<a href="https://kyzylorda-news.kz/">Kyzylorda-news.kz</a> &nbsp; Өткен аптада Сыр өңіріне Франция Республикасы Президентінің арнайы өкілі Барбара Помпили іс сапармен келген болатын.Сапар барысында Барбара Помпили аймақтың бірқатар аудандарына ат басын бұрып, ондағы тыныс-тіршілікпен танысты.Франциялық делегация алдымен Қармақшы ауданында орналасқан «Қорқыт Ата» мемориалды кешеніне барып, қасиетті Қорқыт бабаның тарихымен танысты. Содан соң, Арал қаласына барып, балықшылар аллеясы мен мұражайды аралап, теңізді өлкедегі атакәсіпке қатысты тарихи деректерге қанықты.Делегация өкілдері сондай-ақ, демалыс күндері «АralSeaFood» балық өңдеу зауытында болып, теңіз маржандарын өңдеу жұмыстарының барысын көрді. Зауыт қызметкерлері ауланған балықтардың өңделіп, қатырылып, шет мемлекеттерге экспортталу жолдары жайлы түсіндірді.Барбара Помпили сапар барысында «Көкарал» бөгеті мен «Ақлақ» су тоспасының қазіргі ахуалымен танысып, теңіз ұлтанына егілген сексеуілдерді көрді. Делегация мүшелері теңіздің тартылуы әсерінен болған экологиялық мәселелермен танысып, оны жақсарту мәселелерін талқылауды «One Water» саммитіне ұсынатын болады.

Қызылордаға келген Франция делегациясы облыстың маңызды нысандарымен танысты

<a href="https://kyzylorda-news.kz/">Kyzylorda-news.kz</a> Жазба тарихының дәйекті дәлелдерін сақтап, келесі кезеңге жалғауда, оны ұрпаққа қаз-қалпында жеткізуде архивтердің үлкен орны бар. Жыл сайын 9 маусым күні еліміз Халықаралық архивтер күнін атап өтуді әдетке айналдырған. Бұл кәсіби мереке аталған саланың рөлі мен бедерін арттырып, тарих тамыры, құнды құжаттардың шын жанашырына айналып жүрген архившілердің мерейін өсірері анық. Адамзаттың білімі мен ғасырлар еншісіндегі тәжірибесін көрсететін шежіре қоймасы бүгінде ел игілігіндегі асыл мұраларды ұтымды пайдалану мен барынша толық зерттеуге бағытталған қызмет шеңберін уақытпен бірге кеңейтіп келеді.Шынында, архивсіз тарих, тарихсыз мемлекет болмайды. Қазіргі таңда елімізде құжаттарды құнттайтын 200-ден аса архив бар. Олар Қазақстан Республикасының 1998 жылғы 22 желтоқсандағы «Ұлттық архив қоры және архивтер туралы» Заңына сәйкес жұмыс істейді. Ал өз ауданымызда боямасыз тарихты сақтау үшін «Қызылорда облысының мемлекеттік архиві» коммуналдық мемлекеттік мекемесінің Шиелі аудандық филиалы 1987 жылдан бері қызмет етуде. Бүгінгі санда үлкен жауапкершілік пен қырағылықты көздеп, өткен күннің белгісін бүлдірмей, ақиқатты аманаттауды мақсат еткен аудандық мұрағаттың бедерін баяндамақпыз.Ұлттық шежіренің шындығын ұлықтап, оны халыққа, келер ұрпаққа жеткізіп отырған мекеме бұған дейін теріскей беттегі Ы.Алтынсарин атындағы №219 қазақ орта мектебінің жылыжайында мұрағатқа бейімделген ғимаратта жұмыс атқарған. Уақыт өте келе, Шиелі аудан әкімінің 1998 жылғы 26 тамыздағы №1060 шешімімен бұл орын толығымен мұрағат мекемесінің есебіне берілді. Мұнда 2 қор қоймасы бар әрі құжат қабылдау мен құжат өңдеу бөлмелері және жұмыс кабинеттерімен жабдықталған, толығымен техникалық құралдармен қамтамасыз етілген. Ал архивтің ұлттық игілігі заңға сәйкес мемлекет қорғауында.Архив – тек терең тарихты ғана емес, әр ұлттың даму жолын, болмысын, даналығы мен даралығын, арманы мен тілегін сақтайтын киелі орын. Шиелі аудандық архив қорында 1987 жылдың ақпан айында барлығы 1148 құжат болса, бүгінде 217 қорда 49 961 құжат, 284 фото құжат сақталып, ел игілігіне қызмет көрсетіп келеді.Қазіргі таңда Шиелі ауданы көлеміндегі 88 мемлекеттік және мемлекеттік емес ұйымдармен мұрағат құжаттарының саны артып, оларға ведомстволық архив ісін жүргізу мен ұйымдастыру бойынша әдістемелік көмек көрсетіліп, семинарлар мен дөңгелек үстелдер өткізіліп, жауапты қызметкерлерге кеңестер беріліп тұрады. Атқарылып жатқан бұл жұмыстар архив үшін жыл сайынғы толықтыру көздері болып отыр.Қордағы құжаттардың сақталуын қамтамасыз етуде архивист мамандардың міндеті зор. Мекемеге 2010 жылдың қазан айынан бастап Ерболат Әбішұлы басшылық етеді. Сондай-ақ мұрағат ішінде қор қоймасының меңгерушісі, 3 архивист пен 1 бағдарламашы, электрик пен кіші техникалық қызметкер еңбек етуде.Аталған қызметті өз деңгейінде орындау үшін архивистерге білім мен біліктілік қана емес, жұмысына, халық мұрасы мен ел мен жердің тарихына деген адалдық керегі анық. Мекеме қызметкерлері бүгінде бұл міндеттің үдесінен шығып отыр. Олар кәсіби біліктілігін арттыру мақсатында облыстық, қалалық архивтермен оқулар, онлайн сабақтар өткізіп, әдістемелік тәжірибе алмасып отырады.– Мекемедегі бірде-бір құжат архив қызметкерлерінің назарынан тыс қалмайды. Әрбірін стандартты қораптарға бекітіп, сапалы күйде сақтауға жағдай жасалған.2021 жылдың 1 қаңтарында құжаттарды қайта тігіп-түптеу, парақтарын қайта жөндеу, мәтіні өшкен парақтарды қалпына келтіру, құжаттардың жай-күйін тексеру бойынша жұмыстар жүргізіліп, қоймадағы жинақтар шаң-тозаңнан тазартылды.Алда архив ісін жетілдіру, сол арқылы қорды толықтыру бағытындағы жұмыстарды нәтижелі орындау міндеті тұр, – дейді Ерболат Әбішұлы.Расында, архивтерге мемлекеттік тұрғыдан қолдау жасап, ондағы құжаттарды қорғау, жинақтау және есепке алу, олардың сақталуы мен пайдаланылуын қамтамасыз ету, заман талабына сәйкес аталған саланың ғылыми, әдістемелік бағыттарын жаңғырту – күн тәртібіндегі мәселенің бірі.Кешегі күннің көрінісін, тарихи оқиғалар мен құбылыстардың нақты дәйек-дерегін жинақтап, сан ғасырдың сырын бүгінге жеткізуші – архив қызметінің қоғамдағы маңызы орасан. Себебі бұл асыл мұра мемлекеттің әлеуметтік-экономикалық жағдайы, ішкі-сыртқы саясаты мен тарихы, рухани әлемінің басын біріктірген мол дерек қорын қамтып, жәдігерлер жиынтығын жасап отыр. Әрі құнды қор үнемі жаңа дерек, мазмұнды мәліметпен толыға бермек.

Шиелі аудандық архив қорында 49961 құжат бар

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Аудан әкімі Аманжол Оңғарбаевтың төрағылығымен әкімдік мәжілісінде үстіміздегі жылдың І жарты жылдығында қала, кент және ауылдық округ тұрғындарымен кездесуі және нысандарды аралау барысында көтерілген ұсыныс-пікірлердің орындалуы мен коммуналдық меншіктегі бос тұрған ғимараттар мен электр және ауыз су нысандарын теңгерімге беру жұмыстары пысықталды.</h4>Алдымен күн тәртібіндегі бірінші мәселе бойынша аудан әкімі аппаратының басшысы Н.Бохаев баяндама жасады. Оның айтуынша, елді мекендерді аралау барысында тұрғындар тарапынан 217 ұсыныс-пікірлер мен өтініштер түсіп, іске асыру жөнінде іс-шаралар жоспары бекітілген. Баяндамашы іс-шара жоспарындағы тапсырмаларға тоқталып, орындалу барысына талдау жасады. Мұнан соң, аудан әкімі:&nbsp;– «Өздеріңіз естігіндей, 17 мәселе мерзімінде орындалмаған. Бұл – жауаптылардың өз қызметтеріне салғырт қарағандығының нәтижесі деп есептеймін. Ауылдық округтердегі көтерілген кейбір мәселелерді жергілікті жерде шешуге болады. Ауыл әкімдері аудан әкімдігі тарапынан шешілсін деген пиғылда болмауы керек. Мұнымен қоса, іс-шаралар жоспарындағы мәселелердің 70 пайызға жуығы аудандық құрылыс, сәулет және қала құрылысы бөліміне, аудандық тұрғын үй-коммуналдық шаруашылығы, жолаушылар көлігі және автомобиль жолдары бөліміне, аудандық көп бейінді орталық ауруханасы мен қала, кент және ауылдық округ әкімдеріне тиесілі. Тұрғындармен кері байланыс орнатылмағандықтан мәселе келесі жиында қайта көтеріліп, халықтың әкімдікке сенімсіздігі туындайды. Халық арасында «Менің мәселем ескерусіз қалды» деген ой-пікір қалыптаспауы қажет» – деп, қала, кент және ауылдық округ әкімдері, әрбір мәселеге айқындалған жауаптылармен бірлесіп, мәселені шешу бағытында қажетті шараларды қабылдауды міндеттеді.&nbsp;Жиында көтерілген келесі мәселе – аудан бойынша коммуналдық меншіктегі бос тұрған ғимараттар мен электр және ауыз су нысандарын теңгерімге беру жұмыстарының барысы туралы аудандық экономика және қаржы бөлімінің басшысы Т.Рашев кеңінен тоқталып өтті. Сондай-ақ &nbsp;аудандағы электр және ауыз су нысандарын теңгерімге беру жұмыстары жөнінде аудандық құрылыс, сәулет және қала құрылысы бөлімінің басшысы Т.Ұзақов сөз қозғады.&nbsp;Талқыланған мәселелерге байланысты аудан басшысы қала, кент және ауылдық округ әкімдерімен бірлесіп, бос тұрған ғимараттарды тиімді пайдалану немесе сату бойынша және ауыз су нысандарын теңгерімге беру жұмыстарын жеделдетуді тапсырды.&nbsp;Жиын барысында мұнан бөлек елді мекендердің санитарлық тазалығына қатысты кемшіліктерге тоқталып, халықты «Таза Қазақстан» жалпыұлттық экологиялық науқанына атсалысуға шақыру қажеттігін айтты.

Елдің мәселесіне енжар қарауға болмайды

<a href="https://kyzylorda-news.kz/">Kyzylorda-news.kz</a>&nbsp; Әнші, Қазақстанның еңбек сіңірген қайраткері Жеңіс Ысқақова <a href="https://www.youtube.com/watch?v=5Ga4TT0A6Po">ADAL Adam</a> Youtube арнасына берген сұхбатында рэкеттермен қандай байланысты болғанын айтты.<blockquote>"2000 жылдары. Мұқтаждық емес, ол кезде үтік қоссаң да менің әнім шығып жататын кез болатын. Маған кім ақша төлеп, билет алады, соның ақшасына өлең айтып беремін. Әрине, солардың арқасында жағдайымды жасап алдым. Концертке шақырады. 10, 20 жылдықтары не болмаса шешесінің мерейтойы болады. Ол кезде ол бандит пе, ол милиция ма, ол кәсіпкер ме, білмейміз ғой. Жақсы бір достарым, Атырауда, бизнесте жүрді, отбасылық дос болдық. "Біздің ауылда той болып жатыр. Соған өзіңе ыңғайлы әріптестеріңмен келіп, концерт қойып кетсең" дейді. Ақшасын - бәрін төлеп береді. Кәдімгідей бағаңды беріп, ханның қызындай күтіп алады. Атын атаймын. Ақаман Рысқалиев - менің досым. Қазір де досым. Басына күн туды. Біреудің жолын кесті ме, білмеймін. Ол - мен үшін кәсіпкер. Ақаманның Атырау өңіріне жасаған қамқорлығы көп", - деді әнші сұхбатта.</blockquote>

«Жағдайымды жасап алдым»: Әнші Жеңіс Ысқақова рэкеттермен достығы жайлы айтты

<a href="https://kyzylorda-news.kz/">Kyzylorda-news.kz</a> Жақсықылыш кентінде балалардың жазғы демалысын көңілді ұйымдастыру, бос уақытын тиімді пайдаланумен бірге адамгершілік және мәдени құндылықтарын арттыру, мектеп пен ата-ана арасындағы байланысты &nbsp;нығайту мақсатында №19 орта мектебі жанынан ашылған «Балдаурен» күндізгі тынығу лагеріне 120 бала қамтылып, жұмыс істеуде.Жаз – балалар үшін алаңсыз таза ауада асыр салып ойнап, қыдыратын таңғажайып және қолайлы мезгіл. Дәл осы кезеңде олар көп уақыттарын таза ауада өткізгені жөн. Сондықтан демалушылар мен ата-аналарының ұсынысы бойынша бір күнді табиғат аясына арналды. Әр күнді ерекше өткізуге ұмтылған лагерь жетекшілеріне ата-аналар ізгі тілектерін арнап, білім мен шығармашылықты ұштастырған күдерінің қызықты болғандарын жеткізді.«Оқуға құштар мектеп» жобасы аясында лагерь тынығушыларымен «Біз жазда кітап оқимыз» челенджі ұйымдастырылып, жазғы демалыс кезінде мектеп кітапханасында, үйде, ата-анасымен бірге кітап оқуға шақырды.Жас ұрпақтың талабын қанағаттандыру, рухани байлығын, жалпы ой-өрісін дамытуда талап-талғамын қалыптастыруда ең үлкен де ұлы тәрбие құралы – кітап екені түсіндірілді.&nbsp;Жас ұрпақтың қызығушылықтарын арттыру үшін түрлі үйірмелер жұмыс жасады. «Джунгли» ұйымдастырылып, квест ойыны жүргізілді. Лагердің аяқталуында балалар қимастықпен тарқасты.

«Балдаурен» күндізгі тынығу лагеріне 120 бала қамтылды

<a href="https://kyzylorda-news.kz/">Kyzylorda-news.kz</a> Мемлекет басшысының бастамасымен жүзеге асырылып жатқан «Таза Қазақстан» республикалық экологиялық акциясы Сыр өңірінде қарқынды түрде жалғасуда. Акция аясында саябақтар, скверлермен аллеялар аумақтарын абаттандыру, қоқыстардан тазарту, ағаш отырғызу сынды жұмыстар белсенді жүргізілді.Қызылорда облысы әкімдігінің «Үлгілі елді мекен» конкурсыМемлекет басшысының «Ауылдық аумақтарды дамыту туралы» тапсырмасына сәйкес, облыстағы елді мекендер арасында тазалыққа, көркейту көгалдандыруға, абаттандыруға бағытталған «Үлгілі елді мекен» облыстық конкурсы дәстүрлі түрде жыл сайын өткізілуде.Байқау туған өлкені жасыл-желекке айналдырып, табиғатты аялауға және экологияның жақсаруына өз үлесін қосатын әлеуметтік маңызы бар ерекше жоба.2023 жылы конкурс 2 мәрте көктем және күз айларында өткізіліп, облыстық бюджеттен 1 млрд теңгеге жуыққаржы бөлінді.Ауылдық аймақтарға қажетті арнайы техникалар қалдық тасымалдаушы көлігі, жол тазалағыш,жер қазушы, тиегіш тракторлар, ассенизатор машинасы, жүк тасымалдаушы көлігі секілді 29 техника жеңімпаз елді мекендерге табысталды.Алғаш рет өткізілген көктемгі конкурсқа 7 аудан орталығы,24 ауыл қатысып, «Үлгілі аудан орталығы» номинациясы бойынша3 аудан орталығына және«Үлгілі ауыл» номинациясы бойынша3 ауылға арнайы коммуналдық техникалар табысталды. Күзгі конкурста да осындай талаптарға сай жеңімпаздар анықталды.Биылғы жылы да конкурс жалғасын тауып, облыстық бюджеттен 436 млн теңге бөлінді. Оған 19 техника сатып алынып, конкурс жеңімпаздарына табысталатын болады. Қазіргі таңда конкурсқа қатысушы елді мекендердің құжаттары жинақталуда.Конкурс «Үлгілі аудан»,«Үлгілі ауыл» және «Үлгілі елді мекен» номинациялары бойынша өткізіледі. «Үлгілі елді мекен» номинациясы бойынша әр ауданнан 1 жеңімпаз елді мекен анықталады және оларға абаттандыру жобаларын қаржыландыруға облыстық бюджеттен 15 млнтеңгеден беріледі. «Үлгілі аудан» номинациясына аудандардағы кенттер мен қалалар,«Үлгілі ауыл» номинациясына тірек және серіктес елді мекендер,«Үлгілі елді мекен» номинациясына тірек және серіктес елді мекендерден басқа, елді мекендер қатысады.<img src="https://knadmin.beoblood.kz/uploads/cb3a2682_5d24_4340_a9d8_6b00cd56775f_1aa25c0866.jpg" alt="cb3a2682-5d24-4340-a9d8-6b00cd56775f.jpg"><img src="https://knadmin.beoblood.kz/uploads/a0752704_af50_44ab_9689_dbd2ed096c04_f9282a4b3d.jpg" alt="a0752704-af50-44ab-9689-dbd2ed096c04.jpg"><img src="https://knadmin.beoblood.kz/uploads/3961b49a_1c11_4318_a71a_8c2beae54ebc_f46b9f580f.jpg" alt="3961b49a-1c11-4318-a71a-8c2beae54ebc.jpg">Қызылорда қаласы әкімдігінің «Үздік аула» конкурсыҚызылорда қаласында «Үздік аула» номинациясы бойынша жыл сайын дәстүрлі түрде конкурс ұйымдастырылып келеді.Өткен жылы қала әкімдігінің ұйымдастыруымен өткен конкурс нәтижесімен Қызылорда қаласы, Абдрахманов көшесіндегі №19 көпқабатты үйдің ауласы«Үздік аула» номинациясының жеңімпазы атанды.Көпқабаттыүйдің аталмыш номинацияның жеңімпазы атануына осы үйдің тұрғыны, зейнеткер БердіқожаКенжебаевтыңүлесі зор. Ол өз күшімен көпқабатты тұрғын үйдің ауласына соңғыжылдары100-ге жуық ағаш отырғызып, ауланың жасыл желекке айналуына септігін тигізді.<img class="image_resized" style="width:77.41%;" src="https://knadmin.beoblood.kz/uploads/7fdb9b2e_1247_4b85_af85_b16a7cacb5d2_78b952f119.jpg" alt="7fdb9b2e-1247-4b85-af85-b16a7cacb5d2.jpg"><img src="https://knadmin.beoblood.kz/uploads/fde7ac4f_0ee2_48d4_bd80_51bdb07ee7cf_9a30f2ee4e.jpg" alt="fde7ac4f-0ee2-48d4-bd80-51bdb07ee7cf.jpg"><img src="https://knadmin.beoblood.kz/uploads/133c324f_cece_40ed_9304_8e83bdd2fca6_a0058e4b08.jpg" alt="133c324f-cece-40ed-9304-8e83bdd2fca6.jpg"><img src="https://knadmin.beoblood.kz/uploads/dac6d52f_6dc2_418b_bab7_3c4bbb19291d_1e8dbe5b61.jpg" alt="dac6d52f-6dc2-418b-bab7-3c4bbb19291d.jpg">Қызылорда қаласындағы қоқыс өңдеу полигоныҚызылорда қаласы аумағындағы қоқыс полигонына Корея Республикасынан инвестор тартылып, қоқысты қайта өңдеу зауытын салу жоспарлануда.Бүгінгі таңда оңтүстік кореялық инвестормен Қызылорда облысы әкімдігі тарапынан меморандумға қол қойылып, тиісті құжаттар әзірленуде.Зауытқа 8 млрд теңге шамасында қаржы салынып, жылына 300 мың тонна қалдық сұрыпталып, қайта өңделетін болады.Нысан 2025 жылдың ІІ тоқсанына пайдалануға беріледі деп күтілуде.<img src="https://knadmin.beoblood.kz/uploads/5d81e819_53fe_4ad4_8004_65f41704901c_23c13efb8b.jpg" alt="5d81e819-53fe-4ad4-8004-65f41704901c.jpg"><img src="https://knadmin.beoblood.kz/uploads/573c4a08_2a17_4649_8f72_35f57178edf1_5a5cad61c1.jpg" alt="573c4a08-2a17-4649-8f72-35f57178edf1.jpg">«Қызылорда тазалығы» мекемесіБүгінде Қызылорда қаласының тазалығы мен абаттандырылуына жауапты «Қызылорда тазалығы» мекемесіекі ауысыммен жұмыс атқаруда. Тазалық жұмыстарына бір мезетте 75 арнайы техника мен 200-ден астам жұмысшы шығарылады.Соңғы 2 жылда мекеменің материалдық-техникалық базасын жаңғырту мақсатында 2 млрд 153 млн теңге бөлініп, оған қажетті техникалар алынды.Айта кету керек, коммуналдық саланың жұмысшыларына қолду білдіру мақсатында оларға қоғамдық көліктерде тегін жүру қарастырылған және жылына бір рет шипажайларға тегін жолдама беріледі.Бұдан бөлек, қаланы көгалдандыру жұмыстарына қатысты биылғы жылдың басында қалада арнайы «Жасыл Қызылорда» коммуналдық мемлекеттік мекемесі құрылып, қаладағы орталық көшелер, сквер, аллеяларды көркейту мен қаланың көгалдандыру жұмыстарын жүргізуде.<img class="image_resized" style="width:82.89%;" src="https://knadmin.beoblood.kz/uploads/5bb562ae_6f49_4364_9258_e6a25a8d3cfa_cec2fd06d9.jpg" alt="5bb562ae-6f49-4364-9258-e6a25a8d3cfa.jpg"><img class="image_resized" style="width:83.15%;" src="https://knadmin.beoblood.kz/uploads/6195816e_a1b8_4c13_96ef_a5380558f1f1_56a8114b7f.jpg" alt="6195816e-a1b8-4c13-96ef-a5380558f1f1.jpg"><img class="image_resized" style="width:82.99%;" src="https://knadmin.beoblood.kz/uploads/c48d4b50_c271_46bc_8fc1_7a60aed8a8d1_944f58fad9.jpg" alt="c48d4b50-c271-46bc-8fc1-7a60aed8a8d1.jpg"><img class="image_resized" style="width:82.7%;" src="https://knadmin.beoblood.kz/uploads/e1b149dc_752d_46a0_a7e1_1ea26432c155_11c50f54a5.jpg" alt="e1b149dc-752d-46a0-a7e1-1ea26432c155.jpg">«Жасыл ел» еңбек жасақтарыӨңірде республикалық «Таза Қазақстан» жалпыұлттық экологиялық акциясы аясында «Жасыл ел» жастар еңбек жасақтарының кезекті еңбек маусымының ашылу салтанаты өтті.Шараға еңбекші жастармен қатар, волонтерлер, қала тұрғындарықатысты.«Жасыл ел» қозғалысы жастарды еңбекке баулып қана қоймай, ортақ идеялар төңірегінде топтастыруда. Жастарды іріктеу кезінде халықтың әлеуметтік осал топтарынан шыққан балаларға өздерін көрсетуге, демалыс кезеңінде қосымша табыс табуына назар аударылып келеді.«Жасыл ел» жобасы аясында биыл 1871 жас маусымдық жұмыспен, орналастыру, қажетті экипировкамен, белгіленген мөлшерде еңбекақымен қамтамасыз етіледі.Қозғалыс мүшелерімен облыс көлемінде орналасқан мәдени-демалыс орындарында, аллея, сквер, алаңдар мен парктердерде көгалдандыру, аумақтарды қоқыстан тазалау шаралары атқарылады.Іс-шарада 100-ге жуық еңбекші жастар Қызылорда қаласындағы «Б.Шөкенов саябағында» тазалау, сырлау, әктеу жұмыстарын жүргізіп, республикалық «Таза Қазақстан» жалпыұлттық экологиялық акциясына өз үлестерін қосты.<img src="https://knadmin.beoblood.kz/uploads/02a0c475_4e28_4f85_a383_da5ed1a3bd7a_19999c8498.jpg" alt="02a0c475-4e28-4f85-a383-da5ed1a3bd7a.jpg"><img src="https://knadmin.beoblood.kz/uploads/c9eade9a_2a69_4e95_b72b_4dcbb5832505_0f4de54e03.jpg" alt="c9eade9a-2a69-4e95-b72b-4dcbb5832505.jpg"><img src="https://knadmin.beoblood.kz/uploads/01f5b4df_3611_44ad_ad24_0b97353eec5f_7d3d450e7a.jpg" alt="01f5b4df-3611-44ad-ad24-0b97353eec5f.jpg">Айта кету керек, Мемлекет басшысының бастамасымен жүзеге асырылған экологиялық акцияға&nbsp;барлығы 191 мыңнан аса еріктілер, қоғам қайраткерлері, бюджет саласы мен кәсіпорын қызметкерлері қатысты.Нәтижесімен, 8 мың тоннадан(8426)астам қоқыс қалдықтары шығарылып, елді мекендердегі 505 скверлер мен парктер, 225 тарихи мәдени ескерткіштер, 791 әлеуметтік нысандар,1130 өнеркәсіп және бизнес нысандары, 289 су объектілері, 24 445 аулалар мен көшелердің бойы тазартылып, 900-ге жуық техника жұмылдырылып,&nbsp;129 мыңнан аса(129&nbsp;358)өңірдің климатына сәйкес жерсінетін қарағаш, терек және сырталының көшеттері егілді.

Қызылордалықтар «Таза Қазақстан» акциясына  белсенді үлес қосуда

<a href="https://kyzylorda-news.kz/">Kyzylorda-news.kz</a> &nbsp;Танымал актриса Дариға Бадықова әлеуметтік желіде қызық жазба жариялады, – деп хабарлайды&nbsp;<a href="https://massaget.kz/basty-zhaalytar-438/109560/">Massaget.kz</a>.<blockquote>«Менің табиғатым элегантностты қалайды. Вульгарный киім, дешевый шаш, сырға дегендерді қаламайды екен. Кеше қызық жағдай болды. Жан дүнием арзан нәрселерді менсінбеді. Менсінбеймін все деді. Бұл менің менсінбейтін табиғатым. Психологтар қайдасыздар?» – дейді ол.</blockquote>Сурет:massaget.kz

«Жан дүнием арзан нәрселерді менсінбеді. Менсінбеймін»: Дариға Бадықова

<a href="https://kyzylorda-news.kz/">Kyzylorda-news.kz</a> 1989 жылдың 15 ақпан күні Кеңестер Одағының әскері ауған жерінен шығарылды. Міне, содан бері 35 жыл өтіпті. Ауғанстандағы 10 жылға созылған сол соғыстың жарасы жазылды ма? Қазақ халқы осы бір нәубет жылдардың тарихи бағасын толық бере алды ма? Ресми деректерге сүйенсек, 22 269 қаракөз сарбазымыз Ауғанстанда қан кешіпті. Олардың 21-і із-түзсіз жоғалып, мыңға жуығына Ауған жерінен топырақ бұйырған. 1015 азаматымыз елге мүгедек болып оралған. Қазір сол соғыста от кешкен 18 мыңнан аса азаматымыз арамызда жүр. Біз олардың ерліктерін өз дәрежесінде ұлықтай алдық па?&nbsp;Басқаны айтпай-ақ қоялық. Соңғы 25 жылдың ішінде саясатымыз сан құбылды. Бір кездердегі интернационалдық патриотизмнің орнын ұлттық құндылықтар басты. Әр тарихи оқиғаға ұлттық көзқараспен қарайтын болдық. Әлемдік үрдістерге, я болмаса ғаламдық саясатқа үңіліңіз. Біздің Ауғанстанға «алты аласымыз, бес бересіміз» жоқ. «Ол елді жаулап алып, өз идеологиямызды жүргіземіз» деген ойымыз болған емес. Болмайды да. Тіпті Ауған соғысын тарихи тұрғыда ақтап, әспеттеуге де құқылы емеспіз. Бізді қинайтыны, сол қанды майданға өз қандастарымыздың атсалысуы ғана. Қазір өмірде бар 18 мыңнан астам қазақтың төккен қанының өтеуі немен өлшенбек? Олар не үшін, кім үшін шайқасты?Ауған соғысына қатысты 800-ден астам кітап жазылыпты. Жиырмаға жуық деректі һәм көркем фильм түсірілген. Бірақ сол туындыларда бар шындық айтылды ма? КСРО мен АҚШ атты екі алпауыттың мүйіздесер алаңына айналған Ауғанстан халқының не кінәсі бар еді? Рас, ауғанның бейбіт халқының шөкімдей де кінәсі жоқ-ты. Социализм мен капитализмнің арпалысы сол кінәсіз халықтың қанын 10 жыл төкті. Сол 110 айға созылған сұрапыл кезінде 2,5 миллион ауған халқы жер бетінен жойылып кетті. 15 мыңнан аса Кеңес әскері опат болды. Кеңес-ауған соғысына тәуелсіз Қазақстанның тұрғысынан қандай саяси баға берілуі керек?Біріншіден, 1979-1989 жылдар аралығында Ауғанстанда болған сұрапыл КСРО мен АҚШ-тың күш сынасар алаңы ғана емес екенін ескеруіміз қажет. Бұл мемлекет ислам атын жамылған радикалдық күштердің шоғырланған аймағы болатын. Яғни, Ауғанстанда адамзат қауіпсіздігіне қатер төндірер жанкештілер дайындалғанына, әлі де дайындалып жатқанына ешкім шүбә келтіре алмайды. Ауған соғысына қатысқан қандастарымыз ең алдымен сол жанкештілермен күресті.Екіншіден, 1979 жылдары біз социализм идеясына толығымен сендік. Ауғанстанға көп көлемде есірткі егілетін, емін-еркін қару-жарақ сатылатын мемлекет ретінде ғана қарай алдық. Ол аймақтағы этникалық және діни топтардың әркелкілігін ескеруге, бағалауға мүмкіндігіміз болған жоқ. Бұл соғыс біздің ырқымыздан тыс тұтанып, біздің қалауымызсыз-ақ аяқталды. Содан болар «кім жеңді, кім жеңілді?» деген сұраққа ешкім де жауап бере алмайды.Үшіншіден, Ауғанстанды толық билеуді мақсат тұтқан әртүрлі саяси топтардың, сондай-ақ сол мемлекетті отар қылғысы келетін алпауыттардың ашкөздігіне біз жауап беруге міндетті емеспіз. Бірақ жанама түрде сол алпауыттар бізді, біздің боздақтарды қару ретінде пайдаланды.Төртіншіден, бұл әділетсіз соғысқа қаншама ұлт өкілдері қатысты. Сол ұлттардың арасында біздің қазақтардың шоқтығы биік тұрды. Қазақ батыр ел екенін КСРО мен АҚШ-қа тағы да бір мәрте дәлелдеуге мүмкіндік алды. 2265 жерлесіміздің жоғары наградалармен марапатталуы осыны айғақтайды.Шындығын айту керек, Кеңестер Одағы дәуірлеп тұрған тұста «Ленин көсем аз ұлттарға теңдік алып берді» деген идеология салтанат құрып тұрды. Сондықтан да КСРО-ның 1979 жылғы 12 желтоқсанда қабылданған Ауғанстанға әскер кіргізу туралы шешіміне қарсылық танытуға қауқарымыз болған жоқ. КСРО мен КОКП-ның жетекшілері Л.И.Брежнев, Ю.В.Андропов, Д.Ф.Устинов, М.А.Сусловтар қазақтардың ойымен санасуы мүмкін емес болатын. Есесіне, 1970 жылдары Ауғанстанда билікті төңкеріспен басып алу үйреншікті жайт еді. Мысалы, 1973 жылғы төңкеріс монархияны құлатып, Ауғанстан республикасын құруға мүмкіндік әперді. 1978 жылы Ауғанстан республикасын құрған Мұхаммед Дауд отбасымен бірге өлтіріліп, билікке М.Тараки бастаған Ауғанстан коммунистік халықтық-демократиялық партиясы келді. Осы Тараки тұсында КСРО мен Ауғанстан арасы жақындасты. КСРО-ның ықпалымен Ауғанстан коммунистік ел болу жолына түсті. Бірақ Таракидің билігін өзінің орынбасары Хафизулла Амин бір күнде төңкеріп тастап, КСРО-дан сырт айналды. Кеңестік империяға бұл ұнай қойған жоқ. 1979 жылы Мәскеу «Шторм-333» арнайы операциясы арқылы Хафизулла Аминнің көзін жойып, оның орнына Бабрак Кармальді қойды. Осы шешім елді екіге бөлді. КСРО үкіметтік күштерді, ал АҚШ, Қытай, Иран, Пәкістан, Сауд Арабиясы, Мысыр, Израиль секілді елдер үкіметтік емес ұйымдарды қолдап, соғыс отын тұтатып жіберді.Ауған соғысы – әділетсіз соғыс. Ауған соғысы – мықтылардың текетіресі. Ендігі бар мәселе «тәуелсіз қазақ елі ол соғысқа қандай баға беру керек?» деген сұраққа ғана келіп тіреліп тұр. Мұндай сұрақтың қойылуында да мән бар. Мысалы, қазір «1941-1945 жылдарда болған екінші дүниежүзілік шайқасты «Ұлы Отан соғысы» деп атамайық, біздің Ұлы Отанымыз – Қазақстан» дейтін пікірлер айтыла бастады. Кейбір мамандар мұны бір дәуірдің ерлігін жоққа шығарып тастау десе, екінші біреулері мұны тәуелсіз санаға ұмтылудың белгісі санайды. Миллиондаған ата-апаларымыз қан кешкен Ұлы Отан соғысына осындай ойлар айтылып жатқан тұста, мыңдаған азамат от кешкен Ауған соғысын ақтап алу оңай емес. Бірақ ақтауға болады. Өйткені бұл соғысқа қатысқан ардагерлердің еш кінәсі жоқ. Олар осы дәуірдің батырлары. Олар қазақ ұлтының оғландары қандай екенін әлемге танытты. Соғыстың үлкен-кішісі жоқ. Қай-қайсысы да Отан үшін, мемлекет үшін басын тәуекелге тікті, мемлекеттің бұйрығын орындады.Cонау от пен оққа толы ауған жеріне біздің Шиелі ауданынан 37 жауынгер аттанған болатын. Оның біреуі – Жұмат Қалекеев 1988 жылы майдан даласында ерлікпен қаза тапса, біреуі Таубай Қожаев елге келіп, 2020 жылы дүниеден өтті. Ел-жұрты құрметтеп Жұмат Қасымұлына өзі туып өскен Ақтоған ауылынан көшеге аты берілсе, мемлекет «Қызыл жұлдыз» орденімен наградтады.Елімізде атаулы күн болып белгіленген 7 мамыр – «Ерлік күні», 9 мамыр – «Ұлы Жеңіс күні» қарсаңында ауданның Көкшоқы мөлтек ауданындағы «Тағзым алаңында» батырларды еске алу шарасын өткізу дәстүрге айналған. «Мәңгі алаудың» оң жақ қапталында «Ауған соғысына» арнайы белгі-тақта орнатылып, сұрапыл соғыста шейіт болған боздақтардың есімдері мәрмәр тастарға қашап жазылған.Бүгінде Шиелілік «Ауғаныстан соғыс ардагерлері мен патриот жастар» қоғамдық бірлестігінің төрағасы Серікбай Берімбетов бастаған ардагер-ағаларымыз Шиелі ауданы аумағында өтіп жатқан барлық патриоттық іс-шараларға белсене қатысып, Ұлы Отан соғысы ардагерлерінің лайықты ізбасары ретінде, жастарға отансүйгіштік рухты арттыру бағытында үлкен үлес қосып келеді.Жаз айында қайта жасақталған Шиелі аудандық тарихи-өлкетану музейінің төрінен Ауған соғысына қатысқан азаматтарға арнайы экспозиция беріліп, музей көрермендері жергілікті соғыс ардагерлері туралы тың ақпараттармен танысуда.Қазақстан әлемдік геосаясатта өзіндік орны бар тәуелсіз ел. Халықаралық саясаттың талаптары бойынша алдағы уақытта БҰҰ шеңберінде әскери қақтығыстар орын алған аймақтарға өз бітімгершілік күштерін жіберуі мүмкін. Бітімгершілік күштер қанша жерден ерікті болған күннің өзінде саяси шешімдерді орындауға міндетті. Сондықтан кешегі өткен соғыс сабақтары келешек саяси шешімдердің игілігі үшін қажет. Демек, біз Ауған соғысының ардагерлерін қастерлей алмасақ, сол бітімгершілікке баратын батырларды да құрметтемейміз деген сөз. Ал мұны білген жастарымыз сыртты былай қойып, өз Отанын қорғауға құлшыныс танытпайтын болады. Бұл бізге қажет пе? Жоқ. Ендеше, Отан алдындағы борышын ерлік шежіресімен өтеген Ауған соғысының ардагерлерін құрмет тұту, ұлықтау – барша қазақстандықтардың патриоттық парызы болуы тиіс!Бекболат Темірәліұлы

Шиелі ауданынан ауған соғысына аттанған дәрігерлер

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Бүгінде мемлекет тарапынан ұсынылатын түрлі бағдарламалар арқылы өз кәсібін дөңгелетіп отырған жандар қаншама. Солардың бірі – Шакизада Дарменова. Тәуекелге бел байлап, мемлекеттік жұмыстан бас тартқан Жақсықылыш кентінің тұрғыны бүгінде «М9» кәсіпкерлік нысанын ашып, көрші аудандардан да шұжық өнімдеріне тапсырыс алады.&nbsp;</h4>Осыдан біраз бұрын кәсіпкерлер көрмесінде аудан әкіміне өнімін таныстырған Шакизада ханым өз бастамасы туралы:– Қызығушылығымның барлығы жай ғана әдемі дастархан жаюға құштарлығымнан туған. Алғашқыда инстаграм әлеуметтік парақшасынан спиральды шұжықтарды үй жағдайында жасауды көргем. Оны үйден жасап, қонақтарыма ұсына бастадым. Кейіннен қызығушылығым артып, онлайн түрде кәдімгі шұжық жасау курсын оқыдым. Онда дәмдеуіштер, сыртын әдемілеп қаптау секілді қосымша заттарды да оқыдым. Ендігі ойым нағыз мамандардан сабақ алу болып, Алматы қаласына бардым. Осылайша арнайы 3 рет сабақ алып, арнайы техникалар көмегімен кәсібімді аштым, – дейді.&nbsp;Өткен жылдың күзінен кәсібін бастаған Шакизада ханым бүгінде күніне 15-18 кг-ға дейін тапсырыс алатынын айтып өтті.– Алғашқы тапсырысты бар-жоғы күніне 3-5 кг өнім шығарудан бастағам. Олардың барлығы халық көңілінен шығып, күнделікті сатылымға шығып тұрды. Кейіннен тұрақты тапсырыс берушілер ретінде келе бастады. Себебі менің өнімім таза болғандықтан, дүкен сөрелеріндегі шұжықтан өзгеше еді. Таза сиыр, жылқы еті мен құйрық, өркеш майдың дәмдеуішпен үйлесімділігі клиенттерді бей-жай қалдырмайтын. Уақыт өте келе тапсырыс көлемі ұлғайды. 10 кг-нан аса тапсырыс алып бастағанда, «Ауыл аманаты» жобасы арқылы 2,5%-бен 5 млн теңге несие алдым. Оған барлық техникалық құралдарымды, оның ішінде сағатына 1 тонна ет тартатын еттартқыш, арнайы камералар мен миксер, форма секілді заттарды алдым. Қазір солардың пайдасын көріп отырмын, – дейді.&nbsp;Қазіргі таңда «М9» шұжық өнімін дайындау нысаны үй жағдайында 5 түрлі өнім шығарады. Ысталған және асылған шұжықтар жылқы, сиыр, қой етінен дайындалады. Сонымен қатар полуфабрикат өнімдерінен манты, тұшпара және тефтели бар.– Қазір өнімдердің көлемі артуына байланысты цех ашу жоспарымда бар. Ол үшін арнайы ғимараттың құрылысын бастап та кеткенбіз. Дегенмен көп қаражатты талап ететіндіктен біраз уақытты талап етеді. Сонымен қатар өнімдер қатарына да толықтырулар енгізгім келіп отыр. Осы мақсатта жақында ысталған қазы, құйрық май, тауық еті өнімдерінің сабағын оқып келдім. Бұйырса алдағы уақытта осы өнімдерімді халық игіліне бөлісетін боламын, – деп болашақ жоспарларымен де бөлісті.Кәсіпкерлікпен қатар отбасылық өмірін де қатар алып жүрген Шакизада Дарменова бүгінде аяулы жар, ардақты әже. Жолдасы екеуі 2 ұлынан 3 немере сүйіп отырған әулеттің қадірлілері. Өз ісін келініне үйретіп, сонымен бірге 1 жанды жұмыспен қамтып отырған кәсіпкер ананың ісіне береке тілейміз.Г.Сақтапова

 Жақсықылышта шұжық өнімдері шығады

<a href="https://kyzylorda-news.kz/">Kyzylorda-news.kz</a> Қызылорда облысы Арал ауданында доңғалағы жарылған жеңіл көлік көше ортасында <a href="https://kaz.inform.kz/news/kizilorda-oblisinda-dongalagi-zharilgan-kolk-koshe-ortasinda-audarilip-kaldi-c440f8/">аударылып қалды</a>.Оқиға, 15 маусымда сағат 14:00 шамасында Арал қаласында болды.<blockquote>«Аудан орталығындағы Каюпов көшесінің бойында жергілікті тұрғынның «BMW 520» маркалы автокөлігінің оң жақ алдыңғы доңғалағы жарылған. Салдарынан ол рульге ие бола алмай қалған. Осыған сәйкес ҚР Әкімшілік құқық бұзушылық кодексімен шара көріліп, тексеру жұмыстары жүргізіліп жатыр», – деп мәлім етті Арал аудандық полиция бөлімінен.</blockquote>

Қызылорда облысында доңғалағы жарылған көлік көше ортасында аударылып қалды

<a href="https://kyzylorda-news.kz/">Kyzylorda-news.kz</a> Әнші, Қазақстанның еңбек сіңірген қайраткері Жеңіс Ысқақова ADAL Adam Youtube арнасына берген сұхбатында Айнұр Тұрсынбаева өзінің дәрістерімен нәзік жандарды адастырып отырғанын айтты, - деп хабарлайды <a href="https://massaget.kz/basty-zhaalytar-438/109573/">Massaget.kz</a>.<blockquote>"Отбасының құндылығы - сыйластық. Ер азамат өз міндетін, әйел өз міндетін атқаруы керек. Балаларға кішкентай кезінен тәртіпті, тәрбиені (бере білу керек - еск.). Отбасының құндылығы ауызбіршілікте. Әйеліңе баларымның анасы деп қара. ...Өзің үшін өмір сүр (дейді әйелдерге - еск.). Әйел қалай өзі үшін өмір сүреді? Өмірге бала алып келдің бе, сенің өмірің, сенің жауабың осы балада. Баланың азамат болып өсуі, қыздың ұрпақ тәрбиелейтін ана болып өсуі әйелдің қолында. Бала-шағаң үйде қарны ашып отырғанда, тапқан-таянғаныңды қалай үстіңе жабыстырасың?! Ол таза топастық қой, адамдарды адастыру. Өткенде бір жігіттің әлеуметтік желіден сөзін көріп қалдым: "Айнұр Тұрсынбаева деген ақын қызымыз бар ғой, ақын ретінде мен оны жақсы сыйлайтынмын, тыңдайтынмын. Сол ақын болып жүре беруі керек еді. Бір келіншек Айнұр Тұрсынбаеваның уағызын сатып алып, соны оқып, алпыс мың теңгеге ішкиім сатып алыпты" дейді. "Соның ақшасын төлемей қарызға алыпты. Төлей алмай жүр" дейді. Жігіт "Айнұрды тыңдап, қымбат ішкиім кие ала алмайсыңдар, қымбат ішкиімді Айнұр киеді, ондайларыңды қойыңдар" дейді. Ұят қой, кім кімге ақыл үйреткендей қазір?! Біреуге "былай өмір сүр" деп айтудың алдында өзіңнің өміріңе қара. Содан кейін ақыл айт. Ол (Айнұр Тұрсынбаева - еск.) неге әйелдерді жолынан адастырады?! Отырып алып, ешкімнің біреуге ақыл айтуға құқығы жоқ. Бірінші өзіңді жөндеп ал. Бір Айнұр ғана тиісті дүние емес", - дейді әнші.</blockquote>Фото: Massaget.kz

«Біреуге ақыл айтар алдында өзіңнің өміріңе қара»  Жеңіс Ысқақова Айнұр Тұрсынбаева туралы 

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев «Халық бірлігі және жүйелі реформалар – ел өркендеуінің берік негізі» атты Жолдауында бес жыл ішінде халықты 100 пайыз таза ауыз сумен қамтамасыз етуді тапсырып, «Бұл – Үкіметтің алдында тұрған басты міндет» деп атап өткен болатын. Бұл шалғайдағы ауыл халқын шаттыман көңіл күйге бөледі. Себебі тіршіліктің көзі саналған судың азабын тартып отырғандар аз емес.</h4>Осы мақсатта өткен Үкімет отырысынан кейінгі облыс әкімінің төрағалығымен болған жиында қалалар мен ауылдарды сумен жабдықтау және денсаулық сақтау саласының инфрақұрылымын жетілдіру аясында жоспарланған жұмыстар талқыланды.&nbsp;Көкейтесті мәселеге қатысты аудан басшысы Аманжол Оңғарбаев аталған мәселе бойынша жауапты басшыларға бірқатар тапсырма берді.Оның ішінде Ақбасты, Тоқабай, Абай елдімекендеріне ауыз су құбырын тарту жұмыстарын қадағалауды, Тастүбек, Ерімбетжаға ауылдарына ауыз су желісін тарту жобасының мемлекеттік сараптамадан өткізу жұмыстарын жеделдетуді тапсырды. Сондай-ақ, тиісті сала басшысына тұрғындардың медициналық қызметке қолжетімділігін арттыру бағытында елді мекендердегі жедел-жәрдем автокөліктерінің ағымдағы жағдайына нақты талдау жасауды да қалап айтты.

Қазақстан және Қызылорда облысының жаңалықтары: Қоғам