&nbsp;<a href="https://kyzylorda-news.kz/">Kyzylorda-news.kz</a> 2025 жылдың 08 сәуір күнінен бастап Сабалақ аумағына кіреберіс жолға жол жөндеу жұмыстары жүргізілуіне орай, жол қозғалысы уақытша шектелетіндігін хабарлаймыз.<img src="https://knadmin.beoblood.kz/uploads/2_2c110c5cc1.jpg" alt="2.jpg">Фото: Нұрболат Нұржаубай

Сабалаққа кіреберіс жол жөнделеді 

<a href="https://kyzylorda-news.kz/">Kyzylorda-news.kz</a> Ғылым және жоғары білім министрлігі 2025 жылы қандай мамандықтарға грант басымдықпен бөлінетінін мәлімдеді. Осы тақырып аясында <a href="https://baq.kz/2025-zhyly-qay-mamandyqqa-grant-kop-bolinedi-ministrlik-zhauap-berdi-200011113/">BAQ.KZ</a> тілшісі ведомствоға ресми сауал жолдап, жауап алды.Кадрларды даярлауға арналған мемлекеттік білім беру тапсырысы Қазақстан Республикасы Еңбек және халықты әлеуметтік қорғау министрлігінің ел экономикасының салаларына қажетті кадрларға қатысты орта мерзімді болжамы негізінде қалыптастырылады.Министрлік мәліметінше, Еңбек министрлігі сұранысқа ие және тапшылық байқалатын мамандықтар бойынша талдау жүргізіп, ел мен өңірлердің әлеуметтік-экономикалық даму көрсеткіштерін ескере отырып, еңбек ресурстарына деген сұранысты бағалайды.Сондай-ақ, мемлекеттік бағдарлама көрсеткіштері, салалардағы экономикалық үрдістер мен "Атамекен" Ұлттық кәсіпкерлер палатасының ұсыныстары да ескеріледі.<blockquote>2025 жылы мемлекеттік білім гранттарын бөлу кезінде инженерлік, өңдеу және құрылыс салаларына, педагогикалық және жаратылыстану ғылымдарына ерекше басымдық берілмек. Жаңа үлестірімге сәйкес, техникалық мамандықтарға бөлінетін грант үлесі 60 пайызға дейін артпақ. Ал гуманитарлық сала – 28%, медицина– 8%, шығармашылық мамандықтар – 4% деңгейінде қалады, - делінген министрліктің берген жауабында.</blockquote>Фото: Нұрболат Нұржаубай

Биыл қай мамандыққа грант көп бөлінеді – министрлік жауап берді

<a href="https://kyzylorda-news.kz/">Kyzylorda-news.kz</a> Бүгін Қызылорда облысының солтүстігінде қатты жаңбыр жауып, найзағай ойнап, дауыл болады, – деп хабарлайды <a href="https://www.facebook.com/share/p/15zBbGkjSW/">Өңірлік коммуникациялар қызметі</a>.Жел оңтүстік-шығыстан батысқа ауысып соғады, түнде облыстың орталығында күші 15-20 м/с, күндіз 15-20, облыстың орталығында 25 м/с күтіледі.Ал түнде найзағай, дауыл күтіледі. Жел оңтүстік-шығыстан батысқа ауысып соғады, күші 15-20, күндіз екпіні 23 м/с.Фото: freepik.com

Ауа райына байланысты ескерту жарияланды

<a href="https://kyzylorda-news.kz/">Kyzylorda-news.kz</a> Сырдария ауданы орталығында және елді мекендерде «Таза Қазақстан» экологиялық акциясы аясында сенбілік өтті. Тазалық жұмыстарына аудандағы меншік түріне қарамастан барлық мекеме атсалысты.Сенбілік барысында әрбір мекеме қызметкерлері өздеріне бекітілген көше бойына көркейту-көгалдындыру жұмыстарын жүргізіп, аулаларды қоқыстан тазалады. Алдағы уақытта да сенбілік жұмыстары жалғасын табатын болады.<img src="https://knadmin.beoblood.kz/uploads/Syrdariya_senbilik_2_e8cd60dcba.jpg" alt="Сырдария сенбілік 2.jpg">Фото: Сырдария ауданы әкімінің баспасөз қызметі

"Таза Қазақстан" экологиялық акциясы аясында сенбілік жұмыстары жүргізілді

<a href="https://kyzylorda-news.kz/">Kyzylorda-news.kz</a>&nbsp; &nbsp;Әлеуметтік желіде Magnum желісінің курьерінің жұмыстан қуылуы қызу талқыға түсті. Дау курьер қазақ тілінде сөйлеуді талап етуінен басталған. Ал кейін компания басшылығы оны жұмыстан шеттеткен. Бұл туралы <a href="https://stan.kz/">Stan.kz</a> ақпарат агенттігі хабарлайды.&nbsp;<img src="https://knadmin.beoblood.kz/uploads/1_1c7f1f8750.webp" alt="1.webp">Желі қолданушысы Magnum-нан азық-түлік тапсырыс бергенін жазған. Сөзінше, тауарды жеткізген курьер одан қазақ тілінде сөйлеуін талап еткен.<blockquote>"Бүгін жеткізу қызметі арқылы Магнумнан азық-түлікке тапсырыс бердім. Барлығы әдеттегідей жүріп жатты: таңдадым, төледім, күтіп отырмын. Курьер келді, есік ашып, амандасып, рахмет айттым. Ал ол "Атың кім?" деп сұрады. "Асылхан" дедім. Тапсырысты тексеріп жатқан шығар дедім. Келесі айтқаны мені ашуландырды: "Қазақша сөйле!". Демек менің үйімде маған қай тілде сөйлеуім керегін айтып отыр ма? Бұл қалыпты жағдай ма? Таңданысымда шек болмады. Сосын бұл жағдай бірінші рет пе әлде мұнымен тағы басқалар да бетпе-бет келді ме деп ойладым. Сіз не істер едіңіз", – деп жазды желі қолданушысы.</blockquote>Кейін компанияның клиенттерді қолдау қызметі желі қолданушысымен байланысқа шығып, тапсырысты жеткізген курьердің жұмыстан шеттетілгенін және компанияға қайта жұмысқа орналаса алмайтынын жеткізген.Аталған жайттан соң әлеуметтік желіде қызу талқы туындап, азаматтар Magnum желісіне бойкот жариялайтынын жарыса жазуда. Ал компанияның өзі курьерді тіл мәселесі үшін емес, клиенттермен бірнеше рет дөреке сөйлескені үшін жұмыстан шығарғанын мәлімдеді.<blockquote>"Әлеуметтік желіде Magnum компаниясы курьерді тіл мәселесі үшін жұмыстан шығарды деген ақпарат тарауда. Алайда бұл шындыққа жанаспайды. Жағдайдың мән-жайы мүлдем басқаша. Курьердің жұмсытан босатылу себебі – клиенттермен бір емес, екі емес, бірнеше дүркін дөрекі сөйлесіп, қызмет көрсету әдебін қайталап бұзуы. Біз оған өз қателігін түзетуге жеткілікті уақыт, мүмкіндік бердік – ескерту жасадық, сынақ мерзіміне ауыстырдық. Алайда, өкінішке қарай, сол уақыт ішінде әдебі өзгермей, тағы да тұтынушымен араздасып қалды. Келеңсіз оқиғалар қайталанды. Артынан шағым түсіп жатыр. Содан кейін, амал жоқ, еңбек шартын бұзуға тура келді", – деп жазды Magnum компаниясының өкілдері әлеуметтік желіде.</blockquote>Сондай-ақ супермаркеттер желісі қызмет көрсету мәдениеті өте маңызды екенін айтып, мәселенің мемлекеттік тілге қатысты болып қабылданғанына өкініш білдіретінін жеткізді.<img src="https://knadmin.beoblood.kz/uploads/2_8b0d38130e.webp" alt="2.webp">Ал журналист Нұрсейіт Жылқышыбай жұмыстан қуылған курьерді өз компаниясына қызметке алуға дайын екенін мәлімдеді.&nbsp;<blockquote>"Қазақстанда қазақ тілінде сөйлейтін адам жұмыссыз қалмауы керек! Қазір қазақтың саны бұрынғыдай емес көп. Magnum-ға бармау акциясын қолдаймын. Қазақ тілі тек қазақтың ғана тілі емес, ол статусы бар МЕМЛЕКЕТТІК ТІЛ. Оны тек қарапайым халық емес, БИЛІКТЕ қолдау керек. Мемлекеттік тілде сөйлегені үшін жұмыстан қуылатын болса қылмыс. Осындай кезде тілім-тілім деп жүретін депутаттар қайда? Magnum басшылығы қоғам алдында бұл сорақылығы үшін жауап беруге&nbsp;тиіс!" – деп жазды ол.</blockquote>Ал желі қолданушылары курьерді қолдап,&nbsp;Magnum желісіне бойкот жариялайтындарын жазуда.&nbsp;<blockquote>"Енді магнумға барған кезде менімен орысша сөйлескен кассир, сатушы, күзетші адамдардың үстінен жазып, жұмыстан шығарамын. Себебі менің жеке құқығымды таптап, менімен қазақша сөйлескен жоқ. Магнумның ресми парақшасы барлық тілді құрметтейміз деді. Ендеше менің қазақ тілімді қоса құрметтесін", "Магнум, сабаңа түс. Қазақстанда болған соң мемлекеттік тілді құрметте. Халықпен бейбітшілік пен келісімде өмір сүр. Дау-дамай үшін жұмыс істеп жатқан жоқсың деп сенемін", - деп жазды желі қолданушылары.&nbsp;Фото: Нұрболат Нұржаубай</blockquote>

Magnum-ға бойкот: Қазақстандықтар қазақ тілінде сөйлеуді талап еткен курьерді жұмыстан шығаруға қарсылықтарын білдірді

<a href="https://kyzylorda-news.kz/">Kyzylorda-news.kz</a> &nbsp;Наурыз айының басында Мәжіліс депутаттары Премьер-министрдің орынбасары Ермек Көшербаевтың атына зейнетақы төлемдерін заңнамадан «кіріс көзі» ретінде алып тастап, зейнеткерлердің қарызын кешіру керектігі туралы сауал жолдаған болатын. Бұл туралы&nbsp;<a href="https://kaz.inform.kz/news/zeynetkerlerdn-nesies-keshrle-me-ukmet-zhauabi-443a27/"> kaz.inform.kz </a>хабарлады.&nbsp;Вице-премьердің жауабында зейнеткерлер де кез келген Қазақстан азаматы сияқты жеке тұлғаның соттан тыс банкроттығы арқылы қарыз проблемасын реттей алатыны және аталған тетікті жетілдіретін жаңа нормалар әзірленіп жатқаны айтылған.<blockquote>– Заң бойынша мемлекеттік бюджеттен және Мемлекеттік әлеуметтік сақтандыру қорынан төленетін жәрдемақылар мен әлеуметтік төлемдерді аударуға арналған банк шоттарындағы ақшаны үшінші тұлғалардың өндіріп алуынан мемлекет қорғайды. Зейнетақы аталған төлем түрлеріне жатқызылмаған. Әлеуметтік Кодекстің 203-бабына сәйкес зейнетақыдан ұстап қалу атқарушылық іс жүргізу тәртібімен жүргізілуі мүмкін. Бірақ зейнетақыдан ұстап қалу төлемі 50 пайыздан аспау керек, – деп түсіндіреді Ермек Көшербаев.</blockquote>Депутаттардың ұсынысын Ұлттық банктегілер де қолдамаса керек.<blockquote>– Ұлттық банктің ұстанымы бойынша, егер зейнетақы төлемдерін үшінші тұлғалардың өндіріп алуынан толық қорғау енгізілсе, онда зейнеткерлерге берілетін несиелердің қайтарылуын қамтамасыз етуі қиынға соғуы ықтимал. Осылайша банктер өз кезегінде аталған санаттағы азаматтарға несие беруді қатаңдатуы немесе оны тоқтатуды қарастыруы мүмкін. Бұл осы банк өнімін пайдаланатын зейнеткерлер арасында келіспеушілік туғызады. Жекелеген санаттағы азаматтардың қарызын кешіру барлық қарыз алушылардың, оның ішінде төлеу қабілеті бар азаматтардың арасында масылдықтың өсуіне және кредиттік тәртібіне теріс әсер етіп, өз кезегінде қаржы нарығы үшін жүйелі тәуекелдердің пайда болуына әкеп соғуы мүмкін, – деп жазылған жауапта.</blockquote>Фото: Pixabay.com&nbsp;

Зейнеткерлердің несиесі кешіріле ме – Үкімет жауабы   

<a href="https://kyzylorda-news.kz/">Kyzylorda-news.kz</a> &nbsp;TikTok-тың бас компаниясы ByteDance Еуропа қолданушыларының жеке деректерін Қытайға заңсыз жібергені үшін 500 млн еуродан астам айыппұлға <a href="https://kaz.inform.kz/news/tiktok-ka-500-mln-euro-ayippul-salinui-mumkn-8f021b/">тартылуы мүмкін</a>.Бұл туралы Euronews Next хабарлады.Ирландияның Деректерді қорғау комиссиясының (DPC) ақпаратына сүйенсек, аталған айыппұл Еуроодақтың Жалпы деректерді қорғау ережесін (GDPR) бұзу фактілері анықталған тергеудің нәтижесінде салынбақ. Тергеу барысында TikTok-тың инженерлері еуропалық қолданушылардың деректерін Қытайда өңдегені белгілі болды.TikTok-тың Еуропадағы негізгі реттеушісі саналатын Ирландияның DPC бұл айыппұлды сәуір айының соңына дейін ресми түрде жариялауы мүмкін. Компания бұл шешімге Ирландия сотында шағымдануға құқылы.Bloomberg агенттігінің мәліметінше, бұл сома Ирландияның деректерді қорғау органы салған ең ірі айыппұлдарының бірі болуы мүмкін. Бұған дейін Amazon компаниясына 2021 жылы 746 миллион еуро, ал Meta компаниясына 2023 жылы 1,2 миллиард еуро айыппұл салынған болатын.Айыппұл TikTok-тың АҚШ-тағы қызметін 2025 жылғы 5 сәуірге дейін сату немесе ел аумағынан кету міндетіне қатысты талқылаулармен қатар келіп отыр. Егер сату келісімі жүзеге аспаса, компанияға АҚШ аумағында тыйым салынуы мүмкін.Euronews Next түсініктеме алу үшін TikTok компаниясы мен Ирландияның DPC-іне жүгінген. Алайда Ирландия тарапынан бұл мәселе бойынша әзірге пікір берілмеді.Бұған дейін АҚШ президенті Дональд Трамп 26 наурыз күні ByteDance компаниясымен TikTok-ты сату туралы келісімге келу үшін Қытайға қарсы енгізілген қосымша баж салығын төмендетуге дайын екенін мәлімдеді.&nbsp;Фото: freepik.com

TikTok-қа 500 млн еуро айыппұл салынуы мүмкін

<a href="https://kyzylorda-news.kz/">Kyzylorda-news.kz</a> Биыл жыл соңына дейін Қазалы ауданы бойынша жақсы және қанағаттандырарлық жағдайдағы жолдардың үлесін 92 пайызға жеткізу жоспарланып отыр. Осыған сәйкес, бүгінде аудан аумағындағы жоспарланған жол жөндеу жұмыстарының бірқатары басталып кетті. Соның бірі – Әлсейіт көпірі мен Бекарыстан би елді мекенінің аралығындағы 6,5 шақырымды құрайтын жолға күрделі жөндеу жұмыстары.Қазалы ауданының әкімі Мейрамбек Шермағанбет елді мекенге арнайы барып, аудандық маңыздағы жол құрылысы жұмыстарын көрді. Сондай-ақ мердігер мекеме «Қазалы Жолшы» жауапкершілігі шектеулі серіктестігінің жауапты өкілімен кездесіп, жолдың бекітілген стандартқа сай сапалы болуын қадағалауды қатаң ескертті. Сонымен қатар, жол құрылысы өз мерзімінде аяқталу керектігін айтып, тиісті сала басшысына жол сапасын күнделікті бақылауды тапсырды.Аудан әкімі бұдан кейін, «Қожабақы-Бекарыстан би 25 км» аудандық маңыздағы автомобиль жолының бойында орналасқан темірбетон көпірді көрді. 1978 жылы салынған «Еңбекарық» деп аталып кеткен темірбетонды көпірдің бүгінде бағаналары жарылып, сынған. Бұл көпір арқылы Сырдария өзенінің сол жағалауында орналасқан елді мекен тұрғындары аудан орталығына қатынап, Бекарыстан би, Түктібаев, Майдакөл ауылдарының тұрғындары ауыл шаруашылық өнімдері мен мал азығын тасымалдайды.Осыған орай, аудан әкімі аудандық тұрғын-үй коммуналдық шаруашылығы және автомобиль жолдары бөлімі басшысының міндетін атқарушы Жасұлан Сыдықовқа темірбетон көпіріне қайта жаңғырту жұмыстарын жүргізу үшін жоба-сметалық құжаттарын тезірек әзірлеуді тапсырды.<img src="https://knadmin.beoblood.kz/uploads/azaly_zhol_zh_ndeu_zh_mystary_2_bb8e41c61e.jpg" alt="Қазалы жол жөндеу жұмыстары 2.jpg">Фото: Қазалы ауданы әкімінің баспасөз қызметі

Жол жөндеу жұмыстары бастау алды

<a href="https://kyzylorda-news.kz/">Kyzylorda-news.kz</a> Сырдария ауданы әкімінің орынбасары Димаш Байдушев пен аудандық емхана бас дәрігерінің міндетін атқарушы Жанар Жұмабаева ауданымыздағы Ұлы Отан соғысының ардагері Яхия Тасыровтың шаңырағына арнайы барды. Майдангерге жылы лебізін білдіріп, елге сіңірген ерен еңбегі үшін алғыс айтып, сый-сияпат табысталды.Аудандық дәрігерлер тарапынан батыр атамыздың денсаулығын кезекті тексеру жұмыстары жүргізілді. Ардагер өзінің денсаулығы бойынша еш шағымы жоқ екенін жеткізді. Өз кезегінде аудандық емхана бас дәрігерінің міндетін атқарушы Жанар Жұмабаева ардагер тегін дәрі-дәрмекпен қамтылып, сауықтыру шаралары тұрақтытүрде жүргізілетінін атап өтті.Ауданда Ұлы Отан соғысының ардагері Яхия Тасыровқа үнемі қолдау көрсетіліп, денсаулық жағдайын бақылау, жақсарту бағытында жұмыстар жүргізіліп келеді.<img src="https://knadmin.beoblood.kz/uploads/Ardagerge_rmet_435c84b30a.jpg" alt="Ардагерге құрмет.jpg">Фото: Сырдария ауданы әкімінің баспасөз қызметі

Ұлы Отан соғысы ардагеріне құрмет көрсетті

<a href="https://kyzylorda-news.kz/">Kyzylorda-news.kz</a> TikTok-тың бас компаниясы ByteDance Еуропа қолданушыларының жеке деректерін Қытайға заңсыз жібергені үшін 500 млн еуродан астам айыппұлға тартылуы мүмкін. Бұл туралы <a href="https://kaz.inform.kz/news/tiktok-ka-500-mln-euro-ayippul-salinui-mumkn-8f021b/">ҚазАқпарат</a> хабарлады.Ирландияның Деректерді қорғау комиссиясының (DPC) ақпаратына сүйенсек, аталған айыппұл Еуроодақтың Жалпы деректерді қорғау ережесін (GDPR) бұзу фактілері анықталған тергеудің нәтижесінде салынбақ. Тергеу барысында TikTok-тың инженерлері еуропалық қолданушылардың деректерін Қытайда өңдегені белгілі болды.TikTok-тың Еуропадағы негізгі реттеушісі саналатын Ирландияның DPC бұл айыппұлды сәуір айының соңына дейін ресми түрде жариялауы мүмкін. Компания бұл шешімге Ирландия сотында шағымдануға құқылы.Bloomberg агенттігінің мәліметінше, бұл сома Ирландияның деректерді қорғау органы салған ең ірі айыппұлдарының бірі болуы мүмкін. Бұған дейін Amazon компаниясына 2021 жылы 746 миллион еуро, ал Meta компаниясына 2023 жылы 1,2 миллиард еуро айыппұл салынған болатын.Айыппұл TikTok-тың АҚШ-тағы қызметін 2025 жылғы 5 сәуірге дейін сату немесе ел аумағынан кету міндетіне қатысты талқылаулармен қатар келіп отыр. Егер сату келісімі жүзеге аспаса, компанияға АҚШ аумағында тыйым салынуы мүмкін.Euronews Next түсініктеме алу үшін TikTok компаниясы мен Ирландияның DPC-іне жүгінген. Алайда Ирландия тарапынан бұл мәселе бойынша әзірге пікір берілмеді.Фото: Нұрболат Нұржаубай

<a href="https://kyzylorda-news.kz/">Kyzylorda-news.kz</a> Қазақстанда жаңа айыппұл күшіне енді. Бұл туралы Stan.kz ақпарат агенттігі хабарлайды.Бұл туралы cауда және интеграция министрлігі&nbsp;мәлімдеді. 13 наурызда Қазақстанда әкімшілік құқық бұзушылықтар туралы кодекске әлеуметтік маңызы бар азық-түлік тауарларының&nbsp;сауда үстемесін асыра пайдалану мәселелері бойынша өзгерістер енгізілді.&nbsp;<blockquote>"Негізгі өзгеріс алғашқы құқық бұзушылық үшін қолданылатын санкцияның ауысуына қатысты: ескерту орнына енді бірден айыппұл салынатын болады. Бұл дегеніміз, әлеуметтік маңызы бар азық-түлік тауарларының&nbsp;үстемесі 15 пайыздан асқан жағдайда, кәсіпкерлер бұрынғыдай ескерту алмай, бірден айыппұл арқалайтын болады", — делінген сауда министрлігінің хабарламасында.</blockquote>Бұрын алғашқы құқық бұзушылық кезінде кәсіпкер тек ескерту алатын, ал айыппұл&nbsp;тек қайталанған құқық бұзушылық үшін қолданылатын. 13 наурыздан бастап енгізілген өзгерістерге сәйкес, алғашқы құқық бұзушылық үшін де жауапкершілік қатаңдатылды.&nbsp;<ul><li style="text-align:justify;">- жеке кәсіпкерлер мен шағын бизнес үшін – 5 АЕК (2025 жылы 19 660 теңге);</li><li style="text-align:justify;">- орта бизнес үшін – 35 АЕК (2025 жылы 137 620 теңге);</li><li style="text-align:justify;">- ірі сауда желілері үшін – 150 АЕК (2025 жылы 589 800 теңге).</li></ul>Бір жыл ішінде қайталанған құқық бұзушылықтар үшін&nbsp;айыппұлдар екі есеге артады.Сауда министрлігінің мәліметінше, енгізілген өзгеріс бірінші қажеттілік өнімдерінің&nbsp;баға тұрақтылығын қамтамасыз етуге және негізсіз бағаның өсу тәуекелдерін азайтуға бағытталған.Министрлік сауда орындарына бақылауды күшейтетінін мәлімдеді.<blockquote>"Өткен аптада нан, макарон, күріш, күнбағыс майы, айран және тұз сияқты тауарлар бойынша баға тұрақты болды. Ал сиыр еті, қырыққабат және картоп сияқты тауарларда аздаған баға өсуі байқалды. Көкөніс тобындағы бағаның өсуі маусымдық факторға және коммуналдық қызметтер тарифтерінің қымбаттауына, сондай-ақ&nbsp;сақтау шығындарымен байланысты", — делінген сауда министрлігінің хабарламасында.</blockquote>Фото: freepik.com

Қазақстанда жаңа айыппұл күшіне енді

<a href="https://kyzylorda-news.kz/">Kyzylorda-news.kz</a> Қызылорда облысында көктемгі дала жұмыстарын қаржыландыруға 40 млрд теңге жұмсалады, – <a href="https://kaz.inform.kz/news/kizilordada-su-unemdeu-arkili-kursh-onmdlg-30-ga-koterld-5a8f01/">Қазақпарат.</a>Аймақта «ақ егіс» әлдақашан басталып кетті. Осы күнге дейін жоспарланған жоңышқа егістігінің 42%-ы, мақсарының 38%-ы, бидайдың 77%-ы, арпаның 25%-ы, және қант құмайы егістігінің 9%-ы егілді. Ал сәуір айының үшінші онкүндігінде күріш егу жұмысы басталады.<blockquote>– Диқандар соңғы 10 жылдан бері 55 мың гектар күріш атызына лазерлік тегістеу жұмыстарын жүргізді. Осылайша суды үнемдеу арқылы өнімділік көрсеткішін 30%-ға дейін көтеруге болатынын дәлелдеді. Биыл оны 60 мың гектарға жеткізу жоспарланып отыр, - деді облыстық ауыл шаруашылығы және жер қатынастары басқармасының басшысы Талғат Дүйсебаев.&nbsp;</blockquote>Басқарма басшысының айтуынша, ертең Өзбекстанда өтетін мемлекетаралық су шаруашылығын үйлестіру комиссиясының кезекті отырысында вегетация кезеңіне су лимиті белгіленеді. Егіс көлемі соған қарай нақтыланады.Фото: Нұрболат Нұржаубай

Қазақстан және Қызылорда облысының жаңалықтары: Қоғам

Сабалаққа кіреберіс жол жөнделеді

Биыл қай мамандыққа грант көп бөлінеді – министрлік жауап берді

Ауа райына байланысты ескерту жарияланды

"Таза Қазақстан" экологиялық акциясы аясында сенбілік жұмыстары жүргізілді

Magnum-ға бойкот: Қазақстандықтар қазақ тілінде сөйлеуді талап еткен курьерді жұмыстан шығаруға қарсылықтарын білдірді

Зейнеткерлердің несиесі кешіріле ме – Үкімет жауабы

TikTok-қа 500 млн еуро айыппұл салынуы мүмкін

Жол жөндеу жұмыстары бастау алды

Ұлы Отан соғысы ардагеріне құрмет көрсетті

TikTok-қа 500 млн еуро айыппұл салынуы мүмкін

Қазақстанда жаңа айыппұл күшіне енді

Қызылордада су үнемдеу арқылы күріш өнімділігі 30%-ға көтерілді