<a href="https://kyzylorda-news.kz/">Kyzylorda-news.kz</a> &nbsp;109 бірыңғай байланыс орталығы тұрғын-үй коммуналдық шаруашылығы саласына қатысты сұрақтарға жауап береді. 24/7 режимінде қызмет көрсетеді. Орталыққа келіп түскен барлық өтініш зерделеніп, әрі қарай мәселені белгіленген мерзімде шешу үшін мемлекеттік органдарға, коммуналдық қызметтерге жолданады. Келіп түскен өтінімдердің ішінде 20143 оқыс оқиға болса, 14355 кеңес беру мақсатында жолданған. 2916 шағым болса, 36 ұсыныс, 137 алғыс және 51 152 өтінім ақпаратқа сұрау салу бойынша тіркелген. Бұл туралы Қызылорда облысы әкімі аппаратының “Жедел әрекет ету орталығы” КММ-нің директоры Руслан Бүркітбаев мәлімдеді.&nbsp;<blockquote>– “Байланыс орталығының жұмысына барлығы 28 адам тартылған. 109 - қызметі 24/7 режимінде жұмыс істейді. 2024 жылы өтініштерді қабылдау мен тіркеудің тәуліктік орташа статистикалық саны - 498 өтінімді құрады.&nbsp; «Smart City» жобалары аясында Қызылорда облысында қала кызметі iorda.kz порталы 2023 жылдың 20 қыркүйегінен бастап іске қосылды. Қызылорда облысының геоақпараттық порталында орналастырылды. Осылайша портал көмегімен 1398 өтінім тіркелді. Қызылорда қаласының тұрғындары қала қызметі iorda.kz порталы арқылы электр жарығы, сумен жабдықтау, жылумен жабдықтау жене қоқыс шығару бойынша шарттарды проактивті қызметтің көмегімен жасай алады”, – деді Руслан Бейбітбекұлы.&nbsp;</blockquote>Фото: Қызылорда облысының өңірлік коммуникациялар қызметі

Биыл 109 бірыңғай байланыс қызметіне 90 мыңға жуық өтінім түскен

<a href="https://kyzylorda-news.kz/">Kyzylorda-news.kz</a> &nbsp; ҚР Парламенті Сенатының депутаттары Руслан Рүстемов пен Наурызбай Байқадамов жұмыс сапарымен Сырдария ауданында болды.Ең алдымен жұмыс сапары Тереңөзек кентінен салынып жатқан, 2024 жылға әлеуметтік осал топтағы азаматтар үшін сатып алынатын тұрғын үйлер құрылысымен танысты.2024 жылға қос пәтерлі 50 тұрғын үй (100 пәтер) сатып алуға ҰҚ-дан 1 млрд.480 млн.640 мың теңге бөлінді. Қазіргі таңда барлық тұрғын үйлердің құрылыс жұмыстары басталған. 1 пәтердің жалпы алаңы – 82,5 шаршы метр. Бір пәтер құны – 14,8 млн. теңгені құрайды. Барлығы 100 пәтер бүгінде салынуда.Келесі танысқан нысан ретінде Тереңөзек кенттінде салынып жатқан «Руханият» орталығының құрылысы болды. Бұл орталыққа құрылысы аяқталғаннан кейін музей, кітапхана, архив, неке қию залы, ардагерлер және аналар ұйымдары, жастар орталығы орналасатын болады.Балалардың жаз мезгілінде тынығуы да сенаторлардың назарынан тыс қалмады. Аудандық «Жалын» тынығу лагеріне барып, балалардың жазғы демалысын ұйымдастыру барысымен танысты. Бұл лагерде 4 ауысымда барлығы 485 бала қабылданып, жазғы тынығу уақыттарын өткізуде. Сенат депутаттары білім саласының мамандарымен кездесу барысында лагердің болашақ даму жоспарын талқылап, аудандық білім бөлімінің ұсыныстарын тыңдады.Сенаторлар №132 Т.Айтбаев атындағы мектепке жасалып жатқан күрделі жөндеу жұмыстарымен танысып, мердігер мекеме өкіліне жұмыстарды оқу жылы басталғанша толық аяқтау қажеттігін атап өтті. Күрделі жөндеу жұмыстарын ағымдағы жылдың тамыз айының аяғына дейін толық аяқтау жоспарланған.Сонымен қатар, аудан әкімі Б.Сәрменбаев аудан көлемінде білім беру мекемелерінде жүргізіліп жатқан жөндеу жұмыстарына да тоқталып, жаңа оқу жылына дайындық барысын да атап өтті.Сапар барысында сенатор Р.Рүстемов ен Н.Байқадамов аудандағы қоғамдық кеңес мүшелерімен және мәслихат депутаттарымен кездесу өткізді. Кездесуде Парламент Сенатының VIII шақырылымының 2-сессиясында қабылданған заңдар туралы түсіндірме ақпараттар беріліп, аудандық қоғамдық кеңес мүшелерінің ұсыныс-пікірлері тыңдалды.Фото: Сырдария ауданы

Сенаторлар Сырдария ауданында болды

<a href="https://kyzylorda-news.kz/">Kyzylorda-news.kz</a> Павлодарда әйел тоғызыншы қабаттан секірмек болды. Жергілікті полиция қызметкері оны шарасыз қадам жасаудан құтқарып қалды. Бұл туралы&nbsp;<a href="https://www.youtube.com/watch?v=CA4AG3WBdXA&amp;rco=1">Астана&nbsp;</a>арнасы хабарлайды.&nbsp;Көшеден өтіп бара жатқан адам әйелдің&nbsp;секіргелі тұрғанын байқап, тәртіп сақшыларын шақырған. Полицияның мәліметінше, павлодарлық келіншек босанғаннан кейінгі күйзеліске ұшырап, дәрігерлерге қаралған.<blockquote>“Уақытты босқа өткізбей, әйелді қорқытып алмас үшін баспалдақпен тоғызыншы қабатқа көтерілдік. Онымен сөйлесіп, оның аты кім, қайдан екенін және мұндай әрекетке баруға не итермелегенін сұрадық. Одан&nbsp;қолын беруін өтіндім, ол &nbsp;созды. Сосын&nbsp;оны кіреберіске қарай тарттық. Біздің қолымыздан&nbsp;ұстаған әйел өзінің жаман ана екенін және ешқашан жақсы ана бола алмайтынын айтты”, –&nbsp;деді Павлодар қаласының полиция қызметкері Әсет Құрманалиев.&nbsp;</blockquote>Сурет: Видеодан скрин

Күйзеліске түскен әйел тоғызыншы қабаттан секірмек болды

<a href="https://kyzylorda-news.kz/">Kyzylorda-news.kz</a> &nbsp;Әйелін балаларымен үйінен қуып шыққан Марат Әйтенов 5 тәулікке қамауға алынды, - деп хабарлайды <a href="https://massaget.kz/basty-zhaalytar-438/111780/?fbclid=IwZXh0bgNhZW0CMTEAAR2DjyP6XVc2Kp3g5BfphMZzrI8u6My6pW2KYgq_Ey4D24cSRLpU0wsQQ6s_aem_Sr13KffUACirs7bCxuSQdw">Massaget.kz.</a>Астана қаласының әкімшілік құқық бұзушылық жөніндегі мамандандырылған ауданаралық сотында ӘҚБтК-нің 73 - бабының 1-бөлігі бойынша құқық бұзушыға қатысты іс қаралды.Істің мән-жайы бойынша, құқық бұзушы үйдегі отбасылық жанжал кезінде бұрынғы жұбайының абыройы мен қадір-қасиетін қорлап, оның атына дөрекі сөйлеген. Осылайша оған құрмет көрсетпей, басқа адамдардың тыныштығын бұзған.Сот отырысы барысында құқық бұзушы өз кінәсін мойындаған жоқ. Ол бұрынғы жұбайы оның өтініші бойынша балаларын беруден бас тартып, олардың қолдарынан ұстап жібермегенін түсіндірді.Ол балаларды әкету үшін еденде отырған әйелдің аяқтарынан тартқан. Ол әдепсіз сөз айтпағанын, оны ұрмағанын атап өтті.Жәбірленушінің айтуынша, бұрынғы күйеуі оны көшіру кезінде заңсыз жүріп, оған шабуыл жасап, денесіне зақым келтірген.Жасалған құқық бұзушылықтың мән-жайлары әкімшілік құқық бұзушылық туралы хаттамамен, бейнежазбамен, жәбірленушінің түсіндірмелерімен расталады.ӘҚБтК-нің 73 - бабының 1-бөлігінің санкциясы ескертуді немесе 5 тәулікке әкімшілік қамаққа алуды көздейді.<blockquote>️ Жоғарыда келтірілген мән-жайларды, сондай-ақ жұртшылыққа теріс әсер ететін және жеке адамның құқықтарына қол сұғатын жасалған іс-әрекеттің дәрежесі мен сипатын ескере отырып, құқық бұзушы ӘҚБтК-нің 73-бабының 1-бөлігі бойынша кінәлі деп танылды. Оған жаза тағайындалып, 5 тәулікке қамауға алынды.</blockquote>

Әйелін балаларымен үйінен қуып шыққан Марат Әйтенов қанша тәулікке қамауға алынды?

<a href="https://kyzylorda-news.kz/">Kyzylorda-news.kz</a>&nbsp; Ақтауда 24 жастағы жүкті әйелін пышақтаған ер адамға қатысты қоғам белсенділері әлеуметтік желіде өз пікірлерін айтты, деп хабарлайды <a href="https://el.kz/aqtauda-ayelin-pyshaqtagan-er-adamga-qatysty-qogam-belsendileri-pikir-bildirdi_124908/">El.kz</a> &nbsp;ақпарат агенттігі.Маңғыстаудағы жергілікті бастамаларды қолдау орталығы қоғамдық қорының басшысы Жақсыгүл Шахзадақызының пікірінше, тұрмыстағы зорлық-зомбылыққа жол бермеу үшін баланы жасынан бастап тәрбиелеуіміз абзал.<blockquote>Ұрыс, жанжалдың соңы ұрып соғу, оның арты қайғылы жағдайға әкеледі. Бала-шағаның көзінше ата ананың жанжалдасуы, қол көтеруі, бір-бірін құрметтемеу — осы жағдайдың болуының себептерінің бірі, - дейді Жақсыгүл Шахзадақызы.</blockquote>Ал, фейсбук желісінің белсенді қолданушысы Мекен Айшуақ осы оқиғаның басы-қасында тұрып, пышақтаған азаматқа қарсы ештеңе істей алмаған полиция қызметкерлерін жұмыстан шығару керегін айтты.«Өркениетті келешек» қорының қызметкері Гүлбаршын Қарабалина көбіне осындай жанжалдың артында қатал ене мен қайын апалар, немесе жігіттің жолдастары &nbsp;тұратынын айтты.<blockquote>Қазір сүйегі менікі, сенікі дейтін кез емес. Кіп-кішкентай қара көз бала екен мына қыз. Өзі екіқабат. Балаларыңыздын амандығын тілесеңіздер, «Бишимбаев» болмасын десеңіздер, балаңызды &nbsp;әйел адамды сыйлауға, өз теңім деп көруге тәрбиелеңіздер. Қыздың ата-анасы болсаңыз, күйеуге кеткен қызыңыздың қорғанышы болыңыз. Артында сұрайтын елі бар, талап ететін ағалары мен әкесі бар екенін барған жері білуі керек», - дейді Гүлбаршын Қарабалина.</blockquote>Фото: El.kz

Ақтауда әйелін пышақтаған ер адамға қатысты қоғам белсенділері пікір білдірді

<a href="https://kyzylorda-news.kz/">Kyzylorda-news.kz</a> Ота жасаған дәрігер тура жаназа кезінде келіп, Құралайдың күйеуінің қолына хатқалта қыстырған. Бұл туралы <a href="https://turkystan.kz/article/245809-konvert-kystyrgan-aryktaimyn-dep-koz-zhumgan-mug-alimge-katysty-tyn-akparat-shykty">turkystan.kz</a> ақпарат агенттігі хабарлады.&nbsp;Журналист Гүлмира Әбіқай марқұм әйелге ота жасаған дәрігер жаназаға келіп, күйеуінің қолына конверт қыстырғанын мәлім етті. Бұл туралы ол әлеуметтік желідегі парақшасында жазды. &nbsp;«Кеше ғана Алматыда арықтап, іш майын алдырамын деп ажал құшқан әйелдің туыстары келді. Марқұм Құралай ешқашан жүрегіне шағымданбаған, жүрегі ешқашан ауырмаған дейді. Ал, клиника өкілдері адам сияқты көңіл айтпақ түгіл, кешірім де сұрамапты. Ота жасаған дәрігер тура жаназа кезінде келіп, Құралайдың күйеуінің қолына хатқалта қыстырған.Марқұм іш пен бөксе майын сылуға 2 миллион теңге төлеген, ал өзінің кредиті бастан асады екен. Жалпы, айтылмаған нәрсе көп…», - деп жазды ол.Сондай-ақ марқұмның туыстары журналистке сұхбат беріп, жанайқайын жеткізді. Олар әпкесіне ота жасаған жеке клиника мен дәрігер олардың адам өлімінен кейін де жарнама жасағанына наразылығын білдірді.«Ота сағат 10:00 шамасында аяқталып, сағат 11:30-да ол күйеуіне хабарласқан. Содан кейін әпкеміз мүлде байланысқа шықпады. Түскі 12:00-ден, түнгі 23:00 дейін хабарсыз болып, сағат түнгі 00:00-де әпкеміз туралы суық хабарды жеткізеді. Ол 9-10 сағат бойы қайда болды? Қиналған жоқ па?<blockquote>Ең қызығы, әпкемнің іш майын алуға ота жасаған клиника адам өлімі болғаннан кейін тағы да жарнама салды. Ота жасаған кісі де жарнама салады. Жарнамаларында «келіңіздер, бізде сокңғы күн. Бұдан кейін бағасы қымбаттайды, ертерек жазылып алыңыздар» деп айтады. Тура әпкеме жасаған блефаропластика, липосакцияны айтты. Мына жақта біз қайғыдан қан жұтып отырсақ, олар жарнама жасап отыр. Адамда ұят деген болу керек қой», - деді марқұмның сіңлісі.</blockquote>instagram/gulmir_ktk

«Конверт қыстырған»: Арықтаймын деп көз жұмған мұғалімге қатысты тың ақпарат шықты

<a href="https://kyzylorda-news.kz/">Kyzylorda-news.kz</a> Қызылорда өңірінде жыл басынан бері 1 кент және 12 ауылдық округ әкімі жаңадан сайланды. Бүгін өңірдегі Қазалы ауданының Әйтеке би кенті мен Жаңақорған ауданының Сунақата ауылдық округінің әкімі сайланады.Сайлау процесі 14 учаскеде өткізілуде. Дауыс беру таңғы сағат 07.00-ден 20.00-ге дейін жалғасады.&nbsp; Кент және ауылдық округ бойынша 30 мыңға жуық сайлаушы дауыс беру құқығына ие.Әйтеке би кентінің әкімі болуға 2 кандидат, Сунақата ауылдық округі болуға 3 кандидат сайлау бюллетеніне енді. Олардың басым бөлігі өзін-өзі ұсыну жолымен бақ сынап көруде.Аймақта сайлауға отбасымен келу үрдісі қалыптасқан. Сондай-ақ, бір көшенің тұрғындары саналатын көршілер, ұжым қызметкерлері бір мезетте келіп дауыс беруге атсалысуда.

30 мың сайлаушының сенімі: Қызылорда өңірінде кент және ауыл әкімінің сайлауы өтуде

<a href="https://kyzylorda-news.kz/">Kyzylorda-news.kz</a> &nbsp;Белгілі журналист Гүлбану Әбенова әскери көлік өндіретін зауытқа барған Димаш Құдайбергенді сынады, — деп хабарлайды&nbsp;<a href="https://ozgeris.info/">Ozgeris.info.</a><blockquote>“Оқырмандарым Димаш Құдайбергеннің Барысовтың зауытында жүрген видеосын жіберді. Украинада болған әскери техниканың зауыты Димашқа не үшін қажет екенін білмедім. Сол үшін Барысов оған үлкен көлемде ақша төлеген бе?! Айналайын, Димаш! Ұры, алаяқтармен байланысып, өзіңнің осы ақ костюміңдей&nbsp;атыңа кір келтірме. Сені Саясат Нұрбек ғылым мен “Болашақты” жарнамалау үшін пайдаланды. Болашақ бойынша сені пайдаланды. Мен сынағаннан кейін ақылың мен батылың жетіп сен одан бас тарттың. Сенің аузыңнан шыққан сөздің бәрін халық&nbsp;қабылдайды. Өйткені саған сенеді. Бірақ саған айналаңда жүрген адамдарды жақсылап таңдау керек”, – деп жазды журналист.</blockquote>Журналистің айтуынша, зауыт иесі мемлекетке борышкер кәсіпкерлердің бірі екен.<blockquote>“Барысов мемлекеттен 4,7 млрд&nbsp;теңге алып, жұмыс техникасын жеткізбей, жауынгерлік модульдерді ауыстырғанын жасыруға тырысқан. Кейін ақаулы техниканы өткізу үшін мемлекеттік органдармен соттасып, ұтылып қалған. Сот одан мемлекетке тиесілі қаржыны қайтаруын талап еткен. Алайда&nbsp;журналистің айтуынша, бір жылдан астам уақыт өтсе де, ол халықтық ақшаны мемлекетке қайтармапты. Керісінше, ақшаны зауыттың PR жұмысына жұмсап жүргенге ұқсайды.&nbsp;Димаш, алаяқтар мен байсымақтар сіздің тырнағыңызға да татымайды. Ұры, алаяқтармен байланысып, таза атыңызды ластамаңыз. Бізді жаңа әндеріңізбен, керемет дауысыңызбен және шығармашылық концерттеріңізбен қуантыңыз. Сіз Жұлдызсыз! Лас шаңға түспеңіз», –&nbsp;деп ескертті желі қолданушысы.</blockquote>

«Атыңа кір келтірме»: Журналист Димаш Құдайбергенге ескерту жасады

<a href="https://kyzylorda-news.kz/">Kyzylorda-news.kz</a> Еркек ақша таппаса да, оңды-солды жүрсе де, бағы тайып, жолы болмай жатса да әйел кінәлі болады. Сол үшін де қазақ: еркекке сенбе екі босағаңа сен, деп бекер айтпаған шығар.Белгілі блогер Ырысбала Икрамбай әлеуметтік желіде оқырмандарының сауалына жауап беріп, көптің талқысына түсті, — деп хабарлайды <a href="https://sadaqmedia.kz/satkindik-korgen-ayeldin-bari-azhirassa-kazakstanda-otbasi-kalmaydi-bloger-kozge-shop-salatindar-turali-aytti?fbclid=IwZXh0bgNhZW0CMTEAAR1FhE-TBWaX8aSl-ezb40z1KMZdfPsVIgIdq__Y4UDdHtcvt5a_lR1RWnU_aem_-kyYQt90jkd5kPygHuOO2w">sadaqmedia.kz</a> ақпарат порталы.Егер күйеуіңіз көзіңізге шөп салса, кешірім бересіз бе деген оқырман сұрағына Ырысбал Икрамбай астарлап&nbsp;жауап берді.«Көпшілігіңіз маған қарсы шығатын шығарсыздар, алайда еркегі көзіне шөп салған барлық әйел ажыраса беретін болса, онда Қазақстанда ажыраспаған отбасы қалмайтын шығар. Ала алмаған атынан көреді, қайтып келіп қатыннан көреді, деген сөз бар. Сол сияқты бізде еркек ақша таппаса да, оңды-солды жүрсе де, бағы тайып, жолы болмай жатса да әйел кінәлі болады. Сол үшін де қазақ: еркекке сенбе екі босағаңа сен, деп бекер айтпаған шығар. Бірақ барлық еркекке топырақ шашпаймын. Оның ішінде менің әкем де, ағам да, бауырым да, досым да бар. Ит итті көрсе иеді, дейді. Осы сөздің мағынасына қараңыз», — деді ол.Ал желі қолданушыларының пікірі екіге бөлінді. Бірі кешіру керек десе, енді бірі кешіруге болмайтынын жарыса жазды.«Кешірдік қой, ортада қанша бала бар бірақ ұмыта алмайсың», «Кешіру мүмкін емес», «Дұрыс айтасың», «Бәрі әйелді кінәлі қылады, өздерінен көрмейді», — деп жазды оқырмандар.Фото: irisbala__ikrambai_official инстаграм парақшасынан

«Сатқындық көрген әйелдің бәрі ажырасса, Қазақстанда отбасы қалмайды»: Блогер көзге шөп салатындар туралы айтты

<a href="https://kyzylorda-news.kz/">Kyzylorda-news.kz</a> Баспасөз орталығында өткен брифингте қалалық кәсіпкерлік және өнеркәсіп бөлімі басшысының міндетін атқарушы Мұхтар Жетілгенов І жарты жылдықта атқарылған жұмыстар мен алдағы міндеттер туралы баяндады.Қызылорда қаласы мен қалаға қарасты кент және ауылдық округтерде барлығы 31 425 кәсіпкерлік субъекті жұмыс жасауда. Бұл кәсіпкерлік субъектілерде 66 450 адам тұрақты жұмыспен қамтылған.<blockquote>– Биыл сауда базарларын жаңғырту жұмыстары аясында инвестиция тарту көзделуде. Мәселен, қала аумағында жұмыс жасайтын барлығы 11 базардың ішінде 5 базар әмбебап қатарына енгізілген және олар 2025 жылдың аяғына дейін модернизациялаудан өтуі тиіс. Әмбебап базарларды жаңғырту жұмыстары аясында бүгінде «Қанат» базары толық модернизациядан өтті. Қалған 4 базар, яғни Жаңа базардағы Асбол сауда орнын және Ескі базар аумағындағы «Сұлтан», «Сыбаға» және «Талғат» сауда орындарын модернизациялау биылғы жылдан бастау алды, - деді Мұхтар Әбдімаратұлы.</blockquote>Мемлекеттік бағдарламалар аясында да кәсіпкерлік бастамаларды қолдау мақсатында жүйелі жұмыстар жүргізілуде. Атап айтқанда, «Ауыл аманаты» бағдарламасы аясында612,8 млн. теңгені құрайтын 56 жобаны несиелендіру жоспарлануда. «Жастарға арналған несие» бағдарламасы аясында875 млн. теңгеге 175 жобаны қаржыландыру көзделуде. Екінші деңгейлі банктердің кәсіпкерлік мақсатта ұсыналған несиелерін Даму қорымен субсидиялау шаралары жалғасуда. Жыл басынан бері жалпы құны 8,9 млрд. теңгені құрайтын 229 жоба қолдау тапты.

І жарты жылдықта атқарылған жұмыстар мен алдағы жоспарлар талқыланды

<a href="https://kyzylorda-news.kz/">Kyzylorda-news.kz</a> Республика көлемінде өтіп жатқан «Игі істер» марафоны аясында Сыр өңірінде «Таза Қазақстан – Таза аймақ» тазалық акциясы өткізілді. Туған өлкесін түлетуге атсалысып жүрген аймақтың белсенді жастары қаладағы бірқатар нысандарда тазалық жұмыстарын жүргізді. Белсенді жастар қала орталығындағы ескерткіштер аумағын, скверлер мен аллеяларды қоқыстардан тазартып, ондағы ағаш діңгектерін әктеп, сырлады. Бұдан бөлек, жастар марафонды қызықты әрі көңілді өткізу мақсатында акция аясында «Бауырсақ party» шарасы ұйымдастырылды. Шараға қатысқан 100-ге жуық жастардың мұндай белсенділігіне қала тұрғындары ризашылықтарын білдіріп, өз алғыстарын жеткізді.&nbsp; Көппен бірге атқарылған жұмыс көңіл қуантады. Игі шара барысында қала тұрғындары, волонтерлер және «Жасыл ел» еңбек жасақтары экологиялық акцияда белсенділік танытып, тазалық жұмыстарын жүргізді.

«Игі істер» марафонына қызылордалықтар да атсалысты

<a href="https://kyzylorda-news.kz/">Kyzylorda-news.kz</a> Бүгін, 13 шілде, Қазақстан Республикасы Ұлттық қауіпсіздік органдарының күні, деп хабарлайды El.kzақпарат агенттігі.1992 жылы 13 шілде күні Қазақстанның тұңғыш президенті Нұрсұлтан Назарбаевтың жарлығымен&nbsp; Қазақстан Республикасының Ұлттық қауіпсіздік комитеті (ҰҚК) құрылды.Қазақстан Республикасы ұлттық қауіпсіздік органдарының бірыңғай жүйесін - ҚР Ұлттық қауіпсіздік комитеті және оның құрамына кіретін департаменттер мен өзге де құрылымдық бөлімшелер, ҰҚК-нің облыстар бойынша, республикалық маңыздағы қала мен елордадағы аймақтық органдары, оларға бағынышты қалалық және аудандық басқармалар (бөлімдер, бөлімшелер), сондай-ақ әскери контрбарлау, ҰҚК-нің «Барлау» қызметі, ҰҚК-нің Шекара қызметі, арнайы мақсаттағы құрылымдар, ғылыми-зерттеу мекемелер және өзге де ұйымдар құрайды.&nbsp;

Қазақстан және Қызылорда облысының жаңалықтары: Қоғам