<a href="https://kyzylorda-news.kz/">Kyzylorda-news.kz</a> «Өнер орталығында» облыс әкімі Нұрлыбек Нәлібаев құқық қорғау органдарының бірінші басшыларымен, Парламент Сенатының депутаттары Наурызбай Байқадамов, Руслан Рүстемовпен бірге Қызылорда қаласының тұрғындарын жеке мәселелері бойынша қабылдады.&nbsp;Мемлекет басшысы халыққа арнаған Жолдауында: «Билік пен қоғам арасында тұрақты диалог орнату арқылы ғана қазіргі геосаяси ахуалға бейімделген үйлесімді мемлекет қалыптастыруға болады» деп атап өтті.&nbsp;Кейінгі уақытта азаматтарды жеке қабылдау мемлекеттік органдар мен тұрғындар арасында тікелей және шынайы диалог орнатудың маңызды құралына айналды. Бұл – нақты мәселені шешуге бастайтын пәрменді әрі тиімді тетік, қоғаммен байланыс жасаудың жүйелі жолы. Осындай жеке қабылдауларда жұртшылық өзін толғандырған мәселелерді көтеріп, оның заң аясында шешілу жолдары туралы нақты ақпарат алады.&nbsp;Бүгінгі қабылдауға келгендердің басым бөлігі тұрғын үй, несие, денсаулық, әлеуметтік көмек, жер мәселелерін көтерді.&nbsp; Көпбалалы ана Асфендияров көшесіне газ желісін жүргізіп және жарықтандырып беруді сұрады. Аймақ басшысы қала әкіміне «ҚазТрансгазаймақ» мекемесінің басшылығымен бірге барып, жағдайды зерделеуді, табиғи газға қолы жетпеген тұрғындар мәселесін шешуді тапсырды. Жақын күндері Асфендияров көшесіне газ тартылып, &nbsp;оған қоса демеушілік есебінен жарықтандырылады.&nbsp;Жарқынбаев көшесінің тұрғыны көше бойына жылдамдық бәсеңдеткіш орнату туралы өтініш білдірді. Бұл жерге белгі орнатпас бұрын жол қозғалысы қауіпсіздігі мен кептелістің алдын алу үшін жан-жақты зерделенеді. &nbsp;Қалалық полиция басқармасымен бірлесіп, тиісті жұмыс жүргізіледі.<img src="https://knadmin.beoblood.kz/uploads/ala_t_r_yndaryn_abyldau_2_e76130fdcb.jpg" alt="Қала тұрғындарын қабылдау 2.jpg">Сол жағалау тұрғыны ипотекамен алған пәтеріне жоғары қабатта адам тұрмағандықтан, су кеткенін айтты. Аймақ басшысы тұрғын үйді салған мердігер мекемеге мәселені шешу туралы тапсырма берді. &nbsp;Еске салайық, облыс әкімі &nbsp;2022 жылдан бері облыстық сот төрағасы, облыс прокуроры, ҰҚҚ Қызылорда облысы және Байқоңыр қаласы бойынша департаменті, &nbsp;облыс бойынша экономикалық тергеп-тексеру департаменті, облыстық полиция департаменті басшыларымен бірге жылына екі рет Қызылорда қаласы мен аудандарда тұрғындарды жеке қабылдау өткізіп келеді. Облыс әкімі мен құқық қорғау органдары басшыларының айына бір рет жұртшылықты қабылдаулары да жоспарланған. Оған қоса, облыс әкімінің орынбасарлары аталған құқық қорғау органдары басшыларының орынбасарларымен бірге тоқсанына бір рет халықпен кездеседі.Жеке қабылдауларға тек алдын ала жазылушылар ғана емес, әлеуметтік желіден хабардар болған көпшілік те келеді. Қабылданатын адам санына немесе уақытқа шектеу жоқ, ең соңғы келушіге дейін күтіп, ой-пікірін айтуға мүмкіндік ұсынылады. &nbsp;Негізінен тұрғындардың мәселелерін сол жерде шешуге басымдық беріледі. Кейбір сұрақтардың жауабы түсіндіріледі, бірқатарының шешу жолдары көрсетіледі. Егер орындалуы белгілі бір уақытты талап ететін болса, жауапты тұлғаларға міндет жүктеледі. Ұсыныс-пікірін, өтінішін жеткізушілердің сауалдары назардан тыс қалмайды. Қабылдауда қозғалған мәселелердің барлығы облыс әкімінің ұдайы бақылауында болады.&nbsp;Ашықтық қағидатына негізделген қабылдау барысында 130 астам азаматтың өтініші қаралды. Оның ішінде облыс әкіміне 60 тұрғын жеке сұрақтарын қойды.<img src="https://knadmin.beoblood.kz/uploads/ala_t_r_yndaryn_abyldau_3_249fa51728.jpg" alt="Қала тұрғындарын қабылдау 3.jpg">

Жеке қабылдауда қала тұрғындарының түйткілді мәселелері шешімін тапты

<a href="https://kyzylorda-news.kz/">Kyzylorda-news.kz</a> Жамбыл және Алматы облыстарының шекарасында жер сілкінісі тіркелді, деп хабарлайды <a href="https://kaz.nur.kz/accidents/emergency/2328268-qazaqstannyng-eki-oblysynyng-shekarasynda-zher-silkinisi-tirkeldi/">KAZ.NUR.KZ.</a>Қазақстан ұлттық деректер орталығы ресми сайтының мәліметі бойынша, 2026 жылдың 5 қаңтарында Астана уақыты бойынша сағат 10:15-те (GMT бойынша сағат 5:15) Отар ауылынан солтүстікке қарай 30 км жерде жер сілкінісі болды. Магнитудасы – 3,7, ал энергетикалық класы – 8,8.Естеріңізге сала кетейік, 2025 жылдың 4 желтоқсанында Алматыда 3 балдық жер сілкінісі сезілді. Жер сілкінісінің эпицентрі Алматыдан оңтүстік-шығысқа қарай 277 км жерде – Қытайда орналасқан. Жер сілкінісі Алматы, Жамбыл және Жетісу облыстарында да сезілді.Фото: pixabay.com

Қазақстанның екі облысының шекарасында жер сілкінісі тіркелді

<a href="https://kyzylorda-news.kz/">Kyzylorda-news.kz</a> 2025 жылғы желтоқсан айының қорытындысы бойынша теңге бағамы 1 АҚШ доллары үшін 505,73 теңгеге дейін 1,3 пайызға нығайды. Бұл туралы Ұлттық банктің валюта нарығына қатысты ақпараттық хабарламасында айтылған.Қазақстан қор биржасындағы сауда-саттықтың орташа күндік көлемі бір ай ішінде 280 млн АҚШ долларынан 359 млн АҚШ долларына дейін артты. Желтоқсан айындағы сауда-саттықтың жалпы көлемі 7,9 млрд АҚШ долларын құрады.Жалпы 2025 жылдың қорытындысы бойынша теңге бағамы 1 АҚШ доллары үшін 525,10 теңгеден 505,73 теңгеге дейін нығайып, жылдық өсім 3,7 пайызды құрады. Валюта нарығындағы сауда-саттықтың жиынтық көлемі жылдық есеппен 15 пайызға ұлғайып, 63 млрд АҚШ долларына жеткен.Республикалық бюджетке трансферттерді қамтамасыз ету және «Талдықорған – Үшарал» магистральдық газ құбырын салу жөніндегі инфрақұрылымдық жобаны қаржыландыру мақсатында 2025 жылғы желтоқсанда Ұлттық қордан 400 млн АҚШ долларына валюта сатылған. Бұл жалпы сауда көлемінің шамамен 5 пайызына немесе күніне орта есеппен 18 млн АҚШ долларына тең. Жалпы алғанда, 2025 жылы Ұлттық қордан 8,2 млрд АҚШ долларына валюта сатылды.Үкіметтің республикалық бюджетке трансферттерді конвертациялау жөніндегі алдын ала болжамды өтінімдеріне сәйкес, 2026 жылғы қаңтар айында Ұлттық банк Ұлттық қордан 350-450 млн АҚШ доллары көлемінде валюта сатады деп күтіліп отыр.<blockquote>- Айналау операциялары аясында желтоқсан айында 475 млрд теңге алынды. 2025 жылы алтын-валюта резервтерінен айналау операциялары арқылы сатылған валютаның көлемі 7 млрд АҚШ долларын құрады.2025 жылы алынбай қалған өтімділікті ескере отырып, айналау операциялары мен мемлекеттің басым құқықты жүзеге асыруынан туындайтын болжамды эмиссияны бейтараптандыру, сондай-ақ алтын бағасының елеулі өсуі аясында 2026 жылғы бірінші тоқсанда шамамен 1,1 трлн теңге баламасында шетел валютасын сату жоспарланып отыр, - делінген ақпаратта.</blockquote>Ұлттық банк Ұлттық қор қаражатымен операциялар жүргізу кезінде және айналау тетігін іске асыру барысында нарықтық бейтарап қағидатты ұстанатынын атап өтті. Бұл шетел валютасын тұрақты әрі біркелкі сатуды көздейді.Желтоқсан айында Ұлттық банк валюталық интервенция жүргізген жоқ. Сонымен қатар квазимемлекеттік сектор субъектілерінің валюталық түсімінің бір бөлігін міндетті сату нормасы аясында өткен айда шамамен 315 млн АҚШ доллары сатылған.БЖЗҚ валюталық активтерінің үлесі 40 пайыздан жоғары екенін ескере отырып және бұрын жарияланған жоспарға сәйкес, желтоқсан айында зейнетақы активтерінің инвестициялық портфеліне АҚШ долларын сатып алу жүргізілген жоқ. Қаңтар айында да валюта сатып алу жоспарланбайды.Ұлттық банк валюта нарығында жүргізілетін операциялар туралы ақпаратты ашық түрде жариялауды жалғастыратынын мәлімдеді. Қысқамерзімді кезеңде теңге бағамының динамикасы нарық қатысушыларының күтулеріне, тоқсандық салық төлемдеріне, әлемдік нарықтардағы жағдайға және геосаяси ахуалға байланысты болмақ. Ұлттық банк алтын-валюта резервтерінің сақталуын қамтамасыз етуге бағытталған икемді айырбас бағамы режимін ұстануды жалғастырады.Фото: Нұрболат Нұржаубай

Валюта нарығындағы ахуал: теңге желтоқсанда нығайды  

<a href="https://kyzylorda-news.kz/">Kyzylorda-news.kz</a> Соңғы бес жылдың ішінде Қазақстанда онкологиялық аурулардан болатын өлім көрсеткіші 20%-ға азайды. Бұл нәтижелерге 2023–2027 жылдарға арналған онкологиялық аурулармен күрес жөніндегі кешенді жоспарды іске асыру аясында қол жеткізілген. Бұл туралы Денсаулық сақтау министрлігі мәлімдеді, деп хабарлайды <a href="https://baq.kz/qazaqstanda-onkologiyalyq-aurulardan-bolatyn-olim-20-ga-tomendedi-200028737/">BAQ.KZ</a> тілшісі.Денсаулық сақтау жүйесінде жүргізілген жүйелі реформалар алдын алу, ерте диагностика және жоғары технологиялық емдеу тәсілдерін бір арнаға тоғыстырып, обырмен күрестің тиімділігін арттырды.Негізгі көрсеткіштер мен оң динамика2025 жылы елде обырдың 42 мыңнан астам жаңа жағдайы тіркелді. Бұл соңғы бес жылдағы орташа көрсеткіштен 7,8 пайызға жоғары, алайда мамандар мұны сырқаттанушылықтың өсуімен емес, анықтау деңгейінің жақсаруының нәтижесі деп түсіндіреді.Қазіргі таңда 246 205 пациент динамикалық бақылауда тұр. Олардың 55 пайыздан астамы еңбекке қабілетті жастағы азаматтар, бұл онкологиялық көмектің әлеуметтік-экономикалық маңызын арттыра түседі.Соңғы жылдары емнің тиімділігі де айтарлықтай өсті. Бес жыл және одан да ұзақ өмір сүретін пациенттердің үлесі 63 пайызға жетті, ал ерте диагностика деңгейі 33 пайыздан асты. Өлім-жітім көрсеткіші 100 мың тұрғынға шаққанда 61 жағдайға дейін төмендеді.Инфрақұрылым мен технологияға ірі инвестицияКешенді жоспар аясында онкологиялық қызметке 30,4 млрд теңге бағытталды. Соның нәтижесінде елімізде 6 жаңа сызықтық үдеткіш іске қосылып, сәулелік терапиямен қамту деңгейі 61 пайызға жетті.Медицинада адаптивті және 4D-сәулелік терапия сияқты заманауи емдеу әдістері енгізілді. Сонымен қатар Қызылорда мен Ақтау қалаларында екі ПЭТ/КТ орталығы ашылып, нақты әрі ерте диагностикаға жол ашылды.Пациенттер үшін аса маңызды бағыт- дәрі-дәрмекке қолжетімділік те кеңейтілді. Мақсатты және иммундық-онкологиялық препараттардың 7 атауы тегін медициналық көмек аясында қолданысқа енгізілді. Қазіргі таңда 17 онкология орталығында госпитальдық фармация орталықтары жұмыс істейді.Ерте анықтау мен алдын алуға басымдықАсқазан-ішек жолдарының обырын ерте анықтау мақсатында 19 эндоскопиялық сараптама орталығы құрылды. Онкоскринингтер сақтандырылмаған халық үшін де қолжетімді, бұл әлеуметтік теңдікті қамтамасыз етуге бағытталған маңызды қадам.2026 жылдан бастап елімізде төмен дозалы КТ мен жасанды интеллектті қолдану арқылы өкпе обырына арналған пилоттық скрининг іске қосылады. Сонымен бірге шалғай өңірлерде жылжымалы медициналық кешендер жұмыс істеп, олардың желісі кезең-кезеңімен кеңейіп келеді.Кадрлар даярлау және халықаралық ынтымақтастықҚазақстан онкология саласында халықаралық тәжірибені белсенді енгізіп келеді. Түркия, Қытай, Ресей, Өзбекстан, Әзірбайжан және Қырғызстанның жетекші онкология орталықтарымен ынтымақтастық орнатылған.Кешенді жоспар аясында 35 қазақстандық маман шетелде оқудан және тағылымдамадан өтті, бұл отандық кадрлардың біліктілігін арттыруға және жаңа технологияларды меңгеруге мүмкіндік берді.Мамандардың айтуынша, кешенді жоспарды іске асырудың басты жетістігі -онкологиялық көмекті алдын алу мен ерте анықтаудан бастап, жоғары технологиялық емдеу мен дәрі-дәрмекпен қамтамасыз етуге дейінгі біртұтас жүйе ретінде қалыптастыру болды.Аида БАТУХАНФото: Нұрболат Нұржаубай

Қазақстанда онкологиялық аурулардан болатын өлім 20%-ға төмендеді

<a href="https://kyzylorda-news.kz/">Kyzylorda-news.kz</a> &nbsp;Мәжіліс депутаты Асхат Аймағамбетов 2026 жылға арналған жоспарлары туралы мәлімдеді, деп хабарлайды <a href="https://baq.kz/aymagambetov-2026-zhyly-azamattardyn-omirin-zhenildetetin-ozgerister-bolatynyn-aytty-200028733/">BAQ.KZ </a>тілшісі.Депутаттың айтуынша, алдағы жылы азаматтардың өмірін нақты жеңілдетуге бағытталған бірқатар маңызды заңнамалық бастама қолға алынады.Қазіргі таңда біз көптеген азаматтардың өмірін шынайы түрде жеңілдетуге бағытталған заңдар топтамасымен жұмыс істеп жатырмыз. Мемлекет басшысының тапсырмалары аясында бірқатар маңызды бастама іске асырылады. Толығырақ жақын арада жеке жазбаларда бөлісемін. Бірқатар бастама бойынша Үкіметтегі әріптестермен өзара түсіністік бар, – деді ол.Сонымен қатар Асхат Аймағамбетов білім және ғылым саласындағы мәселелерді қайтадан белсенді түрде талқылауды жоспарлап отырғанын айтты. Оның сөзінше, бұл бағытта бірнеше жылдық үзіліс саналы түрде жасалған.<blockquote>Бұл саладан кеткен соң 3-4 жыл үзіліс алдым. Ол кезде бірден жүйелі пікір білдіру дұрыс емес деп санадым. Алайда уақыт өтіп жатыр, ал ел алдында тұрған сын-қатерлер өте ауқымды. Осы кезең жеткілікті болды деп ойлаймын. Қазір үнсіз қалу – көмектеспеу деген сөз, – деді депутат.</blockquote>Ол жасанды интеллект пен цифрландырудың әлеуметтік сала үшін де аса маңызды екенін атап өтті. Депутат бұл бағытта тәуелсіз әрі кәсіби көзқарас қажет екенін жеткізді.<blockquote>Басты міндет – талдау жасап, нақты шешімдер мен идеялар ұсыну, елге пайдалы бастамаларды қолдау, – деді ол.</blockquote>Асхат Аймағамбетов алдағы уақытта ақпаратты тек мәтін түрінде ғана емес, видео форматта да жиі ұсынатынын айтып, қоғамды ашық әрі мазмұнды диалогқа шақырды.Фото: Ғазиз ШакировҚазақпарат

Аймағамбетов 2026 жылы азаматтардың өмірін жеңілдететін өзгерістер болатынын айтты

<a href="https://kyzylorda-news.kz/">Kyzylorda-news.kz</a> Жаңа жыл мерекесі кезеңінде Қызылорда облысында тұрғындардың қауіпсіздігі мен тыныштығын қамтамасыз ету мақсатында барлық жедел және коммуналдық қызметтер тәулік бойы, күшейтілген режимде жұмыс істеді. Бұл туралы Өңірлік коммуникациялар қызметінің ақпарат алаңында өткен баспасөз конференциясында сала басшылары жан-жақты ақпарат берді.Баспасөз конференциясында спикерлер мереке күндері қызмет атқарған барлық қызмет өкілдеріне алғыс білдіріп, тұрғындарды өрт, су және мұздағы қауіпсіздік талаптарын сақтауға шақырды.<blockquote>«Облыс бойынша мереке күндері барлығы 75 жедел жәрдем тобы жұмыс істеді. Сонымен қатар, мереке күндері БМСК ұйымдарының жанынан 29 мобильдік топ қысқартылған режимде қызмет көрсетті. 2025 жылғы 31 желтоқсан мен 2026 жылғы 4 қаңтар аралығында «103» желісіне 6700 шақыру түсіп, толық орындалды. Осы кезеңде 1896 науқас ауруханаға жеткізілді, оның 826-сы балалар. Травмпунктке 258 адам жеткізілді. Сондай-ақ тұрмыстық жарақат алған 213 тұрғынға жедел көмек көрсетілді. Қалыпты босануға 95 әйел жеткізіліп, үйде босану дерегі тіркелген жоқ. Айта кетерлігі, жаңа жыл түні Қызылорда облысында 54 сәби дүниеге келді. Оның 25-і ұл, 29-ы қыз бала», - деді облыстық денсаулық сақтау басқармасы басшының орынбасары Жаңыл Абубакирова.</blockquote>Жаңа жыл мерекесі кезеңінде атқарылған жұмыстардың нәтижесінде өңірде қоғамдық тұрақтылық пен тұрғындардың қауіпсіздігі толық қамтамасыз етілді.<blockquote>«Қызылорда облысының Төтенше жағдайлар департаменті де мереке күндері күшейтілген кезекшілік режиміне көшті. Осы уақыт аралығында департамент бөлімшелері 22 рет жедел шақыртуға шықты. Тіркелген төтенше жағдайлардың барлығы техногендік сипатта болды. Облыс бойынша орта есеппен 164 қызметкер, 45 техника, ұшқышсыз ұшу аппараттары мен тікұшақ жұмылдырылды. Республикалық және облыстық маңызы бар автожолдарда төтенше жағдайлар тіркелген жоқ», - деді ТЖД мемлекеттік өрт бақылау басқармасының бастығы Асхат Оразбеков.</blockquote>Мереке күндері облыс әкімі аппаратының «Жедел әрекет ету орталығы» мекемесі 109 және 112 бірыңғай байланыс нөмірлері арқылы күшейтілген режимде жұмыс жүргізді.<blockquote>«Барлық өтініштер дер кезінде қабылданып, жауапты органдарға жолданды. &nbsp;«112» желісіне барлығы 3583 хабарлама түсіп, оның 1615-і шұғыл сипатта болды. Ал «109» желісіне 1973 өтінім түсіп, оның 96,5 пайызы орындалды. Өтініштердің басым бөлігі электрмен жабдықтау, су, газ, жылу жүйесіне қатысты. Халықтың өтініштеріне уақытылы және сапалы жауап беру басты назарда болды», - деді орталық директоры Бағлан Терлікбаев.</blockquote>

Мереке күндері жедел қызметтер күшейтілген режимде жұмыс істеді

<a href="https://kyzylorda-news.kz/">Kyzylorda-news.kz</a> &nbsp;Мемлекеттік кірістер комитеті 2026 жылдан бастап қолданысқа енген Салық кодексіндегі көлік салығына қатысты өзгерістерді атап өтті. Бұл туралы <a href="https://stan.kz/2026-zhilga-arnalgan-kolik-saligi-kanday-ozgerister-eng-428515/">Stan.kz</a> ақпарат агенттігі хабарлайды.Комитет мәліметіне сәйкес, жеңіл автокөліктер бойынша көлік салығын есептеу кезінде пайдалану мерзімі 10 жылдан 20 жылға дейін болған жағдайда 0,7 түзету коэффициенті, ал 20 жылдан асқан жағдайда 0,5 коэффициенті қолданылады. Көлік салығы жылдың қорытындысы бойынша төленетінін ескере отырып, төмендетілген коэффициенттерді қолдана отырып есептелген салық сомасы 2026 жыл үшін 2027 жылы есептелетін болады.<blockquote>“Сонымен қатар, қозғалтқыш көлемі 3000 текше сантиметрден асатын, 2013 жылғы 31 желтоқсаннан кейін Қазақстан Республикасында өндірілген (дайындалған немесе құрастырылған) немесе 2013 жылғы 31 желтоқсаннан кейін Қазақстан Республикасының аумағына әкелінген жеңіл автокөліктер үшін салық мөлшерлемелері алынып тасталды. Шаруа немесе фермер қожалықтары басқа да жеңілдіктерге қосымша ретінде бір шаруа немесе фермер қожалығына бір дана жүк платформасы және жүк бөлігінен қатты стационарлық қалқамен бөлінген жүргізуші кабинасы бар жеңіл моторлы көлік құралы (пикап автомобиль) бойынша көлік салығын төлеуден босатылады”, – делінген хабарламада.</blockquote>Көлік құралдарының түріне (пикаптар, джиптер, лимузиндер, фургондар) байланысты көлік құралдарының санаттарына жатқызу жөніндегі норма алып тасталды, сондай-ақ көлік құралдарының санаты көлік құралын тіркеу туралы куәлікте көрсетілген көлік құралын басқару құқығының санатына (A, B, C, D) сәйкес айқындалатын болды.<blockquote>“Салықтық есептілік нысандарының санын қысқарту мақсатында көлік құралдары салығы бойынша ағымдағы төлемдер есебін (салықтық есептілікті) ұсыну міндеті алып тасталды. 2026 жылдан бастап салық төлеуші тек жылдық декларацияны ғана тапсыратын болады және тиісінше салықты жыл қорытындысы бойынша бір рет төлейді”, – деп қосты комитет өкілдері.&nbsp;</blockquote>Фото: freepik.com

2026 жылға арналған көлік салығы: Қандай өзгерістер енгізілді

Президент: Қазақстан жаңғырудың жаңа кезеңіне қадам басты

<a href="https://kyzylorda-news.kz/">Kyzylorda-news.kz</a> "Қазгидромет" РМК синоптиктері ертең, 5 қаңтарда елдің басым бөлігінде қолайсыз ауа райына байланысты ескерту жасады, деп хабарлайды <a href="https://baq.kz/5-qantarda-birqatar-onirde-aua-rayyna-baylanysty-eskertu-zhasaldy-200028709/">BAQ.KZ.</a>Қызылорда облысының шығысында, орталығында тұман, көктайғақ күтіледі. Қызылорда қ: 05 қаңтарда кей уақытта тұман, көктайғақ күтіледі.Фото: Нұрболат Нұржаубай

Қазгидромет: Бірқатар өңірде ауа райына байланысты ескерту жасалды

Биыл бірнеше ұзартылған демалыс кезеңі болмақ. &nbsp;Фото: pixabay.com2026 жылы Қазақстанда мерекелік күндердің ауысуы мен қосымша демалыстар жоспарланып отыр.&nbsp;Жаңа жылдан бастап бірнеше мереке демалыс күндеріне сәйкес келіп, соның есебінен қосымша демалу мүмкіндігі туады, деп хабарлайды <a href="http://sn.kz/">Sn.kz</a> ақпарат порталы.2026 жылғы негізгі демалыс және мерекелік күндер тізбегі мынадай:1-2 қаңтар&nbsp;— Жаңа жыл (сәрсенбі мен бейсенбі).8 наурыз&nbsp;— Халықаралық әйелдер күні жексенбіге түсіп тұр, сондықтан&nbsp;9 наурыз, дүйсенбі — демалыс.21-23 наурыз&nbsp;— Наурыз мерекесі. Бұл демалыстар сенбі мен жексенбіге түсуіне байланысты,&nbsp;24 және 25 наурыз&nbsp;күндері де демалуға мүмкіндік береді.1 мамыр&nbsp;— Қазақстан халқының бірлігі күні (жұма).7 мамыр&nbsp;— Отан қорғаушылар күні (бейсенбі).9 мамыр&nbsp;— Жеңіс күні сенбіге сәйкес келіп тұр, сондықтан&nbsp;11 мамыр, дүйсенбі — демалыс.6 шілде&nbsp;— Астана күні (дүйсенбі).30 тамыз&nbsp;— Конституция күні жексенбіге келіп тұр,&nbsp;31 тамыз, дүйсенбі — демалыс болады.25 қазан&nbsp;— Республика күні де жексенбіге түсіп,&nbsp;26 қазан&nbsp;күні демалысқа ауыстырылады.16 желтоқсан&nbsp;— Тәуелсіздік күні (сәрсенбі), бұл күн ресми түрде демалыс болып саналады.Биыл бірнеше ұзартылған демалыс кезеңі болмақ. Осы мүмкіндікті алдын ала жоспарлап, демалысты тиімді өткізуге болады.

2026 жылы қазақстандықтарды қандай демалыс күндері күтіп тұр?

Фото: freepik.com<h2 style="margin-left:0px;">Қазақстанда биыл білім беру саласына жасанды интеллектіні (ЖИ) енгізу жұмыстары күшейтілмек. Бұл туралы<a href="http://stan.kz/"> Stan.kz </a>ақпарат агенттігі хабарлайды.&nbsp;</h2>Оқу-ағарту вице-министрі Асылбек Ахметжановтың айтуынша, министрлік ұлттық цифрлық профильдер жүйесін және Ұлттық білім беру платформасын құруға кірісті.&nbsp;“Осы мақсатта Ұлттық білім беру деректер базасы жаңғыртылады. Ол барлық LMS жүйесі, яғни электронды күнделіктер мен журналдар үшін бірыңғай деректер қоймасына айналады. Бұл барлық мәліметті QazTech мемлекеттік бұлтты платформасында шоғырландыруға мүмкіндік береді”, – деді Ахметжанов.&nbsp;Оның айтуынша, бұл мұғалімдердің күнделікті жұмыс жүктемесін азайтады. Мәселен, Жасанды интеллект агенттері педагогикалық кеңестерге дайындық кезінде көмек көрсете алады.“2026–2027 оқу жылынан бастап пилоттық өңірлердегі шағын жинақты мектептерге арналған Qazaq Digital Mektebi жобасы іске қосылады. Бұл жоба аясында Жасанды интеллект репетиторлары да қолданылады. 2026 жыл бойы 200 мыңнан астам педагог жасанды интеллектпен жұмыс істеудің практикалық дағдыларын меңгереді”, – деді Асылбек Ахметжанов.Сонымен қатар, оқушылар арасында жасанды интеллект сауатын арттыруға ерекше назар аударылатыны айтылды.

Елімізде енді оқушыларды жасанды интеллект репетиторлары оқытады

Фото: Видеодан скрин<h2 style="margin-left:0px;">Теміртауда көпқабатты тұрғын үйдің кіреберісіндегі шыршаны өртеп жіберген ер адам 10 тәулікке қамалды. Бұл туралы <a href="http://stan.kz/">Stan.kz</a> ақпарат агенттігі хабарлайды.</h2>Қарағанды облысы полиция департаментінің мәліметінше, Теміртау қалалық әкімшілік сотында 33 жастағы қала тұрғынына қатысты іс қаралды. Сот шешімімен құқық бұзушыға 10 тәулікке әкімшілік қамауға алу жазасы тағайындалды. Бұған дейін желіде Теміртау қаласында ер адамның <a href="https://stan.kz/temirtauda-er-adam-tyrgin-uy-kireberisindegi-shirshani-428498/">тұрғын үйлердің бірінің кіре берісіндегі жаңажылдық безендірулерді&nbsp;</a>әдейі бүлдіргені түсірілген видео тараған еді. Тексеру барысында полиция қызметкерлері құқық бұзушының жеке басын анықтап, оның осы үйдің 33 жастағы тұрғыны екенін анықтаған.&nbsp;Тексеру аяқталған соң жиналған материалдар сотқа жолданып, сот тиісті процессуалдық шешім қабылдады.&nbsp;

Қазақстан және Қызылорда облысының жаңалықтары: Қоғам