<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Синоптиктер 21 қаңтар күні ауа райы қандай болатынын айтты, деп хабарлайды «Қазгидромет» РМК.
Қазақстан территориясының басым бөлігі ошағы Архангел ауданында орналасқан циклонның әсерінде болады. Салдарынан елімізде қар жауады, батыс, оңтүстік және оңтүстік-шығыста жауын-шашын күтіледі.
Жамбыл, Түркістан облыстарының кей жерлерінде тұман түсіп, көктайғақ болады. Күндіз жел екпіні 15-20 м/с дейін күшейеді.
Шығыс Қазақстан облысының кей жерлерінде бұрқасын көтеріледі, жел қарқыны – 15-20 м/с. Түнде және таңертең кей жерлерде тұман түседі.
Павлодар облысына тұман түседі, жел жылдамдығы 18 м/с жетеді.
Ақмола, Солтүстік Қазақстан, Ақтөбе облыстарының кей жерлерінде тұман түседі, боран соғады.
Қостанай облысының кей жерлеріне тұман түсіп, көктайғақ және бұрқасын болады.
&nbsp;Алматы, Қызылорда, Маңғыстау, Атырау, Батыс Қазақстан, Қарағанды ​​облыстарының кей жерлерінде көктайғақ пен тұман күтіледі.

Сейсенбі күні елімізде қар жауып, тұман түседі

Қазақстанда инженерлік әскер күні
Тәуелсіз Қазақстанда инженерлік әскер Қарулы Күштер құрылғаннан бері бар. Инженерлік әскер жасақтарының сарбаздары еліміз аумағында да, шетелде де түрлі оқу-жаттығу жиындарына қатысып келеді.
1932 жылы «Казахстанская правда» газетінің алғашқы нөмірі жарық көрді. «Казахстанская правда» газетінің бұрынғы атауы «Известия Киргизского края» болған, оның алғашқы нөмірі 1920 жылы 1 қаңтарда шыққан. Ол бейсенбі сайын шығатын апталық газет болды.
1932 жылғы 20 қаңтарда Қазрайком III Пленумының қаулысымен «Советская степь» «Казахстанская правда» болып өзгертілді.&nbsp; 1932 жылғы 21 қаңтардан бастап алғашқы нөмірі шыға бастады.
&nbsp;1995 жылы Қазақстанда «Іскер әйелдер қауымдастығы» республикалық қоғамдық бірлестігі құрылды. Бірлестік іскер әйелдердің қай салада қызмет етсе де, іскер әйелдердің жоғары мәртебесі мен имиджін қалыптастыру, іскер әйелдерді шоғырландыру, сондай-ақ әйелдер мен отбасы құқықтары мен мүддесін қорғау мақсатында құрылды.
&nbsp;1997 жылы Алматыдағы Магнитогорск көшесіне актер, КСРО-ның халық әртісі Ыдырыс Ноғайбаевтың есімі берілді.
2016 жылы Түркі халықтарының бүкіләлемдік конгресі әл-Фараби атындағы Қазақ Ұлттық университетіне «Түркі елдерінің үздік жоғары оқу орны» атағын берді.
2009 жылы елорданың 10 жылдық мерейтойына арналған «Астана» энциклопедиясының таныстырылымы болып өтті. Энциклопедия арқылы қаланың тарихы, экономикасы, мәдениеті, бiлiм мен ғылымы, көрікті жерлері, тарихи және мәдени мұрасы, қала құрылысы, сонымен бiрге сирек кездесетiн ғимараттар, сәулеттiк ансамбльдері туралы, белгiлi қайраткерлердің өмiрдеректерімен танысып білуге болады. Кітап 20000 данамен қазақ және орыс тілінде шығарылды.

21 қаңтар: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 21 қаңтарға арналған жұлдыз-жорамалы.
Тоқты
Бүгін тосыннан орын алған жайттар сәттілік әкеледі. Өзіңізді қызықтырған істермен айналысасыз. Сонымен қатар жаңа серіктестермен танысасыз.
Торпақ
Түске дейінгі уақытыңыз керемет өтеді. Өз мүмкіндігіңізді пайдаланып, жетістікке қол жеткізесіз. Ең алдымен маңызды мәселелерді қолға алыңыз.
Егіздер
Сіздің іскерлігіңіз бен өз ісіңізге деген ынтаңыз жұмыста табысты болудың басты кепілі болмақ. Егер сіз жұмыс алушы болсаңыз онда бүгін сіз үшін сәтті күн.
Шаян
Бүгін іскерлік кездесулер ойдағыдай өтеді. Серіктестермен бірге жұмыс көлемін ұлғайтып, істеріңіз берекелі болмақ.
Арыстан
Бүгінгі күн ғашық болуға, сезіміңізді білдіруге қолайлы күн. Ескі қарым-қатынасты қайта жандандыруға да қолайлы уақыт болмақ.
Бикеш
Бүгін күш-қуатыңыз да тасып, барлық шаруаны тез атқара аласыз. Энергияңыз тасып тұрған сәтте кейінге қалдырылып келе жатқан жұмысты да бітіріп тастаңыз.
Таразы
Сәттілік серігіңізге айналады. Қызметте өсуді көздейсіз. Сіздің талантыңыз, іскерлігіңіз көлеңкеде қалып қоймайды.
Сарышаян
Бүгін саяхаттап немесе жұмыс барысымен сапарға шығуыңыз мүмкін. Сонымен қатар бүгін жоғарғы білім алу туралы көп ойланасыз.
Мерген
Жұмыста өзгерістер орын алып, қызметтік сатыда өскеніңізбен, әзірге бұл ісіңіз өз жемісін бермейді. Сондықтан барлығына өз еңбегіңізбен қол жеткізгеніңіз жөн.
Тауешкі
Бүгін алыс жолға шығасыз. Сондай-ақ ғылыми жұмыспен айналысатын, білім беру саласының және саясатқа жақын жандардың жолы болады.
Суқұйғыш
Сіздің материалдық жағдайыңыз жұмыс жасауыңызға байланысты болмақ. Көп табыс табуды жоспарласаңыз, ең алдымен біліміңізді жетілдіріңіз.
Балықтар
Бүгін көпшіліктің көңілін өзіңізге аудара аласыз. Ұйымдастырушылық қабілетіңіз артып, таныстарыңыздың арқасында біраз шаруаны тындырасыз.
Аударған Динара МАХАНОВА

Жұлдыздар не дейді?

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Үстіміздегі жылдың 11 қаңтарынан бастап ауыр және аса ауыр қылмыстардың жекеленген түрлері үшін жауапкершілікті қатаңдататын заң ережелері күшіне енді. Cондай-ақ, ҚР Қылмыстық кодексінің 10 тарауының 69 бабына және Қылмыстық-процестік кодексінің 72 бабына өзгерістер енгізілді. Бұл туралы Өңірлік коммуникациялар қызметінің ақпарат алаңында өткен баспасөз конференциясында Қызылорда облыстық сотының судьясы Шолпан Маликова мәлімдеді.
<blockquote>
 «Заңда жыныстық тиіспеушілікке қарсы қылмыстар үшін жауапкершілікті қатаңдатудың ерекшеліктері де қарастырылған. Енді заң бойынша жәбірленушімен татуласу мүмкіндігі жоқ. Бірден қамауға алынады. Зорлаушылардың барлық қылмыстық істері тек сотқа жіберіледі. Заңда зорлау және нәпсіқұмарлық сипаттағы күш қолдану әрекеттері орташадан ауыр санатқа ауыстырылды. Бұдан былай мұндай қылмыс жасағанда 5 жылдан 8 жылға дейін бас бостандығынан айырылады.
 Бұдан бөлек, көлікті мас күйінде жүргізгені үшін жаза күшейтілген. Енді мас күйінде қылмыс жасаған адам 10 жылға бас бостандығынан, өмір бойы көлік басқару құқығынан айырылады. Әкімшілік құқықбұзушылық кодексінде мас күйінде көлік айдағаны үшін 15 тәулікке дейін әкімшілік қамау мерзімі ұзартылып, көлік жүргізу құқығынан айыру мерзімі 8 жылға ұлғаяды»,- деді Шолпан Маратқызы.
</blockquote>
Сонымен қатар, сала мамандары мал ұрлайтындардың да жазасы заңда күшейтілгенін атап өтті. Заң жобасы бойынша қомақты айыппұл мен 5 жылға дейін бас бостандығынан айыру жазасы қарастырылған. Аса ірі көлемде және қылмыстық топ болып ұрлық жасаса, 12 жыл бас бостандығынан айыру көзделген.
Мұнан өзге, Қылмыстық және қылмыстық-процестік заңнамасына енгізілген өзгерістерден басқа тағы да 14 заңға түзетулер енгізілді.
<img src="https://kyzylorda-news.kz/wp-content/uploads/2020/01/20briff2.jpg" alt="" />

Қарапайым халық білуі керек: Қылмыстық заңнамаға қандай өзгерістер енгізілді?

<a href="https://kyzylorda-news.kz/">Kyzylorda-news.kz.</a> Қызылордада ақбөкен атып, тәртіп сақшыларынан бой тасалауға әрекеттенген «Охотзоопром» ӨБ РМҚК 2 қызметкері мен көлік жүргізушісі қолға түсті. Осыған орай «Охотозоопром» Қызылорда өңірлік филиалының басшысы Берік Жорабеков түсініктеме берді.
<blockquote>
 «2020 жылдың 16 қаңтар күні «Охотохоопром» аймақтық филиалы инспекторлары мен Қызылорда облыстық жануарлар дүниесін қорғау инспекция қызметкерлері және Қармақшы аудандық ішкі істер бөлімінің қызметкерлерімен «Броконьер» іс-шарасын жүргізу барысында Қармақшы ауданы Тышқантам деп аталатын далалық жерде облыстық филиалдың жедел топ автокөлігі тоқтатылды. Тексеру жүргізу барысында жүк салғыштан бір бас ақбөкеннің еті табылды. Қазіргі таңда ол ақбөкеннің денесі автокөліктің жүк салғышында қандай жағдайда пайда болғаны анықталуда. ҚР Қылмыстық кодексінің 339-бабы, яғни заңсыз тасымалдау бойынша қылмыстық іс қозғалды. Қазіргі күні тергеу амалдары жүргізілуде. Бұл оқиғаның қалай орын алғандығы жөнінде ішкі істер органдары қызметкерлері анықтайтын болады. Әрі қарай іс-әрекеттеріне процессуалдық баға беру үшін сол жерде бірлескен іс-шаралар нәтижесінде мән-жайлар Қармақшы аудандық ішкі істер бөліміне өткізіліп, тергеу әркеттерімен процессуалдық баға беру үшін жіберілген болатын. Алдағы уақытта «Охотозоопром» инспекторларының броконьерлік іс-әрекетке қатысы бар-жоғын тергеу органдары анықтайтын болады», – дейді «Охотозоопром» Қызылорда өңірлік филиалының басшысы Берік Жорабеков.
</blockquote>
<a href="https://kyzylorda-news.kz/kogam/qarmaqshyda-aqboeken-atqan-ohotzoopromnyng-3-qyzmetkeri-tutqyndaldy-41066/">Еске сала кетейік,</a> бұған дейін инспекторлардың автокөлігінің жүк салғышынан ақбөкеннің еті табылғандығы жөнінде жазған болатынбыз. &nbsp;
Динара МАХАНОВА

Берік Жорабеков: Ақбөкенді заңсыз тасымалдау бойынша қылмыстық іс қозғалды

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>«Орталық атқарушы органдар басшы­лары­ның, әкімдердің, ұлттық жоғары оқу орындары ректорларының халыққа есеп беру кездесулерін өткізу туралы» 2016 жылғы 5 ақпандағы Қазақстан Республикасы Президентінің № 190 Жарлығына сәйкес, облыс әкімі Қуанышбек Досмайылұлы Ысқақовтың 2020 жылғы 19 ақпан сағат 11.00-де Н.Бекежанов атындағы облыстық қазақ музыкалық драма театрында халық алдындағы есепті кездесуі өтеді.
Есепті кездесуге байланысты халықтың ұсы­ныстары, ескертулері мен пікірлерін жинақ­тайтын жәшіктер төмендегі мекен- жайларда орнатылған:
Арал ауданы бойынша: аудан әкімі аппараты, Арал қаласы әкімінің аппараты, аудандық мәдениет үйі.
Қазалы ауданы бойынша: Әйтеке би кенті мен Қазалы қаласы әкімі аппараттарының, «Қазпошта» АҚ аудандық бөлімшесі, Халық­қа қызмет көрсету орталығы, Қазалы теміржол вокзалы, «Талап» автостанциясы, «Ырыс-Болашақ» базары, Қазалы қалалық мәдениет үйі ғимараты;
Қармақшы ауданы бойынша: Жосалы кенті әкімінің аппараты, теміржол вокзалы, «Халық банк» АҚ аудандық бөлімшесі, «Қаз­пошта» АҚ аудандық бөлімшесінің ғимараты;
Жалағаш ауданы бойынша: аудан әкімінің аппараты, Жалағаш кенті әкімінің аппараты, аудандық мәдениет үйі, &nbsp;аудандық емхана, №202 орта мектеп;
Сырдария ауданы бойынша: Тереңөзек кенті әкімінің аппараты, аудандық мәдениет үйі, аудандық орталық аурухана, Сырдария аграрлы-техникалық колледжі, №35, №36, №210 және №131 орта мектептер;
Шиелі ауданы бойынша: аудан әкімінің аппараты, Шиелі кенті әкімінің аппараты, Халыққа қызмет көрсету орталығы, «Халық банк» АҚ аудандық бөлімшесі, «Қазпошта» АҚ аудандық бөлімшесі, теміржол вокзалы, «Арман» мәдениет үйі, №47, 219 орта мектептер;
Жаңақорған ауданы бойынша: аудан әкі­мінің аппараты, Жаңақорған кенті әкімі­нің аппараты, Халыққа қызмет көрсету орталығы;
Қызылорда қаласы бойынша: Теміржол вокзалы, автовокзал, әуежай, М.Ералиева атындағы мәдениет үйі, «Ақмешіт» гуманитарлық-техникалық институты, «Жайна», «Универсам», «SMALL», «Сырдария» сауда үйлері және «Жаңа базар» базары;
Ескертпе: Барлық аудандарда және Қызылорда қаласындағы ауылдық округтер мен кенттердегі әкімдердің аппараттарында халықтың ұсыныстары, ескертулері мен пікірлерін жинақтайтын жәшіктер орналасқан.
Қазақстан Республикасы Президенті Қ.К.Тоқаевтың қоғаммен өзара байланысты құру және «Халық үніне құлақ асатын мемлекет» Тұжырымдамасын тиімді іске асыру мақсатында облыс әкімі Қ.Д.Ысқақовтың және облыс әкімінің орынбасарлары мен аппарат басшысының «Facebook» әлеуметтік желісінде жеке парақшалары ашылған.
Егер Сізді толғандырып жүрген қандай да бір сауал болса, әлеуметтік желі арқылы сұрақ қоюыңызға болады.
<img src="https://kyzylorda-news.kz/wp-content/uploads/2020/01/20akimesep2.jpg" alt="" />

Қызылорда облыс әкімі Қуанышбек Ысқақовтың халық алдындағы есепті кездесуі өтеді

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Қазақстан Республикасының «Электр энергетикасы туралы» Заңына сәйкес электр желілері «Қызылорда ЭТТК» АҚ өңірлік электр желілік компаниясының балансына берілетін болады.
«Шиелі-Энергосервис» ЖШС энергия беруші ұйымның электржелілік объектілері «Қызылорда ЭТТК» АҚ өңірлік электржелілік компаниясымен жедел қызмет көрсетумен облыстық коммуналдық мүлік балансына қабылданды. Тұтынушылар үшін электр энергиясының құнын төмендету бойынша ірілендірудің негізгі мақсаттарының біріне қол жеткізілді. Нәтижесінде «Шиелі-Энергосервис» ЖШС энергия беруші ұйымының есеп айырысудан үстемақы алынып тасталады.

«Шиелі-Энергосервис» ЖШС таратылды

<a href="https://kyzylorda-news.kz/">Kyzylorda-news.kz.</a> Facebook Whatsapp танымал мессенджерінде жарнама орналастыру жоспарларынан бас тартты. Бұл туралы The Wall Street Journal жазды, деп хабарлайды <a href="https://kaz.tengrinews.kz/gadgets/whatsapp-jarnamadan-bas-tarttyi-304301/">Tengrinews.kz</a>.
Дереккөздердің мәліметінше,&nbsp;компания мессенджерге жарнама енгізумен айналысатын команданы таратып жіберген. Бұл топ жарнаманы “статус” бөліміне енгізуі керек еді, бұл Instagram-дағы “историяның” аналогы. Команда жұмысының нәтижелері WhatsApp кодынан жойылды.
Басылым жақын&nbsp;уақытта Facebook бизнес қолдаланушыларға арналған функциялар құруға көңіл бөлуді жоспарлап отырғанын атап өтті.
Еске салсақ, Facebook WhatsApp-ты&nbsp;2014 жылы сатып алған. Мессенджер мұның алдында ақылы түрде жұмыс істеген: қолдаланушылар жылына 0,99 доллар төлеуге тиіс еді. Ал Facebook бұл төлемді алып тастады.
Марк Цукерберг мессенджерге жарнама енгізу жоспары жоқ екенін мәлімдеді. Алайда кейін WhatsApp-тан сервистің негізін қалаушылар Брайан Эктон мен Ян Кум шығып кетті. Оған себеп болған – Facebook басшыларымен келіспеушілік. Ян Кум&nbsp;Facebook-тың WhatsApp-қа қолданатын саясатын жақтамады –&nbsp;олардың қатарында мессенджерге&nbsp;жарнамаға біріктіру, жарнама берушілер үшін қолдаланушылардың жеке деректерін пайдалану және WhatsApp қолдаланушы контентін шифрлауды әлсірету әрекеті бар.

WhatsApp жарнамадан бас тартты

<a href="https://kyzylorda-news.kz/">Kyzylorda-news.kz.</a> ҚР Президенті Әкімшілігі қоғамдық қабылдауының&nbsp;<a href="https://t.me/priemnaya_ap">Telegram</a>-дағы парақшасында 2020 жылы аз қамтылған отбасылардың балаларына мемлекет тарапынан қандай көмек бөлінетіндігін түсіндірді.
Қоғамдық қабылдаудың атап өтуінше, жеңілдігі бар жол жүру билеті, мектепте тегін тамақ пен азық-түлік пакетінен бөлек 6-дан 18 жасқа дейінгі балаларға мектеп киімі мен мектепке қажетті құрал-жабдықтар мемлекеттік әлеуметтік көмек ретінде беріледі.
Ұлдарға арналған мектеп киімі жиынтығына мыналар кіреді:
– пиджак;
– жилет;
– шалбар;
– мерекелік көйлек;
– күнделікті киюге арналған көйлек;
– трикотаж жилет.
Қыздарға арналған мектеп киімі жиынтығына мыналар кіреді:
– пиджак;
– жилет;
– белдемше;
– классикалық жейде;
– трикотаж жилет;
– сарафан.
Бастауыш сынып оқушыларға арналған жазу және мектеп жабдықтары мыналардан жиынтықталады:
– рюкзак;
– күнделі;
– жай дәптер (20 дана);
– қаламсауыт;
– сурет салуға арналған альбом;
– қаламсап (5 дана);
– жай қарындаш (10 дана);
– қап (15 дана);
– пластилин;
– акварель бояуы;
– сызғыш;
– өшіргіш.
Орта буын оқушыларына мыналар беріледі:
– рюкзак;
– күнделі;
– жай дәптер (20 дана);
– қалың дәптер (10 дана);
– қаламсауыт;
– сурет салуға арналған альбом;
– қаламсап (5 дана);
– жай қарындаш (10 дана);
– қап (15 дана);
– пластилин;
– акварель бояуы;
– сызғыш;
– өшіргіш.
Жоғары сынып оқушыларына:
– рюкзак;
– күнделі;
– жай дәптер (20 дана);
– қалың дәптер (10 дана);
– циркуль;
– қаламсауыт;
– сурет салуға арналған альбом;
– қаламсап (5 дана);
– жай қарындаш (10 дана);
– қап (15 дана);
– пластилин;
– акварель бояуы;
– сызғыш;
– өшіргіш.

Биыл аз қамтылған отбасылардың балаларына мемлекеттен қандай көмек беріледі?

<a href="https://kyzylorda-news.kz/">Kyzylorda-news.kz.</a> Бүгінде жемқорлық туралы хабарлаған азаматтарға қылмыстың ауырлығына қарай белгілі бір мөлшерде сыйақы беріледі.
Мәселен, былтыр 1424 нөміріне қоңырау шалған 214 қазақстандыққа 31 миллион теңге төленген. Сыбайлас жемқорлыққа қарсы іс-қимыл агенттігі бірінші департаментінің аға тергеушісі Данияр Бегайдаров Call-орталықтың жұмысы мен жемқорларды қолға түсіруге атсалысқандарды ынталандыру тетігі туралы айтып берді, деп хабарлайды&nbsp;<a href="https://sputniknews.kz/society/20200119/12578525/aqsha-qazaqstandyqtar.html">Sputnik Қазақстан</a>.
Бегайдаровтың айтуынша, қазір агенттік тек өз жұмысымен шектелмей, қылмысты ашу кезінде белсенді азаматтардың көмегіне де сүйенеді. Бұл өте маңызды. Жемқорлыққа қарсы күрес агенттігінің Call-орталығы да осы мақсатпен ашылған. Нөмірі – 1424.
<blockquote>
 «Call-орталыққа әртүрлі шағымдар, ұсыныстар мен пікірлер түседі. Операторлар сыбайлас жемқорлық фактілері, оның ішінде жасалған немесе дайындалып жатқан заң бұзушылықтар жайлы, сондай-ақ кәсіпкерлік қызметке кедергі келтіру жағдайлары туралы хабарламаларға тәулік бойы ден қояды», – деді ол.
</blockquote>
Мәселен, Түркістан облысының азаматы хабарласып, өзінен бәз біреулердің пара талап етіп жатқанын мәлімдейді. Агенттік Call-орталыққа түскен хабарламаны сол облыстағы қызметкерлерге жолдайды. Кейін агенттіктің Түркістан облысындағы қызметкерлері әлгі кісімен кездесіп, қажетті ақпаратты алады. Оның арыз-шағымын қабылдап, реестрге тіркейді. Содан соң қылмыстық іс қозғалады. Іс тергеліп, әрі қарай сотқа жолданады.
<blockquote>
 «Сот үкімі шыққаннан кейін, парақорлық туралы хабарлаған азаматқа қылмыстың ауырлығына қарай белгілі бір мөлшерде сыйақы төленеді. Егер Call-орталыққа қоңырау шалған адам аты-жөнін айтпаса, ақша төленбейді», – деді аға тергеуші.
</blockquote>
Осы ретте Бегайдаров жемқорларды ұстауға көмектескендерге төленетін сыйақыны нақтылады:
сыбайлас жемқорлық құқық бұзушылық туралы әкімшілік істер бойынша – 30 АЕК немесе 79 530 теңге;
жеңіл санаттағы қылмыстық істер бойынша – 40 АЕК немесе 106 040 теңге;
ауырлығы орташа қылмыстық істер бойынша – 50 АЕК немесе 132 550 теңге;
ауыр санаттағы қылмыстық істер бойынша – 70 АЕК немесе 185 570 теңге;
аса ауыр санаттағы қылмыстық істер бойынша – 100 АЕК немесе 265 100 теңге.
<blockquote>
 «Өткен жылдың он екі айында 214 қазақстандық сыйақы алды. Олар хабарлаған жемқорлық фактілері дәлелденіп, 31 811 080 теңге ақша төленді», – деді Бегайдаров.
</blockquote>
Жемқорлық туралы хабарлағандардың ең көбі Түркістан облысы, Шымкент және Алматы облысынан екен. Ең аз қоңырау Солтүстік Қазақстан облысынан түсіпті.
Ақшалай сыйақымен қоса, белсенді азаматтарға марапаттау қағазы да беріледі.
<blockquote>
 «Негізінен жылдан-жылға орталыққа түсетін хабарламалар көбейіп келеді. Бұл азаматтардың өз жауапкершілігін сезініп, жемқорлықпен күреске немқұрайлы қарамайтынын көрсетеді», – дейді департамент тергеушісі.
</blockquote>
Айтуынша, пара алатындардың дені – ішкі істер органдарының қызметкерлері. Бегайдаров мұны жалақының төмендігімен байланыстырып отыр.
Сыбайлас жемқорлыққа қарсы агенттік жемқорлық туралы хабар берген азаматтарды көбірек ынталандыруды көздеп отыр. Бұл бағыттағы жұмыс басталып та кеткен.
Атап айтсақ, агенттік халықаралық тәжірибені ескере отырып, қазақстандықтарды көтермелеудің сараланған жүйесін енгізбек.
<blockquote>
 «Пара немесе шығын сомасы 2,5 миллион теңгеден асатын қылмыстар бойынша жемқорлық туралы хабарлаған азаматқа сот үкімімен белгіленген пара немесе келтірілген залал сомасының 10%-ін төлеу ұсынылып отыр. Бірақ сыйақының шекті деңгейі 10 миллион теңгеден аспайды», – деп түсіндірді Бегайдаров.
</blockquote>
Мәселен, жемқордың 3 миллион теңге пара алғаны дәлелденсе, осы қылмыс туралы агенттікке хабар берген адамға параның 10 проценті, яғни 300 000 теңгесі төленеді.
<blockquote>
 «Бұл қазақстандықтардың белсенділігін арттыру мақсатында жасалып отыр. Қазір бұл бастама бүкіл мемлекеттік органдармен келісілуде», – деді ол.
</blockquote>
Сонымен қатар, жемқорлық туралы хабар берген азаматтардың құқығын қорғау мәселесі де агенттіктің назарында.

Қазақстандықтар білуі тиіс ақпарат: 1424 нөміріне хабарласып, 10 млн теңге ақша алуға болады

<a href="https://kyzylorda-news.kz/">Kyzylorda-news.kz.</a> “Жолда қабылдау” республикалық акциясы аясында Армения мен Қырғызстанның көліктерін тіркеуге қатысты сұрақтар көптеп түсуде.&nbsp;Осы мәселеде шетелдік нөмір таққан көліктерді тіркеу тәртібі қалай жүргізіледі?
Қазақстанға транзиттік нөмірмен келу керек
<blockquote>
 “Негізі, Қазақстан азаматтарына Армения мен Қырғызстанда тіркелген көлік құралдарын жүргізуге тыйым салынған. Сондықтан көлікті сатып алғанда тіркеуден шығарады. Ал осында келгенде алдымен утилизациялық алымды төлейді. Сосын алғашқы тіркеуге қояды. Алғашқы тіркеудің де төлемі бар”, – дейді Павлодар облыстық полиция департаменті басшысының орынбасары Жасқайрат Қайыров.
</blockquote>
Оның айтуынша, Армения мен Қырғызстанның нөмірімен жүрген көліктер тәртіп бойынша тіркелмесе, оларды қайтадан сол жерге апару керек. Сол жақтан тіркеуден шығарып, Қазақстанға транзиттік нөмірмен келуі тиіс. Осыдан кейін утилизациялық алымды төлеп, көлікті рәсімдеуге болады.
<blockquote>
 “Енді, ол жаққа бармаса, көлікті тіркеуден қалай шығарады? Білуімше, Арменияда уақытша тіркеуге қояды да, 30 күннен кейін автоматты түрде шығарып тастайды. Ал ондай көліктер анда да, мұнда да тіркелмей қалады. Дегенмен, тіркеуден ресми түрде шығару тәртібі бар. Соны жасап келу керек”, – деп атап өтті Қайыров.
</blockquote>
Полицей жай құжатпен тіркеуден шығаруға болмайтынын, шетелге көлікпен бару қажеттігін жеткізді. Ал Ресей мен Беларусьтің нөмірін таққан көліктер үшін тәртіп басқаша. Олар бір жыл бойы жүре алады. Бір жыл өткесін Қазақстаннан шығып, 30 күннен кейін қайтадан кіруге рұқсат бар.
ЕУРО-4 талабын ұмытпау қажет
Қазақстанда тіркеуге қойылмайтын көліктер бар. Олар – рөлі оң жақта және ЕУРО-4 экологиялық талабына сай келмейтін автомобильдер. Заңнамада талапқа сәйкес келетін көліктердің шығарылған жылы да жазылған.
<blockquote>
 “Жаңылмасам, Корея көліктері 2006 жылдан, Еуропа 2005 жылдан, Жапония 2010 жылдан, ал Қытай көліктері 2012 жылдан бастап тіркеуге қойылады. Осы уақытта шығарылған автомобильдер ЕУРО-4 стандартына жатады. Одан ерте шығарылса, тіркеуге мүлдем қойылмайды”, – деді Қайыров.
</blockquote>
Оның айтуынша, күні кеше “Жолда қабылдау” аясында кеңес алған адамдардың басым бөлігінің көлігі ЕУРО-4 стандартына кірмейді. Себебі 2000-2003 жылдары шығарылған. Ондай көліктерді тіркеуге қоюға рұқсат жоқ.
<blockquote>
 “Енді, оларға ешкім тиіспейді, арнайы ұстап, жауапқа тартпаймыз. Бірақ жол ережесін бұзса, барлық құжаты тексеріледі. Жылдамдықты асырса, сосын жол апатына себеп болса, тексеріс жүргіземіз. Бақылау бекеттерінде тоқтатуы мүмкін. “Ориентировка” түссе, іздейміз. Ал жолда тұрып алып, бәрін тоқтату деген болмайды”, –&nbsp; деп түсіндірді Қайыров.
</blockquote>
Облыстағы бас полицейдің орынбасары жол жүру ережесін бұзған ондай көліктер бірден айып тұрағына тоғытылатынын да ашық айтты. Себебі заң бойынша ондай көліктерді Қазақстанға кіргізуге болмайды.&nbsp;&nbsp;
Утилизациялық алымның мөлшері қандай?
2016 жылдан бастап Қазақстанда автомобиль жасайтын компаниялар мен ресми импорттаушылар утилизациялық алымды төлеуге міндеттелді. Олардың қатарына көлікті сырттан әкелетін қарапайым азаматтар да кіреді. Алым көлікті алғашқы тіркеуге қойғанға дейін төленуі керек.
Утилизациялық алымның мөлшері жыл сайын айлық есептік көрсеткішке қарай өзгеріп тұрады. Жаңа жылдан бастап бір айлық есептік көрсеткіш 2 651 теңгеге көтерілді. Ал утилизациялық алымның базалық төлемі 50 АЕК, яғни 132 550 теңгені құрайды.
Базалық төлем көлік қозғалтқышының көлеміне қарай есептеледі. Мәселен, бір литрге дейінгі қозғалтқышы бар автомобильдердің утилизациялық алымы 3 базалық төлемге тең, үш литрден жоғары болса, 23 базалық төлем жасалады. Осылайша 2.5 литрлік көлік үшін 1 325 000 теңге төлеу керек. Ал 3.5 литрлік қозғалтқыштың утилизациялық алымы 3 048 650 теңге болады.
Жалпы, алғашқы тіркеуге төленетін баж салығымен қоса есептегенде барлық шығын 4 миллион теңгеге дейін баруы мүмкін.
<a href="https://sputniknews.kz/society/20200118/12572489/tirkeu-Armeniya-Qyrgyzstan.html"></a><a href="https://sputniknews.kz/society/20200118/12572489/tirkeu-Armeniya-Qyrgyzstan.html">Sputnik Қазақстан</a>

Қазақстан және Қызылорда облысының жаңалықтары: Қоғам