<a href="https://kyzylorda-news.kz/">Kyzylorda-news.kz</a> Қызылордада дәстүрге айналған «Мың бала» республикалық мәдени-ағартушылық жобасының өңірлік кезеңінің қорытындысы болып өтті. Қазақ тілін еркін меңгерген түрлі этнос оқушылары үшін сайыс тартысты әрі қызықты болды.&nbsp;«Жарқыра, жас дарын!» тақырыбында өткен облыстық байқауда Қызылорда қаласынан және аудан мектептерінен 7 қатысушы бақ сынады.&nbsp;«Мың бала» жобаны іске асыруда жыл басынан бері облыс көлемінде түрлі форматта іс-шаралар өткізілді. Дөңгелек үстел, шығармалар байқауы, ашық диктант, кездесулер, аудан мектептерінің жазғы тынығу лагерлерінде ұлттық және спорттық ойын түрлерінен жарыстар, байқаулар ұйымдастырылды. Жобаға тартылған 1000-нан аса жастар қазақстандық бірегейлік пен бірлікті нығайтудағы мемлекеттік тілдің маңыздылығын жете түсінді.Шарада «Қоғамдық келісім» КММ директорының орынбасары Руслан Құрманов «Мың бала» жобасының маңыздылығын атап өтті. Бұл жоба татулық пен бірліктің, ынтымақтың алтын бастауы екендігін алға тартты.Тартысты байқауда бірінші «Таныстыру», екінші «Салт-дәстүр – сан ғасырлық саф мұра» қазақтың салт-дәстүрінен сахнада көрініс қою кезеңі болды. Үшінші «Сиқырлы ұяшықтар» кезеңінде қатысушылар ұяшық таңдау арқылы мақал-мәтелді жалғастырды. Ал төртінші соңғы кезең «Шығармашылық өнер», яғни өлең айту, билеу, көркемсөз оқу, музыкалық аспапта ойнау сынды өнерлерін көрсетті.&nbsp;

Қызылордада «Мың бала» жобасының өңірлік кезеңі өтті

<a href="https://kyzylorda-news.kz/">Kyzylorda-news.kz</a> Синоптиктер Қазақстанның басым бөлігінде әлі де жауын-шашын сақталатынын хабарлады.<blockquote>«Таяудағы үш тәулікте Қазақстанның басым бөлігінде атлантикалық циклонының ықпалымен тұрақсыз ауа райы сақталады, жауын-шашын (жаңбыр, қар), көктайғақ және тұман болжанады», — деп мәлімдеді Қазгидрометтен.</blockquote>Ал 30 қазанда республиканың батысында қатты жаңбыр жауады, сонымен қатар жел күшейеді деп күтілуде.Температуралық режимде айтарлықтай өзгерістер болжанбайды.

Қазақстанның басым бөлігінде әлі де жауын-шашын сақталады

<h4 style="margin-left:0px;"><a href="https://kyzylorda-news.kz/">Kyzylorda-news.kz</a> Ауылда жұмыс істегісі келетін мамандарға үй алуға 7,5 млн теңге беріледі, деп хабарлайды <a href="BAQ.KZ">BAQ.KZ</a> тілшісі.</h4>Үкімет басшысы Олжас Бектенов депутаттардың сауалына берген жауабында «Дипломмен ауылға» жобасы аясында ауылда тұруға және жұмыс iстеуге келген мамандарға республикалық бюджеттен үй сатып алуға ақша берілетінін айтты.<blockquote>Қазіргі таңда Тұрғын үй-коммуналдық инфрақұрылымды дамытудың 2023-2029 жылдарға арналған тұжырымдамасы іске асырылып жатыр. Оның шеңберінде ауылдық жерлерде жеке үй салу ниетін білдірген ауыл тұрғындарына жаңа жер учаскелері бөлініп беріледі. Аталған учаскелер мемлекет есебінен сумен, электр қуатымен және газбен жабдықталады, - делінген жауапта.</blockquote>Сонымен қатар, ауыл тұрғындарын тұрғын үймен қамтамасыз ету мақсатында ауылдық елді мекендерде өз жұмысшыларына үй салып берген жұмыс берушілерге субсидия (аумағы 100 шаршы метрден аспайтын үй құнының 50% мөлшерінде) төленеді.<blockquote>Бұдан басқа қоныс аударушылар мен қандастарды қабылдап жатқан өңірлерде үй сатып алу үшін экономикалық мобильділік сертификаты (үй құнының 50%, бірақ 4 млн теңгеден аспайтын мөлшерде) беріледі. «Дипломмен ауылға» жобасы аясында ауылда тұруға және жұмыс iстеуге келген мамандарға (денсаулық сақтау, бiлiм, әлеуметтiк қамсыздандыру, мәдениет, спорт, агроөнеркәсіптік кешен саласындағы және т.б.) республикалық бюджет есебінен тұрғын үй сатып алуға 2500 АЕК-ге дейін (аудан орталықтары үшін) және 2000 АЕК-ке дейін (ауылдық елді мекендер үшін) жылдық 0,01% сыйақы мөлшерлемесімен 15 жылға дейін бюджеттік кредит беріледі, - деді Бектенов.</blockquote>Еске сала кетейік, биыл 1 АЕК – 3 692 теңгеге тең.

Ауылда жұмыс істегісі келетін мамандарға 7,5 млн теңге беріледі

<a href="https://kyzylorda-news.kz/">Kyzylorda-news.kz</a> Сот Air Astana әуе компаниясын 12 жастағы қызды ұшаққа отырғызбағаны үшін оның&nbsp;анасына 5 млн теңге көлемінде моральдық өтемақы төлеуге міндеттеді. Бұл туралы Stan.kz ақпарат агенттігі хабарлайды.20 шілдеде Зере және Зәуре атты егіз қыз Америкадан елге қайтқан. Олар сенімді өкілмен, бір топ баламен саяхаттаған. Қайтарда&nbsp;Астана арқылы транзитпен Оралға ұшуы керек болған, бірақ Зерені компания бортқа кіргізбей, жалғыз өзін тастап кеткен.&nbsp;Соның салдарынан егіздің сыңары Астана әуежайында жалғыз қалып қойған. Ал сенімді өкіл басқа балалармен ұшып кеткен.Әуежайдағы бейнебақылаукамераларының жазбаларынан&nbsp;12 жастағы қыздың 3 сағат жылап тұрғанын көруге болады.Осы оқиғадан кейін FlyArystan басшысы баланың анасымен кездесіп, кешірім сұрап, өтемақы ретінде 4 миллион теңге ұсынған. Бірақ әйел одан бас тартып, сотқа жүгінген.FlyArystan әуе компаниясы сыйымдылығы 188 орындық ұшақты 180 орындық бортқа ауыстырғаны анықталды.&nbsp;Нәтижесінде Зере 181-жолаушы ретінде тіркеліп, ұшаққа отыра алмаған.&nbsp;19 және 20 күні ұшуы керек&nbsp;рейс жолаушылары да осы бортқа отырғызылған.&nbsp;Нәтижесінде кәмелетке толмаған жолаушы әуежайда қалып қалған.Әуе компаниясы баланы қала ішіндегі қонақүйге орналастыруды ұсынған. Алайда анасы баланың жалғыз өзі қонақ үйге баруына қарсы болыпты. Өйткені бала заңды өкілдерінсіз тіркеле&nbsp;алмайды. Артынша анасының өтініші бойынша, әуежайға баланың туысы келген.&nbsp;Полиция қызметкері мен туысының мәліметінше, әуе компания&nbsp;өкілдері баланың туысы&nbsp;жолаушы болмағандықтан қонақүй беруден бас тартқан. Сотта әуе компания&nbsp;өкілдері&nbsp;қонақүймен келісім бойынша тек жолаушылар ғана тегін қала алатынын мәлімдеді.&nbsp;Еске салайық, бұған дейін&nbsp;FlyArystan әуекомпаниясы&nbsp;<a href="https://stan.kz/yshakta-orin-zhetpey-kalgan-flyarystan-auekompaniyasi-1-404544/">12 жасар қызды рейске мінгізбей, жалғыз өзін өзге қалада қалдырып кеткен</a>і туралы жазған едік.&nbsp;Оқиғадан кейін қыздың анасы әуекомпанияның қызметіне наразылық білдірді.Фото:&nbsp;reuters.com

Air Astana компаниясы 5 млн теңге өтемақы төлеуге міндеттелді

<a href="https://kyzylorda-news.kz/">Kyzylorda-news.kz</a> Бүгін Қызылордада «Оңтүстік Торғай, Шу Сарысу бассейндері көмірсутектерінің ресурстық базасын дамыту және кен орындарының мұнай деңгейін арттыру перспективасы» тақырыбында ІІ Қазақстан CNPC техникалық семинары басталды.Жиынға «ҚазМұнайГаз» ҰК» АҚ Басқарма төрағасы Асхат Хасенов, &nbsp;Энергетика вице-министрі Арымбек Құдайберген, қытайлық «CNPC» компаниясының вице-президенті Чжан Даовэй қатысты. Басқосуда аймақ басшысы Нұрлыбек Нәлібаев семинарға қатысушыларға сәттілік тілеп, Сыр өңірінің әлеуметтік-экономикалық дамуындағы мұнай компанияларының үлесін атап өтті.Бүгінде игерілген кен орындарының көпшілігі өндірістің соңғы сатысына шыққан. Қолданыстағы мұнай кеніштерінің табиғи сарқылуына байланысты 2013 жылдан бері мұнай өндіру көлемі шамамен 65%-ға қысқарды. Сондықтан, өңдеу өнеркәсібін дамыту арқылы өңір экономикасын әртараптандыру жұмыстары қолға алынды. Осылайша мұнай қорының сарқылуы салдарынан соңғы 10 жыл бойы төмендеу тенденциясын көрсетіп келген өнеркәсіп өндірісі өткен жылдың қыркүйек айынан бастап оң динамикаға шықты.Саланың дамуы отандық мұнай-сервистік компаниялардың дамуына жол ашты. Аймақта қалыптасқан мұнай-сервистік белдеу қаншама отбасының осы саладан табыс табуына мүмкіндік беруде.&nbsp; Бүгінде мұнда 10 мыңнан астам адам жұмыспен қамтылған. Жалпы алғанда, облыстың өнеркәсіп өндірісінде мұнай-газ саласының үлесі шамамен 50%-ды құрайды. Өңдеу саласындағы өсу қарқыны бойынша облыс&nbsp; 2022 жылы республикада 11-орында болса, биылдан бастап бірінші орында.Экономика салаларында, әсіресе инвестиция тарту, құрылыс салу, сауда айналымы, көлік қызметі, ауыл шаруашылығында жүргізілген жүйелі жұмыстардың арқасында бүгінде облыс экономикалық даму қарқыны бойынша өңірлер арасында көшбасшы позициясында. Мұнай компаниялары аймақтағы бірқатар әлеуметтік &nbsp;мәселелер мен жобаларды шешуге қолдау көрсетуде. Соңғы 10 жылда өңірдің әлеуметтік-экономикалық дамуына 17 млрд. теңгеге жуық қаржы бөлді.Кездесу соңында облыс әкімдігі, ҚР Энергетика министрлігі, «Қазмұнайгаз» ұлттық компаниясы сұйытылған мұнай газын өңдеу қондырғысының жылдық қуаттылығын 2025 жылдан бастап алдағы 10 жыл ішінде 120 мың тоннаға дейін арттыруға бағытталған &nbsp;үшжақты меморандумға қол қойды.Фото: Қызылорда облысы әкімінің баспасөз қызметі

Үшжақты меморандумға  қол қойылды

<a href="https://kyzylorda-news.kz/">Kyzylorda-news.kz</a> Көлік министрлігі жолаушылар мен көлік инфрақұрылымы объектілеріне баратын адамдарды, олар алып жүретін заттарды, оның ішінде қол жүгі мен багажын тексеру қағидалары мен талаптарына өзгерістер дайындады.Атап айтқанда, ережеде әуежайлар мен вокзалдардағы қызметкерлер қағаз құжаттардан басқа электронды құжатты немесе цифрлық құжат қызметінен тексеретін болады.Түсіндірілгендей, бұл түзету бұрын қысқартылған немесе цифрлық форматқа көшірілген қағаз түріндегі анықтамалар мен құжаттарды талап етуді болдырмау үшін енгізіліп отыр.<blockquote>«Бұйрық жобасын қабылдау көлік инфрақұрылымы объектілеріне баратын жолаушыларға жеке басын куәландырған кезде цифрлық құжаттама қызметінен электронды құжат ұсынуға мүмкіндік береді», — делінген негіздемеде.</blockquote>Құжат 11 қарашаға дейін қоғамдық талқылау үшін «Ашық заңды және заңды тұлғалар» сайтында орналастырылған.Zakon.kz

Қазақстандықтар электронды құжаттарды әуежайлар мен вокзалдарда көрсете алады

<a href="https://kyzylorda-news.kz/">Kyzylorda-news.kz</a> Қызылорда облысында Республика күні қарсаңында қызметте ерекше көзге түскен полицейлер көтермеленді.&nbsp;Қызылорда облысы полиция департаментінің жергілікті полиция қызметі басқармасының алаңында жеке құрамның қатысуымен қысқы киім үлгісіне ауысу рәсіміне арналған саптық байқау және гарнизондық жиын өтті.&nbsp;Гарнизондық жиынды полиция департаменті бастығының бірінші орынбасары Ермахан Абдраманов өткізді.&nbsp;Саптық шеру саптық дағдыны жетілдіру, саптық командаларды орындау кезіндегі реттілікті, сондай-ақ қатардағы және басшы құрамның нысандық киім үлгісін қатаң ұстануын қамтамасыз ету мақсатында өткізілді. Департамент бастығының бірінші орынбасары қызметкерлердің сыртқы түр-сипатын, үлгілік киімін, қызметтік куәліктерінің, айырым белгілерінің талаптарға сай болуын, автокөлік пен байланыс құралдарының техникалық жай-күйін тексерді.&nbsp;Қоғамдық тәртіпті сақтауға кірісетін полиция қызметкерлеріне облыстағы жедел жағдайдың жай-күйі туралы жеткізіліп, бағдарлар таныстырылды. Саптық бөлімшелердің командирлеріне тапсырма берілді.&nbsp;Бүгінгі жиын барысында 25 қазан Республика күні қарсаңында 9 жас қызметкер ішкі істер органдарының ардагерлері мен жеке құрамның алдында ант қабылдады. Олар Ішкі істер органдарына адал болуға, барлық міндетті орындауға, әскери тәртіпті бұзбай, заңдылықтарды сақтауға уәде берді.&nbsp;Е.Абдраманов жаңадан ант қабылдаған қызметкерлерге алдағы жұмыстарына сәттілік тілеп, Отанға адал қызмет ету керектігін атап өтті.&nbsp;<blockquote>– Өмірлеріңізде маңызды қадам жасап, қоғамға қызмет етуге ант қабылдау сәтінің еліміздегі бас мерекелердің бірі – Республика күні қарсаңында өтіп жатқаны кездейсоқ емес. Осынау айтулы күн – қазақ тарихы үшін маңызы зор мейрам. Елдік пен егемендікті, мемлекет тұтастығы мен патриотизмді дәріптейтін ұлы мереке. Қабылдаған анттарыңызға адал болып, өздеріңізге жүктелген жүгі ауыр, жауапкершілігі мол қызметті абыроймен атқарып, қазақстандық полицей атағын абыроймен алып жүруді мақсат ететіндеріңізге сенімдімін, – деді Е. Абдраманов.&nbsp;</blockquote>Қызметінде ерекшеленген 150-ден астам үздік полицейге марапаттарды бүгін гарнизондық саптық жиында Е.Абдраманов табыс етіп, тәртіп сақшыларына қызметтері үшін алғысын білдірді. Салтанатты іс-шарадағы марапаттау рәсімі жас тәртіп сақшыларына шабыт бере түсті.&nbsp;Мінсіз қызметі үшін “Құқық тәртібін қамтамасыз етуге қосқан үлесі үшін” медалімен Қызылорда қаласы полиция басқармасының қызмет аға инспекторы Асхат Жансейтов, Қазақстан Республикасы ІІМ грамотасымен ақпараттандыру және байланыс басқармасы бастығының орынбасары Сырым Досанов марапатталса, мерзімінен бұрын полиция подполковнигі арнаулы атағын криминалдық полиция басқармасының аса маңызды істер жөніндегі аға жедел уәкілі Нұртілек Ермаханов, штаттық лауазымы бойынша көзделген атақтан бір саты жоғары полиция подполковнигі арнаулы атағы Қызылорда қаласы полиция басқармасының аға инспектор-кезекшісі Жасұлан Төлегеновке және Қызылорда қаласының полиция басқармасы кәмелетке толмағандардың істері жөніндегі аға учаскелік полиция инспекторы Саламат Жүсіпбековке берілді.&nbsp;Сондай-ақ шара барысында ұзақ жылдар бойы iшкi iстер органдарында қызмет етiп, құрметті еңбек демалысына шыққан ардагерлер қауымына да департамент бастығының алғыс хаттары табыс етілді.&nbsp;Іс-шара соңында полиция қызметкерлері оркестрдің үнімен салтанатты маршпен жүріп өтіп, сыр өңірінің қоғамдық тәртібін қорғауға және қоғамдық қауіпсіздікті қамтамасыз етуге кірісті.<figure class="image"><img src="https://knadmin.beoblood.kz/uploads/pol3_d5d64c1acb.jpg" alt="пол3.jpg"></figure><figure class="image"><img src="https://knadmin.beoblood.kz/uploads/pol2_124f482f6f.jpg" alt="пол2.jpg"></figure>

Қызылордада мінсіз қызметімен ерекшеленген полицейге медаль табысталды  

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев ұлттық мереке - Республика күні қарсаңында қала орталығындағы жаңадан бой көтерген &nbsp;«Мерей» көпқабатты тұрғын үй кешенінің құрылыс жұмыстарымен танысты.Аумағы &nbsp;11 113 шаршы метрлік тұрғын үй 7 қабатты, 82 пәтері бар. Кешендегі негізгі жұмыстар аяқталған, аумағы абаттандырылып, сыртқы және ішкі әрлеу жұмыстары жүргізілуде.Айта кетейік, биыл мемлекеттік қолдау мен ұлттық жобалар аясында қаржыландырудың барлық көзінен өңірде 863 900 шаршы метр тұрғын үй пайдалануға беріледі. Мемлекеттік бюджеттен бөлінген 37 млрд 100 млн теңгеге 3 мыңға жуық пәтер табысталып, 13 мың тұрғын қоныстой тойлайды.2022-2023 жылдары 4 мыңға жуық пәтер беріліп, 17 мың тұрғынның баспана мәселесі шешілген болатын.

Нұрлыбек Нәлібаев «Мерей» тұрғын үй кешеніне барды 

<a href="https://kyzylorda-news.kz/">Kyzylorda-news.kz</a> Ішкі істер министрлігі есірткі қылмысына қарсы күресті қарқынды жүргізіп келеді.ІІМ 2024 жылдың 28 қазанында берген ақпаратқа сай, үш күн ішінде полиция төрт есірткі зертханасын анықтап, алты адамды ұстады, олардың екеуі шетел азаматы.Сондай-ақ 66 есірткі құқық бұзушылығы тіркелді, оның 13-і сату фактісі және тоғызы сақтау фактісі.Заңсыз айналымнан 35 келіден астам есірткі, оның ішінде 24 кг «синтетика» және 11 кг марихуана тәркіленді.<blockquote>«Аталған қылмыстар бойынша 13 адам ұсталып, уақытша ұстау изоляторына қамалды. Бұл жұмыс жалғасуда», – деді ІІМ есірткі қылмысына қарсы іс-қимыл комитеті төрағасының орынбасары Данияр Мейірхан.</blockquote>Фото: Zakon.kz

ІІМ: Үш күнде 4 есірткі зертханасы жойылды

<a href="https://kyzylorda-news.kz/">Kyzylorda-news.kz</a> Қазан айының соңғы жексенбісі – әлеуметтік қызметкерлер күні. Әлеуметтік қызметкерлер – қоғамдағы әлсіз топтарға көмек көрсетіп, оларға әлеуметтік, психологиялық және құқықтық тұрғыдан көмек береді. Бүгінде облыста 2 000-нан аса әлеуметтік қызметкер болса, облыстық жұмыспен қамтуды үйлестіру және әлеуметтік бағдарламалар басқармасына қарасты арнаулы әлеуметтік қызметтер көрсету орталықтары 2 500-ден астам адамға қызмет көрсетіп келеді.<blockquote>– Әлеуметтік қызметкерлердің атқаратын басты жұмысы - мүгедектігі бар адамдар мен қарттарға үйден арнаулы әлеуметтік қызмет көрсету болып есептеледі. Жалпы, біз 7 қызмет бойынша көмек көрсетеміз. Олар: арнаулы әлеуметтік психологиялық, әлеуметтік тұрмыстық, медициналық, мәдени, экономикалық, құқықтық және еңбек қызметі. Қазіргі таңда қала бойынша 175 мүгедектігі бар адамдар мен қарттар есепте тұр. Сол 175 адамға 23 әлеуметтік қызметкер көмек көрсетеді. Олар аптасына екі рет, екі сағатқа барып жәрдемдеседі. Десе де кей кездері сенбі-жексенбі күндері де сол кісілермен хабарласып, көмек керек болған кезде жиі баруға тырысады,- деді қалалық жұмыспен қамту әлеуметтік бағдарламалар бөлімінің мүгедектігі бар адамдар мен қарттарға үйден арнаулы әлеуметтік көмек көрсететін бөлімше басшысы Жұмакүл Жаппасбаева.</blockquote>Айта кету керек, есепті кезеңде 5 997 отбасыға атаулы әлеуметтік көмек көрсетіліп, 1 811 отбасыға тұрғын үй көмегі төленген. Жергілікті атқарушы органдардың шешімі бойынша жекелеген санаттағы әлеуметтік қолдауды қажет ететін 12 489 адамға әлеуметтік төлем төленсе, бюджеттен тыс көздерден көмекке мұқтаж халықтың әлжуаз топтарынан шыққан 20 209 адамға қайырымдылық көмек көрсетілген.&nbsp;

Қазан айының соңғы жексенбісі – әлеуметтік қызметкерлер күні  

<a href="https://kyzylorda-news.kz/">Kyzylorda-news.kz</a> Астаналық ару Әйгерім Серік 5 тонналық жүк көлігін айдап, адал еңбек етіп, көптің көңілінен шығып жүр. Көлік айдап, жүк тасып, кәсібін дөңгелетіп отырған қыз техниканы 10 жасынан&nbsp;бастап меңгерген.&nbsp;Бұл туралы&nbsp;<a href="https://stan.kz/zhuk-tasitin-astanalik-kizdin-aylik-tabisi-1-million-t-408545/">Stan.kz</a>&nbsp;ақпарат агенттігі хабарлады.<blockquote>“Көлікке қызығушылық танытуыма әкем себепкер болды. Әкем –&nbsp;трактарист. Алғашқы көлігімді 18 жасымда алдым. Көрген адамдардың бәрі “қыз балаға механика қиын емес пе?” деп сұрайды. Жүк көлігін алған соң адамдардың&nbsp;қызғушылығы да, маған қояр сұрақтары да&nbsp;одан бетер артты. Танымал бола бастадым”, –&nbsp;дейді Әйгерім Серік.</blockquote>Әйгерімнің айлық табысы 1 миллион теңгеден асады. Айтуынша, күніне 4-5 тапсырыс алып, көлігімен жүк тасиды. Жүк тасу қызметіне сұраныс күн сайын артып келеді.<blockquote>“Әйгеріммен жұмыс істеп жүргенімізге 4-5 ай болып қалды. Өте жақсы қыз. Айтқан уақытта келеді, тапсырысты уақытында жеткізеді. Қосшыға дейін апарады, Қояндыға дейін апарған кездері болды”, –&nbsp;дейді қала тұрғыны Нұрсұлтан Қосекенов.</blockquote>Астаналық арудың негізгі мамандығы –&nbsp;ағылшын тілі пәнінің мұғалімі. Тіпті актерлік білімі де бар. Алайда Әйгерім дипломмен жұмыс істеуден көрі, болашағын көлікпен байланыстырғанды жөн көріпті.<blockquote>“Алдағы уақытта басқа елдерден техникалар алып келемін. Қазақстандықтарды түрлі техникалармен қамтамасыз ету. Жүк көлігі, трактор, су таситын көлік секілді құрылысқа керекті көліктерді алу келу ойда бар. Бұған дейін Дубайдан машина, көліктің бөлшектерін&nbsp;тасығанмын.</blockquote>Әйгерім Серік көлікті жөндеп қана қоймай, жөндей де біледі. Одан бөлек аттың құлағында ойнайтын өнері де бар. Астаналық ару тіпті әлеуметтік желіде де танымал.&nbsp;Фото: Видеодан скрин

"Мамандығы ағылшын тілі мұғалімі": Жүк таситын астаналық қыздың айлық табысы 1 миллион теңгеден асады

<a href="https://kyzylorda-news.kz/">Kyzylorda-news.kz</a> Қазақстанда 2024 жылғы 24 және 28 қазан аралығында бірқатар салықтар мен төлемдерді төлеу мерзімі аяқталады, деп хабарлайды <a href="https://kaz.zakon.kz/kogam-tynysy/6051282-elmzde-salytar-men-tlemderd-tleu-merzm-24-zhne-28-azan-aralyynda-ayatalady.html">Zakon.kz.</a>"Параграф" АЖ 25 қазанға дейін төлеу қажет екенін еске салады:<ul><li style="text-align:justify;">Берілген шетелдік персоналдың табыстарынан ЖТС;</li><li style="text-align:justify;">Қыркүйек айында есептен шығарылған кезде тарату декларациясы бойынша ҚҚС.</li></ul>28 қазаннан кешіктірмей төлеу қажет:2024 жылғы қазан үшін: КТС бойынша аванстық төлемдер;<ul><li style="text-align:justify;">сыртқы (көрнекі) жарнаманы орналастырғаны үшін төлемақы;</li></ul>2024 жылғы қыркүйек үшін:<ul><li style="text-align:justify;">Төлем көзінен ұсталатын КТС және ЖТС;</li><li style="text-align:justify;">ЖТС-ты пайдалана отырып, ЖК-дағы ЖК табыстарынан ЖТС;</li><li style="text-align:justify;">әлеуметтік салық;</li><li style="text-align:justify;">бірыңғай төлем;</li><li style="text-align:justify;">міндетті зейнетақы жарналары, жұмыс берушінің міндетті зейнетақы жарналары, міндетті кәсіптік зейнетақы жарналары;</li><li style="text-align:justify;">әлеуметтік аударымдар;</li><li style="text-align:justify;">ООСМС, ВОСМС.</li></ul>Сонымен қатар:<ul><li style="text-align:justify;">жер учаскелерін пайдаланғаны үшін төлемақы – қыркүйекте жер пайдалану шартын жасасу кезінде;</li><li>радиожиілік спектрін пайдаланғаны үшін төлем — егер рұқсат қыркүйек айында алынса.</li></ul>Фото: pexels

Қазақстан және Қызылорда облысының жаңалықтары: Қоғам