<a href="https://kyzylorda-news.kz/">Kyzylorda-news.kz</a> Бүгін депутат өзінің Instagram-дағы парақшасында полиция бөліміне барып, түсініктеме жазғанын айтты. Алматы мәслихатының кезектен тыс сессиясы кезінде депутат Тимур Елеусізов баяндамасы барысында кейбір сөзді айтуға қиналып, салдарынан эмоцияға беріліп, балағат сөз айтып жіберген, деп хабарлайды <a href="https://sn.kz/sn-aleumet/110260-andamai-boktagan-deputat-khalyktan-keshirim-surady">Skifnews.kz </a>ақпарат порталы.Отырыстан кейін халық қалаулысы ұсақ бұзақылық жасағаны үшін жауапкершілікке тартылып, 80 мың айыппұл арқалады.Бүгін депутат өзінің Instagram-дағы парақшасында полиция бөліміне барып, түсініктеме жазғанын айтты.Артынша Тимур Елеусізов халықтан кешірім сұраған видеосын жариялап, елде назар аударарлық мәселелердің көптігін айтып, соларды насихаттаған әлдеқайда дұрыс екендігін тілге тиек етті.Фото: freepik.соm

Депутат бұзақылық жасағаны үшін жауапкершілікке тартылды

&nbsp; &nbsp;<a href="https://kyzylorda-news.kz/">Kyzylorda-news.kz</a>.&nbsp; Күйеуінің қолынан қаза тапты делінетін Салтанат Нүкенованың ағасы қайғылы оқиға орын алған мейрамханадағы бақылау камераларына түскен кадрларды жариялады. Ол мұны&nbsp;Қуандық Бишімбаевтың адвокаттарының мәлімдемесіне жауап ретінде шығарғанын айтады. Бұл туралы <a href="https://stan.kz/zhelide-bishimbaevtin-markym-ayelin-kalay-sokkiga-zhikk-395893/">Stan.kz</a> ақпарат агенттігі хабарлайды.Қарындасының өлімін&nbsp;егжей-тегжейлі зерттеп жүрген Айтбек Амангелді “өзінің бұл видеоны желіге ешқашан салғысы келмегенін, алайда Бишімбаевтың заңгерлері басқа амал қалдырмағанын” айтады. Айтуынша,&nbsp;видео сол мекемедегі бейнебақылау камераларына түсірілген.Кадрлардан ер адамның әйелді ұрып жерге құлатып, жұдырықпен соғып, тепкенін байқауға болады. Нүкенованың ағасының айтуынша, кадрларда Бишімбаев пен оның қарындасы бейнеленген.Айтбек Амангелді сондай-ақ экс-министрдің адвокаттарының сұхбатта айтқан сөздері өтірік екенін жеткізді.<blockquote>"Медициналық сараптаманың қорытындысы бар. Сарапшылар оның басынан кем дегенде 13 рет соққы алғанын анықтады ", - деп жазады Нүкенованың ағасы.</blockquote>Ол қолында Бишімбаевтың марқұм әйеліне әртүрлі дене бөліктеріне бірнеше рет соққы жасағаны көрінетін бірнеше ракурстан түсірілген видеолардың бар екенін жеткізген.<blockquote>“Салтанаттың еденде жатқан денесі көрінетін суреттер бар. Түні бойы айқай мен соққының дауысын естіген куәгерлердің айғақтары бар”, –&nbsp;дейді Айтбек Амангелді.</blockquote>Бұған дейін&nbsp;Экс-министр Қуандық Бишімбаевтың адвокаты оның әйелін өлтіргені үшін кінәсін мойындамайтын мәлімдеген.&nbsp;Адвокаттың дерегінше, Салтанат Нүкенова субдуральды гематомадан қайтыс болған. Ал олардың арасында ешқандай жалжан&nbsp;болмағанын алға тартқан.Бұрынғы министрдің адвокаты Назкен Қусаинова экс-министрдің мұның жазатайым оқиға екенін және ол әйелін әлі жақсы көріп, қайғыратынын жеткізген.<blockquote>“Қуандық Бишімбаев қатты күйзеліске түсті. Себебі ол сүйікті әйелінен айырылып қалды. Сондықтан ол жауап беруге қатыспады. Бұл қайғылы жағдай оған психологиялық тұрғыдан қатты әсер етті. Қайғылы оқиға болған күннен бастап 2 ай аралығында ешқандай тергеушіге куәгерлік етпеді. Сонымен қатар ол өз кінәсін мойындамайды", – деді адвокат Назкен Қусаинова.Фото: stan.kz&nbsp;<figure class="media"><div data-oembed-url="https://www.youtube.com/watch?v=gl2e6-dvPS0"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/gl2e6-dvPS0" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure></blockquote>

    Желіде экс-министрдің әйелін соққыға жыққан видеосы тарады 

<a href="https://kyzylorda-news.kz/">Kyzylorda-news.kz</a>. Бүгін өңірдің басым бөлігінде қар жауып, "Самара-Шымкент" тасжолында көктайғақтың алдын алу бойынша жұмыстар жүргізілді.Атап айтқанда, республикалық маңызы бар күре жолдың 1702-2056 шақырым аралығында (Жалағаш, Сырдария, &nbsp;Шиелі, &nbsp;Жаңақорған аудандары және Қызылорда қаласы аумағында) тайғаққа қарсы материал себілді. Оған "ҚазАвтоЖол" компаниясына қарасты "КАЖсервис" ЖШС-нің Қызылорда облыстық филиалынан14 арнайы техника мен 6 тиегіш көлік жұмылдырылып, жол бойында 50 жуық адам тынымсыз еңбек етуде.&nbsp;<blockquote>«Қазіргі таңда жолға 150 тоннаға жуық құм-тұз араласқан материал себілді. Жағдай бір қалыпты. &nbsp;Жолда шектеулер орын алған жоқ. &nbsp;Көлік қатынасы екі бағытта да кедергісіз жүріп жатыр»- дейді "КАЖсервис" ЖШС-нің Қызылорда облыстық филиалының директоры Нұрбол Абызбаев.</blockquote><img src="https://knadmin.beoblood.kz/uploads/6f223aaf_a2f0_4f88_be8c_42e308bb8485_25c17f4de3.jpg" alt="6f223aaf-a2f0-4f88-be8c-42e308bb8485.jpg"><img src="https://knadmin.beoblood.kz/uploads/cb6b381c_69db_40e4_b234_179c6199d010_962735d10c.jpg" alt="cb6b381c-69db-40e4-b234-179c6199d010.jpg"><img src="https://knadmin.beoblood.kz/uploads/c7259947_6b53_4d4d_ae91_4a6f80e6c90d_31c9176ff2.jpg" alt="c7259947-6b53-4d4d-ae91-4a6f80e6c90d.jpg">&nbsp;

Күре жолға 150 тонна тұз аралас құм себілді

<a href="https://kyzylorda-news.kz/">Kyzylorda-news.kz</a>. Облыс прокуроры Ризабек Ожаров түзеу мекемелерінің ахуалымен танысты.Прокуратура органдарымен түзеу мекемелеріндегі сотталғандардың құқықтарының бұзылмауын алдын алу және жаза өтеу жағдайларын жақсарту бағытында үнемі тиісті шаралар қабылдануда.Мемлекет басшысының тапсырмасымен Қылмыстық-атқару жүйесі мекемелерін бейнекамералармен жабдықтау жұмыстары жүргізіліп, облыс аумағындағы үш мекемедегі соқыр аймақтар толығымен жойылды.Қазіргі уақытта осы үш мекемеге 1300-ден астам бейнекамералар орнатылып, олар прокуратура органдарынан тікелей бақыланады.Сотты болғандардың арыз-шағымдарын жолдауда кедергілерді болдырмау үшін мекемелерге барлығы 11 терминал орнатылған.Облыс прокуроры Ризабек Кәрімұлы жұмыс сапары аясында облыстың түзеу мекемелеріне барып, сотталғандарды ұстау тәртібімен және шарттарымен, сондай-ақ медициналық бөлімге, кітапханаға, мекеме клубына, асханаға барып, сотталғандардың тамақтану сапасымен танысты.Сапар барысында облыс прокуроры сотталғандармен әңгімелесіп, жеке мәселелері бойынша қабылдау өткізді.<img src="https://knadmin.beoblood.kz/uploads/424898425_733710802197119_4002047043751862550_n_574c82840b.jpg" alt="424898425_733710802197119_4002047043751862550_n.jpg"><img src="https://knadmin.beoblood.kz/uploads/424890089_733710182197181_1960301803701710278_n_9131735f7a.jpg" alt="424890089_733710182197181_1960301803701710278_n.jpg"><img src="https://knadmin.beoblood.kz/uploads/425000640_733710965530436_1834911297909321943_n_99a4ab0e4c.jpg" alt="425000640_733710965530436_1834911297909321943_n.jpg"><img src="https://knadmin.beoblood.kz/uploads/425380275_733710282197171_7523715471174704065_n_330d8e2384.jpg" alt="425380275_733710282197171_7523715471174704065_n.jpg">

Облыс прокуроры түзеу мекемелерінің ахуалымен танысты

<a href="https://kyzylorda-news.kz/">Kyzylorda-news.kz</a>.&nbsp; Мемлекеттік корпорация мамандандырылған халыққа қызмет көрсету орталықтарында сыбайлас жемқорлыққа қарсы үздіксіз күрес жүргізуде. Жүргізуші куәліктеріне теориялық емтихандарды тапсырудың ашықтығын қамтамасыз ету үшін бұған дейін 3.0 ЖЖЕ жүйесі енгізілген болатын. Енді тестілеу процесін шулы электромагниттік жиілігі төмен сигналдарды анықтайтын технологияның көмегімен де бақылауға болады.Айта кетейік, әрбір үшінші жүргізуші куәлігін алуға үміткер айласын асырып, теорияны микроқұлаққаппен тапсыруға тырысады. Бұл олқылықты болдырмау үшін Мемлекеттік корпорация оларды анықтайтын арнайы детекторлар енгізді.Микроқұлаққаптардың диаметрі 2 миллиметрден аспауы мүмкін, оларды көру мүмкін емес болғандықтан біз жиілігі төмен &nbsp;сигналдарды анықтайтын жүйе енгіздік. Ол микроқұлаққаптардың бар-жоғын бірден анықтап, &nbsp;ХҚКО операторына дереу хабарлауға қауқарлы. Сондай-ақ, бағдарлама автоматты түрде экранға микро құлаққап табылғаны және тестілеу тоқтатылатыны туралы хабарламаны шығарады.Естеріңізге сала кетейік, көмекші техниканы, үшінші тұлғалардың көмегі мен кеңестерін пайдаланудың барлық фактілерін Мемлекеттік корпорация тіркейді. Бұл ретте емтихан нәтижелері жойылады. Емтиханға қайта кіру үш айдан кейін ғана мүмкін болады.&nbsp; Айта кетейік, ЖЖЕ 3.0 жүйесі енгізілген сәттен бастап бүгінгі күнге дейін емтиханды түрлі айла-шарғымен тапсырудың 222 фактісі анықталды.<img src="https://knadmin.beoblood.kz/uploads/6c87668c_ca35_439e_8416_73dc23cdfcad_41a6962e15.jpg" alt="6c87668c-ca35-439e-8416-73dc23cdfcad.jpg">

Жүргізуші куәлігін алуға үміткерлер теорияны микроқұлаққаппен тапсыруға тырысады

Kyzylorda-news.kz. Жақында Мемлекет басшысы Үкіметтің кеңейтілген отырысында елімізде ІТ саланы серпінді дамытуға бағытталған жобалардың қолданысын кеңейтуді тапсырған болатын. Осы бағытта Қызылордада ІТ саласын қолдауға үлкен басымдық берілуде. Соның арқасында өңірде дәл осы саламен айналысам деген жастарға да мол мүмкіндік қарастырылған. Жыл өткен сайын салаға қызығушылық танытатын оқушылар мен студенттердің саны артып, олардың тың жобалары өз нәтижесін көрсетіп келеді. Бүгін Өңірлік коммуникациялар қызметінің ұйымдастыруымен облыстағы ІТ саланы дамыту аясы талқыланып, арнайы дөңгелек үстел өтті.<blockquote>&nbsp;Өздеріңізге белгілі, жақында Қорқыт ата университеті Оңтүстік Корея елімен бірлесіп жасанды интеллект мектебін ашты. Қазіргі таңда студенттер осы бағытта білім алуды бастап кетті. Алдағы уақытта да екі ел арасындағы бірлескен жұмыстар жалғасын табатын болады. Жалпы, бүгінде университетке арнайы жасанды интеллект бойынша 100-ге жуық грант беру мәселесі қаралуда. Грант иегері атанған студенттер екі жыл көлемінде Оңтүстік Кореяда білім алатын болады. Бұл біздің Қызылорда облысының студенттеріне өте керекті әрі ыңғайлы жоба екені анық. Бұл өз кезегінде жас мамандарымыздың тың жобаларын жарыққа шығаруға мол мүмкіндік бермек. Бұдан бөлек, жаңа идеяларды танытатын Kyzylorda Hub, ІТ park, Astana Hub және облыс әкімдігімен бірлескен түрде әртүрлі шаралар өтеді. Оның ішінде Hackathon, Pecha-Kucha секілді шараларымыз да бар. Былтыр жасанды интеллектті дамыту бағытында иннофест өткіздік. Сол фестивальде жасанды интеллекті қазақшаландырып, ерекше жоба дайындағандардың бірі – қызылордалық оқушы Асылжан Абдуллаев. Қазіргі таңда оның жобасына елімізден бөлек, шет мемлекеттерден де қызығушылық білдіруде. Заман дамыған сайын жаңа технологиялардың пайда болатыны белгілі. Осыған дейін робототехникалар дамып келсе, қазір жасанды интеллект арқылы жаңа индустрияны дамытуға мүмкіндік тууда. Сол себепті ІТ саланы дұрыс дамыту ел экономикасына жаңа серпін әкелетіні сөзсіз, - деді Қызылорда облысы әкімі аппаратының цифрлық технологиялар бөлімінің басшысы Сәбит Ибадулла.</blockquote>Бүгінде еңбек нарығында ІТ саласының мамандары үлкен сұранысқа ие. Яғни, қазіргі таңда барлық салаларға ІТ технологиялардың көмегі қажет.&nbsp;<blockquote>Сол себепті біз осы саланы дамыту бағытында бірнеше ауқымды жобаларды қолға алып, қала мен шалғайдағы елді мекендердің дарынды жастарын тартудамыз. Олардың тың жобаларын одан әрі жетілдіруге өз үлесімізді қосамыз. Сол жұмыстардың арқасында өңірімізде сәтті жобалар жарыққа шықты. Жалпы, статистикалық мәліметке сүйенсек, ІТ бағытында ұйымдастырылатын жобаларға Қызылорда қаласына қарағанда, шалғай ауылдардағы жастардың саны басым. Қармақшы, Арал, Қазалы аудандарының жастары өте белсенді. Бұл бізді ерекше қуантады. Алда көптеген жаңа жобалар мен жоспарлар орындалады, - деді "Kyzylorda Hub бизнес-инкубаторының жетекшісі Жанарыс Тубекбаев.</blockquote>&nbsp;ІТ тек айтишниктерге арналған сала емес. Бұл сала барлық саламен тығыз байланысты.&nbsp;<blockquote>Мектеп табалдырығын аттаған әрбір оқушы осы сала бойынша толық білім алуы керек деп ойлаймын. Бұл жердегі басты мақсат - барлығын ІТ маманы ету емес, болашағына қажет болатын қарапайым қызметтерден хабардар ету. Жалпы, біздің ІТ парк базасында 12 резидент бар. Олардың әрқайсысы ІТ саласы бойынша айына 2 рет іс-шара өткізеді. Ол шараларға біз ауылдық, аудандық мектептің және колледждің балаларын онлайн түрде қатыстырамыз. Одан бөлек, біз шет елдің &nbsp;мамандарынан кеңес алып, балалармен кездесу ұйымдастырамыз. Биыл жасөспірімдерге арналған тағы бір жоба өткізуді жоспарлап отырмыз, - деді “Grand master” бағдарламалау мектебінің директоры Алмат Қуанышбаев.</blockquote>

Қызылордада ІТ саласы қарқынды дамуда

Таиландта құлдықта болған екі қазақстандық&nbsp;қыз құтқарылды. Бұл туралы&nbsp;<a href="https://stan.kz/">Stan.kz</a>&nbsp; ақпарат агенттігі хабарлайды.Сыртқы істер министрлігінің ресми өкілі Айбек Смадияровтың айтуынша,&nbsp;қаңтар айының соңында Қазақстанның Таиландтағы консулының&nbsp;WhatsApp мессенджерінде қазақстандық әйелдің еңбек құлдығында жүргені туралы хабарлама түскен.<blockquote>«Ол көмек сұрап, оны ол жерден алып кетуді сұраған. Жергілікті билікпен байланыса отырып,&nbsp;екі азаматымыздың еңбек құлдығында жүргенін анықтадық. Біз бар күшімізді салып, бір ай бойы келіссөз жүргіздік,&nbsp;азаматтарымызды&nbsp;құтқардық.&nbsp;Қазір олар Қазақстанға ұшып келе жатыр. Олардың бірі Алматыдан, екіншісі Ақтөбеден», –&nbsp;деді Смадияров.</blockquote>Сыртқы істер министрлігінің мәліметінше, олар қыздардың әрқайсысының бостандығы үшін 10 мың доллардан талап еткен.<blockquote>«Дипломаттарымыздың көмегінің арқасында біз оларды бір тиынсыз құтқарып алдық. Олар 10 мың доллар немесе қыз болса жезөкшелік, жігіт болса ағзаларын сату деген шарттарды қойды», — дейді Смадияров.</blockquote>Екі қыз да&nbsp;интернеттен жарнама көріп, Таиландқа жұмысқа барған. Екеуінің де жоғары білімі бар, бірнеше тіл біледі.Сыртқы істер министрлігі қазақстандықтарға шетелге жұмыс істеуге барар кезде барлық шарттарды, оның қандай компания екені және жауапкершілік ауқымы туралы ақпаратты мұқият тексеру керек екенін&nbsp;ескертті.Фото: Cыртқы істер министрлігі

Таиландта құлдықта болған қазақ қыздары құтқарылды

Үкіметтің 2024 жылғы 20 ақпандағы кезекті отырысында су тасқынының алдын алу жұмыстары қаралып, ҚР Премьер-Министрі Олжас Бектенов өңірлерге нақты тапсырма берді. Осыған байланысты аймақ басшысы Нұрлыбек Нәлібаев су тасқынын алдын алудың бекітілген алгоритміне сәйкес шаралар қабылдау және мұз қозғалысы кезінде жеке құрамның күшейтілген режимге көшуін қамтамасыз етуді тапсырған болатын.Аудан әкімі Берік Сәрменбаев Сырдария өзенінің жағдайымен танысып, «Узтоп» және «Соркөл» учаскелеріндегі қорғаныс бөгеттерін көрді. Аудан басшысына «Сырдариясушар» өндірістік учаске басшысының орынбасары Мирлан Айтмұханов өзендегі су жағдайын айтты.Жалпы, аудан аумағынан өтетін Сырдария өзенінің ұзындығы 75 шақырымды құрайды. Қазіргі таңда «Қараөзек» арнасына 36 текшеметр су жіберіліп, «Айтек» су тоспасынан 90 текшеметр су өтуде. Өзенде мұз толық ұстасып тұр, қалыңдығы – 15-20 см шамасында. Берік Әбдіғаппарұлы өзен бойындағы қауіпті учаскелерге бақылауды күшейту керектігін атады. Сондай-ақ, азаматтық қорғау қызметтері күш-құралдарының үнемі дайындықта болуын қадағалауды тиісті сала басшыларына тапсырды.Айта кетейік, бүгінде су тасқынының алдын алуға материалдық-техникалық қорда 6000 дана қап, 700 дана пашын және 500 дана қада дайындалған. Қосымша жанар-жағармайға «Углесбыт» ЖШС-мен келісімшарт жасалған. Сонымен қатар, аудандағы су басу аймақтарындағы қауіпті учаскелерге 8 мекеме, 34 арнайы техника, 222 адам бекітілген. Жалпы, халықты су басу аймақтарынан көшіру мақсатында 4 эвакуациялық жинақтау және 7 эвакуациялық қабылдау пункттері дайындыққа келтірілген.Фото: Сырдария ауданының әкімдігі

Аудан әкімі қорғаныс бөгеттерімен танысты

&nbsp;<a href="https://kyzylorda-news.kz/">Kyzylorda-news.kz</a> “Ауыл” ХДПП “Мейірім” құшағының облыстық төрайымы Д.Ибадуллаева Қызылорда облысы бойынша әйелдер күштерінің Альянсының төрайымы Р.Ахметовамен меморандумға қол қойды.Меморандумда қос тарап әйелдер мен балалар құқықтарының бұзылуы, гендерлік теңсіздік мәселелерін шешумен және әйелдердің саясатта, экономика мен қоғамдық қызметте алға жылжуға мүмкіндік бермек.Сонымен қатар меморандум аясында әйелдердің қоғамдағы ролін кеңейте түсу негізгі міндеттердің бірі болмақ.

Әйелдер күштерінің Альянсімен меморандум жасалды

<a href="https://kyzylorda-news.kz/">Kyzylorda-news.kz</a>. &nbsp;&nbsp; Астана қаласының тұрғындары&nbsp;жол жүру ақысының қымбаттауына наразылықтарын білдірді. Бұған дейін елорда әкімдігінің қоғамдық көліктердің бағасын көтеретінін мәлімдеген. Алайда тұрғындар оның орнына жол ақысын төлемейтін азаматтармен күрессін дейді. Бұл туралы <a href="https://stan.kz/biletsiz-zhurgendermen-kurespey-me-kayta-astanaliktar-z-395818/">Stan.kz</a> ақпарат агенттігі хабарлайды.<blockquote>Астана әкімдігінің енгізген өзгерісіне сәйкес, жол жүру ақысы көлік картасымен төлеу кезінде 110 теңге, қолма-қол төлегенде&nbsp;220 теңге болмақ. Алайда қала тұрғындары бұл шешіммен келіспейді. “Қазірдің өзінде жолаушылардың бәрінен түгел жол ақысын жинай алмай отырғанда, оның бағасын көтерудің қажеті не?” –&nbsp;деп таңданады олар.</blockquote>Сергей Хван есімді желі қолданушысы өзінің күнделікті қоғамдық көлікпен жүретінін алға тартып, көп адамдардың тек тексеруші мінген сәтте ғана жол ақысын төлей бастайтынын айтады.<blockquote>“Мен – қарсымын! Қоғамдық көлікпен күнделікті жүремін.&nbsp;Тексеруші кірсе ғана, көп адам телефонын алып, ақшасын төлей бастайды. Мұндай “қояндар” (ақы төлемей жүретіндерді айтып отыр –&nbsp;ред.) &nbsp;шамамен 40%, ал ығы-жығы сәтте одан да көп болуы мүмкін.&nbsp;Бар жолаушылардан ақша жинай алмағанда, жол ақысын көтерудің не керегі бар?”, –&nbsp;дейді ол.</blockquote>Хван&nbsp;егер "қояндарды жоюға" құзыреті жеткіліксіз болса, онда басшылық отставкаға кетуі керек деп санайды. Ол сонымен қоса шетелдердегі қабылданған қағидаларға тоқталған.<blockquote>“Ыстамбұлда “қояндарды” еркін жүргізіп қоймайды. Мәселен менің Halyk картамнан&nbsp;ақша алынбай қалып еді, мені түсіріп кетті.&nbsp;Прагада ұсталса, айыппұл 20 мың теңгені құрайды.&nbsp;Сондықтан ол жақта&nbsp;"қоян" болып жүру&nbsp;қымбат.&nbsp;Парижде сіз төлем жасамайынша метроға немесе автобусқа кіре алмайсыз”, –&nbsp;дейді ол.</blockquote>Сергей Хван өзі атап өткен елдерде жол ақысының арзан екенін де баса айтып өткен.Жазба астында пікір қалдырғандар да бұл ойды қолдайды. Олар тегін жүрушілермен күресу үшін әр автобусқа кондуктор қоюды ұсынады.<blockquote>“Тек баға көтеруді ғана біледі. Бағаны көтерсек болды мәселе шешілді деп ойлайды. Сол секілді&nbsp;судың&nbsp;бағасын&nbsp;көтеру арқылы халықты суды үнемдеуге үйретуге ұйғарған. Модернизацияға да халықтың ақшасын қолданады, ал олигарх ұрылардың қайтарған ақшасы қайда?! Халықтың үміті әбден үзілуге жақын”, –&nbsp;деп жазады Динара Ибраева есімді қолданушы.</blockquote>Қазіргі уақытта Астанада қоғамдық көлікте жол жүру құны көлік картасымен төлегенде 90 теңгені құрайды. Қала билігі бұл соманы 2012 жылы белгілеген. Қолма-қол төлесеңіз, жол жүру ақысы 180 теңге.Әкімдік ұсынған бұл құжат&nbsp;5 наурызға дейін қоғамның талқылауында болады.Фото:&nbsp;Нұрболат Нұржаубай

Астаналықтар жол жүру ақысының қымбаттауына наразылық білдірді

&nbsp; <a href="https://kyzylorda-news.kz/">Kyzylorda-news.kz</a>. &nbsp;Екі қазақстандық азаматша Таиландтағы джунглиде құлдықта болған, - деп хабарлайды <a href="https://massaget.kz/basty-zhaalytar-438/101747/?fbclid=IwAR1zyg5f1tDZIkjXVA7gtchkwjRtWWTIJRNWgCJDLor08Ioj6JXLKeBTu0I">Massaget.kz</a> тілшісі.Бұл туралы СІМ ресми өкілі Айбек Смадияров айтты. &nbsp;<blockquote>"Осы жылы қаңтардың соңында Таиландтағы консулдықтың WhatsApp нөміріне хабарлама келді. Онда "Мен Қазақстан азаматымын. Қай мемлекет екенін білмеймін, джунглидің ішінде құлдыққа түсіп қалдым, көмектесіңіздер" деп жазылған. Дереу анықтай бастадық. Сөйтсек біздің екі азакматшамыз құлдыққа түсіп қалған. Ең қызығы екеуінің де жоғары білімі бар, бірнеше тіл біледі. Интернеттен хабарламаны көріп, алданып қалған. Әр адам басына 10 мың доллардан ақша сұраған. Жергілікті билікпен жұмыс істеп, бір айда екі азаматша құтқарылды. Қазіргі таңда олар елге келе жатыр", - дейді СІМ өкілі Айбек Смадияров.</blockquote>Оның сөзінше, қыздарды құлдықта ұстағандарға бірде-бір теңге берілмей құтқарылған.Фото: Нұрболат Нұржаубай

Екі қазақстандық қыз Таиландтағы джунглиде құлдықта болған  

Синоптиктер Қазақстан аумағы бойынша 22-24 ақпанға арналған ауа райы болжамын жариялады. Қазақстандықтарға қолайсыздық тудырған аяздың беті қайтпай тұр.Болжамға сәйкес суық солтүстік ағындары бар ауқымды антициклонның әсерінен еліміздің басым бөлігінде аязды, желсіз ауа райы сақталады. Тек оңтүстік, орталық және шығыс аймақтарда ауа райы жауын-шашынды болмақ. Оңтүстік антициклонның ықпалынан жаңбыр, қар жауып, жел мен бұрқасын күшейеді.Дегенмен циклон оңтүстіктен болса да, аяз сынып, күн айтарлықтай жылиды деу қиын.Фото: pixabay.com

Қазақстан және Қызылорда облысының жаңалықтары: Қоғам