<a href="https://kyzylorda-news.kz/">Kyzylorda-news.kz</a> 11 наурыз күні Қызылорда облысы кәсіпкерлер палатасының алаңында «Әділ әрі прогрессивті Қазақстанның халықтық Конституциясы үшін!» жалпыұлттық коалициясы өкілдерінің қатысуымен мазмұнды кездесу өтті.Жиынға Палата қызметкерлері, сондай-ақ «Қызылорда өңірлік инвестициялық орталығы» микроқаржылық ұйымының қызметкерлері қатысып, алдағы маңызды саяси науқан – 15 наурызда өтетін республикалық референдум аясында ұсынылып отырған конституциялық өзгерістер мен толықтырулар кеңінен талқыланды.Кездесу барысында шақырылған сарапшылар қатысушыларға конституциялық реформаның мәні мен маңызы туралы жан-жақты ақпарат беріп, жаңа Конституция жобасында көзделген негізгі өзгерістерді түсіндірді. Сарапшылар бұл өзгерістер елдегі құқықтық жүйені жетілдіруге, қоғамның дамуына және азаматтардың құқықтары мен бостандықтарын одан әрі нығайтуға бағытталғанын атап өтті.Алғашқы болып сөз алған Асылбек Теңелұлы жаңа Конституция мен қолданыстағы құжаттың арасындағы негізгі айырмашылықтарға тоқталып, оның тарихи алғышарттары мен қабылдану кезеңдері туралы кеңінен баяндады. Ол конституциялық реформаның ел дамуының жаңа кезеңіне сәйкес келетінін айтып, оның мемлекет басқару жүйесін жаңғыртудағы рөлін ерекше атап өтті.Келесі спикер Жанна Мейрамбекқызы өз сөзінде шағын және орта бизнесті қолдау бағытындағы жаңа тетіктерге тоқталды. Ол Мемлекет басшысының кәсіпкерлікті дамыту, бизнеске қолайлы орта қалыптастыру және отандық кәсіпкерлердің мүмкіндіктерін кеңейту жөнінде берген тапсырмаларына сәйкес енгізілген өзгерістер туралы айтып, бұл жаңашылдықтардың кәсіпкерлік саласының дамуына оң ықпал ететінін жеткізді.Өз кезегінде Әліби Төлепбергенұлы жаңа құжатта қарастырылған отбасы құндылықтарын қорғау мәселелері, діни ағымдарға қатысты реттеулер және Қазақстан халқы ассамблеясының қоғамдағы рөлі туралы кеңінен сөз қозғады. Ол аталған өзгерістер қоғамдағы тұрақтылық пен бірлікті сақтауға бағытталғанын атап өтті.Жалпыұлттық коалиция мүшесі әрі Палата директоры Пірмұхаммед Сыздық өз сөзінде мемлекеттік тілге қатысты енгізілген толықтыруларға тоқталып, жаңа өзгерістердің тіл мәртебесін нығайтудағы маңызын атап өтті. Сонымен қатар ол кездесуге қатысқан спикерлер мен қатысушыларға белсенділік танытқандары үшін алғысын білдірді. Кездесу еркін форматта өтіп, қатысушылар өздерін толғандырған сұрақтарын ашық қойып, пікір алмасу арқылы ортақ талқылау жүргізді.Сарапшылар қойылған сұрақтарға нақты жауап беріп, ұсынылған өзгерістердің мазмұнын жан-жақты түсіндірді. Жиын соңында сарапшылар алдағы референдумға барша азаматтарды белсенді қатысуға шақырып, елдің болашағын айқындайтын маңызды шешімге әрбір қазақстандықтың үлес қосуы қажет екенін атап өтті.Фото: Кәсіпкерлер палатасы

Референдум қарсаңында Кәсіпкерлер палатасында сарапшылармен кездесу өтті

<a href="https://kyzylorda-news.kz/">Kyzylorda-news.kz</a> Елімізде Конституциялық реформаға енгізілген өзгерістерді халыққа жан-жақты түсіндіру мақсатындағы ақпараттық-насихат жұмыстары Қазалы ауданында жүйелі түрде жалғасуда. Осы бағытта Қазалы аудандық мәслихаты төрағасы Ғазиз Әліш мен «AMANAT» партиясы Қазалы аудандық филиалының атқарушы хатшысы Нұрғиса Жалғасбаев және мәслихат депутаттары Қазалы вагон пайдалану депосы қызметкерлерімен кездесті.Кездесу барысында Конституциялық реформаның негізгі бағыттары түсіндіріліп, заң үстемдігін нығайту, азаматтардың құқықтары мен бостандықтарын қорғау, қоғам мен мемлекет арасындағы жауапкершілікті арттыру секілді қағидаттарға назар аударылды.Жиын соңында Қазалы вагон пайдалану депосының еңбек ұжымы ел болашағы үшін қолға алынған бастамаларға әрдайым қолдау білдіретінін айтып, алдағы референдумның сәтті өтуіне тілектестік білдірді.

Конституциялық реформа: Демократиялық құндылықтардың негізі

<a href="https://kyzylorda-news.kz/">Kyzylorda-news.kz</a> «Әділетті және Прогрессивті Қазақстанның Халықтық Конституциясы үшін!» коалициясының аумақтық өкілдері Мұрат Тұрабаев, Насырбек Мырзабеков, Әшім Оразбекұлы, Дана Аман, Мұқанбетжан Салқынбаев, Даурен Досмағанбетов, Қанат Сәулебеков және Ержан Әбдешов «СЕМІЗБАЙ-У» ЖШС-нің жұмысшыларымен кездесу өткізді.Кездесудің негізгі мақсаты Қазақстан Республикасының жаңа Конституция жобасының мазмұнын еңбек ұжымына жан-жақты түсіндіру, оның қоғам өміріндегі маңызы мен артықшылықтарын кеңінен насихаттау болды. Жаңа конституция жобасында адам құқықтары мен бостандықтарын қорғау тетіктері күшейтіліп, заң үстемдігін қамтамасыз етуге айрықша мән берілгені айтылды. Сонымен қатар, әлеуметтік әділеттілік, тең мүмкіндіктер қағидаты, еңбек адамының мәртебесін арттыру, қауіпсіз еңбек жағдайларын қалыптастыру және әлеуметтік кепілдіктерді кеңейту мәселелері қамтылғаны түсіндірілді. Кездесу барысында мемлекеттік басқару жүйесін жетілдіру, қоғам мен билік арасындағы кері байланысты нығайту, азаматтардың шешім қабылдау үдерістеріне қатысу мүмкіндігін кеңейту бағытындағы өзгерістер де сөз болды.Кәсіпорын қызметкерлері өздерін толғандырған сауалдарын қойып, ұсыныс-пікірлерін білдірді. Әсіресе, еңбек қатынастары, әлеуметтік тұрақтылық және өңірлік даму мәселелері бойынша пікір алмасу өрбіді.Кездесу қорытындысында қатысушылар жаңа Конституция жобасының ел болашағы үшін маңыздылығын атап өтіп, алдағы жалпыхалықтық референдумға белсенді қатысуға дайын екендіктерін жеткізді.Мұндай ақпараттық-түсіндіру шаралары халықпен тікелей байланыс орнатуға, конституциялық реформалардың мәнін кеңінен түсіндіруге және азаматтық белсенділікті арттыруға бағытталған.

«Семізбай-У» ЖШС жұмысшыларына жаңа Конституция жобасы түсіндірілді

<a href="https://kyzylorda-news.kz/">Kyzylorda-news.kz</a> Жалағаш ауданында жаңа Конституция жобасын түсіндіруге бағытталған ақпараттық кездесулер жалғасуда. Осы аяда Ақсу ауылындағы «Сәрке батыр» шаруа қожалығының қызметкерлерімен кездесу өтті.Кездесу барысында қатысушыларға ұсынылып отырған Конституция жобасындағы негізгі өзгерістер, сондай-ақ алдағы референдумның маңызы туралы ақпарат берілді.Жиынға «Әділетті және Прогрессивті Қазақстанның Халықтық Конституциясы үшін!» аумақтық коалициясының мүшелері Қуат Ахетов, Бейбітжан Шілдебаев, Қалдыгүл Дәулет және Айқын Жақсылықова қатысты. Кездесу барысында Қуат Ахетов ұсынылып отырған конституциялық реформалардың негізгі бағыттарына тоқталып өтті.<blockquote>«Ұсынылып отырған өзгерістер мемлекеттік басқару жүйесін жетілдіруге, заң үстемдігін нығайтуға және азаматтардың құқықтары мен бостандықтарын қорғау тетіктерін дамытуға бағытталған», – деді ол.</blockquote>Сонымен қатар жиын барысында қатысушылар жаңа Конституция жобасына қатысты пікірлерін білдіріп, өздерін қызықтырған сауалдарын қойды. Коалиция мүшелері тарапынан қойылған сұрақтарға жауап берілді. Ұйымдастырушылардың айтуынша, мұндай кездесулердің мақсаты – тұрғындар мен еңбек ұжымдарын Конституция жобасының мазмұнымен таныстыру және референдум туралы ақпарат беру.Фото: Жалағаш ауданы

Ата Заң жобасы еңбек ұжымына таныстырылды

<a href="https://kyzylorda-news.kz/">Kyzylorda-news.kz</a> Өңірлік коалиция өкілдері Қызылөзек ауылдық округінің тұрғындарымен кездесіп, жаңа Конституция жобасын талқылады. Кездесу барысында заң жобасында қарастырылған негізгі өзгерістер таныстырылып, тұрғындардың сұрақтарына жауап берілді.Жиынға коалиция мүшелері Раушан Ысқақова, Қызжібек Абдраманова, Арайлым Байжігітова, Берік Шайнуров және ауыл әкімі Сәкен Әбдіжаппаров қатысты. Олар алдағы 15 наурызда өтетін республикалық референдумның мән-маңызы туралы ақпарат берді. Кездесу барысында қалалық коалиция мүшесі Раушан Ысқақова жаңа Конституция жобасында саяси жүйені жаңғырту мәселелеріне назар аударылғанын атап өтті.<blockquote>«Жаңа Конституция жобасында мемлекеттік басқару жүйесін жетілдіруге, билік тармақтары арасындағы тепе-теңдікті нығайтуға бағытталған бірқатар өзгерістер қарастырылған. Бұл бастамалар елдің саяси жүйесін одан әрі дамытуға ықпал етеді», – деді ол.</blockquote>Сондай-ақ жиында сөз алған коалиция мүшесі Арайлым Байжігітова құжатта жастар саясатына қатысты бағыттарға да назар аударылғанын айтты.<blockquote>«Жастардың сапалы білім алуына, кәсіби дамуына және қоғамдық өмірге белсенді қатысуына жағдай жасау – маңызды міндеттердің бірі. Жастар бастамаларын қолдау және олардың әлеуетін дамытуға бағытталған бағдарламалардың жүзеге асырылуы қоғамның дамуына оң ықпал етеді», – деді ол.</blockquote>Ал білім саласының өкілі, жалпыұлттық коалиция мүшесі Қызжібек Абдраманова ғылым мен білім саласын дамыту мәселелеріне тоқталды.<blockquote>«Ғылым мен инновация – ел дамуының маңызды факторларының бірі. Ғылыми зерттеулерді қолдау, жаңа технологияларды дамыту және білім беру сапасын арттыру – мемлекеттің стратегиялық бағыттарының қатарында», – деді ол.</blockquote>Кездесу барысында тұрғындар жаңа Конституция жобасына қатысты пікірлерін білдіріп, өздерін қызықтырған сауалдарын қойды. Ұйымдастырушылар мұндай кездесулердің мақсаты – тұрғындарды заң жобасының мазмұнымен таныстыру және референдум туралы ақпарат беру екенін атап өтті.Фото: Қызылөзек ауылдық округі

Қызылөзек ауылдық округінде жаңа Конституция жобасы талқыланды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың қатысуымен кадрлық өзгерістерге байланысты актив отырысы өтті. Оған жауапты сала басшылары мен зиялы қауым өкілдері қатысты.Аймақ басшысы осы уақытқа дейін «ҚазАвтоЖол» ҰК» АҚ Қызылорда облыстық филиалының директоры лауазымын атқарған Жүнісов Ерұлан Бақтыбайұлын зейнет жасына жетуіне байланысты құрметті еңбек демалысына шығарып салып, Қызылорда облысының Құрмет грамотасын, «Қызылорда облысының дамуына қосқан үлесі үшін» медалі мен Алғыс хат табыстады.<img src="https://knadmin.beoblood.kz/uploads/Predstavlen_direktor_Kyzylordinskogo_oblastnogo_filiala_AO_NK_Kaz_Avto_Zhol_80a6ce44a3.jpg" alt="Представлен директор Кызылординского областного филиала АО «НК «КазАвтоЖол».jpg"><blockquote>«Ерұлан Бақтыбайұлы өңіріміз арқылы өтетін республикалық маңызы бар автожолдардың сапасын жақсарту, логистикалық дәліздерді жетілдіру, жол апаттарын азайту бағытында нәтижелі жұмыс атқарды. Республикалық маңызы бар жол құрылысын сапалы әрі мерзімінде аяқтауда уақытпен санаспай, күндіз-түні қызмет етті.Президентіміздің тапсырмасымен басталған «Қызылорда – Жезқазған» автожолы құрылысының өңірімізге тиесілі бөлігінің уақытылы пайдалануға берілуіне зор үлесін қосты.Сізге зор алғысымыз бен ізгі ниетімізді білдіреміз. Деніңіз сау, әр күніңіз шаттыққа толы болсын!» – деді Н.Нәлібаев.</blockquote><img src="https://knadmin.beoblood.kz/uploads/Predstavlen_direktor_Kyzylordinskogo_oblastnogo_filiala_AO_NK_Kaz_Avto_Zhol_1_79947f968d.jpg" alt="Представлен директор Кызылординского областного филиала АО «НК «КазАвтоЖол»1.jpg">Сондай-ақ, облыс әкімі «ҚазАвтоЖол» ҰК» АҚ басқарма төрағасының бұйрығымен акционерлік қоғамның Қызылорда облыстық филиалы директоры лауазымына тағайындалған Керімқұлов Жасұлан Махамбетұлын таныстырды.<blockquote>«Әріптесіміз 1981 жылы Алматы облысында дүниеге келген. Қазақ көлік және коммуникация академиясында «Автомобиль жолдары мен әуеайлақтар құрылысы» мамандығы бойынша білім алған. Еңбек жолын Қазақстан жол ғылыми-зерттеу институтында инженер ретінде бастаған.2019-2020 жылдары Көлік министрлігі Автомобиль жолдары комитеті «Жол активтері сапасының ұлттық орталығының» Қызылорда облысы бойынша филиалы директоры қызметін атқарған. Жеке секторда және мемлекеттік мекемелерде түрлі басшылық лауазымдарда болған.Жасұлан Махамбетұлы аймағымыздағы жақсы және қанағаттанарлық жағдайдағы жолдар үлесін арттырып, «Батыс Еуропа – Батыс Қытай» автомобиль жолының Қызылорда-Ақтөбе бөлігін қайта жаңғырту жобасын сапалы іске асырып, мерзімінде пайдалануға беруді қамтамасыз етеді деп сенім артамыз», – деді Н.Нәлібаев.</blockquote>Басқосуда облыстық ардагерлер кеңесінің төрағасы Серік Дүйсенбаев, еңбек ардагері Өмірбек Шәменов сөз сөйледі. Ерұлан Бақтыбайұлын зейнет жасына жетуімен құттықтап, жаңа басшыға сәттілік тіледі.Фото: Нұрболат Нұржаубай

«ҚазАвтоЖол» ҰК» АҚ Қызылорда облыстық филиалының директоры таныстырылды

<a href="https://kyzylorda-news.kz/">Kyzylorda-news.kz</a> Жалағаш ауданында Қазақстан Республикасының жаңа Конституция жобасын халыққа түсіндіру мақсатында ақпараттық-түсіндіру жұмыстары жалғасуда.Бүгін ақпараттық-түсіндіру штабының төрағасы Ғани Сүлейменов әлеуметтік сала қызметкерлерімен кездесті. Кездесу барысында жаңа Конституция жобасының әзірлену кезеңдері, Қазақстан Республикасының Конституциялық кеңесі қызметі және ұсынылып отырған өзгерістердің маңызы түсіндірілді. Сондай-ақ заң жобасының қоғам дамуына және құқықтық негіздерді жетілдіруге ықпалы айтылды.Жиын ашық пікір алмасу форматында өтіп, сала мамандары өз ұсыныс-пікірлерін білдірді.<img src="https://knadmin.beoblood.kz/uploads/Zhala_ash_zha_a_Konstitucziya_2_c1859dfb62.jpg" alt="Жалағаш жаңа Конституция 2.jpg">

Жаңа Конституция жобасына байланысты түсіндіру жұмыстарын жүргізді

<a href="https://kyzylorda-news.kz/">Kyzylorda-news.kz</a>&nbsp;Жаңақорған ауданының «Руханият» орталығында жаңа Конституциясы жобасына арналған кезекті басқосу болып өтті.Аудандық коалиция өкілдері ардагерлермен жүздесіп, Ата Заңға енгізілетін өзгерістердің мәні мен қоғамға тигізер әсерін талқылады.&nbsp;Кездесуге аудандық коалиция жетекшісі Ғалымжан Жарқынбек, коалиция мүшелері Серқожа Ыдырысов, Өмірсерік Тақырбасов, Серік Мұсабаев, Аллаберген Ахметов қатысты.Жиын ресми баяндамадан гөрі, өмірлік тәжірибе мен шынайы пікірлерге құрылған ашық әңгіме алаңына айналды.Кездесу барысында адам құқықтарын қорғау, әлеуметтік әділеттілікті күшейту, азаматтық қоғамның рөлін арттыру секілді маңызды тақырыптары сөз болды. Ардагерлер өз тәжірибесімен бөлісіп, ойларын ортаға салды, жаңа Конституцияның қоғам үшін қаншалықты маңызды екенін айтты.<img src="https://knadmin.beoblood.kz/uploads/Whats_App_Image_2026_03_11_at_15_28_55_dbf172b6a9.jpeg" alt="Конституция.jpeg">

Жаңа Конституция жобасы аудан ардагерлерімен талқыланды

<a href="https://kyzylorda-news.kz/">Kyzylorda-news.kz</a>&nbsp;2026 жылғы 11 ақпанда Қазақстан Республикасының Президенті еліміздің жаңа Конституциясын қабылдау мәселесі бойынша 2026 жылғы 15 наурызға республикалық референдум тағайындау туралы Жарлыққа қол қойды.Конституциялық реформа Мемлекет басшысы Қасым-Жомарт Тоқаевтың Қазақстанда бір палаталы Парламент құру жөніндегі бастамасының негізінде туындады.Қазақстан Республикасы Конституциясының 33 бабының 2 және 3 тармақтарына сәйкес, &nbsp;Республика азаматтарының мемлекеттік органдар мен жергілікті өзін-өзі басқару органдарында сайлауға және оларға сайлануға, сондай-ақ республикалық референдумға қатысуға құқығы бар. Сот&nbsp;іс-әрекетке қабілетсіз деп таныған, сондай-ақ сот үкімі бойынша бас бостандығынан айыру орындарында отырған азаматтардың сайлауға және сайлануға, республикалық референдумға қатысуға құқығы жоқ.&nbsp;Дегенмен, тергеу изоляторлары мен уақытша ұстау изоляторларында қамауға алынған, бірақта сот үкімі шықпаған азаматтардың республикалық референдумға қатысуға құқықтары бар."Республикалық референдум туралы" Қазақстан Республикасының Конституциялық заңының 5 бабына сәйкес, Референдумға қатысу құқығы тегiне, әлеуметтiк, лауазымдық және мүлiктiк жағдайына, жынысына, нәсiлiне, ұлтына, тiлiне, дiнге көзқарасына, нанымына, тұрғылықты жерiне немесе кез-келген өзге жағдаяттарға қарамастан Республиканың он сегiз жасқа жеткен азаматтарына берiледi.Жоғарыдағылардың негізінде, Қазақстан Республикасындағы Адам құқықтары жөніндегі Уәкілдің Қызылорда облысы бойынша өкілі тарапынанҚызылорда облысы бойынша қылмыстық-атқару жүйесі Департаментінің № 68 мекемесіне барып, Тергеу изоляторындағы №235дауыс беру учаскесінде азаматтардың республикалық референдумға қатысуға құқығына қол жеткізуіне мониторинг жүргізді.&nbsp;Қазіргі таңда тергеу изоляторында 262 адам қамауда, оның 160-сыреферендумда дауыс беруге қатысуға құқығы бар. Дауыс беру құқығы бар тұлғалар саны, заңды күшіне енген соттың үкімдеріне байланысты күнделікті өзгеруде.Берікбол Байхожаев,Қазақстан Республикасындағы&nbsp;Адам құқықтары жөніндегі уәкілдің&nbsp;Қызылорда облысы бойынша өкілі

Азаматтардың республикалық референдумға қатысу құқығы қатаң сақталуы тиіс

<a href="https://kyzylorda-news.kz/">Kyzylorda-news.kz</a>&nbsp;Өңірлік және қалалық жалпыұлттық коалиция өкілдері Қарауылтөбе ауылдық округінің тұрғындарымен кездесіп, жаңа Конституция жобасының маңыздылығын түсіндірді. Басқосуға коалиция мүшелері Гүлшат Мұсаева, Қуат Шарабидинов, Асхат Шаукенбаев, Дәурен Сейтжанов, Асылжан Жаманқұл және Мұрат Жұмаділдаев қатысты.Кездесу барысында қатысушылар жаңа Ата заң жобасының негізгі бағыттарына тоқталып, оның елдің саяси-құқықтық жүйесін жетілдірудегі рөлі туралы кеңінен пікір алмасты. Жиында сөз алған Гүлшат Исақызы жаңа Конституция жобасында сот жүйесінің тәуелсіздігіне ерекше назар аударылғанын атап өтті.<blockquote>– Әділ сот – құқықтық мемлекеттің басты тіректерінің бірі. Соттардың тәуелсіз жұмыс істеуі азаматтардың құқықтарын қорғауға және заңның үстемдігін қамтамасыз етуге мүмкіндік береді. Бұл қоғамдағы әділеттілік пен сенімді нығайтады. Сот жүйесінің тиімділігі – мемлекет дамуының маңызды көрсеткіштерінің бірі. Жаңа заң жобасы қолдау тапқан жағдайда «Миранда» ережесін енгізу де қарастырылып отыр. Яғни, бұдан былай азаматтар күдікті ретінде ұсталған жағдайда олардың құқықтары сол жерде толық түсіндірілетін болады. Сонымен қатар адвокаттар мен соттардың мүмкіндіктері теңестіріліп, азаматтардың бостандығын қорғау тетіктері жаңа деңгейге көтеріледі, – деді ол.&nbsp;</blockquote>Ал Қуат Шарабидинов өз сөзінде еліміз жаңа тарихи кезеңге қадам басқалы тұрғанын атап өтті.<blockquote>– Қоғамдық даму үдерістеріне жауап беретін, заман талабына сай келетін жаңа Конституция жобасы ұсынылып отыр. Бұл құжат тек заңдық акт қана емес, елдің болашақ даму бағытын айқындайтын маңызды стратегиялық құжат болып саналады. Жаңа Конституция жобасы мемлекеттің басты құндылығы – адам екенін айқындай отырып, азаматтардың құқықтары мен бостандықтарын қорғауды басты орынға қояды. Сонымен қатар мемлекет пен қоғам арасындағы байланыс жаңа деңгейге көтеріледі. Азаматтардың мемлекеттік басқаруға қатысу мүмкіндігі кеңейіп, қоғамдық бақылау күшейтіледі. Бұл демократиялық институттардың нығаюына және халықтың мемлекеттік шешімдерге деген сенімінің артуына ықпал етеді. Сондай-ақ жаңа Конституцияда әлеуметтік әділеттілік қағидаттарына ерекше назар аударылған. Білім беру, денсаулық сақтау және әлеуметтік қолдау салаларында мемлекеттің жауапкершілігі айқын көрсетілген. Бұл қадам еліміздің тұрақты дамуына және азаматтардың әл-ауқатын арттыруға бағытталған, – деді ол.</blockquote>Басқосуда сөз сөйлеген Дәурен Сейтжанов жаңа Конституция жобасының басты ерекшеліктерінің бірі – азаматтардың мемлекеттік басқару үдерісіне қатысу мүмкіндігін кеңейту екенін айтты.<blockquote>– Қазіргі қоғамда халықтың пікірі мен ұсыныстары мемлекеттік саясатты қалыптастыруда маңызды рөл атқарады. Сондықтан жаңа Ата заңда өкілді демократия мен қоғамдық диалогты дамытуға ерекше мән берілген. Бұл құжат билік тармақтарының арасындағы тепе-теңдікті күшейтіп, олардың жауапкершілігін арттыруды көздейді. Заң шығарушы, атқарушы және сот билігі арасындағы өзара бақылау жүйесі жетілдіріліп, мемлекеттік басқарудың тиімділігі артады. Сонымен қатар Конституция жобасында азаматтардың құқықтары мен еркіндіктерін қорғаудың жаңа тетіктері қарастырылған. Бұл қоғамдағы тұрақтылықты нығайтып, заң үстемдігін қамтамасыз етуге бағытталған маңызды қадам болып табылады, – деді ол.</blockquote>Кездесу барысында ауыл тұрғындары өз ойларын ортаға салып, жаңа Конституция жобасына қатысты пікірлерін білдірді. Жиын соңында ұйымдастырушылар тұрғындарды алдағы республикалық референдумға белсенді қатысуға шақырып, әрбір азаматтың дауысы ел болашағы үшін маңызды екенін атап өтті.<img src="https://knadmin.beoblood.kz/uploads/arauylt_be_Konstitucziya_2_f743e4b116.jpg" alt="Қарауылтөбе Конституция 2.jpg">

Қарауылтөбеде жаңа Конституция жобасы талқыланды

<a href="https://kyzylorda-news.kz/">Kyzylorda-news.kz</a>&nbsp;Отбасы орталығында &nbsp;өңірлік коалиция өкілдерінің қатысуымен кәсіпкер арулармен кездесу өтті.Онда коалиция мүшелерімен Ата Заң жобасындағы нормаларлың кәсіпкерлік саласына ықпалы жан-жақты талқыланды.Кездесуді "Анаға тағзым" орталығы директорының Креативті индустрия және отбасы жөніндегі орынбасары Жасұлан Алдабергенов жүргізді.&nbsp;Жиын барысында &nbsp;өңірлік коалиция мүшесі Майра &nbsp;Боранбаева Қазақстандағы конституциялық дамудың тарихи кезеңдері туралы баяндама жасап, елдегі құқықтық жүйенің қалыптасуындағы негізгі бағыттарды жеткізді.&nbsp;Сондай-ақ өңірлік коалиция мүшесі Динара Ибадуллаева конституциялық реформалардың құқықтық негіздері мен олардың қоғамдағы маңызы туралы жеткізді.&nbsp;Кездесу барысында қатысушылар арасында пікір алмасу ұйымдастырылып, өзекті сұрақтарға жауаптар берілді.Жиын соңында өңірлік коалиция өкілдері қатысушыларды 15 наурыз күні референдумға қатысып, &nbsp;дұрыс таңдау жасауға шақырды.

Жаңа заң жобасының кәсіпкерлікке әсері кеңінен талқыланды

<a href="https://kyzylorda-news.kz/">Kyzylorda-news.kz</a>&nbsp;Облыс әкімі Нұрлыбек Нәлібаев, «ҚазАвтоЖол» ҰК АҚ басқарма төрағасы Дархан Иманашев, құқық қорғау органдарының бірінші басшылары, облыстық мәслихат депутаттары, зиялы қауым өкілдері, ел ағаларының қатысуымен «Батыс Еуропа – Батыс Қытай» халықаралық автодәлізінің Қызылорда – Ақтөбе бағытын төрт жолақты етіп кеңейту жобасының бірінші кезеңінің басталу рәсімі өтті.Аймақ басшысы жиналған жұртшылықты республикалық маңызы бар автомобиль жолы құрылысының басталуымен құттықтап, жол-көлік инфрақұрылымын дамытуда атқарылған жұмыстарға тоқталды.<img src="https://knadmin.beoblood.kz/uploads/yzylorda_A_t_be_zholy_zh_ndeu_zh_mystary_2_27807ced23.jpg" alt="Қызылорда-Ақтөбе жолы жөндеу жұмыстары 2.jpg"><blockquote>«Биыл – еліміз, өңіріміз үшін тарихи маңызды жыл. Мемлекет басшымыз Қасым-Жомарт Кемелұлы қаламызда өткен Ұлттық құрылтайдың қорытынды бесінші отырысында «Соңғы жылдары Қызылорда облысы заман талабына сай өсіп-өркендеп жатыр» деп, Cыр өңірінде атқарылған жұмыстарға оң бағасын берді. Облысымыздың әлеуметтік-экономикалық дамуына, тұрғындарымыздың әл-ауқатын арттыруға бағытталған бірқатар жаңа ірі жобаның жүзеге асырылатынын, оның ішінде «Бейнеу – Сексеуіл» бағытындағы жол құрылысы биыл қолға алынатынын, «Батыс Еуропа – Батыс Қытай» халықаралық автодәлізінің Қызылорда – Ақтөбе бағытын төрт жолақты етіп кеңейту жобасы басталатынын айтты. Президентіміз «Жер көлемі жөнінен әлемде тоғызыншы орын алатын еліміздің, жалпы, көлік-транзит саласында зор мүмкіндіктері бар. Бұл – айрықша назар аударуды талап ететін стратегиялық бағыт»,– деген болатын. Осы мақсатта өңірімізде белсенді жұмыстар атқарылуда. Мемлекет басшымыздың, Үкіметтің ерекше қолдауымен 2022-2025 жылдары аймағымыздағы 1 600 шақырым автомобиль жолы мен көшелерді, 30 көпір өткелін салуға, күрделі жөндеуден өткізуге 150 млрд. теңгеге жуық қаржы бөлінді. Нәтижесінде жақсы жағдайдағы жолдардың үлесі 95 пайызға жетті. Биыл да жол инфрақұрылымын дамытуға бағытталған 56 жобаға бюджеттен 37 млрд. 845 млн. теңге қаралған. Бұл қаржыға 136 шақырым жол мен көпір өткелдері жөндеуден өтеді. Бүгін өздеріңізбен бірге аймағымыз үшін маңызы зор жобалардың бірі Қызылорда – Ақтөбе бағытындағы жолды төрт жолақтыға кеңейтудің бірінші кезеңін бастаймыз. Құрылысы басталғалы тұрған автожол өңірдің өркендеуіне, халық игілігіне қызмет ететін маңызды көлік дәлізіне айналсын! Жүргізушілер мен жолаушыларға әрдайым ақ жол, сәт сапар тілейміз», – деді Нұрлыбек Машбекұлы.</blockquote>Рәсімде Дархан Серікұлы, Қызылорда облысының Құрметті азаматы, Қазақстанның Еңбек Ері Абзал Жұмашұлы ізгі тілегін жеткізді.Айта кетейік, Мемлекет басшысы 2023 жылғы 10 қазанда Сыр өңіріне жұмыс сапарымен келгенде Қызылорда қаласынан Ақтөбеге дейінгі автомобиль жолын төрт жолақтыға ауыстырудың жобалау жұмыстарын жедел бастауды тапсырған болатын.Осы жұмысты қысқа мерзімде аяқтау үшін демеушілер есебінен 350 млн. теңгеге техника-экономикалық негіздеме әзірленді, 487 шақырым жолға мемлекеттік сараптаманың оң қорытындысы алынды.Жалпы жоба 2 кезеңнен тұрады. Бірінші кезеңі – 25 шақырымдық Қызылорда қаласының айналма жолын салу. Екінші кезеңі &nbsp;– Қызылорда қаласынан басталып Сырдария, Жалағаш, Қармақшы аудандарының сыртымен айналып өтіп, «Батыс Еуропа – Батыс Қытай» халықаралық көлік дәлізіне қосылатын 462 шақырым жол.Автодәліз бойына жаңадан 11 көпір, 13 жол өткелі, 62 үй жануарларына арналған өткел мен 399 су өткізгіш құбыр салынады. Жолаушылар мен жүргізушілерге арналған заманауи сервистік қызмет көрсететін пункттер бой көтеріп, шағын және орта бизнестің дамуына мүмкіндік туады.&nbsp;Автожолдың ІІ санаттан І санатқа ауысуы көлік қатынасын едәуір жеңілдетіп, жүк тасымалының тиімділігін арттырады.<img class="image_resized" style="width:86.08%;" src="https://knadmin.beoblood.kz/uploads/yzylorda_A_t_be_zholy_zh_ndeu_zh_mystary_cdde0e3f32.jpg" alt="Қызылорда-Ақтөбе жолы жөндеу жұмыстары.jpg">

Қазақстан және Қызылорда облысының жаңалықтары: Қоғам