Kyzylorda-news.kz. Қазгидромет 15 мамырға арналған ауа райы болжамын ұсынады.
Қызылорда облысының кей жерлерінде шаңды дауыл болады. Шығыстан жел соғады, күші түнде кей жерлерде, күндіз облыстың басым бөлігінде 15-20 м/с күтіледі.&nbsp;
Солтүстік Қазақстан облысының кей жерлерінде күндіз найзағай соғады, түнде және таңертең тұман түседі. Оңтүстік-батыстан жел соғады, күндіз кей жерлерде күші 15-20 м/с дейін жетеді.&nbsp;
Түркістан облысының кей жерлерінде шаңды дауыл болады. Шығыстан соғатын желдің күші 15-20, күндіз екпіні 25 м/с деңгейінде күтіледі.
Шымкент қаласында&nbsp;шығыстан екпіні 15-20 м/с желдің күшеюі күтіледі.&nbsp;
Маңғыстау облысында күндіз 38-39 градус қатты ыстық болжанып отыр.
Атырау облысында кей жерлерде шаңды дауыл тұрады. Оңтүстік-шығыстан жел соғады, күші күндіз кей жерлерде 15-20 м/с дейін жетеді. Күндіз 35 градусқа дейін қатты ыстық күтіледі.

Сенбіге арналған ауа райы болжамы

Kyzylorda-news.kz. Қазақстанның 6 аймағында ауа райына байланысты дауылды ескерту жарияланды, деп хабарлайды Қазгидромет.
15 мамырда Солтүстік Қазақстан облысының кей жерлерінде күндіз найзағай соғады, түнде және таңертең тұман түседі. Оңтүстік-батыстан жел соғады, күндіз кей жерлерде күші 15-20 м/с дейін жетеді.
15-16 мамырда Түркістан облысының кей жерлерінде шаңды дауыл болады. Шығыстан соғатын желдің күші 15-20, күндіз екпіні 25 м/с деңгейінде күтіледі.
Шымкент қаласында шығыстан екпіні 15-20 м/с желдің күшеюі күтіледі. Маңғыстау облысында күндіз 38-39 градус қатты ыстық болжанып отыр.
Қызылорда облысының кей жерлерінде шаңды дауыл болады. Шығыстан жел соғады, күші түнде кей жерлерде, күндіз облыстың басым бөлігінде 15-20 м/с күтіледі.
Атырау облысында кей жерлерде шаңды дауыл тұрады. Оңтүстік-шығыстан жел соғады, күші күндіз кей жерлерде 15-20 м/с дейін жетеді. Күндіз 35 градусқа дейін қатты ыстық күтіледі.

Қызылордада ауа райына байланысты ескерту жарияланды

<a href="https://kyzylorda-news.kz/">Kyzylorda-news.kz</a>. Қазақстан мұсылмандар діни басқармасы жанынан құрылған “Зекет және қайырымдылық” қоры жыл бойы қайырымдылық шараларын дәстүрлі түрде жүргізіп келеді.
Биыл қордың бастамасымен рамазан айында “Ел үлесі пәтерге” жобасы бойынша облыстағы 1 отбасыға баспана сыйлады. Бұл туралы бүгін Өңірлік коммуникациялар қызметінің алаңында ҚМДБ “Зекет және қайырымдылық” қорының облыс бойынша өкілі Оңталап Жидебаев мәлімдеді.
<blockquote>
 “Тұрғындардың қолдауымен “Өмірге үміт сыйла” акциямыздың шеңберіне аймағымыздағы дертке шалдыққан 4 баланың емделуіне қаражат бөлдік. «Аналарға алғыс» атты шара аясында 500 отбасыға, «Жетім көрсең жебей жүр» жобасымен 450 отбасыға, «Қайырымдылық жасассаң қайырын өзің көресің» бастамасымен 1300 отбасыға қайырымдылық көрсетілді. Облыстық медицина орталығына 100 адамға, Жедел жәрдем орталығына 70 адамға, қалалық ауруханадағы 200 қызметкерге ауыз ашар қоржынын үлестірдік. Республикалық “Берекелі рамазан” акциясы бойынша 1400 отбасыға қайырымдылық жасалды”, – деді қордың өңірдегі жетекшісі Оңталап Тасболатұлы.
</blockquote>
Сонымен қатар, “Зекет және қайырымдылық” қоры рамазан айында 60 отбасыға қаржылай көмек көрсетсе, аймағымыздағы мыңдаған тұрмысы төмен отбасыға азық-түлік және т.б қолдаулар жасалды.
Айта кетейік, игі істердің ұйытқысы болған қордың сауапты істері мен қайырымдылық тек ораза кезінде ғана емес жыл бойы жүргізіледі.
<img src="https://kyzylorda-news.kz/wp-content/uploads/2021/05/fb_img_1620988832942.jpg" alt="" />

Оңталап Жидебаев: Төрт баланың емделуіне қаражат бөлінді

<a href="https://kyzylorda-news.kz/">Kyzylorda-news.kz</a>. Бүгін Жалағаш ауданы әкімдігінде облыс әкімінің орынбасары Серік Сүлейменовтың қатысуымен мәжіліс өтті. Басқосуға аудан әкімі Асылбек Шаменов, облыстық басқарма, тиісті сала бөлім басшылары, коммуналдық мекеме басшылары қатысты.
Мәжілісте алғашқы болып облыстық жолаушылар көлігі және автомобиль жолдары басқармасының басшысы Мұрат Тлеумбетов сөз алып, аудандағы жол жөндеу мәселелері туралы хабарлады.
<blockquote>
 “Жалағаш ауданында жолдарды жөндеу жұмыстары қарқынды жүргізілуде. Биыл «Қызылорда-Жалағаш» автомобиль жолына орташа жөндеу жұмыстарын жүргізу жұмыстары басталады. Жобаның жалпы құны 3 млрд теңгені құрайды. Биылғы жылы республикалық бюджеттен орташа жөндеу жұмыстарына 1 млрд. теңге қаржы қаралды. Сонымен қатар “Ауыл -ел бесігі” бағдарламасы аясында Таң ауылындағы 8 көшеге жөндеу жұмыстары жүргізіледі”, – деді басқарма басшысы Мұрат Тлеумбетов.
</blockquote>
Мұнан соң Жалағаш ауданындағы құрылыс жұмыстары туралы облыстық құрылыс, сәулет және қала құрылысы басқармасының басшысы Бердияр Пірімбетов, ауыз су және электр желісімен қамту, газдандыру жұмыстары жайында облыстық энергетика және тұрғын үй-коммуналдық шаруашылық басқармасының басшысы Руслан Нұрмағанбетов баяндады. Басқарма басшылары өздерінің салаларына қатысты жұмыстардың барлығы жоспарға сәйкес жүріп жатқандығын тілге тиек етті.
Кездесуге қатысушылар аудандағы өзекті мәселелерді ортаға салып, шұғыл шешімі табу қажет ұсыныстарды жеткізді.
Басқосуда облыс әкімінің орынбасары Серік Сүлейменов айтылған мәселелердің барлығы назарда болатынын, басқарма басшыларына күн тәртібінде қаралған мәселелер мен айтылған ұсыныс-пікірлерді жіті қадағалауды тапсырды.
Кездесуде Жалағаш ауданының әкімі Асылбек Шаменов аудандағы әрбір жобаға қатысты ұсыныстарды тыңдап, оған қолдау көрсеткен облыс әкімінің орынбасары Серік Сүлейменовке алғыс білдірді.
<img src="https://kyzylorda-news.kz/wp-content/uploads/2021/05/fb_img_1620987124233.jpg" alt="" />
Серік Сүлейменов ауданға сапары барысында аудандағы бірнеше әлеуметтік нысандарды көріп, аралады.
Қызылорда облысы әкімінің орынбасары ең алдымен Таң ауылына қарасты Бозарық каналы бойындағы айналма автожолдың сол жақ бөлігінің құрылыс жұмыстарымен танысты. Биыл мамыр айында басталған құрылыс осы жылдың тамыз айында аяқталады деп жоспарлануда. Жолдың ұзындығы 1,0 км, ені 6 метрді құрайды.
Бұдан кейін Серік Жүсіпұлы Таң ауылындағы Орынбай жырау көшесінің жөндеу жұмыстарымен де танысты. Бұл жолдың ұзындығы 1,32 шақырым, ал ені 6 метрді құрайды. Жөндеу жұмыстары тамыз айында аяқталады деп жоспарлануда. 
Облыс әкімінің орынбасары Серік Сүлейменов жөндеу жұмыстарын уақытылы әрі сапалы аяқтауды тиісті сала басшыларына тапсырды.
<img src="https://kyzylorda-news.kz/wp-content/uploads/2021/05/fb_img_1620987107448.jpg" alt="" />
<img src="https://kyzylorda-news.kz/wp-content/uploads/2021/05/fb_img_1620987111400.jpg" alt="" />
Сонымен қатар Әйтек каналындағы облыстық маңызы бар «Қызылорда-Жалағаш-Самара-Шымкент» автомобиль жолы бойындағы 90-150 шақырымдағы және 76+300 шақырымдағы көпірлердің күрделі жөндеу жұмыстарымен (№6 пост) танысты.
Көпірлерді жөндеу жұмыстары өткен жылдың қазан айында басталған. Биылғы жылдың маусым айында екі көпірді де пайдалануға беру жоспарлануда. Мұнда 40 жұмыс орны ашылған. Екі көпірдің жалпы ұзындығы 55,77 метрді құрайды.
Құрылыс жұмыстарымен танысқан облыс әкімінің орынбасары Серік Сүлейменов мердігер мекеменің басшыларына көпірді уақытында пайдалануға беру қажеттігін ескертті. Ал, тиісті сала басшыларына құрылыстың сапалы болуын қадағалауды тапсырды.
<img src="https://kyzylorda-news.kz/wp-content/uploads/2021/05/fb_img_1620987091026.jpg" alt="" />
<img src="https://kyzylorda-news.kz/wp-content/uploads/2021/05/fb_img_1620987093570.jpg" alt="" />

Серік Сүлейменов Жалағаш ауданындағы бірқатар нысандарды аралады

<a href="https://kyzylorda-news.kz/">Kyzylorda-news.kz</a>. Қазақ тіліндегі ұстаз, мұғалім сөздерін қазақстандықтар бір-бірімен жиі шатастырады. Олардың айырмашылығы неде?
Мұғалім – мамандық атауы, ал ұстаз — көркем тіл элементі, экспрессивті, эстетикасы күшейтілген сөз. Сол себепті ол көбіне көркем әдебиетте қолданылады.
“Ұстаз” сөзін адамның басқа біреуге қарым-қатынасы жайлы айтқанда қолданады. Мысалы, “Ахмет Йассауидің ұстазы Арыстан баб”, “Ескендірдің ұстазы Аристотель”.
“Мұғалім” сөзі жалпы мамандық, кәсіп атауы. Сондықтан оның қолданылу аясы ұстаз сөзіне қарағанда кеңірек.
“Мектепте ұстаз” емес, “Мектепте мұғалім” дұрыс болады. “Математика пәнінің ұстазы” емес, “математика пәнінің мұғалімі”.
<a href="https://stan.kz/mygalim-men-ystazdin-ayirmashiligi-346813/">Stan.kz</a>

Мұғалім мен ұстаздың айырмашылығы қандай?

<a href="https://kyzylorda-news.kz/">Kyzylorda-news.kz</a>. Әлеуметтік желіде вакцина паспортын көрсеткен жағдайда медициналық маска тақпай жүруге болатыны туралы ақпарат тарап кеткен. Осы ақпаратқа қатысты санитарлық-эпидемиологиялық бақылау комитетінің ресми өкілі Ержан Байтанаев жауап берді.
Бас мемлекеттік санитар дәрігердің қаулысына сәйкес, барлық азамат вакцина салдырып-салдырмағанына қарамастан барлық талапты сақтауы тиіс. Ол – маска тағу, әлеуметтік арақашықтықты сақтау.
Айта кетейік, бұған дейін Денсаулық сақтау министрі Алексей Цой халыққа есеп беру кездесуінде қазақстандықтардың 60% екпе алған жағдайда ғана маска режимін тоқтату мәселесін қарастыруға болады деген еді. Жалпы 14 мамырдағы ақпаратқа сәйкес, елде 1 790 356 адам вакцинаның бірінші компонентін салдырған.
<a href="https://24.kz/kz/zha-aly-tar/o-am/item/473748-ekpe-al-an-adamdar-da-maska-ta-uy-tiis">Хабар 24</a>

Екпе алған адамдардың маска тағуы қажет пе?

<a href="https://kyzylorda-news.kz/">Kyzylorda-news.kz</a>. Биыл күзде мәдениет және архив саласының барлық деңгейдегі қызметкерлерінің айлығы өсуі мүмкін. Мәдениет және спорт министрі Ақтоты Райымқұлова орталық коммуникациялар қызметінде өткен брифингіде осындай мәлімет айтты, деп хабарлайды <a href="https://www.inform.kz/kz/kuzge-karay-madeniet-zhane-arhiv-mamandarynyn-aylygy-osui-mumkin_a3787950">ҚазАқпарат</a>.
<blockquote>
 «Соңғы 12 жылда мәдениет саласында, әсіресе облыстық деңгейдегі мәдениет, өнер, музей қызметкерлерінің еңбекақысы өспеген болатын. 2020 жылдың қаңтарында мәдениет пен архив саласындағы республикалық ұйым қызметкерлерінің айлығы 50 пайызға, жергілікті деңгейдегі қызметкерлердің айлығы 35 пайызға көбейтілген болатын», – деген сала жетекшісі биылғы жоспарға пандемияның кері әсер етіп жатқанын жеткізді.
 «2020-2021 жылдарда пандемияға байланысты бюджет шығындар қайта-қайта түзетіліп жатыр. Биыл күзде елдегі эпидемиологиялық жағдай түзелсе Қаржы министрлігі біз берген өтінімді мақұлдайды деп ойлаймыз. Негізінде Үкімет мәдениет пен архив саласындағы барлық деңгейдегі қызметкерлердің айлығын көбейту туралы бастамамызды қолдап отыр. Күзде кезекті өсім болады деп ойлаймын», – дейді Ақтоты Райымқұлова.
</blockquote>
Министр биыл екі театрға академиялық мәртебе, 5 ұйымға ұлттық мәдениет нысан атағы берілгенін еске салып, соның арқасында аталған нысандардағы қызметкерлердің айлығы өсетінін мәлім етті.
<blockquote>
 «Мәдениет ұйымдарында айлықпен бірге баспана мәселесі де өзекті. Қазақстан иопетекалық компаниясымен меморандумға қол қойған болатынбыз. Соның аясында 2020 жылдан бастап пәтерлер бере бастадық. Биыл да, алдағы жылы да бұл жұмыс жалғасады», – деді Мәдениет және спорт министрі.
</blockquote>

Күзде қандай мамандық иелерінің айлығы өседі?

<a href="https://kyzylorda-news.kz/">Kyzylorda-news.kz</a>. Қызылордада көпқабатты тұрғын үйден өрт шықты. Оқыс оқиға бүгін сағат 10.58-де орын алған.
Оқиға орнынан 13 адам қауіпсіз жерге шығарылды. Сонымен қатар өздігінен жүре алмайтын 1 адам тілсіз жаудан құтқарылды.
Оқиға жөнінде Қызылорда облыстық төтенше жағдайлар департаментіне хабар келіп түсіп, Абай даңғылы бойындағы №48 үйдің бесінші қабатындағы 2 пәтердің балконы жанып жатқаны жөнінде айтылған.
<blockquote>
 «Өрт сөндірушілер оқиға орнына жылдам жетті. Барлау жұмыстарынығ нәтижесінде оқиғаның мән-жайы анықталды. Өрт сөндірушілердің жедел және біріккен іс-қимылының нәтижесінде жоғарғы қабаттан барлығы 13 адам қауіпсіз жерге шығарылды. Олардың 2-і бала. Сондай-ақ, өрттен өздігінен жүре алмайтын бір азаматша құтқарылды. Өрт сағат 11.10-де оқшауланып, 11.18-де толығымен сөндірілді. Өрттің шығу себебі мен шығыны анықталуда», – деп мәлім етті Қызылорда облыстық Төтенше жағдайлар департаментінің баспасөз қызметі.
</blockquote>
<img src="https://kyzylorda-news.kz/wp-content/uploads/2021/05/210514151631462e.jpg" alt="" />
<img src="https://kyzylorda-news.kz/wp-content/uploads/2021/05/2105141519194455g.jpg" alt="" />

Қызылордада көпқабатты тұрғын үйден өрт шықты

<a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a> Қызылорда қаласы әкімінің тапсырмасына сәйкес қаланы аяқ сумен қамтамасыз ету мақсатында арық жүйелерін тазалау жұмыстары, насос қондырғыларын қайта орналастыру жұмыстары қарқын алған.
Қала аумағының орталығындағы арық жүйелері 20 сәуірден бастап Жібек жолы және Сарқырама магистралды каналы арқылы аяқ сумен қамтамасыз етілді.
Сырдария өзенінде су деңгейінің күрт төмендеуіне байланысты қаланы аяқ сумен қамтамасыз етуші насос қондырғыларын қайта орналастыру жұмыстары жүргізілді. Яғни, қондырғылар бастапқы орнынан ауыстырылып, қосымша насос қондырғылары жалғанды. Мәселен, Қорқыт ата монументі жанындағы және Тәуелсіздік даңғылының бойында орналасқан насостық құрылғылар қайта орналастырып іске қосылды. Бұдан бөлек, Сыр Ана монументінің жанынандағы насос құрылғысын да қайта орналастыру жұмыстары жүргізілді.
Дәл осы насос құрылғыларының көмегімен аяқ судың арналарға, арық жүйелеріне түгел жетуі қамтамасыз етілуде.
Сонымен қатар, арық жүйелерінің жеке сектордағы тұрғын үйлердің бойынан өтуі өз кезегінде тұрғындардың аяқ су жүретін арналарға түрлі тұрмыстық қатты қалдықтарды тастауына әкелген. Соның салдары арық жүйелерінің көмілуіне, толықтай аяқ су жүруіне кедергі келтіруде. Дегенмен, қазіргі таңда сала мамандарымен арық жүйелерін тазалау жұмыстары жүргізілуде және бұл жұмыстар қала орталығынан тыс аумақтарда да жалғасын таппақ.
Айта кету керек, арық жүйелерін тазалау жұмыстары тек бір ғана жауапты мекеменің міндеті ғана емес, қаламыздың жасыл желекке айналуына бей-жай қарамайтын әр тұрғынның міндетіне айналуы қажет. Осы орайда, қала тұрғындарын тазалық жұмыстарына қолдау көрсетуге, әр тұрғынды өз үйінің айналасындағы арық жүйелерін қоқыстан тазарту жұмыстарына жұмылуға шақырамыз.
Жалпы, қала бойынша ұзындығы 54,6 шақырым арық жүйелері мен 31,3 шақырым болатын 20 канал бар. Каналдар бойына қаланы аяқ сумен қамтуға арналған 13 насос қондырғылары орнатылса, қосымша жасыл желектерді суаруға арналған арнайы 11 дана жер асты ұңғымалары жұмыс істейді.
<img src="https://kyzylorda-news.kz/wp-content/uploads/2021/05/fb_img_1620984202316.jpg" alt="" />
<img src="https://kyzylorda-news.kz/wp-content/uploads/2021/05/fb_img_1620984204968.jpg" alt="" />
<img src="https://kyzylorda-news.kz/wp-content/uploads/2021/05/fb_img_1620984207708.jpg" alt="" />
<img src="https://kyzylorda-news.kz/wp-content/uploads/2021/05/fb_img_1620984210377.jpg" alt="" />
<img src="https://kyzylorda-news.kz/wp-content/uploads/2021/05/fb_img_1620984212760.jpg" alt="" />
<img src="https://kyzylorda-news.kz/wp-content/uploads/2021/05/fb_img_1620984215235.jpg" alt="" />
<img src="https://kyzylorda-news.kz/wp-content/uploads/2021/05/fb_img_1620984219781.jpg" alt="" />

Қызылорда қаласын аяқ сумен қамтамасыз ету жұмыстары қарқын алды

<a href="https://kyzylorda-news.kz/">Kyzylorda-news.kz</a>. Бүгін Қазалы ауданы әкімдігінде облыс әкімінің орынбасары Серік Сүлейменовтың қатысуымен мәжіліс өтті. Басқосуға облыстық басқарма басшылары мен коммуналдық мекеме және серіктестік директоры қатысты.
Мәжілісте алғашқы болып облыстық жолаушылар көлігі және автомобиль жолдары басқармасының басшысы Мұрат Тілеумбетов сөз алып, аудандағы жол жөндеу мәселелері туралы айтып берді.
<blockquote>
 “Қазалы ауданында жолдарды жөндеу жұмыстары қарқынды жүргізіліп жатыр. Биыл 3 млрд 11 млн теңгенің 35 жобасы қолға алынған. Жыл аяғына дейін жұмыстар толық аяқталады деп отырмыз. Сол уақытта аудандық маңыздағы жолдардың сапасы 82 пайызға жетеді, – деді басқарма басшысы Мұрат Тілеумбетов.
</blockquote>
Мұнан соң Қазалы ауданындағы құрылыс жұмыстары туралы облыстық құрылыс, сәулет және қала құрылысы басқармасының басшысы Бердияр Пірімбетов, ауыз су және электр желісімен қамту, газдандыру жұмыстары жайында облыстық энергетика және тұрғын үй-коммуналдық шаруашылық басқармасының басшысы Руслан Нұрмағанбетов қысқаша айтып берді. Басқарма басшылары өздерінің салаларына қатысты жұмыстардың барлығы кестеге сәйкес жүріп жатқандығын тілге тиек етті.
Кездесуге қатысқан коммуналдық шаруашылық басшылары мен серіктестік директорлары өздерін толғандырған мәселелерді ортаға салып, шұғыл шешімі табу қажет ұсыныстарын жеткізді.
Басқосуда облыс әкімінің орынбасары Серік Сүлейменов Қазалыда атқарылып жатқан жұмыстарға оң бағасын беріп, айтылған мәселелердің барлығы назарда болатынын жеткізді. Сондай-ақ, басқарма басшыларына күн тәртібінде қаралған мәселелер мен айтылған ұсыныс-пікірлерді жіті қадағалауды тапсырды.
Кездесуде Қазалы ауданының әкімі Мұрат Ергешбаев ауданға қатысты әрбір жобаға қатысты ұсыныстарды тыңдап, оған қолдау көрсеткен облыс әкімінің орынбасары Серік Сүлейменовке алғысын айтып, ризашылығын білдірді.
<img src="https://kyzylorda-news.kz/wp-content/uploads/2021/05/fb_img_1620983359252.jpg" alt="" />

Қызылорда облысы әкімінің орынбасары Қазалы ауданына барды

<a href="https://kyzylorda-news.kz/">Kyzylorda-news.kz.</a> Халықаралық отбасы күніне орай облыстық іс-шаралар жоспары бекітілді. Мерекеге орай «Менің тату отбасым» тақырыбында бейнеролик байқауы, «Жеті ата» атты жастар арасында челлендж, «Менің отбасым» тақырыбында фотокөрме, «Ер бала тәрбиесіндегі әкенің рөлі» атты семинар ұйымдастырылады.
Шаралар каратин талабына сәйкес онлайн форматта өткізіледі. Ал бүгін Жастар орталығында «Жас отау» клубы ашылады.
<blockquote>
 “Аты айтып тұрғандай бұл жас отбасыларға арналған клуб. Статистикаға сүйенсек, ажырасушылардың көпшілігі некеге үш жылдың көлемінде тұрғандар арасында орын алады. Клубта кеңестер беріліп, шаңырақтың шайқалмау үшін мәмілеге келтірмек, – деді әйелдер істері және отбасылық демографиялық саясат жөніндегі комиссия хатшысы Қаламқас Каримова.
</blockquote>
Облыста 141 мыңнан аса жанұя бар. Оның 40014 көпбалалы отбасылар. «Алтын алқа» иегері – 4374, «Күміс алқа» иегері – 9781. Он мыңнан астам отбасы атаулы әлеуметтік көмек алады.
Көпшілікке үлгі болып, ұрпақ өрбітіп, қоғамның дамуына үлес қосып жүрген жанұяларды насихаттау мақсатында жылда дәстүрлі түрде «Мерейлі отбасы» байқауы ұйымдастырылып келеді. Аудандық және қалалық кезеңі 15 мамыр мен 15 маусым аралығында өткізіледі. Ал облыстық кезеңі 1-15 шілде аралығына жоспарланған. Облыста үздік атанғандары қыркүйек айында Отбасы күніне орай ұйымдастырылатын республикалық кезеңге қатысады.

Қызылордада &#8220;Жас отау&#8221; клубы ашылды

Kyzylorda-news.kz. Құрбан айт – мұсылмандардың қасиетті мерекелерінің бірі. 2021 жылы бұл мейрам 20, 21, 22 шілде күндері аталып өтеді.
Құрбан айт – Ораза айттан кейін 70 күн өткен соң келетін мейрам. Мұсылман қауымы Құрбан айтты қатарынан үш күн тойлайды. Айт күндері құрбандық шалынады.
Қазақстан заңнамасы бойынша Құрбан айттың бірінші күні – демалыс. Биыл 20 шілде сейсенбіге түсіп тұр.
<h3 id="">Құрбан сөзі нені білдіреді?</h3>
Құрбан – араб тілінде “жақындау” дегенді білдіреді, яғни жасаған сауап істер арқылы Аллаға жақындай түсу. Ал шариғаттағы терминдік мағынасы “шарттарымен санаса отырып құлшылық ниетімен мал бауыздау” дегенге келеді.
Құлшылық жасаудың түп мәні – Жаратушының жарлығына бағыну, разылығына ұмтылу, сауап жинау. Құрбандық шалу тек мал бауыздаумен ғана шектелмейді. Онда адамның ішкі ниеті, шын пейілі, дінге бекемдігі, басқаларға жанашырлығы таразыға түседі. Сондай-ақ пенденің пендешілігі мен мәрттігі, сараңдығы мен жомарттығы да сыналады.
Құрбан айт мерекесінің тарихы сонау Ибраһим (ғ.с.) пайғамбар заманынан бастау алады.
<h3 id="-1">Құрбан шалу кімдерге уәжіп</h3>
Құрбан шалу белгілі бір адамға уәжіп болуы үшін мына шарттар керек:
<ul>
<li>мұсылман болу;</li>
<li>Құрбан айт уақытында жолаушы болмау;</li>
<li>негізгі қажеттерден тыс нисап мөлшеріндегі қаржыға ие болу.</li>
</ul>
Нисап мөлшері – 85 грамм алтын яки құнына тең келетін ақша. Нисап мөлшерінде артық қаражаты болмаса да, кедей мұсылман кісінің құрбан шалуына болады.
Жалпы Ханафи мәзһабында құрбан айтта шамасы жеткендерге құрбан шалу – уәжіп.
<h3 id="-2">Құрбан шалу уақыты</h3>
Құрбан шалудың уақыты Құрбан айттың бірінші күні айт намазынан кейін басталып, айттың үшінші күні күн батқанға дейін жалғасады.
<h3 id="-3">Құрбандық қалай шалынады?</h3>
Құрбандық шалғанда, ең алдымен, құрбан шалынатын жердің таза болуына көңіл бөлу керек.
Малды соятын жерге ұрмай-соқпай апарып, оны құбылаға қаратып, сол жағымен жатқызады. Сосын “Иә, Алла Тағалам, Ибраһим мен Мұхаммед пайғамбарлардан қабыл алғаныңдай менің де құрбандығымды қабыл ала гөр!” деп бата жасалады. Сосын “Аллаһу акбар!” және “Лә иләһа иллаллаһ” деп айтылып тұрады.
Малды қинауға болмайды, сол үшін оны өткір пышақпен бауыздайды. Пышақты малдың көзінше қайрауға тыйым салынады.
Құрбан шалып жатқан адам құрбандықты өз қолымен бауыздағаны абзал. Өйткені, бұл – құлшылық амал. Мал бауыздай алмаған жағдайда қасапшының жанында тұрып, өз көзімен көргені дұрыс.
Сойылатын мал құрбандық ниетімен бауыздалуы керек.
Малдың жаны шыққаннан кейін барып қана терісі сыпырылады.
Құрбан шалғаннан кейін малдың қан-жынын далаға қалдырмай, көміп тастаған жөн. Бұл – құрбандық малына әрі құрбан құлшылығына деген құрметтің белгісі.
<h3 id="-4">Құрбандыққа шалуға болатын мал</h3>
Құрбандыққа қой, ешкі, сиыр, түйе малының еркектерін де, ұрғашыларын да шалуға болады.
Қой мен ешкі ең кемі бір жасар болуы қажет. Дегенмен, алты айлық қозы бір жасар қой секілді ірі, қоңды болса құрбандыққа жарамды. Ал, ешкі міндетті түрде бір жасқа толған болуы қажет. Сиыр екі жасқа, түйе бес жасқа толғанда құрбандыққа шалуға болады.
Түйе мен сиырды 7 адам бірлесіп немесе бір адам жеке шала алады.
Құрбанды ортақтасып шалған уақытта әрбір адам құрбан шалу ниетімен ортақтасуы керек. Бір кісі құрбан үшін, ал екіншісі тек қана етін алу ниетімен ортақтасса, шалынған мал құрбан болып есептелмейді.
<h3 id="-5">Құрбандыққа жарамайтын мал</h3>
Құрбандыққа бір немесе екі көзі соқыр мал, құрбан шалу орнына өз бетінше жетуіне шамасы жетпейтін ақсақ мал жарамайды.&nbsp;
Сонымен қатар тісінің көбі жоқ, мүйіздерінің бірі сынған мал құрбандыққа шалынбайды. Тым әлсіз мал мен құйрығының жартысынан көбі жоқ және құлағы жоқ мал сойылмайды. Лас нәрсемен тамақтанып жүрген мал да құрбандыққа жарамсыз.
<h3 id="-6">Құрбандыққа шалынған малдың еті</h3>
Құрбандық шалған отбасы еттің бір бөлігін өзіне қалдырып, екінші бөлігін ағайын-туыс, көршілерге, ал ұшінші бөлігін мұқтаж жандарға үлестіргені абзал.
Шалынған малдың етін түгелдей кедей-мұқтаждарға таратуға да болады. Егер құрбандық шалған адам аса дәулетті болмаса және отбасында адам саны көп болса, онда құрбандықтың етін түгелдей өз отбасына да қалдыра алады.
<h3 id="-7">Құрбан айт намазына дайындық</h3>
Құрбан айт намазына баратын адамдар сол күні ертерек тұрып, ғұсыл алып, таза киім киіп, хош иісті әтір сеуіп, үйінен көтеріңкі көңіл-күймен шығады.
Ораза айт намазында таңертең мешітке барар алдында үйден құрма секілді тағамдардан дәм татып шыққан абзал болса, Құрбан айтта, керісінше, нәр татпай шыққан дұрыс. Өйткені пайғамбарымыз Мұхаммед (с.ғ.с.) сол күнгі оразасын жаңа сойылған құрбан етімен ашқанды құп санаған.
Сондай-ақ Ораза айтта пітір садақасы берілсе, Құрбан айтта жай садақа беріледі.
<h3 id="nbsp">Құрбан айтта ауыз бекітуге бола ма? &nbsp;</h3>
Зүл-хиджа айының алғашқы он күні Аллаға құлшылық қылып, игі амалдар жасауға ең берекелі күндер болып саналады.
Құрбан айтқа бір күн қалғанда ораза ұстаудың маңызы зор. Яғни, Зүл-хиджа айының 9-шы жұлдызында болатын Арапа күні ауыз бекітуге болады.
<h3 id="-8">Құрбан айт қалай тойланады?</h3>
Құрбан айт намазынан кейін барлық мұсылман ағайын-туыстарға, дос-жарандары мен көрші-қолаңға “Айт қабыл болсын!” айтып, айтшылайды. Үйлерге кіріп, құран оқып, тілек тілейді.
Бір-біріне сыйлық беріп, мерекелік көңіл-күйде жүреді, айттық сұрайды. Қазақ айт мерекесімен құттықтап, айттық сұраған жанның бетін ешқашан қайтармаған.
Ренжісіп қалған адамдар бір-бірінен кешірім сұрап, қайта табысады. Әр шаңырақта қазан асылып, мол дастарқан жайылады.
Сырқат кісілердің көңілін сұрап, арнайы бас сұғу, жетім-жесір, мұң-мұқтаждарға қол ұшын беріп, оларға айттың қуанышын сездіру де өте сауапты іске жатады.
<a href="https://m.sputnik.kz/spravka/20210514/17048164/Qurban-ait-mereke.html">Sputnik Қазақстан</a>

Қазақстан және Қызылорда облысының жаңалықтары: Қоғам

Сенбіге арналған ауа райы болжамы

Қызылордада ауа райына байланысты ескерту жарияланды

Оңталап Жидебаев: Төрт баланың емделуіне қаражат бөлінді

Серік Сүлейменов Жалағаш ауданындағы бірқатар нысандарды аралады

Мұғалім мен ұстаздың айырмашылығы қандай?

Екпе алған адамдардың маска тағуы қажет пе?

Күзде қандай мамандық иелерінің айлығы өседі?

Қызылордада көпқабатты тұрғын үйден өрт шықты

Қызылорда қаласын аяқ сумен қамтамасыз ету жұмыстары қарқын алды

Қызылорда облысы әкімінің орынбасары Қазалы ауданына барды

Қызылордада “Жас отау” клубы ашылды

Биыл Құрбан айт қашан өтеді?

Қазақстан және Қызылорда облысының жаңалықтары: Қоғам

Сенбіге арналған ауа райы болжамы

Қызылордада ауа райына байланысты ескерту жарияланды

Оңталап Жидебаев: Төрт баланың емделуіне қаражат бөлінді

Серік Сүлейменов Жалағаш ауданындағы бірқатар нысандарды аралады

Мұғалім мен ұстаздың айырмашылығы қандай?

Екпе алған адамдардың маска тағуы қажет пе?

Күзде қандай мамандық иелерінің айлығы өседі?

Қызылордада көпқабатты тұрғын үйден өрт шықты

Қызылорда қаласын аяқ сумен қамтамасыз ету жұмыстары қарқын алды

Қызылорда облысы әкімінің орынбасары Қазалы ауданына барды

Қызылордада &#8220;Жас отау&#8221; клубы ашылды

Биыл Құрбан айт қашан өтеді?

Қызылордада “Жас отау” клубы ашылды