<a href="https://kyzylorda-news.kz/">Kyzylorda-news.kz</a> Қазақстан халқы Ассамблеясының 30 жылдық мерейтойы аясында Қызылорда облысында жыл бойы атқарылған жұмыстарды қорытындылауға арналған мазмұнды жиын өтті. Басқосу өңірдегі қоғамдық келісім мен жалпыұлттық бірлікті нығайтуға бағытталған кешенді бастамалардың нәтижесін саралап, алдағы кезеңге арналған міндеттерді айқындауға арналды.Кездесуді облыстық қоғамдық даму басқармасына қарасты «Қоғамдық келісім» коммуналдық мемлекеттік мекемесінің директоры Бақытжан Камалов жүргізді. Модератор жиналған қауымды Қазақстан Республикасының Тәуелсіздік күнімен құттықтап, 2025 жылдың ел тарихындағы тағылымы терең, маңызы зор мерейлі даталарға толы болғанын атап өтті. Атап айтқанда, Қызылорданың ел астанасы болғанына 100 жыл, ұлы ойшыл Абай Құнанбайұлының 180 жылдығы, Жеңістің 80 жылдығы және Қазақстан халқы Ассамблеясының 30 жылдығы республикалық деңгейде кеңінен аталып өтті.Жиынға өңірдегі 11 этномәдени бірлестіктің жетекшілері, Ассамблея жанындағы қоғамдық құрылымдардың басшылары, ҚХА ардагерлері, сондай-ақ Жамбыл облысынан арнайы келген Қазақстан халқы Ассамблеясының мүшесі, Тараз қалалық өзбек этномәдени орталығының жетекшісі, облыстық этномедиация кеңесінің төрағасы Абдрахман Зайнуддинов қатысты.Кездесу барысында облыстық іс-шаралар жоспарының орындалуы жөнінде «Қоғамдық келісім» мекемесі директорының орынбасары Руслан Құрманов баяндама жасады. Оның айтуынша, мерейтой аясында этномәдени бірлестіктердің бастамасымен қоғамдық-мәдени онкүндіктер ұйымдастырылып, ғылыми-сараптамалық топ мүшелерінің қатысуымен республикалық және халықаралық деңгейдегі конференциялар өткізілген. Ақсақалдар, Аналар кеңестері, Журналистер клубы &nbsp;мен Этномедиация &nbsp;орталығы әлеуметтік маңызы бар жобаларды жүйелі түрде жүзеге асырса, ақпараттық-түсіндіру топтары мемлекеттік этносаясатты кеңінен насихаттауға атсалысты.Қайырымдылық пен волонтёрлік бағытта «Жомарт жан» орталығы этномәдени бірлестіктер мен меценаттардың қолдауымен бірқатар игі бастамаларды жүзеге асырды. Соның нәтижесінде өңірдің әлеуметтік өміріне белсенді үлес қосып жүрген меценат Қуаныш Сегізбаев «Жомарт жан» төсбелгісімен марапатталды. Сонымен қатар, «Ассамблея жастары» қоғамдық бірлестігінің мүшелері жыл бойы өткен барлық іс-шараларға белсене қатысып, жоғары ұйымшылдық пен азаматтық белсенділік танытты. Жуырда республикалық форум аясында ғарышқа жіберілген Ассамблея туының елге оралуы күтілуде.Жиын барысында мерейтойлық жылды жоғары деңгейде өткізуге елеулі үлес қосқан бірқатар азаматтарға марапаттар табысталды. Сонымен бірге Қызылорда облысында атқарылған жұмыстарға ҚР Президенті Әкімшілігі жанындағы Қазақстан халқы Ассамблеясы Хатшылығының меңгерушісі Марат Әзілханов пен облыс әкімі Нұрлыбек Нәлібаев тарапынан жоғары баға берілгені атап өтілді.Басқосуда өңірде қоғамдық келісім инфрақұрылымын дамыту бағытында атқарылып жатқан жұмыстарға да ерекше назар аударылды. Бүгінде барлық аудандарда «Руханият» орталықтары жанынан «Қоғамдық келісім» кабинеттері ашылған. Сонымен қатар, Мемлекет басшысының тапсырмасымен бой көтеріп жатқан жаңа Достық үйінің құрылысы аяқталуға жақын. Бұл заманауи нысан этномәдени бірлестіктер мен Ассамблея құрылымдарының жұмысын жаңа сапалық деңгейге көтермек.Кездесу барысында сөз алған Абдрахман Зайнуддинов Сыр өңіріндегі оң тәжірибеге тоқталып, өңіраралық әріптестікті нығайтудың маңыздылығын атап өтті. Сондай-ақ этномәдени бірлестіктер, ҚХА ардагерлері мен қоғамдық құрылым басшылары өз ұсыныс-пікірлерін ортаға салды.Жиын соңында қатысушылар ел бірлігі мен қоғамдық келісімді нығайту жолындағы бірлескен жұмыстың алдағы уақытта да жүйелі түрде жалғасын табатынына сенім білдіріп, естелік суретке түсті. Бұл басқосу Қазақстан халқы Ассамблеясының 30 жылдығы аясында Сыр өңірінде атқарылған ауқымды әрі нәтижелі жұмыстың нақты көрінісі болды.<img src="https://knadmin.beoblood.kz/uploads/Assambleya_3_f018247f37.jpg" alt="Ассамблея 3.jpg">

Ассамблеяның 30 жылдығы: Сыр өңіріндегі бірлік пен келісім жолындағы жүйелі жұмыс қорытындыланды

<a href="https://kyzylorda-news.kz/">Kyzylorda-news.kz</a> Апта басында облыс орталығынан сүйінші хабар жетті. Қызылорда қаласында облыстық телеарнаның ұйымдастыруымен алғаш рет өткен «Жыл таңдауы – 2025» телевизиялық байқауы өз мәресіне жетті.Байқау барысында әр салада жемісті еңбек етіп, халыққа сапалы қызмет көрсетіп жүрген үздік азаматтар 15 аталым бойынша көрерменнің дауыс беруі нәтижесінде анықталды. Осы айтулы жобаға ауданымыздың намысын абыроймен қорғап, шығармашылықтарымен көзге түсіп жүрген жерлестеріміз – Үкітай Ерниязова, Бексұлтан Орынбасаров, Ержеңіс Әбді және Жалғас Шараповтар қатысты.Сонымен қатар, өңіріміздің беделін арттырып, қоғам үшін маңызды бастамаларды жүзеге асырып жүрген «Арал теңізі» қоғамдық бірлестігі де бәйгеге қосылды.&nbsp;Аймақ мерейін үстем етіп жүрген сол үздіктер қатарынан жерлестеріміз, ел мақтаныштары Ержеңіс Әбді мен Үкітай Ерниязов ел қолдауына ие болып, арнайы аталымдарға ие болды.Жыл қорытындысы бойынша Қызылорда қаласындағы С.Толыбеков атындағы №3 IT мектеп-лицейінің математика пәні мұғалімі, ақын Ержеңіс Әбді «Жыл мұғалімі» аталымына ие болса, әнші, сазгер Үкітай Ерниязов «Жыл өнерпазы» аталымын жеңіп алды.Өнер мен ұстаздық жолда табандылық танытып, кәсіби шеберлігімен көпшілік ықыласына бөленіп жүрген жерлестеріміздің бұл жетістігі аудан халқы &nbsp;үшін үлкен мақтаныш.<img src="https://knadmin.beoblood.kz/uploads/Zhyl_zdigi_2_bc661a86d8.jpg" alt="Жыл үздігі 2.jpg">

«Жыл таңдауы – 2025» телевизиялық байқауы өз мәресіне жетті

<a href="https://kyzylorda-news.kz/">Kyzylorda-news.kz</a> «Сыр жұлдыздары» шығармашылық-инновациялық академиясында «Әке тағылымы – ұлт тәрбиесінің тірегі» тақырыбындағы облыстық Әкелер форумы өтті. Аталған іс-шара отбасылық құндылықтарды нығайтуға, әкенің бала тәрбиесіндегі жауапкершілігін арттыруға, сондай-ақ ұлттық тәрбие мен ұрпақ сабақтастығын кеңінен насихаттауға арналды.Форум жұмысына қоғам белсенділері, ардагерлер, ата-аналар, жастар және Әкелер кеңесінің мүшелері қатысты. Жиынды «Әкелер Одағы» республикалық қоғамдық бірлестігінің Қызылорда облысы бойынша филиалының төрағасы, облыстық мәслихат депутаты Ержан Искендер жүргізіп, форумның мақсаты мен міндеттеріне тоқталды.Іс-шара барысында облыс әкімінің орынбасары Мейрамбек Шермағанбет, мемлекет тарапынан отбасы институтын қолдауға бағытталған жүйелі жұмыстар жөнінде баяндап, әкенің отбасындағы орны мен қоғамдағы жауапкершілігіне айрықша тоқталды.Форум аясында еліміздің мақтанышы, бокстан Әлем чемпионатының қола жүлдегері, Азия чемпионатының алтын жүлдегері Құлахмет Тұрсынбайдың әкесі, Молдахмет Байменов өз өмірлік тәжірибесі мен отбасылық өнегесі туралы ой бөлісті.Сонымен қатар «Сыр Медиа» ЖШС директоры Марат Аралбаев отбасы тәрбиесі мен ұлттық рухтың маңызы жөнінде мазмұнды ой қозғады.Ал дін істері басқармасының «Дін мәселелерін зерттеу орталығы» КММ-нің «Оңалту және киберқадағалау жұмыстарын ұйымдастыру» бөлімінің аға маманы, теолог Бақтияр Оспанов өз сөзінде қазіргі жастар арасында дін саласындағы ақпараттық қауіпсіздік пен оңалту шараларының маңыздылығына тоқталып, заманауи сананы қалыптастырудағы әкеніңрөлі мен отбасы тәрбиесінің әсерін ерекше атап өтті.Форум барысында қатысушылар тарапынан ұсыныс-пікірлер айтылып, әкелер қозғалысын дамыту, тәрбиелік бағыттағы жобаларды жүйелі түрде іске асыру, сондай-ақ жас отбасылармен жұмысты күшейту мәселелері кеңінен талқыланды.Сондай-ақ, ҚР Журналистер одағының мүшесі, «Кәсіпкер келбеті» газетінің бас редакторы, «Мерейлі отбасы – 2017» қалалық кезеңінің жүлдегері Жүзбай Таңрықбаев сөз сөйлеп, қоғамдағы әке рөлінің маңыздылығы, отбасы тәрбиесіндегі жауапкершілік пен құндылықтарды дәріптеудің өзектілігі жөнінде өз ой-пікірін білдірді.Форум қорытындысында отбасылық тәрбие мен қоғамдық келісімді нығайту жолында үлес қосып жүрген бірқатар азаматтар марапатталды.Іс-шарада айтылған ой-пікірлер мен ұсыныстар әкелер қозғалысын одан әрі жандандыруға бағытталған маңызды қадамдарға негіз болатыны айтылды.<img src="https://knadmin.beoblood.kz/uploads/ke_ta_ylymy_forum_2_f782d2554a.jpg" alt="Әке тағылымы форум 2.jpg">

Қызылордада облыстық әкелер форумы өтті

<a href="https://kyzylorda-news.kz/">Kyzylorda-news.kz</a> Үкімет отырысында 2025 жылдың 11 айындағы әлеуметтік-экономикалық даму қорытындылары қаралды. ҚР ҰЭМ деректері бойынша, басты көрсеткіш – ЖІӨ-нің өсімі, ол 6,4%-ға жеткен.Президенттің сапалы дамуды қамтамасыз ету және халықтың әл-ауқатын арттыру жөніндегі тапсырмаларын орындау шеңберінде ел экономикасы сенімді өсу қарқынын көрсетуде.Негізгі драйверлер өсімі 7,3%-дан 7,4%-ға дейін жеделдеген өнеркәсіп пен 6,1%-ға ілгерілеген ауыл шаруашылығы болды. Тұрақты дамуды нақты экономиканың басқа секторлары да көрсетіп отыр. Атап айтқанда, көлік саласы 20,3%-ға, құрылыс 14,7%-ға өсті, ал сауда 8,8%-ға артты.<blockquote>«Экономика сыртқы жағдайларға бейімделіп, тұрақты даму жолына түсті. Біз базалық салаларда жеделдеу барын көріп отырмыз, бұл әлеуметтік міндеттемелерді орындау және ауқымды инфрақұрылымдық жобаларды жүзеге асыру үшін берік негіз қалайды»,&nbsp;– деді Премьер-министрдің орынбасары – ұлттық экономика министрі Серік Жұманғарин.</blockquote>Фото: KZ government

Үкімет: Қазақстан экономикасының өсуі 6,4 пайызды құрады

<a href="https://kyzylorda-news.kz/">Kyzylorda-news.kz</a> Көпбейінді облыстық ауруханада бір күнде үш науқасқа жасалған бүйрек трансплантациясы сәтті өтті. Алғашқы трансплантация 41 жастағы әйел адамға жасалды. Реципиенттің ағасы донор болып, бүйрегін берді. Екінші трансплантация 20 жастағы жігітке жасалып, донор ретінде науқастың 54 жастағы анасы қатысты. Ал үшінші пациент – 43 жастағы әйел, донор болған оның жұбайы.Трансплантацияны көпбейінді облыстық ауруханасының бас дәрігері, трансплантолог, PhD, Жасұлан Баймаханов, бас дәрігердің хирургия жөніндегі орынбасары, PhD Ербол Серікұлы және А.Н. Сызғанов атындағы Ұлттық ғылыми хирургия орталығының трансплантологтары Ернұр Белгібаев, Елшат Нәбиевтің командасымен бірлесіп жасады.Қазір науқастардың жағдайы орташа ауыр, тиісті ем қабылдауда. Айта кету керек, бұған дейін ауруханада 8 рет бүйрек, 1 рет бауыр алмастыру отасы сәтті аяқталды.<img src="https://knadmin.beoblood.kz/uploads/B_jrek_transplantacziyasy_3_028d0f0aab.jpg" alt="Бүйрек трансплантациясы.jpg">

Облыста алғаш рет бір күнде үш науқасқа бүйрек трансплантациясы жасалды

<a href="https://kyzylorda-news.kz/">Kyzylorda-news.kz</a> Егер сіз шетелге тұрақты қоныс аударған болсаңыз немесе басқа елдің азаматтығын алған жағдайда, Бірыңғай жинақтаушы зейнетақы қорындағы (БЖЗҚ) жинақтарыңызды алуға құқығыңыз бар. БЖЗҚ бұл төлемдерді рәсімдеу тәртібін түсіндірді, деп хабарлайды <a href="https://baq.kz/shetelge-koshken-qazaqstandyqtar-zeynetaqy-zhinagyndagy-aqshasyn-ala-alady-200027291/">BAQ.KZ</a> тілшісі.Төлем алуға құқылы тұлғалар:<ul><li style="text-align:justify;">Шетел азаматтығын алған Қазақстанның бұрынғы азаматтары;</li><li style="text-align:justify;">Қазақстан азаматтығы жоқ тұлғалар;</li><li style="text-align:justify;">Қазақстаннан тыс жерге тұрақты тұруға кеткен және БЖЗҚ-да жинақтары бар адамдар.</li></ul>Құжаттарды тапсырудың үш тәсіліЗейнетақы төлемдерін алу үшін құжаттарды үш түрлі жолмен беруге болады:<ul><li style="text-align:justify;">БЖЗҚ бөлімшесіне жеке барып тапсыру;</li><li style="text-align:justify;">Сенім білдірілген тұлға арқылы рәсімдеу;</li><li style="text-align:justify;">Аймақтық филиалға пошта арқылы жолдау.</li><li style="text-align:justify;">Құжаттарды жолдамас бұрын қордың ресми сайтындағы онлайн алдын ала тексеру сервисінен өтуге болады. Бұл процесті жылдамдатуға көмектеседі.</li></ul>Заңдастыру талаптары және тексеру тәртібіШетелден алынған құжаттар міндетті түрде заңдастырылып, аударылып ұсынылуы тиіс. БЖЗҚ деректерді мемлекеттік ақпараттық жүйелер арқылы тексереді. Қазақстан азаматтығы жоқ екендігі расталған жағдайда төлем 10 жұмыс күні ішінде рәсімделеді.Қаражат тек өтініш иесінің жеке банк шотына аударылады:<ul><li style="text-align:justify;">Қазақстанда – теңгемен,</li><li style="text-align:justify;">Шетелде – қалаған валютамен шетелдік банк шотына.</li></ul>Фото: Александр Павский

Шетелге көшкен қазақстандықтар зейнетақы жинағындағы ақшасын ала алады

Бүгін Қазақстан Республикасының Үкіметі атынан Өнеркәсіп және құрылыс министрі мен Roca Group халықаралық компаниясы, облыс әкімі Нұрлыбек Нәлібаев пен Roca Қазақстан ЖШС бас директоры Даниэль Хурадо Эрнандес арасында «Қызылорда облысында заманауи сантехникалық бұйымдарды өндіру және құрастыру зауытының құрылысы» жөніндегі жоғары технологиялық жобаны жүзеге асыруға бағытталған инвестициялық келісімдерге қол қойылды. Рәсімде аймақ басшысы бұл келісім Қазақстан мен Испания арасындағы серіктестік қарым-қатынастардың дамуы үшін маңызды кезең екенін атап өтті. Инвестициялық келісім аясында Қызылорда облысында заманауи өнеркәсіптік кәсіпорын салу жоспарланған. Жаңа зауыт керамикалық санитарлық бұйымдарды, ванна бөлмесіне арналған жиһаздарды, кірістірілген су бұрқақтарын және басқа да өнімдерді өндіру мен жинауға маманданады. Кәсіпорынға Roca Group компаниясының озық өндірістік технологиялары мен стандарттары енгізіліп, өндіріс автоматтандырылады, энергия тиімділігі және экологиялық қауіпсіздігі қамтамасыз етіледі.Жобаның өндірістік қуаты жылына 500 мың дана өнім, жалпы 44,1 млрд теңгеден астам инвестиция тартылады. Өндірілетін өнімдер Қазақстанның ішкі нарығына ғана емес, Орталық Азия елдеріне де экспортталады. Жоба жүзеге асқанда 300-ден астам жаңа тұрақты жұмыс орны құрылады. Сонымен қатар, жоба аясында қазақстандық мамандардың халықаралық тәжірибені қолданып оқытылуы және біліктілігін арттыруы қарастырылған. Инвестициялық келісімде мемлекеттік қолдаудың кешенді шаралары қамтылған. Оған салықтық преференциялар беру, технологиялық жабдықтарды, бөлшектерді, қосалқы бөлшектерді, сондай-ақ шикізат пен материалдарды импорттаған кезде кедендік баждардан босату кіреді. Қызылорда облысының әкімдігі жер учаскесін беріп, қажетті инженерлік-инфрақұрылымды жеткізеді. Инвестициялық келісімнің мерзімі – қол қойылған күннен бастап 25 жыл. Roca Group компаниясының өкілі Қазақстанды стратегиялық маңызды нарық ретінде қарастыратынын, себебі оның географиялық жағынан тиімді орналасқанын, қолайлы инвестициялық климат қалыптасқанын, мемлекеттік қолдау шаралары бар екенін атап өтті. Айта кетейік, Roca Group – сантехникалық жабдық өндірісі саласындағы әлемдік деңгейдегі жетекші компаниялардың бірі, 100 жылдан астам тарихы бар. Компанияның бүкіл әлемде 78 өндірістік алаңы бар және онда 20 мыңнан астам қызметкер жұмыс істейді. Roca өнімдері 170-тен астам елде ұсынылған және жоғары сапасы, инновациялық шешімдері және еуропалық стандарттарға сәйкестігі арқылы кеңінен танымал. Екі ел арасындағы жобаны жүзеге асыру өңдеуші өнеркәсіпті дамыту, импортқа тәуелділікті азайту және жоғары қосылған құны бар өнімдерді экспорттау бойынша мемлекеттік саясаттың басым бағыттарына сәйкес келеді.Фото: Қызылорда облысы әкімінің баспасөз қызметі

Roca Group компаниясымен инвестициялық келісімге қол қойылды

<a href="https://kyzylorda-news.kz/">Kyzylorda-news.kz</a> Облыс әкімінің орынбасары Бахыт Жаханов теміржол вокзалдарындағы құрылыс жұмыстарының барысымен танысты.Алдымен Қазалы теміржол вокзалын күрделі жөндеуді және жаяу жүргіншілерге арналған көпір құрылысын көрді. «Қазақстан Темір Жолы» ҰК» АҚ қаржыландырылған жоба бойынша ғимараттың іргетасы мен қабырғасы күшейтіліп, шатыры ауыстырылып, есік-терезелері жаңартылуда. Жолаушыларға арналған күту залдары заманауи талаптарға сай жабдықталып, мүмкіндігі шектеулі азаматтарға қолайлы жағдай жасалмақ.Арал теңізі және Сексеуіл вокзалдарының орнына жаңа ғимараттар бой көтеруде. Бұған дейін ескісін күрделі жөндеуден өткізу жоспарланған. Алайда іргетасы мен қабырғалары тозғандықтан, жөндеу тиімсіз деп танылды. «Техоснастка-Ремсервис» серіктестігі қабырғасын қалап, бетон орнату, терезе салу және ішкі әрлеу жұмыстарын жүргізуде.Сексеуіл вокзалының жолаушылар перронын абаттандыруға қажетті материалдар жеткізілген, қабырғаларды сылау, еденін құю, терезелер орнату және электр желісін тарту жұмыстары атқарылуда.Жосалы вокзалында да жұмыс қызу. «Р и А Сервис ЛТД» серіктестігі 1904 жылы салынған ғимараттың фасадын минвата және травертинмен қаптап, жұмыстың 95%-ын аяқтаған. Шатыр жаңартылып, электр жүйесінің 90%-ы тартылған.Жалағаш пен Тереңөзек вокзалдарындағы құрылыс алаңында техника мен жұмыс күші жеткілікті, қабырға қаланып бітуге жақын.Жоба жолаушыларға жайлы жағдай жасап, аудандардың инфрақұрылымдық дамуына серпін бермек.<img src="https://knadmin.beoblood.kz/uploads/Zhala_ash_temirzhol_b30ef228c4.jpg" alt="Жалағаш теміржол.jpg">

Теміржол вокзалдарында жүйелі жұмыс жүргізілуде

<a href="https://kyzylorda-news.kz/">Kyzylorda-news.kz</a>&nbsp; Тәуелсіздік – арманға жол ашқан, еркін ой мен батыл қадамға мүмкіндік берген басты құндылық. Сол тәуелсіздікпен қатар өсіп, елімізбен бірге қалыптасқан жас буын бүгінде түрлі салада табысқа жетіп, қоғамның дамуына өз үлестерін қосып келеді. Қызылордада еңбегімен, білімімен және табандылығымен биік белестерді бағындырған тәуелсіздіктің құрдастары Өңірлік коммуникациялар қызметінің ақпарат алаңына келіп, жетістікке жету жолындағы тәжірибелері мен ой-пікірлерімен бөлісті.<blockquote>- Мен 1991 жылы Жалағаш кентінде дүниеге келдім. 2013 жылы Көкшетау техникалық институтына оқуға түсіп, тәжірибе алмасу бағдарламасы бойынша Беларусь Республикасы Төтенше жағдайлар министрлігінің Азаматтық қорғаныс университетіне ауысып, 2017 жылы Төтенше жағдайлардың алдын алу және жою инженері мамандығын аяқтадым. 2023 жылы аталған университеттің “Төтенше жағдайларды жою және азаматтық қорғаныс” мамандығы бойынша магистр дәрежесін алдым. Бүгінде Қызылорда облысының Төтенше жағдайлар департаменті Азаматтық қорғаныс басқармасында аға офицер майор қызметін абыроймен атқарып келемін. Оқу барысында түрлі ұлттық-мәдени фестивальдерге, Минскіде өткен “Қазақстан мәдениеті күндері” атты іс-шараларға қатыстым. Осындай игі істердің арқасында оқу орны басшылығы атынан бірнеше рет алғыс хатқа ие болдым. Сондай-ақ, белгілі режиссер Ақан Сатаевтың Белоруссияда түсірілген “Анаға апарар жол” фильмінің қосымша бөлімінде Ұлы Отан соғысының солдаты рөлін сомдау бақытына ие болдым. Бұл қарапайым курсант үшін үлкен мотивация болды. Мемлекетіміздің тәуелсіздігі - халқымыздың бақыты. Тәуелсіздіктің арқасында еліміз тыныш, береке-бірлікте өмір сүріп жатырмыз. Мен де өз мамандығым бойынша ел қауіпсіздігін сақтау жолында аянбай еңбек етемін,- деді Ғафур Ақмырзаев.</blockquote>- Мен, Бағжан Алтыбасова, облыстық перинаталдық орталығының акушер-гинеколог дәрігері, облыстық денсаулық сақтау басқармасының штаттан тыс репродуктологымын. Менің кәсіби жолым тәуелсіз еліміздің дамуымен қатар қалыптасты. 2008 жылы М.Оспанов атындағы Батыс Қазақстан мемлекеттік медицина университетіне оқуға түсіп, 2013 жылы жалпы медицина факультетін тәмамдадым. 2015 жылы “Акушерия және гинекология” мамандығы бойынша интернатураны, ал 2018 жылы “Балалар гинекологы” мамандығы бойынша резидентураны аяқтадым. Сол жылдан бастап облыстық перинаталдық орталығында қызмет атқарып келемін. Осы жылдардың ішінде әйелдердің репродуктивті денсаулығын сақтау, ана мен бала өмірінің қауіпсіздігін қамтамасыз ету бағытында үздіксіз еңбек етіп келемін. Тәуелсіз еліміздің арқасында кәсіби тұрғыда дамып, халық денсаулығына қызмет ету - мен үшін үлкен мақтаныш әрі жауапкершілік,- деді Бағжан Алтыбасова.<blockquote>- Ұстаз үшін ең үлкен жетістік - шәкіртінің биікке ұмтылысы мен нақты нәтижесі. Соңғы жылдары оқушыларым қалалық, облыстық және республикалық деңгейде бірқатар жетістіктерге қол жеткізді. Сол жеткен жетістіктерінің нәтижесінде олар Қорқыт ата атындағы Қызылорда университеті мен Қызылорда Ашық университетінің білім гранттарына ие болды. Қазіргі таңда бір оқушым қалалық олимпиададан І орын алып, облыстық кезеңге дайындық үстінде. Өзім де ұстаз ретінде кәсіби дамудан шет қалмай, республикалық “Педагогикалық идеялар фестивалі”, “Педагогикалық идеялар панорамасы” байқауларына қатысып, қаржылық сауаттылық бағыты бойынша республикалық кезеңде ІІІ орын иелендім. Бұл - тәуелсіз ел ұстазының үнемі ізденісте болуы керектігінің айқын дәлелі. Тәуелсіздік бізге таңдау еркіндігін берді. Ал сол еркіндікті біліммен, адал еңбекпен, нақты нәтижемен дәлелдеу - біздің ортақ міндетіміз,- деді Абай атындағы үш тілде оқытатын дарынды балаларға арналған мамандандырылған сыныптары бар мектептің математика пәнінің мұғалімі Асылхан Тоқмұрзаев.&nbsp;</blockquote>

Тәуелсіздікпен бірге түлеген буын

<a href="https://kyzylorda-news.kz/">Kyzylorda-news.kz</a> Жаңақорған ауданының әкімдігінің мәжіліс залында аудан әкімі аппаратының басшысы Рүстем Рәбілұлы Ибрагимнің төрағалығымен «Е-өтініш» &nbsp;платформасы бойынша семинар-кеңес өтті.&nbsp;Семинардың мақсаты мемлекеттік қызметшілердің «Е-өтініш» бірыңғай платформасы арқылы келіп түскен жолданымдарды қарау және өңдеу бойынша кәсіби құзреттерін дамыту.&nbsp;Семинар барысында &nbsp;арнайы Қызылорда облысы әкімі аппаратының &nbsp;өтініштерді қарауды бақылау бөлімінің жауапты мамандары &nbsp;Назира Ғабитқызы Ишанбек, Жұлдызай &nbsp;Орақбекқызы Махамбетқайыр және құқықтық статистика және арнайы есепке алу жөніндегі комитетінің Қызылорда облысы бойынша департаменті бөлімінің аға прокуроры Мақсат Ерболатұлы Асанов баяндама жасап, заң талаптарына түсініктеме берілді.&nbsp;Семинарда «Е-өтініш» АЖ арқылы мекемелерге келіп түсетін жолданымдарды қарау кезінде туындайтын мәселелер сонымен қатар, ҚР Әкімшілік рәсімдік - процестік кодексінің ережелерін сақтаудың өзектілігі талқыланды. Семинар қорытындысы бойынша &nbsp;қатысушылар пікір алмасып, жауапты қызметкерлерге «Е-өтініш» АЖ келіп түскен жолданымдарды қарау және қайта бағыттау мерзімдерін сақтау бойынша тұрақты түрде мониторинг жүргізу тапсырылды.

"Е-өтініш" платформасы бойынша семинар кеңес өтті

<a href="https://kyzylorda-news.kz/">Kyzylorda-news.kz</a> Астана қаласында«AMANAT» партиясы «Жастар Рухы» жастар қанатының Республикалық«Рухтастар» сыйлығы табысталды. Биыл бесінші рет ұйымдастырылған іргелі іс-шарада қоғамдық бастамаларға айрықша үлес қосқан еліміздің ең белсенді жас азаматтары марапатталды.Салтанатты рәсімге Мәжіліс депутаттары, қоғам қайраткерлері жәнебелсенді жас көшбасшылар қатысты.Айта кетейік, биыл байқауға 18 бен 35 жас аралығындағы жастардан 500-ден астам өтінім келіп түсті. Жалпы осы жылдар аралығында 100-ге жуық жасазамат «Рухтастар» сыйлығының иегері атанды. Әр марапат – еңбекпен келген жетістіктіңжәне тынымсыз ізденістің нағыз үлгісі.Өз кезегінде &nbsp;«AMANAT» партиясының Атқарушы хатшысы Дәулет Кәрібекжастардың ел дамуындағы рөліне тоқталып, бұл марапаттың қоғамдық маңызын атап өтті.<blockquote>«Мемлекет басшысы Қасым-Жомарт Тоқаев өз Жолдауында атап өткендей, өскелең ұрпақтың бойындағы патриотизм – болашаққа деген шынайы ұмтылыс және бұл – қоғам санасында болып жатқан өзгерістің айқын көрінісі. Білімді жастар – бұл елдің басты капиталы әрі оң өзгерістердің негізгі қозғаушы күші. Бүгінгі жас буынның қоғамға пайдалы болуға, жаңалық ашуға, өзін-өзі дамытуға деген ұмтылысы артып отырғаны байқалады. Біз осындай жігерлі, ынталы жастарды құрметтейміз. «Рухтастар» сыйлығы баршамызды ортақ мақсат жолында бірігіп, Әділетті Қазақстанды құруға қарай нық қадам басуға шабыттандырады», – деді ол.</blockquote>Ал «Жастар Рухы» жастар қанатының төрағасы Ақерке Искандеровабұл сыйлық – еліміздегі ең белсенді, табанды және рухты жастардың еңбегібағаланатын маңызды марапат екенін мәлімдеді.<blockquote>«Бүгін біз еліміздегі 17 өңір мен 3 қаладағы ең белсенді жастарды бір алаңға жинадық. Олар жыл бойы өңірлерде атқарылған көптеген әлеуметтік, мәдени, экологиялық және волонтерлік жобаларға жан-жақты үлес қосып, жастар саясатының дамуына елеулі еңбек сіңірді. Бұл марапат – олардың еңбегіне деген құрметіміздің белгісі ғана емес, алдағы жұмыстарына көрсетілген үлкен сенім», – деді ол.</blockquote>Оның айтуынша, үздіктерді іріктеу барысы бірнеше кезеңнен тұрды.25 қарашадан 3 желтоқсанға дейін өтінімдер «Жастар Рухының» ресми сайтында қабылданып, кейін республикалық конкурс комиссиясының қарауына жіберілген.«Қайсар» жыл батыры номинациясыменҚазақстан-Американдық еркін университетінің студенті Ерасыл Омарханов(Шығыс Қазақстан облысы)марапатталды. Ол Үлбі өзеніне батып бара жатқан жас баланы құтқарып, ерен ерлік танытты.<img src="https://knadmin.beoblood.kz/uploads/Whats_App_Image_2025_12_15_at_17_40_16_b9aa4310bc.jpeg" alt="Жастар рухы.jpeg">«Нұрлы ақыл»үздік жас ғалым номинациясына PhD доктор, Қазақ егіншілік және өсімдік шаруашылығы ғылыми-зерттеу институтыОрганикалық егіншілік зертханасының аға ғылыми қызметкеріАлтынай Жакатаева(Алматы облысы)лайық деп танылды. Ол 30-дан астам ғылыми еңбектің авторы. Агрошаруашылықтарға дақылдарды аурулардан және зиянкестерден қорғау, органикалық технологияларға көшу, тиімді агротехникалық әдістерді енгізу бойынша әдістемелік қолдау көрсетіп келеді.«Ыстық қайрат» еңбек адамыноминациясымен «Қазақстан алюминийі» АҚ филиалы электр стансасының капиталды жобалар бөлімінде құрылыс-монтаж және іске қосу-реттеу жұмыстары бойынша сарапшыЖангелді Жанат(Павлодар облысы)марапатталды. Ол электр стансасының инфрақұрылымын жаңғыртуға, жылу-энергетикалық тиімділікті арттыруға,сондай-ақ бірқатар күрделі құрылысбағытындағы инвестициялық жобаларды жүзеге асыруға белсене атсалысты.Сондай-ақ осы номинацияны Шығыс Жезқазған кенішіндегі №57 шахта жарушысы, өндіріс саласындағы жастардың белсенді өкілі, волонтер,спортшы Асылхан Тұрғамбеков (Ұлытау облысы) иеленді.«Жылы жүрек» жыл еріктісі номинациясынажүздеген әлеуметтік жобаларға қатысып, қоғамға нақты үлес қосқан Академик Е.А.Бөкетов атындағы Қарағанды Ұлттық Зерттеу университетінің студенті Зият Садвакасов(Қарағанды облысы)және әлеумет, білім беру, мәдениет, экология салаларындағы волонтер, С.Торайғыров атындағы университет студенті Разия Қалиасқар (Павлодар облысынан) лайық деп танылды.«Жылдың әлеуметтік жобасы» номинациясында «Altay-pro» туристік фирмасының негізін қалаушысы Екатерина Орлова(Шығыс Қазақстан облысынан) жеңімпаз атанды. Оның жобасы экотуризмді дамытуға және табиғатты қорғауға бағытталған басқа да шараларды қамтиды.Сонымен қатар «Белсенді рухтас»жыл белсендісі номинациясы бойынша еліміздің түкпір-түкпірінен келген 20 азамат марапатталды.Бұдан бөлек «Жастар Рухы» қолдаушысы номинациясын талантты жастардың бастамаларына қолдау көрсетіп жүрген спортшы, аралас жекпе-жек (ММА) шеберіАрман Оспанов, Алматы облыстық мәслихат депутаты, филиал жанындағы Жастарды қолдау кеңесінің төрағасы, «Чемпиондық Рух» жобасының амбасадоры Нұрсұлтан Орынбасаров, «Жайдарман» ойындарын ұйымдастырушысы Жанасыл Болатбек, Павлодар облыстық мәслихат &nbsp;депутаты, Жастарды қолдау кеңесінің төрағасыАйдар Курумбаев, &nbsp;Павлодар қалалық мәслихат депутаты, «Крендель» ЖШС директорыМадина Музапарова алды. «Жастар Рухы» жастар қанатының ең үздік бөлімшелері – Ақмола облысы Бурабай ауданы және Жамбыл облысы Тараз қаласы.<blockquote>«Біздің бөлімшенің ең үздік деп танылуы – әріптестеріміздің ортақ жеңісі. Бұл марапат бізді одан әрі жауапкершілікпен жұмыс істеуге ынталандырады. Биыл біз әлеуметтік, экологиялық және білім беру бағыттарында бірнеше жобаны жүзеге асырдық. Алдағы уақытта да өңіріміздегі жастар саясатын дамытуға үлес қоса береміз», – деді «Жастар Рухы» жастар қанатының Ақмола облысы Бурабай аудандық бөлімшесінің өкілі Әлішер Баймұқанов.</blockquote>Ал «Үздік филиал» номинациясын«Жастар Рухы» жастар қанатының Қызылорда облыстық және Шымкент қалалық филиалдары иеленді.

«AMANAT»-та «Жастар Рухының» үздік волонтерлері мен белсенділері марапатталды

<a href="https://kyzylorda-news.kz/">Kyzylorda-news.kz</a> Мереке күндері уәкілетті органдар күшейтілген режимді ұстанады. &nbsp;Облыстық төтенше жағдайлар департаменті 16 желтоқсан сағат 09.00-ден бастап 17 желтоқсан сағат 09.00 аралығында қала тыныштығын жіті бақылайды.Департаменттің басшы құрамынан жауаптылардың тәуліктік кезекшілігі мен қызметкерлерінің құрамынан жауаптылардың және аттестатталған жеке құрамнан құрылған жедел топтың тәуліктік кезекшілігі ұйымдастырылды. Бұл туралы облыстық төтенше жағдайлар департаменті бастығының орынбасары Бекболат Әбдіқадыров баяндады.<blockquote>- Қазіргі уақытта жағдай тұрақты, тіршілікті қамтамасыз ету объектілері штаттық режимде жұмыс істеуде. Барлық бағыттағы жолдар ашық. Жеке құрам бойынша төтенше оқиғаларға жол берілген жоқ. Департаменттің жеке құрамы ықтимал төтенше жағдайларға ден қоюға дайын екендігін баяндаймын. Жағдай тұрақты бақылауда, тәулік бойы кезекшілік ұйымдастырылған. Қажет болған жағдайда қосымша күштер мен құралдарды тарту мүмкіндігі қарастырылған,- деді Бекболат Қайырбекұлы.</blockquote>

Қазақстан және Қызылорда облысының жаңалықтары: Қоғам