<a href="https://kyzylorda-news.kz/">Kyzylorda-news.kz.</a> 2020 жылы Еуропада телекоммуникация жүйесінің бесінші сатысы, яғни 5G жаппай енгізіледі, деп жазады <a href="https://www.euronews.com/2019/12/30/what-is-5g-and-should-you-be-concerned-euronews-explains">Euronews.</a>
Басылым арнайы мақалада 5G деген не және ол біздің өмірімізді қалай өзгертеді деген сұраққа жауап іздейді.
<blockquote>
 «5G жүйесі мобильді интернет байланыстың келесі деңгейі. Ол өте жоғары жылдамдыққа ие болады. Бұл жүйе 4G-ден ең кем дегенде 100 есе, ең көбі 1000 есе жылдамырақ. Яғни, бұл жүйе фильмдерді санаулы секундтарда жүктеп алуға мүмкіндік береді», деп жазады басылым.
</blockquote>
Автордың айтуынша, Еуропа комиссиясы бұл жүйені келесі онжылдықта цифрлық экономика мен қоғамға ең маңызды блок болады деп сипаттаған. Сонымен қатар комиссияның айтуынша, 5G жасанды интеллектінің артуына әсер етеді.
<blockquote>
 «Еуроодақ бұл технология бойынша 2016 жылы жоспар құрып, 2020 жылы 5G 28 мүше-мемлекетте іске қосылатынын айтты. 2014 жылдан бастап одақ 5G технологиясына 700 миллион еуро жұмсады, сонымен қатар жеке сектор 3 млн еуро инвестиция салды», деп жазады автор.
</blockquote>
Оның айтуынша, 5G жүйесінің денсаулыққа қалай әсер ететіні әлі белгісіз.
<blockquote>
 «Көпшілігі антенна санының артуы денсаулыққа кері әсер ететінін айтып жатыр. Дегенмен, оның нақты дәлелі жоқ», деп жазады автор.
</blockquote>
Оның сөзінше, 5G іске қосылғанымен, бүкіл әлемде екі жүйе, яғни 4G екеуі қатар жүретін болады. Сонымен қатар құрылғылардың барлығы дерлік 5G талаптарына сай емес.

5G деген не және ол денсаулыққа зиян ба?

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев желтоқсан айының соңғы күндері бірнеше заңға қол қойып үлгерді. Оның бәрі 2020 жылдың 1 қаңтарынан бастап күшіне енді, деп жазады <a href="https://baq.kz/news/othernews/1-a-tardan-bastap-k-shine-engen-za-zhobalary/?fbclid=IwAR26eEIBURLkdB0jxxpRQmwsckg7F82pZ5Bf_UsNU4JtYk-2_YbgKPDeiJU">BAQ.KZ</a>.
Былтырғы жылы Парламенттің қос палатасы Мәжіліс пен Сенаттан қолдау тауып, президент қол қойған заң жобаларына тоқталып өтсек.
Міндетті әлеуметтік сақтандыру
Мемлекет басшысы Қасым-Жомарт Тоқаев 28 желтоқсан күні “Міндетті әлеуметтік сақтандыру туралы” заңға қол қойды. Бұл заң жобасында еңбек ету қабілетінен айырылу, асыраушысынан айырылу және жұмысынан айырылу бойынша әлеуметтік төлемдерді тағайындау кезінде қолданылатын параметрлер қайта қаралды. Бұл төлемді орташа есеппен 30 пайызға арттыруға мүмкіндік береді.
Заң жобасының негізгі ережелері: медициналық-әлеуметтік сараптама жүргізу арқылы жалпы еңбекке қабілеттілігін жоғалту дәрежесін куәландыру және белгілеу негізінде еңбекке қабілеттілігін жоғалту коэффициентін айқындаудың жаңа тетігін енгізу; міндетті әлеуметтік сақтандыру жүйесінде қатысу өтілінің қол жеткізілген коэффициентін жыл сайын арттыру; асыраушысынан айырылу жағдайы бойынша әлеуметтік төлемдерді есептеген кезде асырауындағылар санының қолданыстағы коэффициентін арттыру; жұмыстан айырылу себептеріне қарамастан 6 айға дейінгі мерзімге жұмысынан айырылу бойынша әлеуметтік төлемдерді тағайындау арқылы жұмыстан айырылу.
Мемлекет экономикалық белсенділігі төмен халық үшін жарна төлейтін болады. Жұмыс берушілер жалдамалы жұмысшылар үшін төлейді, ал қызметкерлер мен салық органдарында тіркелген өзін-өзі қамтыған азаматтар өздері үшін өздері төлейтін болады. Одан бөлек, әлеуметтік медициналық сақтандыру қоры жарнасын төлеуден азаматтардың 15 санаты босатылады.
Атаулы әлеуметтік көмек
Сонымен қатар президент “Міндетті әлеуметтік сақтандыру туралы” және “Қазақстан Республикасының кейбір заңнамалық актілеріне міндетті әлеуметтік сақтандыру, әлеуметтік қамсыздандыру және денсаулық сақтау саласындағы мемлекеттік-жекеменшік әріптестік мәселелері бойынша өзгерістер мен толықтырулар енгізу туралы” заңына да қол қойды.&nbsp;
Мемлекеттік жәрдемақы бала санына қарай беріледі:
·&nbsp;&nbsp;&nbsp;&nbsp;&nbsp;&nbsp;&nbsp;&nbsp; Төрт баласы бар отбасыларға –&nbsp; 42 496 теңге;
·&nbsp;&nbsp;&nbsp;&nbsp;&nbsp;&nbsp;&nbsp;&nbsp; бес балаға – 53 127 теңге;
·&nbsp;&nbsp;&nbsp;&nbsp;&nbsp;&nbsp;&nbsp;&nbsp; алты балаға – 63 757 теңге;
·&nbsp;&nbsp;&nbsp;&nbsp;&nbsp;&nbsp;&nbsp;&nbsp; жеті және одан да көп балаларға – 74 388 теңге.
Бұдан бөлек, атаулы әлеуметтік көмектің қолданыстағы жүйесі қайта қаралды. Енді атаулы әлеуметтік көмек қазіргідей 6 немесе 12 айға емес, тоқсан сайын тағайындалады.
Мас күйінде көлік жүргізгендер 10 жылға сотталады
“Қазақстан Республикасының кейбір заңнамалық актілеріне қылмыстық, қылмыстық-процестік заңнаманы жетілдіру және жеке адам құқықтарының қорғалуын күшейту мәселелері бойынша өзгерістер мен толықтырулар енгізу туралы”&nbsp;да заңға қол қойды.
Бұл заңға сәйкес, көлікті мас күйінде жүргізгені үшін жаза күшейтілген. Бас прокурордың орынбасары Марат Ахметжановтың айтуынша, жыл басынан бері мас жүргізушілердің кесірінен мыңға жуық адам қаза тауып, жарақат алған.
Қоғамда қызу пікірталас тудыратын өзекті мәселелердің бірі – мас күйінде көлік жүргізу жайы. Президент бұл мәселеде жауапкершіліктің күшейтуді тапсырған. Ол заң бұзушыларды түрмеге отырғызып, айыппұл салып, көлік жүргізу құқығынан өмір бойына айыру керек екенін айтты. Өкінішке қарай, жыл сайын мас күйінде көлік жүргізген 30 мыңнан астам жағдай тіркеледі. Мас жүргізушілердің салдарынан болған апаттан биылғы жылдың өзінде 1000-нан астам азамат жарақат алды немесе қайтыс болды, – дейді Марат Ахметжанов.&nbsp;
Енді&nbsp;мас күйінде осындай қылмыс жасаған адам 10 жылға бас бостандығынан, сондай-ақ, өмір бойы көлік басқару құқығынан айырылады. Әкімшілік құқықбұзушылық кодексінде мас күйінде көлік айдағаны үшін 30 тәулікке дейін әкімшілік қамау мерзімі ұзартылып, көлік жүргізу құқығынан айыру мерзімі 8 жылға ұлғаяды.
Сонымен қатар, егер азамат өз куәлігінен айырылса да мас күйінде көліктің рөліне отырса, онда көлік жүргізу&nbsp;құқығынан өмір бойына&nbsp;айыру да осы жерде қарастырылған.
Мал ұрлағандардың жазасы күшейтілді
Мал ұрлайтындардың да жазасы осы заңда күшейтілген. Марат Ахметжановтың айтуынша, статистика бойынша ұрлық бойынша істердің көбісі татуласумен аяқталып жатады. Сондықтан осы қылмыс түрімен күресті күшейтіп, жауаптылықты қатаңдату керек деп отыр.
Енді осы қылмыста “теріс қылық” пен “орташа ауыр қылмыс” деген анықтама болмайды. Заң жобасы бойынша қомақты айыппұл мен 5 жылға дейін бас бостандығынан айыру жазасы қарастырылған. Ал ірі мөлшерде адамдар тобымен алдын ала сөз байласып жасалса, 7 жылға дейінгі жаза болады. Бірнеше рет бұзып кіргені үшін – 10 жыл. Аса ірі көлемде және қылмыстық топ болып ұрлық жасаса, 12 жыл бас бостандығынан айыру көзделген.
“Педагог мәртебесі”
Тоқаев мұғалімдерге қатысты екі заң жобасына қол қойды. Олар: “Қазақстан Республикасының кейбір заңнамалық актілеріне педагог мәртебесі, оқушы мен мұғалімге жүктемені төмендету мәселелері бойынша өзгерістер мен толықтырулар енгізу туралы” және “Педагог мәртебесі туралы” деп аталады.
“Педагог мәртебесі туралы” заң жобасы 21 баптан тұрады және жарты миллионнан астам ұстаздың жұмысына қатысты. Жалпы, заң жобасы төрт бағытты қамтиды.
Бірінші, ұстаздардың құқықтарын кеңейту және өзіне тән емес жұмыстан босату, жүктемесін азайту;
Екінші, мұғалімнің қызметіне қойылатын талаптарды күшейту;
Үшінші, материалды емес стимул тетіктері;
Төртінші, материалдық ыңталандыру.
Заң жобасындағы негізгі ережелер:
· 2021 жылдың 1 қыркүйегінен бастап, орта білім мекемелеріндегі педагогтардың нормативтік оқу жүктемесін 18 сағаттан 16 сағатқа төмендету жөнінде норма бекітілді;
· ғылыми-педагогикалық бағыттағы магистр дәрежесі үшін әр ай сайын мектеп ұстаздарына 10 АЕК (25,5 мың теңге) мөлшерінде үстеме ақы төлеу;
· сынып жетекшілігі және дәптер тексергені үшін төленетін ақыны екі есеге арттыру;
· біліктілік санаты үшін мектеп директорлары мен олардың орынбасарларының жалақысын 30 дан 100% ға дейін қосымша ақы төлеп арттыру;
·&nbsp;әскери қызметке шақыруды кейінге қалдыру; 
халықаралық конкурсттар мен жарыстардың жеңімпаздарын, түрлі олимпиадалармен спорттық жарыстардың лауреаттарын даярлаған педагогтерге 3 лауазымдық жалақыға дейін біржолғы сыйақы төлеу;
· “Қазақстанның еңбек сіңірген ұстазы” мемлекеттік марапат тағайындай және иегерлеріне 1000 АЕК мөлшерінде біржолғы сыйақы төлеу.
– 42 күн демалатын педагогтердің демалыс уақытын 56 күнге ұзарту;
Сонымен қатар, Қасым-Жомарт Тоқаев тағы бірнеше заңға қол қойды:&nbsp; &nbsp; &nbsp; &nbsp;
“Қазақстан Республикасының кейбір заңнамалық актілеріне жер қойнауын пайдалану, газ және газбен жабдықтау мәселелері бойынша өзгерістер мен толықтырулар енгізу туралы”;
· “Қазақстан Республикасының кейбір конституциялық заңдарына өзгерістер мен толықтырулар енгізу туралы”;
· “Қазақстан Республикасының кейбір заңнамалық актілеріне теміржол көлігі мәселелері бойынша өзгерістер мен толықтырулар енгізу туралы”;
· “Қазақстан Республикасының кейбір заңнамалық актілеріне Қазақстан Республикасының әкімшілік-аумақтық құрылысы, мемлекеттік басқару жүйесін, бюджетаралық қатынастарды жетілдіру, кредиттеу және білім беру мәселелері бойынша өзгерістер мен толықтырулар енгізу туралы”;
· “Қазақстан Республикасының кейбір заңнамалық актілеріне оңалту және банкроттық рәсімдерін, бюджет, салық заңнамасын және теміржол көлігі туралы заңнаманы жетілдіру мәселелері бойынша өзгерістер мен толықтырулар енгізу туралы”;
· “Тарихи-мәдени мұра объектілерін қорғау және пайдалану туралы Қазақстан Республикасының Заңына сәйкестендіруге бағытталған “Қазақстан Республикасының кейбір заңнамалық актілеріне тарихи-мәдени мұра мәселелері бойынша өзгерістер мен толықтыру енгізу туралы”;
· “Тарихи-мәдени мұра объектілерін қорғау және пайдалану туралы”;&nbsp;&nbsp; · “Еуразиялық экономикалық одаққа мүше мемлекеттердің қаржы нарығы саласындағы заңнамасын үйлестіру туралы келісімді ратификациялау туралы”.

1 қаңтардан бастап күшіне енген заң жобалары

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Бүгін Қорқыт ата атындағы Қызылорда мемлекеттік университетінің ректоры қызметіне Бейбіткүл Кәрімова тағайындалды.&nbsp;
Сыр өңіріне іс сапармен келген ҚР Білім және ғылым вице-министрі Шолпан Каринова Қорқыт Ата атындағы Қызылорда мемлекеттік университет ұжымына жаңа ректорды таныстырды.
Кәрімова Бейбіткүл Сәрсемханқызы 1972 жылы Алматы облысы, Райымбек ауданы, Шырғанақ ауылында дүниеге келген.
1994 жылы Қазақ мектебіндегі орыс тілі мен&nbsp;әдебиеті мамандығы бойынша Қазақ қыздар педагогикалық институтын бітірген. Филология ғылымдарының кандидаты.
Оқу орнын тәмәмдаған соң, Қазақ қыздар институтының аспирантурасында білім алған. Қазақ қыздар институтының филология факультетінде деканның оқу ісі жөніндегі орынбасары, орыс филология кафедрасының оқытушысы қызметінен еңбек жолын бастаған. 24 жылдық еңбек жолында 8 жыл декан орынбасары, 5 жыл Алматы үздіксіз білім беру университетінің оқу ісі жөніндегі проректоры қызметін атқарған. 3 жыл Әл-Фараби атындағы Қазақ Ұлттық университеті коллледжінің директоры болды. 2011 жылдан бастап бүгінгі күнге дейін Бейбіткүл Сәрсемханқызы ҚР Білім және ғылым министрлігіне қарасты «Оқулық» республикалық ғылыми-практикалық орталығының директоры қызметін абыроймен атқарып келді.
Бейбіткүл Кәрімова Тіл білімі, салыстырмалы грамматика, қазақстандық саясаткердің тілдік тұлғасы және оқулықтану мәселелеріне арналған 80-нен аса ғылыми еңбектің авторы.
Вашингтон, АҚШ, Франция, Финляндия және Оңтүстік Корея шет елдерінде біліктілігін жоғарылату курстарынан өткен.
Вице–министр Шолпан Каринова 80 жылдан астам тарихы бар іргелі оқу орнын ұзақ жылдар басқарған техника ғылымдарының докторы, профессор Қылышбай Бисеновтің университетке сіңірген ерен еңбегін атап өтті. Сонымен қатар, жылға жуық Қорқыт Ата атындағы ҚМУ ректорының міндетін атқарушы қызметін атқарған физика-математика ғылымдарының докторы, профессор Бақытхан Абдикаримовқа жемісті еңбегі үшін алғысын білдіріп, жаңа ректордың қызметіне табыс тіледі.
<img src="https://kyzylorda-news.kz/wp-content/uploads/2020/01/c7b4660d-07c7-44bf-a141-f95fc617fab7.jpg" alt="" />

Қорқыт ата атындағы Қызылорда мемлекеттік университетіне жаңа ректор тағайындалды

<a href="https://kyzylorda-news.kz/">Kyzylorda-news.kz.</a> Қызылорда облысындағы 150 жылдық тарихы бар Қазалы қаласының аумағы кеңейеді,&nbsp;деп хабарлайды <a href="https://24.kz/kz/zha-aly-tar/o-am/item/365464-azalyny-shekarasy-ke-ejedi">«Хабар 24»</a>.
Әйтеке би кенті мен Қазалы қаласы бір елді мекен болып қосылады. Бүгінде аудан орталығын жаңа бас жоспарға сәйкес дамыту жұмыстары қарқынды жүруде. 441 гектар жерге инженерлік инфрақұрылым желілері тартылып, тұрғын үйлер мен әлеуметтік нысандар бой көтере бастады. Қазіргі таңда бұл аумақтан 250 орынды аурухана, сот ғимараты, рәміздер алаңы мен саябақ салынды. Аудандық мекемелер ғимараты мен мәдениет үйінің де құрылысы аяқталуға жақын. Алдағы уақытта 12 көп қабатты тұрғын үй мен бірнеше ірі кәсіпкерлік нысандарының құрылысы басталады деп күтілуде.
<blockquote>
 «Биылғы жылы Қазалы қаласының 180 гектарының электр желісі, газбен жабдықтау, ауызсумен қамтамасыз ету, жолы аяқталады. Сонымен қатар Қазалы қаласында 81 гектарға жүргізілген жол инфрақұрылымдары да шешімін табады», – дейді Қазалы аудандық құрылыс бөлімінің басшысы Қуаныш Жұбатқанов.
</blockquote>

Әйтеке би кенті мен Қазалы қаласы қосылады

<a href="https://kyzylorda-news.kz/">Kyzylorda-news.kz.</a> Биылдан бастап атаулы әлеуметтік көмекке үміткер отбасылар қандай құжаттар дайындау қажет? Құжаттар бүгіннен бастап қабылданады.
Қызылорда қалалық жұмыспен қамту орталығының хабарлауынша ұсынылатын құжаттар тізімін оқырмандар назарына ұсынамыз. &nbsp;
<ol>
<li>Өтініш берушінің жеке басын куәландыратын құжат;</li>
<li>Оралман мәртебесі туралы (бар болса);</li>
<li>Отбасының әрбір мүшесіне тұрақты немесе уақытша тұрғылықты жері бойынша тіркеуінің болуы;</li>
<li>Өтініш берушінің банктік деректемелері туралы («Қазпошта» АҚ-нан)</li>
<li>Мүгедектікті белгілеу туралы (бар болса);</li>
<li>Барлық балаларға тууын тіркеу туралы (қажет болған жағдайда қайтыс болуы туралы);</li>
<li>Қорғаншылық (қамқоршылық) белгілеу туралы (бар болса);</li>
<li>Бала асырап алу туралы (бар болса);</li>
<li>Неке қиюды тіркеу туралы (қажет болған жағдайда некені бұзу туралы);</li>
<li>&nbsp;Егер он сегіз жастан жиырма үш жасқа дейінгі асырауындағылар күндізгі оқу нысанының білім алушылары болып табылса – оқу орнында оқу фактісі туралы;</li>
<li>&nbsp;Табыс туралы (жалақы, әлеуметтік төлемдер, кәсіпкерлік қызметтен түскен табыстар, жылжымайтын және (немесе) жылжымалы мүлікті жалға беруден, жылжымайтын және (немесе) жылжымалы мүлікті сатудан түскен табыстар);</li>
<li>&nbsp;Дара кәсіпкердің мәртебесі туралы (бар болса);</li>
<li>Жеке қосалқы шаруашылықтың болуы туралы (бар болса);</li>
<li>&nbsp;Өтініш берушіде және оның отбасы мүшелерінде атаулы әлеуметтік көмекті тағайындау, төлеу немесе тағайындауға өтініш беру фактісінің болуы туралы;</li>
<li>&nbsp;Жұмыспен қамтуға жәрдемдесудің белсенді шараларына тартылатын отбасының еңбекке қабілетті мүшелері үшін еңбек қызметі туралы (бар болса);</li>
<li>&nbsp;Жұмыспен қамтуға жәрдемдесудің белсенді шараларына тартылатын отбасының еңбекке қабілетті мүшелері үшін білімі, біліктілігі, арнайы білімінің немесе кәсіптік даярлығының (бар болса) болуы туралы;</li>
<li>&nbsp;Атаулы әлеуметтік көмек тағайындауға жүгінер алдындағы үш ай қатарынан алимент туралы және (немесе)&nbsp; берешектің болуы туралы;</li>
<li>&nbsp;Өтініш берушінің отбасы мүшелерінің бас бостандығынан айыру немесе мәжбүрлеп емдеу орындарында болуы туралы.</li>
</ol>
Сонымен қатар, жаңа форматтағы атаулы әлеуметтік көмекке өтінім қабылдау жұмыспен қамту орталығы орналасқан (Қызылорда қ., Қ. Қазантаев көш., №43) ғимараттан басқа, Қызылорда қаласы, Әйтеке би көшесі, №21 мекенжайдағы Азаматтық хал актілерін тіркеу (АХАТ) бөлімінің ғимаратында да жүзеге асырылады. Осы ретте, атаулы әлеуметтік көмектің шартсыз түріне үміткер отбасыларға жоғарыда аталған АХАТ бөлімінің ғимаратына барып құжат тапсыруға болады. Себебі, аталған көмектің шартсыз түрін алушы отбасыларға бос жұмыс орындары ұсынылмайды, жұмыспен қамтылуы міндетті емес болғандықтан, уақытты ұтымды пайдалану мақсатында жоғарыда көрсетілген мекенжайға өтінім тапсыруларын сұраймыз.
Ал, жұмыспен қамту орталығы орналасқан ғимаратта шартты атаулы көмек алушы отбасының жұмысқа қабілетті мүшелерін жұмыспен қамтудың белсенді шараларына жолдау, бос жұмыс орындарына жолдамалар беру шаралары ұзақ уақытты талап етуіне байланысты, бұл мекенжайда мүмкіндігінше шартты атаулы әлеуметтік алушылардан өтінімдер қабылданатынын ескеру қажет.

АӘК үміткер отбасылардан алфавит бойынша құжаттар қабылдау басталды

<a href="https://kyzylorda-news.kz/">Kyzylorda-news.kz.</a> Индустрия және инфрақұрылымдық даму министрлігі мамандары 2020 жылдан бастап еліміздегі қандай жолдар ақылы болатынын, биыл қай жол учаскелері жөнделетінін айтып берді.
Ведомствоның мәліметіне сенсек, 2024 жылға дейін республикалық желінің 11 мыңға жуық шақырымын ақылы автожолмен қамту көзделіп отыр.
<blockquote>
 «Ақылы жол жобасын екі кезең бойынша енгіземіз. Бірінші кезең – 2020-2021 жылдар аралығында 6 мың шақырым ақылы жол қолданысқа беріледі. Атап айтқанда, «Батыс Еуропа – Батыс Қытай» транзиттік дәлізі, «Нұр-Сұлтан – Қостанай – Ресей шекарасы», «Щучинск – Петропавл», «Нұр-Сұлтан – Павлодар», «Қалбатау – Павлодар – Ресей шекарасы» (Омбыға апаратын жол), «Таскескен – Бақты – Қапшағай – Талдықорған», «Атырау – Орал», «Атырау – Доссор – Бейнеу – Ақжігіт – Өзбекстан шекарасы» және «Ақтау – Бейнеу» жолдарының учаскелері ақылы болады», – деп атап өтті министрліктен.
</blockquote>
2022-2023 жылдар аралығында қалған 5 мың шақырым жолды енгізуді көздейтін екінші кезең жүзеге асырылады.
Индустрия және инфрақұрылымдық даму министрлігі алдағы жылдар қанша шақырым жол жөнделетінін де айтты.
Мекеменің мәліметінше, «Нұрлы жол» бағдарламасы аясында 2020-2026 жылдар аралығында ұзындығы 10 мың шақырымды құрайтын республикалық жолдардың құрылысы мен реконструкциясы жоспарланған. Оның 1373 шақырымында 2020 жылы қозғалыс басталады.
<blockquote>
 «Осылайша, «Орталық – Оңтүстік» бағыты бойынша 311 шақырым жол ашылады. «Петропавл – Қорған» тасжолының 37 шақырымы пайдалануға беріледі. «Орталық – Шығыс» жобасы бойынша – 13 шақырым, «Қостанай – Денисовка» жолында – 65 шақырым, «Ақтөбе – Қандыағаш – Мақат» жолында – 160 шақырым жол ашылады. Сондай-ақ, 2020 жылы «Атырау – Астрахан» тасжолының 160 шақырымы, «Көктерек асуы» жобасы бойынша – 32 шақырым, «Талдықорған – Өскемен» тасжолында – 384 шақырым, «Ұзынағаш – Отар» жолының 96 шақырымы, «Үшарал – Достық» жолының 60 шақырымы, «Қалбатау – Майқапшағай» жолының 155 шақырымы қолданысқа беріледі», – деп түсіндірді министрліктен.
</blockquote>

2020 жылдан бастап қандай жолдар ақылы болады?

<a href="https://kyzylorda-news.kz/">Kyzylorda-news.kz.</a> Қызылордадағы облыстық перинаталдық орталықта жаңа жылдың алғашқы күнінде 38 нәресте жарық дүние есігін ашты.
Сәбилердің басым бөлігі – ер балалар. Тышқан жылының бірінші тәулігінде 26 ер бала өмірге келген.
Айта кетерлігі, облыстық перинаталдық орталықта жылма-жыл 10-11 мыңнан астам бала дүниеге келеді. Ол облыс бойынша көрсеткіштің 60 пайызға жуығын құрайды.
<blockquote>
 «Жақында облыстық перинаталдық орталықтың 80 жылдық мерейтойын атап өттік. Орталықтың материалдық-техникалық жағдайы жақсара түсті. Соңғы жылдары заманауи медициналық құрылғылармен жабдықталды. Дәрігерлер шетелдерде оқуға және тәжірибе алмасуға мүмкіндік алды. Нәтижесінде нәрестелердің шетінеуі төмендеді», – деді Қызылорда облыстық перинаталдық орталығының дәрігері Ералы Бақтыбаев.
</blockquote>

Қызылордада жаңа жылдың алғашқы күнінде 38 нәресте дүниеге келді

<a href="https://kyzylorda-news.kz/">Kyzylorda-news.kz.</a> «Қазгидромет» РМК 5 қаңтарға арналған ауа райы болжамын ұсынады.
Қазақстан территориясында атмосфералық ауа ағындардың өтуімен құбылмалы ауа райы сақталады, оңтүстіктің кей жерлерінде жауын-шашын жауады, республиканың солтүстігінде және солтүстік-батысыңда қар жауады. Кей жерлерде тұман, көктайғақ, бұрқасын, желдің күшеюі сақталады.
Ақмола, Солтүстік Қазақстан, Қостанай, Қарағанды облыстарының кей жерлерінде тұман, көктайғақ, жаяу бұрқасын күтіледі, Қостанай облысында жел 15-20 м/с күшейеді.
Алматы облысының кей жерлерінде тұман, көктайғақ болып, күндіз Жаланашкөл ауданында жел 15-20 м/с жылдамдықпен соғады.
Жамбыл, Түркістан, Қызылорда, Маңғыстау облыстарының кей жерлерінде тұман, көктайғақ болып, күндіз Жамбыл облысында жел 15-20 м/с күшейеді.
Атырау, Батыс Қазақстан, Ақтөбе, Павлодар, Шығыс Қазақстан облыстарының кей жерлерінде тұман түседі.

Қар, көктайғақ, жел – жексенбіге арналған ауа райы

Беларусь әлеуметтiк қорғау қызметкерлерiнiң күні
1998 жылдың 26 наурызында Беларусь Республикасы Президентiнiң Жарлығымен бекітілген. Жыл сайын аталып өтедi.
1993 жылы «Ұлттық тест орталығы» республикалық мемлекеттік қазыналық кәсіпорны құрылды. ҰТО-ның басты қызметі – Қазақстанның білім беру жүйесіне мониторинг жасау және барлық түрдегі сыртқы емтихандарды ұйымдастыру және өткізу, тест тапсырмаларының базасын құрастыру.
&nbsp;1998 жылы Түрікменстанның астанасында ТМД-ға кіретін ортаазиялық бес мемлекеттің – Қазақстан, Қырғызстан, Түрікменстан, Өзбекстан және Тәжікстан басшылары кездесті.
2006 жылы даңқты қолбасшы және жазушы Бауыржан Момышұлының мерейтойы құрметіне, батырдың туған жері – Жамбыл облысында «Баукең туралы толғаныстар» деп аталатын публицистикалық очерктер мен әңгімелер жинағы жарық көрді. Бұл жинаққа Қасым Қайсенов, Шерхан Мұртаза, Әзілхан Нұршайықов сынды танымал жазушылар мен әр жылдары атақты жерлестерімен кездескен жамбылдық авторлар – Елен Әлімжанов, Әлдихан Қалдыбаев, Мақұлбек Рысдәулет және тағы басқалардың туындылары жинақталған
2009 жылы Елбасы Нұрсұлтан Назарбаев «Кеден қызметіндегi ынтымақтастық және өзара көмек көрсету туралы Шанхай ұйымына мүше-мемлекеттер үкiметтері арасындағы Келiсiмдi ратификациялау туралы» Қазақстан Республикасының Заңына қол қойды.

5 қаңтар: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 5 қаңтарға арналған жұлдыз-жорамалы.
Тоқты
Бүгінгі күнді тек өзіңізге арнайсыз. Армандарыңыздың орындалуына жұмыс жасайсыз. Ұсақ тірліктермен айналысқыңыз келмейді.
Торпақ
Бүгін шығармашылықпен айналысасыз. Не болмаса өзіңіздің сүйікті ісіңізді қайта қолға алып, одан табыс табуға болатынына көз жеткізесіз.
Егіздер
Сүйікті адамыңыздың менмендігі сізге ұнамайды. Сондықтан аздап реніш туындайтын болады. Түстен кейін барлығы орнына келеді.
Шаян
Бүгін қонақ боласыз. Туған-туыстарды аралайсыз. Бауырларыңыздың үйіне барып, біраз демаласыз. Күніңіз сәтті өтеді.
Арыстан
Егер өзіңізге толық сенімді болмасаңыз, болашағыңызға қатысты мәселеде шешім қабылдамағаныңыз жөн.&nbsp;
Бикеш
Бүгін өзгерістерге жол бермеңіз. Өмірдің ағымына ілесіп жүре бергеніңіз жөн. Сонымен қатар бүгін таныстарыңыздан қызықты жаңалық естисіз.
Таразы
Денсаулығыңызға көңіл аударыңыз. Ауырмайтын жол іздеңіз. Сонымен қатар бүгін ешкімнің алдауына түсіп қалмаңыз.
Сарышаян
Бүгінгі күн серуен құруға, белсенді демалыс ұйымдастыруға қолайлы күн. Сондай-ақ мәдени іс-шараларға белсене араласасыз.
Мерген
Үй шаруасына бұдан былай алаңдамайтын боласыз. Бұл шаруа енді сіздің мойныңызға жүктелмейтін болады.
Тауешкі
Өзгелерге деген жанашырлығыңыз шектен тыс. Аз да болса өзіңізге көңіл бөліңіз. Ең алдымен өзіңізді жақсы көргеніңіз жөн.
Суқұйғыш
Денсаулығыңызға қатысты жағымды жаңалық естисіз. Көптен бері науқастанып жүрген болсаңыз, барлығы қайта қалпына келгеніне сеніңіз.
Балықтар
Өзіңізге ұнайтын адамдармен тығыз қарым-қатынас орнатасыз. Ол адамдармен бағыт-бағдарыңыз да бір болмақ. Бұл сізді қуантатын болады.
Аударған Динара МАХАНОВА

Жұлдыздар не дейді?

Канада ғалымдары кеңседе ұзақ жұмыс істеу қан қысымының артуына себепкер болатынын анықтады.
Hypertension басылымының мәліметінше, кейбір жағдайда аталмыш ауру жасырын түрде дамып, жоспарлы тексерістен өту кезінде анықталмауы да мүмкін.
Тиісті зерттеудің анық-қанығына жету үшін Квебек қаласындағы 3 мемлекеттік мекеменің 3500 жуық кеңседе жұмыс істейтін жұмысшысы жұмылдырылды. Аптасына 35 сағат жұмыс істейтін жұмысшылардың денсаулығында айтарлықтай кінәрат байқалмаған.
<blockquote>
 Ал аптасына 41-48 сағатын жұмыста өткізетін адамдардың 54%-ы жасырын гипертонияға бейім болса, ал қалған 42%-ы – аурудың созылмалы түрлеріне шалдыққан. Сәйкесінше, аптасына 49 сағаттан көп жұмыс істеген жұмысшылардың ауруға шалдығу қаупі 66-70%-ға жоғарылайды, – делінген хабарламада.
</blockquote>
Ғалымдардың айтуынша, АҚШ-тың өзінде гипертония салдарынан жылына 82 мың қайтыс болады екен. Аурудың жасырын түрінде дәрігердің қабылдауында пациенттің қан қысымы қалыпты болады, алайда басқа жағдайларда жұмыстағы күйзеліс, стресс кезінде ол бірден көтеріліп кетуі мүмкін.
Бұндай гипертонияны анықтау үшін адам күні бойы қан қысымын бақылайтын портативті құрылғыны тағып жүруі керек. Ол 15 минут сайын адамның қан қысымының көрсеткішін жазып отырады.
Зерттеу нәтижесінде тәжірибеге қатысқандардың что 13%-ы өздерінің жоғары қан қысымы бар екенін мүлдем білмеген көрінеді
<a href="https://baq.kz/news/othernews/kense-zhumysy/">BAQ.KZ</a>&nbsp;<a href="https://baq.kz/news/othernews/kense-zhumysy/"></a>

Кеңсе жұмысы қан қысымының қаупін жоғарылатады

<a href="https://kyzylorda-news.kz/">Kyzylorda-news.kz.</a> Бұған дейін Қазақстанның бас санитар дәрігері Жандарбек Бекшин елімізде снюстарға уақытша тыйым салу туралы шешім қабылдаған болатын.
Алматы қаласындағы тауарлар мен қызметтердің сапасы мен қауіпсіздігін бақылау департаментінің басшысы Айзат Молдағасимова снюстарға жүргізілген сараптама нәтижесі туралы айтты. Сараптама нәтижесі дәрігерлердің төбе шашын тік тұрғызған, деп хабарлайды&nbsp;<a href="https://kaz.zakon.kz/5000031-snyust-ramyn-teksergen-d-r-gerlerd-t-be.html">zakon.kz</a>.
«Азаматтардан шағым жиі түсе бастағандықтан, біз ресейлік және шведтік өндірістегі снюстің 8 түрін сатып алып, жасырын сараптама жүргіздік. Олардан барлығына дерлік денсаулыққа өте зиянды никотиннің жоғары мөлшері анықталды. Сыртқы қаптамасында құрамында никотиннің үлкен дозасы жоқ көрсетілген, бірақ іс жүзінде бар әрі көп. Яғни, мына «соратын кәмпиттің» бір түйірінде никотин мөлшері, мысалы шегетін 4 темекінің дозасына тең, – деді Айзат Молдағасимова.
Бұған дейін Қазақстанның бас санитар дәрігері Жандарбек Бекшин елімізде снюстарға уақытша тыйым салу туралы шешім қабылдаған болатын.
Снюс – темекі өнімдерінің бір түрі. Бұл ұсақталған ылғалдандырылған темекі, ол еріннің жоғарғы (аз – төменгі) және төменгі жақтарының астына салып қояды: 30-дан 60-70 минутқа дейін (өндірушілердің айтуынша, 5-тен 30 минутқа дейін). Осылайша темекі никотині ағзаға түседі.

Қазақстан және Қызылорда облысының жаңалықтары: Қоғам