<a href="https://kyzylorda-news.kz/">Kyzylorda-news.kz</a> Ақтаудағы апаттан аман шыққан жолаушылар ұшақтағы экипаж мүшелерінің жанкештілігінің арқасында тірі қалғандарын айтты, деп жазады <a href="https://inbusiness.kz/kz">inbusiness.kz</a> сайты.Әсіресе, «Бәрі жақсы болады» деп адамдарды соңғы секундқа дейін сабырға шақырып, еш саспастан қауіпсіздік ережелерін түсіндірген бортсерік Хокума Әлиеваның ерлігін айтып жатыр.Сөздеріне сенсек, оның бұл әрекеті ондаған адамның өмірін сақтап қалған. Бірақ өзі апатта ажал құшты.Хокума Әлиеваның негізгі мамандығы заңгер болған. 2016 жылдан бері стюардесса болып жұмыс істеген.Ата-анасының айтуынша, қыздары осы сапарды аяқтаған соң, стюардесса қызметінен заңгер мамандығына ауысуды жоспарлаған екен.Жуырда тұрмысқа шыққан, бала сүйіп үлгермепті.<blockquote>– Қызым – 33 жаста. Оның AZAL компаниясында жұмыс істегеніне биыл 9 жыл болған. Өте ауыр жағдай. Аман қалғандардың тезірек сауығып кетуін тілеймін, – деді әкесі Джалил Алиев.</blockquote>Фото: inbusiness.kz

«Соңғы рет ұшуы еді»: Ақтаудағы апаттан қаза тапқан стюардесса мамандығын ауыстырмақ болған

Елдігімізді танытқан ерен жыл

<a href="https://kyzylorda-news.kz/">Kyzylorda-news.kz</a> Жаңақорған ауданында аудандық ардагерлер кеңесінің ас беру мәдениеті мен жаназа рәсімдерін бірізділікке түсіру жөнінде кеңейтілген жиыны өтті. &nbsp;Ардагерлер кеңесінің бұл бастамасы халқымызды ысырапшылдықтан арылтып, жаназа рәсімдерінің түпкі мәнін сақтауға бағытталған. Оған аудандық мәслихат төрағасы Ғалымжан Жарқынбек, ҚМДБ өкілдері мен кент, ауылдық округтердің ардагерлері, зиялы қауым, БАҚ өкілдері, мәслихат депутаттары және жастар қатысты.<blockquote>- Қазақ халқының салт-дәстүрлері мен әдеп-ғұрыптары – біздің ұлттық болмысымыздың негізі, ұрпақтан ұрпаққа беріліп келе жатқан асыл мұра. Бұл дәстүрлеріміздің ішінде ас беру және жаназа мен жерлеу рәсімдері ерекше орын алады. Өкінішке қарай, қазіргі уақытта осы дәстүрлерді орындау барысында түрлі өзгерістер байқалып, ысырапшылдықтың көбеюі, кейбір рұқсат етілмеген әрекеттердің орын алуы жиі кездесуде. Сондықтан да, ас беру мәдениеті мен жаназа рәсімдеріне қатысты қоғамда терең түсінік қалыптастыру, рұқсат пен тыйымның ара-жігін ашып көрсету, ысырапшылдықтың алдын алу маңызды болып отыр. Одан бөлек, бұл тұрғыда дін саласы мамандарының осы мәселе бойынша жүргізетін үгіт-насихат жұмыстары да үлкен рөл атқарады. Қоғамдағы шынайы мәдениеттің белгісі – орынсыз сән-салтанат емес, ұстамдылық пен қарапайымдылық, үнемшілдік пен орынды пайдалану көрегенділікті көрсетеді. Расында &nbsp;әрбіріміз ысырапшылдықтан арылып, қанағатшылдыққа бет бұруды үйренуіміз керек-ақ, - деді мәслихат төрағасы.</blockquote>Дәстүрлер мен діни ұстанымдарды сақтау – ұлттық мәдениеттің бір бөлігі ғана емес, қоғамның рухани тұтастығын қамтамасыз ететін маңызды элемент. Сондықтан, салт-дәстүрлерді өз тәртібімен орындауда халыққа бағыт-бағдар беріп, ысырапшылдықтың алдын алу үшін халық арасында түсіндірме жұмыстарын күшейтсек, мұндай шаралар өз кезегінде дәстүрді дұрыс ұстанудың маңыздылығын ұғынуымызға септігін тигізеді.Күн тәртібіндегі алғашқы мәселе бойынша аудандық арда­герлер кеңесінің төрағасы Өмірсерік Тақырбасов «Ас беру мәдениеті» тақырыбына тоқталды.<blockquote>- Ауқатты отбасылар асқа ірі қара сойып, құрбан шалып жатқанда, жағдайы төмен және орташа отбасылардың одан қа­лысқысы келмейтіні түсінікті. Осыдан келе жұрттан қарыз алып, қауғаланып «парызымды орындаймын» деп дүниеден өткен жандарға ас беріп, шы­ғындалып жүргендер де жоқ емес. Ал шын мәнінде шариғатта: «Жеңілдетіңдер, ауырлатпаңдар, сүйіншілеңдер, қорқытпаңдар!» де­ген. Бүгінгі күні осы сынды әдет-ғұрып пен рәсім реттелмесе, жыл өткен сайын қиындық күшейе түсуі мүмкін. Сол себепті Қазақстан мұсылмандары діни басқармасы осы рәсімді реттеп, бір жүйеге келтіретін арнайы құжат қабылдауды назарға алды. Біз бұл құжатты негізге ала отырып, қоғам болып қолдауымыз қажет. Сонда ғана ысырапшылдықты тоқтатқан болар едік, – деді ардагерлер кеңесінің төрағасы.</blockquote>Мұнан соң &nbsp;сөз алған ауданның бас имамы Әбдіхалық Нәметов &nbsp;жаназа мен жерлеу рәсіміне тоқталды. Басқосу барысында ас беру мәдениеті мен жаназа, жерлеу рәсімдерін бірізділікке түсіру мәсе­лесі жайлы Әбутәліп Сүйіндіков, Әлібек Сүгірбаев, Серік Мұсабай, Әзия Қыстаубаевалар өз пікірлерін білдірді.&nbsp;Жиынды қорытындылаған аудандық ардагерлер кеңесінің төрағасы Өмірсерік Тақырбасов ас беру, жаназа шығару, зират салу, жалпы марқұм болған адамдарды жөн-жоралғыға сәйкес жерлеу мәдениетін халқымыздың дәстүрі мен Қазақстан мұсылмандары діни басқармасының әдістемелеріне негіздеп, бір ізге салу аса маңызды екенін жеткізіп, облыстық ардагерлер кеңесінің үндеуін қолдауға шақырды.<figure class="image"><img src="https://knadmin.beoblood.kz/uploads/zhanakorgan_40fbed9b92.jpeg" alt="жанакорган.jpeg"></figure>

Жаңақорғанда діни рәсімдерді бірізділікке  түсіру жөнінде кеңейтілген жиын өтті 

<a href="https://kyzylorda-news.kz/">Kyzylorda-news.kz</a> Сейсенбі күні Superdevolui шипажайындағы (Жоғары Альпі таулары) 240-қа жуық шаңғышы лифтіде тұрып қалып, шұғыл эвакуациялауды бірнеше сағат күтуге <a href="https://kaz.inform.kz/news/frantsiyadagi-tau-shangisi-kurortinda-240-turist-liftte-turip-kaldi-8eeba9/">мәжбүр болды</a>.Le Parisien басылымы күндізгі сағат 13:00 шамасында белгісіз себептермен Festur лифтінің электр қозғалтқыштары тоқтап қалғанын жазады. Зардап шеккендер болмаса да, шаңғышылар тікұшақпен құтқаруды ұзақ күтуге тура келді.<blockquote>– Кейбіреулер күйзеліске түсті. Ұзақ уақыт тұрып қалдық, суық тигізе бастадық, – дейді оқиғаның ішінде болған Леа Барталай. Ол «алғашқылардың бірі болып эвакуацияланғанын» айтты.</blockquote>Турист Натан BFMTV арнасына лифтте шамамен 3,5 сағат қалғанын жеткізді.<blockquote>– Соңғылардың бірі болып мен құтқарылдым. Кейбір адамдар бас айналуынан қатты қорықты, сондықтан олар алдымен құтқарылды. Мен биіктіктен қорықпаймын, сондықтан бәрі жақсы болды, – деді турист.</blockquote>Құтқару жұмыстарына Жоғарғы жандармерия взводының жандармдары, тау тобының өрт сөндірушілері және станция көтергіштерінің қызметкерлері, сондай-ақ тікұшақ жұмылдырылды.<blockquote>– Шаңғышылардың көпшілігі арқандар арқылы жерге эвакуацияланды, ал кейбіреулері ұшақпен жеткізілді, – дейді шаңғы алаңын басқаратын SEM Devoluy бас директоры Лоран Телен.</blockquote>Гап пен Гренобль арасында орналасқан Деволуи тау шаңғысы аймағымен байланыстырылған Superdevolouy және La Joux du Loup деген екі курорттан тұрады. Оның веб-сайтына сәйкес елуге жуық беткейі мен 22 лифті бар және маусымын 14 желтоқсанда ашты.Айта кетейік, бұған дейін Франция жаңа үкіметінің құрамы белгілі болған.Фото: instagram/marje.1307

Франциядағы тау шаңғысы курортында 240 турист лифтте тұрып қалды

Қызылорда қаласында жаңа форматтағы Халыққа қызмет көрсету орталығы – СуперХҚКО-ның ресми ашылуы өтті. Салтанатты шараға ҚР Цифрлық даму министрі Жаслан Мәдиев пен «Азаматтарға арналған үкімет» Мемлекеттік корпорациясының Басқарма Төрағасы Арман Кенжегалиев қатысты. Жаңа форматтағы СуперХҚКО – бұл тұрғындарға барлық мәселелерді бір жерде жылдам әрі ыңғайлы шешуге мүмкіндік беретін көпфункционалды инфрақұрылым. Енді азаматтарға түрлі мекемелерге барудың қажеті жоқ, себебі бұл жерде мемлекеттік және үкіметтік емес ұйымдар шоғырланған. Жаңа ғимарат заманауи талаптарға сай салынған: кең бөлмелер, ыңғайлы навигация, заманауи дизайн және цифрлық технологиялардың енгізілуі қызмет алу процесін айтарлықтай жеңілдетеді. Барлық жағдай келушілердің уақытын үнемдеп, қызметті барынша жайлы алу үшін ұйымдастырылған. «СуперХҚКО – бұл халыққа қызмет көрсету жүйесінің жаңа стандарты. Олар азаматтардың ең бағалы ресурсы – уақытын үнемдеуге көмектесіп, қызметтерді қолжетімді, ашық және сапалы түрде ұсынады. Бұл – азаматтардың жайлы өмір сүруін қамтамасыз етуге бағытталған маңызды қадам», – деп атап өтті «Азаматтарға арналған үкімет» Мемлекеттік корпорациясының Басқарма Төрағасы Арман Кенжеалиев. Шара барысында Цифрлық даму министрі Қызылорда облысындағы «Азаматтарға арналған үкімет» филиалының қызметімен, сондай-ақ алдағы жоспарларымен және даму перспективаларымен танысты. Естеріңізге сала кетейік, СуперХҚКО Қызылорда қаласы, Ғ. Мұратбаев көшесі, 2Е мекенжайында орналасқан. Бұл осындай форматтағы Қазақстандағы екінші орталық. Алғашқысы Қарағанды қаласында ашылып, өзінің тиімділігін дәлелдеді.

Қызылордада жаңа форматтағы СуперХҚКО ашылды

<a href="https://kyzylorda-news.kz/">Kyzylorda-news.kz</a> Монументтік өнер құрылыстарын орнату қағидаларына өзгеріс енгізілді. Бұдан кейін бір елді мекенде бір аса көрнекті тұлғаға немесе маңызды оқиға бір ғана құрылыс орнатылады. Бұл туралы Өңірлік коммуникациялар қызметінің баспасөз алаңында Қызылорда облыстық тарихи-мәдени мұраны қорғау орталығының басшысы Ерқазы Алданазаров мәлімдеді.<blockquote>- ҚР Мәдениет және спорт министрінің 2020 жылғы 28 сәуірдегі № 103 бұйрығына төмендегідей өзгерістер мен толықтырулар енгізді. Монументтік өнер құрылыстарын орнату қаһармандық пен ерлік танытқан, мемлекет тәуелсіздігін нығайтуға айтарлықтай ерен үлес қосқан жағдайларды қоспағанда, аса көрнекті тұлғалар қайтыс болған және маңызды тарихи оқиғалар орын алған күннен бастап кемінде бес жыл өткен соң орнатылады. Республикалық деңгейдегі БАҚ беттерінде және жергілікті атқарушы органдардың интернет ресурстарында жұмыс жобаларына республикалық конкурс жарияланады. Республикалық комиссияның қарауына кемінде 3 жұмыс жобасы ұсынылады. Монументтік өнер құрылыстары мемлекеттік меншіктегі жалпы ортақ пайдаланылатын орындарда орнатылады. Талаптарды ескермей ескерткіштер орнатылған жағдайда әкімшілік жауапкершілікке тартылып, айыппұл салынады, - деді Ерқазы Алданазаров.</blockquote>

Ескерткіш орнату қағидаларына өзгеріс енгізілді

Фото: видео скриншотҚаржаубай "Бұзақылық" бабы бойынша 15 тәулік қамауға алынған.Марқұм Шерзат Полаттың әкесі бостандыққа шықты, деп хабарлайды <a href="https://sn.kz/">Skifnews.kz</a> ақпарат порталы.Қаржаубай Нұрымовты адвокаты Асылбек Абдыраимов шығарып алған.“Қаржаубайда бәрі жақсы. Қазір ол отбасымен бірге уақыт өткізіп, демалғысы келеді. Жақсын уақытта қосымша ақпарат жариялаймыз”, – деді адвокаттары.Бұған дейін, Қаржаубай "Бұзақылық" бабы бойынша 15 тәулік қамауға алынған.

Шерзат Полаттың әкесі бостандыққа шықты

<h2>Ақтаудағы ұшақ апатынан мерт болған қазақстандықтар туралы ақпарат белгілі болды. Ішінде ана мен бала да бар.&nbsp;Бұл туралы&nbsp;<a href="https://stan.kz/">Stan.kz</a>&nbsp;ақпарат агенттігі хабарлады.</h2>Фотода Эльдар Жұмағат, Гаухар Шаймерденова, Салима Джутаева, Сәндібек ТөлесіновҚұтқару қызметі ұшақ апаты кезінде қаза болған Қазақстан азаматтары туралы ақпарат берді. Көбі Маңғыстау облысынан екен.<ul><li>36 жастағы&nbsp;Сәндібек Төлесінов –&nbsp;Маңғыстау облысы, Жаңаөзен қаласының тұрғыны;</li><li>39 жастағы Бауыржан Жұмағұлов – Маңғыстау облысы, Жаңаөзен қаласының тұрғыны;</li><li>46 жастағы Галина Махсудова –&nbsp;Ақтау қаласының тұрғыны;</li><li>49 жастағы Гаухар Шаймерденова –&nbsp;Астана қаласының тұрғыны, бірақ Алматыда дүниеге келген.&nbsp;</li><li>11 жасар Эльдар Жұмағат – Астана тұрғыны. Гаухар Шаймерденованың ұлы.&nbsp;</li><li>29 жастағы Салима Джутаева Аманжолқызы –&nbsp;Қарағанды қаласының тұрғыны.</li></ul>Желіде қаза болғандар туралы ақпарат тарады. Мәселен Гаухар Шаймерденова Астанада нотариус болған екен.&nbsp;Тележүргізуші Санди Сұлтан Гауһар Шаймерденованың ұшақта болғанын хабарлады. Журналист олардың дос екенін және ол 10 жасар ұлы Эльдармен бірге Бакуден ұшқанын&nbsp;айтты.Ал Салима Джутаева Қарағандыда стоматолог болып жұмыс істегені белгілі болды.Еске салсақ,&nbsp;Ақтау маңында&nbsp;Бакуден Грозныйға ұшып бара жатқан "Azerbaijan Airlines" әуе компаниясына тиесілі&nbsp;жолаушылар&nbsp;<a href="https://stan.kz/ishinde-zhuzge-zhuik-zholaushi-bolgan-aktau-maninda-ysh-411664/">ұшағы&nbsp;құлағаны туралы</a>&nbsp;жазған едік. Желіде&nbsp;ұшақтың ішінде&nbsp;<a href="https://stan.kz/aktau-maninda-kylagan-yshaktin-ishinde-apatka-deyin-zha-411697/">апатқа дейін және кейін түсірілген</a>&nbsp;видеолар пайда болды.&nbsp;Айта кетейік, Ақтау маңындағы ұшақ апатынан<a href="https://stan.kz/aktau-manindagi-yshak-apatinan-38-adam-kaza-tapti-411705/">&nbsp;38 адам қаза тапқаны</a>&nbsp;белгілі болды. Ұшақтағы&nbsp;<a href="https://stan.kz/aktauda-apatka-yshiragan-yshaktin-bortinda-bolgan-kazak-411706/">қазақстандықтардың барлығы&nbsp;</a>көз жұмды.

Ақтаудағы ұшақ апатында қаза болған қазақстандықтардың есімі аталды

<a href="https://kyzylorda-news.kz/">Kyzylorda-news.kz</a> &nbsp;Аймақ басшысының тапсырмасымен облыс әкімінің бірінші орынбасары Данияр Жаналинов Қармақшы ауданының «Қармақшы» ауылында «Ауылдық денсаулық сақтауды жаңғырту» ұлттық жобасымен салынған фельдшерлік-акушерлік пункттің ашылу рәсіміне қатысты. Салтанатты жиынға зиялы қауым өкілдері, жауапты сала басшылары мен ауыл тұрғындары келді. Данияр Еренғалиұлы жиналған жұртшылықты алдағы Жаңа жыл мерекесімен құттықтады. &nbsp;<blockquote>«Жылды қорытындылап, атқарылған істі сараптайтын, алдағы жылға жаңа жоспар жасап, жаңа міндеттер белгілейтін кезеңде баршаңызға табыс тілеймін. Мереке қарсаңында «Қармақшы» ауылындағы жаңа фельдшерлік-акушерлік пунктті ел игілігіне табыстаудамыз. Президентіміз Қасым-Жомарт Кемелұлы «ұлт саулығын нығайту үшін кешенді шараларды қолға алып, халықты әлеуметтік қолдау жүйесін жаңғырту керек» деп атап өтті.Биыл облыстың денсаулық сақтау саласының бюджеті 146 млрд. 200 млн. теңгеге жетті. «Ауылдық денсаулық сақтауды жаңғырту» ұлттық жобасы аясында өңіріміздің барлық ауданында құны 10 млрд. 200 млн. теңге болатын 27 медициналық нысан салынуы жоспарланған. Өткен жылы 16 жаңа дәрігерлік амбулатория пайдалануға берілді. Қалған 11 нысанның құрылысы аяқталуда. Бүгін ел игілігіне табысталатын жаңа ғимарат азаматтардың өмір сүру сапасын жақсартуға жол ашсын! Шипа іздеп келген жандарға жоғары деңгейдегі қызмет көрсететін орынға айналсын!», – деді Д.Жаналинов.</blockquote>Жиында ауыл ардагері М.Таңбаев батасын беріп, еңбек ардагерлері мен құрылысшылар облыс әкімінің Алғыс хатымен марапатталды.Айта кетейік, Тәуелсіздік күні қарсаңында Шиелі ауданының «Тартоғай», «Алмалы» ауылдарындағы жаңа дәрігерлік амбулаториялар ел игілігіне табысталды. «Ауыл – ел бесігі» бағдарламасы шеңберінде Қызылорда қаласында 1 медициналық бекет, 1 дәрігерлік амбулатория жұмысын бастады. Жылына 10 мың адамға дейін қызмет көрсетуге мүмкіндігі бар замануи «Қан орталығы» ашылып, ел игілігіне қызмет етуде.Жыл басында ана мен бала өмірін қорғау мақсатында көпбейінді облыстық аурухана базасында жаңа МРТ аппараты іске қосылып, 70 орындық перинаталдық бөлім ашылды. Облыс орталығында 36 млрд. 400 млн. теңгеге емханасы және онкологиялық бөлімшесі бар 300 орындық көпбейінді аурухананың, Арал ауданы «Сексеуіл» кентінде 1 млрд. 100 млн. теңгеге 40 төсек-орынға арналған ауылдық аурухананың құрылысы жүргізілуде. «Сексеуілдегі» нысан жақын күндері пайдалануға беріледі.Биыл Жаңақорған ауданындағы «Қамқорлық» оңалту орталығы пайдалануға берілсе, жақын арада осындай орталық Арал ауданында да ашылады. Бұдан бөлек, ұлттық жоба аясында 4 млрд. 500 млн. теңгеге 4 көпбейінді аудандық орталық аурухана жанынан қосымша құрылыс салу жоспарланған. Оған қоса 3 млрд. 800 млн. теңгеге 8 медициналық нысанға күрделі жөндеу жүргізіліп, 6 нысанның жылу жүйесі газға ауыстырылады. Медициналық құрал-жабдықтарға 4 млрд. 600 млн. теңге бағытталып, жабдықталу деңгейі 87,1 пайызға көтерілді. Облыстық медициналық жедел жәрдем стансасы 100 пайыз көлікпен қамтамасыз етілді. Соңғы 2 жылда денсаулық сақтау мекемелеріне 225 жаңа санитарлық автокөлік кілттері табысталса, оның 14-і Қармақшы аудандық ауруханасына берілді.<img src="https://knadmin.beoblood.kz/uploads/arma_shy_audanynda_feldsherlik_akusherlik_punkt_ashyldy_1_74510485a3.jpg" alt="Қармақшы ауданында фельдшерлік-акушерлік пункт ашылды 1.jpg"><img src="https://knadmin.beoblood.kz/uploads/arma_shy_audanynda_feldsherlik_akusherlik_punkt_ashyldy_2_125565a15e.jpg" alt="Қармақшы ауданында фельдшерлік-акушерлік пункт ашылды 2.jpg"><img src="https://knadmin.beoblood.kz/uploads/arma_shy_audanynda_feldsherlik_akusherlik_punkt_ashyldy_3_84e87711c1.jpg" alt="Қармақшы ауданында фельдшерлік-акушерлік пункт ашылды 3.jpg"><img src="https://knadmin.beoblood.kz/uploads/arma_shy_audanynda_feldsherlik_akusherlik_punkt_ashyldy_4_d65e4b5275.jpg" alt="Қармақшы ауданында фельдшерлік-акушерлік пункт ашылды 4.jpg"><img src="https://knadmin.beoblood.kz/uploads/arma_shy_audanynda_feldsherlik_akusherlik_punkt_ashyldy_5_848511d334.jpg" alt="Қармақшы ауданында фельдшерлік-акушерлік пункт ашылды 5.jpg">Фото: &nbsp;Қызылорда облысы әкімінің баспасөз қызметі

Қармақшы ауданында фельдшерлік-акушерлік пункт ашылды

<a href="https://kyzylorda-news.kz/">Kyzylorda-news.kz</a> Ақтау және Астана қалаларында «AMANAT» партиясының қызметкерлері мен белсенділері «Баку-Грозный» бағытындағы ұшақ апатында қаза тапқан жандардың рухына тағзым етіп, зардап шеккен адамдарға қажет қан тапсыруда.Партиялықтар Астана қаласында Әзірбайжан Республикасының Қазақстан Республикасындағы Eлшілігі және Әзірбайжан Республикасының Ақтау қаласындағы Бас консулдығы ғимараттарына жиналып, гүл шоқтарын қоюда.<blockquote>«Ұшақ апатының салдарынан бауырлас Әзербайжан елінің азаматтары қаза болғандығы туралы қайғылы хабарды күйзеле қабылдадық. «AMANAT» партиясы және жеке өз атымнан қаза болғандардың туыстары мен жақындарына, сондай-ақ барша Әзербайжан халқына қайғыра көңіл айтамыз. Қазақ пен Әзербайжан халықтары ежелден бір-бірінің қуанышына сүйінген, қайғысына күйінген тағдыры да, табиғаты да ортақ бауырлас елдер. Бұл қайғы бәрімізге ортақ. Алла өткендерге иман, қалған ел-жұртқа сабыр мен береке берсін! Марқұмдардың жандары жәннатта болсын!», - деді «AMANAT» партиясы Астана қалалық филиалының төрағасы Мухаммед Болысбек.</blockquote>Ақтау қаласында да партияластар мен жас белсеңділер Әзірбайжан Республикасының Бас консулдығы ғимараттарына жиналып, қаза тапқан жандардың рухына тағзым.<blockquote>«Апат айтып келмейді. Ұшақ апатында туыстары мен жақындарынан айырылған адамдардың орны толмас ауыр қайғысына ортақтаса отырып, көңіл айтамыз. Сын сағатта «AMANAT» партиясы жарым көңіл жандардың қасынан табылып, қолдан келгенше қолдау көрсетуде. Бүгін партияластарымыз марқұмдардың рухына тағзым етіп қана қоймай, зардап шеккен жандарға қажет қан тапсыруда. Барша азаматтың тезірек сауығып кетуін тілейміз», – деді «AMANAT» партиясы Маңғыстау облыстық филиалының төрағасы Нұрбек Қарасаев.</blockquote>Еске сала кетейік, бүгін Ақтау қаласының маңында «Баку-Грозный» бағытындағы ұшақ апатқа ұшырады. Оқиға орнына Төтенше жағдайлар министрлігінің, денсаулық сақтау саласының қызметкерлері жұмылдырылды. Сондай-ақ, Үкімет қаулысымен ұшақтың апатқа ұшырау себептерін тексеру бойынша Үкіметтік комиссия құрылды.&nbsp;Оны премьер-министр орынбасары Қанат Бозымбаев басқарады.

«AMANAT» партиясының белсенділері ұшақ апатынан зардап шеккен жандарға қол ұшын созуда

<a href="https://kyzylorda-news.kz/">Kyzylorda-news.kz</a> Ақтаулықтар қалалық қан орталығында ұшақ апатынан зардап шеккендерге қан тапсыра бастады, деп хабарлайды <a href="https://el.kz/aqtaulyqtar-zhappay-qan-tapsyryp-zhatyr_400007276/">El.kz </a>ақпарат агенттігі.Алайда мамандар әлі де қан көп керек екенін айтуда. Сондықтан дәрігерлер қан тапсыра алатын адамдарды Ақтау қаласы, 34а мекенжайы бойынша орналасқан Қан орталығына келуге шақырды.Қан тапсырар алдында майлы тамақ жеуге, кофе ішуге болмайды.Айта кетейік, Ақтау маңында әзербайжандық компанияға тиесілі ұшақ апат болды. Көлік министрлігінің мәліметінше, бортта 37 Әзербайжан, 6 Қазақстан, 3 Қырғызстан, 16 Ресей азаматы болған.Тірі қалған 29 жолаушының тізімі шықты.&nbsp;<span style="background-color:rgb(255,255,255);color:rgb(102,102,102);font-family:-apple-system, BlinkMacSystemFont, &quot;Segoe UI&quot;, Roboto, &quot;Helvetica Neue&quot;, Arial, &quot;Noto Sans&quot;, sans-serif, &quot;Apple Color Emoji&quot;, &quot;Segoe UI Emoji&quot;, &quot;Segoe UI Symbol&quot;, &quot;Noto Color Emoji&quot;;">Фото: Маңғыстау облыстық әкімдігі

Ақтаулықтар жаппай қан тапсырып жатыр

&nbsp;<a href="https://kyzylorda-news.kz/">Kyzylorda-news.kz</a> Қазақстан Президентінің тапсырмасы бойынша Ақтаудағы ұшақ апатына қатысты Мемлекеттік комиссия құрылды деп хабарлады <a href="https://kaz.inform.kz/news/aktaudagi-ushak-apati-kr-prezidentnn-tapsirmasimen-memlekettk-komissiya-kurildi-85da7d/">kaz.inform.kz</a> Мемлекеттік комиссияны вице-премьер Қанат Бозымбаев басқарады. Біздегі ақпарат бойынша ол Ақтауға бара жатыр.Президент дәрігерлерді Астанадан Ақтауға жіберуді және зардап шеккендерді барлық қажетті қолдаумен қамтамасыз етуді тапсырды.Айта кетейік, Ақтауда Azerbaijan Airlines ұшағы апатқа ұшырады.Оқиға орнына ҚР Төтенше жағдайлар министрлігі жеке құрамының 52 адамы мен 11 бірлік техникасы барды.Апатқа ұшыраған ұшақ бортында Қазақстанның 6 азаматы болды.ҚР Көлік министрлігі мәлім еткендей, Әзербайжан тарапының алдын ала ақпараты бойынша, бортта 62 жолаушы мен 5 экипаж мүшесі болған.Фото: Kazinform

Қазақстан және Қызылорда облысының жаңалықтары: Қоғам