Kyzylorda-news.kz. Алматыда ұшақ апатынан аман қалғандардың отбасыларына көмек беру үшін есепшот ашылды.
«Жаңа Алатау» қоғамдық қоры көпшіліктің сұрауынан соң арнайы шот ашты.
Қорға түскен қаражат зардап шеккен жолаушыларға, Алматы тұрғындарына беріледі.
Қор өкілдері жұмсалатын қаражаттың ашық есебі болады деп сендірді.
Қор реквизиттері:
«Жаңа Алатау» қоғамдық қоры
БИН : 080740011034
Қор шоты: KZ826010131000165601
БИК банк: HSBKKZKX АО «Народный Банк Казахстана»
КБЕ 18 КНП 119
Аталған қор төтенше жағдайлар кезінде адамдарға әлеуметтік көмек көрсету мақсатында құрылған.
Бұл ұйым Алматыда 2011 жылы болған қатты желден, Медеу шатқалындағы өрттен кейін, Наурызбай ауданындағы селден кейін, Арыс қаласындағы жарылыстан кейін көмектескен болатын.

Алматыда ұшақ апатынан жапа шеккендерге көмек беру үшін есепшот ашылды

Kyzylorda-news.kz. Bek Air компаниясы IATA (IOSA – IATA Operational Safety Audit) халықаралық әуе көлігі қауымдастығының қауіпсіздік аудитінен өтпеген. Дегенмен ішкі әуе тасымалындағы бәсекелестікті күшейту үшін әуе компаниясына жұмыс істеуге рұқсат берілген. Бұл туралы Қазақстанның индустрия және инфрақұрылымдық даму вице-министрі Берік Қамалиев мәлімдеді.
Оның айтуынша, министрлікке бизнес қауымдастықтан және халықтан көп ұсыныс түскен.
“Барлығының әуе тасымалы нарығында жұмыс істеуге мүмкіндігі жоқ. Бәсекелестікті қорғауды ескере келе, ережеден IOSA аудитінен өткізу талабын алып тастадық. Халықаралық әуе тасымалында барлық аудит бар. Сондықтан Bek Air компаниясының ұшақтары шетелге ұшқан жоқ”, – деді Қамалиев орталық коммуникациялар қызметінде өткен брифингте.
Айта кетейік, Bek Air компаниясы IATA халықаралық әуе көлігі қауымдастығының қауіпсіздік аудитінен өтуден бас тартқан. Компания өкілдері бұл тексеріс өте қымбат тұратынын, әрі оның міндетті емес екенін атап өткен.

Bek Air ұшақтары халықаралық қауіпсіздік сертификатынсыз ұшқан

Kyzylorda-news.kz. Қызылорда облысының әкімі Қуанышбек Ысқақов «Мейірімділік шапағаты» облыстық қайырымдылық телемарафонына қатысты. Аталған шара – халықтың әлеуметтік осал топтарына қайырымдылық жасауға арналған.
Өңірде мұқтаж адамдарға қолдау көрсету шараларын күшейту мақсатында жыл басында көпбалалы және аз қамтылған отбасыларға қосымша қолдау шараларын ұсыну үшін 2019-2021 жылдарға арналған өңірлік Әлеуметтік жол картасы қабылданған. Жол картасында табысты арттыру және халықтың аз қамтылған топтарын қолдау, табысы төмен азаматтардың баспана мәселесін шешу және білім беру мен денсаулық сақтау салаларын жақсарту, сондай-ақ, өңірлерді кешенді дамыту бағытындағы ауқымды іс-шараларды жүзеге асыру шаралары көзделген. Ол үшін бюджеттен 42 млрд. теңгеден астам қаражат бөлінген. Оның ішінде атаулы әлеуметтік көмектің мөлшері ұлғайтылып, барлығы 31 мыңнан астам отбасына 20 млрд. теңгеге жуық көмек көрсетілген.
Айта кету керек, осындай қайырымдылық шаралары жыл көлемінде ұйымдасытырылып келеді.Сонын ішінде осы желтоқсан айында атаулы мерекелерге орай әлеуметтік осал топтағы отбасыларға қажетті көмек көрсетілді.
Телемарафонда сөз алған облыс әкімі Қуанышбек Досмайылұлы бүгін Алматы қаласынын маңында ұшақ апатынан қаза тапқан азаматтарды бір минуттық үнсіздікпен еске алып, «Мейірімділік шапағаты» атты қайрымдылық шарасының маңыздылығына тоқталып өтті.
«Мейірімділік – ізгіліктің жолы. Риясыз жасалған жақсылық – биік адамгершіліктің белгісі. Бүгінгі шара аясында жомарт жүрек азаматтардың тікелей қолдауымен қала бойынша әлеуметтік жағынан аз қамтылған, асыраушысынан айрылған, қарттар мен ата-ана қамқорлығынсыз қалған балалар, көп балалы, мүгедек, тұрмысы төмен отбасыларға азық-түлік түрінде көмек көрсетілді. Осы шара барысында облыстың мемлекеттік қызметкерлері мен жекелеген азаматтар өздерінің бір күндік жалақысын аударып, 4 млн теңгеден аса қаржылай көмек берді. 2013 жылдан бері көпбалалы және аз қамтылған отбасылардың, әсіресе, ауылдық жерден шыққан талапты балаларды оқытуға облыс әкімінің арнайы грантын тағайындап келеміз, бүгінгі күні мыңнан аса мектеп түлегі грант иегері атанды. Апатты жағдайдағы үйлер мен жатақханаларда тұрып келген отбасыларды жаңадан салған үйлерге қоныстандыру үрдісімізге айналды. Қызылорда облысы әлеуметтік салаға қаржы бөлуден аймақтар арасында көш бастап тұр»,- деді облыс әкімі Қ.Ысқақов.
Сондай-ақ, бүгінгі қайрымдылық шарасына аймақ басшысымен бірге облыс әкімінің орынбасарлары, қала әкімі, мемлекеттік және мемлекеттік емес мекемелерінің басшылары да атсалысты.

Қызылорда облысының әкімі қайырымдылық телемарафонына қатысты

Kyzylorda–news.kz. Нидерландтық әуеқұрастырушы&nbsp;Fokker компаниясы Алматыға&nbsp;Bek Air ұшағының құлау себептерін анықтау мақсатында мамандарды жібереді, деп хабарлайды&nbsp;<a href="https://ria.ru/">РИА Новости</a>.
Бұл туралы ұлыбританиялық GKN холдингіне кіретін Fokker компаниясының ресми өкілі мәлімдеді.&nbsp;
“Стандартты хаттама аясында біз Қазақстанға техникалық қолдау ретінде шағын команданы жібереміз”, – деді ол.
Fokker өкілі мұндай ақпараттың құпиялылығына байланысты, сарапшылардың қай жерде және қай құрамда қай жерде жүретінін&nbsp;нақтыламады.

Fokker апаттың себебін анықтау үшін Алматыға мамандарды жібереді

Kyzylorda-news.kz. Балалар омбудсмені Аружан Саин Алматы түбіндегі ұшақ апаты кезінде зардап шеккен балаларға барып қайтты. Ол сол рейстің кішкентай жолаушыларының жағдайы туралы айтты.
“Зардап шеккен балалардың төртеуі бір отбасыдан екен, жалғыз асыраушылары – әкесі қаза болды. Ауруханада Жетісу ауданының әкімі Мақсат Қиқымовты жолықтырдық, ол туыстарымен кездесті. Әкімдік отбасына көмектесу үшін шаралар қабылдауда”, – деп хабарлады Аружан Саин.
Оның айтуынша, Балаларға шұғыл медициналық көмек көрсету орталығында екі бала жатыр.
“Үш баланың аяғы сынған, бір қыздың екі аяғына да зақым келді, осы уақытқа дейін барлық операция жасалды, қыздардың бірі палатада. Операциядан кейін екі баладан басқасы есін жиды. Олар жан сақтау бөлімінде – ұйқыда жатыр, барлығы өздігінен дем алуда. Балалардың ешқайсының өміріне қауіп төніп тұрған жоқ. Ең кішкентай балалар ауыр жарақат алмаған, олардың екеуі әзірге жан сақтау бөлімінде”, – деп жазды Саин.
Ол қаланың барлық қызметіне, құтқарушыларға, әскери қызметкерлерге, жедел жәрдем дәрігерлеріне, зардап шеккендерді құтқарып, қазір көмектесіп жатқан клиникаларға алғысын білдірді.
Ұшақтың бөлінген жерінде отырған
Бала құқықтары жөніндегі уәкіл жарақат алған ең ересек бала туралы айтты. Жанқозы төртінші қатарда – терезе жанында, ұшақтың сынған жеріне өте жақын жерде отырған.
“Оқиға кезінде бала өзін-өзі ұстай білді, ересектерге құлаған заттарды алуға көмектесті. Ал сыртқа шыққанда төтенше жағдайлар қызметкерлері мен әскерилерге ол жерді тазартуға, кірпіш тасуға көмектеспек болды. Әрине, олар оған рұқсат бермеді, оны жедел жәрдемге алып барып, ауруханаға жіберді”, – деп түйіндеді Саин.
Баланың әкесі баласын осы рейспен елордада жұмыс істейтін анасына жібергенін айтты.
Алматыдағы ұшақ апаты
Қайғылы оқиға бүгін таңертең болды. Bek Air әуе компаниясының “Алматы – Нұр-Сұлтан” бағытындағы Fokker 100 ұшағы Талғар ауданында құлады.
Соңғы мәліметтерге сәйкес, апат 12 адамның өмірін қиды. Ұшақта 93 жолаушы мен 5 экипаж мүшесі болған.
Президентің тапсырмасымен премьер-министр жетекшілік ететін комиссия құрылды. Қауіпсіздік ережелерін бұзу бабы бойынша сотқа дейінгі тергеу басталды. Тоқаев 28 желтоқсанды жалпыұлттық аза тұту күні ретінде жариялады.
<a href="https://sputniknews.kz/incidents/20191228/12402811/aue-apaty-bala.html">Sputnik</a>

Алматы түбіндегі әуе апаты: бір отбасының төрт баласы зардап шекті

Kyzylorda-news.kz. «Bek Air» әуе компаниясының 27-31 желтоқсан аралығына жоспарланған барлық рейстері орындалмайды, деп хабарлайды ҚР Индустрия және инфрақұрылымдық даму министрлігінің баспасөз қызметі. &nbsp;
&nbsp;«Bek Air» әуе компаниясы ұшырылымдарының уақытша тоқтатылуына байланысты 2019 жылғы 27-31 желтоқсан күндері аралығына жоспарланған әуе компаниясының Нұрсұлтан-Қызылорда, Қызылорда – Нұр-Сұлтан, Нұр-Сұлтан – Атырау, Атырау – Шымкент, Шымкент – Нұр-Сұлтан, Нұр-Сұлтан – Алматы, Алматы – Орал, Орал – Алматы, Алматы – Ақтау, Ақтау – Алматы, Алматы – Павлодар, Павлодар – Алматы, Ақтау – Шымкент, Атырау – Алматы, Нұр-Сұлтан – Шымкент, Алматы – Нұр-Сұлтан, Шымкент – Атырау, Атырау – Нұр-Сұлтан, Нұр-Сұлтан – Алматы, Шымкент – Ақтау бағыттары бойынша 100-ге жуық рейсі орындалмайды. Бұл бағыттарға барлығы 9157 билет (8180 ересек, 765 бала, 212 нәресте) сатылған.
«Қазіргі уақытта әуе компаниясы 2019 жылғы 31 желтоқсанға дейін жоспарланған барлық рейстерге билеттердің толық құнын қайтарып жатыр» деп мәлім етті министрліктен.
2020 жылғы қаңтардың 3-10 аралығына (2020 жылғы 1-2 қаңтарға рейстер алдын ала жоспарланбаған) «Bek Air» әуе компаниясының рейстеріне 9785 (8307 ересек, 1153 бала, 325 нәресте) билет сатылған.
Осыған орай ұшырылмайтын рейстердің жолаушыларына өзге әуе компаниялардың қызметін пайдалануға, сондай-ақ басқа көлік түрлерін қарастыруға кеңес беріледі.
«Отандық әуе компанияларының мәліметінше, «Bek Air» әуе компаниясының рейстері орындалмайтынына байланысты билеттердің құны көтерілген жоқ. Тиісінше, болған апатқа орай әуе билеттері бағасының шарықтап кеткені жөніндегі ақпарат шындыққа жанаспайды. Өйткені, Жаңа жыл қарсаңында және демалыс күндері билеттердің құны басқа күндерге қарағанда бұрыннан қымбатырақ болады. Жалпы билетті өз бағасына алу үшін делдалдардың қызметіне жүгінбей, әуе компанияларының ресми сайттарынан және аккредиттелген сату нүктелерінен алуға кеңес беріледі» делінген хабарламада.
&nbsp;«Air Astana» және «Qazaq Air» әуе компанияларының мәліметінше, тоқтатылған рейстердің жолаушылары 2019 жылғы 31 желтоқсанға дейін сәйкес бағыттарға бос орын болған жағдайда «Bek Air» әуе компаниясының рейстеріне алынған билет құнымен тасымалданады. Ол үшін билеттерді тікелей «Air Astana» және «Qazaq Air» әуе компанияларының кассаларынан алу керек. «SCAT» әуе компаниясы көрсетілген мерзімге дейін бос орындар болған жағдайда «Bek Air» әуе компаниясы жолаушыларын қабылдайды. Оған «Bek Air» әуе компаниясының өкілі ұсынған жолаушылардың мәліметтері көрсетілген табыстау тізімдемесі негіз бола алады.
Сонымен қатар, «Air Astana» 2019 жылғы 28 желтоқсанға Нұр-Сұлтан мен Алматы қалалары арасында қосымша рейстер ашты. Олар жергілікті уақытпен сағат 05:00-де және 10:00-де ұшады. Апаттан зардап шеккендердің жақын туыстары тегін тасымалданады. Оған қоса, жаңажылдық мерекелер мен демалыс кезеңінде «Air Astana» әуе компаниясы Алматыдан Нұр-Сұлтан, Ақтөбе, Ақтау және Атырау қалаларына қосымша рейстер ашады.
Колл-орталық телефондары:
– «Қазақстанның авициялық әкімшіліг» АҚ +77172613187;
– «Air Astana» әуе компаниясы +77172584477, +77272444477, +77027024477; – «SCAT» әуе компаниясы +77252998880 (ішкі 277, 278);
– «Qazaq Air» әуе компаниясы +77273561414;
– «Bek Air» әуе компаниясы +77273545000, +77017334576.

Bek Air компаниясы 31 желтоқсанға дейінгі 10 мыңға жуық билеттің ақшасын қайтарып жатыр

Kyzylorda–news.kz. Қазақстан Республикасыдағы ең үлкен ту Алматы&nbsp;маңында&nbsp;әуе апатында қаза тапқан адамдардың аза тұту белгісі ретінде түсірілді. Тудың түсірілген суретін&nbsp;<a href="https://www.facebook.com/tusupbekuly">Facebook</a>&nbsp;желісінде Жарқын Түсіпбекұлы жариялады.
Қазақстанның Бас мемлекеттік туы “Атамекен” этно-мемориалдық кешенінің аумағында Нұр-Сұлтан орталығында орнатылған. Нысан 2009 жылы ашылды. Тудың өлшемі&nbsp;15-те 30 метр. Кенептің жалпы көлемі –&nbsp;450 шаршы метр. Ол қаланың үстінен 111 метр биіктікте көтеріледі, бұл оны елорданың кез келген&nbsp;жерінен көруге мүмкіндік береді. Ту көлемі бойынша әлемде тоғызыншы орынды алады.
Президент Қасым-Жомарт Тоқаев Алматы маңында ұшақ апатынан адамдардың қаза болуына байланысты 2019 жылдың 28 желтоқсанын жалпыұлттық аза тұту күні деп жариялады. Президент Қасым-Жомарт Тоқаев Алматы маңында&nbsp;Bek Air ұшағының құлауы кезінде қаза тапқандардың отбасына көңіл айтты. Мемлекеттік органдар сайттары осы оқиғаға байланысты ақ-қара түсті форматта жұмыс істеп жатыр.&nbsp;
“Бүгін Алматы маңындағы жолаушылар ұшағы апатынан қаза тапқан адамдардың туыстары мен жақындарының қайғыларына ортақтасып, көңіл айтамын. Зардап шеккендерге көмек көрсетіледі. Апат себебін анықтау үшін арнайы үкіметтік комиссия құрылды. Кінәлілер заңға сәйкес қатаң жазаланады”, – деді Президент.

Қазақстандағы ең үлкен ту түсірілді

<a href="https://kyzylorda-news.kz/">Kyzylorda-news.kz.</a> Ұшақ салынып жатқан үйге құлады. Ол жерде ешкім болған жоқ. Бұл туралы Алматы қалалық ТЖД басшысының орынбасары Ерлан Әлібеков айтты.
Ерлан Әлібековтың айтуынша, апат болған жерде Алматы және Алматы облысының ТЖД, ПД, Ұлттық гвардия, жедел құтқару тобы, апаттар медицина орталығының қызметкерлері жұмылдырылды. Барлығы 776 адам мен 119 техника жұмыс істеді. Сондай-ақ, Алматы қаласының 35 жедел жәрдем көлігі тартылды.
Оқиға орнына жедел құтқару жұмыстары ұйымдастырылды.
<blockquote>
 «Ұшақтағы 88 адамға көмек көрсетілді. Оларды ұшақтан шығардық. Қазіргі уақытта ауруханада 42 адам жатыр, оның 8 бала. Тағыда айта кететін жәйт, ешқандай жарылыс болған жоқ. Егер ұшақ жарылған болса, онда адамдарды аман алып қалу мүмкін болмас еді. Бұл жаңадан салынып жатқан үй болатын. Абырой болғанда оның ішінде ешкім болған жоқ»,- деді Алматы қалалық ТЖД басшысының орынбасары Ерлан Әлібеков.
</blockquote>

Ұшақ соғылған үйдің ішінде ешкім болмаған

<a href="https://kyzylorda-news.kz/">Kyzylorda-news.kz.</a> 28 желтоқсан күні Air Astana әуе компаниясы Алматы мен Нұр-Сұлтан арасында қосымша рейстер енгізеді. Бұл туралы «Нұрсұлтан Назарбаев» халықаралық әуежайының баспасөз қызметі мәлімдеді.
<blockquote>
 «2019 жылдың 28 желтоқсанында «Air Astana» әуе компаниясы «Алматы – Нұр-Сұлтан – Алматы» және «Нұр-Сұлтан – Алматы – Нұр-Сұлтан» бағыттары бойынша қосымша рейстер енгізеді. Нұр-Сұлтаннан ұшу уақыты – таңғы 05:00, Алматыдан ұшу уақыты – таңғы 07:00», – делінген хабарламада.
</blockquote>
Bek Аir әуе компаниясы ұшағының апатында мерт болғандардың туыстары тегін тасымалданады.

Ұшақ апаты: Қаза болғандардың туыстары тегін ұшады

<a href="https://kyzylorda-news.kz/">Kyzylorda-news.kz.</a> Мемлекет басшысы Алматы маңындағы ұшақ апатына байланысты кеңес өткізді, деп хабарлайды&nbsp;Ақорда.
«Ақорда» резиденциясында Премьер-Министрдің, Президент Әкімшілігі басшылығының, Қауіпсіздік Кеңесі хатшысының, Бас прокурордың, Ұлттық қауіпсіздік комитеті төрағасының, Ішкі істер, Ақпарат және қоғамдық даму, Денсаулық сақтау министрлерінің қатысуымен Алматы әуежайы маңындағы жолаушылар ұшағының апатына байланысты шұғыл кеңес өтті.
Қасым-Жомарт Тоқаев Қазақстан халқының және жеке өзінің атынан қаза болған азаматтардың отбасылары мен жақындарына көңіл айтты. Жиынға қатысушылар қайтыс болғандарды бір минут үнсіздікпен еске алды.
Мемлекет басшысы Премьер-Министр Асқар Маминнің, Бас прокурор Ғизат Нұрдәулетовтің, Ішкі істер министрі Ерлан Тұрғымбаевтың және Денсаулық сақтау министрі Елжан Біртановтың есептерін тыңдады.
Қасым-Жомарт Тоқаев Үкіметке Алматы қаласы мен Алматы облысы әкімдіктерімен бірлесіп қаза болған азаматтардың отбасыларына 4 миллион теңге көлемінде материалдық көмек көрсетуді тапсырды. Қайтыс болғандардың жақындарына жан-жақты психологиялық және медициналық қолдау көрсетіледі. Сонымен қатар зардап шеккендердің барлығына қажетті көмек беріледі.
28 желтоқсанды жалпыұлттық аза тұту күні деп жариялаған Президент еліміздегі мемлекеттік туларды төмен түсіруге және барлық ойын-сауық шараларын тоқтатуға тапсырма берді.
Мемлекет басшысы кеңес барысында:
– Ұшақ апатына соқтырған себептерді сапалы әрі объективті түрде тексеруге;
– «Қазақстанның авиациялық әкімшілігі» акционерлік қоғамын білікті мамандармен қамту жұмыстарын толық аяқтау шараларын қабылдауға;
– Қауіпсіздік талаптарына сәйкестендіру үшін барлық әуе компанияларының жұмыстары мен авиациялық инфрақұрылым нысандарын тексеруге тапсырма берді.
Бас прокуратура мен Ішкі істер министрлігіне қозғалған қылмыстық іс аясында ұшақ апатына соқтырған себептерді анықтау, кінәлілерді заңға сәйкес жауапкершілікке тарту, сондай-ақ, Алматы әуежайының аумағына жақын орналасқан жеке құрылыстардың заңдылығын зерттеу жөнінде шара қабылдауды тапсырды.

Ұшақ апаты: Президент қаза болғандардың отбасыларына 4 млн теңгеден беруді тапсырды

<blockquote>
 <a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> “Bek Air әуекомпаниясындағы жағдайға байланысты барлық жолаушы 2019 жылдың 31 желтоқсанына дейін жоспарланған рейстердің әуебилеттерін толықтай қайтарып алуы керек”, – делінген хабарламада.
</blockquote>
Еске сала кетсек, &nbsp;&nbsp;&nbsp;&nbsp;бүгін сағат 07:22-де Bek Air әуе компаниясының № Z2100 Алматы – Нұр-Сұлтан бағытындағы рейсі ұшу кезінде биіктікті жоғалтып, бетон қоршауға соғылған болатын. Нәтижесінде екі қабатты ғимаратпен соқтығысқан. Бірден құтқару жұмыстары басталды, өрт шыққан жоқ.
Қаза тапқандардың саны – 15. Премьер-министрдің тапсырмасымен Үкімет комиссиясы құрылды, оны вице-премьер басқарады. Комиссия құрамына индустрия және инфрақұрылымды дамыту министрі және басқа мемлекеттік органдардың өкілдері кіреді. Комиссия оқиға орнына барады. Оқиғаның нақты мән-жайы мен себептері анықталады. Апат жағдайлары анықталғанға дейін осы типтегі әуе рейстері уақытша тоқтатылды.

«Bek Air» ұшағына билет алғандар 31 желтоқсанға дейін қайтарып үлгеруі керек

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Алматы қаласы маңында ұшақ апатынан қаза тапқан 12 адамның аты-жөні белгілі болды. Мұндай деректі ҚР ІІМ Төтенше жағдайлар комитетінінен жария етті.
Ведомствоның атап өтуінше, Денсаулық сақтау министрлігінің ресми дерегіне сәйкес оқиға орнында әуе кемесінің командирі Марат Мұратбаев (1962 жылы дүниеге келген), Николай Асташов (1971), Рустам Қайдаров (1940), Бауыржан Қалиев (1974), Базархан Кәрібаев (1951), Аршат Исина, Абай Нұрбеков (1986), Сәния Аманжол қайтыс болған. Ал Дана Круглова (1984), Қайыржан Тұматов (1955) Алматы әуежайында көз жұмды. Имина Оспанова (1963) мен Валерий Ануфриев ауруханада өмірден озды.

Қазақстан және Қызылорда облысының жаңалықтары: Қоғам