1940 жылы&nbsp;Қазақ мемлекеттік шет тілдер мұғалімдер институтының негізі қаланды (қазіргі – Абылай хан атындағы Қазақ халықаралық қатынастар және әлем тілдері университеті). Бүгінгі таңда университет Қазақстан және шетел мемлекеттерінде беделді оқу-ғылыми кешендерінің бірі болып саналады.
1992 жылы&nbsp;Алматыда Қазақстан Республикасы мен Ұлыбритания және Солтүстік Ирландия Біріккен Корольдігі арасында дипломатиялық қарым-қатынас орнату туралы бірлескен мәлімдемеге қол қойылды.
1993 жылы&nbsp;Қазақстан Республикасының «Жалпыға бiрдей әскери мiндеттiлiк және әскери қызмет туралы» Заңы қабылданды.
2011 жылы&nbsp;ҚР Президенті «Назарбаев Университеті», «Назарбаев зияткерлік мектебі» мен «Назарбаев қорының» мәртебесі туралы» ҚР Заңына қол қойды.

19 қаңтар: Ел тарихында орын алған оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 19 қаңтарға арналған жұлдыз-жорамалы.
Тоқты 
Денсаулығыңызға көңіл аударыңыз. Ауырмайтын жол іздеңіз. Сонымен қатар бүгін ешкімнің алдауына түсіп қалмаңыз.
Торпақ 
Бүгінгі күн серуен құруға, белсенді демалыс ұйымдастыруға қолайлы күн. Сондай-ақ мәдени іс-шараларға белсене араласасыз.
Егіздер 
Үй шаруасына бұдан былай алаңдамайтын боласыз. Бұл шаруа енді сіздің мойныңызға жүктелмейтін болады.
Шаян 
Өзгелерге деген жанашырлығыңыз шектен тыс. Аз да болса өзіңізге көңіл бөліңіз. Ең алдымен өзіңізді жақсы көргеніңіз жөн.
Арыстан 
Денсаулығыңызға қатысты жағымды жаңалық естисіз. Көптен бері науқастанып жүрген болсаңыз, барлығы қайта қалпына келгеніне сеніңіз.
Бикеш 
Өзіңізге ұнайтын адамдармен тығыз қарым-қатынас орнатасыз. Ол адамдармен бағыт-бағдарыңыз да бір болмақ. Бұл сізді қуантатын болады.
Таразы 
Бүгінгі күнді тек өзіңізге арнайсыз. Армандарыңыздың орындалуына жұмыс жасайсыз. Ұсақ тірліктермен айналысқыңыз келмейді.
Сарышаян 
Бүгін шығармашылықпен айналысасыз. Не болмаса өзіңіздің сүйікті ісіңізді қайта қолға алып, одан табыс табуға болатынына көз жеткізесіз.
Мерген 
Сүйікті адамыңыздың менмендігі сізге ұнамайды. Сондықтан аздап реніш туындайтын болады. Түстен кейін барлығы орнына келеді.
Тауешкі 
Бүгін қонақ боласыз. Туған-туыстарды аралайсыз. Бауырларыңыздың үйіне барып, біраз демаласыз. Күніңіз сәтті өтеді.
Суқұйғыш 
Егер өзіңізге толық сенімді болмасаңыз, болашағыңызға қатысты мәселеде шешім қабылдамағаныңыз жөн.
Балықтар 
Бүгін өзгерістерге жол бермеңіз. Өмірдің ағымына ілесіп жүре бергеніңіз жөн. Сонымен қатар бүгін таныстарыңыздан қызықты жаңалық естисіз. 
Аударған Динара МАХАНОВА

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Жолаушылар пойыз билеттерін кассаларға кері қайтарған жағдайда билет құны неше күнде берілетіні туралы ОКҚ брифингінде «Жолаушылар тасымалы» АҚ өкілі айтып берді.
<blockquote>
 «Теміржол билеттерін пойыз жүріп кеткенге дейін тапсырса, 5 күннің ішінде билеттің құны қайтарылады. Ал пойыз жүріп кеткеннен кейін тапсырса, 2 аптаның ішінде қайтарылады», – деді Асылхан Советбекұлы.
</blockquote>
Айтуынша, билет құнын екі аптадан аспайтын уақыт мерзімінде қайтаруға міндетті.&nbsp;
Жолаушылар билеттерін теміржол вокзалындағы кассалар немесе интернеттегі билет рәсімдеу сайты арқылы кері қайтарып, билет құнын ала алады.
<a href="https://24.kz/kz/zha-aly-tar/bylu-manyzdy/item/367875-pojyz-biletin-keri-ajtar-an-zha-dajda-bilet-ny-neshe-k-nde-beriledi">«Хабар 24»</a>

Пойыз билетін кері қайтарған жағдайда билет құны неше күнде беріледі?

<a href="https://kyzylorda-news.kz/">Kyzylorda-news.kz.</a> Ғалымдар жаңа зерттеу нәтижесінде аптасына үш рет көк шай ішу жүрек-қантамыр ауруларынан болатын өлім қаупін төмендетіп, ұзақ өмір сүруге әсер етеді деген тоқтамға келді, деп жазады <a href="https://edition.cnn.com/2020/01/09/health/tea-live-longer-wellness/index.html">CNN</a>.
Қытай ғалымдарының айтуынша, қара шайдан гөрі көк шайдың денсаулыққа пайдасы мол. Зерттеуге 100 902 адам қатысқан және олар жеті жыл бойы бақылауда болған. Зерттеу нәтижесінде көк шай ішетіндерде жүрек ауруы мен инсульт қаупі 20 пайызға төмен болған.
Қытайдың жүрек-қантамыр аурулары ұлттық орталығының, Бейжің медицина колледжінің, Қытай медицина ғылымының академиясы бірлесіп жүргізген зерттеуде 50-ден асқан шай ішпейтін адамдар шай ішетіндерге қарағанда 1,6 жасқа аз өмір сүретіні анықталған.
Ғалымдардың айтуынша, көк шай жүрек-қантамыр ауруларынан қорғайды. Ал қара шай көк шай сияқты өңделмейтіндіктен, оның тиімділігі төмен.

Көк шай өмірді ұзартады

<a href="https://kyzylorda-news.kz/">Kyzylorda-news.kz.</a> Контактілі линзаларды жарамдылық мерзімінен асыра пайдалану мен тазалық шараларын сақтамау көздің жұмыс қабілетін төмендетеді.
Көзінің көру қабілеті нашарлаған адам алдында таңдау тұрады. Көзілдірік таққан жөн бе, әлде линза дұрысырақ па? Бұл сұрақтың жауабын офтальмолог маманның кеңесіне сүйене отырып іздейміз.
Линзаның тиімді тұстары:
<ul>
<li>Линза ыңғайлы және жанарды талдырмайды, көзілдірікке қарағанда айналаны анығырақ көрсетеді;</li>
<li>Линзамен көзқарас аумағы шектелмейді. Басты қозғалтпай, тек жанарды бұрғанда көз бұлшықеттері жұмыс істеп, жаттығады;</li>
<li>Линзаларда (заманауи, сапалы түрлерінде) ультракүлгін сәулелерден қорғайтын фильтрлер бар;</li>
<li>Линзалар оттегін өткізіп, көздің демалуына жағдай жасайды;</li>
<li>Линза адам қозғалысына кедергі келтірмейді (спортпен шұғылданып, би билеуге қолайлы);</li>
<li>Линза кез-келген адамға жарасымды (ал көзілдірікті бет пішінге қарап таңдау керек);</li>
<li>Линзаның көмегімен кез-келген үлгідегі күннен қорғайтын көзілдірік тағуға болады;</li>
<li>Линза шаң жинамайды және бетіне сызық түспейді.</li>
</ul>
Контактілі линзалар ыңғайлы болғанымен, мамандар оны шамадан тыс тақпауға кеңес береді. Мәселен, гидрогельді линзаларды 6-8 сағат, ал силикон-гидрогельді түрлерін одан сәл ұзағырақ тағуға болады. Дегенмен, дәрігерлер үйде болған кезде көзілдірік тағуға кеңес береді.
Жалпы, линзалар қолданылу мерзімі бойынша – 1 күндік, 2 апталық, 1 айлық, 3 айлық және 1 жылдық болып бөлінеді. Линзаның мейлінше жарамдылық мерзімі азын пайдаланып, жиі ауыстыру көзге пайдалы.
<img src="https://kyzylorda-news.kz/wp-content/uploads/2020/01/koezildirik-zhaene-linza-2.png" alt="" />
“Контактілі линзалардың көзге тікелей зияны жоқ. Дегенмен, дұрыс режим мен гигиенаны сақтамаса, көздің мүлдем көрмей қалуына соқтыруы мүмкін. Өкінішке орай, көп адам линзаны мерзімінен артық пайдаланып, тіпті, ұйықтар алдында шешуді де ескермейді. Линза қанша сапалы болғанымен, оттегіні жанарға 100 пайыз өткізбейді. Сондықтан, ұйқы алдында линзаны шешіп, көзді тынықтыру қажет. Әйтпесе,&nbsp;гипоксия&nbsp;пайда болуы мүмкін. Соның салдарынан көздің қабыну аурулары туындап, көру қабілеті төмендейді”, – деді офтальмолог Әсел Бекбасова.
Линзаның тиімсіз тұстары:
<ul>
<li>Линза тағуға болмайтын көз аурулары көп;</li>
<li>Линза тазалығын сақтау арнайы уақытты қажет етеді;</li>
<li>Линза ұқыпты қолдануды талап етеді (оны сақтайтын контейнер, сұйықтық, көзді құрғаудан сақтайтын тамшыларды қоса алып жүру керек);</li>
<li>Шамадан тыс құрғақ ауадан көз құрғағанда линза көзден түсіп кетуі мүмкін;</li>
<li>Қаржылық шығыны көп (жарамдылық мерзіміне сай жиі ауыстырылады және қосымша сұйықтығы мен құралдарына да қаржы қажет).</li>
</ul>
“Қазір контактілі линзалардың алуан түрі бар. Дегенмен, силикон-гидрогельді линзаларды пайдалануға кеңес беремін. Олардың оттегін өткізу қабілеті жоғары және ультракүлгін сәуледен қорғайды. Көзді ылғалдандырады. Линзаны таңдағанда осыны ескеру керек. Сондай-ақ, түрлі-түсті линзалар да сәнге айналды. Олар гидрогельден жасалатындықтан, оттегін дұрыс өткізбейді. Сондықтан, түрлі-түсті линзаны күніне 5-6 сағаттан артық пайдаланбау керек”, – деді Әсел Бекбасова.
Линзаға күтім жасаудың жолдары:
<ul>
<li>Линзаны тағар және шешер алдына қолды тазалап жуу қажет;</li>
<li>Линзаны контейнерге салмас бұрын оны күні бойы жиналған кір, микробтардан тазарту керек (Ол үшін линзаны таза алақанға қойып, үстінен аздаған арнайы ерітіндіні құйыңыз. Линзаны зақымдамай, саусағыңызбен бір бағытта ақырын сүртіңіз. Осыдан кейін ерітіндінің бірнеше тамшысымен линзаны тағы шайып, контейнерге салыңыз);</li>
<li>Линза контейнердегі ерітіндіде толығымен батып тұруы керек;</li>
<li>Контейнердегі сұйықтықты күнделікті жаңарту қажет (контейнерді де тек линзаға арналған тазалағыш сұйықтықпен шайған жөн);</li>
<li>Контейнерді айына бір рет ауыстырған жөн;</li>
<li>Линза мен контейнеріне мүлдем су тигізбеу керек, әйтпесе, бактериялар пайда болуы мүмкін;</li>
<li>Линзаны душ, монша, бассейнде пайдалануға болмайды;</li>
<li>Линзаны бетке макияж жасамас бұрын тағу қажет;</li>
<li>Линзаны ауыстыру кестесін мұқият сақтаған жөн;</li>
<li>Кемінде алты айда бір мәрте офтальмолог дәрігерге қаралу қажет.</li>
</ul>
Көзілдіріктің де артықшылықтары мен кемшін тұстары бар. Денсаулықты түзеп, көздің көру қабілетін жақсарту үшін көзілдірікті оптикалық элементтеріне сай дұрыс таңдай білу қажет. Әуелі оның линзасының сапасына мән берген жөн. Қазақстан нарығында ультракүлгін қорғанышы бар көзілдірік линзалары жетіп артылады. Сондықтан, дәрігерлер қымбат әрі сапалы линзалы көзілдірік сатып алуға кеңес береді. Одан кейін көзілдіріктің оправасы жақсы, сапалы материалдан жасалғанына көңіл бөлу керек. Бет-әлпетте қыспай, теріні қажамай, ең бастысы ыңғайлы және жарасымды болғаны шарт.
Көзілдіріктің тиімді тұстары:
<ul>
<li>Көзге ешқандай инфекция жұқтырмайды;</li>
<li>Көзілдірік тағуға қарсы көрсетілімдер жоқ;</li>
<li>Көзілдірікті мұрыннан су ағып, көз қабынып ауырған кезде тағуға болады (Мұндай жағдайда линза қолдануға болмайды, өйткені инфекция тарауы мүмкін);</li>
<li>Көзілдіріктің тағылуы мен шешілуі оңай, қиын күтімді талап етпейді;</li>
<li>Шектеулі жарамдылық мерзімі жоқ (ұқыптап ұстаса, бірнеше жыл пайдалануға болады).</li>
</ul>
Көздің дұрыс көрмеуінің ең бірінші себебі – тұқым қуалаушылық. Егер отбасында ата-ананың бірі көзілдірік тақса, 25-30 пайыз жағдайда баласының да көзі дұрыс көрмейтін болады. Екінші себеп – телефон, планшет, компьютерді тым көп уақыт қолдану. Үшіншісі – қимыл-қозғалыстың аздығы мен таза ауада көп тыныстамау.
Көзілдіріктің тиімсіз тұстары:&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
<ul>
<li>Көзілдірікпен белсенді спортпен шұғылдану қиынға соғады;</li>
<li>Жазда бет терлеп, көзілдірік мұрыннан ақырын сырғи бастайды;</li>
<li>Қыста жылы жерге кіргенде әйнегі буланып әлек етеді. Бұл әсіресе адам толы қоғамдық көлікте ыңғайсыздық туғызады;</li>
<li>Жаңбырлы, қарлы күні әйнек суланып мазаңызды қашырады;</li>
<li>Көзілдірікпен күннен қорғайтын көзілдірік кие алмайсыз;</li>
<li>Көзілдірік көру мүмкіндігіңізді шектеп, аз қимылдауға дағдыландырады;</li>
<li>Жан-жағыңызға басыңызды бұрып қарауға тура келеді, бұдан көздің бұлшықеттері жұмыс істемейді.</li>
</ul>
Офтальмолог Әсел Бекбасова көздің көруін жақсарту үшін тамақтану рационына қызыл және сары түсті азық-түліктер қосып, балық пен бауыр сынды тағамдарды тұтынуға кеңес береді. Көкөніс пен жемістер, В, А, Е дәрумендерінің де пайдасы зор. Сондай-ақ, таза ауада тынығып, көзге арналған түрлі жаттығулар жасауды әдетке айналдыру керек.
<a href="https://informburo.kz/kaz/kzldrk-zhne-linza-aysysyn-tadaan-drys.html">Informburo</a>

Көзілдірік және линза: қайсысын таңдаған дұрыс?

Тұмау тигенде немесе ас мәзірінде қолданылатын сарымсақтың емдік қасиеті туралы естігенсіз бе? Пияз тұқымдастар тобына жататын көпжылдық шөп тәріздес өсімдіктің пайдасы туралы&nbsp;&nbsp;<a href="http://muslim.kz/">Muslim.kz</a>&nbsp;басылымы.
Құрамында төрт жүзден аса пайдалы компонеттер бар сарымсақтың пайдасы.
<ul>
<li>Қaн қысымын төмeндeтeді.</li>
<li>Қaбынуғa қapcы.</li>
<li>Пeрифeриялық қaн тaмырлapдың бiтелуi мeн лaстaнуының, сoндaй-aқ, ми ісігінің aлдын aлaды.</li>
<li>Иммунитeттi нығaйтaды, opганизмдi қoршaғaн oртaның зиянды әсерiнен қopғaйды.</li>
<li>Aғзадағы бактерияларды өлтіреді.</li>
<li>Асқазан-ішек жолдарына, жүрек-талма ауруларына ем.</li>
<li>Микрoбты бoлдырмaйды, жaраны жылдам жазады, ауруды тез басады, ішек құрттарды жояды, қақырықты түсіреді.</li>
<li>Aвитaминoзғa өтe пaйдaлы.</li>
<li>Қанды тазалайды, табиғи антибиотик болып табылады.</li>
<li>Сарымсақ суық тиген ауруларға да таптырмайтын ем. Ол жүйке жүйесі бұзылғанда, зәр жолдарын емдеуге, сондай-ақ организмді тазалауға пайдаланылады.</li>
<li>Теріге сүйел, теміреткі, сыздауық, қышыма тағы басқа жаралар шыққанда да қолданылады.</li>
</ul>
Сарымсақ туралы Құранда, сондай-ақ, хадистерде кездескен.
Пайғамбарымыз Мұхаммед (с.ғ.с.) аталған өсімдіктің пайдалы екенін, оны емге қолдануға болатынын білдірді.
<blockquote>
 “Сарымсақ жеңдер, сонымен емделіңдер. Өйткені ол жетпіс түрлі ауруға ем” (Дәйлами, Тирмизи, Хаким).
 “Сарымсақ немесе пияз жеген кісі (иісі кеткенше) мешіттерімізге жоламасын, үйінде отырсын” (Бұхари, Әдеп, 76; Азан, 1/207).
</blockquote>

«Жетпіс түрлі ауруға ем»: Сарымсақтың ел естімеген пайдасын білесіз бе?

<a href="https://kyzylorda-news.kz/">Kyzylorda-news.kz.</a> Шайды күнде ішу атеросклероз бен жүрек-қан тамырлары ауруларының алдын алуға септігін тигізеді. Сондай-ақ өмір сүру ұзақтығын арттырады. Бұл туралы Қытай ғалымдарының зерттеуінде айтылған, деп хабарлайды&nbsp;[Sputnik Қазақстан](http:// https://sputniknews.kz/society/20200112/12520356/shai-galymdar-paida.html).
Зерттеу 1998 жылы басталған China-PAR (Prediction for atherosclerotic cardiovascular disease risk in China) жобасы аясында жүргізілді. Оның негізгі мақсаты – жүрек-қан тамырлары ауруларының даму тәуекелдерін зерделеу.
Мамандар халық арасында шайға қатысты сауалнама жүргізді. Сондай-ақ пациенттердің ауру тарихы мен өлімі туралы куәліктерін зерттеді.
Зерттеу жұмысына барлығы 100 мыңнан астам адам қатысты. Ғалымдар пациенттерді 7,3 жыл бойы бақылаған.
Нәтижесінде шайды жақсы көретіндер, бұл сусынды мүлде ішпегендерге қарағанда, атеросклероз және жүрек-қан тамырлары ауруларына орташа есеппен 1,41 жылға кеш шалдыққаны анықталды.
Бұдан бөлек, шайды үнемі ішкен 50 жастан асқан адамдар, сирек ішкендермен салыстырғанда, орта есеппен 1,26 жылға ұзақ өмір сүрген.

Ғалымдар шайдың ешкім күтпеген пайдасын анықтады

1990 жылы&nbsp;КСРО Жоғарғы Кеңесі Президиумының «Қазақ КСР-інде тұратын көп балалы аналарға «Батыр Ана» атағын беру туралы» Жарлығы жарияланды.
1992 жылы&nbsp;Аустрия Қазақстан Республикасының Тәуелсіздігін мойындады.
2005 жылы&nbsp;Мәскеуде Қазақстан Президенті Нұрсұлтан Назарбаев пен Ресей Президенті Владимир Путин Қазақстан-Ресей мемлекеттік шекарасы туралы шартқа қол қойды. Шекараның жалпы қашықтығы 7 590 шақырымды құрайды.
2017 жылы&nbsp;«Қазпошта» АҚ «Рио-де-Жанейродағы XV Паралимипиадалық ойындар» тақырыбымен «Спорт» сериялы пошта маркаларын айналымға шығарды.
2018 жылы&nbsp;«Қазақстанның 100 жалпыұлттық қасиетті жері» республикалық тізіліміне Ақмола облысындағы 10 киелі орын енгізілді. Олар: Құмай археологиялық-этнографиялық кешені, Абылай хан алаңы, Кенесары үңгірі, Батығай кесенесі, Оқжетпес тауы, Қабанбай батыр кесенесі, «Беспақыр» мазары, Баубек батыр моласы.

18 қаңтар: Ел тарихында орын алған оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 18 қаңтарға арналған жұлдыз-жорамалы.
Тоқты
Сұлулығыңызға тамсанатындар көп. Біраз адам сізге ғашық болып, өз ұсыныстарын да жасайтындар бар. Ал сіздің ойыңыз басқада.&nbsp;
Торпақ
Сезімдеріңізді жасырын ұстайсыз. Ешкіммен бөлісуді жөн көрмейсіз. Дегенмен ой бөлісетін, кеңес алатын жанға жолығыңыз.
Егіздер
Қиын мәселе туындайды. Алайда оны елемеуге тырысасыз. Көңіл күйіңізді түсіргіңіз жоқ. Сізге жақындарыңыздың көмегі қажет.
Шаян
Қаржылық мәселеңіз қиындай түседі. Бұл жұмысқа енжарлық танытып, ақшаны босқа шашқанның салдарынан болуы мүмкін.
Арыстан
Айналаңызда болып жатқан оқиғалар сізге ұнамайды. Бірақ еш алаңдамаңыз. Барлығы өз орнына келеді.
Бикеш
Бір құпияның сырын ашасыз. Бірақ оны басқаларға айтудың қажеті бар ма, жоқ па оны өзіңіз шешіңіз. Ешкімді ренжітіп алмаңыз.
Таразы
Үйде отырғанды қаламайсыз. Көпшілік жерде достармен басқосуды ұйымдастырып, көңіл көтеретін боласыз.
Сарышаян
Туыстан жақын ешкім жоқ. Сізге жанашырлық танытатын да солар. Тек солармен ғана көңілді кеш өткізе аласыз.
Мерген
Бүгін мәселе де туындайды. Оның шешілуіне көмек көрсететін жаңа танысты да қоса жолдайды. Жаңашылдыққа бет бұрасыз.
Тауешкі
Барлық істі өз қолыңызға алғыңыз келеді. Тау қопарардай күшіңіз бар. Алайда барлық шаруаны өз мойныңызға ала бергеніңіз жөн емес.
Суқұйғыш
Өте еңбекқорсыз. Қолыңыздан барлығы келеді. Берілген тапсырманы жауапкершілікпен атқара аласыз.
Балықтар
Әлдекім сізге тиісіп, мазаңызды қашырып жүр. Мүмкін бұл сізге ғашық жан болар. Сіз оның үмітін арттыра бермей, бірден жауап бергеніңіз жөн.
Аударған Динара МАХАНОВА

<a href="https://kyzylorda-news.kz/">Kyzylorda-news.kz.</a> «Қызылорда ЭТТК» АҚ аймақтық электржелілік компаниясының дерегінше, электр энергиясының транзитіне жұмсалатын шығындар төмендеген. Бұл туралы ҚР ЭМ АЭҚБК Қызылорда облысы бойынша аумақтық департаменті хабарлады.
2019 жылы көлік үшін технологиялық тұтыну үшін шығындардың 14,95%-ды құрап отыр. Бекітілген нормативтік техникалық шығындар 14,80% құрады және 1,82%-ға азайғандығы байқалады. Нормадан тыс шығындар 2019 жылы 0,15%-ды құрады, 1,61%-ға азайған.&nbsp; Нормативтен тыс шығындарсыз 2019 жылы Қазалы, Орталық (Қызылорда қаласының орталық бөлігі), Арал және Шиелі аудандарының электр желілерінің, ал нормативтен тыс шығындар Жалағаш ауданы бойынша 5,08%, Тереңөзек ауданы бойынша 4,06% құрады.
Электр желілеріндегі шығындардың төмендеуі электр желілері жабдықтарының техникалық жайғдайы мен жұмысын жақсарту, оның жұмысының сенімділігін арттыру, сонымен қатар электр желілерін қайта құру мақсатты бағытталған жұмысты білдіреді. Еуропалық қайта құру және даму банкі қаржыландыратын жобалар аясында, сондай-ақ коммерциялық шығындарды жою.
<blockquote>
 &nbsp;«Қызылорда ЭТТК» АҚ электр желілері бойынша берілген электр энергиясының мөлшері 2019 жылы алғаш рет 1 млрд.кВт*сағатқа жетті және 6,66% -ға артты, осыған байланысты қол жеткізілген шығындардың азаюы энергия беруші ұйымы ұжымының үлкен оң нәтижесі болып табылады», – деп хабарлады аталған департаменттен.
</blockquote>

Қызылордада электр желілеріндегі шығындар азайды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp;Алдағы аптада Қытай Қазақстанмен арадағы шекарада орналасқан өткізу бекеттерін уақытша жауып тастайды.
Қытай халқының Жаңа жыл мейрамын атап өтуіне байланысты көрші ел Қазақстанмен шекараны уақытша жабады.
<blockquote>
 «Қорғас» шекара маңы ынтымақтастығы халықаралық орталығында Қытай тарапынан 22 қаңтардан 2 ақпанға дейін шекара жабық болады. Қалған «Нұр жолы», «Қалжат» өткізу пунктері 24 қаңтар мен 26 қаңтар аралығында, үш күнге жабылады», – деп мәлімдеді Ұлттық қауіпсіздік комитеті шекара қызметінің баспасөз қызметінен.
</blockquote>
Басқа өткізу пунктері бойынша Қытай тарапы әлі ақпарат бермеген.
Биыл Қытайдың Жаңа жылы 25 қаңтарда аталып өтеді.
Шығыс күнтізбесі бойынша Қытай жаңа жылының нақты күні жоқ, сондықтан әр жылда әртүрлі күндері тойланады. Қытайлар Жаңа жылды айға қарап біледі, яғни, жылдың алғашқы айындағы бірінші толған ай түні Қытай халқының Жаңа жылы басталады. Бұл елдегі жаңа жыл он бес күнге созылады.

Қытай Қазақстанмен шекараны уақытша жабады: себебі неде?

<a href="https://kyzylorda-news.kz/">Kyzylorda-news.kz.</a> Қызылорда облысы ТЖД қыхзметкерлері бұқаралық ақпарат құралдарымен бірге «Крещение Господне» мерекесіне арнайы дайындалған суға түсу орындарын аралап, ондағы қауіпсіздік мәселелерін талқыға салды.
Аралау барысында шаһардағы «Крещение Господне» мерекесіне орай орталық шіркеу ауласында, сондай-ақ, Сырдария өзені жанындағы Жедел құтқару жасағының &nbsp;құтқару стансасында суға түсетін және су алатын арнайы орындар жабдықталатыны белгілі болды. &nbsp;Мұнда азаматтардың &nbsp;қауіпсіздігін қамтамасыз ету үшін Төтенше жағдайлар департаменті және Апаттар медицинасы орталығының &nbsp;жеке құрамынан 25 қызметкер, 4 бірлік техника кезекшілікті жүзеге асыратын болады. Олардан өзге қауіпсіздік &nbsp;іс-шараларына еріктілер жұмылдырылмақ.
Жүйелі түрде мұзойыққа түсу ағзаны сауықтыруға ықпал етеді. Осы орайда Қызылорда облысының ТЖД-і ойықта шомылудың мынадай қағидаларын ескертеді.
<ol>
<li>Мұзойыққа түсу нұсқаушыларының бақылауымен жағалаудың жанында арнайы жабдықталған ойыққа суға шомылу керек.</li>
<li>Суға шомылар алдында түрлі жаттығуларды жасай отырып, денені қыздыру қажет.</li>
<li>Аяқтың сезімталдығын жоғалтпау үшін, ойыққа ыңғайлы, тайғанақ емес және оңай сырғитын аяқ киіммен бару керек. Ойыққа жету үшін ең дұрысы бәтеңке немесе жүн шұлықты қолданған жөн. Мұзда сырғанамайтын арнайы резеңке аяқ киімді қолдануға болады.</li>
</ol>
Есіңізде болсын! Ойыққа баратын жол тайғақ болуы мүмкін. Ол жерден баяу және мұқият өтіңіз.
<ul>
<li>Ойыққа баспен сүңгімеңіз. Суға баспен секіруге болмайды, себебі ол температураның жоғалуын арттырады.</li>
<li>Жалпы ағзаның салқындауын болдырмау үшін ойықта 1 минуттан артық тұрмаңыз.</li>
<li>Егер балаңыз Сізбен бірге болса, оны ойыққа шомылған кезде бақылаңыз. Қорқып қалған бала жүзе алатынын оңай ұмытуы мүмкін.</li>
<li>Тек сақтық шараларын мұқият сақтаған жағдайда ғана мұздай суға шомылу кезіндегі жарақаттар мен жазатайым оқиғалардың алдын аласыз.</li>
<li>Қыста суға түсу барлығына бірдей пайдалы емес. Жүрек-тамыры ауруына шалдыққан адамдарға, жүкті әйелдерге, 12 жасқа дейінгі балаларға суға түсуге болмайды.</li>
</ul>

Қазақстан және Қызылорда облысының жаңалықтары: Қоғам

19 қаңтар: Ел тарихында орын алған оқиғалар

Жұлдыздар не дейді?

Пойыз билетін кері қайтарған жағдайда билет құны неше күнде беріледі?

Көк шай өмірді ұзартады

Көзілдірік және линза: қайсысын таңдаған дұрыс?

«Жетпіс түрлі ауруға ем»: Сарымсақтың ел естімеген пайдасын білесіз бе?

Ғалымдар шайдың ешкім күтпеген пайдасын анықтады

18 қаңтар: Ел тарихында орын алған оқиғалар

Жұлдыздар не дейді?

Қызылордада электр желілеріндегі шығындар азайды

Қытай Қазақстанмен шекараны уақытша жабады: себебі неде?

Православ христиандарының мерекесі: Нені білу қажет?