<a href="https://kyzylorda-news.kz/">Kyzylorda-news.kz.</a> «100 нақты қадам» Ұлт жоспарын жүзеге асыру аясындағы «Өңірлік электржелілік компанияларды ірілендіру (ЭТК)» 51-ші қадам бойынша Қызылорда облысы әкімдігінің 2019 жылғы 4 желтоқсандағы №110 қаулысымен «Шиелі-Энергосервис» ЖШС таратылды.
<blockquote>
 «Шиелі-Энергосервис» ЖШС энергия беруші ұйымның электржелілік объектілері «Қызылорда ЭТТК» АҚ өңірлік электржелілік компаниясының жедел қызмет көрсетуімен облыстық коммуналдық мүлік балансына қабылданды. Осылайша тұтынушылар үшін электр энергиясының құнын төмендету бойынша ірілендірудің негізгі мақсаттарының біріне қол жеткізілді. «Шиелі-Энергосервис» ЖШС энергия беруші ұйымының есеп айырысудағы үстемақы алынып тасталады. Бұдан әрі Қазақстан Республикасының «Электр энергетикасы туралы» Заңына сәйкес электр желілері «Қызылорда ЭТТК» АҚ өңірлік электр желілік компаниясының балансына берілетін болады», – деген ҚР Энергетика министрлігі Атомдық және энергетикалық қадағалау мен бақылау комитетінің Қызылорда облысы бойынша аумақтық департаменті таратқан хабарламада.
</blockquote>

«Шиелі-Энергосервис» ЖШС таратылды

<a href="https://kyzylorda-news.kz/">Kyzylorda-news.kz.</a> Бүгін «Nur Otan» партиясы Қызылорда облыстық филиалының төрағасы, облыс әкімі Қ.Ысқақов партияның 20 жылдығына орай ұйымдастырылған салтанатты шараға қатысты.
Биыл Тәуелсіздіктің 28 жылдығымен қатар «Nur Otan» партиясының құрылғанына 20 жыл толып отыр. Атаулы мерекелер қарсаңында белсенді партия мүшелері Қазақстан Республикасының Президенті Қ.Тоқаевтың «Алғыс хатымен», «Nur Otan» партиясы Төрағасының Бірінші орынбасары Б.Байбектің «Белсенді қызметі үшін» төсбелгісі және «Құрмет» грамотасымен, облыс әкімі Қ.Ысқақовтың, «Nur Otan» партиясы жанындағы Республикалық сыбайлас жемқорлыққа қарсы іс-қимыл жөніндегі қоғамдық кеңестің төрағасы, ҚР Парламенті Мәжілісінің депутаты О.Өксікбаевтың, «Nur Otan» партиясы жанындағы партиялық бақылау комитетінің төрағасы П.Казанцевтің, «Nur Otan» партиясының хатшысы Ә.Әлденейдің «Алғыс хаттарымен» марапатталды.
Тәуелсіздіктің 28 жылдығы және «Nur Otan» партиясының 20 жылдығымен құттықтаған аймақ басшысы нұротандықтардың еңбектеріне сәттілік тіледі.
<blockquote>
 «Баршаңызды кеше ғана аталып өткен еліміздің ұлық мерекесі Тәуелсіздігіміздің 28 жылдығымен және жетекші партиямыздың 20 жылдық мерекесімен құттықтаймын! Осы жылдар ішінде «Nur Otan» партиясы да Тәуелсіз Қазақстанның экономикалық, әлеуметтік, рухани дамуын қамтамасыз ету жөніндегі үлкен саяси ұйымға, авангардтық биік деңгейге көтерілді. Әрбір партия мүшесі, партиямыздың негізі қаланған сәттен бастап, осы 20 жыл ішінде елмен етене қайнасып, халықтың мүддесін қорғауда, елдің әлеуметтік-экономикалық дамуы жолында тың бастамалар көтеріп, жауапты шешімдер қабылдауға ұйытқы болып келеді. Біздің мақсатымыз айқын, бағытымыз белгілі. Ендігі жерде Қазақстанның жарқын болашағын жасауды мақсат етіп отырған партиямыздың ілкімді істеріне сәттілік тілеп, алдағы міндеттерді орындауда баршаңызға күш-қуат, ауызбіршілік тілеймін»-, деді облыс әкімі Қ.Ысқақов.
</blockquote>
<img src="https://kyzylorda-news.kz/wp-content/uploads/2019/12/23nurotan2.jpg" alt="" />

Қызылордада «Nur otan» партиясының 20 жылдығына арналған салтанатты шара өтті (ФОТО)

<a href="https://kyzylorda-news.kz/">Kyzylorda-news.kz.</a> Нұрсұлтан қаласында «Отандастар қоры» коммерциялық емес акционерлік қоғамы жанынан құрылған Қоғамдық комиссияның кезекті отырысы өткізіліп, онда репатриация процестерін реттеу мәселелері қаралды, деп хабарлайды <a href="http://lenta.inform.kz/kz/shetelden-koship-keletin-kandastardyn-kuzhatyn-rasimdeuge-bir-tereze-kagidaty-engiziledi_a3596633">ҚазАқпарат</a>.
Сондай-ақ, ҚР Сыртқы істер министрлігінің шетелдегі қазақтарды қолдау жөніндегі шаралар туралы ақпараты мен Отандастар Қорының 2019 жылғы жұмыс қорытындысы тыңдалды.
«Отандастар қорының» вице-президенті Мағауия Сарбасов «Шетелдегі қазақтарды және репатриацияны қолдау бағытында іске асырылып жатқан жобалардың бірі – әлем бойынша жұмыс істейтін, барлық мәдени-іскерлік орталықтарды (қазіргі кезде әлем бойынша 250-ден астам) біріктіретін, «Қазақ үйі» жобасын атап өтті. «Қазақ үйі» – үкіметтік емес, саясаттан тыс және коммерциялық емес жоба және 4 бағытта қызмет атқарады, олар: «Абай» мәдени орталығы, «Атамекен» іскерлік үйі, «Жас Қазақ» жастар клубы және «Атажұрт» шетелдік қазақ тілді бұқаралық ақпарат құралдары қауымдастығы.
Шетелдегі қандастарымызға қолдау көрсету мақсатында құрылған «Отандастар қорының» бастамасымен елімізге көшіп келетін сырттағы​ қазақтардың құжаттарын, мемлекеттен берілетін көмектерді рәсімдейтін бір терезе қағидаты енгізілмек.
Пилоттық жоба Моңғолиядағы Қазақстан елшілігінде жүзеге асқалы отыр. Осы мемлекеттегі қандастарымыздың барлық құжаттары елшілігіміз арқылы реттеліп, атамекенге келу үрдісі жеңілдетілмек. Бұл жоба біртіндеп, барлық әлемдегі қазақтар тұратын шетелдерде қолға алынады. Осылайша, «Отандастар қоры» соңғы жылдары саябырсыған көшті қайта жандандыруға ықпал етпек.

Шетелден көшіп келетін қандастардың құжатын рәсімдеуге бір терезе қағидаты енгізіледі

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев Қазақстанда ауылшаруашылық жерлерін пайдалану туралы айтты, сонымен қатар пайдаланылмаған жерлерге салынатын салықты 10-нан 20 есеге дейін ұлғайтуды және бір жыл ішінде пайдаланылмаған жерлерді тартып алуды&nbsp;ұсынды, деп хабарлайды <a href="https://stan.kz/kazakstandiktardan-paydalanilmagan-zherin-bir-zhildan-s-325478/">Stan.kz</a>.
Бұл туралы мемлекет басшысы Қоғамдық сенім Ұлттық кеңесінің отырысы мәлімдеді.
<blockquote>
 «Жерді пайдалану маңызды мәселе болып табылады. Іс жүзінде ұтымды пайдаланылмайтын жерді анықтау өте қиын. Сондықтан жер пайдалану құқығы сияқты сезімтал мәселеде біз асығыс шешім қабылдай алмадық. Сонымен қатар, ауылшаруашылық жерлерін пайдалану бойынша&nbsp;мемлекеттік бақылау саласында соңғы технологияға негізделген басқару әдістерін енгізу қажет.
 Пайдаланылмайтын немесе ұтымсыз пайдаланылатын жерлерді анықтау және тартып алу мақсатында ғарыштық мониторингке көшу қажеттілігі атап өтілді.
 Қазан айында мен жерді қашықтықтан зондтауды қарастыратын агроөнеркәсіптік кешенді реттеу туралы заңға қол қойдым. Бірінші қадам – ​​берік заңнамалық база.
 Енді осы түсірілімдерді жер пайдаланушымен келісімшартты бұзу үшін негіз ретінде пайдалану мүмкіндігін зерттеу қажет. Менің атымнан ауыл шаруашылығы министрлігі тиісті бұйрық әзірледі», – деді Президент.
</blockquote>
Оның айтуынша, жұмыс барлық қауіптерді ескере отырып жүргізіледі – мәліметтер базасының өзектілігі туралы ақпараттың болмауы және т.б.
Мемлекет басшысы ауыл шаруашылығы министрлігі сандық даму министрлігімен бірге барлық дайындық жұмыстарын аяқтап, бірқатар аудандардағы жерді ғарыштық бақылаудың пилоттық жобасын 2020 жылдың 1 мамырына дейін бастау керек екенін айтты.&nbsp;
<blockquote>
 «Сонымен қатар, біз жерді ұтымды пайдалану және бақылау үшін басқа да шараларды қабылдауымыз керек. Меніңше, пайдаланылмайтын жерлерге салынатын базалар мен салық ставкаларын 10-нан 20 есеге дейін арттыру керек. Сондай-ақ, мәжбүрлеп алып тастау үшін жерді пайдаланбау уақытын&nbsp;2 жылдан 1 жылға дейін қысқарту қажет», – деді Тоқаев.
</blockquote>

Мемлекет қазақстандықтардың пайдаланылмаған жерін бір жылдан соң тартып алатын болады

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> «ҚазГерМұнай» біріккен кәсіпорнында Қызылорда облысы бойынша сыбайлас жемқорлыққа қарсы іс-қимыл департаменті басшысының бірінші орынбасары Бақытжан Ниязовтың, «Ақмешіт-Адалдық алаңы» жобалық кеңсесінің басшысы Жандос Тұсмағамбетовтің және кәсіпорынның басшылық құрамымен қатысуыменен сыбайлас жемқорлықтың алдын алу және оған қарсы іс-қимыл мәселелері бойынша кездесу өтті.
Кез келген коммерциялық қызметтің мақсаты – пайда табу. Жұмыс барысында этикалық нормаларды, қоғамдық ережелер мен заңнаманы сақтау қажеттігі ескертілді.&nbsp; Аталған нормалар мен заңдарды сақтау үшін және өнеркәсіптің тиімділігі мен парасаттылығын қалыптастыру мақсатында комплаенс институтын құру қажет.
Комплаенс қызметкері сыбайлас жемқорлық пен тәуекелдерінің алдын алады және ішкі басқару жүйесін бақылайды. «ҚазГерМұнай» БК акцияларының 50% мемлекетке тиесілі квазимемлекеттік секторға жататынын ескере отырып, кәсіпорынның қызметі де бизнес құрылымдары парасаттылықтың үлгісі болуы тиіс. Жер қойнауын пайдалану саласында сыбайлас жемқорлықтың әртүрлі тәуекелдерінің әрдайым орын алатынын ескере отырып, комплаенс қызметкерлер институтын енгізу олардың күрт төмендеуіне ықпал етер еді.

Қызылордадағы мұнай компаниясына комплаенс институтын құру ұсынылды

<a href="https://kyzylorda-news.kz/">Kyzylorda-news.kz.</a> Қазақстан Президенті Қасым-Жомарт Тоқаев табысы аз отбасылардың балаларын қолдау мәселесіне айрықша назар аударуда. Бұл тұрғыда Мемлекет басшысының сайлауалды бағдарламасы мен Қазақстан халқына Жолдауында ерекше екпін қойылды. Жалпы, 20 желтоқсан күні елордада өткен Ұлттық қоғамдық сенім кеңесінің екінші отырысында осы әлеуметтік бағыттағы қадамдар мен шараларға нақты түсінік берілді.
Айта кетейік, бүгінде Президенттің әлеуметтік бастамалары егжей-тегжейлі пысықталып, қоғамда бұл қадамдар кеңінен талқыға түсті. Дегенмен де жұртшылық арасында бұл оңтайлы шараларды түсініспеушілік жағдайлары да орын алып жатады.
Атап айтқанда, Қасым-Жомарт Тоқаевтың Ұлттық қоғамдық сенім кеңесінің екінші отырысында&nbsp;сөйлеген сөзі&nbsp;«Игілік баршаға! Сабақтастық. Әділдік. Өрлеу» атты&nbsp;сайлауалды бағдарламасында&nbsp;және «Сындарлы қоғамдық диалог – Қазақстанның тұрақтылығы мен өркендеуінің негізі»&nbsp;Жолдауында&nbsp;көтерілген бастамалармен өзара байланысты.
Президент өз Жолдауында аз қамтылған және көпбалалы отбасыларды қолдау үшін Үкіметке Дарынды баланың қабілетін дамытудың жол картасын әзірлеу тапсырмасын, жасөспірімдер арасында суицид мәселесімен мақсатты түрде айналысу қадамын, зорлық-зомбылықтан зардап шеккен балалар мен олардың отбасын қорғау жөнінде толыққанды бағдарлама әзірлеу қажеттігін, БЦП диагнозы бар балаларға медициналық және әлеуметтік қолдау көрсетуді жақсарту үшін шаралар қабылдау тапсырмасын, сондай-ақ балаларға қолжетімді болуы үшін шағын және орташа оңалту орталықтарының желісін кеңейту шараларын атап өткен болатын. Сонымен қатар, осы бастамалар Мемлекет басшысының сайлау алдындағы бағдарламасында да қамтылған еді. Жалпы, бұл ауқымды шараларды жүзеге асыру үшін қомақты қаржы қарастырылып отыр.
Сондықтан Ұлттық кеңестің екінші отырысында да Қасым-Жомарт Тоқаев табысы аз отбасылардың балалары нақты қолдау шараларымен қамтылатынын айтты.
Мемлекет басшысы әлеуметтік реформалар туралы айта келіп, көпбалалы отбасыларға берілетін атаулы әлеуметтік көмек мәселесі әлі де өзекті болып отыр деп санайды.
Айта кетейік, Үкіметтің алдына ашық әрі әділ атаулы көмекпен қамтамасыз ету міндеті қойылды. Президент мемлекеттің тек мұқтаж жандарға ғана жәрдем беруі тиіс екенін жеткізді.
Бұл тұрғыда халықтың әлеуметтік осал топтары арасындағы балаларға кепілдендірілген әлеуметтік көмектің толық пакеті қамтылған. Бүгінде Үкімет жаңа қадамдарды әзірлеп, тиісті заң жобасын да даярлады.
1. 2020 жылғы 1 қаңтардан бастап кәмелетке толмаған 4 және одан да көп балалары бар отбасыларға мемлекеттік жәрдемақы төлеу ескерілген.
Сараланған мөлшердегі жаңа мемлекеттік жәрдемақы көпбалалы отбасыларға табысына қарамастан төленеді деп жоспарлануда.
<blockquote>
 «Көпбалалы отбасыларға жаңа мемлекеттік жәрдемақыны дифференциалды, яғни айлық есептік көрсеткіштің 42,5 мың теңгеден 74 мың теңгеге дейінгі еселенген өлшемімен берілмек», – деді Қасым-Жомарт Тоқаев.
</blockquote>
2. Сонымен қатар, жағдайы төмен отбасылардың балаларына кепілдендірілген әлеуметтік пакет жасақталады. Бұл ретте кепілді әлеуметтік пакетті ұсыну аясында 1 жастан 6 жасқа дейінгі табысы аз отбасыларының балалары қамтылмақ.
Ұлттық кеңес отырысында Президент мектеп жасына дейінгі балалар азық-түлік жиынтығымен және ең қажетті деген құрал-жабдықтармен қамтылатынын айтты.
3. 6 жастан 18 жасқа дейінгі табысы аз отбасыларының балаларын мектепте ыстық тамақпен, оқу құралдарымен және мектеп формасымен қамтамасыз ету қарастырылған.
<blockquote>
 «Оқушылар мектепте ыстық тамақты тегін ішеді, мектепке барып-қайту жолақысы, сондай-ақ, мектеп формасы мен оқу құралдары тегін болады. Осының барлығы мемлекет есебінен», – деп нақтылады Мемлекет басшысы.
</blockquote>
Мұнымен қоса, Қасым-Жомарт Тоқаев ата-анасының қамқорлығынсыз қалған балаларға кешенді әлеуметтік-патронаттық қолдауды күшейту керектігін қадап айтты.
Осылайша, Атаулы әлеуметтік көмектің қолданыстағы тетіктеріне айтарлықтай түзетулер енгізіледі. Нәтижесінде, еңбек етуге ынталандырудың жаңа тәсілдеріне баса мән беріліп, Атаулы әлеуметтік көмекті асыра пайдалану барынша азаяды.
<a href="http://lenta.inform.kz/kz/kr-prezidentinin-tapsyrmasy-tabysy-az-otbasylardyn-balalaryna-kanday-komek-zhasalady_a3597009">Inform.kz</a>

Табысы аз отбасылардың балаларына қандай көмектер жасалады?

Kyzylorda-news.kz. Облыс әкімі Қ.Ысқақов «Q-med» емдеу мекемесінің жаңа орталығының ашылу салтанатына қатысты.
«Q-MED» медициналық орталығы 2016 жылдың мамыр айында Новосибирск қаласындағы Ашот Папикович Хачатрянның «Халықаралық Денсаулық Академиясы» клиникасының аналогы бойынша ашылған. 2018 жылдың қаңтарынан бастап атауы «Q-MED» Медициналық Орталығы болып өзгерген.
Аталмыш емдеу мекемесінде ересектер мен балаларға бірегей емдеу-сауықтыру бағдарламалары қолданылады. Орталық ем алушылардың иммунитетін табиғи қалпына келтіруге негізделген бағдарлама арқылы жұмыс істейді. Соңғы төрт жылдың ішінде орталықта 4600 адам кеңес алып, 3600 науқас кешенді емдеуден өткен.
Орталықтың ашылуымен құттықтаған аймақ басшысы қажетті кеңес пен дертіне шипа іздеген азаматтарға қызметін ұсынып отырған емдеу мекемесінің жұмысына сәттілік тіледі.
«Бірінші байлық – денсаулық» дейді халқымыз. Ұлт пен ұрпақ саулығын алдыңғы орынға қойған мемлекетімізде медицина саласына барынша қолдау жасалған. Облыс бюджетінің де басым бөлігі денсаулық сақтау саласына жұмсалады. Бүгінде халыққа сапалы қызметін ұсынатын жеке клиникалар да көбейіп келеді. Соның бір дәлелі “Q-MED” медициналық орталығы екінші жаңа ғимаратының ашылуы. Бұл бастаманың тек медицина жағынан ғана емес, әлеуметтік жағынан да тиімділігін айту керек. Яғни, орталық бүгінгі күні 25 адамды жұмысқа тартса, оның ішінде жастар практикасымен келіп орналасқан 14 жас маман және 4 мүмкіндігі шектеулі азаматты тұрақты жұмыспен қамтуда. Сонымен қатар, өңірдегі мемлекеттік және жеке медициналық колледждер студенттері практикадан осы орталықта өтуде» -, деді облыс әкімі Қ.Ысқақов.
<img src="https://kyzylorda-news.kz/wp-content/uploads/2019/12/23akimat2.jpg" alt="" />
<img src="https://kyzylorda-news.kz/wp-content/uploads/2019/12/23akimat3.jpg" alt="" />
<img src="https://kyzylorda-news.kz/wp-content/uploads/2019/12/23akimat4.jpg" alt="" />

Қызылордадағы «Q-MED» клиникасының жаңа орталығы ашылды (ФОТО)

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Instagram әлеуметтік желісі осыдан бірнеше уақыт бұрын бірқатар елде “лайк” санын жасыратын пилоттық жобаның жүзеге асырылатынын хабарлаған. Бұл туралы Instagram өзінің Twitter парақшасында мәлімдеген еді. Әлеуметтік желіден қарапайым ғана фунцияның алынуына маңызды себеп бар. Желі басшылығы бұл қадам интернеттегі қысымды, бәсекелестікті азайтады деген пікірде.
“Лайк” әлеуметтік бәсекеге әсер ете ме?
<blockquote>
 “Біз тестілік режимді барлық елде жүзеге асыра бастаймыз. Егер сіз біздің тарапымыздан таңдалып алған акаунт қатарына кірсеңіз сізде лүпіл мен көрсетілім саны көрінбейтін болады”, – делінген хабарламада.
</blockquote>
Канада елінде басталған бұл жоба кейін Аустралия, Бразилия, Италия, Ирландия, Жаңа Зеландия және Жапония елдерінде қолданысқа енгізілді. Жыл соңына қарай көршілес Ресей аумағындағы Instagram қолданушылары да “лайк” санын көре алмайды.
Әлеуметтік желінің басшысы Адам Моссери аталған шешім әлеуметтік қысымды азайту, бәсекелестікті жою сондай-ақ оқырмандардың басты назарын контенттің сапасына аудару мақсатында жүзеге асырып жатқанымен түсіндірді.
Instagram басшылығының пікірінше, бұл бастама кибербуллингті, яғни интернетте біреуді мазаққа айналдыруды азайтады. Себебі әлеуметтік желілерде бүгінде “лайк” үшін кез келген қадамға барып, өзіне шектеу қоймайтындар көбейген.
“Бұл шешім вайнерлер мен блогерлерге тиімсіз”
Әзірге қазақстандықтар арасында “лайк” саны көрінбей, пилоттық жобаның “құрбанына” айналғандар жоқ. Дегенмен алдағы уақытта Қазақстан территориясын да бұл үрдіс қамтыйтыны түсінікті. Бірінші кезекте бұл Instagram желісін табыс көзіне айналдырған блогерлер мен вайнерлерге, өнер жұлдыздарына әсер ететіні белгілі.
Мысалы, вайнер Хаким Мукарам енді “лайк” болмайтыны инста-блогерлерге коммерциялық тұрғыда қиын болатынын айтады.
<blockquote>
 “Жалпы, жалпақ жұрт үшін бұл өте тамаша жоба деп ойлаймын. Ал “лайк” санап өмір сүретін блогерлер мен вайнерлер үшін тиімсіз. Себебі біздің жасаған жобамыздың бағасы лайк санымен өлшенеді. Коммерциялық жағынан бізге қиын соқпақ. Жарнама берушілердің барлығы дерлік “лайк” санына қарайды. Бір сөзбен айтқанда контент өндіретін адамдар үшін қолайсыз, ал контент тұтынушыларға өте жақсы”, – дейді ол
</blockquote>
Скетчтерімен танылған Мукарам бұл жаңа бастаманың Қазақстанға әлі келмегені үшін нақты кемшіліктерін айта алмайтынын тілге тиек етті.
<blockquote>
 “Бұл әлі нақты шешім деп ойламаймын. Аудиторияның пікірімен де санасатын болар. Қазақстанға әлі жете қойған жоқ. Бізде жүзеге асқан кезде нақты кемшіліктері мен артықшылықтарын көре жатармыз”, – дейді вайнер.
</blockquote>
Ал Instagram желісіне коммерция тұрғысында қарамай, тек тұтынушы болатындарға бұл функцияның алынуы аса қорқынышты емес. Еркін күрестен әлем чемпионатының күміс және қола жүлдегері Нұрислам Санаев осындай пікірде.
<blockquote>
 “Өз басым “лайк” санап өмір сүретіндер қатарынан емеспін. Сол себепті аса бір қиындық тудырады деп ойламаймын. “Лайк” өмірдің өлшемі дегенге мүлдем келіспеймін. Адамдар да ақымақ емес. Өзіне ұнағанына лүпіл басады, ұнамасы ары қарай парақтай береді. Дегенмен танымал адамдарға салған суреттерің видеоларың ұнап жатса, қуанып қалатыным жасырын емес”, – дейді спортшы.
</blockquote>
<a href="https://kaz.tengrinews.kz/internet/jumyisyimyiz-layk-sanyimen-olshened-instagram-nyin-jana-303552/">Tengrinews.kz</a>

«Жұмысымыз лайк санымен өлшенеді». Instagram-ның жаңа жобасы бәсекені азайта ма?

<a href="https://kyzylorda-news.kz/">Kyzylorda-news.kz.</a> 23 желтоқсанда елімізде жел күшейіп, көктайғақ болады, тұман түсіп солтүстік өңірлерде боран соғады, деп хабарлайды Қазгидромет.
<blockquote>
 &nbsp;«23 желтоқсанда Атлант мұхитынан келген циклон әлі күнге дейін республиканың көп бөлігінде өз ықпалын сақтап келеді. Осыған байланысты кей жерлерде қар жауады, тек батыста және оңтүстік-батыста құрғақ ауа массалары жететіндіктен жауын-шашын тоқтайды. Еліміздің кей жерлерінде тұман түсіп, көктайғақ болады, бұрқасын соғуы мүмкін, жел күшейеді», делінген хабарламада.
</blockquote>
Маңғыстау облысында шаңды дауыл күтіледі.
Шығыс Қазақстан облысының кей жерлерінде бұрқасын, тұман, көктайғақ күтіледі, жел 15-20, екпіні 23 м/с күшейеді.
Түркістан, Қарағанды облыстарының кей жерлерінде бұрқасын, тұман, көктайғақ күтіледі, жел 15-20 м/с күшейеді.
Жамбыл облысының кей жерлерінде бұрқасын, тұман, көктайғақ күтіледі, түнде және таңертең жел 15-20 м/с күшейеді.
Ақмола, Қостанай облыстарының кей жерлерінде бұрқасын, тұман күтіледі, Ақмола облысында жел 15-20 м/с күшейеді.
Атырау, Батыс Қазақстан облыстарының күндіз кей жерлерінде жел 15-20 м/с күшейеді, Батыс Қазақстан облысында тұман күтіледі.
Солтүстік Қазақстан, Павлодар облыстарында бұрқасын күтіледі, күндіз Солтүстік Қазақстан, тәүлік бойынша Павлодар облыстарында жел 15-20 м/с күшейеді.
Маңғыстау облысының кей жерлерінде шанды дауыл күтіледі, жел 15-20 м/с күшейеді.
Алматы, Қызылорда, Актөбе облыстарының тұман түседі, Алматы облысында көктайғақ болуы ықтимал.

Дүйсенбіге арналған ауа райы болжамы

1994 жылы&nbsp;Бішкекте Қазақстан Республикасының Елшілігі ресми ашылды. 
1994 жылы&nbsp;Алматыдағы №12 қазақ орта мектебіне Шоқан Уәлихановтың есімі берілді.
1995 жылы&nbsp;Елбасы Н.Ә.Назарбаевтың заң күші бар «Жекешелендіру туралы» Жарлығы жарық көрді.
2002 жылы&nbsp;Қазақстан мен Қытай арасында көршілік қарым-қатынас, достастық және серіктестік туралы Келісімге қол қойылды.
2015 жылы&nbsp;ҚР Сыртқы істер министрлігі қазақ, орыс және ағылшын тілдерінде «Қазақстан – Ұлы Дала елі» мультимедиялық қосымшасын шығарды. Бұл қосымшада көптеген суреттер, роликтер, бейнесюжеттер, біздің тарихымыз, мәдениетіміз туралы ақпараттар бар.

23 желтоқсан: Ел тарихында орын алған оқиғалар

<a href="https://kyzylorda-news.kz/">Kyzylorda-news.kz</a>. ақпарат агенттігінің 23 желтоқсанға арналған жұлдыз-жорамалы
Тоқты
Жолдарыңыз бен әріптестіріңіз тындырған тірліктеріңізге қатты қуанады. Сіз жаныңыздағы жандардың қолдауын сезінбей жүрсіз, бірақ қолдау мен демеу көп.
Торпақ
Махаббат қызығына бөлену үшін ең оңтайлы күннің бірі. Сүйіктіңізбен уақытты көп өткізгеніңіз абзал.
Егіздер
Туысқандарыңыздың біреуіне сіздің көмегіңіз керек болады. Қолыңыздан келгенше аянып қалмай, көмек көрсетіңіз.
Шаян
Ерлі-зайыпты жандарға бүгін қолайлы күн. Жарыңызбен бірге үйдің көп тірлігін тындыра аласыз.
Арыстан
Егер де ата-анаңызбен арада кикілжің туса, татуласуға өзіңіз бірінші қадам жасаңыз. Олар сізді міндетті түрде кешіреді.
&nbsp;Бикеш
Жүйкеңізді тоздырмағаныңыз абзал, көп ұзамай бәрі өз орнына келеді. Ал әзірше сүйікті кино немесе сериалыңызды көріңіз.
Таразы
Құмар ойындарынан алшақ болыңыз, өйткені жолыңыз болмауы мүмкін. Жақын адамдарыңызға көбірек жылы шырай танытып, әңгіме-дүкен құрыңыз.
Сарышаян
Үйде жөндеу жұмыстарын уақытша тоқтата тұрғаныңыз жөн. Құрал-жабдықтарға аса сақтықпенқараңыз, әйтпесе түрлі «тосын сый» орын алуы мүмкін.
Мерген
Үйіңіздегі қарым-қатынаста қиындықтар тууы мүмкін, сол үшін сабыр сақтаңыз. Әр сөзіңізге абай болып, байыппен жауап беріңіз.
Тауешкі
Сіз араласып жүрген адамыңызбен қатынасыңыздың жойылу қаупі бар. Есесіне жұмысты немесе бизнесті жаңа адаммен сөзсіз бастауға болады.
Суқұйғыш
Сізге өзіңізге қарама-қарсы жыныстағы адам назар аударады. Шашыңыздың түсін басқаша бояп, киім үлгіңізді өзгертуіңіз мүмкін.
Балықтар
Бұл күні аздап қаржылай қиындықтар туады. Керек емес заттарға шығынданудан сақтанғаныңыз абзал. Ақшаңызды қолайлы жеріңізде ұстауға тырысыңыз, әйтпесе оңай жоғалтып алуыңыз мүмкін.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Тышқан жылы елімізде жағымды өзгерістер аз емес. 2020 жылдың басты жағымды жаңалығы көпбалалы отбасыларға табысына қарамастан төленетін жаңа мемлекеттік жәрдемақы болмақ.
Келер жылы қазақстандықтарды қандай өзгерістер күтіп тұр?
<h3 id="">Жаңа жәрдемақы мен атаулы әлеуметтік көмек</h3>
2020 жылдың 1 қаңтарынан бастап еліміздегі барлық көпбалалы отбасыға табысына қарамастан мемлекеттік жәрдемақы төленеді. Ай сайынғы&nbsp; жәрдемақы кәмелетке толмаған төрт және одан көп немесе 23 жасқа дейінгі күндізгі бөлімде оқитын студенттері бар көпбалалы отбасыларға беріледі.
Мемлекеттік жәрдемақы бала санына қарай сараланады:
<ul>
<li>төрт баласы бар отбасыларға –&nbsp; 42 496 теңге;</li>
<li>бес балаға – 53 127 теңге;</li>
<li>алты балаға – 63 757 теңге;</li>
<li>жеті және одан да көп балаларға – 74 388 теңге.</li>
</ul>
Сонымен қатар, жаңа жылдан бастап атаулы әлеуметтік көмекті төлеу жүйесі өзгереді.
Атаулы әлеуметтік көмек бұрынғыдай алты немесе он екі айға емес, тоқсан сайын тағайындалады. Егер отбасының еңбекке жарамды мүшесі мемлекет ұсынған жұмыстан бас тартса, атаулы әлеуметтік көмек бүкіл отбасыға тоқтатылады.
Бұған қоса, атаулы әлеуметтік көмек алып жүрген отбасылардың балаларына кепілдендірілген әлеуметтік пакет беріледі. Яғни, мектеп жасына дейінгі балалар азық-түлік және гигиеналық құралдармен қамтылса, мектеп жасындағыларына тегін ыстық тамақ, мектеп формасы мен оқу-құралдары беріледі, күнделікті мектепке барып-келуге жұмсалатын жол шығыны өтеледі.
<h3 id="-1">Кімдердің жалақысы өседі?</h3>
Қазақстанның еңбек заңнамасы бойынша, елімізде тек ең төменгі жалақының мөлшері ғана реттеледі. Қалғаны – жұмыс берушінің қалауына қарай.
2019 жылдың басынан бері әлеуметтік жауапкершілік аясында 203 мың кәсіпорын 1,2 миллион жұмысшының жалақысын 32%-ке – 46 мың теңгеден 61 мың теңгеге дейін көтерді.
1 шілдеден бюджет қызметкерлерінің айлығы 30%-ке ұлғайды.
Ал 2020 жылдың 1 қаңтарынан мұғалімдердің жалақысы 25%-ке, мәдениет саласы қызметкерлерінің айлығы 35-50%, әлеуметтік сала қызметкерлерінікі 30-60%-ке өседі деп жоспарланып отыр.
<h3 id="-2">Зейнетақы, күнкөріс деңгейі және АЕК</h3>
2020 жылы ең төменгі базалық зейнетақы 800 теңгеге ұлғайып, 16 839 теңгені құрайды.
Биыл ең төменгі зейнетақының мөлшері 36 108 теңге болса, келесі жылы 38 636 теңгеге жетеді. 2020 жылдың басынан қазақстандықтардың зейнетақысы инфляция деңгейіне қарай өседі.
<ul>
<li>ең төменгі күнкөріс деңгейі – &nbsp;31 183 теңге;</li>
<li>ең төменгі жалақы – 42 500 теңге;</li>
<li>айлық есептік көрсеткіш – 2 651 теңге.</li>
</ul>
Жыл сайын айлық есептік көрсеткіштің өсіп отыруына байланысты, мемлекеттен балаларға төленетін жәрдемақы да көбейеді. 2020 жылы 1 АЕК 2 651 теңгеге тең болады.
<h3 id="-3">Бала туғанда берілетін біржолғы жәрдемақы</h3>
Бала туғанда берілетін біржолғы мемлекеттік жәрдемақы республикалық бюджет есебінен жұмыс істейтін және жұмыс істемейтін әйелдерге төленеді.
бірінші, екінші, үшінші балаға – 38 АЕК немесе 100 738 теңге;
төртінші және одан кейінгі балаларға – 63 АЕК немесе 167 013 теңге;
Ал отбасында егіз, үшем, төртем дүниеге келсе, біржолғы мемлекеттік жәрдемақы әр сәбиге жеке төленеді.
<h3 id="-4">Бір жасқа дейінгі ай сайынғы жәрдемақы</h3>
Бір жасқа дейінгі баланың күтіміне байланысты төленетін жәрдемақының мөлшері отбасындағы балалар санына қарай сараланады.
<h3 id="-5">Жұмыс істемейтін әйелдерге:</h3>
<ul>
<li>бірінші балаға – 5,76 АЕК немесе 15 270 теңге;</li>
<li>екінші балаға – 6,81 АЕК немесе 18 054 теңге;</li>
<li>үшінші балаға – 7,85 АЕК немесе 20 811 теңге;</li>
<li>төртінші және одан да көп балаға – 8,90 АЕК немесе 23 594 теңге.</li>
</ul>
Декретке дейін жұмыс істеген әйелдерге бала күтіміне байланысты төленетін ай сайынғы төлем былай есептеледі:
Соңғы 2 жыл ішіндегі жалпы табысты 24 айға бөліп, мемлекет бекіткен 0,4 коэффициентіне көбейтіп, одан шыққан сомадан 10% зейнетақы жарнасын алып тастайсыз.
Мәселен, әйел босанғанға дейін екі жыл ішінде 3 000 000 теңге табыс тапты делік. 
Осы соманы 24 айға бөлеміз: 3 000 000/24= 125 000 теңге. 
125 000 теңге – орташа айлық жалақы. 
125 000*0,4 = 50 000.
50 мың теңгенің 10%, яғни 5 мыңы – ай сайынғы зейнетақы жарнасы. 
Сонда жұмыс істейтін әйел бала күтімі үшін ай сайын 45 000 теңге алып отырады.
<h3 id="-6">Жүктілікке және босануға байланысты төлем</h3>
Жұмыс істейтін әйелдерге жүктілікке және босануға байланысты төленетін біржолғы әлеуметтік төлемнің мөлшері былай есептеледі:
орташа айлық табысты жұмысқа қабілетсіздік күндер санының тиісті коэффициентіне көбейтіп, кейін шыққан сомадан 10 процент зейнетақы жарнасын алып тастайсыз. Коэффициент 4,2-ге тең.
Мысалы, соңғы бір жыл ішінде табысыңыз 1 800 000 теңге болды. Осы соманы он екі айға бөлген кезде, орташа жалақы шығады.
1 800 000/12 = 150 000 теңге;
150 000 теңге * 4,2 = 630 000 теңге;
Осы сомадан 10% зейнетақы жарнасын шегересіз. 630 000 – 63 000 = 567 000 теңге. 
Яғни, жүктілікке және босануға байланысты біржолғы төлем 567 000 теңгеге тең болды.
<h3 id="-7">Көпбалалы аналар</h3>
“Алтын алқа”, “Күміс алқа” алқаларымен марапатталған немесе бұрын “Батыр ана” атағын алған, І және ІІ дәрежелі “Ана даңқы” ордендерімен марапатталған көпбалалы аналарға табысына қарамастан төленетін ай сайынғы жәрдемақы 16 мың теңгеден асады.
<h3 id="-8">Паспорт пен жеке куәлік қымбаттайды</h3>
Келесі жылдан төлқұжат пен жеке куәлік алу қымбаттайды.
<ul>
<li>паспорт алуға мемлекеттік баж салығы – 8 АЕК немесе 21 208 теңге;</li>
<li>жеке куәлік – 0,2 АЕК немесе 530 теңге.</li>
</ul>
Егер азамат жеке куәлікті ауыстыруға уақытылы өтініш бермесе, онда оған 7 АЕК немесе 18 557 теңге айыппұл салынады.
Әдетте құжаттарды алу мерзімі 15 күнге дейін уақыт алады. Десе де қосымша ақы төлеп, құжаттарды жедел алуға болады.
Нұр-Сұлтан, Алматы, Шымкент қалалары үшін:
<ul>
<li>Жеделдіктің бірінші санаты – бір жұмыс күніне дейін – 4 983 теңге;</li>
<li>Жеделдіктің екінші санаты – үш жұмыс күніне дейін – 2 752 теңге.</li>
</ul>
Облыс орталықтары үшін:
<ul>
<li>Жеделдіктің бірінші санаты – үш жұмыс күніне дейін – 4 983 теңге;</li>
<li>Жеделдіктің екінші санаты – бес жұмыс күніне дейін – 2 752 теңге.</li>
</ul>
Облыстардың аудандары мен қалалары үшін:
<ul>
<li>Жеделдіктің үшінші санаты – жеті жұмыс күніне дейін – 1 166 теңге.</li>
</ul>
Ал&nbsp;жүргізуші куәлігін&nbsp;алу үшін мемлекеттік баж салығы – 1,25 АЕК немесе 3 314 теңге.
<h3 id="-9">Стипендия көтеріледі</h3>
Қазақстан президенті Қасым-Жомарт Тоқаев 2020 жылдың 1 қаңтарынан студенттердің шәкіртақысын 25%-ке ұлғайтуды тапсырды. Мемлекет басшысы бұл туралы Жастар жылының жабылу салтанатында мәлімдеген еді.
Келер жылдан бастап студенттердің стипендиясы былай өзгереді:
<ul>
<li>бакалавриатта – 20 949 теңгеден 26 186 теңгеге дейін;</li>
<li>магистратурада – 53 530 теңгеден 66 913 теңгеге дейін;</li>
<li>докторантурада – 81 998 теңгеден 102 498 теңгеге дейін.</li>
</ul>
<h3 id="-10">Міндетті әлеуметтік медициналық сақтандыру</h3>
2020 жылдан бастап елімізде пациенттерді қабылдау мен емдеу жаңаша жүргізіледі. Оған себеп – Қазақстан міндетті әлеуметтік медициналық сақтандыру жүйесіне көшкелі жатыр.
МӘМЖ аясында мемлекет тегін медициналық көмектің кепілдендірілген көлемін сақтайды.
1 қаңтардан бастап жұмыс берушілер мен өзін-өзі жұмыспен қамтушылар медициналық сақтандыру қорына жарна аударуға міндеттеледі:
<ul>
<li>жұмыс берушілер үшін – жалақы қорының 2%-і;</li>
<li>жұмысшылар үшін – еңбекақының 1%-і;</li>
<li>жеке кәсіпкерлер, шаруа қожалықтары, жеке практикамен айналысатын тұлғалар – 1,4 ЕТЖ-нің (ең төменгі жалақы) 5%-і;</li>
<li>азаматтық-құқықтық сипаттағы келісімшартпен жұмыс істейтіндер – табысының 1%-і;</li>
<li>өздігінен төлеушілер – 1 ЕТЖ-нің (ең төменгі жалақы) 5%-і.</li>
</ul>
Ал жеңілдікке ие азаматтардың 15 санатына мемлекет жарнаны қорға өзі аударады.
<h3 id="-11">Кредит берілмейді</h3>
Жаңа жылдан бастап кірісі күнкөріс деңгейінен төмен қазақстандықтарға кепілсіз кредит берілмейді. 2020 жылы ең төменгі күнкөріс деңгейі 31 183 теңгеге тең болады.
Бұған қоса, жұмыссыздар да кредит ала алмайды. Өйткені банктен қарыз алу үшін соңғы 3-12 айдағы ресми табысты көрсету қажет.
Сонымен қатар, банктерге азаматтардың кредит бойынша берешегі 90 күннен асып кеткен жағдайда, комиссия есептеуге тыйым салынды.
<h3 id="-12">Табыс салығынан кімдер босатылады?</h3>
2020 жылдың басынан бастап арнайы салық режимін қолданатын микро және шағын бизнес субъектілері табысқа салынатын салықтан үш жылға босатылады. Бұл президент Қасым-Жомарт Тоқаевтың тапсырмасы.
Алайда бұл өзгеріс жер қойнауын пайдаланушылар, акциздік өнім өндірушілер, ойын бизнесі, сыртқы экономикалық қызмет қатысушыларына қатысты емес.
Бұдан бөлек, шағын және орта бизнеске үш жылға тексеріс жүргізуге мораторий жарияланды. Бірақ бұл тексеріс мүлде жүргізілмейді деген сөз емес.
Кедендік тексеріс, кезікпе салық тексерісі, қылмыстық іс аясында және салық төлеушінің өтініші бойынша өз қызметіне қатысты жүргізіліп жатқан тексерістер қала береді.
<h3 id="-13">Бензин бағасы өседі</h3>
2020 жылдың 1 қаңтарынан бензин акцизі екі есеге дейін көтеріледі – тоннасына 10 500 теңгеден 24 435 теңгеге дейін. Бұл өз кезегінде бензин бағасына әсер етеді.
Бензин бағасы литріне 10 теңгеге өседі. Яғни, бір литр үшін акциз 8 теңгеден 18 теңгеге дейін ұлғаяды. 
<a href="https://sputniknews.kz/spravka/20191219/12322961/2020-Qazaqstan-ozgerister.html">Sputniknews.kz</a>

Қазақстан және Қызылорда облысының жаңалықтары: Қоғам