<a href="https://kyzylorda-news.kz/">Kyzylorda-news.kz</a> Жүзін танымасам да Саматтың атына бұрыннан қанықпын. Оның есімі &nbsp; байқау, көрмелерде жиі аталып та, айтылып та жүреді. Естуімше, қолынан көп нәрсе келеді. Сырттан келетін меймандарға ұсынылатын естелік кәдесыйлардың бірсыпырасы осы Саматтыңқолынан шыққан бұйымдар. &nbsp;Шығармашылығына іштей риза болып жүретінмін. Өкінішке орай, қазір қолөнермен айналысатындар қарасы аз. Көз шырымы, қол күші мен ой, қиялұшқырлығын қажет ететін шығармашылық жұмысты кез келген адам таңдай бермейтіні сол себептен болар. Оның үстіне бұл атадан балаға берілетін ерекше қасиет екені тағы бар.Аудандық оқушылар үйінде безендіруші және «Шебер қолдар» үйірмесіне жетекшілік ететін Самат Өскелеңовті жұмыс орнынан таптық. Кісі жатырқамайды екен. Ашық-жарқын амандасып болған соң, үстел үстінде тұрған ағаш, мүйіз, майлы бояумен салынған мүсін, макет, Қорқыт композициясымен таныстыра бастады.<blockquote>– Сыр елінің азаматы болғандықтан шығармашылық жұмыстарым Қорқыт атаға арналады. «Жер кіндігі», «Күй», «Күй толқыны» атты туындыларыма ағаш пен ірі қара малының мүйізін пайдаландым. Оңай деп айта алмаймын. Себебі, бір шығарманың өзіне кейде бір айдан астам уақыт кететін кездер болады. Ойылады, иіледі, кептіріледі дегендей. Сазбен де жұмыстар жасаймын. Елбасымыздың «Болашаққа бағдар: рухани жаңғыру» мақаласы жарыққа шыққаннан бері ұмыт бола бастаған әдет-ғұрпымыз бен салт-дәстүріміз қайта түлеуде. Өзіңіз білесіз, станоктан шыққан зат пен адамның қолымен жасалған бұйымның арасы жер мен көктей. Осындайда сонау дәуірлердегі қыш құмыралар, ыдыс-аяқтар, зергерлік бұйымдардың араға &nbsp;ғасырлар салып бүгінгі күнге бүлінбей жеткеніне таңқаласың. Оқушылар үйінде балаларға саздан қыш құмыралар жасауды үйретудемін. Оларға сазбен жұмыс жасаған өте қызықты. Гипстен мүсіндер құямын. Балық сүйегінен де сан түрлі нәрселер шығаруға болады. Тек ынта мен ықылас-ниетің болса болды,-дейді С.Мұсағалиұлы.</blockquote>Әрі қарай оның майлы бояулармен салынған «Кешкі мұң», «Бұғылар махаббаты» тақырыбындағы картиналарын тамашаладым. Саматтың сурет өнеріне қабілеті жас кезінен байқалған. 4 сыныпта оқып жүрген кезінен-ақ ол теледидардан көрген ертегі кейіпкерлерінің суреттерін айнытпай сала бастаған. Ер жете келе оны осы қабілеті Алматы қаласындағы О.Таңсықбаев атындағы сәндік қолданбалы өнер колледжіне жетелейді. Оқу орнын «Суретші-шебер» мамандығы бойынша бітіріп шығады.Сегіз қырлы, бір сырлы шеберге бұл қасиет екі жақтан да дарыса керек.<blockquote>-Өз жағымда әкемнің ағасы Иса Қасенов ат әбзелдерін жасайтын ағаш &nbsp;ұстасы болса, інісі Төребек Өскелеңовтің де қолынан бірқатар шығармалар дүниеге келген. Нағашы жағымда Кенжеқара атам қазақтың ұлттық аспабы-домбыра жасаудың шебері болған екен. &nbsp; Ал, менің суретші, этнодизайнер болуыма әпкем Ләззат ықпал еткен еді. Бала кезімізде ол да киім шебері болуды армандаған. Менің қиялымды самғатып, &nbsp;суретшілік өнерге &nbsp;тартқан бірден-бір жан осы әпкем, – дейді ол ризалық сезіммен.</blockquote>Үлгілі отбасынан өсіп-өнген Саматтың әкесі Мұсағали Өскелеңовтің &nbsp;көркейту-көгалдандыру, бау-бақша сүйікті ісі. Анасы Ұлболсын Кенжеқараева әуез мектебінің ардагер-ұстазы. Домбыра, баянда ән салады.Бұдан бөлек Самат үйінде &nbsp;жеке шеберхана жабдықтаған. Онда жиһаздар құрап, ескілерін жаңартады. Домбыра, қобызға, тұрғын үйлерге ұлттық нақышта &nbsp;қазақы ою-өрнектермен безендіруге тапсырыстар қабылдайды.– Оқушылар үйінде еңбек еткеніме 8 жыл болыпты. Осы уақытта 100-ден аса сурет, мүсін, тағы басқа дүниелерім сыйға тартылды. Әлем назарын өзіне аударған «ЭКСПО-2017» көрмесі аясында да ізденістер жасалды. Бүгінде оқушылар үйінде шәкірттер тәрбиелеудемін. Олардың арасынан дарынды балалар шығатынына сенімдімін. Құммен сурет салатын Жансая Кенжалиеваның болашағынан үлкен үміт күтемін. Көктемге қарай Қорқыт атаға арналған туындыларымнан көрме ұйымдастырмақпын,-дейді жақсылыққа жаны құмар қолөнер шебері.Сәрсенкүл ЖАУДАТБЕКҚЫЗЫ

Суреттермен сыр түйген қармақшылық өнерлі жас

<a href="https://kyzylorda-news.kz/">Kyzylorda-news.kz</a> «Еңбек ерлікке жеткізер, ерлік елдікке жеткізер» демеп пе еді дана халқымыз.&nbsp;Кәсіпкер болу әр адамның маңдайына жазылған несібе деп айта алмаймыз. Десек те, өз мүмкіндігіне сене білген, алға ұмтылған әр азамат небір сыннан &nbsp;сүрінбей өтіп, тынымсыз тірлік кешкенінің арқасында биік белестерді бағындыра алады. Көпке танымал тұлғалардың, оның ішінде ауданға белгілі кәсіпкер азамат Ешниязов Серғали Сыдықұлының &nbsp;өмір жолдары бұған мысал.Сыдық әке мен Шолпан ананың отбасында тәрбиеленген 8 баланың екіншісі Серғали 1957 жылы дүниеге келген. №26 орта мектепте оқыған сол кездегі толқындар, яғни оның құрдастарының көбі білім алуға құштар болды. Жоғары оқу орнына түсуді, жақсы мамандық алуды мақсат тұтатын. &nbsp;Соған жету жолында қатарластарынан қалмай, терең білім алуға талпынған ол арман қуып, Алматыға жол тартты.Келер күнге құлаш ұрып, үлкен азамат болуды аңсайтын кез келген адамның қиялында өзіне ғана мәлім, ішкі түйсігімен бекіген бір армандар болатыны анық. Ол көп жағдайда мамандық таңдауға келіп тіреледі. Әркімнің болашақ мамандығы оның бала кезінен әуестенетін, қызығушылық танытатын әрекеттерінен көрініп тұрады. Мектепте алғырлығымен ерекшеленіп, діттеген мақсатына жетуге талпынатын Серғали Сыдықұлы 1974 жылы өз білімімен Алматыдағы медициналық институттың фармацевтика факультетіне оқуға түседі. Бүгінге дейін жемісін берген мамандығын жүрек қалауымен таңдап алады.Жоғары білімі бар мамандар жеткіліксіз тұста оқу орнын тәмамдап келген жас бірден Қызылорда облыстық дәріхана басқармасына инспектор болып жұмысқа орналасады. Еңбек жолы осылайша тек білікті деген мамандар еңбек ететін үлкен ортада басталады. Тәжірибелі тұлғалардың ортасына түскен жас тез ысылып, жұмысқа деген жауапкершілігін күшейтіп, алған білімін тәжірибесімен ұштастыра біледі.Сауатты, өз-өзіне нық сенімді жас жігітті Жалағаш ауданындағы №6 дәріхананың меңгерушілігі қызметіне жібереді. Кейіннен Қармақшы ауданындағы №31, 76, 26 дәріханалардың меңгерушісі қызметтерін атқарады. Дәрі-дәрмек тапшы, қазіргідей жаңа технологиялар мен техникалар жоқ, түрлі аурулар кең етек алған қиын тұстары, &nbsp;1990 жылдары күн-түн демей, уақытпен санаспай дәрілер жасап, емхана мен аурухананы қажетті дәрілермен қамтамасыз етуге көп үлес қосқан жандардың бірі осы кісі. Өз ісінің білікті маманының жұмысына сол кездері сұраныс та аз болған жоқ. Бірақ, туған ауылында еңбек етуді міндеті санады.&nbsp;1997 жылдан бері «Шапағат» жауапкершілігі шектеулі серіктестігін құрып, зайыбы Алма Исабекова екеуі дәрі-дәрмек сатып, халыққа қалтқысыз қызмет етіп келеді.Қазір басы ауырып, балтыры сыздамайтын адам жоқ. Қыс айларында тымау, салқын тию секілді аурулардың тіпті күшейетін кезеңі. Сонда дәрі-дәрмексіз ауруымыздан айыға алмай жатамыз. Іздеген дәрілік препараттардың барлығын көпшілік осы дәріханадан табады. &nbsp;Ондағы бағалар да халықтың көңілінен шығады. Сонымен қоса ол ақысы бюджеттен бөлінетін тегін дәрі-дермектерді аудандық емхананың рецептісімен босату жұмысын жақсы жүргізіп келеді. Оның өзі сұранысы көп, жауапкершілігі мол жұмыс.Серғали аға мен Алма апай 3 бала тәрбиелесе, тұңғыштары Нұржан Астана қаласындағы Қазақ мемлекеттік құқық университетінде аға оқытушы, Ержаны әке жолын жалғап провизор мамандығын меңгерген.&nbsp;Кенжелері Ербол әл-Фараби атындағы Қазақ Ұлттық университетінің ақпараттық технологиялар факультетін бітірген, өз мамандығы бойынша еңбек етеді, қосымша кәсіпкерлікпен айналысады.Отбасымен кәсіпкерлікпен айналысатын абыройлы азаматқа жастарға қандай ақыл-кеңес айтасыз дегенімізде:<blockquote>– Бүгінде жаңа мүмкіндіктерге жол ашатын жаңа тетіктерді игеру – өз өмірімді өзгертіп, өз деңгейімді өсірем, өз болашағымды қалыптастырсам деген азаматтың бірден-бір ізденіс жолы. Ең бастысы қатардан қалмай ұмтылу және оқып-білуден, үйренуден шаршамау керек, – дейді.</blockquote>Бүгінгідей нарықтық қарым-қатынастарға негізделген заман кезінде танымал меценаттар мен кәсіпкерлер ауылдық жерлерде мешіт, мектеп салып, ауруханаларды қажетті құрал-жабдықтармен қамтамасыз етіп, қарттар үйіне көмектесіп, жетімдерді жебеп, әр саладағы дарынды жастарды қолдап, демеушілік көрсетуде. Мұндай жұмыстар алдағы уақытта да жарасымды жалғасын табатынына сенеміз. Қолы ашықтың жолы да ашық. Көршің аш отырғанда, тойып ас ішіп, оған қараспауың күнә болып саналатынына сенетін Серғали Сыдықұлы қолдан келгенше мұқтаж жандарға көмектесуге дайын тұрады. «Кең болсаң кем болмайсың» деген сөзді өмірлік ұстаным еткен. Ол көбіне науқас балаларға ем алуға жағдай жасайды екен. Себебі денсаулықсыз дүние бос дейді.<blockquote> – Жақсылық жасау да бақыт. Оны жария етудің еш қажеті жоқ. Сен біреуге көмек қолын созсаң, сенің Алла Тағала несібеңді еселеп қайтарады. Бұған сан мәрте көз жеткізгенмін,- дейтін қайырымды кәсіпкер.&nbsp;</blockquote>

 Серғали Ешниязов: Ең бастысы үйренуден шаршамау керек

<a href="https://kyzylorda-news.kz/">Kyzylorda-news.kz</a> Әсілінде жақсы адам туралы естелік жазып, қалам тербеу қандай қиын десеңізші! Оның себебі де бар, қалам суреттеуі тиіс кісінің шынайы болмысын, оны өзгелерден даралайтын Құдай берген ерекше қасиетін, еңбекке деген құлшынысын, туған-туыс, досқа деген шынай қарым-қатынасы, өмірге ықыласын дәл бедерлеп беру қиынның қиыны... Хәкім Абай «Көкейде сайрап тұрған көркем ой ауыздан шығамын дегенше көріксіз күйге түседі» демей ме?! Соның да себі бар. Жалпы өмірде қарапайым, үлкенге де, кішіге де құрметпен қарайтын жанға көпшілік үйірсек келеді. Мұндай туа бітті жақсы мінез бекзаттыққа жеткізеді. Сол бекзат болмыс иесі – Файзулла Алданышев.Мақаланы жазбас бұрын ағамыз жайында көп іздендік. Себебі – өмірден ерте кеткен жас ғұмырдың елге қалдырған жақсылығы көп болғанымен, ол кісі туралы айтушылардың қатары аз. Сондықтан ағамыздың өнегелі өмір жолын, ұстаздық қызметін көзін көрген жақындарынан, шәкіртінен сұрастыра келе мақаламызды білгенімізше толықтырдық.Файзулла Алпысбайұлы 1943 жылы соғыс дүрбелеңі белең алып тұрған шақта бұрынғы Бозарқаш, қазіргі Ақтөбе ауылында дүниеге келген. Ауылда 7 жылдық мектепті оқып, одан кейін Ақжар ауылындағы 10 жылдық мектепті бітірген. Жасынан ел қатарлы еңбекке араласып, кейін аудандағы кәсіптік техникалық училищеге оқуға түседі. Студенттермен бірге Шымкент қаласына мақта теруге барғанда аяғынан сыз өтіп, дертке шалдығады. Қазақшылыққа салынып дәрігерге көрінбегеннен дерті жүрегіне әсер етеді. Араға бір жыл салып Қызылорда қаласындағы Н.Гоголь атындағы институтқа «Тарих-география» факультеті бойынша сырттай оқуға түседі. Оны бітірген соң Тұрмағамбет ауылындағы №29 қазақ орта мектебінде аға пионер вожатый болып жұмыс істейді. Кейін Ақтөбе ауылындағы №109 мектепте бір орын босап, осында тарих-география пәнінен сабақ береді. 1965 жылы ауыл қызы Несібелі Жақанбаевамен отау құрып, Ғазиз, Ғалым, Ғани, Феруза, Жазира есімді 5 бала тәрбиелеп өсіреді.1969 жылы тамыз айында ауылдық Кеңес атқару комитетінің төрағаларын сайлауы өтіп, Файзулла ағамыз 26 жасында ауылда төраға болып сайланады. Оны он жыл істеп, елге абыройлы атанады. Алайда тағдырдың жазуымен 36 жасында өмірден ерте озады.Бүгінде Файзулла ағаның көзін көріп, ауылдың топырағын бірге кешіп, сыйлас болып өткен ауыл азаматы Жақсылық Қыпшақбаев ағамыз өз естеліктерін былай бөлісті.<blockquote>– Файзулламен Ақтөбе ауылында бала кезімізден бірге өстік. Оның менен бір-екі жас кішілігі бар. Бірақ қатар жүргеннен кейін кішілік арамызда білінбеді. Ол бала кезінен мінезі байсалды, тұйық болды. Бірақ қатарласына, жора-жолдастарына кішіпейіл, адамгершілігі мол азамат болып өсті. Әкесі Алпысбай ағамыз бен анасы Кәдіркүл апамыздың тәрбиесі мықты болды десем артық айтқаным емес. Ол кісілер ауылда еңбекшіл шаруа адамдар еді. Кәдіркүл шешеміз сол уақытта ауылдық кеңесте төраға болды. Ал енді Файзулланың адамгершілігін айтсақ, ол біреудің көңілін мүлдем қалдырмайтын. Өтінішпен бара қалсаң «жоқ» деп айтпайды. Қалайда сол адамның жұмысын бірініші бітіруге әрекет жасайтын. Ауылда №109 бастауыш мектепке мұғалім болып жұмыс істеді. Ол жақта шәкірттеріне жақсы ұстаз болды деп айта аламын. Кейіннен ұмытпасам ауылдық Кеңеске төраға болып сайланды. Берілген тапсырмаға өте ыждағаттылықпен қарайтын. Ауылға ауданнан ет, сүт секілді тапсырыстар келетін, соны орындауда алдыңғы қатардан көрініп, ауылдың беделін көтеріп жүрді. Өзінің жүрегі ауыратын науқастығына қарамай жұмысты сүйді. Олай дейтінім, бірде түн ішінде оған мектептің от жағатын қазандығы жарылды деген хабар келеді. Сонда үйінен асығыс жеңіл шығып кеткен екен. Сол екі ортада жүрегі ұстап, жүріп кеткен. Міне, осыған қарап оның қызметке адалдығын, адамгершілігін айта аламын, – дейді ауданның Құрметті азаматы.</blockquote>Қазақтың ардақты қызы Фариза Оңғарсынова «Ұстазым сенің әр күнің, әр сәтің тұрған бір ерлік» деп ағынан жырлайды. Шынында ұстаз ұрпақтың ғана тәрбиешісі емес, ұлттың да, жұрттың да тәрбиешісі. Кей шәкірттер&nbsp;ата-анасынан ала алмаған тәлім-тәрбиені ұстаз ұлағатынан алатыны анық мәселе. Жақсы сөз – қай кезде де адам мерейін тасытып, көңілге қуаныш сыйлайды емес пе? Файзулла Алданышев ұстаздық еткен уақытта шәкірт болғандардың бірі – Асқар Мереков ағамызда ұстазы жайлы сыр шертті.<blockquote>– Біз 6-сынып оқып жүргенде Файзулла ағамыз ауылдағы білімді, көзі қарақты жас жігіт еді. Бізге екі жыл сынып жетекшісі болды. Ол кезде мектеп сегіз жылдық қана болатын. Ағайымыз өте сыпайы, балаларға ұрыспайтын. Бірақ жүзі сұсты, бір қарағанда тентек оушыларды көзбен ықтыратын. Былай айтқанда қара тастың да тәртіппен қалануын қалайтын, айтқан сөздері мірдің оғындай, сабырлы да салмақты әр сөзін есеппен сөйлеп, асып саспайтын. Білім дәрежесі өте жоғары, біздерге келешекке азық болатындай ақыл айтып, жақсы жол көрсетіп отыратын. Соның бір парасы – Ақтөбе ауылына кіре берістегі қатар өскен талдарды еккізген осы ағайымыз. Сол кезде «Ертең жігіт болғанда осы талдың арасымен көлеңкелеп жүресіңдер» деп айтып отыратын. Қазір ауылға барған сайын талдарды көріп, марқұм Файзулла ағам еске түседі. Ол кісінің сабақ беруі, киім киюі бөлек, сондай тиянақты еді. Бізде соған ұқсап, еліктеп, мойнымызға галстук тағып жүрдік. Талай жұмысшы топпен Қурайлы каналының басына барғанда бізбен бірге қонатын, біздің деңгейге дейін түсіп оқушы балалармен сөйлесетін. Кейін біз оқуға түскенде Файзулла ағайдың қызметі көтерілгенін естіп, артынан қайғылы хабарында алдық, – дейді аудандық ардагерлер кеңесінің төрағасы.</blockquote>Халқымызда «Адам – ісімен мықты, арыстан – күшімен мықты» деген даналық сөз бар. Иә, адал еңбек қашанда өз жемісін, жеңісін берері ақиқат. Таза еңбек пен сыпырылған маңдай терді әуелі халық мойындайды. Файзулла Алпысбайұлы сол еліне, жұртына мойындалған ұмытылмас тұлға. Өмірден өзі ерте өтсе де артында қалған ұрпағы мың жасамақ.<img src="https://knadmin.beoblood.kz/uploads/dccbe90c_86f6_4cd3_8b18_a06c5efa837f_8ef165ca2a.jpg" alt="dccbe90c-86f6-4cd3-8b18-a06c5efa837f.jpg">Ерсін СӘДУҰЛЫ&nbsp;

Ғұмыры келте тау адам

<a href="https://kyzylorda-news.kz/">Kyzylorda-news.kz</a> Жақында Жосалы кенті әкімі аппаратының мәжіліс залында аудандық Қоғамдық кеңес төрағасы Әбдірахман Құлдүйсеновтың төрағалығымен кеңес отырысы болып өтті.Аудандық қоғамдық кеңес отырысына Қармақшы аудандық мәслихатының төрағасы Әділ Қошалақов,&nbsp;Қазақстан Республикасы мемлекеттік қызмет істері агенттігінің Қызылорда облысы бойынша департаменті мемлекеттік қызметтер көрсету басқармасының басшысы Н.Сүлейменов, ("ZOOM"&nbsp;платформасы арқылы онлайн қатысты),Қармақшы ауданы әкімі аппараты басшысының міндетін атқарушы Д.Молдабаев,&nbsp;аудандық қоғамдық кеңес мүшелері, қаралатын мәселелер бойынша есеп беретін және мониторинг жүргізген комиссия мүшелері, Қармақшы аудандық аурухананың &nbsp;бас дәрігері &nbsp;Бақыжан Нысанбаев, Қармақшы аудандық кәсіпкерлік және өнеркәсіп бөлімі басшысының міндетін уақытша атқарушы Б.Құндақбаев, Қармақшы аудандық ауылшаруашылығы мен жер қатынастары бөлімінің жер қатынастары саласы бойынша сектор меңгерушісі Ерлан Еркебаев,&nbsp;Қармақшы аудандық полиция бөлімі бастығының міндетін атқарушы полиция полковнигі Қ.Әліп, «Октябрь топтық су құбыры» өндірістік бөлімшесінің бастығы Ә.Қаршыға, үкіметтік емес ұйымдар жетекшілері, бұқаралық ақпарат құралдарының өкілдері қатысты.Күн тәртібіндегі мәселелер бойыншатиісті мекемелердің басшылары &nbsp;мен жауапты қызметкерлердің есебі тыңдалып, талқыланды.&nbsp;«Қармақшы аудандық ауруханасы» шаруашылық жүргізу құқығындағы коммуналдық мемлекеттік кәсіпорнының денсаулық сақтау саласы бойынша аудандағы атқарып жатқан жұмыстары, көрсетілетін мемлекеттік қызметтердің сапасы мен&nbsp;нәтижелі жұмыс жасаудағы атқарылған жұмыстары туралыесебін беру кезінде Қазақстан Республикасы мемлекеттік қызмет істері агенттігінің Қызылорда облысы бойынша департаменті мемлекеттік қызметтер басқармасының басшысы Н.Сүлейменов "ZOOM" &nbsp;платформасы арқылы онлайн қатысып отырды. &nbsp; &nbsp; &nbsp;Кеңес отырысында«Қармақшы аудандық полиция бөлімімен&nbsp;аудан көлемінде&nbsp;қылмысқа қарсы күресті күшейтуге, қоғамдық тәртіпті және қауіпсіздікті қамтамасыз етуде атқарып отырған жұмыстары және&nbsp;Қазақстан Республикасы Президентінің &nbsp;2022 жылғы 2 ақпандағы № 802 Жарлығына сәйкес «Қазақстан Республикасының сыбайлас жемқорлыққа қарсы саясатының 2022-2026 жылдарға арналған тұжырымдамасының» орындалу барысы&nbsp;туралы» есебі жасалды.Осымен қатар «Ауданда халықты сапалы ауыз сумен қамтамасыз етудің жай-күйі туралы» «Октябрь топтық су құбыры» өндірістік бөлімшесімен атқарылып жатқан жұмыстар барысы тыңдалды.Жасалған есептер бойынша қоғамдық кеңес мүшелерімен талқыланып, ұсыныс пікірлерін білдірді.Кеңес отырысында «Қармақшы ауданының елді мекендері аумағындағы жергілікті қоғамдастық жиналысының регламентін бекіту туралы» Қармақшы аудандық мәслихатының 2018 жылғы 2 мамырдағы № 167&nbsp;шешіміне өзгерістер мен толықтыру енгізу туралы» Қармақшы аудандық мәслихатының шешім жобасы, сонымен бірге&nbsp;«Қармақшы ауданы әкімдігінің 2022 жылғы28 маусымдағы №68 «Қармақшы ауданының аумағында стационарлық емес сауда объектілерін орналастыру орындарын айқындау және бекіту туралы» қаулысына өзгеріс енгізу туралы» және «Қармақшы ауданы әкімдігінің кейбір қаулыларының &nbsp;күші жойылды деп тану туралы» Қармақшы ауданы әкімдігінің қаулы жобалары мақұлданып, келісім берілді.

Қармақшы: Кеңес отырысында маңызды мәселелер қаралды

<a href="https://kyzylorda-news.kz/">Kyzylorda-news.kz</a> &nbsp; Мемлекеттік қызмет көрсету сапасын бағалау және бақылауды жүзеге асыратын уәкілетті орган Қазақстан Республикасының Мемлекеттік қызмет істері агенттігінің Қызылорда облысы бойынша департаменті халыққа сапалы әрі қолайлы қызмет көрсету және сервистік процесстерді жетілдіру мен қызмет алушылардың бұзылған құқығын қалпына келтіру жұмыстарын ұдайы түрде жүргізеді.Бұл ретте басты ұстаным – әрбір қызмет алушыға сапалы көмек көрсетіп, заң аясында іс-қимыл жасау. Департамент тарапынан қызмет алушылардың құқығын қалпына келтіру сәтті жүзеге асуда.Мәселен, Департаментке мемлекеттік қызмет көрсетуден бірнеше рет негізсіз бас тарту фактісі бойынша Қазақстан Республикасының Денсаулық сақтау министрлігі Санитариялық-эпидемиологиялық бақылау комитеті Қызылорда облысының санитариялық-эпидемиологиялық бақылау департаментінің Қызылорда қалалық санитариялық-эпидемиологиялық бақылау басқармасының қызметкерлеріне қатысты «Тасберген баба» бөбекжай-балабақшасы мекемесінен шағым түсті.Аталған шағымды зерделеу аясында Департамент тарапынан жүргізілген жоспардан тыс тексеру нәтижесінде, Басқарма қызметкерлерінің іс-әрекеттерінде «Эпидемиялық мәні жоғары объектінің халықтың санитариялық-эпидемиологиялық саламаттылығы саласындағы нормативтік құқықтық актілерге сәйкестігі туралы санитариялық-эпидемиологиялық қорытынды беру» мемлекеттік қызмет көрсету қағидаларының талаптарын бұзу анықталды.«Рұқсаттар және хабарламалар туралы» ҚР Заңына сәйкес санитариялық-эпидемиологиялық қорытынды беру әкімшілік жауапкершілік көзделген екінші санаттағы рұқсат құжаты болып табылады.Осыған орай, Басқарма басшысы мемлекеттік қызмет көрсетуден негізсіз бас тартқаны үшін әкімшілік жауапкершілікке тартылды және бұзушылықтарға жол берген адамдарды тәртіптік жауапкершілікке тарту туралы тиісті нұсқама енгізілді.Бүгінгі таңда шағым иесінің бұзылған құқығы мен заңды мүдделерін қалпына келтіру жұмыстары жүргізілуде.&nbsp;Атап өту керек, кәсіби мемлекеттік аппараттың тиімділігін бағалаудың негізгі көрсеткіші - мемлекеттік қызметтерді сапалы әрі мерзімінде көрсету және қызмет алушылардың құқықтары мен заңды мүдделерінің сақталуына тікелей байланысты.&nbsp;Сондықтан да департамент мемлекеттік қызметтерді көрсету барысындағы жеке және заңды тұлғалардың құқықтарының сақталуына ықпал жасап, заң шеңберінде көзделген міндеттерді орындауға әрдайым мүдделі.&nbsp;

Департамент қызмет алушының бұзылған құқығын сақтауға дәнекер болды

<a href="https://kyzylorda-news.kz/">Kyzylorda-news.kz</a> &nbsp;«AMANAT» партиясы Қызылорда қалалық филиалы мен "Жарық" бастауыш партия ұйымына қарасты «Торғай-Петролеум» АҚ-ның ұйымдастыруымен белсенді партия мүшелері, компания қызметкерлерінің балалары арасында "Бақытты отбасы" жобасы аясында сурет сайысы өтті.Сурет сайысына Қызылорда облысынан бөлек өзге өңірлерден де туындылар келіп түсті.«Қазақстан біздің балаларымыздың көзімен» атты сурет көрмесіне сайысқа қатысушылардың арасынан іріктеліп алынған 11 бүлдіршіннің туындылары орналастырылды.Сайысқа қатысушыларға партияның қалалық филиалының Атқарушы хатшысы Гүлшат Исақызы Мұсаева және "Жарық" бастауыш партия ұйымының Төрағасы, «Торғай-Петролеум» АҚ-ның бас директоры Әбілқайыров Дәурен Тұрғанбайұлы жылы лебізін білдірді.Аталған сурет байқауы "Менің үйім", "Менің сүйікті қалам", "Менің арманымдағы мамандық", "Мұнай-қара алтын" номинациялары бойынша ұйымдастырылды.Жүлделі орын иеленген қатысушыларға партия мен компания атынан «Алғыс хат» және бағалы сыйлықтар табысталды.Айта кетейік, «Бақытты отбасы», «Ардагерлерді ардақтайық» партиялық жобалары қазақ қоғамын жаңа деңгейге шығаратын бастамалар деп айтуға болады. Аталған жобалар көпбалалы және аз қамтылған отбасыларды қолдауға және олардың азаматтық ұстанымдарын белсенді етуге бағытталған.<img src="https://knadmin.beoblood.kz/uploads/dc63313c_7677_4e19_aeac_44b4be908c4d_1ad062f4ae.jpg" alt="dc63313c-7677-4e19-aeac-44b4be908c4d.jpg"><img src="https://knadmin.beoblood.kz/uploads/276e8318_1370_445c_9a7d_9747f2e299c0_102141fbe3.jpg" alt="276e8318-1370-445c-9a7d-9747f2e299c0.jpg"><img src="https://knadmin.beoblood.kz/uploads/dbc8fd6e_2c55_4d84_bfcc_f12621ff0abc_d8cff1acb3.jpg" alt="dbc8fd6e-2c55-4d84-bfcc-f12621ff0abc.jpg">

Белсенді партия мүшелерінің балалары арасында сурет салу сайысы өтті

<a href="https://kyzylorda-news.kz/">Kyzylorda-news.kz</a> &nbsp;«AMANAT» партиясының «Бақытты отбасы» және «Ұлттық мұра» жобалары аясында партияның қалалық филиалында көп балалы, алтын құсақты аналармен кездесу өтті.Жиында партияның қалалық филиалының Атқарушы хатшысы Гүлшат Исақызы ақ жаулықты аналардың қоғамдағы елеулі рөлін тілге тиек етіп,&nbsp;партия мүшелері ретінде барлық бастамаларға қолдау білдіріп жүргеніне алғыс білдірді.Отбасы, ана, бала тақырыбы – күнделікті тіршіліктің тірегі. Отбасы - қоғамның әлеуметтік құрылымының маңызды бөлігі ретінде қоғамға қажетті көптеген міндеттерді орындай отырып, ел дамуында үлкен рөл атқарады.Қазақта мынадай жақсы сөз бар. «Әке- асқар тау, ана- бауырындағы бұлақ, бала- жағасындағы құрақ» деген. Сәби үшін ең жылы ұя ананың аялы алақаны, мейірімі, қайырымдылығы.Қазақ қоғамында отбасы - өмірдің тұтқасы, оттың маңайына таратқан жан балқытар жылуы. Отбасының амандығы, ошақтағы оттың маздап тұруы – үмітінің өшпес алауы. Үй ішінің қызыққа, қуанышқа толы болуы да соған байланысты. Оттың басы, ошақтың қасы – ырыстың ұйтқысы. Сондықтан қазақ отының басын тіршілігінің тұтқасы санап аялайды.Еркін форматта өрбіген диалогқа партияның қалалық филиалына қарасты бірнеше бастауыш партия ұйымдарынан «Алтын алқа», «Күміс алқа» иелері қатысты.Жиында көпбалалы аналарға белсенді жастардан отбасылық өмірдің қызықтары, жар таңдау, бала тәрбиесіне қатысты сауалдар жолданды.Шара соңында партияның қалалық филиалының Атқарушы хатшысы Гүлшат Исақызы көпбалалы аналарды Алғыс хатпен және сыйлықтармен марапаттады.<img src="https://knadmin.beoblood.kz/uploads/e67b5c68_50a5_40c0_91cd_cef4ef59d519_4a03d34540.jpg" alt="e67b5c68-50a5-40c0-91cd-cef4ef59d519.jpg"><img src="https://knadmin.beoblood.kz/uploads/975e6e20_53c1_4c8c_99bf_41b585d310ec_db47a587c0.jpg" alt="975e6e20-53c1-4c8c-99bf-41b585d310ec.jpg">

«Бақытты отбасы»: Көп балалы аналармен кездесу өтті

<a href="https://kyzylorda-news.kz/">Kyzylorda-news.kz</a>&nbsp; &nbsp; Бүгін Сырдария аудандық мәслихатының кезекттен тыс 20 сессиясы өтті. Сессия отырысына аудан әкімінің орынбасарлары, аудан әкімі аппаратының басшысы, тиісті сала басшылары, кент, ауылдық округтердің әкімдері, бұқаралық ақпарат құралының өкілі, аудан әкімдігі мен аудандық мәслихаттың жауапты қызметкерлері қатысты.Сессияны аудандық мәслихат төрағасы Е.Әжікенов ашып жүргізіп отырды.Күн тәртібінде ұсынылған мәселелер:1. Сырдария ауданы бойынша шетелдіктер үшін 2024 жылға арналған туристік жарна мөлшерлемелерін бекіту туралы.2. «Сырдария ауданы бойынша халық үшін тұрмыстық қатты қалдықтарды жинауға, тасымалдауға, сұрыптауға және көмуге арналған тарифтерді бекіту туралы» Сырдария аудандық мәслихатының 2022 жылғы 20 қазандағы №165 шешіміне өзгеріс енгізу туралы.3. «Бейбіт жиналыстарды ұйымдастыру және өткізу үшін арнайы орындарды, олардың пайдалану тәртібі мен шекті толу нормаларын, материалдық-техникалық және ұйымдастырушылық қамтамасыз етуге қойылатын талаптарды, сондай-ақ пикеттеуді өткізуге тыйым салынған іргелес аумақтардың шекараларын айқындау туралы» Сырдария аудандық мәслихатының 2020 жылғы 24 маусымдағы № 414 шешіміне өзгерістер енгізу туралы.4. «Сырдария ауданы әкімдігінің дербес құрамын келісу туралы» Сырдария аудандық мәслихатының 2022 жылғы 22 желтоқсандағы №186 шешіміне өзгеріс енгізу туралы.5. «Сырдария ауданы Ақжарма ауылдық округінің жергiлiктi қоғамдастық жиналысының Регламентiн бекiту туралы» Сырдария аудандық мәслихатының 2018 жылғы 15 маусымдағы №195 шешіміне өзгеріс енгізу туралы.6. «Сырдария ауданы Аманкелді ауылдық округінің жергiлiктi қоғамдастық жиналысының Регламентiн бекiту туралы» Сырдария аудандық мәслихатының 2018 жылғы 15 маусымдағы №196 шешіміне өзгеріс енгізу туралы.7. «Сырдария ауданы Бесарық ауылдық округінің жергiлiктi қоғамдастық жиналысының Регламентiн бекiту туралы» Сырдария аудандық мәслихатының 2018 жылғы 15 маусымдағы №197 шешіміне өзгеріс енгізу туралы.8. «Сырдария ауданы Тереңөзек кентінің жергілікті қоғамдастық жиналысының Регламентін бекіту туралы» Сырдария аудандық мәслихатының 2018 жылғы 15 маусымдағы №198 шешіміне өзгеріс енгізу туралы.9. «Сырдария ауданы Қоғалыкөл ауылдық округінің жергiлiктi қоғамдастық жиналысының Регламентiн бекiту туралы» Сырдария аудандық мәслихатының 2018 жылғы 15 маусымдағы №199 шешіміне өзгеріс енгізу туралы.10. Сырдария ауданы Н.Ілиясов ауылдық округінің жергiлiктi қоғамдастық жиналысының Регламентiн бекiту туралы» Сырдария аудандық мәслихатының 2018 жылғы 15 маусымдағы № 200 шешіміне өзгеріс енгізу туралы.11. «Сырдария ауданы Шаған ауылдық округінің жергiлiктi қоғамдастық жиналысының Регламентiн бекiту туралы» Сырдария аудандық мәслихатының 2018 жылғы 15 маусымдағы №201 шешіміне өзгеріс енгізу туралы.12. «Сырдария ауданы Шіркейлі ауылдық округінің жергiлiктi қоғамдастық жиналысының Регламентiн бекiту туралы» Сырдария аудандық мәслихатының 2018 жылғы 15 маусымдағы №202 шешіміне өзгеріс енгізу туралы.13. «Сырдария ауданының ауылдық округтерінің жергілікті қоғамдастық жиналысының регламентін бекіту туралы» Сырдария аудандық мәслихатының 2019 жылғы 18 желтоқсандағы № 358 шешіміне өзгеріс енгізу туралы.Сессияда күн тәртібіне ұсынылған мәселелер толық қаралып, депутаттар тарапынан сұрақтар қойылып, ұсыныстар айтылды. Сессия соңында тиісті шешімдер қабылданды.

Сырдарияда кезектен тыс 20-шы сессия өтті

<a href="https://kyzylorda-news.kz/">Kyzylorda-news.kz</a>&nbsp; Әйелі Салтанат Нүкенованы азаптап өлтірді деп сотталған экс-министр Қуандық Бишімбаев үкіммен келіспейтінін айтты. Бұл туралы Stan.kz ақпарат агенттігі хабарлайды.Бишімбаев үкімнің жойылуын талап еткен адвокаттарының ұстанымын қолдады.Ол сотта өзін қорғауға ешқандай мүмкіндік берілмеді деп отыр.<blockquote>"Айтылған барлық нәрсені қолдаймын, маған дәлел келтіруге мүмкіндік бермеді, оны бірнеше рет сотта айттым. Іс материалдарымен танысып шығуға да мүмкіндік берілмеді. Менің түсінігімше, ешкімге ештеңе керек болған жоқ, шешім алдын ала шығарылып қойылды", – деді ол.</blockquote>Ал Айтбек Амангелді бұрынғы үкім күшінде қалады деп үміттеніп отыр.<blockquote>"Олар кез келген нәрсені қалауы мүмкін. Бүгін бәрі шешіледі деп үміттенеміз. Бүгін түстен кейін барлығы жиналады, есеп береді, сөз сөйлейді. Бұл алғашқы күндердегідей емес созылмай, қысқа болады деп үміттенемін. Меніңше, ешқандай өзгеріс болмайды. Болмаса, бізді Жоғарғы сот күтіп тұр. Олар оған жүгінетін сияқты, себебі олардың құқығы", - деді Амангелді.</blockquote>Қуандық Бишімбаевтың апелляциялық шағымы бойынша сот отырысы өтіп жатыр. &nbsp;Адвокат Ғазымжанов Бишімбаевтардың жазаны жеңілдету үшін ешкімге қаражат жібермегенін айтты. Сондай-ақ Бишімбаевтың адвокаттары судья Құлбаеваны жәбірленуші тарапқа жақтасты деп кінәлады. Видеодан скриншот

"Шындық ешкімге керек емес": Бишімбаев сот үкімімен келіспейтінін айтты

<a href="https://kyzylorda-news.kz/">Kyzylorda-news.kz</a> Түркістан облысы Түлкібас ауданында жүк пойызы вагондарының рельстен шығып кетуіне байланысты бірнеше бағыттағы жолаушылары пойызы кешігіп жатыр. Кешіккен пойыз жолаушылары тамақ және ауыз сумен қамтамасыз етіледі. Сондай-ақ оларға өтемақы төленеді, деп хабарлайды El.kz ақпарат агенттігі.&nbsp;"Жолаушылары тасымалы" АҚ желі парақшасында кешіккен жолаушылар пойызының тізімін жариялады: - №21 «Семей-Қызылорда» пойызы; - №203 «Астана-Шымкент» пойызы; - №22 «Қызылорда-Семей» пойызы; - №46 «Түркістан-Павлодар» пойызы; - №24 «Ақтөбе-Алматы» пойызы; - №55 «Көкшетау-Қызылорда» пойызы; - №87 «Алматы-Сарыағаш» пойызы; - №78 «Маңғыстау-Алматы» пойызы; - №30 «Атырау-Алматы» пойызы; - №34 «Ақтөбе-Алматы» пойызы.26 маусым күні таңғы сағат 04:00-ге дейін қозғалыс қалпына келтіріледі деп жоспарланып отыр.<blockquote>Компания жолаушылардан келтірілген қолайсыздықтар үшін кешірім сұрайды, сондай-ақ, ережелерге сәйкес әрбір толық кешігу сағаты үшін жол жүру құнының 3%-ы мөлшерінде өтемақы төленетінін хабарлайды,-делінген мәліметте.</blockquote>Еске салсақ, 25 маусымда сағат 19:20-да Түлкібас-Арыс учаскесіндегі Менлібай-Көктөбе қиын иінді аумағында жүк пойызының вагондары жолдан шықты. Құрбандар мен зардап шеккендер жоқ. Жүк пен жылжымалы құрамда өрт болмаған. Теміржолшылар осы учаскедегі қозғалысты қалпына келтіру үшін барлық қажетті шараларды қабылдауда. Оқиға орнында Шымкент, Арыс және Тараз стансаларынан қалпына келтіру пойыздары жұмыс істеуде.&nbsp;&nbsp;

Түркістан облысындағы апаттан кейін кешіккен пойыз жолаушыларына өтемақы төленеді

<a href="https://kyzylorda-news.kz/">Kyzylorda-news.kz</a> Әлеуметтік желіде қыздың көпқабатты үйдің терезесінен шығып, билеп тұрған видеосы тарады. Полиция оның жоғарғы қабаттан құлап мерт болғанын айтты. Бұл туралы Stan.kz ақпарат агенттігі хабарлайды.Қайғылы жағдай 26 маусым күні таңы уақытта Теремке тұрғын үй кешенінде болған. Жас қыз шамамен 6 қабаттағы терезенің ернеуіне тұрып билеген. Оны көрген адамдар оған “құлап қаласың” деп ескерту жасайды. Куәгерлердің айтуынша, біраздан кейін ол төменге құлап кеткен.Алматы полиция департаменті болған жағдайға қатысты пікір білдірді.<blockquote>“Өз-өзіне қол жұмсау дерегі бойынша қылмыстық іс қозғалды. Оқиғаның мән-жайы анықталып жатыр”, – делінген хабарламада.</blockquote>

Көпқабатты үйдің терезесінен шығып билеген қыз құлап көз жұмды

&nbsp;<a href="https://kyzylorda-news.kz/">Kyzylorda-news.kz</a>&nbsp; Министр Светлана Жақыпованың айтуынша, жұмыс кестесін өзгерту соншалықты қиын емес.Елімізде жұмыс күні бір сағат ерте басталуы мүмкін. Еңбек және халықты әлеуметтік қорғау министрі бюджеттік мекемелер мен жеке компанияларға жұмыс кестесін қайта қарауды ұсынып отыр, деп хабарлайды КТК арнасы.Бұған бірыңғай уақыт белдеуіне көшу себеп. Өйткені қыста күн қысқарғанда үйге қараңғыда қайтпас күшін жұмыс күнін бір сағатқа қысқарту қарастырылуы мүмкін. Министр Светлана Жақыпованың айтуынша, жұмыс кестесін өзгерту соншалықты қиын емес. Жұмыс беруші мен қызметкер өзара келісіп, оны екі жақты келісімшартпен бекітсе болғаны. Мәселен, жұмыс күні сағат 9-да басталатын мекемелер 8-де бастауға келісе алады. Еңбек кодексі бұған рұқсат етеді,- дейді министр.<blockquote>«Жұмыс беруші мен жұмыскердің арасында келісімшарт бар. Жұмыс кестесін екеуі бірге жасайды. Сондықтан қараңғы уақытта жұмыс істемеу үшін, мысал келтірсек, жұмыс тоғызда басталса, жұмыс берушімен келісіп, сағат сегізден бастаса, бір сағатты қысқартады. Сондай&nbsp;ұсыныс беріліп отыр», - дейді Еңбек және әлеуметтік қорғау министрі Светлана Жақыпова.</blockquote>

Қазақстан және Қызылорда облысының жаңалықтары: Қоғам