Дүниежүзілік қант диабетіне қарсы күрес күні
БҰҰ Бас Ассамблеясының 2006 жылғы 20 желтоқсандағы арнайы қарарында жарияланған. 2007 жылдан бастап, жыл сайын 14 қараша күні аталып өтеді.
Алғашқы рет Дүниежүзілік диабет күнін 1991 жылы IDF пен ДДСҰ өткізген. Оның мақсаты – дүние жүзін диабетке қарсы күреске жұмылдыру.
Халықаралық логопед күні
Тіл мүкістігі тек балаларда ғана емес, ересектерде де кездесуі мүмкін. Сол кезде көмекке логопедтер келеді. Олар кез келген жастағы науқастың дұрыс сөйлеуіне көмектеседі. Бұл дүниежүзілік мереке адамдардың ешқандай кедергісіз сөйлесуіне септігін тигізіп, қуаныш сыйлап жүрген мамандарға арналған.
1944 жылы Грузия КСР-нен месхетиндік түріктердің депортациясы (сондай-ақ күрдтер, хемшилдер мен мұсылман месхилер де қоныстандырылды ) басталды. Месхетиндік түріктер Қазақстан, Қырғызстан, Өзбекстан аумағына күштеп көшірілді. Барлығы 115,5 мың адам қоныс аударған. Депортацияланған месхетиндік түріктер тұрғылықты мекенжайын ауыстыру құқығы жоқ «арнайы қоныстанушылар» ретінде Орталық Азияның үш республикасының елді мекендеріне жіберілді.
2006 жылы Астанада Елбасы Нұрсұлтан Назарбаевтың қатысуымен АҚШ Елшілігінің ресми ашылу салтанаты болып өтті.
2008 жылы Баку қаласында қазақстандық «ҚазМұнайГаз» компаниясы мен «SOCAR» (Әзербайжанның мемлекеттік мұнай компаниясы) Қазақстанндық Каспий тасымалдау жүйесін құру туралы келісімге қол қойды. Қазақстандық Каспий тасымалдау жүйесіне (ҚКТЖ) «Ескене-құрық» мұнай құбырының құрылысы және Транскаспий жүйесін (Құрық-Баку) құру кіреді.

14 қараша: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 14 қарашаға арналған жұлдыз-жорамалы.
Тоқты
Бүгін ойыңызды жинақтап, болашаққа жоспар құрыңыз. Егер денсаулығыңызды жақсартуды қолға алсаңыз, ең бірінші зиянды әдеттерден арылыңыз.
Торпақ
Күшіңізді көп жұмсап алудан сақтаныңыз. Бар күшіңізді кешкі сауыққа сақтаңыз. Бүгін көңілді кеш болмақ.
Егіздер
Қиындық тудырып алудан сақтаныңыз. Әр сөзіңіз бен ісіңізге мұқият болыңыз. Бұлардың барлығы өміріңізге әсер етуі мүмкін.
Шаян
Тек ақша туралы ойламаңыз. Қаражат мәселесі маңызды екені сөзсіз, дегенмен өмірдің мәні ақшада емес.
Арыстан
Бүгін көңіл-күйіңіз керемет. Барлық шаруа сіз ойлағандай жүзеге асады. Сонымен қатар бүгін жағымды жаңалық естейсіз.
Бикеш
Ең маңызды мәселелер шешімін тапқаннан кейін, өмірдің рахатын сезініңіз. Көптен ойлаған саяхатқа шығып, таным көкжиегін кеңейтіңіз.
Таразы
Жоспар ретімен жүзеге асып келеді. Ішкі түйсікті тыңдаңыз. Сонымен қатар сізді бүгін қызықты таныстықтар күтіп тұр.
Сарышаян
Сүйікті адамыңызбен бірге оңаша қалып, ойдағы мақсаттарыңызбен бөлісіңіз. Маңызды сауалдарға жауап тауып та қалуыңыз мүмкін.
Мерген
Өз-өзіңізді бағалай біліңіз. Жеке өміріңізде айтарлықтай өзгеріс болады. Бұл өзгерістер сізді терең ойға қалдырады.
Тауешкі
Бүгін барлығына шынайы боласыз. Шындыққа тура қарап, қиялға берілмейсіз. Тек нақты жоспар құруға көшесіз.
Суқұйғыш
Айналаңыздағы адамдар түрлі сауалдар қояды. Бұл сұрақтар сізді тығырыққа тірейтіні анық. Бірақ барлығы оңынан шешіледі.
Балықтар
Бүгін біршама келіссөздер жүргізесіз. Олардың барлығы өз жемісін беретін болады.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Арнайы әзірленген жол активтерін басқару жүйесі жол қозғалысының қатысушылары республикалық және жергілікті маңызы бар жолдардың жағдайын бақылап, жол бойында қызмет көрсететін нысандар, аялдамалар, елді мекендер мен мердігер ұйымдар туралы толық ақпаратты көре алады, деп хабарлайды <a href="https://kaz.tengrinews.kz/kazakhstan_news/avtomobil-joldaryinyin-jagdayyin-bakyilauga-arnalgan-302623/">Тengrinews.kz</a>.&nbsp;
Жоғарыда аталған мәліметтердің барлығын ҚР ИИДМ Автомобиль жолдары комитеті Ұлттық жол активтері сапасының орталығы жинайтын болады. Бірінші кезекте, жүйеде ұзындығы 24 мың шақырымды құрайтын республикалық маңызы бар автомобиль жолдары жөніндегі ақпарат қолжетімді болмақ. Бұдан кейін жергілікті жолдардың жағдайына қатысты мәліметтер енгізіледі.
Жүйе техникалық тұрғыда келесі жылдың мамырында іске қосылады деп күтілуде. Ал пайдаланушылар оны 2020 жылдың 1 маусымынан бастап қолдана алады. “Жол активтерін басқару жүйесі” қосымшасын Android және iOS платформасынан тегін жүктеп алуға болады.

Елімізде енді автомобиль жолдарының жағдайын мобильді қосымша арқылы бақылауға болады

<a href="https://kyzylorda-news.kz/">Kyzylorda-news.kz.</a> «Менің туым – менің Отаным» акциясы «Азаматтарға арналған үкімет» мемлекеттік корпорациясы» КЕ АҚ Қызылорда облысы бойынша филиалында жалғасын тапты.
Қаладағы №1 халыққа қызмет көрсету орталығында «Nur Otan» партиясының өкілдері және белсенді жастармен бірге мемлекеттік Туды салтанатты түрде көтеру рәсімі өтті. &nbsp;
<blockquote>
 &nbsp;«Бүгінгі акциямыздың негізгі мақсаты өскелең ұрпаққа Туды насихаттап, қазақстандық жастардың туған еліне деген отансүйгіштігін ояту болып табылады. Әлемнің дамыған елдерінде Мемлекеттік байрақтарын қоғамдық жерлерге іліп, әрбір елдің азаматы мақтаныш тұтады. Мысалға Түркия, АҚШ, Жапония елдерін атап өтуге болады. Қазіргі таңда еліміздің түкпір-түкпірінде мемлекеттік Туды насихаттау, дәріптеу акциялары жалғасып жатыр. Бүгін міне «Азаматтарға арналған үкімет» мемлекеттік корпорациясы» КЕ АҚ Қызылорда облысы бойынша филиалының №1 Халыққа қызмет көрсету орталығы да өз қолдауын білдіруде», – дейді &nbsp;«Азаматтарға арналған үкімет» мемлекеттік корпорациясы» КЕ АҚ Қызылорда облысы бойынша филиал директоры Айдын Қайруллаев.
</blockquote>
Айта кетейік, Қазақстан Республикасының Мем­ле­кет­тік рәміздерін қабылдау про­цесіне Елбасы Нұрсұлтан Назарбаев­тың қосқан үлесі орасан зор. Оның тікелей жетекшілі­гі­мен 1992 жылы жаңа мем­­ле­кет­тік нышандарды даяр­­­лау бойынша жұмыс то­бы құ­рыл­­ды. Сол уақыттан бас­тап елі­міз­­дің мемлекеттік рәміз­дері Қазақстан­ның та­быст­ы дамуының белгілеріне ай­налды.
<img src="http://kyzylorda-news.kz/wp-content/uploads/2019/11/13son2.jpg" alt="" />
<img src="http://kyzylorda-news.kz/wp-content/uploads/2019/11/13son3.jpg" alt="" />

Республикалық акция Қызылордадағы ХҚКО-да жалғасын тапты

Kyzylorda-news.kz. Қызылорда облысындағы бірегей жоғары оқу орындарының бірі «Болашақ» университеті келешекте қалай өзгереді? Соңғы кездерде осы университтің кампусы деген сөз жиі айтылып жүр. Ол не қылған кампус? Жалпы, университеттің болашағы қандай? Бұл сұрақтарға жауаптар журналист Дүйсенбек Аяшұлының мемлекет және қоғам қайраткері, Қазақстан ҰҒА академигі,&nbsp;экономика ғылымының докторы, «Болашақ» университетінің ғылыми&nbsp;жетекшісі Бақберген Досманбетовпен болған сұхбатында айтылған.
– Соңғы кездерде «Болашақ» университетінің кампусы деген сөз жиі айтылып жүр. «Кампус» сөзі көпшілікке таныс емес-ті, сізге осы кампусты салу ойы қалай келді? Әрине, бұл жаңа оқу ғимаратының ірге көтеріп, есік ашуы қыруар қаржыны, алапат қажырды қажет еткенін біз де шамалаймыз. &nbsp;Бесеу бірігіп, алтау жиылып атқара алмайтын осынша ауыр міндетті қалай іске асырдыңыз?
– Мен көп жыл Қорқыт ата атындағы университетте қызмет еттім, оның ректоры болдым. Кейін менің тікелей жетекшілігіммен бүгінде жұмыс жасағанына ширек ғасырға жуықтаған «Болашақ» университеті ашылды. Бүкіл өмірім білім-ғылым саласымен бітеқайнасып келеді. Осыған орай әлемнің көп елдерінде болып, олардағы білім беру ісімен жақынырақ таныстым. Шет елдегі білім беру де, білім алушыға жасалған жағдай да біздегі қалыптасқан жүйеден әлде­қайда дамып кеткен. Мәселен, ол елдерде жатақхана түнгі сағат 11-ден кейін тарс жабылмайды. Қайда жүрсің деп ешкім дікеңдемейді, сабаққа неге келмедің деп ұрыспайды.
Білім сатулы, дұрыс па, бұрыс па? Бірақ, бұл – нарық заңы. Қазір мемлекеттік оқу орындарындағы студенттердің әрі кетсе 20 проценті ғана тегін білім алады, қалғаны ақылы негізде оқиды. Сонда мұғалім – сатушы, шәкірт – сатып алушы. Ал, сатып алушыға қисынсыз талап қоюға болмайды. Мысалға дүкенді алыңыз. Ақшасы бар кісі өзіне ұнаған затты сатып алуы керек. Ал оған дүкеншінің: «Сен неге дұрыс киім киіп келмейсің, сен неге амандаспайсың?..» деген сияқты дүрсе қоя беруі қалай болады? Әрине, алушы шығып кетіп, керегін басқа дүкеннен алады. Оқу орны да осыған ұқсас. Мұғалімнің: «Кеше неге сабаққа келмедің, неге кешігіп келдің, тапсырманы неге орындамадың?» – деп тәртіпке шақыруы ескі әдістеме.Шәкірт сабаққа еркін қатысуы керек. Ол сатып алушы, егер сіздің біліміңіз ұнамаса, онда ол білімді кітапханадан іздейді. Сіздің тапсырмаңызды орындамаса, онда ол сабаққа қатысты түсінікті басқа амалдар арқылы алуға құқылы. Өкінішке орай, шәкірттердің көбі сол ескі әдістемеге тәуелді. Оқу кестесімен, тапсырмамен, яғни, тар шеңбермен шектеледі. Содан барып сынақ кезінде сүріндірмей өткізе гөр деп оқытушыға тәуелді болады. Бұл дүкеннен ақшасына зат сатып алып, сол затты сөреден тауып бергені үшін үстіне тағы да ақша қосып берген тұтынушыға ұқсайды. Сонда шәкірт ескі әдістемеге неге тәуелді болып жүр? Өйткені онда өзіндік ізденіс жоқ. Ізденіс болу үшін еркіндік керек. Оған дағдыланбаған. Өзіндік ізденіс қай кезде де бағалы.
Мен қазақ балаларының да сол елдер­дегідей еркін, ерекше жағдайда білім алуын қаладым. 2017 жылдың ақпанында Сырдарияға салынған жаңа көпірдің үстіне шығып тұрып, «мына жерден кампус саламын» деген ой келді. Үлкен қалаларда әдемі, көрнекті ғимараттар өзеннің екі бетінде тұрады. Туған қаламызда да сондай сәні асқан биік ғимараттар бой көтеруі тиіс.
Жаңа кампустың дарияның батыс бетіне түсетінін көзіме елестеттім. Ол кемі 14-15 қабатты болады, дарияның жиегіне баспалдақтар орнатылып, кешкілік студенттер «тамаша жексенбі күн көл басында, тұнықтан балық аулап бала отырса» дегендей, су жағалап қызыққа батады. Жатақханалары өз үйіндей, қай кезде барса да есігі ашық. Киноға кірем десе, театры тұр, әткеншек тепсе, жұп-жұп боп анау баққа барады. Бұл менің қиялым ғана емес еді. Кампус дегеніміз – осындай жағдайдың бәрін қамтитын қалашық. Сол оқу қалашығын салу Сырдарияның сол жағалауына жаңа қаланың іргетасын қалаумен байланысты іске асты.
Әр жылы университет қорына ақша қалдырып отыратын дағдымыз бар-ды. Осы ақшаға қол салдық, бірақ ол қап түбіндегі тарыдай-ақ болып қалды. Сосын «Даму» бағдарламасы арқылы «АТФ» банктен 7% жеңілдікпен несие рәсімдедік. Бұл ақшаның жартысы «Даму» арқылы төленеді, жартысын өзіміз жабамыз. Үкіметтің осы бағдарламасы біздің басты тірегіміз болды.
Сонымен құрылысты қолға алдық. Негізі менің мамандығым – «құрылыс және қала шаруашылығы экономикасы мен оны басқару». Сондықтан өз тарапымнан не құрылыс бастасам да, күндіз-түні соның басында өзім жүремін. Университет ғимаратының құрылысын да тікелей өзім бақы­ладым, күнде таңертең келем, кеш батырып қайтам. Әуелде жобалаушылар оқу ғимаратының бейнесін 120 градус қалыппен салу қажет деп тапқан. Бұл &nbsp;парағы қаусырылып ашылып жатқан кітаптың сипатын береді, яғни, ғимараттың екі қанаты қабысып тұрады. Мен оны 150 градусқа кеңейтіп салуды тапсырдым. Әрине, оған бұрындағыдан көп қаражат кетеді, бірақ әсемдене түседі. Қазір қала жұртшылығы жаңа университеттің осы қас бетін күнде көріп жүр. Алдағы уақытта бас ғимараттың екі жағына екі колледж орналасады.
Ең бастысы, жаңа оқу орны алыстан көргенде де, ішіне енгенде де ерекше бет-әлпетімен қызықтыратын болады. Мысалы, студенттер дәрісханаларда бұрынғыдай бір-біріне арқасын беріп отырмайды, бетпе-бет отырады. Демек, олар ашық пікір алысуға, бір-бірін бақылауға дағдыланады.
Қаржы, қажыр дедің ғой. Жаңа да айттым, «Даму» арқылы ісіміз алға басты. Өзім салып жатқан соң барлық затты алуға өзім араластым. Мәселен, бағасы 150 мың доллар тұратын лифтіні 48 мың долларға таптым. Оқу ғимаратында осындай 3 лифт бар. Қызылордада бұрын болмаған аспалы шамдарды Испаниядан алдырттық. Басқа құрылыс заттарын да 3 есе арзан бағаға іздеп, тауып жеткізіп беріп отырдым. Құрылыспен айналысатын кейбір азаматтар келіп: «Аға, мына жердің жұмысын бізге беріңіз, біз сізге қаражаттың 10 процентін берейік» – дейді. «Не айтып тұрсың, өз ақшамды өзіме бермексің бе?» – деймін мен. Өкінішке орай, бұл қоғамда бар дерт. Егер осы оқу ғимараты мемлекет ақшасына салынса, сол құқықты иеленген пысықайлар 7-8 миллиард теңге ақша жұмсалды деген болар еді. Ал, біз бұл жұмыстарды 2,5 млрд қаражатпен бітіріп отырмыз, әлі бітпеген жұмыс қанша…
– Шынында кампус дәрежесіне жету үшін әлі қанша жұмыс жасалуы керек?
– Жақында 400 орындық жатақ­хана құрылысы басталды. Ақысын сұра­ғанындай алып отырған соң құры­лысшылар да тез әрі сапалы жұмыс істейді. Екі айда сыртқы жұмысын бітіреміз деп отыр. Мұнан соң тағы бір 400 орындық жатақхана салынады. Келесі жылы оқытушыларға арналған 60 пәтерлі тұрғын үй мен 60 орынды балабақша бой көтереді. 1100 орындық конгресс орталығы салынады, бұл – бұрынғыша айтсақ, студенттер сарайы. Мұнан кейін стадион салуды бастаймыз.
&nbsp;Оқу қалашығының аймағында – шаштараз, сән салоны, ұялы телефон операторлары, ХҚК филиалы сияқты барлық қажеттіліктер орналасады. 2,5 гектар аумақтық дендропарк ашылады. Қалашықта фонтандар, гүлзарлар, демалыс-сауда орындары сап түзейді. Орталықтан бері шыққан студенттер, басқа да келушілер көпірден түскен соң бас ғимаратқа дейін екі жағы көмкерілген бақ ішімен жүретін болады, осы аяқжол қазір салынып бітіп тұр.
Міне, кампус дегеніміз – осы.
– &nbsp;Жалпы, университеттің әлеуеті, заманауи артық­шылық­тары туралы тағы бір еске түсіріп өтіңізші. Қандай жаңалықтарды ерекше айтар едіңіз?
– Білім мен ғылым саласы дамуының басты бағыты – оның сапасы мен қолжетімділігі. Осы тұрғыда ширек ғасырға жуық тарихы бар Қызылорда «Болашақ» университеті жоғары білім алудың қолжетімділігі мен сапасын арт­тырып, студент жастардың жатақ­ханадағы жағдайын жақсарту, бәсе­кеге қабілетті ортаны қалып­тастыру бағытында жүйелі жұмыс­тар атқарып келеді.
Биылғы 2019-2020 оқу жылында университет студенттері Оксфорд бизнес колледжінің бағдарламасы бойынша арнайы портал арқылы білім алу мүмкіндіктеріне ие болып отыр, курс соныңда олар Оксфорд бизнес колледжінің арнайы халықаралық сертификатын алатын болады. Сонымен қатар, 600 тыңдаушы сол портал арқылы білім алып жатса, солардың ішінен ең жақсы жетістікке жеткен 20 тыңдаушы Оксфорд колледжіне (шақырушы жақ есебінен) барып, оффлайн режимде білім алуға қол жеткізеді.
Университет жанындағы «Бола­шақ» колледжі мен «Болашақ» меди­ци­налық колледждері «жоға­ры колледж» статустарын алды.
Педагогикалық бағыт бойынша мамандар даярлау сапасын арттыру, Назарбаев университеті мен зияткерлік мектептері тәжіри­белерін трансформациялау мақса­тында НЗМ-мен, ҚР жас педагог-ғалымдар ассоциациясымен тығыз жұмыс жасап және қыздар ұлттық педагогикалық университетімен бір­лескен кафедра филиалдары (қа­зақ тілі мен әдебиеті кафедрасымен) ашылуда.
– Жаңа университет биыл қанша студент қабылдап отыр? Білім берудің ақылы негізде жүретіні түсінікті. Қандай жеңілдіктер бар?
– Биылғы оқу жылында университетке ақылы негізден бөлек 50 мемлекеттік грант және 19 облыс әкімі грантының иегерлері, ақылы негізде 458 білім алушы қабылданып отыр. Сонымен қатар, «Болашақ» жоғары колледжіне 175 білім алушы грант негізінде қабылданса, 120 оқушы ақылы негізде оқуға түсті. Ал, жоғары медициналық колледжіне 75 білім алушы тегін білім алуға мүмкіндік алса, 310 оқушы ақылы негізде қабылданды. Университет &nbsp;ата-анасы жоқ күндізгі оқу бөлімінің студенттеріне; «Болашақ» универ­ситетінің колледж­дерін бітіріп, оқуын университетте жалғасты­рушыларға 20% жеңілдік бекіткен; Оқу ақысының 50%-і көлеміндегі жеңілдікпен 10 грант тағайындады.
Сонымен бірге университет &nbsp;студенттеріне арнап құрыл­тай­шылық грант, ректор гранты бөлінбек. Мұның бәрі − сапалы білім алуға ұмтыл-ған талантты жастарды сапалы кадр болуға үндейтін қадамдар.
– «Болашақтың» қала орталы­ғындағы оқу орны жаңа ғимаратқа түгел көшіріле ме, әлде студенттер ол жақта да оқи бере ме?
– Биылғы жаңа оқу жылын жаңа ғимаратта бастай алмадық. Бірақ, сту­денттер 1-ші қыркүйекті сол жаға­лаудағы «Болашақта» қарсы алайық деген соң білім күніндегі салтанатты жиынды осы жерде өткіздік. Ал, биылғы бітірушілер болса, «бізге жаңа ғимаратта оқу бұйырмады, дипломды сол жерден табыстаңызшы» деп өтініш айтқан еді.
«Кедей болсаң көшіп көр» де­мекші, ескі ғимараттан керек-жара­ғымызды жеткізудің өзі біраз уақы­тымызды алды. Әрине, ол жақта енді ешкім қалмайды, осы қазан айында толық көшіп келмекпіз. Сосын ескі ғимаратты сатып, ол ақшаға жоспарда тұрған құрылыстарды сала бастаймыз.
– Көш оң болғай! Сізді, «Бола­шақтың» барша ­ мен студенттерін сол жағалаудағы сәні мен салтанаты жарасқан кампустың бой көтеруімен құттықтаймыз!
Ол Қызылорданың көркін ға­на арттырып қоймай, жаңа ұр­пақтың білім ұстаханасына айналатын ақ орда болсын!
<a href="https://syrboyi.kz/suhbat/32777-bar-balany-bolashayn-bolmysyna-kshrgen.html">syrboyi.kz</a>

Қызылордадағы «Болашақ» университетінің болашағы қандай?

<a href="https://kyzylorda-news.kz/">Kyzylorda-news.kz.</a> Мәжіліс депутаттары уақытында төлемеген қарыздары бар мемлекет тұрғындарын шетелге шығармау туралы ережеден бас тартып, банктерге несиені төлей алмайтын қазақстандықтарға ақша беруді қатаңдату туралы бастама көтерді, деп хабарлайды&nbsp;<a href="https://stan.kz/karizin-uakitili-kaytarmagan-adamdardi-elden-shigarmau-324166/">Stan.kz</a>.&nbsp;
<blockquote>
 «Көптеген банктер пайда табу мақсатында несиені қайтара алатын адамдар мен&nbsp;қайтара алмайтындарды&nbsp;ажыратпай, бәріне бірдей ақша береді. Бірақ кейіннен өздері қиналып, мемлекеттің көмегіне жүгініп жатады», – деді депутат Ирина Смирнова.&nbsp;
</blockquote>
Оның айтуынша, уақытында қарызын қайтармаған адамдарды шетелге жібермеу олардың құқығын ескермеу болып табылады. Бұған қоса депутат банк секілді заңды тұлғалар өздерінің қатесі үшін несие алушыларды кінәламау қажет екендігін айтты. Сонымен қатар ол банктердің қарызды қайтара алмайтын адамдарға несие беруде қатаң тәртіп орнату керектігін жеткізді.&nbsp;
Егер Ұлттық банк әрбір банктің айтқанына көне берсе, ол ертең ел экономикасына кері әсер етуі мүмкін дейді депутаттар.&nbsp;
Бұл бастамаға қол қойған шенеуніктердің қатарында Жамбыл Ахметбеков, Галина Баймаханова, Айқын Қоңыров, Владислав Косарев, Магеррам Магеррамов и Тұрғын Сыздықов бар.

Несие қарызын өтемегендер Қазақтаннан шыға алмауы мүмкін

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Халық арасында құқықтық түсіндіру жұмыстарын жүргізу мақсатында Қызылорда облысы Полиция департаментімен ағымдағы жылдың қараша айының 15-16 күндері аралығында «Жолда қабылдау» акциясы өтеді. Бұл туралы Полиция департаментінің баспасөз қызметі хабарлады.
Облыс тұрғындарымен кездесуде департамент басшылары, Жергілікті полиция қызметі басқармасы, Әкімшілік полиция басқармасы, қалалық, аудандық полиция бөлімдері басшылары арнайы орындарда халықты жеке қабылдайды.
Акция барасында халыққа ішкі істер органдары көрсететін мемлекеттік қызметтерді алу кезінде кәсіпкерлер мен тұрғындар үшін шығындарды қысқарту бойынша қабылданып жатқан шаралар туралы, оның ішінде электрондық үкімет порталы арқылы мемлекеттік қызметтерді алу мүмкіндігі туралы, сондай-ақ он-лайн режимінде айыппұлды қарау және төлеу,&nbsp; полиция&nbsp; қызметкерлерінің заңсыз әрекеттері мен шешімдеріне шағымдану тәртібі туралы құқықтық кеңестер беріледі.
«Жолда қабылдау» акциясы облыстың барлық аудандарында және облыс орталығында өткізіледі. Атап айтқанда:
<ol>
<li>Қызылорда қаласы – Орталық алаңында орналасқан «Нұр Отан» ғимаратында,</li>
<li>«Ескі базар» жанында Тоқтыбаев – Әйтеке би көшелерінің қиылысында орналасқан №3 стационарлы полиция бекетінде;</li>
<li>Арал қаласы – «Қанағат базары» Қызылорда көшесі;</li>
<li>Қазалы ауданы – «Орталық алаң» Қ.Пірімов көшесі;</li>
<li>Қармақшы ауданы – «Темір жол вокзалы» Железнодорожная көшесі;</li>
<li>Жалағаш ауданы – «Аманкелді көшесі, Байтерек базары жанында»;</li>
<li>Сырдария ауданы – «Арзан базар» Аманкелді көшесі</li>
<li>Шиелі ауданы – Орталық стадион, Жахаев көшесі «Жадыра сауда үйі» Сейфуллин көшесі</li>
<li>Жаңақорған ауданы – «Нұрасыл сауда үйі» Аманкелді көшесі.</li>
<li>Байқоңыр қаласы – Ақай мен Төретам кенттерінің орталық алаңдары.</li>
</ol>
Аталған шара сағат 08:00-ден сағат 18:00-ге дейін&nbsp; жалғасады.
15–16 қараша аралығында 30-50-30, 30-41-32 телефондар бойынша «жедел желі» жұмыс жасайтын болады.
Бұдан бөлек&nbsp; ПИК қызметкерлерімен бірге учаскелік полиция инспекторлары&nbsp; төмендегі мекен-жайларда аулада қабылдау акциясын өткізеді;&nbsp;
1.№2 әкімшілік аймақта Қорқыт Ата көшесі №7 үй ауласы;
2.№3 әкімшілік аймақта «3 күрделінген квартал» м/а №5 үй ауласы;
3.№5 әкімшілік аймақта Титов м/а 31 үй ауласы;
4.№6 әкімшілік аймақта Торайғыров көшесі №80 «А» үй ауласы;
5.№7 әкімшілік аймақта Торайғыров көшесі №55 үй ауласы;
6.№9 әкімшілік аймақта Шұғыла м/а №25 үй ауласы;
7.№10 әкімшілік аймақта Абай даңғылы №41 үй ауласы;
8.№11 әкімшілік аймақта «Сәулет» мөлтек ауданы №8 үй ауласы;
9.№12 әкімшілік аймақта «Наурыз» мөлтек ауданы №13 үй ауласы; 
10.№13 әкімшілік аймақта С.Бейбарыс көшесі №8 үй ауласы;
11.№14 әкімшілік аймақта «Арай-3»&nbsp; м/а №60 үй ауласы.&nbsp;&nbsp;&nbsp;&nbsp;&nbsp;&nbsp;
Қызылорда облысы Полиция департаментінің баспасөз қызметі

Қызылордалық полицейлер тұрғындарды тағы да жолда қабылдайды

<a href="https://kyzylorda-news.kz/">Kyzylorda-news.kz.</a> Британдық Суррея университетінің ғалымдары адамның саусақ іздері бойынша нашақорларды анықтауға болатын тәсілді ойлап тапты. Ол бойынша адам&nbsp;есірткі қабылдайты болса, оны бұл тәсіл арқылы&nbsp;тез анықтауға болады екен, деп хабарлайды&nbsp;<a href="https://stan.kz/galimdar-nashakorlardi-sausak-izderi-arkili-aniktadi-324176/">Stan.kz</a>.&nbsp;
Зерттеушілердің айтуынша, есірткінің іздері нашақор қолын қанша жуса да кетпейтін көрінеді. Олар саусақ іздеріне терең еніп, сонда қалып қояды екен. Ғалымдар дәл сол іздерді арнайы сияның көмегімен&nbsp; зерттеу жүргізу арқылы анықтапты.&nbsp;
Сөздерінше, есірткінің іздері нашақордың қолын ұстаған есірткі қабылдаймайтын адамдардың саусақ іздерінде қалып қоюы мүмкін екен.

Енді нашақорларды саусақ іздері арқылы тануға болады

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қызылорда облыстық мәслихатының хатшысы Қылышбай Бисенов төрағалық еткен сессияға облыс әкімінің орынбасарлары, &nbsp;облыстық мемлекеттік мекеме басшылары, құқық қорғау және атқарушы органдарының аумақтық бөлімдерінің басшылары, қалалық және аудандық мәслихат хатшылары бұқаралық ақпарат құралдарының өкiлдерi қатысты.
Сессия күн тәртібіне ұсынылған «Қызылорда қаласының 2050 жылға дейінгі даму Стратегиясын бекіту туралы» мәселесі бойынша Қызылорда қаласы әкімінің орынбасары Бектас Нұриддинов хабарлама жасап, даму стратегиясының жобасында қаланың сәулеттік келбеті ретке келтірілген, жаңартылған, креативті жаңа салалармен толықтырылатындығын жеткізді. Одан соң,&nbsp; «ГеоДатаПлюс» ЖШС-нің директоры Людмила Кузнецова қаланың даму стратегиясын әзірлеу жұмысы кезінде өңіріміздің өзгешелігі назарға алынғандығын айтып өтті.
Депутат Ибайдулла Құттықожаев аталған мәселе бойынша ұсынылған жаңа жобалар мен болашақта жасалатын жұмыстарға депутаттық қолдауын білдірді. Депутат Тілеуберген Шаутай халықты қолжетімді ауыл шаруашылық өнімдерімен қамтамасыз ету үшін, қалаға жақын орналасқан елді мекендермен де жоспарлы түрде жұмыс жасалуы қажет екендігін және қаланың сәулет құрылысында &nbsp;ұлттық нақыштағы архитектураға көңіл бөлінсе деген өз ұсынысын айтты.
Сессия барысында депутаттар тарапынан болған ұсыныс-пікірлері ескеріле отырып, шешім қабылданды.
<img src="http://kyzylorda-news.kz/wp-content/uploads/2019/11/13strategiya2.jpg" alt="" />

Қызылорда қаласының даму стратегиясы бекітілді

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> «Қазгидромет» РМК баспасөз қызметі&nbsp; 14-16 қараша аралығына арналған ауа райы болжамын жариялады.
Орал және Батыс Сібір аймақтарынан арктикалық фронттар оңтүстік-шығысқа қарай жылжиды. Салдарынан Қазақстан территориясының кей жерлерінде бұрқасын болады. Солтүстік-шығыс желі күшейеді. Көктайғақ күтіледі.
Ал фронттардың артынан арктикалық теңіз акваториясында қалыптасқан антициклон жылжиды. Соның әсерінен республиканың көптеген облыстарында күн суытады.
Солтүстік, орталық және шығыс аймақтарда түнгі ауа температурасы – 13 -18, кей жерлерде -20 -25 градусқа дейін төмендейді. Бұл орташа көпжылдық мәннен 4…10°С төмен. Республиканың батысында ғана осы күндері ауа температурасы нормаға жақын және жауын-шашынсыз.

Алдағы үш күнде 25 градус аяз болады

<a href="https://kyzylorda-news.kz/">Kyzylorda-news.kz.</a> Жаңа жылдан бастап Салық кодексінде жеке кәсіпкерлерге қатысты бірқатар өзгеріс күшіне енеді, деп жазады <a href="https://aikyn.kz/economy/ekonomnews/11968-kaes%D1%96pkerd%D1%96ng/">«Айқын»</a> газеті.
&nbsp;Мәселен, 2018 жылы кейінге қалдырылған жеке кәсіп­­керлермен патент негі­зінде арнаулы салық режимін қолдану бойынша талаптардың өзгеруі.
Мемлекеттік кірістер комитеті Кәсіпкерліктің жеке түрлеріне салық салу басқармасының басшысы Гүлмира Смағұлованың айтуынша, Салық кодексіндегі өзгеріске сәйкес, патентті қолдану құқығы бойынша көрсетілетін қызмет түрлерінің (32 қызмет түрі) тізімі қысқарып, жа­рияланады.
<blockquote>
 «Салық кодексінде 12 түрлі қыз­метке патентті қолдануға шек­теу қарастырылған. Мұндай қызмет түр­­леріне жер қойнауын пайда­лану, ак­цизделетін тауар өндiру, кон­сультациялық қызмет көрсету; сақтандыру брокері мен сақтандыру агентінің қаржыландыруы, сақтан­дыру қызметі және делдалдық қыз­мет жатады. Мұндай шектеудің мақ­саты – бейресми еңбек қаты­на­сын болдырмау және нақты кіріс­­терді жасыруға жол бер­меу. Бұл өзгеріс­тер көлеңкелі биз­несті жария етіп, жалдамалы жұмыс­шыларды заңдастыруды көздейді. Халықаралық тәжірибеге сай, ұсақ қолөнершілерге қойылатын са­лықтық тәртіп негізінде кірісті қада­ғалауды және жалдамалы жұмысшыларды бақылауды кү­шейтуге мүмкіндік туады. Мысалы, биыл патент алған 268 кәсіпкердің 55,7 пайызы (148 953 жеке кәсіпкер) сауда саласында қызмет көрсетті. Олардың 55 пайыздан астамы аталған қызметті Астанада, республикалық және облыстық маңызы бар қала­ларда жүзеге асырған», – дейді Гүлмира Смағұлова.
</blockquote>
Оның айтуынша, рұқсат етіл­ген тізімге енбеген қызмет түр­ле­рін көрсететін кәсіпкерлер осы жыл­­дың соңына дейін салық төлеу тәр­тібін өзгертуі керек. Олар 2 түрлі тәр­тіп­тің бірін таңдайды, біріншісі – 
жеңілдетілген декларация негізін­дегі немесе тіркелген шегерім пай­да­ланылатын арнаулы салық тәр­тібі, екіншісі – жалпыға бірдей белгіленген тәртіп бойынша салық тәртібі.
Ол үшін не істеуі керек? Салық органдарына электронды (салық төлеушінің кабинеті арқылы) немесе жазбаша түрде салық салу тәртібін өзгерту туралы хабарлама тапсыруы тиіс. Таңдалған салық салу тәртібін көрсету кезінде өзгертудің себебі ретінде 2020 жылдың 1 қаңтарынан бастап патентті қолдану шарттарына сәйкес келмейтінін хабарлауы тиіс. Егер 2020 жылдың 1 қаңтарына дейін хабарламаған жағдайда салық органдары салық төлеушілерді жалпыға бірдей белгіленген салық төлеу тәртібіне ауыстырады. Ал шағын бизнес өкілдері үшін осындай жалпы тәртіптен басқа арнаулы салық төлеу тәртібіне ауысуға тек бір жылдан кейін ғана рұқсат етіледі.
<blockquote>
 «Арнаулы салық тәртібіне ауысудың қандай артықшылығы бар десек, аталған салық тәртібін қол­данатын шағын және ұсақ кә­сіп­керлік субъектілері Мемлекет бас­шысының 2019 жылғы 2 қыр­күйектегі Жолдауында айтылған табыс салығынан үш жылға боса­тылады» дейді ол.
</blockquote>
Г.Смағұлова айтуынша, патент­пен жұмыс істейтін, жеңілдетілген декларация негізінде жұмыс істейтін, қысқасы, ақшалай есеп айырысуды жүзеге асыратын кәсіпкерлер онлайн кассалық-бақылау аппаратын ор­натуы тиіс. Бұл жыл соңына дейін қойылып отырған талап. Биыл 633 қызмет түрі кассалық-бақылау аппаратына кезең-кезеңімен өтті. Жалпы, республика бойынша 540 мың жеке кәсіпкерлердің 513 мыңы онлайн кассалық-бақылау аппаратын орнатып үлгерді, яғни 95%. Қалғандары интернет жоқ жерлерде орналасқан.
Сонымен бірге патенттен бас­қа салықтық режимге өтетін жеке кәсіпкер мен 2020 жылдан бастап патентпен жұмыс істеуге құқы бе­рілген 32 қызмет түрі де бар. Ал егер нақты ақшамен есеп айырыспайтын кәсіпкерлер кассалық-бақылау ап­паратын алуға міндетті емес екен.
<blockquote>
 «Қазақстандық кәсіпкерлердің 540 мыңнан астамы кассалық-бақылау онлайн аппаратына өтті. Келер жылы олардың қатарын 400 мыңнан астам кәсіпкер толықтыруы тиіс. Оларды негізінен шағын биз­нес және шаруа қожалықтары құ­райды. Қазіргі күні олардың ара­сында кассалық-бақылау жүйесіне көшкендерінің саны 20 пайызға жетпейді. Жыл соңына дейін мем­лекет кәсіпкердің кассалық-бақылау машинасын орнатуға жұмсаған шығынының белгілі бір бөлігін өтеп береді. Ол кәсіпкердің жеке табыс салығын азайту есебінен жүргізіледі. Мысалы, егер жеке кәсіпкердің жеке табыс салығы 150 мың теңгеден жо­ғары болса, оның 60 мыңы ке­шіріледі. Яғни, 50% аспайтын онлайн БКМ құнының. Ал 100 мың теңгеге дейін жеке табыс салығын төлеушілерге соманың жартысына 50 мың жеңілдік жасалады», – дейді Гүлмира Әмірғалиқызы.
</blockquote>
Оның айтуынша, қаржылай есеп айырысатындарға қойылған онлайн кассалық-бақылау маши­насын орнату талабы интернет же­лісі тартылмаған өңірлердегі кәсіпкерлерге ғана жүрмейді.

Келесі жылдан бастап кәсіпкердің патент алуы қиындайды

<a href="https://kyzylorda-news.kz/">Kyzylorda-news.kz.</a> Себебі ойламаған жерден мұз ойылып, су астына кетіп қалу қаупі жоғары.
Күн суытып, ауа температурасы 0 градустан төмендеген сайын елорда өзендерінің бетін жұқалтаң мұз басты. Құтқарушылар бұл күндері мұз бетіне шығу, әсіресе оның қаттылығын аяқпен басып тексеру аса қауіпті екенін айтып дабыл қағып отыр, деп хабарлайды қалалық әкімдіктің ресми сайты.&nbsp;
Еліміздің өзге өңірлерінде биылғы күз-қыс маусымында қайғылы жағдай орнап үлгерді: екі бала қаза тапты. Қазір өзендер мен көлдердің бетінде күзгі мұз қату басталды. Ол жерде жүру адам өміріне қауіпті. Себебі ойламаған жерден мұз ойылып, су астына кетіп қалу қаупі жоғары.&nbsp;
Құтқарушылардың ақпараты бойынша, бір адам үшін мұздың қауіпсіз қалыңдығы кемінде 7 см құрайды, оның үстімен жаяу жүріп өту үшін кемінде 15 см болуы қажет. Автомобильдер үшін 30 см-ден жұқа болмағаны жөн. Ал қазіргі уақытта көлдер мен су айдындарындағы мұздың қалыңдығы шамамен 1-ден 2 см-ге дейін.&nbsp;
Бұл жерде есте ұстау қажет негізгі қағида – жұқалтаң мұздың үстіне шығып, оның қаттылығын аяқпен қатты басып көруге болмайды. Қатты және қауіпсіз мұз ұзақ аяздан кейін ғана болады.&nbsp;
Сонымен қатар, ата-аналар су қоймаларына жақын жердегі қауіпсіздік пен жүріс-тұрыс ережелерін ұмытпауы және балаларды қараусыз қалдырмауы тиіс.&nbsp;
Адам өміріне қауіп туындаған уақытта бірден 112 нөмірі бойынша шұғыл қызметке қоңырау шалу керек.

Қазақстан және Қызылорда облысының жаңалықтары: Қоғам