<a href="https://kyzylorda-news.kz/">Kyzylorda-news.kz.</a> Дүйсенбі елімізде қар немесе жаубыр жауады, тұман түсіп, көктайғақ болады, солтүстік пен шығыс өңірлерде жаяу бұрқасын соғады, деп хабарлайды Қазгидромет.
<blockquote>
 &nbsp;«Дүйсенбі, 10 ақпанда Қазақстан территориясының басым бөлігі терең циклон жырасының әсерінде болады, сонымен байланысты жауын-шашын күтіледі (жаңбыр, қар). Тек республиканың батысында жауын-шашынсыз ауа райы сақталады. Республика бойынша кей жерлерде тұман, көктайғақ болады, жел күшейеді, солтүстік пен шығыста жаяу бұрқасын сақталады», делінген болжамда.
</blockquote>
Шығыс Қазақстан облысында жел 15-20, кей жерлерде 23-28, екпіні 30 м/с және аса күшейеді, кей жерлерде жаяу бұрқасын, жолдарда көктайғақ күтіледі.
Жамбыл, Түркістан облыстарының кей жерлерінде тұман, көктайғақ, желдің күшеюі 15-20, екпіні 23-28 м/с, Жамбыл облысының оңтүстік-батысында 30 м/с жетеді, кейде одан да асып кетеді.
Қызылорда, Қарағанды облыстарының кей жерлерінде тұман, көктайғақ болады, желдің күшейіп 15-20 м/с жетеді.
Павлодар облысының кей жерлерінде тұман, көктайғақ, жаяу бұрқасын, түнде жел күшеіп, жылдамдығы 18 м/с жетуі үмкін.
Ақмола облысының кей жерлерінде тұман түседі, көктайғақ, жаяу бұрқасын соғуы ықтимал.
Маңғыстау, Ақтөбе облыстарының кей жерлерінде тұман, көктайғақ күтіледі. Батыс Қазақстан, Қостанай облыстарында, түнде Солтүстік Қазақстан облысының кей жерлерінде тұман күтіледі.
&nbsp;Алматы облысында Жалаңашкөл ауданында жел 18-23 м/с күшейеді.

Дүйсенбіге арналған ауа райы болжамы

1934 жылы Бүкілресейлік орталық атқару комитеті президиумының қаулысымен кеншілер орталығы Қарағанды ресми түрде қала мәртебесін алды.
1940 жылы “Том и Джерри” мультфильмінің бірінші сериясы экранға жол тартты.
1992 жылы Н.Гоголь атындағы Қызылорда педагогикалық институтына Қорқыт атаның есімі берілді.
2000 жылы Елбасы Назарбаевтың Жарлығымен Қазақстанның әскери доктринасы бекітілді.
** 
2001 жылы** Мәскеуде шығатын «Юность» журналының 2000 жылғы соңғы нөмірі толығымен Қазақстанға арналған.
2001 жылы Қызылорда қаласындағы Н.Нариманов көшесіне Еңбек Қызыл Ту, “Құрмет белгісі” орденінің иегері Жабақ Берденовтің есімі берілді.
2009 жылы космонавтика тарихында алғаш рет Жер орбитасында жасанды спутниктер соқтығысты.
2011 жылы Қызылорда қаласындағы Н.Нариманов атындағы көшеге заңгер, Еңбек Қызыл Ту, «Құрмет белгісі» орденінің иегері Жабақ Берденовтың есімі берілді.

10 ақпан: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпарат агенттігінің 10 ақпанға арналған жұлдыз-жорамалы.
Тоқты
Маңызды әрі қиын істі бастауға таптырмас күн. Сіз алғашқы жетістіктерге өте тез жетесіз әрі алға жылжу оңай болады. Осы маңызды істе көмекшілер табылып, одақтастар қол ұшын созады.
Торпақ
Күні бойы адамдармен қарым-қатынас кезінде мүлдем ашылып сөйлемейсіз. Көп адамдарға тез сенгіш және көңілшек адам ретінде көрінесіз. Бүгін сізді пайдаланып кеткісі келетіндердің қатары өте көп.
Егіздер
Егер уақытты босқа жоғалтпасаңыз, күннің алғашқы жартысында біраз шаруа тындырасыз. Маңызды мәселелер мен кездесулерге толы күн. Сондықтан тез шешім қабылдауға дайын болыңыз.
Шаян
Берекелі және сәтті күн. Көптен бері бастаған жұмыстарыңызды аяқтап, жаңа істі қолға аласыз. Айтарлықтай жетістіктерге қол жеткізесіз.
Арыстан
Сіз ойлағандай оңай күн емес. Бірақ, бәрі қолыңыздан келеді. Алға қойған мақсатыңыздан бас тартпаңыз, себебі, кез келген қиын істе тәжірибеңіз алып шығады.
Бикеш
Бүгін көп жұмыстарыңыз жақсылықпен аяқталады. Кездескен қиындықтардың бәрі сіздің жігеріңізді жасытпақ емес. Мақсатыңызға жетудің күтпеген жерден шешімі табылады.
Таразы
Қандай жағдай болмасын бүгін сабырлы болыңыз. Ашуға бой алдырамын деп жүріп көптеген қателіктерге жол беруіңіз ғажап емес. Қалаған нәрсеңізге қол жеткіземін деп басыңызға таудай бәле тілеп алмаңыз.
Сарышаян
Күннің алғашқы жартысында аздаған келеңсіздіктер орын алады. Бірақ, сабырлылық танытсаңыз, өздігінен шешімін табады. Бүгін ұсақ-түйек мәселелерге бас ауыртпай, көңілді жүріңіз.
Мерген
Бүгін тепе-теңдік сақтау өте қиын болады. Көңіл-күйіңіз тұрақсыз, тез ашуланасыз. Болмашы нәрселерге жанжал шығарып, жақындарыңызбен сөзге келіп қаласыз.
Тауешкі
Бүгінгі жұмысыңызда көптеген жетістіктерге жетесіз. Өзіңізді еркін ұстаңыз, басқа біреулердің билік жүргізуіне жол бермеңіз. Жақындарыңыздың ақыл-кеңесіне жүгінбей-ақ қойыңыз себебі, ол сіз үшін пайдасыз.
Суқұйғыш
Өзгелермен қарым-қатынас кезінде аса мұқият әрі сақ болыңыз. Оларға өзіңіздегі маңызды ақпараттарды, әсіресе, жоспарларыңыз бен идеяларыңызды айтып қоймаңыз. Онша таныс емес адамдармен арақатынасыңыз сізге зиянын тигізуі мүмкін.
Балықтар
Барлық жағынан сәтті күн. Тек асығыстық танытпаңыз: мақсатыңызға сабырмен, бірқалыпты күйде әрекет етсеңіз, ұтылмайсыз. Кәсіби тұрғыда көптеген жетістіктерге жетесіз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> &nbsp;Әлемде күн сайын 27 мың адам қатерлі ісігі бар екенін анықтайды және күн сайын әрбір бесінші адам көз жұмады.
Жарты ғасыр бұрын қатерлі ісік қарттардың ауруы болып саналса, соңғы жылдары жасарып келеді. Әлемде қатерлі ісіктің 100-ге жуық түрі бар.
Көптеген жылдар бойы қатерлі ісікті зерттеген мамандар аурудың алдын алуға арналған бірнеше кеңестер береді.
Белсенді өмір салты
Біріншісі – салауатты өмір салтын ұстану. Физикалық белсенділіктің жоқтығы метаболизмді баяулатады. Одан артық салмақ пен ауру пайда болады.
Денені шынықтыру үшін жаттығу залына барып жаттығудың қажеті жоқ. Күнделікті жаттығулар немесе саябақта ұзақ серуендеу жеткілікті. Сондай-ақ уақтылы ұйықтауды ұмытпаған жөн. Ұйқының қанбауы созылмалы стрессті туындатады, ал стресс онкологияның дамуына да себеп болады.
Дұрыс тамақтану
Егер күн сайын шұжық, тұшпара, кәуәп тұтынатын болсаңыз, асқазан мен тік ішекте қатерлі ісіктің пайда болу қаупі 43%-ға артады.
Қызыл және өңделген етті тауықтың төс етіне алмастырған дұрыс. Қара жапырақты аскөк, теңіз балдырлары, сарымсақ – міне, осылар аурудың дамуына жол бермейтін элементтер мен антиоксиданттар жиынтығы.
Алкоголь және темекі шегу
Өкпенің қатерлі ісігі онкологиялық аурулар тізімінде көш бастап тұр. Әрбір бесінші науқасқа осы диагноз қойылады екен.
Өкпеде қатерлі ісіктің пайда болуының себептері көп. Бірақ ғалымдар ісіктің ең мықты қоздырғыштарының бірі канцероген екенін дәлелдеді. Ал темекі түтінінің өзі – канцероген.
<a href="https://24.kz/kz/zha-aly-tar/bylu-manyzdy/item/372208-k-ndelikti-mirde-aterli-isikti-pajda-boluyna-ne-ser-etedi">«Хабар 24»</a>

Күнделікті өмірде қатерлі ісіктің пайда болуына не әсер етеді?

<a href="https://kyzylorda-news.kz/">Kyzylorda-news.kz.</a> &nbsp;Ұлттық тестілеу орталығының басшысы Дидар Смағұлов талапкер қандай жағдайда ҰБТ-дан бір жылға шеттетілуі мүмкін екенін айтты, – деп хабарлайды&nbsp;<a href="https://kaz.tengrinews.kz/science/talapker-ubt-dan-kanday-jagdayda-br-jyilga-shettetlu-mumkn-304911/">Tengrinews.kz</a>.
<blockquote>
 “ҰБТ жылына төрт рет – қаңтар, наурыз, тамыз және маусым айларында өтеді. Үш ҰБТ қорытындысы бойынша, маусым айынан басқасы, талапкер коммерциялық бөлімге түсе алады. Маусымда мемлекеттік гранттар бөлінеді. Мысалы, қаңтардағы тестілеу кезінде бір оқушының орнына басқа адам кіргені анықталса, талапкер бір жыл бойы емтихан тапсыра алмайды, кейін тестті қайта тапсырғанда ғана коммерциялық оқуға түсуге мүмкіндік бар”, – деді брифингте Смағұлов.
</blockquote>
Ол сондай-ақ, мұндай жаза емтиханға бірнеше рет смартфон кіргізгенде болатынын атап өтті.
<blockquote>
 “Мысалы, біз оны қаңтарда, кейін наурызда тағы смартфонмен ұстап алдық делік. Онда оқушы бір жыл бойы тест тапсыра алмайды. Олар грантқа үміткер бола алмайды және емтиханға кірмейді”, – деп түсіндірді ол.
</blockquote>
Смағұловтың айтуынша, бұл жаңа ереже қабылданды және жақын арада “Ашық НҚА” сайтында жарияланады.

Талапкер ҰБТ-дан қандай жағдайда бір жылға шеттетілуі мүмкін?

<a href="https://kyzylorda-news.kz/">Kyzylorda-news.kz.</a> Қазақстандық әйелдер күйеулерінің рұқсатынсыз аборт жасатпауы керек! Магеррам Маггерамовтың осы ұсынысын кейінгі уақытта талқыламаған адам кемде-кем. Бірі бұл әйелдердің құқығын шектеу десе, екіншілері керісінше ойға қонымды бастама деп пікір айтуда. Сонымен, Мәжіліс депутатының бұл бастамасының астарында не жатыр? Жыл сайын жасанды түсік жасататындардың саны артып келе ме?
&nbsp;Денсаулық сақтау министрлігінің ашық дереккөздерде жариялаған соңғы статистикасын көзіміз шалды. Жылына елімізде кем дегенде 30 мың сәби дүние есігін ашпай, аборттың құрбаны болады екен.
«Баланы медициналық жолмен алдырып тастау ұлттық қауіпсіздіктің деңгейіндегі мәселе» дейді Маггерам Магеррамов. Қазір Мәжілісте халық денсаулығы және денсаулық сақтау жүйесі туралы кодекс қаралып жатыр.
<blockquote>
 «Мен мынадай ұсыныс жасадым. Мемлекеттік орган тіркеген заңды некеде тұрған әйел түсік жасату мәселесін жолдасымен ақылдаса отырып жасату дегенді ұсындым. Себебі, неке және отбасы туралы заңда неке куәлігін алғаннан кейін ер мен әйел тең құқық пен жауапкершілікке ие болады делінген. Онда барлық мәселе ортақ шешілу керек деп жазылған. Яғн денсаулық кодексіндегі заңдар неке туралы заңға қайшы келіп тұр ғой», – деді ҚР Парламент мәжілісінің депутаты Магеррам Магеррамов.&nbsp;
</blockquote>
Депутат Маггерамов бала көтеру әйелдің денсаулығына кері әсер ететін болса, онда түсік жасату керек дегенмен келісетінін жеткізді. Сондай-ақ, жолдасынан рұқсат алу – отбасылы азаматтарға ғана қатысты. Ал, некесіз бала көтеріп, оны алдырып тастаймын дейтін әйелдер өздері білетін болып тұр.
Қолданыстағы Халық денсаулығы және денсаулық сақтау жүйесі туралы кодексті ашып қарадық. Жүктілікті жасанды түрде үзу бабында ер-азаматтардың құқығы туралы бір ауыз сөз жоқ. Кейінгі өзгерістерден кейін болмайтын да сияқты.
<blockquote>
 «Аборт жасататындардың үлес салмағы жыл сайын өсіп бара жатыр. Оны мойындау керек.&nbsp;Аборт жасау бірінші болып қабыну, жыныс органдарының қабынуға әкелуі мүмкін, асқыну деген тағы бар. Сол жағы болу мүмкін. Екінішісі ол бедеулікке бедеулікке әкелуі мүмкін. Болашақта ана болуына кедергі болуы мүмкін», – дейді гинеколог Нұржамал Өтемұратова.&nbsp;
</blockquote>
Заң бірінші кезекте халыққа арнап жазылады және өзара қарым қатынаста белгілі жүйенің болуын көздейді. Аяғы ауыр әйел аборт жасатар алдында күйеуімен ақылдасуы керек пе?
<blockquote>
 «Олай немқұрайлы қарамау керек те. Жан жақты ақылдасып бір шешімге келу керек. Немқұрайлы бір өзі ондай жауапкершілік алмауы тиіс», «Бұл мәселені әйел адам ғана емес, ер кісі де шешу керек деп ойлаймын», «Күйеуімен қай жағдай болмасын&nbsp;ақылдасуы керек қой. Ондай шешімді бір өзі қабылдауына болмайды», – деп пікір білдіріпті қарапайым тұрғындар.&nbsp;
</blockquote>
Бұл мәселеге де біржақты қарауға болмайды. Отбасылардың бәрі бірдей бақытты, еріккеннен аборт жасатуға бармайды. Кейбірін шаңырағындағы проблемалар итермелеуі мүмкін .
<blockquote>
 «Ертеңінен шошиды. Баланың тағдыры не болады деп. Сондықтан олар бойына біткен баланы ертеңін ойлап, өзінің ертеңін ойлап құтылуыды ойлайтын ата-аналар бар. Ертеңіне сенім жоқ.&nbsp;Өзі табыс таппайтын, үнемі соққыға жығатын, зорлық-зомбылық көрсететін жұбайымен ол қалай ақылдасады?», – деді қоғам белсендісі Айша Құрманғалиқызы.&nbsp;
</blockquote>
Аборт жасату мәселесіне тек біржақты қарауға болмайтыны түсінікті. Сөзімнің басында айтқанымдай, жылына кемі 30 мың жасанды түсік жасалады. Статистика өсіп келеді. Бұл проблеманы заңға бірер өзгеріс жасап шешіп тастай алмасымыз анық.
<a href="https://stan.kz/kazakstanda-ayelder-tusik-zhasatu-ushin-kuyeulerinen-ry-326979/">Stan.kz</a>

Қазақстанда әйелдер аборт жасату үшін күйеулерінен рұқсат алатын болады

<a href="https://kyzylorda-news.kz/">Kyzylorda-news.kz.</a> Coface халықаралық сақтандыру компаниясының сарапшылары әлемдегі 162 ел экономикаларының тәуекелдерін бағалады, деп хабарлайды <a href="https://24.kz/kz/zha-aly-tar/o-am/item/372472-coface-aza-stan-men-zbekstan-ortaly-aziya-ajma-ynda-y-e-au-atty-elder">«Хабар 24»</a>.
Халықаралық инвесторлар бұл баяндаманы мемлекеттердің тұрақтылығын анықтайтын бағдар ретінде қолданады. Coface мәліметінше, Қазақстан мен Өзбекстан Орталық Азия аймағындағы ең ауқатты елдер. Оларға Б рейтингі берілді. Бұл шетел серіктестері үшін тәуекелдің орта деңгейін білдіреді. Қазақстанның артықшылықтары ретінде сарапшылар халықаралық инвесторлардың қолдауы, несиелерді өтеу қабілеттілігі және Еуропа мен Қытай ортасындағы стратегиялық орналасуын атады. Ал, осал тұстарының бірі – табиғи байлықтарға тәуелділігі аталып отыр.
«Қазақстан – аймақтағы ең маңызды экономика. Өйткені пайдалы қазбалары мол, беделді шетел инвесторлары бар және Қазақстан арқылы Қытайды Ресеймен және Еуропамен жалғайтын Орталық Азиядағы жалғыз теміржол өтеді. Алайда аймақта мемлекеттік басқару мен кәсіпорындар арасындағы қатынастарға қатысты іскер ортаны жақсартып, сыбайлас жемқорлықпен күресу қажет», – экономист Доминик Фруштер.

Coface: Қазақстан мен Өзбекстан – Орталық Азия аймағындағы ең ауқатты елдер

<a href="https://kyzylorda-news.kz/">Kyzylorda-news.kz.</a> Тәуелсіздік жылдары Қазақстанда Ана мен баланы қолдаудың ұлттық моделі құрылған, ол 8 мемлекеттік жәрдемақы мен 3 төлемнен тұрады. Жалпы алғанда, бұл мақсаттарға 2020 жылы 682,9 млрд теңге қарастырылған, деп хабарлайды ҚР еңбек және халықты әлеуметтік қорғау министрлігінің баспасөз қызметі.
Бала тууды ынталандыру және отбасында балаларды тәрбиелеуге жәрдемдесу мақсатында 2003 жылғы 1 қаңтардан бастап бала туғанда берілетін бір жолғы жәрдемақы енгізілді, оның мөлшері отбасындағы балалардың санына байланысты сараланған. Сонымен, 2020 жылы бірінші, екінші, үшінші баланың туылуына байланысты берілетін біржолғы жәрдемақы мөлшері 38 айлық есептік көрсеткішті (бұдан әрі – АЕК) немесе 100 738 теңгені құрайды, ал төртінші және одан да көп балаға 63 АЕК немесе 167 013 теңге төленеді.
2019 жылы төлемнің орташа мөлшері 109 370 теңгені құрады, оны 43,8 млрд теңгеге 400 022 адам алды. 2020 жылы төлемнің орташа мөлшері 114 788 теңгені құрайды. Бұл мақсатқа 45,2 млрд теңге бағытталады.
2006 жылдан бастап жұмыс істемейтін ата-аналарға бір жасқа дейінгі бала күтімі үшін мемлекеттік жәрдемақы қарастырылған. Ол отбасының табысына қарамастан тағайындалады және оның мөлшері төртінші балаға дейін артып отырады (бірінші балаға – 5,76 АЕК немесе 15 270 теңге, екінші балаға – 6,81 АЕК немесе 18 054 теңге, үшінші балаға – 7,85 АЕК немесе 20 811 теңге, төртінші және одан кейінгі балаларға – 8,9 АЕК немесе 23 594 теңге).
Мұндай жәрдемақыны өткен жылдарыы жалпы сомасы 34,7 млрд теңгеге 138 466 адам алды. Төлемнің орташа мөлшері 20 886 теңгені құрады. 2020 жылы аталған жәрдемақыны төлеуге 39 млрд теңге бағытталады, оның орташа мөлшері 22 663 теңгені құрайды.
2008 жылдан бастап жұмыс істейтін ата-аналарға Мемлекеттік әлеуметтік сақтандыру қорынан (бұдан әрі – МӘСҚ) жүктілікке және босануға байланысты табысынан айрылған жағдайда төлемдер қарастырылған, бұл олардың табысының 40% құрайды.. 2019 жылдың қорытындысы бойынша 77,5 млрд теңге сомаға 191,4 мың адам төлем алды. Ағымдағы жылы бұл мақсатқа 86,4 млрд теңге бөлу жоспарланған.
Мемлекеттік әлеуметтік сақтандыру қорынан жұмыс істейтін ата-аналарға бір жасқа толғанға дейінгі баланың күтіміне байланысты берілетін төлемдерді 894 млрд теңгеге 434 мың адам алды. Ағымдағы жылы төлемдердің жалпы сомасы 100,1 млрд теңгені құрайды.
2010 жылдан бастап мүгедек балаларды тәрбиелеп отырған ата-аналары мен қамқоршыларына 1,4 ең төменгі күнкөріс деңгейі мөлшерінде жәрдемақы енгізілді. Оның мөлшері 2019 жылы 41 578 теңгені құрады. Оның мөлшері 2019 жылы 41 578 теңгені құрады. Аталған жәрдемақыны 85 229 адам жалпы сомасы 38,1 млрд теңгеге алды. Ағымдағы жылы жәрдемақы көлемі 43 657 мың теңгені құрайды, бұл мақсатқа 48,1 млрд теңге бөлінді.
2018 жылдан бастап 18 жастан асқан бала кезінен бірінші топтағы мүгедекке күтім жасау үшін жаңа ай сайынғы жәрдемақы енгізілді. Оның мөлшері де 1,4 ең төменгі күнкөріс деңгейіне тең. 2019 жылы бұл мемлекеттік жәрдемақыны жалпы сомасы 6,1 млрд теңгеге 13 692 адам алды. 2020 жылы бұл мақсатқа 8,6 млрд теңге қарастырылған.
Бұдан басқа, ананы қолдау және ананың беделін арттыру мақсатында 2010 жылдан бастап көпбалалы аналарды «Алтын алқа» және «Күміс алқа» белгілерімен марапаттау шарттары өзгертілді. «Алтын алқа» алқасымен жеті және одан да көп балалары (бұрын – он және одан да көп) бар аналар, ал «Күміс алқа» алқасымен алты баланың анасы (бұрын – сегіз) марапатталады. Сондай-ақ оларға төленетін мемлекеттік жәрдемақының мөлшері 3,9-дан 6,4 АЕК-ке дейін ұлғайтылды. 2019 жылы аталған жәрдемақының мөлшері 16 160 теңгені құрады. Оны жалпы сомасы 45,7 млрд теңгеге 234 941 адам алды. 2020 жылы аталған жәрдемақыны төлеуге 47,5 млрд теңге салынды, төлемнің орташа мөлшері 16 967 теңгені құрайды.
Сонымен қатар, базалық деңгейде әлеуметтік сақтандыру төлемдері, мемлекеттік әлеуметтік жәрдемақылар, мүгедектігі бойынша және асыраушысынан айрылу жағдайы бойынша төлемдер қарастырылған. Аталған жәрдемақы жыл сайын ең төменгі күнкөріс деңгейіне байланысты арттырылады. Мәселен, 2019 жылы 16 жасқа дейінгі мүгедек балаларға берілетін жәрдемақы мөлшері 41 578 теңгені, 16 жастан 18 жасқа дейінгі мүгедек балаларға: бірінші топ-57 021 теңгені, екінші топ-47 220 теңгені, үшінші топ – 35 638 теңгені құрады. 2019 жылы асыраушысынан айрылу жағдайы бойынша мемлекеттік әлеуметтік жәрдемақының мөлшері 25 541 теңгеден 76 027 теңгеге дейін болды. 2020 жылғы 1 қаңтардан бастап аталған жәрдемақы 5 %-ға өсті. 2020 жылы оны төлеуге 75 млрд теңге қарастырылған.
Сонымен қатар, 2014 жылдың басынан бастап жұмыс істейтін әйелдер үшін бір жасқа дейінгі бала күтімі бойынша демалыста болған кезеңінде олардың зейнетақы жинақтарын ұлғайтуға, зейнетақымен қамсыздандырудың барабар деңгейіне қол жеткізуге ықпал ететін міндетті зейнетақы жарналарын субсидиялау енгізілді. 2019 жылы мемлекеттік әлеуметтік сақтандыру қорынан бір жасқа дейінгі бала күтімі үшін 87,8 мыңға жуық әлеуметтік төлем алушылардың жеке зейнетақы шоттарына республикалық бюджеттен 5 миллиард теңге аударылды. Сонымен қатар, 2014 жылдан бастап барлық кезеңде субсидия көлемі 25,9 млрд теңгені құрады. 2020 жылы болжам бойынша, жұмыс істейтін әйелдер үшін міндетті зейнетақы жарналарын субсидиялауға, олардың бір жасқа дейінгі бала күтімі бойынша демалыста болу кезеңінде 5,9 млрд теңге бөлінеді.
Көпбалалы отбасыларды қолдау 4 және одан да көп кәмелетке толмаған немесе 23 жасқа дейінгі күндізгі оқу бөлімінде оқитын студент балалары бар отбасыларға жаңа мемлекеттік жәрдемақы төлеу есебінен қамтамасыз етілген. Аталған мемлекеттік жәрдемақы 2020 жылғы 1 қаңтардан бастап отбасының табысына қарамастан сараланған мөлшерде төленеді: 4 балаға – 42 496 теңге; 5 балаға – 53 127 теңге; 6 балаға – 63 757 теңге; 7 және одан да көп балаға – 74 388 теңге. Ағымдағы жылғы қаңтар айында 369 мың отбасы жәрдемақы тағайындалып, оларға 17 млрд теңгеден астам қаржы төленді.
2020 жылы мемлекеттік жәрдемақылар мен төлемдерді төлеуге 682,9 млрд теңге көзделген.

Қазақстанда ана мен балаға берілетін жәрдемақы мен төлемдердің 11 түрі бар

<a href="https://kyzylorda-news.kz/">Kyzylorda-news.kz.</a> Ғарышты зерттеу сіз ойлағандай оңай шаруа емес. Оған қоса көкке бір ғарыш кемесін ұшырудың өзіне бірнеше миллион доллар шығындалу қажет.
Уақыт өте ғарышты игерудің өзінде қаржыны үнемдеуге талпыныстар жасалып келеді. Мысалы SpaceX компаниясы Falcon 9 мен Falcon Heavy зымырандарының кейбір бөліктерін бірнеше мәрте қолдана алатындай етіп жасаған. Ал оларды Жерге қалай аман-есен түсіреді деп ойлайсыз? 2015 жылы компания ғарыштың маңызды бөліктерін Жерге зақым келтірмей қондыруды қолға алды. Алғашқы кезде бұл мүмкін еместей көрінген. Дегенмен ғалымдар тәжірибе жинақтап, зымыранның бөлігін мұхитта жүзіп жүрген платформаға қондыруды үйренді. Қазірге дейін SpaceX компаниясы 43 ғарыш сатысын қайтарып, оның 24-ін қайта аспанға ұшырды.
SpaceX қаржыны қалай үнемдейді?
Қазіргі таңда компания зымыранның маңызды бөлігі — бас ағызғышты бірнеше мәрте қолдануды қолға алған. Пішіні конус тәрізді бөлік зымыранның ең ұшында орналасқан. Ол ауа кедергісін азайтып, зымыранның көкке жылдам көтерілуіне себеп болады. Сондай-ақ ағызғыш жүкті ыстық температурадан қорғау қызметін атқарады.
Ағызғыш көміртекті талшық пен алюминийден жасалады. Оған қоса қиын электроникадан тұрады. Сол себепті бұл бөліктің құны $6 миллионды құрайды. Falcon 9 зымыранының жалпы құны $60 миллион болса, тек бас ағызғышы жалпы соманың 10% құрайды екен. Демек компанияны бұл құрылғына бірнеше мәрте қолдану арқылы бірталай қаржыны үнемдей алады.
SpaceX компаниясының бірнеше мәрте қолданылатын зымырандары
2019 жылдың сәуір айында SpaceX компаниясы Falcon Heavy тасығыш-зымыранын Жерге сәтті қондырды. Ғарыш аппараты GO Ms Tree деп аталатын арнайы жасалған кеменің үстіне орнатылған торға түсті. Бұл кеменің ұзындығы 62 метр, ені 10 метрді құрайды. Оған қоса ғарыш аппаратына басқарылатын парашют орнатылған. Бір айта кетерлігі, кеме қонарда екі бөлікке бөлініп кетеді.
Ал тамыз айында Falcon 9 тасымалдаушы кемесін ұшырып, орбитаға Spacecom AMOS-17 деп аталатын байланыс серігін жеткізді. SpaceX компаниясы бұл миссия үшін бір тиын да ақша алмаған.
<a href="https://massaget.kz/layfstayl/tehno/60789/">Massaget.kz</a>

Ғарыш: SpaceX қаржыны қалай үнемдейді?

<a href="https://kyzylorda-news.kz/">Kyzylorda-news.kz.</a> Нарколог, психотерапевт, медицина ғылымдарының докторы Даниил Покровский ең зиян алкоголь түрін атады, деп хабарлайды&nbsp;<a href="https://kaz.tengrinews.kz/densaulyq/en-ziyan-alkogol-tur-ataldyi-304825/">Tengrinews.kz</a>.
Дәрігердің айтуынша, ең зиян ішімдік түрі – сыра.
«Сыраның ағзаға тигізер кері әсері көп. Сондықтан нарколог әрі психотерапевт ретінде бұл ішімдікке тыйым салу қажет деп санаймын. Оның құрамында пайдалы заттек жоқ. Ондағы көпіршіктің жүрекке зияны бар», – дейді Покровский.
Сондай-ақ, нарколог сыраның құрамындағы кобальттың (химиялық элемент, күміс түсті ауыр металдан алынады) кардиопатияға әкеп соғатынын, салдарынан адамның өліп кетуі мүмкін екенін айтады.
Психотерапевт сыраға қарағанда қызыл шараптың зияны азырақ дейді.

Ең зиян алкоголь түрі аталды

1925 жылы Қазақстан астанасы Орынбордан Қызылордаға көшірілді.
1931 жылы ақиық ақын, аудармашы, драматург, Қазақстанның Мемлекеттік сыйлығының лауреаты, «Ғасыр ақыны» атағының иегері МАҚАТАЕВ Мұқағали дүниеге келді.
1935 жылы Қазақ АССР Орталық Атқару комитеті төралқасы Республиканың негізгі ұлтының атауын орыс тілінде «казахи», ал республика атауын «Казахстан» деп жазу жөнінде қаулы етті. Мұнан бұрын «казаки», «Казакстан» деп жазылатын. 1985 жылы Қазақстан жазушылар одағы Мұқағали Мақатаев атындағы сыйлықты бекітті.
1938 жылы Қызылорда облыстық тұтынушылар қоғамы құрылды.
1983 жылы Қызылорда облысы Жосалы кентіндегі Сарыөзек көшесіне халық ақыны Тұрмағамбет Ізтілеуовтің есімі берілді.
1994 жылы Қызылорда қаласындағы Пионерская көшесіне Тоғанас батырдың есімі берілді.
2000 жылы Мұқағали Мақатаевтың «Аманат» таңдаулы өлеңдер жинағы Қазақстан Республикасының мемлекеттік сыйлықтың иегері атанды.
2011 жылы Қызылорда көшелерінің біріне қоғам қайраткері Қозытай Әбуовтың есімі берілді.
2015 жылы ҚР Тұңғыш Президенті–Елбасы&nbsp; Нұрсұлтан Назарбаев жастардың мемлекет және қоғам өміріне белсенді қатысуын, олардың әлеуметтік инфрақұрылымға қолжетімділігін қамтамасыз етуге, жастар саясатын іске асыруда мемлекеттік органдардың жауапкершілігін арттыруға бағытталған «Мемлекеттік жастар саясаты туралы» Қазақстан Республикасының Заңына қол қойды.
2016 жылы ҚР Тұңғыш Президенті–Елбасы&nbsp; Нұрсұлтан Назарбаев «Сотталған тұлғаларды қайтару туралы Қазақстан Республикасы мен Үндістан Республикасы арасындағы келісімді ратификациялау туралы» ҚР Заңына қол қойды.

9 ақпан: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 9 ақпанға арналған жұлдыз-жорамалы.
Тоқты
Көлік алуға, жағымды жаңалық жасау немесе белсенділік танытатын күн. Белсенділігіңіздің арқасында аяқталмаған біраз шаруаны тындырасыз.
Торпақ
Өз көзқарасыңызды, өзгелер туралы пікіріңізді өзгертпеңіз. Жақын адамыңызбен қарым-қатынасыңыз алшақтап, түсініспеушіліктер орын алуы мүмкін.
Егіздер
Тағдырға қарсы келемін деп әуре болмаңыз. Бүгін жолыңыз болмағанымен, келер күні барлығы сәтімен болар.
Шаян
Бүгін сіздің жұмысыңыз жемісті болмақ. Өзіңізге деген сенімділігіңіз артады. Көңіліңізде ешқандай алаңдаушылық немесе қорқыныш жоқ.
Арыстан
Өте керемет күн. Сауда жасауға да қолайлы. Демалыс күніңізді жақсы өткізесіз. Бұл күні көбісі сізге қызыға қарайды.
Бикеш
Ойламаған жерден мол табысқа ие боласыз. Жылжымайтын мүлік немесе көлік аламын деп жүрсеңіз бүгін сол ойыңызды жүзеге асырыңыз.
Таразы
Сізді бүгін тосынсыйлар мен сый-сияпаттар күтіп тұр. Есесіне өзіңіз де мол қаражатты жұмсап жібересіз.
Сарышаян
Серіктестермен қарым-қатынаста абай болыңыз. Туындаған мәселелердің барлығын тез арада шешіп отырыңыз.
Мерген
Сырт келбетіңізге мән беріңіз. Мақсатқа жету үшін біраз қадамдарға барасыз. Бірақ ойларыңызбен, жоспарларыңызды құпияда ұстаңыз.
Тауешкі
Айналаңыздағылардың барлығы бірдей сіздің талғамыңызбен жүруі міндетті емес. Өзгелердің таңдауына түсіністікпен қараңыз.
Суқұйғыш
Жетістікке жетуге деген талпынысыңыз оң нәтижесін береді. Мықты маман ретінде сұранысқа ие боласыз.
Балықтар
Істеріңіздің барлығы алға басады. Бұл қарсыластарыңыздың қызғанышын тудыратыны анық.

Қазақстан және Қызылорда облысының жаңалықтары: Қоғам

Дүйсенбіге арналған ауа райы болжамы

10 ақпан: Атаулы күндер мен оқиғалар

Жұлдыздар не дейді?

Күнделікті өмірде қатерлі ісіктің пайда болуына не әсер етеді?

Талапкер ҰБТ-дан қандай жағдайда бір жылға шеттетілуі мүмкін?

Қазақстанда әйелдер аборт жасату үшін күйеулерінен рұқсат алатын болады

Coface: Қазақстан мен Өзбекстан – Орталық Азия аймағындағы ең ауқатты елдер

Қазақстанда ана мен балаға берілетін жәрдемақы мен төлемдердің 11 түрі бар

Ғарыш: SpaceX қаржыны қалай үнемдейді?

Ең зиян алкоголь түрі аталды

9 ақпан: Атаулы күндер мен оқиғалар

Жұлдыздар не дейді?