<a href="https://kyzylorda-news.kz/">Kyzylorda-news.kz</a> ақпараттық агенттігінің 16 қарашаға арналған жұлдыз-жорамалы.
Тоқты
Сіздің тапқырлығыңызға қызыға қарайтындар болады. Ішкі түйсігіңіз алдамайды. Сондықтан оған толық сенім артуға болады. Бүгін өзіңізге қажет емес заттарды сатып, пайда табыңыз.
Торпақ
Барлық қарым-қатынаста өте сәтті күн. Отбасыңызға көңіл бөліңіз. Оларға өз қолыңызбен мерекелік дастархан әзірлеңіз. Сонымен қатар бүгін сумен ем қабылдасаңыз денсаулығыңызды нығайтасыз.
Егіздер
Бүгінгі күн үй ішін ретке келтіріп, жаңа заттар алуға өте ыңғайлы. Әйел адамдар өздерінің сырт келбеттеріне мән беріп, косметикалық ем-домдар жасау қажет. Бүгінгі күн бала тәрбиесімен айналысуға өте ыңғайлы.
Шаян
Айлаңызды асырып, қулығыңызбен жетістікке жетемін деп ойласаңыз қатты қателесесіз. Мұндай да өзгелердің сізге деген көзқарасы өзгеріп, жаныңызға жақын адамдармен сөзге келіп қалуыңыз мүмкін.
Арыстан
Айлық жалақыңыздың өседі деп немесе қызметіңіз жоғарылайды деп ойлап жүрсіз. Бірақ бұл ойыңыз іске аспауы мүмкін. Сондықтан өз ойыңызға алданып, соңынан жүйкеңізді шаршатып алып жүрмеңіз.
Бикеш
Бүгін қабылдаған әрбір шешім дұрысынан болмақ. Жұлдыздар ненің дұрыс, ненің бұрыс екенін сілтеп отыратын болады. Жасаған әрбір ісіңіз алға басып, жұмысыңыз жандана түспек. Әрбір күніңіз өзіңізге сабақ болады.
Таразы
Жұмысқа қатысты келіссөздер жүргізуге ыңғайлы күн. Бүгін сіз кез келген адаммен тіл табысып, оларды өз дегеніңізге көндіре аласыз. Танымдық экскурсияға шығып, айналаңыздағылардан мол ақпарат алуға болады.
Сарышаян
Сіз үшін өте сәтті күн. Бүгін жолыңыз болғалы тұр. Ұтысқа немесе мол мұраға ие боласыз. Жалпы бүгінгі күн өте табысты болмақ. Айтпақшы қолда бар мүлкіңізді сақтандырып қоюды ұмыт қалдырмаңыз.
Мерген
Ата-анаңыздың немесе үлкендердің көмегін аласыз. Олар өздерінің тәжірибесімен бөлісіп, көмек көрсетеді. Жұмыста ұсақ-түйекке мән беріңіз. Құжаттарды ретке келтіріңіз.
Тауешкі
Бүгінгі күн іскерлік басқосуларға ғана емес, сонымен бірге достық кездесулерге, романтикалық кештерге де өте қолайлы. Өз-өзіңізге сенімді болыңыз. Сіздің сұлулығыңызға тең келер ешкім жоқ.
Суқұйғыш
Бүгінгі күн жағымды әсерлерімен есте қалмақ. Жаңа таныстықтар жақсы қарым-қатынасқа ұласады. Ішімдік пен сапасыз азық-түлік пайдаланудан сақтаныңыз. Өйткені сіздің жақсы көңіл-күйіңізді осылар ғана түсіре алады.
Балықтар
Бүгін көп адамдармен сөйлесіп, мол ақпаратқа ие боласыз. Бірақ шынайы ақпаратты ғана алуды ойлаңыз. Бүгін жүрген ортаңыз өтірікке толы. Осыған орай сіз де өз тарапыңыздан өтірік айтуға жол бересіз.

Жұлдыздар не дейді?

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> 21 қарашада «Бірыңғай (Ұлттық) азаматтарды қабылдау күні» жалпыреспубликалық іс-шарасы аясында жергілікті мемлекеттік органдардың басшылары жеке және заңды тұлғалардың өкілдеріне жеке сұрақтары бойынша қабылдау өткізеді.
Мекен-жайы:Облыс әкімдігінің ғимараты, С. Бейбарыс көшесі, № 1
Байланыс номері: 400-200

Қызылордада  азаматтарды бірыңғай қабылдау күні өтеді

<a href="https://kyzylorda-news.kz/">Kyzylorda-news.kz.</a> Қармақшы ауданында Қазақстан Республикасы Президентінің жанындағы Мемлекеттік басқару академиясы Қызылорда облысы бойынша филиалы мен Қармақшы ауданы әкімдігімен бірлескен «Мемлекеттік қызметшілерді жаппай құқықтық оқыту» тақырыбында мемлекеттік қызметшілер арасында семинар ұйымдастырылды.
Семинарды аудан әкімінің орынбасары, Әдеп жөніндегі уәкіл Әділ Қошалақов жүргізді.
Құқықтық оқыту семинарының барысында Қызылорда облысының мемлекеттік сатып алу жөніндегі басқарма басшысының орынбасары Ғ.Едігеевтің, Қызылорда облыстық еңбек саласындағы бақылау басқармасының бөлім басшысы Б.Досымовтың, Қызылорда облысы бойынша адвокаттар алқасының адвокаты Д.Калменовтың, Қазақстан Республикасы Президентінің жанындағы Мемлекеттік басқару академиясы Қызылорда облысы бойынша филиалының аға әдіскері А.Тұрабаеваның баяндамалары тыңдалды.
Семинарда заңдық нормативтік-құқықтық актілердің жай-күйі мәселеріне қатысты хабарламаларға түсіндірме жұмыстары жүргізілді. Семинар соңында қатысушылар күн тәртібіндегі мәселелер бойынша ұсыныстарын білдіріп, сұрақтары қойды.
<img src="https://kyzylorda-news.kz/wp-content/uploads/2019/11/12kukyktanu2.jpg" alt="" />

Қармақшыда мемлекетшілік қызметшілер арасында облыстық семинар өтті

<a href="https://kyzylorda-news.kz/">Kyzylorda-news.kz.</a> Қызылорда қаласында Ұлттық валюта күніне орай&nbsp; көпсалалы&nbsp; «Ұлағат&nbsp; Қызылорда»&nbsp; колледжі мен&nbsp; Александр Пушкин&nbsp; атындағы кітапхананың ұйымдастыруымен&nbsp; колледж студенттері арасында&nbsp; «Ұлттық теңгені қалыптастыру» атты&nbsp; сайыс өтті.
Оған &nbsp;М.Мәметова атындағы&nbsp; Қызылорда гуманитарлық жоғары&nbsp; колледжі, &nbsp;И.Әбдікәрімов атындағы Қызылорда аграрлық техникалық жоғары колледжі, &nbsp;«Болашақ» университетінің жоғары колледжі, &nbsp;&nbsp;«Ақмешіт»&nbsp; колледжі, &nbsp;Қызылорда инженерлік техникалық колледжі және &nbsp;Көпсалалы «Ұлағат Қызылорда» колледжі қатысты.
&nbsp;&nbsp;&nbsp;&nbsp;&nbsp;&nbsp;&nbsp; Сайыс қорытындысымен І орынды М.Мәметова атындағы &nbsp;Қызылорда гуманитарлық жоғары колледжінің білім алушылары жеңіп алды. ІІ орын&nbsp; «Болашақ» университетінің жоғары колледжіне бұйырып, ІІІ орынды И.Әбдікәрімов атындағы Қызылорда аграрлық техникалық жоғары колледжінің&nbsp; студенттері иемденді. &nbsp;
Көпсалалы «Ұлағат Қызылорда» колледжі,&nbsp; Ақмешіт&nbsp; колледжі, Қызылорда инженерлік техникалық колледжі&nbsp; белсене қатысқаны үшін&nbsp; алғыс&nbsp; хатпен марапатталды.

Қызылордада валюта күніне орай  колледж студенттері арасында сайыс өтті

<a href="https://kyzylorda-news.kz/">Kyzylorda-news.kz.</a> Осыдан тура үш жыл бұрын астанада Қазақстанның тұңғыш президенті Нұрсұлтан Назарбаевтың бейнесі басылған мерейтойлық 10 мың теңгелік банкнота таныстырылған болатын. Бұл төл валютамызға басылған портреттік серияның соңғы үлгісі. Сол кезде ұлттық банк купюраны ресми төлем белгісі ретінде жариялады, деп жазады &nbsp;<a href="https://sputniknews.kz/economy/20191115/12040658/Nazarbaev-10-myn.html">Sputnik Қазақстан</a>.
Президенттік купюра
2016 жылы шыққан соңғы портреттік серия Тәуелсіздіктің 25 жылдығына арналған болатын. Содан болар, оған тек Нұрсұлтан Назарбаевтың суреті ғана басылды. Тұңғыш президенттің үлкен бір портреті ақшаның негізгі суреті болса, екіншісі қорғаныш элементі ретінде шеткі ақ жолаққа енгізілді.
Сол кезде ұлттық банк жаңа қағаз ақшаны қолдан жасау мүмкін емес екенін де мәлімдеген. Себебі мамандар “президенттік купюраны” шығарғанда қорғаныштың үздік 10 элементін пайдаланды. 18 миллиметрлік биметалды жіп және тағысын тағы. Ал Назарбаевтың портреті интаглио, яғни, сурет салудың рельефтік әдісімен басылды.
Жаңа ақша 100 мың данамен шықса да, бас кезінде айналымда болды. Бірақ артынан көрінбей кетті. Келесі жылы оны танымал хабарландыру сайттарында сата бастады. Сол кезде 10 000 теңгенің соңғы үлгісі үшін 15 000 теңге, тіпті 55 000 теңге сұрағандар да болған. Ал Алматының бір тұрғыны 8 купюраны 160 000 теңгеге сатты.
Мерейтойлық ақшаны қаншаға сатуға болады?
Астаналық Аида Қалқаманқызы да “Назарбаевтың купюрасын” сақтап қойған. Бірақ әзірше сатуды жоспарлап отырған жоқ.
<blockquote>
 “Мен өзім кассир болып жұмыс істеймін. Екі жарым жыл бұрын бір клиент Назарбаевтың суреті бар 10 000 теңгелікті алып келген. Сол кезде алып қалдым. Қазір үйде жатыр. Негізі, оны бір нәрсені сатып алу үшін пайдалануға болады. Бірақ ол купюра соңғы кезде көрінбей кетті. Бәрі сақтап жүрген шығар. Мен де сақтаймын, артынан сатып жіберетін шығармын”, – дейді Қалқаманқызы.
</blockquote>
Интернетте “президенттік купюраны” сату туралы жарнамалар әлі де көп. Бірақ үш жылдың ішінде оның бағасы 70 000 теңгеге дейін өскен. Ал 1993 жылғы Әл-Фараби, Сүйінбай, Абай мен Шоқандардың сериясын 2000-5000 теңгеге сатып алуға болады. Нумизмат Нұрсейіт Құрмановтың айтуынша, қағаз ақшаның құны көп өспейді. Номиналдан сәл жоғары болады.
<blockquote>
 “Менде ол купюраның бір данасы бар. Номиналдың бағасы өз құнымен есептеледі ғой. Уақыт өте келе, коллекциялық бағасы өседі. Қазір аукциондарда оның бағасы аса кымбат емес, 12 000-14 000 теңгенің айналасында. Ал шетелдік аукциондарда 20 000-30 000 теңгеге баратын шығар. Енді, бүгінде ол ақша ресми төлем белгісі болып саналса да, 100 000 дананың бәрін коллекция жинаушылар мен қарапайым адамдар сақтап отыр ғой”, – деді Құрманов.
</blockquote>
Портреттік серияны жалғастыруға бола ма?
Ұлттық валютамыздың алғашқы портреттік сериясын жасаған дизайнерлердің бірі – Меңдібай Алин ақшаға адамның бейнесін басу оңай шаруа емес деп отыр. Осы орайда ол алғашқы тәжірибесін еске алды.&nbsp;
<blockquote>
 “Ол кезде оңай болған жоқ. Үкіметтің құрамы да басқаша болды ғой. Содан валютаға Семенов-Тянь-Шанский, Потанин сынды тұлғаларды да бассын деген талаптар қойылды. Бірақ біз Сүйінбай, Құрманғазы, Әбілқайыр, Абылай хан, Абай мен Шоқан Уәлихановтардың сериясын қорғап шықтық. Енді, ол жұмыстың драмасы көп болды. Негізі, Атилладан бастап Күләш Байсейітоваға дейінгі серия жасалған”, – дейді Алин.
</blockquote>
Оның сөзіне қарағанда, портреттік серияны жалғастыру үшін техникалық жұмыстардан бұрын саяси шешім керек. Одан кейін барлық ұсынысты қоғам талқысына салу қажет.
<blockquote>
 “Негізі, қазір технология жағынан қиындық жоқ қой. Сондықтан портреттік серияны жалғастырамыз десе, алдымен саяси шешім керек. Жаңа серияны бастай ма, бұрынғысын қалпына келтіре ме, бәрібір үлгілерді жаңадан жасау қажет. Сосын оның бәрін қоғам талқысынан өткізу керек. Ол да оңай шаруа емес”, – дейді дизайнер.
</blockquote>
<img src="https://kyzylorda-news.kz/wp-content/uploads/2019/11/15onmyn2.jpg" alt="" />

Назарбаевтың суреті басылған 10 мың теңгелік ақша қайда кетті?

<a href="https://kyzylorda-news.kz/">Kyzylorda-news.kz.</a> «Nur Otan» партиясы «Jas Otan» ЖҚ Қызылорда облыстық филиалының бастамасымен «Қызылорда» сауда орталығында «Кеңес беру орталығы» ашылды. &nbsp;Шараға «Jas Otan» ЖҚ облыстық филиалының төрағасы Талғат Тілес және қала тұрғындары қатысты.
Орталықта базар келушілері мен жұмыскерлері сала мамандарынан, басшыларынан тұрғын үй, кәсіпкерлік, жұмыспен қамту, заң құқықтары, денсаулық сақтау мәселелері жөнінде тегін консультативті кеңес алатын болады.
Сондай-ақ, қала тұрғындарын жеке мәселелері бойынша мәслихат депутаттары, мекеме басшылары қабылдап, кәсіби заңгер мен психолог мамандар консультация жүргізеді.

Қызылордада кеңес беру орталығы ашылды

<a href="https://kyzylorda-news.kz/">Kyzylorda-news.kz.</a> Бүгін облыс әкімі Қуанышбек Ысқақовтың төрағалығымен облыс әкімдігі жанындағы Мемлекеттік рәміздер жөніндегі облыстық комиссияның отырысы өтті. Оған Комиссия мүшелері, облыстық басқармалар мен департаменттердің, аймақтық инспекциялардың басшылары, қала және аудан әкімдері селекторлық режимде қатысты.
Күн тәртібінде облыстық инспекциялық топтың Мемлекеттік рәміздерді қолдану жағдайына қатысты жүргізген тексеру нәтижелері туралы мәселелер қаралды.
ҚР Мемлекеттік рәміздерін насихаттау және оларды стандарттарға сәйкес қолдану – комиссияның күн тәртібіндегі басты мәселелерінің бірі. Облыстық ішкі саясат басқармасының басшысы Т.Маханов облыстың ұйымдары мен мекемелерінде мемлекеттік рәміздердің жай-күйі туралы баяндады. Арнайы жүргізілген тексерулердің нәтижесін көрсетіп, анықталған кемшіліктерге қатысты ұсыныстарын жеткізді.
Аймақ басшысы Мемлекеттік рәміздерге қатысты кемшілік орын алған мекеме басшыларына қатаң тапсырмалар берді. Олар орындалмаған жағдайда аталмыш мекемелердің бірінші басшыларының қызметіне саяси баға берілетін болады.
<blockquote>
 “Мемлекеттік рәміздерді пайдалану, қолдану және насихаттау жұмыстары әрқашанда өзекті және басты назарда болатын мәселе. Мәселен, баяндамада атап өткендей облыс орталығында, аудандардың мемлекеттік мекемелерінде, облыстық департаменттердің аудандық бөлімдерінде Мемлекеттік рәміздерді пайдалануда көптеген кемшіліктер анықталды. Мысалы, Қазалы ауданында Мемлекеттік Елтаңба “QAZAQSTAN” латын графикасына ауыстырылмаған және оған қаржы бөлінбеген. Мемлекеттік рәміздерді қолдану мен насихаттауда 2 реттен артық кемшілік жіберген бірінші басшылардың қызметіне саяси баға беру туралы «Nur Otan» партиясы облыстық филиалының саяси кеңес бюросына ұсыныс енгізуді тапсырамын “, – деді облыс әкімі.
</blockquote>
Сонымен қатар, комиссия отырысында облыстық мәдениет, мұрағаттар және құжаттама басқармасының басшысы М.Әбуова аталған ведомство мекемелерінде Мемлекеттік рәміздерді қолдану мен насихаттау бойынша жүргізілген тексерудің нәтижелері туралы баяндады.
<blockquote>
 “Мемлекеттік рәміздерді қолдануда Арал және Шиелі аудандық төтенше жағдайлар бөлімдерінің ғимарат сыртындағы Мемлекеттік Туларының шеттері сетінеген. Жаңақорған аудандық төтенше жағдайлар бөлімінің ғимарат сыртындағы Мемлекеттік Туы ластанған. Қармақшы аудандық төтенше жағдайлар бөлімінің ғимарат сыртындағы Мемлекеттік Туы тәуліктің қараңғы мезгілінде жарықтандырылмаған. Бұл кемшіліктер ұдайы қайталанады. Сонымен қатар, Ту мен Елтаңбаны орналастырудағы кемшіліктер қалалық білім беру бөлімінде, №4 мектеп – лицейде және Қажымұқан Мұңайтпасұлы атындағы спортклубта да анықталды. Неге бұл мәселе бақыланбайды?. Өткен жылы комиссия отырысында барлық аудан орталықтарына мемлекеттік рәміздер аллеясын орналастыруға тапсырма берілді. Неге Жалағаш ауданында оны әлі салмаған? Мемлекеттік рәміздерге құрмет – Отанға деген құрмет”, – деп атап өтті облыс әкімі.
</blockquote>
Қуанышбек Досмайылұлы комиссия отырысының қорытындысымен жоғарыда аталған кемшіліктер 20 қарашаға дейін жойылуы керек деп қатаң тапсырды.
<img src="https://kyzylorda-news.kz/wp-content/uploads/2019/11/15gossimvol2.jpg" alt="" />
<img src="https://kyzylorda-news.kz/wp-content/uploads/2019/11/15gossimvol3.jpg" alt="" />
<img src="https://kyzylorda-news.kz/wp-content/uploads/2019/11/15gossimvol4.jpg" alt="" />
<img src="https://kyzylorda-news.kz/wp-content/uploads/2019/11/15gossimvol5.jpg" alt="" />

Қ.Ысқақов: Мемлекеттік рәміздерге құрмет – Отанға деген құрмет

<a href="https://kyzylorda-news.kz/">Kyzylorda-news.kz.</a> Бүгін ҚР Ұлттық валюта күні қарсаңында ҚР Ұлттық банкінде түпнұсқа банкнотаны қалай жалған ақшадан ажыратуға болатыны түсіндірді, деп хабарлайды <a href="http://lenta.inform.kz/kz/koldan-zhasalgan-banknotany-kalay-azhyratuga-bolady_a3585584">ҚазАқпарат</a>.
Банк өкілдерінің айтуынша, ел ішінде көбінесе 2011 жылы басылып шыққан номиналы 5000 теңге болатын банкнотаның жалған нұсқалары жиі кездеседі.
Жалған теңге компьютерлік технологияның көмегімен жасалады.
Ақшаны ажырату үшін бірнеше ережені білу керек.
1. Ең алдымен банкнотаны ұстағанда, қағаздың шықырлақтығы басты белгі болады. Ақшада арнайы мөр басылады. «Қазақ Елі» монументінің бейнесі тұсында рельеф болады. Барлық банкнотада бұл рельефтер көзі нашар көретін зағип жандар үшін салынған.
2. Банкнотаның түсі анық, айқын әрі қанық болуы тиіс. Жарыққа қойып қарағанда су белгісін, номиналдың цифрлық бейнесін көруге болады. Сонымен қатар, банкнотаның шетіндегі магниттік жолақ болуы тиіс. Бұл жолақ жарыққа қарағанда тұтас боп көрінуі керек.
3. Номиналы 1000, 2000, 5000, 10 000 және 20 000 теңге болатын банкноталарды теріс аударғанда түсі құбылып тұратын сурет болады. Банкнотаны аударып төңкергенде бұл түс жасылдан алтын түске дейін құбылады. Осы белгілерді 5 секунд ішінде анықтап көруге болады. Бұл азаматтарды алаяқтардың қармағына түсіп қалудан қорғайтын қарапайым тәсіл.
<img src="https://kyzylorda-news.kz/wp-content/uploads/2019/11/15tenge8.jpg" alt="" />

Қолдан жасалған банкнотаны қалай ажыратуға болады?

<a href="https://kyzylorda-news.kz/">Kyzylorda-news.kz.</a> Ақмола облысындағы алқалы жиында Қасым-Жомарт Тоқаев жедел ақша аударымдарына салық енгізу мүмкіндігі туралы мәселені де көтерді.
Бұл туралы Мемлекет басшысының көмекшісі Мәулен Әшімбаев&nbsp;<a href="https://www.facebook.com/m.ashimbayev/posts/539165843584222">Facebook</a>-тегі парақшасында жазды.
Ол соңғы күндері қоғамды қатты алаңдатқан жайттың бірі осы мәселе болғандықтан, оған Президенттің арнайы тоқталғанын баса айтады. Жасыратыны жоқ, оңтайлы әрі оңай болғандықтан, кейбір банктердің жедел ақша аударым жүйесі халық арасында кеңінен қолданысқа ие бола бастаған.
<blockquote>
 «Мемлекет басшысы бұл мәселенің мемлекеттік органдар тарапынан әлі де мұқият зерделеуді талап ететінін атап өтті. Осыған байланысты Президент бұл мәселені күн тәртібінен алып тастауды тапсырды», – деп жазды Әшімбаев Facebook-тегі парақшасында.
</blockquote>
Президент көмекшісі, сондай-ақ Мемлекет басшысының кейбір тапсырмаларын орындауы тиіс кейбір жауапты органдар оны әдейі созбалап, сұйылтып жібергісі келетінін де атап өтті. Бұл пайдаланылмаған жерлерді мемлекет иелегіне қайтару, туристік инфрақұрылымды дамытуға және, әсіресе азық-түлік бағасының өсуіміне қатысты.
«Әкімдер бұл жұмыстан өз-өздерін шеттетіп тастаған. Бағаны делдалдар көтеріп жіберетіні жасырын емес қой. Мемлекет басшысы осы бағыттағы тапсырманы жауапты органдар орындалмай алғанын айтты және оған жауапты болғандарды жазалауды тапсырды», – деді Әшімбаев.
Ол Президенттің тапсырмасын орындамағаны, оған жүрдім-бардым қарағандардың барлығы толықтай жауап беретіндігін баса айтты.

Тоқаев жедел ақша аударымына қатысты дауға нүкте қойды

<a href="https://kyzylorda-news.kz/">Kyzylorda-news.kz.</a> Android смартфондары құлаққап арқылы сынуы мүмкін. Android жүйесіндегі кейбір смартфондардың жетіспеушілігі құрылғыны басқаруға мүмкіндік береді.
Бұл туралы АҚШ-тағы Айова және Перьдю университетінің киберқауіпсіздік саласындағы сарапшылары айтты,&nbsp;деп хабарлайды&nbsp;<a href="https://stan.kz/hakerler-android-bagdarlamali-smartfondarga-kylakkap-ar-324234/">Stan.kz</a>.
Радио модульге байланысты Android құрылғысының интерфейсінде осалдықтар табылды, соның арқасында аксессуарлар – гарнитуралар немесе құлаққаптар арқылы шабуыл жасауға болады. Хакерлер құрылғыны Bluetooth қосылымы немесе компьютер көмегімен басқара алады. Егер алаяқтар смартфонға қауіпті қосылымға ауысуды бұйырса, онда олар тек смартфонның сәйкестендіргіштерін ғана емес, сонымен қатар телефон қоңыраулары мен интернет байланысын ұстап алып, құрылғыны бұғаттай алады.
Бұрын хабарланғандай, 20 елдің жоғары лауазымды тұлғалары хакерлік шабуылдың құрбаны болды. Қылмыскерлер WhatsApp мессенджерінде қауіпсіздік саңылауларын қолданған. Жалпы алғанда бір жарым мыңға жуық қолданушы өз құрылғыларына қолжеткізу мүмкіндігін беріп қойды.Бұл осалдық Android 8.1 және 9.0 қолданушыларына қатысты болды.

Хакерлер Android бағдарламалы смартфондарға құлаққап арқылы да шабуылдай алады

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Сексеуіл – біздің ұлттық мінезімізді танытатын ағаш. Бұл туралы ҚР Ақпарат және қоғамдық даму министрі Дәурен Абаев айтты, деп хабарлайды <a href="http://lenta.inform.kz/kz/ministr-sekseuil-bizdin-ulttyk-brendimiz_a3585479">ҚазАқпарат</a>.
<blockquote>
 «Ақпарат көздерінен сексеуілді сақтау туралы қызықты материал оқыдым. Өкінішке қарай, шөл даланың осынау қазынасына браконьерлік шабу салдарынан жылына 700 млн доллар шығын келтіріледі. Мұның арты тұтас ауылдардың шөл далаға айналуына әкеп соғады. Адамдар ақыры жайылым жерсіз де қалады. Яғни, экологияға да, ауыл шаруашылығына да зиян келеді. Осының салдарынан адамдардың денсаулығы да нашарлайды. Мемлекеттік деңгейде сексеуілді шабуға тыйым салынған. Айыппұл бар. Бірақ, тәжірибе көрсетіп отырғандай, өкінішке қарай бұл шектеулердің әлі де жеткіліксіз екенін көрсетуде», – деді Д.Абаев «Ашық диалог» бағдарламасында.
</blockquote>
ҚР Ақпарат және қоғамдық даму министрі осыған байланысты мемлекет БҰҰ-ның қолдауымен сексевіл сақтап қалу бағытында бірнеше жобаны қолға алғанын еске салды.
<blockquote>
 «Арал теңізінің түбіне сексеуіл егіліп жатыр. Көшет бақтары құрылуда. Сондай-ақ, сексеуілді өсімдіктерден қорғау жұмыстары да бар. Ұмытпасам, 2019 жылы 10 мың гектар аумаққа сексеуіл талы егілген. 2020 жылы бұл жұмыс жалғасын табады. Бұл қадам ұлттық құндылығымызды сақтап қалуда дұрыс әрі қажетті бастама. Сексеуілді – біздің ұлттық бренд деуге болады. Мәселен, біздің ел оның өсу ауқымы бойынша біз әлемде бірінші орындамыз. Екіншіден, сексеуіл біздің ұлттық мінезімізді танытатын ағаш. Ол шөлді өзгертуге қауқарлы. Ол қатты әрі майыспайды. Оны балтаның көмегімен сындыру оңай емес. Сондықтан, қазақ ежелден бұл қатты ағашты қастерлейді», – деді министр.
</blockquote>

Министр: Аралдағы 10 мың гектар аумаққа сексеуіл егілді

<a href="https://kyzylorda-news.kz/">Kyzylorda-news.kz.</a> Бүгін облыс әкімі Қуанышбек Ысқақов ҚР Ұлттық Банкінің облыстық филиалына барып, банк филиалдарының басшыларымен кездесті. Өңір басшысы қаржы саласының қызметкерлерін кәсіби мерекемен құттықтап, сала үздіктерін Алғыс хаттармен марапаттады.
Ұлттық валюта – Теңге күні мен еліміздің қаржы жүйесі қызметкерлерінің кәсіби мерекесі Қазақстанда «Қазақстан Республикасындағы мерекелер туралы» Заңға сәйкес жыл сайын 15 қарашада атап өтіледі.
<blockquote>
 «Тәуелсіздіктің алғашқы сәтінде еліміздің өз қаржы қоры мен валюталық сақтық қорлары мүлдем болмады деп айтуға болады. Өз бетімізше қаржы-несиелік саясатын жүзеге асыруға да мүмкіндік болмаған кезең еді. Осы тұста тура 26 жыл бұрын Қазақстан Республикасының Тұңғыш Президенті – Елбасы Нұрсұлтан Әбішұлы Назарбаевтың бастамасымен өз валютамыз – төл Теңгемізді енгізу сол кезеңдегі экономикалық қиындықтарға төтеп беруге және егемендігімізді нық қалыптастыруға мүмкіндік берді. Бүгінгі таңда Қазақстанның банк секторы жүргізілген жүйелі реформалардың нәтижесінде бүкіл посткеңестік кеңістіктегі алдыңғы қатарда тұр деуге болады.Сондай-ақ, ТМД елдерінің ішіндегі ең жақсы төлем жүйесінің бірін құрғанымызды да айта кеткен жөн» деді, – аймақ басшысы.
</blockquote>
Облыс әкімі кездесу барысында Ұлттық валюта күніне орай ұйымдастырылған көрмемен танысып, сала қызметкерлерімен сұқбаттасты.
<img src="https://kyzylorda-news.kz/wp-content/uploads/2019/11/15akimkarzhy2.jpg" alt="" />
<img src="https://kyzylorda-news.kz/wp-content/uploads/2019/11/15akimkarzhy3.jpg" alt="" />
<img src="https://kyzylorda-news.kz/wp-content/uploads/2019/11/15akimkarzhy4.jpg" alt="" />

Қазақстан және Қызылорда облысының жаңалықтары: Қоғам