<a href="https://kyzylorda-news.kz/">Kyzylorda-news.kz.</a> Адамның денсаулығында ақау болса, сырт келбетінің бір жерінде белгі беріп, көрініп тұрады. Сондай-ақ адамның дені сау екенін де мынадай белгілерге қарап білуге болады екен.
Жылтыр, қалың шаш
Шаш сынғыш, құрғақ болса, ағза жұмысы дұрыс емес. Бұл гипотиреоз (гормон жетіспеушілігі), авитаминоз немесе асқазан-ішек жолдары жұмысының бұзылғанын білдіреді. Ерте жастан шаш түсіп, бас таз бола бастауы стресс деңгейі күшеюінен, қант диабеті әсерінен болады. Дәрігерлер шаш денсаулық ахуалының индикаторы екенін айтады. Егер ол жылтырап тұрса, жиі түспейтін, тез өсетін болса, демек ағза құнды заттарды жеткілікті деңгейде сіңіріп жатыр және зат алмасу бұзылмаған.
Қатты тырнақ
Деніңіз сау екенін тырнақтың күйіне қарап та анықтауға болады. Тырнақта көлденең сызықтар бар әрі кебір болса, D дәрумені не темір жетіспеушілігі болуы мүмкін. Қоңырқай-қызыл түске енуі – бүйректегі проблемадан, ақшыл нүктелер кальций жетіспеуінен хабар береді. Тырнақ сау болса, жақсы өседі, түсі ашық алқызыл реңде, сірқабығы бүтін болады. Жуандығы жас ұлғаюына байланысты, ал тырнақ тілімі тегіс, түзу болады.
Тіл, тіс, қызыл иек саулығы
Ағзадағы 99% кальций тісте болады екен. Ауыз қуысының тазалығына мән беріп, күн сайын тісіңізді тазалап жүрсеңіз де, тісіңіз сарғайып тұрса, тіс ауруының белгісі. Егер қызыл иегіңіз қабынып, тіс қанайтын болса, дәрумен жетіспеушілігі, бактериялық ауру, иммунитет төмендеуі. Тілдің сыртқы келбеті де денсаулыққа әсер етеді. Тілден сұр не жасыл қалдық шықса, ас қорыту мәселесі туындағаны. Тіл ұшы қызыл болса, жүрек соғысы бұзылғаны. Қалыпты жағдайда тіл ашық алқызыл түсте, шырышты қабаты түзу болуы керек.
Тері жағдайы
Адамның денсаулығы қалыпты болса, терісінен-ақ бірден көрініп тұрады. Түсі күңгірттену, қабыршақтану, шектен тыс құрғау не майлану, бөрту – ағза жұмысы бұзылғанының белгісі. Жасөспірім шақта бетке безеу шығуы – физиологиялық қалыпты жағдай. Ал ересек адамның бетінде безеу болса, гормондар бұзыулының көрсеткіші немесе жүйке жүйесі, ас қорыту жүйесінің жұмысы бұзылған. Терінің жағдайы қоршаған ортаның күйіне, ағзаның ерекшелігіне, генге де байланысты болуы мүмкін. Дегенмен түсі қалыпты, тегіс, бөртпе болмауы тиіс.
Бел орамы мен дене салмағының индексі
Адамның дене салмағы мен бойы бір-біріне сәйкес келуі керек екені белгілі. Америкалық ғалымдардың зерттеуі бойынша, адамдардың 50% артық салмағы бар, 29% май басу дерті, 16% зат алмасуы жақсы, майланудың 3\2 типіне жатады екен. Ал салмағы қалыпты адамдардың 30%-інде жүрек талмасы патологиясы бар. Бел орамы қалыпты болуы да деннің саулығын көрсетеді, ал бел аймағына май жиналса, биохимиялық процесті өзгертіп, артық гормондар бөліп шығуына сеп болады.
Тыныш ұйқы
Адам ұйқысы тыныш болмаса, миы тынықпайды, ал ағза қалпына келе алмайды. Ұйқысыздық, өте сергек ұйқы, ұйықтау және ояну мәселе туғызса, үнемі шаршап жүру байқалса, ұйқы қанбаса, жүйке жүйесі бұзылып, зат алмасу өзгергенін көрсетеді. Жүрек ауруы, қант диабеті болуы да ықтимал. Тыныш ұйқы, өзін жақсы сезіну, таңда тың боп тұру деннің саулығын білдіреді.
<a href="https://massaget.kz/layfstayl/Zdorove/60470/">Massaget.kz</a>

Дені сау адамның белгілері

<a href="https://kyzylorda-news.kz/">Kyzylorda-news.kz.</a> Қызылорда облысының аумағында автомобиль жолдарында жолаушылар мен жүктерді тасымалдауды жүзеге асыратын жүргізушілер арасында көліктік тәртіпті арттыру мақсатында «Автобус» жедел- профилактикалық іс-шарасы басталады.
Шара барысында желіде қызметін тіркеусіз жүзеге асыратын азаматтар бақылауға алынады.
15 – 17 қаңтар аралығында өтетін іс-шара аясында көлік жолдарында рейс алдында жүргізушіні медициналық қарау, олардың еңбек және демалыс режимін сақтауын қадағалау жоспарлануда.

Қызылордада қоғамдық көліктерге талап күшейеді

<a href="https://kyzylorda-news.kz/">Kyzylorda-news.kz.</a> «Аманат» сақтандыру компаниясы Алматы маңындағы ұшақ апатынан қайтыс болған үш отбасына жерлеу шығындарын 100 АЕК мөлшерінде төледі – бұл 265 мың теңгеден сәл астам. Қайғылы оқиғадан 17 күн өтті. «Фоккер-100» апатының себебі туралы әлі де көптеген сұрақтар бар.
Мән-жайды «Бек Эйр» компаниясының басшысы Нұрлан Жұмасұлтановтан сұрауды&nbsp;жөн көрдік, деп хабарлайды&nbsp;Stan.kz.&nbsp;
Бұған дейін Қазақстан премьер-министрінің орынбасары Роман Скляр екі ұшқыштың апат кезіндегі диалогін хабарлаған болатын. Онда бір ұшқыштың қателік жасағанын байқауға болады. Бұған&nbsp;Нұрлан Жұмасұлтановтың пікірі қандай?
<blockquote>
 “Ұшақ әуеге көтерілген соң дірілдей бастады. Ұшқыштың бірі “Не болып жатыр?” деп сұрады. Екіншісі “қозғалтқыш” деп жауап берді. Мұнда бір ұшқыштың қателікке жол бергенін байқауға болады. Иә, ол жұмыс қозғалтқыштың режимін азайтып жаңсақтыққа жол берді”, – деді компания басшысы.&nbsp;
</blockquote>
Естеріңізге сала кетейік, бұған дейін Қазақстан премьер-министрінің орынбасары Роман Скляр ұшқыштардың келіссөздерінің жазбасына сілтеме жасай отырып, тергеудің&nbsp;негізгі нұсқасын айтқан болатын. Оның айтуынша, Фоккердің апатқа ұшырауы&nbsp;ұшақтың мұздауы салдарынан&nbsp;болуы мүмкін.

Bek Air басшысы: Екінші ұшқыш қателік жіберді

<a href="https://kyzylorda-news.kz/">Kyzylorda-news.kz.</a> Жылдарды қысқартып жазу әдеті 2020 жылы қазақстандықтар үшін мәселе тудыруы мүмкін: алаяқтар “20” санына басқа цифрлар қосып 01.01.20 күнін 021.01.2019 не 01.01.2021 датасына өзгертіп жіберуі мүмкін, деп хабарлайды <a href="https://kaz.tengrinews.kz/kazakhstan_news/1120-dep-toltyirmanyiz-zanger-biyil-kujat-rasmdeude-sak-304039/">Tengrinews.kz</a>. &nbsp;&nbsp;
Заңгер Максим Мостовичтің сөзінше, кез келген қолжазба құжатын: түбіртек, арыз, шағым және есеп журналдарын жасап алуға болады. Алаяқтар құжаттарға басқа цифрлар қосып, өзіне ыңғайлы уақытқа ауыстырып алуы мүмкін. Кей жағдайларда мұндай өзгертулер мәселен сот қаралымдарында адам тағдырына әсер етеді.&nbsp;
<blockquote>
 “Егер сіз құжаттың әлдебір мәліметтер өзгергенін аңғарсаңыз, құжаттың түпнұсқалығын немесе жалған екенін анықтау үшін сот сараптамасын жүргізу туралы өтініш беруіңіз керек. Алаяқтар сіздің құжаттарыңызға өзгерісті сот процесінен тыс жасаған болса, онда бірден полицияға қылмыстық іс қозғауға шағым түсіру керек. Сотқа дейінгі тергеу процесі аясында құқық қорғау өкілдері сараптама жүргізеді. Сөйтіп сот арқылы құжаттың жалған екенін дәлелдей аласыз”, – дейді заңгер.&nbsp;
</blockquote>
Маманның айтуынша, құжатта күнді толық жазып, оны бір оқып шығу керек. Бұл тек 2020 жылға қатысты емес. Мәселен, “1 қаңтар 2020 жыл (бірінші қаңтар, екі мың жиырмасыншы жыл)”.
Максим Мостовичтің сөзінше, жалған құжат жасаған алаяқтарға көп мөлшерде айыппұл салынады – 5 миллион теңгеге жуық. Ал ауырлататын мән-жайлар кезінде екі жылдан бастап бас бостандығынан айырылуы мүмкін.
Маман көп жағдайда мәселе тек жалған құжат жасалуынан емес, сонымен қатар, келісімдерді түсінбеушіліктен сондай-ақ контрагенттің қате бағалануынан туындайтынын айтты.

&#8220;1.1.20 деп толтырмаңыз&#8221;. Заңгер биыл құжат рәсімдеуде сақ болуға шақырды

<a href="https://kyzylorda-news.kz/">Kyzylorda-news.kz.</a> Осы жылдың соңына дейін елімізде жаңадан денсаулық сақтау кодексі қабылданады,&nbsp;деп хабарлайды «Хабар 24».
Қазар заң жобасын Парламент Мәжілісіндегі жұмыс тобы талқылап жатыр. Жаңа кодекс қабылданса, денсаулық саласында бірқатар оңды өзгеріс болады. Әсіресе медицина қызметкерлерінің мәртебесін көтеруге арналған баптар енгізіледі. Парламент Мәжілісінің депудаттары Өскемендегі «Ана мен бала» орталығы ұжымымен кездескенде, осы кодекс туралы айтып берді. Әлеуметтік саланы әлдендіруге байланысты жоғарғы заң шығару органының атқарып жатқан жұмысына тоқталды. Әсіресе биылдан бастап күшіне енген міндетті медициналық әлеуметтік сақтандыруға қатысты сауалдарға да жауап берді. Ауылды жерлердегі емханалардың материалдық базасын нығайтып, дәрігер мамандарды дайындаудағы ерекшеліктерге тоқталды.
<blockquote>
 «Мұның барлығы дәрігерлердің істеп жатқан жұмыстары сапалы болу үшін. Және білім алған кезде академиялық бостандық беріледі. &nbsp;Соған байланысты практика көбірек болу керек. Дәрігерлерге клиникалық тәжірибе қажет. Сол мәселені қарастырып жатырмыз», – дейді ҚР Парламенті Мәжілісінің депутаты Жанат Омарбекова.
</blockquote>

Қазақстанда жаңадан денсаулық сақтау кодексі қабылданады

<a href="https://kyzylorda-news.kz/">Kyzylorda-news.kz.</a> Қызылорда қалалық «Жұмыспен қамту орталығы» бұған дейін «Қалалық жұмыспен қамту және әлеуметтік бағдарламалар және азаматтық хал актілерін тіркеу» бөлімімен бірге бір ғимаратта орналасқан.
Бұл мекемелер арқылы қызмет алушылардың саны бірнеше есеге ұлғайып, қызмет көрсету барысында ғимараттың тарлығы айтарлықтай жайсыздық тудыратын. Себебі қалада 2019 жылдың қорытындысымен атаулы әлеуметтік көмек алушылар саны 5 есеге өскен.
Осы мақсатта, көп балалы аналардың сұранысын қанағаттандыру мақсатында қала әкімі Н.Нәлібаевтың тапсырмасымен Жұмыспен қамту орталығы жалпы аумағы 750 шаршы метрді құрайтын жаңа ғимаратқа көшірілді. 
Қала орталығындағы бұл ғимарат, Сүлейменов көшесі №70 мекен-жайында орналасқан. «Бақытты отбасы» атауымен «OPEN SPACE» форматында өз жұмысын бастаған бұл орталықта қызмет алушыларға барлық ыңғайлы жағдайлар жасалған.
Яғни, 150 адамға арналған күту залы, балалар ойын бұрышы қарастырылған.
Орталықта жұмыссыз азаматтарды жұмыспен қамту, аз қамтылған отбасыларға кәсіпкерлік бастамалар мен кәсіптік бағдар беру, мемлекеттік бағдарламалар аясында гранттық қаржылар қарастыру, қайта даярлау курстарын ұйымдастыру секілді қала халқы үшін қажетті және маңызды жұмыстар жүзеге асырылады.
Алдағы уақытта, орталықтың ішінде заңгерлер, психолог мамандар кеңес беретін арнайы бөлмелер, аналар бөлмесін қарастыру жоспарлануда.
Жалпы, жыл басынан қалалық «Жұмыспен қамту орталығы» жаңа форматтағы атаулы әлеуметтік көмекке 700-ден астам өтінім қабылдаса, «Жастар» тәжірибесі арқылы – 125 жасқа, әлеуметтік жұмыспен қамту арқылы – 80 адамға, 450 азаматқа қоғамдық жұмысқа және 250-ден астам қала тұрғынына &nbsp;тұрақты жұмыс орындарына жолдама берген.
<img src="https://kyzylorda-news.kz/wp-content/uploads/2020/01/bakytty-otbasy-ortalygy-1.jpg" alt="" />
<img src="https://kyzylorda-news.kz/wp-content/uploads/2020/01/bakytty-otbasy-ortalygy-2.jpg" alt="" />
<img src="https://kyzylorda-news.kz/wp-content/uploads/2020/01/bakytty-otbasy-ortalygy-3.jpg" alt="" />

Қызылорда қаласында «Бақытты отбасы» орталығы ашылды

<a href="https://kyzylorda-news.kz/">Kyzylorda-news.kz.</a> 2019 жылғы 11 айда экспортталатын тауарларға баға 2,4 пайызға төмендеп, импортталатын тауарларға 6,1 пайызға жоғарылады. Бұл туралы ҚР ҰЭМ Статистика комитетінен мәлім етті.
Ведомство мәліметінше, өткен жылдың қаңтар-қарашасында экспорттық жеткізілімдер бағасы ферроқорытпаларға – 26,8, мырыш кендеріне – 15,7, хром кендеріне – 15,1, мырышқа – 4,2, мысқа – 2,6, мұнайға 0,8 пайыз төмендеді. Ал темір кендеріне – 18,3, көмірге – 17,1, қорғасынға – 16,9, қара металдардан жасалған бұйымдарға – 7,8, қара металл илегіне 3,2 пайыз жоғарылады. Бағаның мақтаға 7,1 төмендеуі, олардың бидайға – 26,4, арпаға – 4,2, жүнге 1,7 көтерілуі тіркелді.
Импортталатын өнімдерден көкөністер – 37,4, күріш – 10,8, кондитерлік өнімдер – 15,4, сүт өнімдері – 8,3, макарон өнімдері – 7,7, кофе – 6,6, құс еті – 5,2, балық 5,1 пайыз қымбаттады. Қант – 7,7, жемістер мен жаңғақтар 3,9 пайыз арзандады. Баға аяқ киімге – 11,2, фармацевтикалық өнімдерге – 10, құрылыс материалдарына – 7,8, қағаз 7,7 пайызға жоғарылады.

Қазақстан импорттайтын тауарлар бағасы 6,1 пайызға қымбаттады

<a href="https://kyzylorda-news.kz/">Kyzylorda-news.kz.</a> Бүгін Қызылорда облысында көктайғақ болып, тұман түседі, деп хабарлайды Қазгидромет.
Аймақта күндіз қатты жел соғады. Желдің ұйытқу қатері 15-20 м/с.
Жалпы, барлық аймақтар жауын-шашынды болмақ. Сондай-ақ қалың тұман түсіп, көктайғақ болады. Күндіз жел болады.

Тұман түсіп, көктайғақ болады

1935 жылы Қазақ мемлекеттік филармониясы құрылды. 1938 жылы оған Жамбылдың есімі берілді. Филармонияның алғашқы көркемдік жетекшісі белгілі ғалым, композитор, қазақ музыкасы мен қазақтың халық әуендері туралы көптеген кітаптардың авторы Ахмет Жұбанов болды.
1992 жылы Қызылорда педагогика институтына ежелгі түркілердің ұлы ақыны, әрі композиторы Қорқыт Ата есімі берілді.
1992 жылы КИМЕП университеті құрылды. Республикадағы нарықтық экономиканы дамыту үшін білікті жұмыс күшіне қажеттілік бар екенін жақсы түсінген Мемлекет басшысы АҚШ ғалымдарының бірі Чан Йан Бэнгке Алматыда өзінің жаңа оқу орнын ашуды ұсынды. КИМЭП Университетi оқытушылық құрамы қазақстандық және шетелдік оқытушылардан тұрады, олардың көпшілігі өздерінің магистрлік және докторлық дәрежелерін Еуропа мен Солтүстік Американың жоғары оқу орындарынан алған.
1993 жылы Қазақ мемлекеттік университетіне өзінің интеллектуалдық әлеуетін толық пайдалану мақсатында өзін-өзі басқаратын автономды мемлекеттік жоғары оқу орны мәртебесі беріліп, әл-Фараби атындағы Қазақ мемлекеттік ұлттық университеті деп аталды.
1994 жылы Елбасы Жарлығымен Қазақстан Республикасы Президентінің мұрағаты құрылды. 1998 жылы Беларусь астанасы Минск қаласының бір көшесіне жазушы Мұхтар Әуезовтің есімі берілді.
2000 жылы “Қызылорда-Инновация”, “Қызылорда-Сервис” мемлекеттік коммуналдық кәсіпорындары құрылды. 
1994 жылы Елбасы Жарлығымен Қазақстан Республикасы Президентінің мұрағаты құрылды.
2011 жылы 14-15 қаңтарда Қызылордада VII Азия ойындарының алауы жағылды.
2013 жылы Мемлекет басшысы «Мемлекеттік білім беру жинақтау жүйесі туралы» ҚР Заңына қол қойды.
2017 жылы Қызылорда облысындағы Сығанақ, Жанкент, Кескен-күйік, Шірік-Рабат, Бәбіш-мола, Жент, Баланды қалашықтары, Жетіасар мәдени ескерткіштері және Сауысқандық петроглифтері ЮНЕСКО-ның дүниежүзілік мұраларының алдын ала тізіміне енгізілді.

14 қаңтар: Ел тарихында орын алған оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 14 қаңтарға арналған жұлдыз-жорамалы.
Тоқты
Бүгін сізге берілген тапсырмалар өте қарапайым, сондықтан оларды орындауда еш қиындық жоқ. Мақсатқа жетуде ештеңені қиындатпай, барлығын дер кезінде орындай аласыз.
Торпақ
Жұмысқа қатысты бірнеше ұсыныс түседі. Бірақ олардың барлығы пайдалы емес. Егер сақтық танытып, барлығын бағдарлайтын болсаңыз, таңдау жасауда қателік жасамайсыз.
Егіздер
Табысқа жету үшін табандылық қажет. Сонымен қатар бүгін ешқандай мәселе орын алмайды. Жақсы нәтижеге қол жеткізу үшін &nbsp;ішкі түйсігіңізді тыңдаңыз. Айналаңыздағы адамдарды ақыл-кеңесін тыңдамаңыз.
Шаян
Алға қойған мақсатыңызға, армандарыңызды орындауға бір табан жақындайсыз. Бүгін жұмысқа қатысты біршама сұрақтарды талқылауға болады. Түстен кейінгі уақытта өзіңізді шаршатпаңыз.
Арыстан
Бүгін көптен бері мазаңызды алып жүрген шаруаларды біржақты етесіз. Орын алған мәселелерге еш алаңдамайсыз. Өйткені олардың барлығын қалай шешу керектігін білесіз.
Бикеш
Өз ісіңізді тиянақтай білесіз. Сонымен қатар өзгелердің де шаруасын тындырасыз. Шығармашылығыңыз аздап тоқырауға ұшырайды. Бұл жағдайда достарыңыз немесе ескі таныстарыңыз ақыл қосады.
Таразы
Өзекті мәселеге жолығасыз. Өзгелердің жағдайын енді түсінетін боласыз. Өзіңізге келгенде шаруаны тиянақты тындыру қолдан келмейді. Көп уақытыңыз күмән келтірумен өтеді.
Сарышаян
Жемісті күн. Көптен бері шешімі табылмай жүрген мәселені соңына дейін жеткізіп, араңыздан жүк түскендей әсерде боласыз. Сондай-ақ бүгін сізге біреу ғашық болады.
Мерген
Түрлі тақырыпта сөз қозғайтын ортада боласыз. Әңгіме-дүкен құрып, жаңа таныстар табасыз. Не болмаса бүгін өзіңіз кездесу ұйымдастырып, көпшіліктің ризашылығын алатын боласыз.
Тауешкі
Көп ойдан аралып, тек маңызды деген істерді ойлаңыз. Қиын тапсырмаларды орындауға, соңғы уақытта тығырыққа тіреген сауалдарға жауап табуға болады. Ешкіге ашылып сыр айтпаңыз.
Суқұйғыш
Кездесуге баруға, жаңа таныстар табуға қолайлы күн. Көп адамдар сізбен кездесуге, сөйлесуге асығады. Өзіңізге ұнайтын адамдармен кездесіңіз. Бұрын сізді ренжіткен жандар да кешірім сұрағысы келеді.
Балықтар
Керемет күн. Мәселелер туындағанымен оларды тез арада шеше аласыз. Олардың маңызды мәселеге айналуына жол бермейсіз. Бұл ісіңіз басшылықтың назарында болатынын ұмытпаңыз.
Аударған Динара МАХАНОВА

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Былтыр бас-аяғы 27 кәсіпорында шетелдік және жергілікті жұмыскерлерге жалақы төлеу бойынша 480-ге тарта сәйкессіздік анықталды.
Үкімет басшысының орынбасары Бердібек Сапарбаев арнайы жиын барысында жұмыс беруші кәсіпорындар босаған шетелдік қызметкердің орнын жергілікті мамандарға беруге құлық танытпайтынын жеткізді. Бұдан былай мұндай олқылықтар жіті тексерілетін болады. Ескертудің қағаз жүзінде ғана орындалмауы да баса назарға алынады. Былтыр Атырау, Түркістан, Қарағанды облыстарында жұмысшылардың теңсіздігі тіркелді. Бірқатар өңірде көрсетілген квотадан көп шетелдік жұмысшы тартылғаны анықталған. Тіпті құжат бойынша инженер деп шақырылған жұмысшылардың көбі үшінші-төртінші санат бойынша жұмыс істеп келіпті. Жалпы қазір Қазақстанда рұқсаттама алып жұмыс істеп жатқан шетелдіктердің саны 19 мың. Жұмысшылар негізінен құрылыс, тау-кен, қызмет көрсету салалары бойынша Қытай, Түркия, Үндістаннан келеді.&nbsp;
«Мен еңбек министрлігіне айтылған ескертулерді орындауды тапсырамын. Шетелдік мамандарды жергілікті маманға ауыстыру туралы тапсырма болса, орындау керек. Штатты қысқарттық деген сылтаумен тайқып кетудің қажеті жоқ. Қазақстандық және шетелдік жұмыс күшінің біліктілігі бірдей болса, еңбекақысы да тең болуы керек. Кей кәсіпорындардағы айырмашылық үш есе. Мен барлықтарыңызға Қазақстандағы еңбек туралы заңнаманы сақтауға шақырамын. Еңбек жағдайы да барлығына бірдей болу керек. Қазір отандық кәсіпорындарда қазақстандық жұмысшылардың үлесі 96 процент», – дейді ҚР Премьер-министрінің орынбасары Бердібек Сапарбаев.
<a href="https://24.kz/kz/zha-aly-tar/o-am/item/367231-aza-standy-zh-ne-sheteldik-zh-mysshylar-a-atysty-za-nama-m-ltiksiz-oryndalsyn-saparbaev">24.kz</a>

Бердібек Сапарбаев: Қазақстандық және шетелдік жұмысшыларға қатысты заңнама мүлтіксіз орындалсын

<a href="https://kyzylorda-news.kz/">Kyzylorda-news.kz.</a> Өткен жылдың 26 желтоқсанында Мемлекет Басшысы Қасым-Жомарт Тоқаев «Қазақстан Республикасында тексерулерге және профилактикалық бақылау мен қадағалауды барып жүргізуге мораторий енгізу туралы» Жарлыққа қол қойған болатын.
Аталған мораторийге енетін кәсіпкерлер мен Жарлықта көрсетілген жеңілдік қолданылмайтын бизнес субъектілері жөнінде Қызылорда облысы кәсіпкерлер палатасы директорының құқықтық мәселелер бойынша орынбасары Салават Құлмахан айтып берді.
<blockquote>
 «Президент қол қойған Жарлыққа сәйкес орталық мемлекеттік және жергілікті атқарушы органдар 2020 жылғы 1 қаңтардан бастап 2023 жылғы 1 қаңтарға дейін шағын кәсіпкерлік субъектілерін, оның ішінде микрокәсіпкерлік субъектілерін тексерулерді және профилактикалық бақылау мен қадағалауды барып жүргізе алмайды», – дейді Салават Құлмахан.
</blockquote>
Айта кетейік, микрокәсіпкерлер дегеніміз жұмыскерлерінің жылдық орташа саны он бес адамнан аспайтын немесе жылдық орташа кірісі республикалық бюджет туралы заңда белгіленген және тиісті қаржы жылының 1 қаңтарында қолданыста болатын айлық есептік көрсеткіштің 30 000 еселенген мөлшерінен, яғни 79,5 млн теңгеден аспайтын, жеке кәсіпкерлікті жүзеге асыратын шағын кәсіпкерлік субъектілері.
Ал шағын кәсіпкерлік субъектілеріне заңды тұлға құрмаған жеке кәсіпкерлер және жұмыскерлерінің жылдық орташа саны 100 адамнан аспайтын және жылдық орташа кірісі республикалық бюджет туралы заңда белгіленген және тиісті қаржы жылының 1 қаңтарында қолданыста болатын айлық есептік көрсеткіштің 300 000 еселенген мөлшерінен, яғни 795 млн теңгеден аспайтын, кәсіпкерлікті жүзеге асыратын заңды тұлғалар жатады.
Палата директорының орынбасары мораторийге кірмейтін, яғни тексерулер жүргізіле беретін жағдайларға да тоқталып өтті.
<blockquote>
 «Мораторий жарияланғанымен егер кәсіпкерлік субъектілері тарапынан халықтың өмірі мен денсаулығына, қоршаған ортаға және қоғамдық тәртіпке қатер төндіретін құқық бұзушылық немесе болуы мүмкін жағдайлар, ұлттық қауіпсіздігімізге қатер төндіретін бұзушылықтар орын алса, сондай-ақ еліміздің заңнамасында белгіленген талаптарды бұзу фактілерінің себебін анықтау мақсатында нақты кәсіпкерлік субъектісіне қатысты нақты фактіге байланысты бір жоспардан тыс тексеру жеткіліксіз болған жағдайда тексерулер орталық мемлекеттік және жергілікті атқарушы органның бірінші басшысының шешімі негізінде жүргізілетін болады», – дейді Палатаның бас заңгері.
</blockquote>
Сонымен бірге, мынадай жағдайларда тексерулер жүргізіле береді:
– Өз қызметіне қатысты кәсіпкерлік субъектілерінің өтініштері негізінде, оның ішінде «Рұқсаттар және хабарламалар туралы» 2014 жылғы 16 мамырдағы заңға сәйкес рұқсат алуға арналған өтініш бойынша тексерулер және профилактикалық бақылауды барып жүргізу;
– 2014 жылғы 4 шілдедегі Қылмыстық-процестік Кодексте көзделген негіздер бойынша тексерулер;
– Президенттің және Бас Прокурордың тапсырмасы бойынша прокуратура органдарының тексерулері;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – кедендік тексерулер;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – қарсы салықтық тексерулер;
– салық төлеуші мен оның дебиторлары арасындағы өзара есеп айырысуды айқындау, салық органдарында тіркеу есебіне қою, касса бойынша шығыс операцияларын тоқтата тұру туралы салық органы шығарған өкімдерді орындау мәселелері бойынша тақырыптық салықтық тексерулер;
&nbsp;– халықтың санитариялық-эпидемиологиялық саламаттылығы саласында өнім қауіпсіздігінің мониторингін жүзеге асыру үшін өнімді іріктеу және оған санитариялық-эпидемиологиялық сараптама жасау мақсатындағы профилактикалық қадағалауды барып жүргізу;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; – жер қойнауын пайдаланушылар.
Палата директорының орынбасары Салават Құлмахан кәсіпкерлерге жұмыс жасауына кедергі келтірген жағдайлар орын алса, өзге де құқықтық кеңес, көмек қажет болса уақыт жоғалтпай Кәсіпкерлер палатасы заңгерлеріне жүгінуге шақырды. Палата мекен-жайы: Қызылорда қаласы, Желтоқсан к-сі 12, «Бастау» бизнес-орталығының 11-қабаты. Байланыс телефоны: 8 /7242/ 40-09-81.

Қазақстан және Қызылорда облысының жаңалықтары: Қоғам

Дені сау адамның белгілері

Қызылордада қоғамдық көліктерге талап күшейеді

Bek Air басшысы: Екінші ұшқыш қателік жіберді

“1.1.20 деп толтырмаңыз”. Заңгер биыл құжат рәсімдеуде сақ болуға шақырды

Қазақстанда жаңадан денсаулық сақтау кодексі қабылданады

Қызылорда қаласында «Бақытты отбасы» орталығы ашылды

Қазақстан импорттайтын тауарлар бағасы 6,1 пайызға қымбаттады

Тұман түсіп, көктайғақ болады

14 қаңтар: Ел тарихында орын алған оқиғалар

Жұлдыздар не дейді?

Бердібек Сапарбаев: Қазақстандық және шетелдік жұмысшыларға қатысты заңнама мүлтіксіз орындалсын

Кәсіпкерлерді мемлекеттік тексеру тәртібі қандай?

Қазақстан және Қызылорда облысының жаңалықтары: Қоғам

Дені сау адамның белгілері

Қызылордада қоғамдық көліктерге талап күшейеді

Bek Air басшысы: Екінші ұшқыш қателік жіберді

&#8220;1.1.20 деп толтырмаңыз&#8221;. Заңгер биыл құжат рәсімдеуде сақ болуға шақырды

Қазақстанда жаңадан денсаулық сақтау кодексі қабылданады

Қызылорда қаласында «Бақытты отбасы» орталығы ашылды

Қазақстан импорттайтын тауарлар бағасы 6,1 пайызға қымбаттады

Тұман түсіп, көктайғақ болады

14 қаңтар: Ел тарихында орын алған оқиғалар

Жұлдыздар не дейді?

Бердібек Сапарбаев: Қазақстандық және шетелдік жұмысшыларға қатысты заңнама мүлтіксіз орындалсын

Кәсіпкерлерді мемлекеттік тексеру тәртібі қандай?

“1.1.20 деп толтырмаңыз”. Заңгер биыл құжат рәсімдеуде сақ болуға шақырды