<a href="https://kyzylorda-news.kz/">Kyzylorda-news.kz</a> Аймақ басшысы Нұрлыбек Нәлібаев облыс орталығының бірқатар құрылыс нысандарындағы жұмыс барысымен танысты. Жанқожа батыр көшесі арқылы өтетін теміржол өткелінің, орталық стадионның, тарихи-мәдени мұра орталығының, сондай-ақ, Сырдария өзенінің сол жағалауындағы физика-математика мектеп-интернаты мен музыкалық колледждің құрылыс алаңдарындағы жұмысты көрді.Жаңақожа батыр көшесі арқылы өткел салудағы мақсат – теміржолдың арғы бетіндегі Шанхай, Коммунизм, Гагарин шағын аудандарын &nbsp;қаланың орталығымен көлік қозғалысының қауіпсіздігін сақтай отырып байланыстыру.Сонымен қатар, қалаішілік жүк және жолаушылар тасымалының қарқынын күшейтіп, отандық азық-түлік өнімдері айналымын ұлғайту, экономикалық тұрақтылыққа қол жеткізу. Жобаның техникалық қадағалаушысы – «МСК Инжиниринг», авторлық қадағалаушысы – «Инженерный Центр Алматы» серіктестіктері.Қазіргі таңда айналма жолдар салынып, инженерлік желілердің орнын ауыстыру, құрылысқа қажетті жер учаскелерінде демонтаж жұмыстары жүруде.Аймақ басшысы сол жағалаудағы жаңа стадионның құрылыс барысын көрді. Бүгінде стадионның шығыс және батыс трибуналарының металл конструкцияларын монтаждау аяқталып, қабырғасы мен ішкі бөлімдері, сыртқы витраждары қалануда. Сыртқы инженерлік желілер жеткізілген. Жылу, су құбырлары, электр, желдеткіштің ішкі желілері орнатылуда. Ғимараттың сыртқы қабырғасы, ішкі инженерлік желілерін жүргізу аяқталып, футбол алаңын монтаждау және абаттандыру басталады.Дарынды балаларға арналған физика-математика мектеп-интернатының құрылысы 2023 жылы басталған, биыл аяқталады деп жоспарлануда.&nbsp;Тағы бір маңызды құрылыс – &nbsp;тарихи-мәдени мұра орталығы. Оны аймақтағы туристік әлеуеті жоғары нысан ретінде жабдықтау жоспарланған. Аймақ басшысы бұл келушілерге қызмет көрсететін мекеме ғана емес, &nbsp;ақпараттық технологиялармен қамтамасыз етілген ғылыми-рухани орталық болуы тиіс екенін атап өтті.Ал, музыкалық колледждің құрылысы былтыр басталды. «Саутс Ойл» компаниясының демеушілігімен қолға алынған оқу орнының жаңа ғимаратын бас мердігер &nbsp;«Алтын констркшн» ЖШС осы жылдың мамыр айында пайдалануға береді.<img src="https://knadmin.beoblood.kz/uploads/rylys_nysandaryn_aralady_7a04ba9aaf.jpg" alt="Құрылыс нысандарын аралады.jpg">Фото: Қызылорда облысы әкімінің баспасөз қызметі

Облыс әкімі құрылыс нысандарын аралады

<a href="https://kyzylorda-news.kz/">Kyzylorda-news.kz</a> Олжас Бектенов екінші деңгейлі банктердің басшыларымен экономиканың нақты секторын қаржыландыруға қатысуды арттыру мәселесін талқылады. Бұл туралы Үкіметтің баспасөз қызметі хабарлады.&nbsp;Премьер-министр Олжас Бектенов Мемлекет басшысының экономиканың нақты секторын екінші деңгейлі банктердің қаржыландыруын ұлғайту жөніндегі тапсырмасын орындау мәселелері бойынша кеңес өткізді. Ірі инфрақұрылымдық жобаларды салу және жаңғырту бағдарламаларын жүзеге асыруға назар аударылып отыр.Үкіметтің бизнесті басымдық бере қаржыландыруға банктердің қатысуын ынталандыру бойынша жаңа тәсілдері қаралды.Вице-премьер&nbsp;– ұлттық экономика министрі Серік Жұманғарин ЕДБ активтерінің тек 21,2%-ы бизнесті несиелендіруге тиесілі, 16,5%-дан астамы кепілсіз тұтынушылық несиелерді құрайтынын, өтімділігі жоғары активтердің үлесі 29,6%-ға дейін өскенін баяндады.Жаңа Салық кодексі жобасында корпоративтік секторды несиелеуден түсетін кірістер бойынша КТС мөлшерлемесін 20% деңгейінде сақтау, ал тұтыну секторы үшін 25%-ға белгілеу және бірқатар қаржылық операцияға қатысты шамамен 500 млрд теңге болатын ҚҚС жеңілдіктерін алып тастау ұсынылады. Бұл шаралар салық төлемдерін ұлғайтуға, салық жүктемесін теңестіруге және банктер активтерінің құрылымын теңестіруге, олардың ресурстарын нақты экономикаға бағыттауға арналған.Әлеуетті ЖІӨ шегін мақсатты түрде арттыру стратегиялық мақсат болуы тиіс. Бұл орта және ұзақмерзімді кезеңде Қазақстан экономикасының өнімділігін арттыру үшін инвестицияларды қандай бағыттарға шоғырландыру керек екенін және қандай институционалдық қолдау қажеттігін түсінуге мүмкіндік береді.«Бәйтерек» ҰБХ» АҚ басқарма төрағасы Рустам Қарағойшин кәсіпкерлікті қолдау мен несиелеудің негізгі құралдарын ұсынды. 2024 жылы Холдингтің экономика секторларын қолдауға қосқан жалпы үлесі шамамен 4 трлн теңге болды. 2025 жылы осы мақсаттарға қол жеткізу үшін қаржыландыру көлемін 2027 жылға қарай 10 трлн теңгеге дейін одан әрі ұлғайта отырып, шамамен 8 трлн теңге бағыттау жоспарланып отыр. ЕДБ-ны нақты секторды қаржыландыруға тарту шеңберінде өтімділікті арттыруға бағытталған бірқатар шаралар ұсынылады.84 ірі инвестициялық жобаны іске асыру көзделген. Өндіріс, инфрақұрылым және тұрғын салаларына басымдық беріледі. Мемлекеттік кепілдіктер ұлғайтылады, соның нәтижесінде құрылыс жұмыстары 13,1 мың шақырым автожолдар мен 585 шақырым теміржолдарды қамтиды. Энергетикалық және коммуналдық секторларды жаңғырту жөніндегі ұлттық жоба шеңберінде 5 жылда 13&nbsp;трлн теңгеден астам, оның ішінде биыл&nbsp;– 1,2&nbsp;трлн теңге инвестиция салынады. Тұрғын үй құрылысының рекордтық көрсеткіші&nbsp;– кемінде 19&nbsp;млн шаршы метр салу күтілуде. Нақты секторды қаржыландыруды ұлғайтуға бағытталған бастамалар ЖІӨ-нің өсуіне әкеледі.Өз кезегінде, Қазақстан қаржыгерлер қауымдастығының төрағасы Елена Бахмутова ЕДБ экономикаға несие беру көлемін арттыруды жалғастырып жатқанын айтты. 2024 жылы бизнес-қарыз алушылардың жалпы саны 441-ден 532 мыңға дейін өсті. Банк секторы жылдың бірінші айында іскерлік белсенділіктің дәстүрлі баяулауына қарамастан, тек қаңтар айының өзінде 1,1&nbsp;трлн теңге жаңа несие берді.Талқылау қорытындысы бойынша Премьер-министр экономиканы қаржыландыру бойынша жаңа тәсілдерді бірлесіп енгізудің маңыздылығын атап өтіп, банк басшылығының назарын жергілікті қамту мәселесіне аударды.<blockquote>– Президент Үкіметтің кеңейтілген отырысында ірі инфрақұрылымдық жобаларды салу және жаңғырту үшін екінші деңгейлі банктер ресурстарын пайдалану міндетін қойды. «Бәйтеректі» капиталдандыруды ұлғайту экономикаға, оның ішінде екінші деңгейдегі банктер арқылы үлкен өтімділікті тартуға бағытталған. Бұл осы және кейінгі жылдары ел экономикасының дамуына елеулі серпін береді. Бұл бағдарлама барынша тиімді болуы үшін банктермен бірлесе, үйлесімді жұмыс істеу маңызды. Біз ашық жұмыс істеуге дайынбыз, қаржыландыру екінші деңгейлі банктермен бірлесіп, даму институттары өз кезегінде бұған көмектесетін барлық тетіктерін көрсетеміз.&nbsp;Біз қолдайтын барлық жобада жергілікті қамтуға басымдық беріледі. Әрбір жобаны жіті қарайтын боламыз: Қазақстанда өндірілетін тауарлардың барлығы сырттан импортталмай, өзімізде сатып алынуы тиіс. Бұл жұмыс цифрлық форматта жүргізілуі керек. Мемлекеттің көмегімен жеңілдікті мөлшерлемелер бойынша белгілі бір жобаны іске асырып жатқан кәсіпкер қазақстандықтардан сатып алуы қажет, – деп атап өтті Премьер-министр.</blockquote><a href="https://kaz.inform.kz/news/elde-ondrletn-tauarlardin-barligi-sirttan-importtalmay-ozmzde-satip-alinui-tis-bektenov-6d40f4/">kaz.inform.kz</a>Фото: Үкімет

Біз қолдайтын барлық жобада жергілікті өнімге басымдық беріледі – Бектенов  

<a href="https://kyzylorda-news.kz/">Kyzylorda-news.kz</a> Наурыз мейрамын тойлауға байланысты Қазақстандағы барлық халыққа қызмет көрсету орталықтары (ХҚКО) мен мамандандырылған ХҚКО (МХҚКО) 21-24 наурыз аралығында жұмыс істемейді. Бұл күндері азаматтар мемлекеттік қызметтерді eGov порталы арқылы онлайн түрде ала алады.25 наурызда тұрғындарға ыңғайлы болу үшін Қызылорда қаласында кезекші ХҚКО жұмыс істейді. Олар 9:00-ден 13:00-ге дейін қызмет көрсетеді.Кезекші ХҚКО мекенжайлары: Астана даңғылы, 46; Мамандандырылған ХҚКО Тасбөгет кенті, Жанадария шатқалы, 91.Ал 26 наурыздан бастап барлық ХҚКО-лар қалыпты жұмыс кестесіне сәйкес қызмет көрсетуді жалғастырады.Фото: ХҚКО

Наурыз мейрамына байланысты ХҚКО жұмыс кестесі өзгерді

<a href="https://kyzylorda-news.kz/">Kyzylorda-news.kz</a> Ел экономикасының дамуы, түрлі салалардың ілгерілеуі және Қазақстан азаматтарының өмір сапасының жақсаруы – өз ісінің шебері саналатын еңбек адамдарына тікелей байланысты. "Қазақстан Халық" партиясы жұмысшы мамандықтар жылы аясында "Еңбек адамы" жобасын қолға алған болатын.Осы жоба шеңберінде қазір түрлі шаралар өтуде. Соның бірі ҚХП Қызылорда облыстық филиалының ұйымдастыруымен И.Әбдікәрімов атындағы Қызылорда политехникалық жоғары колледжінде студенттермен кездесу өткізілді. Шараға студенттер және нағыз өз ісінің кәсіби мамандары, еңбек адамдары қатысты. Қызылорда облысы ауыл шаруашылығы басқармасының Мал шаруашылығы дамыту бөлімінің басшысы Даулетбек Абдирасулов, «ҚТЖ-Жүк тасымалы» ЖШС-нің «ГП Қызылорда бөлімшесі» филиалының Техникалық бөлімінің басшысы Жұлдызбай Мусаев мықты маманға қашанда сұраныс жоғары екендігін, жұмысшы мамандықтардың ел өмірі үшін маңыздылығын тілге тиек етті. Студенттер тарапынан қойылған сұрақтарға жауап берілді. Бұл шара жастарға тың серпін сыйлады.Айта кетейік, Исатай Әбдікәрімов атындағы Қызылорда политехникалық жоғары колледжі 34 мамандық бойынша орта буынды техник мамандарды оқытады. 2024-2025 оқу жылында колледжге 572 білім алушыны 1-курсқа қабылданды. Барлық білім алушылар саны 1800, онын 1400-күндізгі бөлімде дәріс алуда. 2024 жылы колледжді 356 бітірді. Бітірушілердің 75 пайызы жұмыспен қамтылды. Оның ішінде ЖОО-да өз мамандығы бойынша білімін жалғастырушылыр, Әскер қатарына шақырылғандар бар. Колледж ауылшаруашылығы, темір жол мамандықтары, энергетика, құрылыс, көліксалалары бойынша мамандар дайындайды.<img src="https://knadmin.beoblood.kz/uploads/1_Zh_mysshy_mamandy_tar_zhyly_zha_a_m_mkindikterge_zhol_ashylady_026e59d5a2.jpg" alt="1 Жұмысшы мамандықтар жылы жаңа мүмкіндіктерге жол ашылады.jpg">

Жұмысшы мамандықтар жылы жаңа мүмкіндіктерге жол ашылады 

<a href="https://kyzylorda-news.kz/">Kyzylorda-news.kz</a> Қазақстан Республикасы Экология және табиғи ресурстар министрлігі «Таза Қазақстан» ауқымды акциясы аясында @TazaQazBot ыңғайлы телеграм-чат-боты арқылы жергілікті мекеннің және экология мәселелері туралы өтінімдер берудің жаңа сервисін әзірледі, – деп хабарлайды Қызылорда облысы бойынша&nbsp;экология департаменті.Бұл елдің әрбір қамқор тұрғынына проблемалық жерлерді бірден суретке түсіруге немесе галереядан суреттерді жүктеуге, орналасқан жерін көрсетуге және мәселені егжей-тегжейлі сипаттауға мүмкіндік береді.Өтінім түріндегі барлық ақпарат операторға жергілікті атқарушы органнан келіп түседі, ол оны жүктейді және орындаушыны тағайындайды.Сонымен қатар, тұрғындар жолдардың, саябақтардың, кіреберістердің, жарықтандырудың, абаттандырудың және қоғамдық және жеке аумақтардың санитарлық жағдайына қатысты көптеген мәселелер туралы хабарлай алады.Өтінім санатына байланысты орындаушы тапсырманы орындауы тиіс уақыт автоматты түрде белгіленеді. Жұмыс аяқталғаннан кейін Орындаушы фотосуретті және қажет болған жағдайда түсініктеме береді.Кері байланыс ретінде пайдаланушылар орындаушыны тағайындау және жұмысты аяқтау туралы хабарламаларды тікелей Телеграм-ботта алады. Өтінімді орындағаннан кейін олар орындалған жұмыстың сапасын бағалап, барлық өтінімдерін қарай алады.«Таза Қазақстан» сервисі әрбір азаматқа тазалық пен тәртіпті сақтауға белсенді қатысуға мүмкіндік бере отырып, еліміздегі халықтың өмір сүру сапасын жақсартуға бағытталған.Бірлескен күш-жігердің арқасында біздің кең еліміздің әрбір елді мекені таза әрі экологиялық қауіпсіз болады деп сенеміз.

«Таза Қазақстан» акциясы аясында телеграм чат-ботта жаңа сервис әзірленді

<a href="https://kyzylorda-news.kz/">Kyzylorda-news.kz</a> Арал ауданы әкімдігінің мәжіліс залында аудан әкімі Аманжол Оңғарбаевтың төрағалығымен арнайы мәжіліс өтіп, шығармашылық индустрияны дамыту және мәдениет пен өнер салаларын цифрландыру, әскерге шақыру жұмыстары талқыланды.<blockquote>– 2024 жылдан бастап барлық қала, кент және елді мекендердегі мәдениет ошақтары жанынан тұрғындар мен жастарды отаншылдық пен мемлекетшілдікке, патриоттыққа тәрбиелейтін түрлі бағыттағы үйірмелерді қамтитын «Адал адам» орталықтары құрылып, жұмыс жасауда.</blockquote>Тұжырымдаманың жеті бағыты бойынша үйірмелерге 1722 азамат қатысуда. Дегенмен, бұл көрсеткіш өте аз және орталықтың жұмысы жұртшылық арасында көп насихатталмайды, – деген аудан басшысы орталықтардың саны мен сапасын арттыру бағытында атқарылып жатқан жұмыстарға қанықты.Саладағы құрылыс жұмыстарын да назарға алған аудан әкімі Аманөткел ауылдық мәдениет үйі мен Руханият орталығының құрылыс жұмыстары сапалы әрі мерзімінде жүргізу және ауылдық клубтарды оңтайландыру жөнінде жауапты сала басшыларына тапсырма жүктеді.Жиын барысында Наурыз мерекесіне дайындық барысын бір пысықтап өткен аудан әкімі Аманжол Сақыпұлы ауданда күзгі мерзімде әскерге шақыру жұмыстарына тоқталды.Бұл мәселе бойынша аудандық қорғаныс істері жөніндегі бөлімінің бастығы Серік Саянов хабарлама жасады.Өткен жылдың күз мезгілінде әскерге барушылардың саны күрт төмендеп кеткен. Бұл мәселеге қатысты ауылдық округтер уақытылы жұмыс атқарғанмен нәтиже мардымсыз күйде қалып отыр.Жастардың әскери салаға деген құлшыныстарын арттыру, ел мен жерге деген сүйіспеншілігін ояту мақсатында жүйелі жұмыстар атқару керектігін аудан әкімі тиісті бөлімдерге міндеттеді. Сонымен қатар бұл жұмыстарға аудандық полиция бөлімі, аудандық қорғаныс істері жөніндегі бөлімі мен қала, кент және ауылдық округ әкімдері де атсалысу керектігін атап өтті.<img src="https://knadmin.beoblood.kz/uploads/Aral_audany_m_zhilis_otyrysyy_e5c040bab5.jpg" alt="Арал ауданы мәжіліс отырысыы.jpg">Фото: Арал ауданы әкімінің баспасөз қызметі

Мәжілісте бірқатар міндеттер нақтыланды

<a href="https://kyzylorda-news.kz/">Kyzylorda-news.kz</a> Шиелі ауданы әкімі Айтбай Жандарбековтың төрағалығымен Креативті индустрияны дамыту және мәдениетпен өнер салаларын цифрландыру туралы мәжіліс отырысы өтті.Мәжілісте цифрландыруды дамыту, жаңа технологияларды енгізу, электронды қызметтерді қолжетімді ету бағыттары талқыланды.Аудан әкімі цифрландыру процесі халық үшін қолайлы орта қалыптастырып, мемлекеттік қызметтерді жылдам әрі тиімді көрсетудің маңызды құралы екенін атап өтіп, бұл бағытта атқарылатын жұмыстарды одан әрі жандандыру қажеттілігін айтты.Цифрландыру бағытындағы жұмыстар жалғасын табады. Тұрғындарымыздың өмірін жеңілдетуге арналған бұл қадамдар ауданымыздың дамуына үлкен үлес қосады.Сонымен қатар,ел қауіпсіздігі мен тыныштығы әрқашан басты назарда болуы керек. Әскер қатарының толық болуы еліміздің қорғаныс қабілетін арттырады. Осыған байланысты, әскерге шақырылған азаматтардың шақыру пункттеріне уақытылы және толық қатысуын қамтамасыз ету қажет. «Жоспардың орындалуы қатаң бақылауда болады, әскерге барудан жалтарған азаматтарды іздестіру және заң бойынша тиісті шаралар қабылдау маңызды» – деп атап өтті аудан әкіміОсы маңызды мәселелермен қатар, Наурыз мейрамын ұйымдастыру, ұлттық дәстүрлер мен мәдениетімізді насихаттау, Әз –Наурыз күні аудан тұрғындарына көңілді күй сыйлау үшін қажетті шараларды ұйымдастыруды тапсырды.Фото: Шиелі ауданы әкімдігінің баспасөз қызметі

Мәдениет пен өнер саласын цифрландыру мәселесі қаралды

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде креативті индустрияны дамыту, мәдениет саласын цифрландыру мәселелері қаралды.Үкімет отырысынан кейін өткен мәжілісте аймақ басшысы Нұрлыбек Нәлібаев Қызылорда қаласы, аудан әкімдері мен жауапты сала басшыларына креативті индустрия субъектілерінің қатысуымен өткізілетін ірі шаралар, жаңа жобалар бойынша нақты ұсыныстар әзірлеуді тапсырды.<blockquote>«Креативті индустрия субъектілеріне талдау жүргізіп, олардың санын арттыру, аудандардағы «Руханият орталықтарында» креативті хаб бұрыштарының жұмысын күшейту керек. Мемлекеттік архивтер мен мемлекеттік мекемелердің «Е-Архив» ақпараттық жүйесіндегі жұмысына ай сайын мониторинг жүргізіңіздер. Мекемелерге электрондық құжаттарды реттеп, архивке тапсыруға дайындау үшін әдістемелік, практикалық көмек көрсетіп, оқыту семинарларын өткізіңіздер», – деді аймақ басшысы.</blockquote>Сондай-ақ облыс әкімі жиында әскер қатарының толығуы еліміздің қауіпсіздігі мен тыныштығының кепілі екенін атап өтіп, әскерге шақырылушылардың шақыру пункттеріне уақытылы және толық келуін қамтамасыз етуді тапсырды. «Жоспардың орындалуы қатаң бақыланып, әскерге барудан жалтарып жүрген азаматтарды іздестіру, заңға сәйкес тиісті шара қабылдау керек»,-деді Нұрлыбек Нәлібаев.Фото: Қызылорда облысының әкімінің баспасөз қызметі

Креативті индустрияны дамыту мәселесі талқыланды

<a href="https://kyzylorda-news.kz/">Kyzylorda-news.kz</a> Наурыз мейрамына орай Қызылорда облысының халыққа қызмет көрсету орталықтарында ерекше мерекелік атмосфера қалыптасты. ХҚКО қызметкерлері келушілерді ұлттық киімде қарсы алып, мерекелік көңіл-күй сыйлады.Қызметкерлер қазақтың дәстүрлі шапаны, камзолы мен сәукелесін киіп, наурыз мерекесінің сәнін келтірді. Сонымен қатар, орталықтарда қазақтың ұлттық музыкасы ойналып, келушілерге наурыз көже ұсынылды. Мұндай шаралардың басты мақсаты – ұлттық мәдениетімізді дәріптеу және халыққа ыңғайлы, жылы орта қалыптастыру.Азаматтар мерекелік безендірілген ХҚКО-ға келіп, мемлекеттік қызметтерін алды. Келушілер бұл бастаманы жылы қабылдап, ерекше ықыласпен қарсы алды.Осындай игі бастамалар халыққа қызмет көрсетудің сапасын арттырумен қатар, ұлттық құндылықтарды жаңғыртуға да өз үлесін қосады.Фото: Нұрболат Нұржаубай

ХҚКО қызметкерлері Наурыз мерекесінде ұлттық киімде қызмет көрсетті

<a href="https://kyzylorda-news.kz/">Kyzylorda-news.kz</a>&nbsp; Жиынға «АMANAT» партиясының қалалық филиалының Төрағасы Ибадулла Құттықожаев, Саяси кеңес Бюросы, Саяси кеңес мүшелері, фракция мүшелері, БПҰ делегаттары, жастар өкілдері қатысты.Күн тәртібінде Қосшыңырау ауылдық округінде өтетін ауыл әкімін сайлауға үміткер ұсыну мәселесі қаралды.Партияның Қызылорда қалалық филиалының атынан аталмыш сайлауға үміткер ретінде кандидаттар ұсынылып, нәтижесінде &nbsp;Санақ комиссиясының қортындысымен белсенді партия мүшесі, Сейдуали Әбдіқадіровтың кандидатурасы ұсынылды.

Қалалық филиалдың кезектен тыс XXXVI конференциясы өтті

<a href="https://kyzylorda-news.kz/">Kyzylorda-news.kz</a> Сыбайлас жемқорлыққа қарсы қызметінің Қызылорда облысы бойынша департаментінің ұйымдастыруымен сыбайлас жемқорлыққа қарсы күрес және жаңа бизнес идеяларды қолдау гранттарын табыстау барысында алаяқтықтың алдын алу мақсатында кездесу өтті.Мақсат – қайтарымсыз гранттарын алу барысында туындайтын алаяқтық әрекеттердің алдын алу туралы түсіндірме жұмыстарын жүргізу және оның алдын алу бойынша тиімді шараларды қабылдау, сондай-ақ құқық қорғау органдары мен қоғам арасындағы ынтымақтастықты нығайту.&nbsp;Шараға өңірлік Антикор басшысының бірінші орынбасары, Полиция департаментінің, Қызылорда облысының жұмыспен қамтуды үйлестіру және бағдарламалар басқармасы, аудандық басқармалар, қоғамдық ұйымдар, облыстық кәсіпкерлік палатасы және азаматтық қоғам өкілдері қатысады.&nbsp;Кездесу барысында сыбайлас жемқорлыққа қарсы жаңашылдықтар, гранттарды алу барысында алаяқтық жағдайлары, оның салдары және алдын алу шаралары талқыланады.&nbsp;Құқық қорғау органы алаяқтықтың белгілерін анықтау, азаматтарды қорғау және құқық бұзушыларды жауапкершілікке тарту бойынша ұсыныстар берді.&nbsp;Жемқорлыққа қарсы іс-қимыл мәселелері бойынша тегін консультациялар алу үшін, сондай-ақ белгілі болған сыбайлас жемқорлық құқық бұзушылық фактілері туралы хабарлау үшін 1424 колл-орталығына хабарласу мүмкіндігі туралы ақпарат берілді.

Қызылорда облысында грант беру кезінде алаяқтықтың алдын алу шаралары талқыланды

<a href="https://kyzylorda-news.kz/">Kyzylorda-news.kz</a> «Креативті индустрия экономикамызды өркендетуге тың серпін беретініне сенемін», –&nbsp;Қазақстан Республикасының Президенті Қасым-Жомарт Тоқаев.Креативті индустрияны дамыту – мемлекеттік саясаттың басым бағыттарының бірі және бұл сала Мемлекет басшысының ерекше назарында. Экономиканың бұл стратегиялық маңызды секторы 2029 жылға дейінгі Ұлттық даму жоспарына енгізілген. Негізгі мақсат – саланы қолдауға арналған заңнамалық және институционалдық шараларға, инфрақұрылымды дамытуға, қазақстандық креативті өнімдердің импортын арттыруға бағытталған.Биыл Мемлекет басшысы «Креативті индустрияларды дамыту туралы» Заңға қол қойды. Бұл құжат креативті саланы дамыту бойынша уәкілетті мемлекеттік орган мен жергілікті атқарушы органдардың құзыретін арттыруды қарастырады. Оның мақсаты – креативті индустрия өкілдерінің дамуына жағдай жасау.Креативті экономиканы дамыту мақсатында Қазақстан Республикасы Мәдениет және ақпарат министрлігі арнайы шаралар пакетін әзірледі.<img src="https://knadmin.beoblood.kz/uploads/11_9201c48355.webp" alt="11.webp">Биыл Үкімет жанынан&nbsp;Креативті индустрияларды дамыту қоры&nbsp;құрылмақ. Қордың негізгі міндеті – дарынды азаматтарды табу және қолдау, жобалар мен инфрақұрылымды дамыту, сондай-ақ қазақстандық креативті өнімдер мен қызметтердің экспортын алға жылжыту.&nbsp;Қор халықаралық нарыққа&nbsp; шығаруға арналған креативті жобаларды дамыту үшін, түрлі қаржылық және қаржылық емес қолдау шараларын конкурс негізінде әзірлеп, іске асыратын болады.Бұдан бөлек, Мемлекет басшысы Бюджет кодексіне қол қойды. Кодекс аясында&nbsp;ұлттық лотерея операторы сатқан лотерея билеттерінің 3%-ын креативті индустрияны дамытуға бөлу&nbsp;қарастырылған.Сонымен қатар, Мәдениет және ақпарат министрлігі «Креативті индустрияға мемлекеттік қолдау көрсету және ынталандыру қағидаларын бекіту туралы» нормативтік-құқықтық актінің жобасын әзірледі. Бұл құжат креативті индустрия субъектілеріне қаржылық және қаржылық емес қолдау шараларын қарастырады.Сонымен қатар&nbsp;«e-Creative» деп аталатын креативті индустрия өкілдерінің бірыңғай реестрі құрылмақ. Бұл онлайн-платформа қажетті мамандарды жылдам табуға, креативті индустрия субъектілерінің артуын қадағалауға, сондай-ақ отандық креативті өнімдер мен қызметтерді дамытуға арналған бизнес-процестерді автоматтандыруға мүмкіндік береді.<img src="https://knadmin.beoblood.kz/uploads/22_a5dc5ce589.webp" alt="22.webp">Сондай-ақ, креаторлар үшін нетворкинг және тәжірибе алмасу мақсатында 6 өңірде акселерациялық бағдарлама өткізу жоспарланған.Креативті индустрияны дамытудың басты бағыттардың бірі – креаторларға арналған инфрақұрылым құру. Президент тапсырмасына сәйкес, Қазақстанның ірі қалаларында&nbsp;креативті хабтар&nbsp;жүйелі түрде ашылып жатыр. Қазіргі уақытта Астана, Алматы, Түркістан, Шымкент, Атырау, Қызылорда, Петропавл, Ақтөбе, Семей, Өскемен, Ақтау және Жезқазған қалаларында&nbsp;12 хаб&nbsp;жұмыс істеп тұр. 2025 жылы тағы 8 хаб ашу жоспарланған.Креативті өнімдер мен қызметтер – ерекше, жаңашыл әрі адамның құнды еңбегінің жемісі. Мемлекеттің басты міндеті – зияткерлік меншікті қорғау және оның қауіпсіздігін қамтамасыз ету. Осы бағытта Дүниежүзілік зияткерлік меншік ұйымымен (ДЗМҰ) тығыз әріптестік орнатылды: оқыту семинарлары мен тренингтер өткізіліп тұрады. Сонымен қатар, ДЗМҰ, ҚР Сыртқы істер министрлігі және Әділет министрлігімен бірлесіп, отандық креативті сала өкілдеріне арналған білім беру платформасын іске қосу жоспарлануда.<img src="https://knadmin.beoblood.kz/uploads/44_9210f3ab62.webp" alt="44.webp">Креативті тауарлар мен қызметтерді коммерциялауды қолдау мақсатында оларды&nbsp;Қазақстандағы белгілі бір банкке тиесілі маркетплейсте орналастыру туралы келісім жасалды.2024 жылы Қазақстандағы креативті индустрия саласы бойынша айтарлықтай жетістіктер болды.&nbsp; Атап айтсақ, ел Global Innovation Index-2024 халықаралық рейтингінде «Креативті тауарлар мен қызметтер» көрсеткіші бойынша&nbsp;93-орыннан 65-орынға&nbsp;көтерілді. Бұндай серпінді өзгеріс жүйелі жұмыстар мен мемлекеттік қолдаудың нәтижесінде жүзеге асты.Министрліктің алғашқы міндеттерінің бірі – креативті сала өкілдерін көлеңкелі экономикадан шығару болды. Осы мақсатта 40 түрлі креативті қызмет арнайы салық режиміне енгізілді.&nbsp;Бұл бизнес барлық салық түрлерінен (КТС, ЖТС, ҚҚС) босатылып, оған бірыңғай салық төлеуге мүмкіндік берді. Атап айтсақ, жеке кәсіпкерлер (ЖК) 2-4%, жауапкершілігі шектеулі серіктестіктер (ЖШС) 8% мөлшерде салық төлейді.Нәтижесінде, салық жеңілдіктерінің арқасында креативті индустрия саласында жұмыспен қамтылғандар саны мен тіркелген субъектілер саны&nbsp;15%-ға артты, яғни 6 мыңға көбейді.&nbsp;Бүгінгі таңда бұл салада&nbsp;45 597 субъект жұмыс істейді, онда 135 мың адам еңбек етеді.2024 жылы Алматы облысында Energo University негізінде Қазақстандағы&nbsp;алғашқы Креативті индустриялар паркі&nbsp;және Астанада Бибігүл Төлегенова атындағы алғашқы креативті мектеп ашылды.Зияткерлік және шығармашылық ресурстарды қолдау мен оларды коммерцияландыру ұлттық стратегияның ажырамас бөлігіне айналды. Болашақта креативті индустрия экономикалық дамудың негізгі қозғаушы күшіне айналуы мүмкін. Бұл сала жаңа жұмыс орындарының ашылуына, инновациялардың дамуына, мәдени әралуандыққа, әлеуметтік инклюзияға және тұрақты дамуға ықпал етеді.Қазақстандық креаторлардың жетістігі ел имиджіне оң әсерін тигізеді. Бұл&nbsp; саладағы танымал есімдер мемлекеттің жаһандық деңгейде танылуына ықпал етеді. Мысалы, Димаш Құдайберген, Иманбек Зейкенов (DJ Imanbek), режиссерлер Тимур Бекмамбетов, Айсұлтан Сейітов, Әділхан Ержанов, суретшілер Қанат Нұртазин, Ескендір Өтепбаев, Сәуле Сүлейменова сынды есімдерді атауға болады. Олар – әлемдік деңгейде өз өнерімен танымал болған қазақстандық креативті индустрияның жарқын өкілдері.ҚР Мәдениет және ақпарат министрлігінің баспасөз қызметі

Қазақстан және Қызылорда облысының жаңалықтары: Қоғам