<a href="https://kyzylorda-news.kz/">Kyzylorda-news.kz.</a> Қазалыда «Тәуелсіз елдің болашағы – жастар» атты аудандық жастар форумы өтті. Онда 2019 жылдың қорытындысы бойынша жылдың үздік жастары арнайы номинациялармен марапатталды.
Салтанатты жиында аудан әкімі Мұрат Ергешбаев жастардың басын қосқан форум олардың әрі қарай да өсіп, өркендеп, дамуларына қажетті импульс береді деген сенім білдірді.
<blockquote>
 «Жастар елдің заманауи бет-бейнесін қалыптастырып, жаңа идеяларды ұсынуға және Қазақстанды жаңартудың негізгі қозғаушы күші болуға тиіс. Осы мақсатта бүгін ауданымыздағы әр саланың үздіктері мен белсенділері бас қосып отыр. Бұл форум – аудан жастарының басын қосып қана қоймай, өзара танысу, ойларыңызбен бөлісу алаңы. Ол – жастар үшін баға жетпес тәжірибе. Ауданымызда жастар жылы аясында бірқатар шаралар жүзеге асырылды. Оның ішіндегі ең ауқымдысы республикалық деңгейде ұйымдастырылған «Ғ.Мұратбаев» атындағы жастар сыйлығын айтуға болады. Жастар және жастар ұйымдарының белсенділігі күннен-күнге артуының өзі – өңірімізде мемлекеттік жастар саясатын жетілдіру мақсатында атқарылып жатырған жұмыстардың жемісі. Осындай еліміз үшін маңызды және жауапты кезеңде Сіздер де өз үлестеріңізді қосатындарыңызға сенімдімін», – деген Мұрат Ергешбаев бірқатар жастарды арнайы номинациялармен марапатталды.
</blockquote>
Арнайы номинацияларға ие болғандардың қатарында үздік жас мұғалім, кітапханашы, өрт сөндіруші, спортшы, салықшы, ерікті сияқты 20-ға тарта мамандық иелері бар.
Сондай-ақ, аудан әкімі Еркін Оразбаев, Нүркен Ботабаев, Нұрлан Алмағамбетов және Сәукен Әлішовке «Жастар жанашыры» номинациясын табыс етті.
Ал, облыстық жастар ресурстық орталығының директоры Бауыржан Мастеков жастардың белсенділігін арттыру жолында жанашырлық танытып, әрдайым қолдау көрсеткені үшін Қазалы ауданының әкімі Мұрат Ергешбаевты «Жастар жанашыры» номинациясын табыстап, «Ғани Мұратбаев» төсбелгісімен марапаттады.
Мұнан соң, бірқатар белсенді жастар облыстық жастар мәселелері басқармасы мен облыстық жастар ресурстық орталығының «Алғыс хаттарымен» марапатталды.
Айта кетейік, аудандық форум аясында Қазалы ауданы әкімінің кубогі үшін облыстық жайдарман ойындары өтеді.
<img src="https://kyzylorda-news.kz/wp-content/uploads/2019/12/25kazaly2.jpg" alt="" />
<img src="https://kyzylorda-news.kz/wp-content/uploads/2019/12/25kazaly3.jpg" alt="" />
<img src="https://kyzylorda-news.kz/wp-content/uploads/2019/12/25kazaly4.jpg" alt="" />

Қазалыда үздік жастар марапатталды (ФОТО)

<a href="https://kyzylorda-news.kz/">Kyzylorda-news.kz.</a> 2020 жылдан бастап Қазақстан міндетті әлеуметтік медициналық сақтандыру жүйесіне көшеді. Бұл дегеніміз, науқастарды қабылдау және емдеу жаңаша болады.
Сіздің назарыңызға МӘМС туралы қысқаша мәліметті ұсынамыз.&nbsp;
Тегін медициналық көмектің кепілдендірілген көлемі Қазақстанның азаматтарына, оралмандар мен Қазақстанда тұрақты тұрып жатқан шетелдіктерге толық көлемде қолжетімді болады.&nbsp; Уақытша тұрып жатқан шетелдіктерге- жедел түрде ауруханаға жатқызу және айналадағы адамдарға қауіп төндіретін ауруларды емдеу қолжетімді болады. Бұдан басқа, негізгі әлеуметтік маңызы бар және созылмалы жұқпалы емес ауруларды емдеу барысында медициналық көмектің толық көлемі мен тегін дәрімен қамтамасыз ету қолжетімді болады.&nbsp;
Қазақстанның сақтандырылған азаматтары МӘМС жүйесінде жоспарлы стационарлық көмекті, консультативтік-диагностикалық көмекті, барлық деңгейдегі медициналық оңалтуды, амбулаториялық-емхана және стационарлық көмек көрсету барысында дәрі-дәрмекпен қамтамасыз етуді ала алады.&nbsp;&nbsp;
Сақтандыру пакетіне 18 жасқа дейінгі балалардың профилактикалық медициналық тексеруден өткізу, диагностикалық көмек, бағасы қымбат диагностикалық және лабораторлық зерттеулер (көрсетілімі бар жағдайда маманның жолдамасымен) кіреді.&nbsp;&nbsp;
МӘМС қызметкерлердің және жұмыс берушінің МӘМС жүйесіне төлеген жарналардың жиынтығынан едәуір асатын бағасы қымбат жоғары мамандырылған медициналық көмекті алуға мүмкіндік береді.&nbsp;
2020 жылғы 1 қаңтарынан бастап жарналар мен төлемдердің көлемі:
<ul>
<li>Жұмыс берушілер үшін&nbsp; – жалақының қорынан 2%; &nbsp;</li>
<li>Жалдамалы жұмысшылар үшін – табыстың 1%-ы;</li>
<li>Жеке кәсіпкерлер, шаруа қожалықтар және жеке іс тәжірибемен айналысатын тұлғалар үшін – 1,4 ЕТЖ&nbsp; 5%-ы;</li>
<li>АҚКШ бойынша жұмыс жасайтын тұлғалар үшін – табыстың 1%-ы;</li>
<li>Өзге тұлғалар – 1 ЕТЖ 5%-ы;</li>
</ul>
Сондай-ақ, жұмыс берушілер мен жеке кәсіпкерлер 15 санаттағы азаматтар үшін аударымдар төлеуден босатылған. Бұл: 18 жасқа дейінгі балалар, жұмыссыз ретінде ресми тіркелген адамдар, жұмыс істемейтін жүкті әйелдер, зейнеткерлер, оның ішінде Ұлы Отан соғысының қатысушылары мен мүгедектер және т.б. (толығырақ <a href="https://fms.kz/">https://fms.kz/</a> сайтында). 2020 жылдан бастап бұл азаматтарға ЕТЖ 1,4% -ы көлеміндегі төлемдерді мемлекет жасайтын болады.
Егер сіз жалдамалы жұмысшылардың қатарына жатпайтын болсаңыз, бала күтуші немесе жеке тасымалдаумен айналысатын болсаңыз, атап айтқанда келісім шартсыз қызмет көрсететін болсаңыз, сіз Бірыңғай жиынтық төлем аудара аласыз.&nbsp;&nbsp; Республикалық маңызы бар қалалар үшін- 1 АЕК – 2 651 теңге, басқа елдімекендер ұшін –0,5 МЗП – 1326 теңге. Бұл ай сайынғы сомаға барлық салықтар мен төлемдер кіреді (ЖТС, ӘТ, МЗЖ, МӘМС).
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Егер сіз жұмыс орныңызды әр түрлі себептермен ауыстырған болсаңыз, сіздің 3 ай көлемінде МӘМС жүйесінде медициналық көмекті алуға құқығыңыз бар. Бұл жағдайда, МӘМС-ға төлем жасалған соңғы ай есепке алынады.&nbsp; Алайда, жұмысқа қайта орналасқан жағдайда, бұл қарызды төлеу қажет.&nbsp;&nbsp;
ТМККК және МӘМС пакеттері бойынша көрсетілетін медициналық көмек туралы қажетті мағлұматты біле аласыз:&nbsp;
<ul>
<li>Өзіңіздің жалпы тәжірибе дәрігеріңізден;</li>
<li>Әлеуметтік медициналық сақтандыру Қорының сайтында (https://fms.kz);</li>
<li>1406 Call -орталығында;</li>
<li>Қызылорда қаласы, Абай даңғылы, 27 (байланыс тел: 8(7242) 290382, 290569) мекен жайында орналасқан Әлеуметтік медициналық сақтандыру Қорының филиалында</li>
</ul>
«ӘМСҚ» КЕАҚ Қызылорда облысы бойынша филиалының
халықты ақпараттандыру және өтініштерді қарау бөлімі

Назар аударыңыз: 2020 жылы МӘМС басталады!

<a href="https://kyzylorda-news.kz/">Kyzylorda-news.kz.</a> Кеше астана уақытымен 18:03-те Байқоңыр ғарыш айлағынан «ДМ-03» жедел блогы және «Электро-Л» №3 Ресей метерологиялық жер серігі бар «Протон-М» зымыран-тасығышы ұшырылды, деп хабарлайды <a href="http://lenta.inform.kz/kz/baykonyrdan-elektro-l-meterologiyalyk-zher-serigi-ushyryldy_a3597918">ҚазАқпарат</a>.
«Протон» зымыранының ұшырылу барысы тікелей эфирде көрсетілді. «Южный» ғарыш орталығының мамандары Байқоңыр ғарыш айлағынан видеорепортаж жүргізді.
Ұшыру штаттық режимде өтті. «Протон-М» зымыранынан бөлініп түскен қалдықтар Қазақстанның Қарағанды облысы мен Ресейдің Алтай аймақтарына түскен.
«Электро» желісіндегі Ресейдің ғарыш құрылғылары аттас геостационарлы гидрометерологиялық ғарыш жүйесі және Ресей Федералды қызметі бөлімінің қоршаған ортаға мониторинг жасау және гидрометерологиямен қамтамасыз ету құрамына кіреді.
«Протон-М» зымыранын сәтті ұшырған «Роскосмос» Байқоңырдағы 2019 жылғы бағдарламасын аяқтады.

Байқоңырдан «Электро-Л» метерологиялық жер серігі ұшырылды

<a href="https://kyzylorda-news.kz/">Kyzylorda-news.kz.</a> Қызылорда қаласының орталық алаңында жаңа жылдық шыршаны жағу рәсімі өтті. Шыршаның биіктігі 23 метр, ені 10 метр.
Қызылорда облысының әкімі Қуанышбек Ысқақов Сыр жұртшылығын келе жатқан мерекемен құттықтап, 2019 жылы атқарылған жұмыстары туралы айтты.
<blockquote>
 «Өткен жылға өкпе жоқ, келер жылдан үміт көп” дегендей, жаңа жылды – жақсылықтың жаршысы деп қабылдап, әрқашан одан жақсы жаңалықтар күтеміз. 2019 жылдың еліміз үшін де, аймағымыз үшін де өзгерістерге толы берекелі де жемісті, жетістіктері мол мерейлі жыл болды. Облыста барлық сала бойынша көрсеткіштердің оң динамикасына қол жеткіздік. Мұнай өндіру көлемі азайғанымен, экономиканы әртараптандыруға бағытталған шаралар жақсы нәтиже берді. Өңірімізде айтулы бастамалар мен ауқымды жобалар жүзеге асып, аймақ тұрғындарының әлеуметтік әлеуеті артып, экономикамыз қарқынды дамыды. Инвестиция тарту, құрылыс, тұрғын үй беру, ауылшаруашылығында өнім өндіру, өңдеуші өнеркәсіп көлемі және облыстың әлеуметтік-экономикалық дамуын көрсететін бірқатар көрсеткіштер бойынша нәтижелерімізді жақсарттық», – деді облыс әкімі.
</blockquote>
Облыстың бас шыршасын жағу мәртебесі өңіріміздің мақтаныштары «Айтыстың Ақтаңгері» атағын алған Мұхтар Ниязов, КТА ойындарының 2019 жылғы чемпионы Қорқыт құрамасының капитаны Нұрлыбек Асанбаев, 2019 жылдың Қазақстан кубогының иегері «Қайсар» футбол командасының капитаны Думан Нарзілдаев 2019 жылдың қазақ күресінен әлем чемпионы Нұрым Сәлімгереев, 2019 жылдың «Бала дауысы» республикалық байқауының жүлдегері Сезім Қаһарман, Халықаралық, республикалық олимпиадалардың жүлдегері Ділназ Төлегенге табысталды.
Мерекелік іс-шара концертпен жалғасты.
<img src="https://kyzylorda-news.kz/wp-content/uploads/2019/12/25akimatelka2.jpg" alt="" />
<img src="https://kyzylorda-news.kz/wp-content/uploads/2019/12/25akimatelka3.jpg" alt="" />
<img src="https://kyzylorda-news.kz/wp-content/uploads/2019/12/25akimatelka4.jpg" alt="" />

Қызылордада жаңа жылдық бас шыршаның шамы жағылды

<a href="https://kyzylorda-news.kz/">Kyzylorda-news.kz.</a> Сәрсенбі күні еліміздің кей жерлерінде тұман түсіп, бұрқасын соғады, жел күшейеді. &nbsp;
<blockquote>
 «25 желтоқсанда Қазақстанның басым бөлігінде Атлант мұхитынан келген антициклон әсер етеді, жауын-шашын тоқталуы мүмкін. Тек еліміздің солтүстік және шығыс бөлігі әлі де фронталды ағын ықпалында болғандықтан қар жаууы ықтимал. Еліміздің кей жерлерінде тұман түсіп, бұрқасын соғады, жел күшейеді», делінген хабарламада.
</blockquote>
Ақмола, Павлодар облыстарының кей жерлеріңде бұрқасын күтіледі, жел күшейіп 15-20, екпіні 25 м/с жетеді.
Шығыс Қазақстан, Солтүстік Қазақстан облыстарының кей жерлерінде тұман, бұрқасын күтіледі, жел 15-20 м/с күшейеді.
Қостанай, Атырау, Ақтөбе, түнде Түркістан облыстарының кей жерлерінде жел 15-20 м/с күшейеді.
Жамбыл, Қызылорда, Батыс Қазақстан, түнде Алматы облыстарының кей жерлерінде тұман түсуі мүмкін.
Маңғыстау облысының кей жерлерінде жел күшейіп, жылдамдығы секундына 15-20 м/с жетеді, шаңды дауылға ұласуы ықтимал.
Қарағанды облысының кей жерлерінде жаяу бұрқасын күтіледі.
Маңғыстау облысында шаңды дауыл соғады.
Күндіз Алматы облысының Жалаңашкөл ауданында жел 15-20 м/с күшейеді.

Ауа райы: Сәрсенбі күні елімізде тұман түсіп, жел күшейеді

Рождество
Христиандардың ең басты мерекелерінің бірі. Әлемнің 100-ден астам елінде мемлекеттік мейрам дәрежесінде. Еуропаның көптеген елдерінде бұл мереке – нағыз отбасылық мейрам болып саналады. Рождествоны тойлау екі-үш күнге созылады да дәстүрлі бірінші жұлдыз жанған сәтте кешкі асқа отырудан басталады.
Қытайда Конституция күні
1946 жылы Қытай Республикасының Конституциясын қабылдау күнінің құрметіне құрылды. Конституция әлемдегі ең көп халқы бар – сол уақытта шамамен 450 миллион адам тұратын елдегі демократияны құжат бойыша бекітті. Қытай Республикасының Конституциясы 1946 жылдың 25 желтоқсанында қабылданып, заңды күшіне енген 1947 жылдың 25 желтоқсанынан бастап едәуір өзгерістерге ұшырамай келді: соңғы өзгертулер 2000 жылы енгізілген.
Пәкістанда Мұхаммад Әли Джиннаның туған күні
Мұхаммад Әли Джинна 1876 жылы 25 желтоқсанда туды және ол Пәкістанда ұлттық мемлекеттіліктің негізін қалаушы ретінде саналады. Ол Британдық Үндістан бөлімінің белсенді қатысушыларының бірі болды.
1979 жылы «Ежелгі Тараз ескерткіштері» мемлекеттік қорық-мұражайы құрылды. Оның құрамына Ежелгі Тараз қаласының жұрты, Айша бибі, Қарахан, Бабажы қатын, Дәуітбек (Шамансұр) кесене ғимараттары, Қали Жүніс моншасы, Әбдіқадыр мешіті, сақтардың Үштөбе қорғаны, төменгі Барысхан, Атлах, Адахкет, Хамукет, Жікіл қалаларының жұрты, т.б. тарихи және мәдени ескерткіштер біріктірілген.
1982 жылы «Отырар сазы» фольклорлық-этнографиялық оркестрі құрылды.
1990 жылы Павлодар облысы Екібастұз қаласындағы 2-СЭС-нің бірінші энергоблогы іске қосылды.
1995 жылы Елбасы Н.Назарбаев Конституциялық заң күші бар «Қазақстан Республикасындағы соттар мен судьялардың мәртебесі туралы» Жарлыққа қол қойды. Бұл Жарлық бойынша сот жүйесінің құрылымы және оны қалыптастырудың тәртібі, барлық деңгейдегі соттардың өкілеттіктері, соттардың мәртебесі мен олардың тәуелсіздігінің кепілдігі, оған қойылатын талаптар, судьяларға өкілеттік беру мен оны тоқтату тәртібі, судьяларды жауапқа тарту, оларды материалдық және әлеуметтік жағынан қамтамасыз ету белгіленген.
2000 жылы Алматыда тұңғыш отандық өндірістің троллейбусы жасалды.
2015 жылы «Қазпошта» АҚ ЭКСПО-2017 Халықаралық мамандандырылған көрмесіне арналған пошта маркаларын айналымға шығарды. Марка 4 бояулы офсеттік тәсілмен басылды. Формасы – сегіз маркадан тұратын марка парағы. Парақтың өлшемі: 140х120, марканың өлшемі 28х40. Таралымы 5 мың дана. Суретшісі К. Плужникова. Марканың номиналы 300 теңге.
2015 жылы Қазақстан Республикасының Ұлттық банкі «Дала қазынасы» сериясының «Алқа» естелік күміс монеталарын айналымға шығарды. Номиналы: 500 теңге, металдың құрамы: 925 сынамалы күміс, массасы – 31,1 г, төрт қырлы монета диаметрі 43 мм шеңбердің ішіне сыяды. Дайындау сапасы: proof. Таралымы: 3 000 дана.

25 желтоқсан: Атаулы күндер мен оқиғалар

<a href="https://kyzylorda-news.kz/">Kyzylorda-news.kz.</a> Қызылордада өрт сөндірушілер төрт қабатты үйдің жертөлесіндегі өрттен үй-күйсіз жүрген 3 адамды және 19 жастағы тұрғынды құтқарып қалды, деп хабарлайды <a href="http://lenta.inform.kz/kz/kyzylordada-ort-sondirushiler-uy-kuyi-zhok-3-adamdy-aman-alyp-kaldy_a3597509">ҚазАқпарат</a>.
Аталған оқиға Қызылорда қаласының орталық бөлігінде орын тепкен Әйтеке би көшесі бойындағы төрт қабатты үйдің жертөлесінде болған. Өрт сөндірушілер оқиға орнына жылдам жетті. Онда өрт сөндіру қызметінің 7 маманы мен 2 арнайы автокөлік жұмыс істеді.
<blockquote>
 «Өрт сөндіру қызметінің жеке құрамы оқиға орнында барлау жұмысын жүргізді. Көпқабатты үйдің астындағы жертөледен үй-күйсіз жүрген 3 адам мен 2000 жылы туған азамат құтқарылды», – деп мәлім етті Қызылорда облыстық төтенше жағдайлар департаменті өрт сөндіру және апаттық-құтқару жұмыстары қызметінің баспасөз хатшысы Әлия Ережепова.
</blockquote>
Өрт сөндірушілердің жылдам іс-қимылының нәтижесінде төрт қабатты тұрғын үйге ешқандай залал келген жоқ.

Қызылордада үй-күйі жоқ 3 адам өрттен құтқарылды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Биыл Жосалы кентіне газ жеткізу құбырының және кварталішілік газ тарту желілерінің құрылысы үшін республикалық, облыстық бюджеттен қаржы бөлініп, газ кіргізу жұмыстары басталды.
Бұл туралы Өңірлік коммуникациялар қызметінің ақпарат алаңында өткен баспасөз конференциясында Қармақшы ауданының әкімі Мұса Қалдарбеков мәлімдеді.
<blockquote>
 «Жосалы кентіндегі № 250, №26, №30 орта мектептердің және аудандық мәдениет үйінің бу қазандықтарын табиғи газге ауыстыру жұмыстары жүргізілуде. Сонымен қатар, Көмекбаев елді мекеніндегі № 185 орта мектептің бу қазандығын сұйылтылған газге ауыстыру жұмыстарына аудандық бюджеттен қаржы бөлініп, жұмыс толығымен аяқталды.Ал №183 орта мектептің жылу қазандығын табиғи газге қосу жұмыстарына аудандық бюджеттен қаржы бөлінді», -деді Мұса Оспанұлы.
</blockquote>
Сондай-ақ, үстіміздегі жылы Төретам кентімен Ақай елді мекені және кварталішілік жүргізілетін газ құбырының құрылысына қаржы бөлініп, жоба-сметалық құжаттамаларын әзірлеу бағытында жұмыстар атқарылуда.

Қармақшыда газдандыру жұмыстары жүргізілуде

<a href="https://kyzylorda-news.kz/">Kyzylorda-news.kz.</a> Бұл туралы бүгін Ақордада өткен брифингте ҚР Президентінің баспасөз хатшысы Берік Уәли айтты, деп хабарлайды <a href="https://24.kz/kz/zha-aly-tar/sayasat/item/363244-aza-stan-prezidenti-asym-zhomart-to-aev-9-ajda-112-796-sha-yrym-zhol-zh-rdi">«Хабар 24»</a>.
Оның атап өтуінше, ҚР Президенті биылғы 20 наурыздан бері 45 Заңға, 226 Жарлыққа, 68 Өкімге қол қойды. Президенттің қатысуымен өткен жиындар бойынша 49 хаттама толтырылған.
<blockquote>
 «Қазақстан Президенті биылғы 9 айда 112 796 шақырым жол жүрді. Оған 181 сағат 36 минут уақыт кеткен. Қасым-Жомарт Кемелұлы 2 қыркүйекте Қазақстан Президенті ретінде алғаш рет Қазақстан халқына арналған Жолдауын жариялады. Мемлекет басшысы заман талабына сай мемлекет болу үшін азаматтарымыз бен мемлекетіміздің мүддесіне сәйкес жаңғыру үдерісі біртіндеп жүзеге асатынын атап өтті. Саяси реформаларды «асығыстыққа салынбай», кезең-кезеңімен, жан-жақты ойластырып орындау қажеттігін айтты. Жолдауда еліміздің саяси жүйесінде «Күшті Президент – ықпалды Парламент – есеп беретін Үкімет» формуласы мемлекет тұрақтылығының негізі саналатынына баса мән берілді. Сондай-ақ, Қасым-Жомарт Кемелұлы азаматтардың өтініш-тілектерін жедел әрі тиімді қарастыратын «Халық үніне құлақ асатын мемлекет» тұжырымдамасын іске асыру бәрімізге ортақ міндет екенін белгілеп берді», – деді Берік Уәли.
</blockquote>
Оның айтуынша, Мемлекет басшысының тапсырмасымен ҚР Президенті Әкімшілігінде өтініштерді қарауды бақылау бөлімі және Президенттің виртуалды қабылдауы ашылды. Жалпы бұл бөлімге 1 тамыздан бері 15 669 өтініш түсті, оның 4025-і виртуалды қабылдау арқылы келген. Келіп түскен өтініштердің бәріне уақтылы әрі тиісті жауап берілді.
<blockquote>
 «Мемлекет басшысы наурыз айының соңында әкімдер мен министрлердің бәріне әлеуметтік желілерге тіркелуді міндеттеді. Бұл Қасым-Жомарт Кемелұлының «Халық үніне құлақ асатын мемлекет» тұжырымдамасының орындалып жатқанын дәлелдейді», – деді ол.
</blockquote>

Тоқаев тоғыз айда 112 796 шақырым жол жүрген

<a href="https://kyzylorda-news.kz/">Kyzylorda-news.kz.</a> 2019 жылы полиция өкілдері интернет-алаяқтықтың 1 мыңнан астам фактісін әшкерелеген, деп хабарлайды <a href="https://baq.kz/news/othernews/internet-alayaqtyq/">BAQ.KZ</a>.&nbsp;
Биыл интернет-алаяқтықтың 7 мыңнан астам фактісі анықталып, оның 1 мыңынан астамы әшкереленді, деп хабарлады Криминалдық полиция департаментінің киберқылмыспен күрес орталығы бастығының орынбасары Рүстем Дүйсетаев.&nbsp;
<blockquote>
 Соңғы бірнеше жылда Интернет желісін пайдалану арқылы жасалған қылмыстар күрт көбейді. Бұл, әсіресе, интернет-алаяқтыққа қатысты. Мысалы, биыл мұндай 7 мың қылмыс тіркеліп, 1 мыңнан көбі әшкереленді. Қылмыстың бұл түрі бойынша 388 адам ұсталды, олардың 160-ы бірнеше интернет-алаяқтық жасаған, – деді Дүйсетаев.
</blockquote>
Оның айтуынша, қылмыстың бұл түрі интернет арқылы жүзеге асатындықтан, ол трансшекаралық сипатқа ие. Яғни, құқық бұзушылар көбіне басқа аймақта немесе елде отырып қылмыс жасайды.&nbsp;
Полиция өкілінің мәліметінше, интернет-алаяқтықты екі түрге бөлуге болады. Біріншісі, қылмыскер әлеуметтік инженерия әдістерін пайдаланып, ақша ұрлайды. Екінші жағдайда, қылмыскерлердің мақсаты – жеке басқа қатысты дербес деректерді қолға түсіру. Яғни, олар түрлі әдістерді қолданып, жеке куәлік пен есеп шоттардағы мәліметтерді, логин мен парольдерді ұрлайды.&nbsp;&nbsp;
Ал ең көп қылмыс тұрғын үй, көлік немесе тауар сату барысында және қызмет көрсету кезінде жасалады. Биыл оның саны 4,5 мыңға жеткен.&nbsp;
<blockquote>
 Мұндай жағдайда алаяқтар сататын затын немесе көрсететін қызметін арзан етіп қояды. Олар тауар үшін ақшаны адамдардан алдын ала төлеуді сұрап, оны электрондық әмиянға немесе банк картасына аударуды өтінеді. Ал бұл банк карталары көбіне үшінші тұлғаларға тіркелген болып шығады, – деді орталық орынбасары.&nbsp;
</blockquote>
Рүстем Дүйсетаевтың сөзінше, 2019 жылы Алматыда “Колеса” сайтына көлік сату туралы хабарландыру орналастырған екі алаяқ ұсталды.&nbsp;
<blockquote>
 Олар алдын ала төлем алғаннан кейін өздерінің абонент нөмірлерін өшіріп тастап отырған. Қазіргі кезде олардың 30 фактіге қатысы бар екені дәлелденді. Енді бұл екі азаматтың басқа да қылмысқа осындай қылмысқа қатысы анықталып жатыр, – деді Рүстем Дүйсетаев.
</blockquote>

ІІМ интернет-алаяқтықтың ең кең таралған түрін атады

<a href="https://kyzylorda-news.kz/">Kyzylorda-news.kz.</a> Атырау қаласында орналасқан «Тенгиз-Шевройл» ЖШС-на түрлі мамандықтар бойынша жұмысқа орналастырып беремін деп бірнеше қала тұрғындарын алдап, алаяқтық жолмен ақшаларын иемденген қызылордалық ұсталды.
<blockquote>
 «Оның жәбірленушілерге келтірілген жалпы шығын көлемі 3&nbsp;454&nbsp;200 тенгені құрады. Жедел-іздестіру шараларының нәтижесінде Қызылорда қаласының 34 жастағы тұрғыны тұтқындалып, кінәсін толығымен мойындады. Қызылорда қалалық сотының үкімі негізінде айыпталушыға 2 жыл мерзімге бас бостандығынан айыру жазасы тағайындалды. Сонымен қатар, сот жәбірленушіге келтірілген шығынды заңмен белгіленген тәртіппен өтеуді міндеттеді», – деп хабарлады облыстық Полиция департаментінің бапсасөз қызметі.
</blockquote>

«Тенгиз-Шевройлға» жұмысқа тұрғызамын деп миллиондаған ақша жымқырған қызылордалық ұсталды

<a href="https://kyzylorda-news.kz/">Kyzylorda-news.kz.</a> 31 желтоқсан – 2019 жылғы көлік салығын төлейтін соңғы күн. Үлгермеген жағдайда, өсімпұл төлеуге тура келеді.
Жеке тұлғалар көлік салығын көлікті тіркеу, қайта тіркеу кезінде және жол полициясы органдарында көлік құралдарын есептен шығару кезінде не әр есептік жылдың 31 желтоқсанына (қоса алғанда) дейін төлеуі тиіс.
Салықты төлем терминалы,&nbsp;egov.kz&nbsp;порталы, интернет-банкинг жүйесі не кез келген банк бөлімшесінде, сонымен бірге “Қазпошта” АҚ-ның бөлімшелері мен Мемлекеттік кірістер басқармасының аймақтық кассаларында төлеуге болады. Ол үшін көлік құралының VIN-коды мен автокөлік иесінің ЖСН-ін білу қажет.
Егер сақтандыру арқылы өзгенің көлігін тізгіндеп жүрген жағдайда көлік пен оның қожайыны тіркелген ауданды да білу қажет болады.
Салық сомасы қалай есептеледі?
Салық көлемін білу үшін Қаржы министрлігі&nbsp;Мемлекеттік кірістер комитетінің&nbsp;сайтында не&nbsp;egov.kz&nbsp;порталында орналасқан салық есептегішінің көмегіне жүгінуге болады. Соңғысы бірден төлем жасауға мүмкіндік береді.
Салық сомасы көлік қозғалтқышының көлеміне қарай есептеледі:
<ul>
<li>1,1 мың см3-ге дейін – 1 АЕК;</li>
<li>1,5 мың см3-ге дейін – 2 АЕК;</li>
<li>2 мың см3-ге дейін – 3 АЕК;</li>
<li>2,5 мың см3-ге дейін – 6 АЕК;</li>
<li>3 мың см3-ге дейін – 9 АЕК;</li>
<li>4 мың см3-ге дейін – 15 АЕК;</li>
<li>4 мың см3-тен жоғары – 117 АЕК.</li>
</ul>
2019 жылы 1 АЕК – 2525 теңге.
Егер автокөлік жыл ішінде сатып алынған болса, онда салық толық бір жыл үшін емес, тек техникаға іс жүзінде иелік ету мерзіміне төленеді.
Көлік салығынан кім&nbsp;босатылады?
<ul>
<li>Ұлы Отан соғысының қатысушылары мен мүгедектері және жеңілдіктер мен кепілдіктер бойынша оларға теңестірілген адамдар;</li>
<li>Ұлы Отан соғысы жылдарында тылдағы қажырлы еңбегі және мінсіз әскери қызметі үшін бұрынғы КСРО ордендерімен және медальдерімен марапатталған адамдар;</li>
<li>1941 жылғы 22 маусым – 1945 жылғы 9 мамыр аралығында кемінде алты ай жұмыс істеген (әскери қызмет өткерген) және Ұлы Отан соғысы жылдарында тылдағы жанқиярлық еңбегі мен мінсіз әскери қызметі үшін бұрынғы КСРО ордендерімен және медальдерімен марапатталмаған адамдар;</li>
<li>Кеңес Одағының батырлары мен Социалистік Еңбек Ерлері, “Халық қаһарманы”, “Қазақстанның Еңбек Ері” атақтарына ие болған, Даңқ орденінің үш дәрежесімен және “Отан” орденімен марапатталған адамдар;</li>
<li>“Батыр Ана” атағына ие болған немесе “Алтын алқа” немесе “Күміс алқамен” марапатталған көп балалы аналар;</li>
<li>мүгедектер.</li>
</ul>
Бұл санатқа жататын көлік иелері бір жыл ішінде тұрғылықты жері бойынша орналасқан мемлекеттік кірістер басқармасына жеңілдік алу құқығын растайтын құжаттардың түпнұсқасы мен көшірмелерін өткізу керек.
<a href="https://informburo.kz/kaz/klk-salyyn-alay-tleuge-bolady.html">Informburo</a>

Қазақстан және Қызылорда облысының жаңалықтары: Қоғам