<a href="https://kyzylorda-news.kz/">Kyzylorda-news.kz.</a> ҚР Президентінің тапсырмасы бойынша ҚР Премьер-Министрінің орынбасары Бердібек Сапарбаев бастаған Қордай ауданындағы оқиға салдарын жою жөніндегі Үкімет комиссиясы Жамбыл облысына барды. Бұл туралы Үкіметтің <a href="https://primeminister.kz/kz/news/pravitelstvennaya-komissiya-pribyla-v-kordayskiy-rayon">баспасөз қызметі</a> хабарлады.
Қордай ауылында вице-премьер аруханаға барды, топтасқан төбелес кезінде зардап шеккен тұрғындармен сөйлесті. Медициналық мекемелерге 12 адам жатқызылды, 20 адам бақылауда және емханадан шығаруға әзірленуде.
5 пациент санитариялық авиация желісі бойынша Алматы қаласына, 1 пациент Тараз қаласына ауыстырылды. Барлығына қажетті медициналық көмек толық көлемде көрсетіліп жатыр. Медициналық көмекке барлығы 127 адам жүгінді, оның ішінде 84 адам тексеруден соң үйлеріне жіберілді.
Аудан ақсақалдарымен әңгімелесу кезінде Бердібек Сапарбаев болған кикілжіңнің негізгі себептері туралы сұрады.
«Себебі – тұрмыстық кикілжің. Қазір жағдай тұрақталды. Барлығы заң бойынша, құқықтық сала аясында болуын сұраймын», – деді Сортөбе ауылының тұрғыны Арли Мусаров.
Вице-премьер ауданда тұрақтылықты қамтамасыз ету үшін Мемлекет басшысының тапсырмасы бойынша Үкімет комиссиясы арнайы келгенін атап айтты.
«Біз сіздерден, қоғамда беделі бар ақсақалдардан тұрғындарға біздің жағдайды объективті тұрғыда анықтау үшін келгенімізді түсіндірулеріңізді өтінеміз. Барлық зардап шеккендерге қажетті медициналық және басқа да көмек көрсетіліп жатыр. Қазір басты мәселе – өңірдегі тұрақтылықты қамтамасыз ету», – деді Сапарбаев.
Қордай ауданында Үкімет комиссиясы Қордай, Масанчи, Ауқатты, Сортөбе елді мекендеріндегі қазіргі жағдаймен танысып, жергілікті тұрғындармен, оқиға кезінде қаза тапқандардың отбасыларымен бірқатар кездесу өткізеді, зардап шеккендерге барады, тұрғын үйлерді, әлеуметтік және коммерциялық нысандарды аралап көреді.
Сонымен қатар жергілікті жерде әлеуметтік-экономикалық және гуманитарлық сипаттағы мәселелерді шешу бойынша шұғыл шаралар қабылданады. Облыс әкімдігімен бірлесіп қаза тапқандарды жерлеуді ұйымдастыру, келтірілген залалды бағалау және зардап шеккен меншік нысандарын қалпына келтіру бойынша көмек көрсетіледі.
Еске сала кетейік, бұған дейін Жамбыл облысының Қордай ауданындағы Масанчи ауылының тұрғындары арасында&nbsp;<a href="https://kyzylorda-news.kz/oqigalar/qordajdaghy-zhanzhalda-8-adam-mert-bolyp-40-tan-astamy-zharaqattanghan-44000/">жаппай төбелес болып</a>, одан&nbsp;<a href="https://kyzylorda-news.kz/oqigalar/qordajdaghy-zhanzhalda-8-adam-mert-bolyp-40-tan-astamy-zharaqattanghan-44000/">8 адамның көз жұмғанын</a>, қазіргі таңда осы оқиғаға қатысты&nbsp;<a href="https://kyzylorda-news.kz/oqigalar/iim-qordajdaghy-oqigha-bojynsha-47-adam-ustaldy-44008/">47 адамның ұсталғанын</a>&nbsp;хабарлаған болатынбыз.
<img src="https://kyzylorda-news.kz/wp-content/uploads/2020/02/komissia-2.jpg" alt="" />
<img src="https://kyzylorda-news.kz/wp-content/uploads/2020/02/komissia-3.jpg" alt="" />
<img src="https://kyzylorda-news.kz/wp-content/uploads/2020/02/komissia-4.jpg" alt="" />

Үкімет комиссиясы Қордай ауданына келді (ФОТО)

<a href="https://kyzylorda-news.kz/">Kyzylorda-news.kz.</a> Қазақстан халқы Ассамблеясы Қордайдағы оқиғаға қатысты мәлімдеме жасады.
«Қордайдағы оқиға ел азаматтарының әрбірінің жүрегіне қанжардай қадалды. Оқиға кезінде азаматтарымыз көз жұмды. Қазақстан халқы Ассамблеясы көз жұмған азаматтардың туған-туыстары мен жақындарына қайғыра көңіл айта отырып, зардап шеккендердің тезірек сауығып кетуін тілейді. Мемлекет басшысы жанжалдың салдарын еңсеру бойынша нақты тапсырмаларды берді. Біз Қазақстан халқын осынау іске үн қосып, қолдау білдіруді сұраймыз», – делінген ҚХА мәлімдемесінде.
Ассамблея елдің барлық өңірінде этномәдени бірлестіктердің басын қосып түсіндіру жұмыстарын жүргізіліп жатқанын хабарлайды.
«Ассамблея мүшелері кез келген қылмыстың ұлттық сипаты болмайтыны, сондай-ақ кінәлілердің бәрі заңға сәйкес анықталып, жазалануы керектігі жайлы ортақ пікір білдіреді. Сондықтан, қазіргі кездегі ең маңызды міндет – арандатушылыққа бой алдырмай, жеке адамдардың жасаған әрекеттерін тұтас ұлттарға телуге жол бермеу. Ассамблея халықтың даналығына сенім білдіреді әрі біздің азаматтарымызды, әсіресе жастарды елдегі бейбітшілік пен келісімді бұзатын және өздеріне зиян келтіретін өрескел сөздер мен әрекеттерден аулақ болуға шақырады. Қазақстан халқы әрқашан бір-бірімен бауырластық қарым-қатынастың үлгісі болып қала беретініне сенімдіміз. Балаларымыздың ортақ болашағы үшін біз ұлтаралық араздықты қоздыруға жол бермеуіміз керек», – дейді ҚХА мәлімдемесінде.
Сонымен қатар ҚХА жалған мәліметке сенбей, қоғамдық тәртіп пен қауіпсіздікті қамтамасыз ететін органдарға көмек көрсетуге, елдегі тыныштық пен бейбітшілікті сақтауға шақырады.
Еске сала кетейік, бұған дейін Жамбыл облысының Қордай ауданындағы Масанчи ауылының тұрғындары арасында&nbsp;<a href="https://kyzylorda-news.kz/oqigalar/qordajdaghy-zhanzhalda-8-adam-mert-bolyp-40-tan-astamy-zharaqattanghan-44000/">жаппай төбелес болып</a>, одан <a href="https://kyzylorda-news.kz/oqigalar/qordajdaghy-zhanzhalda-8-adam-mert-bolyp-40-tan-astamy-zharaqattanghan-44000/">8 адамның көз жұмғанын</a>, қазіргі таңда осы оқиғаға қатысты <a href="https://kyzylorda-news.kz/oqigalar/iim-qordajdaghy-oqigha-bojynsha-47-adam-ustaldy-44008/">47 адамның ұсталғанын</a> хабарлаған болатынбыз.

Қазақстан халқы Ассамблеясы Қордайдағы оқиғаға қатысты мәлімдеме жасады

<a href="https://kyzylorda-news.kz/">Kyzylorda-news.kz.</a> Қызылорда облыстық Қазақстан Халқы Ассамблеясы төрағасының орынбасары, облыстық татар этномәдени бірлестігінің белсендісі Эльдар Гафуров Қордай ауданындағы жанжалға байланысты халықты тыныштықты сақтауға, жастарды арандатуларға ермеуге, тұрғындарды сабырға шақырды.
Кеше Жамбыл облысы Қордай ауданында орын алған оқыс оқиғаға ел алаңдап отыр. Жанжалға қатысты бүгін ҚР Президенті Қасым-Жомарт Тоқаев арнайы комиссия құрып, жауапты адамдарға жан-жақты тапсырма берді. Енді мемлекет басшысының тапсырмасына орай, тез арада нақты шаралар көріліп, мәселе шешіледі деп ойлаймын. Бұл келеңсіз жағдайды тез арада тоқтату қажет. Сонымен қатар жанжалдан туындаған залалды жою керек. Халықты сабырға шақырып, бірлігімізді нығайтуға қоғам болып атсалысайық.
Мемлекет басшысы бейбітшілік пен қоғамдық келісім біздің еліміздің іргетасы екенін нықтап айтты. Осы іргетасымызды біз бұзып алмауымыз керек. Осы оқиғаны бәзбіреулер өз мүддесіне қолдануға жол бермейміз деп үміттенемін.&nbsp;
Дәл қазіргі жағдайда ел болып сабыр сақтап, бұл оқиғаның жай-жапсарын анықтау басты міндет болып отыр. Сонымен қатар Қордай ауданындағы жапа шеккен адамдарға көмек қолын созу – біздің адамдық борышымыз. Себебі, кешеден бері қаншама өрт оқиғасы орын алды. Кәсіпкерлік нысандар қиратылды. Сондықтан шығындарды өтеуге көмек көрсетейік. Халықты үрейлендірмей, тыныштықты сақтай отырып, тұрғындарды сабырға шақырамын. Мен де өз атымнан әлдекімдердің теріс әрекетіне еріп, жалған ақпаратқа сенбеулеріңізді сұраймын.
Эльдар ГАФУРОВ,
Қызылорда облыстық Қазақстан Халқы Ассамблеясы төрағасының орынбасары,
облыстық татар этномәдени бірлестігінің белсендісі

Эльдар Гафуров: Бейбітшілік пен қоғамдық келісімге сызат түспеуі керек

<a href="https://kyzylorda-news.kz/">Kyzylorda-news.kz.</a> Белгілі қызылордалық дінтанушы Бақтияр Оспанов Қордайдағы жанжалға байланысты халықты сабырға шақырды.
«Біз көбінесе ұлтқа бөлініп кетеміз. Дұрыс, негізгі құраушы ұлт – қазақ халқы. Оны мойындауымыз керек. Елбасымыз Нұрсұлтан Назарбаевтың бастамасымен арнайы мереке ретінде тойланып келе жатқан Алғыс айту күні біздің халықтың мерейін үстем етіп бергені жасырын емес. Сол мерейімізге дақ түсіріп алмауымыз қажет. Ел болғаннан кейін әртүрлі жағдай болады. Біздің бабаларымыз қаншама ғасыр бойы қиыншылықты басынан кешірді. Бабаларымыздың әр уақытта өзінің ұстамдылығымен, сабырлығымен, даналығымен, ауызбіршілікпен елді ұстап отырғанын ұмытпасақ деймін», – дейді Бақтияр Оспанов агенттік тілшісіне берген сұхбатында.
Дінтанушы тұрмыстық жанжалдан бүкіл облыс тұрғыны, ұлт пен ұлыс, тіпті, барлық халық зардап шекпеуі керектігін жеткізді.
«Ұлттың жаманы болмайды, адамның жаманы болады. Ойлап қарасақ, кейде мұндай жағдай ағайынның ішінде де болып жатады. Сол балалардың әкесі сексендегі ақсақалды соққыға жық деп айтпаған шығар. Ақылмен, сабырмен қарайтық болсақ, бұл тұрмыстық жанжалдан басталған қақтығыс. Біз оны қолдан ушықтырып отырмыз. Бір-екі адамның жамандығынан бүкіл ұлт пен ұлыс зардап шекпеуі керек. «Жоямыз, қырамыз» деп ұрандатқанымыз, үйлерін өртегеніміз – масқара жағдай. Сол өртенген үйде бесіктегі баласы жатпағанына кім кепіл? Ол үйлерде тоқсандағы аяққа тұра алмай жатқан анасы бар шығар. Осы жағын ойландық па? Бала-шағасын асырап, нан тауып отырған кәсібінде неміз бар? Мұндай масқара тірліктерге бармауымыз керек», – дейді Бақтияр Есенгелдіұлы.
Ол Қордай ауданында орын алған жағдайға кінәлі адамдар заңды түрде жазалануы тиістігін баса айтты.
«Біз қазіргі таңда халықты сабырға шақырып, заң аясында жұмыс жасауымыз қажет. Біздің елімізде заң өте қатал, соған бағынуымыз керек. Жалпы, жекелеген адамның өзара келіспеушілігі бұқаралық сипат алып кетпеуі керек деп ойлаймын. Өйткені,&nbsp;ардақты пайғамбарымыз Мұхаммед (оған Алланың салауаты мен сәлемі болсын) мұсылман үмбеті жақсы істер үшін ғана жиналатынын өсиет еткен. Пайғамбар жолын ұстанған мұсылман мұндай амалға әсте бармайтыны белгілі. Сабырға келейік, сабырға келулеріңіз жақсылыққа апарады. Байқамастан өзге бауырымызға қиянат жасап қоюдан сақ болғанымыз дұрыс», – деді дінтанушы Б. Оспанов.
Еске сала кетейік, бұған дейін Жамбыл облысының Қордай ауданындағы Масанчи ауылының тұрғындары арасында <a href="https://kyzylorda-news.kz/oqigalar/qordajdaghy-zhanzhalda-8-adam-mert-bolyp-40-tan-astamy-zharaqattanghan-44000/">жаппай төбелес болып</a>, одан <a href="https://kyzylorda-news.kz/oqigalar/qordajdaghy-zhanzhalda-8-adam-mert-bolyp-40-tan-astamy-zharaqattanghan-44000/">8 адамның қайтыс болғанын</a>, қазіргі таңда осы оқиғаға қатысты <a href="https://kyzylorda-news.kz/oqigalar/iim-qordajdaghy-oqigha-bojynsha-47-adam-ustaldy-44008/">47 адамның ұсталғанын</a> хабарлаған болатынбыз.

Белгілі қызылордалық дінтанушы Қордайдағы жанжалға байланысты халықты сабырға шақырды

<a href="https://kyzylorda-news.kz/">Kyzylorda-news.kz.</a> Қызылорда қалалық Ардагерлер кеңесінің төрағасы Сайлаубай Әбішев Қордай ауданы тұрғындарын бірлік пен ынтымаққа шақырды.
Кешеден бері Жамбыл облысының Қордай ауданындағы жанжалды, жаппай төбелесті естіп, көріп қабырғамыз қайысып отыр. Бүгін еліміздің министрі осы жанжалдан 8 адамның қайтыс болып, 40-тан астамы жарақаттанғанын мәлімдеді. Президентіміз Қасым-Жомарт Тоқаев арнайы жиын өткізіп, тұрғындар арасындағы кішігірім түсініспеушілікті арандатушылар өз мақсатына пайдаланып, үлкен дүрбелеңге ұластырғанын жеткізді. Министрлер мен жауапты басшыларға тиісті тапсырмалар беріп, қайтыс болғандар мен жапа шеккендерге көмек көрсетуді тапсырды.
Бұл жағдайға бүкіл ел болып алаңдап отырмыз. Шынын айтқанда, бұл – елдігімізге сын. Себебі, қазақ – о бастан бауырмал, әділдікті жақтаған, ардан аттамаған халық емес пе еді?!
Біреуге қол көтермек түгілі, ешкімге зәбір көрсетпеген, қиын-қыстау кезеңдерде талай ұлт пен ұлысты бауырына басып, бір үзім нанын бөліп берген, баршаға қамқор болған адамдығымыз аяққа тапталмауы керек. Мәселенің анық-қанығын білместен, дауға араласпақ тұрмақ, жанжалдасқандарды бітімге шақырып, татуластырған данышпан халықпыз.
Сондықтан, еліміздің тұрғындарын ортақ ымыраға, ауызбіршілікке, береке-бірлікке, татулыққа шақырамын. Арандатушылардың ойлағаны біреу ғана. Біздің бірлігімізге, татулығымызға сызат түсіргісі келеді. Алауыздықтан ештеңе ұтпаймыз. Қайта ұтыламыз. Отбасы отағасыз, бала әкесіз, әйел жарынан, асыраушысынан айрылғаны, оны былай қойғанда, еліміздің татулығына сына қағылғаны дұрыс емес, бауырларым. Бұл – жақсылыққа апармайды.
Баршаңызды сабырға, ынтымақ-бірлікке, ақылмен іс қылуға шақырамын!
Қазақтығымызды, азаттығымызды сақтайық!
Сайлаубай ӘБІШЕВ,
Қызылорда қалалық Ардагерлер кеңесінің төрағасы

Сайлаубай Әбішев: Қордайдағы жанжал – елдігімізге сын

<a href="https://kyzylorda-news.kz/">Kyzylorda-news.kz.</a> Үйге жыл сайын жөндеу жұмысын жасау кім кім үшін де оңайға соқпайды. Жиһаз ауыстыра беруге де шама келмеуі мүмкін. Алайда жаны қашан да әдемілікке құштар нәзік жандылар шаңырағын үнемі үйлесімділікке ұстағысы келеді. Бірнеше жыл бойы бір стильдегі үйде тұра беру үй иелерін де, қонаққа жиі келетін жақын-жуықты да жалықтырады. Сол себепті <a href="https://massaget.kz/kyizdarga/shayra/60764/">massaget.kz</a> сайты интерьерді көп шығынсыз-ақ жаңартудың бірнеше тәсілін ұсынады.
Гүлдер мен өсімдіктер
<img src="https://kyzylorda-news.kz/wp-content/uploads/2020/02/interer1.jpg" alt="" />
Үйге балғын атмосфера сыйлаудың &nbsp;бірден бір тәсілі – гүлдер мен өзге де өсімдіктер алу. Оған көп қаржы қажет емес болса да, нәтиже көңіл тоярлықтай. Мысалы, ас үстелдің үстін бір құты пион әрлесе, қонақ бөлмеге үлкен ағаштектес өсімдік қойыңыз. Оларға әдемі кашполар таңдауды ұмытпаңыз. &nbsp;
Суреттер мен постерлер
<img src="https://kyzylorda-news.kz/wp-content/uploads/2020/02/interer2.jpg" alt="" />
Бөлменің стиліне сай бірнеше фотосурет шығарып, әдемі ағаш жақтауға салып қойыңыз. Жолдасыңыз екеуіңіз сүйіп көретін бірқатар фильмдердің постерлерін ілсеңіз де болады. &nbsp;
Жарық
<img src="https://kyzylorda-news.kz/wp-content/uploads/2020/02/interer3.jpg" alt="" />
Жарық көбейтудің әдісі көп. Мысалы еденге қоятын биік лампа мұндайда таптырмас дүние. Француз интерьері стиліндегі бірнеше кішкене айна да бөлме жарығын&nbsp; арттырады. Айна арқылы тіпті жарық бағытын қадағалауға да болады.
Текстиль
<img src="https://kyzylorda-news.kz/wp-content/uploads/2020/02/interer4.jpg" alt="" />
Интерьерді көп ақша жұмсамай жаңартудың тағы бір керемет тәсілі – перделерді ауыстыру. Олармен қоса, кілемшелер, диван үстіне жабатын мата, көрпе-көпшік қаптарын да ашық әдемі өрнекті текстильмен ауыстырыңыз.
Лайфхак: Жалпы, дастархан немесе перде алған кезде оны мезгіл сайын ауыстыруды алдын ала жоспарлап бірден 4 түрлі нұсқасына тапсырыс берсеңіз болады. Мысалы көктем мен жазға арнап гүл принтті, сары-жасыл түстісін алсаңыз, күз бен қысқа тұнық көк немесе ақ матадан таңдаңыз.
Жиһаз бояу
<img src="https://kyzylorda-news.kz/wp-content/uploads/2020/02/interer5.jpg" alt="" />
Жиһаздың түсін өзгерту үшін бар болғаны бір құты бояу алсаңыз да, нәтижесі жөндеу жұмысын жасағандай көрінеді. Үйіңізді іші бірден жаңарып шыға келеді. Мысалы ас үйдегі орындықтарды бояудың өзі жетіп жатыр.

Кез келген интерьерді шығынсыз жаңартудың 5 әдісі

Құрметті қазақстандықтар!
Бүгін түнде Жамбыл облысы Қордай ауданында жергілікті тұрғындар арасында жаппай төбелес, жанжал болды.
Бұл ахуалды арандатушылар өз мақсатына пайдаланды. Өкінішке қарай, бұл оқиға кезінде адам шығыны болды.
Мен қаза болған азаматтардың отбасыларына көңіл айтамын. Зардап шеккендердің тезірек сауығып кетуіне тілектеспін.
Қазір полиция мен Ұлттық ұлан бұл жағдайды бақылауға алды.
Осыған орай, мен&nbsp;Үкімет комиссиясын&nbsp;құруды тапсырдым.
Оған Премьер-Министрдің орынбасары Бердібек Машбекұлы Сапарбаев төрағалық етеді.
Үкімет комиссиясы болған оқиғаның себебін анықтайды.
Жамбыл облысы әкімімен бірлесіп, қаза болғандарды жерлеу, зардап шеккендерге&nbsp;көмектесу жұмыстарын&nbsp;ұйымдастырады.
Сондай-ақ, жағдайды тұрақтандырумен айналысады.
Қоғамдық тәртіпті бұзғандар анықталып, қатаң жауапқа тартылатын болады.
Бас прокуратураға, Ұлттық қауіпсіздік комитетіне тиісті тапсырма бердім.
Мемлекетіміздің мүддесіне зиян келтіретін, береке-бірлігімізді бұзатын және жалған ақпарат таратқан азаматтар заң алдында жауап береді.
Уважаемые казахстанцы!
Сегодня ночью в ряде населенных пунктов Кордайского района Жамбылской области произошли стычки и&nbsp;драки&nbsp;между местными жителями.
Этой ситуацией&nbsp;воспользовались&nbsp;провокаторы.
К сожалению, есть погибшие и раненые.
Выражаю&nbsp;искренние соболезнования&nbsp;родным и близким погибших граждан.
Желаю скорейшего восстановления пострадавшим.
В настоящее время ситуация находится&nbsp;под контролем&nbsp;полиции и Национальной гвардии.
Государственным органам необходимо принять&nbsp;срочные меры&nbsp;по устранению последствий этого серьезного инцидента.
В связи с этим &nbsp;поручаю:
Первое.&nbsp;Создать&nbsp;Правительственную комиссию&nbsp;по ликвидации последствий событий в Кордайском районе под председательством заместителя Премьер-министра Сапарбаева Бердибека Машбековича.
Прежде всего, следует выяснить основные причины конфликта.
Необходимо обеспечить оперативное решение вопросов социально-экономического и гуманитарного характера.
Правительственная комиссия совместно с акимом Жамбылской области должна&nbsp;организовать похороны&nbsp;погибших, оценить размер ущерба и принять&nbsp;План восстановления&nbsp;собственности пострадавших.
Всем семьям погибших и раненых нужно оказать&nbsp;необходимую помощь.
Сейчас важно успокоить население. Привлечь&nbsp;к этой работе авторитетных людей, а также&nbsp;Ассамблею&nbsp;народа Казахстана.
Второе.&nbsp;Генеральному прокурору необходимо взять на&nbsp;особый контроль&nbsp;расследование событий в Кордайском районе и создать для этого межведомственную следственно-оперативную группу.
Виновные должны быть строго &nbsp;наказаны.
Третье.&nbsp;Комитет национальной безопасности, Генеральная прокуратура должны провести необходимые следственные мероприятия и привлечь к ответственности лиц, призывающих к межнациональной розни, распространяющих провокационные слухи и дезинформацию.
Қадірлі отандастар!
Бейбітшілік пен қоғамдық келісім – біздің мемлекетіміздің берік негізі.
Халқымыз қиын-қыстау замандарда өзінің біртұтастығын сақтап қалған.
Сондықтан, біз кейбір азаматтарға, соның ішінде арандатушыларға еліміздің басты құндылығын – ынтымақ-бірлігімізді бұзуға жол бермейміз.
Бұл еліміздегі барша азаматтарға ортақ тілек деп санаймын.
Азаматтарды жалған қауесеттерге бой алдырмауға, қоғамдық қауіпсіздікті қамтамасыз ету жұмысында құқық қорғау органдарына көмек беруге шақырамын.
Мемлекеттік органдар туындаған мәселелерді шешу үшін барлық қажетті шараларды қабылдайды.
Уважаемые казахстанцы!
Мир и общественное согласие являются&nbsp;фундаментом&nbsp;нашего государства.&nbsp;
Наш народ сохранял единство в самых сложных обстоятельствах. Мы не допустим, чтобы отдельные граждане,&nbsp;и в первую очередь провокаторы, нанесли ущерб нашему общему достоянию.
Уверен, в этом нас поддерживает абсолютное большинство наших соотечественников.
Призываю граждан не поддаваться ложным слухам, оказывать содействие органам правопорядка в обеспечении общественной безопасности.
Государственные органы со своей стороны примут все необходимые меры для решения возникших проблем.
<img src="https://kyzylorda-news.kz/wp-content/uploads/2020/02/8cc03a9eb9d7e677d4dabca99b21db11-scaled.jpg" alt="" />
<img src="https://kyzylorda-news.kz/wp-content/uploads/2020/02/b3cf376c68acda95cfd5de29756102c5-scaled.jpg" alt="" />

Мемлекет басшысы Жамбыл облысындағы жағдайға байланысты мәлімдеме жасады

<a href="https://kyzylorda-news.kz/">Kyzylorda-news.kz.</a> Пенсильвания штаты&nbsp;университетінің ғалымдары өсімдік негізіндегі диета арқылы жүрек-тамыр жүйесіндегі проблемалардан аулақ болудың жолын тапты. Бұл туралы MedicalXpress-тегі баспасөз хабарламасында айтылды.&nbsp;
<blockquote>
 «Жануарлар майының құрамында көп мөлшерде күкіртті аминқышқылдары бар, бұл созылмалы бұзылулардың ықтималдығын арттырады. Жалпы зерттеуге 11 мыңнан астам адам қатысты. Олардың қандағы нақты биомаркерлерінің деңгейі 10-16 сағаттық аштықтан кейін ғана анықталды», – дейді ғалымдар.&nbsp;
</blockquote>
Мұндай зерттеу созылмалы аурудың болуы немесе жоғары ықтималдығын көрсеткен. Ғалымдар бұл биомаркерлерге холестерин, триглицеридтер, глюкоза және инсулин кіретінін айтты. Анықталған деңгейлер негізінде жүрек-қан тамырлары аурулары қаупінің жиынтық кестесі жасалды.&nbsp;
Нәтижелерге сәйкес, еріктілер арасында күкірт бар қышқылдарды орташа тұтыну күнделікті қажеттіліктен 2,5 есе жоғары болған. Сонымен қатар, ет, сүт өнімдерінде көп кездесетін құрамында күкірт бар аминқышқылдарының (метионин және цистеин) аз мөлшері бар диеталар биомаркерлердің қауіпті деңгейлерін төмендеткен. Керісінше, жануарлардан алынатын өнімдерді жиі қолдану жынысы, жасы және гипертонияның болуы сияқты факторларды ескере отырып, жоғары кардиометаболикалық қауіпті тудыратыны белгілі болған.&nbsp;
Жемістер мен көкөністер сияқты өсімдік тағамдарын көп тұтынатын адамдардың ағзасында күкірт бар аминқышқылдары аз кездескені анықталған.
<a href="https://baq.kz/news/othernews/zh-rek-auruyn-as-yndyrmau-disi-tabyldy/">Baq.kz</a>

Жүрек ауруын асқындырмау әдісі табылды

<a href="https://kyzylorda-news.kz/">Kyzylorda-news.kz.</a> Alphabet холдингі өзіне тиесілі YouTube видеохостингі қанша табыс табатыны туралы мәліметтерді жариялады. Компания сайтында жылдық есеп жарияланды, деп хабарлайды&nbsp;<a href="https://kaz.tengrinews.kz/internet/google-brnsh-ret-youtube-hostingnn-jarnamadan-tusetn-304817/">Tengrinews.kz</a>.
Alphabet – Google-дың бас компаниясы. Олар 2006 жылы YouTube желісін 1,65 миллиард долларға сатып алған болатын. Содан кейін холдинг жарнамадан түсетін табысы туралы жазбаған.&nbsp;
2019 жылы YouTube жарнамадан 15 миллиард доллар табыс тапқан.&nbsp;
Осы қызмет түрі компанияға бүкіл табысының (162 миллиард доллар) 10 пайызына жақындаған. Alphabet табысы бір жылда 18 пайызға өскен.

Google бірінші рет YouTube хостингінің жарнамадан түсетін табысын жариялады

<h4 id="kyzylordanewskzhttpskyzylordanewskz"><a href="https://kyzylorda-news.kz/">Kyzylorda-news.kz.</a> Корольдік технологиялық университеттің (Австралия) қызметкерлері адамның тез оянып, сергек жүруіне будильниктегі әуеннің әсері бар екенін анықтады.</h4>
Ғалымдар мұндай шешімге өздері жүргізген тәжірибеден кейін келген. Аталған сынаққа 50 адам қатысқан. Тәжірибеге қатысқан еріктілер арнайы құрастырылған сұрақтарға онлайн жауап беріп отырған. Олар күнделікті будильниктің әуені мен ойнау ұзақтығына қарай ұйқыдан тұрғаннан кейінгі өздерінің жағдайларын жазып отырған. Оянғаннан кейінгі жағдайы қалай&nbsp;болды, яғни ұйқы басып тұр ма, әлде сергек оянды ма дегендей.
Сонымен, будильниктерінде баяу әуен ойнаған еріктілер ұйқыдан тұрғанда өздерін сергек сезінетіндерін айтқан.
<blockquote>
 «Біз күнделікті будильникке қоятын “пи-пи-пи” деген құлаққа жағымсыз дыбыс&nbsp;адамды тез оянып, сергек сезінуге көмектеседі деп ойлап келдік. Бірақ біздің тәжірибеміз көрсеткендей, будильникке баяу әуен қойған адамдар ұйқыларынан тез оянып, өздерін сергек сезінетіндерін айтты. Бұл күтпеген жағдай болды», – деді тәжірибе авторы Стюарт Макфарлейн.
</blockquote>
Сонымен қатар, профессордың көмекшісі Адриана Дайераның айтуынша, әдеттегі будильникте тұратын жағымсыз дыбыс&nbsp;адамның оянған кезде миының жұмысына кері әсерін тигізіп, оның көңіл-күйіне кері әсер ететінін айтады.
Ғалымдар қасымша зерттеулер арқылы адамның тез оянып, сергек сезінуіне нақты қандай әуен жақсы әсер ететінін әлі де болса анықтайтынын айтады.
<a href="https://baq.kz/news/othernews/oyu-kerek/">Baq.kz</a>

Тез ояну үшін будильникке қандай әуен қою керек

<a href="https://kyzylorda-news.kz/">Kyzylorda-news.kz</a> ақпараттық агенттігінің 8 ақпанға арналған жұлдыз-жорамалы.
Тоқты
Үй тіршілігі шаршатады. Дегенмен аз уақытқа болса да оңаша қалып, тыныштықта серуендеңіз. Бұл сізге пайдалы болмақ.
Торпақ
Бүгін жеке өміріңіз түбегейлі өзгереді. Жақын адамыңыз баға жетпес сый жасайды. Осыдан кейін оның сізге деген құрметі зор екеніне көзіңіз жетеді.
Егіздер
Бүгінгі күн алдағы күндерге жоспар жасауға өте қолайлы болмақ. Үй шаруасын жасап, иығыңыздан ауыр жүк түскендей сезімде боласыз.
Шаян
Керемет күн. Ешқандай мәселе туындамай, барлық ойларыңыз жүзеге асатын болады. Бұл сізді қуантады.
Арыстан
Қиын жағдай туындаса да еш мойымаңыз. Өйткені барлық мәселе өз орнымен шешімін табатын болады.
Бикеш
Көтеріңкі көңіл-күй барлық мәселенің шешілуіне оң ықпалын тигізетін болады. Ең бастысы денсаулығыңызды күтіңіз.
Таразы
Бүгін ескі досыңызбен кездесесіз. Бұл кездесуде қуанышқа кенелесіз. Келер жылы досыңыздың арқасында біраз жетістікке жететін боласыз.
Сарышаян
Бүгін енжарлық танытасыз. Келешегіңізге алаңдаулысыз. Аздап жүйкеңіз сыр береді. Көп ойлана бермеңіз.
Мерген
Бүгін өте қуаныштысыз. Махаббатта жолыңыз болады. Сізге түсіністік танытатындар да бар.
Тауешкі
Күніңіз сәтті өтеді. Барлық шаруаны игере аласыз. Өткен күндерде өкінішіңіз болғанымен, бүгін өзіңізді жайлы сезінесіз.
Суқұйғыш
Романтикалық көңіл-күйіңіз бен өзгеріске деген құштарлығыңызды күнделікті күйбең тіршілік жоя алмайды. &nbsp;
Балықтар
Жұлдыздар бүгін жаңа махаббат дастанын бастан өткеретініңізді айтады. Сондай-ақ денсаулығыңызға зиян тағамдардан алыс болуды ескертеді.

Жұлдыздар не дейді?

1924 жылы «Еңбекшіл қазақ» газетінің төртінші бетінде аптасына бір рет шығатын жастар беті ашылды. «Лениншіл жас» деп аталатын осы беттің редакторы Е.Алдоңғаров болды. 1925 жылдан бастап «Жас қайрат» атты дербес газет болып шықты.
2005 жылы Қазақстанда бірінші Халықаралық арбитражды сот ашылды. Ашылуына себепкер болған 2004 жылы желтоқсанның 28-інде қабылданған Қазақстан Республикасының «Аралық соттар туралы» және « Халықаралық коммерциялық арбитраж туралы» заңдары. Қазақстандық халықаралық арбитраж (ҚХА) – тұрақты қызмет ететін арбитражды институт, ол келіскен жағдайда пайда болатын дауды қарастырады.
2006 жылы Қазақстанда «Құрметті машина жасаушы» белгісі белгіленіп, ол ҚР Индустрия және сауда министрінің атынан берілетін болды.
2012 жылы ҚР Тұңғыш Президенті–Елбасы Нұрсұлтан Назарбаев ГФР сапары кезінде Берлиндегі Қазақстан елшілігінің жаңа әкімшілік ғимаратында болды. Ғимарат қазақтың киіз үйінің жабдықтарымен безендірілген.
2013 жылы алғаш рет Ш.Айманов атындағы Қазақфильмнің туындысы, Э.Байғазиннің «Уроки гармонии» фильмі Берлинале байқауына қатысты.

Қазақстан және Қызылорда облысының жаңалықтары: Қоғам