<a href="https://kyzylorda-news.kz/">Kyzylorda-news.kz</a>. «Қарасора-2021» жедел-профилактикалық іс-шарасының 8 күнінде қызылордалық полицейлер 7 есірткі қылмысын ашты.
Жедел-профилактикалық іс-шараның негізгі мақсаты-есірткі құралдары мен психотроптық заттардың заңсыз айналымы фактілерін анықтау, Қызылорда облысының аумағынан жабайы сораны заңсыз жеткізу арналарын жабу.
Іс-шараның 8 күнінде облыс аумағында полицейлер 7 есірткі егу қылмысын ашты. Заңсыз айналымнан 3 келіге жуық есірткі заты тәркіленді.
Мәселен, полицейлер жеке үйлерінің ауласында құрамында есiрткi заттар бар өсімдіктерін өсірген 6 облыс орталығының тұрғындарын әшкерледі. Айғақ заттар тәркіленді.
Барлық деректер бойынша Қазақстан Республикасы Қылмыстық Кодексінің 300-бабы бойынша сотқа дейінгі тергеп-тексеру амалдары жүргізілуде. 
«Қарасора-2021» жедел іс-шарасы 30 қазанға дейін жалғасады.

Қызылордада 8 күнде 7 қылмыс ашылды

<a href="https://kyzylorda-news.kz/">Kyzylorda-news.kz</a>. Ғалымдар зерттеу жүргізіп, коронавирус Гийена – Барре синдромының қозуына әкеп соғуы мүмкін екенін анықтады, деп хабарлайды&nbsp;<a href="https://kaz.tengrinews.kz/densaulyq/galyimdar-koronavirustyin-tagyi-br-kaupt-saldaryin-323234/">T</a><a href="https://kaz.tengrinews.kz/densaulyq/galyimdar-koronavirustyin-tagyi-br-kaupt-saldaryin-323234/">e</a><a href="https://kaz.tengrinews.kz/densaulyq/galyimdar-koronavirustyin-tagyi-br-kaupt-saldaryin-323234/">ngrinews.kz</a>.
Мақала авторларының бірі Алекс Рихтнердің сөзінше, коронавирус жұқтырып, аурудан айыққаннан кейін пайда болатын антиденелерде жүрек пен терінің аутоиммундық ауруларын тудыратын белгілері ұқсас.
Зерттеу нәтижесі бойынша, аурудың алғашқы белгілері – табан мен қол ұйып қалуы, буындардың әлсіреп, ауырсынуы. Тәжірибеге қатысушылардан осы белгілер байқалған, олар коронавирусты жеңіл және ауыр өткізгендер.&nbsp;&nbsp;
Гийена – Барре синдромы – бұл парез, сезімталдықтың бұзылуы және вегетатив бұзылудан байқалатын жедел аутоиммунды қабыну полирадикулонейропатиясы.
Бұған дейін медицина ғылымдарының докторы Владимир Зайцев коронавирус инфекциясынан кейін дәм сезудің жоғалуының қандай&nbsp;салдары&nbsp;болуы мүмкін екенін айтқан болатын.

Ғалымдар коронавирустың тағы бір қауіпті салдарын анықтады

**<a href="https://kyzylorda-news.kz/">Kyzylorda-news.kz</a>. *ҚР Білім және ғылым вице-министрі Шолпан Каринова* ақылы білім беру олимпиадаларының министрлікке қатысы жоқ екенін мәлімдеді, деп хабарлайды ҚазАқпарат.**
<blockquote>
 «Қоғамда көп талқыланып жүрген мәселеге тоқталып өтпекпін. Бұл өз кезегінде ұйымдастырылып жатқан ақылы олимпиадалар мен конкурстарға қатысты. Қазіргі кезде қазақстандық білім беру нарығында жекеменшік кәсіпорындар мен ұйымдар да осы қызметтерді ұсынып келеді. Олар түрлі ақпарат көздері арқылы ата-аналарға да, оқушыларға да, мұғалімдерге де, мектептерге де мәліметтерді толықтай жеткізіп тұрады. Бұл қызмет көрсету саласы лицензияланбайды және министрлік тарапынан ресми тұрғыда рұқсат алуды қарастырмайтын қызмет түрі. Қазіргі кездегі тәжірибеде осы конкустардың барлығы ақылы түрде өткізіліп жатыр. Оларға қатысу үшін ата-аналар өз қаражатын салады», – деді Ш. Каринова Орталық коммуникациялар қызметінде.
</blockquote>
Осы орайда ол аталған ақылы жарыстардың деңгейі түрлі дәрежеде екенін атап өтті.
<blockquote>
 «Ата-аналар мен мұғалімдердің атап өтуінше, олардың ішінде өте нашар ұйымдастырылатындары да кездеседі. Сонымен қатар, балалардың дамуы тұрғысынан қызықты әрі танымдық түрде өткізілетін олимпиадалар баршылық. Көбінесе бұл ұйымдар олимпиадалар атауын министрліктің тізбесінде бекітілген жарыстар секілді етіп жариялайды. Бірақ Білім және ғылым министрлігінің бұл ақылы жарыстарға ешқандай қатысы жоқ екенін атап өтемін. Сондықтан балалар мен мұғалімдер, мектептер әртүрлі олимпиадалар мен конкурстарға оқушылардың қатысуын таңдаған кезде мұқият болуына кеңес береміз», – деді вице-министр.
</blockquote>
Оның айтуынша, өз қаражатын жұмсамас бұрын, ата-аналар ұйымдастырушының кім екенін, балаларды дамытуда қандай тәжірибесі бар екенін, балалардың оларға не үшін қатысуы керектігін, олардың қандай дағдыларды дамытатынын анықтау алуы маңызды.

Шолпан Каринова: Ақылы олимпиадалардың Білім және ғылым министрлігіне қатысы жоқ

<a href="https://kyzylorda-news.kz/">Kyzylorda-news.kz</a>. Теңіздің тартылған орны шөлге айналып, халықтың денсаулығына кері әсерін тигізетін экологиялық апатқа айналды, деп хабарлайды&nbsp;<a href="https://24.kz/kz/zha-aly-tar/lemde/item/478717-2030-zhyl-a-dejin-aral-te-izi-b-ny-zhiti-ba-ylauynda-bolady">«Хабар 24»</a>.
Енді «Эко-Даму» бағдарлама аясында бірнеше жұмыс жүргізіледі. Яғни сексеуіл көшеттерін отырғызу мен басқа да жобалар жүзеге аспақ. Бұл туралы ұйымның қоршаған орта бағдарламасы өңірлік кеңсесінің басшысы Айдай Құрманова айтты. Бұдан бөлек, биыл ауыл тұрғындарына биоауландықты сақтау үшін 275 млн теңгеге несие беріледі. Бұл Қазақстандағы Біріккен Ұлттар Ұйымының өкілдері мен жергілікті инвесторлардың қолдауымен жүзеге асырылады. Айта кетейік, жобаның қолдауымен Қазақстанда 8 ерекше қорғалатын аймақ құрылып, тағы үш аудан кеңейтілді.

2030 жылға дейін Арал теңізі БҰҰ-ның жіті бақылауында болады

<a href="https://kyzylorda-news.kz/">Kyzylorda-news.kz</a>.&nbsp;8-10 маусымға арналған ауа райы болжамы жарияланды, деп хабарлайды Қазгидромет.
Синоптиктер кезекті антициклонның әсерінен Қазақстанда күн суытатыны туралы мәлімдеді. Кей аймақтарда&nbsp;нөсер жаңбыр жауады, қатты жел соғады, бұршақ жаууы мүмкін.
“Алдағы үш тәулікте Қазақстан аумағының басым бөлігі фронтальды бөліктердің ықпалында болады, жаңбыр жауады, 10 маусымда Қазақстанның орталығында және оңтүстік-шығысында найзағай ойнап, нөсер жаңбыр жауады, қатты жел соғады, бұршақ жаууы мүмкін. Оңтүстік өңірлерде шаңды дауыл сақталады. Кезекті солтүстік-батыс суық антициклоны еліміздің солтүстік жартысында ауа температурасының түнде 3-8, кей жерлерде 12 градусқа дейін төмендеуіне алып келеді, күндіз 17-22, кей жерлерде 25 градус жылы болады. Елдің қалған аумағында температура фонында айтарлықтай өзгерістер күтілмейді”, –&nbsp;дейді синоптиктер.

Ауа температурасы 3 градусқа дейін төмендейді

<a href="https://kyzylorda-news.kz/">Kyzylorda-news.kz</a>.&nbsp;Украинада теннистен ересектер арасында өткен халықаралық турнирде Сыр спортшысы Тимур Мауленовтің мерейі үстем болды.
Қазақстан құрамасы сапында ойнаған Тимур жұптық кезеңде жеңіске жетті.
Оның ойындағы жұбы Украина спортшысы Александр Брайнин болды. Олар бірінші айналымда украиналық жұпты, екіншісінде Украина мен Аргентина теннисшілерін, жартылай финалда Украина, ал финалда Испания спортшыларын жеңді.
Тимур Мауленов – жастар және ересектер арасында Қазақстан чемпионы, ҚР спорт шебері.Айта кетейік, ол халықаралық жарысқа Қазақстан атынан қатысып, жалғыз алтын медаль алған. Қазіргі таңда алда болатын жарыстарға тыңғылықты дайындық үстінде.

Қызылордалық теннисші Украинада топ жарды

<a href="https://kyzylorda-news.kz/">Kyzylorda-news.kz</a>.&nbsp; Биыл күндізгі және тәуліктік стационарларда 437 мыңнан астам пациент реабилитациялық ем қабылдаған. Амбулаториялық деңгейде 1,5 млн-ға жуық оңалту қызметі көрсетілді. Әлеуметтік медициналық сақтандыру қорының мәліметінше, МӘМС жүйесі енгізілгеннен кейін оңалтуды қаржыландыру 2019 жылмен салыстырғанда 9 есеге – 55,8 млрд теңгеге дейін ұлғайды. 4 ай ішінде қор 14 млрд теңгенің қызметіне ақы төледі.
Жалпы, медициналық оңалтудың пациент денсаулығын қалпына келтіруде атқаратын рөлі зор. Жарақат алған немесе созылмалы аурумен ауырып тұрған пациенттің күнделікті өмірге оралып, қалыпты тіршілік етуіне септігін тигізеді. Бұрын көпшілік жағдайда ақылы түрде көрсетілетін оңалту бүгінде сақтандырылған азаматтар үшін қолжетімді болып отыр. Медициналық сақтандыру қоры мамандары осы мәселе жайлы егжей-тегжейлі ақпар берді.
Медициналық оңалту кімдерге көрсетіледі?
Реабилитациядан:
– негізгі немесе созылмалы ауруды емдеу қажет болғанда;
– қатты ауырсынуданкейін;
– хирургиялық операциялардан кейін;
– жарақат алғаннан кейін;
– сырқат салдарынан адамның қимыл-қозғалысы шектелген жағдайларда өтуге болады.
Медициналық оңалту қай кезде тегін көрсетіледі?
Қалпына келтіру шараларын ақысыз негізде өтуге болады:
<ul>
<li>тегін медициналық көмектің кепілдік берілген көлемі (ТМККК) шеңберінде – негізгі ауруды, сондай-ақ туберкулезбен ауыратындарды емдеу кезінде;</li>
<li>міндетті әлеуметтік медициналық сақтандыру жүйесінде (МӘМС) – аурулар мен проблемалардың халықаралық жіктемесі бойынша аурулар тізбесіне сәйкес (https://mkb-10.com/).</li>
</ul>
&nbsp;Пациент бұрын оңалтудан өтпеген. Неден бастаған жөн?
1. Ең алдымен тұрғылықты жеріндегі емханаға барады.
2. Емдеуші дәрігер реабилитолог маманға немесе мультидисциплинарлық топ мамандарына жібереді.
3. Олар аурудың пайда болуы мен күшеюі, сырқаттың денсаулық жағдайына байланысты мәліметтерді ескере отырып, оңалтуға деген қажеттілікті айқындайды. Бастапқы реабилитациялық диагноз қойып, пациент денсаулығын қалпына келтіру жоспарын, курстың мерзмін т.б. анықтайды.
4. Егер кешенді тексеру нәтижесінде реабилитация тиімді деп табылса, пациент оны амбулаторияда, стационарда, стационарды алмастыратын емдеу мекемесінде, үйде немесе санатория-курорттарда өте алады.Жоспарлы түрде ем қабылдайтын пациент стационарға «Ауруханаға жатқызу бюросы» порталы арқылы жатқызылады.
&nbsp;Оңалтудан бас тартуға мынадай жағдайлар себеп болуы мүмкін:
* көп қан кету;
* дене қызуының көтерілуі және ұзақ уақыт бойы қалыпты жағдайдан асып кетуі;
* өткір жұқпалы аурулар;
* өткір остеомиелит;
*көктамыр тромбозы
*жүрек жеткіліксіздігі;
* эпилепсия талмасы ұстаған кезде;
* қатерлі ісік, туберкулез, қант диабеті, тиреотоксикоз, бауыр қызметі тапшылығы, ІІІ деңгейлі ұйқы безі тапшылығы, адамның көңіл-күйі мен мінезінде ауытқулар тудырған психикалық аурулар, іріңді және жұқпалы тері аурулары, 2-3-дәрежелі анемия, 3-дәрежелі дистрофия сынды аурулар себеп болуы мүмкін.
Оңалту пациенттің өз өтініші бойынша тоқтатылуы мүмкін. Сонымен қатар, ем-шаралардан кейін сырқаттың жағдайы нашарлаған жағдайда немесе негізгі, қосалқы аурулары күшейіп кеткен жағдайда дәрігер ем-шараны тоқтату туралы шешім қабылдайды.
Медициналық оңалту үш кезеңнен тұрады:
Біріншісі ауруы асқынып тұрған науқастарға, хирургиялық операция жасатқан, жарақат алған адамдарға арналған. Ол стационарлардың құрылымдық бөлімшелерінде жүргізіледі.
Егер ауруханаға жатқызу қажет болмаса, медициналық көмек көрсетілгеннен кейін және негізгі ауру емделіп болғаннан кейін пациент оңалтудың екінші немесе үшінші кезеңіне жіберіледі.
Оңалтудың екінші кезеңі мамандандырылған бөлімшелерде немесе республикалық денсаулық сақтау ұйымдары, мамандандырылған оңалту орталықтары мен көпбейінді стационарлар базасында өтеді. Бұл кезең ауру басталған сәттен бастап тоғыз ай ішінде жүргізу қажет. Курстың ұзақтығы мен жиілігі нозологияға, науқасты денсаулық жағдайынатағы да басқа факторларға байланысты болмақ.
Үшінші кезеңде медициналық оңалту емхана-амбулатория деңгейінде, күндізгі және тәулік бойғы стационарларда, оңалту орталықтарында, санаторийлер мен курорттарда, үйдегі стационар жағдайында, сондай-ақ қашықтықтан жүргізіледі. Курстың жиілігі мен ұзақтығы пациенттің денсаулығына қарай белгіленеді. Оңалтудан алынған нәтиже міндетті түрде ескерілуі тиіс.
Коронавирустан жазылғаннан кейін оңалтудан өтуге бола ма?&nbsp;
Коронавирустық инфекциямен немесе орташа, ауыр және аса ауыр деңгейдегі пневмониямен ауырған қазақстандықтар оңалтудан медициналық сақтандыру қорының қаражаты есебінен өте алады. Медициналық оңалтуға жолдама реабилитолог маман мен аурухананың/емхананың мультидисциплинарлық командасының қорытындысы арқылы беріледі.
Реабилитация қажеттігін бағамдау барысында мынадай көрсеткіштер тексерледі: тыныс алу органдарының қызметі (сатурация деңгейі, КТ/рентгенографиядағы өзгерістер), күнделікті өмірге қабілеті (Бартел индексі).
Медициналық оңалту қызметі қай жерде көрсетіледі?
Медициналық сақтандыру қоры халық үшін оңалтудың қолжетімділігін арттыру бағытында жан-жақты жұмыс істеп жатыр. Егер 2019 жылы бұл қызметті 64 медициналық ұйым көрсетсе, 2020 жылы олардың саны 559-ға жетті.
Ал 2021 жылы еліміз бойынша 618 ұйым медициналық оңалту қызметін көрсетуге тапсырыс алды. Тізімге емханалар, ауруханалар, жеке меншік медициналық орталықтары, оңалту және спорттық-оңалту кешендері, оңалту-санатория кешендері, медициналық-әлеуметтік мекемелер, қоғамдық қорлар, емдеу-сауықтыру кешендері, санаторийлер енген. Оның ішінде, еліміздің 10 өңірінде орналасқан 16 санаторий де бар. Жеткізушілер саны жағынан
Қарағанды (4), Жамбыл (3), Алматы (2) облысы көш бастап тұр.
Жеткізуші компаниялардың тізімімен қордың fms.kzресми сайты арқылы танысуға болады («Байланыс ақпарат» – «Клиника таңдау»).
Биыл медициналық оңалтуға қанша қаражат бөлінді?
2021 жылы оңалту қызметін қаржыландыру деңгейі 2019 жылмен салыстырғанда 9 есе артып, 55,8 млрд теңгені құрады.
2021 жылдың 4 айында қор оңалту қызметі үшін 14,1 млрд теңге төледі. Соның ішінде, амбулатория деңгейінде 1,5 млн–ға жуық медициналық оңалту қызметі, тәулік бойғы стационарларда –250,5 мыңнан астам қызмет, күндізгі стационарда– 186,9 мыңнан астам қызмет көрсетілген.
Аймақтық тұрғыдан алып қарағанда, қызметтің басым бөлігі Алматы, Нұр-Сұлтан қалаларында, ШҚО, Ақтөбе және Жамбыл облыстарында көрсетілген.
Естеріңізге сала кетсек, пациенттер құқығын қорғау мәселесі бойынша Қордың Qoldau24/7 мобильді қосымшасы, 1406 бірыңғай байланыс нөмірі немесе fms.kz ресми сайты арқылы шағымдануға алады. Келіп түскен арыз-шағымдар міндетті түрде қаралады.

Медициналық сақтандыру бойынша оңалтудан өту жолдарын білесіз бе?

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Республиканың басым бөлігінде атмосфералық фронталдық бөліктердің әсерінен құбылмалы ауа райы сақталады.
<blockquote>
 “Кей жерде жаңбырмен бірге найзағай болады, республиканың батысында бұршақ жаууы мүмкін, тек республиканың қиыр солтүстігі мен шығысында жауын-шашынсыз ауа райы күтіледі. Республиканың кей жерінде жел күшейіп, дауыл, шаңды дауыл, солтүстікте тұман түседі”, – дейді синоптик мамандар.
</blockquote>
Қызылорда облысының кей жерінде күндіз найзағай ойнап, шаңды дауыл тұрады, кей жерде жел 15-20 м/с-ке дейін күшейеді.

Дүйсенбіге арналған ауа райы болжамы

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Жазғы ыстықта тамаққа тәбетіміз соқпай жатады. Алайда, аптап ыстықта ас-ауқатқа аса мән беру керек. Жаз айларында қалай дұрыс тамақтану керек?
Күн ыстықта ағзадағы қышқылдық-сілтілік баланс бұзылады. Сондықтан, бұл уақытта адам аз, алайда жиі тамақтануы керек.
Дәрігерлердің айтуынша, ауа температурасы жоғарылаған сайын организмдегі қышқылдың үлесі арта түседі. Сондықтан жаз айларында сүт өнімдерін көбірек тұтынған дұрыс.
Сондай-ақ,&nbsp;көкөніс&nbsp;пен жеміс-жидектерді күнделікті тұтынған абзал. Жаз айында адам барлық дәрумендерді қабылдай алады. Және осы мезгілде аталған өнімдердің барлығы қолжетімді әрі табиғи, балғын болады. 
Жаздың күндері аз-аздап, күніне 4-5 мәрте тамақтану қажет.
Күніне 2-2,5 литр су ішу керек. Кешкісін денеңіз ісініп кетпес үшін суды түске дейін ішкен жөн.

Ыстықта қалай тамақтану керек?

<a href="https://kyzylorda-news.kz/">Kyzylorda-news.kz</a>.&nbsp; Баланы дүкенге апарудың арнайы мәдениеті бар. Соны ұстансаңыз, дүкенге баланы емін-еркін апара беруге болады.
<blockquote>
 Жалпы баланың жарнамадан көргенінің бәрін дүкеннен алғысы кеп мазасызданатыны белгілі. Дүкенге баруды әдетке айналдырған балалар да баршылық. Қалаған затын алып бермесеңіз, қиғылыққа салып, дүкенді басына көшіріп жылайтын да – осы балалар. Ал баланы жылатпау үшін не істеу керек? Баланы дүкенге қалай дұрыс апарып, әкелген дұрыс?
</blockquote>
Бұл сауалға жауап берген психолог Динара Еділбекова баланы дүкенге апарудың амалын үйден бастау қажет екенін айтады.
<blockquote>
 Жұмысты үйден бастаған жөн. Дүкенге шықпас бұрын балаға осы нәрселерді аламыз, мынаны алмаймыз деген сынды келісім жасап алу керек. Сол келісімді баланың есіне салып, жол бойы қайталап отырған дұрыс. Сонда бала дүкеннен не алып қайтатынын өзі іштей түсінеді әрі жоспарлайды. Артық нәрсеге дәмеленбейді. Мұндайда истерика жасап, жылай қоюы екіталай, – дейді психолог.
</blockquote>
Ал алда-жалда жылап, мазаны алса, онда қорқытудың қажеті жоқ.
<blockquote>
 “Жалпы, баланы қорқытып, шошытып тәрбиелеу – дұрыс емес. Мұндайда баланы құшақтап, онымен бірге екенін сездіруің керек. Ал бала біраз басылғаннан кейін, жағдайды түсіндіру керек”, – дейді маман.
</blockquote>
<a href="https://massaget.kz/arnayyi_jobalar/psihologiya/65284/">Massaget</a>

Баланы дүкенге апарудың арнайы мәдениеті бар

<a href="https://kyzylorda-news.kz/">Kyzylorda-news.kz</a>.&nbsp; Asia Park сауда-ойын-сауық орталығындағы вакцинация пунктінде екпе алғандарды қолдау үшін кәсіпкерлер түрлі сыйлықтар ойнатты, деп хабарлайды Нұр-Сұлтан қаласының&nbsp;<a href="https://astana.gov.kz/kz/news/news/27568">әкімдігі</a>.
Вакцина алған азаматтар бірден ұтыс ойынына қатыса алды. Жүлде арасында – тұрмыстық техника, электроника, СОО жалға алушыларының сыйлықтары бар.
Елорда тұрғындары кәсіпкерлердің осындай бастамасын жоғары бағалап, бағалы сыйлықтар үшін алғысын білдірді.
<blockquote>
 «11 мамырда вакцинаның алғашқы компонентін алдым. Маса шағып алғандай ғана болды. Жыл сайын күзде тұмауға қарсы екпе алатыным да бар. Бүгін коронавирусқа қарсы вакцинаның екінші компонентін алдым. Ауырсыну болған жоқ, қысымым қалыпты. Мен тіпті ұтыс ойынында тоқ шәйнек секілді сыйлық аламын деп күткен жоқпын. Өте қуаныштымын! Таныстарымның бәрін вакцина қабылдауға шақырамын, өйткені бәрімізге ұжымдық иммунитет қажет», — деді 69 жастағы зейнеткер Лариса Васильевна.
</blockquote>
<img src="https://www.inform.kz/radmin/fotofiles/2021/06/06/2106060958220801g.jpg" alt="" />
Елорданың тағы бір тұрғыны Бибігүл Ахметова вакцинациядан кейін сыйлық аламын деп ойламағанын атап өтті.
«Бүгін вакцинаның екінші компонентін алуға келдім. Ал алғашқы дозасынан кейін кері әсері болған жоқ. Қазір өзімді жақсы сезінемін. Бұл жерде ұтыс ойыны өтеді деп күтпеген едім. Қатты таң қалдым. Сыйлық үшін рахмет!» — деді әйел.
Акцияны ұйымдастырушылар атап өткендей, ұтыс вакцинациядан өткен адамдарды ынталандырып, жақсы көңіл-күй сыйлау үшін өткізіледі.
Қалалық емхананың дәрігер-эпидемиологы Перизат Шахманованың айтуынша, вакцинация пунктерінде Спутник V, QazVac және Hayat-Vax вакциналары ұсынылады. Егу пункті ашылғаннан кейін бір ай ішінде 300-ге жуық адам екпе қабылдады.
<img src="https://www.inform.kz/radmin/fotofiles/2021/06/06/2106060958233402g.jpg" alt="" />
Естеріңізге сала кетейік, елордада КВИ-ға қарсы вакцинациялаудың 100-ден астам пункті ашылған: БМСК мекемелерінде, сондай-ақ ірі СОО-лар мен сауда үйлерінде. Олардың қатарында Mega Silk Way, Keruen, «Хан Шатыр», «Сарыарқа», Eurasia, «Әбу-Даби Плаза», «Азия Парк», «Биг Шанхай», Орталық базар, «Әлем» және «Астаналық» бар. Вакцинация пункттері демалыссыз сағат 10:00-ден 22:00-ге дейін жұмыс істейді.
Сондай-ақ, халықтың жоғары белсенділігін ескере отырып, Қоғамдық денсаулық сақтау басқармасы көшпелі бригадалар ұйымдастырып, еңбек ұжымдарын жаппай вакцинациялауға кірісті.

Сауда орталығында вакцина алғандар жүлде ұтып алды

Kyzylorda-news.kz. Қазақстандықтарды жұмысқа қабылдау кезіндегі қағаз анықтамалардан босатады. Цифрлық даму, инновациялар және аэроғарыш өнеркәсібі министрі Бағдат Мусин елде қажетті құжаттарды жұмыс берушіге қашықтан жылдам&nbsp;жіберетін жаңа қызмет сынақтан өткізілуде.
<blockquote>
 “Азаматтарға да, бизнеске де қатысты процестер бар. Мысалы, жұмысқа қабылдау. Анықтамалар миллион&nbsp;рет беріледі, оларды алу үшін&nbsp;адамдар ХҚКО-ға немесе электрондық үкімет порталына келеді. Бизнес-құрылымдар сотталмағандығы туралы анықтаманы, психонаркобақылау анықтамасын, мекенжайды растауды талап етеді. Қазірдің өзінде біз оны сынақтан өткізіп жатырмыз, жыл соңына дейін қызмет көрсетуді жоспарлап отырмыз, енді адамдарға&nbsp;бұл анықтамаларды ешқайда апарудың&nbsp;қажеті жоқ”, – деді Цифрлық даму, инновациялар және аэроғарыш өнеркәсібі министрі Бағдат Мусин.
</blockquote>
Оның айтуынша, жаңа сервис жұмыс берушіге жаңа қызметкерге қажетті анықтамаларды өз бетінше сұратуға мүмкіндік береді.
<blockquote>
 “(Жұмыс беруші) ЖСН енгізеді, ол қандай ақпарат сұрағысы келетінін таңдайды. Жеке тұлғаға бұл деректерді жұмыс берушіге электрондық форматта беруге дайын екендігі туралы SMS (сұрақпен) келеді. Егер ол “Ок” деп жауап берсе, онда біз бұл ақпаратты жұмыс берушіге деректер базасынан жүктейміз. Яғни&nbsp;жұмыс берушілер мен ХҚКО арасындағы жүріс&nbsp;тоқтатылады”, – деді министр.
</blockquote>
<a href="https://stan.kz/">Stan.kz</a>

Қазақстан және Қызылорда облысының жаңалықтары: Қоғам