<a href="https://kyzylorda-news.kz/">Kyzylorda-news.kz</a> Үш жыл бұрын тұтас бір мемлекеттің ішкі болмыс-бітімі, халықтың тыныс-тіршілігі таразыға тартылатын тарихи сәт туды. Бұл елімізде он жылда бір рет өткізілетін Ұлттық халық санағы еліміз егемендік алғалы бері осымен үшінші мәрте ұйымдастырылып отыр. Үш он жылдықта жеткен жетістігіміз болса, жіліктеп жіпке тізетін, кеткен есеміз болса, кері бұрылып кем-кетігін айқындап алатын сәт бұл. Әрине, халқымыздың барын бағамдайтын бұл санақ өз дәстүрінен жаңылмағанда &nbsp;2019 жылы жүргізілуі тиіс еді. Алайда, 2020 жылға белгіленді. Кейіннен пандемеяға байланысты президент жанындағы реформалар жөніндегі жоғары кеңес ұлттық санақ 2021 жылы өткізілетіндігі туралы шешім шығарды. Осылайша, Ұлттық санақты өткізудің сәті биыл келген болатын. Осыған байланысты ұлттық санақтың жүргізілу барысы жайындағы сауалдарымызға жауап алу үшін &nbsp;біз Шиелі аудандық статистика бөлімінің басшысы Қожамжарова Алтынкүл Құрбанқызымен сұқбаттастық.– Елді мекендерді аралау кезінде әлдебір қиындықтар кездесті ме?– Негізі дәл қазіргі уақытта онлайн жүйе өз жұмысын тоқтатуы тиіс еді. Алайда, халыққа тағы да мүмкіндік беріліп, цифрлық бағдарламалар министрлігі онлайн жүйені тоқтатпауды дұрыс деп тапқан болатын. Бұл тұрғындарға берілген үлкен мүмкіндік. Ал, елді мекендерді аралауға келер болсақ, қазіргі таңда Шиелі ауданында бұл жұмыстар тиісінше атқарылуда. Осы жұмыс бойынша бізге арнайы мамандар жұмылдырылады. Жалпы, Шиелі ауданында 14 нұсқаушы-бақылаушы 45 күнге, ел арасын аралайтын 91 сұқбатшы 30 күнге жұмысқа алынды. Сұқбатшылардың жұмысын оңайлату үшін арнайы планшеттер үлестірілді. Дегенмен де үй-үйді аралау кезінде түрлі қиындықтарға тап болғаны жасырын емес. Кейбір азаматтардың үйлерін ашпай қойып, аулаға кіргізбей қойған кездері де көп болды. Тұрғындар арасынан үйлері жабық немесе басқа жерге қоныс аударғандары да табылды. Біз бұлардың ешбірін назардан тыс қалдырмаймыз. Егер үйлерін ашпаған азаматтар болса, әкімшілікке олардың тізімін беру арқылы аудандағы инспекторлар арқылы аталған тұрғындарды тауып жатырмыз. Ал, ауданда «халық санағына мүлдем қарсымын» деген азаматтарды кездестірген жоқпыз.– Санақшыларға арнайы планшеттер үлестірілді дегеніңізге қарағанда, олардың да жұмысы айтарлықтай жеңілдеді деп ойлаймыз. Солай ма?– Жұмыстың оңайы жоқ. Негізі санақшылардың үй-үйді аралап, әрбір тұрғындармен сұхбаттасуы оңай жұмыс емес. Дегенмен де, олардың жұмысы оңайландырылды. Бұрындары қағазбастылық көп болды. Әрбір тұрғындарға санақ парақтарын беретінбіз. Ол парақтарды біз қолдан көбейтетінбіз. Ал, қазір қызметкерлерге арнайы планшеттер таратылады. Мамандар сауалдарды сол планшеттерге басады. Алынған ақпараттар VPN арқылы &nbsp;бізге жетеді. Сол жерден тіркелген мәліметтер автоматты түрде көрінеді.&nbsp;– Ал елді мекендерді аралап, қажырлы қайратпен, аянбай тер төккен, өз жұмысын тиянақты атқарған санақшылар бар ма? Бар болса, атап айтсаңыз.– Аудан бойынша, бізде 14 санақ учаскесі оның ішінде 101 тіркеу учаскесі құрылды. Осы 101 тіркеу учаскесінде 1604 тұрғын үймен 83842 адамды санақтан өткізуіміз керек. Осы жоспарымызға сәйкес, &nbsp;14 санақ учаскесінде 98 санақшымыз өз жұмыстарын жүргізіп жатыр. Ең әуелі мен қазіргі таңда зейнетке шыққан Шиелі аудандық статистика бөлімін басқарған Нәжмедин Балтабайқызы, сондай-ақ Света Жолдасова, Бахриддин Диқамбай атты әріптестеріме өз алғысымды айтқым келеді. &nbsp;Олар зейнеттік демалысқа шықса да, еліміз үшін әлі де еңбек етіп, ауыл-ауылдарды аралап, нұсқаушы қызметін атқарып жатыр. Одан бөлек, халық санағын жүргізу кезінде тиянақты жұмыс жасай білген нұсқаушы-бақылаушыларды да атап өтейін. Олар Нұржан Әбдірашев, Ботакөз Қуандықова, Ақтолқын Сәрсенбаева, Жанерке Айтбек, Бахриддин Әбдіхаймов, Жансая Бимаханова, сондай-ақ санақшы қызметін атқарған Айзада Сардарбекова, Шолпан Таңсықбаева, Сахидам Рахидинова, Балнұр Сақабай, Ардақ Темірбай, Көркем Молдашева, Ғалия Ибрагим, Айған Молдағараева, Гүлнәр Жүсіпбекова сынды қызметкерлердің елеулі еңбегін, халық санағының өтуіне үлкен үлес қосқандығын атап айтар едім.&nbsp;– Сұқбатыңызға рақмет!

Алтынкүл Құрбанқызы: Ұлттық санақ ұпай түгендейді

<a href="https://kyzylorda-news.kz/">Kyzylorda-news.kz</a> Жылқыны бағу мен оның өнімдерін ел игілігіне жарату, оны баптап, басын көбейту оңай шаруа емес, кәнігі өнер деуге келеді. Қазақ деген текті ұлттың қанына сіңген қасиет, өзгеден ерек болмысын аша түсетін ерекшелік. &nbsp;Әсіресе қазақтың маңдайына біткен ұланғайыр даланы үйір-үйір жылқысыз елестету мүмкін емес. Төрт түліктің ішіндегі ең қасиеттісі, қадірлісі, тазасы да осы қамбар ата төлі. Халқымыздың жақсы адамды «жылқы мінезді» деуі де тегін емес. Әлемдік зерттеулерде де тұла бойы таза, қаны қызу жылқы малы ең алғаш рет қазақ даласында қолға үйретілгенін дәлелдейді.&nbsp;Халқымыздың қазақы болмысын айқындайтын құндылық және ежелгі көшпелі халық болғанымызды білдіретін басты нышан да осы жылқы. Жаңа дәуірдің салтанат құрған уақытында ұлттық құндылықтарымыздан ажырап қалмай, кейінгі ұрпаққа аманат ету парыз. Қазақты тануда жылқының алатын орны бөлек. «Астындағы жалғыз атын беретін» деп қазақтың кеңпейілділігін айтуда үлкен мән жатыр. Жылқы баптап ата кәсіпті жалғаған азаматтар баршылық. Жалағаш ауданындағы кәсіпкерлер арасында дәл осы кәсіп түрін дөңгелентіп отырғандар қатарында «Арсен-Агро» шаруа қожалығының төрағасы Сапар Есжанов та бар. Ат баптаған азаматпен хабарласқанымызда төрт түліктің төресін, қамбар ата түлігін күтіп-баптаудың өзі өнер екеніне тағы бір көз жеткіздік.&nbsp;– Атам заманда қолға үйретіліп, көшпелі халықтың қажетіне жараған жылқы малының қадір-қасиеті ерекше. Жылқы тектес халықтың өзі аттан, қазаны оттан түспеген. Көшпелі замандағы халықтың сенімді серігі, көлігі әрі қорегі де осы. Төрт түліктің ішіндегі ең тазасы, ең тектісі, адам денсаулығына ең пайдалысы да осы жылқы.&nbsp;Осы кәсіпті қолға алғаныма көп болған жоқ. Өз ісімді бастысы ата кәсіпті жалғайын, қазақтың қасиетті жылқысын күтіп-баптайын, санын көбейтейін деп бастадым. Осы жылы «Қарапайым заттар экономикасы» бағдарламасы аясында 7 млн 600 мың теңге несие алдым. 230 гектар жер иелендім. 20 бас аналық жылқы алып, күтуден бастадым. Жылқыларға өзім қараймын. Иелікке алған жерімде жылқыларға жайылым етіп, өзінше үйір қылдық. &nbsp;Негізі жайылымда еркін жүрген, таңдаған отын оттап, кеудесін суға төсеп су ішкен жылқы түлігі тез оңалады, тез кәдеге жарайды. Өйткені жылқы – еркіндіктің жануары.&nbsp;Қазір мемлекеттік бағдарламаның көмегімен кәсіп бастап, оның көкжиегін кеңейтуге болатынын бәрі біледі. Бұлар – елдің тұрмысын түзеуге, халықтың әлеуметтік жағдайын көтеруге жұмыс істейтін бағдарламалар. Мемлекет кәсіппен айналысуға барлық жағдай жасап отыр. Өз нәпақамды кәсібімнен табамын дегенге жан-жақты қолдау бар. Тек көзін таба білу керек. Басқа ірі қара малын баққаннан жылқы малын баптау ерекше күтімді қажет етеді. Дегенмен ерінбесеңіз кез келген шаруаны ширатуға, жемісті еңбек етуге болады. Бұйыртса, мал басын көбейтіп, кәсіп көкжиегін кеңейту жоспарда бар, – дейді қаракеткендік кәсіпкер Сапар Есжанов.Жаппай кәсіпкерлікті дамытуға ден қойған Жалағаш ауданында шағын және орта бизнесті дамытуға ерекше ден қойылған. Биыл да өңірімізде кәсіпкерлікті әрі қарай дамыту үшін жүйелі жұмыстар жалғасын табуда. Бұған мемлекеттік бағдарламалармен ерекше мән беріліп, халықтың жұмыс жасап жатқандығын атап өтуге болады. &nbsp;Кәсіпкерлік саласын дамытып, жұмыссыздар қатарын азайтуға бағытталған бағдарламалар әсіресе ауылдағы ағайынға шаруасын оңалтуға оңтайлы мүмкіндік беруде. Бүгінгі кейіпкеріміз бағдарлама игілігін көріп отырған жандардың біреуі ғана. Ал күтімі ерекше қамбар ата төлін көбейтуді қолға алған «Арсен-Агро» шаруа қожалығының төрағасы Сапар Есжанов адал еңбектің қашанда жемісті болатынына сенімді. Кәсіпкер ең бастысы мал басын көбейтіп алуды көздеп отыр. Мал басын арттырып алғаннан кейін өз өнімін нарыққа шығаратынын айтады.

Жылқыны кәсіпке айналдырған жалағаштық Сапар Есжанов

<a href="https://kyzylorda-news.kz/">Kyzylorda-news.kz</a> Түркістан облыстық сотында балаларын өлтірді деп күдікке ілінген атышулы сот процесі аяқталды. Бұл туралы Stan.kz ақпарат агенттігі хабарлайды.Түркістанда өзінің екі баласын буындырып өлтірген қызылордалық әйел сотталды. Сотталушы 15 жылын орташа режимдегі колонияда өткізеді.Алқабилер алқасы істі бірнеше ай бойы қарады. Журналистерге сотталушы мен алқабилерді түсірмеу шартымен сот процесін көрсетуге рұқсат етілді.Еске сала кетейік, 7 ақпанда Түркістанның жалдамалы пәтерлерінің бірінен екі жас баланың денесі табылды. Кейбір мәліметтер бойынша оларды анасы жастықпен тұншықтырып өлтірген. Ол балаларын өлтірейін деп жатқанын жақындарына айтқан.Видеодан скриншот/Түркістан облыстық ПД баспасөз қызметі

Балаларын қылқындырып өлтірген  мұғалімге үкім шықты

<a href="https://kyzylorda-news.kz/">Kyzylorda-news.kz</a> Балалық шақтың &nbsp;қиял әлемі адамды небір ғажайып армандарға жетелейді. Айдар да жастайынан табиғатты сүйіп, ауылдағы &nbsp;айнадай жарқыраған шағын көлдің жағасына жиі барып, тулаған балықтың шолпылдаған дыбысын тыңдап, өзіне шабыт алатын. &nbsp;Бой сергітіп, дене жаттығуларын жасап, шымыр болуға да талаптанып, сергектікті жаны қалады. Ер жігітке салауаттылық &nbsp;пен спорт серік болу керек деп шешкен ол мектеп бітірген соң спорт туризм академиясына оқуға түсті. &nbsp;Оқу орнында жүріп, ой мен бой сауықтырудың небір керемет құпияларына қанықты. &nbsp;Туризмді қалай &nbsp;дамытудың мән-жайына ой жүгіртті. Оқуды ойдағыдай бітірген соң туған ауылы Темірбек Жүргеновке келіп, жүрегінің төріндегі арман-мақсатын жүзеге асыруға талпынды. Ауылдағы &nbsp;балалық шағының естелігіндей жалғыз көлдің тағдыры да жас жігітті &nbsp;алаңдатқан &nbsp;болатын. &nbsp;Шағын ауылды көлбей орналасқан күміс көлге су маржандарын жіберіп, оны өсіріп елдің кәдесіне жаратсам, балық шаруашылығын қолға алсам, «Мақпалкөлді» тіршілік көзіне айналдырсам деген тамаша идея оны күндіз-түні мазалаумен болды. Осыдан 4 жыл бұрын бұл шешімін жүзеге асырды. Осылайша көлді жекешелендіріп «Уәлиұлы» ЖК-сын ашты. Бүгінде өзін-өзі жұмыспен қамтыған жеке кәсіпкер Айдар Уәлиұлы &nbsp;тек ауыл ғана емес, қалаға да балық сатып, &nbsp;өз кәсібінен береке тауып, адал еңбектен ризық көріп отырғанын айтады.&nbsp;– Менің арманым – өзім туып-өсіп, кіндік кескен жерімнің табиғатына жанашыр болу. Оның бұйырған байлығын жергілікті тұрғындардың тұтынуына көмектесу. Жалпы көл табиғаттың көрікті жері ғой. Судың жағасына барып демалудың өзі адамның бойындағы шаршауды, торығуды басады, көңіл терезесін ашады. Қазір төрт жылдан бері балық өсірудің қыр-сырын меңгере бастадым. Күріш науқаны біткен соң шамамен 7-8 мыңдай майда шабақтарды құтқарып көлге жіберемін. Осылайша оларға бидайды &nbsp;ұнтап жем шашамын. &nbsp;Қыста судың беті &nbsp;мұз болып қата бастағанда әр жерден тесіп, қамыс тығып қоямын. Сол кезде балықтың су астында тыныс алуы жеңілдейді. &nbsp;Болашақта ауылдастарым жағажайда демалып сергитін орын ашсам деген үлкен арманым да бар. Алдағыны Алла біледі ғой. Елге қызмет жасасам, одан артық бақыт жоқ, – дейді жас кәсіпкер.&nbsp;Шынында бүгінде балық шаруашылығының бойына қан жүгіртіп, оны ел игілігіне жарататын шаруашылық саусақпен санарлық. Жалағаш ауданындағы «Мақпалкөлде» су маржандарының көбеюіне қамқор болып, ауыл халқының &nbsp;келешегіне &nbsp;зор сеніммен қарайтын Айдардың кәсібінің нәсібін көріп, болашақта демалыс орнын ашып, елдің алғысына бөленуіне тілектеспіз. &nbsp;

Балығы тайдай тулаған «Мақпалкөл» 

<a href="https://kyzylorda-news.kz/">Kyzylorda-news.kz</a> Жалағаш ауданында күрежолдың бойында еңбек деген еңсесі биік елді мекен бар. Бұрынғы аққошқардың бүгінгі келбетіне қарап көз сүйсінеді. Әрине ауылдың мұндай кейіпке енуінде үлкен еңбектің ізі жатыр. Соған қарап атына заты сай елді мекен бе деген тұжырымға келесің. Дана қазақ “ауылына қарап, азаматын таны” дейді. Бұл сөз ауылдағы тұралаған шаруашылық жұмысын ширатып, туған жердің түлеуіне һәм түрленуіне білек сыбана атсалысқан аққошқарлық шаруагер&nbsp;Шакизатхан&nbsp;Ысқақовқа қаратып айтылғандай.Еңбекпен еңсе тіктеген атпал азаматтың туған жерге тағзым ретінде өтеген борышын&nbsp;бұған дейін де&nbsp;бірнеше мәрте жариялаған едік. Алайда Шакизатхан Ысқақовтың ауыл әлеуетін арттыру бағытында қолға алған жобалары әлі де өз мәресіне жеткен жоқ. “Кең болсаң, кем болмайсың” деген қанатты сөзді қаперге алған төраға бір ғана шаруашылықпен бүтін бір ауылдың қажетіне жарап жатыр.&nbsp;Осыдан бірнеше жыл бұрын “Еңбек-Жер” жауапкершілігі шектеулі серіктестігін құрған Шакизатхан Ысқақов сол уақыттан бері ауыл шаруашылығы бағытында тынымсыз еңбек етіп, Аққошқардың күрішпен кірісін еселеп отыр. Ауылды абаттандыру мақсатында атқарған жұмыстарын қазір кеңінен тарқатсақ, Еңбекте таңды таңға жалғап жазатын тың дүние көп. Бастысы соның бәрі халықтың көңілінен шығып, тұрғындардың қажетіне жұмыс жасап тұр.&nbsp;Иә, қолда барды көппен бөлісу – екінің бірінің басына бұйыра бермейтін бақ. Былтыр&nbsp;да қамбасы алтын дәнге толған серіктестік төрағасы толайым табысты сол кеңпейілділігімен байланыстырады. Осыған дейінгі жеткен жетістігін әріптестерінің һәм ауылдастарының тынымсыз еңбегімен ұштастырған төраға&nbsp;бір жылдары&nbsp;күзгі науқанның қорытындысында дала дарабоздарына 72 млн теңге сыйақы үлестірді. Оның ішінде 6 еңбек адамы сужаңа темір тұлпар тізгіндесе, бірнеше отбасы жаңа баспанада қоныс тойын тойлады. Мұнан бөлек ала жаздай атыз басында тынымсыз тер төккен бірнеше еңбек адамы 5 млн теңгеге дейін қаржылай сыйақыға ие болды. Бұл тек ұжымның ғана еңбегін бағалау емес, осынша қаржыны ауылдастарына үлестіру арқылы төраға тұрғындар әлеуетінің артуына да өзіндік үлесін қосып отыр.Ауылдағы серіктестік былтыр&nbsp;да науқан қорытындысымен толайым табысқа қол жеткізіп, нәтижесінде аққошқарлықтардың бірлесе атқарған еңбегі зая кеткен жоқ. Әр гектардан жоғары өнім алған күрішшілер мен сушылар, механизаторлар биыл да сыйақыдан құр қалмады. Әдеттегідей дәстүр сабақтастығын жалғай білген Шакизатхан Ысқақов дала дарабоздарының бірқатарына сужаңа темір тұлпар үлестірсе, қаншама отбасы тағы да қоныс тойын тойлайтын болды. Міне, елі еңбек етеді, ал ері сол адал еңбекті бағалап отыр. Мұндай ымырамен күн кешіп жатқан ауылдың болашағы жарқын, келешегі кемел боларына ешкімнің дауы жоқ.Ел үшін еңбек еткен ерді кім жек көрсін. Кәсібінің көкжиегі кеңейген сайын туған жердің түлеуіне тер төккен Шакизатхан да ауылдастарының алғысына бөленуде. Олай болуы да заңдылық. Ауылдағы жағдайы төмен отбасыларға қол ұшын созып, материалдық көмек беруді атпал азамат дағдыға айналдырған десек, артық айтқандық болмас. Бірнеше жылдан бері серіктестік төрағасы ауылда қайтыс болған кісілердің отбасына көмек беріп, ораза, айт секілді дәстүрлі мерекелерде аққошқарлықтарға ұн, күріш секілді басқа да әлеуметтік маңызы бар азық-түліктерді тегін үлестіріп келеді. Тіпті мұндай шараларды жүзеге асыру үшін серіктестіктің арнайы құжатын әзірлеп қойған.&nbsp;Ауыл мақтанышы қайда жүрсе де “Еңбектің еңсесін тіктеуде басқа да нендей жобаларды жүзеге асырса болады?” деген сауалға жауап іздеумен болды. Бүгінде бір ғана сауалдың шешімін табуда атқарылған жұмыстардың жемісін бүкіл ауыл көріп отыр. Еңбектің халқы бұрыннан өнерге, білімге, мәдениетке бейім ғой. Десе де жастардың бойындағы осы шығармашылықты дамытуға дем беру мақсатында Шакизатхан Ысқақов қолдауын аяған емес. Соңғы 7-8 жылда ауылдағы білім ошағын үздік тәмамдаған оқушыларға велосипед сыйға тартса, аудан &nbsp;мақтанышына айналған Еңбектегі “Әжелер” ансамбліне де жыл сайын қаржылай қолдау көрсетіп келеді.&nbsp;Қытайдың Ухан қаласынан бастау алған вирус біздің елге де үлкен шығын алып келгенін жақсы білеміз. Осы тұста көптеген аймақтан шыққан іскер азаматтар індетті ауыздықтау мақсатында қаржылай қол ұшын созды. Бұл мәселенің алдын алуда да Шакизатхан қарап қалмады. Вируспен күресу мақсатында “Еңбек-Жердің” жұмысшыларына, ауылдағы жағдайы төмен 23 отбасына қаржылай көмек көрсетті. Мұнан бөлек ауылдық емханаға 5 млн теңгенің заманауи медициналық аппаратын сыйға тартты. Ал қазіргі білім беру жүйесінің онлайн форматқа көшуіне орай көптеген оқушыға тегін планшет сыйға тартты.&nbsp;– Әлемді шарпыған індет Қазақстанға да өзінің зардабын алып келді. Уақытында онымен күресте жұмыла іс қылдық, олай қылмасақ, қазақтығымызға сын болары анық. Әйтеуір қолымыздан келгенше қол ұшын созудан аянып қалмаймын. Серіктестік тарапынан ауылдық емханаға 5 млн теңгенің заманауи аппаратын алып бердім. Аудандық аурухананы да өздері қажет деген дүниелерімен қамтамасыз еттім. Бір қуантарлығы, қазіргі таңда дерт тоқтады. Әйтеуір соған тамшыдай болса да өз үлесімді қостым. Бірақ мұнымен мақтанбаймын. Бұл – мен үшін азаматтық міндет. Халық болып қиындықты еңсеріп жатқанда біз бір жағынан шыға алмасақ, азаматтығымызға үлкен сын болары анық. Әлі де туған жерге тер төгуден шаршамаймын. Бастысы, қолға алған жобаларымның жемісін халық көрсе, менің еңбегімнің ақталғаны деп білемін, – дейді ауыл жанашыры.&nbsp;Төрағаның бұл сөзінің растығына серіктестік тарапынан атқарылған шараларға қанық болған кез келген адам күмән келтірмесі анық. Себебі қиын-қыстау кезеңде жұртының жанынан табылған туған жердің төл перзенті расында ауданда вируспен күресуде өзінің қолдауын аяған емес.&nbsp;Апта соңында ауылға қайту үшін алдымен Еңбектің үстімен өтеміз. “Абаттанған ауылдың аз ғана уақытта мұндай кейіпке енуіне не себеп?” деген сауалды тұрғындардың қай-қайсысына &nbsp;да жолдасаңыз әңгіменің әрісін “Еңбек-Жер” ЖШС-нан бастайды. Иә, шынында бір ғана шаруашылық бүтін бір ауылдың көркейіп көгалдануына айтарлықтай қолғабыс етіпті. Ендігі сөзімізді өңірде “Еңбек-Жердің” демеушілігімен жүзеге асқан жобалар төңірегінде жалғайық.Серіктестік төрағасының туған жерге жасап жатқан осынша қолдауы алдымен мешіт құрылысынан басталыпты. Ауылдағы имандылық үйінің ғимаратын күрделі жөндеуден өткізген Шакизатхан Ысқақов кейін орталықта балалардың ойын алаңдарын көбейтеді. Шаруашылық жұмысы ширап, кіріс көзі артқан бойда Еңбекті көркейтіп көгалдандыруды мақсат етеді.&nbsp;Шаруашылық демеушілігімен өз жұмысын бастаған ауыл орталығындағы кешен тек аққошқарлықтарға ғана емес, көршілес Есет батыр мен Жаңадария ауылының да игіліне жұмыс жасады. Оған дейін той-томалақ, құдайы ас секілді дәстүрлі жиындарды өткізу үшін үш ауылдың халқы аудан, қалаберді облыс орталығына сабылатын. Қазіргі таңда бұл кешеннің сауда орталығы қолжетімді бағада ауыл тұрғындарына қызмет етуде. Өңірді көркейтуді қолға алған атпал азамат мұнан бөлек Т.Дәуітбаев атындағы орталық көшенің тұрғын үй аулаларын қоршауға өз қаражаты есебінен 4,5 млн теңге бөлді. Қазіргі таңда қос беті мұнтаздай таза ауылға кіре беріс көшенің келбетіне көз сүйсінеді.&nbsp;Былтыр ел тайқазанынан қаралған және облыс қазынасынан бөлінген қаражатқа Еңбекке кіре беріс 8 шақырым жолға асфальт төселген болатын. Бұл жолдың да бұрынғы мәселесі тек Еңбекке ғана емес, көршілес Есет батыр мен Жаңадария халқына аудан және облыс орталығына қатынау қиындық тудырған еді. Толық жөндеуден өткен тасжолдың бойына күрежолдан ауылға дейін “Еңбек-Жер” ЖШС-ның демеушілігімен жарық жүргізілді. Шакизатхан Ысқақов жарық жүргізу жұмыстарына 16,5 млн теңгеден астам қаражат бөлді. Бір сөзбен айтқанда, ауылдың абаттануына 1 жылда 65 млн теңгеге жуық қаржы бөліп отыр.Ауданнан шалғай жатқан Жаңадария ауылына жол түсіп, жағымды жаңалықты құлағымыз шалып қалды. Осыған дейін көптеп, көмектеп ауыл азаматтары елді мекенде имандылық үйінің құрылысын бастап кеткен. Аллаға шүкір, ауыл мешіті қазіргі таңда жергілікті халықтың қажетіне жарап тұр. «Бұл нысанның құрылыс жұмыстары әлі де ұзаққа созылады ма?» деген сауал ауыл ақсақалдарының да көңілін күпті қылып қойған уақытында. Мұны естіген Шакизатхан Ысқақов Жаңадариядағы мешіт құрылысына деп 1 млн теңге қаржыны ауыл ақсақалдарына табыстап кетіпті.&nbsp;“Кең болсаң, кем болмайсың” дейді қазақ. Қазекеңнен қалған бұл қанатты сөздің растығына өз басым Шакеңнің болмысына қарап-ақ көз жеткіземін. Қолда барды көппен бөліскен сайын ісі де алға басып жатыр. Сыр топырағының қай бұрышын да жатсынбаған атпал азамат осылайша көршілес ауылдарға да қол ұшын созып жатыр. Жомарттығымен жұртының ыстық ықыласына бөленген ағамыздың Алла қай ісіне де береке бергей.&nbsp;Шакизатхан Ысқақов жаңадариялықтарға қолғабыс етумен шектелген жоқ. Ол кейінгі буынға да осы бір қадамымен оң бағыт беріп отыр. Мұны зердесіне тоқыған өскелең ұрпақтың алдағы уақытта туған жерге тер төкпесіне кім кепіл. Қамбаны алтын дәнге тасытып, Сыр салысынан тау тұрғызған арда азаматқа жаңадариялықтар ғана емес, бүкіл аудан халқы алғыс білдіреді. &nbsp;

Ауылын абаттандырған азамат

Фото: ult.kz<a href="https://kyzylorda-news.kz/">Kyzylorda-news.kz</a> Құқықтық статистика және арнайы есепке алу жөніндегі комитетінің Қызылорда облысы бойынша департаментінің мәліметінше, осы жылдың 5 айында 242 жол-көлік оқиғалары тіркелді. Жалпы жол-көлік апаттарының басым бөлігі – елді мекендерде орын алған. Жол-көлік оқиғасы санының көбеюіне – жол қозғалысы ережесін өрескел бұзуға жол беретін жүргізушілер тәртібінің төмендігі себеп болып отыр. Осыған сәйкес, жол-көлік оқиғаларының алдын алу мақсатында тиісті шаралар қолға алынуда.<blockquote>- ҚР Бас прокурорының төрағалығымен өткен құқықтық тәртіпті және қылмыскерлікке қарсы күресті қамтамасыз ету жөніндегі тапсырма аясында Қызылорда облысы әкімінің өкімімен жол-көлік оқиғаларының себептерін зерделеу, сондай-ақ жол қауіпсіздігі деңгейін арттыруға бағытталған шаралар мен ұсыныстар әзірлеу үшін ведомствоаралық жұмыс тобы құрылды. Ведомствоаралық жұмысшы топ отырысында жол-көлік оқиғаларының алдын алу бағыттары бойынша ұсыныстар талқыланып, хаттама негізінде облыс орталығының көше-жол тораптарының бойында орналасқан реттелмеген жаяу жүргінші өтпелерінде қауіпсіздікті қамтамасыз ету және жүргізушілердің назарын аудару мақсатында жаңа үлгідегі 40 проекционды жаяу жүргіншілер өткелі орнатылды. Қазіргі таңда облыс бойынша уәкілетті органдармен әкімшілік құқық бұзушылық туралы істер бойынша құжаттарды рәсімдеудің 92,6 пайызы электронды форматта жүргізілуде. Сонымен қатар, 3830 тұлғаға қатысты медициналық куәландыруға электрондық жолданымдар жолданса, 595 ЖКО схемасы электронды форматта енгізілді.</blockquote>Бұдан бөлек, біз уәкілетті орган ретінде мемлекеттiк құқықтық статистика және арнайы есепке алу мәлiметтерiнiң тұтастығына, объективтiлiгiне, анықтығына, толықтығына қадағалауды жүзеге асырамыз,- деді Құқықтық статистика және арнайы есепке алу жөніндегі комитетінің Қызылорда облысы бойынша департаментінің бастығы Асхат Әбілдаев.Кәсіпкерлікті дамыту – нарықтық экономиканың серпінді даму кепілі. Осы ретте Құқықтық статистика және арнайы есепке алу жөніндегі комитетінің Қызылорда облысы бойынша департаментінің бөлім бастығы Тұрсынқожа Үсеновпен кәсіпкерлікті қорғау бағытындағы атқарылып жатқан жұмыстар мен цифрлы технологияны дамыту мақсатында іске қосылған «Qamqor» ұялы қосымшасындағы QR код арқылы тексеруге қатысты нақты ақпаратты көруге мүмкіндік қарастырылғандығын атап өтті.<blockquote>-Есепті мерзімде облыс бойынша барлығы 1319 қылмыстық құқық бұзушылық тіркеліп, өткен жылмен салыстырғанда 6,5%-ға төмендеген. Жалпы тіркелген қылмыстық құқық бұзушылықтардың 326 алаяқтық санатындағы қылмыстарды құраған. Қазіргі қоғамдағы ең өзекті мәселелердің бірі – интернет алаяқтық болса барлық тіркелген алаяқтық санатындағы қылмыстардың ішінде 95 интернет-алаяқтықтар болып табылады. Бұдан бөлек, есірткі және психотроптық заттардың заңсыз айналымына қатысты қылмыстар 6,1 пайызға төмендеген, - деді Құқықтық статистика және арнайы есепке алу жөніндегі комитетінің Қызылорда облысы бойынша департаменті бөлім бастығының міндетін атқарушы Олжас Әлиев.</blockquote>

Жол-көлік оқиғаларының алдын алу шаралары күшейтілген режимде жүргізілуде

<a href="https://kyzylorda-news.kz/">Kyzylorda-news.kz</a> «Қазгидромет» РМК-сы маусымның 21- күнгі күн райы болжамын жариялады.Қазақстан аумағының басым бөлігінде күн әлі де құбылмалы, атмосфералық ағындардың өтуіне орай жаңбыр жауып, найзағай ойнайды, күндіз елдің солтүстігінде, оңтүстік-шығысындағы таулы аудандарда нөсер жаңбыр, солтүстікте бұршақ жауады, сондай-ақ республика бойынша жел күшейеді. Тек шығыста, солтүстік-батыста ғана күн жауын-шашынсыз болады.Күндіз Атырау, Қызылорда облыстарында, Батыс Қазақстан, Ақтөбе, Маңғыстау облыстарының батысында, Түркістан облысының оңтүстігінде, шөлді аудандарында, Ұлытау облысының батысында, орталығында қатты ыстық болады, Абай, Жетісу облыстарында қатты ыстық күтіледі.Ақтөбе, Алматы облыстарында, Ұлытау облысының солтүстігінде, шығысында, Абай облысының солтүстігінде, Қарағанды облысының батысында, орталығында, Батыс Қазақстан облысының батысында, солтүстігінде, орталығында, Ақмола облысының батысында, Шығыс Қазақстан облысының оңтүстігінде, Қызылорда облысының солтүстік-шығысында, Маңғыстау облысының батысында, солтүстік-шығысында, Жетісу облысының солтүстігінде жоғары өрт қаупі сақталады, Павлодар облысының шығысында жоғары өрт қаупі күтіледі.Атырау, Түркістан, Жамбыл, Қызылорда, Алматы, Ұлытау облыстарында,&nbsp;Батыс Қазақстан облысының оңтүстік-батысында, оңтүстігінде, Ақтөбе облысының батысында, оңтүстігінде, Қостанай, Қарағанды, Абай облыстарының оңтүстігінде, Жетісу облысының шығысында, Маңғыстау облысының солтүстігінде, оңтүстік-шығысында, орталығында төтенше өрт қаупі сақталады.

Бүгін 9 облыста күн қатты ысиды 

<a href="https://kyzylorda-news.kz/">Kyzylorda-news.kz</a> 2020 жылдың 1 қыркүйегінде ел Президенті Қасым-Жомарт Тоқаев «ЖАҢА ЖАҒДАЙДАҒЫ ҚАЗАҚСТАН: ІС-ҚИМЫЛ КЕЗЕҢІ» атты жолдауын ел назарына ұсынғаны белгілі. Аталған Жолдаудың 7-ші бөлімінде Ел президенті еліміз бойынша 2 млрд ағаш отырғызатыны туралы баяндаған. Осыған орай Қазақстан Республикасы Экология, геология және табиғи ресурстар министрінің орынбасары Ерлан Нысанбаев 2 млрд түп ағашты қалай отырғызатыны туралы журналистер алдында есеп беріп, жоспарымен бөліскен болатын.«Біз климат факторын да ескеруіміз керек. Мысал ретінде алатын болсақ: оңтүстік аймаққа терек пен қара ағаш, оңтүстік және батыс аймақтарына сексеуіл ағаштарын, солтүстікте қайың, шырша және қарағай ағаштарын отырғызу жоспарланған», – деді вице-министр. Тіпті, жаңа орманның ең көп көлемі Түркістан, Қызылорда және Жамбыл облыстарының жерінде отырғызылмақ болған. Сөйтіп, экология министрлігі аймақ басшыларымен тізе қоса отырып, әр өңірде қанша ағаш егілетінін нақты анықтап, іске кірісіп те кетті. Алайда, жыл өтсе де бұл ғаламат ізгі бастама біздің аймақты қуанышқа да, ну орманға да бөлей алмады, тіпті назардан тыс қалғандай. Оның орнына халық жаз бойы өсіп тұрған ағаштардың аянышты халіне алаңдаумен болды.Сонымен, «Уайымдамаңыздар күннің көзіне көрсетпей өсірген қыздарыңызға, біз де күн көрсетпейміз» деген әзілдің желісімен өткен жаз айларына тоқталайық. 2021 жылы сәуір айында Шиелі ауданындағы кіре беріс көпір маңына 167 дана «можжевельник», 122 дана «катальпа прекрасная» тұқымды ағаштары егілген болатын. Жалпы Асан-ата көшесі бойына, Исатай Әбдікәрімов көшесіне, «Рәміздер» мен «Тағзым» алаңына және «Шиелі-паспорт» маңына осы екі ағаш түрлерін отырғызу жоспарда болған, сол уақытта. Тіпті, "Өскен өңірдің" бір санында екі тұқымдастың суыққа төзімді екендігін айтып, тиісті сала мамандарының таңдауын құптағандай болыппыз.Жерсінбейтін ағашты еге беру қажет пе?Күн өтті, ай өтті бірақ, біз күткен нәтиже ойдағыдай болмай шықты. Ер Төстік ертегісінің желісімен бір айда бір жастағы, екі айда екі жастағы, үш айда үш жастағы баладай болып өсуі қажет болған ағаштардың жартысынан астамы керісінше қурап, өлудің сәл-ақ алдында тұр. Жаз бойы күннің сәулесінен қорғап тұруы тиіс болған шатырлар да көшеттердің жерсініп кетуіне еш көмек бола алмапты. Дегенмен, сирек кездесетін ағаш көшеттерінің қурап қалуы біздің ауданда ғана орын алып отырған жоқ. Мәселен, ұқсас жағдайлар 2019 жылы Ақтөбе қаласында, осы жазда Алматыда, жақында Түркістан қаласындағы &nbsp;«Керуен Сарай» туристік кешені аумағында орын алып, көптің талқысына түскен.Ақтөбеде 1 млн түп қарағай көшеті, Алматыда 32 мың түп көшет түгелдей қурап кеткен. Ал таяуда Түркістанда «Керуен Сарайдағы» ағаштардың қурап қалғанын айғақтайтын фотосуреттер мен бейнежазбалар тарап кетті. Тұрғындардың айтуынша аталған жағдайлардың барлығында ерекше көшет түрлері егіліп, бірақ оның күтімі дұрыс жасалынбағындықтан солып қалған. Бәлкім, жоғарыдағы аталған жағдайлардан сабақ алып, біздің жерімізге жерсінбейтін ағаш түрлерін егуден аулақ болу керек пе еді?Асығыс шешім шығармай, сирек кездесетін көшет түрлерін егуден оң нәтижеге қол жеткізген жағдайларға тоқталып көрейік. Мәселен, 2018 жылы Қазалы ауданында «Ояз» атты баққа дәл осы «катальпа прекрасная» тұқымдастары, туя, айлант, үйеңкі сынды ерекше ағаштар жерсіндірілген. Алғашында көшет бейімделе алмағанымен, күтіп-баптаудың арқасында тамыр жайып, көктеген. Қызылорда қаласының төңірегінде де «катальпа прекрасная» тұқымды ағаштарының көктеп өсіп тұрғандығын көріп жүрміз.Мақала басында айтылғандай, бүгінде осы күнге дейін пәлен мың «шыбық шаншығандардың» еңбегі біз айтпай-ақ еш кеткені анық көзге бадырайып тұр. Бізге керегі, көшеттің көптеп отырғызылуы емес, көптеп көктеуі ғана. Әйтпесе, арық жағалай отырғызған ақ терегің де, қара талың да, можжевельник пен катальпа прекрасная ағашы да &nbsp;&nbsp;күтімі болмаса, көгермесі хақ. Ал, қажетті күтім жасалынған жағдайда кез келген көшеттің көктеп, тамыр жаярына көршілес аудандағы сала мамандарының табысты жұмысы дәлел болмақ.

Шиелідегі көшеттер көктей ме?

<a href="https://kyzylorda-news.kz/">Kyzylorda-news.kz</a> Жаз мезгілінде электр энергиясын үнемдеу өзекті мәселенің бірі. Әрине, аптап ыстықта бәріміз де салқындатқыш пен желдеткіш құрылғыларына тәуелдіміз. Десе де мұның теріс жақтары да жетерлік. Мәселен, электр энергиясын шамадан тыс пайдалану қоршаған ортаның ластануына әсер етеді. Сала мамандарының айтуынша, 2022 жылмен салыстырғанда облыста электр энергиясын тұтыну көлемі 25 пайызға артқан. Өз кезегінде бұл электр желілері мен қосалқы станцияларға айтарлықтай күш түсіреді. Бүгін Өңірлік коммуникациялар қызметінің ақпарат алаңында тиісті сала мамандары тұрғындарды электр энергиясын тиімді пайдалануға шақырды.<blockquote>– Қазіргі таңда өңірдегі электр энергиясын тұтыну көрсеткішкі 196 МВт құрайды. Облыс аумағында 10 491 шақырым электр желісі мен 2 008 дана қосалқы станция бар. Олардың тозу деңгейі 66 пайызды құраса, жыл соңына дейін 62 пайызға дейін түсіру жоспарланып отыр. Айта кету керек, өткен жылы 32 жобаны жүзеге асыруға тиісті қаржы бөлінді. Нәтижесінде, 677 шақырым электр желісі жүргізіліп, 135 дана қосалқы станция орнатылды. Ал, биыл электр жүйелерін жаңғырту бойынша 38 жобаға 11 млрд теңге бөлінді. Бөлінген қаржыға 786 шақырым электр желісі жүргізіліп, 175 дана қосалқы станцияларға жөндеу жүргізіледі, - деді облыстық энергетика және тұрғын үй-коммуналдық шаруашылық басқармасы басшысының орынбасары Тахир Нәдірбек.</blockquote>Соңғы жылдары облыста электр энергиясын тұтынушылардың саны артып отыр. Мәселен, 2022 жылдың 5 айында 189 682 болса, өткен жылы 192 314, ал биыл бұл көрсеткіш 194 858 болды.<blockquote>– &nbsp;Сондай-ақ, электр энергиясын тұтыну көлемі 2022 жылмен салыстырғанда 25 пайызға өскен. Өздеріңіз білесіздер, қазір күн өте ыстық. Соған сәйкес, тұрғындар да электр энергиясын шамадан тыс қолдануда. Әсіресе түскі уақытта электр энергиясын тұтыну көлемі екі есеге дейін өсіп отыр. Бұл электр желілері үшін шамадан тыс күш түсіреді. Сондықтан, тұрғындарды мүмкіндігінше электр энергиясын тиімді әрі үнемді пайдалануға шақырамыз,- деді «Қызылорда электр тарату тораптары компаниясы» АҚ Басқарма төрағасы Батыржан Қаракөзов.</blockquote>

Электр энергиясын үнемді пайдалану аса маңызды

<a href="https://kyzylorda-news.kz/">Kyzylorda-news.kz</a> Осы аптада Қармақшы ауданының әкімі Жандос Еркінбек&nbsp;Мемлекет басшысының «Әкімдердің халықпен кездесулерін өткізу туралы» Жарлығына сәйкес есепті кездесуін Иіркөл және Төребай би ауылында қорытындылады. Ауыл тұрғындарымен кездесуде жыл басынан бері ауданда атқарылған жұмыстарды саралап, алдағы жоспарымен бөлісті.Әр елді мекеннің даму мүмкіндігіне қарай әлеуметтік-экономикалық жағдайын көтеру, ауыл халқының өмір сүру сапасын арттыру, елді мекеннің инфрақұрылымын жүргізу бойынша жұмыстар жүргізілетінін жеткізді.&nbsp;Биыл Иіркөл ауылында тозығы жеткен электр желілерін қайта жаңғырту мақсатында демеушілік есебінен жобалау сметалық құжаттары әзірленуде.Жалпы Иіркөл ауылы аудан орталығынан 25 шақырым қашықтықта орналасқан. Ауылдық округте 700-ге жуық халық шоғырланса, экономикалық белсенді халық саны 279. Жұмыспен қамтылғаны 188 болса, 12 адам жұмыссыздық тіркеуде тұр. Одан бөлек 20 адам өзін-өзі жұмыспен қамтып отыр.<blockquote>– Ауыл тұрғындарынан жиналатын мүлік, жер, көлік салықтары бойынша түсетін қаржылардың жоспары жасалынды. Биылғы жылға арналған қаржылық, мемлекеттік сатып алу жоспарлары бекітіліп, сатып алу порталы арқылы бірнеше мекемемен келісім-шарт жасалып, қаралған қаржы игеріліп отырды. Мәселен, Е.Құрманбаев көшесін жарықтандыруға аудандық бюджеттен қаржы бөлініп, конкурс жарияланды. Одан бөлек кәсіпкерлікті және қолдау мақсатында мемлекеттік бағдарламалар арқылы несие, қайтарымсыз грант алуға ауыл тұрғындары арасында үгіт-насихат жұмыстары жүргізіліп келеді. «Ұлттық жоба» бағдарламасы аясында қайтарымсыз грантқа 2 адамның құжаттары өткізіліп, нәтижесі күтілуде, – деді Иіркөл ауылының әкімі Жағыпар Төлегенов.</blockquote>Биыл Сырдария өзеніндегі су көлемінің азаюына байланысты егіс көлемі өткен жылмен салыстырғанда 770 гектарға қысқарды. Өңірдегі су тапшылығына қарамастан Иіркөл ауылындағы «Жаңатұрмыс и К» шаруа қожалығы барлығы 156 гектар егіс көлемінің 141 гектарына күріш, 15 гектарына бақша дақылын егіп, ауыл азаматтарын жұмыспен қамтуда. Сондай-ақ ауыл тұрғындарын арзан бағамен жоңышқа, табиғи шөп, жем, күріш және тағы басқа өнімдермен қамтамасыз етіп отыр. Ауылдағы басқа да шаруа қожалықтар өздеріне тиесілі егістік жерлеріне егіндерін егіп, пай үлестік жерлеріне сәйкес ауыл тұрғындарына бақшалық жер дайындап берген.Ал Төребай би ауылында облыс әкімінің тапырмасына сәйкес нарықты ішкі өнімдермен толықтыру мақсатында 45 гектар бақшалық жер ауылдағы 53 отбасына берілсе, Жосалы кентіндегі 10 отбасына «Дәуіт», «Төкен ата», «Шабан ата» шаруа қожалықтарынан бақшалық жер дайындалып берілген. Одан бөлек округтегі шаруа қожалықтар 140 гектарға күріш еккен.Ауылдағы Жеңіс көшесіне замануи электродиодты жарық құрылғыларын орнату үшін қаржы бөлінсе, осы көшеге орташа жөндеу жұмыстарын жүргізу үшін жоба-сметалық құжаты әзірленіп отыр.Жиын соңында аудан әкімі елді мекен тұрғындарының ұсыныс-тілектерін тыңдап, көтерілген мәселелер бойынша тиісті шаралар қабылданатынын және барлық мәселенің жіті қадағалауда болатынын жеткізді.&nbsp;

Қармақшы: Сапалы жұмыс – өркендеу кепілі

<a href="https://kyzylorda-news.kz/">Kyzylorda-news.kz</a> «Жасыл ел» 2005 жылдан бастап жүзеге асырылып келе жатқан кешенді бағдарлама. Сол жылы Астана қаласында «Жасыл ел» Жастар еңбек жасағының Республикалық штабы құрылып, ұлан-ғайыр мекеннің барлық аймағанда бөлімшелері ашылып, өз жұмысын бастап кеткен еді. Аталмыш бағдарлама он екі жыл ішінде көптеген жастың Отанға деген сүйіспеншілігін оятып, елімізді жасыл желекке айналдыру мақсатында олардың жалын-жігерін, күш-қуатын бір арнаға тоғыстыра алды.«Еңбек етсең ерінбей, тояды қарның тіленбей» деген философияны өскелең ұрпаққа ұғындырып, жазғы демалыстарын босқа өткізбей, жұмыс істеп, қосымша қаржы табуға молынан мүмкіндік тудырды. Уақыт өткен сайын жалпыұлттық бастамаға үн қатып, қолдау білдіруші студенттердің, жалпы жастардың қатары Қазалыда да артып келеді.Жыл сайын аудан жастарын жігерлендіру, уақытын тиімді пайдалануды мақсат еткен әртүрлі шарада белсенділік танытып жүрген қазалылықтарға биыл «Жасыл ел» бағдарламасы бойынша 110 квота берілген. Қазіргі таңда аудандық жастар орталығы жаз мезгілінің үш айына бөліп, талапшыл жастарды тартуда. Жас буынды еңбекке баулыған бағдарламаның басқа да жаңалықтарын білу үшін Қазалы аудандық жастар орталығының директоры Нұрбек Ақпанбетовпен хабарласқан едік.<blockquote>– Биыл «Жасыл ел» бойынша Қазалы ауданына жақсы квота берілді. Қазір әр айға 35, 40-тан әр айға бөліп жатырмыз. Қазір Әйтеке би кенті мен Қазалы қаласында жасыл ел жасағы жұмыс жасап жатыр. Толығырақ айтсақ, қалада 7, ал кентте 28 жас. Олар кенттің көркейту-көгалдандыру жұмыстарын арнайы конкурс арқылы жеңіп алған мекеме қызметкерлерімен бірігіп жасауда. Жұмысшы жастарға бас киім, футболка сынды «Жасыл елдің» формасы да толықтай берілді.</blockquote>Жалақысы да қанағаттырарлық десек болады. Яғни, 100 мың теңге. Міндетті төлемдерді есептегенде 85-86 мың теңге алады. Аталған жұмыс тамыз айының аяғына дейін жалғасады. Жұмыс уақыты негізгі тәртібі бойынша 8 сағат деп берілген. Бірақ жасы 18 толмаған немесе еңбекке жарамдылық қағазы бар жандардың жұмыс уақыты қысқарады. Жұмыстар маусым айының басында басталды. Жастар берілген жұмысты еш қиындықсыз, жауапкершілікпен атқарып жатыр. Алдағы күндерге де сәттілік тілеймін, – дейді жастар орталығының директоры.Ауданда жастар саясаты қолға алынғалы көптеген игі бастамалар өз жемісін беруде. Осы саясатты іске асырудың негізгі міндеттерінің бірі – жастарды елжандылыққа тәрбиелеу, ішкі саяси тұрақтылықты нығайту. Аталған міндеттерді іске асыру мақсатында аудандық жастар орталығы кейінгі буынды патриоттық тәрбиелеу іс-шараларын да үзбей келеді. Орталық тарапынан жасалған шаралар жемісін берген болса керек, «Аудан жастары арасында қоқысты жәшіке тастау, көшеде жүру мәдениеті қалыптасып келеді» дейді кент тұрғыны Үрбибі Махантызы.<blockquote>– Көшеде қоқысты жәшікке тастау мәдениеті ауданда жақсы қалыптасып келеді. Ащы болса да айту керек, бұған дейін жауапкершілігін сезінбей жеген балмұздақ не шағылған шімішкі қабықтары, целофандарды кез келген жерге тастап кететіндер қатары көп тұғын. Әлі де бар, бірақ азайған. Ауданда «Таза Қазақстан» секілді тазалық акциялары жақсы нәтиже беруде. Енді міне, «Жасыл ел» еңбекшілер жасағы да қызу жұмысқа кірісіп, жастар жағы жауапкершілікті сезіне бастады. Тіпті, жастар көше бойында жатқан қоқысты еш қысылмай, ерінбей қолымен алып жәшікке тастауды да әдетке айналдырған. Жастарымызды тек осындай жақсылыққа тәрбиелер, еңбекке баулитын бағдарламар көп болғай. Алғысымды білдіремін, айналайын! – деді Үрбибі әжей.</blockquote>Жастар – ұлт келешегі һәм қоғам айнасы. Оларға қарап ертеңгі күннің, болашақтағы қоғамның қандай болатынын болжаймыз. Сондықтан да олардың қызығушылығын қоғам игілігіне қарай бұру дұрыс дүние. Жалпы жастарының «Жасыл ел» секілді іске жұмылдыру жақсы құбылыс. Әсте, еңбек – бәрін жеңбек!

Жастарды еңбекке баулыған «Жасыл ел»  

Фото: <a href="https://pixabay.com/ru/photos/vape-%D0%B2%D0%B5%D0%B9%D0%BF-%D0%BC%D0%BE%D0%B4-%D1%8D%D0%BB%D0%B5%D0%BA%D1%82%D1%80%D0%BE%D0%BD%D0%BD%D0%B0%D1%8F-%D1%81%D0%B8%D0%B3%D0%B0%D1%80%D0%B5%D1%82%D0%B0-6128422/">СС0 / Dovpo</a><a href="https://kyzylorda-news.kz/ru">Kyzylorda-news.kz</a> Қызылордалық полицейлер шегілмейтін темекі бұйымдары мен вейптерге тыйым салу туралы облыс тұрғындары мен кәсіпкерлер арасында түсіндірме жұмыстарын жүргізуде.&nbsp;Бүгін вейптерді сатуға, таратуға және елге әкелуге тыйым салатын заң күшіне енді. Қазақстандықтар арасында танымал вейптерге немесе «бір реттіктерге» қазір тыйым салынды. Темекі шеккені үшін жазаланбайсыз, бірақ оларды сату, тарату және әкелу үшін қылмыстық жауапкершілік қарастырылған.&nbsp;Қазақстандағы вейптерге ресми түрде не жатады?электрондық тұтыну жүйелері - никотинді электронды және никотин болып табылмайтын өнімдерді электронды жеткізу жүйелері - құрамында никотин бар немесе онсыз сұйықтықты (картридждерде, резервуарларда және басқа контейнерлерде) қыздыратын электрондық технологияларды (аккумуляторды) пайдаланатын құрылғылар (соның ішінде электрондық темекі), құрамында никотин жоқ басқа химиялық заттар, хош иістендіргіштер пайдаланушы ингаляциялайтын аэрозольдің пайда болуы.* Вейптерді сатқаны, таратқаны, әкелгені және өндіргені үшін қандай жаза қолданылады (ҚР ҚК-нің 301-1 б.): &nbsp; &nbsp;&nbsp;- екі жүз айлық есептік көрсеткішке дейінгі мөлшерде айыппұл салуға не сол мөлшерде түзеу жұмыстарына, не екі жүз сағатқа дейінгі мерзімге қоғамдық жұмыстарға тартуға, не елу тәулікке дейінгі мерзімге қамаққа алуға жазаланады.* Шегілмейтін темекі бұйымдарын, электрондық тұтыну жүйелерін (вейптерді), оларға арналған хош иістендіргіштер мен сұйықтықтарды әкелу, өндіру – &nbsp; &nbsp; &nbsp;мүлкі тәркіленіп немесе онсыз, екі мың айлық есептік көрсеткішке дейінгі мөлшерде айыппұл салуға не сол мөлшерде түзеу жұмыстарына, не алты жүз сағатқа дейінгі мерзімге қоғамдық жұмыстарға тартуға, не екі жылға дейінгі мерзімге бас бостандығын шектеуге, не сол мерзімге бас бостандығынан айыруға жазаланады.Осы баптың бірінші немесе екінші бөліктерінде көзделген іс-әрекеттер, егер:&nbsp; &nbsp; - оларды қылмыстық топ жасаса; &nbsp; &nbsp; &nbsp;- олар аса ірі мөлшерде кіріс алумен ұштасса; &nbsp; &nbsp; &nbsp;- бірнеше рет жасалса,&nbsp; &nbsp; &nbsp; &nbsp;мүлкі тәркіленіп, бес мың айлық есептік көрсеткішке дейінгі мөлшерде айыппұл салуға не сол мөлшерде түзеу жұмыстарына, не бір мың екі жүз сағатқа дейінгі мерзімге қоғамдық жұмыстарға тартуға, не бес жылға дейінгі мерзімге бас бостандығын шектеуге, не сол мерзімге бас бостандығынан айыруға жазаланады.Бұл бағытта полицейлер кәсіпкерлік нысан иелерімен кездесіп, түсіндірме жұмыстарын жүргізуде.&nbsp;<figure class="image"><img src="https://knadmin.beoblood.kz/uploads/42da11c9_d36b_4cad_9747_ba16b96511c9_33ba1941e5.jpg" alt="42da11c9-d36b-4cad-9747-ba16b96511c9.jpg"></figure>

Қазақстан және Қызылорда облысының жаңалықтары: Қоғам