<a href="https://kyzylorda-news.kz/">Kyzylorda-news.kz.</a> ЭЦҚ (электрондық цифрлық қолтаңба) – бұл электрондық құжатқа қолы қойылған және мөрмен бекітілген қағаз жеткізгіштегі құжат сияқты заң күшін беру үшін пайдаланылатын өзі қойған қолының аналогы.
ЭЦҚ алуға өтінімді ҚР ҰКО сайтының арнайы бөлімі арқылы онлайн режимінде беруге болады. Өтінімді қауіпсіздік мақсатында дербес компьютерден беру ұсынылады.
Ең алдымен <a href="http://pki.gov.kz/">pki.gov.kz</a> сайтындағы «Заңды тұлғалар үшін ЭЦҚ алу» бөліміне кіресіз.
Одан кейін мәртебеңізді көрсете отырып қажетті ҚР ҰКО тіркеу куәліктерінің үлгісін таңдауыңыз қажет. (Ол мекеменің бірінші басшысы, қол қою құқығы бар жұмыскер немесе қаржылық құжаттарға қол қою құқығы бар қызметкер және т.б. болуы мүмкін).
Онлайн-өтінімді бергеннен кейін сізге оны растау үшін ХҚО-ға бару қажет. Өзіңізбен бірге жеке куәлігіңіз, уәкілетті тұлғаның растайтын құжаттары мен басып шығарылған өтінім болуы қажет. Тексергеннен кейін оператор растауды жасайды және сіз ЭЦҚ өз компьютеріңізге жүктеп, оған өз пароліңізді орната аласыз.
:point_right:Міне, енді сіз электрондық үкімет порталымен жұмысты бастай аласыз.
ЭЦҚ пайдалана отырып заңды тұлғалар келесідей артықшылықтарға қол жеткізбек:
•Электрондық сауда-саттыққа қатысу;
•Жеке қатысуынсыз банктік операцияларды орындау;
•Жеке қатысуынсыз электронды есептерді тапсыру;
•Компанияны қашықтықтан басқару және т.б.
ЭЦҚ-ны түрлі ақпарат жеткізгіштерінде сақтауға болады, бірақ бұл ретте ол бөтен қолға түспеуін жауапкершілікпен қадағалау қажет.
:exclamation:ЭЦҚ-ның қолданыс мерзімі 1 жыл, бірақ пайдаланушы оны электронды порталда мерзімі өтіп кетпей тұрып тағы бір жылға ұзарта алады.

Заңды тұлғалар ЭЦҚ қалай алады?

<a href="https://kyzylorda-news.kz/">Kyzylorda-news.kz.</a> Қазақстан Республикасы Президентімен 2019&nbsp; жылдың 26 қарашасында Қазақстан Республикасы Парламенті Мәжілісінің депутаттары бастамашылық еткен «Қазақстан Республикасының кейбір заңнамалық актілеріне мемлекеттік қызметтер көрсету мәселелері бойынша өзгерістер мен толықтырулар енгізу туралы» Қазақстан Республикасы Заңына қол қойылды.
Азаматтық хал актілерін тіркеу саласындағы мемлекеттік қызметтерді оңтайландыру, құжат айналымын қысқарту, сондай-ақ, балалардың құқықтары мен мүдделерін қорғау&nbsp; мақсатында Қазақстан Республикасының «Неке (ерлі-зайыптылық) және отбасы» туралы Кодексінің&nbsp; 50-ден астам баптарына өзгерістер енгізілді.
Сонымен қатар,&nbsp;&nbsp; «Эксаумақтық қағидаты бойынша азаматтық хал актілерін тіркеу саласында мемлекеттік қызмет көрсетуді және Қазақстан Республикасынан тыс жерде туылған&nbsp; баланың тууын мемлекеттік тіркеуді пилоттық режимде іске қосу туралы» Әділет, Цифрлық даму, инновациялар және аэроғарыш өнеркәсібі, сыртқы істер министрінің бірлескен бұйрығы енгізілді.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Бастапқы куәлік жоғалған немесе пайдалануға жарамсыз болған жағдайда азаматтық хал актісін тіркеу туралы азаматтарға қайтадан берілетін&nbsp; куәліктер, тууды, қайтыс болуды тіркеу, әке болуды анықтауға, Қазақстан Республикасы азаматтарының бала асырап алуына байланысты тууды мемлекеттік тіркеу туралы акт жазбаларына өзгерістер, толықтырулар енгізу, сондай-ақ азаматтық хал актілерін тіркеу кезінде жіберілген қателерге байланысты қайтадан куәліктер беру мемлекеттік қызметі&nbsp;&nbsp;эксаумақтық қағидаға сәйкес жүзеге асырылуда.
Мысалы, құжаттарын жоғалтқан жағдайда, азамат қай аймақта тұратына, туған жеріне қарамастан,кез-келген тіркеуші органға барып, қайталама туу туралы куәлігін ала алады.
Ақпараттық жүйелерден алуға болатын құжаттарды (сот шешімдері, медициналық анықтамалар, Қазақстан Республикасында тіркелген актілер туралы ақпарат және т.б.) азаматтармен мемлекеттік органдарға ұсыну қажеттілігі жойылды.
Бұған дейін&nbsp; ерлі-зайыптылар сот арқылы некесін бұзып, немесе содан кейін АХАТ органдарына барып куәлік алуы қажет болса, өзгерістерге сәйкес сот шешімі заңды күшіне енген сәттен, автоматты түрде неке қию туралы акт жазбасына некенің бұзылғаны туралы белгі қойылып, куәлік алудың қажеттілігі алынып тасталды. Азаматтар АХАТ органдарына бару қажеттілігінен босатылды.
Конституцияда және Кодексте кепілдік берілген отбасы құпиясын, бала асырап алудың, баланың шығу тегінің құпиясын сақтау мақсатында әке болуды анықтауды мемлекеттік тіркеу, бала асырап алуды мемлекеттік тіркеу тараулары алынып тасталды. Бұл ретте, баланың жеке және ата-анасы туралы деректері&nbsp; туу туралы куәлікте ғана көрсетіледі.
Ата-аналардың таңдауы бойынша SMS-хабарлама арқылы тууды проактивті жолмен тіркеу мүмкіндігі заңнамалық түрде реттелді.
Сонымен қатар, бала перзентханада туылса, тууы туралы дәрігерлік куәліктің негізінде (анасының жеке сәйкестендіру нөмірі көрсетілген) &nbsp;анасының жеке басын куәландыратынқұжатының болмауына қарамастан, нәрестеге міндетті түрде туу туралы куәлік беріледі.
Бүгінгі таңда шетелде туылған баланың туу туралы мәлімет ақпараттық жүйелерде жоқ, себебі туу туралы куәлік шетелдің тіркеуші органдарымен берілген.
Шетелде туылған балалардың тууын тіркеуге негіз болатын құжаттардың тізімі кеңейтілді.
Осыған орай, егер баланың ата-анасы Қазақстанның туу туралы куәлігін рәсімдегісі келсе, олар қалауы бойынша тіркеуші органға барып, шетелде берілген туу туралы куәлікті (қажет болған жағдайда апостиль мөрі қойылған немесе заңдастырылған) ұсынса жеткілікті. Баланың нақты туылған жері көрсетіліп, жаңа туу туралы куәлік алу мүмкіндігі қарастырылған.
Аталған өзгерістер балалардың мүддесін қорғауда балаларға қатысты толыққанды мемлекеттік қызметтерді: мектепке дейінгі білім беру ұйымдарына кезекке тұру, денсаулық сақтау ұйымдарына тіркелу, жәрдемақы алу, қарыз жүктемесін алып тастау және т.б.алуға мүмкіндік береді.
Г. ЕЛЕУСІЗОВА,
Қызылорда облысының Әділет департаментінің
тіркеу қызметі саласындағы әдістемелік қамтамасыз және бақылау бөлімінің бас маманы

Азаматтық хал актілерін тіркеу саласына өзгерістер енді

<a href="https://kyzylorda-news.kz/">Kyzylorda-news.kz.</a> «СК-Фармация» ЖШС басқарма төрағасының міндетін атқарушы Берік Шәріп тегін дәрілердің емханаларға жетпей қалып жатқан жағдайына қатысты түсінік берді. Еске салайық, тегін медициналық көмектің кепілдік берілген көлемі аясында дәрілік заттар мен медициналық бұйымдар емханаларға тегін жеткізілуі тиіс. Алайда бұған қатысты шағымдар да баршылық, деп хабарлайды <a href="https://lenta.inform.kz/kz/sk-farmaciya-basshysy-emhanalarga-zhetpey-zhatatyn-tegin-darilerge-katysty-tusinik-berdi_a3606291">ҚазАқпарат</a>.
<blockquote>
 «Әрине, өңірлерде кейбір кезде жоспарлау тұрғысынан мәселе туындайды. Байланыс орталығының пайда болуының ең бірінші себебі де осы. Осылайша, азаматтармен тікелей жұмыс жүргізуді жолға қойдық. Кейбір жағдайда медициналық мекемелерде дәрі-дәрмектер бітіп қалады. Кейбір медициналық мекеме керекті дәрі-дәрмек үшін өтінімді дұрыс бермей жатады. Сондықтан, әрбір азаматтың байланыс орталығына (1439 нөмірі) хабарласуына мүмкіндігі бар», – деді Берік Шәріп Парламент Сенатының депутаттарымен кездесу барысында.
</blockquote>
Оның айтуынша, мамандар әр шағымды жеке қарастырып, мәселені шешуге тырысады.
<blockquote>
 «Әрбір шағым бойынша медициналық мекемемен тікелей хабарласамыз. Әр өңірде өзіміздің дәрі-дәрмек сақтайтын қоймамыз бар. Сол қоймадан дәрі-дәрмек жібереміз. Яғни, шағым түскен өңірдегі медициналық мекемеге 2-3 күннің ішінде дәрілік заттар мен медициналық бұйымдарды жібере аламыз. Одан бөлек сирек кездесетін дәрі-дәрмекке арналған республикада төрт қоймамыз – Алматы, Шымкент, Нұр-Сұлтан мен Ақтөбеде бар. Осы фармацевтикалық төрт хабтағы дәрі-дәрмекке байланысты арыз болса, тиісті дәріні 5-7 күнде жеткізе аламыз», – деді ол.
</blockquote>
Берік Шәріптің сөзіне сенсек, «СК-Фармация» ЖШС-ның веб-сайтында дәрілік заттардың емханалардағы мөлшерін көруге болады. Яғни, әр науқас өз дертіне қарай қандай дәрі-дәрмекті алып отыр – сол дәрінің атауын веб-сайтқа енгізіп, қалғанын немесе қалмағанын көріп отыра алады.

Тегін дәрілер неге емханаларға жетпейді?

<a href="https://kyzylorda-news.kz/">Kyzylorda-news.kz.</a> Қазақстанның жоғары оқу орындарында 25% арттырылған стипендия беріле бастады, деп хабарлайды ҚР Білім және ғылым министрлігінің баспасөз қызметі.
<blockquote>
 «ҚР Президенті Қ. Тоқаев Жастар жылының жабылу салтанатында 2020 жылдың қаңтарынан бастап жоғары оқу орындары мен колледж студенттерінің стипендиясы 25% көтерілетінін мәлімдеді. ҚР Білім және ғылым министрлігі жергілікті атқарушы органдармен бірлесе отырып, Мемлекет басшысының тапсырмасын орындау бойынша шаралар қабылдады. Бүгінде еліміздің 30-дан астам жоғары оқу орны студенттердің стипендиясын 25% жоғарылатты. Жергілікті атқарушы органдар тарапынан колледж студенттеріне стипендия төлене бастады. Осылайша, 179 мың ЖОО студенті мен 136 мың колледж студенті стипендиясының көлемі артады», – деді ҚР БҒМ-нің баспасөз қызметінен.
</blockquote>
Айта кетейік, бакалавриат студенттерінің стипендиясы 20 949 теңгеден 26 186 теңгеге дейін, интернатура –37 945 теңгеден 47 431 теңгеге дейін, магистратура – 53530 теңгеден 66 913 теңгеге дейін, докторантура – 81 998 теңгеден 102 498 теңгеге дейін өсті. Колледж студенттерінің стипендиясы 16 759 теңгеден 20 948 теңгеге артты.

Қазақстандық студенттердің стипендиясы 25% артты

<a href="https://kyzylorda-news.kz/">Kyzylorda-news.kz.</a> Биылғы жылдың 11 қаңтарынан бастап енген жаңа заңнамаға сәйкес түсіндірме жұмыстары жүргізілуде. Енді мас күйінде көлік жүргізгендерге қатысты жаза күшейтілді. Жаңа заң қолданысқа енгеннен бастап Қызылорда облысында ішімдік ішіп, көлік басқарған екі автокөлік жүргізушісі қолға түсті.
Оқиғаның бірі облыс орталығында, екіншісі Жаңақорған ауданында болған. Бұл туралы Өңірлік коммуникациялар орталығының ақпарат алаңында Қызылорда облысының Полиция департаменті Жергілікті полиция басқармасы бастығының орынбасары, полиция подполковнигі Азамат Оспанов мәлімдеді.
Ағымдағы жылдың 16 қаңтар күні жол сақшылары жүрісі сезікті автокөлікті тоқтатқан. Алайда көлік иесі тәртіпке бағынбай қаша жөнелген. Бірақ көп ұзамай көлік тоқтатылып, оның жүргізушісі ішімдік ішкендігі анықталды. Тексеру барысында жүргізушінің мас күйінде көлік басқарып, оның үстіне бұрын-соңды сот шешімімен жүргізу құқығынан айрылғандығы белгілі болды. Қазіргі таңда сот амалдары жүргізіліп жатыр.
<blockquote>
 «Аталған іске байланысты жүргізушіге 5 мың айлық есептік көрсеткіш көлемінде айыппұл салынып, 5 жыл бас бостандығынан және өмір бойына көлік құралын басқару құқығынан айыру жазасы қарастырылған», – дейді Азамат Оспанов.
</blockquote>
Брифинг барысында басқарма бастығының орынбасары биылдығы жылдың 11 қаңтарынан бастап күшіне енген ҚР әкімшілік құқық бұзушылық заңының жол-көлік оқиғаларына қатысты баптарына тоқталып өтті.
<blockquote>
 «Бұрынғы заңнама бойынша жүргізуші көлікті ішімдік ішіп басқаратын болса, жүргізуші куәлігінен 3 жылға айырылатын. Енді биылдан бастап мұндай іс-әрекеті үшін 7 жылға куәліктен айырылады және 15 тәулікке қамауға алынады. Бұл бірінші рет автокөлікті масаң күйде басқарғаны үшін қолданылатын жаза. Ал егер жүргізуші көлікті масаң күйде басқарып, жол көлік оқиғасын жасап, материалдық шығын келтіретін болса, 7 жылға дейін көлік жүргізу куәлігінен айырылып, 20 тәулікке әкімшілік қамауға алынады. Сонымен қатар жүргізу 3 немесе 7 жылға көлік жүрігізу куәлігінен айырылған адам сол уақыт аралығында көлік жүргізсе оған 10 тәулікке қамауға алынып және айыппұл салынатын болады», – дейді.
</blockquote>
Байқағанымыздай, жаңа заң ешкімге аяушылық танытпайды. ҚР Қылмыстық кодекске жаңадан енген 345-1-бап бойынша масаң күйде жол жүрісі немесе көлік құралдарын пайдалану қағидаларын бұзу арқылы абайсызда адамның денсаулығына ауырлығы орташа зиян, адам өліміне алып келген және абайсызда екі немесе одан көп адамның өліміне алып келген іс-әрекет үшін қылмыстық жауапкершіліктер қарастырылған. Сонымен қатар кодекстің 346 бабын күшейтуге бағытталған біршама өзгерістер мен толықтырулар енгізілген.
Динара МАХАНОВА

Қызылордада мас күйінде көлік жүргізген екі жүргізуші қолға түсті

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Отандық белгілі композитор Кеңес Дүйсекеев бүгінде әншілердің көбісі өнерден гөрі, той-бизнеске ойысып кеткеніне қынжылатынын айтты. Көпке сыйлы тұлға той-томалақтардан шықпай, репертуары селкілдек әндерге толы жұлдыздарға шүйлігіп, олардың кәсібилігін сынға алды деп хабарлайды&nbsp;“Ел аузында”&nbsp;бағдарламасы.
Кеңес Дүйсекеев кәсіби әншілер үшін бұл жағдай аса ұят дүние екенін алға тартып, оларға өз деңгейін көтеруге кеңес берді.
<blockquote>
 “Бұның барлығы той әндері болғанда селкілдектің ізімен кетіп қалған. Өмірдің барлығы селкілдек болмайды ғой. Бұлардың істеп жүргені – тойларға жиі барады. Тойдағы жұртты билету үшін сондай дүниелердің бәрін жасап жүр.
 Мұның бәрі өкінішті дүние. Жаман өкінішті. Кәсіби адамға бұл нәрсенің барлығы дұрыс емес. Шын айтқанда, ұят. Әншілерге ұят. Адам кішкене өз деңгейін білу керек, деңгейін көтеру керек” , – деді танымал композитор.
</blockquote>
<img src="https://kyzylorda-news.kz/wp-content/uploads/2020/01/22kompozitor2.jpg" alt="" />

Қызылордалық композитор той әншілерін аяусыз сынға алды (видео)

<a href="https://kyzylorda-news.kz/">Kyzylorda-news.kz.</a> Қызылордада бұрынғы күйеуін өлтіру үшін адам жалдаған әйелге қатысты сот үкімі шықты.
Елуді алқымдаған әйел өзінің жоспарын жүзеге асыру үшін Түркістан облысының азаматына тапсырыс берген. Ол осы қызметі үшін оған 20 мың АҚШ доллар сыйақы беретін болып келіскен. Түркістандық азамат іске келіскенімен, төрт балалы ананың қылмысын әшкерелеп, Қызылорда облыстық полиция департаментіне арызданған. Арыз тіркелген бойда сотқа дейінгі тергеу басталып, жасырын ендіру және қылмыстық әрекетті имитациялау қаулысы қабылданады. Сөйтіп арыз берген азамат арнайы кісі өлтіруші ретінде белгіленеді.
Сотталушының айтуымен «киллер» азамат Әлібековты өлтіргені жайлы оқиғаны дәлелдеуі үшін өтірік өлтірген болып, жәбірленушінің үстіне қан жағып, пышақ пен оған тиесілі басқа да заттарын ұялы телефонға түсірілген фотосуретті әйелге жібереді. Содан соң телефонмен хабарласып, жұбайын өлтіргенін және дария жиегінде қашып келе жатқанын айтқан.
Қылмыстық пиғылы орындалғанына толық көзі жеткен соң, сотталушы Әлібекова «киллерге» жолақы ретінде қалтасынан 10 мың теңге берген. Ал бұрынғы күйеуінің атына тіркелген мүліктер балаларына мұра болып өткеннен кейін, еңбек ақысын беретінін айтқан. Бас сот талқылауында сотталушы тағылған айыпты мойындаған жоқ.
<blockquote>
 «Мен оны адам өлтіруге де жалдаған жоқпын, ақша да берген жоқпын», – дейді сотталушы Әлібекова.
</blockquote>
Сот бұл резонансты іске нүктесін қойды. Сотталушыға 7 жыл 6 айға бас бостандығынан айыру туралы үкім етті.
<blockquote>
 «Сот үкімімен сотталушы Әлібекова Қылмыстық кодекстің 24 бабның 1 бөлігі, 28 баптың 4 бөлігі, 99 баптың 2 бөлігінің 8 тармағы бойынша кінәлі деп танылып, 7 жыл 6 айға сотты болды. Сотталушының жазасы неге төмен болды деген заңды сұрақ болуы мүмкін. 24 баптың 1 бөлігі «қылмысқа дайындалу» болып табылад. Мұнда айыпталушыға жазаның ең жоғарғы шегінің тең жартысынан асыруға болмайды. Бұл істе 20 жыл жаза көзделген болса, оның жартысы 10 жыл. Егер сотталушының жазасын жеңілдететін мән-жайлар болып, ауырлататын мән-жайлар болмаған кезде, ең жоғарғы көрсетілген жасазның 4-тен 3 бөлігін асыруға болмайды», – дейді Қызылорда облысының қылмыстық істері жөніндегі мамандандырылған ауданаралық сотының төрағасы Асхат Сабыров.
</blockquote>
Сотталушы мен жәбірленушінің заңды некелері 2016 жылы бұзылған. Олардың ортақ некелерінен 4 бала бар. Бір бала әлі кәмелет жасқа толмаған, сондықтан сотүкімімен кәмелетке толмаған қыз әкесінің қамқорлығына берілді.
Естеріңізге сала кетейік, бұл қылмыстық іс өткен жылдың 9 шілдесінде қолға алынған болатын. Күйеуін өлтіруге тапсырыс берген Әлібекова өзі жалдаған адаммен кездесіп, оған жолақы беру кезінде қолға түскен болатын.

Қызылордада экс-күйеуін өлтіруге киллер жалдаған әйел сотталды

<a href="https://kyzylorda-news.kz/">Kyzylorda-news.kz.</a> Үйінде ақшаның тиімсіз жұмсалуынан шаршаған алматылық Раушан отбасылық бюджетті өз қолына алуды жөн көріпті.
Айтуынша, барлығы тұрмыс құрғаннан кейін басталған. Аяғы ауыр болып, нәресте күтіп отырғандықтан, ақша жинауға бел байлапты. Ал күйеуі болса, бүкіл жалақысын өзіне жұмсаған көрінеді.
Келіншектің сөзіне қарағанда, 2014 жылы күйеуі әлі студент болған, сол кездегі 30 мың жалақысының 20 мыңын енесі алып отырыпты.
<blockquote>
 Босанғанан кейін үйге келген Раушан жиған ақшасын таппай қалған. Қаражат көп болмағанымен, ол балаға арналған ақша болатын. Күйеуінен ақшаның қайда кеткенін сұраса, ол қуанышымен бөлісіп, достарымен бірге барлығын құртып қойғанын айтыпты. Қуанышты жаңалықты жумасқа амалы болмағанын айтып ақталған екен.
 Раушан осыдан кейін ақшаны күйеуіне тапсырудың қателік екенін ұғынып, одан ай сайын жалақысын беріп тұруын сұрапты. Жұбайы жалақысының 20 пайызын өзіне қалдырып, қажеттілгіне жұмсайтын болып келіскен. Ал келіншектің өзі декреттік демалыста болған соң, артық ақша жұмсамаған, нәрестеге керек-жарақты жәрдемақының ақшасына алып отырған екен.
 Сол кезде күйеуінің айлық табысы 60 мың теңге болған. Босанғаннан бір ай өткен соң Раушан да құр отырмай, ақша табуды жөн көріпті. Мамандығы аудармашы болғандықтан, үйде отырып-ақ ақша табуға мүмкіндік туған. Тапсырыспен мәтіндерді аударып, көршілердің балаларына ағылшын тілін үйреткен.
</blockquote>
Осылайша, жас отбасы бір жарым жыл ішінде миллион теңге жинапты.
Күйеуі өзінің атына депозит ашып, ақшаны шотқа салған. Алайда, жиналған қаражат депозитте көп жатпаған. Енесі жиналған ақшаны қарызға сұрап алған екен.
<blockquote>
 “Енді, баласы ғой, анасының қолын қалай қайтарсын. Ол ақшаның қайтпайтынын да ойламады. Осылайша, ақшамыз жарқын болашаққа деген сеніміммен бірге жоқ болды”, – дейді Раушан.
</blockquote>
Содан бері ол бар жиған ақшасын уысынан шығармай ұстауға шешім қабылдапты. Жұмысқа орналасып, өз атына депозит ашып, табысының бір бөлігін шотына салып отырған.
Сондай-ақ күйеуінің жалақысын енді толығымен алып отыруды ұйғарыпты. Оның керек-жарағына ақшаны өзі беріп отырған.
Уақыт өте келе жұбайының жалақысы көтерілген. Осылайша, олар ай сайын депозитке 150 мың теңгеден, кейде одан да көп сома салып отырған.
Нәтижесінде, жас отбасы үш жылға жетпей 5 миллион теңге жинап, қазір пәтер сатып алуды жоспарлап отыр. Жетпеген соманы ипотека арқылы төлеуді шешіпті.
Раушан отбасылық бюджеттің әйелдің қолында болуы ер адамның әлсіздігін көрсетпейтініне сенімді. Ол күйеуінің қолы ашық екенін, туыстары немесе достарының өтініштерін жерге тастамауға тырысытанын айтып, оның өз кезегінде, отбасылық бюджетке кері әсерін тигізетінін жеткізді.
<blockquote>
 “Бұл біздің ортақ шешіміміз болды. Өкінбейміз, қазір өзімізден еш нәрсе аямаймыз. Аптасына екі рет қызықты жерлерге барып, отбасылық мереке өткізіп тұрамыз”, – дейді Раушан.
</blockquote>
<a href="https://kaz.nur.kz/1830473-otbasylyk-budzetti-uysynan-sygarmaj-stagan-kelinsek-pterge-aksa-zinady.html?fbclid=IwAR0nf6_rG4Tx6vjilSUVO-8-w9Pb84LNhNq3E7G3JTanLNxpqJF_T3hccZE">KAZ.NUR</a>

Отбасылық бюджеттің әйелдің қолында болуы ер адамның әлсіздігін білдіре ме?

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> «Олимп» букмекерлік кеңсесінің лицензиясы тоқтатылды, деп хабарлайды <a href="https://lenta.inform.kz/kz/olimp-bukmekerlik-kensesinin-licenziyasy-toktatyldy_a3606139">ҚазАқпарат</a>.
<blockquote>
 «2020 жылдың 22 қаңтарынан бастап OLIMP.KZ лицензияның тоқтатылуына байланысты ставка қабылдай алмайды», – делінген букмекерлік кеңсесінің хабарламасында.
</blockquote>
Еске салсақ, бұған дейін Алматы прокуратурасы «Олимп» букмекерлік кеңсесінің 145 млрд теңге салықтық берешегі бар екендігін&nbsp;анықтады. Сондай-ақ, «Олимп» букмекерлік кеңсесі әкімшілігінің заңсыз ойын бизнесін ұйымдастыру фактісі бойынша сотқа дейінгі тергеу басталғаны да&nbsp;хабарланды.

«Олимп» букмекерлік кеңсесінің лицензиясы тоқтатылды

<a href="https://kyzylorda-news.kz/">Kyzylorda-news.kz.</a> Қызылорда облысындағы «Петро Қазақстан Құмкөл Ресорсиз» АҚ-ның кен орындарында 2019-2020 жж.күзгі-қысқы кезеңі апатсыз режимде өтуде.
2020 жылғы 21 қаңтардағы жедел ақпаратқа сәйкес:
– «Құмкөл» кен орнының газтурбиналық электр станциясында №2,4,5 ГТУ газтурбиналық қондырғылары жұмыс істеуде, №1 ГТУ резервте, №3 ГТУ жоспарлы жөндеуде, электр энергиясының сағаттық орташа тәуліктік өндірілуі 42,8 МВт құрайды және «Құмкөл» кен орнында электр энергиясының қажеттілігін 73%-ға жабады;
– «Арысқұм» кен орнының газ-поршенді электр станциясында №1,2,3,4 ГПУ қуаттылығы әрқайсысы 3,0 МВт болатын барлық газ-поршенді қондырғылары жұмыс істеуде, электр энергиясын өндіру 6,44 МВт құрайды және «Арысқұм» кен орнында электр энергиясының қажеттілігін 100%-ға жабады;&nbsp;
– «Майбұлақ» кен орнының газ-поршенді электр станциясында қуаты 1,0 МВт болатын №1 ГПУ газ-поршенді қондырғысы жұмыс істеуде, №2 ГТУ резервте, электр энергиясын өндіру 0,16 МВт құрайды, «Майбұлақ» кен орнындағы дизельді электр станцияларымен бірлесіп, электр энергиясын қажеттілікті 100%-ға&nbsp; жабады;
– «Оңтүстік-Шығыс Қызылқия» кен орнының газ-поршенді электр станциясында №1,2,3,4 &nbsp;ГПУ газ-поршенді қондырғылары жұмысында электр энергиясын өндіру 0,66 МВт құрайды және кен орнындағы дизельді электр станцияларымен бірлесе отырып электр энергиясын қажеттілікті 100%-ға жабады.
Қазақстан Республикасы Энергетика министрлігі
Атомдық және энергетикалық қадағалау мен бақылау комитетінің
Қызылорда облысы бойынша аумақтық департаменті» ММ

Қызылорда облысындағы кен орындарында жағдай тұрақты

<a href="https://kyzylorda-news.kz/">Kyzylorda-news.kz.</a> «Батыс Еуропа-Батыс Қытай» тас жолының Арал ауданы тұсында күдік тудырған жеңіл автокөлік тоқтатылды.
Тексеру барысында 1 келіге жуық&nbsp; «кептірілген марихуана» тәркіленді. Автокөлік жүргізушісі 36 жастағы Арал ауданының тұрғыны болып шықты.&nbsp;&nbsp;&nbsp;
<blockquote>
 «Бүгінгі күні күдікті Арал ауданы Полиция бөлімінің уақытша ұстау абақтысына қамаққа алынып, Қазақстан Республикасы Қылмыстық кодексінің 296-бабы 3-бөлігімен (Есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу) сотқа дейінгі тергеп-тексеру амалдары жүргізілуде», – делінген полиция департаментінің таратқан хабарламасында.
</blockquote>

Есірткі заттарын тасымалдаған Арал ауданының тұрғыны ұсталды

Бұл туралы Кәсіпкерлер палатасының директоры Ғалымбек Жақсылықовтың бизнес өкілдерімен кездесуінде айтылды.
Жеке кәсіпкер Құмарбек Төлегеновтің 1 сотық жер ала алмай жүргеніне 8 жылға таяпты. Ол 2012 жылы Қызылорда қаласындағы Жалаңтөс Бахадүр көшесінен аукцион негізінде 100 шаршы метр (1 сотық) жер телімін алады. Тротуармен қабаттасуына байланысты аталмыш жерде құрылыс жүргізу мүмкін болмай, 2016 жылы кәсіпкерге әкімдікпен Байтұрсынов көшесінен 75 шаршы метр (0,75 сотық) жер телімі беріледі. Кәсіпкер аталмыш аумақты қоршап, құрылыс жұмыстарын бастағалы жүргенінде бұл жердің иесі бар екені анықталып, әкімдік 2018 жылы Қонаев көшесінен жер телімін табыстайды.
Алайда кәсіпкердің проблемасы мұнымен бітпейді. Қонаев көшесінен берілген 0,75 сотық жерді прокуратура Қызылорда қаласының Бас жоспарына сай емес, бұл жер жасыл желек аумағы деп, наразылық келтіріп, нәтижесінде кәсіпкер жер телімінсіз қалады.
Кәсіпкердің кездесуге келуіне де осы жағдай себеп болып отыр. Кездесуде Бас жоспарға 2019 жылдың 6 маусымында өзгеріс енгізілгендігі анықталды. Өзгеріске сай, әкімдік&nbsp; алып қойған жер телімі «базар», яғни кәсіпкерлік мақсатқа арналған жер болып белгіленіп тұр екен.
<blockquote>
 «Қызылорда қаласындағы бірқатар кәсіпкерлермен кездестім. Кездесуде көтерілген мәселелердің басым бөлігі жер қатынастары саласына қатысты болды. Шынымды айтсам, кездесуден кейін көңіл-күйім түсіп кетті. «Қазір халық жалқау, тірлік істегісі келмейді», – деп айтып жүрген кейбір шенділердің әңгімесін жоққа шығарғым келеді. Тірлік жасағысы келіп, жер алып, ақша салған, алайда құжаттарын заңдастыра алмай сенделген жандарды көргенде еріксіз ашу қысты. Этикет талап еткендіктен ғана өз-өзімді ұстап отырдым. Бұл мәселені тікелей бақылауыма аламын. Жақын күндері Кәсіпкерлердің құқығын қорғау кеңесіне шығарамыз. 8 жыл сандалған әріптесімізге көмектесе аламыз деп үміттенемін», – деп жазды Кәсіпкерлер палатасының директоры Ғалымбек Жақсылықов әлеуметтік желідегі парақшасында.
</blockquote>

Қазақстан және Қызылорда облысының жаңалықтары: Қоғам