігінде, шығысында, оңтүстігінде тұман. Оңтүстік-батыстан соғатын жел екпіні күндіз облыстың батысы мен солтүстігінде 15-20 м/с.Абай облысының батысында, солтүстігінде және шығысында көктайғақ, тұман, көктайғақ болжанды.Түнде Шығыс Қазақстан облысының солтүстігі мен шығысында қатты жауын-шашын (көбінесе қар) болады. Облыстың солтүстігі мен шығысында қар жауып, тұман түсіп, көктайғақ болады.Солтүстік Қазақстан облысының оңтүстігінде түнде және таңертең тұман. Оңтүстік-шығыстан, оңтүстіктен жел соғады, күндіз екпіні 15-20 м/с.

Жұмаға арналған ауа райы болжамы

<a href="https://kyzylorda-news.kz/ru">Kyzylorda-news.kz.</a>&nbsp; Бүгін облыс әкімі Нұрлыбек Нәлібаевтың төрағалығымен аймақтағы өзекті мәселелер талқыланған мәжіліс өтті.Жауапты басшылар әлеуметтік газ жеткізу, күзгі егін-терім қорытындысы, қоғамдық көлік, коммуналдық қызмет және т.б. бойынша қазіргі жағдайды баяндады.Жуырда өткен облыс әкімінің жеке қабылдауына келген Қызылорда қаласы маңындағы саяжай тұрғындарының мәселелері талқыланды. Аймақ басшысының тапсырмасына орай облыс әкімінің орынбасары, қала әкімі және сала басшылары барлық саяжайға барып халықпен кездеседі. Алдағы уақытта да шет аймақтағы тұрғындар ұсыныс-пікірі назардан тыс қалмайды.Мәжілісте аймақ басшысы жылу беру маусымының талапқа сай өтуін қамтамасыз етуді тапсырды. Алдағы мақсат-міндеттерді белгілеп, туындайтын мәселелерді заң аясында реттеуді ескертті. Әсіресе, өңірде салынатын құрылыс нысандарының сапалы болуын, су, электр жарығының үздіксіз берілуін және өзге де көрсетілетін қызметтерді үнемі бақылауда ұстауды міндеттеді.Қазір қараша айына бөлінген 7,5 мың тонна газ жоспарға сәйкес облысқа күнделікті жеткізілуде. Ахуал тұрақталып, газ еркін сатылуда.<figure class="image"><img src="https://knadmin.beoblood.kz/uploads/398676140_636502265337688_8914619372019843974_n_e9c68edb6b.jpg" alt="398676140_636502265337688_8914619372019843974_n.jpg"></figure>

Қызылордада ахуал тұрақталып, газ еркін сатылуда

<a href="https://kyzylorda-news.kz/ru">Kyzylorda-news.kz.</a>&nbsp;Назарбаев Зияткерлік мектептері оқушылары арасында ұйымдастырылған баскетболдан аймақтық спартакиадада Қызылорда қаласындағы NIS-тің қыздар командасы жүлделі 3-орынды иеленді. &nbsp;Абай Нұрлыбек – «Үздік ойыншы» , ал Нұрсәт Сражадин – «Үздік ортаңғы ойыншы» номинаияларымен марапатталды.Қостанай өңірінде өткен спорттық жарысқа &nbsp;Қызылорда, Қарағанды, Шымкент және Алматы қалаларының қыздар мен ұлдар командалары қатысты. Ерекше достық асмотферасын сезіндірген ойыншылар жанкүйерлеріне қызықты ойын-өрнегін көрсетті. Нәтижесінде ұлдар арасында І-орынды Алматы қаласындағы физико-математика бағытындағы NIS-тің командасы иеленсе, ІІ және ІІІ-орындарды қарағандылық ойыншылар мен Шымкенттегі физика-математика бағытындағы мектептің командасы бөліп алды.Қыздар арасында шымкенттік физика-математика бағытындағы NIS сұлулары жеңіс тұғырынан көрінсе, екінші орынға тең ұпай алған қарағандылық команда орналасты және жүлдегерлер үштігіне сырбойылық арулар енді.

Сырбойылық қыздар командасы баскетбол сайысында қоладан медаль тақты

<a href="https://kyzylorda-news.kz/ru">Kyzylorda-news.kz.</a>&nbsp; Бүгін облыс әкімі Нұрлыбек Нәлібаев ҚР Төтенше жағдайлар вице-министрі, генерал-майор Ерлан Нұрпейісовпен кездесіп, «Зымыран-2023» республикалық командалық-штабтық оқу-жаттығуын дайындау және өткізу шараларын талқылады.Вице-министрдің айтуынша, 1-3 қараша аралығындағы оқу-жаттығудың мақсаты – төтенше оқиға кезіндегі іс-қимылдарға азаматтық қорғау мемлекеттік жүйелері басқару органдарының күштері мен құралдарының әзірлігін пысықтау.Оқу-жаттығу кезінде төтенше жағдай туындағандағы міндеттерді орындауға АҚМЖ аумақтық және салалық кіші жүйелерінің басқару органдарының, күштері мен құралдарының дайындық дәрежесі анықталады. Орталық және жергілікті атқарушы органдарға бағынысты азаматтық қорғау күштері мен құралдарын басқару жөніндегі іс-әрекеттері мен өзара іс-қимылдарының үйлесімділігі жетілдіріледі. Құлақтандыру және байланыс жүйелерінің әзірлігі, жедел кезекшілік ұйымдастыру, диспетчерлік қызметтердің жұмысы, материалдық-техникалық, азық-түлік және медициналық резерв қоры тексеріледі. Сондай-ақ ТЖ алдын алу және жою жөніндегі комиссиялардың, азаматтық қорғау қызметтері жедел штабтарының жұмыстарын ұйымдастыру қарастырылған.Оқу-жаттығуға облыстық азаматтық қорғаудың 15 қызметі және Қармақшы ауданы әкімдігі қатысуда. Іс-шара екі кезеңнен тұрады. Теориялық бөлігі Қармақшы ауданы Жосалы кентінде ұйымдастырылса, практикалық іс-қимыл Диірментөбе елді мекенінде өткізілмек.Аймақ басшысы бұл операцияның маңыздылығын айтып, оқу-жаттығудың сәтті өтуіне тілектестік білдірді.&nbsp;

Қызылордада «Зымыран» республикалық оқу-жаттығуы өтуде

<a href="https://kyzylorda-news.kz/ru">Kyzylorda-news.kz.</a>&nbsp; Кейінгі жылдары туған жерін көркейтуге, өркендетуге жергілікті кәсіпкерлер белсенді атсалысып келеді. Бизнес қауымдастығының өкілдері аймақта құны 37 млрд. теңгеден асатын жобаларды іске асыруда.Бүгін облыс әкімі Нұрлыбек Нәлібаев Қазақстанның Еңбек Ері, Жалағаш ауданы «Таң» шаруа қожалығының басшысы Имамзада Шағыртаевпен кездесіп, ауылдың әлеуметтік-экономикалық дамуы туралы мәселелерді талқылады.Кәсіпкер алдағы уақытта елді мекеннің әлеуметтік нысандарын жаңғыртып, жаңа жұмыс орындарын ашуды жоспарлауда. Жолдар жөнделіп, көшелер жарықтандырылып, абаттандырылады, жаңа әлеуметтік нысандар және көпшілік жиналатын қоғамдық демалыс орындары салынады.Аймақ басшысы осындай игі істерге ынта білдірген, демеушілік жасауға мүдделік танытқан кәсіпкерлерді қолдауға әрдайым әзір екенін жеткізді.Айта кетейік, ауыл шаруашылығы өнімдерін өндіру және өңдеумен айналысатын «Таң» шаруа қожалығында 400-ден астам адам тұрақты жұмыспен қамтылған. Шаруашылық басшысы Имамзада Шағыртаев бизнестің әлеуметтік жауапкершілігі аясында ауылдарды дамыту мен көркейтуге айтарлықтай үлес қосып, халықтың ризашылығына бөленіп келеді. Туған жері «Таң» ауылдық округіне 1 млрд 56 млн теңге, Қармақшы ауданындағы «Ақжар» ауылына 100 млн теңге демеушілік көмек көрсетті. Атап айтқанда, 300 млн теңгеге 120 орындық «Таң бөбегі» балабақшасын салып, 21 адамды жұмыспен қамтыды. Оған қоса 56 млн теңгеге спорт кешенін салып, жаңадан 16 жұмыс орнын ашты. Ұлы Отан соғысында қаза тапқан боздақтарға арналған ескерткішті орнатуға 70 млн теңге жұмсады. 2021 жылы абаттандыруға 130 млн теңге бөліп, үлкен трасса мен ауыл ортасындағы жол бойына жарық шамдарын орнатып, көшенің екі бетін қоршады.Шаруашылық еңбеккерлерін ынталандыру және еңбек өнімділігін арттыру үшін 2011 жылдан бері жыл сайын үздік нәтиже көрсеткен диқандар мен механизаторларға 6 жеңіл автокөлік, 300 млн теңге қаржылай сыйақы беріп келеді. Алдағы жылы аудандағы әлеуметтік аз қамтылған 10 отбасына тұрғын үй салып беруді жоспарлауда.Осындай игі істері лайықты бағаланған Имамзада Шағыртаев өткен жылы меценаттық қызметі үшін республикалық «Жомарт жүрек» байқауында «Туған өлке» номинациясын иеленді.

Ауылды көркейтудің жай-күйі талқыланды

Сурет: Нұрболат Нұржаубай<a href="https://kyzylorda-news.kz/ru">Kyzylorda-news.kz.</a>&nbsp; ҚМА Қызылорда облысы бойынша экономикалық тергеп-тексеру департаменті «Chia-Tai-Tianqing Pharmaceutical» қаржы пирамидасының Қызылорда қаласындағы құрылымдық бөлімшесін басқарған күдіктіні қамауға алды.1992 жылы туылған қызылордалық А.П есімді азаматша Қызылорда қаласы аумағында 2022 жылдың қараша айы – 2023 жылдың сәуір айы аралығында, қаржылық (инвестициялық) пирамиданы құру, яғни тартылған қаражатты қабылданған мiндеттемелердi қамтамасыз ететiн кәсiпкерлiк қызметке пайдаланбай, жеке (немесе) заңды тұлғалардың ақшасын немесе өзге мүлкiн не оған құқығын қайта бөлу және бiр қатысушыларды басқалардың жарналары есебiнен байыту арқылы осы активтердi тартудан табыс алу (мүлiктiк пайда табу) жөнiндегi қызметті ұйымдастыру, сол сияқты қаржылық (инвестициялық) пирамидаға немесе оның құрылымдық бөлімшесіне басшылық етіп, ақшаны немесе өзге мүлікті тарта отырып, яғни өз әрекетімен ҚР ҚК-нің 217 бабы 3-бөлігі 2) тармағында көзделген қылмыстық құқық бұзушылықты қасақана жасаған.Қазіргі таңда 26 салымшыға жалпы 26 130 190 теңге көлемінде аса ірі мөлшерде мүліктік залал келтірген. Айта кету керек, бұл компания өзін инвестициялық ұйым ретінде көрсетіп, жоғары және тұрақты табыс әкелуге уәде берген.

«Chia-Tai» қаржы пирамидасымен айналысқан күдікті қамауға алынды

<a href="https://kyzylorda-news.kz/ru">Kyzylorda-news.kz.</a> Қорқыт ата атындағы Қызылорда университетінде «Ақтабан шұбырынды, Алқакөл сұлама» оқиғасының 300 жылдығына арналған «Қазақ-жоңғар соғыстары: тарихы мен тағылымы» тақырыбында ғылыми-танымдық конференция өтті.Жиын барысында тарихи оқиғалардың маңыздылығы, қазақ батырларының ерлігі туралы кеңінен айтылды.<blockquote>«Халық батырлары атамекенді жаудан қорғауда ерекше ерлік пен табандылық көрсетті. Билер мен сұлтандар күресті ұйымдастырушылар ретінде зор еңбек сіңірді. Жоңғарларға қарсы біртұтас әскер ұйымдастыруда қазақ елі ауызбіршілік таныта білді. Дәстүрлі қазақ қоғамындағы батырлардың өздеріне тән ар-намыс&nbsp; кодексі, жауынгерлік этикасы мен дәстүрі де қалыптасты. Олар ерлік пен ізгілікті мұрат тұтты. Батырдың басты міндеті – елі мен жерін жаудан қорғау, сонымен қатар нағыз батыр жүрегі ізгілік пен мейірімге толы, достыққа адал, сертке берік, елге тұтқа әрі пана бола білетін тұлға болды. Сондықтан, батырлардың рухани-моральдік бет-бейнесі мен негізгі қызметін халқымыздың этномәдени жүйесінің ажырамас бөлігі ретінде қарастыруға тиіспіз», – деді университеттің Басқарма мүшесі-Ғылыми жұмыс және халықаралық байланыстар жөніндегі проректоры Майнұр Әбілтайқызы.</blockquote>Шарада Қорқыт ата атындағы Қызылорда университетінің «Тарих және археология» білім беру бағдарламасының доценті, тарих ғылымдарының докторы Өтеубай Қожақұлы «Алапат ауыр зұлмат жылдар» тақырыбнда, «Тарих және археология» білім беру бағдарламасының қауымдастырылған профессор міндетін атқарушы, тарих ғылымдарының докторы Сәтбай Тастанбек «Ел қорғаны – Тауасар Тілекұлы» тақырыбында, «Тарих және археология» білім беру бағдарламасының аға оқытушысы, философия докторы (PhD) Дәулет Омаров және ZOOM платформасы арқылы М. Өтемісов атындағы БҚМУ-нің доценті, тарих ғылымдарының кандидаты Жаңабек Жақсығалиев &nbsp;«Әбілқайыр хан: сардар һәм саясаткер» тақырыбында баяндама жасады. &nbsp;Конференцияға университеттің проффессор-оқытушылары мен білім алушылар, сондай-ақ мектептегі тарих пәнінің оқытушылары қатысты.<figure class="image"><img src="https://knadmin.beoblood.kz/uploads/IMGL_2185_660c5d62a2.jpg" alt="IMGL2185.jpg"></figure> &nbsp;

Қазақстан және Қызылорда облысының жаңалықтары: Қоғам