<a href="https://kyzylorda-news.kz/">Kyzylorda-news.kz</a>Сыр өңірінде «Таза Қазақстан» республикалық экологиялық акциясы аясындағы сенбіліктер жалғасуда. Оған қалада да, ауылдарда да тұрғындар белсенділікпен қатысып келеді. Сенбілікке қатысушылар туған жерімізді ешкім сырттан келіп тазалап, көркейтіп бермейтінін, оны таза ұстау – әр азаматтың қастерлі парызы екенін жете түсінеді.&nbsp;Бүгінгі санитарлық тазарту, абаттандыру және көркейту-көгалдандыру жұмыстарын 130 мыңнан астам еріктілер, қоғам қайраткерлері, бюджет саласы мен кәсіпорын қызметкерлері атқарды.Жуырда өткен «Таза Қазақстан» экологиялық фестивалінде сөз сөйлеген Мемлекет басшысы «Тазалық әр адамнан, әр үйден, әрбір көше мен әр қаладан басталуы керек. Өйткені «Таза Қазақстан», бұл – бір күндік науқан емес. Бұл – біздің өмір салтымыз. «Жас келсе – іске» деп халқымыз бекер айтпаған. Баршаңызды табиғатты қорғау идеясы біріктіріп отыр. Сіздер бәріңіз бірге істеп жатқан жұмыстың арқасында бұл игі бастама осындай үлкен қозғалысқа айналды. Ортақ іске күш жұмылдыру дегеніміз – осы» деген болатын.&nbsp;Көпшілік біркісідей атсалысқан тазалық жұмыстарынан кейін 4000 тоннадан &nbsp;астам қоқыс қалдығы арнайы орындарға шығарылды. Елді мекендердегі скверлер мен парктер, тарихи мәдени ескерткіштер, әлеуметтік нысандар, өнеркәсіп және бизнес нысандары, су объектілері &nbsp;мен көшелердің бойы &nbsp;тазартылды. Оған 400-ден астам техника жұмылдырылды.Жыл басынан бері облыс аумағына 99500 түп жергілікті климатқа сай келетін, жерсінетін қарағаш, терек және Сыр талының көшеттері егілді.<img src="https://knadmin.beoblood.kz/uploads/Taza_aza_stan_2_81c39bd6c3.jpg" alt="Таза Қазақстан 2.jpg">Фото: Қызылорда облысы әкімінің баспасөз қызметі

"Таза Қазақстан" игі бастамасының оң нәтижесі

<a href="https://kyzylorda-news.kz/">Kyzylorda-news.kz</a> Дала жұмыстары басталысымен диқаншы қауымның әр күні тынымсыз тірлікпен өрілуде. Егіс алқаптарына бақша дақылдарын егу жұмыстары әлі де қызу жүруде.Сол жұмыстардың біріне тоқталсақ, ауданға қарасты Бекбауыл ауылдық округі, Үкілісай елді мекенінің тұрғыны Қ.Есентаев подпленка әдісімен 6 гектар жерге бақша дақылдарын орналастырды.Бұдан бөлек Ақирек ауылдық округінде «Думан» шаруа қожалығы 2 гектар жерге бақша өнімерін орналастыру үшін жер жырту жұмыстарын аяқтады.Сондай-ақ, ауданға қарасты ауылдық округ, елді-мекен тұрғындары бұл жұмыспен шектелмей, алдағы уақытта бақшалық дақылдар егу үшін көктемгі дала жұмыстарын жалғастырмақшы.Бүгінгі күнге, аудан бойынша 272 гектар жер жыртылып, әліде егістік жерлерді жырту жұмыстары жүргізілуде.

Ауылдық округтерде жер жырту жұмыстары жалғасуда

<a href="https://kyzylorda-news.kz/">Kyzylorda-news.kz</a> Сырдария ауданындағы «Руханият» орталығында аудандық жастар ресурстық орталығының ұйымдастыруымен «Еңбек елдің – ертеңі» атты жұмысшы мамандықтар фестивалі өтті. Іс-шараға аудан әкімінің орынбасары Димаш Байдушев, «AMANAT» партиясы аудандық филиалының атқарушы хатшысы Ақтөре Ибрагимұлы, жас кәсіпкерлер мен аудан жастары қатысты.Фестиваль аясында түрлі бағытта іс-шаралар өтті. Атап айтқанда, оқушылардың робототехника көрмесі, қолөнер шеберлері мен жас кәсіпкерлер көрмесі және жұмысшы мамандықтардың шеберлік сағаттары ұйымдастырылды. Жастар өздерін қызықтыратын мамандықтармен жақын танысып, еңбек нарығындағы сұранысқа ие кәсіптер туралы жан-жақты ақпарат алды.Құрметті қонақтар заманауи техника тілін меңгерген оқушылардың жобаларымен, жас кәсіпкерлердің өндіріс тауарларымен және қолөнер шеберлерінің туындыларымен танысып, оң бағасын берді.Аталған фестиваль аясында Димаш Серікбайұлы жастармен арнайы кездесіп, сұхбат құрды. Кездесу барысында аудан әкімінің орынбасары қазіргі таңдағы жастар қозғалысының белсенділігіне ризашылығын білдіріп, білім мен кәсібиліктің маңыздылығын атап өтті. Сондай-ақ, жастар көкейінде жүрген сұрақтарын қойып, өзекті мәселелер бойынша пікір алмасты.Кездесу соңында «Жұмысшы мамандықтар» жылы аясында өз саласында үздік шыққан белсенді жастар аудан әкімінің Алғыс хатымен марапатталып, сый-құрмет көрсетілді.<img src="https://knadmin.beoblood.kz/uploads/Zh_mysshy_mamandy_tar_festivali_2_a47b4b3c6d.jpg" alt="Жұмысшы мамандықтар фестивалі 2.jpg">

Жұмысшы мамандықтар фестивалі өтті

<a href="https://kyzylorda-news.kz/">Kyzylorda-news.kz</a> Мәжілісте көктемгі егін науқанының барысы, егінді әртараптандыру бойынша атқарылып жатқан жұмыстар және "Кең дала" бағдарламасының іске асуы барысы талқыланды.Аудан әкімі көктемгі егіс науқанына дайындық жұмыстарының сапасын, ауыл шаруашылығы техникаларының дайындық деңгейін, тыңайтқыштармен қамтамасыз ету және тұқым сапасы мәселелерін назарға алуды тапсырды. Сонымен қатар, егінді әртараптандыру арқылы агроөнеркәсіп кешенін жаңғырту бағытында атқарылып жатқан жұмыстар туралы сала басшысының есебін тыңдады."Кең дала" бағдарламасының аясында ауыл шаруашылығы саласын дамытуға бағытталған жаңа жобалар талқыланды.&nbsp;Жиын қорытындысы бойынша сала басшылары мен ауыл әкімдеріне көктемгі егіс жұмыстарын уақытылы аяқтау және "Кең дала" бағдарламасының жүзеге асырылуы бойынша нақты міндеттер жүктелді.<img src="https://knadmin.beoblood.kz/uploads/Syrdariya_audany_kimi_2_f47d359c28.jpg" alt="Сырдария ауданы әкімі 2.jpg">

Көктемгі егін науқанының барысын талқылады

<a href="https://kyzylorda-news.kz/">Kyzylorda-news.kz</a> Арал ауданы орталығында Ұлы Жеңістің 80 жылдығына арналған еркін күрестен жасөспірімдер арасындағы облыстық ашық турнирдің салтанатты ашылуы өтті.№19 олимпиадалық резервтің мамандандырылған балалар-жасөспірімдер мектебінің спорт кешенінде өткен бұл турнир «Арал – есірткісіз» ұранымен бастау алды. Дүбірлі дода Сазды ауылының тумасы, еңбек адамы, өз заманында ел құрметіне бөленген Жұбай Байдаулетовты еске алуға арналды.Спорттық шарада алдымен еліміздің әр өңірінен келген бозкілем шеберлері таныстырылды. Турнирге Ақтөбе, Түркістан, Жамбыл, Шымкент қалалары мен Қызылорда облысының аудандарынан 300-ден аса жас палуан қатысуда. 2014-2017 жылдар аралығында туған спортшылар 10 салмақ дәрежесі бойынша өзара мықтыны анықтамақ.Аудан әкімі Аманжол Оңғарбаев қатысушыларға сәттілік тілеп, Жұбай Байдаулетовтың ел үшін сіңірген еңбегі мен бүгінгі жарыстың маңыздылығын атап өтті.<blockquote>– Қарапайым еңбек адамы, Сазды ауылының тумасы Жұбай Байдаулетовты еске алуға арналған еркін күрестен облыстық ашық турнирдің ашылу салтанатымен құттықтаймын! Халқымызда «Елін сүйген ерді, елі де сүйеді» дейді. Қарапайымдылығы мен еңбекқорлығының арқасында ел таныған Жұбай ата елге және ауыл-аймағына сыйлы, ардақты азамат болған. Еркін күрес – тек дене күші мен шеберлік бәсекесі ғана емес, ол – ерік-жігердің, табандылық пен рухтың айнасы. Бұл спорттық шара Жұбай Байдаулетұлын еске алып, құрмет көрсетудің, жастарға дәріптеудің үлгісі деп танумен қатар, бұқаралық спортты дамытуға өз септігін тигізуде. Осындай турнирлерді жиі өткізу өскелең ұрпақтың бойында ата-бабамыздан қалған асыл қасиеттерді қалыптастырып, шыңдауға көмектеседі, – деді, аудан басшысы.</blockquote>Турнирдің бас демеушісі «Қасқырбай» шаруа қожалығының төрағасы, Жұбай Байдаулетовтың жиені Әділ Елеусізов құттықтау сөз сөйлеп, ар-намыс пен қайсарлықты серік еткен жас палуандар өз шеберліктерін дәлелдейтін тартысты додаға сәттілік тіледі.Турнирдің ашылу рәсімінде Қазақстан Республикасының Мемлекеттік Туы мен Әнұраны орындалып, мерекелік әнмен әрленді.Бозкілем төріндегі тартысты бәсеке 5 мамырға дейін жалғасады.<img src="https://knadmin.beoblood.kz/uploads/Turnir_7256de6d65.jpg" alt="Турнир.jpg">

Жасөспірімдер арасында облыстық турнир өтті

<a href="https://kyzylorda-news.kz/">Kyzylorda-news.kz</a> "Қазгидромет" РМК синоптиктері 3, 4 және 5 мамырда Қазақстанда ауа райы қандай болатыны туралы болжамын ұсынды, деп хабарлайды <a href="https://baq.kz/nayzagay-zhanbyr-burshaq-demalys-kunderi-aua-rayy-qanday-bolady-200012832/">BAQ.KZ </a>тілшісі.Синоптиктердің болжамынша, мамырдың басында еліміздің басым бөлігінде ауа райы тұрақсыз болады: найзағай, жаңбыр, желдің күшеюі, солтүстік, шығыс және оңтүстік-шығыстағы таулы аудандарда түнде жаңбыр мен қар түрінде жауын-шашын күтіледі.<blockquote>Республиканың оңтүстік-шығысында, таулы аудандарда жауын-шашын (жаңбыр, қар) болады деп болжанады. Тек Қазақстанның оңтүстігінде жауын-шашынсыз ауа райы күтіледі. Солтүстік-батыста, солтүстікте, орталықта, оңтүстік-шығыста күндіз бұршақ жауады. Батыста және оңтүстікте құмды дауыл соғады. Түнгі және таңғы уақытта республика бойынша тұман түседі, – делінген хабарламада.</blockquote>Мамандардың айтуынша, температуралық фонда күрт өзгерістер күтілмейді. Көктемнің соңғы айында еліміздің басым бөлігінде ауа температурасы нормадан 1 градусқа жоғары болады.

Демалыс күндері ауа райы қандай болады?

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен өткен мәжілісте жол инфрақұрылымын дамыту мәселесі талқыланып, жауапты сала басшылары мен аудан әкімдеріне бірқатар тапсырма берілді.<blockquote>«Биылғы меже – жақсы жағдайдағы жолдардың үлесін 95 пайызға жеткізу. Былтыр жөндеуден өткен жолдардан анықталған кемшіліктерді шұғыл қалпына келтіріп, қаржының толық игерілуін қамтамасыз етіңіздер. Автомобиль жолдары мен көшелерді салу, жөндеу жұмыстарының сапасын қатаң бақылауға алыңыздар. Жобалардың мерзімінде аяқталуын басты назарда ұстаңыздар», – деді Нұрлыбек Машбекұлы.</blockquote>Облыс аумағында жергілікті маңызы бар автомобиль жолдарының ұзындығы 3545 шақырым болса, оның 1024,5 шақырымы – республикалық, 555 шақырымы – облыстық, 1965,5 шақырымы – аудандық маңызы бар автомобиль жолдары.Өткен жылы жол инфрақұрылымын дамытуға республикалық және облыстық бюджеттен 44 млрд. 703 млн.теңге қаржы бөлініп, 300 шақырымнан астам автомобиль жолдары, көшелер және көпір өткелдері жөндеуден өткізілді.Биыл 33 млрд. 602 млн. теңге бөлініп, 329 шақырым автомобиль жолдары, көшелер мен көпір өткелдерін жөндеу жоспарланған.Өткен жылдың соңында облыстық және аудандық маңызы бар автомобиль жолдарының жақсы және қанағаттанарлық индикаторлық көрсеткіштерінің үлесі 92,5% болса, биыл бұл көрсеткіш 95%-ға жеткізілмек.<img src="https://knadmin.beoblood.kz/uploads/Oblys_kimdigi_zhiyn_02_05_9fbaf85a79.jpg" alt="Облыс әкімдігі жиын 02.05.jpg">Фото: Қызылорда облысы әкімінің баспасөз қызметі

Жол инфрақұрылымын дамыту мәселесі талқыланды

<a href="https://kyzylorda-news.kz/">Kyzylorda-news.kz</a> Отан қорғаушы күні мен Ұлы Жеңістің 80 жылдығы қарсаңында «AMANAT» партиясының «Жастар Рухы» жастар қанаты «Qaisar» әскери-патриоттық ойындарын ұйымдастырды. Қарағанды облысындағы Спасск оқу-жаттығу орталығында өткен іс-шарада 300-ден астам адам бас қосты. Олардың арасында «Жас сарбаз» ұйымының тәрбиеленушілері, «Әлияшылар» қозғалысына қатысушы қыздар,бастауыш әскери дайындық пәнінің мұғалімдерімен әскери кафедралардың өкілдері, сондай-ақ еліміздің барлық өңірінен келген 100 жоғары сынып оқушысы бар.Әскери-патриоттық ойындардың ашылу салтанатына Мәжіліс Спикері, «AMANAT» партиясының Төрағасы Ерлан Қошанов, Қарағанды облысының әкімі Ермағанбет Бөлекпаев, Парламент депутаттары, Қорғаныс министрлігі мен «Астана» өңірлік қолбасшылығының басшылығы, қарулы күштер ардагерлері, қоғам өкілдері және өзге де азаматтар қатысты.Өз сөзінде Ерлан Қошанов 2022 жылы «AMANAT» партиясының кезектен тыс XXII Съезінде «Жастар Рухы» жастар қанаты «Qaisar» әскери-патриоттық ойындарын тұрақты түрде өткізу жөнінде бастама көтергенін атап өтті. Бұл бастамаға Мемлекет басшысы Қасым-Жомарт Тоқаев қолдау білдірді. Осы жылдар аралығында «Qaisar» әскери-патриоттық ойындары тұрақты түрде өткізіліп, жай ғана әскери-спорттық іс-шара емес, нағыз ерліктің, патриотизмнің, жауапкершілік пен тәртіптің мектебіне айналды. Жалпы, осы уақыт ішінде жобаға 5 мыңға жуық ұл мен қызқатысты.<blockquote>«Президент айтқандай, біз ұрпағымызға дамыған әрі мықты мемлекет қалдыруымыз керек.Ол үшін жастарды дұрыс тәрбиелеу қажет. Бұл істе әскер ерекше рөл атқарады. Бүгінде Қазақстанның Қарулы Күштері тек әскери дайындықпен шектелмейді. Кез келген төтенше жағдай мен табиғи апат орын алса, әскеріміз бірінші болып көмек қолын созады. Бұл – Отан алдындағы парыз бен халық алдындағы жауапкершіліктің шынайы көрінісі. Сіздердің бойларыңызда да осындай қайсар рух пен отаншылдықтың бар екеніне кәміл сенемін!», –деді ол.</blockquote>

«Qaisar» әскери-патриоттық ойыны ұйымдастырылды

<a href="https://kyzylorda-news.kz/">Kyzylorda-news.kz</a> 1 мамыр – Қазақстан халқының бірлігі күні және Қазақстан халқы Ассамблеясының 30 жылдығына орай Қызылорда облысы Полиция департаментінің бастамасымен Қорқыт Ата атындағы Қызылорда университетінің Студенттер сарайында салтанатты жиын өтті. Іс-шараға облыстағы этнос өкілдері, ардагерлер мен Полиция департаментінің қызметкерлері қатысты.<img src="https://knadmin.beoblood.kz/uploads/Universitet_birlik_k_ni_3_e608c94624.jpg" alt="Университет бірлік күні 3.jpg">Жиында департамент бастығының орынбасары, полиция полковнигі Оралбек Тәубақабылұлы барша халықты мерекемен құттықтап, бірлік пен бейбітшіліктің маңызын атап өтті. Сонымен қатар, этномәдени бірлестік жетекшілері — Гизатуллина Галия Камилевна, Щербакова Галина Сергеевна, Пашаева Лайла Алиевна және Ан Елена Юрьевна &nbsp;құттықтау сөз сөйледі. Ал этномәдени бірлестіктердің шығармашылық ұжымдары өнерлерін &nbsp;көрсетті.<img src="https://knadmin.beoblood.kz/uploads/Universitet_birlik_k_ni_2_713d4cfbdb.jpg" alt="Университет бірлік күні 2.jpg">Бүгінде департаментте 11 түрлі этнос өкілі қызмет етіп, ел тыныштығын қорғауға үлес қосуда. Олардың қатарынан полиция майоры Соболев Виталий Алексеевич, лейтенант Хасиханов Зелимхан Чингисханович және капитан Тен Альфараби Александрович көпшілікті мерекемен құттықтады.&nbsp;Шара соңында этномәдени бірлестіктерге бірлік пен келісімді сақтау жолындағы елеулі еңбектері үшін Алғыс хаттар табысталды.<img src="https://knadmin.beoblood.kz/uploads/Universitet_birlik_k_ni_c8dee7189d.jpg" alt="Университет бірлік күні.jpg">

Халық бірлігі – басты құндылық

<a href="https://kyzylorda-news.kz/">Kyzylorda-news.kz</a> Қызылорда қаласындағы «Нұрсәт» теннис орталығында классикалық шахматтан Аралбай Махамбетовтың жүлдесіне арналған ҚР балалар кубогы ІІ кезеңінің ресми ашылу салтанаты өтті.&nbsp;Ұлы Жеңістің 80 жылдығы қарсаңында Сыр өңірінде он жетінші мәрте ұйымдастырылған ой сайысына Тәжікстан, Өзбекстан, Қырғызстан, Ресей мемлекеттері және еліміздің барлық өңірінен келген 350-ден астам спортшы сынға түспек.Шараға Қызылорда облысы әкімінің орынбасары Шахмардан Байманов, Қазақстан шахмат федерациясының вице-президенті Марат Есенов, «Freеdom &nbsp;Bank» облыстық филиалы басшысының орынбасары Талғат Кәрібаев қатысты.&nbsp; Ашылу рәсімінде облыс әкімінің орынбасары Шахмардан Асқарұлы шахмат шеберлеріне сәттілік тілеп, ой сайысының тартысты өтетініне сенім білдірді.&nbsp;<blockquote>- Мемлекет басшысы «Шахмат - адамның ақыл-ойын және қарым-қабілетін ұштауға мүмкіндік беретін бірегей спорт түрі» деп ерекше атап өткен болатын. Осы ретте, әлемде ерекше танымал болған бұл ойын күні бүгінге дейін өз маңыздылығын жоймай келеді. Бүгінде біздің облыста 15 мыңнан астам адам шахматпен тұрақты &nbsp;айналысады. Олардың арасында облыс тарихында тұңғыш ФИДЕ шебері, шахматтан 3 дүркін Әлем Чемпионы, 7 дүркін Азия чемпионы, 18 дүркін Қазақстан чемпионы Әсел Серікбай, жасөспірімдер мен жастар арасында 17 дүркін Қазақстан чемпионы, 3 дүркін Әлем және Азия чемпионы Назерке Нұрғали, 8 дүркін Қазақстан чемпионы, Орта Азия чемпионы Аңсат Алдияр, 2 дүркін Қазақстан чемпионы және Азия чемпионатының жүлдегері Ернұр Ержанұлы, 2 дүркін Қазақстан чемпионы, Әлем чемпионатының жүлдегері, Классикалық шахматтан ҚР балалар кубогы І кезеңінің жеңімпазы Ақылжан Мейірханұлын мақтанышпен айта аламыз. Мінекей, бүгін Сыр елінде ұйымдастырылған ой сайысына бірнеше мемлекет және еліміздің барлық облысынан 350-ден астам спортшы қатыспақшы. Барша жарыс қатысушыларына сәттілік тілей отырып, шын мықты жеңіске жетсін деп тілек білдіремін!, - деді Шахмардан Асқарұлы.&nbsp;</blockquote>Сондай-ақ, шарада құрметті қонақтар құттықтау сөз сөйлеп, жарыс ұйымдастырушыларына алғыс білдірді.&nbsp;Айта кетейік, шахматшылар арасындағы ой сайысы 2-8 мамыр аралығында өтеді.<img src="https://knadmin.beoblood.kz/uploads/Shahmat_2_46cbfb122f.jpg" alt="Шахмат 2.jpg">

Шахматтан балалар кубогі басталды

<a href="https://kyzylorda-news.kz/">Kyzylorda-news.kz</a> Ұлттық ұлан Ұлы Жеңістің 80 жылдығын патриоттық акциямен атап өтті, деп хабарлайды <a href="https://baq.kz/ulttyq-ulan-uly-zhenistin-80-zhyldygyn-patriottyq-aktsiyamen-atap-otti-200012799/">BAQ.KZ.</a>Мерейлі датаға орай ұландықтар Астанада өнер мен әскери рәсімдерді біріктіретін ауқымды акция өткізді. 80 әскери қызметші Ұлы Жеңіске қол жеткізген атаулы күннің құрметіне "80" санын тарту етті. &nbsp;Ұлттық ұланның Құрмет қарауыл ротасының жауынгерлері саптық өнерді жетік меңгергендігін көрсете отырып, ерекше шеберлік көрсетті: олар алдымен алаңда батылдық пен ерліктің символы – жұлдызды суреттеп, әскери марш ырғағымен жұлдыз пішінін "80" санына өзгертті. Бірегей қойылым Үлгілік-көрсетімді оркестрдің сүйемелдеуімен және Ерлер хорының “Жеңіс күні" әнін жанды дауыста орындауымен жүзеге асты. Құқықтық тәртіп әскерінің шығармашылық ұжымының өнері сымбатты да біркелкі сарбаздардың Жеңіс мерейтойына арнаған тартуына ерекше сән-салтанат берді. Мерекелік композиция астаналық бригаданың саптық алаңын асқақ рух пен отансүйгіштікке толы атмосфераға бөледі.<blockquote>Біз батыр бабаларымыз бен ардагер аталарымызға бейбіт күн үшін құрмет көрсетеміз. Олардың ерлігі жүрегімізде мәңгі сақталады. Ұлттық ұлан әскери қызметшілері үшін елге қызмет ету – жәй ғана міндет емес, Отан қорғаушылардың ұлы дәстүрін жалғастыру, - дейді шараға қатысушылар.</blockquote>Патриоттық акция Ұлы Жеңіс пен ұрпақтар бірлігін, құндылықтар сабақтастығы мен әскери антқа адалдықты дәріптеудің жарқын үлгісіне айналды.<img src="https://knadmin.beoblood.kz/uploads/ltty_lan_cfa0fcfa14.jpg" alt="Ұлттық ұлан.jpg">Фото: Ұлттық ұлан баспасөз қызметі

Ұлы Жеңістің 80 жылдығына патриоттық акция ұйымдастырылды

<a href="https://kyzylorda-news.kz/">Kyzylorda-news.kz</a> Қазақстан халқының бірлігі күніне орай Қызылорда қаласындағы NIS-те ұстаздар мен ата-аналар арасында волейболдан турнир өтті.Бұл спорттық додаға №10 дарынды балаларға арналған «Білім-инновация» лицей-интернаты, &nbsp;Ильяс Қабылов атындағы №12 ақпараттық технологиялар мектеп-лицейі, Әли Муслимов атындағы №101 мектеп-лицейі мен NIS командалары қатысты.Турнирдің мақсаты — мектептер арасындағы ынтымақтастықты нығайту, салауатты өмір салтын насихаттау және достық, бірлік секілді құндылықтарды дәріптеу.Қатысушылар жоғары деңгейдегі спорттық дайындықтарын көрсетті. Жарыс қорытындысы бойынша &nbsp;I орынды — «Білім-инновация» лицейі ата-аналары, II орынды — №12 мектеп-лицейінің мұғалімдері және III орынды —Зияткерлік мектеп педагогтері иеленді.<img src="https://knadmin.beoblood.kz/uploads/NIS_Kyzylordy_Set_za_druzhbu_fe5d1fb6c1.jpeg" alt="NIS Кызылорды Сет за дружбу.jpeg">

Қазақстан және Қызылорда облысының жаңалықтары: Қоғам