<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> «Қазгидромет» РМК 23-25 қаңтар аралығындағы ауа райы туралы айтты
<blockquote>
 &nbsp;«Қазақстанда алдағы үш тәулікте ауа райында айтарлықтай өзгерістер күтілмейді. Республиканың басым бөлігі Ресей және Скандинавия түбегінің солтүстік аймақтары арқылы жылжитын атлантикалық циклондармен байланысты атмосфералық фронттардың ықпалында қалады. Сондықтан көптеген облыстарда қар, бұрқасын, батыстан екпінді жел соғатыны күтіледі. Солтүстік облыстарда желдің күші 30 м/с жетуі мүмкін. Сондай-ақ тұман мен көктайғақ болжанады. Ауа температурасы орташа көпжылдық нормадан 5…8°С, солтүстік облыстарда 8…13°С жоғары сақталады», – деді синоптиктер.
</blockquote>

Алдағы үш күнгі ауа райы болжамы

<a href="https://kyzylorda-news.kz/">Kyzylorda-news.kz.</a> Қазақстан Республикасының Цифрлық даму, инновациялар және аэроғарыш өнеркәсібі министрлігі еліміздің ең «ақылды» қалаларының рейтингін түзді. Қызылорда қаласы бұл рейтингте 4 орынға жайғасты.
Министрлік аймақтардағы цифрландыру жұмыстарына баға берген. Зерттеуге 14 облыс орталығы мен республикалық деңгейдегі үш қала алынды. Рейтингті түзу барысында қалалар 11 бағыт бойынша 80 көрсеткішпен бағаланды. Олардың негізгілері мыналар: денсаулық сақтау, білім,&nbsp;тұрғын үй-коммуналдық шаруашылығы, көлік, экология, әлеуметтік және тағы басқа салаларды цифрландыру.
Сондай-ақ әкімдіктің мемлекеттік қызметтерін автоматтандыру, тұрғын үйлердегі «ақылды» есептеуіш құралдарының болуы, тіркелген стартаптардың саны,&nbsp;зияткерлік көлік жүйесінің енгізілуі, қоғамдық көліктің бағыт-бағдарын мониторингтеу және т.б. арналған қосымшалардың қолжетімділігі &nbsp;назарға алынды.
Қазақстанның ең ақылды қалалары:&nbsp;
1. Нұр-Сұлтан – 61%;
2. Алматы&nbsp;– 61%;
3. Орал&nbsp;– 61%;
4.&nbsp;Қызылорда&nbsp;– 58%;
5.&nbsp;Атырау&nbsp;– 54%;
6.&nbsp;Талдықорған&nbsp;– 54%;
7.&nbsp;Қарағанды&nbsp;– 51%;
8.&nbsp;Шымкент&nbsp;– 51%;
9.&nbsp;Павлодар&nbsp;– 51%;
10.&nbsp;Тараз&nbsp;– 48%;
11.&nbsp;Қостанай&nbsp;– 48%;
12.&nbsp;Өскемен&nbsp;– 45%;
13.&nbsp;Петропавлск&nbsp;– 45%;
14.&nbsp;Түркістан&nbsp;– 38%;
15.&nbsp;Ақтөбе&nbsp;– 35%;
16.&nbsp;Көкшетау&nbsp;– 32%;
17.&nbsp;Ақтау&nbsp;– 32%.
<blockquote>
 «Цифрлық Қазақстан» мемлекеттік бағдарламасы екі жыл бұрын қабылданып, өңірлерде бірқатар жоба жүзеге асырылды. Әрине, олардың кейбірі тиімді болса, кейбірінің нәтижесі төмен болды. Цифрландыру саласындағы жалпы жағдайды көрсету үшін біз осы рейтингті әзірледік. Бұл сондай – ақ өңірлердің «цифрлық» дамуын ынталандыру үшін қажет», – дейді ҚР Цифрлық даму, инновациялар және аэроғарыш өнеркәсібі вице-министрі Абылайхан Оспанов.
</blockquote>

Қызылорда қаласы қаншалықты &#8220;ақылды&#8221;?

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Парламент Сенатының жалпы отырысында «2004 жылғы 22 желтоқсандағы ҚР Үкіметі мен РФ Үкіметі арасындағы «Байқоңыр» ғарыш айлағында «Бәйтерек» ғарыш зымыран кешенін құру туралы келісімге өзгерістер мен толықтырулар енгізу туралы хаттаманы ратификациялау туралы» Заңы қабылданды, деп хабарлайды <a href="https://www.inform.kz/kz/bayterek-keshenin-iske-kosu-baykonyrdyn-zhumysyn-belsendi-etedi-ministr_a3606564">ҚазАқпарат</a>.
Заң жобасы «Бәйтерек» жобасын іске асырудың негізгі шарттарын өзектендіруді көздейді.
<blockquote>
 «Алғашында жобаны «Ангара» ресейлік зымыранның негізінде іске асыру жоспарланған болатын. Бірақ, «Ангара» зымыраны уақытында дайын болмағандықтан, Тараптар жобаны іске асырудың көптеген әртүрлі нұсқаларын қарастырып, талдау жасады. Мәселені қосымша пысықтаудың нәтижесінде Тараптар жобаны «Союз-5» зымыраны негізінде іске асыруды шешті», – деп тоқталды ҚР Цифрлық даму, инновациялар және аэроғарыш өнеркәсібі министрі Асқар Жұмағалиев.
</blockquote>
Жалпы алғанда, Ресей Федерациясы зымыранды жасау үшін жауап береді, ал Қазақстан жерүсті инфрақұрылымы үшін жауап береді. Осы жобада Ресей тарапы «Союз-5» зымыранды, техникалық және старттық кешендерінде бақылау-тексеру жабдықтарын құруды, сондай-ақ үдемелі блоктың техникалық кешенін, ғарыш аппаратын және ғарыштық бастиек бөлігін жаңғыртуды қамтамасыз етеді. Осы жұмыстар 916 млн АҚШ доллары сомасында бағаланды.
<blockquote>
 «Жаңғырту мақсатында 2018 жылы «Байқоңыр» айлағының 42,43 және 45-алаңдарында орналасқан «Зенит-М» кешенінің 243 нысаны Қазақстан тарапына берілді. «Қазақстан тарапы «Зенит-М» кешенінің жерүсті инфрақұрылымы нысандарын қайта жаңарту мен жаңғыртуды жасайды. Старттық және техникалық кешендерді жаңғырту, жұмыс істеп тұрғандарын күрделі жөндеу және қайта жаңарту, сондай-ақ жерүсті ғарыш инфрақұрылымының жаңа объектілерін салу жұмыстары жүргізілетін болады. Осы жұмыстар 233 млн АҚШ долларымен бағаланады. Жерүсті кешенін жаңғырту және құрылыс жұмыстары кезінде қазақстандық компанияларды барынша тарту жоспарланады, ол қосымша жұмыс орындарын береді. «Бәйтерек» ғарыш зымыран кешенін іске қосу – «Байқоңырды» ең белсеңді ғарыш айлағы ретінде сақтауға мүмкіндік береді», – деді министр.
</blockquote>
Оның атап өтуінше, аталған құжатты қабылдау Қазақстан Республикасының қолданыстағы заңнамасына қайшы келмейді, сондай-ақ Қазақстан Республикасы мен Ресей Федерациясы арасындағы «Байқоңыр» кешені бойынша стратегиялық әріптестік пен екіжақты ынтымақтастықты одан әрі нығайтуға ықпал етеді.

«Бәйтерек» кешенін іске қосу «Байқоңырдың» жұмысын белсенді етеді &#8211; министр

<a href="https://kyzylorda-news.kz/">Kyzylorda-news.kz.</a> Меніңше, бұл өте қызықты тәжірибе. Қазақстан төрт күндік жұмыс аптасына көше ме? Еңбек министрі жауап берді, деп хабарлайды&nbsp;<a href="https://sn.kz/">Skifnews.kz</a>&nbsp;ақпарат порталы.
<blockquote>
 “Меніңше, бұл өте қызықты тәжірибе. Алайда кешенде түрде жіті қарау қажет. Ел экономикасы мен өндірісіне қалай әсер етпек? Осыған көз жеткізуіміз керек. Дегенмен бұл күн тәртібінде тұрған мәселе емес. Қазақстандағы жұмыс кестесі халықаралық еңбек ұйымының барлық стандарттарына сай келеді”, – деп жауап берді Біржан Нұрымбетов.
</blockquote>
Министрдің айтуынша, төрт күндік жұмыс аптасын экономикасы мен өндірісі өте жақсы&nbsp; мемлекеттерде енгізу орынды.

Қазақстандықтар 4 күндік жұмыс кестесіне көше ме?

<a href="https://kyzylorda-news.kz/">Kyzylorda-news.kz.</a> Қызылорда қалалық полиция басқармасының Жергілікті полиция қызметі бөлімінің қызметкерлері жол қауіпсіздігін алдын алу және жол-көлік оқиғаларын болдырмау мақсатында ауқымды профилактикалық жұмыстарын жүргізуде. Бұл туралы полиция департаментінің баспасөз қызметі хабарлады.
Ағымдағы жылдың басынан бері патрульдік полицейлер 2 478-ден астам жол қозғалысы ережесін бұзудың жолын кесті, соның ішінде – 31 жүргізуші мас күйінде көлік құралын жүргізгені үшін ұсталды. Мас күйінде көлік жүргізу фактілері бойынша полицейлер әкімшілік хаттамаларын толтырып, материалдары сотқа жолданды. Енді жүргізушілер басқару құқығынан айырылуы мүмкін.
Айта кетерлігі, қызылордалық жүргізушілердің «танымал» тәртіп бұзушылықтарының қатарында – қауіпсіздік белдігін пайдаланбау – 598 дерегі, жүру кезінде ұялы телефон арқылы сөйлесу – 311 дерегі, жаяу жүргіншілердің жүруіне басымдық бермеу – 88 бұзушылық, қарама-қарсы қозғалыс жолағына шығу – 11 дерегі.
Полицейлер жүргізушілерді аса жауапты болуға және ішімдік ішкеннен кейін автокөлікті басқару мүмкіндігі туралы ойланбауға, сондай-ақ, осының салдары туралы есте сақтауға шақырады.
Полиция қызметкерлері мас күйдегі жүргізуші рөлге отырғанына куә болған барлық азаматтарды дереу «102» қызметіне хабарлауды сұрайды. Есіңізде болсын, сіздің қоңырау біреудің өмірін құтқара алады.

Қызылорда облысында жыл басынан бері 31 мас жүргізуші ұсталды

<a href="https://kyzylorda-news.kz/">Kyzylorda-news.kz.</a> Екі ел билігі Армениядан Қазақстанға көптеп автокөлік экспорттаудан туған «көлік мәселесін» талқылап жатыр,&nbsp; деп хабарлайды <a href="https://verelq.am//ru">Verelq.am</a> порталы.&nbsp;
Бұл туралы Армения вице-премьері Мгер Григорян мәлімдеді. Оның сөзінше, Армения Еуразиялық Экономикалық Одақ аясында ұсынылған жеңілдік кезеңі қоғамдық мәселені шешуге бағытталған. Алайда оның көп жағдайда коммерция мақсатында қолданылуы екі әріптес ел үшін күтпеген жайт болған.
Григорянның айтуынша, Армения Еуразиялық Экономикалық Одаққа мүше елдерге көлік экспортын тоқтатуы керек болған.
<blockquote>
 &nbsp; «Ол жасалған жоқ, қазір не бар – сол бар. Жағдайды жеңілдететін шешім табуымыз керек. Қазақстан бойынша мәселе басты орында. Бүгінде Арменияда осы мәселені шешуге келген қазақстандық делегация бар. Менің ойымша, бұл мәселе жақын арада шешімін табады», – деп мәлімдеді вице-премьер.
</blockquote>

Қазақстан мен Армения «көлік мәселесін» талқылап жатыр

<a href="https://kyzylorda-news.kz/">Kyzylorda-news.kz.</a> 2019 жылы 17 661 этникалық қазақ немесе 9 993 отбасы тарихи отанына оралды және қандас мәртебесіне ие болды.&nbsp;
Қандастардың көпшілігі Қытайдан – 41,5% (7 326 адам), Өзбекстаннан – 40,1% (7 074 адам), Түркменстаннан – 6,5% (1 152 адам), Монғолиядан – 6,2% (1 095 адам), Ресейден – 1,8% (313 адам), 3,9% (701 адам) басқа елдерден келді. Қандастардың басым көпшілігі Алматы – 38%, Маңғыстау – 14% облыстарына, Шымкент – 7% және Нұр-Сұлтан – 6% қалаларына қоныстанды. Келген оралмандардың жалпы санынан еңбекке жарамды жастағы&nbsp;адамдар&nbsp;62,7%-ды&nbsp;(11 082 адам), еңбекке қабілетті жастағылар – 30,7%-ды&nbsp;(5 420 адам), зейнеткерлер – 6,6%-ды&nbsp;(1 159 адам) құрайды. Еңбекке жарамды жастағы оралмандардың ішінен білім деңгейі бойынша 13,6% – ы жоғары білімді, 25,2%-ы&nbsp;–&nbsp;орта арнаулы білімді, 46,7%-ы&nbsp;–&nbsp;жалпы орта білімді, 14,5%-ның білімі жоқ. 2019 жылға ҚР Үкіметі 2 031 оралмандарды қабылдаудың өңірлік квотасын бекітті, ол мынадай түрде бөлінді: Қостанай облысы бойынша – 815, Павлодар облысы бойынша – 550, Ақмола облысы бойынша – 306 адам, Шығыс Қазақстан облысы бойынша-250, Солтүстік Қазақстан облысы бойынша – 110 адам, – делінген хабарламада.
Қандастарды қабылдаудың өңірлік квотасына енгізілген адамдарға нәтижелі&nbsp;жұмыспен қамтуды және жаппай кәсіпкерлікті дамытудың 2017-2021 жылдарға арналған “Еңбек”&nbsp;мемлекеттік бағдарламасын іске асыру шеңберінде субсидия беру түрінде қолдау көрсетілді: көшуге – отбасының әрбір мүшесіне 35 АЕК (84,2 мың теңге) біржолғы төлем; тұрғын үйді жалдау (жалға алу) және коммуналдық қызметтерге&nbsp;төлеу бойынша шығыстарды жабу үшін 12 ай&nbsp;бойы&nbsp;отбасына 15-тен 30 АЕК (36,1-ден 72,2 мың&nbsp;теңге).
Естеріңізге сала кетейік, 1991 жылдан 2020 жылғы 1 қаңтарға дейін 313 256 отбасы немесе 1 057 280 этникалық қазақ тарихи отанына оралып, қандас мәртебесін алған болатын.

Былтыр Қазақстанға 17,6 мыңнан астам қандас келді

<a href="https://kyzylorda-news.kz/">Kyzylorda-news.kz.</a> Қызылордада өткен жылдың эпидмаусымымен салыстырғанда биыл тұмауға шалдыққандар 12 пайызға артып отыр. &nbsp;
Қазіргі таңда облыста жедел респираторлы вирусты инфекциясының 5872 жағдайы есепке алынған. Бұл көрсеткіш былтырғы 1 қазан мен биылғы 9 қаңтар аралығын қамтиды. Ауруға шалдыққан тұрғындардың басым бөлігін 14 жасқа дейінгі балалар құрайды. Олардың жалпы саны 4235 адамға жетті, ол 72,4 пайызға жуық. Ал 16,7 пайызы 1 жасқа дейінгі балалар еншісінде.
Қызылорда облысының тауарлар мен көрсетілетін қызметтердің сапасы мен қауіпсіздігін бақылау департаментінің бөлім басшысы Әлия Идрисованың айтуынша, тұмау ауруының алдын алу мақсатында 2019-2020 жылдардағы эпидмаусымына 80 мың доза вакцина сатып алынған. Бүгінгі таңда 78199 адам екпе қабылдады. Ол егілуге жататын контингенттің 100 пайызын құрайды.
<blockquote>
 «Жұмыс берушілер есебінен де вакцинациялау қарқынды жүргізілуде. Аурудың алдын алу, эпидемиологиялық ахуалды күрделендірмеу бағытында мектепке дейінгі білім беру ұйымдарынан бастап тұрғындар арасында түсіндірме жүргізілуде»,- дейді Әлия Идрисова.
</blockquote>

Қызылордада тұмауға шалдыққандар көбейді

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Бейсенбі 23 қаңтарда елімізде жел күшейіп, қар жауады, боран соғады, тұман және көктайғақ болуы ықтимал, деп хабарлайды Қазгидромет.
<blockquote>
 &nbsp;«23 қаңтарда Қазақстан аумағының көп бөлігіне Мурманск үстінде орналасқан циклон жырасы әсер етеді. Осыған байланысты қар жауады, батыста, солтүстік батыста, солтүстік шығыста және оңтүстікте жауын-шашын түседі. Еліміздің кей жерлерінде тұман, көктайғақ, бұрқасын күтіледі, жел күшейеді», делінген ауа райы болжамында. &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
</blockquote>
Ақмола, Солтүстік Қазақстан, Қостанай облыстарында жел 15-20, кей жерлерде жылдамдығы 23-28 м/с жетеді, екпіні 30 м/с-ден асып боранмен бірге соғады, кей жерлерде көктайғақ болуы ықтимал, Қостанай облысында тұман күтіледі.
Павлодар облысында жел 15-20 м/с, кей жерлерде 23-28, екпіні 30 м/с жетеді, кейде одан асып кетеді, кей жерлерде бұрқасын, көктайғақ күтіледі. Қарағанды облысында жел түнде 15-20, кей жерлерде 23-28 м/с жетеді, күндіз кей жерлерде 15-20, екпіні 23-28 м/с күшейеді, кей жерлерде бұрқасын, тұман, көктайғақ күтіледі.
Қызылорда облысында жел 15-20, түнде және таңертең кей жерлерде 25 м/с күшейеді, кей жерлерде бұрқасын, тұман көктайғақ күтіледі.
&nbsp;Шығыс Қазақстан облысының кей жерлерінде бұрқасын, көктайғақ күтіледі, жел 15-20, екпіні 23-28 м/с күшейеді.
Атырау, Жамбыл облыстарының кей жерлерінде тұман, көктайғақ, бұрқасын күтіледі, жел 15-20 м/с күшейеді.
&nbsp;Батыс Қазақстан, Ақтөбе облыстарының кей жерлерінде көктайғақ күтіледі, жел 15-20 м/с күшейеді, Батыс Қазақстан облысында тұман түседі, Ақтөбе облысында боран соғады.
Түркістан, Маңғыстау облыстарының кей жерлерінде тұман күтіледі, жел 15-20 м/с күшейеді.
Алматы облысының түнде кей жерлерінде тұман күтіледі, күндіз Жаланашкөл ауданында жел 15-20 м/с күшейеді.

Күшті жел, боран, тұман және көктайғақ &#8211; Бейсенбіге арналған ауа райы

Қолмен хат жазу күні
Бүгінде баспа, сандық ақпарат жаулап алған кезеңде әділетсіз ұмыт болған қолмен жазылған хаттың маңыздылығын көпшіліктің есіне түсіруге арналды. Бұл мерекенің күнтізбеге енгізілуіне бастамашылық еткен Жазу құралдарын өндіру қауымдастығы болды.
1982 жылы Қазақтың академиялық опера және балет театрында «Ақан сері – Ақтоқты» операсының премьерасы өтті. Алғашқы қойылымда бас партияларды Қазақстанның еңбек сіңірген әртістері Хорлан Қалиламбекова мен Кенжеғали Мыржықбаев орындады. Операның авторы – Сыдық Мұхамеджанов. Либреттосын жазған Ғабит Мүсірепов.
1992 жылы БҰҰ Қауіпсіздік Кеңесі отырысында Қазақстан Республикасын БҰҰ-ға мүше етіп қабылдау туралы қарар қабылданды. 1992 жылғы наурыздың 2-сінде Қазақстан БҰҰ-ның толық мүшесі болды.
1995 жылы Брюссельде Елбасы Нұрсұлтан Назарбаев пен Еуропа ынтымақтастығы кеңесінің төрағасы Ален Жюппе Қазақстан Республикасы мен Еуропа ынтымақтастығы арасындағы серіктестік пен ынтымақтастық туралы келісімге қол қойды.
2008 жылы Елбасы Нұрсұлтан Назарбаев бизнестің әлеуметтік жауапкершілігінің жыл сайынғы «Парыз» конкурсын өткізіп отыру туралы Жарлыққа қол қойды. Қазақстанның жеке кәсіпкерлік субъектілерінің корпоративтік әлеуметтік жауапкершілік принциптерін қалыптастыру мен ілгерілету және оларды осы саладағы ең үздік тәжірибені енгізуге ынталандыру мақсатымен құрылған.
2015 жылы Мемлекет басшысы «Әл-Фараби атындағы ғылым мен техника, әдебиет және өнер саласындағы Қазақстан Республикасының мемлекеттік сыйлықтары туралы» Жарлыққа қол қойды.

23 қаңтар:Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 23 қаңтарға арналған жұлдыз-жорамалы.
Тоқты
Бүгін ешбір іске күш салмайсыз, оқиғаны сырттай бақылап отырасыз. Ашықтығыңыз, шыншылдығыңызды бағалайтын жандар бар. Олар сізді барлық жағынан да қолдайтын болады.
Торпақ
Сәтті күн. Бұл күн пайдалы іспен айналысуға да, жай демалуға да қолайлы күн. Өзіңізге ұнайтын қызықты іспен айналысасыз. Кешке қарай көңіл көтеретін кештің қонағы боласыз.
Егіздер
Бүгін жаңа достар табасыз. Сонымен қатар алдағы уақытта өміріңіздің бір бөлшегіне айналатын жанды жолықтырасыз. Бүгін ірі көлемде сауда жасаудың қажеті жоқ.
Шаян
Айналаңызда болып жатқан жағдайларға қарамастан, сабырлық сақтап отырасыз. Бұл шешіміңіз өте дұрыс болмақ. Соның арқасында кикілжіңдерден бойды аулақ ұстайсыз, сондай-ақ арандатуларға жол бермейсіз.
Арыстан
Бүгін шаруа көп. Ең алдымен қайсысынан бастау қажет екенін реттеп алыңыз. Ойға түрлі жоспарлар келеді. Бірақ идеяларды дәл қазір жүзеге асырудың қажеті жоқ. Себебі олар әзірге табыс әкелмейді.
Бикеш
Күніңізді пайдалы іспен айналысуға жұмсаңыз. Әсіресе, қиын шаруаларды қолға алғаныңыз жөн. Жаңашылдыққа тез үйренесіз. Сонымен қатар көп ақпараттың ішінен өзіңізге қажеттісін ала аласыз.&nbsp;
Таразы
Қызықты күн. Ішкі түйсігіңізге жүгіне отырып, ең қиын шаруаларды мойныңызға жүктейсіз. Өзгелер ала алмаған асуды бағындырасыз. Сіздің тың идеяларыңыз барлығына ұнайтын болады.
Сарышаян
Бүгінгі күн демалуға, күш-жігеріңізді қайта қалпына келтіруге қолайлы күн. Кейбір шаруаларды кейінге қалдырғаныңыз жөн. Алайда мұқият болыңыз. Түстен кейінгі уақытта туыстарыңыздың арасында боласыз.
Мерген
Қиын шаруалардың барлығы артта қалды. Енді тыныштықта демелатын боласыз. Көтеріңкі көңіл-күйде болыңыз. Бүгін көп күшті қажет ететін, маңызды шаруаларды, ірі жобаларды қолға алмаңыз.
Тауешкі
Жемісті күн. Таңертеңгілік айтарлықтай жоспарларыңыз болмаса да, біраз уақыттан соң айналысатын іс тауып аласыз. Бойыңызда күш-қуатыңыз көп. Сондықтан біраз шаруаны тындыратын боласыз.
Суқұйғыш
Кез келген пайдалы іспен айналысуға мүмкіндік бар. Ойлау қабілетіңіз жоғары, сондықтан қиын тапсырманың өзін оңай орындай аласыз. Сіз бүгін өз ортаңыздың көшбасшысысыз. Оны кез келген адам мойындайды.
Балықтар
Өзгелердің сізге сеніп тапсырған жұмысына бей-жай қарай алмайсыз. Бар ынтаңызбен көмек көрсетіп, қайырымдылық акцияларына атсалысасыз. Сонымен қатар әділеттілікке қол жеткізу үшін барыңызды саласыз.
Аударған Динара МАХАНОВА

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Әлеуметтік желілер мен мессенджерлерде таратылған атаулы әлеуметтік көмекті&nbsp;(АӘК) тағайындау үшін құжаттарды халыққа қызмет көрсету орталықтарында беруге болатыны туралы ақпарат шындыққа сәйкес келмейді.
АӘК тағайындауға қатысты өтінішті Халықты жұмыспен қамту орталықтарында және әкімдіктер жанындағы жұмыспен қамту бөлімдерінде қабылдайды. Құжаттарды 2020 жылғы қаңтардың соңына дейін тапсыруға болады.
Атаулы әлеуметтік көмек тағайындау критерийлеріне сәйкес келетін азаматтарға атаулы әлеуметтік көмек ағымдағы жылғы ақпан айынан бастап төленеді, АӘК алатын отбасылардың балалары үшін кепілдік берілген әлеуметтік топтама берілетін болады.

Қазақстан және Қызылорда облысының жаңалықтары: Қоғам

Алдағы үш күнгі ауа райы болжамы

Қызылорда қаласы қаншалықты “ақылды”?

«Бәйтерек» кешенін іске қосу «Байқоңырдың» жұмысын белсенді етеді – министр

Қазақстандықтар 4 күндік жұмыс кестесіне көше ме?

Қызылорда облысында жыл басынан бері 31 мас жүргізуші ұсталды

Қазақстан мен Армения «көлік мәселесін» талқылап жатыр

Былтыр Қазақстанға 17,6 мыңнан астам қандас келді

Қызылордада тұмауға шалдыққандар көбейді

Күшті жел, боран, тұман және көктайғақ – Бейсенбіге арналған ауа райы

23 қаңтар:Атаулы күндер мен оқиғалар

Жұлдыздар не дейді?

Әлеуметтік көмектің құжатын қайда тапсыру керек?

Қазақстан және Қызылорда облысының жаңалықтары: Қоғам

Алдағы үш күнгі ауа райы болжамы

Қызылорда қаласы қаншалықты &#8220;ақылды&#8221;?

«Бәйтерек» кешенін іске қосу «Байқоңырдың» жұмысын белсенді етеді &#8211; министр

Қазақстандықтар 4 күндік жұмыс кестесіне көше ме?

Қызылорда облысында жыл басынан бері 31 мас жүргізуші ұсталды

Қазақстан мен Армения «көлік мәселесін» талқылап жатыр

Былтыр Қазақстанға 17,6 мыңнан астам қандас келді

Қызылордада тұмауға шалдыққандар көбейді

Күшті жел, боран, тұман және көктайғақ &#8211; Бейсенбіге арналған ауа райы

23 қаңтар:Атаулы күндер мен оқиғалар

Жұлдыздар не дейді?

Әлеуметтік көмектің құжатын қайда тапсыру керек?

Қызылорда қаласы қаншалықты “ақылды”?

«Бәйтерек» кешенін іске қосу «Байқоңырдың» жұмысын белсенді етеді – министр

Күшті жел, боран, тұман және көктайғақ – Бейсенбіге арналған ауа райы