<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Қызылордада &nbsp;облыстық Қазақстан халқы ассамблеясы активінің қорытынды басқосуы өтті. Оған облыс әкімінің орынбасары Наурызбай Байқадамов қатысты.
Қатысушылар Достық үйінің фойесінде әзірленген «Анамның бейнесі» тақырыбында фото байқау суреттерінің көрмесімен танысты.
Актив отырысы басталмас бұрын қатысушылар Алматы маңында ұшақ апатынан орын алған қайғылы оқиғаға ортақтасып, 1 минут үнсіздік жариялады. 
Активте облыстық Қазақстан халқы ассамблеясы хатшылығының меңгерушісі Ләйлә Бегалықызы жыл бойы атқарылған іс-шараларды қорытындылап, алдағы жоспарларымен бөлісті.
Басқосу аясында облыстық «Славяне» қоғамдық-мəдени орталығының жетекшісі Галина Щербакова, облыстық ҚХА жанындағы Аналар кеңесінің мүшесі Бақыткүл Мұсаева, Қорқыт ата атындағы ҚМУ «Қазақстан халқы Ассамблеясы» кафедрасының меңгерушісі Айтжан Оразбақов, облыстық ҚХА жанындағы ҒСТ мүшесі, Қызылорда қаласының Назарбаев Зияткерлік мектебінің мұғалімі Нұркен Әбдіжәлиев, «Қоғамдық келісім» КММ сарапшысы Светлана Крюгер сөз сөйлеп, пікір алмасты.
Облыс әкімінің орынбасары Наурызбай Байқадамов сөз алып, мерейтой жылындағы ауқымды жұмыстарға сәттілік тіледі.
Активте бірлік пен татулықты берік етіп, рухани жаңғыру жолында аянбай еңбек еткен жандарға Қазақстан халқы Ассамблеясының марапаттары берілді.
Облыс әкімі орынбасарының алғыс хатымен этномәдени бірлестіктермен облыстық ассамблея құрылымдарының белсенді мүшелері марапатталды.
Басқосу соңында «Анамның бейнесі» тақырыбындағы фото байқаудың жеңімпаздары анықталып, үздік фото иелеріне жүлделі орындар табысталды.
<img src="https://kyzylorda-news.kz/wp-content/uploads/2019/12/30assambleya2.jpg" alt="" />
<img src="https://kyzylorda-news.kz/wp-content/uploads/2019/12/30assambleya3.jpg" alt="" />
<img src="https://kyzylorda-news.kz/wp-content/uploads/2019/12/30assambleya4.jpg" alt="" />

Облыстық ҚХА активінің қорытынды басқосуы өтті

<a href="https://kyzylorda-news.kz/">Kyzylorda-news.kz.</a> Естелігімен бөліскен марқұм Батырхан Шүкеновтың&nbsp;&nbsp;ағасы Бауыржан Шүкенов.
Ол дәл осы ұшқыш басқарған ұшақпен бірнеше жыл бұрын ұшқаны туралы <a href="https://www.facebook.com/kenoff">Facebook</a> парақшасында жазды.
<blockquote>
 “Қазір ғана әуе кемесінің командирі болған біздің қызылордалық тәжірибесі мол Марат Мұратбаев екенін білдім… Бірнеше жыл бұрын Қызылордадан Алматыға ЯК-40 ұшағымен ұшқаным есімде. Командир Марат болды. Биіктікті алу кезінде ұшақ кенеттен сілкініп, Қызылорда әуежайына қонуға тура келді. Үрейлі ештеңе болған жоқ. Шықсам борттың жанында Марат күліп тұр. Оған күлген жарасатын. Мен: “Не болды, Маке?”– дедім. Ол: “Бір штаттан тыс діріл пайда болды. Тәуекел жасамауды жөн көрдім”, – деп жауап берді.
</blockquote>
Міне, көп жылдан кейін… Ол аспанға, ұшуға ғашық болған және осы арманын жүзеге асыра алған замадастарымның бірі еді. Мен ол мұндай қателікке жол берді деп ойламаймын… иманды бол, Мәке…”- деп жазды Бауыржан Шүкенов (орфография және пунктуация сақталған).
Жазбаның астында ұшқышты батырға балаған пікірлер толып кетті:
<blockquote>
 “Ол өз ісінің шебері және жақсы адам, “Эйр Астанада” Боингте ” ұшқан. Егер ұшақ дұрыс көтеріле алмаса, бұл ұшқыштың кінәсі емес, бұл ұшақтың мұздануы немесе қозғалтқыштың ақауы болуы мүмкін ” (Тоты Әмірова).
 “Қара жәшік бәрін көрсетеді. Бірақ бүкіл борттың қаза таппауы ұшқыштың арқасы деп ойлаймын”(Мұхтар Тайжан).
 “Менің ойымша, ол батыр, оның кәсібилігінің арқасында жолаушылардың басым бөлігі тірі қалды” (Роза Жансұлтанова).
 “Ол ұшақты жанармай багын зақымдамайтындай етіп қондыра алды, сол арқылы өрттің алдын алды. Ұшақ өртенсе ешкім аман қалмайтын еді” (Рахимберген Тоқсейітов).
</blockquote>
Естеріңізге сала кетейік, 27 желтоқсанда таңертең Алматы-Нұр – Сұлтан рейсімен келе жатқан Bek Air авиакомпаниясының Fokker-100 ұшағы апатқа ұшырады. Лайнер ұшудан кейін көп ұзамай құлап кетті. Ол бетон қоршауын тесіп өтіп Қызылту кентіндегі екі қабатты құрылыспен соқтығысқан. Бортта бес экипаж мүшесі және 93 жолаушы болған. 12 адам мерт болды, соның ішінде әуе кемесінің командирі Марат Мұратбаев та бар.

Әуе апатында қаза болған қызылордалық ұшқыш бұрын да апатты жағдайда қонған

<a href="https://kyzylorda-news.kz/">Kyzylorda-news.kz.</a> ҚР премьер-министрі Асқар Маминнің төрағалығымен өткен Үкімет отырысында Үкіметтің заң жобалау жұмыстарының 2019 жылға арналған жоспарының орындалу барысы және 2020 жылға арналған жоспар жобасы қаралды, деп хабарлайды primeminister.kz.
ҚР Әділет министрі М.Бекетаев баяндама жасады, ол биыл Парламентке «Педагог мәртебесі туралы», «Халық денсаулығы және денсаулық сақтау жүйесі туралы» кодексті, Экологиялық кодексті және т.б. қоса алғанда 32 заң жобасы енгізілгенін айтты.&nbsp;
<blockquote>
 «2020 жылға арналған жоспар жобасына өзекті және маңызды мәселелерді шешуге, Тұңғыш Президент – Елбасы Нұрсұлтан Әбішұлы Назарбаев пен Мемлекет басшысы Қасым-Жомарт Кемелұлы Тоқаевтың тапсырмаларын орындауға бағытталған 17 заң жобасы енгізілді», –&nbsp;деді Асқар Мамин.&nbsp;
</blockquote>
Мемлекет басшысының сайлауалды бағдарламасын және Жолдауын&nbsp;іске асыруға арналған заң жобалары қарастырылған. Жаңа заң жобалары, соның ішінде «Ардагерлер туралы», «Өсімдіктер әлемі туралы» және әрекет етіп тұрған заңнамаға өзгерістер енгізуді көздейтін тағы да басқа бірқатар заң жобалары әзірленеді.&nbsp;
Премьер-министр мемлекеттік органдардың бірінші басшыларына заң жобалау жұмысын жеке бақылауға алуды тапсырды.
<blockquote>
 «Жоспарлы заң жобаларын енгізу мерзімдері бұзылған жағдайда тікелей бірінші басшылардың жауапкершілігі қаралатын болады»,&nbsp;– деп Асқар Мамин Әділет министрлігіне Үкіметтің заң жобалау жұмыстарының 2020 жылға арналған жоспарын іске асыру кезінде жалпы бақылауды күшейтуді тапсырды.
</blockquote>

Үкімет заң жобалау жұмыстарының 2020 жылға арналған жоспарын бекітті

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> ҚР Ішкі істер министрі Ерлан Тұрғымбаев Алматы түбінде апатқа ұшыраған «Bek Air» ұшағының неліктен өртенбегенін айтты, деп хабарлайды <a href="http://lenta.inform.kz/kz/erlan-turgymbaev-bek-air-ushagynyn-nelikten-ortenbegenin-aytty_a3599560">ҚазАқпарат</a>.
<blockquote>
 «Бақытымызға орай, жанармай багы тесілген сол жақ қанаты өртенген жоқ. Отынның жартысы ұшақ астына төгілген. Күн райына, қарға және суық ауа райына байланысты өрт шыққан жоқ. Бұл қаза тапқандар санының аз болуына мүмкіндік жасады», – деді министр Үкімет отырысынан кейін БАҚ өкілдерінің сауалына орай.
</blockquote>
Сонымен қатар Ерлан Тұрғымбаев ұшақ апатының&nbsp;3 нұсқасын атаған&nbsp;болатын.

Ерлан Тұрғымбаев «Bek Air» ұшағының неліктен өртенбегенін айтты

<a href="https://kyzylorda-news.kz/">Kyzylorda-news.kz.</a> Желтоқсанның 30-ы күні Қазақстан аумағына Қара теңіз аймақтарынан жылжыған циклон әсер етеді. Соның салдарынан республиканың басым бөлігінде қар жауады, оңтүстікте жауын-шашын болады. Бұл туралы «Қазгидромет» РМК хабарлайды.
Кәсіпорын тартқан мәліметтерге қарағанда, тек еліміздің батысында ғана күн жауын-шашынсыз болады.
Кей жерлерде тұман түсіп, көктайғақ болып, жел күшейеді, бұрқасын болуы да ықтимал.
Шығыс Қазақстан облысының бірқатар аумақтарында тұман түсіп, бұрқасын, жолда көктайғақ болады. Жел 15-20 м/с-қа күшейеді, түнде Жармин ауданында екпіні 25 м/с жел соғады.
Ақмола облысының кей жерлерінде тұман түсіп, көктайғақ, бұрқасын болады. Түнде және таңертең желдің екпіні 15-20 м/с-қа күшейеді.
Алматы, Түркістан, Қызылорда, Маңғыстау, Атырау, Актөбе облыстарының кей жерлерінде тұман түсіп, көктайғақ болады.
Алматы облысының Алакөл ауданында жел 17-22 м/с жылдамдықпен ұйтқиды.
Солтүстік Қазақстан, Павлодар облыстарының кей жерлерінде тұман түсіп, бұрқасын болады.
Солтүстік Қазақстан облысында күндіз жел 15-20 м/с-қа күшейеді.
Қарағанды, Жамбыл облыстарының кей жерлерінде тұман түсіп, көктайғақ, жаяу бұрқасын болады.
Жамбыл облысында түнде желдің жылдамдығы 15-20 м/с-қа жетеді.
Батыс Қазақстан, Қостанай облыстарының кей жерлерінде тұман түседі.

Қазгидромет: 30 желтоқсан күні еліміздің басым бөлігінде қар жауады

1995 жылы Қарағанды облысының Егіндібұлақ ауылында Қазыбек биге ескерткіш орнатылды.
1999 жылы Ақмола облысының Атбасар қаласында жазушы Ілияс Есенберлиннің мұражай-үйі ашылып, қаламгер тұрған үйге ескерткіш тақта орнатылды.
2005 жылы Елбасы Нұрсұлтан Назарбаев «Қазақстан Республикасындағы еңбек туралы» Қазақстан Республикасының Заңына толықтырулар енгізу туралы» Заңға қол қойды. Осы Заңға сәйкес, мұсылман күнтізбесі бойынша аталып өтетін Құрбан айттың алғашқы күні және Православ Рождество мерекесі демалыс күндері болып бекітілді.
2011 жылы Д.Қонаевтың 100 жылдығына арналған фотоальбом жарыққа шықты. Фотоальбом отбасылық мұрағат материалдарын пайдаланған эксклюзивті басылым болды.
2015 жылы Мемлекет басшысы «Қазпоштаның» «Аяз Атаға хат жаз» жобасын қолдады, оның аясында ниет білдірушілер балалар жазған хаттардың ішінен бірін таңдап, оның арманын орындайды. Нұрсұлтан Әбішұлы БҚО-дан хат жолдаған Виктория Харлашинаның арманын орындады. Виктория «Doh Vinci» шығармашылығы үшін керек-жарақ сыйлауды сұраған еді. Президент те сурет салғанды жақсы көреді, сондықтан қыз баланың арманын қуана орындады.
2017 жылы «Назарбаев Университеті» дербес білім беру ұйымына зерттеу университеті мәртебесі беріліп, оның даму бағдарламасы бекітілді.

30 желтоқсан: Ел тарихында орын алған оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 30 желтоқсанға арналған жұлдыз-жорамалы.
Тоқты
Бүгін іскерлік белсенділігіңіз артады. Сіздің жолыңыздағы барлық қиындықтарға, кедергілер мен сынақтарға қарамастан, үлкен жетістікке жетуге болады.
Торпақ
Мақсатыңызға жету жолында алаяқтыққа жол бермеңіз. Бұл сіздің абыройыңызға әсер етіп, айналаңызға жағымсыз әсер қалдырасыз.
Егіздер
Бүгін көңіл-күйіңіз түседі. Айналаңыздағы адамдармен қарым-қатынасыңызды қайта қарауға мәжбүр ететін жағымсыз жаңалықтар болады.
Шаян
Отбасыңыз сізге үлкен жауапкершілік жүктейді. Сөзіңіз бен ісіңізге абай болыңыз. Жасы үлкен адамдар денсаулыққа мән беру керек.
Арыстан
Бүгін қатты шаршайсыз. Жай ғана демалу жеткіліксіз, дәрумендер қабылдап, дұрыс тамақтаныңыз. Кездескен қиындыққа қарамай көңілді болыңыз.
Бикеш
Отбасында кекілжің туындауы мүмкін. Ұзақ жылдардан бері созылып келе жатқан аурудан емделетін күн жетті. &nbsp;Жақындарыңызды ойлаңыз.
Таразы
Жоспарларыңызды құпия ұстаңыз. Сүйіктіңізбен бірге атап өтетін мерекеге дайындалыңыз. Жұлдыздар спортпен айналысуға кеңес береді.
Сарышаян
Бүгінгі күніңізде қиындықтар туындауы мүмкін. Басшыларыңызбен, әріптестеріңізбен арада дау туындайды.
Мерген
Апта соңындағы оқиғалар сіздің идеяңызға айтарлықтай әсер етеді. Отбасылық өмірде жақындарыңызды ренжітпеңіз. &nbsp;
Тауешкі
Іссапарлар мен саяхаттауға қолайсыз күн. Денсаулығыңызды күтіңіз. Физикалық белсенділік қауіп тудырады. &nbsp;
Суқұйғыш
Бүгін өз ұстанымыңызға берік болып, табандылық танытпасаңыз күн қиын болуы мүмкін. Басшыларыңызбен қарым-қатынасыңызды бұзбаңыз.
Балықтар
Әр түрлі мәселелер шешімін табатын сәтті күн. Жаңа бизнесіңізді бастасаңыз жолыңыз болады.

Жұлдыздар не дейді?

ҚР Экология, геология және табиғи ресурстар министрі Мағзұм Мырзағалиев Үкімет отырысында жыл сайын полигондарда 5 млн тоннадан астам тұрмыстық қалдық қалыптасатынын айтты.&nbsp;
<blockquote>
 Қазіргі уақытта еліміздің 3,5 мың полигонында 120 млн тоннадан астам тұрмыстық қатты қалдықтар жинақталған және жыл сайын 5 млн тоннадан астам тұрмыстық қалдықтар қалыптасады. 2016 жылдан бастап тұрмыстық қалдықтарды өңдеу 2,6%-дан 11,5%-ға дейін, ал өнеркәсіптік қалдықтарды өңдеу үлесі 26,8%-дан 32,2%-ға дейін өскені байқалады, – деді министр.
</blockquote>
Мағзұмов 2019 жылдан бастап елде пластмассаны, макулатураны, картон мен қағаз қалдықтарын, шыныны көмуге тыйым салынғанын атап өтті. Алайда өңірлерде тиісті инфрақұрылым болмағандықтан, іске қосылған механизм жеткілікті дәрежеде жүзеге асырылмай отыр.
<blockquote>
 Қазіргі экологиялық проблемаларды талдау: атмосфералық ауаның сапасы, жер үсті суларының ластануы, кәріздік тазарту кешендерінің тозуы немесе болмауы, тұрмыстық қалдықтар полигондарының болмауы немесе нашар жай-күйі бойынша проблемалардың бар екендігін көрсетті. Бұдан басқа, шешуді қажет ететін жергілікті экологиялық проблемалар да бар. Жергілікті атқарушы органдар экологиялық жағдайды жақсарту бойынша кешенді шаралар қабылдау арқылы аталған проблемаларды шешуге тырысады, – деді Мағзұмов.
</blockquote>
<a href="https://baq.kz/news/othernews/poligondarda-120-mln/">BAQ.KZ</a>

Полигондарда 120 млн тонна тұрмыстық қалдық жатыр

<a href="https://kyzylorda-news.kz/">Kyzylorda-news.kz.</a> Дәрігерлер осындай мәлімдеме жасады.
Дүние жүзі денсаулық сақтау ұйымының айтуынша,&nbsp; күйзеліс – ең кең таралған аурулардың бірі. Қазірдің өзінде&nbsp; әлем бойынша 40%&nbsp; адам күйзеліске ұшыраған. Көбінесе күйзеліс, жабығу ең алдымен мегаполис тұрғындарына тән. Өйткені көптеген психологтар депрессияның қалалы жерлерде үлес салмағы басым екенін жазады. Оны үлкен қаладағы өмір ырғағының жоғарылығымен түсіндірген. Мегаполис тұрғындары үлкен қаланың жақсылығы мен жамандығына қатар төзіп, басқаша айтқанда ащы мен тұщының дәмін тең татып күнелтуге мәжбүр. Техника мен технология алысты жақын етіп, қол еңбегін жеңілдеткенімен, мобильді телефонмен күніне бірнеше рет сөйлесу, радио, теледидардан керекті-керексіз ақпараттар алу, негізінен батыстық менталитетті бейнелейтін агрессиялық фильмдер көру, нарықтың басты құндылығы ақша болғандықтан, ақша табу үшін жанталаса өмір сүру, сөйтіп әке-шеше, туған-туыс, қатар құрбыдан алыстау арқылы өз-өзіне тұйықталу адамның жүйкесін шаршатып, депрессияға ұшыратады.
Күйзелістен шығудың екі жолы бар екен. Біріншісі, күйзеліске қарсы дәрі дәрмектерді пайдалану. Яғни түрлі антидепрессиянтарды пайдалану. Тек, бұл тәсілдерді адам өздігінен емес, арнайы орталыққа барып, мамандардың кеңесімен жүргізеді.
Екіншісі психологиялық көмек. Арнайы психолог маманға жүгінесіз. Белгілі бір уақыт бойы жүргізілген психотерапия айығуға тиімді. Бірақ бұл ем ұзақ уақыт алады, бір жыл немесе екі жылға дейін жалғасатын күрделі процесс.
Дәрігерлер қандай жағдай болмасын барлығының шешімі бар екенін, тек өз-өзінді тәртіпке салып, өмірлік серігіңізбен, жанашыр достарымен,ағайын-туғанымен қарым-қатынасты үзбей жақсарту керектігін ескертеді. Қатты жабыққан кездерде өз- өзіңе: «Әрі қарай қиналғым келе ме және оған құқығым бар ма? Себебі маған көп адамдар тәуелді және менің еңбекке қабілетім мен өмірдегі белсенділігімнің төмендеуі ең алдымен оларға кері әсер етеді. Айқын әлемде менің өз міндеттерім бар және оларды орындау үшін мен күш-жігерімді жоғалтпауым керек» – деп жігерленіңіз.
<a href="https://aikyn.kz/society/treatment/14998-kueyzel%D1%96sten-der-kez%D1%96nde-aryludyng-ek%D1%96-goly-bar/">AIKYN</a>

Күйзелістен дер кезінде арылудың екі жолы бар

Биологиялық әралуандықтың халықаралық күні
БҰҰ Бас Ассамблеясы 49-сессиясының (1995) шешімі бойынша биологиялық әралуандық (Жердің флорасы мен фаунасы, 1993) туралы халықаралық конвенцияның күшіне енген күнінен бастап тойланады.
Моңғолия тәуелсіздігі күні
1911 жылы Цинь империясы құлап, Моңғолия Қытайдан бөлініп шықты.
1995 жылы ҚР Конституциялық кеңесі (КК) құрылды. Ол – Қазақстандағы конституциялық бақылауды жүзеге асыратын ұжымдық орган. Қазақстан Конституциясының 72-бабына сәйкес, КК ҚР Президенті сайлауының, Парламент депутаттары сайлауның және республикалық референдумның дұрыс өтуін қадағалайды.
2004 жылы Қазақстан Республикасы Парламентінің Астананың сол жақ бетіндегі жаңа ғимаратында Мәжілістің бірінші жалпы отырысының ашылу рәсімі өтті.
2012 жылы Жамбыл облысының Қордай ауданында Қазақстанда алғашқы өнеркәсіптік ауқымдағы Күн электр стансасы іске қосылды. Жекеменшік инвестициялар есебінен салынған станса жалпы электр желілеріне қосылған әрі өндірген энергиясын еліміздің бірыңғай энергетика жүйесіне бере алады.

29 желтоқсан: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 29 желтоқсанға арналған жұлдыз-жорамалы.
Тоқты
Бүгін көңілді, белсенді адамдармен әңгімелесіңіз. &nbsp;Егер отбасылы болсаңыз, үй ішіндегі барлық мәселені шешіп алыңыз.
Торпақ
Бұрын сізді жарты жолда қалдырған адаммен кездесіп, онымен біраз әңгімелесесіз. Бірақ барлық шындығыңызды айтып қоймаңыз.
Егіздер
Бүгін өзіңіздің сүйікті ісіңізбен айналысасыз. Бұл іс кейін қосымша қаражат әкелетін табыс көзі болмақ. Сондықтан барлығын жан-жақты ойластырғаныңыз жөн.
Шаян
Бүгін біраз жерде болып, біршама мәселені шеше аласыз. Егер жақындарыңыз үй шаруасына көмектесер болса, шаршағаныңызды сезбей қаласыз.
Арыстан
Бүгін барынша сыпайы болыңыз. Әсіресе жаңа танысқан адамыңызбен әңгіме барысында мәдениеттілік сақтағаныңыз жөн.
Бикеш
Көшеде жүргенде немесе көлік жүргізгенде сақ болыңыз. Сондай-ақ спортпен шұғылдану барысында да дене жарақатын алу қауіпі бар.
Таразы
Үй шаруасынан демалатын кез келді. Жол дорбаңызды жинап, саяхатқа шығыңыз. Не болмаса, алыстағы туған-туысты аралап, қыдырыңыз.
Сарышаян
Бүгін жалқаулық танытасыз. Егер ауа райы жанға жайлы болса, табиғат аясында демалыс ұйымдастырыңыз немесе демалыс саябағына барыңыз.
Мерген
Бүгін ірі көлемде сауда жасамаңыз. Не болмаса қарыз қайтармаңыз. Себебі өзіңіз қаржы жағынан қиналып қалуыңыз мүмкін. Сондықтан мұны кейінге қалдырыңыз.
Тауешкі
Бүгін алаңсыз демалыңыз. Үй шаруасына бола қиналмаңыз. Түстен кейін сізге көмек көрсететіндер табылады.
Суқұйғыш
Бүгін сіздің жолыңыз болады. Барлық мәселелер мен кикілжіңдер сізді айналып өтеді. Сондай-ақ бүгін ірі көлемде сауда жасап, үй ішін жаңалайсыз.
Балықтар
Бүгін ішпыстырарлық жиынға немесе кездесуге барасыз. Егер мүмкіндік болса, бұл жиынға барудан бас тартыңыз.

Bek Air ұшағына билет алған жолаушылар QAZAQ AIR әуе компаниясының билеттерін тиімді бағамен ала алады, деп хабарлайды <a href="http://lenta.inform.kz/kz/qazaq-air-kompaniyasy-bek-air-zholaushylaryn-tasymaldauga-dayyn_a3599207">ҚазАқпарат</a>.
«QAZAQ AIR әуе компаниясы кеше Алматы маңындағы ұшақ апаты салдарынан рейсі тоқтатылған жолаушыларды қабылдауға дайын. 2019 жылдың 31 желтоқсанына дейін Bek Air билеті бар жолаушылар QAZAQ AIR рейстеріндегі бос орындарды қарастыра алады. Мұндағы билеттер құнын Bek Air билетінің құнынан асырмаймыз», – деп хабарлады әуе компаниясы.
Билет сатып алу үшін flyqazaq.com брондау қызметін қолдануға болады.
Айта кетейік, кеше таңертең Алматыдан Нұр-Сұлтан қаласына ұшып шыққан ұшақ радардан жоғалып кетті.
Кейін 95 жолаушы мен 5 экипаж мүшесі бар ұшақтың апатқа ұшырағаны мәлім болды. Оқиғаның мән-жайын анықтау үшін ұшақ құлаған аумаққа арнайы комиссия ұшып шықты.
ҚР Президенті Қасым-Жомарт Тоқаев ұшақ апатына кінәлілер заңға сәйкес қатаң жазаланатынын мәлімдеді. Елбасы Нұрсұлтан Назарбаев жолаушылар ұшағының апатқа ұшырауына байланысты көңіл айтты.
ҚР ДСМ ұшақ апатынан зардап шеккендерге медициналық көмек көрсету үшін ресурстар жеткілікті екенін, қан тапсырудың қажеті жоқ екенін мәлімдеді.

Қазақстан және Қызылорда облысының жаңалықтары: Қоғам

Облыстық ҚХА активінің қорытынды басқосуы өтті

Әуе апатында қаза болған қызылордалық ұшқыш бұрын да апатты жағдайда қонған

Үкімет заң жобалау жұмыстарының 2020 жылға арналған жоспарын бекітті

Ерлан Тұрғымбаев «Bek Air» ұшағының неліктен өртенбегенін айтты

Қазгидромет: 30 желтоқсан күні еліміздің басым бөлігінде қар жауады

30 желтоқсан: Ел тарихында орын алған оқиғалар

Жұлдыздар не дейді?

Полигондарда 120 млн тонна тұрмыстық қалдық жатыр

Күйзелістен дер кезінде арылудың екі жолы бар

29 желтоқсан: Атаулы күндер мен оқиғалар

Жұлдыздар не дейді?

QAZAQ AIR компаниясы Bek Air жолаушыларын тасымалдауға дайын