<a href="https://kyzylorda-news.kz/">Kyzylorda-news.kz</a>&nbsp; Марқұм Шерзат Болаттың әпкесі Бақыт Реймова халықтан кешірім сұрады, деп жазады&nbsp;<a href="https://alash.kz/kz/article/sherzat-bolattyn-apkesi-halyqtan-keshirim-surady-endi-elde-qala-ma-video.html">Alash.KZ</a><a href="https://alash.kz/">.</a>Бұған дейін Бақыт Реймованың 15 тәулікке қамалғаны, елден шығарылатыны туралы жазылған болатын.&nbsp;Бақыт Реймова елден шығарылса, оның кәмелетке толмаған баласы Мейірбек Реймов асыраушысыз қалуы мүмкін екенін жазғанбыз.&nbsp;Ол оның адвокаты:«Бақытты елден шығарып жіберуге де құқығы жоқ. Өйткені ол белгілі бір мемлекеттің азаматы емес. Азаматтығы жоқ тұлға. Елден шығаратын болса, қай мемлекеттің азаматы болса, сол жаққа шығарады. Бақыт Ресейде туылған. Соны негіз етіп Ресейге шығаруы мүмкін», – деген болатын.&nbsp;Сурет:alash.kz

Шерзат Болаттың әпкесі халықтан кешірім сұрады

<a href="https://kyzylorda-news.kz/">Kyzylorda-news.kz</a> &nbsp;2025 жылдың 1 қаңтарынан бастап елімізде көпбалалы отбасыларға берілетін жәрдемақы мөлшері артты, – деп хабарлайды&nbsp;<a href="https://massaget.kz/news/elmzde-kopbalalyi-otbasyilarga-berletn-jardemakyi-molsher-123087/">Massaget.kz</a>.&nbsp;Көпбалалы отбасыларға төленетін ай сайынғы жәрдемақы мөлшері мынадай болып белгіленеді:төрт балаға – 63 030 теңге (2024 жылы – 59 183 теңге); бес балаға – 78 798 теңге (2024 жылы – 73988 теңге); алты балаға – 94 565 теңге (2024 жылы – 88 973 теңге); жеті балаға – 110 332 теңге (2024 жылы – 103 598 теңге); сегіз және одан да көп балаға – әр бала үшін 15 728 теңгеден қосылады (2024 жылы – 14 768 теңге).Бұл көрсеткіштердің өсуі айлық есептік көрсеткіштің (АЕК) ұлғаюымен байланысты. 2025 жылы АЕК мөлшері 3 692 теңгеден 3 932 теңгеге дейін артты.«Неке және отбасы туралы» кодекске сәйкес, төрт және одан көп баласы бар, оның ішінде 23 жасқа дейін күндізгі оқу нысанында білім алатын балалары бар отбасылар көпбалалы отбасы саналады.2024 жылдың басынан бері көпбалалы отбасыларға 390 млрд теңгеге жуық жәрдемақы төленген. Бұл қолдау отбасылардың әлеуметтік жағдайын жақсартуға бағытталған.Сурет: Н.Нұржаубай

Елімізде көпбалалы отбасыларға берілетін жәрдемақы мөлшері көбейді

<a href="https://kyzylorda-news.kz/">Kyzylorda-news.kz</a> Желіде ақхалат киген дәрігердің ота жасайтын бөлімде түсірген видеосы жарияланды, деп хабарлайды<a href="https://azattyq-ruhy.kz/news/82605-gorilla-ishkennen-keiin-askazany-tesilgen-d-riger-adam-shoshyrlyk-zhagdaidy-aitty-video">&nbsp;Azattyq Rýhy</a>.Дәрігер адам шошырлық жағдай туралы айтып, энергетикалық сусынның зияны туралы кезекті рет ескертті.Желіде таралған видеода энергетикалық сусын ішкен адамның асқазаны тесілгені туралы жазылған.<blockquote>«Таңертең 16 жастағы бала жедел іштің ауырсынуымен түсті. Өзінің айтуынша, жаңа жыл түні екі горилланы (энергетикалық сусын) қатарынан ішкен. Одан іші бір күн ауырған. Содан бізге қабылдау бөліміне келіп қаралды. Науқасқа жедел түрде ота жасадық. Рентгенге түсірдік. Онда ауа жиналып, бауырға әсер еткені де байқалады. 47 минут операция жасадық. Ота сәтті өтті. Горилла ішпеңіздер», – деп ескертті дәрігер.</blockquote>Сурет: azattyq.ruhy

Горилла ішкеннен кейін асқазаны тесілген

<a href="https://kyzylorda-news.kz/">Kyzylorda-news.kz</a> Мемлекет басшысы «Қазақстан Республикасының кейбір заңнамалық актілеріне есірткі, психотроптық заттардың, сол тектестердің, прекурсорлардың және күшті әсер ететін заттардың заңсыз айналымына қарсы іс-қимыл мәселелері бойынша өзгерістер мен толықтырулар енгізу туралы» Заңға<a href="https://kaz.inform.kz/news/prezident-esrtk-ondru-ushn-kilmistik-zhauapkershlkt-kataytatin-zanga-kol-koydi-b7533c/"> қол қойды</a>. Бұл туралы Ақорданың баспасөз қызметі хабарлады.&nbsp;Аталған Заң Президенттің 2024 жылғы 15 наурызда Ұлттық құрылтайда берген тапсырмаларын орындауға бағытталған. Бұл құжат есірткі өндіру мен өткізуді ұйымдастырушыларға жауапкершілікті қатаңдату, ал есірткіні жасырын орналастырушыларға қолданылатын шараларды жұмсартуды қарастырады.Заң есірткі өндірісі үшін ғана емес, осы қылмыстық әрекет үшін лауазымды адамдардың да жауапкершілігін едәуір қатаңдатты. Енді бұл қылмысқа қатысы бар тұлғаларды мүлкін тәркілеп, 15 жылдан 20 жылға дейін немесе өмір бойы бас бостандығынан айыруы мүмкін.Сонымен қатар Заңда есірткіні жасырын орналастырушылардың жазасы аздап жұмсартылды. Мәселен, алғаш рет мұндай қылмыс жасағаны үшін қылмысын ауырлататын мән-жайлар болмаса, мүлкін тәркілеп, 5 жылдан 8 жылға дейінгі мерзімге бас бостандығынан айыру көзделген (бұрын мүлкін тәркілей отырып, 5 жылдан 10 жылға дейін бас бостандығынан айыратын).Жаза аталған қылмысқа тартылатындардың, яғни есірткіні жасырын орналастырушылардың көбі жасөспірімдер мен жастар болғандықтан жұмсартылды. Олардың есірткіні өздері дайындамайтыны, көбіне есірткінің заңсыз айналымын ұйымдастырушылардың қылмыстық тұзағына түсетіндігі ескерілді.Алайда қылмыстық әрекетті бірнеше рет қайталаса, оны мүлкін тәркілей отырып, 7 жылдан 12 жылға дейін бас бостандығынан айыру түріндегі қатаң жаза күтеді.Сондай-ақ Заңда білім беру ұйымдарында немесе кәмелетке толмаған адамға қылмыстық топ қатарындағы есірткі таратушы тұлғаларды жазалайтын қатаң үкім сақталды. Олардың мүлкі тәркіленеді және 15 жылдан 20 жылға дейінгі мерзімге бас бостандығынан айырылады.Сонымен қатар лауазымды тұлғалардың есірткі таратқаны үшін қылмыстық жауапкершілігі қатаңдатылды. Бұрын олардың мүлкі тәркіленіп, 10 жылдан 15 жылға дейінгі мерзімге бас бостандығынан айырылса, енді мүлкі тәркілене отырып, 15 жылдан 20 жылға дейін бас бостандығынан айырылады.Заңда есірткінің және күшті әсер ететін заттардың заңсыз айналымына қарсы іс-қимылдың тиімділігін арттыру мақсатында басқа да шаралар қабылданды.Мәселен, қылмыстық топ арқылы аса ірі мөлшерде құрамында есірткі заттары бар және өсіруге тыйым салынған өсімдіктерді заңсыз өсіргені үшін заң жүзінде жауапкершілік белгіленді.Прекурсорлар мен күшті әсер ететін заттардың, сондай-ақ есірткі, прекурсорлар, улы және күшті әсер ететін заттарды өндіруге пайдаланылатын заттардың, құралдар мен жабдықтардың заңсыз айналымы үшін қылмыстық жауапкершілік енгізілді.Бұдан бөлек, Заңда есірткі тектестер, психотроптық заттар, сондай-ақ прекурсорлар мен күшті әсер ететін заттарды қолдану ережелерін бұзғаны үшін жауапкершілік белгіленді.&nbsp;Фото: Ақорда

Президент есірткі өндіруге қатысты қылмыстық жауапкершілікті қатайтатын заңға қол қойды

<a href="https://kyzylorda-news.kz/">Kyzylorda-news.kz</a> Қытайдың Қазақстанмен шекаралас аумағында жер сілкінісі болды. Бұл туралы <a href="https://stan.kz/almatidan-353-shakirim-zherde-48-baldik-zher-silkinisi-411985/">Stan.kz</a> ақпарат агенттігі хабарлайды.Төтенше жағдайлар министрлігі сейсмикалық стансалар желісінің мәліметінше, жер сілкінісі 2025 жылғы 2 қаңтарда Астана уақыты бойынша сағат 09:40-та тіркелген. Жер сілкінісінің ошағы Қытайда, Алматыдан солтүстік-шығысқа қарай 353 шақырым жерде орналасқан.Геофизикалық зерттеулер институты&nbsp;деректер орталығының жедел мәліметтеріне сәйкес, жер сілкінісінің магнитудасы 4,8 балл болған. Энергетикалық классы – 10,9. Тереңдігі –&nbsp;12 шақырым.Фото:&nbsp;istockphoto.com

Алматыдан бірнеше шақырым жерде 4,8 балдық жер сілкінісі болды

<a href="https://kyzylorda-news.kz/">Kyzylorda-news.kz</a> Қазақстанның 10 облысы мен Астана қаласында ауа райына байланысты ескерту жарияланды. Бұл туралы <a href="https://stan.kz/">Stan.kz</a> ақпарат агенттігі хабарлайды.&nbsp;Қазгидрометтің мәліметінше, 2 қаңтар күні еліміздің басым бөлігінде жел күшейіп, боран соғып, қар жауады.2 қаңтарда Қарағанды ​​облысында жауын-шашын (жаңбыр, қар), кей жерлерде тұман, көктайғақ, облыстың солтүстігі мен шығысында бұрқасын болады.Ал Ұлытау облысында – қарлы боран болады деп болжанған. Облыстың батысында, солтүстігінде және оңтүстігінде тұман түседі. Оңтүстік-батыстан соғатын желдің екпіні түнде солтүстікте, шығыста, облыс орталығында секундына 15-20, кей жерлерде 23 метрге жетеді.Маңғыстау облысының&nbsp;солтүстік-шығысында көктайғақ болып, тұман түседі. Оңтүстік-батыстан жел соғып, күндіз облыстың батысы мен шығысында желдің екпіні&nbsp;15-20 м/с&nbsp;жетеді.Қызылорда облысының&nbsp;орталығында, солтүстігінде, шығысында көктайғақ, тұман болады. Оңтүстік-батыстан жел соғады, түнде және таңертең облыстың солтүстігінде желдің екпіні&nbsp;15-20 м/с&nbsp;жетеді.Ақтөбе облысында&nbsp;түнде орталықта, оңтүстікте, шығыста, күндіз батыста, солтүстікте, шығыста бұрқасын, көктайғақ болады. Түнде және таңертең облыстың батысында және солтүстігінде тұман түседі. Күндіз облыстың батысында, солтүстігінде, облыс орталығында желдің екпіні&nbsp;15-20 м/с&nbsp;жетеді.Атырау облысының солтүстігінде, шығысында көктайғақ болады. Түнде және таңертең облыстың оңтүстігінде, шығысында тұман түседі. Батыстан, оңтүстік-батыстан жел соғады, облыстың батысында, солтүстігінде, оңтүстігінде екпіні 15-20 м/с.Абай облысында – күндіз жауын-шашын (жаңбыр, қар), бұрқасын, көктайғақ болады. Оңтүстік-батыстан жел соғады, екпіні секундына 15-20 метр.Шығыс Қазақстан облысы – Өскеменде жауын-шашын (жаңбыр, қар), бұрқасын, көктайғақ болады. Оңтүстік-батыстан соғатын&nbsp;желдің екпіні&nbsp;15-20 м/с&nbsp;жетеді.Батыс Қазақстан облысының солтүстігі мен шығысында тұман, көктайғақ болады. Оңтүстік-батыстан соғатын&nbsp;желдің екпіні&nbsp;15-20 м/с&nbsp;жетеді.Ақмола облысының Көкшетау қаласында бұрқасын, тұман, жолдарда көктайғақ болады. Оңтүстік-батыстан соғатын&nbsp;желдің екпіні&nbsp;15-20 м/с&nbsp;жетеді.Астанада 2 қаңтарда қар жауып, бұрқасын, көктайғақ, тұман болады. Оңтүстік-батыстан соғатын&nbsp;желдің екпіні&nbsp;15-20 м/с, түнде және таңертең кей жерлерде 25 м/с&nbsp;жетеді.Еске салсақ, бұған дейін&nbsp;Қазақстанның екі өңірінде ауа райының қолайсыздығына байланысты <a href="https://stan.kz/kazakstannin-eki-onirinde-aua-rayinin-kolaysizdigina-ba-411967/">жол жабылғаны туралы</a> жазған едік.Фото: Нұрболат Нұржаубай&nbsp;

Көктайғақ пен қарлы боран: Қазақстанның 10 облысында ауа райына байланысты ескерту жарияланды

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаевтың қатысуымен Ақжарма ауылын газ желісіне қосу рәсімі өтті. Салтанатты шараға Парламент Сенатының депутаты Руслан Рүстемов, облыстық мәслихат төрағасы Мұрат Тілеуімбетов, зиялы қауым өкілдері, ардагерлер, жауапты сала басшылары мен ауыл тұрғындары қатысты.Аймақ басшысы ақжармалықтарды көптен күткен игіліктің іске асуымен құттықтады.«Мемлекет басшымыз Қасым-Жомарт Кемелұлының Сыр өңірін айрықша қолдауының арқасында бүгінде облысымыз қарқынды дамып келеді.<blockquote>Аймақтың әлеуметтік-экономикалық дамуында оң тенденция қалыптасты. Барлық негізгі макроэкономикалық көрсеткіштер бойынша республикада алғашқы орындамыз. Жыл бойы Президентіміз бен Үкіметтің ерекше қолдауының арқасында өңірдің әлеуметтік-экономикалық серпінді дамуын тұрақты түрде қамтамасыз еттік. Облыс бюджеті 750 млрд теңгеден асты, осыдан екі жарым жыл бұрын 364 млрд теңге болатын. Өсім 206 пайызды құрады. Атқарылған әрбір игілікті іс елді мекендер тіршілігінің тамырына қан жүгіртіп, халықтың әл-ауқатын арттыруға жол ашады.Қызылорда қаласының бюджеті жыл басында 58,2 млрд.теңгемен бекітілсе, жыл қорытындысымен 113,1 млрд. теңге болды, яғни 94,3 пайызға артты. Бұл қаржы тұрғындар сұранысына сай өзекті мәселелерге бағытталды.Ауылдың дамуы, келешегінің зор болуы – сіздердің еңбекқорлықтарыңыз бен ауызбіршіліктеріңізге тікелей байланысты. Ауылдарыңызға келген «көгілдір отын» халықтың тұрмыс сапасын арттырып, ауылдың әлеуметтік жағдайын жақсартуға оң әсер етеді деп сенеміз. Бүгінгі үлкен қуаныш барша отбасына бақыт пен шаттық әкелсін! Еліміз аман, жұртымыз тыныш болсын!Жаңа жыл құтты болсын!», – деді Н.Нәлібаев.</blockquote>Іс-шарада Сенат депутаты Руслан Рүстемұлы жұртшылыққа лебізін жеткізіп, қоғам қайраткері Бақберген Сәрсенұлы батасын берді. Ауылдың дамуына үлес қосқан азаматтарға және мердігер мекеме қызметкерлеріне облыс әкімінің Алғыс хаты табысталды.Газ қосу рәсімінен кейін аймақ басшысы тұрғындарымен кездесіп, атқарылған жұмыстар, алдағы бағыт-бағдар туралы айтты. Әсіресе, қолға алынған инфрақұрылымдық жобаларға, әр саладағы жаңашылдықтарға тоқталды, кездесуге келушілердің ой-пікірлерін тыңдады.Фото: Қызылорда облысы әкімінің баспасөз қызметі

Ақжарма ауылына табиғи газ қосылды

<a href="https://kyzylorda-news.kz/">Kyzylorda-news.kz</a> Танымал продюсер, актриса Дариға Бадықова қолдау білдірген халыққа алғыс айтты. Бұл туралы&nbsp;<a href="https://stan.kz/moanaga-rizamin-dariga-badikova-halikka-algis-aytti-411949/">Stan.kz</a>&nbsp;ақпарат агенттігі хабарлайды.Өнер иесі жақындарының бәріне риза екенін жеткізді.&nbsp;<blockquote>Мені тапқан Әке-шешеме ризамын. Ағайын-туыс бауырларыма ризамын Көрермендерге ризамын. Қараңғы етіп жаратпағанына ризамын. Жалқаулықтан сақтағанына ризамын. Жаман әркетке әуес қылмағанына ризамын. Жәй сөздің адамы болмағаныма ризамын. Өнер аламанын да, еңбек ете алатыныма, ризамын. Көмекке келе алатыныма ризамын. Несібеме ризамын. Екі жүзді болмағаныма ризамын. Мені жақтырмайтын адамдар, еңбегімді іштей мойындайтындарына ризамын. Ештеңеге реніш жоқ. Өзімізге риза болайық, оқырмандарым!”, – деп жазды актриса.&nbsp;</blockquote>Желі қолданушылары түрлі пікір білдіріп, кино жұлдызының жазбасына сұрақ та жаудырды.&nbsp;“Кином&nbsp;аз ақша жинап қалады деп уайымдап, мультфильмге тиісіп едіңіз. Енді “Моанаға” ризасыз ба?!”, – деп сұрады.&nbsp;“Монаға” да ризамын”, – деп жауап берді актриса.&nbsp;Сурет:жеке парақшадан

«Мені жақтырмайтын адамдар, еңбегімді іштей мойындайтындар»: Дариға Бадықова

<a href="https://kyzylorda-news.kz/">Kyzylorda-news.kz</a> Кеше аймақ басшысы Нұрлыбек Нәлібаев &nbsp;"Өнер орталығындағы" «Жарқыра, жайна &nbsp;Жаңа &nbsp;жыл» атты балалар ертеңгілігіне қатысушыларды құттықтады.Мереке "Оқушылар сарайының" өнерпаздары дайындаған қойылымнан басталды. Балалар &nbsp;қызықты кештің басты қонақтары - Аяз ата мен Ақшақарға өз өнерлерін көрсетті.Облыс әкімі барша бүлдіршіндерді құттықтап, ізгі тілегін айтты.<blockquote>«Балалар, сіздердің білімді, тәрбиелі, зияткер болып өсулеріңіз үшін аймақта үлкен жобалар қолға алынды. Нақты ғылымға ден қойған дарынды балаларға арналып физика-математика мектеп-интернаты, шығармашылыққа бейім жеткіншектерге арналып «Инновациялық- шығармашылық орталығы" салынуда. Бұл орталықта ұстаздар сіздерді шығармашылыққа баулып, креативті идеяларыңызды шыңдайды. Биыл Қызылорда қаласының сол жағалауынан сіздердің бос уақыттарыңызды тиімді ұйымдастыруға мүмкіндік беретін 350 орындық "Оқушылар сарайы" салтанатты түрде ашылды.Жаңақорған ауданының орталығынан &nbsp;да 200 орындық "Оқушылар үйі" мен 50 орындық "Өнер мектебінің" жаңа ғимараты ел игілігіне берілді. Бұл білім мен тәрбие ордаларында сіздер &nbsp;пікірлес жаңа достар табасыздар, жаңашылдыққа ұмтылып, ой-өрістеріңізді кеңейтесіздер.Әлем - баламен, яғни сіздермен, сіздердің шат күлкілеріңізбен әдемі! Біз үшін сіздердің балғын жүздеріңізден тараған қуанышты көруден асқан бақыт жоқ. Жаңа Қазақстанның болашағы, елімізді әлем халықтарымен терезесін тең ететін ұлттың үміті де – сіздерсіздер!Егемен еліміздің гүлденуі &nbsp;өздеріңіздің қолдарыңызда деп нық сеніммен айта аламын.Қанаттарыңыз талмай, бейбіт еліміздің көгінде шарықтап, ата-аналарыңыздың үмітін ақтаңыздар. Аспанымыз ашық, болашағымыз жарқын болсын! Жаңа жылдарыңыз құтты болсын, балалар», - деді аймақ басшысы.</blockquote>Шыршаға келген жеткіншектер ойын ойнап, ән шырқады, театрландырылған қойылым тамашалады және естелік сыйлық алды. Сондай-ақ, мейрам қонақтарына арнайы фотосессия ұйымдастырылды.

Облыс әкімі «Жарқыра, жайна  Жаңа  жыл» атты балалар ертеңгілігіне қатысушыларды құттықтады

<a href="https://kyzylorda-news.kz/">Kyzylorda-news.kz</a> Оңтүстік Кореядағы ұшақ апатынан кейін тұрғындар әуе сапарларынан бас тартып жатыр. Бұл туралы <a href="https://stan.kz/">Stan.kz </a>ақпарат агенттігі &nbsp;хабарлады.Екі күнде 68 мың билет кері қайтарылған. Көбі апатқа ұшыраған "Чеджу Эйр" компаниясына тиесілі. Сондықтан туристік агенттіктер дәл осы тасымалдаушының рейстерінен бас тартқан жолаушылардан айыппұл алмай жатыр. Олар клиенттеріне өзге ірі әуе компанияларын ұсынып, билеттерін ауыстырып беріп жатыр.29 желтоқсанда Оңтүстік Кореяның Муан қаласының халықаралық әуежайында Боинг 737-800 лайнері ұшу-қону жолағынан шығып кетіп, бетон қоршауға соғылған. Артынша жарылыс болып, соңы өртке ұласқан. Салдарынан бортындағы 181 адамның тек екеуі ғана тірі қалды. Апатқа әуе кемесінің дөңгелегіндегі ақау себеп болуы мүмкін.Ал кеше дәл осы компанияның дәл осы модельдегі басқа ұшағында дөңгелегіне қатысты проблема туындап, лайнер әуежайға оралған. Бұл оқиғалардан кейін билік Боинг 737-800 үлгісіндегі барлық ұшақты тексеру тапсырмасын берді. Жергілікті әуе тасымалдаушылардың көбі осы ұшақтарды жиі қолданады.Еске салсақ, бұған дейін 29 желтоқсанда&nbsp;<a href="https://stan.kz/ontustik-koreyada-da-yshak-apati-bolip-28-zholaushi-mer-411859/">Оңтүстік Кореяда ұшақ апаты</a>&nbsp;болғаны айтылды. Апаттан&nbsp;<a href="https://stan.kz/ontustik-koreyadagi-yshak-apatinan-kaza-tapkandar-sani-411861/">179 адамның мерт болғанын</a>&nbsp;жазған едік.Фото: Airlines Inform

Ұшақ апатынан кейін 68 мың жолаушы әуе билетін кері қайтарған

<a href="https://kyzylorda-news.kz/">Kyzylorda-news.kz</a> Қаржы министрлігінің мемлекеттік кірістер комитеті мобильді аударымдарға лимит бойынша енгізілетін жаңа талаптар туралы айтып берді. Бұл туралы <a href="https://stan.kz/kazakstanda-225-min-tengeden-asatin-audarimdar-tekseril-411915/">Stan.kz</a> ақпарат агенттігі хабарлайды.Қазір банктер үш ай ішінде әртүрлі тұлғалардан 100-ден астам аударым алған қазақстандықтар туралы мәліметтерді салық органдарына беруге міндетті. Мұндай кәсіпкерлер тауар немесе қызмет үшін заңсыз төлем алған болып есептеледі.Мемлекеттік кірістер комитеті тексеру критерийлері енді өзгеруі мүмкін екенін атап өтеді. Түзетуді ұлттық банк бекітіп жатыр."Бір жеке тұлғаның банк шотына қатарынан 3 ай ішінде 100 және одан да көп түрлі тұлғалардан жалпы сомасы 3 айлық жалақы мөлшерінен, яғни 225 мың теңгеден,&nbsp;асатын аударым қабылдаған&nbsp;тұлғаны тексеруді енгізу қарастырылуда”, –&nbsp;делінген ақпаратта.Осылайша, жаңа түзетулер&nbsp;күшіне енгеннен кейін қазақстандықтардың үш айдағы мобильді аударымдарының саны 100-ден асқан жағдайда ғана жеке тұлғалардың мобильді аударымдары тексерілетін болады. Түскен ақшаның жалпы сомасы 255 мың теңгеден аспауы&nbsp;керек.Айта кету керек, екінші деңгейлі банктер кәсіпкерлік қызметтен кіріс алу критерийлеріне жататын жеке тұлғалар туралы ақпарат беруге міндетті.Банктер операцияларды есепке алуды және олар белгіленген өлшемдерге сәйкес келетін болса, мемлекеттік кірістер органдарына мәліметтерді ұсынуға міндетті.Заңға сәйкес, кәсіпкерлік қызметпен тіркеусіз айналысатын барлық жеке тұлғалар жазаланады. Айыппұл&nbsp;15 АЕК (2024 ж. 55 380 теңге), бір жыл ішінде қайталап бұзу 30 АЕК (110 760 теңге) мөлшерінде.Қазақстанда мобильді аударым арқылы қанша кәсіпкердің салықтан жалтарғаны әзірге белгісіз. Мемлекеттік кірістер комитеті бұл ақпаратты банктерден 2025 жылы алатынын атап өтті.Еске салсақ,&nbsp;БАҚ-та қазақстандықтардың картадан картаға жасалатын аударымдарға&nbsp;12% мөлшерінде&nbsp;қосымша&nbsp;құн салығы салынатыны туралы ақпарат тарады. Мұндай норма&nbsp;жаңа Салық кодексінің жобасында бар екені айтылған. Жағдайға қатысты Ұлттық экономика министрлігі түсініктеме берген еді.Фото: pixabay.com

Қазақстанда 225 мың теңгеден асатын аударымдар тексеріледі

<a href="https://kyzylorda-news.kz/">Kyzylorda-news.kz</a> &nbsp;2025 жылы "Отбасы банкі" исламдық ипотеканы іске қосады. Бұл туралы <a href="https://stan.kz/2025-zhili-otbasi-banki-islamdik-ipotekani-iske-kosadi-411918/">Stan.kz </a>ақпарат агенттігі хабарлайды.<blockquote>"Отбасы" банкі, Қазақстан құрылысшылар одағы және Исламдық қаржы және бизнес қауымдастығы (AIFB) исламдық қаржы индустриясын дамыту туралы меморандумға қол қойды", –&nbsp;деп хабарлады ұйымның баспасөз қызметі.</blockquote>Тараптар ең алдымен қазақстандық заңнамаға өзгерістер енгізу және исламдық қаржыландыру саласында бірлескен оқыту семинарлары мен вебинарлар өткізу мүмкіндіктерін зерттейді.<blockquote>"Қазақстанда ислам ипотекасына сұраныс өте жоғары. Діни қағидаларды ұстанатын азаматтарымыз өсімге ақша алмайды. Бірақ оларға да&nbsp;жеке баспана қолжетімді болуы қажет. Біз бір қоғам, бір мемлекетпіз, бізде діни сенім бостандығы бар. Сондықтан біз діни сеніміне байланысты баспаналы бола алмай жүргендерге қолдау көрсетпекпіз. 2025 жылы алдымызға исламдық ипотеканы іске қосу бойынша жұмысты бастау міндетін қойдық.&nbsp;Бізде ислам ипотекасы қарастырылмаған тұрғын үй құрылыс жинақтары туралы заң бар. Ислам ипотекасы бойынша заңнамалық бастамалар заңда "исламдық терезе" деп аталатын жеке бөлімді құруға көмектеседі және ислам ипотекасын алу үдерісін сипаттайды", –&nbsp;деді банк басшысы Ләззат Ибрагимова.</blockquote>Исламдық ипотекада негізгі қарызға сыйақы төлеу мүмкін болмағандықтан, "Отбасы Банкі" тұрғын үй құрылыс жинақ жүйесі арқылы үйді қалай сатып алуға болатынын нақты қарастырады.Сондай-ақ "Отбасы Банкі" CSQlaw Kazakhstan Branch малайзиялық компаниясының филиалымен меморандумға қол қойды. Компания "Отбасы Банкі" қызметкерлері үшін исламдық қаржыландыру және шариғатқа сай қаржылық заңнама негіздері бойынша кешенді оқытуды ұйымдастырады.Еске салсақ, бұған дейін&nbsp;Қазақстанда&nbsp;исламдық ипотека бағдарламасын енгізу&nbsp;ұсынылған еді.&nbsp;Фото:&nbsp;Shutterstock

Қазақстан және Қызылорда облысының жаңалықтары: Қоғам