<a href="https://kyzylorda-news.kz/">Kyzylorda-news.kz</a> Премьер-министр Олжас Бектеновтің төрағалығымен өткен Үкімет отырысында жаңа Конституцияда еліміздің даму болашағын айқындайтын аса маңызды стратегиялық бағдар ретінде бектілген инновацияларды дамыту мәселесі қаралды.Онда Премьер-министрдің орынбасары – жасанды интеллект және цифрлық даму министрі Жаслан Мәдиев, ғылым және жоғары білім министрі Саясат Нұрбек, өнеркәсіп және құрылыс министрі Ерсайын Нағаспаев институционалдық базаны қамтамасыз ету, ғылымға инвестиция тарту және отандық әзірлемелерді өндіріске енгізу бойынша атқарылып жатқан жұмыстар туралы баяндады. Сондай-ақ «ҚазМұнайГаз» ҰК» АҚ, «Қазақстан темір жолы» компанияларының басшылары, Шығыс Қазақстан, Қарағанды облыстарының әкімдері баяндама жасады.<blockquote>«Ғылым мен инновацияны дамыту жаңа Конституцияда мемлекет қызметінің стратегиялық бағыты деп танылды. Президент Үкіметтің кеңейтілген отырысында инновациялар еліміздің теңдессіз басымдықтары ретінде айқындалғанын атап өтті. Экономика салаларындағы жетістіктер мен табыстардың дені инновациялық дамудың ауқымы мен қарқынына тікелей байланысты. Инновациялар еңбек өнімділігін арттыруға және жоғары технологиялық жұмыс орындарын құруға негіз болады», — деп атап өтті Олжас Бектенов.&nbsp;</blockquote>Президент тапсырмасымен соңғы алты жылда республикалық бюджеттен ғылымға бөлінетін қаржы алты есе өсті. Мемлекет ғылым мен инновацияны дамыту үшін қолайлы жағдай жасап жатыр.&nbsp;Елімізде осы жылдың 1 қаңтарынан бастап ғылыми әзірлемеерге салынатын жеке инвестицияларды ынталандыру үшін шығыстардың 300%-ына дейін елеулі салық жеңілдіктері қаралған.Бюджет кодексінде жер қойнауын пайдаланушылардың кен өндіруге жұмсалатын шығыстарының 1%-ын ғылым мен инновациялық технологияларды дамыту үшін бюджетке тікелей жіберу міндеті бекітілді.Инновацияларды венчурлік қаржыландыру құралдары кеңейіп, технологиялық брокерлік пен бизнес-акселерацияны қолдау шаралары күшейтілді.&nbsp;Ғылыми зерттеулердің нәтижелерін коммерцияландыру үшін түрлі қаржы құралдары енгізілуде.Коммерцияландыру жобаларын гранттық қаржыландыру аясында бизнестің ең төменгі қосымша қаржыландыру үлесі айқындалды. Ол жалпы грант сомасының кемінде 25%-ын құрауы тиіс. &nbsp;Елімізде өңірлік ғылымды дамыту үшін құқықтық және бюджеттік база құрылды. Ғылыми жетістіктер көрсеткіші аймақтарды дамыту жоспарларына енгізілді. Премьер-министр оны, сондай-ақ облыстармен қатар әкімдердің де рейтингтеріне қосуды тапсырды.Жуырда қабылданған Ғылымды шоғырландыру аумақтарын құру тұжырымдамасы технологиялар мен инновациялардың дамуына тың серпін береді. Олардың қатарында Курчатовтағы ғылыми қалашықты, сондай-ақ Алматыдағы Ядролық физика институты мен Астанадағы «Назарбаев университеті» базасындағы екі технологиялық парк бар.Барлық әкімдіктерте әр облыстың нақты салалық ерекшеліктерін ескере отырып, өңірлік инновациялық жүйелердің қалыптасуы мен орнықты дамуын қамтамасыз ету тапсырылды. Салаға инвестицияны еселеп арттыру, соның ішінде жеке кәсіпорындар мен отандық бизнестің есебінен жүзеге асыруды қолға алып, инновация субъектілері арасындағы ұзақ мерзімді байланыстарды дамытуға баса назар аудару қажет.<blockquote>«Мемлекет басшысы жақында өткен ғылыми қоғамдастықпен кездесуінде ғылымды қаржыландыру мен жаңа технологиялар енгізуден нақты нәтиже күтетінін баса айтты. Ғылым министрлігі Ғылым академиясымен, ғалымдармен және бизнес-қауымдастықпен бірлесіп, бір ай ішінде ғылыми-инновациялық қызметтің тиімділігін арттыру жөніндегі нақты іс-шаралар жоспарын дайындауы қажет. Бұл құжатта нәтижеге негізделген көрсеткіштер, цифрландыру бойынша шаралар және барлық қатысушылардың жауапкершілігі айқындалуы тиіс», — деп атап өтті Премьер-министр.</blockquote>Өңір әкімдіктеріне ғылым мен инновацияларды қаржыландыруды кезең-кезеңмен ұлғайтып, оны 2029 жылға қарай жалпы өңірлік өнімнің кемінде 1%-ына жеткізу тапсырылды. Бұдан бөлек, 2035 жылға қарай инновациялық өнімдердің үлесін жалпы ішкі өнімнің 3%-ына дейін ұлғайтуды қамтамасыз ету қажет. Ол үшін инновация саласында бірқатар жүйелі мәселелерді &nbsp;шешу керек.Атап айтқанда, соңғы жылдары бұл сала институционалдық жүйесіздік жағдайында дамып келді, &nbsp;өңірлер тарапынан өз бетінше жұмыс жүргізілмегені көрініп отыр. Сондай-ақ инновациялық жүйеге қатысушылар арасында басымдықтардың тым көп екендігі де байқалады. Өнеркәсіптік кәсіпорындар, ғылыми ұйымдар мен салалық министрліктер даму бағыттарын әрқайсысы өз алдына айқындайды. Жалпы мемлекеттік деңгейде біртұтас нақты бағыт жоқ. Бұл жұмыстың тиімділігін төмендетеді. Мысалы қолданбалы ғылымға бөлінетін мемлекеттік қаржыландыру көлемін өсіру оның тиімділігін жақсартпайды. &nbsp;«Қолданбалы зерттеулер мен экономикалық үдерістерді жүйелі түрде сабақтастыру, өндірісті оқшаулау мен жаңғыртуды ынталандыру, экспортқа бағдарланған технологияларды дамыту қажет. Бізге жекелеген идеялар мен тәсілдер емес, инновациялардың өнеркәсіптік әлеуетті дамытуға нақты үлес қосқаны қажет», — деп атап өтті Олжас Бектенов.Отырыс қорытындысы бойынша Премьер-министр салалық &nbsp;ведомстволар мен мемлекеттік органдарға бірқатар тапсырма берді.Ғылым министрлігіне мүдделі мемлекеттік органдармен бірлесіп, 3 күндік мерзімде саланы ведомствоаралық үйлестіру және технологиялық басымдықтарды әзірлеу үшін Үкімет жанынан инновациялық штаб құру тапсырылды. Премьер-министрдің орынбасары – мәдениет және ақпарат министрі &nbsp;Аида Балаева төрағалық ететін Штаб бастапқы идеядан өнім шығаруға дейінгі өндірістік кезең бойына инновациялық экожүйенің барлық қатысушыларының күшін жұмылдыруды қамтамасыз етуі тиіс. Кәсіпорындардың инновациялық белсенділігін ынталандыру үшін осы жылдың 1 маусымына дейін барлық өндіріс орындарының инновациялық қызметі мен технологиялық даму жағдайына кешенді түрде түгендеу жүргізу керек.&nbsp;Ғылым министрлігіне мүдделі мемлекеттік органдармен бірлесіп, осы жылдың 1 маусымына дейін нақты басым салалар мен технологияларға назар аудара отырып, Инновацияларды дамыту тұжырымдамасын әзірлеу тапсырылды.&nbsp;Ғылым және Жасанды интеллект министрліктері салалық министрліктермен және әкімдіктермен бірлесіп, 1 шілдеге дейін инновациялық жобаларды тіркеп, қолдау көрсетуге және мониторинг жүргізуге арналған «бірыңғай терезе» жұмысын қамтамасыз ететін цифрлық платформаны іске қосу тапсырылды. Сонымен қатар әзірлеушілер, технологиялар және әлеуетті инвесторлар туралы мәліметтерді қамтитын инновациялық жобаларлың жалпыға қолжетімді ұлттық тізілімін құру қажет. Үйлестіру жұмыстары Премьер-министрдің орынбасары – мәдениет және ақпарат министрі Аида Балаеваға жүктелді.primeminister.kz

Білім, ғылым және инновация құндылықтары: Үкіметте жаңа Конституцияны жүзеге асыру мәселесі қаралды

<a href="https://kyzylorda-news.kz/">Kyzylorda-news.kz</a> Премьер-министр Олжас Бектеновтің төрағалығымен өткен Үкімет отырысында елдегі инновацияны дамыту мәселесі қаралды.Премьер-министрдің орынбасары – жасанды интеллект және цифрлық даму министрі Жаслан Мәдиев атап өткендей, саланы дамыту төрт негізгі бағытқа негізделген. Олар – өнімді инновацияларды ынталандыру, жер қойнауын пайдалану саласындағы шешімдерді енгізу, Astana Hub платформасы арқылы экожүйені дамыту және кластерді қалыптастыру.Инновациялық кәсіпкерлікті дамытудың негізгі институты Astana Hub болып қала береді. Оның платформасында жасанды интеллект саласындағы стартаптарды іске қосуға бағытталған AI’preneurs-ті қоса алғанда, акселерациялық бағдарламалар идея кезінен бастап инвестициялар тарту сатысына дейін жүзеге асырылады. 2024 жылдың қыркүйегінен бері бағдарламаның үш легі өткізілді, оның шеңберінде 35 ЖИ-стартап құрылды.Астана әкімдігімен бірлесіп қалалық ортаға стартаптарды енгізуге және оларды коммерциялық келісімшарттарға айналдыруға бағытталған Astana Innovations Accelerator бағдарламасы жүзеге асырылуда. Іріктеу қорытындысы бойынша 8 жоба қаржыландырылды.2025 жылдың қорытындысы бойынша Astana Hub резиденттері 32,5 мыңнан астам жұмыс орнын ашты. Әлемнің 111 еліне IT-қызметтерді экспорттаумен 537 компания айналысады. Экспорттың жалпы көлемі 328 млрд теңгеге жетті, бұл 2024 жылғы көрсеткіштен 44%-ға артық.Қазақстанда Exponential Cluster жобасы қалыптасуда. Бұл – ғылым, технологиялық стартаптар мен индустрия біртұтас экожүйе ретінде жұмыс істейтін эталондық инновациялық алаң.Кластер аясында қазірдің өзінде келесі бағыттар бойынша технологиялық орталықтар желісі қалыптасуда: Олар – Robotics, DroneTech, GameDev, Cybersecurity, MedTech, AgriTech, Industry 4.0 және Cybersport. Сондай-ақ Робототехника орталығында қазірдің өзінде телеоператор арқылы гуманоид роботты басқару жүзеге асырылуда. Роботты тілдік модельмен интеграциялау келушілермен интерактивті байланыс орнатуға мүмкіндік береді.«Дрондар орталығында Phygital-арена мен ұшқышсыз ұшу аппараттарының операторларын даярлауға арналған инфрақұрылым құру аяқталуға жақын. Сондай-ақ, Робототехника орталығында гуманоидты роботтар зертханасы іске қосылды. Онда пайдаланушылармен өзара іс-қимыл жасау үшін Alem LLM тілдік моделімен телебасқару және интеграция технологиялары жүзеге асырылды», — деп атап өтті министр.Барлық орталықтарды іске қосуды биыл аяқтау жоспарлануда. Болашақта кластер жыл сайын 500-ге жуық стартапты, соның ішінде 100-ден астам hardware-жобаны пайдалануға беруді қамтамасыз етеді. Exponential Cluster жыл сайын 500-ге дейін стартаптардың іске қосып, инновацияларды тарту орталығына айналмақ.Одан бөлек пилотсыз технологияларды дамытуға көңіл бөлінуде.Қазақстанда халықаралық технологиялық компаниялардың қатысуымен пилотсыз автомобильдердің эксперименттік жобасын іске қосу жоспарлануда. Жобаны іске асыру мерзімі – 2026 жылдың ІІ тоқсаны.Елімізде технологиялық шешімдерді енгізу үшін қажетті инфрақұрылым қалыптасуда. Жеке бастама шеңберінде жеткізуші дрондарды енгізу бойынша пилоттық жоба жүзеге асырылуда. Бұл қалалық ұтқырлық пен логистиканың жаңа үлгілерін сынауға мүмкіндік береді.primeminister.kz

Қазақстанда Astana Hub және Exponential Cluster базасында инновациялық экономиканың жаңа моделі қалыптасуда

<a href="https://kyzylorda-news.kz/">Kyzylorda-news.kz</a> «AMANAT» партиясы облыстық филиалы жанындағы білім және денсаулық сақтау мәселелері жөніндегі кеңес отырысы өтті. Онда 2025 жылы білім саласында атқарылған жұмыстар сараланып, алдағы міндеттер пысықталды.Жиында облыстық білім басқармасы басшысының орынбасары Асхат Қанатов атқарылған жұмыстар туралы хабарлама жасап, өңірдегі мектепке дейінгі, жалпы орта және техникалық-кәсіптік білім беру саласындағы жетістіктерді жеткізді.Жалпы өңірде 645 мектепке дейінгі білім беру ұйымы жұмыс жасайды, ондағы тәрбиеленушілер саны 48 867 баланы құрайды. 9 689 бала мектептердегі мектепалды даярлық сыныптарында білім алуда. 2 - 6 жастағы балалардың балабақшамен қамтылуы – 93%, 3 - 6 жастағы балалардың &nbsp;қамтылуы – 100 пайыз. Қазақстан Республикасы Оқу-ағарту министрлігі бекіткен «Мектепке дейінгі ұйымдарда дербестендірілген ваучерлік қаржыландыру» жоспарына сәйкес, 2025 жылдың тамыз айында Қызылорда қаласындағы 232 мектепке дейінгі білім беру ұйымдарына ваучерлік қаржыландыру енгізіліп, бүгінгі күнге дейін 22 588 ваучер берілген. Басқарма басшысының орынбасары ваучерлік қаржыландыруды аудандардағы мектепке дейінгі білім беру ұйымдарына енгізу ағымдағы жылдың шілде айында жүзеге асыралатындығын айтты. &nbsp;Облыстың мектепке дейінгі ұйымдарының инфрақұрылымдық қамтамасыз етілуінде оң динамика байқалады. Барлық ауылдық мектепке дейінгі ұйымдар сумен және кәріз жүйесімен, цифрлық және техникалық жабдықтармен, бейнебақылау жүйелерімен толық қамтамасыз етілген. &nbsp;Педагогтардың біліктілігіне тоқталған Асхат Қанатов «Өңірде 5 836 педагог жұмыс істейді, оның 4 335-і жоғары білімді, 52%-ы біліктілік санаттарына ие» деді. Сонымен қатар, оқушылардың республикалық және халықаралық олимпиадаларда жүлделі орындарға ие болғанын атап өтті.Жиын барысында кеңес мүшелері басқарма басшысының орынбасарына сауалдарын қойып, жұмысты жетілдіру бағытындағы ұсыныстарын жеткізді. &nbsp;Жиынды қорытындылаған Кеңес төрағасы Нұридин Әмитов балалардың жарқын өмір сүруіне қолайлы әрі қауіпсіз орта қалыптастыру бағытында жұмыстар күн тәртібінен түспейтіндігін атап өтіп, аталған ұсыныстардың жұмыс барысында қатаң ескерілу керектігін жеткізді.<img src="https://knadmin.beoblood.kz/uploads/Amanat_bilim_salasyn_damytu_zh_mystary_2_74ffdc3851.jpg" alt="Аманат білім саласын дамыту жұмыстары 2.jpg">

Білім саласын жетілдіру мәселелері кеңес отырысында талқыланды

<a href="https://kyzylorda-news.kz/">Kyzylorda-news.kz</a> Партия алаңында Қызылорда облыстық мәслихаттағы «AMANAT» партиясы фракциясының мүшесі Мағжан Ералиев азаматтарды жеке мәселелері бойынша қабылдады.Қабылдау барысында тұрғындар әлеуметтік және кәсіпкерлік бағыттағы өтініш-тілектерін жеткізді. Атап айтқанда, қала тұрғыны «Қазақ Зағиптар Қоғамы» қоғамдық бірлестігі жанындағы оқу-өндірістік кәсіпорындағы ЖШС-ке қарасты зағип жандардың қауіпсіздігін қамтамасыз ету мақсатында «мақта түту» цехын толықтай жаңадан салу және қайта қалпына келтіруге ықпал етуді сұрады.Фракция мүшесі көтерілген мәселелер бойынша заң талаптарына сәйкес шешім қабылдау жолдары қарастырылатынын атап өтті. Мұнан бөлек кейбір азаматтарға &nbsp;әлеуметтік көмек көрсетілді. Барлық өтініштер бақылауға алынып, тиісті жұмыстар жүргізілетін болады.

Фракция мүшесі жеке қабылдау өткізді

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде инновацияларды дамыту мәселесі қаралды. Оған облыс әкімі Нұрлыбек Нәлібаев селекторлық режим арқылы қатысты.Үкімет отырысынан кейін инновацияларды дамыту, ғылыми зерттеулердің нәтижелерін экономиканың барлық саласына енгізу бағытындағы жұмыстар жан-жақты талқыланып, жауапты сала басшыларына бірқатар тапсырма жүктелді.<blockquote>«Ғылыми зерттеулер нәтижелерін өндіріске енгізуге ірі кәсіпорындарды тарту керек. Агроөнеркәсіп пен құрылыс индустриясында кластерлер құру, өндірісті цифрландыру процесін жандандыру үшін жаңа технологияларды енгізу маңызды.Өткен жылдан бері өңірлік ғылымды дамытып, өндіріспен байланыстыруда жергілікті атқарушы органдарға жаңа міндеттер жүктелді. Арнайы ғылыми кеңес құрылды. Құрамына тиісті салалық басқармалар, өңірлік жоғары оқу орындары мен ғылыми-зерттеу институттары енгізілді.Қорқыт Ата атындағы Қызылорда университеті, «Болашақ», Ашық университеттері, Ы.Жақаев атындағы қазақ күріш шаруашылығы ғылыми-зерттеу институты, өндірісте қолдануға, нарыққа шығаруға жарамды ғылыми жобалар әзірлеп, өңірлік ғылыми кеңестің қарауына ұсыныңыздар.Жергілікті ғалымдарымызды республикалық, халықаралық қорлар арқылы қаржыландырылатын ғылыми жоба байқауларына қатыстыру, ынталандыру шараларын қабылдау қажет. Инвесторлармен ынтымақтастық орнатып, өңірімізде технологиялық парктер, ғылыми орталықтар құру керек», – деді Нұрлыбек Машбекұлы.</blockquote>Айта кетейік, аймақтың өңдеу өнеркәсібіндегі 12 ірі кәсіпорын өндірісте цифрландыру жүйелерін қолданады. Атап айтқанда, «Қазгермұнай» серіктестігінде «Интеллектуалды кен орны» жобасы іске асырылуда. Сонымен қатар, уран өндіретін 3 компанияда өндірістік процесс толық цифрландырылған.Жаңа жылу электр орталығында АҚШ, Италия, Чехия және Түркияның заманауи автоматтандырылған технологиялары пайдаланылады. Ал «Шалқия» кен орнында пайдалы қазбаларды автоматты түрде ажырататын жасанды интеллект технологиясы енгізілген.Алдағы кезеңде қатты тұрмыстық қалдықтарды сұрыптау зауытында роботтандырылған жүйелерді енгізу, сондай-ақ бірқатар кәсіпорынның бизнес-процесіне жасанды интеллект элементтерін пайдалану жоспарланған.Арал шөгінді бассейнінде 2D модельдеу бойынша зерттеу жұмыстары аяқталды. Сонымен қатар, «Саутс Ойл» компаниясы «Құмкөл» кен орнындағы қара тақтатас мұнайын өндіруде инновациялық технологияларды қолдануда.Өңірде ғылыми-зерттеу жұмыстарымен 9 ұйым айналысады. Соңғы үш жылда гранттық және бағдарламалық-нысаналы қаржыландыру аясында жалпы сомасы 2 млрд 300 млн теңгенің 23 ғылыми жобасы жүзеге асырылып келеді.Фото: Қызылорда облысы әкімінің баспасөз қызметі

Инновацияларды дамыту мәселесі қаралды

<a href="https://kyzylorda-news.kz/">Kyzylorda-news.kz</a> Құжаттарды үйге жеткізу қызметі дайын құжаттарды ХҚКО-ға қайта бармай-ақ алуға мүмкіндік береді және бүгінде Қазақстанның барлық өңірінде қолжетімді. 2026 жылы бұл қызметке сұраныс артып келеді – алғашқы үш айда 426 жеткізу рәсімделгенін «Азаматтарға арналған үкімет» мемлекеттік корпорациясы хабарлады.Қызметті өтініш беру кезінде бірден рәсімдеуге болады. Құжат дайын болған соң ол көрсетілген мекенжайға жеткізіледі. Бұл уақытын үнемдегісі келетін немесе орталыққа өзі бара алмайтын азаматтар үшін өте ыңғайлы.Жеткізуді өтініш беру кезінде бірден рәсімдеуге болады. Ол үшін мекенжайды көрсетіп, қызмет ақысын төлеу жеткілікті. Құжат дайын болған соң курьер қызмет алушымен байланысып, сол күні жеткізіп береді. Құжатты алу кезінде жеке куәлік пен растау коды тексеріледі.Айта кету керек, курьерлік жеткізу 15 мемлекеттік қызметті қамтиды. Оның ішінде туу, неке, ажырасу және қайтыс болу туралы қайталама куәліктер, архивтік анықтамалар мен білім туралы құжаттардың телнұсқалары, сондай-ақ апостиль қою және азаматтық хал актілері жазбаларын қалпына келтіру бар.Қызмет құны өңірге байланысты: Алматы, Астана және Шымкент қалаларында жеткізу бағасы 2061 теңге болса, басқа өңірлерде – 1036 теңге.Бұл ретте құжатты жеткізу процесін «ЦОН» мобильді қосымшасы арқылы бақылауға болады. Бұл құжаттың қай кезеңде екенін артық қоңырауларсыз білуге мүмкіндік береді.Азаматтарға қолайлы жағдай жасау мақсатында бұл қызмет 2024 жылы іске қосылып, құжаттарды алу процесін жеңілдетуге, уақытты үнемдеуге және ХҚКО-ға қайта бару қажеттілігін азайтуға бағытталған.Фото: ХҚКО

Қазақстанда құжаттарды үйге жеткізу қызметі кеңінен қолданыла бастады

<a href="https://kyzylorda-news.kz/">Kyzylorda-news.kz</a> Сол жағалаудағы «Теннис» орталығында үстел теннисінен ересектер, жасөспірімдер және кіші жасөспірімдер арасында «Qyzylorda Cup» облыстық турнирінің ашылу салтанаты өтті.&nbsp;Аталған жарыстың басты мақсаты – өңірдегі жас теннисшілердің шеберлігін шыңдап, алдағы маңызды жарыстарға үздік спортшыларды іріктеу болып табылады. Тартысты додаға қала және барлық аудандардан жиналған 250-ге жуық спортшы үстел теннисінен екі күн бойы өзара сайысып, шын мықтыны анықтамақ.&nbsp;Ашылу рәсіміне басқарма басшысы Бақтияр Артаев, облыстық үстел теннисі федерациясының президенті Болат Бакуов және бас хатшысы Серікбек Әлжанов қатысып, жас спортшыларға сәттілік тіледі.<img src="https://knadmin.beoblood.kz/uploads/stel_tennisi_turnir_db59ce510d.jpg" alt="Үстел теннисі турнир.jpg"><blockquote>– Бүгінде облысымызда олимпиадалық спорт түрлері қарқынды дамып келеді. Соның ішінде үстел теннисінің маңызы айрықша екені белгілі. Қазіргі таңда аймағымызда бұл спорт түрімен 18 мыңнан астам спортшы тұрақты түрде шұғылданып, халықаралық және республикалық жарыстарда жоғары нәтиже көрсетуде. Сонымен қатар, аймақ басшысының қолдауымен және «Samruk Kazyna» ұлттық әл-ауқат қорының демеушілігімен ашылған заманауи «Теннис» орталығы да талантты спортшыларды тәрбиелейтін бірегей орталыққа айналды. Бүгінгі облыстық турнирде де нағыз мықтылар топ жарып, жеңіс тұғырынан көрінсін!, – деді басқарма басшысы.</blockquote>Шара барысында басқарма басшысы үстел теннисінен облыстың аға жаттықтырушы болып тағайындалған Ибрай Ернарға басқарманың ресми куәлігін табыстап, жаңа қызметіне сәттілік тіледі.&nbsp;Сондай-ақ, үстел теннисі федерациясының президенті Болат Бакуұлы мен бас хатшы Серікбек Арыстанбайұлы бүгінгі турнирде ел мерейін үстем етер болашақ чемпиондардың ізі қалсын деп ақ батасын берді. &nbsp;Үстел теннисінен «Qyzylorda Cup» облыстық турнирінің жалпы қорытындысы бүгін анықталады.

Үстел теннисінен «QYZYLORDA CUP» облыстық турнирі басталды

<a href="https://kyzylorda-news.kz/">Kyzylorda-news.kz</a> Экологиялық мәдениетті қалыптастыруға, қалдықтарды бөлек жинау қағидаларын ілгерілетуге және жастар арасында тұрақты экологиялық тәжірибелерді дамытуға бағытталған «ReStart» жобасы аясында Қызылорда қаласында эко-сенбілік өтті.Бұл жобаны «Жасыл экономика» және G-Global-ды дамыту коалициясы ҚР Ғылым және жоғары білім министрлігі мен CCİ Kazakhstan қолдауымен жүзеге асыруда. &nbsp; Аталған көшпелі эко-сенбілік еліміздің 10 өңірін қамтымақ.&nbsp;Сенбілікке қала әкімдігі мен «Жасыл экономика» және G-Global-ды дамыту коалициясының өкілдері, белсенді жастар, Қорқыт Ата атындағы Қызылорда университетінің ерікті студенттері жұмылды. Экологиялық акцияға қатысушылар Самара-Шымкент автожолы бойындағы жасыл белдеу аумағын тазартып, Zero Waste қағидалары және пластикті сұрыптау ережелерімен танысты.<img src="https://knadmin.beoblood.kz/uploads/Senbilik_2_f0a855e6a2.jpg" alt="Сенбілік 2.jpg">

Қызылордада «RESTART» жобасының алғашқы көшпелі эко-сенбілігі өтті

<a href="https://kyzylorda-news.kz/">Kyzylorda-news.kz</a> «AMANAT» партиясының «Қарызсыз қоғам» жобасының Қызылорда облысындағы өкілі Балдырған Мәмен тұрғындарға жеке қабылдау өткізді.Қабылдау барысында азаматтар негізінен несиелік міндеттемелер, қаржылық қиындықтар және әлеуметтік қолдау мәселелері бойынша өтініштерін жеткізді.&nbsp;Атап айтқанда, қала тұрғыны бірнеше несиеге байланысты төлем қабілетінің төмендегенін айтып, қарыздарын қайта құрылымдауға көмек сұрады. Банк алдындағы берешегін өтеу мерзімін ұзарту және айыппұл санкцияларын азайту мәселесін көтерді.Сонымен қатар, тағы бір өтініш иесі материалдық жағдайының қиындауына байланысты несиелік жүктемесін жеңілдетуге жәрдем сұраса, басқа өтініш иелері де қарыздарын өтеу бойынша нақты шешу жолдарын қарастыруды өтінді.Қабылдау қорытындысы бойынша азаматтарға қолданыстағы заңнама аясында түсіндірме жұмыстары жүргізіліп, несиелерді қайта құрылымдау, мерзімін шегеру және пайыздық жүктемені азайту бағытында тиісті ұсыныстар берілді. Кейбір азаматтардың өтініштері бойынша қаржы ұйымдарына ресми хаттар жолданып, мәселелерді оңтайлы шешу жолдары қарастырылатын болды.Жауапты тұлға барлық көтерілген мәселелер жеке бақылуына алынатынын және әрбір өтініш бойынша тиісті жұмыстар кезең-кезеңімен жүргізілетінін атап өтті.

Партиялық жоба аясында азаматтардың өтініштері қаралды

<a href="https://kyzylorda-news.kz/">Kyzylorda-news.kz</a> «Теннис» орталығында басқарма басшысы Бахтияр Артаевтың төрағалығымен Тараз қаласында грек-рим, еркін және әйелдер күресінен 23 жасқа дейінгі жастар арасында өткен Қазақстан чемпионатының қорытындысы бойынша арнайы жиын өтті.Аталған жиынға облыстық грек-рим, еркін және әйелдер күресі федерациясының президенті Нұрәлі Қожасов, басқармаға қарасты бірқатар спорт мектептерінің басшылары, сондай-ақ күрес түрлері бойынша облыстың аға жаттықтырушылары қатысты.Жиында басқарма басшысы Тараз қаласында өткен чемпионатта қызылордалық балуандардың жоғары нәтиже көрсете алмағанын атап өтіп, қатаң сын айтты. Аталған жарысқа облыстан барлығы 77 адам қатысқан. Оның ішінде 60 спортшы, 10 жаттықтырушы, 3 төреші және 5 спорт мектебінің директоры бар.Осыған байланысты басқарма басшысы әр спорт мектебінен қатысқан спортшылардың жеке нәтижелеріне талдау жасап, бұл бағыттағы жұмыстардың жүйелі жүргізілмей отырғанын жеткізді. Сонымен қатар, жарыста төмен нәтиже көрсеткен бірқатар мектеп директорларына қатаң шара қолданылатынын ескертті.<blockquote>– Біз аймақ спортын дамыту бағытында ауқымды жұмыстар жүргізіп келеміз. Спортшыларымыздың жоғары нәтиже көрсетуі үшін оларды шет мемлекеттерге оқу-жаттығу жиындарына да жиі жіберудеміз. Дегенмен, Тараз қаласында өткен ел біріншілігінде жоғары нәтижеге қол жеткізе алмадық. Бұл спорт мектептерінің жұмысы жүйелі еместігін және жанашыр басшылардың жоқ екендігін көрсетеді. Сондықтан алдағы уақытта айтылған сындарды ескере отырып, кемшіліктердің орнын толтыру қажет. Сонымен қатар, олимпиадалық бағыттағы барлық жарыстардың қорытындысы менің тікелей бақылауымда болады, – деді басқарма басшысы.</blockquote>Жиын соңында 10–12 сәуір аралығында өтетін Кеңес Одағының Батыры Тәйімбет Көмекбаевты еске алуға арналған халықаралық турнирге дайындық барысы да пысықталды.<img src="https://knadmin.beoblood.kz/uploads/Tennis_orytyndysy_3_dd10a3c213.jpg" alt="Сыр спорты.jpg">

Қазақстан чемпионатының қорытынды жиыны өтті

<a href="https://kyzylorda-news.kz/">Kyzylorda-news.kz</a> Қызылорда қаласындағы Өнер орталығында Қазақстан Республикасы Қорғаныс министрлігінің ақпараттық-түсіндіру тобының Сыр өңіріне жасаған жұмыс сапары аясында жасөспірімдерге арналған әскери-патриоттық концерт өтті.Іс-шараға ақпараттық-түсіндіру тобының жетекшісі, Тәрбие және идеологиялық жұмыстар департаментінің аға офицері, полковник Д.Бейсеков, Әскери білім және ғылым департаментінің аға офицері, полковник С.Қуатбаев, Ұлттық әскери-патриоттық орталығы Алматы қалалық филиалы «Жауынгерлік даңқ» музейінің бастығы, Қазақстанның еңбек сіңірген қайраткері А.Байқадамова, сондай-ақ Қызылорда облысы қорғаныс істері жөніндегі департаменті бастығының орынбасары, подполковник Е.Өтелбаев, облыстық қоғамдық даму басқармасының басшысы Р.Каюпов, ардагерлер мен мекеме қызметкерлері, әскери қызметшілер мен алғашқы әскери дайындық пәні мұғалімдері және оқушылар қатысты.<img src="https://knadmin.beoblood.kz/uploads/Whats_App_Image_2026_03_30_at_17_02_56_fd91b203f3.jpeg" alt="WhatsApp Image 2026-03-30 at 17.02.56.jpeg">Шара барысында Алматы қаласындағы «Жауынгерлік даңқ» музейінің құнды жәдігерлері мен сан ғасырлық тарихтан сыр шертетін қару-жарақ үлгілерінен көрме ұйымдастырылып, келушілер назарына ұсынылды. Өткен мен бүгінді жалғаған бұл көрме жас ұрпақтың патриоттық рухын асқақтатып, елдік сана мен тарихи жадыны жаңғыртуға бағытталды.Сонымен қатар, Ұлттық әскери-патриоттық орталықтың шығармашылық ұжымы «Біртұтас ел – біртұтас жер» бағдарламасы аясында жоғары сынып оқушылары мен жалындаған жастарға арналған патриоттық әсерлі концерттік бағдарлама ұсынылды.<img src="https://knadmin.beoblood.kz/uploads/Whats_App_Image_2026_03_30_at_17_03_04_42ce6bf717.jpeg" alt="WhatsApp Image 2026-03-30 at 17.03.04.jpeg">Шараның тағылымды тұстарының бірі Қазақстанның еңбек сіңірген қайраткері А.Байқадамованың Кеңес Одағының Батыры И.Панфилов атындағы №6 жалпы білім беретін мектептің директоры Б.Дүйсенбаевқа «Панфиловшылар қозғалысы» жалаушасының көшірмесін салтанатты түрде табыстауы болды.Бұл – батырлық пен ерліктің өшпес өнегесін ұрпақ жадында жаңғыртқан айрықша сәтке айналды. Мазмұны мен мәні үйлескен бұл игі шара жас буынның бойында елге деген сүйіспеншілік пен тарихи жауапкершілікті тереңдете түскені анық.<img src="https://knadmin.beoblood.kz/uploads/Whats_App_Image_2026_03_30_at_17_02_59_3d341dcce6.jpeg" alt="WhatsApp Image 2026-03-30 at 17.02.59.jpeg">Фото: Нұрболат Нұржаубай

Әскери-патриоттық рухты асқақтатқан мазмұнды кеш өтті

<a href="https://kyzylorda-news.kz/">Kyzylorda-news.kz</a> Оқу жылының үшінші тоқсанындағы демалыс кезеңінде жасөспірімдер арасындағы құқық бұзушылықтардың алдын алу мақсатында 26-28 наурыз күндері «Демалыс» жедел профилактикалық іс-шарасы ұйымдастырылды.Аталған шараға құқық қорғау органдарымен қатар білім, денсаулық сақтау, жұмыспен қамту, қоғамдық даму басқармасының өкілдері, жастар ресурстық орталығы мен прокуратура қызметкерлері жұмылдырылып, барлығы 474 маман қатысқан. Бұл туралы Өңірлік коммуникациялар қызметінің баспасөз алаңында облыстық полиция департаменті Қоғамдық қауіпсіздік басқармасының бастығы Ердәулет Жаукеев мәлімдеді.&nbsp;<blockquote>«Аталған іс-шара нәтижесінде кәмелетке толмағандардың қатысуымен қылмыстың орын алуына жол берілмегенімен, 298 әкімшілік құқық бұзушылық анықталды. Оның ішінде ата-аналық міндетін тиісінше орындамаған 22 заңды өкіл жауапкершілікке тартылса, түнгі уақытта жасөспірімдердің ойын-сауық орындарында болуына жол берген кәсіп иелеріне де шара қолданылды. Сонымен қатар, түнгі мезгілде заңды өкілдерінсіз жүрген 260 жасөспірімнің ата-аналарына қатысты әкімшілік хаттама рәсімделді. Бұдан бөлек, бала тәрбиесіне салғырт қарайтын 13 ата-ана профилактикалық есепке алынды. Қазіргі таңда жасөспірімдерге қарсы жасалатын қылмыстар қоғамды алаңдатып отырған өзекті мәселелердің бірі. Әрбір ата-ана баласының қауіпсіздігіне тікелей өзі жауапты екенін ұмытпауы тиіс», – деп атап өтті Ердәулет Баянбайұлы.&nbsp;</blockquote>Спикер қоғамды заң мен тәртіпті сақтауға шақыра отырып, бұл қағиданың негізі ең алдымен әр отбасының жауапкершілігін терең түсінуден басталатынын атап өтті. Оның айтуынша, бала тәрбиесі тек білім беру мекемелерінің немесе құқық қорғау органдарының ғана емес, ең алдымен ата-ананың басты міндеті.Сондықтан әрбір ата-ана баласының бос уақытын тиімді ұйымдастырып, оның қайда, кіммен жүргенін бақылауда ұстап, қауіпсіздігін қамтамасыз етуге айрықша мән беруі тиіс. Жасөспірімдердің құқықтық мәдениетін қалыптастыру, заңға құрметпен қарауға үйрету қоғамдағы тәртіп пен тұрақтылықтың кепілі.<img src="https://knadmin.beoblood.kz/uploads/Za_men_t_rtip_brifing_a42ad0651c.jpg" alt="Заң мен тәртіп брифинг.jpg">Мерей ЖалғасбекҚорқыт ата атындағы Қызылорда университетінің 4 курс студенті

Қазақстан және Қызылорда облысының жаңалықтары: Қоғам