<h2>Еңбек және халықты әлеуметтік қорғау министрі Светлана Жақыпова&nbsp;депутат&nbsp;Гауһар Танашеваның әрбір балаға жәрдемақы ретінде 70 мың теңгеден төлеу туралы ұсынысына қатысты пікір білдірді. Бұл туралы <a href="https://stan.kz/">Stan.kz</a> ақпарат агенттігі хабарлайды.&nbsp;</h2>Фото: freepik.comСветлана Жақыпова министрліктің белгілі бір көлемде бюджет қаражатын қажет ететін өзгерістер пакетін әзірлеп жатқанын мәлімдеді.&nbsp;"Бірақ&nbsp;қазір&nbsp;бизнес-процестерді цифрландыру&nbsp;және мемлекеттік қажетсіз немесе&nbsp;қайталанатын функцияларды оңтайландыру арқылы бизнес-процестерді өзгертіп&nbsp;жатырмыз. Тиісінше, біз бұл бюджетті оңтайландыруымыз керек, содан кейін ғана балаларды&nbsp;табыспен қамтамасыз ету мәселесіне келуіміз қажет. Бұл шешім қазір қабылданса, салық төлеушілерге үлкен жүк болатынын айта кету&nbsp;керек", –&nbsp;деді министр.Светлана Жақыпованың айтуынша,&nbsp;бүгінде&nbsp;әлеуметтік қажеттіліктерге арналған&nbsp;бюджет 6 триллион теңгеге жуықтайды, бұл республикалық бюджеттің 38%."Егер шартсыз қосымша төлемдер енгізілсе, кем дегенде тағы 3 триллион теңге қажет болады, бұл салықты көтеру керек дегенді білдіреді", –&nbsp;деді министр.&nbsp;Еске салсақ, бұған дейін қазақстандық сарапшылардың әлеуметтік жағдайға қарамай, <a href="https://stan.kz/kazakstandik-sarapshilar-aleumettik-zhagdayga-karamay-b-404522/">барлық балаға жәрдемақы тағайындауды</a> ұсынғаны туралы жазған едік.&nbsp;

Әр балаға 70 мың теңгеден жәрдемақы берілсін: Министр депутаттың ұсынысына жауап берді

2025 жылдан бастап елімізде мүгедектікті растау жеңілдейді, деп хабарлайды <a href="https://baq.kz/qazaqstanda-mugedektikti-rastau-zhenildeydi-200000548/">BAQ.KZ</a> &nbsp;тілшісі.<blockquote>Аяғынан, қолынан айырылған азаматтардың отасы өткен күннен кейін оларға мүгедекті автоматты түрде мерзімсіз уақытқа тағайындаймыз. Яғни ол жеңілдейді. Оған қоса балаларға туған кезден бастап қойылған кейбір диагноздарына (мысалы, Даун синдромы) сол күннен бастап мерзімсіз уақытқа растау құжатын береміз, - деді Еңбек және халықты әлеуметтік қорғау министрі Светлана Жақыпова.</blockquote>Жақыпова қазіргі күні министрлік осындай 6 диагноздан жұмысты бастағанын айтты.Бұл шешімді Еңбек және халықты әлеуметтік қорғау министрлігі Денсаулық сақтау министрлігімен бірлесе әзірлеп жатыр.Жақыпованың айтуынша, енді осындай проблемасы бар шалғайда тұратын азаматтарымыздың мәселесі шешімін табады.Еске сала кетейік, осыған дейін Светлана Жақыпова мүгедектігі бар адамдар саны қай өңірде көп екенін айтты. Сондай ақ ол әлеуметтік қызмет сала қызметкерлері біліктілігін арттыру курстарынан өтетіні туралы да айтты.Фото: BAQ.KZ

Қазақстанда мүгедектікті растау жеңілдейді

<a href="https://kyzylorda-news.kz/">Kyzylorda-news.kz</a> Қызылордада «Тәрбие тал бесіктен» тақырыбында IХ Республикалық әкелер форумы өтті.Форумның мақсаты әкелердің балалардың тәрбиесіндегі, отбасындағы және қоғамдағы рөлін арттыру.Ер адамның бейнесін қалыптастырудағы әкенің рөлі мен жауапкершілігі талқыланған форумға зиялы қауым өкілдері, отбасы саясаты саласындағы сарапшылар, халықаралық ұйымдардың өкілдері, Республикалық әкелер одағының өңірлік жетекшілері, жергілікті атқарушы органдардың, ҮЕҰ мен БАҚ өкілдері, республиканың барлық өңірінен 150-ден аса делегат қатысты.Форумның алғашқы күнінде қонақтарға Қызылорда қаласының көрікті жерлері мен жаңадан бой көтерген әлеуметтік нысандар таныстырылса, екінші күні секциялық жұмыстар ұйымдастырылып, «Достық үйінде» пленарлық отырыспен қорытыланды.Форумға республикалық «Әкелер одағы» қоғамдық бірлестігінің төрағасы Мақсұтбек Айтмағамбет, ЮНФПА-ның Қазақстандағы атқарушы өкілі Райымбек Сисемалиев, «QAZAQSTAN ARDAGERLERI» ассоциациясының төрағасы Бақытбек Смағұл, ҚР Оқу-ағарту министрлігінің тәрбие жұмысы және қосымша білім беру департаментінің директоры Меруерт Медетбекова, ҚР Мәдениет және ақпарат министрлігі жастар және отбасы істері комитеті төрағасының орынбасары Біржан Әлімжанов, ҚР Туризм және спорт министрлігі Спорт және дене шынықтыру комитеті бұқаралық спортты дамыту басқармасының басшысы Жандос Мақсұтұлы, «Отбасы академиясының» негізін қалаушы, отбасылық психолог Ержан Мырзабаевтар арнайы шақыртылды. Жиынға қатысқан облыс әкімінің орынбасары Шахмардан Байманов форум қонақтарына облыс әкімінің лебізін жеткізді.Сондай-ақ, отбасы құндылығы мен киелі шаңырақ қасиетін жас ұрпақ санасына сіңіру, рухани-адамгершілік тәрбиені дәріптеу мақсатында аймақта атқарылып жатқан жұмыстарға тоқталды. Форум ҚР Президентінің жанындағы Әйелдер істері және отбасылық-демографиялық саясат жөніндегі ұлттық комиссиясының қолдауымен Қазақстан Республикасының Мәдениет және ақпарат министрлігі, Қызылорда облысы әкімдігінің және «Әкелер одағы» РҚБ ұйымдастыруымен, Қызылорда облысы әкімдігінің қолдауымен өткізілді. Алдағы уақытта Әкелер кеңесінің мәртебесін арттыру бағытында басқа өңірлерде форум өткізу жұмыстары жалғасын табатын болады.

Қызылордада ІХ республикалық әкелер форумы өтті

Қызылордада «AMANAT» партиясының бастамасымен, облыс әкімдігінің қолдауымен ауыл әкімдерінің форумы өтті.&nbsp;Жиынға «AMANAT» партиясының хатшысы Ержан Жылқыбаев, Парламент Сенатының депутаты Наурызбай Байқадамов, Ұлттық экономика министрлігі өңірлік даму департаментінің директоры Нұрлан Мақсұтов, барлық деңгейдегі әкімдер, облыстық мәслихат төрағасы мен депутаттары, басқарма, департамент және құқық қорғау органдарының басшылары қатысты.Форумда аймақ басшысы Нұрлыбек Нәлібаев ауыл әкімдерінің жұмысына қатысты нақты тапсырмалар жүктеді. «Мемлекет басшысы Қасым-Жомарт Кемелұлының Қазақстан Республикасы Президенті лауазымына кіріскеннен кейінгі ең алғашқы қол қойған Жарлығы &nbsp;«Ауылдық аумақтарды дамытудың 2023-2027 жылдарға арналған тұжырымдамасы» болды. Ауылдарды дамыту – мемлекеттік саясаттың маңызды стратегиялық мақсаттарының бірі.&nbsp; Президентіміз биылғы Жолдауында «Үкімет пен әкімдер экономиканың құрылымын өзгертуге баса назар аударуға тиіс. Басты мақсат – азаматтардың табысын арттыру» деп, аса жауапты міндеттер жүктеді.Қазір халық сайлады деп арқаны кеңге салып, қол қусыратын уақыт емес. Мемлекет басшысы «Бізге ешкім сырттан келіп, ештеңе жасап бермейтіні анық, бәрі өз қолымызда» &nbsp;деген болатын. Халыққа берген уәдені орындап, Президентіміздің Әділетті қоғамды қалыптастырудағы реформалары мен саясатын өздеріңіз басқаратын аумақта жүзеге асыру қажет.Ауыл тұрғындарының табысын арттыру үшін «Ауыл аманаты» жобасын тиімді іске асырыңыздар. Кәсіпкерлікті дамытуда жұртшылыққа мемлекеттік қолдауларды түсіндіріп, кәсібін ұйымдастыруға көмектесу қажет. Әрбір әкім өзі басқаратын елді мекендегі жұмыссыздар санын азайту, жаңа жұмыс орындарын ашу, халықтың табыс көзін арттыру, салық базасын ұлғайту секілді негізгі міндеттерге баса назар аударуы керек.Жер телімдері мақсатына сай пайдаланылуы, заңсыз немесе пайдаланылмай жатқан жер мемлекет меншігіне қайтарылуы тиіс, – деді аймақ басшысы.Бүгінде Президентіміздің, Үкіметтің ерекше қолдауының арқасында облыс бюджеті 744 млрд. теңгеден асты. Осыдан екі жыл бұрын 364 млрд. теңге болатын. Өсім 204,4 пайызды құрады.Бұл қаражат аймақтағы ең өзекті деген мәселелерді шешуге, тұрғындардың өмір сүру сапасын арттыруға және ауқымды инфрақұрылымдық жобаларды жүзеге асыруға жұмсалуда.Облыс халқын табиғи газбен қамту деңгейі 75 пайыз, қалалар мен аудан орталықтары және 29 ауылдық елді мекен газға қосылған. Биыл газдандыру жобаларына 30 млрд. теңге қаржы бөлінді. Аталған қаржыға 306 шақырым газ желілері салынды. Бұл 20 мыңнан астам халқы бар 17 елді мекенге «көгілдір отын» қосуға мүмкіндік береді.2022 жылдан бері ауыз сумен қамтуда 16 млрд. 800 млн. теңгенің 55 жобасы жүзеге асып, халыққа орталықтандырылған таза су беру деңгейі 98,6 пайызға жетті. Электр энергиясымен қамтуда 2022 жылдан бері 18 млрд. теңгенің 70 жобасы іске қосылды, биылдың өзінде 11 млрд. теңгеге 38 жоба қолға алынды. Бұл электр желілерінің тозуын 62 пайызға төмендетеді. Аймақта 43 млрд теңгеден астам қаржыға 300 шақырымға жуық автомобиль жолдары мен көпір өткелдері жөндеуден өтуде. «Ауылдық денсаулық сақтауды жаңғырту» ұлттық жобасы аясында 27 нысан салынуда. Өткен жылы елді мекендерде 16 жаңа дәрігерлік амбулатория ел игілігіне табысталды.&nbsp; Басқосуда ,«AMANAT» партиясының хатшысы Ержан Жылқыбаев, Парламент Сенатының депутаты Наурызбай Байқадамов, Ұлттық экономика министрлігі өңірлік даму департаментінің директоры Нұрлан Мақсұтов, партияның Қызылорда облыстық филиалының төрағасы Алмасбек Есмаханов сөз сөйледі.Жиын соңында өңірдің әлеуметтік-экономикалық дамуына қосқан үлесі, ел мүддесі жолында атқарған еңбегі үшін аудан әкімдері, сала басшылары мен мамандары Президенттің Алғыс хатымен марапатталды.

Қызылорда облысында ауыл әкімдерінің форумы өтті

<a href="https://kyzylorda-news.kz/">Kyzylorda-news.kz</a> Мемлекеттік қызмет атқару қоғам мен мемлекет тарапынан ерекше сенім білдіру болып табылады және мемлекеттік &nbsp;қызметшілердің моральдық-әдептілік бейнесіне &nbsp;жоғары талаптар қояды. Қоғам мемлекеттік қызметші өзінің барлық күш-жігерін, білімі мен тәжірибесін өзі жүзеге асыратын кәсіби қызметіне жұмсайды, әрі Қазақстан Республикасына қалтқысыз, адал қызмет етеді деп сенеді.Қазақстан Республикасы мемлекеттік қызметшілерінің әдеп кодексі Қазақстан Республикасының Конституциясына, «Қазақстан Республикасының мемлекеттік қызметі туралы» «Сыбайлас жемқорлыққа қарсы іс-қимыл туралы» Қазақстан Республикасының заңдарына, жалпы қабылданған моральдық-әдептілік нормаларына сәйкес мемлекеттік қызметшілердің моральдық-әдептілік &nbsp;бейнесіне қойылатын жалпы қабылданған талаптарды, сондай-ақ олардың мінез-құлқының негізгі стандарттарын белгілейді. Аталған кодекс халықтың мемлекеттік органдарға сенімін нығайтуға, мемлекеттік қызметте өзара қарым-қатынастың жоғары мәдениетін &nbsp;қалыптастыруға және мемлекеттік қызметшілердің әдепсіз &nbsp; мінез-құлық жағдайларының алдын алуға бағытталған.Мемлекетік қызметшілер мемлекеттік қызмет немесе сыбайлас жемқорлыққа қарсы саясат саласында болып жатқан өзгерістердің &nbsp;мәнін әртүрлі себептерге байланысты, мысалы негізгі қызмет бағыты бойынша жүктеменің көптігімен, арнайы заң білімінің болмауы себебімен және т.б. сесбептермен толық түсіне бермеуі мүмкін. Осыған орай, мемлекеттік қызмет туралы, сыбайлас жемқорлыққа іс-қимыл туралы заңнама және Әдеп кодексі талаптарын сақтау мәселелері бойынша мемлекеттік қызметшілерге консультативтік көмек көрсету әдеп жөніндегі уәкілге жүктелген негізгі функциялардың бірі болып табылады. Консультативтік көмек жеке-бағытталған жұмыс болып табылады және мемлекеттік қызметші үшін жеке қабылдауды ұйымдастыру, әңгімелесуді жүргізу.Қызылорда облысы бойынша ішкі мемлекеттік аудит департаментінің Әдеп жөніндегі Уәкілі туралы ақпарат баршаға көрінетін жерде (яғни аты-жөні, фотосуреті, кабинет номірі, телефондары туралы мәліметтер) ғимаратқа кіре берісінде орналастырылған. Қазақстан Республикасы Қаржы министрлігінің «Рухани жаңғыру» «Өзгерістерді өзіңнен баста» бағдарламасын іске асыру шеңберінде департаменттің қызметкерлері қоғамдық-мәдени іс-шараларға қатысып отырады.&nbsp;Ұлттық мерекелер департаменттің ұжымы арасында атап өтіледі, осы іс-шараның өзі ұжымдағы моральдық-психологиялық жағдайына, қызметкерлер арасындағы жақсы қарым-қатынас орнауына әсерін тигізетіні сөзсіз.Сондай-ақ Әдеп жөніндегі уәкілдердің қызметін одан әрі жетілдіру мақсатында, Қазақстан Республикасы Қаржы министрлігінің Әдеп жөніндегі Уәкілінен «Рухани жаңғыру» «Өзгерістерді өзіңнен баста» бағдарламасын іске асыру үшін мемлекеттік қызметшілер арасында оқуға ұсынылатын әдебиеттер тізімі жолданды, әдебиеттер тізімі әрбір мемлекеттік қызметкердің назарына жеткізілді және де әдеп нормаларының бұзушылықтарының алдын алу бойынша тиісті шаралар қабылдау үшін әрбір мемлекеттік қызметшінің әдеп қағидаларын сақтау міндеттілігі туралы жеке парасаттылық декларациясымен таныстырылды. &nbsp; &nbsp;&nbsp;Әдеп жөніндегі уәкілдің жұмыс жоспарына сәйкес ағымдағы жылы ұжымның тарихи-мәдени орталықтарға, кітапханаларға баруы жоспарланып отыр. Әдеп нормаларының тәртібін сақтау қағидаларына негізделген, және де моральдық-психологиялық ахуалды қалыптастаруға бағытталған іс-шаралар департаменттің әдеп жөніндегі уәкілімен одан әрі жалғасатын болады. Т.Абенов,&nbsp; Қызылорда облысы бойынша ішкі&nbsp; мемлекеттік аудит департаментінің&nbsp; Әдеп жөніндегі уәкілі.&nbsp;&nbsp;

«Әдеп нормасы талаптарын сақтау әрбір мемлекеттік қызметшінің міндеті»

<a href="https://kyzylorda-news.kz/">Kyzylorda-news.kz</a> Қызылорда облысында республикалық «Қызылорда-Жезқазған» автожолын қайта жаңғырту жұмыстары қарқынды жүріп жатыр. Бүгінде үш учаскіде жұмыстар аяқталуға жақындады. &nbsp;Осыған орай, ҚР Көлік министрлігінің бастамасымен Автомобиль жолдары комитеті мен «Жол активтері сапасының ұлттық орталығы» РМК мамандары және «ҚазАвтоЖол» АҚ компаниясы бірлесіп, БАҚ өкілдеріне «Сапа керуені» баспасөз турын өткізді.Қызылорда мен Жезқазған аралығында 424 шақырым жолдың 204 км Сыр өңірінің аумағына тиесілі. Еліміздің орталығы мен оңтүстігін жалғайтын төте жол көлік логистикасын жақсартып қоймай, әлеуметтік-экономикалық тұрғыда маңызы зор. Сыр өңірінде күре жолдың біршама бөлігінде жабынның жоғарғы қабаты төселіп, үш учаскеде үш қабат асфальт жабындысын аяқталуға жақын. Яғни, облыс шекарасынан бастап Қызылорда бағытына қарай 90 шақырым пайлалануға беріліп, 50 шақырым қоса жолда ішінара қозғалыс ұйымдастырылады. Жалпы жоспарға сәйкес 140 шақырым асфальт жабынымен қозғалыс берілетін болады. Қазіргі уақытта 3 учаске бойынша соңғы жабын бойынша асфальт төсеу жұмыстары аяқталуға жақындап, жол таңбаларын сызу, жол белгілерін орнату және жол жиегін нығайту жұмыстары жүріп жатыр.<blockquote>— Жалпы «Қызылорда-Жезқазған» автожолы бойынша Қызылорда облысы аумағында 192 шақырымы қайта жаңғыртудан өтуде. Осы жылдың аяғына дейін ішінара 140 шақырымында жаңа асфальт қабатымен жол қозғалысын ашу жоспарлануда. Жоспар бойынша жобаның аяқталу мерзімі Қызылорда облысында 2026 жылы деп белгіленген. Сонымен қатар, жобада мердігер компаниялар жолды абаттандыру, екі жағын тегістеу жұмыстарын жүргізіп жатыр. Осы ауқымды жол құрылысына 700-дей адам және 400 бірлікке жуық арнайы техника жұмылдырылып отыр,- деді ҚР Көлік министрлігі автомобиль жолдары комитетінің басқарма басшысы Нұртілек Хасенов.</blockquote>Жалпы қайта жаңғыртудан өтіп жатқан күре жол 5 учаскеге бөлінген. Мердігерлердің 4-еуі қытайлық компания, біреуі жергілікті «Қыран» ЖШС. Және отандық кәсіпорын алғашқылардың бірі болып жұмысын аяқтағанын ерекше атап өткен жөн. Мұның өзі қазақстандық компаниялардың ауқымды жобаларға қатысып қана қоймай, халықаралық талаптарға сай жол салуға қауқарлы екенін көрсетіп отыр. Себебі, Еуропалық даму және қайта құру банкі арқылы қаржыландырылған жобада мердігерлерге өте жоғары талап қойылған. Осы үдеден шығу абыройлы міндет. «Қызылорда-Жезқазған» автожолының сапалы салынуы «Жол активтері сапасының ұлттық орталығы» РМК мамандарының ұдайы бақылауында. Мәселен, 2024 жылы жылжымалы зертханамен қайта жаңғыртудан өтіп жатқан жолға 1028 рет тексеру жүргізілген. Жол жабындысы мен құрылыс материалдарынан 4,2 мың сынама алынып, соның 20 пайызы (857) зертханалық зерделеу барысында талапқа сай шықпаған. Алайда, анықталған олқылықтарды мердігерлер өз қаржысы есебінен қайта қалпына келтіріп, 167,1 миллион теңгенің жұмысын жүргізген.<blockquote>— Бұл республикалық маңызы бар автожол Мемлекет басшысының тікелей назарында. ҚР Көлік министрі де үнемі бақылауында ұстап отыр. Қандай да бір ахау анықталса, мердігер компания дер кезінде кемшіліктерді жойып, талапқа сай жұмыс істеп жатыр. Ал қазір салынған үш учаскедегі жолдың тегістігіне келетін болсақ, зерттеу жұмыстарының қорытындысымен 96-98 балл жүйесімен бағаланып, нормативтік талаптара сай келетінін көрсетіп отыр. Яғни, бұл өте жақсы деген көрсеткіш. Және тағы бір айта кету керек, жолды салғаннан кейін де мердігерлерге 5 жылға дейін кепілдік мерзімі қаралған. Яғни, жолдың кейбір жерлері сыр беріп жатса, өз қаржысы есебінен қайта қалпына келтіретін болады,-деді «Жол актвитері сапасының ұлттық орталығы» РМК бас директоры Болатбек Айтбаев.</blockquote>«Сапа керуені» баспасөз туры аясында БАҚ өкілдері жаңа жолдың үстімен жүріп, Қызылорда облысының шекарасына дейінгі атқарылған жұмыстарды көзбен көрді. Жол салып жатқан жолшылардың тыныс-тіршілігімен танысып, қызу тірлікке куә болды. Жалпы жыл аяғына дейін «Қызылорда-Жезқазған» автожолының 140 шақырымында &nbsp;көліктерде қозғалыс ашу күтілуде.

«Қызылорда-Жезқазған» автожолы: үш учаскіде асфальт төсеу жұмыстары аяқталуға жақын

<a href="https://kyzylorda-news.kz/">Kyzylorda-news.kz</a> Қызылорда облыстық ҚХА жанындағы Аналар кеңесінің ұйымдастыруымен «Сарбаздар анасы» республикалық жобасы аясында 55/47 әскери бөлімінде жас сарбаздармен кездесу өтті.&nbsp;Кездесу барысында меймандар әскери бөлім қызметімен танысып, мерзімді әскери қызметін өтеп жүрген сарбаздармен еркін форматта әңгімелесті.&nbsp;Аналар кеңесінің төрағасы Айгүл Мұсабаева республикалық “Мәдениетті ана - мәдениетті ұлт” жобасы аясындағы “Сарбаздар анасы” жобасының жыл бойына жүзеге асырылған жұмыстарына және бүгінгі замандағы жастарға ең қауіпті бес кеселмен күресу бағытына тоқталды.Ал "Аналар жүрегі" республикалық қоғамдық бірлестігі әскери аналар комитетінің төрағасы Жарқынбике Шарапова әскери қызметшілерге көмек көрсету және оларды қолдау үшін әскери бөлімге ұдайы келіп, сарбаздарға қолдау білдіріп тұратынын айтты.Кездесуде жас сарбаздарға теолог Бақтияр Оспанов ағалық ақылын айтып, қамқорлық танытты. &nbsp;&nbsp;<blockquote>«Әскер - әр сарбазды шыңдайтын, шынықтыратын нағыз өмір мектебі. Сондықтан сайдың тасындай жігіттердің Отанын қорғаудан жалтармағаны дұрыс. Сіздер қасиетті жерде туып, өстіңіздер, Отаным деп ат үстінде жерімізді қорғаған батырлардың ұрпағысыздар. Материалдық құндылықтардың артынан қумай, жаман әдетке құмартпай, рухани байлықтың тізгінін ұстаңыздар. Әскери борыштарыңызды өтеген соң Отанымызға ерен еңбектеріңізді төгу жолындааянбаңыздар, - деді.</blockquote>Сондай-ақ, Полиция департаментінің психолог маманы Сандуғаш Мырзахметова құмар ойынға құмартудың зияны мен оған жақын жандарға заң алдында қандай жауапкершілік бар екендігіне тоқталды. Лудомания - психикалық ауытқуға ұшыратып, оның аяғы қандай қасіретке әкелетінін жұмыс барысында &nbsp;кездескен фактілермен келтірді.<blockquote>— Мәселен, полиция департаментінің өкілі құмар ойынға 75 миллион теңге салып, құрдымға кетті. Естеріңізде болсын, бұл система. Құмар ойын адамды қызықтырады, бірақ ұттырмайды. Алдау, арбау арқылы жастардың санасын улайды, - деді.&nbsp;</blockquote>Жоба аясындағы кездесудің бір ерекшелігі ақ жаулықты офицерлердің аналары арнайы келіп, жас сарбаздарға ақ батасын беріп, үйінен пісіріп әкелген ыстық бауырсақ ұсынды. Аналық мейірім мен қамқорлық үшін сарбаздар ұйымдастырушыларға алғысын білдірді.Кездесуді облыстық қоғамдық даму басқармасы “Қоғамдық келісім” КММ директорының орынбасары Руслан Құрманов қорытындылап, бүгінгі жастарымыз әскери міндетті абыроймен орындап, рухты, намысты болса, біз мықты ел болатынымызда күмән жоқ деді.Іс-шара соңында Отан алдында борышын өтеп жүрген сарбаздарды әскери-патриоттық рухта тәрбиелеуге белсенді атсалысып, ана жылуын сыйлаған нәзік жандарға Ұлттық ұлан 55/47 әскери бөлімінің командирі Е. Бастамиевтің Алғыс хаты табысталды.<figure class="image"><img src="https://knadmin.beoblood.kz/uploads/MW_6_A9620_c560bfcb0c.jpg" alt="MW6A9620.jpg"></figure> &nbsp;

Қызылордада «Сарбаздар анасы» жобасы аясында кездесу өтті 

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев кезектілік тәртібімен жазылған азаматтарды қабылдады. Қабылдауға келген тұрғындардың басым бөлігі әлеуметтік көмекке, емделуге, кәсіпкерлікті қолдауға, тұрғын үйге және жұмысқа орналасуға қатысты мәселелер көтерді.&nbsp;Келушілердің ұсыныс-пікірлерін, өтініш-сауалдарын мамандар жан-жақты қарастырады. Әрқайсының себеп-салдары жіті зерттеліп, заң аясында шешімі шығады. Кейбір сұрақтар бойынша түсіндірмені мамандар сол жерде берді. Бірқатарының шешілу жолдары көрсетілді. Бүгінгі қабылдауда облыс әкімі I топ мүгедектігі бар азаматтың жолдасын тұрақты жұмысқа орналастыру жолдарын қарастыруды жауапты басшыларға тапсырды. Сонымен бірге, жалдамалы пәтерде тұратын &nbsp;7 балалы ананы тұрғын үймен қамтамасыз ету үшін қажетті шара қабылдауды жүктеді. Баспана заң аясында кезекпен берілетінін, тұрғындар сұранысы ескеріліп көпқабатты тұрғын үйлер құрылысының қарқыны артқанын, көпбалалы ананы уақытша тұрғын үймен қамту қолға алынатынын жеткізді.&nbsp;<img src="https://knadmin.beoblood.kz/uploads/Oblys_kimi_t_r_yndardy_zheke_m_selelerimen_abyldady_1_741fb8bbf1.jpg" alt="Облыс әкімі тұрғындарды жеке мәселелерімен қабылдады 1.jpg">Қабылдауда көтерілген мәселелер заңда белгіленген тәртіппен, кезең-кезеңімен шешіледі. Аймақ басшысы осы орайда жауапты сала басшыларына бірқатар тапсырма берді.Айта кетейік, тұрғындар облыс әкімінің қабылдауына egov порталы арқылы, е-otinish бірыңғай базасы немесе әкімдікке келіп жазбаша өтініш тастау арқылы жазыла алады.

Облыс әкімі тұрғындарды жеке мәселелерімен қабылдады

<a href="https://kyzylorda-news.kz/">Kyzylorda-news.kz</a> Қызылорда қаласы аумағында жыл басынан бері 135 өрт оқиғасы орын алған. Өрттің салдарынан 4 адам қаза болды.Бұл туралы қала әкімдігінің баспасөз орталығында өткен брифингте Қызылорда қаласы Төтенше жағдайлар басқармасы бастығының орынбасары Ғабит Бабаев баяндады.<blockquote>- Орын алған өрт оқиғаларын талдайтын болсақ, тұрғындардың өрт қауіпсіздігі шараларына салғырт қарауы, яғни тұрмыстық пештердің техникалық жағдайына мән бермеуінен, электр сымдардың дұрыс жалғанбауы мен ескіруінен, балаларды қараусыз қалдыруынан және ішімдік ішіп масаң күйде болуынан орын алған, - деді Ғабит Әбдінәбиұлы.</blockquote>Бүгінде қалалық төтенше жағдайлар басқармасы тарапынан тұрғын үй секторында өрттің болуына жол бермеу мақсатында профилактикалық жұмыстар жалғасуда.Қала тұрғындарын төтенше жағдайлардың алдын алу және болдырмау мақсатында өрт қауіпсіздігі шараларын қатаң сақтауға шақырамыз. Төтенше жағдайға әкеп соғуы мүмкін кез келген күдік туындаса, 101, 104 немесе 112 шұғыл қызметтердің телефондары арқылы хабарлау қажет.

Төтенше жағдайлардың алдын алу маңызды

<a href="https://kyzylorda-news.kz/ru">Kyzylorda-news.kz</a> Облыс әкімі Нұрлыбек Нәлібаевтың қатысуымен «Нашақорлыққа жол жоқ» тақырыбында үйлестіру кеңесінің кеңейтілген отырысы өтті. Кеңеске қала, аудан әкімдері, құқық қорғау органдарының, жауапты салалардың басшылары қатысты.Аймақ басшысы осы бағытта атқарылған жұмыстарға тоқталып, алдағы міндеттерді айқындады.<blockquote>«Бүгінгі үйлестіру кеңесінің тақырыбы – аса маңызды, қоғамымыз үшін өте өзекті. Нашақорлықтың таралуына жол бермеу, есірткі қылмыстарының алдын алу – біздің басты міндетіміз. Президентіміз Қасым-Жомарт Кемелұлы «Адал адам – Адал еңбек – Адал табыс» атты Ұлттық құрылтайдың үшінші отырысында «Нашақорлық, әсіресе, балалар арасында тез таралып, жастарымыз уланып жатыр. Есірткімен күрес белсенді жүргізілмесе, ертең бәрі кеш болуы мүмкін» деген болатын.Жасөспірімдердің құқығы мен өмірін қорғауға айрықша көңіл бөлініп, балаларды құмар ойынға жетелегендер заң бойынша жазаға тартылады. Кәмелетке толмаған балаларға зорлық-зомбылық көрсеткенге берілетін жаза қатаңдады. Балалар қауіпсіздігін қамтамасыз етуді, әйелдер мен балаларға қарсы қылмыстың алдын алуды көздейтін заң қабылданды.Кәмелет жасына толмағандар арасында нашақорлықтың алдын алуға бағытталған танымдық-тәрбиелік іс-шараларды мектептерде көптеп өткізу қажет. Әскери және құқық қорғау органдарының қызметкерлеріне арналған скринингтің оң тәжірибесін мектеп педагогтеріне қолдану мәселесін қарастырыңыздар. Балалардың бос уақытын тиімді үйлестіруде бірлескен шаралар қабылдаңыздар. Әсіресе, ерекше бақылауды қажет ететін, түрлі санаттағы отбасы балаларын шығармашылық және спорттық секцияларға тарту керек.Саламатты өмір салтын қалыптастыруда, балалар мен жасөспірімдердің денсаулығын нығайтуда "Жастар денсаулығы" орталығының жұмысын күшейтіңіздер. Түрлі санаттағы отбасылардың цифрлық картасының мүмкіндігін пайдалану қажет. Бұл есірткі тұтынушының әлеуметтік-экономикалық портретін электронды форматта қалыптастыруға мүмкіндік береді. Қоғамдық пікір көшбасшыларын, журналистерді, белсенді блогерлерді тартып, нашақорлықтың зияны туралы танымдық іс-шаралар ұйымдастырыңыздар. Рейдтік жұмыстардың балама әдістерін қарастыру, жасөспірімдер мен жастар арасындағы нашақорлыққа, құқық бұзушылыққа, кибербуллингке, заңсыз ойындарға тосқауыл қою шаралары өте маңызды», - деді Н.Нәлібаев.</blockquote><figure class="image"><img src="https://knadmin.beoblood.kz/uploads/akimat_b2d51f58ad.webp" alt="акимат.webp"></figure>Жастар мен жасөспірімдердің уақытын тиімді өткізу, жат әрекеттерден сақтандыру, бәсекеге қабілетті ұлт тәрбиелеу мақсатында соңғы 3 жылда жаңадан 21 мәдениет нысанын салуға бюджеттен қаржы қаралды, 10 нысан пайдалануға берілді. Тағы 11 нысанның құрылысы жыл соңына дейін аяқталады.Кеңесте облыс прокуроры Ризабек Ожаров, Бас прокуратураның стратегиялық даму департаментінің бастығы Әлжан Нұрбеков, облыс прокурорының орынбасары Мәди Сарпеков, облыстық полиция департаменті бастығының орынбасары Серік Тоқтыбаев, Мәдениет және ақпарат министрлігі Жастар және отбасы ісі жөніндегі комитет төрағасының орынбасары Біржан Әлімжанов, мемлекет және қоғам қайраткері Бақытбек Смағұл, «Әкелер одағы» республикалық бірлестігінің төрағасы Мақсұтбек Айтмағанбет сөз сөйледі.Жиында жат әдетпен күреске азаматтық қоғамның әрбір мүшесін жұмылдыру ұсынылды. Бірлескен іс-шаралар жоспары таныстырылып, облысымызда нашақорлыққа қарсы бір айлық акция өткізу туралы бастама көтерілді.Қатысушылар прокуратура бастамасын қолдап, есірткінің заңсыз айналымын түбегейлі жою мақсатында бірлесе қызмет атқару туралы ортақ келісімге келді.<figure class="image"><img src="https://knadmin.beoblood.kz/uploads/akimat_2_88eeb2e95f.webp" alt="акимат 2.webp"></figure>Фото: Қызылорда облысы әкімдігінің баспасөз қызметі

Қызылордада «Нашарқорлыққа жол жоқ» тақырыбында үйлестіру кеңесінің кеңейтілген отырысы өтті

<a href="https://kyzylorda-news.kz/ru">Kyzylorda-news.kz</a> Жыл басынан бері қоғамдық тәртіп пен жол қауіпсіздігін қамтамасыз ету бағытында үздіксіз жүргізілген профилактикалық жұмыстардың нәтижесінде өңірдегі құқық бұзушылықтар саны 6 пайызға төмендеген. Оның ішінде ауыр санаттағы қылмыстар 13,6 пайызға, ауырлығы орташа қылмыстар 23,6 пайызға, ал мал ұрлығы 68 пайызға азайған. Жергілікті полиция басқармасының айтуынша, жалпы қылмыстың ашылу деңгейі 9,9 пайызға жоғарылаған. Бұл туралы бүгін Өңірлік коммуникациялар қызметінің ақпарат алаңында облыстық ПД жергілікті полиция басқармасының бастығы, полиция полковнигі Ердаулет Жаукеев мәлімдеді.&nbsp; &nbsp;<blockquote>— Бүгінде жол қозғалысы қауіпсіздігін қамтамасыз ету өзекті мәселелердің бірі болып отыр. Жол апатының алдын алу бағытында республикалық маңызы бар тас жолдарға түнгі уақытта жүргізушілердің назарын аудару мақсатында 6 дана жарқылдауық маяк пен 7 жерге бейнекамера, 10 дана қызметтік автокөлік макеттерінің муляжы және 9 жерге «Әкетай, асықпа», «Құрметті жүргізуші! Жылдамдықты шамадан тыс асырма» мәтінінде панолар орнатылды. Сондай-ақ, 7 аудан тұсына 2 данадан жылдамдықты автоматты түрде тіркейтін өлшегіш құралдар орнатуды жоспарлап отырмыз. Айта кету керек, қазіргі таңда халықтың полицияға деген сенімі де артып келеді. Оған дәлел ҚР Президенті жанындағы қазақстандық стратегиялық зерттеулер институтының әлеуметтік зерттеуі шеңберінде полицияға сенім дәрежесін анықтау бойынша халық арасында жүргізілген сауалнама нәтижесінде Қызылорда өңірі халқының полицияға деген сенімі 77 пайызды құраған,- деді Ердаулет Баянбайұлы.</blockquote>

Өңірдегі құқық бұзушылықтар саны 6 пайызға төмендеген

<a href="https://kyzylorda-news.kz/ru">Kyzylorda-news.kz</a> Жыл басынан бері сауда және тұтынушылардың құқықтарын қорғау департаменті 323-ке жуық азаматтың өтінішін қарап, жоспардан тыс 20 тексеру жүргізген. Ал, “Сапалы өнім” әлеуметтік жобасы аясында азық-түлік қауіпсіздігінің сапасын анықтау мақсатында шетелдік өндірушілерден 47-ге жуық өнім түрлерін сатып алып, азық-түлік өнімдерін сынау зертханасына сараптамаға жіберілген. Бұл туралы бүгін Өңірлік коммуникациялар қызметінің ақпарат алаңында Қызылорда облысы бойынша сауда және тұтынушылардың құқықтарын қорғау департаменті басшысының орынбасары Нұрлыбек Бимырзаев айтты.<blockquote>— Департамент жұмысының негізгі бағыттарының бірі - халыққа кеңес беріп, ақпараттандыру, сондай-ақ сауда және тұтынушылардың құқықтарын қорғау саласындағы заңнаманың сақталуына мемлекеттік бақылауды жүзеге асыру болып есептеледі. Жыл басынан бері департаментпен тұтынушылардың құқықтарын қорғау саласында 30, ал сауда саласында 129 әкімшілік жаза қолданылған. Тұтынушылардың құқықтарын қорғау саласындағы негізгі бұзушылық 10 күндік күнтізбелік мерзімде тұтынушының шағымына &nbsp;жауап бермеу және тауарды 14 күн ішінде ауыстыру болып табылса, сауда саласы бойынша әлеуметтік маңызы бар азық-түлік тауарлары үшін заңмен белгіленген сауда үстемесін бұзу бағытында болып отыр. Сондай-ақ, тұрғын үй-коммуналдық шаруашылық саласына өтініш түскен кезде мәселені жедел шешу үшін жергілікті атқарушы органдармен тұрақты негізде жұмыс жүргізіледі. Есепті мерзімде тиімсіз делдал түріндегі және жосықсыз кәсіпкерлерге қатысты сауда заңнамасын бұзу бойынша 129 бұзушылық анықталып, жойылды. Ұсынылған материалдардың қорытындысы бойынша сауда заңнамасын бұзғаны үшін әкімшілік шаралар қабылданып, тұтынушылар үшін өнімнің түпкілікті құны арзандауда,- деді Нұрлыбек Шонжарұлы.</blockquote>

Қазақстан және Қызылорда облысының жаңалықтары: Қоғам