<a href="https://kyzylorda-news.kz/">Kyzylorda-news.kz</a> Инфрақұрылым мәселесі қазір күн тәртібінде бірінші кезекте тұрған тақырып. Мемлекет басшысы бұл саланы назарда ұстап, қатаң бақылау орнатты. Осы бағытта Сыр өңірінде атқарылып жатқан жұмыстардың ауқымы өте кең. Аудан орталықтарын есептемегенде, ауылдарға газ тарту жүйесі жылдан-жылға қарқын ала бастады. Ауызсу кейбір аудандарда толықтай шешімін тапса, жарықтың да жағдайы жаман емес. Ескірген жүйелер қайта жаңғырып, жаңартыла бастады. Соның ішінде Жаңақорғанда аудандық маңыздағы жолдар түгелдей асфальтталып, көрсеткіш жақсарды. Бүгін осы жылдың он айында аудан инфрақұрылымында қандай жұмыстар атқарылды, сол бойынша талдау жасап көретін боламыз. Ол үшін Жаңақорған ауданының тұрғын үй-коммуналдық шаруашылығы, жолаушылар көлігі және автомобиль жолдары бөлімінің есігін қағып, бөлім басшысы Қайрат Сапарбаевтан толықтай мән-жайды білдік. Бірден айта кету керек, бөлім атқаратын жұмыстардың жауапкершілік жүгі жеңіл емес. Төрт бірдей маңызды жобаны жүйелеп, ел игілігі жолында тарту ету әрі сапалы болуын бақылау бөлімнің басты міндеті. Сондықтан бөлім басшысы мен әрбір жауапты маманның еңбегін ескерген жөн.ЖОЛДЫҢ ЖАЙЫАудан аумағында автомобиль жолдарының жалпы ұзындығы 448,6 шақырымды құраса, соның ішінде 192,1 шақырымы аудандық маңызға ие. 2 кент және 24 ауылдық округтің 526 көшесі 615,0 шақырымды құрайды.<blockquote>– Аудандық маңыздағы автомобиль жолдарының 2025 жылдың 10 айының қорытындысымен жақсы және қанағаттанарлық жағдайы 98,4 пайызды құрады. Елді мекен көшелерінің үлесі 60,3 пайызға жетті. Автомобиль жолдарын жаңарту бағытындағы ірі жобалар 2025 жылы табысты жүзеге асты. Ауылдар мен кентішілік қозғалысты жақсартуға бағытталған бірқатар маңызды нысан пайдалануға берілді. Басталғанына 40 жылға жуық уақыт өтсе де аяқсыз қалған Жаңақорған кентіндегі теміржол үстінен өтетін көпірді күрделі жөндеу үшін 2024 жылы жалпы құны 1,4 млрд теңгені құрайтын жоба әзірленіп, күрделі жөндеу жұмыстары жүргізілді. Көпір 2025 жылдың шілде айында пайдалануға берілді. Қазіргі уақытта нысан Сырдария өзенінің батыс бөлігіндегі 15 елді мекендегі 22 мың тұрғынның «Самара-Шымкент» автомобиль жолына тікелей қатынауына жол ашты, – дейді бөлім басшысы.</blockquote>Иә, бұл көпір ашылмас бұрын елдің көкейінде түрлі сауалдар тұрды. Ал қазір игілігін тұрғындар көруде. Бұл өте маңызға ие көпір болғаны рас. Сонымен қатар, аудандық маңыздағы жолдар жөндеуден өткізілген. Мәселен, бұл тізімде «Самара-Шымкент-Екпінді», «Әбдіғаппар-Төлегетай- Хорасан ата» бағытындағы жолдар бар. Бөлім басшысы елді мекендердегі 66,7 шақырымды құрайтын 37 көшені жөндеуге, 3,7 млрд теңге қаралғанын тілге тиек етті.ТАБИҒИ ГАЗДЫҢ ТАРТУЫАуданда газбен қамтылған елді мекендер үлесі 22,8 пайызды, ал газ тұтынатын халық саны 54 пайызды құраған. Аудандағы газ инфрақұрылымын кеңейту жұмыстары кезең-кезеңімен жалғасып келеді.<blockquote>– 2024 жылы басталған, жалпы құны 2,3 млрд теңгені құрайтын «Жаңақорған автоматты газ тарату станциясының қуаттылығын 20 000 м3/сағаттан 40000 м3/сағатқа дейін арттыру» жобасы биыл толық аяқталып, нысан пайдалануға берілді. Сырдария өзенінің бойындағы Қожакент, Өзгент, Ақсуат, Ақжол, Жаңарық, Әбдіғаппар, Байкенже, Билібай елді мекендерін газбен жабдықтау мақсатында «Қожакент елді мекеніне жоғары қысымды жеткізуші газ құбырын және кент ішіндегі газ тарату желілерін салу» жобасы әзірленді. Сондай-ақ Ақжол, Ақсуат, Өзгент, Әбдіғаппар, Жаңарық елді мекендерінің ауылішілік газ тарату жобасы дайын. Бұлар 2026-2030 жылдары жүргізілетін «Qazaqgaz аimaq» акционерлік қоғамының инвестициялық жобаларының жол картасына ұсынылды, – дейді Қайрат Әбдірахманұлы.</blockquote>Аталған жұмыстар жүзеге асса, онда 300 шақырым газ құбыры жүргізіледі. Демек бірер жылда алты ауылдағы ағайын газға қол жеткізеді деген сөз. Бұдан бөлек, Сунақата, Еңбек, Екпінді, Қожамберді, Сүттіқұдық ауылдарын газдандыру жобалары да әзірленіп, қаржыландыруға бюджеттік өтінім ұсынылған. Жоба бойынша 7,7 шақырым жоғары қысымды газ құбыры жүргізілсе, 13 елді мекендегі 19 мыңға жуық тұрғынның «көгілдір отынды» пайдалануына мүмкіндік туады. Газдандыру жобалары іске асырылған уақытта, газбен қамтылған елді мекендер үлесі 54 пайызды, ал газ тұтынатын халық санына шаққанда75 пайызды құрайды екен. Бұл ғасыр жобасының да ауылы алыс емес.ЖАРЫҚ ЖҮЙЕСІНІҢ ЖАҢҒЫРУЫЭлектрмен жабдықтау жүйесін жаңғырту қарқынды жүргізіліп келеді. Ауданда бүгінгі таңда 1 332,6 шақырым электр тарату желісі бар, оның басым бөлігі тозығы жеткен. Осыған байланысты 2022-2025 жылдары электр желілерін жаңарту бағытында жалпы құны 6,4 млрд теңгені құрайтын 21 жоба жүзеге асырылған. Жобаға Екпінді, Еңбек, Сунақата, Қожамберді, Тақыркөл, Құттықожа, Бірлік, Қосүйеңкі, Манап, Аққұм, Әбдіғаппар, Жаңарық, М.Нәлібаев, Ақсуат, Өзгент, Қожакент, Келінтөбе, Түгіскен, Баспақкөл, Қандөз және Көктөбе елді мекендері енгізілген. Жалпы жұмыстар аясында: 758 шақырым жаңа электр желісі салынады, 119 жаңа қосалқы станция орнатылады.<blockquote>– 2023-2025 жылдары 9 нысанның құрылысы аяқталып, пайдалануға берілді. 5 елді мекендегі жобалар 2025 жылға өтпелі кезеңмен жалғасуда. Қалған 7 жобаға – Қожамберді, Қосүйеңкі, Өзгент, Түгіскен, Баспақкөл, Аққұм, Көктөбе – 2,68 млрд теңге қаржы бөлуге өтінім ұсынылды. Сонымен қатар, 2022-2024 жылдары құны 3,4 млрд теңгені құрайтын «Жаңақорған кентіндегі 10/0,4 кВ электржелілік жүйені жаңғырту» жобасы толық жүзеге асырылды. Бұл кент ішіндегі электрмен қамту сенімділігін арттырып, сапалы әрі үздіксіз энергиямен жабдықтауға мүмкіндік берді, – деді бөлім басшысы.</blockquote>ЖАРҚЫН ЖОБАЛАРЖаңақорған кентінде жаңа су тарату станциясының құрылысы басталды. Құны 1 млрд 71 млн теңгені құрайтын «Жаңақорған кентіндегі МАИ бекеті шағын ауданында су тарату станциясы және қосылу тармағының құрылысы» жобасы жүзеге асырылуда. Бұл нысан «МАИ бекеті», «Алтыкрант» және «Ипподром» мөлтек аудандарын ауызсумен қамтамасыз етуге бағытталған. Жобаны іске асыру нәтижесінде аталған шағын аудандар толыққанды, үздіксіз ауызсуға қол жеткізеді.<blockquote>– Жоба аясында сорғы станциясы салынады, әрқайсысы 2400 м3 болатын екі су жинағыш резервуар орнатылады, көлемі 50 м3 болатын су мұнарасы тұрғызылады. Жаңақорған ауданында орналасқан құс фабрикасын газбен жабдықтау мақсатында «Қызылорда облысы Жаңақорған ауданында бройлер өсіру бойынша құс фабрикасын газбен жабдықтаудың сыртқы желілерін салу» жобасы іске асырылуда. Жобаның жалпы құны – 287 млн теңге. Қазіргі уақытта екі нысанда да құрылыс жұмыстары қарқынды жүргізілуде, – дейді Қ.Сапарбаев.</blockquote>Қазір аудан орталығында 3 бағытта қоғамдық көлік қатынасы ұйымдастырылған. 2022 жылдан бастап жаңа тасымалдаушы кәсіпкердің келуімен автобус паркі жаңарды. Сондай-ақ, аудандық мәслихат депутаттарының ұсынысымен қазіргі таңда жолаушылар тасымалдаушы кәсіпкер әр бағытты сыйымдылығы жоғары (18 орындық) 4 жаңа микроавтобустармен толықтырған. Бұл бағыттағы жұмыстар алдағы уақытта да жалғасын табатынын білдік.<blockquote>– 2025 жылы жол қозғалысы қауіпсіздігін күшейту мақсатында жол белгілерін күтіп ұстау мен жөндеуге, кент көшелерінде жол таңбаларын сызуға аудандық бюджеттен 31,4 млн теңге бөлінді. Нәтижесінде, 298 дана жаңа жол белгісі орнатылды, 235 дана жол белгісі қалпына келтірілді, 130,8 шақырым жол үсті таңбасы сызылды, мектептер маңындағы жаяу жүргінші жолақтары толық жаңартылды. Алтынсарин-Әлімкөл көшелерінің қиылысында жаңа бағдаршам орнатылып, қыркүйек айында толық іске қосылды. Аудандық маңыздағы 192,1 шақырым аудандық жолды күтіп ұстау мақсатында 21 млн теңге бөлінді. Бұл қаржыға аудандық маңыздағы жолдың байына 200 жол белгі орнатылды, 140 шақырым жол таңбасы сызылды, 177 м2 жол жабындысындағы шұңқырлар жөнделді, сондай-ақ жол жиегіндегі шөп қыру жұмыстары жалғасуда, – деп бөлім басшысы баяндамасын түйіндеді.</blockquote>Әлібек ТемірбекФото: freepik.com

Инфрақұрылым – кезек күттірмейді

<a href="https://kyzylorda-news.kz/">Kyzylorda-news.kz</a> Вице-премьер – Ұлттық экономика министрі Серік Жұманғариннің айтуынша, енді Үкімет тарапынан бағаға бақылау күшейеді.&nbsp;Ол сауда және интеграция министрлігіне азық-түлік қоржынына терең талдау жүргізіп, оның құрамына енетін тауарлардың бағасын тұрақтандыруға бағытталған нақты шаралар әзірлеуді тапсырды. Қараша айының алғашқы екі аптасында Қазақстанда әлеуметтік маңызы бар азық-түлік тауарларының жалпы бағасы өскенімен, кейбір көкөністердің бағасы төмен екені ашық айтылды.Сауда және интеграция бірінші вице- министрі Айжан Бижанованың мәліметін- ше, картоп бағасының соңғы 4-5 аптада 4,5%-ға қымбаттауына экспорттың қайта жандануы әсер еткен. «Екі айда картоп экспорты 300 мың тоннаны құрады. Ал жақын уақытқа жоспарланған экспорттық келісімшарттар көлемі шамамен 200 мың тонна. Осылайша, біз елдің азық-түлік қауіпсіздігі үшін қауіпсіз болып саналатын 500 мың тонналық жоспарлы шекке жақындап келеміз», – деді А.Бижанова.Қазір аяқсу мәселесі әлемдік проблемаға айналды. Қазақстанда да бұл түйіткілдің түйіні тарқатылмайтыны ақиқат. Яғни, аяқсудың тапшылығы жылдан-жылға орын ала бермек. Мемлекет басшысы да бұл ақпарды растап, ерте қамдану керектігін айтты. Суды көп қажет ететін Сырдың күрішшілеріне ауыр тигелі тұр. Жыл сайын егілетін күріш көлемін азайту оңай шаруа емес. Дегенмен талап сондай, тәртіп ортақ. Алдағы уақыттың еншісінде әртараптандыруға бет бұрып, бақша дақылдарын көбейту, отандық өнімнің өрісін кеңейту жоспары бар. Ал судың мәселесін шешудің түрлі жолдарын қарастыруда. Газеттің өткен санында қожакенттік Тұрғанбек ақсақалдың жобасы барын айтқан едік. Бүгін сол тақырыпты тарқатып көрейік.Жалпы Жаңақорғанның оңтүстігіндегі ауылдардың барлығы егінмен тіршілігін түзеп отыр. Басым көбі күріштен нәпақасын тауып, күнін көруде. Көктөбеден Байкенжеге дейін, Төменарық аймағындағы кейбір ауылдар аяқсуға тәуелді. Қазір дариядан еншісін алған бірнеше көлдер мен тоғандар бар. Олардың ішінде кәдеге жарамай, жай көлшік болып қалғандары да жетерлік. Тұрғанбек Асенов сол суларды егістікке маторсыз, яғни ешқандай техникасыз апару жүйесін ойлап тауыпты. Құрылғы қарапайым, барлығы қолдан жасалады. Арнайы трубалар мен олардың арасын жалғайтын пластмассалар және өзіне қажетті тағы да майда-шүйде материалдар керек.<blockquote>– Қазір зейнет жасындамын, осыдан бірер жыл бұрын түсімде аян бергендей болып, осы бір құрылғы орала берді. Шыны керек, түске еш мән бермедім. Бірақ бұл жағдай бірнеше рет қайталанған соң ойымды жинақтап, осы құрылғыны ойлап таптым. Жасалуы қарапайым, бірақ атқаратын қызметі ауқымды. Әзірге екі данасын егіс басына орнатып, су алу процесіне тәжірибеден өткізіп көрдім. Су тартып тұр, басты артықшылығы – тоқ көзі мен жанар-жағармайды үнемдейміз және бағасы кәдімгі маторлардан он есе арзанға түседі, – дейді жоба авторы.</blockquote>Шыны керек, мұндай бастамалар бұған дейін де болып жүргені рас. Бірақ ауданда дәл бұлай тереңірек талдап, тиімділігін көрсеткен шаруалар жоқ. Мұны аудандық ауылшаруашылығы және жер қатынастары бөлімінің басшысы Талғат Зейдалиев те растап отыр.<blockquote>– Бәріне мәлім аяқсудың мәселесі күрделі болып тұр. Қазірдің өзінде «Шардарада» су көзі мәз емес. Бізде күріш инженерлік жүйеден өткен алқаптарға ғана орналастырылады. Ротация тәртібімен орналастырылғаннан кейін су көзінен қашық немесе су деңгейінен биік атыздар пайда болады. Ол міндетті түрде орын алады, сол алқаптар ерте көктем кезінде мол суға қанығады. Алайда шілде айының соңы мен тамыз айының басында «Шардарадан» келетін су азайып, су қайту процесі жүреді. Күріштің кемеліне келген кезде су жетіспей қалады, міне осы уақытта Тұрғанбек қарияның ұсынып отырғаны жобасы қажет болады.</blockquote>– Оның себебі неде?<blockquote>– Себебі мынада, сол кезде К-1, К-2 немесе өздерінің егіс аралығындағы қашыртқыларға немесе жақын маңда орналасқан көлдерге осы құрылғыны қойып, егістікке су тартуға болады. Бір құрылғы кем дегенде 3-4 атызды су тапшылығынан алып шыға алады. Бұл шаруаларға өте тиімді. Әйтпесе, су тапшылығынан көптеген атызға орақ түспей, рәсуа болатыны бар. Шынында бұл құрылғы керек, егер ағамыз жобаны кеңейтіп, кәсіп көзіне айналдыруға ниеттенсе, біз қолдау білдіруге дайынбыз.</blockquote>Кейіпкеріміздің құлағы ауырлау естігенімен, ойлау жүйесі ғылыми жобаны жүзеге асырып тұрған қарияның айтары көп емес. Тек аздап қолдау болса болғаны дейді. Біз осы бағытта аудандық кәсіпкерлік және өнеркәсіп бөліміне бас сұғып, мән- жайды түсіндірдік. Жауапты мамандар жоба нақтыланып, бізге құжатын өткізсе, жеңілдетілген несие немесе өзге де жолдарын қарастыруға болатынын алға тартты. Мақала соңында ағамыз тағы бір ұсынысын ортаға салды.<blockquote>– Қазір тау беткейдегі ауылдар маңынан бес дренаж барын барлығы біледі. Соларды іске қосса деген ұсынысым бар. Егер солардан су ала алсақ, дария деңгейіне сәл болса да әсерін тигізер еді, – дейді.</blockquote>Жобаның мақсаты мен атқарылатын қызметін түсіндік, енді оны дамыту керектігі расталды. Бастысы, нәпақасын жерден теріп жүрген диқандарға септігін тигізіп, өнімді молайтуға жәрдемші болса болғаны. Қалғанын уақыт көрсете жатады.Әли ТЕМІРБЕКФото: freepik.com

Жаңа жоба жаңашылдыққа жетелейді

<a href="https://kyzylorda-news.kz/">Kyzylorda-news.kz</a>&nbsp; «AMANAT» партиясының «Қарызсыз қоғам» жобасы – халықтың қаржылық сауаттылығын арттыруға, азаматтардың өмір сапасын жақсартуға бағытталған маңызды бастама. Осы жобаны іске асыру барысында Қызылорда командасы жоғары жауапкершілік пен белсенділік танытып, республика көлемінде үздік нәтижелердің бірін көрсете білді.Осы орайда &nbsp;партияның облыстық филиалының төрағасы Жандос Базартай жобаны іске асыру аясында халықтың қаржылық сауаттылығын арттыру бойынша ауқымды жұмыс жүргізуге атсалысқан азаматтармен кездесу өткізді.“Мемлекет басшысы өз Жолдауларында бірнеше мәрте атап өтіп, лайықты бағасын берген берекелі бастама аясында биыл да ауқымды шаруа атқарылды. Жақында Астана қаласында жобаның жылдық нәтижесі қорытындыланды. Жиынға партия Төрағасы Ерлан Қошанов арнайы қатысып, «Қарызсыз қоғам» құруға белсене атсалысып жүрген азаматтарға ризашылық білдірді.&nbsp;Сіздер тек жоспарды орындап қана қоймай, сонымен қатар нақты адамдардың тағдырына оң әсер беріп, үлес қостыңыздар. Қаншама отбасы қаржылық тығырықтан шығуға мүмкіндік алды, өз болашағына сеніммен қарай бастады. Бұл – еңбектің шынайы жемісі, халықтың ризашылығы мен алғысына лайық іс.”-деді төраға Жандос Базартай.Іс-шара барысында жоба қатысушыларына халыққа тегін құқықтық көмек көрсетудегі кәсібилігімен жоғары жауапкершілігі үшін «AMANAT» партиясының төрағасы Ерлан Қошановтың алғыс хаты табысталды.Жалпы 2025 жылы Қызылорда облысы бойынша «Қарызсыз қоғам» жобасы аясында 22800 азаматқа қызмет көрсету көзделген. Қызылорда облысы 152,4 пайызға орындап, 34755 адамға қызмет көрсетті.

«Қарызсыз қоғам»: Қызылордада 34 мыңнан астам азамат қаржылық сауаттылығын арттырды

<a href="https://kyzylorda-news.kz/">Kyzylorda-news.kz</a> Жаңақорған ауданының төл басылымы – «Жаңақорған тынысы» газетін асыға күтіп, әрбір мақалаларына зер салып, оқу дағдысын қалыптастырған белсенді оқырманымыздың бірі – Нағима Абдуллаева апамызмен әңгімелесудің сәті түсті.&nbsp;<blockquote>– Газет оқу – зиялылық пен білімділік белгісі. Қоғамдағы өзекті мәселелер мен жағымды жаңалықты газеттен оқып отырамын. Елдің алып-қашпа сөзінен гөрі, салмақты ой айтып, ақиқатты айшықтайтын журналистердің еңбегін биік бағалаймын, – деп бастады әңгімесін апамыз.</blockquote>Сексен бестен асқан ананың ойы зерек, сөзі салмақты екенін аңғардым. – Біз Кеңес дәуірінің адамымыз ғой, газет пен журналда жарық көрген әрбір мақаланы талғаммен оқитын дағды қалыптасқан. Өзім аудандық газеттің «Екпінді» деп аталған жылдарынан бастап, облыстық газеттің «Ленин жолы» деп аталатын кезінен-ақ газеттің тігіндісін сақтап қойып отыратынмын.<blockquote>– Аудандық төл басылым «Жаңақорған тынысы» менің жүрегімнен орын алған басылым. Әр нөмірін асыға күтемін. Жастық шағымда еңбек жолын бастаған қарашаңырақтың тілекшісімін. Оның үстіне аудандық газеттің баспаханасында әріп теруші едік. Ол кездің тауқыметі өз алдына бір әңгіме. Құттықожа ауылынан ағам Орынбасарға ілесіп жаяу қатынадық. Сол кездегі дағдымен әр газетті оқып ғана қоймай, талдап, әр санын қалт жібермей қаттап келемін. Перзенттерімнің барлығын оқыттым, бір-бір мамандықтың иесі. Осылардың қызметте кәсіби өсіп, ортасында білімділігін байқатуы үшін тың тақырыптар мен көлемді мақалаларды оқуын қадағалаймын. Ауылда дерек іздеген жандар менің газет тігінділерімді парақтап, құнды деректерге құлақ түретіні бар, – деген апа әңгімесін тиянақтап, парақтары сарғайған, әр беті өңір тарихынан сыр шертетін құнды жәдігерді қолына алып ұзақ ойланып қалды.&nbsp;</blockquote>Сәл кідіріп:<blockquote>«Газеттің әр кезеңінде қаламгерлердің даму деңгейін байқауға болады. Көп газетті қолыма алғанда өзімнің де қызықты жылдарым, алаңсыз сәттерім ойға оралады», – дейді күлімсіреп.&nbsp;</blockquote>Тарихы тереңге тартқан газеттің өндірісінде өлшеусіз еңбегі қалған Айдархан Бибасаров, Жақсылық Рахматулла, Адырбек Сопыбеков, Құдайберген Ертасов пен Оразалы Мұсабековтің қолтаңбасы қалған тігінділерді көздің қарашығындай қорыған жанның жанарында қаламгерлерге деген үлкен құрмет жатқанын аңғардым. Әңгіме барысында, Баян Үсейінованың шығармашылық әлеуетін ерекше бағалайтынын әрі әр мақаласын сүйсіне оқитынын білдім. «Қазақ қызы» айдарына іліккен «Жазушының жары», «Ақынның жары”, «Шопанның жары», «Диқанның жары» секілді қазақ әйелдерінің қасиетін сөзбен өрнектеп, қазақтың салт-дәстүрін көпке насихаттап жүрген қуатты қаламгерлігін сөз етті. Бүгінгі ақпараттық салада өз қолтаңбаларын қалдырып жүрген Әли Жарықбаев, Айсұлу Алданазарова, Әсел Рзаева, Жәмила Ермаханның еңбегін атап өтті.&nbsp;«Қорғаныш құралдары құбылып тұр», «Сүрбойдақтар салық төлей ме?», «Ұлық Ұлыс: Алтын орда тарихы не дейді?», «Ерлер неге ұсақталып барады?», тағы басқа жас тілшілердің қоғамдағы түйткілді мәселелерге арналған сын мақалалары оқитынын айтты.<blockquote>– Төл басылымнан аудан жаңалықтарын оқып отырамын. Көпшілігі көзге таныс, көңілге жақын. Мүмкін сондықтан газетке деген құрметіміз кеміген емес. Қаламдарың мұқалмасын, шырақтарым, – деп ақ батасын берді.&nbsp;</blockquote>Адамның назары интернетке ауған шақта газет оқуға ынтызар адамдар аз. Кітап пен газет оқырманға ұялы байланыс арқылы таралып жатқан дәуірде газеттің тігіндісін жинайтын жандар азайып бара жатқаны да жасырын емес. Дегенмен, интернет сөнсе ақпарат алмасу тоқтайды. Ал газет тігіндісі өшпейтін мұра. Мұнда талай туындыға жүк боларлық үлкен еңбектер бар. Газет тігіндісі – тағылымды тарих.Мақпал МАРҚАБАЙФото: “Жаңақорған тынысы” газетінің редакциясы

Газет оқу да мәдениет

<a href="https://kyzylorda-news.kz/">Kyzylorda-news.kz</a> ҚР Премьер-министрінің кеңесшісі Ералы Тоғжанов облыс әкімінің орынбасары Ардақ Зебешевпен бірге Қызылорда қаласындағы «Сыр жұлдыздары» шығармашылық-инновациялық академиясына және «Қызылорда нан» зауытына барды.Екі нысан да биыл қолданысқа берілген, ашылғанына көп уақыт болмаса да жұмысы жүйеге түскен. Балалар мен жасөспірімдерге арналған «Сыр жұлдыздары» шығармашылық-инновациялық академиясына бір мезетте 500, тәулігіне 3 мың оқушы келіп, спортпен айналысып, шығармашылық қабілетін шыңдай алады. Ол үшін бассейн, топтық жаттығу, көркем гимнастика және фитнес, үстел ойындарына арналған, жекпе-жек залдары бар. Кескіндеме, сурет салу, резин арт бөлмесі, балалар шығармашылығы шеберханасы, сәндік-қолданбалы өнер, FabLab, дыбыс жазу студиясы, робототехника және жасанды интеллект, биотехнология, 3D модельдеу, киберспорт және математика кабинеттері де талапты шәкірттердің қызығушылығына сай жабдықталған.Бала тәрбиесіндегі маңызды тармақ – олардың бос уақытын тиімді ұйымдастыру. «Сыр жұлдыздары» қызылордалық жеткіншектердің арманына қанат байлаған, болашағына бағыт белгілейтін мекенге айналып келеді.«Қызылорда-нан» жауапкершілігі шектеулі серіктестігінің нан-тоқаш, кондитерлік және макарон өнімдерін өндіретін кешені биыл қазан айында іске қосылды. Тұрғындарды сапалы нан өнімдерімен қамтамасыз ететін жаңа кешентек өндірістік ғана емес, әлеуметтік жағынан да маңызды нысан болып есептеледі.Өндіріс толығымен автоматтандырылған. Өнімдердің 30 пайызға жуығы кәсіпорынның жеке сауда желілері арқылы сатылады, ал 70 пайызы қаладағы және оның маңындағы дүкендерге жеткізіледі.Үкімет басшысының кеңесшісі аймақтағы серпінді жобаларға оң бағасын берді.<img src="https://knadmin.beoblood.kz/uploads/599945421_1163395899314986_8272958835561025845_n_250dd2e457.jpg" alt="599945421_1163395899314986_8272958835561025845_n.jpg">Фото: Қызылорда облысы әкімінің баспасөз қызметі

Е.Тоғжанов жаңа нысандармен танысуды жалғастырды

<a href="https://kyzylorda-news.kz/">Kyzylorda-news.kz</a> Бүгінгі қоғамда еңбек нарығына қажетті мамандарды оқытып шығаруда әлеуеті нық қалыптаса түскен өңіріміздегі бірден-бір кәсіби- техникалық оқу орны – Жаңақорған агротехникалық колледжі.&nbsp;Аталған оқу орнында «Жұмысшы мамандықтардың қоғамдағы ролі мен маңызы» деген тақырыпта облыстық семинар болып өтті. Семинар жұмысына облыстық оқу орталығы кәсіптік білім беру бөлімінің басшылығы бастап келген өкілдер қатарында аудандардағы техникалық колледждердің оқу ісі жөніндегі меңгерушілері мен жетекші мамандары және өз өңіріміздегі өндіріс орнының жауапты қызметкерлері қатысып, жұмысшы мамандықтардың беделін арттыру, техникалық және кәсіптік білім беру жүйесі реформасын іске асыру бағытында ортақ міндеттерді таразылады.Алдымен Жаңақорған аграрлы-техникалық колледжінің директоры Тәттімбет Тұрғалиұлы сөз алып, оқу орнының тыныс-тіршілігімен таныстырды. 65 жыл тарихы бар білім ордасы алғашқы жылдары ауыл шаруашылығына қажетті машинист-тракторист мамандықтарын ғана дайындап келсе, қазіргі уақытта аграрлы-техникалық бағытта 19 мамандық, 24 біліктілік бойынша мамандар даярланатынын айтты. Оқу орнында 2 ақпараттық технология кабинеті, 2 шеберхана, 4 зертхана, 27 интерактивті тақтамен қамтылған оқу кабинеті студенттердің жан-жақты кәсіби білім алуына негіз қалап отыр. Колледждің 200 орындық акт залы, 160 орындық асханасы, 100 орындық жатақханасы бар. Түлектердің сапалы білім алып, тәжірибелік дағдыларын шыңдау үшін оқу орны басшылығы өңіріміздегі кәсіпорындар, шағын және орта кәсіпкерлер, ірі қожалықтармен меморандумға отырып, колледж білімгерлерінің өндірістік тәжірибеден өтуіне, жұмысқа орналасуына және дуальды оқу жүйесін жетілдіруге үлкен мүмкіндік туғызып отыр. Бүгінгі таңда колледж студенттерінің 134-і аудан көлемінде дуальды оқыту бағыты бойынша жергілікті жердегі өндіріс пен кәсіпорындарда іс- тәжірибеден өтуге мүмкіндігі барын білдік. Бұл нақты өндіріспен білімнің өзара байланысын көрсетеді.Семинарда облыстық оқу орталығы кәсіптік білім беру орталығының әдіскері Ұлан Жетібайұлы сөз алып, бүгінгі жиынның мән-маңызына тоқталды. Одан әрі жиынға арнайы шақырылған ардагер-ұстаздар қатарында Мадияр Ахметов оқу орнының бүгінгі әлеуетін тиімді пайдану бағытында ақыл-кеңестерін берді. 65 жылдық тарихы бар оқу орнынан 17 мектеп директоры, 12 ауыл әкімі шыққанын, кезінде Қазақ ССР Жоғарғы кеңесінің депутаты болған Әзия Қыстаубаеваның осы оқу орнының түлегі екеніне тоқталды. Сондай- ақ осы оқу ошағында білім алғандар қатарында 5 бірдей ғылым докторы, 11 ғылым кандидаты, басқа да мемлекеттік марапаттарға ие азаматтар бар екенін тілге тиек етті. Семинардың келесі бөлімінде қонақтар оқу орнында «Жас маман» жобасы аясында бес жылдан бері тиімді жүзеге асырылып келе жатқан заманау технологиялардың кәсіптік білімге бағдарлау процестерімен танысты. Нақтылап айтқанда, колледжде дәнекерлеу ісі және автомобиль көлігіне техникалық қызмет көрсету, жөндеу және пайдалану мамандықтары заманауи ақпараттық құрылғылармен оқытылуда. Мұның барлығы ғылыми-зерттеу тәжірибесін дамытып, инновациялық білім ортасын қалыптастыруға мықты тетік қалыптастырып келеді.Автокөліктерге техникалық қызмет көрсету мамандығы бойынша құрал-жабдықтармен таныстырған оқытушы Жасұлан Мұстапаев интерактивті тақтада жасанды интеллект арқылы автокөліктің құрылысын түсіндірді. Орталықта арнайы қойылған автокөлік макетінде көлікті басқару ережелерін бақылайтын камера бар екенін, В,С категориясынан оқушылар куәлікті соңғы курста осы жерде сынақ тапсырып алатынын айтты. Осындай ізденістердің нәтижесі болу керек, колледждің ұстаздары мен білімгерлері түрлі деңгейде өтіп жатқан білім мен кәсіби шеберлік байқауларында үнемі алдыңғы орыннан табылып жүр. Оның ішінде сандық бағдарламалық басқару, аспаз ісі, дәнекерлеу ісі, автомобильді жөндеу және техникалық қызмет бойынша колледж ұстаздары мен студенттері үнемі жүлделі орындарды иеленіп келеді. Оқу орнында 3 сарапшы, 15 модератор педагог, 48 магниттік педагог бар екендігі белгілі. Білім саласындағы көрсеткіштерімен қатар облыстық және республикалық техникалық және кәсіптік білім беру ұйымдарының арасында дәстүрлі волейболдан ұйымдастырылған жарыстарда ерлер арасында 15 дүркін, қыздар арасында 7 дүркін чемпион атануы да үлкен еңбектің нәтижесі.Өңірдің экономикалық дамуына үлес қосып, кәсіптік деңгейі жоғары мамандар даярлауда мемлекет қолдауын нәтижелі жетістіктерімен дәлелдеп келе жатқан оқу орны ұжымының бірлігі мен ынтымағы бүгінгідей ауқымды шарада айқын көрініс берді. Жиынға арнайы келіп, өздерінің қолдауын білдірген аймағымыздағы «СКЗ-U» күкірт қышқылы зауыты, «Қызылқұм» ЖШС, «Жаңақорған транзит» ЖШС мекемелерінің басшылары сөз алып, өндірістік мекемеде еңбек ететін мамандардың 80 пайызы жергілікті тұрғындардың өкілі екенін жеткізді. Тіпті бүгінде мекеменің инженерлері, цех басшылары, ұжым директорлары кезінде еңбек жолын операторлықтан бастаған жас мамандар, тәжірибеден өтіп, білімін үздіксіз жетілдірудің арқасында осындай дәрежеге қол жеткізіп отырғанын айтып, жас талаптырды жақсы оқуға қанаттандырды. Осы оқу орнында жұмысшы мамандығын игеріп шыққан түлектерідің келешек толық маман иесі болып шығуына мол мүмкіндік бар екенін айтып, мотивация берді.&nbsp;Семинардың келесі бөлімінде әлеуметтік серіктестіктермен меморандум рәсімі өтіп колледж басшылығы мен өңіріміздегі өндіріс мекемелері – «Байкен – U» ЖШС, «Қызылқұм» ЖШС, «СКЗ-U» ЖШС , «Шалқия Цинк ЛТД» ЖШС мекемелері басшылары келісімшартқа қол қойды. Осы келісімдердің бастамасы есебінде колледждің бітірушісі Диас Абдуллаевқа дәнекерлеу ісі мамандығы бойынша «СКЗ- U» ЖШС-на жолдама табыс етілсе, «Қызылқұм» ЖШС-на осы мамандық иегері Нұрперзент Оймауытов жұмысқа қабылданды. «Жаңақорған транзит» ЖШС басшысы Сансызбай Махметжан Бәкірұлы мен колледж директоры Тәттімбет Абдраймов өзара меморандумға қол қойды. Бұл мекемеге автомобиль көлігін жөндеу және пайдалану факультетінің бітірушісі Бекахмет Нұрғазы жолдама алды. Сондай-ақ «Шалқия Цинк ЛТД» ЖШС мекемесіне пайдаланған қазбаларды кен орындарын жер астында өңдеу мамандығы бойынша Мейірхан Даниялға жолдама берілді.Осы күні «Агросервис Жаңақорған» ЖШС басшылығымен меморандумға отыру рәсімі өтіп, колледж бітірушісі Оспан Ерсайын осы мекемеге ветеринария мамандығы бойынша жолдама алды. Жиын соңы оқу орны өнерпаздарының концертіне жалғасты.<img src="https://knadmin.beoblood.kz/uploads/Whats_App_Image_2025_12_22_at_11_06_33_fde66cb2c2.jpeg" alt="WhatsApp Image 2025-12-22 at 11.06.33.jpeg">

Техникалық және кәсіптік білім беру жүйесі реформасын іске асыру барысы қаралды

Жаңақорғандағы толымды тірлік 

<a href="https://kyzylorda-news.kz/">Kyzylorda-news.kz</a> Әлемнің көптеген елі, оның ішінде дамыған мемлекеттер цифрландырудың ұлттық бағдарламаларын нақты іске асыруда. АҚШ секілді алпауыт елдер бұл жүйені осыдан отыз жыл бұрын қолданысқа енгізе бастады. Нәтижесін көрген өзгелер де ерте қамданып, бәсекеге қабілеттілігін арттырды. Бұл қатарда біздің елдің де қарқыны күн санап артып келеді. Барлық салаға цифрландыру мен жасанды интеллект жүйесі енгізіліп, озық отыздыққа нық қадам бастадық.&nbsp;Жаңақорған ауданындағы ахуал да көңіл қуантады, бұл жөнінде аудан әкімі аппаратының цифрлық технологияларды дамыту және мемлекеттік көрсетілетін қызметтердің мониторингі бөлімінің басшысы Эльмира Шоқыбаевадан білдік.Шыны керек, цифрлық трансформациялау идеясын әлемдік тренд деуге болады. Цифрлық технологиялар көптеген елдің экономикасын дамытуда маңызды рөлге ие болды. Қазақстанның да көшке ілесуі оң нәтиже көрсетуде. Бүгінде мемлекеттік қызметтердің 90 пайыздан астамы онлайн форматта көрсетіледі. eGov, Smart Data Ukimet, Digital ID және Alem.AI платформалары күн сайын мыңдаған мамандардың жұмысын қамтамасыз етіп, қызметтерді ыңғайлы, қолжетімді және қауіпсіз етіп жатыр.&nbsp;Жалпы, Қазақстанда IT саласында 200 мыңнан астам адам еңбек етеді екен. Соның ішінде 20 мыңы – жасанды интеллект саласының мамандары. Бұл туралы Жасанды интеллект және цифрлық даму министрлігі бүгін ақпарат таратты. Олар алдағы бес жыл ішінде 1 миллион азаматқа жасанды интеллект дағдыларын үйретуді көздеп отыр. Айта кететіні, 10 қараша елімізде Цифрландыру күні аталып, осы салада жүрген қызметкерлерге құрмет көрсетіледі.&nbsp;Цифрландыру – уақыт талабы ғана емес, ел дамуының негізгі тірегі. Осы орайда алдымен ақпараттық технологиялар саласында еңбек етіп жүрген барлық әріптестерді кәсіби мерекелерімен құттықтаймын. Бұл сала болашақтың баспалдағы деуге болады, сондықтан бұл күн – жаңа технологияларды игеріп, цифрлық қоғам құруға үлес қосып жүрген барлық сала қызметкерлерінің еңбегін мойындау және құрметтеу күні. Мемлекет басшысы да бұл бастамаға ерекше мән беріп, соңғы Жолдауында жылдам дамуға тапсырма берді. Үкіметтің алдыға қойған талабы осы жүйені толықтай жетілдіру. «Қазақстан-2050» стратегиясы, «Қазақстанның цифрлық трансформация тұжырымдамасы» аясында еліміздің барлық өңірінде мемлекеттік қызмет көрсетудің жаңа форматтары енгізіліп, басқару жүйесі заманауи технологиялармен үйлесім тапты. Бұл бастамалар халыққа қолжетімді, ашық және тиімді қызмет көрсетуді қамтамасыз етудің кепіліне айналып отыр. «Жаңақорған ауданы әкімінің аппараты» КММ де осы бағытты жүзеге асыруда өзіндік үлесін қосып келеді. Құжат айналымын электрондық форматқа көшіру, цифрлық платформалар арқылы қызмет көрсетуді жетілдіру, ақпараттық қауіпсіздік шараларын күшейту – басты назарда.– Сіз бұл саланы болашақтың баспалдағы дедіңіз, демек өскелең жастар бұл бағытта көбірек білгені дұрыс шығар?<blockquote>– Әрине, келешектің кілті жастардың қолында болған соң жаңа технологиялар мен ЖИ-ді жақсы меңгеру міндеті тұр. Жас мамандардың цифрлық сауаттылығын арттыру мен инновациялық ойлауды дамыту – ұжым жұмысының негізгі басымдықтарының бірі. Цифрлық трансформация – қоғамның өмір сүру сапасын жақсартатын, еңбек өнімділігінің өсуін қамтамасыз ететін, экономиканың бәсекеге қабілеттілігін арттыратын негізгі факторлардың бірі. Ақпараттық технологиялар саласындағы мамандар еңбек нарығында жоғары сұранысқа ие. Бүгінгі күні цифрлы кеңістікте жастар ерекше белсенділік танытуда. Себебі кейінгі жылдары Қазақстанда жастар арасында интернет қолданушылар саны артып, әлеуметтік желілер мен түрлі онлайн-платформаларда белсенділік аясы кеңейіп келеді. TNS деректері бойынша, 2020 жылдан бастап елімізде әлеуметтік желіні пайдаланушылар саны күрт өскен. 2021 жылдың қаңтарында жалпы саны 12 миллион адамға жетіп, 2020 жылдың басымен салыстырғанда 26 пайызға (2,5 миллион адамға) артты. 2020 жылы әлеуметтік желілер өздерін кез келген аудиториямен байланыстың негізгі арнасы ретінде танытты. Бір жағынан, оған әлемде орын алған постпандемиялық кезең де өзінің белгілі бір деңгейде ықпалын тигізгенін айтпасқа болмайды. Статистикалық деректерге сүйенсек, 2021 жылы Қазақстанда әлеуметтік желіні қолданушылардың үлес салмағы 63,5 пайызға дейін жеткен. Цифрлық деп жүргенде әлеуметтік желінің де тым жылдам дамығаны қауіп тудырып тұр. Бұл алаяқтардың ең басты олжасына айналды. Сондықтан ақпараттық қауіпсіздік – заман талабына айналды. Қазақстанда электронды үкімет 2006 жылы енгізілсе, жеке деректер мен киберқауіпсіздікке қатысты заңдар 14 жылдан кейін, яғни 2020 жылы қабылданған. Сарапшылардың айтуынша, цифрландыру жағынан озық болсақ та, киберқауіпсіздік тұрғысында сәл артта қалғандықтан бізге киберқауіпсіздікті тез арада күшейту қажет, себебі неғұрлым көп дерек онлайнға көшсе, соғұрлым мүмкіндіктер кеңейіп, шабуыл жасауға қызығатындар көбейеді. Шыны керек, цифрландыру игілігін ел көріп отыр. Бұрын құжат алу – күрделі әрі уақытты қажет ететін процесс болатын. Мысалы, 16 жасқа толғанда: АХАЖ-ға барып, туу туралы анықтама алу, кезекке тұру, қажетті құжаттарды жинау – бірнеше күндік шаруа еді. Қазір – туу туралы куәлік, ата-анасының бірі болса жеткілікті, жеке куәлік бір күнде дайын болады. Міне, бұл – цифрландырудың нақты жетістігі. Қазіргі цифрландыру кезеңінде ақпараттың құндылығы артып келеді. Сол себепті дербес деректерді қорғау, құпия ақпараттың сақталуын қамтамасыз ету – әрбір қызметкердің маңызды міндеті. Ақпараттық қауіпсіздік мәдениетін қалыптастыру – тек IT мамандарының ғана емес, баршамыздың ортақ жауапкершілігіміз. Сенімді және қауіпсіз цифрлық кеңістік – еліміздің дамуының кепілі, – дейді бөлім басшысы Эльмира Жалғасқызы.&nbsp;</blockquote>Түйіндей айтқанда, цифрландыру үдерісі – жоғарыда айтылғандай, тоқтаусыз алға қарыштап дамып бара жатқан әлемдік тренд. Бұл әлемдік трендтен еліміз тыс қала алмайды. Сондықтан жаһандық трендке жылдам бейімделіп, еліміз экономикалық, инновациялық және технологиялық тұстарын жетік меңгеріп, пайдалы жақтарын барынша алуға тиіс. Ал жастардың ақпараттар ағымын сараптап, сыни ойлау қабілетін дамыту қажет. Жастар барлық мәселені рационалды және демократиялық тәсіл тұрғысынан қарастыруға тиіс. Мемлекет осы орайда әлемде цифрландыру үдерісінен туындаған трансформация жағдайында ақпараттық қауіпсіздік саласына қатысты заңнамалық негіздерді қайта қарап, оларды уақыт талабына сай үнемі жетілдіріп отыруы қажет.Әлібек Жарықбаев&nbsp;

Цифрландыру – болашақтың баспалдағы

<a href="https://kyzylorda-news.kz/">Kyzylorda-news.kz</a> Сырдария ауданының орталығы саналатын Тереңөзек кентінде соңғы жылдары халықтың тұрмыс сапасын арттыруға бағытталған ауқымды әлеуметтік жобалар кезең-кезеңімен жүзеге асырылып келеді. Әсіресе денсаулық сақтау саласын дамыту мен экологиялық ахуалды жақсарту бағыттарында нақты әрі маңызды нәтижелерге қол жеткізілуде.Өткен жылдың желтоқсан айында облыс әкімі Нұрлыбек Нәлібаевтың қолдауымен және облыстық денсаулық сақтау басқармасының бастамасымен аудандық аурухана аумағында жаңа, заманауи емдеу ғимараты пайдалануға берілді. Бұл нысан облыстық деңгейде қызмет көрсетіп, тек аудан тұрғындарына ғана емес, көршілес аймақтардан келетін науқастарға да медициналық көмек көрсетуге мүмкіндік беріп отыр.Жаңа ғимаратта «Паллиативтік көмек» және «Медициналық оңалту» бөлімшелері жұмыс істейді. Бұл бөлімшелер ауыр хәлдегі науқастар мен ұзақ уақыт бойы оңалтуды қажет ететін жандарға тәулік бойы медициналық қызмет көрсетуге бағытталған. Мұнда ем қабылдаушылар дәрігерлердің тұрақты бақылауында болып, барлық қажетті ем-шаралар уақытылы жүргізіледі. Сонымен қатар бөлімшелердің материалдық-техникалық базасы толық жаңартылып, заманауи медициналық құрал-жабдықтармен қамтамасыз етілген.Аталған екі бөлімшеде 5 дәрігер және 50-ге жуық орта және кіші буын медицина қызметкерлері еңбек етеді. Физиотерапия, логопедиялық көмек, психологиялық қолдау, массаж және емдік дене шынықтыру қызметтері демалыс күндеріне қарамастан үздіксіз көрсетіледі. Айта кетерлігі, паллиативтік көмек көрсету бөлімшесі 60 төсек-орынға арналған және дәрі-дәрмекпен, медициналық бұйымдармен толық қамтылған.Медицина саласымен қатар, кентте экологиялық тұрақтылықты қамтамасыз етуге бағытталған маңызды жоба да жүзеге асырылды. Атап айтқанда, 2024 жылы Тереңөзек кентінде тұрмыстық қатты қалдықтарға арналған арнайы полигон салынды. Құны 475 миллион теңгені құрайтын бұл нысан желтоқсан айында ресми түрде пайдалануға берілді.Полигонның басты ерекшелігі – мұнда тұрмыстық қатты қалдықтарды сұрыптауға арналған арнайы қондырғылардың орнатылуы. Яғни, пластик, шыны, темір және қайта өңдеуге жарамды өзге де қалдық түрлері осы жерде бөлініп, тиісті өңдеу кәсіпорындарына жөнелтіледі. Бұл өз кезегінде қоршаған ортаны қорғауға, қоқыс көлемін азайтуға және қайта өңдеу мәдениетін қалыптастыруға оң әсерін тигізеді.Жалпы алғанда, Тереңөзек кентінде жүзеге асырылып жатқан бұл жобалар өңірдің әлеуметтік-экономикалық дамуына серпін беріп, тұрғындардың өмір сүру сапасын арттыруға бағытталған нақты қадамдардың бірі болып отыр.<img src="https://knadmin.beoblood.kz/uploads/leumettik_ce7c44eaeb.jpg" alt="әлеуметтік.jpg">

Тереңөзек кентінде әлеуметтік инфрақұрылым жүйелі түрде жаңғыртылуда

<a href="https://kyzylorda-news.kz/">Kyzylorda-news.kz</a> Бүгінде Сырдария ауданы серпінді даму жолына түсті. Ауданға қарасты әрбір ауылда іргелі істер қолға алынып, жүйелі жұмыстар жүзеге асырылуда. Мемлекеттік бағдарламалар аясында бірқатар маңызды жобалар іске қосылып, ауыл тіршілігіне жаңа серпін беруде.Соның айқын көрінісі – Сәкен Сейфуллин ауылы. Елді мекенде соңғы жылдары инфрақұрылымды жаңғырту, әлеуметтік нысандарды жөндеу, абаттандыру бағытында ауқымды жұмыстар атқарылып келеді. Ауыл көшелері ретке келтіріліп, тұрғындардың тұрмыс сапасын арттыруға бағытталған бастамалар кезең-кезеңімен жүзеге асуда.Жуырда ғана Сәкен Сейфуллин ауылы өзінің 50 жылдық мерейлі белесін жоғары деңгейде атап өтті. Ауыл тарихына көз жүгіртіп, бүгінгі жетістіктерін паш еткен бұл мерейтой ел бірлігін нығайтып, тұрғындардың туған жерге деген сүйіспеншілігін арттыра түсті. Жарты ғасырлық тарихы бар ауыл бүгінде жаңарып, болашаққа нық қадам басып келеді.Ауыл тарихынанЕлі ырысты, жері күрішті ауданның тарихы биыл 96-шы жылға қадам басса, аудан орталығына жақын елді мекеннің бірі – Сәкен Сейфуллин ауылының құрылғанына осы жылы – 50 жыл толады.Мемлекет қайраткері, қазақ әдебиетінің негізін қалаушы, ақын, жазушы Сәкен Сейфуллин атын еншілеген ауылдан Сәрке, Байқадам, Сейіл, Бәйтен батырлар, Шортанбай, Жүзбасар, Қырғи секілді билер, дарынды ақын-жазушылар, танымал тұлғалар шыққан. Киелі мекеннің алғашқы құрылуы негізінен 1934 жылдан бастау алады. Ол кезде «1 Май» және «Құндызды» колхоздары біріктіріліп, соның негізінде «1 Май» атындағы колхоз құрылған. Одан кейінгі жылдары «Каганович» колхозы, «Ленин» атындағы іргелендірілген колхоз, «Партияның ХХІ съезі» атындағы совхоз болып қайта құрылымдаудан өткені ауыл тарихында қаттаулы тұр.Ауыл тарихы туралы деректе: «1 Май» колхозы 1934 жылы құрылып, басқарма төрағасы Сейітжан Сақтағанов болса, «Құндызды» колхозы да 1934 жылы құрылып, алғашқы колхоз төрағасы болып Досмырза Бақтыбаев сайланды. Екі жылдан кейін екі колхоз біріктіріліп, «1 Май» атындағы колхозды Сейітжан Сақтағанов басқарған. Техника жоқтың қасы болғандықтан барлық шаруалар қол күшімен атқарылған. Колхозшылар Әбдірахман Құрланбаев, Созақбай Меңліғараев, Досжан Нұржанов ұсталар соққан еңбек құралдарымен арық қазды, егін егіп, шөп орды. Егінді сумен қамтамасыз етуден атақты Мұрат Қосбармақов пен Жүніс Жотаев басшылық жасады. Ал диқаншылықта Алмағанбет Дүйсебаев, Тұрғанбай Бұланбаев, Бимағанбет Аяпбергенов, Игілік Бақшақбаев, Сүйін Бақшақбаев, Дәрібай Бәйменов, т.б. ақсақалдар елге өнеге болды» деп жазылған.Ауданға жақын орналасқан шағын ғана Сәкен ауылы – өз-өзімен тіршілік кешіп, берекелі өмір сүріп жатқан мекен. Тарихы өткен ғасырдың 30-жылдарынан басталатын округ әуел баста кішігірім «1 Май» және «Құндызды» атты екі колхоздан құрылды. Одан соң 1949 жылы бірігіп «Каганович» колхозын, 1959 жылы «Амангелдімен» қосылып «Ленин» атауын алды. Кейін тағы да колхоздар бірігіп ХХІ партъезд атындағы совхозға айналды. Ал 1975 жылы Сәкен Сейфуллин атындағы совхоз болып, өз алдына отау тікті.Бүгінде 1630 ғана тұрғыны бар елді мекен өзінше даму жолына түсіп, берекелі өмір сүруде. Онда 10 көше, 460 орындық №137 орта мектеп, 90 орындық «Ақ көгершін» бөбекжай балабақшасы, дәрігерлік амбулатория, 150 орындық ауылдық клуб үйі, №4 модельді кітапхана, мал дәрігерлік пункті, учаскелік пункт, «Міркемел Кәлпе» мешіті, және «Қазпошта» бөлімшелері халыққа қызмет көрсетеді. Ауыл халқы 100 пайыз ауыз сумен қамтамасыз етілген. Ауылда балаларға арналған 4 ойын алаңы бар. Мұнда 6 көше жарықтандырылып, 3 шақырым жолға тротуар салыныпты.«Ауыл Ел бесігі» бағдарламасы аясында 6 көшенің автомобиль жолдарына күрделі жөндеу жұмысы жүргізілген. &nbsp;Бір қуаныштысы, былтыр елді мекенді газдандыру жұмысы толық аяқталып, тұрғындардың 90 пайызы көгілдір отынмен қамтамасыз етілген.Биыл да іргелі істер бастау алған. Ең негізгі нысандар орналасқан үш көшеге күрделі жөндеу жұмысы жүргізілуде. Елді мекенде мал ұрлығы және құқық бұзушылықтын алдын алу, анықтау мақсатында негізгі көшелерге 5 млн теңгеге 6 бейнебақылау камерасы орнатылған. Барлығы толық жұмыс жасап тұр. Соның арқасында ауылда ұрлық-қарлық азайып, бұзақылықтар да тиылған.Ауылдық округі бойынша 85 кәсіпкерлік субъекті тіркелген. Оның ішінде 80 жеке кәсіпкер, 3 шаруа қожалығы және 2 жауапкершілігі шектеулі серіктестік бар. Мемлекеттік бағдарламалар бойынша Өткен жылы Қызылорда өңірлік инвестициялық орталығы арқылы 2 жоба мақұлданып, қаржыландырылып, жұмыстарын жүргізуде. Аграрлық несие корпорациясы «Агробизнес» бағдарламасы бойынша да 2 жоба мақұлданып, қаржыландырылды. «Бастау бизнес» оқу курсына 8 адам қатысып, &nbsp;олар мемлекеттік қайтарымсыз грант алып, жұмыс жасауда.Елді мекендегі «С.Сейфуллин-Жер», «Құндызды-Жер», «Желкен Вент» ЖШС, «Жандос» шаруа қожалылығы және жеке кәсіпкер Қуаныш Сайран аз қамтамасыз етілген, асыраушысынан айырылған, көпбалалы отбасы мен мүмкіндігі шектеулі жандарға азық-түлік және заттай қайырымдылық көрсетеді. Сонымен қатар мектеп, балабақша, клуб мекемелерінің іс-шараларына, балалардың жазғы демалысына тұрақты демеушілік жасап келеді. Ауылда 7 дүкен, 2 монша бар.Заманауи үлгіде жаңарадыАуылда бір ғана №137 орта мектеп бар. Біршама жылдан бері күрделі жөндеу көрмеген білім мекемесін заманауи үлгіде жаңарту көпшіліктің талап-тілегінен туындаған екен. Ашылғанына 50 жылға жуық уақыт болған білім ордасына бұған дейін тек жай жөндеу жұмысы жасалған.Құрылыс басында бізді ауыл әкімі Бекзат Қыдырбаев күтіп алып, жұмыс барысын көрсетті. Құрылысты «Н-Строй сервис» серіктестігі мекемесі жүргізуде. Қазір жұмыстың 80 пайызы аяқталған, ішкі жақта әрлеу және сырлау жүргізілуде. Тамыз айында оқушылар жаңа кейіпке енген мектептің табалдырығын аттайды. Жалпы күрделі жөндеуге облыстық бюджеттен бөлінген 309,1 млн теңге бөлінген.Барлық жерде қандай құрылыс болсын, соңғы үлгіде салынып жатыр. Біз де ішкі жұмыстарына өзгеріс енгіздік. Мұнда спорт залдың едені ағаштан емес, резеңкеден жасалады. Бояуы да «Жайлы мектептің» жобасында сырланады. Ішкі жұмыстың тең жартысынан астамы аяқталып тұр, – дейді ауыл әкімі.50 жылдыққа орай ауылдан шыққан танымал ақын-жазушыларға арналған арнайы кабинет жасақталып, олардың жаңа туындыларының тұсаукесерін өткізу жоспарда бар. Жалпы мектепте 380 оқушы білім алады. Биыл оқу жылында 30 оқушы түлеп ұшса, оның 3-уі «Алтын белгі», 7-уі «Үздік аттестат» иегері. ҰБТ сынағына бітірушілердің 80 пайызы қатысып, орташа балл 83,3 болыпты.50 жылда ел жаңа«Ауылына қарап, азаматын таны» демекші, шағын ауылының шаруасы да беталысы да қарқынды. Биыл елді мекеннің құрылғанына 50 жыл болғандықтан, қазірден дайындық жұмысы басталып кеткен тәрізді. Бұл істе ауыл әкімі бірінші болып белсенділік танытып жүргені байқалады. Осы жердің тумасы, екі рет қатарынан әкімдікке сайланған Бекзат Қыдырбаевтың іскер азамат екені көрініп тұр. Сөзі мен ісі үйлескен, әр істің басында өзі жүр. Тіпті жұмысшы жетіспей жатса, оған да кірісіп кетеді. Туған жерге қызмет етуге келген ол: «Ауылды алдыңғы қатарға қосқым келеді», – дейді.Орта мектеп те, ауыл клубы да бір үлкен көшенің бойына орналасқан. Сол Ә.Байназарұлы атындағы көше биыл күрделі жөндеуден өтуде.Аймақ басшысының қатаң талабын білетін құрылыс мекемелері бірінші жұмыстың сапасына мән береді. Оны облыс, аудан басшылары, техникалық қадағалау орындары, жергілікті халық бақылап отыр. Қазір талап бойынша жолдың енін 5,75 метр, қалыңдығын 7-8 см етіп артығымен төсейді. Себебі ол тартылып кетіп, қысқаруы мүмкін. Кепілдік мерзімі 2 жыл. Бұрын мұндай уақытқа берілмейтін. Жол жөндейтін мекемелер бір істі қайта келіп жасамас үшін, барлығын тыңғылықты орындап кетуге тырысады. Осы үш көше толық жөнделсе, ауылдағы жолдың мәселесі 100 пайызға шешімін тапқалы тұр, – дейді ол.Ауылда мұнан өзге атқарылған тірлік көп. Халыққа қажетті ең негізгі – ауызсу мен жарық, газ бар. Дегенмен электр бағаналарын толық қайта жаңғыртудан өткізу керек. Ол іс те таяуда жүзеге асып қалады. Өзге ауылмен салыстырғанда жаңашылдық, өзгеріс, толымды істер байқалады. Бюджет қаражатына орай әлі де жасалатын жобалар бар.Мерейтойға орай демеушілер көмегімен клубтың жанынан орталық алаң салынып, онда субұрқақ, әдемі гүлзар жасалған. Басты демеуші Абзал Ералиев субұрқақ салуға көмек берді. Жұдырықтай жұмылып, алға қарай ұмтылып, табанды тірлік етіп жатқан Сәкен ауылындағы серпінді істер, міне осындай.&nbsp;

50 жылда жаңа кейіпке енген Сәкен ауылы

<a href="https://kyzylorda-news.kz/">Kyzylorda-news.kz</a>&nbsp; Үкімет басшысының кеңесшісі Ералы Тоғжанов облыс әкімінің орынбасары Ардақ Зебешевпен бірге «Ауыл аманаты» жобасы арқылы қаржыландырылған өндірістік, одан бөлек әлеуметтік нысандар жұмысымен танысуды Қызылорда қаласында жалғастырды.Алдымен сол жағалаудағы халықаралық стандарттарға сәйкес келетін 11 мың орындық Орталық стадионға және Үстел теннисі орталығына барды. Стадион қазан айында футболдан Қазақстан кубогының финалдық ойынымен ашылды. УЕФА классификациясы бойынша ІV санатқа кіреді.Ерекше атап өту қажет, стадион облыс бюджетінен үнемделген қаражат есебінен салынды. Материалдық-техникалық базасы соңғы үлгідегі заманауи жабдықтармен қамтамасыз етілген.Үстел теннисі орталығында 16 үстел теннисі орналасқан ойын алаңы, 350 көрерменге арналған орындар, жаттығу залы мен әкімшілік бөлмелер бар, 31 қызметкер еңбек етеді.Әрі қарай Ералы Тоғжанов «Тұмар» шағын өнеркәсіптік аймағы мен «BAUKIN» ЖК жиһаз цехында болды. Шағын өнеркәсіптік аймақта «Момыш» ЖК кондитерлік цехы тәулігіне 40-60 кг, «Жапахов» ЖК сүт өнімдері цехы 1200 л, «Жапахов» ЖК нан-тоқаш өнімдері цехы 600-800 кг, «Берлибековна» ЖК ет және шұжық өнімдері цехы 60-100 кг, «Есимсейтова» ЖК жартылай фабрикаттар цехы 60-100 кг, «Ерниязова» ЖК жартылай фабрикаттар цехы 40–60 кг, «Адил и К» ЖК жартылай фабрикаттар цехы 50-80 кг, «Абил» ЖК жартылай фабрикаттар цехы 50-70 кг өнім өндіреді. Жиһаз цехы айына 2-3 жиһаз шығарады.<img src="https://knadmin.beoblood.kz/uploads/2_Eraly_To_zhanov_ndiristik_zh_ne_leumettik_nysandar_zh_mysymen_tanysty_05d76451a3.jpg" alt="2Ералы Тоғжанов өндірістік және әлеуметтік нысандар жұмысымен танысты.jpg">«Раманкулова» ЖК жартылай дайын тағам өнімдері цехында да жұмыс жүйеге қойылған. Кәсіпорын тәулігіне 5-15 кг тұшпара, манты, тефтели дайындайды.Нысандарды аралаған соң Ералы Тоғжанов «Аяла» ЖК тігін цехына барды. Мұнда айына 50-60 көрпе, көрпеше, жастық, ұлттық киімдер тігіледі.Премьер-министр кеңесшісі аймақтағы серпінді жобаларға, тындырымды тірлікке оң бағасын беріп, алдағы міндеттерді де атап өтті.Фото: Қызылорда облысы әкімінің баспасөз қызметі

Ералы Тоғжанов өндірістік және әлеуметтік нысандар жұмысымен танысты

<a href="https://kyzylorda-news.kz/">Kyzylorda-news.kz</a> Қоршаған ортаға қамқорлық орман-тоғай қорын молайтудан бастау алады. Орманшылардың табиғатты қорғау бағытындағы іс-қимылдары жөнінде есеп берген Жаңақорған аудандық орман шаруашылығы мекемесінің басшысы Мұхамеджан Рүстемовтің айтуынша, мекеме қарауындағы мемлекеттік орман қорының жалпы жер көлемі – 791 557 гектар. Соның ішінде орманмен қамтылған аумағы 543281 гектарды құрайды екен. Орман қоры төрт орманшылыққа – Жаңақорған, Ақтас, Түркістан және Төменарық аумағына созылып жатыр. Штаттық кесте бойынша 100 қызметкер орманды күзету, қорғау және өсімін молайту бағытында еңбек етіп келеді. Қоршаған ортаны қорғау бағытында сала қызметкерлерінің жұмысы ауқымды.– Орман тұқымбағын молайту ісіне тоқталсаңыз.<blockquote>– Орманды молықтыру бойынша бекітілген жоспарға сәйкес, 2025 жылы көктем мезгілінде мекеменің 20 гектарлық уақытша сексеуіл тұқымбағынан Аралдың құрғаған ұлтанына 755 мың дана сексеуіл көшеті жөнелтілді. Оның 229 мыңы Қазалыға, 426 мыңы Қармақшыға, 100 мыңы Шиеліге жеткізілді. Ал «Ордакент» уақытша тұқымбағында 0,5 гектар жерге үйеңкі, қарағаш, сәнағаш және айлант ағаштарының тұқымы себілді. Сонымен қатар, 0,5 гектар мектеп бөлімінде 5000 дана жиде, 5000 дана терек, 10000 дана тал қаламшадан отырғызылды. Қазіргі таңда көшеттерді суару, арам шөптерден тазарту және бұрын егілген саялы ағаштарды күтіп-баптау жұмыстары жүйелі жүргізілуде. 2024 жылы күзде егілген 20 гектар сексеуіл тұқымбағындағы жас көшеттерді суару жұмыстары да жалғасуда. Көшеттердің шығымдылығы орташа деңгейде.</blockquote>– Орман өртімен күрес мәселесі де өзекті. Бұл бағытта қандай шаралар қабылданды?<blockquote>– Орман өртінің алдын алу – басты міндетіміздің бірі. Биылғы өрт қауіпті маусымда Қызылорда облысы бойынша арнайы іс-шаралар жоспарына сәйкес аудан көлемінде алдын алу және дайындық жұмыстары жүргізілді. Шаруақожалықтарының иелері мен ауылдық округтерге ескерту хаттар таратылып, тұрғындар арасында түсіндіру жұмыстары жүргізілді. Қазір мекемеде үш өрт сөндіру автокөлігі мен 10 тұрақты өрт сөндіруші қызмет атқарады. Өрт маусымына 2,5 тонна жанар-жағармай қоры дайындалды. Орман қоры аумағында 114 шақырым жаңа өрт жолақтары салынса, 228 шақырым ескі жолақтар қалпына келтірілді. Сонымен бірге 110 дана аншлагтың беті жаңартылды.</blockquote>– Биыл орман өрті тіркелді ме?<blockquote>– Өкінішке қарай, биыл 2 өрт жағдайы тіркелді. Жалпы өртенген аумақ – 1,6 гектар. Оның ішінде 1 гектар орманды жерден 11,3 текше метр шеңгел мен жыңғыл бұталары өртенген. Кінәлі тұлғалар анықталып, заң шеңберінде 98 300 теңге айыппұл салынды. Табиғатқа келтірілген 13 191 теңге 56 тиын залал мен өрт сөндіруге жұмсалған 67 449 теңге толық өтелді.</blockquote>– Орманды қорғау бағытында қандай шаралар қолға алынды?<blockquote>– Орманды қорғау – біздің басты мақсатымыз. Осы жылы орман заңнамасын бұзудың алдын алу үшін 49 рет рейдтік іс-шаралар өткізілді. Нәтижесінде 22 құқықбұзушылық анықталып, әкімшілік хаттамалар толтырылды. Оның ішінде 16 жағдай – аң аулау тәртібін бұзу болса, 6 жағдай – орман заңдылығын бұзу дерегімен тіркелген. Сонымен қатар 52,6 мың гектар жерге санитарлық потологиялық зерттеу жүргізіліп, зиянкестер мен жұқпалы аурулардың ошақтарына тексеру жасалды.</blockquote>– Мемлекеттік қызмет көрсету бағытында қандай жұмыстар атқарылуда?&nbsp;<blockquote>– Орман пайдалану бойынша биыл 2 673,95 мың теңге қаржы жергілікті бюджетке түсті. Оның ішінде орман қоры жерінен 344,2 гектар аумақтан 2241 текше метр жыңғыл бұтасы рұқсатпен кесіліп, жергілікті тұрғындарға 498 текше метр жыңғыл босатылды. Бұл қызметтен 538,48 мың теңге қаржы бюджетке түсті. Ал жанама пайдалану аясында 116 азаматқа орман қоры жерінен 42 900 гектар жайылым, 502 гектар бау-бақша, және 0,10 гектар омарта жері берілді. Осыдан түскен кіріс көлемі 2 135,47 мың теңгені құрады.</blockquote>– Мекеменің материалдық-техникалық базасы көңілдегідей ме?<blockquote>– Бұл бағытта да оң өзгерістер бар. ҚР Ауыл шаруашылығы министрінің No18-02/664 бұйрығына сәйкес жұмыстар жүргізілуде. Қазіргі таңда мекеменің теңгерімінде 1 дана «Lutong LT2404» тракторы, 1 тіркеме, 3 өрт сөндіру автокөлігі, 1 «ГАЗ 3307» жүк көлігі, 3 патрульдік автокөлік, 11 мотоцикл, 4 мініс аты және жылжымалы тұрғын вагоны бар. Сондай-ақ биыл мекемеге қосымша 1 дана дискілі соқа, 8 дана рация және 2 дана мотолампа (су тартатын құрылғы) сатып алынды.</blockquote>– Жануарлар дүниесін қорғау бойынша қандай жұмыстар жасалып жатыр?<blockquote>– Биыл «Жануарлар дүниесін қорғау» бағдарламасы аясында биотехникалық шараларға 230 мың теңге бөлінді. Орман алқаптарында жабайы аң-құстарды қоректендіру мақсатында 1916 кг жем мен 183 кг тұз шашылды. Сонымен бірге көктемгі аң-құс санағы жүргізілді. «Киікті қорғау және браконьерлікпен күрес» шаралары бойынша тұрғындарға түсіндірілді.</blockquote>– Аудан орман шаруашылығы мекемесі қызметкерлерінің міндетті жұмысынан бөлек спорттық жетістіктері де көңіл қуантады. Бұл жөнінде не айтасыз?<blockquote>– Иә, біздің ұжым спортқа да ерекше мән береді. Жыл сайын 19 қазан – кәсіби мерекемізге орай өтетін жарыстарға белсене қатысып келеміз. Биыл облыс көлемінде өткен спорттық сайыста біздің команда жеңімпаз атанып, «МТЗ Беларусь» тракторын иеленді. Сондай-ақ облыс әкімдігі ұйымдастырған байқауда «Үздік саялы жасыл бақ» номинациясын жеңіп алдық.</blockquote>– Сұхбатыңызға рақмет. Табиғатты қорғаудағы еңбектеріңіз жемісті болсын.Айсұлу АЛДАНАЗАРФото: freepik.com

Қазақстан және Қызылорда облысының жаңалықтары: Қоғам