<a href="https://kyzylorda-news.kz/ru/">Kyzylorda-news.kz</a> Жаңаөзендегі «МұнайСпецСнаб Компани»&nbsp;жұмысшысы қаза болды. Бұл&nbsp;туралы&nbsp;Lada.kz сайты хабарлады.–&nbsp;«Өзен»&nbsp;кенішінде 27 қаңтарда түнгі ауысым жұмысшылары ұңғымалардың біріне күрделі жөндеу жұмыстарын жүргізіп жатқан кезде жазатайым оқиға болып,&nbsp;«МұнайСпецСнаб Компани»&nbsp;жұмысшысы қаза болды. Қазір оқиғаның жай-жапсарын анықтау үшін және алда мұндай оқиғаларға жол бермес үшін мемлекеттік еңбек инспекциясының жетекшілігімен комиссия жұмыс істеп жатыр,&nbsp;— деп жазылған компания хабарламасында.&nbsp;Хабарламада жұмысшы қазасына қатысты ақпарат нақты айтылмаған. Жанаөзенде жалақы мен жұмыс сапасын арттыруға байланысты түрлі наразылықтар болған.Фото: Нұрболат Нұржаубай

Компания қызметкері жұмыс барысында қаза тапты

<a href="https://kyzylorda-news.kz/ru/">Kyzylorda-news.kz</a>&nbsp; Өз анасы тәрбиелеймін деп суық қораға қамап қойған баланың көпшілікті шулатқан оқиғасы жалғасып жатыр, деп хабарлайды <a href="https://nege.kz/news/balasin-tarbieleymn-dep-suik-koraga-kamap-koygan-ayel-ana-kukiginan-ayirildi-2bf96a">NEGE</a>.Күні кеше Жетісу ауданының кәмелетке толмағандардың істері жөніндегі мамандандырылған сотының отырысы өтіп, нәтижесінде әйел 2014 жылы туған ұлына қатысты ата-ана құқығынан айырылды.Сондай-ақ, Талдықорған қаласының әкімшілік құқық бұзушылық істер жөніндегі мамандандырылған ауданаралық сотының қаулысымен абайсызда баласының денсаулығына жеңіл зиян келтіргені үшін кінәлі деп танылып, оған ескерту берілді.Белгілі болғандай, сот отбасының әкесін де ата-ана құқығынан айыру туралы шешім қабылдаған.Қазіргі уақытта бала қорғаншылық органдарына берілді.Естеріңізге сала кетейік, Уәкілдің Жетісу өңірі бойынша өкілі кәмелетке толмаған баланың құқықтарының бұзылғаны туралы шағым түсіргеннен кейін комиссия құрып, ана мен екі баланың антисанитарлық жағдайда және толық бейберекетсіздікте өмір сүріп жатқанын анықтаған болатын. Бұл ретте әйел алкогольдік ішімдіктерді пайдаланғанын және балаларды қорлағанын мойындады.Қамқоршылық және қорғаншылық органдары Жетісу облысы бойынша АҚУ өкілінің бастамасымен Жетісу облысының кәмелетке толмағандардың істері жөніндегі мамандандырылған ауданаралық сотына тиісті талап арызын жолдады.Фото: Нұрболат Нұржаубай

«Қораға қамап қойған»:  Баласын тәртіпке шақырған әйел ана құқығынан айырылды

<a href="https://kyzylorda-news.kz/ru/">Kyzylorda-news.kz</a>&nbsp; Қазақстан Медиа Альянсы өз тарапынан бұл жағдайдан қандай да бір астар іздеу орынсыз деп санайды. Шетелдік БАҚ-тың қызметі жайлы талаптың заңнама тұрғысынан қаралып отырғаны әлемдік тәжірибе. Кез келген елдің ақпараттық қауіпсіздігі жолындағы жасайтын процедурасы, – делінген мәлімдемеде.&nbsp;Айтуларынша, қазіргі уақытта елімізде әлемнің 15 елінен шетелдік 39 БАҚ аккредиттеуден өтіп, олардың 160 журналисі елімізде қызмет етіп отыр.<blockquote>– Бұл дегеніміз – Қазақстанда шетелдік БАҚ-тың жұмыс істеуіне қандай да бір шектеу жоқтығының бірден-бір көрінісі.&nbsp;Айта кетейік, Қазақстанда шетелдік БАҚ-ты тіркеуде алдын ала хабарлау механизмі ғана қолданылып келеді. Көп жағдайда шетелдік журналистер тарапынан Қазақстан заңнамасын бұзу жағдайлары жиі кездесіп тұратынын да айта кеткен жөн. Ал әлемдік тәжірибеге қарар болсақ, егер шетелдік БАҚ өкілдері жергілікті заңнаманы бұзған жағдайда тіпті акредитацияны қайтарып алу механизмі бар. Мәселен, АҚШ пен Түркияда аккредитацияны қайтарып алумен қатар, сол елде журналистік қызметті жалғастыруға тыйым бар. Әр ел өзінің заңнамасында шетелдік БАҚ өкілдерінің қызметін реттеу нормаларын әлдеқайда қарастырған, – дейді Қазақстан Медиа Альянсы.</blockquote>Жалпы шетелдік БАҚ өкілдерінің өзге елде қызметін жүргізу үшін тіркеуге алу кең таралған әлемдік тәжірибе. Басқасын айтпағанда, әлемнің озық елдері АҚШ, Германия, Ұлыбритания, Сингапур, Малазия сынды елдерде де осы тәжірибе заң жүзінде бекітіліп, қолданылып келеді, ал шетелдік БАҚ өкілдеріне әр елдің қояр талабы қатаң.<blockquote>– Ал енді Қазақстанда тіркеуге алынбаған шетелдік БАҚ өкілдерінің жұмысын заң жүзінде реттеу осы әлемдік тәжірибеге сай жасалып отырған қалыпты жағдай. Қазақстан Медиа Альянсы тіркеуге алынбаған шетелдік БАҚ өкілдерінің қызметін заңнамада реттеуден қандайда бір теріс әрекет не шектеу көру әлемдік тәжірибеден хабарсыздық деп ойлаймыз, – делінген мәлімдемеде.&nbsp;</blockquote>Фото: Нұрболат Нұржаубай

Қазақстан Медиа Альянсы шетелдік БАҚ-ты тіркеуге қатысты мәлімдеме жасады

<a href="https://kyzylorda-news.kz/ru/">Kyzylorda-news.kz</a>&nbsp; Орталық коммуникациялар қызметінде өткен брифингте Қаржы министрлігінің өкілдері балалардың картасына жиі түскен мобильді аударымдарды салық органдары тексере ме деген сұраққа жауап берді. Бұл туралы KAZ.NUR.KZ тілшісі хабарлайды.<blockquote>"Бұл жағдайда аударым мәселесін екінші деңгейлі банктер шешеді. Ал шектен тыс аударым жасалғаны туралы ақпарат бізге келіп түссе, онда бақылауға аламыз. Менің білуімше, заң бойынша балаларға мүлікке иелік етуге шектеу жоқ, ал кәсіпкерлік бойынша бұл мәселе ашық күйде қалып отыр", - деп жауап берді Қаржы министрлігі Мемлекеттік кірістер комитеті төрағасының орынбасары Қайрат Миятов.</blockquote>Оның айтуынша, әр жағдай бойынша мәселе жеке қаралады.&nbsp;<blockquote>Сондай-ақ Қаржы министрлігінің өкілдері қазақстандықтардың барлық мобильді аударымы тексермейтінін еске салды. Олардың сөзінше, тек 3 ай ішінде шотына 100-ден астам адамнан аударым түсетін тұлғалар ғана тексеріледі. Бұл тұлғалар заңсыз кәсіпкерлік қызметпен айналысады деген болжам жасауға негіз болады, дейді олар.&nbsp;</blockquote>Одан бөлек, Қаржы министрлігіндегілер 2025 жылға қарай салық органдарында қазақстандықтардың аударымдары туралы деректер болатынын, бұл олардың көлеңкелі бизнеспен айналысып жатқанын бағалауға мүмкіндік беретінін хабарлады.&nbsp;Фото: Нұрболат Нұржаубай

Қазақстанда мобильді аударым көп түскен балалардың шоты тексеріле ме?

<a href="https://kyzylorda-news.kz/ru/">Kyzylorda-news.kz</a> Кеше Қызылорда қаласының 20 жасар тұрғынының саусағы блендерге қыстырылып қалған.&nbsp;<blockquote>«Аталған мекенжайға жеткен құтқарушылар арнайы құрылғымен блендер аппаратын кесіп, оның саусағын блендерден шығарып берді. Қазіргі кезде Ковашев Тимурдың жағдайы қалыпты. Бозбаланың анасы Лаура Оспанова құтқарушыларға зор алғысын білдірді. Құрметті тұрғындар! Қоғамда және тұрмыста құралдармен жұмыс істегенде аса сақ болуды ескертеміз», - делінген ТЖ департаментінің таратқан хабарламасында.&nbsp;</blockquote>Фото: ТЖ департаменті

Блендерге саусағы қыстырылған қызылордалыққа көмек көрсетілді

<a href="https://kyzylorda-news.kz/ru/">Kyzylorda-news.kz</a> 1 ақпаннан бастап Қазақстандықтар "Ұлттық қор - балаларға" бағдарламасы бойынша балаға есептелетін соманы біле алады.Ақпарат <a href="https://kids.enpf.kz/#where-to-check">kids.enpf.kz </a>сайтында жарияланған. ЖСН бойынша баланың бағдарламаға қатысатынын тексеруге болады.2006 жылы және одан кейін дүниеге келген Қазақстанның барлық баласына жыл сайын Қазақстан Республикасы Ұлттық қорының инвестициялық табысының 50%-і түсіп тұрады. Табыс есепті жылдың алдындағы он сегіз жыл ішіндегіорташа сомамен есептеледі. Барлық бала бірдей сома алады.Сервис қазірдің өзінде жұмыс істеп тұр және әрқайсысына шамамен 100 доллар,яғни, шамамен 45 мың теңге есептелгенін көрсетті.Ақпарат алу үшін баланың ЖСН енгізіп, "тексеру" түймесін басу қажет.Дереккөз: SputnikФото: Нұрболат Нұржаубай

Ұлттық қордан балаларға алғашқы төлем түсе бастады: қаражатты қайдан көруге болады?

Фото: облыс әкімінің баспасөз қызметі<a href="https://kyzylorda-news.kz/ru/">Kyzylorda-news.kz</a> Ақпан айында қазақстандықтарды біршама өзгеріс күтіп тұр. Толығырақ <a href="https://sputnik.kz/">Sputnik Қазақстан</a> материалынан оқыңыз.<h3 style="margin-left:0px;">1-сынып оқушылары демалады</h3>Осы айда бүкіл республика бойынша 1-сынып оқушыларына қосымша қысқы демалыс беріледі. Бүлдіршіндер 5 мен 11 ақпан аралығында демалады.Осылайша 2023-2024 оқу жылында бірінші сынып оқушылары 33 апта, 2-11 (12) сыныптар 34 апта оқиды.Айта кетері, мектептерде үшінші тоқсан 8 қаңтарда басталды. Ол 10 оқу аптасынан тұрады.<h3 style="margin-left:0px;">"Елорда жастары" бағдарламасына өтінім қабылдау</h3>Бүгін, 1 ақпан сағат 09.00-ден бастап "Елорда жастары" тұрғын үй бағдарламасына қатысуға өтінім қабылданады. Науқан 6 ақпан сағат 23.59-ға дейін созылады.Астаналықтар өтінімді электронды түрде birge.astana.kz порталы арқылы береді.Елорда жастары Отбасы банк арқылы қаладағы жаңа және қолданыстағы пәтерді сатып ала алады. Банк барлығы 80 несие береді.Бағдарлама шарттары:қарыздың ең жоғары сомасы – 18 млн теңге;бастапқы жарна – 10%;қарыз бойынша мөлшерлеме –жылдық 5%;несиелеу мерзімі – 25 жылға дейін.Өтінім 35 жасқа толмаған азаматтардан қабылданады.Толығырақ <a href="https://sputnik.kz/20240127/elorda-zhastary-turgyn-uy-bagdarlamasyna-otinim-qabyldau-bastalady-41867908.html">мына жерден</a> біле аласыз.<h3 style="margin-left:0px;">Балалардың шотына Ұлттық қордан ақша түседі</h3>Ақпан айында кәмелетке толмаған балалардың арнайы жинақтаушы шотына Ұлттық қордың табысы түсе бастайды.Ата-аналар egov.kz-та жеке кабинетіне кіріп, шоттағы соманы көре алады. Сондай-ақ enpf.kz ресми сайтынан да білуге мүмкіндік бар."Ұлттық қор – балалар" бағдарламасына 18 жасқа толмаған, яғни 2006 жылы және одан кейін туған балалар қатысады. Бұл ретте кәмелетке толмаған бала міндетті түрде Қазақстан азаматы болуға тиіс.Ақшаны 18 жасқа толған соң ғана алуға рұқсат етіледі.Алдын ала есептеулер бойынша 18 жыл ішінде баланың арнайы шотында 3,5 – 4 мың доллар жиналады. Ал биыл 18 жасқа толған азаматтардың шотына небәрі 160-170 доллар аударылады деген болжам бар."Ұлттық қор – балаларға" жобасы туралы көпті мазалаған сұрақтардың жауабын <a href="https://sputnik.kz/20240111/ulttyq-qor--balalarga-ata-analar-mazalagan-suraqtar-zhauap-41504248.html">мына сілтемеге </a>өтіп таба аласыз.<h3 style="margin-left:0px;">Енді "AQYL" депозитін Отбасы банктен де ашуға болады</h3>Биылдан бастап "AQYL" мемлекеттік білім беру жинақтау жүйесіне Отбасы банк те қатысады.Баласының оқуына ақша жинағысы келетін қазақстандықтар "AQYL" депозитін 1 ақпаннан бастап Отбасы банктен де аша алады.Бұл депозиттің мақсаты – азаматтардың өз біліміне немесе балаларының біліміне қаражат жинау. Осы депозиттің көмегімен отандық немесе шетелдік жоғары оқу орындарында оқу ақысын төлеуге болады."AQYL" білім беру жинақтау салымы кемінде 3 жыл немесе 5 жыл мерзімге ашылады. Егер депозит кемінде үш жылға ашылса, онда депозит бойынша ставка жылдық 12% болады. Егер депозит кемінде 5 жыл мерзімге ашылса, онда депозит бойынша мөлшерлеме 9,5%-ке тең.Депозитті ашқан кезде ата-аналар міндетті түрде бірден 11 076 теңге салуы керек. Өйткені міндетті бастапқы жарнаның мөлшері – 3 АЕК.Елімізде "AQYL" мемлекеттік білім беру жинақтау жүйесі 2013 жылдан бастап енгізілді. Қазір жүйеге екінші деңгейлі төрт банк қатысады.<h3 style="margin-left:0px;">Көкөніс арзанға сатыла бастайды</h3>Ақпан айында өңірлердегі тұрақтандыру қорындағы көкөніс қолжетімді бағамен сатыла бастайды. Премьер-министрдің орынбасары Серік Жұманғарин әлеуметтік азық-түлік тауарларының бағасын тұрақтандыру жөніндегі кеңесте осындай тапсырма берген болатын.Сондай-ақ халықты арзан көкөніспен барынша қамту үшін өңірлерде жәрмеңкелер ұйымдастырылады.<h3 style="margin-left:0px;">Мал экспортына квота</h3>Ауыл шаруашылығы министрлігі 1 ақпаннан бастап бұқашықтарды Қазақстаннан, оның ішінде Еуразиялық экономикалық одақ елдеріне экспорттауға квоталарды жаңартты. Құжат алты ай бойы жарамды болады.12 айдан асқан бұқашықтардың экспортына белгіленген лимит 60 мың басты құрайды:бордақылау алаңдары үшін – 30 мың бас;тауар өндірушілер үшін – 30 мың бас.Сондай-ақ алты айдан асқан қозылардың экспорт лимиті 120 мың бас мөлшерінде белгіленді:бордақылау алаңдары үшін – 30 мың бас;тауар өндірушілер үшін – 90 мың бас.Квоталар "Е-лицензиялау" порталы арқылы бөлінеді.

Қазақстанда ақпан айынан бастап не өзгереді?

Фото: Н.Нұржаубай<a href="https://kyzylorda-news.kz/ru/">Kyzylorda-news.kz</a> Қазгидромет ел аумағында 1 ақпанда болатын қауіпті метеорологиялық құбылыстарға болжам жасады.Синоптиктердің дерегіне қарағанда, бүгін Қазақстан аумағының басым бөлігінде атмосфералық фронттардың өтуімен тұрақсыз ауа райы сақталады.<blockquote>«Жауын-шашын түсіп, қар жаууы мүмкін, республиканың оңтүстік және оңтүстік-шығысындағы таулы аудандарда қатты жаңбыр мен қар күтіледі. Ел&nbsp;аумағында тұман, бұқасын болады, жел күшейеді, оңтүстікте, оңтүстік-шығыста көктайғақ болады»,&nbsp;— делінген ведомство дерегінде.</blockquote>

1 ақпан күні қар жауып, жел күшейеді

<a href="https://kyzylorda-news.kz/ru/">Kyzylorda-news.kz</a> Қоғамдық тәртіпті қамтамасыз ету, жол қауіпсіздігін алдын – алу және жол-көлік оқиғаларын болдырмау мақсатында Қызылорда қалалық Полиция басқармасының патрульдік полиция қызметкерлері күнделікті күшейтілген тәртіпте қызмет атқаруда.Қала аумағында азаматтардың арнайы жаяу жүргіншілер жолағынан емес, жолдың кез келген бөлігінен кесіп өтіп, апат тудыруға себепкер болуы мүмкін жайттар аз емес.Жедел басқару орталығының бейнекамералары арқылы және патрульдік полиция қызметкерлері жыл басынан, жаяу жүргіншілердің жол қозғалыс ережелерін бұзған 306 (үш жүз қырық сегіз) азаматты анықтап, тиісінше заңға сәйкес әкімшілік хаттама толтырды.Аталған жаяу жүргіншілер Қазақстан Республикасы Әкімшілік құқықбұзушылық туралы кодексінің 615-бабымен (Жаяу жүргіншілердің және жол жүрісіне өзге де қатысушылардың жол жүрісі қағидаларын бұзуы) жауапкершілікке тартылды.Осы ретте, тәртіп сақшылары жаяу жүргіншілер мен көлік тізгіндеген жүргізушілерге жол үстінде өз өмірін қатерге тікпеуге және тиісті ережелер мен сақтық шараларын қатаң ұстануға кеңес береді.Фото: Нұрболат Нұржаубай

Қызылордада жол қозғалысы ережесін бұзған 306 жаяу жүргінші жауапкершілікке тартылды

<a href="https://kyzylorda-news.kz/ru/">Kyzylorda-news.kz</a> Маңызды қызметтің жүгін абыроймен арқалап жүрген полицейлер өзінің қызметінде қырағылық танытып және кәсіби деңгейлерінің жоғары екендігін сан мәрте дәлелдеген.​Бірнеше күн бұрын Қызылорда ҚПБ бастығы &nbsp;полиция полковнигі Айдар Қасановтың атына қала тұрғыны Ардақ Тоқбергенова өзінің ризашылығын білдірді.&nbsp;Хатта Ж.Махамбетова атындағы №43 орта мектебінде оқитын қызы сабақтан шыққан соң кешкілік уақытта ұялы телефонын белгісіз жағдайда жоғалтып алған. Дереу басқарманың «102» арнасына хабарласып &nbsp;мән-жайды айтқан. №7 әкімшілік аймаққа қарасты жасөспірімдер учаскелік полиция инспекторлары полиция майоры &nbsp;Келесов Жандос полиция аға &nbsp;лейтенанттары Мәлік &nbsp;Жандос &nbsp;пен Жұмаділдаев Рахымжан тексеру жұмыстарын жүргізіп, жоғалған ұялы телефонды тауып, жасөспірімге тапсырды.<blockquote>«Өз кезегінде қала тұрғыны полицейлердің атқарған қызметтеріне рахметін айтып, қызметтік міндеттерін адал атқарып, қоғамда болып жатқан келеңсіз оқиғаларға жеделдетіп көмек көрсетіп жүрген сіздерге алғыс білдіремін»,- дейді Ардақ Әлібекқызы.</blockquote>Фото: Нұрболат Нұржаубай

Қызылордалық полицей оқушының ұялы телефонын тауып берді

<a href="https://kyzylorda-news.kz/ru/">Kyzylorda-news.kz</a> Бүгін облыс әкімі Нұрлыбек Нәлібаевтың төрағалығымен өткен Арал ауданының даму жоспарын қарау жөніндегі кеңесте теңізді өлкенің бірінші кезектегі мәселесі – экологиялық жағдайды жақсарту және Кіші Аралды құтқару туралы айтылды.Биылдан бастап Қазақстан Халықаралық Аралды құтқару қорына төрағалық етеді. Президент Қасым-Жомарт Тоқаев Климат жөніндегі дүниежүзілік саммитте Халықаралық Аралды құтқару қорын қолдауға көбірек қаржы бөлуге шақырды.«Өздеріңізге мәлім, бір кездері Арал теңізі әлемдегі төртінші ірі ішкі су айдыны болған. Қазақстан келесі жылы қорға төрағалық етеді және осы мәселені шешу үшін барлық серіктесті жұмылдыруға үміттенеді» деді Мемлекет басшысы.Аймақ басшысы бұл экологияны сауықтыратын қосымша шараларды атқаруға және бастамашылық жасауға мүмкіндік беретінін ескертті. Осы орайда, қордың атқарушы комитетінің отырысын біздің өңірде өткізудің мүмкіндігін қарастыру қажет.Айта кетейік, Арал теңізінің ахуалы Мемлекет басшысының ұдайы бақылауында. Осы мақсатта 2021-2025 жылдары теңіздің құрғаған ұлтанына 1,1 млн гектар сексеуіл екпелерін егуді ұлғайту жөнінде тапсырма берген болатын.Аудан әкімі Аманжол Оңғарбаевтың айтуынша, Арал қаласында жалпы көлемі 76,5 гектар 5 ірі тұзды сор көл бар. «Жаңа ауыл» шағын ауданындағы сор көлдің тереңдігі 1,75 метр, ең кішісі «Суворов» сор көлінің орта шеніндегі тереңдігі 1 метр. Оларды көму – жергілікті тұрғындардың ұзақ уақыттан бері шешімі табылмаған мәселесі.Аудан әкімі Арал қаласының экологиялық жағдайын жақсартудың жоба-сметалық құжаттамасын жасауға қаржы бөлуді сұрады. Сор көлдер көмілсе, экологиялық жағдай жақсарып, олардан бөлінетін жағымсыз иіс жойылады. Құрғаған жерге жаңа құрылыстар, ойын алаңдары, гүлзарлар салынады.Жиын қорытындысымен облыс әкімі көтерілген мәселелер алдағы уақытта қарастырылатынын айтып, Аманжол Оңғарбаевқа нақты тапсырмалар берді.

Арал ауданының экологиялық жобалары қаралды

Фото: Polisia.kz<a href="https://kyzylorda-news.kz/ru/">Kyzylorda-news.kz</a>. Қазақстандық өзінің бүйрегін 18 мың АҚШ долларына сатпақ болған деп хабарлайды Kyzylorda news ақпарат агенттігі &nbsp;Polisia.kz &nbsp;сайтына сілтеме жасап.Қазақстандық өз ағзасын 18 мың АҚШ долларына бағалап, кездейсоқ сатып алушыға интернет арқылы сатуға тырысқан. Автордың жазбасына Ақмола облысының ПД ұйымдасқан қылмысқа қарсы күрес басқармасының қызметкерлері назар аударып, донормен байланысқа шықты. Бірнеше апта бойы полицейлер арнайы жедел-іздестіру іс-шараларын жүргізді. Нәтижесінде трансплантация жасау және ақша беру кезінде күдікті ұсталды.&nbsp;Алғашқы тергеу әрекеттері аясында полицейлер ер адамның Ақтөбе қаласының тумасы, бірақ Елордада тұратынын анықтады. Күдікті мұндай қадамға баруының себебін ойынға тәуелділіктен жиналған көлемді қаражатты табу үшін барғанын айтқан. Бұл факті бойынша тергеу жүргізіліп жатыр.

Қазақстан және Қызылорда облысының жаңалықтары: Қоғам