<a href="https://kyzylorda-news.kz/">Kyzylorda-news.kz</a> Қазақ елінде жүргізіліп жатқан реформалардың күн тәртібінде қазіргі, тіпті келешектегі ықтимал жаһандық сын-қатерлер толық мейлінше ескерілген. Бұл туралы ҚР Құрылтайының бірінші сессиясының ашылуында Мемлекет басшысы Қасым-Жомарт Тоқаев мәлім етті, – деп хабарлайды <a href="https://kaz.inform.kz/news/tokaev-aukimdi-reformalar-turali-artka-shegner-zhol-zhok-6b88a5f1">Қазақпарат.</a><blockquote>– Әлемде жаңа тәртіп қалыптасып жатыр. Ол кереғар сипатқа ие: бір жағынан — қауіпті, зиянды, келешегі бұлыңғыр, ал екінші жағынан — прогрессивті, технологиялық, перспективті әрі адамзат тарихындағы елеулі бетбұрыс саналады. Мұндай жағдайда экономика, ғылым, әскери-дипломатия салаларында өзінің егемендігін нақты іспен қорғап, нығайтуға қауқарлы, ең маңыздысы, адам әлеуетін дамытатын мемлекеттер ғана жаңа дәуірге бейімделетіні баршаға түсінікті. Дәл осы себепті мемлекетімізді жан-жақты жаңғырту стратегиялық тұрғыдан маңызды. Мақтангершілік емес, әділін айтсақ, біз жүргізіп жатқан ауқымды реформалардың қарқыны алдағы уақытта үдей түспесе, бәсеңдемейді. Қарапайым тілмен айтқанда, артқа шегінер жол жоқ. Бұл — елеулік жетістік, – деді Қасым-Жомарт Тоқаев.</blockquote>Президенттің айтуынша, Қазақ елінде жүргізіліп жатқан реформалардың күн тәртібінде қазіргі, тіпті келешектегі ықтимал жаһандық сын-қатерлер толық мейлінше ескерілген.<blockquote>–&nbsp;Бұл&nbsp;— аса маңызды. Басқаша айтқанда, сол сынақтарды еңсеру үшін алдын алу шаралары қабылданады,&nbsp;– деді Мемлекет басшысы.</blockquote>Сурет: Ақорда

Президент ауқымды реформалар туралы сөз қозғады

<a href="https://kyzylorda-news.kz/">Kyzylorda-news.kz</a> Байқаушылардың көпшілігі партиялардың арасында ашық бәсеке болғанын айтты. Бұл туралы ҚР Құрылтайының бірінші сессиясының ашылуында Мемлекет басшысы Қасым-Жомарт Тоқаев мәлім етті. – деп хабарлайды <a href="https://kaz.inform.kz/news/partiyalardin-bilk-zhuyesndeg-ikpali-dakusheye-tused-tokaev-88a99a5a">Қазақпарат.</a><blockquote>– Жалпы, бұл сайлаудың мәні де, мазмұны да өзгеше болды. Себебі өткен сайлау ең алдымен Қазақстандағы саяси алуандықтың жаңа сапалы деңгейге көтерілгенін байқатты. Партиялар өзінің әлеуетін толық көрсетті. Өз бағдарламасын жұртшылыққа жан-жақты түсіндіріп, жеткізе білді. Науқанға қатысқан барлық партияның ұсыныстары жұртшылықтың назарын аударды, қоғамдық өмірге үлкен серпін берді. Көптеген байқаушылар партиялардың арасында ашық бәсеке болғанын айтты. Шын мәнінде, әр партияның өз бағдары, ұстанымы және идеологиясы бар. Науқан барысында олардың қоғамдағы рөлі, саяси жүйедегі орны айқындала түсті. Мұны Құрылтай сайлауының негізгі жетістігі деп бағалауға болады. Осындай оң өзгерістердің арқасында Қазақстандағы саяси-қоғамдық мәдениет үнемі дамып, жетіліп отырады, – деді Қасым-Жомарт Тоқаев.</blockquote>Осы орайда Президент болашақта партиялардың билік жүйесіндегі ықпалы да күшейе түсетінін атап өтті. Әр науқан сайын олардың рөлі арта бермек.<blockquote>– Сондықтан партиялар алған бағыттарынан таймай, сайлаушылармен жұмысты жалғастыра беруі керек. Сонда ғана саяси ұйымдардың беделі күшейе түседі. Осы мүмкіндікті пайдалана отырып, партиялар ұсынған бағдарламалардың мазмұнына ерекше тоқталғым келеді. Бұл құжаттарда тың идеялар, тиімді ұсыныстар бар. Оның бәрі де алдағы жұмыс барысында мұқият сараланады, – деді Мемлекет басшысы.</blockquote>Сурет: Ақорда

Партиялардың билік жүйесіндегі ықпалы да күшейе түседі – Тоқаев

<a href="https://kyzylorda-news.kz/">Kyzylorda-news.kz</a> Құрылтай сайлауына шетел азаматтарының қызығушылығы өте жоғары болды. Бұл туралы бірінші шақырылымдағы Құрылтайдың бірінші сессиясын ашқан Мемлекет басшысы Қасым-Жомарт Тоқаев айтты, – Қазақпарат.<blockquote>— Азаматтар елімізде жүзеге асып жатқан ауқымды өзгерістерді жаппай қолдауда. Мұны Құрылтай сайлауы айқын аңғартты. Осы науқанға азаматтарымыздың 74 пайыздан астамы қатысып, дауыс берді. Халқымыз ел тағдырына әсер ететін тарихи таңдауын жасады. Жұртымыз бұл іске зор жауапкершілікпен қарап, қоғамымыздың ауызбіршілігін паш етті. Осылайша, ел бірлігінің мызғымас тірегіне айналған «Әралуан пікір — біртұтас ұлт» қағидаты нақты жүзеге асты, — деді Президент.</blockquote>Мемлекет басшысының атап өтуінше, Құрылтай сайлауына шетел азаматтарының қызығушылығы өте жоғары болды.Қазақстанға беделді халықаралық ұйымдар мен шет мемлекеттен 800-ге жуық байқаушы келді. Бұл — ұлттық парламентаризм тарихындағы ең жоғары көрсеткіш.<blockquote>— Сайлау ашық әрі әділ өтті, өте жоғары деңгейде ұйымдастырылды. Бүгінде азаматтарымыз саясатқа оң көзбен қарап, қоғамдық істерге белсене араласатын болды. Бұл — жақсы үрдіс. Мұны жұртшылықтың депутаттарға қоятын талабы әрдайым жоғары болады деп түсінген жөн. Қазіргі заман құр уәденің, жалған сөз бен жалаң ұранның уақыты емес. Біздің қоғам кемелдене бастады. Ел ішінде кәсіби Парламентке деген сұраныс артқанын көріп отырмыз. Құрылтайға білікті мамандардың келуі — осының айқын дәлелі. Әрине, бәсекенің аты — бәсеке. Біреу ұтады, біреу ұтылады. Алайда елімізде өз пікірін білдіруге, өз көзқарасын айтуға неше түрлі тетік бар. Заңымызға сай келетін түрлі мардымды пікірлер, ұсыныстар неғұрлым көп айтылса, елімізге де соғұрлым тиімді болады, нақты пайдасы тиеді, — деді Қасым-Жомарт Тоқаев.</blockquote>Сурет: Ақорда

Қазіргі заман құр уәденің, жалған сөз бен жалаң ұранның уақыты емес — Президент

<a href="https://kyzylorda-news.kz/">Kyzylorda-news.kz</a> Құрылтайдың бірінші шақырылымының депутаты болу – ең алдымен, ерекше сәт. Бұл туралы бірінші шақырылымдағы Құрылтайдың бірінші сессиясын ашқан Мемлекет басшысы Қасым-Жомарт Тоқаев айтты, – деп хабарлайды <a href="https://kaz.inform.kz/news/kuriltay-bilk-zhuyesn-tubegeyl-zhangirtadi-93db1683">Қазақпарат.</a><blockquote>– Баршаңызға бірінші шақырылымдағы Құрылтайдың бірінші сессиясының ашылуы құтты болсын! Бүгін еліміз өзінің даму жолында аса маңызды кезеңге аяқ басты. Бұл – мемлекетіміз үшін мән-мағынасы айрықша оқиға, тарихи сәт. Біз ұлт жылнамасының жаңа парағын ашып отырмыз. Бүгін жалпыұлттық референдум кезінде Қазақстан халқы қолдаған жаңа Конституцияға сәйкес еліміздің бір палаталы заң шығарушы органы – Құрылтай ресми түрде өз жұмысына кіріседі. Бұл – мемлекетіміздің саяси жүйесінің жаңару үдерісі дәл осы күннен бастау алады деген сөз, – деді Президент.&nbsp;</blockquote>Мемлекет басшысы төл тарихымызда Құрылтайда мемлекеттік маңызы бар мәселелер кеңінен талқыланып, ортақ шешімдер қабылданғанын атап өтті.<blockquote>– Бұл институттың жаңа кезеңде де жөні бөлек болары анық. Себебі Құрылтай билік жүйесін түбегейлі жаңғыртады, бүкіл мемлекеттік аппараттың жұмысына тың серпін береді. Құрылтай ұлттық заңнама сапасын арттыру арқылы еліміздің құқықтық негізін нығайта түседі. Осы тарихи миссияны атқару сіздерге жүктеліп отыр. Құрылтайдың бірінші шақырылымының депутаты болу – ең алдымен, ерекше сәт. Бұл – үлкен бақыт деп айтсақ, қате болмас. Осы аса абыройлы атқа сай лайықты қызмет етесіздер деп сенемін! – деді Қасым-Жомарт Тоқаев.</blockquote>Сурет: Ақорда

Құрылтай билік жүйесін түбегейлі жаңғыртады

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев «Қазақстан Республикасының Үкіметі туралы» жарлыққа қол қойды, – деп хабарлайды <a href="https://kaz.inform.kz/news/prezident-ukmettn-oklettgn-dogaruina-baylanisti-zharlikka-kol-koydi-1c7f381c">Қазақпарат.</a>Жарлыққа сәйкес, жаңадан сайланған Қазақстан Республикасы Құрылтайының алдында Үкіметтің өкілеттігін доғаруына байланысты қазіргі Үкімет жаңа құрам бекітілгенге дейін өз міндеттерін атқара береді.<blockquote>–&nbsp;Қазақстан Республикасы Конституциясының 69-бабының 1-тармағына, «Қазақстан Республикасының Үкіметі туралы» Қазақстан Республикасы Конституциялық заңының 4-бабына сәйкес жаңадан сайланған Қазақстан Республикасы Құрылтайының алдында Қазақстан Республикасы Үкіметінің өкілеттігін доғаруына байланысты&nbsp;ҚАУЛЫ ЕТЕМІН:Қазақстан Республикасы Үкіметінің жаңа құрамы бекітілгенге дейін Қазақстан Республикасының Үкіметі өз міндеттерін атқаратын болсын, — делінген құжатта.</blockquote>Жарлық қол қойылған күнінен бастап күшіне енді.Сурет: &nbsp;primeminister.kz

Үкімет жаңа құрам жасақталғанша өз міндетін атқарады

<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаев Бірінші сессия отырысында Құрылтайдың ел болашағы үшін маңызы зор екенін айтты.<blockquote>«Реформаның арқасында тарихи тамыры тереңде жатқан Құрылтай ұғымы қайта жаңғырды. Ата-бабамыз ел тағдыры шешілетін сындарлы сәттерде Құрылтай шақырған. Мысалы, Талас құрылтайы алып империя – Алтын орданың құрылуына себепкер болды. Ал Ордабасы құрылтайы қиын-қыстау кезеңде барша қазақты бір байрақтың астына жинады. Бұл ұғым Ұлы даладағы парламентаризм институтының жылнамасы тереңде екенін айғақтайды. Сондықтан заң шығарушы органға Құрылтай деген атау бердік. Бұл – өткенді көксеу емес. Бұл – тарихи сабақтастықты сақтау, саяси дәстүрді заманауи басқару жүйесімен ұштастыру деген сөз. Құрылтай ұғымы халқымыздың өткенін, бірегей болмысын және жарқын болашаққа деген ұмтылысын айшықтайды. Біз өскелең ұрпақтың игілігі үшін ынтымағы жарасқан, Заң мен тәртіп үстемдік құрған Әділетті, Қауіпсіз, Таза және Күшті Қазақстанды құрып жатырмыз. Алда ауқымды жұмыс күтіп тұр. Сіздер осы миссияны іске асыруға белсене атсалысып, ең алдымен ұлттың, жалпы халықтың мүддесіне адал қызмет етесіздер деп сенемін», – деді.</blockquote>Сурет: Ақорда

Мемлекет басшысы: «Ең алдымен ұлттың, жалпы халықтың мүддесіне адал қызмет етесіздер деп сенемін»

<a href="https://kyzylorda-news.kz/">Kyzylorda-news.kz</a> Мемлекет басшысы Бірінші шақырылымдағы Қазақстан Республикасы Құрылтайының бірінші сессиясында сөз сөйлеп, депутаттарға артылатын жүктің ауыр екенін жеткізді.<blockquote>«Жалпы, Құрылтайдың алғашқы құрамына айрықша жауапкершілік жүктеледі. Депутаттар халықтың аманатына адал болып, мемлекет мүддесіне қызмет етуі керек. Бұл – анық ақиқат. Мұны ешқашан естен шығармау қажет. Қазіргі таңда еліміз дамудың даңғыл жолына түсті. Қазақстан жаңа өрлеу кезеңіне қадам басты. Биыл еліміздің болашағы үшін мән-маңызы зор көптеген тарихи оқиғалар болды. Халқымыз аз уақыт ішінде бір ұлт болып көп жұмыс атқарды. Елімізде жалпыұлттық референдум арқылы ауқымды конституциялық реформа табысты жүзеге асырылды. Осылайша, біз нағыз Халық Конституциясын қабылдадық. Жаңа Конституцияның өз күшіне енуін төл тарихымыздағы аса маңызды бетбұрыс деп бағалауға болады. Соның нәтижесінде өсіп-өркендеуімізге жол ашатын мықты заңды негіз қалыптасты. Қазіргі заманның сын-қатерлеріне төтеп бере алатын мүлде жаңа саяси-құқықтық жүйенің іргетасы қаланды. Бұл жүйе мемлекет құрылымын толық жаңғыртып, билік институттарының тиімділігін арттырады, сондай-ақ, азаматтарымыздың ел басқару ісіне атсалысуына нақты мүмкіндік береді», – деді Президент.</blockquote>Сурет: Ақорда

Президент: «Құрылтайдың алғашқы құрамына айрықша жауапкершілік жүктеледі»

<a href="https://kyzylorda-news.kz/">Kyzylorda-news.kz</a> Тағдырдың тәлкегімен темір торға тоғытылғандардың қоғамға қайта бейімделуі қиын. Сол себепті, оларға арнайы мамандардың көмегімен психологтардың қолдауы аса қажет. Бұл ретте түзеу мекемесі қызметкерлерінің де еңбегі орасан.Қызылорда облысы бойынша қылмыстық-атқару жүйесі департаментінің №37 мекемесінде жазасын өтеп жатқан азаматтарды &nbsp;қайта әлеуметтендіру жобасы бойынша бірінші кезекте сотталғандарды қайтадан түзелу жолына түсіру, яғни, сотталғандарды &nbsp;бостандыққа даярлау, екінші кезекте жазасын өтеп шыққаннан кейін жұмысқа орналыстыру жұмыстары қарқынды жүргізілуде.Мәселен, мекеменің босатылатын сотталғандарды тұрмыстық және жұмысқа орналастыру жөніндегі аға инспекторы әділет капитаны Айнұр Абдрашитова және мекеме психологы Гулжанат Шынарбаева босатылуына 1 жыл қалған &nbsp;азаматтарға бас бостандығынан айыру орындарынан босатылғаннан кейін бостандықтағы өмірге бейімделу бойынша көмек көрсетті.<blockquote>– Мұндай шаралар сотталған азаматтың іс-әрекетін, мінезін, көңіл-күйін бақылауға өте қолайлы. Сұхбаттасу барысында сотталған азаматтың түзеу мекемелерінен босатылғаннан кейінгі тұрғылықты мекенжайындағы отбасылық қарым-қатынастарға бейімделуі мен болашаққа деген көзқарасын анықтап, оның әлеуметтік дағдыларын қайта қалпына келтіру, мінез-құлқын қалыптастыру бойынша &nbsp;кеңестер берілді,– дейді А.Абрашитова.</blockquote>Жазасын өтеуші азаматтарда мекеме ұжымына алғыстарын білдірді.<blockquote>– Мен өз қателігімнен сабақ алдым. Алдағы уақытта жасаған қателігіне жол бермей, қылмыс әлемінен өзімді алшақ ұстап, отбасыма көмек көрсетіп, балаларымның тәрбиесімен айналысатын боламын"-, дейді сотталған азамат.</blockquote>

Жазасын өтеушілерді бостандыққа бейімдеу жұмыстары жүйелі жүргізіліп жатыр

<a href="https://kyzylorda-news.kz/">Kyzylorda-news.kz</a> Бүгін Астанада Мемлекет басшысы Қасым-Жомарт Тоқаевтың қатысуымен бірінші шақырылымдағы ҚР Құрылтайының бірінші сессиясы ашылды.Атап айтқанда, жақыда Орталық сайлау комиссиясында 2026 жылғы 23 тамызда өткен Қазақстан Республикасы Құрылтайының депутаттарын сайлаудың қорытындылары жарияланды.&nbsp;Бюллетеньдерді санау қорытындысы бойынша сайлаушылардың дауыстары төмендегідей бөлінді:<ul><li style="text-align:justify;">«Әділет» партиясы — 6 528 948 дауыс немесе 71,17%;</li><li style="text-align:justify;">Жалпыұлттық социал-демократиялық партия — 469 058 дауыс немесе 5,11%;</li><li style="text-align:justify;">Қазақстанның «Байтақ» жасылдар партиясы — 97 751 дауыс немесе 1,07%;</li><li style="text-align:justify;">Қазақстан Халық партиясы — 285 395 дауыс немесе 3,11%;</li><li style="text-align:justify;">«Ауыл» партиясы — 574 621 дауыс немесе 6,26%;</li><li style="text-align:justify;">«Ақ жол» Қазақстанның демократиялық партиясы — 478 083 дауыс немесе 5,21%;</li><li style="text-align:justify;">«Respublica» партиясы — 509 631 дауыс немесе 5,56%;</li><li style="text-align:justify;">«Бәріне қарсымын» — 230 446 дауыс немесе 2,51%.</li></ul>Бұл ретте, сайлау заңнамасының талаптарына сәйкес сайлаушылардың 5 және одан да көп пайыз дауысын жинаған бес саяси партия арасында депутаттық мандаттар айқындалды. Осыған байланысты Қазақстан Республикасы Құрылтайы депутаттарының 145 мандаты төмендегідей бөлінді:<ul><li style="text-align:justify;">«Әділет» партиясы — 110 мандат;</li><li style="text-align:justify;">Жалпыұлттық социал-демократиялық партия — 8 мандат;</li><li style="text-align:justify;">«Ауыл» партиясы — 10 мандат;</li><li style="text-align:justify;">«Ақ жол» Қазақстанның демократиялық партиясы — 8 мандат;</li><li style="text-align:justify;">«Respublica» партиясы — 9 мандат.</li></ul>Сурет: Ақорда

Бірінші шақырылымдағы Құрылтай: Президент бірінші сессиясын ашты

<a href="https://kyzylorda-news.kz/">Kyzylorda-news.kz</a> «Сыр ана» монументінің жанында жастардың еңбек маусымын қорытындылауға арналған «Жасыл ел» еңбек жасақтарының салтанатты жабылу шарасы өтті.Іс-шараға облыстық қоғамдық даму басқармасының басшысы Руслан Каюпов, жастар ұйымдарының өкілдері, еңбек жасақтарының жетекшілері мен белсенді жастары қатысты. Маусым барысында «Жасыл ел» еңбек жасақтарының құрамындағы жастар елді мекендерді абаттандыру, көгалдандыру, санитарлық тазалық жұмыстарын жүргізу және қоғамдық орындарды күтіп ұстау бағытында еңбек етті. Жас буынның белсенділігі өңірдің көркеюіне және қоршаған ортаның тазалығын сақтауға өзіндік үлесін қосты. Жиында сөз алған облыс әкімінің орынбасары жастардың қоғамдық жұмыстарға белсенді араласуының маңыздылығына тоқталды.<blockquote>- «Жастар – елдің ертеңі ғана емес, бүгінгі қоғамның белсенді күші. Еңбекпен шыңдалып, туған жердің тазалығы мен көркеюіне үлес қосу – үлкен азаматтық жауапкершіліктің белгісі. «Жасыл ел» жобасы жастарға еңбек етуге, ортақ іске жұмыла кірісуге және ел игілігіне өз үлесін қосуға мүмкіндік беретін маңызды бастама. Сіздердің әрбір еңбектеріңіз туған жерге деген жанашырлықтарыңыздың нақты көрінісі», – деді Руслан Мұхамедәліұлы.</blockquote>Сондай-ақ, шара барысында еңбек маусымында белсенділік танытып, қоғамдық жұмыстарға жауапкершілікпен қатысқан жастардың еңбегі атап өтілді.Туған жердің тазалығы мен көркеюіне атсалысып, еңбек маусымында белсенділік көрсеткен жастарға аймақ басшысының атынан арнайы «Алғыс хаттар» табысталды.Салтанатты шара жастарға алғыс білдіріп, олардың еңбегін бағалаумен қатар, өскелең ұрпақты еңбекқорлыққа, елжандылыққа және туған жерге жанашырлықпен қарауға үндейтін тағылымды шараға ұласты.

«Жасыл ел» еңбек жасақтарының маусымдық қорытындысы өтті

<a href="https://kyzylorda-news.kz/">Kyzylorda-news.kz</a> Заң мен тәртіп қағидатын қамтамасыз ету, табиғи ресурстарды қорғау және заңсыз аңшылық пен балық аулау фактілерінің алдын алу мақсатында Қызылорда облысының аумағында 24–30 тамыз аралығында «Браконьер» жедел-профилактикалық іс-шарасы өтуде.Іс-шараның алғашқы үш күнінде облыс көлемінде 29 әкімшілік құқық бұзушылықтың жолы кесілді. Оның ішінде 23 дерек – заңсыз балық аулау, 4 дерек – заңсыз аңшылық фактілеріне қатысты.Рейдтік іс-шаралар барысында полиция қызметкерлері аңшылық алқаптары мен су айдындарында заңсыз табиғат пайдаланудың алдын алуға, құқық бұзушылықтарды анықтап, олардың жолын кесуге бағытталған жұмыстар жүргізуде.Полиция табиғи ресурстарды қорғау және экологиялық қауіпсіздікті қамтамасыз ету бағытындағы профилактикалық жұмыстарды тұрақты түрде жалғастырады.Заң мен тәртіп – табиғатты қорғау мен қоғамдық қауіпсіздіктің маңызды кепілі.<img class="image_resized" style="width:100%;" src="https://knadmin.beoblood.kz/uploads/Brakoner_za_tri_dnya_presecheno_29_pravonarushenij_427f872831.jpeg" alt="«Браконьер» за три дня пресечено 29 правонарушений.jpeg">

«Браконьер»: 3 күнде 29 құқық бұзушылықтың жолы кесілді

<a href="https://kyzylorda-news.kz/">Kyzylorda-news.kz</a> Қызылорда облысында 35 мыңнан астам мүгедектігі бар адам тіркелген. Жарты жыл ішінде 6 223 азаматқа мүгедектік тағайындауға қатысты мемлекеттік қызмет көрсетілді. Оның ішінде 1 248 адамға алғаш рет мүгедектік белгіленді. Ал 18 жасқа дейінгі балалар арасында алғашқы мүгедектік тағайындау көрсеткіші өткен жылдың сәйкес кезеңімен салыстырғанда 16 пайызға төмендеген. Бұл туралы Өңірлік коммуникациялар қызметінің ақпарат алаңында халықты әлеуметтік қорғау саласындағы реттеу және бақылау комитеті Қызылорда облысы бойынша департаментінің басшысы Бекболат Шәріпбеков баяндады.&nbsp;Медициналық-әлеуметтік сараптама қызметтерін цифрландыру мен қолжетімділігін арттыру бағытындағы жұмыстар да жалғасуда. Атап айтқанда, 2 897 адамға проактивті түрде сырттай куәландыру жүргізілген. Бұл жалпы куәландыру санының 46,6 пайызын құрайды.<blockquote>«Әлеуметтік төлемдерді тағайындау және қайта қарау жұмыстары да жүйелі жүзеге асырылуда. 2026 жылдың 6 айында облыста 304 мыңнан астам адамға республикалық бюджеттен жалпы сомасы 124,4 млрд теңге зейнетақы мен әлеуметтік жәрдемақы төленді. Сонымен қатар 51 мыңнан астам азаматқа мемлекеттік қызмет көрсетіліп, 27 мыңнан астам төлем жаңадан рәсімделген. Әлеуметтік қорғау саласындағы заңнаманың сақталуына жүргізілген бақылау нәтижесінде 12 субъекті тексерумен қамтылып, 23 заңбұзушылық анықталды. Олардың 87 пайызы жойылып, қалған кемшіліктерді түзету бойынша тиісті мерзімдер белгіленді. Жоспардан тыс тексерулер қорытындысымен 13 лауазымды тұлғаға жалпы сомасы 1,3 млн теңгеден астам айыппұл салынып, толық көлемде бюджетке өндірілді», - деді департамент басшысы.&nbsp;</blockquote>Арнаулы әлеуметтік қызметтер көрсету саласында да жұмыстар жалғасуда. Спикер атап өткендей, облыстағы 27 ұйым толық лицензияланған және бүгінде 3 655 азаматқа арнаулы әлеуметтік қызмет көрсетуде.Есепті кезеңде департаментке жеке және заңды тұлғалардан 910 өтініш түскен. Өтініштердің басым бөлігі еңбек өтілін растау және мүгедектік тобын қайта қарау мәселелеріне қатысты. Тұрғындарға заңнама талаптарын түсіндіру мақсатында ақпараттық-түсіндіру жұмыстары да тұрақты жүргізілді. Жарты жыл ішінде бұқаралық ақпарат құралдарында 40 мақала жарияланып, әлеуметтік желілерде 92 ақпараттық хабарлама таратылды, сондай-ақ халықпен және еңбек ұжымдарымен кездесулер ұйымдастырылды.

Қазақстан және Қызылорда облысының жаңалықтары: Қоғам